رواية وش حيلتي اذا الشوق صوبك دعاني كاملة

26 - 11 - 2014, 12:35 PM

كانت شيخه تفكر في بنتها وكلام حنان ان هذا نايف اخو طارق بس معقوله هو ماغيره؟؟
شيخه تنادي:ســـــــــاره ساااااره
ساره من فوق:نعـــــــــــــــــــم
شيخه :تعالي
بعد دقايق نزلت ساره:هلا يمى
شيخه:اجلسي
ساره قلبها رقع:خير اللهم اجعله خير وشو؟؟
شيخه:ذا الي مع حنان بالجزيره هو نفسه اخو اللي بالي بالك؟؟
ساره وجها تغير:ها
شيخه فهمت:أيـــــــــــــــه اجل هو
ساره:ليه تسألين؟؟
شيخه تفكر تفكر تفكر هالمره مو خايفه على بنتها خايفه لايقول نايف لأخوه انه على علاقه مع بنت خالتها بالماضي ويقوم طارق يترك حنان
ساره تقطع على امها تفكيرها:يمه ليه وش صاير؟؟
شيخه:تو حنان مسكره مني
ساره:ايه
شيخه:وباين من كلامها انها تحب هاللي معها واخاف يقوله اخوه ويتركها !!
ساره :لاااااااااااااااا ما أتوقع نايف يقوله اولا,,ثانيا ترى طارق أكبر من كذا
سكتت للحظه ساره:انا صدق ما اعرفه كثير طارق بس من سوالف اخوه انه جدي واذا بغى شي سواه على ان شخصية ابوهم قويه الا ان طارق قدر يسوي اللي يبيه دايم
شيخه:كأنك ضامنه هالنايف مرره؟؟
ساره تبتسم لما تذكرت شكله بالتلفزيون شلون بهالسنتين كبر وأحلو وتغير مع ان وجهه كان فيه شي ناقصه ,,كان مبين ان الراحه فاقدها
كانت شيخه ملاحظه وجه بنتها شلون تغير وشلون غرقت بتفكير تحبه تذكرت لما شافته بالتلفزيون اكيد,,يارب يعوضك يابنتي
شيخه:ساره لو وش يصير لا تكلمينه الحين انا مو بس خايفه عليك ,وعلى حنان ماراح أسامحك اذا صار شي بين حنان وطارق والسبب علاقتك بنايف ولا تحاولين انك ترجعين علاقتك فيه,,ادري انك بشوفته اليوم فز قلبك ,,بس مالحالتك طب غير انك تنسينه وترضين بقسمة رب العالمين وادعي ربك انه يرزقك بأحسن منه
سكتت ساره كان كلام امها بمحله وصح ونزلت راسها
بس شيخه رفعت راس بنتها:انا مو مستعره منك ياساره انا أنبهك بالماضي غلطتي واحط السبب علي لأني أهملتك وماكنت قريبه منك بس الحين عندك اللي يفهمك وينبهك والحين أي شي يصير ماراح اسامحك عليه لأني اقرب لك من ظلك أنا روحك اللي تشاركينها اسرارك انا أمك يا ساره

طالعت ساره امها ونزلت دمعه وعضت على شفايفها وأبتسمت غصب:تدرين وش أكثر شي ما اتحمله؟؟
الام تمسك يد بنتها بمعنى تكلمي
ساره والدمعه الثانيه والثالثه تنزل:أني أشتاق يايمه كل شي أتحمله كل شي بس الشوق يعذبني ,,يمه الشوق ماله طب ولا علاج يايمه؟؟ تكفين ترى كل فتره وفتره يتقطع قلبي على وصله بس ماباليد حيله
وأنهالت بالبكى وضمتها امها وذابت ساره بحضن امها وجلست الام تبكي معها تبكي على حال بنتها اللي ما عاشت دنيا بس انقرصت بأول عمرها من احلى شي وهو الحب

رفعت ساره راسها وكملت وهي تبكي:ما أحبه خلاص ماصرت ابلعه >>وغصتها العبره
:بـــــس أشتــــــــاق له يا يمه أشتااا�

26 - 11 - 2014, 12:35 PM

رفعت ساره راسها وكملت وهي تبكي:ما أحبه خلاص ماصرت ابلعه >>وغصتها العبره
:بـــــس أشتــــــــاق له يا يمه أشتاااق
حاولت شيخه انها تواسي بنتها بس عجز لسانها على المواساه وأكتفت بضم بنتها لصدرها ومشاركتها بالبكى

في الرياض

بيت نجود
نجود:تخيلي يمه ما يتصل فيني ولاحتى يسأل عن ولده مدري وش قلب حال الرجال كذا
الام:انا قلت لك الرجال من يشوف مرته مرخصته يرخصها بعكس الحرمه اللي تتقرب من زوجها وتغليه ,, وانتي من بعد الحادث وانتي متغيره عليه وخلي كلام فطيم ينفعك

زعلت نجود من كلام امها وتوجهت لغرفتها تبكي ,, ومسكت جوالها واتصلت على نايف ,,
نايف من جهته كان يشوف اسمها بس مو قادر يرد حس ان نجود صارت ثقيله عليه
طارق:ليه ماترد مين؟
نايف وهو عابس:نجود
طارق مستغرب خبره بأخوه يحب زوجته:طيب رد
نايف:مالي خلق لها نجود تغيرت يا طارق وانا مو قادر اتقرب منها أحس ان زواجي منها غلطه
طارق:!!!!!!!غلطه !!,,,عسى ماشر بعد سنتين وتجي تقول غلطه!! تو ما انتبهت وش صاير قلي؟؟
نايف:يارجال من صار الحادث وقبل لا تولد وهي متغير صايره كأنها تحاول تسيطر علي في بالها اذا ولدت بصير ملك لها وانا والله احبها وان بغت تملكني اصلن انا ملكها بس أحيان أحس انها لا تبي تسيطر علي ُ تخيل من تدري اني عند امي تطنقر وتطلع لي بحجج انها تبي أشياء ولا تبيني أسوي لها شي او تدلع علي عشان اجيها ,,أنا بالبدايه أحسبها تشتاق لي بس بعدين أنتبهت انها تبيني أزور اهلي وهي معي , وانت خابرني قهوة العصر عند امي اتقهواها
طارق وهو يحك حاجبه:طيب أغلب الحريم تكون خطتهم ان رجالهم يصيرون ملكهم بس انت لا تطاوعها عطها حقها ولا تبخصه ولاتقطع أهلك
نايف:انا هذا اللي أسويه راحت السكره وجت الفكره ,,بعد الحادث تغير حالها 180 درجه لما سألتها قالت عشان اخاف ما أحمل وانت تعرس علي!! قلت لها ماني اناني اعرس عليك فهمتها بس رجعت حليمه لعادتها القديمه,,صارت نكد صارت كله تزعل على اشياء تافهه واحيان تقطع ما تدق ابد,,ادق عليها ولا ترد والحين قامت تو تتذكر تدق
طارق :والله مدري وش اقولك بس انت طبعا مو حاط في راسك شي صح؟؟
نايف:زي ايش؟؟
طارق :تطلقها فرضا
نايف:اذا بتستمر على هالحال بحط في راسي ,,يعني هي تبيني ,,وانا ابي اعيش مرتاح ,,وراحتي انها ترجع زي قبل والحين 3 شهو وهي على هالحال حتى قمت اشك انها تحبني
طارق وهو يقرب من اخوه:عينك بعيني اشوف
نايف يفتح عيونه:شف
طارق:قلي رجعت لهياتك ؟؟تعرف بنات بهالفتره؟؟
نايف ابتسم: لا
طارق:تكذب
نايف:لا لو اعرف بنات كان بالعكس مهما تسوي ماراح ازعل لاني راح احس بتأنيب الضمير اني اخونها فبتالي راح ارضى بنكدها,,بس انا ماخنتها كل الحكايه اشتقت اعيش مرتاح
طارق وهو يفكر بحنان:كل الحكايه اشتقت لك
نايف وهو الثاني تذكر ساره:أي والل

26 - 11 - 2014, 12:36 PM

نايف وهو الثاني تذكر ساره:أي والله
واثنيهم كلن يغني على ليلاه

طارق:اسمع لازم تتحمل زوجتك,,الحين في ولدك سميي ولا راح اسمح لك انك تخرب حياته وانت حنون وتحبها بس لا تكابر واذا في شي ماقلته لي ,,احب اقولك الزم ماعليك أسرتك واترك كلام المراهقين وخل نسكر من سالفتك ونبدا فيني
نايف وهو يحط رجل على رجل:وش فيك انت
طارق:اشتقت لحرمتي

نايف فتح عيونه على حدها:وش قلت متى اعرست عليها؟؟
طارق:ههههههههههههههههههههههههههههه بعرس ان شاء الله بس متحلي عليها بأسم حرمتي
نايف:هههههههههههههه يالاهبل
طارق:اشتقت لها ابي اشوفها قبل لا نسافر
نايف:اممممممممممممممممممم
طارق:اتصل بأخوها وقله يروح معك
نايف:وين نروح؟؟
طارق:ياخي أي داهيه ,اييييييه رح جب لنا حبوب منومه ترى صدق ماراح اركب الطياره وانا بكامل قواي العقليه ,,اخذه معك ورح خل اشوفها
نايف:هههههههههههههههههههههه لحظه خل ادق على غرفته

اتصل نايف.. دق تلفون جناح سعود,, وفز قلب حنان راحت بترد
سعود:خليه
حنان بخيبة امل:طيب
سعود:الو
نايف:هلا سعود
سعود:هلابك
نايف:تجهز خل نروح اشتري لهاللي عندي حبوب راكبن راسه مايبي يركب الطياره خل نهجده بحبه
سعود وهو يفكر:تهقى؟
نايف:ايه والله انا حيلي منهد ولا لي خلق احايله وانت عندك اختك يالله مابقى وقت
سعود:يعطونهم بالطياره
نايف وهو يحرك يده بالهوا:لا لا مايبي يحط رجله بالطايره نبي نعطيه قبل الموعد
سعود:اوكي الوعد عند اللفت
نايف وهو يغمز لاخوه:طيب

سكر سعود وتنط حنان:وين بتروح؟؟
سعود وهو ياخذ جواله:بشتري اغراض مع نايف لاتفتحين الباب لاحد
حنان:اوكي
وهي تخطط تدق على طارق

نايف:اسمع لا تروح لها تفضحنا اخاف يصعد اخوها ولا نرجع مبكر ثمن ننفضح
طارق:اسمع لا ترجعون غير بعد ربع ساعه مايمديكم اصلن تخلصون مبكر اسأل الصيدلاني حقق معه انشب له
نايف:زين يالله سعود يحتري عند اللفت

طلع نايف وجلس طارق يعد من واحد لين 50 وقطع العد جرس التلفون
طارق:الو
حنان بدلع:الوووووووو
طارق شاق الضحكه:هلا والله افتحي الباب جايك
حنان تحرقه:لا اخوي يعيي
طارق:اقول لايكثر ترى من جد ابي اشوفك
حنان: يامهبول ان ما جيت ولا بجيك اخلص تعال
طارق :هواااااااااااااااااااااااااااااااااا

26 - 11 - 2014, 12:37 PM

طلع طارق من غرفته وكله شوق لرفيقة دربه وحبيبة قلبه وحبه الأول وان شاء الله الأخير
أما حنان توجهت لمرايه عدلت شعرها لكن للحظه أستحت وقررت انها تقابله وهي متحجبه

رن جرس الغرفه ,,انتفض قلب حنان زياده ما هو يدق بسرعه ,, وبسرعة البرق فتحت الباب لقت طارق واقف وبعيونه لمعه حلوه,,لمعه خلت قلبها يوقف من حلاتها,, أما طارق
ماكان منتبه لحجابها كان يطالعها ويكحل عيونه فيها,, كانت ابتسامتها وخدودها الموره من الحيا والشوق أحلى شي شافه في حياته
طارق بعد ما كحل عيونه بشوفها:أشتقت لك
حنان عضت شفتها السفليه وجلست تلعب بكالون الباب :وانا بعد
طارق بعذوبه:حنان وش بسوي لو رجعنا انا بس 3 ساعات ماتحملت شلون بعدين
حنان وهي خلاص وصلت للأرض من الخقق:معليه نتحمل شوي
طارق تسند على الباب:أحبك
حنان ولع وجهها زياده:.........
طارق كان من جد يحبها كان ميت على شكلها الحلو:وأشتقت لك,,
حنان:..........
طارق:أشتقت لعوابتك وهوايشك
حنان بإبتسامة حيا:ههههههه خلاص لاتقول كذا
طارق بخبث:تستحين؟
حنان موتها وكلمة حيا ,,لانها ماتصدق انها تستحي:منك لا
طارق:طالعيني اجل وحطي عينك بعيني وقوليها
حنان توهقت وقررت تتحداه وحطت عينها بعينه ,,وتو بتتكلم بس انشل لسانها عن الكلام وأكتفت بالنظر لعيونه ووجه ,,وكان نفس الشي لطارق انشلت جوارحه كامله وجلس يتأملها يتأمل جمالها البسيط لكن الفاتن بنفس الوقت وحس ان في شي ناقصها ,,فقطب حواجبه,,خافت حنان
طارق:ليه لابسه حجاب؟!
حنان استحت وش تقوله 5 شهور وهي جالسه معه فري الحين جاها الستر والدين:امممم يعني لازم
طارق سكت وجلس يتأملها ويتأمل وحس بالفخر فيها:تدرين انك كبرتي بعيني اكثر ,, وان حلاك زاد!
حنان وهي تعض شفتها بدلع وتناظر فوق :ادري
طارق :ههههههههههههههههههههههههههههههههههههههههههههههههه يااو مابغت تطلع العوابه اخ بس والله لاأعلمك العوابه والدلع خل بس اعرس عليك
حنان :الله يستر منك انت شكلي مانيب موافقه
طارق وهو يسوي نفسه شخصيه:اقول لايكثر اسمعي يمكن يرجعون ,, بعطيك رقمي ورقم نايف ,,اول ماتوصلين البيت ثبتي جوال ودقي علي وطمنيني عنك,,
حنان:استحي وش اقول لاخوك
طارق:لاتقولين ارسلي مسج بس وانا بدق
حنان:اوكي

عطى طارق حنان الرقم وهو ميت يبي لو بس يلمسها بس حس ان هالشي محظور بزياده
طارق:تامرين شي؟
حنان بصوت هادي يتخلله بحتها ونعومتها المعهوده عليها:ايه
طارق بدون مايدري وش تتبي:اللي تبينه حاضر
حنان بنعومه:ههههههههههههه
طارق وهو خلاص مايقدر يتحمل:بنت ما اقدر على كذا
حنان :طارق
طارق:لبيه

26 - 11 - 2014, 12:37 PM

حنان:لا تتركني ترى والله بشتاق لك >>ودمعت عيونها وراح صوتها مع اخر حرف
طارق قطب حواجبه ومس شفايفه,, وبحركه متردده مد يده ومسح دمعتها وكانت دمعتها على اصبعه وجلس يناظر دمعتهاورفع عيونه لها:ترى دموعك أغلى شي عندي وماراح اسمح لنفسي اني اكون السبب في نزولها ,وان كان صار وبكيتي مني ف أنا اقولك (آسف)
وباس دمعتها وسكر على يده وحطها عند قلبه:حنان انتي صرتي اغلى ناسي ولو علي أملك عليك الحين بس ماعندي أي اثبات للهويه الحين
حنان وانهالت بالبكى:طيب
طارق:لالالا وش له الصياح انا ماقلت لك لا تبكين؟؟
حنان:مو مني خلاص ,,انا قلبي عورني لمجرد اني تخيلت اني ماراح اشوفك اذا صحيت من النوم بكره
طارق وحس بالهم:اجل انا اللي بتحمل خلاص لا تخليني اتهور وأخذك واروح للمحكمه هنا ونعرس
حنان وهي تمسح دموعها كالأطفال:لا ابي ابوي يكون معنا
طارق:اجل تحملي

سمعوا صوت اللفت وخافوا لايكون سعود
طارق:ادخلي بسرعه اشوفك بالمطار
حنان:انتبه على نفسك

تحرك بسرعه طارق ودخل مخرج الطواريء لأنه مايقدر يروح لغرفته
نايف رقع قلبه لما شاف الباب مردود مش مسكر خاف لايكون طارق لازال عند حنان
نايف:سعود تعال خل نطلب شي نشربه
سعود:مشكور بس من جد برتاح شوي قبل الرحله
نايف يعلي صوته عشان يسمعه طارق اذا كان عند حنان:ههههههههههههه والله لو تطاوعني نروح نشوف فيلم
سعود اللي مايدري وشوله ذا يضحك ولا من كل عقله فيلم ولا بقى غير اربع ساعات على الرحله:لا معليه سي يو
نايف بصوت عالي:متى قال الصيدلاني صدق ياكلون الدوا؟
طارق كان ميت ضحك على اخوه لانه مرتبك
سعود يرفع حواجبه:وش بلاك انت محد نشب بالصيدلاني وخذا التعليمات ورفع ضغطه كثرك والحين نسيت؟؟
نايف وهو يضرب جبهته:يووووه تصدق اني من بعد الحادث احس اني صاير نساااي مرره
سعود:يمكن العصب حق الذاكره مفلت شوي رح خل يلحمونه هههههههههههههه
نايف:ههههههههههههههههههههههااااي بايخه
سعود:اقول بس سندرت راسي سي يو

ودخل سعود الغرفه ,, وسكر بابه اما نايف بسرعه توجه لغرفتهم
نايف:طارق
طارق طلع من مخرج الطواريء ويمشي على اطراف اصابعه
نايف بصوت واطي:طااارق ,,طارق الله يلعنك لا تودرنا
طارق من ورى جاه :بووووووووه
نايف التفت بسرعه ومن الخرعه صفقه بالكيسه: وجع
طارق:ههههههههههههههههههههههههههههههه ههههههههههههههههههههههههههههههههههه
نايف وهو منقهر منه من قلب:تضحك وانا اللي قلبي يرقع من الخوف احسبك عندها ولا هي عندك
طارق ولازال يضحك على منظر اخوه وعلى كلامه مع سعود:هههههههههههههههههههههههههههههه

26 - 11 - 2014, 12:42 PM

نايف:وجعوووووووووووووه ضحكت من سرك بلا
طارق وهو يحاول يمسك نفسه:قسمن لو انا مكان سعود كان عطيتك ظهري ودبرت يلللعن امها نشبه عليك هههههههههههههههههه
نايف ابتسم لما تذكر نشبته مع سعود:عاد يا أنا أخرته في الصيدليه كل ماقال يالله قلت اصبر خل أتأكد من شي حاولت قد ما اقدر أتأخر
طارق وهو يفتح يده اللي فيها دمعة حنو:عاد زين اني سمعت صوت اللفت لأني كنت لازلت معها >>ماقدر يكمل حس انه اختنق كل الضحك والهبال راح ,,ضااق صدره من خاطر على شكل حنو
نايف:افا وش فيك
طارق:والله لو علي تزوجتها الحين
نايف:لهالدرجه تحبها؟؟
طاررق ابتسم ابتسامة نورت وجهه المتضايق:تعرف لاقالوا لك عشق ,, هذا اللي انا أحس فيه
نايف وقف وطالع اخوه بتمعن:أسألك ولك حرية الإجابه؟
طارق يعرف اخوه الصااسأل
نايف : يعني خمس شهور في مره ......
طارق وهو يسوي نفسه يتذكر ويعد بأصابعه:اممممم 16
نايف وهو فاتح عيونه:يلعن شكلك انا على صياعتي ماعمري طلعت مع بنت قبل العرس ,,طلعت حرتي كلها على نجود بأول الشهور
طارق وهو يصفق اخوه بالمخده:ياحمار ما خاويت ونمت مع بنت وانا مسافر برى والبنات ينتظرون اشاره مني ,, شلون في وضع زي كذا,, ماندري متى نرجع ولا بنموت أصلن تعتبر أنانيه مني عشان أريح نفسي ولا بعد فيها غضب رب العالمين
نايف وهو يحك شنبه:يعني تبي تقنعني انه ماصار بينكم شي كلللللللش
طارق :شف لو أني متعرف عليها بأي مكان وكانت بينا علاقه كنت بفكر اللي يدور براسك,, بس لما أكون معها في مكان مجهول,,وتصير البنت معتمده علي ٌُ ,,واني انا مصدر الأمان لها ماراح أتجرأ أأذيها
سكت للحظه,,وتابع بنبره أهدى:صدق بالبدايه كنت دايم اتهاوش معها ,, تخبرني أنا ما أحب دلع البنات فما بالك بدلع وعوبه ولا بعد ملسونه وبنفس الوقت فيها قوه فيها تمرد>>لمعت عيون طارق<< فيها تمرد يخليك مستعد للمخاطره عشان يطلع هالتمرد ,, كل يوم أكتشف فيها شي يخليني أقول معقوله هالبنت مميزه ولا انا مو متعود على البنات وأي شي بيبهرني!!
نايف:لا ما اتوقع انك غبي عشان يبهرك أي شي ,,تراك تحب التميز مهما كان
طارق :تصدق انك لازلت صديقي القريب ,,صادق مانيب اهبل تعجبني أي بنت,, بس أرجع واقولك لو اشوفها بالشارع ما ألتفت لها ,,أحس كذا
نايف:ليه شينه؟؟
طارق تو بيتكلم:الخلا,, مو شغلك حلوه ولا شينه
نايف:اجل شلون لو تشوفها ما تعيرها اهتمام؟؟
طارق:انا كذا ما أحب اطالع الحريم أحس انهم تافهين همهم مظهرهم وبس
نايف:يارجال الحريم هم طعم الحياه,وملللللح الحياه
طارق وهو يحط رجل على رجل:ملح الحياه اذا لقيت المطلوبه لمشاركتك ,, مو أي حرمه صدقني

26 - 11 - 2014, 12:43 PM

وقام منه طارق راح لسريره يتمدد
حس نايف لوهله بالغيره تجاه اخوه لانه بيتزوج اللي يحبها:حلو انك بتتزوج اللي تحب
طارق:يس,,ترى من جينا وانت ماشفتك تكلم نجود,,خلك انت الكبير وارحمها الضعيفه ترى اللي فيه مو شوي
نايف ساكت يفكر يقول لطارق عن ساره أو لأ
طارق:هـــــيه انا اكلمك
نايف:ما أبيها
طارق جلس:من جدك؟
نايف:آآآآآآآه احس اني تعبان نفسيا
طارق حس من نبرة اخوه انه محتار بالأحرى:أمش تعال عندي

كانت عندهم طريقه من يومهم صغار,,كان يجلس واحد منهم والثاني ينسدح على فخذه ويتكلم ,, والاخر يستمع ويمسح على راسه لين يحس بالراحه ويتوصلون لحل

أشتاق نايف لأخوه ,,أشتاق لجلسة المصارحه,,أشتاق بالضبط لحنان الاخوه على بعض
جا نايف عند اخوه وعد طارق جلسته بحيث مدد رجوله وسند ظهره,, وحط نايف راسه على فخذ اخوه:آآي
طارق:بلاك؟
نايف:مافيك فخذ كلك عظام
طارق:ههههههههههههههههه اللحوم عندك والله
نايف:اذكر الله
طارق: لا الله الا الله هاذي المخده وتحت راسك ,,فضفض قلي

سكت نايف وكان محتار يعلم اخوه ولا لألأ؟؟ احترم طارق لحظه صمت اخوه ,, وحط يده على راس نايف وقام يحرك شعره
طارق بقلبه>>زاين شعر نويف
نايف:أكتشفت وأشتقت !!
طارق:اممم نبدا باكتشفت
نايف ما احب نجود
طارق تضايق :من متى؟؟
نايف:اصلن من البدايه بس قلت خلاص ذي زوجتي وأوهمت نفسي اني احبها .. بس اللي يحب يشتاق صح؟؟
طارق من قلب:أيـــه صح
نايف:بس أنا ما أشتقت لها ,,انا من طبعي حبوب واحب الكل والكل يحبني ,,بس عجزت احبها لو حب خرابيط,, تعرف لما تكون شبعان وتجامل؟؟ أو لما تكون جربت شي ومن بعده تحاول تلقى شي شبيه لهالشي عشان تقتنع ومو لاقيه؟؟ فهمت؟؟
طارق:لأ الصراحه
نايف وهو يشرح:يعني لما تكون رحت لحلاق وحسيت ان شغله بروفيشينال ,, ولما رجعت له لقيته سافر وكل مارحت لحلاق تطلع منه وانت ماتحس في الراحه او ماتحس انك زي ما تبي او زي ما انت مقرر تبي
طارق يفكر:قصدك انك نقارن نجود بماضيك؟؟

26 - 11 - 2014, 12:44 PM

نايف:يعني
طارق:أي وحده؟؟
نايف:اوووه طارق من كثر البنات اللي حبيتهم هي بنت وحده الباقي بس كذا هبال شباب ونت ولا في علاقه جديه
طارق بجديه أكثر:ذيك ماغيرها ساره؟؟
نايف تربع وقابل اخوه:ماعمري حبيت نجود لوسااااعه زي ماحبيت ساره ,,
طارق:طيب من متى وانت تاركها؟؟
نايف:قصدك هي تاركتني ,, لاني حمار تزوجت على كلام أمي وعلى ذوقها ,, وكنت مفكر ان ساره نزوه وتعدي بس تصدق نسيتها بأول زواجي بس كانت زي الحب اللي مرض او زي الفايروس اللي بالجسم موجود بس نايم وفجأه صحى وطلعت اعراضه,, فجأه تذكرتها حسيتها هي الاصل ونجود الفرع,,
طارق:طيب يمكن البنت تزوجت؟؟
نايف بسرعه:لأ
طارق خزه:تكلمها ؟؟
نايف: هي دقت علي في البدايه لما قرت عن اعلان وفاتك ,,عرفت انك اغلى اخواني وانك بحياتي مو بس اخو فدقت تعزي وبس
طارق حس انها بنت اصل:اجوديه ,,كمل
نايف:عاد انا نشط فيني هالشي لما فشلت نجود انها تملا حياتي قمت افكر فيها واتذكر ايامي معها كيف كنت مرتاح مع اني من بعيد لبعيد معها
طارق:طيب
نايف بتردد: وبس
طارق:نوو كمل
نايف:اممممممم
طارق:حاسس ان امممم ذي وراها إن؟؟؟
نايف: حنان
طارق هنا وقف قلبه آخر شي يتوقعه ان حنان بالسالفه:وش فيها؟؟
نايف:أوعدني ان علاقتك فيها ماتتغير
طارق ووجه أصفر لونه وحس ان في خطر يهدد ارتباطه فيها:تكلم
نايف:اوعدني
طارق بصوت عالي:تكـــــــلم
نايف:تصير بنت خالتها
طارق عقد حواجبه مو مستوعب: بنت خالتها؟؟
نايف:ايه
جلس طارق يتذكر سوالفها عن خالتها شيخه وان بنتها متزوجه اخوها الكبير :بنتها متزوجه اخو حنان وعندها منه عيال
نايف:ايه سلمى
طارق:وفيه وحده اسمها والله مذكر بس هي اللي دايم مع حنان يتابعون افلام من كلامها في بيت خالتها شاشه كبيره يطالعون افلام هنديه مع خالتها
طارق:ايه ذي البزر مريم,, ساره بالنص
طارق جلس يتذكر يبي يتذكر لو جمله عن ساره,, واذا حنان على درايه بعلاقة ساره مع طارق:ما اذكر انها سولفت عنها
نايف:ساره من النوع الكتوم محد يدري عن علاقتنا مع بعض,, ومن كلامها لما غرقت طيارتكم كانت تقول حنان الكل يحبها وقريب منها الا أنا كنت احط بيني وبينها حواجز لانها ذكيه يمكن تنبش وتعرف اني على علاقه مع واحد,,اصلن ساره علاقتها مع اهل بيتها عاديه مو اجتماعيه زي امها وخواتها
طارق:يعني حنان ماتدري
نايف:نوو,, ولا أبيها تدري طارق فاهم
طارق بنظره حرص لاخوه:لايكون الاخ متعرف علي امس؟؟
نايف:هههههههههه لاعاد تناظر زي هالنظره تخوف
طارق يبتسم:الله لابعطي عدوك عافيه كمل
نايف: وبس ولاعاد دقت وصار لي الحادث وعمت عينها نجود بإيدها وصرت اشتاق لساره اكثر
طارق: كلام مو منطقي نايف كمل
نايف:عاد انت طلعت حي ونبشت من سعود وعطاني رقم اخوها فهد ورقم بيتهم ودقيت وجبت رقمها
حط طارق يده على راسه:الله و�

26 - 11 - 2014, 12:44 PM

حط طارق يده على راسه:الله وأكبر عليك,,ماتستحي ,, البنت والله انها احسن منك وحشمت مرتك وتركتك وانت تلاحقها
نايف:اووووه ما الاحق انا احبها ومشتاق لها
طارق عصب :وش مشتاق وش خربط ؟؟ اللي يحب ما يترك اللي يحبها,, طيب بترجع لها وبعدين قل لي جااوب؟؟
نايف:.......................
طارق:نايف انت خبز يدي فاااهم,,,صدق انك اكبر مني بس ماتعرف مصلحتك,, لمجرد ماقالوا لك الشباب اذا تزوجت اللي تحب تأكد انك بتطلقها عشان الغيره وعدم الثقه وانت مصدق,, ورحت طعت امي وتزوجت على كيفها من اول بنت اختارتها لك,, والحين انت لازم تكون رجال وقد المسئوليه,, بنات الناس مو لعبه,, مره نجود ومره ساره,, حتى ساره عافتك,, ما أتوقع انها تبيك ,, والله لو تبيك كان لاحقتك بس انت بعتها وتركتها,, ولا أظن انها بترجع لك يوم أعرست وجبت ولد وحسيت انك مو مرتاح ترجع,,عسى ماشر

نايف:انت معي ولا معها؟؟
طارق:انا مع الحق ,, مرتك نجود تحتاجك تحتااااج رجال جنبها,, رجال يريحها من وساوسها ,, وساره تحتاج رجال يحبها ويقدرها مش بعد مافات الفوت جيت لها,, وانت نفسك أترك هالأوهام ,,قلت لك قبل اذا تحب البنت تزوجها بس قلت لي حب عابر زي كل الشباب قبل الزواج والله يستر عليها.. والحين اقولك ارجع لحرمتك وولدك

ضاق صدر نايف:وانا اللي قلت بتوقف معي!
طارق:انا اذا احتجتني بتلقاني عضيدك واخوك وظلك,, بس هالسالفه ماتحتاجني انت تحتاج تعرف انت وش تبي؟؟ بنات الناس مو لعبه يانايف,, لانجود ولا ساره
نايف:اصلن ساره تبيني وتحبني
طارق:دق عليها خل اسمع كلامها ولك مني اني أوقف معك
فرح نايف ,, وطلع جواله واتصل بساره ,, اللي كانت مع امها,, ولما شافت الرقم
ساره:يمه نايف
شيخه:ردي وخليه على سبيكر
ساره بتردد: اخاف احد يسمع برى؟؟
شيخه:حطي سماعتك خل اسمع كلامه
للحظه استحت ساره من امها,, تعرف نايف يخورها احيان:الو
نايف بابتسامة نصر لأخوه:هلا والله تأخرتي على مارديتي
ساره:ماكان قريب الجوال,,شفيك؟
طارق حس بنبرة صوتها خوف وتعب
نايف:ساره فيك شي؟؟
ساره:لا ليش؟؟
نايف:صوتك مو عاجبني
ساره ونزلت دمعه:ايه مصدعه
طارق اول مره يسمع صوتها فيها من صوت حنان
نايف:ساره أنا أبي أتزوجك
ساره+امها انصدموا:.........
نايف:الو ساره
ساره بصوت يرجف:وش قلت؟
نايف:قلت ابيك ..ابي اتزوجك ,,أحبك وربي احبك
ساره بإبتسامه ساخره:ياااااااااااااه متأخره
نايف وقف قلبه: وش متأخر؟؟
ساره:انك تقول ابي اتزوجك
نايف:ساره لحظه ,, خلك احسن مني وانسي غلطتي اني تزوجت قبل وفكري فينا
ساره :وش طرى عليك نايف؟؟
نايف: طرى اني مشتاق لأيامي معك
ساره:وزوجتك؟؟
نايف:ما احبها وبطلقها والله يرزقها
ساره:وولدك؟؟

26 - 11 - 2014, 12:45 PM

نايف:ولدي بيتربى ويعيش احسن عيشه صار معي أو مع أمه
ساره: آسفه ما أبني سعادتي على تعاسه غيري
نايف انصدم: وانا؟
ضغط طارق على زر السماعه واكتفى بجملة ساره وحب انه مايتدخل بكلامهم وقام من نايف وخلاه يكلمها بالسماعه بدون مايسمع طارق
ساره ودموعها تنزل:أنت ,, أنت حبي الأول ,,انت انسان حبيته من قلبي بس انت ما أخلصت لي,,
نايف:والله أحبك بس
ساره:بدون بس يانايف مستحيل نرجع لبعض,, ومستحيل ارجع احبك زي قبل
نايف:يعني ماتحبيني انتي؟؟
ساره:لألألألأ ما أحبك
نايف:طيب انا أحبك.. أنا أشتاق لك ساره
ساره بدموعها تضحك:ههههههههههههه سنتين وانا اتعذب واشتاق لك وماباليد حيله,,

نايف:تردينها يعني لي؟؟
ساره بنبرة حاولت تتصنعها قد ماتقدر ,,نبرة عز وقوه: مانشرب الاقداح من عقب تكريع يانايف,, ما اتزوجك بعد ماعاشرتك حرمه قبلي ,, ما ارجع لك بعد اللي صار ,, لو يطيح حظي ما آخذك يانايف ,,عمري ما أستعرت ملابس من خواتي تبي اتزوج رجال مطلق ولا بعد عنده ولد؟؟ كرامتي ماتسمح حتى لو أحبك
نايف استغرب كلامها:السالفه مو سالفة كرامه
ساره:للأسف كرامتي عندي أهم من قلبي ,, وأنت أهنتها لما قلت لي ما وعدتك بشي!! وانا اقولها لك ماوعدتك بشي وعدت نفسي وحلمت بالحالي ,, وبالحالي بنهي الحلم
نايف:ساره ليه تتكلمين كذا
ساره ودموعها تحرق خدها مثل السيل:ساره مب اللي انت خابرها,, ساره ماعاد تحبك حتى الشوق ماظن بيدل دربه لي!!
نايف منصدم من كلامها:....................
ساره وهي تكح: ممكن طلب
نايف يقاطعها:لاتطلبين اصلن ماني داق ,, وانا كنت ابي اعرف مشاعرك تجاهي عشان اقرر حياتي,, كان عندي أمل انك ترجعين لي بس
ساره بعقلانيه:نايف,,انا ماضي لايودي ولا يجيب,, وانت قرر بنفسك اللي تبي,, اذا تبي زوحتك عش معها ورب ولدك,, واذا مو مرتاح معها لا تربطها فيك وانت ماتحبها,, ترى التضحيه عشان الاولاد وتربيتهم في نظر الاباء هي الصح بنظرهم وهذا الغلط بعينه,,البيت اللي مافيه حب ,,مافيه بيئه صالحه للتربيه,,كل طفل بيتربى على مصلحته الخاصه وحب نفسه,, بيحب المجتمع أكثر من بيته وأسرته ,,لأن بيلقى في المجتمع واصدقائه الحب,,اللي مالقاه عند امه وأبوه... واذا مو مرتاح مع زوجتك طلقها وتزوج غيرها بس لاتفكر فيني انا مو ساره اللي خابرها

المواضيع المتشابهه لموضوع: رواية وش حيلتي اذا الشوق صوبك دعاني كاملة لموضوع: رواية وش حيلتي اذا الشوق صوبك دعاني كاملة
الموضوع	كاتب الموضوع	المنتدى	مشاركات	آخر مشاركة
رواية قصة حب كاملة جميع الفصول بقلم فاتن محمد شاكر	مشاعر	همس للقصص وحكايات وروايات	11	2 - 11 - 2023 11:23 PM
وش حيلتي	النورسيه	همس كتابات الاعضاء الحصريه	6	19 - 7 - 2021 04:13 AM
رواية فهد و نوره رواية رومنسية سعودية كاملة	سجات التهاويل	همس للقصص وحكايات وروايات	23	8 - 6 - 2018 01:07 PM
رواية حسبي عليك حتى شبيه سمك فز له كاملة	جروح الم	همس للقصص وحكايات وروايات	42	8 - 6 - 2018 01:06 PM
رواية س كون فارسك يا مهرجتي كاملة	نَبض♡~	همس للقصص وحكايات وروايات	22	15 - 6 - 2012 03:59 PM

الذين يشاهدون محتوى الموضوع الآن : 3 ( الأعضاء 0 والزوار 3)

الأعضاء الذين قاموا بتقييم هذا الموضوع : 0
لم يقوم أحد بتقييم هذا الموضوع

رواية وش حيلتي اذا الشوق صوبك دعاني كاملة

همس للقصص وحكايات وروايات