رواية ياغايتي لو كان لضلوعي لسان قالت تعال ارجوك محتاجه عناق

2 - 12 - 2014, 10:25 AM

الموهيم مشى العشاء عادي
وحطوا العشاء وكل شي

الساعه 12
وصل شخص يحمل كل الحقد لــ رعد
اكيد عرفتوه فلاح
وكان يناظر برعد بنظرات خبث وتهديد !!

سعود كان يسولف مع سالم
فجأه جاه السواق
وعطاه ظرف وقاله فيه شخص يقول هذا الظرف يخصك لوحدك ؟؟!!

فتح الظرف
وطلع ورقه
مكتوب فيه
---
يازينها بس زوجتك شي ثاني
ياخي فيها جماااااااااااااال مو موجود بأحد
الله يهنيك معاها بس
تراها لقطعه لاتفرط فيها
ههههههههه
---
سعود انصدم من الرساله بجنون واضح وعصبيه تؤدي الواحد بدهيه خصوصا ان فيه شي غير الرساله بالظرف !
دق على لين
ووصله صوتها الناعم : الوو
سعود بقهر : اطلعي بسسسسسسسسرعه لي انا عند الباب
وقفل منها
--
عندها
استغرب مررره منه
قامت راحت للغرفه بدون لاتقول لاحد واخذت عبايتها ولبستها وطلعت ولقت سيارته وركبت ومامداها تركب الا ويحرك السياره بسرعه جنونيه
لين خافت كثير بس ماتكلمت ابدن
تحس بيموتها اذا تكملت
ففضلت السكوت
وصلوا البيت بسرعه ونزل بأسرع
بلمح البصر لقته فاتح بابها وساحبها لجواه البيت
واول مادخل رماها على الارض
سعود بصراخ : ياكللللللللللبه تخونين مين انا
وقرب منها بيشد شعرها بقووووه
وطلع الظرف من جيبه ورمى عليها الصور
( كانت الصور لها بيوم زواج نوف وملكه ريم وبعض العزايم وكذا )
سعود وهو يشد شعرها ويحرك راسها بين يده : لا وترسلين صورك له اذا ماكنتي قابلتيه بعد ياكلبه صدق بنات الشوارع مايملئ عينهم الا التراب

انصدمت من كلامه قاسي على انثى بريئه مثلها وراسها تحسه بيطير بين يده
ماهي فاهمه غير انها تخوفه ! معقوله انا اخونه وليش
والصور كل شي يثبت اني اخونه فما لي حق ادافع عن نفسي
وكانت ساكنه امام ضربه واتهاماته واهاناته

اما سعود كل الي دار بعقله انها اكيد صدق تخونه ولا ليش ماتتدفع عن نفسها
من غير وعي بدا يضربها بقووه وعصبيه وماكفاه يده لا استخدم حزام له جابه من غرفته وضربها الين فقدت وعيها بعد ربع ساعه من الصراخ والالم والسكون والجنون

خلاص كلها دم فستانها الابيض صار احمر من ضربه

جلس على الكنبه بعصبيه وهو يشوفها كيف نايمه قدامه او خلونا نقول فاقده الوعي ناظر وجها ملامحها كل شي حس بهدوء والم يسري بقلبه
البنت حتى مافكرت تلف لايمين ولا يسار تذكر انه حط ناس يراقبونها قبل لايخطبها وكيف كانت ملتزمه بمواعيدها ومن البيت للمدرسه وبس
تذكر موقفها معه امس الي يبين برائتها ونعومتها
اخذ الصور وناظر فيها
شافها كلها بين حظور وكلهم مشطوب عليهم الا هي
معناته احد يبي يخرب حياته وعرف انه عصبي واستغل الفرصه

2 - 12 - 2014, 10:25 AM

سعود
ناظرت فيها بألم يعني انا ظلمتها لا مستحيل
قربت منها اشوفها كيف صارت وواضح انها بدت تصحى من صوت انينها المكتوم
نزلت دمعه من عيني تعبر عن قهري شفتها كيف تحاول تفتح عيونها ودموعها تنزل على وجها الي فيه كدمات
رحمتها ولعنت نفسي مليوون مره شلتها من مكانها وطلعتها بغرفتي
ورحت جبت شنطه الاستعافات الاوليه
وبديت اعقم كل شبر بجسمها وهي تبكي بصوت يوجع القلب
واوقات تحاول تبعد ايدي منها عشان مامسك جسمها
بس كنت مضطر لان جسمها كلللللله فيه جروح ومشخات وضربات الحزام وبعد ماخلصت تعقيم ومعالجه كل جسمها
فسختها الفستان الي مليان دم ورميته بالزباله ولبستها قميص لي تحت اعتراضها وبكيها الجنوني لاكن ماتقدر تقاوم اكثر لانها شبه غايبه عن الوعي

حطيت بفمها حبوب مهدئه للألم وشربتها مويه ودقايق وهي نايمه ودموعها تنزل من عينها حتى وهي نايمه وتأن تعرفون كيف حسيت اني ودي اجرم بحق نفسي
ماتستاهل الي سويته
انسدحت جنبها
ونمت بعد جهد بضربها ومعالجتها

--
الساعه 5 الفجر
بيت سعود
يدف جواله بأزعاج والحاح استغرب مره
وناظر بجواله لقاه خالد
رد : الوو
خالد : سعود تكفى والله مادري شسوي اختك بالمستشفى تولد وتصيح تبي امك تصرف والله عقلي بيطير من صراخها تكفى ياسعود
قام سعود وجلس : خلاص انا بجيب امي واجي انت فين بالمستشفى حقنا
خالد :ايه تعال وتلاقيني عند غرف الولاده
سعود : خلاص مع السلامه
خالد : مع السلامه
قفل وطلع برا الغرفه
كان بيروح بس سمع صوت وراه
لف ولقاها تمشي بعرج تبي تروح غرفتها
تقدم منها :لين ارجعي نامي
دموعها نزلت خوف من صوته تخاف يضربها
سعود ماقدر يتحمل وضمها له وسمع شهقتها
ووالله ياشهقتها هزته من قلبه
وبدت تبكي بصوت عالي واساسا الحبووب باقي تاثيرها ماراح حس بجسمها ثقل
فشالها وحطها بالسرير وغطاها زيييين وطلع لامه
دخل القصر وانصدم بوجود امه بالصاله تبكي راح لها : شفيك يالغاليه
ام سعود : مادري قلبي موب متطمن احس فيه شي
سعود راح وجاب عبايتها من فوق ومصحفها الصغير : يمه قومي معي مريم بتولد
تنهدت لانها كانت حاسه اساسا لبست عبايتها وطلعت معه

2 - 12 - 2014, 10:26 AM

وصلوا المستشفى حدود الساعه 6 الصباح وتوجهوا لخالد الي كأنه هو الي يطلق مو مريم
يتحرك بالسيب وماسك يده بقوه وحالته حاله
ام سعود دخلت بسرعه لغرفه مريم
وسعود مسك خالد وجلسه وهو يهديه

الساعه 7 ونص
ولدت اخيرا مريم

طلعت الممرضه : الف مبروك جاتك تؤام
لف على سعود وضمه بقوه : هههههههههههههه سعود جاني بنات
ولف على الممرضه : والام كيفها
الممرضه :لا الحمدالله هو الي تعبها انها جايبه تؤام
خالد : الحمدالله طيب وش جنس التؤام
لممرضه : ولد وبنت
وراحت اما خالد شوي ويطير من الفرحه

--
الساعه 4 العصر
كل العايلات بالمستشفى ماعدا سعود راح يجيب لين

وصل ودخل البيت وطلع لغرفته
ولقاها جالسه وتبكي

اول ماشافته بكت زياده وضمت نفسها بخوف
ماكانت قادره تتحرك من الالم الي يسكن كل شبر بجسمها

اما هو لعن نفسه بدل المره الف وبدل الالف مليون عرف انه جرح انسانه مجروحه اساسا
وجرح المجروح مايبرئ

قرب منها وجلس على السرير وشدها له وجلسها على رجله وضمها ويمسح شعرها وهو يحس برجفتها قرأ عليها قرأن وهدت شوي من رعشاتها وبكاها
: شفيك
لين ونزلت دمعتها بعجز واضح : ماقدرت انزل ابي اشرب مويه وخايفه هنا لحالي

ونزلت دموعه بقهر على الي سواه فيها
( اقدر اقولك ان دموعي نزلت هون لان من النوع اذا شفت احد يبكي ابكي معه فما بالكم ببطل روايتي !)
بس مسحها بسرعه وقام بعد ماسدحها على السرير
مسكت كفه : تكفى نزلني تحت والله اخاف لحالي هنا
سعود جلس جنبها : ليش تخافين بروح اجيبلك مويه واكل واجي
هزت راسها بنفي وهي تبكي : لا نزلني
سعود لف البطانيه عليها خصوصا انها باقي بقميصه وشالها ونزلها على الكنبه الكبيره وراح المطبخ دق على خدم القصر يجيبون اكل
واخذ مويه وطلع لها
رفع راسها شوي وجلس يشربها بشويش
وبعده عنها عشان ماتكثر فيها وتشبع وماتاكل
مع ان الرفض واضح على وجها لاكن شالها من فمها
ومع دخول الشغاله حطت الاكل على الطاوله ودخلت المطبخ
وهو قرب الطاوله منها وسند ظهرها بالمخاد عشان تقدر تاكل
لاكن كانت تحط وجها على الجهه الثانيه ماتبي تاكل
ضربه شبعها لسنييييييييييييييييييييين قدام
آه من هموم الدنيا

2 - 12 - 2014, 10:31 AM

لف وجها بكفه له وقطر لها شوربه بفمها
وسواء كذا الين خلصت نص الصحن وبعدها رفضت تفتح فمها
تنهد وقام جاب لها حبوب وقرب منها
بس بهـ اللحظه خافت برعب وقامت تصرخ فيه : ابععععععد عني انت تبي تسوي فيني مثل ماسوى هووو !!

---
نهايه البارت
من الي ارسل الصور لـ سعود ؟
ياترى شنو قصه نظرات التهديد لـ رعد من فلاح والتهديد وش وراه ؟
شذى فينها من الاحداث ياترى بترجع بشي اقوى من الي قبله ؟؟
من هو الي تقصده لين ؟

2 - 12 - 2014, 10:32 AM

تنهد وقام جاب لها حبوب وقرب منها
بس بهـ اللحظه خافت برعب وقامت تصرخ فيه : ابععععععد عني انت تبي تسوي فيني مثل ماسوى هووو !!
سعود استغرب : منهووو
لين : صديق بابا ضربني مثلك وربطني لاتسوي مثله تكفى والله ماسويت شي والله
اقدر اقولكم انه انصدم من كلامها الي طلع بخوف منه خافت منه لدرجه قالت سر بحياتها مهم
قرب منها وهي خافت وصارت تبكي اكثر وتحاول تقوم
لاكنه وصل لها قبل تقوم ومسكها
حاول يكون لطيف معاها يبي يعرف كل شي بحياتها قبل يعرفها
جلس ع الكنبه واخذها ومسك يدها عشان ماتحاول تبعد وحط راسها على صدره ويمسح على شعرها وهي تبي تبعد وتبكي
لاكن بمساحته على شعرها وهمساته الهاديه عشان يهديها فعلا هدت شوي
سعود : يالله قولي شنو سوى لك صديقك ابوكي
لين وهي تتذكر
( نرجع سنتين لورى
كانت ام لين متنومه بالمستشفى لانها تعبانه وصديق ابوها حجز لها غرفه خاصه

....: روحي خذي الام ووديها لغرفه الاشاعه وحاولي تأخرينها مفهوم يعني ساعه واكثر
الممرضه : اوكي
وفعلا الممرضه راحت لغرفه ام رعد
دفت الباب ودخلت : السلام ئليكم <<هي فلبينه بحاول قد ماقدر اكسر كلامها >>
ام رعد : وعليكم السلام
الممرضه : دكتور يقول انت لازم يسوي اشعه تعال معي
ام رعد وقفت ولبست عبايتها وراحت مع الممرضه الي جلستها بكرسي متحرك
وحطتها بغرفه الاشاعه مع ممرضه ثانيه ماتدري عن شي وراحت

توجهت لـــ ,,,,,,,,,,, : خلاص وديت ماما حقوه اشاعه
.......... ابتسم بخبث وتوجه للغرفه الي فيها ** لين **
وفتح الباب بهدوء ولقاها نايمه على الكنبه الي جنب سرير امها
دخل الممرضه وقفلوا باب الغرفه الخاصه الي كانت بحجز منه وابعد غرفه بأخر الممرض قفلوها بالمفتاح الي قدروا يسرقونه بسهوله

تقدم منها ببطئ وبسرعه حط يده على فمها
وهي من الصدمه صحت تبي تصرخ لاكن فمها مسدود حاولت تعض لاكنه ماتنحنح حاول يمسك ذراعها عشان الممرضه تعطيها الابره المنومه عشان يسوي الي يبي براحه وبدون صراخ !
بس هي كانت حركتها سريعه وتحاول تبعد عنه والكنبه كانت تبطئ ومصعبه حركه ........... ضربها اكثر من مره على وجها وشد شعرها عشان تهدأ والممرضه تعطيها الابره لاكن ماقدروا عليها رغم صغرها
فقرر ........... يحطها على سرير الام وفعلا بحركه سريعه منه رماها ع السرير والممرضه سدت فمها
غضت يد الممرضه تبعدها لاكن هيهات كانت تسوي كذا عشان فلوستها تزيد
لمن عجزوا يهدونها ويدخلون الابره بيدها فك غترته وبقوووه وصعوبه ربط يدها بالسرير
لين هنا جن جنونها هي بقلبها البرئ الطيب تفكره بيضربها مثل مايسوي ابوها وكان يضربها قدام هذا الشخص بعقلها الطفولي صورها ان ابوها موصيه يضربها مع ان ابوها ميت من 3 سنوات والابره الي بيد الممرضه هي نوع من المخدرات الي كانوا يتعاطونها

ماتدري بنيه ...........

2 - 12 - 2014, 10:32 AM

ماتدري بنيه ........... شنو كانت

لمن هدت شوي بعد الابره ودموعها باقي تنزل من عينها وصراخها راح
قرر يخلص الشي القذر الي جا له
قال للمرضه تطلع عشان يفضاله الجو وهي فعلا فتحت الباب وطلعت هو كان يقصد تنتظره برا لاكن هي راحت
بسرعه منه قطع عبايتها وتوه بيقطع البلوزه الا الباب انفتح
ومين
ام رعد ورعد
من صدمه ام رعد طاحت مغمى عليها
اما رعد فهجم عليه بقوه وبعده من لين وبدأ يضربه بأقوى ماعنده لدرجه اغمى عليه بعد نص ساعه من الضرب والكلام

لاكن فيه انسانه من هول المنظر جاتها سكته قلبيه وماتت
والثانيه صارت من كل شي تخاف حتى من خيالها
)

سعود من صدمته بالي سمعه من لين وانه كان يبي يضربها وقصه المستشفى حس ان فيه شي بكلام لين خطأ بس ماحاول يقولها شي لانها تبكي بقوه وتشد تيشيرته
صار يقرأ عليها الين نامت بأحضانه لـ ثالث مره
حطها بالصاله الثانيه ولحفها زين
ودق بجواله : الوه رعد ابيك تجيني بسرعه
رعد : خير سعود صاير شي

سعود :لا بس ابيك بموضوع مستعجل
رعد : انا قريب من بيتكم دقايق واكون عندك
وقفل منه
و10 دقايق ويوصل رعد
جلسه سعود بالصاله
رعد : خير سعود وجهك مايطمن
سعود : لين قالتلي عن الي كان بيضربها بالمستشفى
رعد تنهد : وش قالتلك لين
سعود : ان صديق ابوك ربطها بالمستشفى وضربها وخلاهم يعطونها ابره
فيه شي غلط
رعد : تبي الصراحه لين الي فاهمه الموضوع غلط وهذا الشي من مصلحتها
سعود عقد حواجبه بأستغراب : كيف
رعد : ..........................قاله انه كان يبي يغتصبها وكل شي بالتفصيل

لين : انت كذا
وقفوا الثنين بصدمه : لين
وهي تبكي من قوه الي انصدمت منه : ليش سنتين وتكذب علي وتقولي كان يبي يضربني لييييييييييييييييييييييييش
رعد قرب لها
لين بعدت على وراء : لاتقرب مني انا اكرهكم كلكم اكرهكككككككككككككككم
راحت تركض على فوق وهي تبكي من الي سمعته
رعد تنهد : كان بيجي اليوم الي بتعرف فيه
سعود بقهر والم وغيره وكل شي : من الي سواء كذا يارعد
رعد ارتبك : سافر من يومها
سعود بشك : اكيد
رعد هز راسه وطلع

--

2 - 12 - 2014, 10:33 AM

بريطانيا
الصباح بالكليه
سماء : صباح الخير
البنات : صباح الورد
خلود : ليش متأخره اليوم مو عادتك
سماء جلست بطفش : لان نوفه راحت قبل امس ومالي مزاج اداوم الحين بس بابا كلمني وقال بيزعل لو ماداومت
اسماء : ياعيون بابا انتي لمتى كنتي مابتداومي مثلا
سماء : هههههههه ماتري
خلود وقفت : بنات قوموا ورانا محاظره
وفعلا راحوا للمحاظره
بالطريق
دق جوال سماء وكانت دانه : ياهلا وغلا بقلبي انا
دانه : هههههههه هلابك حبيبتي اخبارك
سماء : والله بخيــ.............. أي
وقفلت الجوال ورفعت راسها : وجعوووووووه خـــــلو....................
وشافت الي قدامها
...........: ماتشوفين عمياء
سماء تأفأفت ولبست نظارتها ومشت
..........: هيه
ماعطته وجه ابدن
لاكن
.............
--
................:الوه طلع من البيت نسوي الي قلت عليه
............: ايوه وانتظر الخبر

وقفل : والله وجاء اليوم الي انتقم منك يا............
--
عزوز جالس برا هو ونوف ينتظرون
لان نوف بقالها من رجعت وهي تعبانه فأصر عزوز يوديها المستشفى ويشوف شنو فيها
طلعت الممرضه : مبروك المدام حامل
عزوز من افرحه ضم نوف قدام الكل ماهمه اما نوف انحرجت مره ومسكته عشان تطلع
واول ماركبت السياره : احرجتي يادب
عزوز : ههههههههههههه ياقلبي من الفرحه
ابتسمت نوف : عساه دوم
عزوز بــ هيام : وياك ياقلب عزوز
وحركوا السياره راجعين للبيت
--
كانت تسوي بحث وفجأه جق باب غرفتها : ادخل
ام مها : السلام عليكم
مها : هلا ماما وعليكم السلام
ام مها جلست جنب مها : فاضيه
مها : افضالك حبيبتي امري
ام مها : انتي كبرتي وصرتي عروسه وفيه ناس خطبوك

--
رعد وهو باسياره كان مقهور على لين ومقهور من ال*** الي وراء الي لين فيه
وفجأه يلقى سياره طالعه قدامه : لالالالالالالالالالالالالالالا

--
لين ومن الي حاول يعتدي عليها ؟؟
سعود موقفه من الموضوع ؟؟
سماء شنو سوابها الغريب ؟؟
المكالمه شنو سرها ؟؟
مها من الي خطبها ؟؟
واخيرا رعد شنو بيصير معاه ؟؟
والجزء الجاي بيحمل نوع من الاكشن ومزيد من كشف الاسرار
انتظروني

2 - 12 - 2014, 10:34 AM

الجـــ21ــزء
رعد وهو باسياره كان مقهور على لين ومقهور من الكلب الي وراء الي لين فيه
وفجأه يلقى سياره طالعه قدامه : لالالالالالالالالالالالالالالا
وقف بسرعه قبل مايصدم فيها
حط راسه على الدركسون بروعه وخوف حوالي 10 دقايق وبعدين تذكر ونزل من السياره بسرعه عشان يشوف وش صار بالسياره الثانيه
لاكن ليته مانزل
..........: نجيت بأخر لحظه استاذ رعد
رعد استغرب منه خصوصا ان شكله قاصد الي كان بيصير : وش قصدك
...........: فين الملفات الي تدين فلاح
ابتسم : اهاا قول كذا فلاح يبي يقتلني بس قوله لو يموتني ترا عادي الملف في منه 20 نسخه وكل نسخه بمكان مختلف 10 هنا بالرياض و10 برا الرياض
..........: ماشالله يعني موتك مايفرق معك
رعد : الموت حق ولا عندك كلام ثاني
..........: اجل اليوم بيكون لك درس وتأكد الملفات لو ماتسلمت لنا خلاص شهر قول على نفسك السلام
وبحركه سريعه منه طلع سلاح من جيبه الخلفي وكان فيه مصمت <<ماعرف شنو اسمه لاكنه ينحط بقدمه المسدس عشان مايطلع صوت >>
واطلق على رعد بسرعه روكب سيارته وطار
اما رعد بسبب توقعه لحركته فتحرك بسرعه بأتجاه اليمين ولا كان الطلقه جات بقلبه لاكن بحركته جات بيده اليسار فوق بنص ذراعه
وكانت قويه الطلقه مره لانها من مسافه قريبه فما قدر يتحرك او حتى يركب سيارته
( طبعا بتستغربون تقولون يعني الطريق فاضي هو ماهو طريق عام يعني يدخل بحواري وهالحواري رعد كان يروح منها اختصار لانها فاضيه ويوصل للبيت اسرع )
لاكنه كان قادر يتصل
رعد بألم : الوه
مشعل وقف بخوف : هلا رعد شفيك
رعد : مشعل الله يخليك تعال لي ضروري
مشعل شال مفتاحه وطلع بسرعه برا : انت فين
رعد دخل السياره وقفل الباب : انا بـ....................
مشعل : خلاص انا قريب دقايق وانا عندك
قفل جواله رعد وسند راسه على الدركسون
--
دق جوال سماء وكانت دانه : ياهلا وغلا بقلبي انا
دانه : هههههههه هلابك حبيبتي اخبارك
سماء : والله بخيــ.............. أي
وقفلت الجوال ورفعت راسها : وجعوووووووه خـــــلو....................
وشافت الي قدامها
...........: ماتشوفين عمياء
سماء تأفأفت ولبست نظارتها ومشت
..........: هيه
ماعطته وجه ابدن
لاكن هو مايحب يسكت عن احد
لحقها ومسك ذراعها بقوه ولفها له : لمن اكلمك ردي علي فاهمه
سماء : فك يدي احسلك
مهند : واذا مافكيتها بتقتليني مثلا
طلعت بيدها الثانيه قلم وشلت غطاه بفمها وغرزته بذراعه وهو فكها بسرعه : هذا الي اقدر اسويه

ومشت بتكبر وغرور لاكنها ماعرفت انها تحدت مهند الي يسوي الي براسه

دق جوالها مره ثانيه : نعم ثامر
ثامر : فينك انتي
سماء : بالجامعه يعني فين لاكن راحت علي المحاظره برجع البيت
ثامر : انا عند البوابه تعالي ابي اعرفك على اخت صديقي بتتسلي معاها
ومنها نروح نتغدأ
سماء : قلتلي قصه حياتك
ثامر : ههههههه بتجين �

2 - 12 - 2014, 10:35 AM

ثامر : ههههههه بتجين ولا
سماء ابتسمت : لا جايه ثواني بس

وفعلا راحت لهم وهي تقلب بجوالها
ثامر شافها رايحه لجهه ثانيه : سماء
لفت لجهتهم وليتها مالفت
لقت الغثيث قدامها
مشت بثقل : مرحبا
ثامر : اهلين سمو اعرفك على عهود اخت صديقي مهند <<عرفتووه
عهود مهند اعرفكم على سماء اختي
عهود ومهند : تشرفنا
سماء ببأبتسامه مصطنعه : الشرف لي
ثامر : سمو الغداء اليوم ماسويتيه قبل تطلعي
سماء نست كل من حولها : ههههههههه انت امس ماطبخت زين وانا ماكلت عشان كذا اليوم مابخليك تاكل وصح ترا كلمت بابا وقال بيتصل على شركه هنا وبجينا خدم وطباخه ( وكملت بدلع ) عشان اريحك من الاكل

مهند انهبل ع دلعها
ثامر : ههههههههههه الله يعيني بس بناكل اليوم برا مع مهند وعبود
سماء كانت بتعترض لاكن هونت : اوكي بس انا بروح البيت الحين بابا يبي يكلمني ع الجوال
ثامر : الله لنا بقالي كم سنه هنا مافكر يشوفني
الكل : هههههههههههههه
سماء وهي رايحه : لاتقارن نفسك فيني انا سمو مو ثامر
ثامر : هيييييييين ياسمو
ضحكت وراحت البيت وهم راحوا المطعم
( طبعا لها سواق خاص وبودي قارد لان ابوها يحبها ويخاف عليها من الهوا)
---
وصل مشعل عــ العنوان الي رعد عطاه اياه وكان يدور بعيونه على سياره رعد
واخيرا لقاها بسرعه طلع لرعد وهو قلبه طبول عليه فتح باب سياره رعد وانصدم من الدم الي شافه هز رعد بقوه : رععععد قوم لاتنام رعد

حاله رعد هـ الوقت كانت خدر من الالم وبسبب النزف
مشعل سنده بقوه ودخله سيارته ورجع لسياره رعد وقفها على جنب وقفلها واخذ المفتاح وراح بسرعه برعد لــ المستشفى
--
سعود: افتحي الباب
لين وهي جواه الغرفه : ماااااااابي
سعود بصوت يخوف : ورب البيت لو ماتفتحين ماتحصلين خير
( لين من راح رعد وهي حابسه نفسها بغرفتها من غير اكل ولا شرب وتعاني من الم جسمها وطبعا بسبب سرعتها بالكلام مع رعد مالاحظ الجروح الي فيها )
لين خافت : ياااااااارب ارحمني

قامت بثقل فتحت الباب
واول ماشافت عيونه حست فيها بالامان والحنان خنقتها العبره وانحبست الدموع بعينها

اما سعود لمن شافها كذا حس بتعاطف معها شدها من يدها ونزلها تحت
وخلاها تجلس ع الكنبه
ونادى الخدامه الي هي بنسف الوقت نيرس ( ممرضه ) فلبينيه

لين لمن شافتها حقدت عليها مره بس مابينت : مابيها انا مو مقصره بالبيت
سعود : هافتره ارتاحي وهي بتغير على جروحك وتنتبه عليك مفهوم
وكلامي مابعيده <<أي قلب عندك

وطلع من البيت
وراح للقصر

اما لين قتلت مشاعرها الوليده لـ سعود
على قد خنقتها الا انها مانزلت دموعها
دموعها جفت
دموعها عاندتها
مارضت تريحها
دموعها تعبت من النزول
دموعها اختارت الرحيييييييل !

2 - 12 - 2014, 10:36 AM

بدت الممرضه بتنضيف جروحها وتعقيمها ولفها وراحت المطبخ
--
القصر
دخل سعود وهو ضايق وراح لـ الصاله
سلم وراح عند مريم وشال بنتها وجلس يبوسها بحب

ام سعود : الله يرزقك
لف على امه بكدر حس انه شي مستحيل : امين
جلس وهو حاضن بنت مريم ويلعبها

اسيل بقلق : فين لين
سعود : اخوها تعبان وهي عنده
ام سعود : يومين عنده
مريم : يمممممه
سعود لف لمريم : ماسميتوها
مريم : لاوالله باقي ندور على اسم
سعود : اهاا

دق جوال سعود بـ هاللحظه : الو
مشعل : هلا سعود اسمع ماعندي وقت رعد بالمستشفى ابيك تمر اخوانه وتجيبهم
وقفل !
سعود بحاله صدمه
رعد توه عنده شصار
راح للبيت بدون حتى مايكلم احد
لقى لين سرحانه عند الباب القزاز وجالسه ع الارض ومسنده راسها عليه
راح لها ومجرد مامسك كتفها يبي يكلمها
نقزززت بسرعه وتراجعت كم خطوه

سعود هنا شاف شي غريب بعيونها شاف شي اول مره يشوفه
شاف قوه غريبه على لين الضعيفه !
شاف الالم شاف الضعف والخوف بنفس الوقت
عرف بتصرفه وتصرف صديق ابوها ومعرفتها للحقيقه
دممممممممممرتها !
وهنا بـ اللحظه هذي تشهد روايتي موت الانثى المعذبه الضعيفه
موت انثى صغيره تحمل اجمل معاني الحب والوفاء والاخلاص
وولاده امرأه عنيده وقويه
امرأه ولدت بعد معاناتها وضعفها وخوفها ووو
وها هي {لين } تكون اخيرا امرأه مخلوقه من القوه

سعود : روحي البسي عبايتك بنروح لاخوانك
بدون كلام راحت لبست عبايتها
تحت استغراب سعود
ونزلت له بعد 10 دقايق
طلع سعود وهي وراه وركبوا

وهنا سعود تأكد ان فيه تغير
لين الي طول زواجهم اذا ركبت معه تلزق بالباب واليوم لا
جالسه بصمت وبدون خوف

وقف عند باب بيتهم
سعود : لاتنزلين
انتظر ردها لاكن مافيه
دق على الشباب
رائد فتح الباب : هلا وغلا

سعود : هلابك رائد انا بروح ناد اخوانك والحقوني بالسياره ابيكم بموضوع
رائد بأستغراب : حاظر

وفعلا دخل للبيت ونادى اخوانه وركبوا السياره ومشوا وراء سعود

وع قولتهم ( مثل الاطرش بالزفه ) مايدرون شسالفه

وحتى هو مايدري
لاكن عبد مأمور يمشي على كلام مشعل

المواضيع المتشابهه لموضوع: رواية ياغايتي لو كان لضلوعي لسان قالت تعال ارجوك محتاجه عناق لموضوع: رواية ياغايتي لو كان لضلوعي لسان قالت تعال ارجوك محتاجه عناق
الموضوع	كاتب الموضوع	المنتدى	مشاركات	آخر مشاركة
محتاجه احس انك معايا مهما بعدنا الزمان	شيخة الزين	همس عذب الكلام والخواطر المنقوله	11	14 - 8 - 2019 12:45 PM
شيلة كان الوعد ما بيننا ‏لا قالت عيونك تعال	همسة الشوق	همس الشعر و الشيلات الصوتيه	4	29 - 8 - 2017 10:45 AM
هذي انا ياغايتي ميت فيك	ياقلبي اكتفيت	همس الشعر والقوافي	6	7 - 9 - 2015 02:26 PM
خلفيات اي فون ضايقة بالحيل محتاجه اشكي	أداري حبك	همس موبايلات الاندرويد	13	22 - 3 - 2013 07:51 PM
محتاجه لك والحاجة م الاختراع	صمتي شموخ	همس الشعر والقوافي	1	5 - 2 - 2011 05:49 PM

الذين يشاهدون محتوى الموضوع الآن : 1 ( الأعضاء 0 والزوار 1)

الأعضاء الذين قاموا بتقييم هذا الموضوع : 0
لم يقوم أحد بتقييم هذا الموضوع

رواية ياغايتي لو كان لضلوعي لسان قالت تعال ارجوك محتاجه عناق

همس للقصص وحكايات وروايات