رواية وش حيلتي اذا الشوق صوبك دعاني كاملة

24 - 11 - 2014, 12:44 PM

دخل عليهم نايف أثنينهم يبكون
نايف:ياحيل الله وش فيكم
زياد:انا السبب
ابوناصر :لا ياولدي مالك دخل جرحي بولدي مابرى
زياد:انا اللي مشيت وتركته خلفي هوا وحنان
نايف+ابوناصر:!!!!!!!!!!!
زياد:كنت معوه بالطياره ونجينا على نفس الجزيره ورحت وخليتهون وراي,,مابتتزكر شكلي يا نايف؟؟
نايف وكأن احد مصحيه من النوم:انت وش تخربط؟
زياد:ابنكون طارق مامات حي بس انا غدرت فيه بكرهوووووو بكرهوووووووو بس انتي كسرتوا عيني بطيبتكون على نفس الجزيره اللي لقيتوني فيها هوا هناك ومعه صبيه اسمها حنان ,,روحوا ساعدوهن واعملوا فيني ياللي بدكون
كان كلام زياد زي السهام اللي صوبت نايف وابوه وشلهم عن الحركه
ابو ناصر:طارق حي؟
زياد:أيــــــــــــــــــــه
نايف:انت اللي قلت الجزيره كلها افاعي ؟
زياد:إيــــــــــــــه ماكنت بدياكون تنقذوهم

نايف وهو يقرب منه ويمسكه من ياقته ويرصه بالجدار:اخوي حي ولا علمتنا
زياد:بترجاك ماتبلغ عني
نايف:الله ما ابلغ بس ببرد قلبي فيك يالخاين
وعطاه ذاك الكف ,, وفصخ عقاله وطقه ولسبه فيه
ابوناصر وهو يوخر ولده عن زياد:اتركه اتركه لاتضيع الوقت اخوك بمكان الله العالم عنه,,اتركه رح جيبه اتركه عنك
نايف:يالحقير شلون قدرت تصبر خمس شهور ماتبلغ الحكومه يالحقود,,انت قلبك من وش مخلوق؟؟انت بشر؟؟ والله لأشرب من دمك ياحيوان

وقف ابو ناصر بين نايف وزياد المنهار من البكي وكأن الندم حل عليه فجأه
:خلاص مو وقته الطق رح جهز السياره نروح للوزاره يسون الاجراءات اللازمه

نايف :بتروح معي يبي؟
الاب:ايه وبناخذ ذا معنا ومن اليوم ماهو متعدينا لين نجيب اخوك

في غرفة ريم
ريم:هههههههههههههههههههه تصدق ان ابوي حب هالمدلك كل يوم يجيه ويدلكه ولاخلص غدته امي
د/فهد:ياحظه ترى انا بعد دكتور ولدكم
ريم بدلع:تعال سير على مريضك
فهد:اهم شي انتي لا جيتي بشوفك
ريم:ممممممممممممممم وليه تشوفني
فهد:حرام عليك ميت ابي اشوف شكلك, ما شفت منك غير عيونك ورجلك!
ريم:وكافي
فهد:طيب شرايك انروح لنا كافيه,, ولا ليه مقهى تعالي عندي بالمستشفى
ريم:وبعدين؟
فهد:ولا قبلين اشوفك واكحل عيني بشوفك
ريم:مو شينه بس وش اقولهم ليه رايحه؟
فهد:دبري لك عذر عاد ترى من جد شفقان على شوفتك
ريم وهي تدلع:افكر
فهد:بلا دلع انا خلقه خاق
ريم:هههههههههههههههههههههههههههههههههههه
فهد جاه خط ثاني:ريوم عندي خط ارجع اكلمك
ريم:لا خلاص بروح لامي تحت اسمع اصواتهم مرتفعه بشوف وش السالفه

فهد:اوك

24 - 11 - 2014, 12:44 PM

فهد:هلا حبيبي
سعود:هلا بك اعترف من تغازل؟
فهد:ههههههههههههههههههههههههههه كلن يشوف الناس بعين طبعه يالمغازلجي
سعود:شجدولك اليوم؟
فهد:ابد باقي لي ساعه ويخلص دوامي ,,بعدها بنام وبعد المغرب عندي كم شغله وباليل فاضي
سعود:خلاص اجل السهره بشقتي
فهد:صار

سعود صديق د/فهد,,اصدقاء صياعه اثنينهم,, بس من وفاة حنان وسعود تغير حاله ولارجع لسوالفه مع البنات وفهد من وفاة ابوه وهو تارك سوالفه وراه,,بس بقت ريم اللي مايدري وش تنتهي عليه قصتهم

في بيت ابو ناصر
نزلت ريم على اصوات اهلها
ريم:شفيكم
ام ناصر:ابشري ياريم ابشري بأخوتس
ريم:!!!! وش اخوي
ام ناصر ودموعها وفرحها :طارق حي طارق حي وراحوا يجيبونه يااااااااااااااالله لك الحمد يارب فرحني بشوفته
ريم:طارق!
ام ناصر:ايه طارق
ريم:وش دراكم
ام ناصر:المدلك كان معهم بالجزيره وغدر فيهم ونجى وترك طارق ومعه بنيه وابوتس ونايف راحوا للوزاره وبينقذون اخوتس وبيجيبونه
ريم وهي تصرخ من الوناسه وتنطط بكل البيت وجاتهم وضحى وعرفت السالفه وجلسوا يرقصون ويناقزون والفرحه عمت ارجاء البيت

من فرحة ريم ركضت فوق تكلم فهد

فهد:هلا بالريم
ريم وهي طايره من الفرح:فهد طاااااارق اخوي حي
فهد:شنهو؟
ريم:طلع حي ما مات
فهد وفرح من قلبه:والله لقيتوه
ريم يابعد عمري انتي اللي ساعدتنا
فهد:!!!!!!!!!!!!!!
ريم:المدلك طلع معه بالجزيره ونجى ولا انقذ اخوي معه كان حاقد عليه والحين يوم جانا حس بالندم وقال لنايف وابوي
فهد:ماشاء الله اخوك بالحاله ولا معه احد؟
ريم:معه بنت على كلام المدلك
فهد:هههههههههههههههههه حلو ومتى بتجيبونهم
ريم:هذا ابوي واخوي عند الوزاره بيجهزون السفن
فهد:حلو عاد طمنيني بعد
ريم ان شاء الله ,باااااااي

سكرت ريم وهي طايره من الوناسه

24 - 11 - 2014, 12:46 PM

في الوزاره الخارجيه

الموظف:ابشروا كلمنا السفار وراح تجهز السفن والطيارت عشان يعملون مسح على المحيط ويعطون السفن الاحداثيات
ابو ناصر:طيب ولد بيروح معهم ومعه هالرجال عشان يعرفون الجزيره
الموظف:خلاص هم من بكره او بعد لين تجهز المواقع بينطلقون,,توجهوا للمطار احجزوا تذاكر
تذكر نايف سعود:زياد,,وش اسم البنت اللي معه؟
زياد:حنان اسمها حنان
ابتسم نايف من قلبه وطلع جواله يدق على سعود

دق جوال سعود بأسم نايف
سعود:خير ان شاء الله
:مرحبا
نايف:مرحبابك اكثر,, وش تعطيني لابشرتك؟
سعود:عيوني انت تآمر
نايف:هههههههههههههههههههه جهزهم اختك بخير وبروح احجز لاقرب رحله للمغرب نجيبهم
سعود مو مستوعب:اييييييييييييييش حنان عايشه؟
نايف:ايه جانا خبر وبنروح عسى نلقاهم
سعود:لحظه لحظه فهمني حبه حبه

وجلس نايف يفهم سعود وسعود من الفرحه طلع من دوامه وهو لسه ماخلص وماسك جواله يذكر ربه ويكبر لين آخر شي سجد سجود شكر
سعود:اجل شف الوعد بالمطار بكلم احجز لي تذكره
نايف:ههههههههههههههههه خير اجل اشوفك هناك

فكر سعود,,اكلم اهلي ولا لين القاها وأتأكد,, حتى فيصل مو قايل له,

في الجزيره

كانوا طارق وحنان سهرانين برى
حنان:طيب متى بتبني السفينه؟
طارق:لين القى المواد كامله وببدا بكره بقطع الاشجار
حنان:طارق ليه مانسوي زي مسلسل لوست؟ نكتب على الشاطي كلمة help
وراح تبين بالاقمار الصناعيه اذا ولعناها بالنار
طارق: اخاف ننحشر ولا شافوها
حنان:لا نكتبها كبيره بالاشجار ونشبها اقل شي لمدة ساعه وبعدها بتطفى الا مايلقطها قمر صناعي لو بالصين
طارق وهو يفكر:اممممم ليش لأ نسويها بكره
حنان:لا نبدا الحين دامنا زهقانين
طارق :قو

وقفوا اثنينهم ولكن فجأ حسوا بالارض تهتز من تحتهم,, وهدت
طارق:الارض اهتزت ولا يتهيألي؟
حنان:أي
طارق:!!!!!
حنان بعيون خائفه:زلزال؟ يوم لقينا فكره تهتز الارض
طارق:لا عادي هزه بسيطه
لكن فجأه طلع انفجار من تحت البحر ارتفع الماي حوالي خمس أمتار
حنان+طارق:آآآآآآآآآآآآآآآآآآآآآآآىه
حنان:وش هذا
طارق وهو يمسك يدها :خل نجيب سترة النجاه حقتنا
ركضوا لداخل الكهف وكانوا مجهزينها للظروف ,, لبسوها بسرعه
وطلعوا برى يركضون,, لقوا البحر يهتز والشاطي تغطى بالماي
حنان:طارق بنمووووت
طارق وهو يضمها بقوه:مانموت مانموت
راح بسرعه طارق وقطع اغصان شجر كبيره شوي
طارق:جيبي الشيرتات المقطعه بسرعه
ركضت حنان بسرعه وخذت الشيرتات اللي بالسرير فككتهم وجابتهم
وربطوا ثلاث اغصان مع بعض ,, وربط يده بيدها,, ويده الثانيه بالغصن ,, وكلها ثواني وطله انفجار ثاني لكن من الجهه الثانيه
حنان:يمــــــــــــــــــــــــــــــــــه ليش البحر كذا
طارق:اكيد تغيرات بالصخور وتفجرت
حنان:وش نسوي يعني

طارق وحس ان زلزال تحت ر

24 - 11 - 2014, 12:46 PM

طارق وحس ان زلزال تحت رجوله
طارق:اركـــــــــــــــــــضي

ركضوا الاثنين بأسرع ماعندهم وهالمره الانفجار كان بمكان اللي هم كانوا واقفين فيه وانفجار يتلوا الاخر الجزيره بدت تغرق تغرق
وكان هالشي امام عيونهم
طارق :البحر قومي نروح البحر لا ننجذب لتيار غرق الجزيره ونغرق البحر

وطبوا أثنينهم البحر وأختفوا فيه وضاعوا بين امواجه

وأبتدت قصة جديده هالمره بينجون وبيعيشون؟؟
ولا البحر بيغدرهم ؟؟
وزي مايقولون يافرحه ماتمت يا ابو ناصر

24 - 11 - 2014, 12:47 PM

في المطار

سعود:ايه يمه لازم اسافر شسوي اضطراري,,
امه:يعني كذا
سعود:ايه يمه اللي كان بيروح زوجته تولد واعتذر>>>من قريب يملخها
امه:الله يهون عليها,,عاد كلمني لاوصلت
سعود:ان شاء الله تامرين شي من دبي
امه:سلامتك
سعود:الله يسلمك سلمي على ابوي
امه:ابشر ,,عاد انتبه على عمرك والله هالطيارات عقدتنا ,,ماتروح بسياره ابرك لك
سعود:ههههههههههههههه لا وش يوديني من الرياض لدبي 9 ساعات سياره
3 ساعات الا انا واصل ولا ساعتين
امه:خير اجل توصل بالسلامه
سعود:مع السلامه

وسكر سعود من امه,, ووصله ولد عمته خالد
خالد:مايغى تسكر
سعود:ههههههههههه امي وخايفه علي وش دخلك
خالد:عاد طمني اذا لقيت اختك
سعود:ان شاء الله
خالد:يالله توصل بالسلامه

اول مانزل سعود من سيارة خالد لقى نايف توه واصل ومعه المخزي زياد
سعود:نـــأيف
خالد:هذا اخو الرجال؟
سعود:ايه
نزل خالد من سيارته
وسلمو على نايف ,, وكان زياد واقف عند السياره
سعود/هذا المخزي؟
نايف:الله الله
سعود وهو ياخذ عقال خالد:انا ولد أبوي
راح لزياد ,,اما زياد مات من الخوف ولا تحرك من مكانه
زياد:بترجاك انا ماإلي زنب
سعود:وانا بعد ما إلي زنب

نايف جايز له الوضع ومخلي سعود يبرد قلبه في زياد الكلب
خالد:ابك انت وش تسوي بالرجال
سعود:خل أأدبه ذا اللي ترك اختي وراه
خالد:انا خوي اللي ماله خوي ,,جايك ياسعود

ويتجمعون سعود وخالد على زيادوه ويبردون خاطرهم فيه
ويجيهم امن المطار:خير خير اترك الرجال
سعود وهو ماسك زياد:طقيناك يازياد؟
زياد:عم نتغشمر ياشرطي
ويدف سعود زياد لقدام ,,:امش قدامي
نايف وهو يكمل على زياد ويدفه :قدامي اشوف
زياد:ولك العمى لك عم امشي
سعود:قسمن ان ماخيطته لا ادبسه وترى الكبد منك وارمه
خالد:سعود ان مالقيتوهم قطوه بالجزيره
سعود:تسلم يدك ياولد عمتي
خالد:معليه طلعت الكبت اللي فيني على ظهره
سعود+نايف:هههههههههههههههههههههههههههه

24 - 11 - 2014, 12:48 PM

دخلوا المطار وتوجهوا عند بوابة الطياره ,, وكل شوي يخزون زياد
سعود قام له
زياد:بدك تضربني قدام العالم
سعود وهو يعطيه ماي:لا ابي اسألك
زياد وهو مستغرب هالهدوء عند سعود:شوو؟
سعود:ليه خليتهم.؟
زياد:كانوا وقحين معي
سعود وهو يصر على اسنانه:تترك بنت ؟!
زياد:لك العمى على هيك بنات لسانها طويل وقويه كسرت لي ظهري
سعود وهو يفقع من الضحك:مقديه فيك ,,وليش كسرت ظهرك؟
زياد وهو مختزي وساكت
سعود:ليش؟؟؟
زياد وهو مكشر وجهه ويطالع نايف وبصوت واطي:كنت عم اتخانق مع طارق وإجت ضربتني على ظهري
سعود:وتتخانق معه ليه انتوا بجزيره وتحتاجون بعض
زياد:ليــك ماتحقق معي انا عملت اللي بدي وبلا كترة غلبه>>طال لسانه
كفخه سعود بغرشة الماي وهو يضحك على بو انه يمزح معه ويقرب منه:اقصر الصوت لا اقص لسانك ويكفخه مره ثانيه بالغرشه
سعود:هههههههههههههههه لاعاد تعيدها هالنكته
نايف:وش هبب
سعود:وهو يجلس جنب نايف:حمار ,,ترى للمعلوميه اختي دافعت عن اخوك وانقذته
نايف:خخخخخخخخخخخ ياخوي العكس
سعود:ههههههههههههههههههههههه اشتقت لها والله
نايف:الله يفرحنا بشوفهم
سعود:آمين

اعلن المطار عن رحلتهم وتوجهوا للطياره وطاروا بأمان

في الشرقيه

في بيت ابو فهد

كانت ساره فاتحه دفتر محاضراتها ,, ومره تكتب نايف ومره تكتب سعود,, وحطت بينهم مقارنه
نايف/حبي الأول ,,فترة من حياتي مستحيل ازيلها بكل بساطه
سعود/قدر يقتحم حياتي بموقف بسيط ,,بس ماقدر ينسيني نايف غير يوم واحد
نايف/باعني وتزوج غيري ,, وبكل بساطه انا ماوعدتك بشي
سعود/شاريني من حركاته ومن رجعنا من البر مرتين يزورنا وهاذي مو عوايده
نايف/خلاص تزوج وعنده حياته واكيد ولدت زوجته
سعود/فرصة ناجحه لحياه سعيد,,فرصه ذهبيه,,بس ما اعرف عنه أي شي

يااااااااااااااربي عورني راسي,,نايف سعود ,نايف سعود ,,اووووووف
صدق من قال الحب الاول ماينسى بسهوله,,ياترى قدرت تنساني يانايف؟؟أطري على بالك؟؟
آآآآآآآآآآآآآه ياقلبي متى ترتاح ,,لا تبي سعود يدخلك ولا تبي نايف اللي جرحك

24 - 11 - 2014, 05:20 PM

شغلت الرادو وكانت الاغنيه اللي تحبها ,,

وش مسوي مع غيري
وش الدنيا بقربه
ياروحي انت متهني؟؟ولا بشوق لي ملهوف
انـــــــــا مازلت افكر فيك,, وأمـــوت في حبك وطــــاريك,,
ولكن هاذي أطباعي أخبي الحزن بي ما اقول

تضايقت مره’’ وغيرت القناة كان تطلع لها اغنية راشد الماجد

الله كريم الله كريم ,,,يهون الجرح الأليم,,
الله الله
لاصار ماطاع الزمان,,خلك على الدنيا حليم
الله الله
ساره:إيــــــه الله كريم

في مطار المغرب

هبطت الطياره ,, ونزلوا من الطياره نايف وسعود ,

توجهوا للميناء حيث السفن تنتظر وصول الطائرات اللي تجلب لهم مسح ومواقع الجزر,, وبالذات المكان اللي لقوا فيه زياد

سعود:مرحبا
موظف في البحريه:اهلا
سعود:حنا من السعوديه جايين,, اللي من طرف السفاره
الموظف:اهلا الحمدلله عسلامه
نايف:الله يسلمك,, متى بتمشي السفن

الموظف:مش عارف شو اقولكم
سعود:خير؟
الموظف:الاحداثيات اللي عندنا تغيرت اليوم الصباح
نايف:والمقصود؟
الموظف:حدثت هزات بحريه نتج عنها غرق عدة جزر,, ومن هالجزر الجزيره اللي حددتوها لنا

نايف وسعود ومعهم زياد,,حسوا ان الهوا انقطع,, وان الكره الارضيه على صدورهم
سعود بصوت مخنوق:يعني ماتوا؟
الموظف:العلم عند الله
سعود وهو يصرخ على الموظف:ولييييييييييييييييييييه مارحتوا من أمس ليييييييييييييييييه
الموظف وهو متخرع من سعود :ما جتنا الاخبار غير بالأمس بنفس الوقت اللي اجانا خبر الهزات البحريه

أنقهرواا من قلب نايف وسعود ,,بس لا ماجلس كذا سعود التفت على زياد
وزياد من نظرة سعود رجع للورى:انا ماخصني انا ماخصني
سعود والشرر يطلع من عيونه:شلون ماخصك وانت طول هالمده ساكت

وهجم عليه سعود وعطاه بكس على وجهه ,,وجا الموظف مسك سعود وموظف ثاني بعد,,بس هيهات ان مسكوا سعود في نايف اللي فرحته ماتهنى فيها,, وقام عليه ورفسه على بطنه ورفعه من ياقته ووقفه ,قسمن بالله لاتدفع الثمن يالخسيس
وجا الموظف الثاني ومسك نايف
سعود ومثبتينه اثنين:هدووووني خل اذبحه وارتاح خممممممس شهوووور واختي عايشه يوم تكرم ونطق غرقت الجزيره خمممممممس شهوره ضميره نايم ماصحى غير توووووووووو
آآآآآآآآآآآآآآآآآآآآآآآآآآ ليته ماصحى وعشنا الفرحه آآآآآآآآآآآآآآآآآآآه
وانتفض بقوه سعود وماقدروا يمسكونه وطلع بسرعه من الغرفه وتبعه نايف اللي بنفس حالة سعود واردى بعد

24 - 11 - 2014, 05:20 PM

كانوا الأثنين بحاله لايرثى لها من جد,,نايف تمنى احد بس يتحرش فيه عشان يحط الحرره فيه,, وده يذبح احد وده يطق ويطق لين يبرد قلبه ,,يافرحه ماتمت اخوي الغالي مات امس
امــــــــــــــــــــــــــــــــــــــــــــــــ ــس!!!!!! وشهالحظ عليك ياطارق تلعينا معك وبموتك مرتين نحزن مرررتين
وجلسوا قرابة ساعه على المينا يراقبون البحر والسفن
سعود بعد ماهدا نسبيا:والسواهـ
نايف وهو يتنفس بعمق:مانرجع كذا
سعود:!!
نايف:يمكن يكونون في البحر او نجوا !
سعود:ما ابي اتعلق بأمل
نايف:مو خسرانين نروح داخل ونشوف
سعود:شورتك وهداية الله

قاموا الاثنين وتوجهوا للموظف المسئول
سعود بنبرته الصارمه:السفن جهزت؟
الموظف:بدكون تروحو؟
نايف:ماجينا هالمسافه واخرتها نرجع كذا,, طاحت الطياره ولا لقينا لهم جثه وقلنا ماتوا,,آخرتها طلعوا حيين ,, ومو معناة الجزيره غرقت ماتوا برضوا,,ترى في خيار ثاني وهو النجاه!
الموظف مقدر أملهم في العثور على اخوانهم:راح اخبر البحاره يجهزوا
سعود وهو يلتفت لزياد:وانت اجهز
زياد:مابدي روح معكون
نايف وهو يخزه :ماخذنا رايك
زياد وهو يروح للموظف:بوس ايدك ماتخليني روح معهون
الموظف مقهور من زياد:لما مابدك هيك ليش تروح وتترك اصحابك خلفك,,رووح دور عنهون
زياد وهو يبكي:راح يهروني ضرب
الموظف:مو مسئوليتي
وطلع من الغرفه الموظف
ووقف زياد يطالعهم

سعود:يالله نايف نتجهز,, وانت أخلص ورانا درب

طلعوا من الغرفه ,, وجهزوا انفسهم ,, وتوجهوا للسفينه وكل واحد منهم حامل بقلبه أمل برب العالمين

24 - 11 - 2014, 05:21 PM

كانوا الأثنين بحاله لايرثى لها من جد,,نايف تمنى احد بس يتحرش فيه عشان يحط الحرره فيه,, وده يذبح احد وده يطق ويطق لين يبرد قلبه ,,يافرحه ماتمت اخوي الغالي مات امس
امــــــــــــــــــــــــــــــــــــــــــــــــ ــس!!!!!! وشهالحظ عليك ياطارق تلعينا معك وبموتك مرتين نحزن مرررتين
وجلسوا قرابة ساعه على المينا يراقبون البحر والسفن
سعود بعد ماهدا نسبيا:والسواهـ
نايف وهو يتنفس بعمق:مانرجع كذا
سعود:!!
نايف:يمكن يكونون في البحر او نجوا !
سعود:ما ابي اتعلق بأمل
نايف:مو خسرانين نروح داخل ونشوف
سعود:شورتك وهداية الله

قاموا الاثنين وتوجهوا للموظف المسئول
سعود بنبرته الصارمه:السفن جهزت؟
الموظف:بدكون تروحو؟
نايف:ماجينا هالمسافه واخرتها نرجع كذا,, طاحت الطياره ولا لقينا لهم جثه وقلنا ماتوا,,آخرتها طلعوا حيين ,, ومو معناة الجزيره غرقت ماتوا برضوا,,ترى في خيار ثاني وهو النجاه!
الموظف مقدر أملهم في العثور على اخوانهم:راح اخبر البحاره يجهزوا
سعود وهو يلتفت لزياد:وانت اجهز
زياد:مابدي روح معكون
نايف وهو يخزه :ماخذنا رايك
زياد وهو يروح للموظف:بوس ايدك ماتخليني روح معهون
الموظف مقهور من زياد:لما مابدك هيك ليش تروح وتترك اصحابك خلفك,,رووح دور عنهون
زياد وهو يبكي:راح يهروني ضرب
الموظف:مو مسئوليتي
وطلع من الغرفه الموظف
ووقف زياد يطالعهم

سعود:يالله نايف نتجهز,, وانت أخلص ورانا درب

طلعوا من الغرفه ,, وجهزوا انفسهم ,, وتوجهوا للسفينه وكل واحد منهم حامل بقلبه أمل برب العالمين

24 - 11 - 2014, 05:24 PM

في الشرقيه

كانت ساره تسولف مع اختها سلمى

ساره:سلوم سعود حماك كم عمره؟
سلمى:اممممم مدري بالضبط بس في اخر العشرينات..ليه؟
ساره:تصدقين عاد تو اكتشف ان سعود كبير كل على بالي من سوالفكم عنه انه طايش بالكليه يدرس
سلمى:اووف مو لهدرجه
ساره:والله
سلمى بنبرة استفزازيه:وش عندك تسألين عنه؟
ساره:اتعرف عليه ليس إلا
سلمى :ليــــــــــــس إلا
ساره:يامصخك ياسلوم
سلمى:صدق انه قلبه اخضر بس هو من النوع اللي يلتزم اذا تزوج فعشان كذا يحس ان الزواج تهــــور واللي بيتهور معهاه لازم تكون قد التهور لانه بيحبها من قلب ,,بس متى عاد يحس بكذا !!

سكتت سارهلاوتذكرت نايف نفس التفكير,,واكيد ينتظر لين يصير 30,, يعني سنتين التفت لاختها وكان وجهها مولع احمر,,مو خجل,,لا غضب من رجال العالم
ساره:ممكن ماتحاولين تلمحين
وطلعت من الغرفه
استغربت سلمى وتغير وجهها ,,:يؤ شفيها ذي وش قلت انا؟؟هالبنت من زمان اقول مو بطبيعيه,,لا يبيلها قرايه ,,الله لايعوق بشرٌ جايبين الشيخ ابو علي يقرا عليها !!!

>>>لاتعليق على عقلية سلمى !!<<<

اما ساره توجهت لغرفتها وهي تتذكر كلام نايف كله ,, وتقارنه بسعود,, يعتي معقوله نايف اهله يناظرون له زي مانناظر لسعود,,صـــــــــــــــــايع ينتظر عمره يصك30 عشان يتهور ويتزوج,,وطبعا بصير انا اول الخيارات وطبعا زي أي بنت تحمد ربها واحد زي سعود ولا نايف يتقدم لها,, بعد ماقط اللي براسه ,, ويشتغل على زوجته اخلاقيات ومُثل عليا وعيب ومش عيب ,, وفجأه ينزل عليهم العقل

لاشعوريا ضربت ساره باب غرفتها بأقوى ماعندها,, نفست غضبها المكتوب بالباب اللي قوم الصاحي من نومه الا وهو (فهد)

صحى فهد متخرع مايدري وش صاير ,, غرفته بجنب ساره جدار بجدار
طلع من غرفته وهو يتلفت حوله ولقى اخته سلمى في صالتهم فوق
فهد وهو متروع ع الآخر:وش وش صاير؟
سلمى كانت مثله مندهشه من ردت فعل ساره المبالغ فيها بنظرها:آآه مدري
فهد وتحولت اندهاشه وخرعه الى غضب:وش مدري ,, وش هالصوت
سلمى:ساره تخانقت معها وسكرت الباب كذا>>>مالقت عذر لاختها احسن من كذا
فهد وهو متوجه لغرفة ساره والشياطن تراقص قدامه ,, وكانت ساره ما قفلت الباب وواقفه بوسط غرفتها وكانت دموعها تنزل بغضب على خدودها وكانها بركان ثائر ,,
رفس فهد الباب بأقوى ماعنده وسلمى وراها تلحقه تبي تهديه
فهد وهو معصب أكثر:وش الخبال اللي انتي فيه؟؟ ماتعرفين ان فيه ناس نايمين
ساره اللي تتمنى يطلع لها من الارض جني عشان تتخانق معه:وش دراني انك نايم ,, بعدين احد ينام بهالوقت ؟
سلمى توقف بالنص وتمسك اخوها:سم بالرحمن
فهد وهو يطالع اخته:وش اللي مصيحك,,تهاوشين مع ذي العنز تصقعين البيبان ؟؟
ساره وخلاص مو مسيطره على الموقف وماكانت تشوفه اخوها ,,لا ,,رجل:كيـــــفي اصقع بباب بكرسي باللي ابي اه

المواضيع المتشابهه لموضوع: رواية وش حيلتي اذا الشوق صوبك دعاني كاملة لموضوع: رواية وش حيلتي اذا الشوق صوبك دعاني كاملة
الموضوع	كاتب الموضوع	المنتدى	مشاركات	آخر مشاركة
رواية قصة حب كاملة جميع الفصول بقلم فاتن محمد شاكر	مشاعر	همس للقصص وحكايات وروايات	11	2 - 11 - 2023 11:23 PM
وش حيلتي	النورسيه	همس كتابات الاعضاء الحصريه	6	19 - 7 - 2021 04:13 AM
رواية فهد و نوره رواية رومنسية سعودية كاملة	سجات التهاويل	همس للقصص وحكايات وروايات	23	8 - 6 - 2018 01:07 PM
رواية حسبي عليك حتى شبيه سمك فز له كاملة	جروح الم	همس للقصص وحكايات وروايات	42	8 - 6 - 2018 01:06 PM
رواية س كون فارسك يا مهرجتي كاملة	نَبض♡~	همس للقصص وحكايات وروايات	22	15 - 6 - 2012 03:59 PM

الذين يشاهدون محتوى الموضوع الآن : 3 ( الأعضاء 0 والزوار 3)

الأعضاء الذين قاموا بتقييم هذا الموضوع : 0
لم يقوم أحد بتقييم هذا الموضوع

رواية وش حيلتي اذا الشوق صوبك دعاني كاملة

همس للقصص وحكايات وروايات