رواية مجنونة وعاشق اجن - الصفحة 31

27 - 9 - 2014, 09:52 AM

عند طلال وحسن

حسن:أهدأ ماله داعي عصبيتك هذه صل عالنبي ياطلال
طلال يصقع برجله السيارة:أهدأ كيف تبغاني أهدأ وهذا ال*** بدير يستغلني
وربي وربي وربي موته بأيدي مثله مثل طويرق الزفت(طارق هذاك اللي حرق دم فهد واللي عذبه قدام الناس وربطه بالنخلة اكيد عرفتوه يا جماعة صوح؟؟؟)
وركض لسيارته
اتصل على ابتهال
طلال:........
ابتهال ببرود:لا مايراضيني إلا مرض ماتطيب منه
طلال بهدوء غريب:تأمري بشي ثاني؟
ابتهال خافت:ايه
طلال:؟؟ايش هو؟؟
ابتهال:اكرهك
طلال حرك السيارة:عالعموم انا احبك باي حبيبتي
ابتهال بغيض:اكرررهك
طلال صرخ فجأة:لا تقوليها هذا موتي فاهمة موتي
طوووط
حسن يلحقه بسيارته الملقبة بالحزينة على لقبه
اتصل على خالد
خالد:ها حسن شصار؟؟؟
حسن:انا طلعت منها سالمة إلى الأن باقي ردة فعل الجماهير لو عرفوا من أنا
خالد:طلال معصب صح؟
حسن:بشكل جنوني اتركك لأنه قربنا أشوف حشد المعجبين
خالد*حتى بظروف طارئة تمدح نفسك*:ههه باي
حسن:ترى المديح احسن من الغرور باي يا روحي
طوووط

عند طلال اللي منصدم بالجماهير:سلام عليكم
ناظر بشخص نفس ثوب حسن
*بدر*
كان شخص واقف بين سيارة طلال وسيارة بدر
٣٢١ أذهب
ولكن وقفت سيارة حسن الهمر بنفس سيارة بدر اللي ماتوقع وجود الحزين اللي مجنن الكل
كان يبا يتخلص من طلال ويعترف انه مو الحزين وينحاش
لكن وجوده صدمه وصدم الجماهير
حسن نزل من سيارته
فتح لثامه وبصرخة علشان الكل يسمعه:معكم حسن الراليه الملقب الحزين
لكن هذا اللقب انسوه انا اسمي حسن حسن وبسسس
ركب سيارته ومشي فيها بعيد
توقع ان الامور انتهت
بأعترافه
لكن طلع غلطان
طلال صدم بدر وبدر يحاول يصدمه وصار تفحيط عنيف لدرجة ان الجماهير بعدوا عن الساحة خوفا من زهق ارواحهم

27 - 9 - 2014, 09:53 AM

بعد خمس ساعات
ابتهال وقفت فجأة وماسكة قلبها:يمممه

انتهى البارت الأول للفصل١٥

فيصل بيخطب من؟
ابتهال بتسامح طلال ولا؟
بندر مال لآن ياترى بيحبها وينسى حبه لنواره وعلشان كذا مو جايب طاري الزواج؟
شنو نهاية بدر وطلال بتصادم السيارة هل فعلا بدر مات؟
الله بيستجيب دعوة ابتهال ويحرق شكله ؟

27 - 9 - 2014, 09:54 AM

مجنونة وعاشق أجن
$؟،+&%¥"£¤#@&^§؟

همسة : (الطفل ينسى حليب أمه،،،
والورد يفقد عبيره،،،
واللي يحب بعمره،،،
ماينسى حبيبه،،،)
((إيضا كتبته بالجوال))
<<<فديت جوالي أنا
الفصل الخامس عشر

،،،،الجزء الثاني،،،،

__________:السلام عليكم أستاذ بوبندر
بوبندر يوقع على الملف ومقرر يترك الشركة يومين ويروح الشالهيات بالشرقية وبعد ساعة موعد طيارته:وعليكم السلام
من معي؟
____________:احم ولدك طلال عمل حادث
قاطعه بو بندر وكأنه متعود على حوادثه قبل لا تجي مشاعل بيتها كان كل اسبوع مسوي حادث ومن جات ماقام يسوي حادث بس اكيد حادث بسيط كالعادة :لا حول هذا مايتوب بأي مستشفى
________ (شاف ان الوضع يسمح يقول حالة طلال):بمستشفى .......... و
ماخلاه يكمل
طوووط
بوبندر:الله يهديك ياطلال
الو خالد
خالد اللي كان اعصابه تلفانه مايرد عليه لاحسن ولا طلال:هلا عمي شخبارك؟
شخبار الشركة؟
بوبندر:الحمد الله بخير أنا جاي بعد ساعتين أو ثلاث وراجع معكم بعد يومين
ايوا صح
طلال بمستشفى .......... يقولوا مسوي حادث
خالد اللي جالس مع امه والبنات والحريم ومعه بندر وفهد: طلال سوا حادث؟؟؟
ابتهال حطت ايدها بفمها ولا همها سيل الدموع اللي نزلت كثر مايهما شفيه؟؟؟
خالد يسكر وقف بأنفعال وطلع وفهد سبقه بجنون خلفه
بندر عارف ان ماينفع إلاياخذ امه:يلا يمه عارف بتحاتينه وأنا بتلوع كبدي
مشاعل وقفت:عليك برود
بندر:ادري انه ياكسر بإيده أو برجله وشهر يطيب هذا ذيب بسبع ارواح تعودنا على حركاته
بتشوفينه ياكل فص فص حساوي (الحب الأسود)ههههههه
آن تمسح دمعتها:حرام عليك تقول عن أخوك كذا
وصعدت وهي تبكي
بندر يوقف يكلم نفسه:انا شسويت وربي طلول غالي بس هذه هي الصراحة

27 - 9 - 2014, 10:09 AM

خالد وقف السيارة بوسط الشارع
(سيارة ياسر لان سياراتهم بالرياض)
خالد نزل وهو من جد قلقان وهو حاط اخس الأحتمالات ويجهز نفسيته للي راح يسمعه وراح يشوفه
ياسر يكلم أحمد:بل صفع باب السيارة
أحمد نزل :لبقها وراك جيش سيارات تقول هذه البوابه الوحيدة الحمد الله والشكر
(كان بالسيارة
خالد وفهد وياسر وأحمد)

خالد يفتح الفت القزاز وجنبه فهد
وصعدوا لغرف العمليات
أحمد يناظر اللفت:الحمد الله والشكر
ياسر:هههه مطيور هذا فشلنا قدام خلق الله
<<<<<لو تدري أن أخوك حاله مثل طلال هاع

ابتهال :الله يخليك يمه مالي خلق اقنعك<<تحاول تحبس دموعها الحين يشكوا فيها
ألماسه:ماله داعي
مشاعل نزلت مع امها وحتى رنيم تبا تروح واختها ريم بعد
ام بندر:الله يحفظك يا وليدي ادعوا له هذا المجنون ومع السلامة
ام نواره بقلق:وأتصلوا علي ياريم طمنوني
مشاعل سحبت ابتهال اللي تحسها كلمه وحدة او رفض بعد بتنهار:أنا محتاجه حد يوقف معي بمحنتنا وباخذ بهلول وطلعت
بايات
ابتهال (خلاص يارب انا سامحته وربي سامحته نزلت دمعه يارب يارب يارب يكون بخير ومثل مايقول بندر
لله علي نذر إذا هو بخير أختم القرآن بأسبوع واحد)

بسيارة محمد
محمد وفيصل وابتهال ومشاعل
ورنيم

بسيارة علي
علي وبندر وام بندر وريم ولحقتهم نجلاء<<<ملقوفة

ياسر شهق بأقوى ماعنده ومن غير سابق أنذار ضم أحمد اللي انفجر من البكاء على اخوه
خالد مايدري يهدي احمد وياسر
ولا يهدي فهد اللي بيغشى عليه من البكي
وفعلا اول مارفع فهد عينه وناظر بأبوه طاح بالأرض

بو بندر موحاط واحد بالمية ان ولده مو بخير انصدم من حالة العيال
وفجأة سقوط فهد مغشي عليه
طلال مات؟؟؟ولا في حد ثاني؟؟؟

جاو السيارتين
مشاعل مطمنها طنازة بندر
دخلت ودخل الجيش اللي خلفها اللفت

انفتح

مشو

بخطوات

ثقيلة

و

بثقة

27 - 9 - 2014, 10:10 AM

بندر:هذا ابوي ولا يتهيأ لي؟
ام بندر من شافت السرير اللي يشيل فهد وسالم(زوجها)
ركض لزوجها:شفي ولدي
شفييييييييه؟
سالم بخوف لايقل عن خوف سعاد:أنا توني جاي ما ادري شسالفة
خالد متسند عالجدار يناظر احمد اللي هدأ
ويناظر بياسر اللي علامات وجهه جدية وخالية من أي تفسير هل هو حزين عادي يشكك اللي حوله بشخصيته الكوميدية وروح الفكاهة اللي يتميزها هو وطلال
لكن وقت الجد يكون انسان ثاني (ياليت عندي أخو يهديني إذا انهرت او إذا بكيت ونزلت دمعة خالد ؟ياترى راح تذكرني ياحسن ولا راح تنساني أنا بعد؟)
بلع ريقه من وجود ام بندر
واكيد مشاعل اللي تغلي حسن اكثر اخوانها واقربهم
والمشكلة حتى طلال مو خالي

نجلاء بصرخة:تكلم دمي نشف
التفتوا لدكتور اللي يكلم الممرضه وكانوا طالعين من البوابة الموجودة فيها طلال وحسن

الدكتور ما أنتبه انهم يسمعونه:الله يرحمه
هذا جزاء من ارتكب هذه الأخطاء
شاب بعمر الورد
إن لله وإن إليه راجعون
الكل بحالة عدم تصديق
ابتهال بودن سابق انذار اغشي عليها
نجلاء وتحاول تمسك دمعتها
اتجهت لأبتهال
خالد بسرعة:مو طلال اللي مات
ام بندر التفت بسرعة:مو طلال صح وبدموع جد طلال مو هذا اللي ينحكى عنه
مشاعل وكأن احد عطاها صفعة فرح ضمت بندر اللي شالها من الأرض ويضمها
خالد ابتسم نصف ابتسامة على منظر بندر ومشاعل (والله لو يجلس ويشوف شكله كان من جد يتمنى موته هذا إذا جلس):بس هو بغيبوبه
ابتهال اللي صحت بعد شربة المويه،،،
خالد يكمل:الغيبوبه اقلها شهرين
واكثرها سنتين
ومع تأكيد بشلل برجله اليمين
وغير التشوهات اللي بجسمه
ابتهال تجر السيل اللي نزل بالدموع(أنا السبب أنا سالفتي ببتصلح بس هو خسر صحته وأنا اللي دعيت عليه أنا نذلة و حقيرة في أحد يدعي على حبيبه كذا وربي مافيه اه عليك ياقلبي اللي انفطر بغيابك ياطلال تكفى لا تطول بنومتك تراني ما أسوى شي بدونك
راضية بكل شي بس ارجع ما يهمني إلا وجودك سالم
ودخلت بنوبة بكاء)

خالد شافهم انفعلوا اللي يبكي واللي يصارخ علا صوته بالصدمة الثانية وهو يناظر بأحمد اللي يشرب غرشة ماي ويصبه صب كأنه بعمره ما شرب
وبياسر اللي متسند ورافع رجل وشكل حاس ان اخته ومحمد بيسوون مناحة بحضنه لأنه أقواهم بالعواطف او انهم بحياتهم ماشافوا دموعه

27 - 9 - 2014, 10:11 AM

بالشاليهات

أم نواره شهقت وهي ماسكة الجوال
ندى فارغ الصبر:شفيه؟
أم نوارة تسكر وتمسح دموعها بشالها:ياقلبي عليك يا ولدي
لمياء:يمممه بسرعة شعري كله وقف؟؟؟
جويل:بسرعة الله يخليك ياخالتو شبلاه طلولتي؟
ام نواره :غيبوبه وشلل تقول رنيم
آن ولمياء وندى وجومانة ونوارة:مستحيييل
جويل ببراءة:يعني ايش؟
لمياء معصبه:انقلعي عن وجهي
طلعت جويل وهي تبكي

فيصل ضحك على شكلها:مالو الأشقر زعلان
جويل:الزفته لمو أقولها يعني أيش شلل و غيبوبه صارخت علي كأني أنا قلت لطلال خلي فيك شلل وغيبوبه
فيصل وللحين مبتسم:غيبوبه معناتها
لحظه
طلال
استوعب
وركض لشارع العام وعلطول تاكسي
جويل:شفيهم ذولا محد معطيني وجه مولت علي يوم يطرون اجلس جنبهم ويوم كلش حاقريني
وبغرور اطفال:مالت انا اللي كلش بموت عليهم
وراحت تلعب بالأرجوحة اللي تبعد عن البحر بأشوي

بالمستشفى،،،

مشاعل:حسن داخل بعد

خالد بهدوء:حسن احم
فقد حاسة النظر وو

يناظر في دهشتهم
محمد قرب:اي

خالد بأحباط أخذ نفس:وفقد الذاكرة
لأنه جاته صدمة قوية بالرأس
و
ما كمل كلامه
محمد يسدح خالد بالأرض ويمسك رقبته:من ال*** اللي سوا بأخوي كذا وبصرخة خلت اللي حواليه يتردد بأنه يفككهم مننن؟
طلال وحسن هم يفحطوا مع بعض ولا ايش الموضوع تكلممم؟
خالد حس ان روحه بتطلع لكن إذا تكلم محمد بيزيد شكله إذا عصب مايعرف امه
ياسر بسرعة سحب اخوه من فوق خالد:محمد صل عالنبي
محمد ضم أخوه اللي أصغر منه بالعمر واللي يعرفه انه هو اصغر منه بالعقل
ياسر يمسح عليه ولا كأنه طوله
باس جبينه:حبيبي محمد حنا لازم نرجع ذاكرته بأي طريقة وبحسرة الدموع ماراح تنفع
حنا لازم نوقف معه اهم شي ذاكرته ترجع مستحيل اخونا قدوتنا ينسانا
هو لنا حنا

27 - 9 - 2014, 10:13 AM

لازم يذكرنا غصب عنه
محمد ومازال بحضنه:ماراح اتركه وربي ماراح اتركه
احمد مشي للغرفة بيدخل
الممرضه وهي طالعة:خير اخوي؟
احمد ولا كأنه يسمعها
دخل وهي لحقته معصبه
دخل وشاف غرفتين جدارهم قزاز
احمد ببرود:اي غرفه منهم موجود حسن الراليه
الممرضه وشكلها عمرها عشرين وجاية تطبق هاع
تناظر بوقاحة من خلف برقعها طول احمد ورشاقته وعينه العسلية وشعره البني ولبسه
كان جينز أسود
وبلوزه بيضاء نصف كم ومرسوم فيها سيف حوله ثعبان بني واسود
ولابس تحتها بلوزة طويلة سوداء
وقبعة بيضاء

بندر:بتطولين تقزين بالرجال
خالد ابتسم نصف ابتسامة من شهقتها احراج من جد:وه جد فشلة اقول بندخل طيب
الممرضه طلعت وهي تشيل بقايا كرامتها
نجلاء لحقتها ونست انها بوضع ما يسمح لغيرتها:هيه انتي تحسبي ان في حد يقز بخطيبي ويطلع منها سالم
لا ياقلبي الظاهر نسيتي مع من تتعاملي قبل لا تقزي تأكيدي هذا زوجته من العالي ولا
اصلا انا بقول لبابا يطلعنا من مستشفاكم القرف وننقلهم لمستشفى فيه ممرضات محترمات مو
احمد كان طالع لأنه تفشل قدام بو بندر والبنات وسمع كل شي ونسى همه من قالت خطيبي وزوجي شحليله تحب تتملك الشي ومحد يشاركها فيه مالومها مدامها بنت راشد حتى خالد نفسها واكيد اختها
شاف السالفه هواش قاطعها:نجلاء خلاص
الممرضه شافته وركض لأقرب غرفة
نجلاء:ما أكون بنت راشد ان تركتها سالمة وتضرب بالأرض
احمد بهدوء وجدية:تركيها بحالها الله يخليك مو ناقص مشاكل
نجلاء كانت متلثمة:شدخلك انت
خلك براني هذا شي انا اقرره
احمد اخذ نفس عنيييده وماراح ياكلها إلا هذه الممرضه اقلها بتنفص رفع كفوفه بأستسلام لأنه جد ماله خلق
جا فيصل اخيرا:سلام عليكم

ابتهال تحس انها حامل ولازم تتأكد:عن اذنك مشاعل راجعه

راحت تدور بالمستشفى
شافت قسم الأطفال والولاده
السستر:٢٦
تعيد :٢٦
وحده من الحريم:شكلها اللي طلعت من اشوي
ابتهال بتهور:لا هذه انا
ودخلت
الدكتور من غير مايرفع راسه:شخبارك يا فاطمة؟
ابتهال:مو زينه
الدكتور رفع راسه:افا ليه؟زوجك مأذيك؟
ابتهال بفرح ان هذه فطوم متزوجه:لا احس اني حامل
الدكتور شك بالسالفة هذه فاطمة عمرها ٤٥ وتبي تعالج بنتها المغولية
بسبب كبر سنها وهذه ماتجي عشرين
الدكتور متأكد مية بالمية إنها مو فاطمة بس حاب يعرف شسالفتها:تفضلي بالفحص
ابتهال:طيب

27 - 9 - 2014, 10:14 AM

ياسر يبوس راسه:شخبارك
حسن باستغراب:من أنت؟
احمد طلع ما يحب يشوف واحد من اخوانه كذا
مشاعل بكت من قلبها
ام بندر بحكم ان طبيب ولدها ما بعد يجي ويسمح لهم بالدخول دخلت عن حسن:معليه يامشاعل وربي اوعدك ما يجي شهر إلا متعالج بأحسن بلدان العالم
بو بندر بتأييد:افا عليك يا بنتي ربي يشهد ان حسن مثل ولدي
حسن كالأطرش بالزفة
من ذولا؟
ومن حسن؟
ومن أنا؟

الدكتور اخذ نفس:معك الدكتور سعود
ابتهال:اعرف اقرأ مكتوب بالكرت
سعود ابتسم وبذكاء:غريبة يافاطمة انتي من زمان عندي ما قلتي لي اخيرا انك درستي
ابتهال ترقع:بس انت قلت لي انه هنا مكتوب اسمك فحبيت اتفلسف
سعود بجدية يطلع ورقة:متى أغتصبتي؟ وأسمك الكامل؟ وتعرفي من
ابتهال وقفت بأنفعال:دكتور أحترم نفسك
سعود بهدوء :راح أساعدك وعد مني وصدقيني ماراح يدري كأن بشري انك قلتي لي شي
ابتهال بكت :انا ابغي اعرف حامل ولا لأ؟
سعود:لا مو حامل
ابتهال قفزت:جد تتكلم جد؟
سعود فرح لفرحها:ايوا جد
ها راح تحكي لي؟
ابتهال وكأن غرورها وعزة نفسها اللي يكره طلال ترفعهم بوجهه:لا لأن ما في شي احكيه
سي يو
سو سو
وطلعت وهي مالكة الدنيا ومافيها وركض لقسم طلال علشان تتطمن عليه

فهد:يبه متى راح يشيلوا عنه كل هذا؟(ويأشر على طلال اللي كأنه مومياء<<<الوصف اكشن)
بو بندر:اه يا ولدي ياليته فيني انا الشايب ولا فيك
مشاعل قررت تكون قوية مثل ياسر

رنيم كانت طول وقتها بغرفت الأنتضار ماتقدر تشوف ياسر كل الحمل عليه
رن جوالها
كان هو
طبعا هي من زماااان ماكلمته جوال بس رسايل
ردت:ياسر وبكت<<<خوش والله بما انك سمحتي لنفسك تردين مو تبكي المروض تهديه مولت بس

ياسر تنهد :رو رو تراني تعبان اتصل ارتاح مو اسمع دموعك يالغلا
لو دريت ما أتصلت
رنيم ابتسمت غصب مايحب يسمع دموعي:ياسر والله والله والله أحبك واتمنى من كل قلبي ان ربي يفرج عليك وعلى اخوك وعلى العيلة كلها
ياسر:احم عيديها
رنيم ببراءة:ايش اعيده؟
ياسر :اللي رجعت لي دمي وقلبي وأخيرا حنيتي علي تكفين عيديها
رنيم:بالحلال تكون أحلى
ياسر:افهم انك تخطبيني؟
ترى ظروفي ماتسمح
رنيم:ياااسر
ياسر:هههه امزح وربي امزح
رنيم شافته روق:اوكي اخليك أنا باي
ياسر:زعلتي ترى ما أقصد
رنيم:اوكيه بحفظ الله
طوووط
ياسر عقد حواجبه(شف بس ما عادتها لي ولا ردة علي زعلة ولا؟)

27 - 9 - 2014, 10:15 AM

بعد أسبوع
أيام الأختبارات

بوصف حال كل واحد
جويل زهقانه بقوه محد معطيها وجه من بنات اختها
وطول وقتها عالقيم بوي وبدون شك( كراش)
وكل نصف ساعة تتصل على خالد اللي يمشي معها بالخط ومعطيها وجه

نجلاء
طول وقتها تكتب البراشيم
بالقلم والمقلمه والكلينكس
والمساحة
والهندسة والمسطرة وتكتب كذا معلومة عشان إذا أتصلت على خالتها آن
وبالها كله مع الممرضة اللي قاهرتها
ومستحيل تمررها سالمة

ندى جالسة جلسة صحيحة بالمكتب وجنبها كافي وحلى
وورق عنب
وأكيد الكتاب<<<لووول
وقبالها اللابتوب تطبق عملي على البرامج لأن اختبارها عملي <<<أدعو لها تجيب الدكتورة برنامج سهل خخخ

نواره وابتهال يذاكروا مع بعض بما أنهم نفس التخصص
ابتهال حاطه كل همها بالبحث ماتبي تفكر بثانية فيه او بأخباره
ونواره مستغربه حماسها بالحث مع ان اكره طريقة عند ابتهال
ابتهال بضحكة:يالبقرة فشلتينا قدام العرب الدولة الأموية قبل العباسية
شوفي انا بسوي بحث الدوله الاموية وانتي تترجمينه
وبعدين انتي تسوي بحث الدولة العباسية وأنا أترجمه
وبكذا نضمن أنه بحوثنا بأذن الله صحيحة
نوارة:على فكرة هي تبا البحث بالعربية والأنجليزيه
اقل شي مئة صفحة
أحنا عشر صفحات ويالله سترك تشوف خطأ

27 - 9 - 2014, 10:22 AM

ريم بجدية:ايوا فهمت
فهد يبلع ريقه من قربه لها:اوكي طبقي
ريم حابه تضحك:قلت لك فهمت وبنبرة حدة كمل بدون ما تسأل فاهم
فهد بأنطياع<<خاف:اوكي ننتقل لدرس اللي بعده وأي شي تبيني اكرره قولي
ريم:لا اول بطبق المعادلات هذا كيمياء وأخر سنة تباني ازفت
فهد بفرح انها بتطبق:اخر سنة لك وبعدها زواجي
ريم بغباء:من بتتزوج؟
فهد يكتب المعادلات:انتي طبعا في حد ملك هذا القلب غيرك
ريم احمر وجها:ان تكلمت كذا اقوم وطز بالاختبار
فهد:لا لا لا واللي يرحم امك بعدين تتركيني أشتاق لك ماصدقت امك وافقت اذاكر لك
ريم:شفت تقول اشتاق ومدري ايش ترى بجد راح اقوم
فهد مسوي فيها جدي:حلي المعادلة وأن خطأتي يا ويلك

رنيم مشغله فيروز<<فاضيه
وماسكه الجوال
رنيم تحاكي نفسها:أوف ليه مايرد مسوي فيها اللي مايبا يعطلني
ياربيه

(وربي ماراح اذاكر لمن اشوف عالأقل حرف علشان يشجعني أذاكر تراني حلفت)

ثواني وجات رسالة
فتحته:فديته
لكن خاب ظنها والرسالة من مشاعل

(هلا والله أنا زهقانه بقوة بالصباح
بجيك بنصف دوامك أكيد بينقعونك مع اول ثانوي وأنتم مخلصين راح اجي واخذك انتي واختك ريم وبالمرة بشوف صاحباتكم ومدعستكم وبعدين نفطر شقلتي؟)

رنيم(ليه لا موافقه اكيد)

راحت كملت مذاكرتها وهي تتحطم ان ياسر مارد عليها

لمياء عاد غير
قاعده بالصالة والأوراق والبحوث حواليها وجالكسي رايح وبيبسي جاي وبطاطس جاي وحلا رايح
وكل درسين او بحثين تغير بلوزتها وتسريحة شعرها
وطبعا والتلفزيون شغال<<نفس حركتي بالضبط ماعندي وقت
خخخخخ

المواضيع المتشابهه لموضوع: رواية مجنونة وعاشق اجن لموضوع: رواية مجنونة وعاشق اجن
الموضوع	كاتب الموضوع	المنتدى	مشاركات	آخر مشاركة
رواية شياطين تدوس الارواح واو احلا رواية قريتها	البارونة	همس للقصص وحكايات وروايات	12	24 - 12 - 2024 01:34 PM
مجنونة نا بك	حنين الأشواق	همس عذب الكلام والخواطر المنقوله	5	22 - 2 - 2023 03:29 PM
رواية وانتبه لك ترى روحي معك رواية سعوديه للكاتبه	الحب ياسمين	همس للقصص وحكايات وروايات	9	4 - 4 - 2019 10:13 AM
رواية فهد و نوره رواية رومنسية سعودية كاملة	سجات التهاويل	همس للقصص وحكايات وروايات	23	8 - 6 - 2018 01:07 PM
هل نا مجنونة	مزيونة الخليج	همس الشعر والقوافي	9	25 - 9 - 2012 01:10 AM

الذين يشاهدون محتوى الموضوع الآن : 1 ( الأعضاء 0 والزوار 1)

الأعضاء الذين قاموا بتقييم هذا الموضوع : 0
لم يقوم أحد بتقييم هذا الموضوع