ابشر بصدر يضمك

#1 7 - 12 - 2014, 06:12 AM

ابشر بصدر يضمك

جمّع اللـي ودك تقولـه وبعثرنـي عتـب
الملامه شي عـادي دامهـا منـك وجـاي

أنت تامر وأنا ألبي مـا تبـي بليّـا سبـب
بس كان لجيّتي خاطـر تلبـي لـي رجـاي

رجوتي لا تلحق عيونك مشاريه الهدب
لا تضايقـه بدموعـك والتفاتتـك وخطـاي

كل شي الا دموعك واعرف انك من شطـب
صفحة الطيش بحياتي وابتدا صفحة شقـاي

سق فديتك كل ما تملك من جنون وغضـب
وابشر بصدرٍ يضمك حيل دام انـك هـواي

ولا رويت عتاب ناظرني وقل طاح الحطـب
واسأل شرايك وابنسج لك من الأعماق راي

باتناثر لك رضا واحساس صادق مـا كـذب
وأنت رتّبني على كيفك وشكلنـي برضـاي

وان تلعثم حضورك ثم نطّقني لك تعـب
حاول انك تسمع أشواقي وسط تنهيـد نـاي

اسمع دموعه وقرّب لـي وقـرّب وأقتـرب
واسأل عيوني عن طيوفك وقصتهـا معـاي

كيف كانت في غيابك فجأه تطري واغتـرب
اركض لمنفى خيالي وارمـي الواقـع وراي

اوجدك ما بيني وبيني واسولف لك واشـب
ليلة حضورك قصايد تشتكي لك من عنـاي

آآآه لامنه بزغ فجـر الحقيقـه وانسحـب
طيفك اللي ساكن عيوني وضاقت بي سماي

وقتها ليتك تحس شعور من حظـه ضـرب
آخر آماله بعرض الهـم والوحـده مـداي

اكتشف وشلون يموت الصوت برماح الطرب

لحظةٍ جيـت أتغنـا بـك وعاندنـي غنـاي

واكتشف كيف السهل فجأه يتحول لي صعب
لانويت ابكيك ثـم أزريـت القابـي بكـاي

أقسم بربي وربك فينـي احسـاسٍ غصـب
كل كلي في غيابـك ينجـذب لـك ياهنـاي

ما نسيتك لو نسى التاريخ أمجـاد العـرب
وما تركتك الا بين ضلوع صدري وبحشـاي

لأنك أكبر من غلا الشاعر لآخر مـا كتـب
ولأنك أقرب لي من سكوتي اذا عانق شفاي

ولأنك أول من تمكن بـي وعلمنـي أحـب
ولأنك الشخص الوحيد اللي يجي في مستواي

صاحبي جمع كلامـك ثـم بعثرنـي عتـب
والله أن كل شي عادي لا غدى منك وجـاي

الموضوع الأصلي : ابشر بصدر يضمك || الكاتب : احمد البيشي || المصدر : شبكة همس الشوق

7 - 12 - 2014, 06:39 AM

جمّع اللـي ودك تقولـه وبعثرنـي عتـب
الملامه شي عـادي دامهـا منـك وجـاي
أنت تامر وأنا ألبي مـا تبـي بليّـا سبـب
بس كان لجيّتي خاطـر تلبـي لـي رجـاي
رجوتي لا تلحق عيونك مشاريه الهدب
لا تضايقـه بدموعـك والتفاتتـك وخطـاي

صح لسان شاعرها وتسلم يد ناقبها
قصيده في قمة الروعه والجمال
راقت لي
ننتظر القادم منك بكل شوق
ودي وعبق الورد

7 - 12 - 2014, 06:42 AM

نورتي مصفحي يا غاليه
يسعدني هذا المرور العطر

7 - 12 - 2014, 09:08 AM

وان تلعثم حضورك ثم نطّقني لك تعـب
حاول انك تسمع أشواقي وسط تنهيـد نـاي
اسمع دموعه وقرّب لـي وقـرّب وأقتـرب
واسأل عيوني عن طيوفك وقصتهـا معـاي
كيف كانت في غيابك فجأه تطري واغتـرب
اركض لمنفى خيالي وارمـي الواقـع وراي
اوجدك ما بيني وبيني واسولف لك واشـب
ليلة حضورك قصايد تشتكي لك من عنـاي
آآآه لامنه بزغ فجـر الحقيقـه وانسحـب
طيفك اللي ساكن عيوني وضاقت بي سماي
وقتها ليتك تحس شعور من حظـه ضـرب
آخر آماله بعرض الهـم والوحـده مـداي

ابيات عميقة '''اتعب وانا اقول راقت لي

صح لسان شاعرها …وسلمت ع النقل الرائع

لاهنت

7 - 12 - 2014, 10:09 AM

كلمات وابيات رائعه
كروعة كاتبها
ودي الك قبل ردي

7 - 12 - 2014, 10:24 AM

ي الله عليك ي مبدع
قصيده راقت ل ذائقتي كثيرا
سلمممت واككثر
دمت بحب

7 - 12 - 2014, 02:07 PM

اخوي احمد
راق لي ماتصفحت هنا..
سلمت يداك ..
واجزل عليك من عظيم ‏عطاياة..‏
بانتضار جديدك القادم..
باقات الشكر والتقدير اقدمها لك..

7 - 12 - 2014, 04:10 PM

عادل ملهمة خفايا وجروح مرحبا الف يا خير من زار
يسعدني مرورك الذوق

7 - 12 - 2014, 06:49 PM

قمة الروعه والإبداع والجمال سلمت لايادي وبنتظار جديدك بكل شوق ورد الجوري السموك

7 - 12 - 2014, 07:57 PM

بوح يلامس القلوب بعبق الإحساس العذب
أبدعت وأكثر
كنت هنا أختال بين السطور
وأنتشي من عزف الروح عذب الشعور
كـ طهر قطرات المطر
كـ نعومة نبضات الروح
دمت بكل ود

المواضيع المتشابهه لموضوع: ابشر بصدر يضمك لموضوع: ابشر بصدر يضمك
الموضوع	كاتب الموضوع	المنتدى	مشاركات	آخر مشاركة
معذور قلبي لو يضمك بجوفه	حنين الأشواق	همس الشعر والقوافي	8	24 - 2 - 2022 05:10 AM
من منهم يضمك	الصامت	همس الشعر والقوافي	6	21 - 11 - 2013 12:04 AM
تعال كمل نومتك بين يديني ,, شوقي لك ولى من لحافٍ يضمك	ورد الجورى	همس للأثاث والديكور	4	22 - 4 - 2013 03:26 AM
وده يضمك لين تصبح على خير	دلوعة جده	همس الشعر والقوافي	7	3 - 12 - 2011 08:03 PM
اذا بكيت من تتمنى ان يضمك	ملكة الثلج	همس للنقاش والحوار الجاد	19	18 - 8 - 2011 12:39 AM

الذين يشاهدون محتوى الموضوع الآن : 1 ( الأعضاء 0 والزوار 1)

الأعضاء الذين قاموا بتقييم هذا الموضوع : 0
لم يقوم أحد بتقييم هذا الموضوع