رواية وش حيلتي اذا الشوق صوبك دعاني كاملة

26 - 11 - 2014, 12:46 PM

خلاص مو قادر يفكر اكثر نايف,,حس بندم حس بندم قطع قلبه,,لو هي زوجتي كان صرنا احلى عايله,, مافيه بنت تفكر بعقلانيه كذا :ساره
ساره:هلا
نايف:انا اعترف بشي واحد,,أني خسرتك واني غبي لأني ماأخذت علاقتنا على محمل الجد
ساره حست بالفخر بعيون امها:فكر عدل يانايف وشلني من حساباتك
نايف باحباط:تصدقين لماقلتي لي نفس الكلام ماحسيت اني بفقدك زي اليوم,,اليوم بس حسيت اني بفارقك ,,اليوم عرفت ان الحب لذه والفراق اكبر عيوبه ولافات الفوت ماينفع الصوت,, حلليني وبيحي مني اذا في يوم جرحتك أو أرخصتك,, وتبقين بعيني غاليه ورفيعة شان
كان طارق يسمع اخوه وقلبه ينعصر عليه كان متأكد ان اخوه يحبها بس متأخر شوي

وتذكر نايف قصيدة كان يسمعها ويقول كلام شعر مافيه صحه!!

26 - 11 - 2014, 12:47 PM

والله انى كنت ألــوم اللى يضيق أن غــاب خـــله
لــين جربت الـمحبه والفراق وقلت تـوبـــه

لعنبو جد المفارق فيه هم وفيه ذلـــــــــــــــــــه
أثـر كل الحب لـذه والــفراق أكبر عـيوبــه

امس فــارقـت الـغـلا ومفارق الـخــلان عــلــــه
والعلاج الوصل لا تبلش طبيب ولا حبوبه

الــــــزعـــــــل هو سبة الفرقا يـهـز الحب كـلـه
ليتنى طولت بالى قـبل لا يعلن غـــروبـه

وآهني اللى وسيع الصدر.. صدره وسع فله
غلطه الصاحب تجى وتروح ماهى بمحسوبه

سامح الله طبعي على التغير يالع الـــه
قاضبن خلك عزيز لين صارت لي عقوبه

ليش تحسب غلطه الصاحب على الصاحب مذله
ليش ماتحسب ميانه لو تجى عـشـرين نوبــه

لا وربـى.. كنت أحــبــــــه حيل مـادورت زلـــه
لا تشكك فى غـــلاه ولا تساعد فى هـروبــه

لايـمـى قبلك تعبت ألـــوم شـعـار المـجـلـه
وكنت مؤمن فى مقوله اعذب الشعر الكذوبه

وأثــر كلن فى حيــاتـه له تـجــارب مستقله
وانت لا تشره علــى مثلـى وتـبـلا لك بحوبه

كان جابتك.. الحميه روح لــه تـكـفـى وقـله
لا يخــلينى واذا وده يخــفـف مــن ذنــوبــه

يستخير وله غــــلا قلب صــدوق مــايمـلــه
فدوة له كل قلبي من شماله لـــى جـنوبـه

يوم قفى والخفوق يفوح عقبه فوح دله
وسط وقدة واحد عز الشتاء والســهر دوبه

لا تقهوى بــارده من بــرد فــنجــاله وزله
ثم قــربها على جــال الجمر وأرهى شبوبه

ويــن يــدله هالخفوق وكــل مايـدله يـتـله
طاري اللى يــاكثر ماأتعبت رجلى فى دروبه

لا طرى جريت ونه من بلاده مستحله
مثل ماراحت بــلادى مــع شـعارات العـــروبــه

كل هاجوس يجيبه جعل شعرى فدوة له
وأعـــذابــى كــل ماجبت لى الجبله هــبــوبــه

مشغلن قلبي يحبه دون خلق الله من الله
هيه ياللى ممتلكنى حسن وأسلوب وعذوبه

ماسمعت ان الخوي له بالخوي تسعين زله
وانت طوف زلتـــى ياعــل تــفـداك اللعوبه

صاحبي سيف الهجر لا صرت تقدر لا تسله
ماتظن ان العفو عند المقدره أكبر عقوبه

ايه انا اللى كنت ألوم اللى يضيق ان غاب خله
بس جربت المحبه والفراق وقلت توبه

بكذا أنهت ساره علاقتها بنايف وبحضور امها ,, و طعنت ساره قلبها للمره الثانيه بس هالمره غير,,هالمره كانت تحس انها راح تكون الأخيره وراح تسمح لنفسها انها تعيش حياتها عشان ترتاح امها,, بس مستحيل تحب احد زي نايف ,,ونايف من بعدها قرر انه مايتهور مع نجود ويحافظ على اسرته الصغيره ويحاول انه يسعد زوجته وولده حتى لو هو مش سعيد

26 - 11 - 2014, 12:48 PM

بعد ثلاث ساعات ,, كان سعود وحنان تحت في بهو الفندق ينتظرون نايف وطارق ينزلون

طارق:خلاص انت كذا المفروض ترتاح ,,حياتك مع ساره مستحيله يعني حافظ على نجود,,على قولة المثل امسك مجنونك لايجيك اجن منه
نايف وعلامات الحزن على وجهه: أستاهل اللي جاني
طارق :نايف انت مش أنسان سيء ,, بالعكس احيان اتمنى اني اكون زيك ,,متسامح وحبوب وشخصيتك حلوه قويه وبنفس الوقت فريندلي ,,وأنا متأكد انك تحب زوجتك بس انت مشتاق للأيام الخوالي قبل,, وأول ماترجع الديره وتشوف زوجتك وولدك راح تنسى ساره صدقني ,, وانت بعد لاتسمح ان بيتك يخترب كلم زوجتك الحين وقلها انك راجع خلها تنتظرك
نايف وهو يهز راسه :خل ننزل اكيد سعود تحت تأخرنا عليهم
طارق تذكر نور عيونه:اووووووه يالله يالله

نزلوا الأخوان وكان سعود يسمع لأخته اللي قامت تهذري من حالة خوف لركوب الطياره ومن شافت طارق سكتت ,, سكتت
سعود وهو يرفع حاجبه:عورتي راسي زين سكتي
حنان تتسند على الكرسي ووتمد يدينهم على حضنها وكأنها في جلسة ريلاكس وطالعت طارق:s_042: اللي منزل راسه ويكلم اخوه,,اما نايف كان مبين عليه انه متضايق,,يؤ يؤ لايكون فيهم شي
,, رفع طارق عينه بحركه سريعه يناظر فيها حنان ,, وجاهم سعود
سعود:جاهزين؟
نايف:ايه
كان سعود معطي اخته ظهره ,, وطارق على الجنب
سعود:نايف شفيك,,عسى منت تعبان؟؟
نايف بابتسامه شاحبه:لا بس مانمت
سعود:ههههههههههه حتى انا والله أكيد اللي مانومك ذا>>يأشر على طارق
لأن اللي عندي ماسكتت ياجوال,, ياتقرقر فوق راسي
طارق لا شعوريا:ههههههههههههههههههههههههههههههههههه أجل الله يعينك
سكت سعود وحس ان طارق عااارف اخته عدل ,,انتبه طارق حس بالإحراج وحك راسه
طارق:يالله نروح؟
نايف+سعود:يالله
راح سعود لحنان لقاها خادره على ضحكة طارق,,وش قال سعود عشان يضحك طارق كذا
سعود وهو يعض شفته ويحرك حاجبه:قومي
التفت طارق لحنان وطاحت عينه بعينها ,, غمز لها وابتسم,, وحنان لا شعوريا قامت من مكانها ,, حس سعود ان في شي التفت بسرعه لورى لقى طارق ونايف يمشون عادي ومعطينه قفاهم
سعود عصب شوي:اخلصي تأخرنا
حنان في خاطرها:يلعن امها حاله يعني معي 5 شهور وش يبي اصير معه ؟؟؟ اووووف

توجهوا للمطار وخلصوا اوراقهم,, وكانت في طياره خاصه تنتظرهم تبع الخطوط السعوديه,,طياره سبيشل

طارق اللي ساعده انه ينسى الخوف,, وهو انه صار هو اللي يشجع اخوه نايف ويسولف عليه لأن نايف من جد في حاله يرثى لها ,,حس انه أخطا خطأ كبير في الماضي وتو يستوعب النتائج
أما حنان تمشي بشويش وكل شوي دمعه وتمسها تخاف من سعود يخانقها وبنص الطريق ,, جلست على اول كرسي
حنان:ما أبي ما أبي اركب طياره
سعود تفاجأه ,,ماسوت سعاد كذا:حنونه حبيبتي لاتخافين
حنان انفجرت بالبكى:ماااااااابي

27 - 11 - 2014, 04:37 PM

انتبه طارق للصوت وقف والتفت لورى لقى حنو جالسه ومعها سعود وشكله يقنعها,,وفجأه انتبه انها تبكي,,عقد حواجبه وتوجه لهم وأشر لأخوه انتظر
سعود:انا معك,, لا تخافين,,بعدين ذيك المره كانت الطياره فيها عطل ولا صلحوه عدل بس هالمره غير طياره خاصه ولا تحسين انك بطياره اصلن
جاهم طارق:شفيكم؟
رفع سعود راسه وحس انه ماله داعي يجي خير!!
حنان تسفط اخوها:طارق ما ابي اركب طياره,, ما أقدر أمشي
طارق سفط سعود وجلس على ركبه قبالها وبكل رقه:أنا معك
سعود!!!!!!!!!!!!!!!!!!!!!!!!!!!
حنان وهي تمسح دموعها :أبوي وسعاد كانوا معي وصرت معك بالجزيره
طارق بنفس الرقه والحب:اذا قدر الله وصار شي وماكنتي معي مع اخوك ,,حنان سمي بالرحمن وقومي
وبحركه حلوه بحواجبه عقدهم وابتسم:منتي مشتاقه ؟؟>>يقصد له عشان يتزوجون
حنان اللي قامت تبتسم:الا
سعود:!!!!!!!!!!!!!!!!!!!!!!!!! قرر انه يقول شي مايصير اطرش بالزفه
سعود:ايه اهلي هناك ينتظرون اكيد مشتاقه لهم !!
طارق ابتسم وقام من مكانه:ايه اكيد
سعود وده يعطي طارق بكس ,,يلعن شكله اختي ذايبه بهواه ,, وهو بعد ذايب لشوشته
طلع طارق الحبوب من جيبه كان مقرر انه ماياخذهم ويستمتع برحلة الخوف: هاذي حبه تاخذين نصها تصيرين طول الرحله نايمه او مهلوسه,, تبينها تاكلينها ولا تسوين مثلي حابب استمتع برحله مخوفه في الطياره؟؟
حنان بتفكير: أخاف يجيني شي من الخوف
طارق:مايجيك انتي قويه ,,اذا بتاكلين بآكل,و واذا ماتبين خل نخاف من زمان ماحضرت فيلم رعب
حنان تحك راسها:أصلن ما احب افلام الرعب
>>>>>>>>>>>كل هالسوالف وسعود جالس<<<<<
سعود:اقول قم انت وياها على الطياره ولا مايحصل خير ,,
انتبه طارق:ههههههه
قام برشاقه من مكانه وأخذ الحبوب ورماها بالزباله والتفت لها ورى:ماراح اخليك تفوتين هالتجربه
حنان وهي مسبهه تمشي وراه:تؤمر أمر
سعود يطالعها ووده ينتف شعرها بس سكت,, توجهوا للطياره وكان طارق اصلن مبسوط يبي يوصل بسرعه,, يبي يقول لأبوه وأبو حنان أبي اتزوج

جلسوا في كراسيهم,, وكانت الطائره كأنها غرفة جلوس 6 كراسي متقابله,, جلس نايف وعلى طول حط القماش على عيونه وربط حزامه وغمض عيونه,, وجاهم قائد الطائره
الكابتن:السلام عليكم
الكل:وعليكم السلام
الكابتن:الحمدلله على نجاتكم ,, وان شاء الله توصلون لأهلكم سالمين
طارق:شكرا
الكابتن:مستعدين نقلع الحين
حنان بصوت مبحوح من الخوف وترفع اصبعها:كابتن لو سمحت
الكابتن بإبتسامه:تفضلي
حنان :يعني لو سمحت لا تطيح الطياره

27 - 11 - 2014, 04:38 PM

حنان :يعني لو سمحت لا تطيح الطياره
الكل:ههههههههههههههههههه
نايف في مكانه يسمعها وابتسم ماشاركهم الكلام
سعود:ان شاء الله خير
الكابتن:لاتخافين وان شاء الله توصلون سالمين
طارق وهو ياخذ نفس عميق: ان شاء الله
الكابتن:طبعا تعرفون جدول الرحله,, اول شي الرياض وبعد ماينزل الأخوان نتوجه للخبر
طارق متفاجأ:ليه مو مكان واحد..؟؟
حنان:ايه ليه هالمشوار يجون اهلي الرياض او يجون اهله الخبر
نايف:اهاليكم ينتظرونكم كلن في ديرته وهالشي انا وسعود بغيناه اريح لكم
حنان تطالع اخوها وطارق:يعني شلون
قامت تبكي على لسانها تقول بفترق عن طارق وبروح واخليه
سعود:ههههههههههه كل ذا خوف من الاقلاع مرتين
طارق من الصدمه سكت ماقدر يتكلم,,كان وده يشوف ابوها في المطار
سعود:حنان من يجي الفجر؟ وطريق بالسياره طويل والكل ينتظرك هناك بمطار الملك فهد
حنان تبي تقول ما اروح من غيره بس ماقدرت,, فهم طارق,, وفهم نايف سبب دموعها ودعى من ربه انه يجمعهم بأسرع وقت
سكت سعود ,, سكت وفهم ان أخته ماتبي تفارق طارق ورفع عينه يناظر طارق الي كان مسند راسه على الكرسي ومغمض عيونه وكل شوي يبلع ريقه ,, والتفت على اخته ولقى دموعها سيل
عرف ان مصيبتهم وحده (يخافون الفراق)
مسك سعود يد اخته وهز راسه لها ,, أعلن الكابتن على اقلاع الطائره,,

أقلعت الطياره والحمدلله كان الاقلاع جيد والكابتن باين عليه ممتاز

المضيفه:آنسه في داخل غرفة قسم صغير خاص اذا حابه تاخذين راحتك
حنان على طرف لسانها لا ابي اجلس اناظر محبوبي
سعود:أي والله ياليت
رفع طارق راسه لهم وبعيونه:خلاص مستخسرين علينا كم هالساعه نجلس مع بعض؟؟

قامت حنان وهي ماعندها عذر مبرر عشان تجلس ,,صدق يعني استحت من نايف بس نايف قاط راسه ومغطي عيونه وكان هاديء مرررررره

دخلت حنان جوه لقت كرسي كبير نفس اللي كانت جالسه عليه ,,جلست وهي شوي وتبكي
سعود:انا هناك لابغيتي شي قولي للمضيفه تناديني
حنان مو طايقه سعود ولا ردت اكتفت بهز الراس

أحضرت المضيفه الجرايد لهم,, كان طارق فااااقد الجرايد ,,من محبين قراءة الجرايد خاصه بعد 5 شهور مايدري وش الدنيا حصل لها

جلس يقرى ويقلب صفاحتها ويقرى بتمعن هالشي خلاه يبرد على قلبه شوي او يلهيه عن حناان
ولقى قصيده مكتوبه لشاعره المفضل/مهدي آل حيدر الوايلي

وأبتسم وهو يقراها,, شافه سعود :ضحكنا معك
طارق:اقرى قصيده لمهدي ال حيدر وانا احب قصيده
نايف:أقراها حسافه مافاز بشاعر المليون

قامت بسرعه حنان قربت عند فتحتهم عشان تسمع سوالفهم تو يطلع لهم حس

27 - 11 - 2014, 04:39 PM

قامت بسرعه حنان قربت عند فتحتهم عشان تسمع سوالفهم تو يطلع لهم حس

ضمى في عروقي ماعلى غير عذبه مال
ولا يرتوي من غير همسـه ومنطوقـه
لطيفٍ ليا مر بْضلوعـي و ذب الشـال
توقّف له عروقٍ مـن الشـوق منتوقـه
تذكرت بحـر عيونـه وملحـه القتـال
وانا احاول أوصل ما شفايـاه وآبوقـه
واذا عن من ورد الغلا للنـدى منـزال
تمر النسايـم جمـع وتـروح مفروقـه
وليفٍ على لاماه غصن الهـوى ميـال
أحبــه وروحـي فـي محبتـه مطفوقـه
نظر بالذوابح للسمـاء قلـت لـه لازال
مكانك مكانـك ماحـدٍ غيـرك يشـوقـه
ورد بشفـاةٍ ريقهـا والحـديـث زلال
أشوف السما من يوم انا جيت مخنوقـه
واخاف النجوم يصيبها لابطيت إشكـال
وأخاف السحاب يلدّ ما شافنـي فوقـه
قمر والقمر له فن له سحر لـه مـوال
وله مايذيب العقل مـن حسنـه وذوقـه
وهبني غرامٍ لو على الشمّ وبلـه سـال
غشاه الخضار و نبتها تفـرع عذوقـه
ويسأل عن الود وعن الحب ليته سـال
عن الشـوق لاستوفى من الخافق خفوقه
عن البعد كيف يبهذل ويذبـح الرجـال
ليا حب لـه بـدرٍ ولا يقـدر يحوقـه>>اطلق تنهيده

>>علا صوته عشان تسمعه حنان***52***

سلامي على سيد البها عدّ ما قـد جـال
بقلبي على ضمـة روابيـه و حقوقـه

وسلامي على ريحٍ تزفه و هو يختـال
مثل غيم في وجه السما تلمـع بروقـه
تحيّة محـبٍ حل به مـن جفـاه هـزال
وانا والله ما آطيق الجفا واكره طروقـه

طارق:وسلامتكم
نايف+سعود:صح لسانه ولسانك

طارق؛:اييييييييييه من زمان عن الجرايد والقصيد:s_020:

رجعت حنان مكانها وهي مبسوطه لانها فهمت الابيات اللي حاب يوصلها يعيدها ويعلي صوته
:أيـــه يقولون ولا مايقولوا ,,, ولي صاحب ماجوز دونه
جعل البدو من حكمه يهجون ,, وحضران بقعا يتبعونه
الله يذكرتس بالخير ياخالتو

27 - 11 - 2014, 04:40 PM

في الرياض
ام ناصر:يالله قوموا جيبوا ولدي
ابو ناصر:باقي على وصولهم ساعتين اصبري ياحرمه
ريم:تكفى يبى خل نروح
ابو ناصر:مايصلح يابوتس ربع اخوتس وعيال عمامه وخواله يحترونه ,,المطار زحمه رجال
وضحى:ايه احلى شي >>>قصدها الشباب
ريم تدفها بكوعها
وضحى:قصدي احلى يبى لاصار زحمه والكل يستقبله بيفرررررح
ام ناصر:طيب اسمع انا بجلس بالسياره مع بناتي
ابو ناصر :لأ يعني لأ لاتوجعون راسي
ام ناصر: شف عاد بتاخذني معك ولا اقوم السواق واللي فيها فيها وليدي غايب عني 5 شهور وهو بعلم الغيب تي احترري لين تجون معصي
ابو ناصر ماعرف وش يقول مرته مطيعه بس لاتعلق شي بعيالها غدت ذيبه:ابشري قومي البسي عباتك ولا تنزلين من السياره

ريم:يبى وحنا؟
الاب عقد حواجبه وحبت راسه وضيح بطفاقه:تكفى يبى تكفى
الاب:قومو البسوا وياويلكم ان سمعت صراخكم بالسياره لا أقص حلوقكم
البنات:هييييييييييييييييييي:00004:***9******70***: 00004:يييييييييييييييييه

دق جوال الاب:مرحبا
ناصر:هلا السلام عليكم
الاب:وعليكم السلام
ناصر:مانمت؟
الاب:احد عنده امك وخواتك وينام؟
ناصر:هههههههههههههه طيب انا قلت بدق عليك تتجهز
الاب:ريضين باقي ساعتين
ناصر:وين ساعتين الله يخليك لنا باقي ساعه و10 دقايق بالضبط
الاب:ابووو نااصر انا جاهز تعال
ناصر:يالله دقيقه وانا عندك
ام ناصر تحط يدها على راسها:يويلي اتاريك ماعندك خبر عن الوقت تبي تأخرون على وليدي؟؟
ابو ناصر يلبس غترته:اقول بس خليني البس واتجهز

لبس الاب وتوجه للباب ودخل ناصر بسيارته وبدلها بسيارة العايله السوبر(صالون)
وتوجهوا للمطار وهم في غايه الفرحه ويتمنون لو ان سيارتهم تصير طياره عشان يطيرون

في الطياره
الكابتن:الرجاء ربط حزام الامان مطبات جويه خفيفه وبعدها الهبوط بمطار الملك خالد بالرياض

ابتسم نايف لاشعوريا لما تذكر ان أهله وناسه ينتظرون اخوه, اما طارق اخذ نفس عميق

حس سعود بصعوبه وحلاوة الموقف لطارق فمسكه من ركبته :الحمدلله ع السلامه
طارق وبعينه من جد دمعه ومنزل راسه وحس ان العبره خنقته وهو لسه ماشاف أهله حس انه بيبكي قبل لايشوفهم:الله يسلمك
نايف يشجع اخوه :وأخيرا انتهى الكابوس ياطارق وبترجع لأهلك
>>كل هالكلام تسمعه حنان وتبكي بصمت***132***
طارق ماقدر نزلت الدمعه تداركها ومسحها على طول وطالع قدام بالكرسي الفاضي اللي كانت حنان جالسه عليه:ماتتخيلون شعورين متضادين داخلي

ضم نايف اخوه على الجنب :هانت هانت ياخوي
طارق نزلت الدمعه الثانيه وابتسم:قبل لا أشوفهم قمت أبكي لو شفتهم اجل وش بيصير؟؟
سعود قام من مكانه وجلس جنب طارق:ماتنلام وزي ماقال نايف هانت
نايف يطالع سعود :تعرف وش اللي هانت يا سعود؟؟
سعود فاهم بس سكت:....
نايف:ابيك تحجز لنا موعد مع الوالد نجي ونخطب لأخوي من عندكم أخوي

27 - 11 - 2014, 04:41 PM

نايف:ابيك تحجز لنا موعد مع الوالد نجي ونخطب لأخوي من عندكم أخوي ماعاده اللي أعرفه قلبه مصوب
سعود أبتسم من خاطر :حياكم الله
طارق يطالع سعود:يشهد الله انها كانت بعيوني ,, ومايهنالي نوم غير لما أتأكد انها مرتاحه بنومها
سعود يربت على كتفه:كفيت ووفيت

يقطع عليهم صوت الكابتن:الرجاء ربط الاحزمه امامنا دقيقتن للهبوط لمطار الملك خالد

27 - 11 - 2014, 04:42 PM

كانت ساره تبكي بحرارة قلب,,بكأت أكثر من المره الأولى ,,بكأت ولديها أحساس بالضياع للمره الثانيه ,,أحساسها بأنها فقدت شيء ثمين لايمكن استرداده
ساره:وش كان يصير لو قلت له ايه احبك ونرجع لبعض,, وش كان يصير لو ريحت قلبي آآآآآآآآآآآآآآآآآآآه الراحه متحسفه لاتجيني آآآآآآآآآآآآآآآهـ يانايف حبك مالقيت من وراه بيوم الراحه ,,,
وجلست تبكي وتندب حظها
جاها مسج من ريم صديقتها::ردي ساره قلبي من امس وهو معورني عليك
حست ساره انها حابه تشكي لآخر مره وبعدها تطوي صفحة نايف واللي جابوه
اتصلت على ريم,,ريم اول ماشافت المكالمه ردت على طول
ريم:وينك انتي من اول الليل وانا قلبي منشغل عليك
ساره وصوتها يكاد يبين من الشهقات والبكاء:تعبانه
ريم تخرعت على صديقتها:وش فيك بسم الله عليك
ساره وهي تشاهق: ن ن ن اايف
ريم:ياليل وش فيه ذا بعد دق عليك مره ثانيه؟
ساره:ا ايه ويبي يتزوجني
ريم:!!!وش قلتي له؟
ساره:قلت ما أبيــــــــــك:00015:
ريم عرفت مربط الفرس صديقتها كابرت على حبها:وانتي ندمانه الحين؟
ساره:ما أدري ما أدري بس قلبي يوجعني
ريم:اسمعيني,, هذا نايف حس بقيمتك متأخر ومو ذنبك انك تتغيرين أو تتركيه
هو أختار غيرك وخل يتحمل قراره ,,والحين هو متزوج وعنده ولد
قاطعتها ساره:بيطلقها قال عشاني
ريم:وطلقهــــــا؟؟ وش بيضمن لك بعد كم شهر من زواجكم يجي الرجال يقول ولدي ابيه يعيش عند امه وأبوه وراح ورجعها وقالك هي ام ولدي بس انتي الحب ,,الرجــــــــال ملعن اعرفهم لا تعلميني فيهم,, شرط ان نايف ذا زوجته نكفت عليه(زعلت) وحب انه يبين لها ان عنده بديل والا وهو الخبل انتي!
كان كلام ريم زي الكف القوي لساره الجمها وأوقف بكائها
ريم وهي معصبه:الو
ساره:يعني ما اندم عليه
ريم:ولا تفكـــــــرين اصلن تندمين عليه ,, ولا تفكرين برضوا تلاقين بديل له خلك على حياتك لاتجبرين نفسك لشي وعيشيها يابنت
ساره:كلهم بيروحون لحنان في المطار بس أنا قلت لهم تعبانه
ريم بحماس:خبله انتي روووووووحي وان كان فيك صياح طلعيه هناك الكل بيصيح,, وخلي آخر دموعك تكون بصالة الوصول للمسافري
Gooooooooooooooooooooooooooo
ساره لوهله حست انها نست المصيبه اللي كانت تبكي منها:صدق اني خبله ما تنتعوض هالفرصه يالله بروح اخذ شاور والبس
ريم:go Go
ساره:هههههههههههههههههههههه تدرين انك أحلى صديقه بعد أمي
ريم:ادري
ساره:طز بنايف
ريم:طزززززين
ساره:هههههههههههههههههههههههههههههه اصلا انا ما أحبه زي اول بس ابكي على حالي شلون صار اللي ابيه بس بعد فوات الاوان بغاني اتزوجه بوقت انا ما أبيه فهمتي ريوم؟
ريم بصبر على ساره:ايه فاهمه بس انتي لاعاد تبكين لا على نفسك ولا على غيرك
ساره:أحبك
ريم:اروح كوكتيل انا مالقت احد تحبه بتخصبقني معها احييييييييه:00004:
ساره:ههههههههههههههه�

27 - 11 - 2014, 04:43 PM

ساره:ههههههههههههههههههه يالله تشلو بروح اقولهم اني بروح معهم
ريم:بعد ذا وتشلو
ساره:هههههههههه قصدي تشاااااو
ريم:رقعي رقعي ,,يالله تشاو
سكرت ساره السماعه وتوجهت لدرج اللي يطل على صالة البيت
ساره:ماما
شيخه:لبيه
ساره:رحتوا؟
شيخه:ايه حنا بالمطار الحين
ساره:ههههههههههههههههههههههه طيب بروح معكم
شيخه فرحت من قلب :نستناك لك خمس دقايق
ساره:هواااااااااا
شيخه ارتاحت ان بنتها قدرت تجتاز حزنها,,ماحبت شيخه انها تكون مع بنتها ,,فضلت تكون لبنتها خصوصيه في البكى وتواسي نفسها,, وحبت تكون بجنبها صديقتها الصدوق ريم,,فتصلت شيخه على ريم
شيخه:هلا بنتي
ريم:هلا خاله شلونك
شيخه:الحمدلله
ريم:وين ساره اجل اتصل فيها ماترد؟
شيخه:انا كلمتك عشان ساره
ريم:يؤ شفيها؟؟
شيخه:ابيك تتصلين وتوقفين جنبها ,,البنت محتاجه لك
ريم فهمت:والله انا قلبي ناقزني عليها بكلمها اجل
شيخه:انتوا صديقات وانا أثق فيكم
ريم:تسلمين خالتي كلامك ذا يفرح قلبي والله
قطع تفكير شيخه صوت ولدها فهد
فهد:يمه
شيخه:هلا
فهد:شكلك كنتي سرحانه؟
شيخه تبتسم:ايه شوي
فهد:هههههههه يمه حنان ورجعت
شيخه:ههههههههههههههههه من عيوني اليوم اقول لخالتك
فهد فرح من قلبه:زين ,,من بيوديكم المطار؟
شيخه:بنروح كلنا بسيارة عمك عبدالعزيز
فهد:مو ضيق عليكم
شيخه:لا ياولدي الضيق بالقبر ,,نبي كلنا نرجع معها بسياره وحده
فهد:فارس بيروح؟
شيخه:هو قائد المسيره افا عليك,, ومريوم جهزت الطيران
فهد:هههههههههههههههههه او ماني مخلي اجل هالمسيره تفوتني بروح معكم بسيارتي وباخذ فارس والعياال
فارس: من قااال اسمي
فهد:ههههههههه بسم الله علي منك من وين طلعت
فارس:أي احد يقول اسمي اطلع له
شيخه:جني ؟
فارس:ههههههههههههههههههه
مريم:اناااااااا جيت
شيخه: وين العده؟
مريم:عندج الباب

المواضيع المتشابهه لموضوع: رواية وش حيلتي اذا الشوق صوبك دعاني كاملة لموضوع: رواية وش حيلتي اذا الشوق صوبك دعاني كاملة
الموضوع	كاتب الموضوع	المنتدى	مشاركات	آخر مشاركة
رواية قصة حب كاملة جميع الفصول بقلم فاتن محمد شاكر	مشاعر	همس للقصص وحكايات وروايات	11	2 - 11 - 2023 11:23 PM
وش حيلتي	النورسيه	همس كتابات الاعضاء الحصريه	6	19 - 7 - 2021 04:13 AM
رواية فهد و نوره رواية رومنسية سعودية كاملة	سجات التهاويل	همس للقصص وحكايات وروايات	23	8 - 6 - 2018 01:07 PM
رواية حسبي عليك حتى شبيه سمك فز له كاملة	جروح الم	همس للقصص وحكايات وروايات	42	8 - 6 - 2018 01:06 PM
رواية س كون فارسك يا مهرجتي كاملة	نَبض♡~	همس للقصص وحكايات وروايات	22	15 - 6 - 2012 03:59 PM

الذين يشاهدون محتوى الموضوع الآن : 2 ( الأعضاء 0 والزوار 2)

الأعضاء الذين قاموا بتقييم هذا الموضوع : 0
لم يقوم أحد بتقييم هذا الموضوع

رواية وش حيلتي اذا الشوق صوبك دعاني كاملة

همس للقصص وحكايات وروايات