رواية قول احبك واترك الدنيا لعيونك

17 - 9 - 2014, 06:44 AM

بيت ابو سيف دخلت البيت وكان هدوء ومافي غير ابوها بالصاله تنهدت بقوه وهي عارفه انها كل ماقربت تكون تخطي خطوتها الأولى للبعد عن هالحياة وهالأهل وهالبيت
لمحها ابوها وابتسم وبصوت مكسور يملاه حب الأب لبنته الوحيده ودلوعته والأهم انها من ريحة الغاليه:شموخ جيتي
شموخ ابتسمت لنبرته المكسوره بدون اي كلمه وجلست وقالت بهمس:بابا قالت لي مايا انه ضبط الموضوع
ابو سيف نزل عيونه للأض عشان ماتبان دموعه اللي بهدب عينه وبتصنع للأبتسامه رفع راسه:ايه ضبط بتروحين مدينة الأضواء باريس
شموخ قالت جواتها بكسره:وكأنها تفرق معي باريس ولا غيرها<<ابتسمت ابتسامه ترضي فيها ابوها اللي هي حاسه زين بتأثره ببعدها وقالت:وااااااااااو باريس تصدق قد ما سافرنا ماقد فكرنا نروحها
ابو سيف تأكد انها تتصنع هالفرح عشان ماتزعله بس قال:شموخ يا بنتي انتي متأكده انه البعد افضل
شموخ:اكثر منما انا متأكده انه اسمي شموخ
ابو سيف:طيب على كذا سفرتك بعد اسبوع والسكن(وبتأكيد)والبدي قارد جاهزين
شموخ غمضت عيونها بألم كانت اكثر شي تكرهه الحكره وانه احد يقعد يحميها فوق راسها وكان اخر حلم لها انها تبعد عن ديرتها وتعيش بره والأهم عن اهلها
تنهدت بقهر وبقلبها:سويت كل شي اكرهه عشان ابعد عنك انت بس يافيصل
ابو سيف وهو يقوم:خليك جاهزه على اسبوع كذا ترا سفرتك الجمعه وفكري زين يابنتي انك تروحين بطفل وابوه مايدري فيه ترى غلط كبير <<وراح وترك شموخ حايره بفكرها كل الناس اتفقوا على كلام واحد
هل هم صح او تفكيرها الصح هل تتبع عقلها اللي يقول لها ابعدي ماله الحق بالطفل او قلبها اللي يقول مهما كان هو ابو الطفل
************************************************** ******************************

17 - 9 - 2014, 06:45 AM

يتبع
بعد 6 ايام بكره سفرت شموخ كانو كل البنات متجمعين عندها يسلونها ويخففون عنها
سحاب:اصلاً وعععع من زينه فيصلوه حتى اسمه كنه فاصوليا هههههههه
البنات الا شموخ اللي تبتسم:ههههههههههههههههههه
ريم نطت بجنبها:وبعدين بس تشوفين باريس وحياة باريس وجمال باريس بتنسينه
شموخ هزت راسها وهي تبيهم يقفلون هالسالفه صح انفصلت عنه برأيها بس ماتبي احد يتكلم عنه اي كلمه
غلط تهينه او حتى تكون غلط عنه
شجن ابتسمت جواتها بأستهزاء على كلام البنات وهي حزنانه على شموخ وجواتها:محد بالدنيا حس بأحساسك كثري انا اللي اعرف هالشعور زين
وهالي ماجربوه عمرهم مايحسون من جد اهنيك على صبرك على كلامهم مع ان البركان بيفيض من عيونك الله يعينك
رفيف بثقه:انسيه ياشوشو ليش متضايقه عليك هم وراح بحاله كابوس وفقتي منه محد نزل دموعك غيره ومحد سهرك وطير النوم من عيونك غيره
وبالأخير انتي بتهربين عشان ماتتقابلون ولو صدفه
انفجرت شموخ هنا وصرخت:بسسسسسسسسسسسسسس خلااااااااااص كلكم الحين سرتوا محللات اجتماعيات اساساً وش دخلكم بحياتي هذي حياتي الخاصه
وبعدين يارفيف انا ماهربت من هنا عشان ما أقابله انا هربت من الناس اللي بتتفلسف وتتكلم نفس كلامكم هذا ماراح يتركوني بحالي وبعدين مين اعطاكم
الصالحيه تتكلمون مره سهل الكلام لكن اللي ماعشتوه لاتتكلمون فيه واذا كنت انفصلت عنه فهو يبقى كان في يوم من الأيام زوجي وابو اللي ببطني وانا(انهار على الأرض بكى
وغطت وجهها بكفوفها)انا احبه احبه احببببببببببه ماتفهمون وبس تتكلمون <<قامت بسرعه وطلعت غرفتها وهي ماتبي تشوف اي احد ومنتضره بكره بفارغ الصبر
مع انها خايفه من الحياة اللي بتواجها وماتدري وش بتكون ضروفها

طيرت النوم من عيوني .. دمعي محى كحل جفوني
كلن قالولي مجنونيي .. لازم تنسيه

ليكـي شو عم يعمل فيك .. لا بيهتم ولا بيحكيكي
ما تخلي حبه يمحيكي لازم تنسيه
شو سهل الحكي مين اللي بيعرف بقلب التاني شو فيه
شو سهل الحكي انا لولا وجوده بعمري .. عمري بينطفي

مر الشتي والصيفية وبعده عم يعذب فيي
حتى الحجر حن علي صار يواسيني
لاموني هالعالم كلا وقالولي عنه إتخلى
غيمة راح تمر انشالله منو ناسيني

شو سهل الحكي .. مين بيعرف بقلب التاني شو فيه
شو سهل الحكي .. انا لولا وجوده بعمري .. عمري بينطفي

طيرت النوم من عيوني .. دمعي محى كحل جفوني
كلن قالولي مجنوني لازم تنسيه .. ليكي شو عم يعمل فيكـ لازم تنسيه

************************************************** ************************************************** ************************************************** ************

17 - 9 - 2014, 06:45 AM

عند البنات طلعت شموخ
مايا بقهر:زين كذا ارتحتوا يعني البنت ماتبي تسمع سيرته وانتم فيصل فيه وفيصل يخطيه
المره الجايه حتفضوا بأرائكم
سحاب وهي مقهوره من نفسها:يا مايا نحنا على بالنا قاعدين نخفف عليها
مايا:لا ما خففتو انتم زدتو جروحها جروح والحين سارت بدل ماتبي تروح من هنا عشان فيصل الحين بتروح بسببنا بعد
رفيف:وش نسوي الحين ؟؟
داليا:اطلعو اعتذرو
مايا بتفكير:لالا لحد يطلع شموخ سايره عصبيه ومو زين على اللي ببطنها تعصب
افياء:استغفر الله العظيمـ
رميم:خلينا الحين نروح وبكره قبل تروح نجي نشوفها
ريم وقفت:اصلاً انا صقر كلمني توه جا يالله مع السلامه
الكل قامو سلمو عليها وكلهم راحو
************************************************** ************************************************** ******************
اليوم اللي بعده فتحت عيونها وتحس بصداع يكسر راسها من قوته تذكرت اليوم اللي قبله وكيف بكت بشكل كبير
قامت من السرير بطيف ابتسامه وهي ماسكه بطنها:اليوم ياماما بنروح ونبعد انت ماراح تزعل مني لمن تكبر وتلومني على بعدك عن ابوك
لازم تكون سند لي سواء كنت ولد اوكنتي بنت<< توجهت للحمام توضت وصلت واخذت شوور لأنه طيارتها بعد ساعتين ولازم تكون بالمطار قبل بوقت
************************************************** ************************************************** ************************************
بيت ابو سيف بالصاله
مايا وهي بحضن الجده وتبكي:يمه ليش هي كذا حضها هي طيبه وحبوبه بس والله حرام اللي يسير فيها
الجده بتفكير عميييق وهي تمسح على شعر مايا:ايييييه يابنتي الله يعينها وبعدين مايحل لك تحرمين شي كتبه الله لا حرام ولا شي
الله يابنتي اذا احب عبد ابتلاه وشموخ بأذن الله محبوبه والله كاتب لها الأفضل انشالله
مايا وهي تمسح دموعها:الله يوفقها ويكتب لها اللي فيه الخير

17 - 9 - 2014, 06:46 AM

بعد ساعه المطار خطت خطوتها الأولى ولا تدري وش وراها اليوم بتبتعد عن اهلها وعالمها عشان انسان واحد ماتدري هل هي تبتعد لانها تكرهه او لأنها تحبه
كانت جالسه وحاطه ايدها على بطنها تتطمن نفسها تذكرت كيف ودعوها بنات عمها واعتذرو منها كانت فرحتها كبيره فيهم بس ماقدرت تبان لأنه يغطي هالفرحه همها
رفضت انه احد من اهلها يوصلها وقررت تروح مع السواق عشان ماتضعف وترجع اذا شافت دموعهم
وقف تفكيرها والدم بعروقها وهي تسمع صوته يعم جميع انحاء المطار لأنه يتكلم بالمايك:شموووخ حبيبتي
لاتروحين انا عرفت بكل شي عرفت بحملك انا ما ابي الطفل بس ابيك انتي ابيك بجنبي ما ابي اخسرك مرتين
يكفي اول مره شوشوني انا احبك والله حياتي ماتسوى بدونك اذا بتروحين روحي وتأكدي اني ببقى احبك وربي ولدي
او بنتي زين وعلميهم لايكرهوني بس انا بنتظرك برا بنتظرك ربع ساعه اذا جيتي فأنتي حافظتي على حبنا وحبي لك
وحبك لي اجتاز اكبر تحدي واذا لا مع السلامه للأبد ياشموخ قلبي احبكـ
عند شموخ انهارت وتنهار اكثر مع كل كلمه يقولها بكي وتقول:احبك والله احبك وابيك بس زوجتك مالها ذنب عيش حياتك وتهنى انا احبك صح
بس ما أقدر اقول الا الله يهنيك
************************************************** ************************************************** ***********************************
بيت ابو سيف الجده كانت متعمقه بتفكيرها وتتذكر يوم ابو سيف كان يكلم شموخ عن يوم سفرتها وكيف سمعت كل المحادثه بينهم
تذكرت الي سار بتنهيده وماتدري اللي سوته صح ولا غلط بس اللي تبيه راحت شموخ لانها على قول مايا طيبه وماتستاهل اللي يسير لها
ابو سيف كان طالع لفوق بهم الدنيا انصدم يوم لقى امه بوجهه وكان وجهها مايتفسر وباين انها معصبه قال بربكه:يمه سمعتي شي
الجده:ماربيتك والله وانا اشهد اني ماربيتك
ابو سيف بتبرير:يمه انا
الجده بحده:عطني رقم فيصل
ابو سيف حرك راسه علامة الرفض:ماقدر يمه هذي بنتي
صرخت امه صرخه هزت البيت:ما يكفي عصيان لي اسمع الكلام وعطن اللي الي ابيه
ابو سيف:ماقدر اكسر بنتي مرتين يمه والله ماقدر
الجده بحده:عبدالعزيز اذا انت ما عطيتن الرقم من طيب نفسك بلقاه انا وانتَ عارفني زين وتدري انه لا حطيت شي براسي اسويه
ابو سيف:يمه عطي البنت فرصه تقرر
الجده بصرخه وحده:عبدالعزيز
ابو سيف تنهد بقهر وفتح جوال امه وحط لها الرقم وقال بترجي:يمه تكفين شموخ عقلها براسها وتعرف الصح من الغلط
الجده طالعته بنص عين:وشموخ بعد انسان والأنسان يغلط ياولدي
ابو سيف عارف انه امه معاها حق بس يمكن لأنه السبب بألي بنته تمر فيه ويبي يكفر عن غلطته

سكت وتوجه لغرفته وهو شايل هم الدنيا على راسه:ياااااارب فرج عن همي واشرح صدري وارحمني وارحم بنتي برحمتك يا أرحم الراحمين

17 - 9 - 2014, 06:47 AM

يتبع
عند فيصل بالسياره كان جالس على اعصابه وخايف انها ماتجي يبيها بأي شكل وبأي ثمن يحبها وما باعها بس الظروف
واللي سار بينهم اجبرته على كل شي سواه تذكر يوم دقت عليه جدة شموخ
(كان منسدح على السرير ومثل العاده شموخ شاغله تفكيره ولا يدري وش بيده غير انه ينتضر خيط يتعلق فيه
دق جواله برقم غريب رد:الوو
وصله صوت حرم كبيره:الوو السلام عليكَم
فيصل:وعليكم السلام مين معي
الجده:وجع يوجع قلب العدوو تسذا احد يكلم مرا كبر جدته ماعلينا
انا جدة شموخ
فيصل بفرحه واستغراب:جدتها ؟؟
الجده:هذا اللي يبيني اذبحه ياولد اترك سالفتي الأساسيه واقعد احتسي عن شجرت العايله
وراك انت حمار اسمع
فيصل بقلبه:الله والميانه يالله دام السالفه فيها شموخ بتحملها:ايه ياخاله اسمع
الجده:انت تحب شموخ ؟؟
فيصل عدل جلسته:الله الشاهد على اللي بقلبي لها
الجده:اسمعني زين اجل شموخ بتسافر باتسر<<(يعني بكره)باسير مدري باريس مدري وشو الحقها ياولدي اذا تحبها
فيصل بتبرير:بس يا خاله شموخ ماتحل لي
الجده بتنهيده:شموخ حامل ياولدي يعني طلاقك منها باطل وعدتها حملها اذا مالحقتها قبل ماتولد فأنساها للأبد
واذا لقيتها بين لها انه هي كل همك والبيبي ما يعني لك لأنه كل خوفها ومخاوفها انك تحرمها منه لاعرفت به
فيصل بفرحه ويحس انه فيه امل كبير:حاظر ياخاله حاظر يالغاليه وانشالله ما ارجع الا وزوجتي حبيبتي بيدي
الجده بفرحه:اعتمد عليك ياولدي اهلها كلهم هنا متضايقين ومحد يبي بعدها اللي انت سببه
فيصل:مشكوووووره وانشالله اكون عند حسن ضنك وقد الثقه )
رجع للواقع بتنهيده وهو يطالع الساعه:الحين مرت نص ساعه وانتي ماطلعتي مع السلامه ياشمووخ مع السلامه يا اجمل من رأت عيني<<مشى بأسرع مايمكن بالسياره بدون حتى مايعرف وين وجهته
بس اللي يعرفه انه مخنوق ومو قادر يركز بشي

تحرمني من قربك... تبعدني عن دربك
بس انت ماتقدر... تمنعني من حبك

كل الحدود الفاصله... عندي انا متواصله
عيني انا دارك... وفقلبي اسرارك

بس انت ما تقدر... تحرمني.. تبعدني.. تمنعني من حبك..!

حاولت تنساني... دورت لاحزاني
مهما بعدت انت... جمبك بتلقاني

كل المشاعر صادقه... تخاف لكن عاشقه
مهما تروح بعيد... عشقي انا بيزيد

بس انت ما تقدر... تحرمني من حبك..!

يا اروع ايامي... يا فرحة احلامي
ترضى تخلي الارض... تموج باقدامي

أحبك انا احبك... وقلبي انا قلبك

بس انت ما تقدر... تمنعني من حبك...!
************************************************** ************************************************** ************************************************** **

17 - 9 - 2014, 06:48 AM

المطار واقفه بطابور المطار وهي تهدي نفسها وتحاول تتناسى كلام فيصل عشان ماتضعف حتى لو كان يحبها هو متزوج الحين
ماشي يامايا هذا وانا قلت لك لاتتكلمين له ابد وانتي وعدتيني الله يسامحك بس رفعت جوالها بدون شعور ماتدري ليه ودقت على غلا
غلا ببتسامه:هلا والله بشوشو كيفك
شموخ ببكا:مو بخير ياغلا مو بخير

غلا بخوف:حبيبتي شوشو وش فيك عسى ماشر انتي وين اجيك الحين
شموخ وزادت دموعها من طيبت غلا وخوفها:انا بالمطار انا رايحه ياغلا
ابي ابعد عن هنا بس دقيت عشان اقولـ <<انقطع كلامها وهي تسمع
تاله ببكى وصراخ:غلا تو كلمونا مستشفى.... فيصل مات
شموخ بصدمه طاح منها الجوال وكل شي فيها يرجف ودموعها مثل السيل على خدها
وهي تردد بهمس:فيصل مات -مات - لا لا ما مات مايمووت لاااااااااا لااااااااااا اهئئئ
طلعت من الطابور وهي تركض مثل المجنونه بدون اي شعور وتوجهت لتكسي شافته وبصراخ:بسرعه بسرعه روح مستشفى ......
التكسي توجه بسرعه للمستشفى على طلبها دفعت له ماتدري كم دفعت له بس اللي تتذكره زين الدهشه على وجه التكسي
دخلت ممرات المستشفى وهي تدور بعيونها عليهم ومر تركض ومره تمشي طاحت عينها على غلا اللي شافت اكبر علامة استغراب على وجهها
غلا بستغراب:شمووخ
شموخ ببكى يقطع القلب وهي ترجف:وينه ياغلا وينه راح وخلاني صح ليش راح طيب وانا وانا ياغلا
غلا مو فاهمه السالفه والكل متعجب ضمتها غلا:شموخ اهدي اهدي
شموخ جلست على الأرض ببكا:احبببببببببببه ياغلا لكنه راح توه كان يقول لي احبك ولاتروحين لكنه راح مات وخلاني
غلا كانت بتتكلم بس وصلها صوت اخوها:يقولون كان تعبان بعد الحادث
لفت شموخ على الصوت بصدمه وقالت ببكى:فيـ فيصـ ل فيصل (كانت ترجف بشكل واضح)
فيصل كانت فرحته ماتنوصف بشوفتها قال بحب:ياروح فيصل
شموخ قربت له شوي شوي وحطت ايدها على خده عشان تصدق انه قدامها:انت عايش مامت عايـ ـش(اغمى عليها بين ايدينه)
فيصل شالها بسرعه وبخوف وطار فيها على غرفة الطوارئ وبعد 3 ساعات فاقت شموخ وشافته بجنبها قالت بهمس:فيصل
فيصل فز بسرعه وطالعها بحب وايده تمسح على شعرها:ياروحه وش سار لك وش فيك

17 - 9 - 2014, 06:48 AM

شموخ وتذكرت وبكت:انت عايش ليش غلا تقول انك مت لييييش
فيصل بستغراب قال:غلا قالت اني مت
شموخ بدموع:انا كنت اكلمها وقالت تاله لها انه فيصل مات
فيصل ابتسم وقام من الكرسي وجلس على السرير بجنبها وهي جلست على طول ضمها له وقال بحب:فهمتي غلط يا روح فيصل هذا اللي توفى الله يرحمه فيصل ولد عمي اللي كان زواجه
قبل تقريباً اسبوع وشي على ندى
شموخ بعدت عنه وطالعته بطفوله وقالت بدموع:يعني انت ماتزوجت
فيصل عقد حواجبه:تزوجت مين تزوجت
شموخ:ندى
فيصل:هههههههههههه الضاهر الأمور كلها متشقلبه براسك ومفسره كل شي بكيفك
شموخ ضربته على صدره بخفيف:لاتضحك
فيصل مو قادر يمسك نفسه من الضحك والفرحه:هههههههه غصب عني والله
شموخ يوم استوعبت اللي تفكر فيه وكل شي كيف سار وكيف بغت تظلمه للمره الثانيه
ومن جد هذي اللحضه م راح تسامح نفسها:ههههههههههههههههههههههههههههههه
فيصل حوط خدودها بيدينه وطبع بوسه على جبينها:شموخ انتي بس قولي احبك واترك الدنيا لعيونك
شموخ:احبك وبس احبك كلمه في حقك شوي
فيصل ابتسم:وانا اعشقك يا شموخ الحمدالله اللي رجعك لي انا اليوم رجعت لي حياتي
شموخ ابتسمت بفرحه وظمته بقووه:ومن سمعك فرحتي ادبال فرحتك
************************************************** *************************************************
طلي بالأبيض طلي يا زهرة نيسان
طلي يا حلوة و هلي بهالوج الريان

واميرك ماسك ايديكي و قلوب الكل حواليكي
و الحب بيشتي عليكي ورد وبيلسان

قلبي بيدعيلك يا بنتي بهالليلة الشعلاني
يا اميرة قلبي انتي سلمنا الامانة

ما تنسي أهلك ياصغيرة
بعينينا ما صرتي كبيرة
ضلي معنا و طيري وطيري ع جناح الامان

شعي متل هالطرحة يا أغلى البنات
صلي تعيشو بهالفرحة لباقي الحياة

و ربي من السما يباركن
كيف ما توجهت يرافقكن
بايام الصعبة ينصركن
ع كل الاحزان

قلك نعم من قلبه و فرح كل الناس
رديها ع قلبو حب و شعلاني احساس

ومنقلك مع السلامة
روحي تحميكي الكرامة
تبقى محابسكم علامة
للحب و الحنان

طلعت شموخ بكامل زينتها وبفستانها الأبيض اللي مبينها ملكه من الف ليله وليله
وبجنبها اميرها اللي خطف عيون كل البنات بهيبته وطلته وعاشو احلى ليله بالدنيا
(ليلة العمر)

يتبع

17 - 9 - 2014, 06:49 AM

يتبع
بعد 16 سنه
بيت سيف
مايا صرخت:حمد خلاص خذها وادخلو جننتوني انا اصلا الحماره اللي سمعت كلام ابوكم
وجبت ولا انا مالي ومال العيال عندي اربع وربي رزقني توأم بعد
سيف ضمها من ورا:حبيبت قلبي تتحلطم ليش
مايا بدلع:تعبوني بس يصارخون ياسيف
سيف طبع بوسه على خدها:اصلاً انا مسوي لك مفاجأه
مايا بحماس:جد والله وش هي
سيف ببتسامه وهو ضامها:تعالوو
دخلو شغالتين قال ببتسامه:كله ولا تعب ميوشتي هذول بيبي ستر بينتبهون على حمد وشموخ
مايا ضمته بقوه وقالت بحب:مشكور حبيبي انت الله لايحرمني منك
************************************************** ****************************************
بيت سحاب ووليد
سحاب وهي واقفه فوق الكنبه مع بنتها شوق:بسرعه ديدو اقتله
شوق:ايه يابابا اقتله لا ياكلني

وليد وهو جالس على الكنبه من الضحك:لعنبو داركم انتي بنتك بطولك وخايفه من فار
وانتي سرتي كبر الحمار وخايفه من فار ياكلك
شوق وهي تتكتف بدلع:باباتي لاتقول علي حمار
سحاب بعصبيه:ياوليد اذبحه ابي انزل الأرض
دخل على صوتهم زيد:يبه وراهم يناقزون على الكنب
وليد:هههههههههه فيه فار وخايفين ينزلون
زيد:هههههههههههههههه اشكلهم تحفه
سحاب بدحلسه:زيود ياولدي تكفى اقتله عشان امك
وليد:اذا قتلته مافي مصروف خلهم معلقين بالسما ههههههههه
زيد جلس وهو يقول بأعتذار:لا معليش يالوالده المصروف جداً مهم وماابي اخسره عشان فار
وليد وزيد ضربو كفوفهم ببعض:هههههههههههههههههههههههههه
************************************************** ************************************************
بيت مشاري
مشاري كان توه راجع من المطار لانه كان مسافر بعمل
شجن بزعل:كذا لاتدق ولاتسأل عني
مشاري:حرام عليك يامجرمه كل يوم اكلمك مرتين الا اخر يومين مرره انشغلت والله العضيم ماقدرت احك شعر راسي
شجن ابتسمت وضمته:اشتقت لك
مشاري ضمها وهمس بأذنها:احبك
دانا جت طايره:بااااااااااااباااااااااااااا حبيبي جيت مره اشتقنالك
لانا:بابا الحمدالله على السلامه نورت السعوديه
مشاري ابتسم:منوره فيكم <<وظمهم وهو يدور بعيونه وقال:الا وين فهد ما اشوفه
شجن:مكشت بالبر مع اخوياه
مشاري:يالله يارب من هالولد
شجن بعدت بناتها وضمت ايدها بيده وهي تهمس له:على فكره حتى انا احبك
مشاري طالع بناته:انتم متى تنامون
شجن دقته:عييييييب
مشاري شالها وطلع لفوق:كيفي والله انتي حلالي
البنات صفقو:وووووووووووووووووووووووووووووووووووووووووه

17 - 9 - 2014, 06:50 AM

نواف&افياء<<جابو بنت وثلاث اولا وعايشين قصت حبهم الطفوليه بمزحها ولعبها
سلطان&دانيا << سلطان عرف انه داليا هي اللي تكلمه بالمسن وعشقها بالحقيقه فوق
عشقه لها بالمسن ادبال وهي بالمثل جابو بنتين ودانيا حامل بولد
ريم&صقر <<ريم بدلعها وعنادها مازالت مولعه صقر فيها وكل يوم عن يوم يزيد حبه لها
جابو ثلاث اولاد وعندهم بنوته صغيره
سليمان&داليا<<عايشين احلى قصة حب بالدنيا سليمان عيشها بالعسل بحبه وهي رفعته فوق القمر
بحبها وعاشو حب اول نضره مثل مايقولون وكان ثمرته اربع بنوتتين كتاكيت وولدين ينشد فيهم الظهر
سطام& رفيف<<سطام دايم يتذكر اول لقاء لهم بالمطبخ ويبتسم على عفويتها رفيف الين الحين ماتدري وين
gameboy حقها وطبعاً سطام مازال يلعب فيه وقرر يهديه لها بعيد زواجهم الجاي جابو بنت وولد
رميم&حمد<<على الرغم من انها كانت مجبوره ورافضته تماماً الا انها عشقته عشق ما عشقه بشر وهو بالمثل
كل يوم تدعي لأبوها اللي غصبها عليه وهو اسعد انسان فيها جابو ثلاث بنات وثلاث اولاد
ريان&غلا<<ريان حب غلا حب حقيقي من اول مره شافها بالمزرعه حبه اربكها واللي علقه فيها انها كانت ماترد عليه
ولا على مكالماته ولا رسايله وتجنبت الغلط وتوجهت لطريق الشرع وريان ما مانع بالعكس رضى وتزوجها وجابو ولد وغلا حامل *
************************************************** ************************************************** ********************* بيت فيصل
قامت من جنبه ببتسامه وهمست:فيصل
فيصل:ياعيون فيصل وروحه
شموخ ببتسامه:تدري احس انه كل يوم حبنا يتجدد مدري يعني من جد ما احس
اني مليت من هالحب وحتى الكلمه الحلوه منك ترد فيني الروح
فيصل ضمها بحب:هذا لأنه حبنا صادق ياشموخ عمره مايقدم والأيام بتضل تجدده
شموخ:الله لايحرمني منك
فيصل بتفكير:شموخ ممكن تتركيني بيوم
شموخ:انا اتركك اتا الدنيا لعيونك يافيصل انت بس قول احبك واترك الدنيا لعيونك
فيصل ضمها بقوووه:احبك واعشقك واموووت فيك
شموخ قامت قبل تبكي وقال:بطلع اشوف العيال
فيصل ابتسم:تهربي تهربي اصلاً بعد كل هالعمر لسه انتي خجوله
شموخ قفلت الباب:دب ماحبك
************************************************** *************
شموخ دخلت الغرفه:يابنتي انتي ماغير جالسه على هالكمبيوتر لا صلاة ولا عباده
صقر من عند الباب:لالا يمه مالك حق والله توها مصليه قدامي خليها تكمل اللي تسويه
شموخ وهي تطالعه بنص عين:لا والله اجل اخليها تكمل اللي تسويه ها
صقر وهو ينسدح بجنبها على السرير:نجوده
نجوده طالعته بنص عين:ماراح تقراها لاتحاول
صقر بقهر:افف طيب متى بتنزلينها
نجود بتفكير:مدري ما جا على بالي لسه
صقر:افففف منك طيب وين بتنزلينها
نجود ببتسامه ا
صقر:لا طبعاً بس علميني وش اسمها
نجود بحالميه لنجاح الروايا:قول احبك واترك الدنيا لعيونك

قولي بس كلمة احبك
واترك الباقي علي

قولها بنظرة عيونك
خذني يا عمري هدية

عشت أنا عمري لوحدي
انتظر لحظة هنية
ارتجي لمسة حنونة
وابتسامة لو خفية

كان ميعادك حبيبي
ليه تتغير علي
كان ميعادك حبيبي
وليــــــــــه تتغير علي

قولي بس كلمة احبك
واترك الباقي علي
قولها بنظرة عيونك
خذني يا عمري هدية

جيت بسال نبض قلبي
الأمل هل لو بقية

المحبة جاوبتني
المحبة لو هنية

أنت أول حب عندي
وأنت أخر شي ليه

قولي بس كلمة احبك
واترك الباقي علي
*****************************************

الـــــــــــــــــــــــــــــــــــنــــــــــــ ــــــــــــــــــــــــــهـــــــــــــــــــــــ ـــايـــــــــــــه

17 - 9 - 2014, 07:27 AM

يعطيك ربي العافيه يا الغاليه
وننتظر جديدك بشوووق

المواضيع المتشابهه لموضوع: رواية قول احبك واترك الدنيا لعيونك لموضوع: رواية قول احبك واترك الدنيا لعيونك
الموضوع	كاتب الموضوع	المنتدى	مشاركات	آخر مشاركة
اشتاق لك واثرك هنا تحتريني	حنين الأشواق	همس الشعر والقوافي	8	9 - 2 - 2023 01:50 AM
رواية وانتبه لك ترى روحي معك رواية سعوديه للكاتبه	الحب ياسمين	همس للقصص وحكايات وروايات	9	4 - 4 - 2019 10:13 AM
رواية فهد و نوره رواية رومنسية سعودية كاملة	سجات التهاويل	همس للقصص وحكايات وروايات	23	8 - 6 - 2018 01:07 PM
انظر في مر تك واترك مر ة غيرك	نظرة عين	همس المواضيع العامة	4	22 - 2 - 2015 08:58 PM
رواية جيت اقول اني احبك شفت عينك واستحيت	نظرهـ خجولهـ	همس للقصص وحكايات وروايات	14	14 - 4 - 2012 08:49 AM

الذين يشاهدون محتوى الموضوع الآن : 1 ( الأعضاء 0 والزوار 1)

الأعضاء الذين قاموا بتقييم هذا الموضوع : 1

رواية قول احبك واترك الدنيا لعيونك

همس للقصص وحكايات وروايات