رواية قول احبك واترك الدنيا لعيونك

16 - 9 - 2014, 05:03 AM

تاله هربت بسرعه لفوق اما غلا ضحكت بنعومه تستغل الموقف بس ام فيصل اعطتها بالجبهه على قولهم وهي تقول:وحده تضحك بمياصه وبتسيح ووحده تقل منحرفه وش بلاني انا
غلا فتحت عيونها على كبرهم:انا مايصه بسيح حرام عليك ماما
ام فيصل ابتسمت وقالت:خلينا بالمهم في وحده تو كلمتني و وتبي تخطبك لولدها
غلا انصدمت وهي تفكر بحبها لريان وقالت وهي تقوم: انا مو موافقه
************************************************** ************************************************** ************************************************** ********
بيت ابو صقر قبل يومين
ريان وهو منسدح على رجل امه:يمه
ام صقر وهي تلعب بشعره وعينها على t.v :هلا يمه
ريان وهو يعدل جلسته وبتردد بس قالها وهو يبي يخلص:يمه انا ابي اتزوج الحين
ام صقر طالعته عاقده حواجبهاوبصدمه:تبي تتزوج الحين ؟؟
ريان ابتسم وقال وهو يبوس ايد امه:لا مو الحين بس قصدي ابي اتزوج قريب
ام صقر براحه:ايه اشوى بس اخوك الكبير بعده ماتزوج
ريان بطفش:يمااااااا مشاري وتزوج وصقر وملك ودام انعقد قرانه يعني زوجته ولا لازم تجي بيته ترا والله
مايبي لها هالتعقيد
ام صقر بتفكير:انا براسي بنت وبصراحه هي ادب وخلق وعاجبتني
ريان كان بيتكلم بس قاطعته بسرعه:البنت هي غلا بنت صقر الـ....
ريان بغا يغمى عليه من الفرحه بس قال بتمثيل للجديه:ومن غلا هذي بعد
ام صقر تكلمت وبصوتها نبرت استهزاء مزح والضحكه بتطلع:ايه صح من هذي غلا تتوقع اللي اسمها بكل صفحه بكتب الجامعه حقتك
ولا اللي انت حاط حرف اسمها واسمك خلفيت جوالك ولا لاتكون اللي شفت لها تعليقه على مراية السياره مكتوب عليها غلا ومن يوم دخلت سيارتك
شلتها مثل المجانين بسرعه ههههههههههههه
ريان نزل راسه من الفشله وما رفعه الا يوم سمع ضحكت امه قال بنص عين:يعني كاشفتني يا ام صقير وتلعبين بأعصابي
ام صقر ضمته بفرحه وهي تضحك:هههههههههه والله ياولدي مدري مدري انت كيف شفتها وكيف حبيتها بس اللي اعرفه اني من يوم شفت هالبنت وانا ابيها لك
ريان ابتسم بفرحه:صدق والله يمه يعني غلا عاجبتك من زمان
ام صقر:الله الشاهد انها عاجبتني من يوم طاحت عيني عليها اول مره
ريان وهو يروح ويجيب تلفون البيت:يالله كلميهم يمه ابي اخطبها الحين
ام صقر وهي تطالعه بضحكه على حماسه وتاخذ التلفون وتحطه جنبها:ياولدي لا الوقت صحيح ولا قلنا لأبوك بعد خلها بعد يومين واوعدك اكلمهم
ريان:كثير يومين
ام صقر وهي تقوم بضحك على حماس ولدها:اجل خلها لاأسبوع الجاي
ريان بغت تجيه جلطه:لالالا خلاص يومين يومين اللي تامرين فيه
ام صقر وهي تطلع الدرج:ههههههههههههههههههههههه ايه خلك كذا ادب
ريان ابتسم وجلس وكل تفكيره بغلا وكيف تعلق فيها هالكثر
************************************************** ************************************************** ***********************

16 - 9 - 2014, 05:04 AM

بيت مشاري كان جالس بالصاله وتفكيره مو معه تفكيره كله عندها لحاله ومثل اخر فتره مسرح بالتلفزيون بدون ما يدري
وش عليه اصلاً شجن جت بأبتسامه من المطبخ وتنهدت يوم شافت حاله بس هي قررت تتمسك فيه وتنسيه شموخ
رجعت ابتسامتها وهي تقول:شيري حبيبي يالله السفره جاهزه
مشاري مسرررح ومافي اي رد:......
شجن عظت لى شفاتها بقهر وهي تقول بقلبها:ربي صبرني <<هزته على خفيف وحتى بدون ماتطالع بوجهه:مشاري يالله لايبرد الأكل
انتبه لوجودها وابتسم ابتسامه صفره وهو يطالع السفره:ياي حبيبتي شموخ تسلم ايدينك
طالعته وهي تحاول تبتسم وهمست همس مكسور:بالعافيه
جلس وبدون ماينتبه لكلمته غرفت له شجن وبدت تاكل اما هو كان يلعب بالصحن قالت وهي تطالع صحنها:اذا شبعان لاتجبر نفسك
حاول يبتسم وهو ياكل:لا وش شبعان حتى لو شبعان اجوع على الريحه الحلوه هذي
كلمت اكلها بدون اي تعبير لأنها تحس انه دمعتها ممكن تنزل بأي وقت اما هو احترم سكوتها وسكت
************************************************** ************************************************** ***
بيت ابو ريم وتحديداً غرفة ريم
ريم بعصبيه:صقر وبعدين انت وش تبي بالظبط
صقر ابتسم ببرود:قلت لك ما بي زوجتي تشتغل
ريم وتحاول تهدي نفسها:صقر انت ماخذني وانت تدري اني ماسكه محلات ابوي
صقر بقلبه:اللهم طولك ياروح<<وبهدء:ريم انا ما قاصرني شي فـ ليش تشتغلين ليش ماله مبداء شغلك ولا له داعي
ريم غمظت عيونها بعصبيه:ماله مبداء هذا كلام ناس جاهله متخلفه وبعدين انا ماقلت لك اني ابي اصرف على البيت
ومن قالك ان الشغل لازم يكون له داعي انا اشتغل عشان احب شغلي مو عشان مبداء او داعي
صقر بعناد:يعني هذا اخر كلام عندك يابنت عمي <<وهو يشد على كلمته الأخيره
ريم وهي تتنفس بقوه وقهر والدموع والصوت الباكي ملا صوتها:صقر انا زوجتك
صقر يبي يظغط عليها:انا زوجتي تطيعني وما تتخلى عني عشان شغل
ريم ببكا وصوت هامس:بس انا ما تخليت عنك انا تمسكت بعملي وهذا كل شي
صقر تنهد:ريم اذا تبين هالشغل يعني انتي متخليه عني وماتبيني وهذا الشئ برأيي انا لا تقولين
انه موقصدك كذا لانه بنضري كذا
ريم بكت من قلب وقالت بشهقات حزنته وقطعت قلبه:يعني اللي يرضيك اني ما اشتغل هذا اللي يثبت لك
اني احبك وابيك
صقر وهو مررره متأثر بصوتها ودموعها مو هاينه عليه قال بحنان:ريم ياقلبي انا ما اقولك هالشي عشان اكون
سي السيد على قولهم وافرض نفسي عليك انا بس ودي لارجعت البيت من شغلي القالكِ موجوده وتستقبليني ببتسامتك
اللي اعشقها وابي اشوفك كل لحضه بجنبي ما ابي ارجع من الشغل تعبان وانتي نفس الشي ويسير ما يجمعنا الا سرير
انا احبك ياريم وما تزوجتك عشان اتسلط عليك واكرهك عيشتك ولا حتى احرمك شي تحبينه ولأني احبك واعشقك بعد انا اناني
فيك وبخيل مابيك لغيري وما �

16 - 9 - 2014, 05:05 AM

فيك وبخيل مابيك لغيري وما بي وقت شغلي تكونين مشغوله عن تفكيرك فيني ما ابي اكون انا مشتاقلك بينما واحد جاي يشتري
شي من المحل يكحل عيونه فيك انا اناني وبخيل فيك وش ذنبي طيرتي عقلي يابنت احمد
ريم ابتسمت من بين دموعها بحب وقالت بأنفعال (تتلكم بسرعه) :صقر انا والله احبك ومستعده اترك هالدنيا لعيونك وما ابي اشتغل ولا شي صدقني وجودك بحياتي يغنيني
بس انا ابيك تفهم انه اصراري على العمل مو عشان انك بتقصر ولا اي شي السالفه كلها انه هالعمل انا تركت دراستي عشانه ومن زمان سارت
هالمحلات وادارتهم جزء مهم من حياتي بس مهما كانت مهمه صدقني بقلبي وبعيوني انت اهم وانا مـ .....
صقر قاطعها بهمس ذوبها:احبك ريم
ريم تنهدت وردت بهمس دوخه:وانا مو بس احبك الا احبك واموت فيك بس
صقر:لاتقولين بس مشيها على احبك
ريم:لا حبيبي موقصدي اشتغل قصدي انا متفقه مع ابوي اني اصرف نص البضاعه على بداية الأجازه واذا ما صرفتها ماراح اخلف بوعدي
صقر بتفكير:يعني كل السالفه تصرفين نص البضاعه وبعدها خلاص
ريم:يب
صقر:انا بتصرف وانتي اسمعي بكره من الصبح اجمعي البنات و...................................
************************************************** *******************************************

يتبع

16 - 9 - 2014, 05:06 AM

يتبع
بيت ابو فيصل
ام فيصل ابتسمت وقالت:خلينا بالمهم في وحده تو كلمتني و وتبي تخطبك لولدها
غلا انصدمت وهي تفكر بحبها للريان وقالت وهي تقوم: انا مو موافقه
ام فيصل طالعتها بتعجب وهي تشوف بنتها تطلع الدرج وقالت:طيب انتي حتى ما عرفتي مين ؟؟
غلا صرخت لانها وصلت فوق:ولا ابي اعرف
ام صقر وهي تضرب ايدينها ببعض وتهز براسها علامة اليأس:يامثبت العقل والدين ثبت قلبي على ديني خليني اكلم اخيتي بس اسلم عليها
عند غرفة غلا وصلتها رساله خلاتها تفرمل وتاخذ الدوار ماشيه مليون وكان مضمون الرساله
"غلو ياقلبي عرفت لون بابكم يالله عاد فكي الباب ووافقي ترا احتريك لاتتغلين وتطولين علي" ركضت غلا بعد ماقرت الرساله واستوعبتها وهي تحس انه الدرج اطول
من المعتاد ومو قادره توصل نهايته خافت انه امها تتصل وتخبرهم برفضفها وينتهي حبها اللي توه مابداء وصلت اخيراً الصاله وشافت الطامه امها رافعه
السماعه وتنتضر احد يرد ركضت لأمها وهي تسحب السماعه وتقفل الخط قالت وهي تاخذ نفسها:يماااااااااااااااااه ما مداني عيييت على طول انتي ماتنتضرين
ام فيصل وهي فاتحه فمها ومتنحه:نعم
غلا وهي تاخذ نفس وتجلس:انا موافقه
ام فيصل بتعجب:توك رافضته ماكملتي ثانيه
غلا بتصريف:لا كملت دقيقه صدقيني
ام فيصل بتسأل:وش اللي غير رايك ؟؟ فجأه
غلا بسرعه:استخرت وارتحت
ام فيصل ابتسمت:ياخراطه استخاره بدقيقه والراحه على طول
غلا ابتسمت بدلع:ماماتي خلاص
ام فيصل:ايه يالله الحين اكلم ام زياد واعطيها الموافقه
غلا بفجعه وجواتها قالت:ام زياد؟؟ <<تغيرت ملامحها وحست بهذا الشي امها اللي قالت:وش بلاه وجهك تغير
قالت غلا بهمس ودموعها بتنزل لأنها لو رفضت الحين امها بتحس بشي غلط:من ام زياد يعني الولد اسمه زياد
ام فيصل طالعتها بترقب:ايه اسمه زياد ليش متوقعه شي ثاني ؟؟
قامت غلا بدون اي رد ودمعه خانتها وش تسوي الحين ماعاد بيدها شي نادتها امها وهي وقفت بدون ماتلف عليها
ام فيصل سحبتها من ايدها وجلستها بجنبها وهي تضمها:غلا يا ماما انا ما ابي ازعلك ابد ودموعك ماتهون غاليه علي اللي خطبك ريان ولد عبدالله الـ.... <<عقدت غلا حواجبها

16 - 9 - 2014, 05:07 AM

وكملت امها:انا بالحيل مبسوطه لك بس كنت اتمنى تعترفين لي وتفتحين قلبك انا ادري انك عاقله وعلى تربيتي وتعبي فيك انتي واخوانك انشالله ماتغلطون
بس ياحبيبتي افتحي قلبك لي انا امك واذا مانفعتك ما راح اضرك انا والله الشاهد فتحت دفتر لك بالغلط وانا ادور ورقه وقريت الكلام المعسول اللي كاتبته
وبالمناسبه خطك يجنن وكلامك ابيات قصيد ماتوقعت انه الحب يسوي ببنتي الحلوه هالسوايه <<شدتها لحضنها وهي تقول بحب وحنان طاغي:انا يابنتي مابي غير راحتكم بالدنيا
من لي غيركم افتحي قلبك لي دايم وتأكدي انه كل ام اذا ما نفعت عيالها بعمرها ماتضرهم وترى الحب ماهو عيب ولا حرام بس الحب الطاهر اللي ماهو حرام والحب بأخلاق واللي
سواه ريان هو الحب اللي ماهو عيب انا سعيده فيه وماتتوقعين شكثر كبر بعيني
غلا ضمت امها بقوه وهي تقول بدموع وصوت باكي:والله والله والله ماسويت شي ممكن يغضب ربي انا حبيته بيني وبين نفسي
حتى انه عمره ماكلمته غير مره وحده وبالغلط والله واللـ
قاطعتها ام صقر وهي تمسح دموعها:من غير حلفان ياماما انا مصدقتك والله لايضيع لي تعب بتربيتكم انا فخوره فيك يابنتي
والله يشهد انك واخوانك دايم مرضيني الله يرضى عليكم ويحفضكم

حبيتو بيني وبين نفسي
ومئلتلوش على الي في نفسي
معرفش اية بيحصل لي

لما بشوف عينية
مابئتش عارفة اقولة اية
معرفش لية خبيت علية
بضعف أوي وانا جنبو وبسلم علية
كل حب الدنيا ديا في قلبي ليك
ده انت اغلي الناس عليا روحي فيك
ده انت لو ئدام عينيا اشتاق اليك
على بالي ولا انت داري بالي قرالي
والليالي سنين طويلة سيبتها لي
ياانشغالي بكل كلمة قولتهالي
حبيتو بيني وبين نفسي
ومئلتلوش على الي فـ نفسي
معرفش اية بيحصل لي
لما بشوف عينية
مابئتش عارفة اقولو اية
معرفش لية خبيت علية
بضعف ئوي وانا جنبة وبسلم علية
الكلام لو كان يعبر عل الحنان
كنت قولت اني بحبك من زمان
كل يوم الشوق بيكبر عليا بان
على بالي ولا انت داري بالي جرالي
والليالي سنين طويلة سيبتهالي
يانشغالي بكل كلمة قولتها لي
************************************************** *****************

16 - 9 - 2014, 05:09 AM

مر اليوم على ابطالنا واشرقت شمس جديده تعلن يوم جديد واحداث جديده
بيت ابو سيف كانت نايمه وفجأه حست بأزعاج وصراخ فتحت عيونها بأنزعاج وقالت بصوت
كله نوم:انتم يالقرود وش تسون هنا
سحاب وهي تسحب البطانيه:قرود بعينك يا زق قومي بسرعه الحين
شموخ وهي تسحب البطانيه بأنزعاج:بنات البيت بيتكم انا مانمت وابي اناااااام
مايا وهي تنط فوقها وتصرخ بأذنها:شوووووووووووووشووووووو قومي
شموخ دخلت راسها تحت المده:وجع فقعتي اذني
مايا ابتسمت:وهذا المطلوب
نطت عندهم رميم وهي ترفع المخده وبتهديد:شموخ ترى اذا ما قمتي بنروح
البنات بأصوات متفرقه:محنا رايحين
رميم بفشله:ياحيوانات يلعن ابو التفشيله
افياء:خخخخخ لقطي وجهك
داليا وهي تأشر على الأرض:الحقي الحقي خشمك بسرعه بيدخل تحت السرير
رميم:ها ها ها بايخه
البنات وهم يعاندونها:ههههههههههههههههههههههههههههههههههه
رميم:يوووووه منكم
مسكت سحاب جوال شموخ وشغلت النغمه اللي مخصصتها شموخ لفيصل وهنا فزت شموخ وهي تسحب الجوال من الكمدينه
سحاب:هههههههههههههههههههههههههه والله وقومتك
شموخ وهي تمد بوزها:دببببببببببببه
سحاب:مثثثثثثثثثثلك <_<
شموخ عدلت جلستها:هااااااااااه قمت وش تبون
رفيف:نبي ننكد عليك نذاله بس
ريم ابتسمت:لالا بنروح السوق اليوم ابيكم تشتغلون معي بالمحل
افياء:لاااااااااا بالله اجازه هذي
ريم بترجي:بنات بليز انا اتفقت مع ابوي اذا صرفنا نص البضاعه اليوم بوقف شغل
من اليوم واذا لا ف ماراح اوقف لين تتصرف نصها على الأقل ساعدوني بليز
شموخ قامت بحماس من السرير:يالله البس ونروح السوق
ريم ضمتها:ياااااااااااااااي شوشو فديتك ياروح ريم انتي
البنات تحمسو لأنهم بيسون شئ جديد مع بعض
شموخ كانت بغرفة الملابس فجأه طلعت وقالت:ريمووووه عندي فكره تخلي كل البضاعه تطير اليوم
ريم بحماس:وش يأم الأفكار o_o
شموخ ابتسمت شغلي الاب بسرعه وانا بلبس واجي بعد نص ساعه اخذت شموخ شور سريع ولبست جينز سكيني
وبلوزه توب صفرا عليها كتابات بالزهري كان شعرها مغطي ضهرها ومبلول
اول ماطلعت قالت مايا:شووشو لايصفقك الهوا
شموخ وهي تأشر بيدها علامة عدم الأهتمام:كيفو المههم هاتي الابتوب
عطتها رميم الابتوب اللي كانت تشتغل عليه واول ماأخذته شموخ فتحته على الورد
وهي تكتب بزخرفه وشكل حلو(يوجد لدينا منسفة ازياء في القسم النسائي)وسوت لها طباعه

16 - 9 - 2014, 05:10 AM

طالعتها ريم وهي عاقده حواجبها:وش ذا والله احسب عندك سالفه
شموخ طالعتها بنص عين:لاتستهينين بكلامي انا قلت تروح اليوم يعني تروح اليوم البضاعه
توجهت للتسريحه وحطت مسكره وكحل بشكل ناعم وروج زهري وبلشر سار شكلها روعه ومررره كيوت
نشفت شعرها واللي رجع مثل الريش من نعومته ولمته بسرعه قالت وهي تسحب عبايتها وشنطتها:روحو السياره وانا بسير على بابا وماما قبل اطلع
<<وببتسامة نذاله:واسرق نضارت عمكم خخخخخ
طالعوها البنات بأستغراب وراحو السياره اما عند شموخ نزلت الصاله ولقت ابوها ومنال
شموخ ببتسامه:السلام عليكم يا شعب الله المختار
ابتسم ابو سيف ورد هو ومنال اللي ضحكت:وعليكم السلام ورحمة الله وبركاته
سلمت عليهم وجلست بجنب ابوها:بابا حبيبي انا ابي اروح مع الصبايا ممكن
ابو سيف:روحي يابنتي بس لاتتأخرين وانتبهي على نفسك
ابتسمت وباست خده وهي تقوم وتسحب النضاره بخفه:اوكي حبيبي لاتوصي حريص <<ولوحت لهم بيدها وهي تلبس نقابها واللي ابرز عيونها المميزه بلونها وكبرها
والرموش اللي م كأنها الاتركيبه
عند البنات بالسياره قالت شموخ للسواق يمر على المكتبه قبل يروح السوق وطبعاً كبرت الورقه اللي طبعتها وبروزتها بشكل ممير وملفت

بعد نص ساعه السوق اول ماوصلو وتوجهو طبعاً للمحل حطت شموخ اللوحه عند الباب وجلست تحوس وتغير بترتيب الأشياء بالمحل وطبعا رفضت انه ريم تفتح المحل لأنها تبي تحوس فيه شوي
شافوها تتصل كم اتصال وهم جالسين يتفرجون عليها وش تحوس فجأه شافو رجال جاين ومعهم اضواء مثل السهاريات الواقفه واشياء ملونه سوت منضر للمحل بشكل يلفت اي شخص يمر من قدامه
طبعاً انفجعوا البنات وهم يشوفوفونها رايحه راجعه وهي تقول حط هذا هنا وشيل هذا من هنا اخر شي ختمت فيه انهم غطو جزء شوي كبير ببارتشن وحطو وراه مكتب صغنون وحلو وفوقه اوراق وحوسه
انتهت من الحوسه بعد ساعه ونص وحاسبت الرجال وراحو وطبعاً قلبت المحل 200 درجه البنات طالعو المحل بأنبهار يوم خلصت
ريم وهي فاتحه عيونها على كبرهم وبان الأنبهار على شكلها:شموخ يامجنونه وش سويتي قلبتي ام ام المحل بساعه
شموخ ابتسمت:المحل بصراحه كئيب ومره مو ملفت بس الحين اتحدى احد يمر ومايدخله
سحاب بصدمه:انتي الفتاة الخارقه
رميم:من جد الأسم على الجرح

16 - 9 - 2014, 05:11 AM

مايا ابتسمت:شوشو من زمان الفتاة الخارقه وسوبر ومن والأمرئه المطاطيه بعد بس محد منتبه
شموخ بمزح:احم احم
بهذي اللحضه دق جوال ريم وردت على المتصل ببتسامه:هلا
صقر بتسأل:ليش قافله المحل ماجيتو
ريم:الا كلنا جوه
صقر ابتسم:حلو يالله افتحوه
ريم قالت بفرحه:بتنصدم شموخ قلبت ام المحل
صقر بتفكير:وش سوت يعني غيرت محل البلايز فكي المحل بس
ريم فتحت الباب والستاره والشي اللي خلا صقر والعيال اللي جمعهم عشان يساعدونهم يفتحون افواهم على التغير الجذري
صقر بفجعه وتناحه وانبهار:كم لكم تشتغلون بالمحل اسبوع ولا شهر
ريم بحماس:صح تحس لنا اشهر نعدل بس والله كل هذا سار بساعه ونص
مشاري رفع عينه وطالع شموخ واللي عرفها من عيونهاوهو يقول جواته:اللي سرقت قلب وموتته بحبها بأسبوع ما يصعب
عليها تسوي هالشئ بساعه من جد انا كل يوم يزيد اعجابي بهذي البنت ااااه ي شجن وربي مو قادر
دقه ريان وهو يقول:وين وصلت
مشاري تنهد وهو يتمتم بكلام ماسمعه رايان:وصلت مرحله بالحب مافيها رجعه
ريان عقد حواجبه:نعم
مشاري وهو يسحبه:مافيه شي ادخل بس
سليمان وهو يروح لشموخ:دبببببببببه انتي اللي مسويه كل هذا
شموخ وهي تحوطه وتمشي معه:ايه دبتكم سوت كل هذا لا تستهينون فيني
سليمان ابتسم:لا والله انا اشهد انك مو هينه
************************************************** *******

16 - 9 - 2014, 05:13 AM

يتبع
فتحو المحل وكان زحممممممممممممه وكل من مر دخل وشموخ كانت ورا البارتشن وفاصخه عبايتها لانه محد يشوفها وهي طبعاً ممثله المنسقه وكل شوي وحده تدخل لها
دخلت وحده وكانت شموخ تطالع بالمكتب وهي تقرا عن الأشياء اللي تناسب الناس طالعتها شموخ ببتسامه بانت غمازاتها:وش اقدر اخدمك
طالعتها الحرمه بأعجاب وانبهار اول مارفعت راسها:مشالله تبارك الف من ذكر الله
شموخ ابتسمت اكثر:تفضلي
الحرمه:زذاد فضلك شوفي حبيبتي انا سمره ومايناسب علي ....................................
شموخ قامت لبست عبايتها وهي تطلع مع الحرمه وتساعدها بالأختيار بعد ما سألتها كم سؤال

عند افياء:طيب حضرتك وش المقاس
الحرمه:ميديم
افياء:طيب ثواني
الحرمه عطتها بلوزتين بيدها وهي تقول:ولو سمحتِ ابي من هذي وهذي بعد
افياء داخت منها ومن طلباتها:اوك <<كانت تدور بأندماج وهي تقول:بالله احد منكم يجي ياخذ هالبلايز
ابتسم وهو يتقدم لها واخذ البلايز منها وهو يلمس ايدها رفعت عينها افياء وطالعته ببتسامة خجل وهي تأشر بعيونها على الحرمه
نواف ولا هامه الحرمه وهو مبتسم لها الحرمه التهت وبعدت شوي اما افياء قالت بسرعه:نواف لاتعيدها
نواف وهو يمد بوزه:يعني احبك ومشتاق لك وابي اشوفك واكلمك بأي شكل وش ذنبي
افياء ابتسمت بخجل:طيب بلاها هالحركات عشان لانتقابل بالقبر انا وياك اخواني هنا

عند ريم
ريم ابتسمت للزبونه:يعني ماعجبتك هذي طيب عندنا هنا منسقه اذا حابه
الحرمه:لا الله يعافيك بس ناوليني البلوزه اللي فوق هذي <<وراحت تتفرج على الأشياء
ريم توهقت ماتوصل سارت واقفه على اطراف اصابعها جاها صقر من وراها وطبعاً غطاها بطوله وعرضه وسار ضهرها لاصق ببطنه
جاب لها البلوزه اما هي لفت عليه وابتسمت وهي تقول بدلع:وه ياربي لاتحرمني من حبيبي شايفين ياناس طول بعرض كيف
خق على كلامها وقرب لها بس هي مسكت صدره وهربت وببتسامه:وربي مايردنا غير الأصلاحيه بمحل حنا
ضحك على كلامها:لاوالله اجل تتدلعين علي وماتتحملين دلعك

16 - 9 - 2014, 05:38 AM

عند شموخ خلصت من الحرمه وتوجهت للبارتشن وكشفت بسرعه ومانتبهت انه جالس الا يوم رفعت عينها قالت بقوه وهي ترفع الطرحه على شعرها:انت هي
خير وش تسوي هنا
وقف وقرب لها وسحبها لحضنه وشد عليها بقوه:شموخ مشتاق لك والله بموت من بعدك مو قادر اتحمل
حاولت تبعده بكل قواها بس قالت بعد مايأست:مشاري بعد ترى انا بذمة رجال ثاني ومايسير اللي تسويه وبعدين اخواني هنا لو شافوكـ
سد فمها بقهر وبعدها بعد وهو يضرب الجدار بقوه وقال وهو يضغط على ضروسه وعيونه حمممر ووجهه احمر:لا تقولين بذمت رجال ثاني شموخ انتي تحبيني
تحبيني فاهمه وانا ابيهم يشوفونا <<وبهمس وابتسامه:ويعرفون شكثر نحب بعص
خافت منه بس مثلت القوه:انت مريض الله يشفيك من اللي انت فيه انا ما احبك ونسيييييييييييييتك افهم نسيتك الحب مو بالغصب ياشيخ <<ومرت من جنبه بتطلع
بس سحبها على الزاويه وهو يحاول يبوس شفاتها بس هي كانت تبعد وجهها وتبكي بقوه مشاري وهو يتنفس بقوه ويبعد عنها:لهدرجه لهدرجه ياشموخ ماتبيني
شموخ وهي تجلس على الأرض ببكا يقطع القلب وتلم ركبها لصدرها:حرام اللي تسويه فيني والله حرام (ارحمو من في الأرض يرحمكم من في السماء) ياخي انت وش تبي مني
اتركني بحالي <<وبشهقه:والله تعبتني اتركني ابييييي اعيش استوعب انها نزوه واني نسيتك ترا والله بحركاتك هذي تخوفني منك وتكرهني فيك اضعاف اضعاف كرهي لك
مشاري جلس على الكرسي اللي قدام المكتب وبهمس مكسور:تكرهيني يعني انتي كرهتيني وم عاد تحبيني مستحيل تكرهيني مستحيل
قام بقهر وطلع من المحل ومن السوق كله اما هي هدت نفسها وحاولت تتناسى اللي سار بما انه ما احد حس بشي ولا انتبه

مايا وهي تناول الرجال البنطلون:هذا الون اللي طلبته اخوي
الرجال ابتسم وهو خاق على عيونها وعليها:تسلم لي هاليدين
مايا كانت بتروح بعد ماعطته تشميقه بس سمعته يقول:تكفين عطيني رقمك
مايا مشت وطنشته اما سيف اللي شاف الوضع على الأخير سارت عيونه تطلع شرار قرب لرجال وهو ضاغط على اسنانه:انت يا حيوان احترم نفسك <<سحب البنطلون من ايده بقوه
وهو يقول:انقلع برا ماعندنا شي للبيع
الرجال خاف منه وهرب بسرعه اما سيف توجه لمايا بقهر:مايا
مايا لفت عليه ببتسامه:ياهلا بصاحب الهمه
سيف مايبي يعصب عليها بس قال وهو يشد قبضته:غطي عيونك ولا اشوفك تروحين قسم الشباب
مايا حست انه عرف باللي سار قالت بتبرير بعد ما غطت عيونها وشافته بيروح مسكت ايده:حبيبي
سيف كان معصب بس غصب عنه ابتسم على الكلمه وقال بهدؤ:هلا
مايا وقفت قدامه وبان فرق الطول:اسمعني سار تو شي ما عجبني و ...
قاطعها سيف وارتاح انها قالت له ولا خبت عليه:ايه شفت اللي سار عشان كذا اقولك غطي
مايا طالعت يمين ويسار يوم ماشافت احد رفعت نفسها لمستواه وباست خده:ما انحرم �

المواضيع المتشابهه لموضوع: رواية قول احبك واترك الدنيا لعيونك لموضوع: رواية قول احبك واترك الدنيا لعيونك
الموضوع	كاتب الموضوع	المنتدى	مشاركات	آخر مشاركة
اشتاق لك واثرك هنا تحتريني	حنين الأشواق	همس الشعر والقوافي	8	9 - 2 - 2023 01:50 AM
رواية وانتبه لك ترى روحي معك رواية سعوديه للكاتبه	الحب ياسمين	همس للقصص وحكايات وروايات	9	4 - 4 - 2019 10:13 AM
رواية فهد و نوره رواية رومنسية سعودية كاملة	سجات التهاويل	همس للقصص وحكايات وروايات	23	8 - 6 - 2018 01:07 PM
انظر في مر تك واترك مر ة غيرك	نظرة عين	همس المواضيع العامة	4	22 - 2 - 2015 08:58 PM
رواية جيت اقول اني احبك شفت عينك واستحيت	نظرهـ خجولهـ	همس للقصص وحكايات وروايات	14	14 - 4 - 2012 08:49 AM

الذين يشاهدون محتوى الموضوع الآن : 1 ( الأعضاء 0 والزوار 1)

الأعضاء الذين قاموا بتقييم هذا الموضوع : 1

رواية قول احبك واترك الدنيا لعيونك

همس للقصص وحكايات وروايات