رواية وش حيلتي اذا الشوق صوبك دعاني كاملة

24 - 11 - 2014, 12:27 PM

كبريائها,,فقررت انها تاخذ أوراق حالتها وتروح لدكتوره نساء وولاده ودكتور جراحه عشان
تسأله عن حالتها في امكانيتها للإنجاب

في المستشفى

ابو ناصر:الحمدلله ياوليدي كل يوم اجيك حالتك أحسن
نايف:أي الحمدلله الجهاز اللي متعبني وشالوه صرت اتحرك شوي مو زي أول تعفنت من كثر السدحه
ام ناصر:لاتتحرك واجد عشان ماتدهور حالتك
نايف:أبشري,,ان شاء الله على الأسبوع الجاي او اللي بعده بيطلعوني وبعدها ببدا بالمساج
ليدي لأسبوع بس
ابو ناصر:الحمدلله
نايف يلتفت لأمه:رحتي لنجود وطارق؟
ام ناصر بعيون فرحانه:ايه تو امس زرتهم الحمدلله نجود صحتها بدت تتحسن وصارت تقوم
بالحالها ووليدك لبى قلبه نايم قريت عليها وسميت وطلعنا
نايف:الحمدلله,,لها يومين ماكلمتني قلت يمكن تعيانه ,,ولما اتصلت ماردت علي
ام ناصر:يمكن مشغوله لأن انهدوا الحريم يزورون ولا يطلعن الا حيلها منهد مسيكينه بنيتي
نايف:اها

بس برضوا ما أقتنع نايف بالعذر يعني وش مشغوله,,لو ترسل مسج انا مشغوله ,,يالله عذرها معها

في اليوم الثاني وبالتحديد بغرفة ريم وكانت ماسكه الجوال وتطالع الساعه
ريم:ادق ولا ما أدق؟؟؟؟؟خل أدق

أتصلت ريم على الرقم,,
في مجلس الرجال وكان ما في زحمه واجد ,,طالع فهد الرقم وماعرفه,, وما أستغرب لان من
وفاة أبوه والارقام الغريبه تتصل تعزي من المستشفى ومن اصحابه
فهد بصوت رسمي يتخلله الحزن والتعب:الو
ريم خافت وترددت :.........
فهد:الو
ريم بصوت منخفض:الو
فهد استغرب الصوت الأنثوي,,:نعم
ريم وهي تلعن وتسب في عمرها:آآ ه أسفه شكلي غلطانه مع السلامه

وسكرت السماعه بسرعه
استغرب فهد وماكان عنده مزاج انه يفكر ببنات,,فحط الجوال بجيبه ,, وبعدها بدقايق دق الجوال بنغمة الرسايل,,فتح فهد المسج
(تقبل الله عزاكم,,والله يغفر ويرحم ابوك,,ويسكنه الجنه وجعلها آخر الأحزان
وعظم الله أجركم)
المرسل: نفس رقم البنت اللي شوي
جلس فهد يفكر منهي..؟؟يمكن بنت وكنت أعرفها فلما سمعت بالخبر دقت وبعدها استحت؟؟
بس من ياربي
جاوا دفعة رجال يعزون كثار فنسى فهد الموضوع,,
بينما ريم جالسه تنتظر:اكيد بيدق
بس ما دق فهد ,,انبسطت ريم ياحبيله مؤدب ,,ولا رجال ثاني كان نشب ودق
بس هيهات فهد ينسى ,,
وبالفعل,, لما خلص العزا جلس فهد يقرا الرسايل اللي جته ويمسح الرسايل اللي مالها فايده,,
فلقى رسالة ريم
فهد:غريب هالرقم ,,حتى صوت البنت خل ادق يمكن اطلع اعرفها
اتصل فهد بريم,, وكانت ريم توها داخله غرفتها ,,
(الدكتور يتصل بك)
ارتعشت ريم وارتبكت وجاها مغص,, وكل شي في جسمها عورها حتى اظافرها !
ريم :ياويلي وش اسوي؟؟
وعلى ماهي تفكر ترد او لا,, انقطع الاتصال

24 - 11 - 2014, 12:27 PM

فهد:امممم

ريم من الجهه الثانيه :1 2 3 اتصل
اتصلت عليه,, ودق جواله
فهد بعد ماخلاه يدق دقتين :الو
جا صوت فهد لريم زي ماكانت تعرفه الدكتور
ريم بصوت متقطع: الو
فهد:نعم من معي
ريم:آآه انا آآآآآ
فهد حس البنت مرتبكه بس برضوا ماعرف الصوت:أي انتي من؟
ريم:انا ريم
فهد برضوا ماعرف :ريم من؟؟
ريم وودها تبكي :اخت نايف
فهد ومو مصددددق:هاااااااا ريم
ريم حست انها طاحت من عين نفسها ومن عينه وش بيقول عني:انا جيت عشان الموعد وبلغوني
عن ابوك,, فحبيت اني اعزيك مهما كان انت ماقصرت معنا والله يرحم ابوك>>ماتدري وش تخربط
فهد وهو يبتسم على سرد الكلام:الله يجزاك خير,والله يرحمه ويرحم اموات المسلمين
ريم:طيب اسفه على الازعاج يالله مع السلامه
فهد:لحظه ريم
ريم وبيوقف قلبها :نعم
فهد:مشكوره كلك ذوق على المكالمه
ريم:لا عادي انا ماسويت شي,,
فهد:لا بمكالمتك ذي عطيتيني دفعه قويه للحياه وتحمل المسئوليه
ريم: ههههه مو ريم دوا او ابره صرت
فهد:هههههههههههههههههه اذا كذا لازم مرتين او ثلاث مرات عشان فاعلية الدواء
ريم:آ آآآه انا الحين مضطره اسكر وان شاء الله تكون اخر الأحزان
فهد يماطل: نايف شلونه؟
ريم:بخير ينتظر دكتوره
فهد:وانتي؟
ريم:انا؟
فهد:ايه من فك خيوطك؟
ريم:مدري دكتور كبيره مره بس الحمدلله ماعورني
فهد:اها الحمدلله
ريم:يالله مع السلامه
فهد:انا عالاسبوع الجاي برجع للدوام,, بس بكره بروح اتطمن على نايف يمكن العصر
ريم ببلاهه:ايه زين
فهد حس انها مرتبكه ومبلمه شويه:خلاص اتركك الحين واشكرك مره ثانيه ع المكالمه
ريم :مع السلامه
سكرت بسرعه وقلبها يرجف وكل شي فيها,,

اما فهد استرخى عالسرير وجلس يتذكر عيونها ورمشها:آآآآه ليتها داقه بظروف ازين من كذا,,
الله يرحمك يا يبى ,, ماقدر ينام
جلس يفكر ليه كلمتني؟؟ معقوله هي من نوع البنات اللي يتجرأون على مكالمة الشباب بس لا كان
صوتها مرتبك ماعرفته,, مع ان في صوتها قوه لما اشوفها بالمستشفى,, يعني بنت نجديه صدق ,,
ممكن حبتني؟؟ انا عجبتني عيونها وشخصيتها,, بس ممكن في يوم احبها؟؟؟؟؟؟!!!!!

اما ريم مره تعاتب نفسها,, ومره تنبسط انها كلمته والحين اكيد يفكر فيها
وجلست تفكر بكلامه,, بكره بيروح لنايف العصر,, خلاص بكره اخذ ابوي ونزور نايف وعاشت
يومها بفرحه وبأحلام ورديه

اما فهد لازال يفكر ,,اذا جات بكره العصر معناته هي تكن لي مشاعر خاصه ,, ياخبر بفلوس بكره
ببلاش يافهد وياخبر بفلوس بكره نشوف وش بيصير فيهم والى أي مدى بيرتبطون؟

24 - 11 - 2014, 12:28 PM

في الجزيره

كان منسدح طارق على ظهره يشوف النجوم.. من الظهر ماشاف حنان بعد البوسه وهو ماشافها,, سمع صوت وراه
طارق:بسم الله من؟
حنان:يعني من؟ هو في احد غيرنا هنا ؟؟
طارق وهو يطالع حنان :حياك
جلست حنان وهي تعرف اللي يدور براسه:شتسوي جالس هنا ؟
طارق رجع انسدح:اممم الجو حلو وحبيت اجلس برى
حنان انسدحت برضوا تطالع النجوم:تصدق كل يوم اقول ان اليوم منظر النجوم احلى من كل يوم قبل,,بس من يجي اليوم اللي بعده يصير احلى
طارق وهو يطالعها:ايه كل يوم تحلى,,
حنان ولازالت تطالع السما:لو يطلع لك مارد,,ويقولك اطلب طلب واحد وش بتطلب؟
بعد تفكير :امممممم أرتاح في حياتي
حنان بإندهاش:ماتبي ترجع لأهلك
طارق وهو يمد يده ويمسك يدها :راحتي بكل شي,,وأولها معك
حنان وهي تمسك يده وتشد
طارق وهو يكمل:يعني لو ارجع راح تكونين معي خلاص مقدر أستغنى عنك
حنان ووجها صار طماطه:يعني شلون بتاخذني من أهلي؟
طارق:أنا أهلك
وباس يدها وجلس وجلست هي برضوا,,
حنان:طارق انت قلت لي كلام امس خطير مدري هو مجرد هذيان من التعب,,او
طارق يقطع كلامها:أنا أحبك,, وماطلت بالسالفه كثير ,,كنتي في كل حالاتك تعجبيني بس في شي يردني اني اعترفلك عن مشاعري
حنان اللي تاثرت بكلامه ونزلت دمعه ,, وماقاومت هاللحظه فضمته وهو ضمها وكأنه يبي يخشها لا أحد يشوفها
لأول مره تحس حنان من وصلوا الجزيره بإحساس الراحه والفرح
رفعت راسها لوجه اللي تغير لوجه العاشق الحنون
حنان وهي تمسح دمعتها ومسح معها هو بعد ولمس يدها وباسها,,فضحكت من ربكتها:هههههه ترى حتى انا احبك
طارق وهو يرفع حاجبه:تصريح خطير
حنان وهي تطقه على صدره:ماتخلي عيارتك
طارق:هههههههههههههههههههههههههههههه ورجع ضمها لصدره
:اوعدك ماراح تندمين على حبك لي أوعدك
حنان بدلع عفوي:لاتهاوش ترى ما أحبك وانت تهاوش
طارق وهو يدلع صوته زيها:اذا هاوشتك أغمزيلي بس وبتشوفين شلون بهدا
حنان:ههههههههههههههههههههههه ياخوفي اغمز واغمز وانت منت حولي شياطينك شابه
طارق وهو يمسك فمها:لسااانك ذا غريب دلع بنات وسوالف عجز
حنان وهي توخر يده:هنا التميز
طارق وهو يطالعها وبعيونه لمعه :ودي اجرب التميز
حنان وهي تحط اصبعها على عينها>>زي حركة البزران<<::ياعيبك عيبااهـ قم خلني اروح جاني النوم
وقامت من عنده ومشت :ماراح تجي
طارق وهو بخاطره ان جيت معك ماني هادك:لا قلبو روحي نامي انتي نوم العوافي
حنان وفهمت كلامه:اوكي لا تجلس كثير تمرض,,
طارق وحاب انه يسمع دلع:ليه بتخافين عليٌ؟
حنان وبعيونها لمعة خبث:الا ببتلش فيك واجلس اداريك وبعدين من يصيد لي سمك
طارق بإحباط:لنا الله بس
حنان:أها عاد عن السهر اللي ماله داعي
طارق :ههههههههه بدينا ها
حنان من بعيد:عن التحلطم

24 - 11 - 2014, 12:29 PM

وراحت حنان لكهفهم,, وشافت ورد في طريقها قطفته,, وحطته على فراشها وفراشه ونامت وهي قريرة العين وواثقه من حب طارق لها
أما طارق حس براحه خلاص صرحت لها مشاعري,,وهي تبادلني نفس المشاعر
رفع عينه للسما:يارب لاتحرمني منها ورجعنا لأهلنا سالمين

في مكان ثاني وبالتحديد في احد شقق الرياض

كان زياد مسترخي على فراشه ويطالع فيلم,, وكان بطل الفلم يطق صاحبه بعد ماغدر فيه وتركه بالصحراء بدون أي مساعدات,,لولا فضل الله ولا كان مات البطل

تذكر زياد طارق وحنان اللي تركهم وراه في جزيره الله العالم وش فيها,, بس مع كذا ماحس بتأنيب الضمير ,, بس تخيل لو ان طارق يرجع ويطلع زياد من تحت الأرض أكيد في ذيك اللحظه بيذبحه طارق !!!!!!!!

تتوقعون بيتفادى زياد غلطته؟؟

وش اللي منتظر ريم&فهد ؟؟

حنان&طارق,,الى متى وهم في الجزيره,,بيعيشون عمرهم هناك,,ولا بيرسل لهم ربهم اللي بينقذهم!؟؟

أنتظروني في الجزء القادم

24 - 11 - 2014, 12:29 PM

في المستشفى

كان د/فهد عند نايف ويقرا ملفه
فهد:لا ماشاء الله الثلاث الايام اللي ماجيت فيها الحمدلله كان فيها تحسن
نايف:الحمدلله
فهد:انا راح أرجع للدوام الاسبوع الجاي,, وان شاء الله اذا قدرت جيتك وشفت حالتك,,بس الحمدلله حالتك مستقره ويمكن ع الاسبوع الجاي تطلع,, وتبدا جلسات المساج بس عشان تتنشط الدوره الدمويه والاعصاب
نايف:اسوي الجلسات وين هنا؟
فهد:اللي يرحيك انا بخلي دكتور الاعصاب يمرك ويعطيك ورقة العلاج وانت تروح للمكان اللي انت حاب,, هنا او يجيك مدلك للبيت اللي يرحيك
نايف:أي خير ان شاء الله
فهد:امم اعرف مدلك شاطر كان يشتغل بالمستشفى بس انتقل لمركز علاج طبيعي خاص ,, بس يجي البيوت في خارج وقت دوامه,, شاطر مره
نايف:خلاص اجل عطنا رقمه او اسم المركز اروح له,, وإذا يجي للبيت يدلك أبوي لان ابوي من بعد جلطته الأولى المفروض يستمر لو مرتين بالأسبوع لمساج,, إذا كذا خلاص يجي يدلكني ويصير مدلك لأبوي على طول ان شاء الله
فهد: خلاص ,, عندك جوالك
نايف:ايه
فهد :عطني
سجل فهد رقم المدلك:تفضل أسمه (زيـــاد),,
نايف:خير ان شاء الله
جلس فهد يفكر غريبه ماجت ريم
فهد:وين اجل اهلك ما أشوفهم؟
نايف:مايجون الحين يجون بعد العشا,,هالحزه يجون الرجال وربعي
فهد:اها,, طيب يالله ماتشوف شر
طلع فهد وهو محبط,,ماجت الريم,,آآآهـ ياقلبي

اما في بيت ابو ناصر
ريم :وليه مانروح الحين؟
الأم:انتي خبل ,, الحين يزورونه ربعه والرجال,, بعد العشا نروح اهجدي لاتحنين على راسي اهجدي
ريم:اوووف

وراحت عن امها وهي منقهره,, الحين هو عند نايف ودق جوالها نغمة رساله
فتحتها
مابيني وبينك مشاريه وعتاب,,
بس شوقـي لشوفة عيونك ,,أجبرني أسهر الليل كله
(وينك؟)
قرت ريم الرساله وانقهرت من خاطر :يااااااربي ماقدرت أجي ,,بس وش اكتب له؟
جلست تفكر وش تكتب له؟؟بس قالت :ع البساطه كل شي أحلى
دق جوال فهد بمسج,,فتح ملهوف: (ما أقدر ازور نايف الحين,,يجونه رجال)
فرح فهد بردها للمسج:يعني يعنــــــــي يافهد البنت عاشقتك ,,يالله خل بس اخلص من هالزحمه اللي انا فيها وأتفرغ لها

حرك فهد سيارته وهو يفكر بنوعية علاقته مع ريم ,,كيف راح تكون ؟؟

24 - 11 - 2014, 12:30 PM

في المستشفى

كان د/فهد عند نايف ويقرا ملفه
فهد:لا ماشاء الله الثلاث الايام اللي ماجيت فيها الحمدلله كان فيها تحسن
نايف:الحمدلله
فهد:انا راح أرجع للدوام الاسبوع الجاي,, وان شاء الله اذا قدرت جيتك وشفت حالتك,,بس الحمدلله حالتك مستقره ويمكن ع الاسبوع الجاي تطلع,, وتبدا جلسات المساج بس عشان تتنشط الدوره الدمويه والاعصاب
نايف:اسوي الجلسات وين هنا؟
فهد:اللي يرحيك انا بخلي دكتور الاعصاب يمرك ويعطيك ورقة العلاج وانت تروح للمكان اللي انت حاب,, هنا او يجيك مدلك للبيت اللي يرحيك
نايف:أي خير ان شاء الله
فهد:امم اعرف مدلك شاطر كان يشتغل بالمستشفى بس انتقل لمركز علاج طبيعي خاص ,, بس يجي البيوت في خارج وقت دوامه,, شاطر مره
نايف:خلاص اجل عطنا رقمه او اسم المركز اروح له,, وإذا يجي للبيت يدلك أبوي لان ابوي من بعد جلطته الأولى المفروض يستمر لو مرتين بالأسبوع لمساج,, إذا كذا خلاص يجي يدلكني ويصير مدلك لأبوي على طول ان شاء الله
فهد: خلاص ,, عندك جوالك
نايف:ايه
فهد :عطني
سجل فهد رقم المدلك:تفضل أسمه (زيـــاد),,
نايف:خير ان شاء الله
جلس فهد يفكر غريبه ماجت ريم
فهد:وين اجل اهلك ما أشوفهم؟
نايف:مايجون الحين يجون بعد العشا,,هالحزه يجون الرجال وربعي
فهد:اها,, طيب يالله ماتشوف شر
طلع فهد وهو محبط,,ماجت الريم,,آآآهـ ياقلبي

اما في بيت ابو ناصر
ريم :وليه مانروح الحين؟
الأم:انتي خبل ,, الحين يزورونه ربعه والرجال,, بعد العشا نروح اهجدي لاتحنين على راسي اهجدي
ريم:اوووف

وراحت عن امها وهي منقهره,, الحين هو عند نايف ودق جوالها نغمة رساله
فتحتها
مابيني وبينك مشاريه وعتاب,,
بس شوقـي لشوفة عيونك ,,أجبرني أسهر الليل كله
(وينك؟)
قرت ريم الرساله وانقهرت من خاطر :يااااااربي ماقدرت أجي ,,بس وش اكتب له؟
جلست تفكر وش تكتب له؟؟بس قالت :ع البساطه كل شي أحلى
دق جوال فهد بمسج,,فتح ملهوف: (ما أقدر ازور نايف الحين,,يجونه رجال)
فرح فهد بردها للمسج:يعني يعنــــــــي يافهد البنت عاشقتك ,,يالله خل بس اخلص من هالزحمه اللي انا فيها وأتفرغ لها

حرك فهد سيارته وهو يفكر بنوعية علاقته مع ريم ,,كيف راح تكون ؟؟

24 - 11 - 2014, 12:34 PM

بعد أسبوع

طلع نايف من المستشفى ,, والحمدلله تحسنت حالته بس يحتاج لعلاج طبيعي بسيط
فأخذ الرقم اللي عطاه اياه د/فهد واتصل

زياد من الطرف الثاني:الو
نايف:الو المدلك زياد؟
زياه:ايه من معي
نايف:انا جاي من طرف د/فهد واحتاج مساج شوي ليدي ولجسمي
زياد:يا اهلا وسهلا ,,من طرف د/فهد اهلا وسهلا,,إمتى حاب أجيك؟
نايف:انا اليوم تو طالع من المستشفى ,,ودكتور قال من بكره تبدا المساج
زياد:أي خلاص بكره ع الساعه 1 الظهر؟
نايف:خير ان شاء الله

عطى نايف زياد الوصف وسكر سماعته,,
امه:كلمت نجود؟
نايف:لا بروح لهم
امه وحاسه ان نجود متغيره:لا تروح الحين اصبر لين تعافى مره وحده
نايف :معليه
اتصل نايف بالسايق وراح معه لنجود وولده اللي كان مشتاق وعتبان عليها
اتصل عليها بس ماردت عليه

شافت نجود رقمه وجلست تبكي حظها ,, نجود راحت لدكتور نساء ودكتور جراحي وعطتهم اوراقها وقالوا لها ان الحمل نسبتة ناجحه لكن استمراره ما راح يتم لان الرحم تشوه فما يقدر انه يحمل في داخل طفل لمدة تسع شهور,,

اتصل نايف مره ثانيه
فاطمه :جيبي خل ارد اقول انك نايمه
عطت نجود الجوال اختها
فاطمه:الو
نايف اللي عرف انها فاطمه:هلا فاطمه كيف الحال
فاطمه:بخير شلونك انت؟
نايف:الحمدلله,وين نجود
فاطمه:نايمه
نايف:طيب افتحوا الباب بجي اشوف ولدي
وسكر السماعه بدون مايعطي فاطمه مجال عشان ترد

فاطمه وهي مبققه عيونها:عند الباب بيجي
قامت نجود متخرعه:بيدري اني اكذب عليه يمــــــــــــــــــــــــه

ام نجود وهي بالغرفة الثانيه:انا هنا تعالي
جاتها نجود وفاطمه:نايف عند الباب دخليه وقولي له اني نايمه
ام نجود:اخسي واعقبي طالع بالسلامه شفقان على شوفتك انتي وولدك وتنيويمين روحي تجهزي لين ادخله

دخل نايف البيت فتح له الخادمه البيت وكان معه عكاز ودخل البيت لقى ام نجود في استقباله
ام نجود:ياهلا ومرحبا الحمدلله على سلامتك ياهلا ومرحبا
نايف وهو يحب راسها يحبها طيبه زي امه:الله يسلمك وشلونتس يا يمه
ام نجود: طيبه بشوفتك سالم ,,حياك حياك
دخل نايف الغرفه لقى ولده منسدح وكان توه صاحي من النوم

قرب عنده ولعبه بس ماكان عارف يشيله يخاف انه يطيح منه خاصه ان يده مايقد يتحكم فيها
ام نجود: شلونك الحين متى طلعوك؟
نايف:اليوم قلت بشوف الغالي وامه اللي تغلى علي
ام نجود وهي مفتشله:امه تعبانه والحريم كل يوم جاينا انها احيانا مايشوفونها من التعب
نايف:وينها الحين
ام نجود:بتجي قومتها من نومها توها حاطه راسها ونايمه وقومتها
نايف :ايه
وجلس يلعب ولده ويتأمل شكله تغير ,,الا بدخلة نجود عليهم
نجود:السلام عليكم
:وعليكم السلام
نايف يطالعه بنظرة عتب:حيالله القاطعه
نجود وهي تتميرض:هلا نايف الحمدلله على سلامتك
نايف ولا زال عتبان عليها:الله يسلمك ,شلونك انتي
ام نج�

24 - 11 - 2014, 12:35 PM

نايف ولا زال عتبان عليها:الله يسلمك ,شلونك انتي
ام نجود حست ان الجو متوتر :عن اذنكم
نايف:اذنك معك
نجود وهي متوتره:متى طلعت؟
نايف:اليوم
نجود:زين
نايف وهو يطالعها مباشره:ليه ماتتصلين علي ولا حتى تتكرمين وتردين؟
نجود: قلت لك اكون مشغوله او تعبانه
نايف وهو يحط ولده على المفرش ويقرب منها وبصوته الحنون:نجود حبيبتي فيك شي؟
نجود ماقدرت تتحمل نبرته وبكت على طول,, حس نايف ان فيها شي وهالشي هو اللي مبعدها عنه

جلس نايف يهديها وهو ضامها لصدره ,,ودقايق ومسحت دموعها
نايف:يالله قولي لي وش اللي مضيق صديرك
نجود وهي ماسكه يده وتفركها:مافيني شي
نايف وهو يضغط على يدها:الا قولي لي
نجود وهي متردده قبل لا تقوله:خايفه!
نايف:وش منه؟!
نجود:الدكتوره تقولي يمكن ما احمل مره ثانيه
انصعق نايف وردة فعله كانت مراقبتها نجود:طيب؟
نجود:وش طيب
نايف:وش المشكله ؟؟عندنا طارق الله يطرح فيها البركه ويحفظه
نجود :بس انت تفاجأت لما قلت لك
نايف:ايه بتفاجأ وشي طبيعي
نجود وهي ترجع للبكا:يعني بتتزوج علي!
نايف:!!!!!!!!!!!!!!!!!!!!!!!!!!!!

وثواني وينفجر نايف من الضحك:هههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههه

نجود كانت تطالعه وهي مستغربه وتبكي:وش يضحكك
نايف يرفع ضغطها:اتخيل شكلك وعندي زوجه ثانيه ههههههههههههههههههههه
نجود على طول مسحت دموعها وكشرت عن انيابها:الحين مبسوط,,ماصدقت عشان تعرس ثانيه ,,بس ماعليك شرهه رجال ومالك امان
قام نايف بسرعه ومسكها من يدها,, ويده الثانيه على فمها:صه فضحتينا,,اعنبو بليس انفجرتي,,مانيب معرس لا ثانيه ولا ثالثه,,وحده ومطلعه عيني وماكله قلبي

وضمها لصدره:اذا هذا اللي مزعلك ومخوفك,,فتأكدي ماراح اتخلى عنك ولا راح أعرس عليك
نجود:يعني تحبني؟
نايف:اذا ماحبيتك انتي احب من اجل؟؟
ارتاحت نجود,, بس نايف ناقالها (أحبك) كان يستصعبها مع نجود,, اما مع ساره كان يقولها لها كل دقيقه ,,مايدري ليه طرت على باله ساره
نايف:يالله انا بروح الحين لازم ارتاح احس ظهري عورني
نجود:سلامتك
نايف:يالله قلبو هاتي بوسه
نجود&نايف:**********************^ - ^
نايف:سي يو
نجود وهي ارتاحت:سي يو

طلع نايف من بيتهم وهو في قلبه هم كبير,,هم ان زوجته ماعاد تقدر تحمل ,,مع انه ماعرف وش علتها بالضبط,, بس ضايقه هالشي وحس ان نهايتهم بتقرب!!!!مو عشان الحمل ,,لالا عشان علاقتهم اكيد بتتغير لان نجود بتحس بنقص وبتطلعه اكيد بالهواش
تنبأ نايف بالمستقبل

24 - 11 - 2014, 12:42 PM

في الجزيره

كان طارق يرسم رسوم هندسيه على الارض
حنان:وش ترسم؟
طارق:سفينه
حنان وهي تشهق:يمه والله ما اركب معك
طارق وهو يطالعها بنص عين:ليه ان شاء الله
حنان:من وين بتبني هالسفينه>>ترقع
طارق وهو يطالعها:اقولتس ليه مانتي راكبه>>>متسبب

حنان:أوهووووووي ياكلمه ردي مكانك
طارق:لا تردين!
حنان:طارق وش فيك اليوم
طارق وهو ماسك العصا>>اللي هو قلم<< ويضرب بيده على خفيف:اعتذري
حنان!!:لا
طارق وهو يرفع يده يعد:واحد اثنين
حنان:بس بس جيت
وتقرب منه انا آسفه
طارق بنبرة تعصيب:ماتوكل عيش هاتي غيرها
حنان وهي توقف على اصابعها وتبوسه على خده:انا اسفه كذا توكل
طارق وهو شاق الضحكه وماسكها من خصرها وشالها بين يدينه:توكل وتوكل وتوكل
حنان بعياره:آآآآآآآآه يامجرم نزلني
طارق وهو يستعرض قوته:صرخي منا لي بكره ماحولتس احد
حنان بتسبيلة عيونه وهي تلعب بشعر طارق:حبيبي نزلني
على طول نزلها طارق :يالله عاد روحي خل اركز بالرسم
حنان:زهق وين اروح,,
طارق:امممممممم رووحي شوفي الغابه اذا شفتي أي شي يصلح للسفينه هاتيه
حنان:يعني زي ايش؟
طارق:حنو أي شي تشوفينه يصلح ان بغى دبوس شعر
حنان:اها اللي يعني كذا احسه
طارق:ايوه
حنان:طااااااااااااااب

راحت حنان تتمشى واي شي تشوفه يصلح تجمعه,,اما طارق كان معزم انه يبني سفينه ويطلعون من هالجزيره

24 - 11 - 2014, 12:42 PM

اول يوم لعلاج نايف بالتدليك,, وصل المدلك وكانت المفاجأه للمدلك (زياد)
هذا نايف اخو طارق
نايف مايتذكره:مرحبا
زياد بملامح شاحبه:اهلا
نايف :تفضل هذا العلج اللي قرره لي دكتور الاعصاب
قرى زياد التقرير :ممكن تتسطح
نايف:اوك
بدا زياد المساج وهو مبهور بالصدفه اللي جابته لبيت طارق,, وانبهر اكثر بفخامةالبيت من برى ومن داخل
نايف كان حاس انه شايف زياد بس مو ذاكر بالضبط وين؟
نايف:انا وجهك مو غريب علي
زياد ارتبك وبان هالشي لنايف:ههههههههه يخلق من الشبه اربعين
نايف:صادق
زياد:ممكن شفتني في صالة رياضه او مستشفى,,انت من شو اجتك الاصابه؟
نايف:حادث ويدي تضررت وتحتاج مساج
زياد:الحمدلله على سلامتك يازلمه منيح انك سالم
نايف:الحمدلله على كل حال

واستمر زياد يجيهم لمدةشهر,, مره يدلك نايف,, ومره أبو ناصر واغرقوه بكرمهم وطيبتهم,,كان نايف سخي معه وابو ناصر نفس الحكايه,,وام ناصر ماكان منها الا كل يوم تغديه او تعشيه ماتخليه يطلع من البيت بدون اكل
وهالشي كان زي الشوك بصدره يكثر ويكثر لدرجه انه مايقدر انه يتنفس,,كرمهم كان فوق كل شي,,بس يخاف لو يدرون انهم ماراح يخلونه بحاله بان عليه انهم عايله قويه
وعرف الحين سر ثقة طارق وقوة شخصيته ,,كان يشوف بأبو ناصر عيون طارق,,لكن الاب عيونه منكسره والحزن عايش فيه
زياد:ليش بحس انك زعلان او مهوم ياعم؟
ابو ناصر أطلق تنهيده:أيــــه ياولدي الزمن غير حالتنا ,,وخذا اعز انسان وهددني بالثاني
زياد:مافهمت؟
ابو ناصر:كان عندي 3 اولاد كل واحد يتمنى يصير عنده واحد من عيالي صاروا اثنين وكان بيروح الثاني لوما الله ستر ولطف علينا
زياد وحس سكين انغرزت بقلبه:كيف مات؟
ابو ناصر:حادث طياره وعشمونا انه حي بس مالقوه ولنا الحين خمس شهور مامنه خبر والثاني نايف,,الله لطف ولا كان بيروح مننا هو وزوجته وولده
زياد:يعني ابنك مالقوه؟
ابو ناصر:عند الله علمه
زياد:ولو كان عايش شو شعورك
ابو ناصر ماعرف يرد لكن دموعه جاوبت عنه وجلس يبكي :اضمه لصدري واقوله آسف ياولدي إذا في يوم جبرتك على شي ماتبيه
تأثر زياد ونزلت دموعه,,هو بالأساس ضميره كان مأنبه لكن كان يكابر ,,بس الحين خلاص مايقدر يتحمل

المواضيع المتشابهه لموضوع: رواية وش حيلتي اذا الشوق صوبك دعاني كاملة لموضوع: رواية وش حيلتي اذا الشوق صوبك دعاني كاملة
الموضوع	كاتب الموضوع	المنتدى	مشاركات	آخر مشاركة
رواية قصة حب كاملة جميع الفصول بقلم فاتن محمد شاكر	مشاعر	همس للقصص وحكايات وروايات	11	2 - 11 - 2023 11:23 PM
وش حيلتي	النورسيه	همس كتابات الاعضاء الحصريه	6	19 - 7 - 2021 04:13 AM
رواية فهد و نوره رواية رومنسية سعودية كاملة	سجات التهاويل	همس للقصص وحكايات وروايات	23	8 - 6 - 2018 01:07 PM
رواية حسبي عليك حتى شبيه سمك فز له كاملة	جروح الم	همس للقصص وحكايات وروايات	42	8 - 6 - 2018 01:06 PM
رواية س كون فارسك يا مهرجتي كاملة	نَبض♡~	همس للقصص وحكايات وروايات	22	15 - 6 - 2012 03:59 PM

الذين يشاهدون محتوى الموضوع الآن : 2 ( الأعضاء 0 والزوار 2)

الأعضاء الذين قاموا بتقييم هذا الموضوع : 0
لم يقوم أحد بتقييم هذا الموضوع

رواية وش حيلتي اذا الشوق صوبك دعاني كاملة

همس للقصص وحكايات وروايات