رواية مجنونة وعاشق اجن

#1 22 - 9 - 2014, 07:06 AM

رواية مجنونة وعاشق اجن

السلام عليكم ورحمة الله وبركاته

انا من محبي الروايات الرومانسيه

حبين انقل لكم رواية رومانسيه وخياليه وشكلها الكاتبه صغيرة لان خيالها عن جد واسع وحلو الله ينور دربها ان شاء الله

وانقل لكم رواية

مجنونة وعاشق أجن

ــــــــــــــــــــــــــــ

&الجزء الأول&
بمنطقة الشرقية بالتحديد مدينة الدمام بمستشفى......... في غرفة الولادة أمرآة شبه جميله تنتظر أن يخرج مولدوها الخامس وتدعي من صميم قلبها بأن تكون فتاة وليس ولدا خامسا
تنتظر هذه الطفلة بفارغ الصبر والسبب الرئيسي ليس بأنها لم تنجب فتيات لا هو أن زوجها وللأسف من هذه النوعية من الرجال هددها بالطلاق أن لم تنجب فتاة <<<<<تفكير غريب
ولم يكتفي بتهديدها بالطلاق فقط بل هددها بحرمانها من رؤية أولادها ....
وأخيرا وبعد طول انتظار خرج الطفل أو الطفلة ولكن ماهذه المصيبة
7
7
7
7
7
7

الموضوع الأصلي :‎ رواية مجنونة وعاشق اجن || الكاتب : || المصدر : شبكة همس الشوق

22 - 9 - 2014, 07:07 AM

أنها ليست طفلة كما تظن العائلة بل انه الطفل الخامس
أمه لم تفرح به بل بكت لهذا الحظ العكر
وأخذت تسب وتشتم به
سيكون سبب لتعاستها
إلى من تتجه بهذه المصيبة إلى من تستعين؟؟؟؟؟؟
جاء في بالها أختها وجارتها وصاحبتها فضه*أم علي*
<<<<< لاحظوا اتجهت لأختها لم تتجه لرب العباد
جات أختها ركض إلى المستشفى
أم علي: السلام عليكم
الموظف اللي بالاستقبال: وعليكم السلام أختي أي خدمة؟
أم علي: ايوه لو سمحت أختي* جوهره الراليه* بقسم الولادة بأي غرفة؟
الموظف: أسف أختي انتهت الزيارة تعالي زوريها بكره الساعة السادسة صباحا ....الخ
أم علي بخاطرها(كويس أن الزيارة انتهت والله هذا المطلوب):
طيب أنا أبيها ضروري.
الموظف وهو يتأفف: لو سمحتي انتهت الزيارة بكره شوفيها.
أم علي مافقدت الأمل تبتسم بمكر: وإذا عطيتك مئة ريال بس خمس دقائق واحسبهم لي
الموظف عجبته الفكرة ايش بيضر بخمس دقائق: بس خمس دقائق
أم على : افااااااا عليك وهذي المئة واعطته الفلوس ها كم رقم غرفتها؟
الموظف: قلتي لي جوهره ايش؟
ام علي :*الراليه*
الموظف جالس يحوس بالملفات وابتسم لام علي: 666 بالدور الثاني تشوفيه على اليمين
ومبروك المولود يتربه بعزكم
ام علي وهي عارفه الفلوس ايش تسوي: الله يبارك فيك

7
7

22 - 9 - 2014, 07:09 AM

راحت ام علي للغرفه المشتركه وهذا شي عادي جدا
شافت اختها تبكي دم على حظها
اول ما شافتها الجوهره (ام حسن) على طول بدت نوبة البكي وقومت المستشفى كلها بصياحها
ام علي: خلاص يالجوهره انت قلتي لزوجك باللي وصيته لك
الجوهره تهز راسه بايه
: الله يستر من خططك والله خايفه ادخل جهنم علشان ما اتطلق بس.
ام علي: مافي احد ما يبي ولد اشفيك انهبلتي
وغسلت مخها
وراحت ام علي للحضانه وشافت سستر نايمه بمكتبها
انتهزت الفرصه
ودخلت وجالسه تدور على اسم اختها باللوحات الموجوده بالاسره بكل سرير لطفل موجود اسم امه وعائلتها
شافت ولد اختها اخيرا كان يشبه لاخوه الصغير احمد اللي عمره سنه

وجالسه تدور على بنت وأخذت ولد اختها وبدلت بينه وبين بنت مثل القمر
7
7
7
7
ايش هالناس اللي ماترحم أن لله وان أليه راجعون

22 - 9 - 2014, 07:09 AM

وكانت هذه الفتاة جمالها واضح مع أنها توها مولودة
حتى أم علي تسمي عليها وتقري من جمالها الفتان

أم علي جات ببالها أنها تفتح شنطتها(حقيبتها وتكتب كل البيانات الحقيقية لهذي البنت
جاء ببالها تسوي كذا مع أنها مترددة وكتبت كل البيانات الموجودة وكتبت بيانات ولد أختها وصفاته ومن ضمنها ألشامه الموجودة بأيده اليسار")

وركضت لأختها وقالت لها عن اللي صار وأختها للأسف مثل الخروف
تقولي لها يمين تروح يمين يسار تروح يسار وبالذات لام علي أختها
ملاحظه؛ولد اخت ام علي مصاب بمرض القلب

مسكين هالولد انظلم بهذه الدنيا لا اهل يبونه ورموه بكل قسوة لناس مايعرفوهم
وفوق كل هذا مريض بالقلب من هو صغير

*الله يرحمنا برحمته*

ــــــــــــــــــــــــــــــــــــــــــــــــــ ــــــــ

22 - 9 - 2014, 07:10 AM

مرت الايام والليالي
في الرياض في حي من احياءها الراقيه وبقصر من قصورها المخمليه الذي لايخلي من الولائم
والضيوف

فهد لبندر اخوه الكبير: اقول بندر وربي صديقك رايح فيها كل سوالفه وكلامه عن المصارعات والمباريات اف منه
بندر: هههههههه ايش تبيه يتكلم عنه مثلا؟
فهد:يعني عن اخر عطر بالسوق اخر موضوه للجزم........الخ
بندر: أقول يالخكري رح لغرفتك ولا تنسى البديكر والمنكير ههههههه
فهد: ها ها ها ها بايخه
خالد ولد عم بندر وفهد: اقول يابو الشباب.
بندر &فهد:ياهلا والله
خالد: فهد انا قلت يابو الشباب ماقلت ام الشباب
بندر: ههههههههههههههه
فهد: ها ها ها اتركم مع الرجال اللي مثلكم باي انام احسن لي من مقابل وجهكم انت معه
بندر&خالد:خخخخخ
طلال اللي اصغر من بندر واكبر من فهد اخوهم
أكلمكم عن عائلة العالي (((أبو بندر معروف بالسوق هامور مايرحم بالشغل ولا يعرف أخ أو ابن أو صديق في وقت الشغل وحنووون كثير ببيته مع عياله وبالذات لولده الصغير لانه فيه القلب بندر عمره 27 سنه مزاجي وإذا عصب الكل مايوقف بوجهه اتقاء من عصبيته بس عنده حنان كثير على إخوانه ولا يرضى حد يغلط عليهم ويحب شغلات الانتقام والخطط الشيطانيه بس اذا تكون مع الحق مايظلم حد أعزب$ وبعده طلال عمره 26 سنه متهوووور مرررره
بنات الرياض كلها تعرفه أغلى مايملك سيارته وجواله((موبايله)) معروف بسبب تفحيطه بشوارع الرياض
مجنون بالتفحيط وصار له حوادث ماتنعد حتى لو جاء البيت فيه رضوض السبب معروف ماله داعي يسألوه $ وبعده فهد 22 سنه خكري بسبب صوته الناعم واهتمامات بشكله زياده عن اللزوم ومايحب يشتغل بشركة ابوه اللي يشتغل فيها بندر وطلال طلب من ابوه انه يساعده بمبلغ من المال وده يسوي بوفيه وفعلا بوفيته نجحت بمأكولاتها الروعه

22 - 9 - 2014, 07:10 AM

&وبعده رياض 18 اللي انولد بالدمام كانت امه حامل فيه بالسابع راحوا يقضون العطله بالشرقيه عند البحر وكورنيش الدمام ..الخ الا جاء نبء ولادتها بهذا الشهر وهذا شي عادي
لانه حتى طلال انولد بالشهر السابع
فا انولد بالدمام وكانت مسويه فحوصات طلع انها بنت بس اتفاجاءت بانهم قالوا لها انه ولد
بس افرحت فيه واحمدت ربها واشكرته ما اكتملت فرحتها لانه كان مصاب بالقلب خافت عليه بقوه
<<<<<<الزمن غريب ام تخاف من الطلاق اكثر من ولدها هالايام؟
ورياض مايشبه حد لا ابوه ولا امه ولا حتى عمه او اخوانه))
طلال: كأنه الخكري زعلان؟
خالد: عادي هو والمرآه واحد دايم يتزعل ههه
ــــــــــــــــــــــــــــــــــــــــــــــــــ ـــــــــــــ

بالدمام بحي متواضع

مشاعل نايمه كالعاده
أم حسن: هيه يا اصحاب الكهف قومي صلي ونزلي علشان خالتك عازمه ناس قومي ساعديهم
مشاعل تتقلب يمممممممممممممممممممممه خليني بنام كنت سهرانه
ام حسن : واااااااااااااااااااال صار لك 14 ساعه نايمه ولا شبعتي جد اصحاب الكهف
مشاعل : الحين كل هالزن ليه؟
ام حسن : علشان تصلين وتذاكري دروسك
مشاعل: يمه الظاهر للحين مو مستوعبه اني تخرجت ولا ابي اكمل دراسه أي مذاكره خخخ؟
ام حسن: وهذا ما وراك دوام وهالنوم اشلون لو وراك يلا صلي ونزلي لبيت خالتك

22 - 9 - 2014, 07:11 AM

(طبعا ام حسن وام علي خوات متزوجين اخوان ام علي وزوجها اكبر من ام حسن وزوجها لكن ام حسن تزوجت قبلها بابو حسن لانه كان بو علي مصاب بالخبيث اللهم اكفينا عالجوه وزوجوه بام علي وساكنين بنفس البيت ام علي بالدور السفلي وام حسن بالاعلى)
مشاعل : ييييييه كل يوم روحي لبيت خالتك كرهت هالخاله بسبب هالشغل وهذا ماعندها الا بنتين وولد وفوضويين وانا اربع شباب ومنظمين وغرفتهم احسن من غرفتي الا ياسر بس ارحم من غرفت علي

ام حسن: اللهم ارزقني صبر الانبياء
مشاعل: والله على بالي بتقولي ارزقنا بيت لحالنا
ام حسن طلعت من الغرفه تتأفف
طار النوم من اصحاب الكهف قصدي مشاعل
جلست وشافت غرفتها المزبله هههههه
<<طالعه علي خخخ
قامت وراحت للحمام المشترك
وبعدها صلت
نزلت تحت لانه ابوها واخوانها ماتشوفهم الا بالمجلس الخارجي بره

كان حسن جالس على الكمبيوتر
وأبو حسن ماسك الجريده كالعاده ويقرأ
مشاعل : يبه؟
حسن بلقافه: خير يا اصحاب الكهف
مشاعل تهمس لحسن ماتبي تسافر مع وجهك؟
حسن يناظرها وهو عارف انه ابوه مستحيل يرفض طلب لبنته الا جات بعد اربع شباب
ابتسم لها ويغمز
خخخخخ
بو حسن توه حاس ببنته رمى الجريده: هلا هلا بالغاليه هلا هلا بشمعة البيت توه مانور المكان
حسن: نحن هنا تراني البكر كح كح
مشاعل تحرك حواجبها تبي تقهره
خخخ
<<<<<<نفس الحركه اسويها لخواني ههه

مشاعل بدت نوبة البكي المصطنع

22 - 9 - 2014, 07:11 AM

حسن فتح فمه شبرين *عليها تمثيل مو صاحي*
بوحسن حط ايده على اكتاف بنته: شفيك يابابا ياروحه ليه تبكي حد ضايق؟
مشاعل ومازالت تمثل ودموع التماسيح لها جهد كبير وهي تنزل خخخ
: يبه نفسيتي زفت تخرجت والحين مافي دراسه ولا جامعه بالمملكه قبلتني و انا اللي دايام انظف بيتنا وانا ..... وانا......

حسن؟؟؟؟؟؟؟؟؟*شدخل السفر بسالفة شغل البيت والدراسه نشوف اخرتها مع اصحاب الكهف*

وتكمل مشاعل: يبه تكفى طلبتك تقول تم بالاسوع الجاي

بو حسن وانكسر خاطره بقوووووووووووووووه على اغلى شخص بهذي الدنيا: تم يابنت ابوك
مشاعل تسوي نفسها خجلانه موووت
حسن*الان بصمت بالعشره على الايه(ان كيدهن عظيم)*

مشاعل : يبه اخاف تتضايق او....
بو حسن: لا يالغلا والله ماراح اتضايق وقولي ايش تبين
مشاعل : احم كح نبا نسافر يبه حتى لوكان المدينه المنوره نصلي لنا ركعتين بالروضه
ها يبه ايش قلت؟

22 - 9 - 2014, 07:12 AM

بو حسن : افاااااااااااااااااااااا يالغاليه بس كذا انتي تامري امر اسبوع الجاي احنا بالمدينه كم بنت عندي
دخلت ام حسن وهي تناظر بنتها مشاعل
بحقد وغيررره لانه من جات هالبنت وصار بو حسن خاتم بصبعها
اللي يقهرها انها احلى وحده بالعائلة وحتى
خلق الله يشكون بانها بنتها
كانت مشاعل لابسه تنوره توصل لتحت الركبه &حرير صناعي طبعا&
لونها اورنج ولابسه بلوزه بنفس اللون لاكن اغمق
واكيد كحل وروج ماسكره
<<<<<<<<انا هذا الشي اساسي بحياتي خخخ
كان شعرها اطول شعر بالعيله واطول شعر بالمدرسه طويييييييييييييييييييل مرررره
اسود نااااااااااااااااعم نوعمته وطوله تذبح
وعيونها سودااااء تشبه رسمة الثعالب بعيونها
<<<<<<<احلى يالوصف خخخخ
ورموشها كثااااار وطويله وشفايفها مثل التوت <<<<على مقيلت بنت خالتها اللي بالرياض
رشيقه مره طولها حلوو
من النوع اللي يهتم بشكله بالمره
وخاصة اظافرها * لدرجة ان خلت اخوها ياسر يروح للمدرسه ويكلم المديره بالتليفون اللي عند الفراش انها مالها شغل باظافر اخته ولا بتندم قد شعر راسه*
ا
<<<<<<<<اخوها شي خخخخخ

22 - 9 - 2014, 07:13 AM

ام حسن ماخلصت من تفحصها والله حلوووووووووووووووووه
حسن: ها يمه ايش رايك؟
ام حسن : بايش؟
بو حسن : الحين ساعه وحسن يقولك والحين تقولي بايش جد فاهيه
مشاعل : ههههههههههههههههههههههههههههههههه
حسن يناظر اخته يعني استحي على خشتك ولا تضحكي

ام حسن زااااااد حقدها اكثر واكثر ياليتني تطلقت ولا سويت اللي سويته
حسبي الله عليك يام على كانك دمرتي حياتي بروح جهنم بسببك

ام حسن: ايش كنت تقول ياحبيب ماماتك
اما مشاعل افقعت ضحك بعض المرات تحس انها مو امها كانها شريجتها: هههههه
ههههههههههههههه كنا نقول يادلوعة البابا<<<<<تقهرها
ان اسبوع الجاي بنروح المدينه

حسن : عن اذنكم الشباب ينتظروني
ام حسن ياحسن مانيب محللتك ليوم الدين اذا رايح تفحط او........
حسن يتافف: يمممممممممممممه ليه تقولي كذا يعني حتى هوايات ممنوع بالبيت

مشاعل : يمه هو بيروح يفحط بالبر مو بوسط الدمام
بو حسن تدخل: يام حسن اولدك كبر ماهوب بزر تكلمينه كذا صار عمره 23 وانتي تكلميه كانه بزر

حسن ابتسم حتى عمره مايعرف اكيد مشاعل اللي يعرف عمرها:
يبه عمري 26

مشاعل:هههههههههههههههههههههههههههههههههههههههههههه ه
قويه يبه كم عمري؟

بو حسن : عاد انتي الغاليه حتى لو فقدت الذاكره بتشوفي اني مانسيت كم عمرك

حسن يناظرهم حس بالقهر اشوي
عن اذنكم
وطلع حست مشاعل انها بموقف غلط راحت وراه

:حسونه حبيبي

المواضيع المتشابهه لموضوع: رواية مجنونة وعاشق اجن لموضوع: رواية مجنونة وعاشق اجن
الموضوع	كاتب الموضوع	المنتدى	مشاركات	آخر مشاركة
مجنونة نا بك	حنين الأشواق	همس عذب الكلام والخواطر المنقوله	5	22 - 2 - 2023 03:29 PM
رواية وانتبه لك ترى روحي معك رواية سعوديه للكاتبه	الحب ياسمين	همس للقصص وحكايات وروايات	9	4 - 4 - 2019 10:13 AM
رواية فهد و نوره رواية رومنسية سعودية كاملة	سجات التهاويل	همس للقصص وحكايات وروايات	23	8 - 6 - 2018 01:07 PM
منيات مجنونة	مزيونة الخليج	همس المواضيع العامة	4	3 - 8 - 2015 07:32 AM
هل نا مجنونة	مزيونة الخليج	همس الشعر والقوافي	9	25 - 9 - 2012 01:10 AM

الذين يشاهدون محتوى الموضوع الآن : 1 ( الأعضاء 0 والزوار 1)

الأعضاء الذين قاموا بتقييم هذا الموضوع : 0
لم يقوم أحد بتقييم هذا الموضوع

رواية مجنونة وعاشق اجن

همس للقصص وحكايات وروايات