رواية وش حيلتي اذا الشوق صوبك دعاني كاملة

15 - 11 - 2014, 06:44 PM

وراح طارق ورى حنان

اما حنان كانت تمشي بسرعه قاتله,, كانت حدها معصبه وكلام طارق يصقع براسها نحس,, نحس,,, نحس,,, انا الحين منحوووسه,, والدمووع تطيح اربع اربع على كلامه لها
وسمعته يناديها من بعيد
طارق: حناااااااااااااااااااااااااااااااااااااااااااااااا اااااااان
وهي ولا معبره
طارق : نعنبو بليسك وش هالسرعه له
وعطى الجوزات اللي معه لزياد: انا بلحقها بشوفها
زياد: اتركها تفش خلقها بالمشي ,, هيك بتطلع شحنات العصبيه
طارق بخوف: لا برووح لها
وقام يركض لها وحنان اللي حست انه قرب منها ومسحت دموعها
طارق وهو قرب منها ومسك كتفها : حنان
ولفها لوجهه وشاف عيونها المحمره : تبكين
حنان وهي توخر يده : لاتلمسني
طارق: حنان والله ماكان قصدي,, بليز سف
حنان: مو محتاجه لا لك ولا لأعتذارك,, ممكن تتركني بالحااااااااااااااااالي
طارق وعصب من ردها ورجع لورى : اوكي اوكي ام سوو سوو سوري اني عبرتك,. روحي وأختلي بعمرك,, بس ها الوجه من الوجه أبيض
ورجع يمش لزياد
وهي كملت طريقها وهي تسب وتلعن فيه: الحقير الله ياخذه,, يحسب اني ميته عليه,, اصلن ماني محتاجه له,, انا اقدر ادبر عمري لين تجي فرق الانقاذ,,مالت عليه وعلى هالحمر اللي معه الملسووون وجع توه صاحي ومسعفينه ولسانه شطووله,, اجل لو رووق ذا وش بيصير فيه,, الله يلعنهم كلهم

وكملت طريقها وهي ابدن مو مهتمه بفكرة انها بلحالها وبمكان خطير,, وجلست تمشي حوالي ساعتين لين تعبت ووقفتها نخله فيها جوز
راحت لها ورفستها,, وطاحت عليه جوزتين
خذت وحده وفتحتها وشربت مويتها,, بعدين راحت عند صخره جلست وتسندت عليها وقسمت الجوزه وجلست تاااكل,, كانت هالكه من الجوع ,,لما خلصت مددت رجولها
ودفنت نص الجوزه في التراب والنص الثاني خلته فوق وحطت راسها كأنها مخده
وانسدحت وحطت يدها على عيونها وغرررقت بالنوم وهي كل أفكارها متى بس يجون الفرق

وبهالوقت كان جالس طارق ويكسر بالأعواد ويرميه بالبحر ,, وندم لانه زعلها
زياد: ياعمي شوبيك جبت لي قلق
طارق: تعرف تسكر فمك
زياد وهو يقوم: لا مابعرف شو عندك فرجيني
طارق وهو يطالعه بعيون تقدح شرار: والله ان قمت عليك ياذابح يامذبووح
زياااد بسخريه: بترجااااااااااااااااااك ادبحني أي ارحم من مقابل وجيهكم

15 - 11 - 2014, 06:45 PM

طاارق لحد هنا ووصل صدق قليل أدب,, وفز من مكانه وعطاه ذاك البوكس اللي طيره لمترين ورى: شف ياذا السرسري ,, ان حارشتني او رددت كلمه,, قسمن بالله لأذبحك واقطك بحر,, انت عندهم ميت ولا ااحد بيدورك ياللي ماتستحي,, ان ماضبطت كلامك لأعلمك الأدب
زياد وهو يفرك فكه: اصلن ما عاد أبقى معك ,, روح انت اصلن واحد مغرور,, صاحبتك زعلت منك والسبب عصبيتك,, وهلا راح أتركك وراح تبقى لحالك,, انت انسان مغرور

وراح عنه وطارق واقف مكانه وكلمة مغرور تتردد بأذنهمغرووور مغرووور انا مغرور
مابقى غير هالتافه يقول هالكلام عني

وجلس يمشي وهو يتخانق معه الهوا الطاير
: انا غبي شلون خليتها تروح,, الحين ذي وين بلقاها,,الله يلعن الشيطان

ورفع راسه يطالع الغروب ,, وقف مكانه,, وهو يطالع حلاوة المنظر, وفجأه تذكر
: ماضيعني غير الغرووب ,, الحين تغيب الشمس والدنيا بتليل ولاني لاقيها

وراح يمشي ويمشي وهو يدعي ربه,,, ياارب القاها,, وكان يمشي وهو يشوف اثرها على التراب ,, لين فجأة انقطع الأثر على الشاطي والتفت يسار,, لقى الأثر متوجه لنخلة جوز,,
راح للنخله وانتبه للي منسدح عند صخور ولقاها نايمه منبطحها على ظهرها وحاطه يدها على راسها,, والثانيه مادتها على الأرض ,, وقف فوقها طارق وهو يطالعها
وبتنهيده جلس بجنبها : ه الحمدلله لقيتك,, وأوعدك ما ازعلك ,, وأتحمل مزاجك

وبعدها جلس جنبها تسند على الصخره,, وجلس يتأمل البحر ,, وهو يفكر في أحد غيرنا هنا,, ياترى هالمكان من,, خاف تطلع لنا حيه ولا أي حيوان ,, المفروض ما أنام اجلس صاحي بعد يمكن تجي فرق أنقاذ ,, بس ياولد تحتاج شي تحامي فيه,,عصا ,, خل اجيب لي شي
وقام من مكانه بشويش ودخل بوسط الجزيره وقلبه يرقع ,, واول شجره لقاها كسر منها جذع ورجع بسرعه,, ياربي قويني,, الحين انا أحب السفاري والمغامرات ,, والحين قلبي قده بيطلع من ضلوعي من الخوف,, وتذكر انه من صار الحادث ماصلى ولا صلاه وحدد الجهات بغروب الشمس ,, وخمن ان القبله بتصير جنوب شرقي ,, وتيمم وصلى

15 - 11 - 2014, 06:46 PM

بعدها جلس وهو يطالع بحنان اللي نايمه بهدوء وسكينه,, وكأنها بيبي نايمه ولاكأنها ضايعه بهالبحر,, ابتسم على طريقة نومها وجلس يتأمل جسمها,, ريانه البنت بس جسمها معزل,, مو زي الريانات وسايحه,, شكلها تسوي رياضه بعدين تذكر أبوها وعبس وجهه
ابوها مأمني عليهم وأجي انا أقزقز شكلها ,, أستغفر الله .

اما زياد كان جالس على الشاطي وهو حاقد على طارق وجالس يفرك خده: انا بردها لك يا حيوان,, لكان انا بتضربني هيك.,, ومشان بنت هبله مثل هاي ,,بفرجيك

.

في المغرب

في المستشفى,, كان سعود جالس عند سعاد اللي فتحت عيونها,, وجلست تطالع بالسقف واللمبات,, مكان غريب ماتعرفه,, وجلست تحرك عيونها يمين ويسار ,, بعدها غمضت لما حست بألم فظيع براسها
سعاد بصوت مبحوح: ه راسي
سعود اللي كان سرحان وانتبه لصوتها: سعاد
سعاد: راسي
قام بسرعه وضغط الزر للممرضات,,
سعود: اوكي حبيبتي الحين بيجي الدكتور,,
سعاد وهو تطالع اخوها: سعود بموت
سعود: بسم الله عليك وش يوجعك
سعاد ودموعها هلت: رااسي

ودخلت الممرضه
سعود leas where is the doctor? لو سمحتي وين الدكتور
الممرضه: Is she weak upالممرضههل صحت
سعود: yes & she has headacايه وعندها صداع
الممرضه: it is nature don't woryطبيعي لا تقلق
سعود: ok,,is the doctor coming?طيب الدكتور بيجي
الممرضه: one momentلحظه بس

15 - 11 - 2014, 06:46 PM

وسعاد تطالعهم ولا تدري وش اللي يصير,, اصلن ماتدري وش اللي جابها هنا
استسلمت للتعب وغمضت عيونها,, وبعدها خش الدكتور
الدكتور وهو يقيس النبض: سعاد
سعاد وهي في تعبها تسمع صوتها بس ماعرفت الصوت
الدكتور وهو يقرب لراسها: سعاد,, سعاد تسمعيني
فتحت عيونها وحركتها بحركه أي
الدكتور : راسك بيوجعك كتير
سعاد وهي تحرك عيونها بنعم
الدكتور : راح اعطيك حبه مسكنه للصداع تاكليها وراح تبأي احسن
وقال للممرضه تجيب حبوب ,, وأكلوا سعاد الحبه بعدها انسدحت وغمضت عيونها طلعوا وبقى سعود

وبعد عشر دقايق فتحت سعاد عيونها ,, وكأن شي برق في راسها,, وجلست تطالع سعود
سعاد ودموعها سبقوا صوتها: ابوي وحنان
سعود قام وجلس جنبها: بخير ,, لاتحاتين
سعاد وهي تبكي: لالالا ابوي جا معي,, حنان ماجااات ,, حنان مدري وين راحت الدبه
سعود وهي يضم أخته: بيلقونها سعاد في كثير معها
سعاد وهي تشاهق بحضن أخوها: ماخلوني ادورها,, كانت معنا,, جنبي ياخوي جنبي,,

ودخلت نوبه في البكاء على أختها وهي بحضن اخوها ,, اللي هلت دموعه على أخته
وجات الممرضه وجات بتعطيها ابره مهدئه
سعود: no ,, she needs cry
الممرضه: ok

جلست تبكي وتبكي سعاد,,تعبت ونامت من نفسها ما أحتاجت مهدئ ,,سدحها سعود وطلع من الغرفه توجه لجناح أبوه يتطمن عليه.

في مكتب الملاحه البحريه

نايف: يا مقدم سامر,, اللي معهم قالوا انهم حيين بس حركهم الموج
المقدم سامر: انا معك بس الطائرات الحين تعبر فوق مكان الحادث والسفن لقت الى الن 15 جثه,, و3 ناجين كانوا على بعد كيلو من مكان الحادث وربي نجاهم من الأعصار اللي حصل بمكان الحادث,, اذا كان اخوك في مكان الحادث ما أظن انه حيى لأنه اعصار بحري قوي بمكان وقوع الطياره
نايف: طيب هالجثث والناجين ماعرفتوا معلوماتهم
الناجين أساميهم: محمد وخالد وعبدالمجيد
نايف بإحباط: طاارق مافي هالأسم
المقدم سامر: للأسف مدري اذا جت الجثث تأكد برضوا
نايف اللي رقع قلبه اصلن من جا المغرب وقلبه يرقع من الخوف: طيب متى بتجي السفن
المقدم: بعد ساعتين الوصول
نايف وهو ياخذ نفس: الله يصبرنا هالساعتين
بعدين جلس يفكر,, وش الفرق لصار من الجثث يعني خلاص مات,, واذا مو موجود مع الجثث,, يعني برضوا هم وحزن ,, الله المستعان

15 - 11 - 2014, 06:47 PM

ودق جواله ولقى المدام تتصل
نايف بتعب: هلا
نجود: هلا حبيبي
نايف: هلابك
نجود: ها بشر عسى أستجد شي
نايف : لا والله بيجيبون جثث قالوا شف اذا أخوك معهم
نجود وهي متحطمه على صوت زوجها ونفسيته وبنفس الوقت تبلد مشاعره وهو يقول جثث شكله شاف لين شبع: بسم الله عليه,, ان شاء الله يلقونه ويصير ناجي
نايف: اليوم اخر يوم بيلفون على الموقع وعلى الجزر القريبه ولا يندرى
نجود: الله كريم حبيبي ,, انت بس انتبه على نفسك,, مقدر ومكتوب نايف ,, والله يجيب العواقب سليمه,,
نايف: مين
نجود: نايف أكلت شي من وصلت
نايف: على عشانا خر مره بالشقه
نجود بشهقه: نايف رايح تدور اخوك مو تهلك نفسك ,,أكلك شي لا تطيح ثم مانلقى من نسأله عنك

نايف بتعب : نجود قسمن بالله حتى المويه ما أقدر اشربها,,أحس بغصه بحلقي,, ماأقدر أبلع,, وفمي مايقدر يفتح للأكل,,مو هاين علي كل وطارق مدري وين أراضيه
نجود اللي قامت تبكي من نبرة صوت زوجها: حبيبي ان شاء الله بيرجع لنا,, أنا عندي أحساس انه حي وبيلقونه,, عشاني لاتتضايق وأنتبه لنفسك
نايف: اوكي حبيبي وانتي بعد لاتنسين نفسك,, تراك بين روحين لا تحاتين ولا تزعلين
نجود اللي تموت بطيبة زوجها حتى بموقف زي كذا مايبيها تتضايق: حبيبي ضيقتي من ضيقك وفرحتي من فرحك,, وان شاء الله بنتطمن على طارق ,, بعون الله
نايف: ان شاء الله
نجود: يالله بحفظ الكريم حبيبي وروح أكل شي عشاني
نايف: ان شاء الله,,فمان الله

وسكر نايف وغمض عيونه وسند راسه ع الجدار وهو يفكر بزوجته,, وباللي جاي بالطريق,, وتذكر كلامه مع طارق لما قاله ان نجود حامل
طارق: مبروووووووووووووووك ترى ها من الحين أقولك ولدك ذا ولدي

15 - 11 - 2014, 06:48 PM

نايف:ههههههههههههههههههههههههههههه لا يبوي أول ولد بتشيخ عليه بتطلع عصبيتك على وليدي وهو بيطلع على ابوه حبيب وطيب وانت شراني الصراحه
طارق:أفاااااااااا والله انت الخسرااان,, ولا كنت بصمم له مدينة ألعاب خاصه له
نايف : ها مدينة ألعاب,, أجل الولد من الحين ولدك والله يرزقني بولد ثاني
طارق:ههههههههههههههههههههههههههههههههههه
نايف وهو يسوي نفسه معصب: الحين تاخذ ولدي ,, وش عندك ماتعرس
طارق وهو يتنيعم: نو نو برو انا عندي حساسيه من الحريم
نايف:حط كريم هههههههههههههههههههههههههههههههههههه
طارق: هههههههههههههههههههههههههههههههه لا الحريم بس كذا من بعيد لبعيد,, مامن وراهم غير عوار الراس
نايف: الا والله شزينهم لا الله وفقك
طارق بخبث: عاد انت الله موفقك بكلا الحالتين ,, صديقه وزوجه,, ساره والحين نجود مثل البسلم
نايف بتنهييده:إييييييه ساره ,, تصدق من تركتها ماكلمت ولا حتى ايميل
طارق بحزم: حرمه,,أجل تقولها بعرس وش تبيها تسوي
نايف:أخيان أحس اني ظلمتها
طارق: أدع ربك ان الله يوفقها ويستر عليها
نايف: مين ,, اذا جتني بنت بسميها ساره,, منها على أمي ومنها على سارونه
طارق وهو يطق راسه: اذا ذا تفكيرك عز الله مانسيتها
نايف:ههههههههه من قال ابي انسى احلى مرحله بحياتي,,ساره لها فضل علي ,, وراح أعزها طول عمري

15 - 11 - 2014, 06:48 PM

ساااره ساااره ,, وش جاب طاريها الحين ,, لو أهقى انها بتقطع هالقطعه كان ما تركتها
,,,وش اخربط انا ,, متزوج وزوجتي بنت حلال,, واخوي مدري وين اراضيه وجالس أفكر بساره,, حتى هي الثانيه مدري وين أراضيها,, يمكن اعرست
اووووووووووووووووووف يصير اللي يصير انا خلاص تعبت

وراح نايف لموظف في ها ماوصلت السفينه
الموظف: لسه
نايف : طيب ممكن تعطيني رقمك, انا بروح كل حاجه
الموظف: اوكي تفضل
وعطاه كرته ,, طلع نايف وتذكر سعود اللي بالمستشفى ,, سعود ينتظر اخبار من نايف,, بس ماعندي رقمه ,, خل اروح له بالمستشفى بس

وراح نايف لسعود,, ولما راح لقسم الطواري اللي فيه سعاد
نايف وهو ينادي ورى الستاره: سعوود,, سعووود
سعوود من وراه: هلا
التفت نايف وهو يبتسم: حسبتك داخل
سعود بوجه مخطوف لونه وبعيونه شاحبه: تو جاي من أبوي,, ها ماجت أخبار عن الفرق
نايف وهو يعقد حواجبه :في 3 ناجين رجال,, وكم جثه نسيت بس يمكن 15
سعود وهو يحط يده على راسه: يعني بنشوفهم لازم
نايف: ايه
وسكت سعود وهو يطالع السقف
نايف وهو يسأله: وشلون ابوك
سعود وهو يدخل يدينه ببنطلونه: على حاله,, واختي توها صحت,, وبكت لين طلعت اللي براسها
نايف: ماقالت لك شي
سعود: تقول كانت اختي معهم ,, بس ماتدري وين أختفت,, وبعدها نامت ولا عرفت أكثر
نايف وهو يحط يده على كتف سعود: تحمل يارجال ,, ان شاء الله بنتطمن عليهم,, من كلام البحريه والجويه الحين يدورون بالجزر اللي حول الحادث,,كود يصيرون بأحد هالجزر
سعود برجاء: عسى
نايف: طيب تطمن على أختك وخل نروح ناخذ شي ناكله,, انا شوي وأطيح من طولي
سعود: مابه خاطر
نايف: اذا ع الخاطر مو ماكلين,, بس لازم ولا بيبتلشون فينا السفاره بعد
سعود طيب خل اشوفها وأجيك

دخل سعود تطمن على أخته لقاها على سدحتها ونايمه ,, باسها على راسها وطلع
سعود: في مطعم قريب
نايف: مدري نسأل
سعود: يالله

15 - 11 - 2014, 06:48 PM

ساااره ساااره ,, وش جاب طاريها الحين ,, لو أهقى انها بتقطع هالقطعه كان ما تركتها
,,,وش اخربط انا ,, متزوج وزوجتي بنت حلال,, واخوي مدري وين اراضيه وجالس أفكر بساره,, حتى هي الثانيه مدري وين أراضيها,, يمكن اعرست
اووووووووووووووووووف يصير اللي يصير انا خلاص تعبت

وراح نايف لموظف في ها ماوصلت السفينه
الموظف: لسه
نايف : طيب ممكن تعطيني رقمك, انا بروح كل حاجه
الموظف: اوكي تفضل
وعطاه كرته ,, طلع نايف وتذكر سعود اللي بالمستشفى ,, سعود ينتظر اخبار من نايف,, بس ماعندي رقمه ,, خل اروح له بالمستشفى بس

وراح نايف لسعود,, ولما راح لقسم الطواري اللي فيه سعاد
نايف وهو ينادي ورى الستاره: سعوود,, سعووود
سعوود من وراه: هلا
التفت نايف وهو يبتسم: حسبتك داخل
سعود بوجه مخطوف لونه وبعيونه شاحبه: تو جاي من أبوي,, ها ماجت أخبار عن الفرق
نايف وهو يعقد حواجبه :في 3 ناجين رجال,, وكم جثه نسيت بس يمكن 15
سعود وهو يحط يده على راسه: يعني بنشوفهم لازم
نايف: ايه
وسكت سعود وهو يطالع السقف
نايف وهو يسأله: وشلون ابوك
سعود وهو يدخل يدينه ببنطلونه: على حاله,, واختي توها صحت,, وبكت لين طلعت اللي براسها
نايف: ماقالت لك شي
سعود: تقول كانت اختي معهم ,, بس ماتدري وين أختفت,, وبعدها نامت ولا عرفت أكثر
نايف وهو يحط يده على كتف سعود: تحمل يارجال ,, ان شاء الله بنتطمن عليهم,, من كلام البحريه والجويه الحين يدورون بالجزر اللي حول الحادث,,كود يصيرون بأحد هالجزر
سعود برجاء: عسى
نايف: طيب تطمن على أختك وخل نروح ناخذ شي ناكله,, انا شوي وأطيح من طولي
سعود: مابه خاطر
نايف: اذا ع الخاطر مو ماكلين,, بس لازم ولا بيبتلشون فينا السفاره بعد
سعود طيب خل اشوفها وأجيك

دخل سعود تطمن على أخته لقاها على سدحتها ونايمه ,, باسها على راسها وطلع
سعود: في مطعم قريب
نايف: مدري نسأل
سعود: يالله

15 - 11 - 2014, 06:49 PM

وطلعوا من المستشفى وسألوا واحد دلهم لمطعم قريب ,, ودخلوا المطعم وطلبوا أكل
وشربوا بالبدايه الشوربه,, وكانها مو سائله كأنها شوووك بحلوقهم وبعدها كلوا بنهم لما قرصهم الجوووع
سعود اللي ياكل بخبز :ماتوقعت كل كذا
نايف: ولا أنا
سعود: كلم اللي خذت رقمه
نايف وهو يطلع جواله والكرت ويدق الرقم: مرحبا
الموظف: مرحبا
نايف: بسألك وصلت السفن اللي من موقع الحادث
الموظف: ايوه بعد نص ساعه راح يوصلون الجثث للمستشفى
نايف اللي حامت كبده لما سمع كلمة جثث:طيب
وسكر التلفون
سعود اللي حس بنايف لما عقد حواجبه: وش فيك
نايف: وصلت الجثث بالمستشفى بعد نص ساعه
سعود : وش خلانا ناكل ,, والله لاشفت هالجثث ان تحوم تسبدي
نايف: يالله خل نروح
سعود: اوكي

وواجهوا مشكله عن الحساب لان فلوسهم سعوديه وتفهم الكاشير وضعهم واخذ فلوسهم

وتوجهوا للمستشفى
نايف لسعود: من وين انت ياسعود
سعود: من الخبر وانت
نايف: الرياض
سعود يبي يطير الوقت وهم بالسياره: ايه انا شغلي بالرياض
نايف ويسوي نفسه مهتم بالسالفه وقلبه يحاتي شوفة الجثث: وين تشتغل
سعود: سابك
نايف: طيب ليش مو سابك بالجبيل
سعود: تبع الاداره أنا
نايف :اها متزوجترى نايف عنده فضوول خخ
سعود: لا والله,, وأنت
نايف: ايه متزوج,, والولد جاي بالطريق
سعود: ماشاء الله,, اخوك طارق معاه احد
نايف: لا والله بالحاله,, رايح لشغل
سعود وهو يتذكر كلام الرجال اللي قاله ان طارق مع اهله: كم عمره
نايف: اصغر مني بسنه 29 عمره
سعود: ها
نايف : وش انت منه
سعود: من بيت ال
نايف انصدم نفس عايلة ساره: والنعم
سعود :ماعليك زود وانت
نايف: من ال
سعود: والنعم فيك وبقبيلتك
نايف ولازال مندهش: تسلم
معقووله يقرب لسااره,, ساره عند اخت اسمها مريم واخوها فهد
نايف بجرأه: تعرف المحامي فهد ال
سعود وهو يطالعه: ايه ولد خالتي
نايف انصدم من جد صدق الدنيا صغيره
سعود: تعرفه
نايف: قد سمعت عنه
سعود: اها هو محامي بشركة عمه ,, يعني محامي شركات
نايف: صحيح
سعود: ايه

15 - 11 - 2014, 06:50 PM

ووصلوا للمستشفى
ونزلوا من التاكسي
وخذوا نفس والتفتوا لبعض,, بعد ماعرف نايف ان سعود من اهل ساره ,,حس بالألفه له
نايف وهو يحط يده على كتف سعود: توكلنا على الله
سعود: ونعم بالله
ودخلوا داخل وراحوا للطواري
نايف: جات جثث الغارقين
الموظف: ه,, روح من الممر هذا تلاقي البوليس هناك
سعود: الله يستر

وراحوا للشرطي اللي واقف
نايف: انا اخوي من المفقودين,, وجيت بشوف الجثث
وسعود بصوت واطي: وانا أختي
الشرطي: الحقوني
دخلوا غرفه كل اللي فيها اكياس بيضا مسكره

الدكتور وهو عند الجثث: مستعدين
نايف وسعود وهم يهزون راسهم,, وماسكين يد بعض وضاغطين بقوه على بعض
فتح اول كيس
هزوا راسهم بالنفي
وثاني كيس,, وهزوا بلا

وثالث ورابع وعاشر: وهم مع كل كيس يفتحون تزيغ قلوبهم وتنعصر

وعند الكيس ال 11 حس نايف بدوخه واستند على سعود
سعود بخوف: نايف بلاك
نايف: حسيت بدوخه
الدكتور:تقدر تكمل
نايف وهو ياخذ نفس: بسرعه
وكملوا فتح الأكياس,, الين وصلوا لخر كيس
سعود وهو يطالع نايف ونايف اللي تصبب عرق
وفتح الدكتور الكيس وطلع رجال في الاربعينات عمره هو خر جثه لقوها

لحظة صمت

وطلعوا برى وهم يجرون رجولهم جر,, وجلس نايف على اول كرسي وصل له
اما سعود ماقدر يكمل وجلس مقابل نايف وعو جالس ع الارض منصب ركبه وحاط يدينه على ركبه ومنزل راسه,, ونايف اللي سند راسه على الجدار

وبعدها تكلم نايف وهو مسند راسه: والسواه
سعود وهو يرفع راسه : سواة ربك
نايف وهو يطالع سعود: ونعم بالله
سعود فززز من مكانه لأقرب زباله ورجع اللي بكبده كله,وانتوا بكرامه
نايف غمض عيونه وهو ضايع,, وبعدين وبعدين الى متى هالحرب الأعصاب,, لا انت حي ولا ميت ياطارق : الى متى ياربي

وبهالمشهد ننهي جزئنا السادس

ياترى,, وش مصير طارق وحنان,,

وزياد وش ناوي عليه

وفرق الأنقاذ بتلقااهم ولا بتستبعد وجود ناجين

المواضيع المتشابهه لموضوع: رواية وش حيلتي اذا الشوق صوبك دعاني كاملة لموضوع: رواية وش حيلتي اذا الشوق صوبك دعاني كاملة
الموضوع	كاتب الموضوع	المنتدى	مشاركات	آخر مشاركة
رواية قصة حب كاملة جميع الفصول بقلم فاتن محمد شاكر	مشاعر	همس للقصص وحكايات وروايات	11	2 - 11 - 2023 11:23 PM
وش حيلتي	النورسيه	همس كتابات الاعضاء الحصريه	6	19 - 7 - 2021 04:13 AM
رواية فهد و نوره رواية رومنسية سعودية كاملة	سجات التهاويل	همس للقصص وحكايات وروايات	23	8 - 6 - 2018 01:07 PM
رواية حسبي عليك حتى شبيه سمك فز له كاملة	جروح الم	همس للقصص وحكايات وروايات	42	8 - 6 - 2018 01:06 PM
رواية س كون فارسك يا مهرجتي كاملة	نَبض♡~	همس للقصص وحكايات وروايات	22	15 - 6 - 2012 03:59 PM

الذين يشاهدون محتوى الموضوع الآن : 1 ( الأعضاء 0 والزوار 1)

الأعضاء الذين قاموا بتقييم هذا الموضوع : 0
لم يقوم أحد بتقييم هذا الموضوع

رواية وش حيلتي اذا الشوق صوبك دعاني كاملة

همس للقصص وحكايات وروايات