رواية وش حيلتي اذا الشوق صوبك دعاني كاملة

27 - 11 - 2014, 05:16 PM

الف الصلاة والسلام عليك ياحبيب الله محمد

بدرين في ليلن تلالا ببدرين
والليل زين من ضياهم جبينه

الله جمع بالوفا والطيب قلبين
واهدا حنان وطارق سعادة سنينه
سبحانه اللي كمل الحسن والزين
فيهم وخلا الحسن يرفل بزينه

كل الوصايف تجتمع بأحلى أثنين
والنور منهم كحل اليوم عينه
*
من نسل ناسن بالمعاني سلاطين
لعيونهم ترخص وتكرم مدينه

عالين شان وللوفا دوم وافين
أحشام وأسياد الوصوف الحسينه

الله يجعل عمرهم دايم يزين
بالحب ويخلي االسعاده تزينه
*
ياسامعين الصوت قولوا امين
عسى الهنا فيهم يلاقي سنينه
في البدايه سلم ابو فيصل على بنته وباس جبينها ,, وباست هي خشمه وراسه
ابو فيصل:مبروك يانور دنيتي
حنان مستحيه ومرتبكه وبعينها دمعه متردده:الله يبارك فيه يالغالي
وخر ابو فيصل ووقف جنب بنته ومسك يدها اليمين ومدها لطارق,, طارق وقف يتأمل مصدوووم
>>>هي حلوه ,,بس ماتوقعت بتصير احلى من قبل>>
كان متنح بالأصح
سعود يهمس بإذنه:وش ماتبيها؟
طارق ياخذ نفس :لا وش
ومسك يدها ورفعت حنان عيونها وكانت مستحيه مررررره ,,ابتسم طارق لها وقرب منها وباس جبهتها ,, وصوت الهلاهل والاغاني مرتفع,, بس همس :مبروك
حنان نزلت راسها وهي مستحيه
كان سعود وفيصل يراقبون المشهد عن قرب وسعود ميت عليهم ,, يدري انهم يحبون بعض بس مو ينسون العالم ويغرقون في تراشق النظرات
كانوا فرحانين بس بحياء حلو,, حنان تصبغ وجهها بالأحمر ,, وفرحتهم انعكست للحضور وكان الكل يعبر عن فرحته بطريقته الخاصه,, ام ناصر طبعا دموعها كانت مثل السيل,, من كان يصدق ان ولدها كان في عداد الموتى والحين قدامها بأكمل صحه وعافيه, ولا معه بنت الحلال
وأم فيصل كانت واقفه في جهة عيالها وتمسح دموعها بسريه ,,فرحت لسعاد بس بحنان كانت غير فرحتها,,مسكها سعود وهو يضحك: خلاص يايمه بنتك واعرست
امه:ماني مصدقه
سعود:الحمدلله يارب هي بيننا وخذت رجال الكل يشهد له بالطيب
امه:لك الحمد يارب
صوروا الشباب مع اختهم وزوجها وطلعوا,, قامت ام ناصر وضمت ولدها وهي تبكي,, حنان لما شافت المنظر خلاص نزلت دمعتها
ام ناصر:الحمدلله مبرووك ياولدي مبروك
طارق بنظره حب وحنان لأمه:الله يبارك فيك ,وبس لاعاد تبكين
ومسح دموع أمه بشماغه
وكل البنات اللي يشوفونه خقوا عليه
مريم:ياحلوه تهقون اروح له ابكي بيمسح دمعتي
سلمى:هو بيمسح بس قبل مايمسح بينغرز كعب حنان بخشتك ,,
البنات:هههههههههههههههههههه
ساره تتأمله:أحلو
سعاد:حلو ايه بس يوم في الطياره والمطار يهبل كان املى بس الحين بعد حلو

27 - 11 - 2014, 05:17 PM

ساره:الله يوفقهم
لبس طارق عروسته الشبكه والكل يبارك ويهني,, سلم على عمته ام فيصل وكانت مستحيه منه
شغلوا الاغاني ,,قاموا خواته يرقصون وامه
التفت طارق لحنان:انتي حنو خويتي ماغيرها؟
حنو :ابتسمت :اصبر نروح الغرفه الثانيه
طارق يسوي نفسه خايف:يمه وش بتسوي لي؟
حنان:ههههههههه لا تستهبل
ضحك طارق :قومي ارقصي لي مع اهلي
حنان:استح يازيني ارقص بملكتي!
طارق:زوجك,,تعصيني؟
حنان تطالعه وهي رافعه حواجبها:بدينا بالأوامر؟
كانت سعاد وساره مركزين عليهم:بيتهاوشون بدوو بدووو خخخخ
التفتت حنان لقدام ولقت سعاد وساره يقزون فيهم ,,انتبهت لحواجبها وارختهم وهي تضحك,,
أشرت لها ساره بحركة ,,السكين على الرقبه ,,انه بيذبحها خخخ
ام ناصر جلست جنب ولدها:ما شاء الله تهبل عروستك
طارق يبتسم :عجبتك؟
امه:الا تربعت بالقلب هي وأهلها
طارق : الحمدلله
امه:تبون تروحون الغرفه الثانيه؟
طارق:ايه يمه ضبطي ولدتس
الام:ههههههههههههههه
راحت ام ناصر وقالت لام فيصل يودونهم غرفه ثانيه يجلسون على راحتهم
راحت ام فيصل وخذت المعاريس وودتهم مجلس الحريم الصغير,,
ام فيصل: الحين بنجيب لكم العشا
طارق:تسلمين ياعمه بس بنروح الفندق ونتعشى هناك
ام فيصل بصوت مستحي:احد يعيف اكل البيت ويروح مطاعم؟!
طارق:في ذي معك حق
ام فيصل:الله يسعدكم ويوفقكم
وراحت عنهم وسكرت الباب
وكانت حنان واقفه وشابكه ايدينها ,
اما طارق عدل تشخيصة غترته وعض على طرف شفته السفليه وهو يتأملها
رفعت عيونها حنان وأستحت من نظراته التفحصيه وعضت هي الثانيه على شفتها ورفعت فستانها لفوق من عند الصدر

قرب طارق ومسك يدها
وتو بيبوسها ,, ويقطع عليهم عزوز ولد اخوها
عزوز:حنوووونه خشيني
وانخش وراها,, والشغاله تنادي مستحيه تدخل
طارق انقهر وراح لعزوز اللي متمسك بفستان عمته,, وجلس طارق على ركبه وقرب من عزوز: وش مسوي؟
عزوز:ما ثويت شي تبي توديني فوق
طارق:ليش توديك فوق؟
عزوز:لاني ثكرت المثجل
طارق:وثكرت المثجل ولا سوي شي؟؟
شد عزوز على عمته من ورى وحط راسه على فخذها:بث ماثويت شي
انتبه طارق لراس عزوز وموقعه
:طيب وخر عن ثوجتي
حنان:ههههههههه توخر عزوز لانها حست ان طارق حمار يقزها ومستانس
:عزوز حبيبي بقول للشغاله ماتوديك فوق بس لاعاد تسكر الديجي وخلك مؤدب
عزوز:ان شاااء الله
حنان تلمه :شاطر حبيبي
طارق يلمها ويلمه:شااااطر عزوز كل شوي تعال لا أوصيك
حنان:هههههههههههه طارق استح لاتشوفنا الشغاله
طارق يصغر صوته:عزوز اذا جيت بعلقك فوق بالثريا واخليك تصيح
حنان:هههههههههههههههههههههههههههههههه

27 - 11 - 2014, 05:18 PM

طلعت حنان عزوز عطته للشغاله ورجعت لطارق
طارق:مافيه مفتاح؟
حنا:استح وشوله مفتاح مايكفي انك بتاخذني اليوم
طارق وهو يمسك اصبعها اللي فيه الدبله ويبوسه وبنعومه:شسوي أحبك
خقت حنان وجلست تناظره بالشماغ ,,كااان مرررره جنتل وكشخه,, والثوب معرضه ومعطيه هيبه مو صاحيه
حنان بدلع:حلو الثوب عليك
طارق يمسك خصله من شعرها وينزل على العقد ويتحسسه بطرف اصبعه:وأحلى من العقد لباسه
استحت حنو ونزلت راسها ,,قرب منها ورفع دقنها بيده يبي يبوسها,, زفجأه
طق طق طق
طارق:غمض عيونه,, اما حنان عضت شفتها وهي تضحك :مين
الشغاله:عشا
وخرت حنان من طارق وهي تضحك ,, وجلست طارق على الكنبه:تعالي
دخلت الشغاله بعربيه وطاوله متحركه بعجلات حطتها عند طارق
حنان:اوكي روحي
طلعوا الشغالات
قربت حنان العربيه عند الطاوله,,وحطت الاطباق
وطارق يطالعها وهو مستمتع(((زوجتي)))(((عندي)))
حنان :شفيك؟
طارق:مو مصدق
حنان قربت منه وحطت وجها عند وجهه وبطريقه اغرائيه:تبي تصدق؟؟
طارق خق:.....
حنان قربت ,,ولمست خده بنعومه,,من أثرها غمض عيونه طارق ,, وقرررصته بخده
طارق:آآآآآآآآآآآآآآآوتش
حنان:هههههههههههههههههههههههه صدقت
طارق:يابنت ......... ابوتس ولد حلال ما اقدر اقول عنه شي ,, تعالي خل اعلمتس الصدق ,وانحاشت حنان حست انها بالجزيره بس للأسف اذا طلعت من الباب فيه ناس وبتتفشل ,, بس للأسف كان طارق اسرع ومسكها ,, ولصقها على الباب
حنان وهي تطالعه:يسمعوننا
طارق:قولي
حنان بعيونها لمعة مكر:نوو
طارق : طيـــــب
...............................................
*****************************&&&&&&&&&&&&&&&&&&
تشفير ^- ^

طارق يهمس باذنها:قومي نروح الفندق
حنان صوتها راح من اللي صار:احمم ماتعشيت
طارق بنفس النبره الخاثره:انتي اللي ابيه بس
حنان طالعت عيونه وحست فيهم حب ورغبه قويين
:طيب وحر خل اقول للشغاله تجيب اغراضي
وخر طارق عنها ,,
قبل ماتطلع حنان::عطته منديل: امسح الروج
وابتسمت بدلع وطلعت برى الغرفه,, كان القسم هادي
حنان:شكل الحريم يتعشون,,
عدلت شكلها ودخلت راسها لقت ساره واقف
حنان بصوت واطي:ساره ساره
انتبهت ساره ان احد يناديها ,,التفتت لقت حنان عند مدخل الصاله:حنوو
حنان:تعالي
ركضت ساره لحنان
ساره:ها بشري
من الفرحه لمت حنان ساره بنروح الفندق قولي لسعاد تجيب اغراضي على السرير مجهزتهم
ساره:هههههههههههههه يالصيع ,وليه اخوي ماخذا اختس بعد وبرد خاطره
حنان:اها لا يكثر ,,
جابوا اغراض حنان لبست عبايتها,, وراحوا للفندق
كان طارق حاجز جناح للمعاريس
طارق:لوسمحت تعشينا لاحد يزعجنا
الاستقبال:اوكي
التفت طارق على حنو وكانت تسوي نفسها مشغوله,,ضمها من ورى :شدورين
:امم ما ادروو بس اااهـ
فصخ طارق عقدها حق الشبكه الكبير وخلى السلسال اللي منه
ولفها لجته
حنان مرتبكه مرررره :آآه لازم أ ....
طارق قطع

27 - 11 - 2014, 05:19 PM

التفت طارق على حنو وكانت تسوي نفسها مشغوله,,ضمها من ورى :شدورين
:امم ما ادروو بس اااهـ
فصخ طارق عقدها حق الشبكه الكبير وخلى السلسال اللي منه
ولفها لجته
حنان مرتبكه مرررره :آآه لازم أ ....
طارق قطع كلامها ,, وجلس يعبر ويسولف له عن حبه وشوقه وصبره اللي انتهى بالحلال ,, وماكان من عروسته بعد الارتباك الا انها تعبر عن حبها وتستجيب له ,,وكانوا يعيشون احلى لحظات العمر
^- ^

27 - 11 - 2014, 05:20 PM

فهد:الحين شمعنى ياخذها ؟
سعاد:بيروحون بكره مكه,,هو يبي يعتمر يشكر ربه ويتعبد وكان يبيها معه,, وقال لأبوي وابوي وافق
فهد:طيب حتى انا ابي اروح مكه واتعبد واشكر ربي ماصدقت متى خذتك

سعاد وجهها شب ضو:وش تقول انت
فهد:وش وش اقول ,,بروح لعمي اقوله اخذك ,,حتى انا بروح مكه
سعاد:والله ماتقوله استح
فهد:ههههههههههه استحي زوجتي ,,شوفي اختك السنعه راحت
سعاد:اختي عاد كيفهم بعدين ذولا جاين من موت
فهد:بسم الله علينا ,,طيب تعالي بس اقربي وش هالاحمر اللي لابسته
^ - ^
.......................................
كانت ساره بغرفتها تفكر بسعود: ياربي هالانسان يثير فيني مشاعر حلوه مع اني ما اعرفه واجد ,,ولد خالتي بس ماعمري تطقست عنه
ابتسمت بداخلها وهي تشوف الحزام على الكرسي وتذكر كلام سعاد
سعاد:حركة الحزام خطيره مخلي خصرك زي الخاتم ,,واللون خطير عليك مرره جريء
استحت ساره لما فكرت وش ردة فعل سعود,,وليه قليل الادب ماراح اول ماشافني؟!
هههههههههههههههههههههههههههههههه
تخيلوتوا,, نست نايف,,ونست نجوود واهلهم وجلست تفكر وش راي سعود فيني
وقفت بكل غرور:اصلن انا حلوه ,, ولا اليوم زاد حلاي كنت بلوك جديد
وحركة شعرها بحركه غرور حلوه لايقه عليها
.............................
نجود:الصراحه روعه اهلها
نايف :ايه ماشاء الله على ابوها واخوانها بعد,,بس كيف امها باين انها حليوه؟؟
نجود:عسسسل تعرف الامهات اللي طيبات بس من برى مظهرهم قوياة شخصيه,, بس ماتتخيل شلون كانت مستحيه من طارق وكيف تمسح دموعها من الفرحه
نايف يحبل لها:وخواتها واهلها كيف؟؟
نجود:ماعندها غير وحده وملكت الاسبوع الماضي,, زوجة اخوها الكبير بعد ماشاء الله كلامها ينقط عسسسل بعكس اختها الشينه,, تخيل وقحه يانايف
نايف وهو بداخله>وصلنا خير<:من اختها؟
نجود:مالت عليه هاللي يقالها سوير ,,اصلن وش عرفك انت,,تخيل تدور بالشوكولاه وجلست تسولف مع خالتي شوي وعند البنات تبسم لهم ,,جتنا وسألتني انتي اخته
نايف متحمس:وش قلتي؟
نجود:تجيك السالفه:قلت انا زوجة اخوه الوسطي وهاذي عليا زوجة الكبير,,وقومي اسفهيني وامشي وانا ماخلصت كلامها,, حيــــوانه يانايف!
نايف بداخله ضحكه لو تدرين وشهي يانجود كان تشبين بالخبر حريقه:ههههههههه شافة هذرتك كثيره وسفهتك
نجود:الصراحه ماعندها ذوق ,,ياخوي لاتصير مرت طارق مثلها
نايف:ههههههههه ودتس ندق على غرفة طارق والله ان يجي ينحرنا ويروح
نجود :حرام عليك خله
انسدح نايف وجلس يسمع كلام نجود وبنفس الوقت مايسمع,,طول ماكان ببيت حنان كان قلبه يرفرف بمجرد ان فكرة ساره بنفس المكان,, كان وده يتصل عليها ويقول ابي اشوفك,, بس قويه الحركه مررره,, حس بالحزن على ساره,,اكيد تضايقت لما شافت اهلي,,وتمنت تكون بمكان حنان وتصير زوجتي
تضايق عشانها ووده لو يرجع الزمن ورى ,,كان تز

27 - 11 - 2014, 05:21 PM

انسدح نايف وجلس يسمع كلام نجود وبنفس الوقت مايسمع,,طول ماكان ببيت حنان كان قلبه يرفرف بمجرد ان فكرة ساره بنفس المكان,, كان وده يتصل عليها ويقول ابي اشوفك,, بس قويه الحركه مررره,, حس بالحزن على ساره,,اكيد تضايقت لما شافت اهلي,,وتمنت تكون بمكان حنان وتصير زوجتي
تضايق عشانها ووده لو يرجع الزمن ورى ,,كان تزوجها,,اهلها ناس طيبين
نجود:نايف نايف انت معي؟
ناظرها نايف وكمل تفكيره:يالله على الاقل نجود بنت حلال بس فيها هالعناد شوي
نجود:نااااايف وش تفكر فيه
نايف ابتسم :اشتقت لطروقي
نجود على نياتها:ياحلوه كلمت امي وانا بالعشا قالت طيب ,,
نايف:يالله نامي ورانا قومه باتسر
نامت نجود وهي مشتاقه لولدها,, ونايف قلبه طاير لمجرد انه بديار المحبوبه
/
**
مالحب الا للحبيب الأولي
الجرح من إيده ,,يطيب وينجلي
لو عشت عمري بلاه في الحياه
يكفيني من حبه غلاه والذكريات
بحر الهوى ياسامعين,,ماله دوا
مايروي قلب العاشقين مهما روى
**
/
يالحــب الأول يالـــبدر في دجــى اللــيل
مـاقـدر علـى الـنسـيان والــصـدق عـيـبـي

ببساطه,,مهما كانت الظروف,,مهما كبرنا,, يبقى معنا حبنا الأول
اللذي احببناه بصدق,, وإن ذهب ,, وعشنا في فراغ العاطفه
بقي معنا ذكريات ومواقف باقيه معنا مابقينا,, قد نعشق ونحب بعدها
ونخلص في حبنا للمحبوب لكن,,هنالك نقطه لايمكن مسحها من قلوبنا حتى وإن أمتلأت بحب الآخرين,,انه بكل بساطه,,الحـب الأول,,
أنه لعنه مباركه تصيب القلوب
سولتير

بعد شهر ,, أحتفل عائلة ابو فيصل وابو فهد بعقد قران ابنائهم سعود &ساره
وبعدها بشهرين في افخم فنادق الرياض ,,أحتفل طارق بزواجه من محبوبته
اللي كانت حامل بشهرها الأول
حنان بالتلفون:حبيبي لاتحط هالعطر يحسسني بلوعه منه
طارق:حبيبتي كل العطور تتلوعين منها!
حنان:ابسألك لمن تتعطر مو لي؟
طارق:ايه
حنان:احبك بدون عطر
طارق:دامه كذا زين,,
حنان:أشوفك بعرسنا
طارق:ههههههههه
.............
كانت حنان تعبانه بغرفة العروسه مافيها توقف وتمشي تحس بدوخه
سعاد:خلي طارق يدخل معك
حنان:لا والله بنات الرياض برع,,بيجلسون يقزون برجلي
سعاد:اجل تبين تطيحين علينا؟
شوي الا سمعوا صوت طارق عند المدخل
حنان:طارق!
طارق:ايه عندك احد
سعاد:لحظه شوي
تغطت سعاد:زين جيت تعال ياطارق
دخل طارق بالبشت وكاشخ ,جاني استدعاء من عمتي تقول ان عروستي تعبانه!
سعاد:حيلك فيها ادخل معها
حنان تدلع:مره دايخه
طارق يجلس جنبها:شهالزين قومي وريني
حنان وقفت تعرض له
طارق:يالله اجل حبيبتي خل يزفونا وأوديك بيتنا خل ترتاحين ويرتاح النونو
حنان وجها احمر:يؤ طارق كل ما اتذر اني حامل استحي من اهلي هههههه
طارق:مافي شي تستحين ,,اجل امي فرحانه ودها تفرش لك الارض ذهب عروس وحامل
طارق+حنان:هههههههههههههههههههههههههههههههههه

27 - 11 - 2014, 05:21 PM

وعلى انغام اغنية شايل الظبي بصوت محمد عبده,, انزفوا طارق وحنان
ياشايل الظبي بين ايديه,,يستاهل الظبي من شاله
بالهون بالهون يامغليه,,معطيك ظبي فلا حاله

حنان تهمس لطارق:شف هذا بنات منتدى الم كاشخات لاتطالعهن يقزونك,,
طارق:ههههههه شوفي اللي هناك منتدى كيف ,دفا ينتظرون الاخير
حنان:لاتطالعهن غض النظر
طارق:وش اسوي المعجبات واجد
حنان:اقول لايكثر طالع الكاميرا لاتطالع منا ومنا,,خل اشوف سولتير لاقولها تهاوشهن البرع:s_007:
والكل كان يصفق وفرحان,, وكانوا اثنينهم اجمل معاريس,, رجعت لهم الصحه,, ورد لونهم,, وصاروا احلى الحلوين

*************بعد سنه**************
حنان:اووش خلاص اسكت ماغير تصيح,, ماتعرف تضحك سو مثلي هاهاهاهاهاهاها
عبودي:واااااااااااااااه واااااااااااااااااه >>>يبكي
طارق:الوووو
حنان:الو طااارق وينك ليه ماترد؟
طارق:ساعه وانا اقول الو
حنان:اجل كله من ولدك ذا جنني كله يبكي ,, وانت تاركنا ,,ترى طقت كبدي منه مدري وش فيه,,تعالي الولد يبيك
طارق:حبيبتي اليومدي تسليم تصاميم
حنان:ابفهم هالموظفهم عندك وش مهنتهم خل يسلموونهم,,طارق ترى تعبت منه,, وانت كله بهالشركه,, ابفهم ليه ماسكنا عند اهلي على الاقل الحين اقطه على امي !!

طارق:حـ
حنان تكمل:جايبني هنا بالرياض ماتدري ان الرياااض زهق,,شوارع زحمه,,ناس زحمه,, ماعرف غير سعود اخوي واخوي زهقت منه ,,امش الحين تعالي,,الحين يعني الحين ,,مو حال هذا
طارق وراها:طيب بس بتأخر ساعتين
حنان تحط المصاصه بفم عبود:ولا نص ساعه الحين
طارق سكر السماعه:يعني اطير؟
حنان:مالي دخل
طارق:اجل بشرب هاللي يعطي جوانح واجيتس هوبلاااااااااااااااااااااااااااااااااااااااااااااا ااااا
التفتت حنان لقت طارق وراها:لسانتس ذا بقصه بقصه فضحتيني
حنان تطق يده:وخر ليه كله برى برى
طارق:وش اسوي بعد
حنان:وش ماعندك زوجه وولد
طارق:مالاعب بحسبتي غير هالزوجه
ووووووووووووووووووووووووووووو
خلاص ياطارق وحنو تعبتونا كله هوايش اهجدوا
وتم بحمد الله نهاية (وش حيلتي اذا الشوق صوبك دعاني)

27 - 11 - 2014, 05:22 PM

النهايه
متابعه
ممتعه
للجميع

12 - 12 - 2014, 12:25 PM

شكرا لك ي الغلا
مجهود تشكري عليه
يعطيك الف عافيييه
ودي لك

14 - 12 - 2014, 10:19 PM

شكرآ لمرورك العطر

المواضيع المتشابهه لموضوع: رواية وش حيلتي اذا الشوق صوبك دعاني كاملة لموضوع: رواية وش حيلتي اذا الشوق صوبك دعاني كاملة
الموضوع	كاتب الموضوع	المنتدى	مشاركات	آخر مشاركة
رواية قصة حب كاملة جميع الفصول بقلم فاتن محمد شاكر	مشاعر	همس للقصص وحكايات وروايات	11	2 - 11 - 2023 11:23 PM
وش حيلتي	النورسيه	همس كتابات الاعضاء الحصريه	6	19 - 7 - 2021 04:13 AM
رواية فهد و نوره رواية رومنسية سعودية كاملة	سجات التهاويل	همس للقصص وحكايات وروايات	23	8 - 6 - 2018 01:07 PM
رواية حسبي عليك حتى شبيه سمك فز له كاملة	جروح الم	همس للقصص وحكايات وروايات	42	8 - 6 - 2018 01:06 PM
رواية س كون فارسك يا مهرجتي كاملة	نَبض♡~	همس للقصص وحكايات وروايات	22	15 - 6 - 2012 03:59 PM

الذين يشاهدون محتوى الموضوع الآن : 1 ( الأعضاء 0 والزوار 1)

الأعضاء الذين قاموا بتقييم هذا الموضوع : 0
لم يقوم أحد بتقييم هذا الموضوع

رواية وش حيلتي اذا الشوق صوبك دعاني كاملة

همس للقصص وحكايات وروايات