رواية وش حيلتي اذا الشوق صوبك دعاني كاملة

13 - 11 - 2014, 05:40 PM

في الرياض/
سعود: حبيبتي لازم تحاولين
: سعود انت تعرف اني ما أقدر بس بحاول ان شاء الله
سعود: توعيديني
: ايه اوعدك
سعود: اوكي لاني مجهز لك مفاجأه,, بكره بيوصلون اهلي من كندا وبستقبلهم,, بعدها بروح الشرقيه ,, لارجعت القاك مستعده لان من جد المكاان مرره حلو
: اوكي يالله يوصلون بالسلامه
سعود: فديتك والله ويدخل انتظار سوا يتصل بك
: حبيبتي عندي ويتنق من امي اكيد بتسأل عن رحلة اهلي
رهف: اوكي سي يو
سعدو: سي يو
: مرحباااااااااااااااا سوسو
سوا: هلا والله من تكلم اعترف
سعوود: امي تسأل عن رحلة اهلينصااب
سوسو وهي حاطه على السبيكر ورهف جنبها: اجل امك ياسعود ها
سعود ماحس ان الصوت تغير: ايه لبى قلبك
رهف: أكييييد سعود
سكت سعود يبي يتأكد من الرقم المتصل سوا والصوت رهف
: انتي معنا ع الخط لايكون حطيتك جماعي
رهف:لاياعمري مو جماعي هاذي سوسو صاحبتي ولا لأ امك ياعين امك
سعود: ّّّّّّّّّّّّّ يخرب بيتك وتسوين مقالب بعد,,, الحين ليه تعطين رقمي لصديقتك
رهف: والله هذا يعتمد عليك بترد وتعطي وجهه ولا بتسكر بوجهها
سعود: وليه اسكر بنت وجتني اسكر ليه,, اكسر بخاطرها ليه
رهف: وين الحب اللي تقوله
سعود: قلبي خضر وفندق ويتقبل جماعات بعد
رهف: ياحقييير تقولي بس انتي بالقلب
سعود: كنتي بس عميتي عينك بايدك لان سوسو سكنت معك وفللله البنت صراحه
رهف وعيونها دموع: لاعاد تتصل فيني ولا ابي اسمع صوتك يا كذاااب حقييييييييييييييييييير
طرررررررررررررررررررخ وسكرت السماعه
سعود: اه يالحماره ترسل خويتها وتتدلع علي,, وتبيني اصممممممل
ياهووووه انا كتلة مشاااعر تمشي,, بس تدري ياولد ابرك هالرهف ملعوزتني يالله جت منها

ويدخل خالد ولد عمته
خالد:السلاااام عليكم
سعود :وعليكم السلام هلا بوخلي
خالد: وش حالك ياولد خالي

13 - 11 - 2014, 05:41 PM

سعود: تطلقت
خالد اللي صدق: وانت اعرست بدون ماتقولي
سعود:ههههههههههههههههههههههههههههههههه يا انت نكته ياخويلد
انااااااااااااااااا تبي اسلم راسي وروحي لحرمه وحده,, انا وقف للبنات الحلوااااات فقط
خالد:ههههههههههااي الله يرجك
سعود: ماعليلك زود ,, وشلون عمتي
خالد: عمتك شرهانه تقول لايجي ولا يسأل
سعود:والله يابو خلي اجي من الدوام دايخ وانام ,, بعدها يمسكوني زام البنات يغازلوني واطلع ويا العيال بالاستراحه
خالد: ورى ماتعقل وتعرس
سعود:تو ما استخفيت,, اعرس انت
خالد: اني رجال وان شاء الله اني بعرس
سعود: اووووووووووووووه من سعيدة الحظ
خالد بابتسامه: اختك المصون
سعود استغرب: حنان
خالد: ايه شفيك عفست خشتك
سعود ضحك:لا بس ما اتخيل حنان بالذات عروس
خالد: ليه خبله ولا شينه
سعود: هههههههههههههههههههههههههههههههههههههههههههههههههه هه والله لو تسمعك كان علقتك من اذانك,,هههههههههههههههههههه يابطني
خالد: طيب تهقى لو اتقدم لها توافق,, انا ابي وحده من اهلي ما ابي من بنات عمي
سعود بجديه: والله نشتري رجال بس عندي شرط
خالد بنص عين :خير
سعود: تغدوني كل يوم وتعشون
خالد: طير ياعمي تنشب لنا ,, لك يوم بالاسبوع نوكلك فيه بعده مانبيك حتى حول شقتنا
سعوود: اجل لو تموووووووت ما ازوجك اياها يكفي بس اقول لاختي دمه ثقيل وعينه زايغه والله لو ايش ما تاخذك
خالد وهو فاتح عيونه على حدها: وجع والله انك حمار
سعود: ماعليك زود خخخخخخخخخخخخخ
خالد: اصلن بكلم خالي ولا بعد ولا وجبه فاااهم وبدق على اختك وبقولها اخوك يساومك هاااااااا بتعلق مين بالجدار
سعود:ممممممممممممممممم مو تعليق قصدك قصب خخخخخخخخخخخخخخ
الاثنين: هههههههههههههههههههههههههههههههههههههههههههه

13 - 11 - 2014, 05:41 PM

بيت ابو فهد

فهد: طيب متى بيجي عمي عبدالعزيز
ام فهد: بكره الظهر
فهد: ممممممم
ام فهد بنص عين: وش مممممممم
فهد: ولا شي ,, بس
ام فهد: الملكه بعد مايجون ويستريحون
فهد براحه ياحبيلها امي تفهمها: اها
ام فهد: الحين انت وش هالبرووووود اللي عليك
فهد:
ام فهد: تبي البنت ولا ما احد غاصبك عليه
فهد اللي قاطعها: ابيها وش ما ابيها ذي سعيده
ام فهد بعصبيه مزيفه:رجال مايجون غير بالعين الحمرا
فهد:ههههههههههههههههههههههه
ام فهد بفرفشتها المعهوده: عاد يايمه لو تشوفها سعيده احلووووت بكندا صارت خدودها مورررده زووود ومن اجيب لها طاريك غدوا طمام
فهد:صدز
ام فهد ايه
فهد باستغراب:بس وين شفتها
ام فهد: يوه بالكمبيوتر مع مريوم
فهد: بعععععععععد انتر نت عرفتيه
ام فهد: أي والله لاصار حر ورطوبه تفتح انترنتيايميل مريوم وادق على جارتي وتقابل نسولف وكلن ببيتهم
فهد:هههههههههههههههههههههههههههههههههههههههههههههه ههههههههههههههههههههههه اخ يابطني يممممممممه من جد تحففففففففه
ام فهد: شيضحكك
فهد: اخخخخخخخهههههههههههههههههههههههههههههههههههههههههه هه

اتخيل شكلتس وانتي تفنجلين وتسلوفين بالنت
ام فهد:هههههههههههه بذي صادق

فهد: طيب يمه اول مايجون من السفر بقول لابوي يكلم عمي بوفيصل عشان موعد الملكه المفروض قبل بس طلعوا لنا بسالفة هاللغه
ام فهد: ان شاء الله ابشر

بيت ابوفيصل

ام فيصل: اقول سلمى شفتي المفارش الجديده اللي شريتها للبنات
سلمى: أي خالتي تهبل خااصه حق حنوون الوانه حلوه
ام فيصل: أي غرفة حنان الوانها تساعد الواحد يشتري مفارش غريبه
ويجي عزوز: ماما نويران تصيح
سلمى وهي تمسح على وجه ولدها:ليه من صيحها
عزوز بكل فخر: أنا
سلمى بنظرة عتب: احد يطق اخته الصغيره
عزوز بكل فخر: انا
ام فيصل: وطنااااا تطق سميتي ليه الحين بروح ويها بنده وبشتري لها حلاو وانت انطق يالمتستحي
عزوز ببرائه: تووبه جده,
ام فيصل:لا ماسامحتك
عزوز وهو يرقى على الكنب ويبوسها: طيب اموااااااه توبه سامحيني يمه
ام فيصل وهي تلمه:ياويل حالي اوديك خلاص
عزوز:هييييييييييييييييييييه بروووح بنده برووووووح بنده

13 - 11 - 2014, 05:42 PM

الحريم: ههههههههههههههههههههههههههههههه

في الطياره
حنان وهي تطالع فلم هندي ودموعها اربع اربع وبيدها شيبس
سعاد: نعنبو غيرك حتى وانتي تصيحين تاكلين
حنان بحزن: حرام البطل يقطع القلب شكله بيموت
سعاد:مو ميت
حنان: وش دراتس
سعاد: هنود مايموتون البطل ,,لو موتوه كان قامت عليهم ثوره ,,لان الهنود مهبل بيصدقون البطل مات بصدق
حنان:هههههههههههههههههههههههههههههههه حلووووووووووووووه
وصار كلام سعاد بمحله مامات البطل

طارق كان مندمج مع فلم وثائقي عن الحيوانات والغاباتيموت في الحيوانات
وفتح الابو عيونه وشاف بناته مفتلات وسعاد عدت مرحلة الخطر وجالسة تسولف مع اختها
التفت للي جنبه ,,تو يشوف هالشاب وكان طارق مندمج ما أنتبه لابو فيصل وهو يطالعه

ابتسم الاب من خاطر ياحليله يحب البرامج الوثائقيه مو زي باقي الشباب افلام وخرابيط
ونادى بنته
الاب: حنان
حنانتلفتف نص التفاته ما انتبهت لطارق :عنونها
طارق قصر على صوت الجهاز بيسمع سوالفها
الاب: وش تاكلين
حنان:لما تفك ما حتصك,,تبي دادي
الاب:عطينا منه اللي لما تصك ماحتفك
حنان وخي تعطي ابوها وتلفتفت وهي تضحك: لو يسمعونك برينجلز كان قا.أنتبهت للعيون ذي
امبووووووووسيبل جالس ورانا طول الوقت
ومدت لابوها الشبيس ورجعت مكانها وهي منكمشه بكرسيها
وتطالع سعاد بنص عين على جنب
سعاد اللي تطالع فلم مصري ما انتبهت لها
ومدت حنان يدها من قدامها بحيث مايشوفها اللي وراها حركت يدها تبي تلفت انتباه سعاد
سعاد بكل غباء وصوت الفلم باذنها وتتكلم بصوت عالي مو حاسه بعمرها:هاا شتبين
حنان اللي شوي وتطيح من كرسيها صوت اختها اللي التفتوا الناس لمصدر الصوت
انتبهت سعاد :يؤ لايكون صوتي عالي
حنان وهي تبتسم بفشيله:وجع
سعاد:طيب شتبين انتي
حنان وهي تأشر للي وراها
سعاد: شفيه ابوي
حنان هنا ودها تذبح اختها: انا بناااااااااام قولي امين
سعاد:امين
حنان: خلاص هونتشوي وتبكي من اختها
سعاد اللي كملت الفلم ولاعندها,,وحنان مو عارفه شتسوي مع اختها حست بحر فجأه

13 - 11 - 2014, 05:55 PM

اما طارق اللي مات من الضحك على شكلها وشلون وجها صب لونه ,,كأنه يشوف فلم كارتون,,هالبنت تعابيرها واضحه بشكل عفوي,,تفضحها
يؤ وشفيني مهتم فيها كذا,, استح على وجهك هذا وابوها جنبك تجلس تقزز ببنته
الاب والله جالس ياكل برينجلز ويبي يشغل الجهاز ,,انتبه طارق له
طارق: اشغلك لك ياعم
الاب بابتسامه حنونه وحرج:أي والله ماعرفت له
طارق ابشر وش تبي تطالع
الاب : وش عندهم
طارق:في برامج وثائقيه,,افلام,,اغاني,,قرن,,عن مسار الرحله
الاب:ايه حط لي مسار الرحله
طارق :ابشر
الاب: مشكور,, وعرض الاب لطارق برينجلز
طارق اللي تذكر حنان وهي تاكله ,,اخذ له حبه :مشكور
الاب:كثرت علي الصراحه خلصته
طارق: هههههههههههههههههههههه
حنان فز قلبها ياحلو هالضحكهقاطه اذنها وبقوه
الاب: وين ساكن
طارق:الرياض
حنان وعووووووه الرياض ما احها ثقال دم اهلها
الاب:وش ججاي تدرسوهو ياكل بطاطس ويعطي طارق اللي جلس يسولف مع ابو فيصل
طارق: لا والله جاي اوقع عقد عمل مع شركه للهندسه,,انا دارس بكندا من قبل ورجعت لديرتي وفتحت شركة هندسه,,عاد بنسوي اتفاقيه في مشاريع
الاب بأعجاب: ما شاء الله
طارق والفضول بيذبحه: وانت ياعم
الاب وهو يأشر على بناته بكل عفويه: يبون يقون لغتهم ويرطنون
طارق بضحكه خفيفه:ههههههه كم جلستوا
الاب وهو يحرك يدك:3 شهور كان معنا ام فيصل بس رجعت ابوها مسوي عمليه وخافت عليه بس الحمدلله بخير وصحه
طارق:الحمدلله
الاب: وش تطالع بهالحيوانات
طارق بابتسامه: أي والله احب حياة الغابات واحب دايم اقرا عنهم
الاب: زين ترى تستفيد وتقووي ثقافتك
طارق: أي احب دايم اروح حدايق الحيوانات,, والادغال ,,مره رحت رحله لشرق سيا بس عشان اروح لأدغال هناك كانت عجيبه,, نمت هناك حوالي 10 ايام بخيام
الاب:اوف طيب مان
طارق: والله فيه وفيه بس معنا استعدادنا ,, وانا رايح مع قروب ينضم زي كذا رحلات
الاب:اجل مغامر

13 - 11 - 2014, 05:56 PM

طارق خش جو مع ابو فيصل :أي والله,,هالفم الوثائقي فيه عن حياة الحيوانات في افريقيا,, وشدني الصراحه
الأب: ايه,, عندي ولد ولدي يموت بالحيوانات يروح معي المزرعه عشان يشوف حيواناته
ابوه مسوي له ميني زوو ,,بقره وخروف ودجاج وحمام وارنب وببغاء وسلاحف وسنجاب ,, بس عشان ولده ويروح لهم كل يوم معي يلعب معهم ويوكلهم
طارق باعجاب لولده:طيب شي كويس ينمي فيه هالصفه,,
الاب: لو على فيصل لو وش يطلب ولده يجيبه..ربك كريم ان الاسد مايباع ولاكان غله وحطها بمزرعتنا
طارق:هههههههههه الله يخليه له
الاب:امين ,, وانت مو معرس
طارق: لا والله
الاب/الله يرزقك ان شاء الله.
طارق من قلبه وعيونه معلقه قدام:ان شاء الله
وحنان بنفس اللحظه شاااااقه الضحكه مو متزووج ياحظي ياهنااااااااي
وتطلع مرايه تشوف اذا وجها عدل مو معفوس وتناظر وجهها بكل فخر
خلونا نوصف حنان بنت ملامحها ناعمه جايه ع الموضه,,خدود ورديه عيونها بنيه,,نظرتها حلوها فيها نعسه بسيطه خشمها صغينون فمها صغير بشفايف مليانه
تميل للطول ,, جسمها ريان شوي بس حلو عليها بيضاء بتورد يعني كلها على بعضها ينقال عنها حلوه ,, وتخش القلب من ملامحها الطفوليه الحلوه
اما سعاد ,,حلوه,,اطول من حنان ,,ممشوقة القوام,, تحب الشعر القصير دايم تقص كاريه لانه يناسبها تشبه اختها نفس الشكل ولكن بملامح غير ,,عيونها اصغر بس حلوه,,
تنبسط اذا احد مدحها وقال انها حلوه,, تحب تكون احلى وحده في الحضور في أي مناسبه  ,,حبها فهد لانه يحس فيها تصلح زوجه له يحب غبائها خاصه لما تصير كاشخه ,,يحب نظرة عينها لما تسألك ايش السالفه,, يذكرها معه وهي بزر فيها كبرياء معذبه بس يموووت فيها

13 - 11 - 2014, 05:56 PM

نرجع للرياض
في اليل
ام فيصل جالسه ترتب غرفتها وتبخرها ,, وترتب المفارش الجديده ,, غرفتها كان مزيجا من اللون الذهبي والسماوي الراقي وكانت المفارش ذهبيه وفيها تطرزات عنابيه ,, والغرفه على فخامتها بس كانت دافئه,, لمسات ام فيصل في ترتيبها كسرت فيه الجمود والفخامه وخلت اللي يدخل الغرفه يحس بمزيج من الفخامه والألفه والدفء

بعد ماخلصت ترتيب راحت تصلي قيام اليل ,,ودعت في سجودها ان الله يرجع لها رجلها وبناتها سالمين,, وبعدها جلست تقرأ ماتيسر من القرن جلست تقرا وتقرا ,, دايم تقرا اربع صفحات وتنام هالمره خلصت جزأين ولاجاها النوم كان في قلبها خوف,, بس ماتدري من وش قالت بقلبها,, اللهم اني لا أسألك رد القضاء بل اللطف فيه

من شدة ربكتها جلست قرا عشان يتطمن قلبها

في جناح ثاني من الفيلا ,,جناح فيصل وسلمى
سلمى بعد مانومت بنتها نوره اللي عمره سنه ونص,, وراجعه دايخه وطاحت عينهابعين فيصل وشب وجها احمر
فيصل: سمسمتي دلعها عنده
سلمى اللي التفت بدون ماتتكلم,, وقرب منها فيصل: كم لنا متزوجين
سلمى: ممممممممممم 5 سنين
فيصلوهو يقرب أكثر: طيب وراك تستحين مني
سلمى: فص فص وربي دايخه بنتك دوختني لاتدوخني بعد وعطته ظهرها وانسدحت
فيصل اللي ماراح يعديها لها: انسدح جنبها وضمها وبهمس: وش متعب حبيبتي
سلمى ماقاومت التفتت له: لو يصير ايش بس تقرب يروح كل تعب
فيصل وهو يلمس شعرها: أحبك
سلمى: وانا بعد
فيصل بحماس بس بهمس: قد ايش
سلمى بدت لكاعتها:ممممممممم قد فيلتناالحي اللي احنا فيه
فيصل وهو مكشر: بس
سلمى وهي تلعب بدقنه مسويه لوك ديرتي عشانها: طيب اذا قلت لك جب مويه وعب البيت كللللللللللللللللله والحاااره كلها ببيوتها وشوارعها ,,تغرقهم غرااااق بتلقى مويه كلفيه
فيصل بحب: لا
سلمى: طيب انا احبك هالقد
فيصل بخبث: اجل بروح اعرس لي على وحده لاسألتها قد ايش تحبيني بتقول لي قد العالم
سلمى اللي حمر وجها عصبيه: تتهنى,, روووح الباب مفتوح وعطته مقفاها
فيصل وهو يضحك بقلبه: طيب ليش تغارين ربي محلل لي اربع,, بس ماهما كان بتصيرين انتي ام عيالي والزوجه الاولى
سلمى التفت له وجلست على ركبها وكنها بتزنطه: لا يااااعيوووني اربع من غيري ,,لان لووو تفكر بس ها تفكر انك تروح تخطب بتلقاني عند اهلي يافصيلان
فيصل اللي ماقدر يمسك عمره:ههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههه ياحلوتس لاعصبيتي هههههههههههههههههه يابطني بطنااااه,,,اعنبو غيرتس انا خبل ادور لي وحده غير سمسمتي,, أبك ماشوف من الحريم احد غيرك انتي ياأوطه
ويقوم يلمها ويسحبها معه -
والباقي مشفر

13 - 11 - 2014, 05:57 PM

بيت ابو فهد:
ساره كانت سهرانه على النت
وشابكه ماسنجر وبتوبكيبان الشوق في عين المعذب,,ويبقى الدمع تذكار الأحبه
وتسولف مع صديقتها ريمفتح عين,,غمض عين,,أحمد ربك تسولف مع الريم 

ريم: ساره لمتى التشاؤم خلاص انسي الرجال اعرس
ساره بكبرياء: من قال اني افكر فيه
ريم: من تركتوا بعض قصددي من اعرس وانتي حاطه هالتوبك
ساره:اغنيه واحبها
ريم : الا قصدك بكاء ع الاطلال,,متى تصيرين ذكيه النت ماوراه حب
ساره:ممكن تقفلين الموضوع
ريم:اوكي بس اتمنى تفتحين عينك وتكونين ذكيه
ساره بعد ماتضايقت:اوكي يالله سي يو بكره تعبانه بنام
ريم باحباط من صديقتها المحطمه عاطفيا: سي يو

ستوووب
ايش قصة ساره تذكرون قلت لكم هي بنت ذكيه وشاطره,, والكل يتمنى بنته تكون زيها مجتهده بدراستها,, هاديه,,حبوبه,, بسسسس ينقصها قوة القلب والحظ
ساره زي أي بنت تبحث عن الحب,,بالرغم من ان امهاقريبه منها بس ساره كانت تعيش عالم خاص فيها ,,عالم وردي وحصان ابيض,, تنتظر الفارس اللي يختطفها,,تحلم باليوم اللي تتوج لحبيبها اللي اختاره قلبها,,كانت ترفض انها ومش مقتنعه بفكرة اتزوج زواج تقليدي ,,ام شافتني وعجبتها لولدها وخطبتني,,لالالالالا ابي هو يحبني,, يختارني,,اكون انا من اختياره مو من اختياره امه ,,كانت عقليتها حالمه,,بس هالتفكير مايمشي عند الخليجين عامه,, والسعودين خاصه
ربي كتب لها تعيش احلى قصة حب مع شاب فيه مواصفات فارس احلامها,, تعرفت عليه عن طريق الفيس بوك,, وكانوا يدردشون,, واعجب نايف بشخصية البنت شافها غير باقي البنات,, على طبيعتها,,مرنه بالتعامل,,حبووبه,,خفيفة دم وذكيه,,ايه ذكيه اغلب البنات اللي عرفهم غبيات همهم الاول والاخير جمالهم,, اما ساره لقى معها الرااااحه ارتااح وقرر انه يعطيها ايميله,, وماكان من ساره الا ان اضافته وقوت العلاقه بينهم,, بس للأسف اعجابه مايتعدى كونها صديقه,,يبها معه لين امه تلقا له الزوجه,, ايه اعتمد على امه وخواته وجلس هو يقزر وقت معها,, اما ساره المسكينه حبته من قلبها,, واعترفوا لبعض بحبهم,حبها نايف ,, ومن قلب لدرجة يوم خطبته وشوفة السنه ماشاف زوجته ,,ماحس بالفرحه,, كان يتذكر صوت وسوالف ساره ,,ايه كان يكلمها بجوال خاص لهم,,وشاف صورتها وعجبته مرررره,,,بس تبقى بالاخير بنت نت في نظر أي متخلف عقليا مثل نايف,,بنت ناس اوكي بس ماتصلح اني اتزوجها,, وكانت ساره عندها كبرياء ماعمرها رمت نفسها عليه وقالت اخطبني كانت عايشه على امل انه يجي من نفسه خاصه وهو عارف هي من وبنت مين,, وانها تناسب له,,بس بالايام الاخيره حست بضيق بقلبها ,,تحس ان نايف مو لها ,,نايف فيه شي,,حتى نايف كان كاره عمره خطب,,وملكته بعد شهر,, وهو ماقال لساره,, وبنفس الوقت يخون زوجته وهم بالبدايه,,ويخاف يقول لساره ويفقدها للأبد

13 - 11 - 2014, 05:57 PM

اعرفها ساره خبز يدي,, بتتركني ,,بس ساره كانت تكرره انها تعيش معلقه واجهت نايف اتصلت عليه وسألته ابي اعرف ايش السالفه انت مو نايف اللي اعرفه فيك شي
نايف: ملكتي بعد شهر
كانت من السيف اللي يغرز بقلبها
ساره: من
نايف: تقرب لنا من بعيد,,وبكل غباء يقول لها : انا ماقد مره عشمتك بشي حنا حبينا بعض وعشنا فتره حلوه,,مو لازم تتخانق عشان نخسر بعض انا احبك يا ساره,, بس انتي تعرفين عمري 30 ولازم اتزوج امي نشبت فيني

13 - 11 - 2014, 05:58 PM

ساره ودموعها الحاره على خدها وتبي تقول وانا ,,بس لالا كرامتي فوق كل شي:ليه ماقلت لي
نايف:خفت تتركيني
ساره ببرود مصطنع: والحين
نايف: نكون اصدقاء
نايف: نكون اصدقاء
ساره: نعم اصدقاااء,, بعد ماكنا حبيبين نكون اصدقاااء,, الصداقه يانايف ممكن تتحول لحب,,بس الحب مستحيل يتحول لصداقه ,, واذا صار صدقيني مضارها كثير وراح تكون علاقيه مريضه وضعيفه مجرده من معنى الصداقه الاصلي,,نايف روح الله يستر عليك ويوفقك,,
نايف بحزن: بس انا أبيك
ساره بابتسامه مره مختلطه بالدموع: راعي قلبين كذاب,, وانا ما أرضى احد يشاركني في أي شي يخصني ,,شلون اللي احبهفجأه جتها قوه ماتدري من وين
نايف,,ماأبيك تبدا حياتك الزوجيه اللي هي اطهر من أي علاقه ثانيه في السر بكذب وخيانه,,زوجتك من حقها تكون لها ,,قلب وقالب ,و مو بس بالشكل,, وتأكد ماراح تلقى أي ازعاج او ردة فعل من وحده مرت بحياتك اسمها ساره

نايف بقهر: بس ما أبي اتركك,, بشوفك بالماسنجر
ساره:اذاتقدر انك تخون,,انا ما اقدر اني اكذب على نفسي ,,انا سفه نايف ومبروك مقدما
نايف بقلة حيلة: طيب ابي اتطمن عليك
ساره: اذا صار شي راح ارسل لك ايميل ,,راح اطمنك من فتره لا فتره

مع سلامه نايف
نايف ودمعه حاره دمعة ندم دمعة قهر: اطلب طلب
ساره:.
نايف: قولي لي حبيبي لاخر مره
ساره بكل جمود وقسوه: حبيبي راح لغيري ,,خل غيري يعطيه
نايف وهو يفكرياترى يا أمل هل راح تعوضيني عن ساره : أنتي غير ساره
ساره بقلة صبر :مع السلامه وسكرت السماعه

وجلست ساره تبكي بمراره ,, ورمتى الشريحه اللي كانت مطلعتها له وجلست تبكي بصمت
والحين مر عام على هالسالفه وساره لازالت تشتاق وتوله لنايف اللي ما ارسلت له ولا ايميل,, وايميلها القديم هجرته من ذاك اليوم,, وحسابها بالفيس بوك قفلته
كرهت كل الرجاااااااااااااااااال تمنت لو تصيبهم لعنه ,, ليش مايتزوج اللي يحب,, ليييييييييييييييييييييييييييييييييييييييييييييه ياربي ايش التخلف اللي عايشه فيه

المواضيع المتشابهه لموضوع: رواية وش حيلتي اذا الشوق صوبك دعاني كاملة لموضوع: رواية وش حيلتي اذا الشوق صوبك دعاني كاملة
الموضوع	كاتب الموضوع	المنتدى	مشاركات	آخر مشاركة
رواية قصة حب كاملة جميع الفصول بقلم فاتن محمد شاكر	مشاعر	همس للقصص وحكايات وروايات	11	2 - 11 - 2023 11:23 PM
وش حيلتي	النورسيه	همس كتابات الاعضاء الحصريه	6	19 - 7 - 2021 04:13 AM
رواية فهد و نوره رواية رومنسية سعودية كاملة	سجات التهاويل	همس للقصص وحكايات وروايات	23	8 - 6 - 2018 01:07 PM
رواية حسبي عليك حتى شبيه سمك فز له كاملة	جروح الم	همس للقصص وحكايات وروايات	42	8 - 6 - 2018 01:06 PM
رواية س كون فارسك يا مهرجتي كاملة	نَبض♡~	همس للقصص وحكايات وروايات	22	15 - 6 - 2012 03:59 PM

الذين يشاهدون محتوى الموضوع الآن : 2 ( الأعضاء 0 والزوار 2)

الأعضاء الذين قاموا بتقييم هذا الموضوع : 0
لم يقوم أحد بتقييم هذا الموضوع

رواية وش حيلتي اذا الشوق صوبك دعاني كاملة

همس للقصص وحكايات وروايات