رواية وش حيلتي اذا الشوق صوبك دعاني كاملة - الصفحة 4

13 - 11 - 2014, 05:59 PM

وكانت اسوأ سنه تمر عليها وخاصه في شهر رجب لما عرفت ان بهالشهر زواج نايف
حسسسسسسسست بالنار تسعر بصدرها,,حست انه رااااح للأبد وماراح يرجع,,لسبب بسيط انها ماراح تسمح له يرجع,, لامه بذيك الساعه بيحس انه غلط ولازم يصحح غلطه برجوعه لساره,,بس ساره هيهات توافق انها تصحح اغلاط الغير ,, ومن يومها وهي تكل الكتب أكل,, كانت مركزه على دراستها واهلها,,النت تخشه للبحوث,, الماسنجر لصاحباتها بالعطلات بس,,وبعدها قفلت على الحب,,بعد نايف حرمت تحب ,,نايف هو حبها الاول والاخير,,

وفي النهايه هل راح ترجع لحياتها الطبيعيه ساره,,هي كرهت الشعب السعودي كاملن
الخليجي ,, هل هنالك شاب راح يرجع لها ثقتها بشباب وطنه

وبساره نختم الجزء الثاني

13 - 11 - 2014, 06:00 PM

في الرياض
في بيت طارق
لحظة تعريف
ابو ناصرالاب عمره 55 يعمل في السلك الدبلوماسي,, له مكانة الاجتماعيه في مدينة الرياض,,رجل معروف ,, رجل جاد في حياته,, يهتم بعائلته من خلال اهتمامه بدراستهم,,بعملهم,,, ويتاجر في العقار
ام ناصر48 ام في غااية الحنيه والطيبه ,,تحب أولادها ,,بعكس زوجها اللذي يهتم بالمجتمع ومظاهره من اجل مكانته,, هي اهم شي عندها بيتها وعيالها,, وتحب تشتري مواعين وأثاث بيتهم دايم متجدد -

ناصر: الابن الاكبر 35 سنه متزوج وعنده ولد وبنت ,,متدين ودائم يشدد على خواته بسالفة لبسهم
نايف: 31 متزوج وزوجته حامل  أكيد عرفتوا من هو
طارقبطل روايتنا

ريم: 22 سنه خر سنه بالجامعه
وضحى:21 سنه درست سنه وحده بالجامعه وفصلت,,موفالحه لا بدراسه ولا بشي غير الرقص والسوااالف

ماجد:15 سنه خر العنقود ودلوع الماما

ابو ناصر: ماكلمكم طارق قبل لايصعد الطايره
ام ناصر:لا والله انا ما قالي انه بيجي اليوم على علمي الأسبوع الجاي بس قدم رحلته أسبوع يقول خلص شغله ,, من كلام نايف يوم كلمه اولة امس
ابو ناصر: ايه يجي بالسلامه ,, لازم نزوجه طرووق ,,خلاص صار رجال ماعليه كلام,, تدرين يا ام ناصر
ام ناصر:لبيه
ابو ناصر:طارق كل ماأشوفه اشعر بالفخر,, خاصه لما تطلع صوره بالجريده,, وصور تصاميمه

ام ناصر: أي والله الله يحفظه من العين ويحمااه,,لااا الله لايعووق بشر خله يجي وأخطب له
ابو ناصر: عسى مايقول زي اخوه ,,لين اصك 30
ام ناصر:كم شهر ويصك 30 ههههههههههههه
ابو ناصر: أي والله يالله انا بروح انام سهرت اليوم
ام ناصر: تصبح على خير

راح الاب غرفته وبطريقه سمع صووت عالي من غرفو وضيح بنته,,هز راسه مستاء منها وراح لها,, طق عليها الباب,, ولكن ما من مجيب,, ويفتح الباب

وضحى وهي فااله الشعر واغنية ام شاامه ترنع بالغرفة ,,الا غصب تبي تتقن رقصة العراقيين
الاب: وضييييح ووجع
وضحى:مو حاسه بابوها
ويفتح الابو الباب بقوه الا ويشوف وضيح حازمه الخصر ,, وفاله الشعر وترفس بالغرفة على حد نظره:
وضحى انتبهت ان احد دخل ,,: هااااااااا يبى وتروح تسرع تطفي الجهاز 
ه ههههلا يبى هلا
الاب: وش انتي تسوين خاف لايكون في بنته مس
وضحى: ارقص
الاب: وذا الرفس يسمى رقص
وضحى: د
الاب: الله يصحلتس ,, لافالحه بدراسه,, ولا بعلم ولا بشي,,حتى رقصتس خبال
الله يصلحتس

13 - 11 - 2014, 06:00 PM

ويطلع الاب وهو مستاااااء لاخر درجه ,, على كلام مرته ان بنته تموت بالرقص,, امحق رقص تعرفه بخلي امها تمنعها تروح العروس لاتفضحنا خخخخخخخخ

وضحى اللي جالسه تتذكر شكل ابوها وفجأه تفقع ضحك:هههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههه

شوي وتدخل عليها اختها ريم: هيه خبل وش يضحكك
وضحى وتقول السالفه لاختها وشلون ابوها كان يناظرها وتفقع ريم معها:هههههههههههههههههههه خبلتي في ابوي الله يقلعك
الا صدق وضيح مادريتي عن اخبار نوره بنت خالتي
وضحى: لا
ريم: امي عزمت تقول لاجا طارق بتخطبها له
وضحى: صدددددددددق زين والله نويران تهبل ,, واحسها تصلح لطارق
ريم: أي والله هو وسيم وهي مزيون ,,يالله عقبال مايجي بالسلامه ونفرح فيه
وضحى: ومن سمع يارب 
ريم: وجع استحي مافي عرس لين اعرس قبلك
وضحى: والله لا جاني بعرس قبلك وقبل اخوك العزوووبي
ريم: وجعوووووووووووووه ماعمري شفت بنت ملهوفه على العرس مثلك
وضحى: والله الزهق يعمل أكثر من كده,,خليها على ربك بس
ريم: بروح انام اصرف لي وراي دوام بكره مو زيك بطااااااااليه
وضحى: ايه روحي

في الطيااره:

لهم تقريبا 8 ساعات ,,حست حنان بالتعب وحبت انها تتمشى بالطياره وتحرك رجولها
لانها حست انهم انتفخوا من كثرة القعده
عدلت حجابها وقبل ماتقوم تأكدت ان شكلها مضبووط عشان اكيد بيشوفها اللي وراها

13 - 11 - 2014, 06:01 PM

ممممممممممم للحين مأعرف اسمه,, ابوي كل شي سأله الا أسمه
وقامت من كرسيها سعاد كانت نايمه والطياره مسكرين أنوارها,, واغلب الركاب نايمين
والتتفت حنان لطارق اللي كان نايم وكان شكلله مررره كيوت,, حواجبه تهبل فيه مشخ مقسوومه,, اكيد انه شيطاني وهو بزر,, تقدروووووووووون تقولون خذت حنان راحتها وهي تطالعه لانه نايم وابوها وكل الركاب.
بنفس الوقت طارق ماكان نايم كان مغمض عيونه وحس بحركه و احد يناااظره فتح عين وحده وطاااااااااااحت عينه على اللي تشوفه
حناان حسسسسست ان الدم تجمع بوجها ومااااتت من الحيا ومشت بسرعه
اما طارق ابتسم بقلبه قبل شفافيه ,, ممممممم يعني البنت تناظرني ممكن معجبه غمض عيونه ورجع يسترخي

اما حنان جلست تمشي بالطياره الين وصلت لخرها وكانت تشوف الناس اشكال وألوان
وشااافت ميييييييييين
البزر وامه وأبوووه,, ياحياااتي طلع ذا ابوه صدق يشبهه لان ابوه وجه مررره طفولي
أبتسمت حنان لأمه وبدورها الأم ابتسمت لحنان اللي كانت صاحيه مع ولدها تلعبه

وهي راجعه لمكانها اهتزت الطياره بحيث فقدت توزنها حنان وطاحت على الكرسي اللي جنبها وكان فاضي بس في واحد جنبها نايم ,,اول شي تخرع من الهزه,, وبعدها تخررع من حنان اللي طاحت تقريبا فوقه
حنان بخوف وحيا: سفه
وفتحت لمبات تسكير الحزام,, وخافت من جد باقي لها مقصووره وتوصل كرسيها

بهالوقت قااام ابو فيصل متخرررع من نومه: بسم الله وش صاير
طارق بخوف: مطبات هوائيه ياعم اربط حزامك وعدل كرسيك
سعاد اللي ميته خوف: يبى حنان مو فيه
طارق بعد ماتذكر انها كانت تشوفه معقوله للحين ماجت وين راحت
الأب بخوف: ايش حنانوينها وجلس ينادي: حنان حنااان
بعدها بدقيقه وقفت الهزات ومشت كويس الطياره
بهالوقت قامت حنان بسرررعه من الكرسي وهي تطالع اللي جنبها وكأنها تترجاه تكفى قول ان أحنا بخير
بس الرجال كان مندهش وخاااااااايف أكثر منها
مشت حنان بسرعه وأعترضها مضيف: ارجعي مكانك
حنان: مكاني قدام
المضيف: انا شفتك جالسه هناك ويأشر جنب الرجال
حنان اللي عصبت: يعني بكذب عليك قلت لك مكاني هناك رح لا تطفررررني ودزته حنان وراحت بهلع لكريسها ولما دخلت الدرجه الأولى رجعت الهزااات للطياره وصررخت حنان

13 - 11 - 2014, 06:01 PM

:ه
وصارت هزات الطياره أقوى من قبل
سمع الأب صرخت بنته وهي وراه بكرسين فك حزامه: حنان تعالي يابوك
حنان اللي سمعت صوت أبوها: تمسكت فيه ورجعت مكانها وجلست بسرعه وربطت الحزااام والتفتت لأختها اللي ميته من الخوف,, هنا راح الخوف من حنان وتحلت بالشجاااعه: سعاااد شفيك مطبااات ونخلص لا تخافين انا جنبك
سعاد بصوت ميت من الخوف: ب ب تطيح
حنان بخوف ولكن مستور: لا ان شاء الله
والطياااره لازالت تهتز ,, وفجأه نزلت كمامات الأوكسيجين وتكلم الكابتن بضرورة تركيبها

هناااااااااااااااااااااااا لحظة خوف أعترى جميييع الركاب

وبدأصوت صراخهم وهلعهم اللي يدعي ربه,, واللي يصارخ على عياله
اما بالنسبه لابو فيصل حس ببرودة اعترت جسمه شلت حركته,, وبهالوقت كان طارق متفاجأ من الكمامات وبسرعه لبسها والتفت على ابو فيصل لقاه مالبس كمامته,, واخذ كمامة ابو فيصل ولبسها اياه
وماكان من حنان اللي حفظت ارشادات الطيران ,, بس الحين نست

تبخرررررررررر كل شي
وسمعت صوت المضيف وهو يقولها اخذي الكمام والمضيف يركب الكمامه على سعاد
وبسرعه حنان سحبت الكمامه ولبستها وقامت تستنشق أوكسيجين وألتفتت لأبوها اللي غمض عيونه يهديها,, بعدين ضمت أختها بقوووووووووووووه وهي تقولها :لاتخافين لا تخافين
اما سعاد ماكان منها الا انها تمسك أختها بقوه وتقو لها: ما ابيك تموتين وانا أحيا,, نموت سوا ونحيا سوا ,, انا خااايفه حنان خايفه
الأب: اشهد ان لا إلله الا الله وأشهد أن محمد عبده ورسوله ,, اللهم اني لا أسألك رد القضاااء بل أسالك اللطف فيه
اللهم أرحمناااااااااااااااا اللهم ارحمنااااا

وبنفس الوقت ولكن بمكان بعيييييييييد كل البعد
ام فيصل اللي تقرا قرن ويدها تنتفض وفجأه طاح القرن,, وسجدت لربها وهي تبكي
: ياربي انت عطيتني زوج وعيال,, وأنت اللي تاخذهم ,, بس لاتفجعني فيهم
ياربي لاتفجعني
ياربي قلبي وقف
يارب احفظ لي بناتي وزووجي اللهم اني لا أسألك رد القضاء بل اللطف فيه

13 - 11 - 2014, 06:02 PM

وبنفس المكان ولكن بجناح ثاني فززززع فيصل من نومته وقام متروع: أعوذ بالله من الشيطان الرجيم
أعوذ بالله من الشيطان الرجيم
سلمى بكل خوف وهلع: بسم الله عليك وش فيك
فيصل بتعب وبنفس مقطوع: م مدري شي صحاااني,,
قاامت سلمى بسرررعه وجابت له كاس مويه :أشرب سم بالله واشرب
شرب فيصل وهو باله عند عياله ,,هم الوحيدين اللي طروا بباله راح غرفتهم بسرعه وسلمى وراه,, ودخل الغرفه ولقاهم نايمين
سلمى: بسم الله عليك وش فيك عيالنا نايمين
فيصل: في شي
في شي ياسلمى,, قلبي ماهو بين ضلوعي,, ياربي سترك
وفجأه شاف صورة ابوه بالغرفة مع عياله: ابوي
سلمى وهي حاطه يدها على قلبه: شفيه عمي
فيصل: ما ادري,, يارب سترك, ياررب
وجلست تهديه سلمى : يابن الحلال اذكر ربك اهلك بطريقهم وكلاتها كم ساعه ويوصون ونتطمن,, هذا جاثوم اللي جاك يمكن تلقاك ماتوضيت قبل لاتنام

فيصل وهو يدعي ربه: عسى عسى جاثوم مايكون شي أكبر

وراح وتوضا عشان يصلي له ركعتين يدعي ربه فيهم,, اللي بنفس الوقت توضت معه سلمى اللي صابها الخوف من فكره ان عمها والبنات صار فيهم شي

وبنفس الوقت ولكن بمكان ثاااني
ام ناصر اللي فزعت من نومها ورااحت بسرعه غرفة طارق ماتدري ليه
وشافت غرفته فاضيه,,بعدها راحت غرف بناتها شافتهم نايمين وولدها لقته نايم

وجلست عند عتب الدرج من الخوف: يمه ياعيالي
يالله سترك,, ياوش اللي جاني
ولاقدرت توقف على رجلينها من الخوف
قام ابو ناصر من قومة ام ناصر وتفاجأ بذهابها برى الغرفه,, وكان تحت تأثير النوم والخرعه,, قام من فراشه يوم شاف زوجته مارجعت خاف لايكون فيها شي

13 - 11 - 2014, 06:03 PM

وبنفس الوقت ولكن بمكان ثاااني
ام ناصر اللي فزعت من نومها ورااحت بسرعه غرفة طارق ماتدري ليه
وشافت غرفته فاضيه,,بعدها راحت غرف بناتها شافتهم نايمين وولدها لقته نايم

وجلست عند عتب الدرج من الخوف: يمه ياعيالي
يالله سترك,, ياوش اللي جاني
ولاقدرت توقف على رجلينها من الخوف
قام ابو ناصر من قومة ام ناصر وتفاجأ بذهابها برى الغرفه,, وكان تحت تأثير النوم والخرعه,, قام من فراشه يوم شاف زوجته مارجعت خاف لايكون فيها شي

وطلع برى الغرفه وسمع صوت بكاااء وأنين بصووت يكاد ان لايسمع
ابو ناصر: ساره بسم الله عليك وش فيك
ام ناصر وهي تبكي وترجف: عيالنا
ابوناصر بخوف: وش فيهم
ام ناصر: احد منهم بمحنه يا خالد
ابو ناصر: من قالك
ساره وهي ترجف ودمعها سيلان على خدها: قلبي,,قلبي ,, قلبي يعورني يا بوعيالي
قلبي يقوولي واحد منهم بمحنهوجلست تبكي واطلقت العنان لدموعها على صدر زوجها الي أرتعب وماراح من باله احساس زوجته بعيالها دايم يصيب,, حست بولدها ناصر انه فيه شي قبل 5 سنوات وطلع صح صار معه حادث بس ربه ستر

وبسبب صوتهم صحت ريم اللي غرفتها كانت اقرب للدرج
ريم وهي ماتدري وش السالفه وش هالصوت طلعت ببجامتها وهي تفرك عيونها:,, وتفاجأت لما شافت امها تبكي وابوها ضامها
ريم بخووف: يمممه وش فيك,, يبه فيكم شي
يممه ردي علي,, يبى وش فيكم
الاب اللي ضام زوجته ويفكر بكلامها ,معقول طارق فيه شي
ريم بعد ماتعبت راحت غرفتها واتصلت بأخوها الكبير ناصر اللي ساكن بدوبلكس جنبهم
ناصر من عوايده يحط جواله سايلنت بس العائله أي وقت يتصلون يدق,, تحسبا لظرف طاريء خاصه ان ابوه قد جاته ازمه قلبيه خفيفه الحمدلله نجا منها
ناصر بتكاسل يرد ولا يدري من: الو
ريم وهي تصيح: ناصر تعال بسرعه
ناصر وهو مفتح عيونه وفز من فراشه: وش فيكم
ريم: ابوي وامي مدري وش صار فيهم امي تبكي وابوي ساكت اكلمهم مايردون
مدري وش صار فيهم
ناصر: طيب بالطريق جاي
عليا زوجة ناصر: شفيهم اهلك
ناصر : مدري بروح اشوفهم
ويلبس ملابسه بسرعه ويروووح لهم

13 - 11 - 2014, 06:03 PM

نرجع لأم فيصل اللي ماعندها احد يطمنها ويزيل شكوكها
بعد ماسجدت لربها وهي تدعي نامت على سجادتها,, تقدرون تقولون مو نامت أغمى عليها من التعب

ياترى هل اللي صار مجرد هزه وطبات هوائيه,, أو للحدث بقيه

هل راح يرجع ابو فيصل وبناته لبيتهم سالمين

طارق,, وش بيصير فيه

وباقي الركاب أنتظرونا بالفصل الثاني من الجزء الثالث

الفصل الثاني

لكل قصة حب أشواك وورود ..و ليه نصرخ من ألمها و كلها تنبت ب عود ..ناظري هذا قمرنا لو تغطيه الغيوم ..ناظري هذا شجرنا لو تحرقه السموم ..لو تجرحنا عيون الليل وحروف النميمه..لو يعذبنا السكوت ..ان شربنا أو عطشانا الدمع ديمه للهوى بنحيا و نموت ..

مرت أوقات عصيبه على ريم لين جا اخوها ناصر,, وشاف منظر امه كيف هي منهاره ولا يعرف السبب,, وأبوه اللي دايم صلب وقوي بنظر,,لقاه مستسلم لإنهيار زوجته,, وكأنه عارف السبب وعاذرها

ناصربخوف على امه: يمه بسم الله عليك وش فيك
الام: اخوااااااانك وينهم كلمهم انت بخير يمه.
ناصر بذهول: ايه بخير بس وش فيهم أخواني
الأم: نايف نااايف وينه
ناصر: ببيته يايمه
الأم :وطارق:
ناصر: طارق بالطريق وبيجي

وبهاللحظه انهارا الأم لانه عرفت مين اللي بيتأذى,, طارق بخطر

13 - 11 - 2014, 06:04 PM

الأم: اه عليك ياوليدي,, مافرحت فيك والحين مدري وش بينكتب لك,,وترفع يدها للسما يااارب لاتفجعني بوليدي يااارب نذر علي ان جاني ولدي ساالم لأصوم وأتصدق وأبني مسجد لسلامة ولدي يااااااااااااارب

وبسبب بيتهم الي كله رخااام انتشر صدى صوتها بالبيت

وكلمة يااارب صارت تصدع لين صحا باقي البيت على صوت الأم

فما كان من ناصر الا أتصل بطبيب يجي ويعطي امه ابرة مهدئه

اما أبو ناصر,, وش اقولكم عنه,, كان يتألم بصمت,, كان يتذكر شريط حياة ولده طارق,,يتذكر كيف فرح فيه,, وكيف كان يزعل وبعدين يراضيه الأبو

تذكر لمى قسى عليه وقاله ادرس طب والولد ميوله غير بس طاع أبوه,, ولكن مارغب يكمل ودخل الجامعه اللي يحبها والتخصص اللي راغبه

كان يتألم ولكن بصمت بس ماغاب عن نظر ناصر منظر أبوه المأساوي

00000000000

في مكان الحدث

كل الركاب كانوا يصارخون من الخوف والربكه,, اللي يضم زوجته لصدره,, واللي يضم عياله,, واللي جلس بالحاله مالقى من يضمه

طارق كان مرعوووووب مو من الوضع قد ما أنه مرعووب من حالة أبو فيصل
هو درس طب,, ويتوقع اللي فيه بداية أزمه فما كان من طارق الا انه مسك يد ابو فيصل وشال كمامته وسأل البنات: ابوكم قد صارت له أزمه قلبيه

حنان بخووووف لما سمعت كلامه وبدموووع: لاااااا

عرف طارق انها اول مره تجيه وبداية بس بيعمل كل جهده عشان ماتتطور
فشال الكمامه وقاله: عمي كح
ابو فيصل بعيونه مستغربه: ليه
طارق: كح عشان قلبك

13 - 11 - 2014, 06:04 PM

وسمع كلامه وجلس يكح
طارق: خل الكحه تطلع من صدرك بقووه ياعم
وابو فيصل: جلس يكح لين حس ان الدم بدا يسري بعروقه

وقفه طبيه
اذا صادفت شخص مريض بالقلب او بداية ازمه قلبيه ,, من الاسعافات الأوليه انك تخليه يكح وبقوه عشان تتنشط الدوره الدمويه ويقوى القلب

رجعنا لكم

ابو فيصل وهو يكلم بنات: أذكروا الله ولا تخافون

وفجأه انطفى نور الطياره وعم الصمت,, الصمت الللي قبل العاصفه

وجا صوت الكابتن متقطع: الرجاااء لبس سترة النجاه وسوف يتم فتح مخارج الطواريء والقفز من الطياره تحتنا المحيط وقوات المساعده في طريقها

الرجاااااااااااااء القفز بسررررعه
وشهقت سعاااااااااااااااد شهقه ماجا ببال حنان الا انا اختها ماتت, بحر طياره لا موت سعاد الحين
حنان: سعاااد انا معك,, والستره ذي زي السباحه اللي تلبسينها بالبركه ماتغرقين

ورجع صوت الكابتن: الن نحن نسقط بالبحر ونحن بأرتفاع 1000 متر الرجاء السرعه

الكنترول بالطياره معدووووم

وبسرعه خذت حنان سترتها ولبستها والتفت لسعاد اللي متيبسه بكرسيها وعطتها كف: طرررررررررررررررررخ قووومي
طارق التفت ومنذهل من القوه اللي تمتلكها حنان
سعاد بدموع: خاااااااااااايفه مابي
التفتت حنان لأبوها وبعيونها قولها شي
الاب: سعاد يامي ,, ماحد بميت قبل يوومه قومي سوي اللي عليك وخلي الباقي على ربك

وسمعوا صوت المضيف: راح افتح البوابه لما يصير الارتفاع 700 استعدوا البسوا ستركم

المواضيع المتشابهه لموضوع: رواية وش حيلتي اذا الشوق صوبك دعاني كاملة لموضوع: رواية وش حيلتي اذا الشوق صوبك دعاني كاملة
الموضوع	كاتب الموضوع	المنتدى	مشاركات	آخر مشاركة
رواية خطفني و ما درا إنه يوم رجعني خطف قلبي معاه كاملة	البارونة	همس للقصص وحكايات وروايات	10	21 - 10 - 2024 11:36 AM
رواية قصة حب كاملة جميع الفصول بقلم فاتن محمد شاكر	مشاعر	همس للقصص وحكايات وروايات	11	2 - 11 - 2023 11:23 PM
رواية فهد و نوره رواية رومنسية سعودية كاملة	سجات التهاويل	همس للقصص وحكايات وروايات	23	8 - 6 - 2018 01:07 PM
رواية حسبي عليك حتى شبيه سمك فز له كاملة	جروح الم	همس للقصص وحكايات وروايات	42	8 - 6 - 2018 01:06 PM
رواية س كون فارسك يا مهرجتي كاملة	نَبض♡~	همس للقصص وحكايات وروايات	22	15 - 6 - 2012 03:59 PM

الذين يشاهدون محتوى الموضوع الآن : 1 ( الأعضاء 0 والزوار 1)

الأعضاء الذين قاموا بتقييم هذا الموضوع : 0
لم يقوم أحد بتقييم هذا الموضوع