رواية مجنونة وعاشق اجن

27 - 9 - 2014, 10:23 AM

جومانة:محمممد
محمد ياخذ مفاتيح السيارة:اوكي اوكي اسف والله اسف يا أخصائية علم نفس
ويكمل كم سنة بقالك؟
جومانة:ثلاث سنوات
محمد يفتح الباب:بالحلم تكملي
جومانة:ماتقدر لأنو شرطي الوحيد بالعقد
محمد طلع وهو يتحطم زهق وهي تذاكر بأخلاص

27 - 9 - 2014, 10:24 AM

بالصباح

ندى تطلق صرخة اهتز القصر منها:نجوووووله

خالد :يا بنت الناس
ندى انتبهت:هلا والله تو مانور المكان متى جيت؟
خالد:على الثنتين
وماشي العصر بس عندي كم شغله
ندى:شخبارهم؟
خالد:حسن اليوم طلعته بأذن الله
ندى بفرح:جد يعني طاب؟<<<واثقة
خالد:لا مارجعة ذاكرته وعينه لها علاج بره
ندى:الحمد الله طيب طلال
خالد:لا جديد إلاشفيك تصارخي؟
ندى كأنها تذكرت انها متأخرة عالبنات بالجامعة:اوف تأخرنا والأنسه مانزلت
خالد:اروح اشوفها
ندى بصدمة:لا بتصل عليها روح ارتاح
خالد يفتح اللفت:لا تتصلي

عند نجولة
كانت لابسه تنورة سماوية ضيقه إلى تحت الركبه بشوي بعدها تجي نافشه وبلوزة بيضاء سادة بزرارات كبيرة سماوية ورافعة اكمامها واليد اليسرى ساعة خيال بيضاء والعقرب ألماس
والأرقام ذهب
واليد اليمنى مليانه اساور بخيوط وحديد وصوف
ومناكير فسفوري فاقع
بصبع واحد وهو الخنصر والباقي احمر
وحطت ماسكرا زرقاء على لون عينها وكحل
وسوت شعرها باف
ورفعته من وره وشعرها طبيعي مكسر فصاركأنه موجات
ولابسه حلق بحرف a
وبكذا انتهت بس تحس نفسها ناقص شي
صرخة:بروش وحوسة لقت بروش الوجه الضاحك فسفوري مطلع لسانه
نجلاء تناظر بشكلها برضا:وينك يا أحمد لاهي مع اخوك واكيد الممرضة استغلت غيابي هين خالد مايرد لي طلب اخوي واعرفه قدها
طبعا ولا حست بالواقف اللي يراقبها
حطت الروج لحمي وكأنه طبيعي
أخذت شنطتها الفسفورية
واخذت عباتها
خالد يصفق:ذاكرتي يالمتحمسة
نجلاء انصدمت لكن دمعت عينه:متى جيت يالدب وضمته اشتقت لك ياقلبي
خالد :اقول ابعدي وقولي لي خلصتي يالكاشخه الحمد الله والشكر رايحه حفلة مو أختبار مصيري
نجلاء:عادي أنا واثقة من قدراتي وبأمتسامتها:متى جيت
خالد:عالثنتين
نجلاء:بترجع صح؟
خالد:اكيد
نجلاء:متى
خالد:العصر
نجلاء:ابي اقولك شي فضي نفسك لي نصف ساعة بعد الغداء وباسته باي
وركض لأختها
تحس لو تجرأت مع خالد تستحي منه
رن التليفون
اتجه خالد له ورفع:آلووو
مشاعل ما أنتبهت لصاحب الصوت:هلاوي يالدبه اجيك تسع الصباح زين؟
خالد:احم انا خالد
مشاعل تفشلت:هلا خالد شخبار اخواني؟
خالد:لا جديد بس حسن بيطلع جلسته هناك مالها معنى وحجز ابوك بمستشفى ممتاز بواشنطن وهناك رياض بعد شهر موعد حسن
مشاعل:الله يشفيهم طيب وين نجوله
خالد ينرفزها بهدف معين جاء بباله:إذا انتي فاضيه وماعندك شغل خواتي بهذولا الأسبوعين انسيهم عشان يبيضون وجه ابوي بنسبه فلا تشغليهم رجاءا
مشاعل انقهرت حيل هذه اهانة :اها ربي يوفقهم
طوووووط

27 - 9 - 2014, 10:25 AM

ياسر نزل من الطيارة ومعه شنطة سوداء للملفات اللي لازم بو بندر يوقع عليهم

فتح جواله اللي مقفله يومين

ياسر بأبتسامة:اوف وربي ماحطيت ببالي انها راح تذكرني بالاختبارات
رسل لها
((بالتوفيق يا قلبي،،،))

نواره:بسرعه انتي معها
ريم ماسكه الكتاب وتراجع
ولمياء بالدرج تلبس شالها وماسكة العباة

رنيم سكرت الباب حق غرفتها
لكن سمعت رنة الرسايل للجوال
فتحتها بملل وهي تسمع صراخ اخواتها

بعدها اقفزت بحماس
(مشكور ،،،)

بالقاعة
نجلاء:احم احم
١جتا +٢جا=ظتا
شسالفة؟
هيا بهمس تنقلها الأجابة

المعلمة:هيااا
هيا:ها يا ابلة
نجلاء تتصل على آن:خالتو قواعد الجا والجتا

،،،،،

رنيم:اشوى الاسئلة ماي ما كأنها اختبار اخر السنة لسنة ثانية وناسه بنتقل لثالث ثانوي وأخيرا الحمد الله

المعلمة:خلص نصف الوقت من تبا توقع؟

رنيم واكيدين ماتراجع رياضيات:انا يا ابلة

،،،،،
بالساحة
نجلاء:الاختبار كيوت حليته كله وناسه فضل الله ثم آن
رنيم بفرح:وأنا بفضل يسور بعد الله
فديته دعواته مستجابه
نجلاء:مالت شوفي البنات متجمعين شسالفة
رنيم:امشي نشوف الموضوع
نجلاء:اوكي يلا

مشاعل(الحمد الله والشكر اول مره يشوفون حلوة<<<واثقة)

رنيم:ميشو؟
مشاعل:شالقرف ذا؟
مو بنات اولاد
نجلاء:ها بنفطر بره؟
مشاعل طلعت بطاقات خروج:افا عليك اجل وين ريم؟
ريم:هلا سويتي اللي ببالك يعني؟
مشاعل ترفع حاجب وتنزله عالسريع:وهل يصعب امرا على ميشو؟
نجلاء تفتح اللفت:من جابك؟
مشاعل تناظر ريم:وهل يخفى القمر؟
فهودي جابني بسرعة انا جايعة
ريم انا عباتي هنا نزلوا وسابقتكم
نجلاء:أنا هندستي بالقاعة بروح اجيبها وأنزل مع ريم بايات

27 - 9 - 2014, 10:26 AM

باللفت
مشاعل:كأنه اللفت مايتحرك ولا يتهيأ لي؟
رنيم اكبر خوافة:مشاعل جد تحسين ولا تكذبي
فجأة أنطفت انوار اللفت وطاااخ رقى السطح
رنيم ماعندها وقت على طول صرخت وامسكت مشاعل
مشاعل تقفز:يا ربي حماس
رنيم تكح:خنقة احس ما اتنفس
<<<همسة:*(الأنسان عندما يحدث عقله ان هناك مشكلة فأن العقل يترجم لجسمنا اعملوا بأعراضها
مثلا:لو وضعت فتاة في الفريزر او البراد المثلج فتحكي مع عقلها ببرودة المكان فتتجمد من البرد وتموت
وفي النهاية يدرس الحالة و يكتشفون ان البراد لا يعمل فقط الاضاءة
والبنت وهمت نفسها بثلوجة المكان<<<حركات ياأنا اعرف اوصل معلومة

وهذا اللي حصل عن رنيم وهمة نفسها ان المكان مخنوق
مشاعل :الو فهد انا ورنيم باللفت وتعطل علينا
فهد بمزح:ماراح انتظرك وبجدية يلا عاد ترى جايع
مشاعل:فهد قسم بالله اني مع رنيم تعطل علينا الله يخليك شنسوي
فهد:مشاعل من جدك؟

ركبوا ريم ونجلاء:السلام عليكم
فهد:اوكي جاي بايات
نجلاء باستغراب:الحين مشاعل ورنيم قبلنا شسالفة؟؟؟
فهد ينزل من السيارة:تعطل عليهم المصعد

بالدمام
حسن:هذا السرير؟
وجلس يتحسسه
احمد بعطف وشفقة الأخ لأخيه:أيوا اجلس
حسن:خلاص انا بنام
احمد يسدحه ويغطيه:تمسي على خير
حسن:وأنت من أهل الخير يارب

محمد:ها سهل؟
جومانة:يعني بس ماتركت ولا سؤال
محمد:بكره ماعليك شي
جومانة:لا كل يومين مادة
محمد:زين اجل احنا خلصنا بناء الفيلل باقي السيراميك والسجاد والصبغ
وبعدها بندخل بالأثاث
وأحمد وياسر عليهم الأثاث
وانا الصبغ والخ
وابيك تساعديني وهم معتمدين علي ترى
جومانة :اوكيه

27 - 9 - 2014, 10:26 AM

،،،،،،،،&&&،،،،،،،،

نواره:زفتتت
ابتهال:بالعكس مره سهل انا حليته كله
لمياء:مداك الوقت؟؟

عند خالد المندمج بكل حواسه للأجتماع بخصوص بعض الأمور ووجود ياسر ساعدهم بعد
رن جوال خالد اللي تفشل من قلب
&(يتصل بك:فهدان)
:هلا فهد؟
وقف منفعل
:ايييش؟؟؟
وبقلق واضح
:كم صار لهم الحين
وهو يسكر الملفات اللي قباله بتوتر ويناظر الكل
:مسافة الطريق باي

بو خالد:شفيك؟
خالد:مشاعل ورنيم تسكر عليهم المصعد والمشكلة الأمن يشكو انه واقف عند جدار
ياسر:رايح معك
بتبرير:اختي منحبسه ولا اجي
والله هذا اللي ناقصني بعد
خالد:اوكي اي شي يصير بتصل باي
الكل:بحفظ الله
عند المصعد
مشاعل تاخذ شنطتها وتحركها بوجها عشان يجي هواء
إما رنيم انسدحت على رجل مشاعل ووجها صار ألوان
مشاعل:احنا بأي دور؟
رنيم بشك:اتوقع بالسطح
طبعا بنات المدرسه كلهم انحبسوا بثلاث فصول بسبب الرجال اللي دخلوا
سمعوا صوت طق قوي
واحد من فريق الأنقاذ:عندي احساس انهم فوق
تقسموا
واحد بالأرضي
والثاني بالدور الأول
والثالث بالدور الثاني
والرابع بالدور الثالث
والخامس بالسح
كا فهد من ضمن رجال الدور الثاني
جاوا خالد وياسر
طبعا البنات يطلون من النوافذ وانجنوا على الشباب
غير الاستهبال وتناقل الاخبار وتناقل الاحداث
ياسر صعد السطح
وخالد بالدور الثالث

مشاعل:تتوقعي سمعوا؟
رنيم شاده الهمة وتطق باب المصعد بكل ما أوتيت من طاقة واغمي عليها
مشاعل اختنقت بس كانت تتحمل اخذت كتاب وتهف على رنيم واخيرا بكت

ياسر سمع طق من السطح

وافتحه رجالين
وبسرعة التفتوا عشان يمكن مو متغطيات
طلعت مشاعل وهي تبكي ووجها صار احمر بقوة
ياسر:الحمد الله عالسلامة
وشاف رنيم منسدحة:شفيها ما انتظرت تنام بالبيت؟
مشاعل تشيل اغراض رنيم:شيلها تراها مغشي عليها
رفعها :شوفي وجها بنفسجي غطوها بالعباة وركض لتحت
خالد :ها
مشاعل حست ان الطاقة انتهت
وطراخ لكن خالد لحق عليها وشالها
وعلى طول عالمستشفى
((هذا الموقف صار بمدرستنا بس اللي تعطل عليها المصعد وحده وضلت ساعة كامله وجا اخوها واعيال عمها<<على نقل البنات
بس ذاك اليوم انحبسنا بالفصول والأكشن بالموضوع انه مابقى على نهاية الدوام إلا خمس دقايق بس ربي ستر ومارجعنا البيت إلا عالثنتين خخخ))

مر اسبوع بدون احداث مهمة
<<<اختبارات
بس ان مشاعل راحت الدمام مع ياسر وخالد
علشان تساعد جومانة واخوانها بتأثيث الفيلل
وخاصة انه امهم وخالتهم بيطلعون بعد اسبوعين وعليها كم يوم يبغون يفاجئونهم

27 - 9 - 2014, 10:27 AM

وعالأسبوع الثاني أنتهوا التأثيث

وكمان مافيه احداث مهمة

:::::::
انتهت الأختبارات
وأخذوا النتائج

عند ابتهال
تحاول تستوعب
فيصل فرحان لأخته بقوه:الف الف الف مبروك اشهد انك بيضتي وجهي
ابتهال دمعة عينها من الفرح:مو مصدقة مارسبت وبولا مادة
ولا جيد جدا
كل بنات الجامعة حملوا كم مادة بس انا واربع بنات مو مصدقة
فيصل ابتسم:وإن شاء الله السنة الجاية كذا بعد
ابتهال سجدة لله شكر

:::::
نجلاء أشوي وبتبكي:لا عدال يالشاطر مذبح نفسك بالمذاكرة
خالد رفع حاجب:يكون بعلمك أن نسبتي يوم كنت بثاني ثانوي
٩٩،٥٥%
وبثالث ٩٧،٨٨% وبأسلة وزارة مو أنتي يالبنت ماخذه ٩٢% فشلتينا قدام خلق الله
وربي مالك سفرة بهذه السنة
نجلاء بكت:لاااا
جويل تحرك حواجبها:وه وه وه ماراح تستانس نجوله هذه السنة وتكلم خالد
اقول وأنا خالتك ابغي اروح لجزر المالديف وش رايك؟
نجلاء رمت عليها المخدة:قليلة أدب كيف تسافري بدوني
وبكبرياء تمسح دموعها
اصلا من له نفس يسافر وولد عمه بغيبوبه
وبحماس:متى بننزل لشرقية؟
خالد:امم اليوم الأربعاء؟
بنمشي يوم الأحد وبترقب وشكلنا بنجلس شهر علشان طلال وانقضيها سياحة داخلية
نجلاء بقرف:وع ما احب السياحات الداخلية
وتبتسم بس احس الدمام غييير<<<احم احم شوكرا
خالد:مجروحة بصمت ترانا نمدح الدمام ما نمدحك يعني

27 - 9 - 2014, 10:28 AM

ريم:الله يبارك فيكم وأخيرا بدخل جامعة وحركتات هههه
لمياء:ماشاء الله نسبتك تبيض الوجه ٩٦%
مو شينه
ريم:على فكرة ترى تراكمي ولا تنسي اني شهر ماداومت ولا كان جبت احسن
رنيم :طيب ماحزرتو كم نسبتي؟
نوارة:من ساعتين واحنا نحزر
وبنظره مرعبه
رنموه لا يكون رسبتي؟
رنيم:مالت عليك بس
وقفت فوق الطاولة بالوسط
:سأحصل اخيرا على جائزة الدوله
نسبتو بعد قول ماشاء الله
١٠٠%
ترلالاااا
ام نوارة جاية من المطبخ:كللللوووووش
والله لأسوي عشر ذبايح لك ولأختك ريم وأوزها على قرية مجاعية
رنيم قفزب من الطاولة:احبك ياأحلى ام انتي وباستها براسها
نوارة مسحت دمعتها:يابعد عمري تستاهلي كل خير وضمتها
ريم:الله يوفقك يارب الف الف الف مبروك يابعد قلبي
لمياء:تذكري يوم اجيب بثاني ٩٥%وبستيني فرحا
انا راح ابوسك بوستين إلا ربع
الكل:ههههههههه

طبعا واكيد ياسر عرف النسبه من فرحته عزم اخوانه بمطعم حتى حسن اللي مايدري وين الله حاطة والكل جاهل عن السبب ههههههه

:::::::::::
جومانة جهزت حفلة بفيلتها عشانها نجحت بأول سنة وباقي لهاثلاث سنوات خخخ
طبعا هي ماخذه فيلة كاملة مع زوجها وعلي له ملحق بالحوش
وإذا جات امها راح تسكن معاهم
والفيلة الملاصقة حقت ياسر
إذا تزوج
واللي جنبها حقت حسن
واللي قبالهم بالشارع فيله اصغر حق احمد وجنبها فيله حق رياض وجنبها أرض فاضية وهذا بيتهم السابق
حاليا الشباب بفيلة ياسر
لأنها ملاصقة لفيلة محمد
(يعني ثلاث فيلل جنب بعض من الكبير حسن ومحمد وياسر)
وقبالهم(فيلتين لأحمد ورياض وارض فاضية)
والأرض توها منهدمة بهذا الأسبوع
واشترى الأرض علي ولد عمهم
وحاط تصميم بباله وأول مايكمل المبلغ راح يبنيها
واكيد بيسكن امه معاه

::::::::
يوم السبت

الكل يجهز ملابسه وعفشه خخخ علشان بيروحوا المطار من فجر الله

وفعلا
راح الكل
وكانوا حاجزين بشيراتون

::::::
كانوا البنات جالسات بغرفة آن وجويل بأستثناء مشاعل اللي من الاختبارات موجودة
رنيم وضحت سعادتها بالرسالة
((بأسمي وبأسم العالم جينا نهنيك:،*
وفي يدنا ورود الكون نهديك:،*
حقك على زمانك يحتفل فيك:،*
الف الف الف الف الف الف الف
الف الف الف الف الف الف
الف الف الف الف الف
الف الف الف الف
الف الف الف
الف الف
الف
مبرووووك ياحبيبيبتي))
<<<ذا يبارك لحبيبتي على حساب صبعي تعبت وا اكتب الف ولا اقدر انسخ لأني اكتب الرواية عن طريق الجوال

ندى:بنات شرايكم نروح المستشفى
ابتهال فيها النوم لأن الحين سبع الصباح بس من سمعت طاري مستشفى طار النوم:اي يلا يمكن مشاعل هناك فديتها من زمان عنها

اللي راح المستشفى
ابتهال
ندى
نجلاء
رنيم
وباقي البنات(ريم،لمياء،نوارة،آن،جويل)قالوا بيجوا العصر لأنهم تعبانات خخخ

27 - 9 - 2014, 10:30 AM

في المستشفى،،،

ابتهال راحت عند محل تحت اشتهت دونات
وصدفه شافها الدكتور.سعود:هلا والله وبضحكة بفاطمة
ابتهال مابلعته ابد:هلا بغيت شي
د.سعود ومانساها من طلعت عنده قرر من يشوفها يسوي اللي بباله:احم ممكن رقم الوالد
ابتهال عرفت مراده:ابوي بقبره وبالقبر مافي جوال
سعود تفشل وبحزن:أنا أسف ما كان قصدي اذكرك بأبوك
ابتهال بملل:ليه تعتذر انت ماغلطت(فديت طلال عالشي اللي يستاهل بس يعتذر ولا على حسب الشخص بعد))
د.سعود:طيب اخوك؟
ابتهال:شبلاك انت انا مخطوبة
سعود انقص وجهه نصفين:اها
ابتهال عشان ما تعطيه مجال يفكر:اهلي يعرفون باللي صار لي وودوني لمستشفى بالرياض
وتكمل كذب:واللي اغتصبني بدر اللي مات عندكم بتفحيط
واللي يفحط معاه هذا خطيبي ويبغي ينتقم وهو يحبني موووت لدرجة انه هو اللي هدأني يوم صار لي كذا
والحين هو بغيبوبه
وبكذب انا قالي اخوي انك مش حامل بس حبيت أتأكد بنفسي وجيت عندك قلت يمكن اخوي يكذب علي علشان ما أحاتي بالأختبارات فاهم
د.سعود بحزن:الله يشفيه وينتقم على من كان السبب
ابتهال خافت(لا اكيد انا السبب وهذه يدعي علي)
مشيت
وهي تحمد ربها انها ألف الفلم الهندي يمكن لو وحدة غيرها بتوافق لأنها بسن زواج ومايندري متى يصحى طلال وإذا صحي بيسامحها ولالا؟؟؟

مشاعل:هلاا رياض
رياض حزين:أنا منقهر
مشاعل:أفااا ليه فيني ولا فيك
رياض:سقطت
مشاعل بصدمة:ايييش رسبت يعني بتعيد توك شهرين مداكم اختبرتوا تعال اول سنة لغة بذمتك في حد يسقط باللغه فشلتنا
رياض عصب اكثر:تسألي وتجاوبي بكيفك مرتي سقطت ولدنا وبعصبية يقول الطبيب مايصلح تحمل إلا لمن يصير عمرها عشرين وهي الحين ١٦
يعني بعد اربع سنوات سألته ليه؟
قال علشان تمتنع من التسقيط مرة ثانية ويولد طفلي سالم
مشاعل:بلا غباء رياض خلك واقعي يعني تخيل شكلك اب مو قصدي تصغير لسنك لكن أنت الحين ما استقريت بالدراسة حتى وتخيل شكل سارة تباري بزر ولا تشوف مستقبلها والبزران لاحق عليهم
و و و و وإلخ
<<<طبعا هو شبه اقتنع خخخخ

بالجهة الثانية من المستشفى
ياسر عصب:اقول قسم بالله ما اطب بيتكم ولا يصير بيني وبينك حوار ان ماجيت بيوتنا اصلا خمس فيلل على قلة معنى اخذوا لكم فيلة رياض واحمد بنهم باب اللي بالحوش
ترى بجد ازعل وراح اسلمكم شركتكم
خالد وبندر ماأنعطوا فرصة لرفض وخاصة بيجلسوا شهر فشلة بس حلفه قوي
بندر بأستسلام:امرنا لله من اليوم عندك يابو الشباب
محمد:هههه نورتوا الدمام وربي

عند ام بندر اللي مسويه مناحة:صار له شهر ولا حتى تحرك
فهد يهديها:صبري يمه إن الله مع الصابرين
ام نواره تعطيها غرشة الماي:شربي يوخيتي
ام بندر :متى يطيب ولدي تكفون ابغي حل ولدي بيضع وأنا أشوفه ولا أقدر اسوي شي
فهد:لا حول ولا قوة إلا بالله

27 - 9 - 2014, 10:30 AM

عند احمد،،،
احمد لأخوانه وعلي:شباب امي وخالتي بيطلعون اليوم صح
محمد:ايه
ياسر فهم لأحمد:قلت لهم عن حسن عشان ما ينصدموا
احمد ارتاح:زين اجل انا راجع البيت وأنتظركم هناك
علي:خلاص انا راح اجيبهم
وانتم خلكم بالأستقبال
ياسر يسلم على فهد اللي توه جاي:اوكي

عند جومانة
البنت بمساعدة الله ثم الخدامتين سوت غداء
(كبسة،مطبق روبيان،ارز بالسكر،مندي،)<<انواع الأرز
(تبولة،سلطة زبادي، فتى،فتوش،سلطة المعكرونة)<<أنواع السلطات
(سمبوس ،ورق عنب،حمص ،غنوج)<<مقبلات
واكيد فاكهة وملح وشطة<<<تستهبل

دخلوا الشباب وكل واحد حرك معدته عدا حسن اللي ما يشوف شي بس حس انه في شي من سكوتهم فجأة والريحة طالعة لأخر الشارع خخخخ

جات ام حسن و ام علي
جات جوهرة و فضة
وجات قبلها اختهم الماسة(ام فيصل)
وجا ولدها وبنتها فيصل،ابتهال

والف الصلاة والسلام عليك ياحبيب الله محمد

جومانة+ابتهال+ام فيصل+ياسر:كلللللووووووش
ياسر واحمد من اسمعوا "هلي لا تحرموني مه"
ماعندهم وقت قضوها رقص

اما شعور الكل يعتذر أزرار جوالي من وصفها لأن شعور الأم بلقاء اهلها بعد جريمة بشعة وترى انهم يعزونها ولا كأنها عملت شي

(شعور وببساطة رائع)

"""""""""""""
مجنونة وعاشق أجن

"""""""""""""

أنتهى الجزء الثاني

وأنتهى الفصل الخامس عشر

27 - 9 - 2014, 10:32 AM

شخبارك(ن)
عساك(ن)
بخير(ن)
<<<هذا فصل النون
يعني بهذا الفصل
بنعرف
ايش نهاية(رنيم*نوارة*آن)

وكمان لمياء
هاع،،،،

وتفضلوا
،،،،،،،،،،،،،،،،،،،،،،،،،،،،،،
الفصل السادس عشر
،،،،،،،،،،،،،،،،،،،،،،،،،،،،،،

@الجزء الأول@

همسة لكل من تحت قدميها الجنة: (دعاءك مستجاب غاليتي الأم،،،
فأدعي لأولادك بأستمرار وناجي ربك ليلا بأن يحسن من حالهم من أفضل إلى أفضل)

!!!!!!!!!!
أهديك عيوني؟؟:"
لا":
تراجعت ما راح أهديك:"
علشان أناظرك":
ياحبيبي أنت:"
!!!!!!!!!!

د.ناصر لبو بندر:ههههه
بو بندر يأشر على السكرتير يجيب الملفات ومخلي الجوال سبيكر وحاطة عالطاولة:ما أقدر أوصف سعادتي مشكور
د.ناصر:شدعوه هذا مريضي وعقبال مايحرك جسمه كله إن شاء الله
بو بندر:الله يسمع منك
د.ناصر:شكله يعزكم ويحبكم وعشان كذا يحاول يجلس من غيبوته<<<رفع للمعنويات
بو بندر:ماتقصر يا دكتور>>>ترى بس حرك صبع ههههههههه
د.ناصر:أخليك أنا جاتني حالة
بو بندر:تكفى أي شي بشرني عنه أي تطور حصل بأي وقت حتى لو الفجر
د.ناصر:أكيد إن شاء الله مع السلامة
بو بندر:مع السلامة بحفظ الله

..........
بفيلة رياض
خالد منسدح:ها ها ها موتني ضحك لأ ما أقدر بموت>>>يتريق على بندر
بندر نسدح بالسرير اللي جنبه:طيب يابو خفة الدم عطني نكتة
خالد:بنام أنا خلاص تعبان ما احس الحين الساعة ثلاث العصر كأنها ثلاث الفجر
بندر: صادق وربي
خالد:عشان خاطرك خذ هذه
عجوز ناظرت نفسها بالمرايا
قالت:شحلاتي اجنن بس يبغالي كوي
بندر مافهم بعدها انفجر ضحك

خالد:شغالة تهاوشت مع راعية البيت وبغت بيت لحالها رضاوه
بندر:ههههههه

المواضيع المتشابهه لموضوع: رواية مجنونة وعاشق اجن لموضوع: رواية مجنونة وعاشق اجن
الموضوع	كاتب الموضوع	المنتدى	مشاركات	آخر مشاركة
مجنونة نا بك	حنين الأشواق	همس عذب الكلام والخواطر المنقوله	5	22 - 2 - 2023 03:29 PM
رواية وانتبه لك ترى روحي معك رواية سعوديه للكاتبه	الحب ياسمين	همس للقصص وحكايات وروايات	9	4 - 4 - 2019 10:13 AM
رواية فهد و نوره رواية رومنسية سعودية كاملة	سجات التهاويل	همس للقصص وحكايات وروايات	23	8 - 6 - 2018 01:07 PM
منيات مجنونة	مزيونة الخليج	همس المواضيع العامة	4	3 - 8 - 2015 07:32 AM
هل نا مجنونة	مزيونة الخليج	همس الشعر والقوافي	9	25 - 9 - 2012 01:10 AM

الذين يشاهدون محتوى الموضوع الآن : 1 ( الأعضاء 0 والزوار 1)

الأعضاء الذين قاموا بتقييم هذا الموضوع : 0
لم يقوم أحد بتقييم هذا الموضوع

رواية مجنونة وعاشق اجن

همس للقصص وحكايات وروايات