رواية ياغايتي لو كان لضلوعي لسان قالت تعال ارجوك محتاجه عناق

2 - 12 - 2014, 10:36 AM

وقف عند المستشفى وكلهم نزلوا وهم يطالعون بسعود بأستغراب
سعود : لاتطالعون فيني كذا انا مادري عن شي مشعل هو الي قال اجيبكم واجي

ودخل بعد كلامه وهم وراه
ومشى لعند مشعل اول ماشافه : خير مشعل
مشعل : تعالوا معي الغرفه

مشوا وراه حتى من غير مايسلمون من الاستغراب والتعجب والخوف من المجهول

دخلوا على غرفه رعد اول ماشافوه انصدموا كثيييييير كان نايم ويده مجبسه من اولها لاخرها

يمكن تستغربون لاكن لين مانزلت منها دمعه
كل الي سوته
طلعت من الغرفه بكبرها

وكلهم طلعوا وراها يحسبونها بتنهار وتبكي مثل عادتها
بس الصدمه كلمتها : سعود ابي اروح البيت

لحظه صمت عجب حزن الم وكل شي
لين حبيبه رعد وروحه تشوفه بهالحاله وماتهتز فيها شعره

يااااااااااااااااااااااااهي قويه
ويمكن لو رعد صاحي بالوقت هذا تمنى الموت والرصاصه جات بقلبه مو بيده
ومن يلومه
بنته الي رباها الحين تنكر شوفته
موت بالنسبه له

سعود : لين
لين : ابي ارجع البيت تعبانه وابي انام
رائد ناظر فيها : لاواضح جد انك تعبانه
ولف على سعود : وصلها البيت اخاف بعد كم دقيقه تفقد ذاكرتها نهائيا
ريان : راااااائد
رائد ماعبره ودخل عند رعد وركان وريان بعده اما مشعل كان راح من زمان قبل يدخلهم الغرفه

سعود ناظر فيها : صادق رائد
لين مشت قبله تبي تطلع
لاكن هيهات اذا لين تتغير سعود مايتغير
مسكها من ذراعها بقوه : جربي هالحركه مره ثانيه والله مايصير لك خير
وفكها بقوه ومشى لسيارته وهي وراه بدون احساس نقدر نقول وهذا الجفاف بالاحساس له عوامل !

---
ثامر ومهند وعهود كانوا جالسين بالطعم ينتظرون سماء
واخيرا وصلت

كانت لابسه بنطلون سكني اسود وبلوزه كحلي موديلها رووووووووووعه وكروهات مع الاحمر الين نص الفخذ والحجاب اسود وكان شكلها حلو مره

جلست ع الطاوله : السلام عليكم
الكل : وعليكم السلام
سماء : سوري تاخرت عليكم
عهود : لاعادي يالغلا براحتك
ثامر : لامو براحتها ليش تأخرتي
ابتسمت سماء : اكلم بابا
ثامر : ثلاث ساعات تكلمين بابا <<وهو يقلدها
سماء : هههههه يبيني اروحله
ثامر : خيييير مابقالك شهر بترجعين
سماء : لا بابا فكر وقال خلاص هو بيجي عندي كم اسبوع
ثامر بقهر : انتوا من جدكم وانا ليه بقالي هنا كم سنه وماجاني
عهود : قالتلك لاتقارن نفسك فيها هي سماء وانت ثامر
الكل : هههههههههههه

اقدر اقولكم ان سمو ماتقدر تطالع بمهند تحس انها منحرجه منه بدون سبب
اما هو مستمتع بشوفتها
---

2 - 12 - 2014, 10:42 AM

دخلوا البيت وهو ماشافها حتى لانها على طول طلعت فوق

سعود دق على ريان : هلا
سعود :هلابك كيف رعد
ريان وهو يناظر برعد : بخير الدكتور يقول بيبلغ الشرطه لان الاصابه من طلق ناري
سعود : الله طلق ناري مره وحده
ريان : والله ياخوك اني منصدم رعد تعرفه ماله بهالكلام لو قالوا راكان صدقت
سعود ابتسم : صدقت طيب صحى
ريان : ايوه
سعود : عطني ابي اكلمه
ريان وهو يوقف : معك
ومد الجوال لـ رعد : الو
سعود : هلا والله كيفك
رعد بصوت متعب : بخير الله يسلمك ( وسكت شوي ) لين ماتبي تشوفني
سعود تنهد بضيق : تعرف ان مابيدي شي
رعد لف وجهه للجهه الثانيه : طيب مع السلامه
وقفل ومد الجوال لريان : اطلعوا وروحوا للبيت بكره وراكم دوامات
راكان : لابنام عندك
رعد من غير مايلف : لا روحوا للبيت عشان دواماتكم وتاخذون لي اجازه من الشغل يومين بس
رائد : بس
قاطعه رعد : الله يرضى عليكم خلوني لحالي وروحوا
ريان وقف : خلاص راكان رائد صادق رعد وراكم دوامات قدامي يالله
وراح حب راس رعد وطلع
ورائد وراكان نفس الشي وطلعوا

اما رعد من طلوعهم جاه ضيق مو طبيعي
كيف بنته مابودها تشوفه
حبيبته وروحه وشريانه وحياته وكل دنيته
مشتاق لها ولحنانها وعطفها لاكن مابيده غير الصمت !

عندَمآ لآتدرينفسكَيف ترتوِي مننفسسَكنتروحِهآ !

فإنهآتشتآقولكن بصمتٍمُؤلم!!

--

بريطانيا
الجامعه

خلود : ياسلام صدف حلوه
سماء : بعينك يالفيله اوف صدق سامج
اسماء : هههه اعصابك طيب
خلود : اسكتي عنها بس لاتقوم تكفخك

كانت بترد بس عهود جات
سماء وقفت لها وسلمت عليها: ياهلا وغلا
عهود بأبتسامه حلوه : هلابك ياعمري اخبارك
سماء : بخيرات
ولف على البنات : بنات اعرفكم بـ عهود
ولفت على عهود : عهود اعرفك على خلود واسماء صاحباتي
عهود : تشرفنا
خلود واسماء : لنا الشرف حبيبتي
خلود : تعالي اجلسي معانا
عهود جلست : تسلمي
خلود : الله يسلمك
سماء : اوف خلاص من الرسميات
البنات : هههههههههههه
وبدوا تعرف على بعض

2 - 12 - 2014, 10:42 AM

ثامر : مادري ابوي يقول اجلس مع اختك وانا مافيني اصبر سنه زياده هنا
مهند : ممممم ماتنلام لاكن ابوك ماتوقع يرضى
ثامر : والحل
مهند : معاذ ليه مايجي
ثامر : ههههههه مستحيل معاذ مايتحرك من البيت الى لكليته
مهند : هههههههههههههه
ثامر : والله حاله خلاص بجلس معاها
مهند : ان شالله تلاقي حل
ثامر : ان شالله
--
قصر ابو عبدالله
عبود : ماردت عليكم
ام عبدالله :: لازم تفكر بترد بسرعه ليه
عبود : يممممه وقته تتأخر
ام عبود : قوم مني انت مامنك منفعه اوجعت راسي
عبود قام باس راسها : سلامته راسك
ومامداها ترد عليه لان التلفون دق
وردت : هلا والله
ام خالد : هلابك يام عبدالله اخبارك
ام عبود : بخير عساك بخير
ام خالد : تسلمين
ام عبود : الله يسلمك
ام خالد : ابشرك مها وافقت
ام عبود بفرحه : الله يسعدك ويبشرك بالخير
ام خالد : وعبدالله ماينعاف وانا اختك
ام عبود : تسلمين يالغاليه انا بروح ابشره وابشر ابوه
ام خالد : خلاص اجل يالله تامرين بشي
ام عبود : مايامر عليك عدو مع السلامه
ام خالد مع السلامه
خالد نقز عند امه : وافقت صح
ام خالد ابتسمت : ايه وافقت
عبود باس راس امه بقوووووووووووه : اخيرا
--
بعد اسبوع
قصر ابو سعود
وقف بسرعه : ايش تقووووول
علي : والله ياطويل العمر هذا الي صار الشركه تعرض لنصب والاحتيال وافلست والسبب فلاح
ابو سعود : انا جاي الحين
وقفل الجوال
ودق على سعود : سعود كلم عمانك واولاد عمك ورعد وريان وراكان وحتى رائد ابيهم كلهم خلال ساعه عندي بالمكتب
سعود : حاظر
وقفل منه وراح على الشركه بسرعه

--

2 - 12 - 2014, 10:43 AM

بعد ساعه
الشركه

ابو سعود بعد ماقالهم كل شي
ابو عبدالله مسك راسه : لاحول ولا قوه الا بالله
ابو مشعل : والحل
ابو سعود يدور بالموجودين عن رعد بس مالقاه : فين رعد
رائد : عنده شغله بيجي الحين
فجأه انفتح الباب ودخل فلاح ومعاه شرطي : اوه انتوا باقي بشركتي
الكل : ايش
مشعل : تحلم تكون شركتك
فلاح رمى اوراق على المكتب : لاصارت لي انتوا معد لكم شي هنا خلال ساعه ابي الشركه فاضيه من أي شي يخصك
...............: موب وانا موجود

لفوا كلهم لمصدر الصوت
رعد يكمل بثقه : لاتحس اني بأجازه ماعرف وش يصير بالشركه ولا تحسب اني بيوم بسكتلك عن شي واحد من غلطاتك لا انسى ياحلو مو رعد الي يروح حقه

ابو سعود وهو يشوف شرطه بعد داخلين مع رعد احتار : رعد فهمنا اش السالفه ضعنا بينكم

رعد وهو ماسك ملفات وش كثرها وواقف على راس طاوله الاجمات جنب ابو سعود
وهو يرمي ملف ملف : هذا الملف يثبت تورط فلاح بعمليه ترويج ال****** خلال 10 سنين
وهذا الملف يثبت تهريبه لاسلحه داخل السعوديه
وهذا الملف يثبت تورطه بخليه ارهابيه
وهذا يثبت انه حاليا يشتغل مع مافيا لـ الاضرار بالبلد
وهذي قضيتين تثبت جرايم قتل عليه
وهذي الجريمه قبل اسبوع محاوله قتلي
واخر جريمه محاوله اغتصاب طفله
وجرايمك يافلاح الحكم عليها صعب

--
انتهى هذا البارت
ومن غير اسأله ابي توقعاتكم على كل شي
واعتذر عن التأخير

تحياتي

2 - 12 - 2014, 10:43 AM

الجــ22ــزء
رعد وهو ماسك ملفات وش كثرها وواقف على راس طاوله الاجمات جنب ابو سعود
وهو يرمي ملف ملف : هذا الملف يثبت تورط فلاح بعمليه ترويج المخدرات خلال 10 سنين
وهذا الملف يثبت تهريبه لاسلحه داخل السعوديه
وهذا الملف يثبت تورطه بخليه ارهابيه
وهذا يثبت انه حاليا يشتغل مع مافيا لـ الاضرار بالبلد
وهذي قضيتين تثبت جرايم قتل عليه
وهذي الجريمه قبل اسبوع محاوله قتلي
واخر جريمه محاوله اغتصاب طفله
وجرايمك يافلاح الحكم عليها صعب

اقدر اقولكم كل الموجودين مصدومين
وبالاخص ( سعود)
استرجع كل شي وفهم ان *فلاح له يد بمحاوله اغتصاب لين
للحظه عقله وقف عن التفكير يتخيل هـ الوحش يعتدي على طفلته ..!

الحب ينولد بثانيه والغيره هي اساس الحب
فكيف يشوف من حاول يثقضي على حبيبته !
قدامه ومايسوي شي
هذا اصعب شعور ممك يواجهه رجل عربي وخليجي بالاخص

لا يمكنك اخفاء الحب مهما ( حاولت ) فـ مره تفضحك الغيره ومره يفضحك ( الاهتمام )

بلحظات مجنونه كان بيتقدم منه بدون وعي
لاكن الي كان جنبه مسك كفه بقوه وكأنه يقوله : اصحى
لاتورط نفسك
لف وكان رائد وعيونه فيها كثير من القسوه الي عمرنا ماتخيلناها بتكون بعيونه

لف سعود يشوف راكان لقاه ضاغط على كفوفه بقوه وريان مثله
وبطلنا اليوم رعد كان يناظر بـ فلاح بكل ثقه

فلاح : مدامني امنت العيشه لودي عادي لو انسجن طول العمر
رعد يلف على ابو سعود : ولا تحسب يـ عمي اني بخلي الي بنيتوه بسنين من التعب يجي فلاح ويدمره حتى لو كنت بأجازه انا لي عيون هنا
وقدر اني ارصد تحركاته وخطواته وحتى خططه لنهب الشركه والحمدالله جبت الادله الي تثبت ان ماله الى 1% بالميه من الشركه
وبخبرتي خليته يوقع على تنازل عنها
يعني حلالكم ماراح ولا بيروح بأذن الله
ولف على فلاح : صبرت اكثر من 5 سنوات يافلاح لاكن بالاخير اخذت حقي
وقرب منه : مره ثانيه اعرف من تلعب معاه مو رعد الي يسكت عن حق اهله

وطلع تحت صدمه وتعجب واسأله واعجااااااااااااب بالي قدمه رعد ضد فلاح

اما فلاح من هول الصدمه طاح مغمى عليه

والباقي كأنهم يشوفون مسلسل قدامهم مو مصدقين كل هذا صار بأقل من ساعتين !

الشرطه اخذوا فلاح وانصرفوا من المكان
وراكان وريان ورتئد طلعوا من الشركه بصمت
بقت افراد العايله
جلسوا اماكنهم على الطاوله حقت الاجتماعات

---
نعود لـ انثى غادرتها الدموع لفتره قليله لان انثى رقيقه مثلها لايمكن ان تعيش من غير مشاعر

((لين ))
كانت بسكوت مزعج للكل حتى لمن كانت تروح لخالتها ماتتكلم كثير بس ترد على الاسئله

كانت تحس بجرح قوووووي
تحس انها جرحت
وصعب على الي ماتعود يجرح يجرح
ويجرح اغلى انسان بحياته
شعور جدا صعب

--
منسدحه ع السرير بدون حركه تفكر بالي سوته
تحس انها ماهي لين
كيف قسى قلبها على رعد �

2 - 12 - 2014, 10:44 AM

كيف قسى قلبها على رعد واخوانها تحس انها سوت شي غلط
كيف صبرت عن اخوانها اسبوع واكثر وهي الي من حبهم كانت تنام بحضنهم من حبهم نادتهم بـ اغلى ناسي

غفت وهي تفكر فيهم

--
..: الووو
رعد : هلا سعود
سعود : هلافيك كيفك
رعد : بخير وانت
سعود : من تكذب عليه بـ هالكلمه
رعد تنهد وسكت
سعود : انا عازمكم اليوم عندي في البيت ومابي اعتراض
رعد : ماقدر ياسعود ترا والله تعبان ومافيني اواجه لين
سعود : حلو والله كنتوا ماتجلسون الا مع بعض والحين ماتبون تشوفون بعض ونعم الابووووه
رعد حس بـ شي غريب بوجع مايدري حال بنته من اسبوعين عمره ماسواها صح يسأل سعود عنها بس عيونها مايفهمها غيره تنهد وتنهيده من المها حس انها بتكسر ضلوعه : خلاص جاي
وقفل منه مايبي يسمع شي اكثر

طلع لصاله
وجلس بوجود اخوانه كلهم : قوموا تجهزوا ساعه ونروح لـ سعود
رائد : اشتقت لها
ناظر فيه رعد بصمت والصمت احيانا يوصل الف كلمه

رائد : ماتقدر تخبي ابشرك
راكان : رائد خلاص
ريان : تتوقعون تغيرت ليون
رائد : تغيرت كثير مادري كيف صارت قاسيه
رعد : لاتلومها
راكان : احنا رجال نتحمل لاكن هي بنت ضعيفه والي صار لها يخليها اقسى من الصخر

سكتوا كلهم

--
بعد ساعه

بيت سعود
دق باب غرفتها وفتح لقاها جالسه وضامه رجولها ع السرير
ماخذ وقت بالتأمل فيها لانها رفعت راسها : شوي واقوم اجهزلك العشاء
سعود : فيه ضيوف جايين اعملي حسابهم ع العشاء
وطلع
لين تنهدت وقامت تدور لها غير البجامه الي لابستها لانها مررررررررره ضايعه فيها
تصدقون وزنها وصل لــ 40 << ابد ماتذكرني بوحده
بس للأسف مالقت لان الي معاها اصغر بجامه عندها
ماهتمت كثير بالموضوع
ونزلت تحت
حدود الساعه ونص بالمطبخ وسوت كل الي تقدر عليه بمساعده خدامتين
وطلعت فوق تصلي العشاء وتنزل

دق الجرس
فتح سعود وشاف الشباب قدامه ورحب فيهم وكذا
<<عاد تراني مافهم بالترحيب كثير خصوصا عند الرجال عشان كذا اختصرت السالفه ههههه

وهم بيمرون قدام الدرج
كانت هي نازله

والتقت نظراتها بنظرات رعد وقتها حست بشعور غرييييييييييييييييييب
حست انها عاشت لحالها الاسبوعين الي راحوا من غيره

سوّي إني قوي في غيبتك ( ياخويّ )
وإلا أنا و الذي سـوّاك عقبك جريح ،
وأسمع زماني يردد .. ( يامسوّي قوي )
وش كثر طاح قبلك ( إنتبه ..لآ تطيح )

نزلت دموعها بقووووووووه وهي واقفه بنص الدرج

2 - 12 - 2014, 10:51 AM

رعد
حسيت بضعفها وحاجتها لي يالله قد ايش نحفت وتغيرت من غير شعور فتحت يدي لها مهما زعلت مني تضل بنتي ..

لين
لمن شافت يده مفتوحه حست ان الدنيا طايره فيها
ركضت بقوه لجته من غير حتى ماتعدي درجات الاخيره ونقزت بحضنه وتبكي بصوت يقطع القلب

رعد زاد من ضمته لها وكأنه يبي يدخلها جوات قلبه ويقفل عليها من ظلم السنين لها

سعود – راكان - ريان – رائد
كانو بدورالمتفرج
لو هم يحضرون بفلم كان صفقوا من حماسهم على الي يصير قدامهم

وعلى قد فرحتهم بالي يشوفونه
على قد ماحسوا بخناجر تطعنهم من منظر لين
وهي ضايعه وناحفه وشكلها يحزن عليه الكافر

احس بغيبك غربه وضيقه مالها آخر احس اني بلاصحبه وشكلي يكسر الخاطر

جلسوا على هالحال حدود الربع ساعه
رعد : خلاص ابعدي ابي اشوفك
بعدت لين عنه : اسفه ماكان قصدي
رعد بحب يمسح دموعها ورجع ضمها : حتى لو قصدك مافي انسان بغلاتك كيف ماسامحك

هنا سعود حس لو سكت بيجلسون للفجر
فتقدم منهم وسحب لين : هي خلاص ترا اغار عليها

وجه لين علبه الوان
اما الشباب ضحكوا لان شي عادي عندهم
واخيرا لين تذكرتهم سلمت ع اخوانها واعتذرت منهم
دخل سعود المجلس ولين بيده وجلسوا
فجأه نقزت لين : يووه نسيت القهوه
سحبها رائد : اجلسي شوفتك تكيفنا
لين : لا تخجلني
رائد : من متى ان شالله
لين : رععععععععد شوفه
رعد : هههههههه تبين اضربه لك
لين : لالالالالالا مارضاها ع رئودي
رائد : اييه زين اعقلي
لين تخصرت : احلف بس <<كلمتي الحلوه ^-*
رائد : لا ماحلف على هالاشياء << فديتها صاحبه هالكلمه 3hood
لين : اوووووووووف منك
سعود : رائد لا تعصبها اخاف ماتعشينا
رائد : والله صادق
ولف على لين : لبي حبيبتي الزعلانه
سعود : احمم
لين جد هالمره انحرجت فهربت للمطبخ
الشباب : ههههههههه
ريان : خلاص حرام عليكم احرجتوها
راكان : فينها الحين اروحلها
سعود : هههههههه اكيد تلاقيها بالمطبخ

2 - 12 - 2014, 10:52 AM

وفعلا راح لها راكان
قبل يدخل المطبخ سمع صوت ضحكه تدووووووووووووووووووووخ
وكانت ( اسيل ) اقدر اقولكم لمحها
ولف يرجع لاكن سمع

لين : اسيييييييل خلاص
اسيل بضحك : هههههههه طيب

ابتسم ورجع
دخل عليهم
سعود : بس ماكنت خايف على حالك ط
رعد : عادي حتى لو صار لي شي اهم شي حقي
رائد: طيب خلاص قفلوا الموضوع لاتجي ليون
ريان : ماصدقنا ننسى
جلس راكان مكانه
انتبه له رعد : فينها لين
راكان : بتجي الحين
وفعلا دقايق ودخلت عليهم بصحن كبير والخدامه لاحقتها بصحن اكبر
قام ع طول رعد شاله منها لان شكلها متورطه فيه
رعد : هههههه ليون اشفيك كنتي بتطيحينه
لين : ثقييييييييل مره
رائد : لا انتي الخفيفه
لين : راااااااااائد شفيك اليوم علي
ريان : بقاله فتره ماتناقر مع احد استحملي عاد
رائد : هههههههه صادق

وجسوا على هالحال سوالف واكل واستهبال وضحك

بعد ساعه
دق جوال رعد
رعد : هلا عمي
ابو سعود : هلا رعد اخبارك
رعد : طيب طاب حالك
ابو سعود : تسلم بكره العشاء عندي وابيك بموضوع لاتنسى
رعد : تامر غالي والطلب رخيص
ابو سعود : تسلم يالله مع السلامه
رعد : مع السلامه
وقفل

رعد : عمي عازمنا بكره عنده
راكان : يصير خير

---
...................: والله لاموتها والله وتشوووووف انا وهي والزمن طويل

وبدت افكارها المجنونه

لاكن وعد مني كــ كاتبه بتشوفون العجب من شذى بالايام الجايه <<وقولوا عبير قالت

--

2 - 12 - 2014, 10:52 AM

وفعلا راح لها راكان
قبل يدخل المطبخ سمع صوت ضحكه تدووووووووووووووووووووخ
وكانت ( اسيل ) اقدر اقولكم لمحها
ولف يرجع لاكن سمع

لين : اسيييييييل خلاص
اسيل بضحك : هههههههه طيب

ابتسم ورجع
دخل عليهم
سعود : بس ماكنت خايف على حالك ط
رعد : عادي حتى لو صار لي شي اهم شي حقي
رائد: طيب خلاص قفلوا الموضوع لاتجي ليون
ريان : ماصدقنا ننسى
جلس راكان مكانه
انتبه له رعد : فينها لين
راكان : بتجي الحين
وفعلا دقايق ودخلت عليهم بصحن كبير والخدامه لاحقتها بصحن اكبر
قام ع طول رعد شاله منها لان شكلها متورطه فيه
رعد : هههههه ليون اشفيك كنتي بتطيحينه
لين : ثقييييييييل مره
رائد : لا انتي الخفيفه
لين : راااااااااائد شفيك اليوم علي
ريان : بقاله فتره ماتناقر مع احد استحملي عاد
رائد : هههههههه صادق

وجسوا على هالحال سوالف واكل واستهبال وضحك

بعد ساعه
دق جوال رعد
رعد : هلا عمي
ابو سعود : هلا رعد اخبارك
رعد : طيب طاب حالك
ابو سعود : تسلم بكره العشاء عندي وابيك بموضوع لاتنسى
رعد : تامر غالي والطلب رخيص
ابو سعود : تسلم يالله مع السلامه
رعد : مع السلامه
وقفل

رعد : عمي عازمنا بكره عنده
راكان : يصير خير

---
...................: والله لاموتها والله وتشوووووف انا وهي والزمن طويل

وبدت افكارها المجنونه

لاكن وعد مني كــ كاتبه بتشوفون العجب من شذى بالايام الجايه <<وقولوا عبير قالت

--

2 - 12 - 2014, 10:53 AM

الجــ23ــزء
بيت سعود
بعد ماتعشوا اخيرا جلسوا بهدوء
وكانت لين بالمطبخ
اول مارجعت كانت بتروح تجلس عند رائد
بس
رعد : ليون خلك منه تعالي عندي
لين قامت : من عنوني اساسا مابي اجلس جنبه بس هو اشر لي وخفت احرجه
رائد يناظر فيها بصدمه : انا
الشباب :ههههههههه
وفعلا جلست لين بجمب رعد وراسها ع صدره
ماكملوا نص ساعه سوالف
الى ونامت بالامكان الي انحرمت منه
شهور
راكان هو الي انتبه واشر لهم كلهم يشوفون
رعد ابتسم لمن شافها وباس راسها : رجعت لعادتها
ابتسم سعود لان اول مره يشوفها تضحك وتسولف بهالشكل واخر شي تنام بهدوء
رعد كان بيوقف عشان يشيلها
سعود : خلك انا بوديها
وفعلا وقف وتقدم منها وشالها بحنيه
وطلع فيها فوق
دخلها غرفتها وحطها ع السرير ولحفها زين ونزل
لقى الشباب واقفين : وين وين
رعد : ورانا دوامات شوف ساعتك
سعود : الدوام موب طاير اجلسوا بس
راكان : مره ثانيه ان شالله
سعود ماحب يصر عليهم : براحتكم
وسلم عليهم وطلعوا
--
اليوم الثاني
لمن قامت لين انصدمت بمكان نومها عمرها مانامت بهالغرفه
قامت وخذت لها شور وصلت ونزلت تحت
وبدت تحظر الفطور

بعد نص ساعه لقت سعود قدامها حطت له الفطور وكانت بتروح
لاكن مسك كفها
: افطري معاي

الموقف هذا حتى لو صغير زاد حب سعود بقلب لين لان ادنى شي منه تعتبره انجاااز

سعود تكلم : اليوم الساعه 9 بتجيك دكتوره ع البيت
ناظرته بخوووف
سعود شاف الخوف بوجها : لاتخافين بس ابيها تشوفك وتعطيك فتمينات وكالسيوم
وناظر جسمها وهي انحرجت شوي
كمل : لان مو معقوله هذا جسم وحده متزوجه
انحرجت من نظراته وكلمته وببالها جسمي كذا ايش اسوي

سعود وقف : نسيت اقولك من اليوم ورايح فطورك غداك وعشاك معاي وبالاسبوع هذا ابيك تزيدين 2 كيلو لاني متزوج وحده عمرها 19 مو 11 سنه

وطلع

لين
اوووف منه ع كيفه انحف واسمن
--

المواضيع المتشابهه لموضوع: رواية ياغايتي لو كان لضلوعي لسان قالت تعال ارجوك محتاجه عناق لموضوع: رواية ياغايتي لو كان لضلوعي لسان قالت تعال ارجوك محتاجه عناق
الموضوع	كاتب الموضوع	المنتدى	مشاركات	آخر مشاركة
محتاجه احس انك معايا مهما بعدنا الزمان	شيخة الزين	همس عذب الكلام والخواطر المنقوله	11	14 - 8 - 2019 12:45 PM
شيلة كان الوعد ما بيننا ‏لا قالت عيونك تعال	همسة الشوق	همس الشعر و الشيلات الصوتيه	4	29 - 8 - 2017 10:45 AM
هذي انا ياغايتي ميت فيك	ياقلبي اكتفيت	همس الشعر والقوافي	6	7 - 9 - 2015 02:26 PM
خلفيات اي فون ضايقة بالحيل محتاجه اشكي	أداري حبك	همس موبايلات الاندرويد	13	22 - 3 - 2013 07:51 PM
محتاجه لك والحاجة م الاختراع	صمتي شموخ	همس الشعر والقوافي	1	5 - 2 - 2011 05:49 PM

الذين يشاهدون محتوى الموضوع الآن : 1 ( الأعضاء 0 والزوار 1)

الأعضاء الذين قاموا بتقييم هذا الموضوع : 0
لم يقوم أحد بتقييم هذا الموضوع

رواية ياغايتي لو كان لضلوعي لسان قالت تعال ارجوك محتاجه عناق

همس للقصص وحكايات وروايات