ليه عمري مالقى لبرده دفى الا دفاكي للكاتبه ذكرى نجديه

31 - 12 - 2014, 04:51 PM

.

مشت بخوف للمجلس مثل كل مره تخشى من قلبها يضعف اوعينها تهزمها بدمعه بس هالمره كان شعور مختلط خوف وقهر والم وشوق
وهو يجلس بنهاية المجلس ينتظرها تجي دخلت عليه ماتحرك من مكانه يحاول يضبط نفسه ويناقض الي داخله اشتاق لها لنقاءها وللنظرة الزعل الي يعرفها زين وهي جامده بدون حركه تطالعه بنظره مالها معنى ..ماراح تسلمين
غمضت تغميضه طويله ولاردت ..اكلمك انا
زمت شفايفها وبصوت تقطعه بحه بسيطه.. وانا اسمعك ..
ليش ماتردين ؟؟
حركت فمها وهزت كتفها قام بهون وتكتف وقابلها ونزل راسه لها رفع ذقنها ..ارفعي راسك >>نظره سريعه ولفت للجهه الثانيه
..ابيك اليوم ترجعين معي
..ماني راجعه
..بترجعين
رفعت راسها ولفت عنه ..انت وش تبي مني
..سؤال وجيه وش ابي زوجتي وباخذك
ابتسمت باستهتار ..هه يمكن تبيني احضر عرسك
ضيق عيونه ..عرسي !!وهويأشر على نفسه.. انا ؟؟
..اجل انا
..نوف تكلمي زين من قالك
مطت شفتها..مومهم من قالي المهم اني عرفت
..وانتي صدقتي
..مو انت طول عمرك تحبها وتزوجتني علشان تنساها خلاص الحين خلالك الجو ماعاد فيه سبب يخليك تبعد عنها
رفع يديه ومسك اكتافها ..لا تتكلمين معي كذا تعدلي يانوف احسن لك انا جيت بالطيب مانفع معك والظاهر باستعمل معك اسلوب ثاني
غمضت عيونها وصكت اسنانها ..طــــــــــــلقني ................
هز كتفها بقوه ..انتي ماتفهمين طلاق ماطلقك
صرخت بصوت عالي وترتجف ثارت مثل البركان الهادي ...طلقني وش تبي مني انا اكرهك اكرهك
هزها بقوه اكثر حتى انفلت شعرها من الكلبس الي كانت جامعته فيه ..اصحي يانوف اصحي ماراح ارجع الاانتي معي طيب غصب يترجعين معي
نفضت نفسها وحررتها من مسكته ..ماتقدر تجبرني
..قلت لك من اول اقدر انا خليتك تفكرين وتراجعين نفسك وترجعين بخاطرك >> بنبرته تاكيد وثقه ..لكن انتي الي اجبرتيني
ماعندها رد تقوله تتمنى يعتذر يترجاها تتمنى ترضي غرورها يمكن تحاول تستفزه تبي تسمع كلام يبري جرحها لكن ناصر هالمره التعب والضباب الي يشوفه قدام عيونه ضلل على قلبه واعماه عن الطريق الصحيح تركتها ورجعت لداخل البيت تركض للاسف مالقت عندها دوا لجروحها الالكي
خذله اسلوبه بسبب الي سمع ماكان يحب انها تكون سالفه لاعدائها ومايحب بعدها وكلامه زاد الطين بله وهي االاسف ماقدرت

دخلت عند امها تنتفض توقعت كل شي الانها ترجع بهالحاله
قربت لها ..وش صاربينكم <<للحظه تخيلت انه طلقها
بعد عدت شهقات ..يبيني ارجع معه
..بس هذي ماهي حالة وحده زوجها يبي يرجعها
..يمه الله يخليك انا ماحبه عافته نفسي ماعاد اطيقه
..انتي سالتيه عن زواجه
..سئلته مارد على رد واضح
..يعني كذبه
..مدري مايهمني قولوله مابيه
مسكت عجلات كرسيها واستدارت ودخلت غرفتها
...................................

..انتي بتذبحيني قلتلك انسيه
..ياناس والله الرساله ماهو انا الي ارسلتها
..لاتكذبين انتي من خويتي نوال وانتي تتصرفين تصرفات غريبه
..والله عاد تبون تصدقون صدقوا ماتبون انتم احرار
اشرت لها باصبعها ..اسمعي انا اول كنت باخذ رايك اذا انخطبتي لكن هالمره اول واحد يدق الباب بزوجه
..ماصارت يعني تحملوني ذنب ماسويته
..هذا الي جاك وهالخمه الي انتي ماخويتهن انسيهن
وطلعت وصفقت الباب وراها
رجعت وجلست على سريرها ..هذا اقل عقاب على الي سويته بنوف والله شي يضحك نفس الي يد الي حركتني لمضرتها تحركت وضرتني

..............................................

في اقل من ثلث ساعه كان سلمان وابوه موجودين وبعد ماطلبهم ناصر ماتردد يقول لهم كل شي مظطر علشان يرجعها يعترف بغلطته
..والحين وش المطلوب مني
.. ياعمي الله يطول عمرك انت ابوها ولك امر عليها انا حاولت لكن عجزتني
..يعني تبيني ارجعها لك غصب عنها
..جميل ماراح انساه لك طول عمري
..وتذلها وتتهما بشرفها لا ياناصر نوف ماهي رخيصه
خاب امله وهو الي كان معتمد على الله ثم عليه ..انا شفت بعيوني شي أي رجال يغار على محارمه يثور منه>>التفت لسلمان الي كان ساكت بحضور ابوه
..انت ياسلمان لوشفت رساله توصل لزوجتك حتى لو كنت تق فيها وش راح تكون ردة فعلك
نزل سلمان راسه وقعد يحرك الفنجان بيدده ..اسمع ياعمي انا غلطتي معترف فيها واعتذرت لها ومستعد اعتذر لها مره ثانيه وثالثه وارضيها بالطريقه الي تعجبها بس طلاق حل مايرضيني واظن انه مايرضيك بعد
تنحنح ..اذا كان يريحها يرضيني اهم شي راحتها
..راحتها وراحتى انا نرجع لبعض
..بس انا ابيها ترجع راضيه
..يمكن ماراح ترجع راضيه بس عطني الفرصه الي طلبتها منها وبخلت فيها على يابو سلمان انت رجال فاهم وعارف ان الحياه ماهي كلها سعاده ولا فيه انسان مايغلط وانا لو ابيها ماواجهتك بس انا ابيك تساعدني هالمره
اقتنع ودخل الكلام براسه وحس بنبرته الصدق ..مدري وش اقولك
..قل تم انا شاريها لولا كذا كان تركتها بحالها وهي تشوف نصيبها وانااشوف نصيبي
..انت متى بترجع للرياض
..مدري بس بنتظرها لين تجي معي
..خلاص يصير خير اليوم انت ترتاح وبكره اوعدك بالي يرضيك
فرحه ملت صدره ماصدق انه خلاص بترجع حتى لو غصب عنها الايام بتلينها ..الله يطول بعمرك يابو سلمان
..وان جتني زعلانه ترى يكون لي تصرف ثاني لاتحسبها رخيصه نوف اغلي علي من روحي
..الله يخليك لها ولنا وان شالله اكون قد هالمسؤليه >>وهوناوي يوقف ..انا اترخص
مسكه سلمان ..وين اجلس تغدى معنا
..اسمحلي تعبان من امس قايم بروح للفندق ارتاح شوي وبكره من الصباح بكون هنا اخذ نوف ونتوكل على الله
..على خير
طلع من عندهم على انه تعبان ومرهق لكن شاك انه يقدر ينام والليله راح تكون اطول من البارح

..لهالدرجه هنت عليك يبه تعطيه كلمه وتوافق اني اروح معه بدون حتى ماتاخذ رايي
..اجل تدمرين حياتك وانا اتفرج عليك
..بس انت ماتدري وش سوى
هز راسه بثقه ..ادري
تراجعت وراى خطوه ..تدري
..ناصر قال لي كل شي واعتقد ماواجه غلطته الالانه حريص على حياتكم
..يبه تكفى لاتخليني اروح معه
..انا قلت للرجال يابنيتي وعطيته وعد انا عمري ما غصبتكم على شي بس هالمره بقولك زعلي ورضاي متوقف على رجعتك مع زوجك وانتي ماترضين تنكسر كلمتي الا اذا كنتي وحده غير نوف الي اعرفها
التفت لسلمان الي شايل بنته حست انه راضي عن الكلام خاب رجاها فيه مابقى قدامها الا امها
قربت وجلست قدامها ..يمه قولي لابوي تكلمي
مسحت على شعرها ..نوف يايمه انا ماعندى شي اقوله بعد الي قاله ابوك وراضيه ومقتنعه فيه
سمعته من وراها يتكلم ..انا خيرتك يانوف وغصب خلاص ماراح اغصبك بس تذكري انك كسرتي كلمة ابوك >>ومشى يبي يطلع من الباب
ركضت وراه ومسكت يده ..خلاص يبه بس لاتزعل على
لمها لصدره ..الله يوفقك ويسعدك >>مسك يديها وابعدها شوي ..وان غلط عليك مره ثانيه انا خصيمه ماهو انتي
تركته ودخلت لغرفتها وهو متامل ان ناصر يصلح غلطته حس بنفسه ان كسر قلبها لكن يبي يتدخل ويصلح بينهم لانه يحس ان ناصر جاد بكل شي قاله ويبي يعطيه فرصه
.................................................. ....

..هاه طمنيني
بهدوء وملل من البكاء خلاص تحس أي شي تعبر فيه عن شعورها نقذ ..خلاص بكره برجع للرياض
فرحت بالي سمعته ..والله صدق يييييياي يعني في احد منكم بيصير قريب عندي
طفشت من كل شي ..اوه ساره والله انك فاضيه احر ماعندي ابرد ماعندك هذا الي همك
..اكيد هدي بتنقهر لانك رجعتي ولطيفه بعد الله وناسه
حركتها راسها بملل ..اقول سويره ترى فريتي راسي سكري بنام
..اوكي بس ترى انتي تجين بكره بعد بكره رازه خلقتي عندك
عصبت ..اوهوه وش دراك يمكن اموت بالطريق وماوصل يعني لاتتهورين
..هي اسم عليك لاتفاولين على نفسك
..طيب اسمع نواف يناديك روحي له واتركيني انام
ضحكت على تصريفتها مع انها زعلانه تطلع منها تصرفات عفويه ..ههههههه يالنصابه اصلا نواف مهو بالبيت
..وينه عنك يفكني منك
..وينه يعني عند عديم الاحساس نايف انا مدري وش يلقى عنده
زفرت من قلبها ماهي ناقصه هموم وتقليب مواجع ..اقول يالله يالله مع السلامه >>وسكرت منها ساره ماتزعل منها بالعكس كانت سعيده انها بتجي
بعد سهره حلوه كانوا فهد وخالدموجودين بشقة نايف لانها المكان الي ياخذون راحتهم فيه طلعوا بقى نواف عنده مانتبه له انه سرحان لين كلمه ولارد
..وانت وش رايك تضف وجهك زوجتك تستناك
حس انه ماهو معه على صوته ..نـــواف
نفض راسه وارمش بسرعه ..نعم
..ويين لي ساعه اكلمك وش تفكر فيه
رجع ظهره ورخى يديه على ركبته ..افكر بلطيفه
استغرب من رده لطيفه مالها سيره من زمان ..لطيفه!!وش الي خلاك تفكر فيها
..والله مدري من تزوجت ماتصلت علي وحتى تلفون البيت ماتعرفه البارح متصله على البيت وانا برى
..ياخي يمكن ندمانه وتبي تصلح علاقتها معكم وش الغريب يعني
ابتسم على حسن نيته ..يعني ماتعرف اختك لايمكن تتغير
يعتقد انه ماهو هذا بس الي يبي يقوله .. طيب ليش متخوف من اتصالاها
..ماني متخوف بس حاس وراها لعبه بتلعبها اتصلت على ساره تقول ان زوج نوف بيتزوج
اهتز من الكلمه وشده الي سمعه .. وهو صدق يبي تزوج
..مدري بس هي وش عرفها به اعتقد انها كذبه
فهم وش يقصد ..يعني انت شاك انها تبي تخرب عليها
..هاه هذا الي ابي اقوله
..طيب وش مصلحتها
..نفس السبب الي خلاها تكذب عليك وتقول ان فهد خطبها
..والله اختك التعامل معها صعب لو بنكلمها بتعاند وتتمادى
..مدري وش نهاية هالتخطيط
..الله يهديها ويعينها على نفسها ماهي مستفيده الا اثام الناس وكرههم
فتره بسيط من الصمت بعد ماركز بتعابير وجه اخوه
..انت للحين تفكر فيها
عقد حوجبه وجاوب ..وش تستفيد اذا عرفت
..ياخي انت يااما ترد على السؤال بسؤال او تجاوب اجابات مبهمه
ملى صدره هوا وزفره ..مع اني ماحب اتكلم بهالمواضيع بس باجاوبك يمكن بفتره من الفترات حسيتها ممكن تكون الانسانه الي ادور عليها فكرت ادخل البيت من بابه يعني زواج تقليدي لكن يوم انخطبت انجرحت لاني في شي داخلى صار يتحرك لها لمت نفسي لاني مانتبهت لها ولمتها اكثر لاني صدقت لطيفه حسيت نفسي ساذج ممكن ينضحك على>> التفت لنواف الي قدم جسمه على الكنب وحط يديه على بعض ويسمع باهتمام وكمل
..ومن المرات المعدوده الي الي شفتها حسيت بشي كنت ماحب حتى افكر به بيني وبين نفسي واستغفر ربي لاني فكرت بوحده متزوجه وبنت اجواد مثل بنات ابو سلمان >>هنا سكت
ظن انه وصل لمرحله ماراح يكمل اول مره يوصل لهنا بالكلام دايما يعتم على احاسيسه لكن قرر يسئله ..كمل يانايف قول وش هالشي
نفس حركة نواف ونزل راسه وصار يناظر تحته ..كنت اشوف بعيونها شي لي انا لمحت فيها نظره تلمع بشي غريب فكرت وش هالشي مدري يمكن انا غلطان بس حسيته اااحـ ب
هنا خلاص قال شي عمره ماقاله انذهل نواف كانه اول مره يعرفه كان يعتقد انه الرجل القاسي الصلب زي الجبل الي داخله مثل الي خارجه لكن اتضح انه بركان داخله نار تحتاج دفع قوي علشان تطلع للخارج

...............................................

31 - 12 - 2014, 04:56 PM

ان تذكرتك تحير الكلمه بأطراف لساني

وان سهيتك اشتياقي تعبث بصدري يدينه

كان بمكتبه الي ببيته لاهي بوارقه كان يحاول يعدل بعض اغلاطه على الاقل يريح امه وابوه من بعض التفكير سمع نغمة جواله فتح الرساله وقراها

<انت قاعد هنا وزوجتك تنتظر الطلاق على احر من الجمر لان حبيبها مستعجل لاتصير عذول وتحرمهم من بعض>
تعتقد انه اذا قراها راح يطلق نوف وتتدمر هدى اذا عرفوا اخوانها

قرا الرساله وعرف الهدف منها لكن استفزته واضطرب منها قام يركض وقف بالصاله ونادى امه الي كانت بالمطبخ ...يمــه يمـــه
طلعت من المطبخ عرفت من نظرته ان وراه شي ..نعم يمه
مد لها الجوال ..هذي ماهي ناويه تتركني بحالي
بعد ماقرت الرساله ..يمكن ماهي هدى الي ارسلتها
ابتسم بسخريه ..يمه الله يهداك الرساله من جوالها هذا رقمها
..والله مدري وش اقول
.. قولي لها كلامها مايهمني بس تحتفظ بكرامتها احسن لها
مشى ناوي يطلع من الباب ..وين بتروح
لف لها ومسك يد الباب ..بروح احسم الموضوع لاتستنيني الليله سلام
طلع ولاسمع استفهامها ركب سيارة
بعد حوالي ساعه كان خارج الرياض

أحب كل الناس إلا إني أحيااااان
ودي أهاجر من عيون الخليقه

مــــاودي ألمح جنبي أياة إنسان
يمكن الآقي للسعاده طريقـــه

أصك بااااب وتنفتح عشر بيبان
وازرع عطا وتموت فيني حديقه

طلعوا من بيت هدى وقبل ليتفرقون بالسيارات
وبابتسامة مكر وانتصار ..وش رايك فيني ؟؟
..انتي عارفه رايي فيك ماحد يبرد قلبي غيرك
..بس مافيه شي من غير مقابل
..مانسيت صدقيني بس انتي بديتي بالطبخه وانا بزيدها بهارات
..وشلون ؟؟؟سمعت صوت هرن سيارة اخوها ..خلاص بينا اتصال
..وهم يبتعدون عن بعض ..اوكي
تفرقوا ولطيفه تنوي نيه بس ترجع لبيتها
.............................................

قلقانه عليه وخايف يتهور ويسوي شي ماهو بمصلحته طلع ولارد عليها وقافل جواله
حاولت تتصل نفس الشي رمت الجوال مع دخلت ابو ناصر وقفت له ..السلام عليكم
..عليكم السلام جيت وجابك الله
..خير بعد وش عندك
..ناصر طلع من البيت معصب وانا خايفه عليه
..من الي مزعله ؟؟
انحرجت من الي راح تقوله بس مضطره ..جته رساله على جواله عن زوجته وانها تستنى الطلاق علشان تتزوج
..وطبعا الرساله من بنت اختك
..ايــ ياخوف قلبي يتهور ويتصرف غلط
..الكلام هذا يستفز أي واحد حتى لوكان مايحبها هذي ماراح تبطل حركاتها وتتركه يرتاح بحياته
..خلنا من هالكلام الحين تصرف شوف لك دبره
..تبيني اروح ابلغ اقول من شاف ولد صغير عمره حول الثلاثين
..ياربي احر ماعندي ابرد ماعندك
جلس على الكنب ونزل الشنطه الي كانت بيده على الطاوله وحاول يهديها ..لاتحاتين ناصر رجال ويعرف يدبر نفسه اصبري شوي تلقينه راجع ولا اتصلي عليه
..يعني انا بستناك لين تقول جواله قافله
..خلاص تعوذي من الشيطان وروحي نامي ومايصير الالخير ان شالله
..ان شالله يارب ساعده وريح باله
تنهد حاس بالنار الي داخلها لكن مايقدر الاانه يتركه يدير حياته بكيفه ..يارب
كانت دعوات صادقه وطالعه من قلوبهم

...................................
فتحت باب بيتها ووقبل لاتنزل عبايتها اتصلت على ساره
الي كانت مستلقيه على سريرها وسارحه بدنيا ثانيه كانت حاطه يدها على بطنها الصغيره
سمعت صوت تلفون البيت انتبهت له وقامت بهون رفعت السماعه
..الو
..مساء الخير
لوت فمها علامه لعدم رغبتها فيها ..مساء النور
..وش اخبارك وشلون نواف
..الحمد لله عايشين امري أي خدمه
..ول كل هذا ماتبيت تسمعين صوتي
..لا عادي بس ماعودتيني تتصلين علينا
..والله انا ماتصلت لاني ادور مصلحتكم
باسلوب استهزاء واستفزاز ..ايــــــــــ ووش المصلحه الي خلتك تتنازلين وتتصلين
..ماراح ازعل منك انتي مهما كنتي بنت عمي
..لطيفه رجاء ماله داعي نضحك على بعض اختصري وقولي الي عندك
..الي عندي يخص نوف وزوجها
استغربت وش عرفها بزوج نوف ..وانتي وش عرفك بزوج نوف انتي نوف يالله تعرفينها
..ماله داعي هالتلميحات بس مثل ماتبين راح اختصر زوج نوف خطب بنت خالته وقريب بيتزوجها وانا قلت ابلغها تنتبه لنفسها
اغتلت من قلبها بس مابغت تبين لها واصطنعت عدم الاهتمتام ..يعني انتي متصله تبشريني الله يهني سعيد بسعيده نوف هي الي ماتبيه طالبه الطلاق
تنفرزت من برودها ..اقول بيتزوج تقولين عادي عالعموم انا علشان خاطر القرابه والدم الي بينا حبيت اسوي باصلي وابلغك وانتم احرار
ماعاد تطيق تسمع صوتها ..جزاك الله خير بلغتينا في شي ثاني
ضحكت بينها وبين نفسها لانها بدت تبين انفعالاتها من الخبر ومثلت انها مغلوبه على امرها ..الله يسامحك انا تهمني نوف خصوصا عن قريب بتصير خالة ولدنا
عفست وجهها بقرف ..زين زين تسلمين على هالخبر الحلو يالله مع السلامه >>وسكرت ولطيفه من الجهه الثانيه تضحك عليها وتتشفى فيها
نزلت السماعه وهي تفصخ عبايتها وترمي نفسها على الكنب ..نوف خلصنا منها باقي هالعله سويره وراها وراها وانا لطيفه

.............................................
على اثر ماصابني من نوبة احبـاط وضجـر
كني بقول الله وأكبـر مابقـى شـي اخسـره

كانت طموحاتي تعديبي علـى سطـح القمـر
واليوم ماعادات تجاوز بي حـواف المسطـره

مسك الخط وقطع جفاف الرياض الي رطوبة الشرقيه كان يحس بشجن وشوق وغبن دخل المدينه وهو مايدري وين البيت بالظبط والوقت متاخر قرر ينام بواحد من الفنادق القريبه للصباح و يتصل على سلمان وياخذ وصف البيت حجز بقندق غرفه وهو ينتظر الصباح على احر من الجمر

.........................
ياكم من حبك معك كنت هايم..
وأدعيك باشواقي واعمر لك أحلام .

ولا لقاك. وانكسر منك ألم..
وارجي واعيد افراح عمري بالاحلام

انصدمت من الخبر معقوله ناصر يتزوج نقلت لها الخبر ساره لانها ماقدرت تسكت كل ماتذكرت ان ناصر راح يطلق نوف ويتزوج
ببكى ..انتي من قالك ؟؟
..قالت لي لطيفه مسويه راعية واجب ومتصله تعلمني
بنبره فيها امل ..يمكن تكذب الكذب ماهو جديد عليها
..يمكن بس وش عرفها عن ناصر وبنت خالته
كانت تكلم نفسها انتي الي اجبرتيه هو حاول بس انا الي رفضت ويرجع الجرح ينزف بس يقول انه يحبني ولوكان يحبني كان تحملني على القل حذرني ..وين رحتي
انتبهت لها ..معك معك
..لاوالله مانتي معي وش بتسوين
..وش بسوي يعني؟؟ بقوله لاتتزوج انا برجع لك !!خلاص رفعت الاقلام وجفت الصحف
..لاتصيرين انهزاميه حاولي يمكن تقدرين توقفين هالزواج
..انا الي رفضت ارجع له تبين الحين يوم نوى يرجع لها ارجع لها كبيره على هالحركه ياساره
..والله قهر تتركينه يروح من يدك وانتي تتفرجين
زجرتها بصوت عالي ..خلاص ياساره اتركيني بهمي بكيفه يطلقني والله يسهل عليه
..الي يسمع كلامك مايقول انك تحبينه
صرخت مره ثانيه ..ماحبه ماحبه الي يبيعني ماشتريه
تكلمت على امل انها توعيها ..الا تحبينه لاتتغالطين نفسك
..خلاص بنساه انا الي اخترت وانا اتحمل المسؤليه
..انتي حره يالله سلام
انتهت المكالمه بينهم ساره ماهان عليها لانها عارفه نوف راح تاكل نفسها بنفسها ونوف تحاول تهدي نفسها وصلتها الكذبه قبل لايوصل نايف مع انه انطلق قبلها لكن كانت اسرع منه وكانت شوكه اغزت قلبها الي ماعاد قادر انه يتحمل

والله ياخاله ماارسلت شي صدقيني
..انا قلت هالكلام لناصر وراح اقولك رده قالي الرساله من جوالها من الي راح يرسلها غيرها
..بس انا مارسلت شي ولدك صار ذكرى قاسيه انا عارفه انه ماراح يبيع نوف باي ثمن وتاكدي كرامتي تهمني
..لو تمهك ماسويتي الي سويتيه
..انتي ليش ماتبين تصدقين والله مارسلت شي
..هدى انا قريت الرساله وماظن بغلط برقمك
..لاحول ولاقوة الابالله
..اسمعي هذا اخر تحذير المره الي راحت كلمت امك وهالمره كلمتك وان صار لناصر شي والله والله لاكلمك ابوك واخوانك
وسكرت منها كانت ردت فعل متوقعه من ام ناصر فكرت كثير تكلم ابوها لكن ترتجعت بنت اخت وماتبي تفضحها بس بعد ناصر ولدها
اما هدى بعد تفكير طويل تاكدت ان نوال ولطيفه لهم دخل بالموضوع قامت تعيد حساباتها ...سبحان الجزاء من جنس العمل بنفس اسلوبها تعاقبت لكن عاقبها كان ابسط بكثير من الي سببته لنوف

.................................................
والليل طال وطـاول الويـل مشتـاق
مثل الجمر تمضـي عليـه الدقايـق
ليل ووداع ودمـع وآهـات وعنـاق
واحلام ماتت فـي انتحـار الوثايـق
مادري هو الغالي نوى الهجر بفراق
والا وقـف بينـي وبينـه عـوايـق

مرت اليله بطيئه عليه كان ينتظر الصبح على احر من الجمر مايدري كيف يبدا ووين راح ينتهى هل يتغلب على عنادها ويفوز فيها او تتغلب عليه وتسحب قلبه وتخليه جسد بدون قلب
وقف على البحر بعد شروق الشمس مشى مده ماحس وش كثرها بس حس بحرارة الشمس كانت الساعه
حوالي 9ونص صباحا قررريتصل على سلمان ياخذ وصف البيت
اتصل وبعد ماسلم عليه
..سلمان لوسمحت ابي وصف بيتكم
..انت ناوي تزورنا
..انا من البارح هنا وحبيت اكلم نوف
..اها خلاص بعطيك الوصف وانت راعي بيت مانت غريب
..انت وينك ؟؟؟
انا بالبيت واظن الوالد ماهو موجود
..اسمح لي بس ودي اشوف نوف
..وش تقول يارجال البيت بيتك ومن حقك تشوف زوجتك
..يسلم البيت واهله
..الله يسلمك >>وعطاه مكان البيت ورجع للفندق بدل ملابسه وطلع ناوي يبدا الي جا علشانه

...........................................

في شركته الصغيره جالس عنده فهد وخالد
..نواف من تزوج صرت ماعاد اشوفه
..تستاهل كل(ن) لاهي بحياته بس انت تدور الي يونسك
..وش عندك حاقد على
..امرك ثور مانت حاس بعمرك الي يضيع
..هههههههه لاتكلم على نسيبي ترى ازعل
..ناظر بقهر من بروده ..بالله عليك بدال ماتكلمه دافن نفسه بالشغل ولاهو داري
..قل انك منقهر من نجاحي
..اقول مالت عليك وعلى نجاحك الي ما جاب لك الا العذاب
..والله من صدق حاقد عليه
..ياخي والله رافع ضغطي بارد يقهر
..لاحول ولاقوة الابالله وانت كل ماشفتني شغلت هالشريط الممل
..لاعاد صدق يانايف خالد على حق انت مانت صغير
..خذ جاك الثاني انتم مو تزوجتوا خلاص انا بكيفي ولو سمحتوا كل واحد يتوكل على شغله انا واحد ماني فاضي عندي شغل
................................................

وش عاد لو نحياااا بلا قلب وعروق
ياما بشر ماتوا وهم باقي أحياء

لازلت بـ العليـــا لو الصدر مخنوق
متساميه لو كان بالنفس إعياء

كانت البنت الصغيره تبكي بكا عالي وهي عندها بنفس المكان وكانها ما تسمعها تفكر بقرار ناصر الجديد هل يقدر ينساني يمكن كانت فتره حبني ورجع حن للحب الاول طلعت ام سلمان من غرفتها وهي تدفع عربتها ووقفت استغربت من المنظر البنت الصغيره تصيح وهي ولاهي بالدنيا

..نوف !!!!!
تلفت حولها بسرعه وشافت امها واقفه ..نعم يمه
..وين رحتي بنت اخوك تبكي وانت تتفرجين عليها
قامت وشالتها وصارت تهزها بهدوء بدون كلام ..وين نوره ؟؟
..هاه أي راحت تجيب لها الرضاعه
..وانتي وش فيك
..انا!!مافيني شي
..اي واضح
دخلت عليهم نوره وهي تشيل بنتها ونوف ودها تغير الموضوع ..وينك البنت ذبحها الجوع
..كنت اكلم سلمان >>وجلست ترضع بنتها
..امممممم نوف
التفتو لها متاكدين ان عندها شي مهم ..خير
..ااسلمان يقول ان ناصر جاي بعد شوي ولازام تطلعين له
ماردت عليها وقعدت تكرر كلامها ببالها وجلست ..ناصر!! وان شالله يبيني اطلع له
هالمره تكلمت امها ..اكيد بتطلعين له
..اسمحي لي يمه ماراح اطلع
..لابتطلعين
..لايمه مابي اشوفه
..ولمتى ان شالله روحي يالله تجهزي علشان ماتعطلينه الرجال متعني وجاي من سفر
..ان شالله جاي من اخر الدنيا مابي اشوف وجهه
..وليش ان شالله
..خلاص ماعاد بيني وبنينه شي ناصر قرريتزوج
وسعت عيونها ..من قالك
فتحت فمها ناويه تقول شي لكن نغزها قلبها يوم سمعت جرس الباب اكيد هو ماحد راح يجي هالوقت الاهو
بسرعه ام ناصر ارسلت الشغاله تفتح الباب وتدخله بالمجلس سوت مثل ماقالت لها ورجعت ..مدام في رجال يبغى مدام نوف
..خلاص روحي سوي قهوه ووديها للمجلس
راحت من عندهم والتفت لها امها وهي تهز رجلها ..يالله يانوف روحي له
..يمه
..قلت لك روحي له ماراح تخسرين شي >> بغت تجيها باللين ..علشان خاطري يمه
رق قلبها لرجا امها وقامت ..علشانك يمه بروح له بس ماراح ارجع معه
..انتي الحين روحي وشوفي وش عنده
طلعت من عندهم وعلىطول توجهت امها لتلفون البيت وطلبت من نوره تتصل على عمها
........................................

ساره جالسه بالمطبخ تفطر لحالها دخل عليها نواف شوي شوي يوم حس انها ساهيه
قرب لها ..سأأأأره
فزت من صوته ..اسم الله الرحمن الرحيم يمه خوفتني
..هههههههههه وش قاعده تسوين
..شوفت عينك قاعده افطر
.اناماشوفك تفطرين اشوفك سرحانه
..اف منقهره
..وش الي قاهرك
..ناصر زوج نوف بيتزوج
..يتزوج ونوف
..نوف طالبه الطلاق
..وانتي من قالك
..اختك المحترمه
..ومها وش دراها
..ماهي مها لطيفه
..لطيفه ؟؟؟؟؟؟؟؟؟؟..وين شفتيها
..ماشفتها هي اتصلت البارح وقالت لي وانا قلت لنوف
..وليش قلتي لها يمكن ماهو صحيح الخبر
..يعني لطيفه ممكن تكذب
تلخبط حس انه زل بكلامه ..لا بس يمكن الي نقل لها الخبر يكذب
..مدري المهم عندي نوف
..اذا هي ماتبيه خلاص بكيفه
تاففت وسكت ونواف طلع من عنها وهو يفكر باخته
.................................................. ...........
لاتسألوني عن سبايب سكاتـي
ولا تتعبون النفس بالقيل والقال..

:

وبين الدروس وبين هـم يباتـي
وعزلة مشاعر همها يسبي الحال ..

عجزت اميز سيتـي وحسناتـي
تساوت ذنوبي مع حسن الأفعال..

.

مشت بخوف للمجلس مثل كل مره تخشى من قلبها يضعف اوعينها تهزمها بدمعه بس هالمره كان شعور مختلط خوف وقهر والم وشوق
وهو يجلس بنهاية المجلس ينتظرها تجي دخلت عليه ماتحرك من مكانه يحاول يضبط نفسه ويناقض الي داخله اشتاق لها لنقاءها وللنظرة الزعل الي يعرفها زين وهي جامده بدون حركه تطالعه بنظره مالها معنى ..ماراح تسلمين
غمضت تغميضه طويله ولاردت ..اكلمك انا
زمت شفايفها وبصوت تقطعه بحه بسيطه.. وانا اسمعك ..
ليش ماتردين ؟؟
حركت فمها وهزت كتفها قام بهون وتكتف وقابلها ونزل راسه لها رفع ذقنها ..ارفعي راسك >>نظره سريعه ولفت للجهه الثانيه
..ابيك اليوم ترجعين معي
..ماني راجعه
..بترجعين
رفعت راسها ولفت عنه ..انت وش تبي مني
..سؤال وجيه وش ابي زوجتي وباخذك
ابتسمت باستهتار ..هه يمكن تبيني احضر عرسك
ضيق عيونه ..عرسي !!وهويأشر على نفسه.. انا ؟؟
..اجل انا
..نوف تكلمي زين من قالك
مطت شفتها..مومهم من قالي المهم اني عرفت
..وانتي صدقتي
..مو انت طول عمرك تحبها وتزوجتني علشان تنساها خلاص الحين خلالك الجو ماعاد فيه سبب يخليك تبعد عنها
رفع يديه ومسك اكتافها ..لا تتكلمين معي كذا تعدلي يانوف احسن لك انا جيت بالطيب مانفع معك والظاهر باستعمل معك اسلوب ثاني
غمضت عيونها وصكت اسنانها ..طــــــــــــلقني ................
هز كتفها بقوه ..انتي ماتفهمين طلاق ماطلقك
صرخت بصوت عالي وترتجف ثارت مثل البركان الهادي ...طلقني وش تبي مني انا اكرهك اكرهك
هزها بقوه اكثر حتى انفلت شعرها من الكلبس الي كانت جامعته فيه ..اصحي يانوف اصحي ماراح ارجع الاانتي معي طيب غصب يترجعين معي
نفضت نفسها وحررتها من مسكته ..ماتقدر تجبرني
..قلت لك من اول اقدر انا خليتك تفكرين وتراجعين نفسك وترجعين بخاطرك >> بنبرته تاكيد وثقه ..لكن انتي الي اجبرتيني
ماعندها رد تقوله تتمنى يعتذر يترجاها تتمنى ترضي غرورها يمكن تحاول تستفزه تبي تسمع كلام يبري جرحها لكن ناصر هالمره التعب والضباب الي يشوفه قدام عيونه ضلل على قلبه واعماه عن الطريق الصحيح تركتها ورجعت لداخل البيت تركض للاسف مالقت عندها دوا لجروحها الالكي
خذله اسلوبه بسبب الي سمع ماكان يحب انها تكون سالفه لاعدائها ومايحب بعدها وكلامه زاد الطين بله وهي االاسف ماقدرت

دخلت عند امها تنتفض توقعت كل شي الانها ترجع بهالحاله
قربت لها ..وش صاربينكم <<للحظه تخيلت انه طلقها
بعد عدت شهقات ..يبيني ارجع معه
..بس هذي ماهي حالة وحده زوجها يبي يرجعها
..يمه الله يخليك انا ماحبه عافته نفسي ماعاد اطيقه
..انتي سالتيه عن زواجه
..سئلته مارد على رد واضح
..يعني كذبه
..مدري مايهمني قولوله مابيه
مسكت عجلات كرسيها واستدارت ودخلت غرفتها
...................................

..انتي بتذبحيني قلتلك انسيه
..ياناس والله الرساله ماهو انا الي ارسلتها
..لاتكذبين انتي من خويتي نوال وانتي تتصرفين تصرفات غريبه
..والله عاد تبون تصدقون صدقوا ماتبون انتم احرار
اشرت لها باصبعها ..اسمعي انا اول كنت باخذ رايك اذا انخطبتي لكن هالمره اول واحد يدق الباب بزوجه
..ماصارت يعني تحملوني ذنب ماسويته
..هذا الي جاك وهالخمه الي انتي ماخويتهن انسيهن
وطلعت وصفقت الباب وراها
رجعت وجلست على سريرها ..هذا اقل عقاب على الي سويته بنوف والله شي يضحك نفس الي يد الي حركتني لمضرتها تحركت وضرتني

..............................................

في اقل من ثلث ساعه كان سلمان وابوه موجودين وبعد ماطلبهم ناصر ماتردد يقول لهم كل شي مظطر علشان يرجعها يعترف بغلطته
..والحين وش المطلوب مني
.. ياعمي الله يطول عمرك انت ابوها ولك امر عليها انا حاولت لكن عجزتني
..يعني تبيني ارجعها لك غصب عنها
..جميل ماراح انساه لك طول عمري
..وتذلها وتتهما بشرفها لا ياناصر نوف ماهي رخيصه
خاب امله وهو الي كان معتمد على الله ثم عليه ..انا شفت بعيوني شي أي رجال يغار على محارمه يثور منه>>التفت لسلمان الي كان ساكت بحضور ابوه
..انت ياسلمان لوشفت رساله توصل لزوجتك حتى لو كنت تق فيها وش راح تكون ردة فعلك
نزل سلمان راسه وقعد يحرك الفنجان بيدده ..اسمع ياعمي انا غلطتي معترف فيها واعتذرت لها ومستعد اعتذر لها مره ثانيه وثالثه وارضيها بالطريقه الي تعجبها بس طلاق حل مايرضيني واظن انه مايرضيك بعد
تنحنح ..اذا كان يريحها يرضيني اهم شي راحتها
..راحتها وراحتى انا نرجع لبعض
..بس انا ابيها ترجع راضيه
..يمكن ماراح ترجع راضيه بس عطني الفرصه الي طلبتها منها وبخلت فيها على يابو سلمان انت رجال فاهم وعارف ان الحياه ماهي كلها سعاده ولا فيه انسان مايغلط وانا لو ابيها ماواجهتك بس انا ابيك تساعدني هالمره
اقتنع ودخل الكلام براسه وحس بنبرته الصدق ..مدري وش اقولك
..قل تم انا شاريها لولا كذا كان تركتها بحالها وهي تشوف نصيبها وانااشوف نصيبي
..انت متى بترجع للرياض
..مدري بس بنتظرها لين تجي معي
..خلاص يصير خير اليوم انت ترتاح وبكره اوعدك بالي يرضيك
فرحه ملت صدره ماصدق انه خلاص بترجع حتى لو غصب عنها الايام بتلينها ..الله يطول بعمرك يابو سلمان
..وان جتني زعلانه ترى يكون لي تصرف ثاني لاتحسبها رخيصه نوف اغلي علي من روحي
..الله يخليك لها ولنا وان شالله اكون قد هالمسؤليه >>وهوناوي يوقف ..انا اترخص
مسكه سلمان ..وين اجلس تغدى معنا
..اسمحلي تعبان من امس قايم بروح للفندق ارتاح شوي وبكره من الصباح بكون هنا اخذ نوف ونتوكل على الله
..على خير
طلع من عندهم على انه تعبان ومرهق لكن شاك انه يقدر ينام والليله راح تكون اطول من البارح

..لهالدرجه هنت عليك يبه تعطيه كلمه وتوافق اني اروح معه بدون حتى ماتاخذ رايي
..اجل تدمرين حياتك وانا اتفرج عليك
..بس انت ماتدري وش سوى
هز راسه بثقه ..ادري
تراجعت وراى خطوه ..تدري
..ناصر قال لي كل شي واعتقد ماواجه غلطته الالانه حريص على حياتكم
..يبه تكفى لاتخليني اروح معه
..انا قلت للرجال يابنيتي وعطيته وعد انا عمري ما غصبتكم على شي بس هالمره بقولك زعلي ورضاي متوقف على رجعتك مع زوجك وانتي ماترضين تنكسر كلمتي الا اذا كنتي وحده غير نوف الي اعرفها
التفت لسلمان الي شايل بنته حست انه راضي عن الكلام خاب رجاها فيه مابقى قدامها الا امها
قربت وجلست قدامها ..يمه قولي لابوي تكلمي
مسحت على شعرها ..نوف يايمه انا ماعندى شي اقوله بعد الي قاله ابوك وراضيه ومقتنعه فيه
سمعته من وراها يتكلم ..انا خيرتك يانوف وغصب خلاص ماراح اغصبك بس تذكري انك كسرتي كلمة ابوك >>ومشى يبي يطلع من الباب
ركضت وراه ومسكت يده ..خلاص يبه بس لاتزعل على
لمها لصدره ..الله يوفقك ويسعدك >>مسك يديها وابعدها شوي ..وان غلط عليك مره ثانيه انا خصيمه ماهو انتي
تركته ودخلت لغرفتها وهو متامل ان ناصر يصلح غلطته حس بنفسه ان كسر قلبها لكن يبي يتدخل ويصلح بينهم لانه يحس ان ناصر جاد بكل شي قاله ويبي يعطيه فرصه
.................................................. ....

..هاه طمنيني
بهدوء وملل من البكاء خلاص تحس أي شي تعبر فيه عن شعورها نقذ ..خلاص بكره برجع للرياض
فرحت بالي سمعته ..والله صدق يييييياي يعني في احد منكم بيصير قريب عندي
طفشت من كل شي ..اوه ساره والله انك فاضيه احر ماعندي ابرد ماعندك هذا الي همك
..اكيد هدي بتنقهر لانك رجعتي ولطيفه بعد الله وناسه
حركتها راسها بملل ..اقول سويره ترى فريتي راسي سكري بنام
..اوكي بس ترى انتي تجين بكره بعد بكره رازه خلقتي عندك
عصبت ..اوهوه وش دراك يمكن اموت بالطريق وماوصل يعني لاتتهورين
..هي اسم عليك لاتفاولين على نفسك
..طيب اسمع نواف يناديك روحي له واتركيني انام
ضحكت على تصريفتها مع انها زعلانه تطلع منها تصرفات عفويه ..ههههههه يالنصابه اصلا نواف مهو بالبيت
..وينه عنك يفكني منك
..وينه يعني عند عديم الاحساس نايف انا مدري وش يلقى عنده
زفرت من قلبها ماهي ناقصه هموم وتقليب مواجع ..اقول يالله يالله مع السلامه >>وسكرت منها ساره ماتزعل منها بالعكس كانت سعيده انها بتجي
بعد سهره حلوه كانوا فهد وخالدموجودين بشقة نايف لانها المكان الي ياخذون راحتهم فيه طلعوا بقى نواف عنده مانتبه له انه سرحان لين كلمه ولارد
..وانت وش رايك تضف وجهك زوجتك تستناك
حس انه ماهو معه على صوته ..نـــواف
نفض راسه وارمش بسرعه ..نعم
..ويين لي ساعه اكلمك وش تفكر فيه
رجع ظهره ورخى يديه على ركبته ..افكر بلطيفه
استغرب من رده لطيفه مالها سيره من زمان ..لطيفه!!وش الي خلاك تفكر فيها
..والله مدري من تزوجت ماتصلت علي وحتى تلفون البيت ماتعرفه البارح متصله على البيت وانا برى
..ياخي يمكن ندمانه وتبي تصلح علاقتها معكم وش الغريب يعني
ابتسم على حسن نيته ..يعني ماتعرف اختك لايمكن تتغير
يعتقد انه ماهو هذا بس الي يبي يقوله .. طيب ليش متخوف من اتصالاها
..ماني متخوف بس حاس وراها لعبه بتلعبها اتصلت على ساره تقول ان زوج نوف بيتزوج
اهتز من الكلمه وشده الي سمعه .. وهو صدق يبي تزوج
..مدري بس هي وش عرفها به اعتقد انها كذبه
فهم وش يقصد ..يعني انت شاك انها تبي تخرب عليها
..هاه هذا الي ابي اقوله
..طيب وش مصلحتها
..نفس السبب الي خلاها تكذب عليك وتقول ان فهد خطبها
..والله اختك التعامل معها صعب لو بنكلمها بتعاند وتتمادى
..مدري وش نهاية هالتخطيط
..الله يهديها ويعينها على نفسها ماهي مستفيده الا اثام الناس وكرههم
فتره بسيط من الصمت بعد ماركز بتعابير وجه اخوه
..انت للحين تفكر فيها
عقد حوجبه وجاوب ..وش تستفيد اذا عرفت
..ياخي انت يااما ترد على السؤال بسؤال او تجاوب اجابات مبهمه
ملى صدره هوا وزفره ..مع اني ماحب اتكلم بهالمواضيع بس باجاوبك يمكن بفتره من الفترات حسيتها ممكن تكون الانسانه الي ادور عليها فكرت ادخل البيت من بابه يعني زواج تقليدي لكن يوم انخطبت انجرحت لاني في شي داخلى صار يتحرك لها لمت نفسي لاني مانتبهت لها ولمتها اكثر لاني صدقت لطيفه حسيت نفسي ساذج ممكن ينضحك على>> التفت لنواف الي قدم جسمه على الكنب وحط يديه على بعض ويسمع باهتمام وكمل
..ومن المرات المعدوده الي الي شفتها حسيت بشي كنت ماحب حتى افكر به بيني وبين نفسي واستغفر ربي لاني فكرت بوحده متزوجه وبنت اجواد مثل بنات ابو سلمان >>هنا سكت
ظن انه وصل لمرحله ماراح يكمل اول مره يوصل لهنا بالكلام دايما يعتم على احاسيسه لكن قرر يسئله ..كمل يانايف قول وش هالشي
نفس حركة نواف ونزل راسه وصار يناظر تحته ..كنت اشوف بعيونها شي لي انا لمحت فيها نظره تلمع بشي غريب فكرت وش هالشي مدري يمكن انا غلطان بس حسيته اااحـ ب
هنا خلاص قال شي عمره ماقاله انذهل نواف كانه اول مره يعرفه كان يعتقد انه الرجل القاسي الصلب زي الجبل الي داخله مثل الي خارجه لكن اتضح انه بركان داخله نار تحتاج دفع قوي علشان تطلع للخارج

...............................................

1 - 1 - 2015, 01:57 PM

ليله عدت من اعمارهم انطبعت مثل البصمه بحياتهم
انتهت بنايف والكلام الي قاله
ونواف الي اكتشف جهه كانت مظلمه من حياة اخوه
ناصر الي مرت ليلتة طويل لانه ليلة انتظار
نوف الي ماتدري ليش تصرفت بشي يناقض طبعها العنق الي ظهر عليها الرفض لانسان تحبه
ساره كانت تنتظر الصبح بشغف وهي متشوقه تشوف اختها
تمشي بطئ دقائقها دهر وثوانيها ايام لكن ...مرت

جلست بغرفتها الى الصباح ماتحركت لين دخلت عليها نوره بطلب من عمها قعدت تلم اغراضها مع الشغاله وهي متكيه على مخدتها واصبعها بيد بنت اخوها الصغيره
..الحين حنا نجهزاغراضك وانتي حاطه رجل على رجل
بغضب ماهومن طبعها..ماحد طلب منك اتركيها انا برتبها
نزلت راسها بسرعه للشنطه الي قدامها حست ان الزعل الي بخاطرها طلع بوجه نوره وهي مالها ذنب قربت لها وهي تشغل نفسها بترتيب الشنطه الموجوده على السرير رفعتها مع كتفها لين واجهتها ..انا آسفه
قدرت تسيطر على نفسها وتكلمت ..انا مازعلت لانك تكلمتي كذا انا زعلت لانك بتروحين وتخليني >>خمتها بسرعه وعانقتها عناق حار كيف قدرت تصرف الموضوع وتقلبه لكن هذي هي نوره ارق من النسمه
ابتعدوا عن بعض ..امانتك يا نوره كل يوم حبي ميلاف عني
ابتسمت ..ياغالي والطلب رخيص لوتبين احبها عن اهل الرياض كلهم ما اقول لا شغله سهله
..هههههههه الله يخليها لك يارب
..ويسعدك ويرزقك ببنت حلوه زيها

سكتت عند هالكلمه ووقفت غصه بحلقها أي شي يذكرها بناصر يجرحها جهزت اغراضها وانتظرته يتصل

اتصل على سلمان لانه توقع انها ماترد مرهق وليله ثانيه من عمره ماقدرت عينه تنام بلغه انه يستناها برى البيت سلمان ماعلق ولاحب يتدخل مع انه استغرب من تصرفه اتصل هو على نوف وقالها تطلع له
سلمت على امها كانت بارده ماتعبر عن أي شي ودعت نوره ابوها ماكان موجود فضل يطلع من البيت قبل تطلع مايقدر يتحمل التعابير الي بوجهها
سمع صوت الباب الحديد طلعت وهي تجر شنطه والشغاله شايله الثانيه قرب جنبها واخذ الشنطه منها وحطها بالسياره وهي ماتحركت فتح الباب بدون مايتكلم واقفه مقابل السياره استدارت بجسمها للبيت وتاملته كانها تودعه وتسلم على جدرانه الحانيه واهله الغالين وقف ينتظر النظره الطويله تنتهي وقبل لتلتفت له دخلت يدها تحت نقابها ومسحت دموعها والتفت له بهدؤ وتحركت مجبره وركبت السياره
ركب جنبها وانطلق

اخذ طريق الاياب ولكن ماذا بعد ذلك اخذ الجسد صاحب الروح الجريحه والقلب المهمشم

تحمل له من المشاعر ولكن شئ غريب واحساس لايوصف

ويحمل بين حناياه الروح المستعاده صاحبة الامل الجديد والواعده بحياه جديده

ولــــــــــــــــــــــكن

هل يصدق وعدها

.................................................. ...........

لها يومين ماهي مع الناس قلبها سافر معه ترددت انها تتصل على نوف ماهي متاكده من وجههة الي توجها
ماعطاها رد يبرد قلبها ويريح باله عافت النوم والاكل مثل مثل أي ام تخاف على ولدها ويبقى صغير بعينها ولايحسن التصرف مهما كبر وامتدت سنينه
البيت ضاق بروحها كانت تهوجس بحالته وهو قدام عيونه كيف بتكون حالتها وهو تركها بدون مايرد على اسئلتها

كانت تستنجد بابوه لكن رجال يقدر يشيل حمله بس هي مالقت من يحمل عنها شي من همها
تعبت وهي تدور جلست على عتبت البيت ورفعت نظرها للسماء
..يــــارب رجع لي وليدي وريح باله

.................................................. .......

..ان شالله انا ماظلمناها
..لاتحاتين ياخاله ان شالله بيرجع كل شي لوضعه
..والله يانوره خايفه اني اقنعت ابوها يجبرها على الرجعه اخاف اشيل ذنبها
..الله يهداك ياخاله انتي مارميتها بنار انتي رجعتيها لزوجها
..الله يعيني على التفكير فيها وعلى فراقها
وهي تقوم للكنب الي تلعب عليها بنتها وتشيلها ..ان شالله ترتاحين من التفكير فيها يوم تشوفينها مبسوطه وبعدين كن ميلاف ماهي ماليه عينك ولا ماهي بنتك
مدت يدها وابتسمت ..وشلون ماهي بنتي هذي بنت الغالي الله يبلغكم فيها
..ان شالله بحياتك ياخاله
..الله يرضى عليك يابنيتي والله ريحتيني بكلامك مدري وش بسوي يوم تزوجوا البنات لولا وجودك
..وانتي بعد معوضتني عن بعد امي
قعدت نوره مع ام سلمان يقضون الوقت مع بعض كل وحده تعوض احتياجها بالثانيه نوره تلقى فيها حنان امها وام سلمان تلقى فيها بر بناتها
.................................................. .................................................. .........................................
كنا بعيونك ياهوى البال غالين
واليوم ماكني لك فيوم غالـي

كنا معك في عاسر الامر واللين
حتى لو ان امر المعاسير طالي

شريت عدوانك بربع(ن) موالين
واعزتالـي منـك واعزتالـي

قطع نصف المسافه تقريبا وهي ماتكلمت حس بشد بظهره مسك السكان وشد يديه عليه وصلب ظهره والتفت لها من مشوا مارفعت راسها الظاهر انها كانت تبكي ماسمع لها صوت ولاشاف عيونها لف راسه لها
..لهالدرجه يانوف مانتي قادره تطالعيني او تكلميني
منزله راسها وتسمع صوته الي باين التعب فيه ولاردت ..ردي على
وهي منزله راسها ..ماعندي كلام اقوله
..انتي زعلانه لانك جيتي معي
................؟؟؟؟
..ردي علي !!
..يعني اذا قلت لك زعلانه بيهمك انت ماهتميت لرفضي ومشيت الي براسك
..لاني عارف انك مثلي ماراح ترتاحين وانتي بعيده عني
..والله انك واثق >>التفت له بلحظه غضب خطر على بالها كل شي من بداية حياتها معاه الى ان جبرها ابوها ترجع له اندفعت وتكلمت ..انا مثل ما حبييت كرهتك
خبى عنها تاثير هالكلمه عليه ماتوقع انها تجرحه وحاول يعتبرها رد لكرامتها ..يعني انتي تكرهيني ؟؟
مالت بكل جسمها له وتكلمت بصوت يرتجف كانها تحاول تذوقها شي من الي ذاقته ..كلمة كره قليله على الي احس به ناحيتك
التفت بعد كلمتها لقدامه كان كلمتها كف حار وجهته له وتكلم وهو مايناظر لها وبصوت ثابت .. انتي واعيه للي قلتيه ؟؟
كتفت يديها ..واعيه انت انسان قلبك يتحمل يحب الف وحده غيري
ماسمعت منه رد بس حست بالسرعه الي زادت داعس كانت سرعة جنونيه يمكن يبرد النار الي شبتها نوف بين ضلوعه كيف خلته يحتقر نفسه مع هذا ماخطر على باله يتراجع عن استعادتها

......................................

جاه اتصال وفتح الباب ودخل يلبس ملابسه
طلعت من المطبخ للحديقه معها كاس عصير لقته جالس على كرسي صغير بحديقة البيت ومعطيها ظهره ابتسمت بغت تسوي به مقلب مثل مايسوي فيها
قربت شوي شوي ووقفت وراه وبسرعه نزلت جذعها رغم صعوبة الحركه بسبب بطنها الي صار بارز غمضت عيونها ناويه تجيب اعلى نبره تطلع معها حطت فمها عند اذنه ..وووووشششششش قاعد تســــــوي ورفعت نفسها بسرعه
ارتاع من الصوت الي فجر اذنه وقام بسرعه والتفت وشافها واقفه وتضحك عقد حواجبه يوم شافها بثوب حوامل بدون اكمام وكاس العصير بيدها
من شافت وجهه تغيرت معالم وجهها ورمت الكاس عند رجوله وتراجعت ورى شوي التفت واستدارت بسرعه ورحت تركض مع ان الركض صعب عليها كانت تحاول تتماسك علشان ماتطيح وهو بدون انتباه ظل يتبعها لانه وضح انها ثقيله تذكر انه مايجوز يشوفها صد للجهه الثانيه دخلت مع الباب الخارجي للمطبخ علشان نواف مايشوفها وقفت وحطت يد على صدرها ويد على وجهها .تنتفض من الخوف والحيا ..ياربي وش سويت صدق اني حماره اكيد بيقول لنواف >>شربت كاس مويه وطلعت للصاله ونواف نازل ابتسم لها وهو يهرول على الدرج ..وين كنتي قاعد ادورك؟؟
ابتسمت ابتسامه صفرا تخفي ارتباكها ..كــكــ نت بالمطبخ اشرب مــويه
..بالعافيه
..الله يعافيك وين رايح
نزل نفسه يعدل جزمته..نايف يستناني برى بنروح نشوف المهندس علشان تخطيط البيت انا طالع تبين شي
..ااالا سلامتك >>حاولت تسبق تقول شي تصرف الموقف الي حطت نفسها فيه لانه ماقلت شي تقوله
..الله يسلمك لاتسنيني بتغدى مع نايف
هزت راسه ..اوكي
طلع من عندها

فتح الباب وطلع وهو منزل راسه و يسكر ازارير البلوزه الي كان لابسها ونايف انتبه للكاس الي طاح من يدها ورماه بسرعه بمكان منزوي بالحديقه قبل ينتبه نواف
وصل عنده..تاخرت عليك
..لا ماتاخرت بس يالله
طلعوا مع بعض فتحت الباب الداخلي بشويش يوم حست ان اصوتهم اختفت وبدت توسع فتحت لين انفتح كله تذكرت الموقف وضربت على خدها .. ..وش اقول لنواف اذا سئلني اكيد نايفوه بيقوله يوه خل يقوله وش على منهم انا ماكنت ادري انه هو ياربيييي والله فشله

.................................................. .

أكبر مصيبـهـ طيحـهـ إنسـان حسّـاس !
تسوى بـ عيني موت كـل الخليقـهـ !
أكذب علـى نفسـي إذا قلـت " لابـأس " !
و" البأس " أصلا ً من زهوري رحيقهـ !
والموت ماهـو لا انحنـى لـ التعـب/ راس !
الموت نفسك لانحنت / للخليقـهـ !:

مسرع كانه بايع عمره ونوف مغمضه عيونها بخوف تحس انها خلاص انتهت افاقت على جوالها نزلت للشنطه تدور الجوال ويديها تنتفض من الخوف
وهو يحس بضباب على عيونه طلعت الجوال وقبل ترد حست ان السياره انحرفت عن الطريق حذفت الجوال من يدها ومسكت كتفه وصرخت.......نـــــــــاصر انتــــبه >><<

&

&

اكبر مصيبه طيحة انسان حساس

تسوى بـ عيني موت كـل الخليقـهـ !

أكذب علـى نفسـي إذا قلـت " لابـأس " !

و" البأس " أصلا ً من زهوري رحيقهـ !

والموت ماهـو لا انحنـى لـ التعـب/ راس !

الموت نفسك لانحنت / للخليقـهـ !:

مسرع كأنه بايع عمره ونوف مغمضه عيونها بخوف تحس انها خلاص انتهت افاقت على جوالها نزلت للشنطه تدور الجوال ويديها تنتفض من الخوف

وهو يحس بضباب على عيونه طلعت الجوال وقبل ترد حست ان السياره انحرفت عن الطريق حذفت الجوال من يدها ومسكت كتفه وصرخت.......نـــــــــاصر انتــــبه >><<

&

&

&

....................................

..حتى نوف ماترد على جوالها

..تعوذي من الشيطان يابنت الحلال

..اعوذ بالله من الشيطان الرجيم بس يابو ناصر له يومين مدري عنه وقلبي مثل النار عليه

..لاتخافين انا بتصرف وان شالله تتطمنين وانتي حاولي تتصلين عليه يمكن يرد

..مع اني متاكده ان جواله مسكر بس باحاول وان شالله يرد

اخذت جوالها واتصلت عليه

......................

..مشت نوف ؟؟

..اي مشت الله يسهل لها والله كسرت خاطري وهي تبكي وتترجاني احس اني خيبتها

..احيانا لازام ننكوي علشان تطيب جروحنا يايبه انا احس ان ناصر يبيها بس نوف حساسه وماتتحمل أي كلمه

.. والله انا بعد يابو سلمان متضايقه لانها رجعت غصب

..يمه الله يهداك انتم مكبرين الموضوع ومعطينه اكبر من حجمه تعوذو من الشيطان وخلونا نتغدى ترى انا ميت من الجوع

..تغدى انت ياوليدي عليك بالعافيه انا مالي نفس

..افا يام سلمان ترديني بنتغدا كلنا واذا ماكلتوا معي ماراح اكل

..خلاص ما يهون على تنام جوعان

تسلمين يالغاليه >>التفت لنوره ..يالله يانوره قولي للشغاله يحطون الغدا كلنا بتغدا مع بعض

..ابشر الحين انوم ميلاف واحطه بنفسي انا ماعندي اغلى من عمي وخالتي

............................................

&

&

&

امام برق عيونك القلب غيمه

ويقبل سحاب الود بالغيث هتان

في فيضة الاشواق يسقيك ديمه

وسمية فاضت على الوجد تحنان

صـــــمت ملا المساحه الكبيره قدامهم مافي كلام ينقال مافي حال ينوصف

غيرت السياره مسارها لكن قدر باخر لحظه يحرفها لين استقرت على التراب وعى بنفسه على صرخت نوف وهي متجمده بمكانها ماهي مصدقه انهم احياء

نزل راسه على السكان فتره رفع راسه وهي تناظر بملامحه اخذ علبة مويه جنبه وكبها على راسه علشان يصحى من حالة الاغما

1 - 1 - 2015, 02:09 PM

تكلمت نوف اخيرا وهي تتنفس بسرعه كانها بتلحق النفس قبل تختنق ..امك اتصلت على

رجع راسه مره ثانيه وقطرات المويه تسلل على وجهه بسرعه ..ليش مارديتي عليها ؟؟

جاها شعور انها كانت سبب بحادث شنيع لولا ستر الله ..ماامداني ارد عليها

وهو منزل راسه طلع تلفونه من جيبه رفع راسه وفتحه تذكر انه ماكلمها من راح اكيد تحاتيه كان ناوي يتصل يريحها لكن سبقت واتصلت

فتح الخط تكلمت من حست انه رد ..ناصر ناصر وينك يايمه

حس بخوفها ..قريب يمه قريب

..ليه يايمه تسوي فيني كذا والله حتى النوم ماقدرت اانام من الخوف عليك

..لاتخافين ياالغاليه انا بخير

..ناصر يايمه انتبه من الطريق تراي استناك ترجع لي سالم تكفى ياوليدي مابي اخسرك والله لو يصير لك شي اموت

حارت العبره بحلقه ومنعته رجولته يظهرها كلام امه واليومين الي مرو عليه كانها سنه والساعه الي راحت كانها دهر

..ابشري يالغاليه نص ساعه بالكثير وانا عندك بس انتي جهزي القهوه

بكت هالمره ..ابشر يانظر عيني الله يردك لي سالم >>ماكانت تدري ان نوف معه حست من صوته انه ماهو مبسوط ولاسئلت عنها خافت تكدره وهو ماسك طريق

ودعته ودعت له يرجع بالسلامه وسكرت منه ونوف ماكلمته ولاكلمها

..................................................

..انتم وينكم ؟؟

..قريبن عشر دقايق واحنا بالبيت ان شالله

..الحمد لله على سلامتكم

..الله يسمك

..نوف حبيبتي ليش صوت مخنوق

..مافيني شي بس تعبانه من الطريق

..هانت مابقى شي وتوصلون بالسلامه

..ان شالله

..بكره ابيك تجين عندي مشتاقه لك

..اشوف يمكن ماقدر

..لا بنتظرك تكفين تعالي

..طيب ليش ماتجين انتي

..انا ماعندي احد ناخذ راحتنا اكثر

..حتى عندي ماراح يضايقنا خالتي بحالها

..خلاص بحاول

اوكي استناك

سكرت منها كانت تكلمها ويدها على فمها وبصوت واطي علشان مايسمعها توتر وقفلت اخلاقه هدى المكان بس صوت السياره تتعاداهم

......................................

وقفوا مع المهندس بالاراض كانوا متحمسين لكلامه عندهم افكار واحلام كبيره استعان باخوه لان عنده خبره بالxxxx والاراضي والبيوت انسان ناجح صاحب نظرة ثاقبه و خبره انهوا كلامهم واتفقوا وظل نايف ونواف جالسين على مقدمة السياره يتكلمون عن بداية الشغل

..انت الي عندك يكفي للبناء

..انا عندي مبلغ كويس وباخذ قرض على راتبي علشان اقدر اسوي أي شي واذا نقص شي مع اني اتوقع الوالد ماراح يقصر

...خلاص واي استشاره ترى انا اعرف ناس عندهم خبره بهالمجال

..ان شالله

..انت ماتبي تاخذ راي زوجتك بتخطيط البيت

..لاماعندها خبره ولا اعتقد انها تعرف بهالاشياء خلها بس تلتهي بنفسها

..غريبه مع اني اعرف ان البنات الحين يعرفون كل شي يمكن اكثر من بعض الرجال

..الاساره غير عنهم

..وشلون يعني ؟؟

التفت له وتكلم ..صدقني مدري وشلون !!!!

الف علامة استفهام صاريشوفها غموض يلف هالانسانه على ذكاء نواف يحس انه مافهمها

.................................................. ...........

انا بعمري ماجرحت انسان

واحب كل الناس واغليها

قلبي كبير وصدري الميدان

صابر على الدنيا ومافيها

صارت الدقايق عندها ساعات في اقل من نص ساعه انفتح الباب دخل ناصر كل علامات التعب بوجهه كانه متمرغ بتراب

فزت له وقلبها يرقص من الفرح لانها شافته ما عطته فرصه يرمي السلام ..هلاوالله هلا بوليدي >>مسكت رقبته وانحنى لانه طويل وقعدت تضمه كانها ماهي مصدقه انها تشوفه قدام عيونها ..هلابك يمه وشلونك

.. مادامني اشوفك انا بخير >>رجعت تضمه وهو مستسلم مهدود حيله من تعب اليومين الي راحوا حست ان الباب انفتح من وراه دخلت متغطيه وتسحب بيدها شنطه فتحت عيونها يوم كشفت وجهها كانت ماتقل عن حالة ناصر من التعب والارهاق ..السلام عليكم

تركت ناصر الي جلس على الكنب وهي مذهوله وبنبرة استغراب وبهدوء..عليكم السلام !!نوف ؟؟

تحس كانها جايه لمكان المفروض ماتجيه وان موقعها غلط محروجه ومقهوره وتعبانه والموقف الي صار بالسياره خلاها تلوم نفسها بعض الشي لانها بغت تتسبب على نفسها وعلى ناصر ..حياك الله يابنيتي

ردت رد مايحمل أي تعبير وبشرود ..الله يحييك >>قالت كلمتها وجلست على اقرب مكان لها حست فيها ام ناصر وقربت لها وحطت يدها على يدها الي كانت على طرف الكرسي ..وش فيك يانوف انتي تعبانه

رفعت راسها لها ورجعت شعرها ورا اذنها ..مرهقه شوي البارح مانمت

ناصر ماكان يشوف الا انهم سوو حادث ولارجعوا ولاراح يرجعون انبهتت ام ناصر كانت حالتهم غريبه فيهم شي ماهي حالة واحد يحب زوجته ورجعها بعد غياب شهور ونوف ماهي حالة وحده زوجها حارب كل شي علشان ترجع له انسدح ناصر على الكنبه الي كان جالس عليها لم رجوله ونزل عيونه كان النور يتعبه ..وش فيكم >>ناظرت لناصر ..ليش يمه ماتقوم تريح بغرفتك >>حرك جسمه وواجه السقف وحط ذراعه على عيونه ..لايمه خليني هنا ولا ماتبين اشرب من قهوتك

ضحكت له ..لاياوليدي بس شكلك تعبان >>رجعت لنوف..وانتي اطلعي يايمه بدلي وارتاحي >>رضخت لطلبها وقامت بتشيل شنطتها ..خليها يايمه انتي زين تشيلين نفسك انا برسلها لك مع الشغالات

بصوت واطي زين ينسمع ..مشكوره ياخاله>> وطلعت وام ناصر تراقبها وتراقب ناصر ومستغربه منهم

.................................................. ..

كثر نفسي واكثـــــر شويه بعد

والله اني يابعد عمري ابيــــك

من عروقي ومن خفوقي لك وعد

وسط قلبي ماحدن ...غيرك مليك

دخلو لغرفتهم بعد ماتغدوا يناظر لها تروح وتجي ومندمجه علشان تنوم بنتها قبل ماتنام وقفت فجئه يوم لقته مركز النظر عليها وقفت شوي وبعدين مشت يمه وقابلته على السرير ..وش عندك تلاحقني بعيونك

ابتسم لها بعذوبه وبهدؤ ..ليش يضايقك

ردت له الابتسامه ونزلت راسها ..لا

رفع راسها ..ماتتغيرين يانوره لازام تستحين لين نشيب

رفعت راسها ورجعت غرتها ورى ..وانت ماتحب هالخصله فيني ؟؟

حط يده بيد ها وهو متربع على السرير وهي قدامه ورجولها على الارض ..انا كل شي فيك احبه >>سكتوا يناظرون لبعض احرجها بنظراته واشاحت وجهها عن عيونه ..مشكوره حبيبتي >>طالعت له بتعجب ..على ايش !!!

..على كل شي على اهتمامك بامي وابوي ووقفتك مع خواتي انا مقدر لك يانوره يكفي انا وعدتك تزورين امك وماقدرت وحتى ماتكلمتي

..سلمان حبيبي لاتقول كذا امك وابوك انا اعتبرهم امي وابوي وخواتك خواتي هذولا بنات عمي يعني ماله داعي الشكر وزيارة امي ان شالله بس تفضى ماراح تقصر اكيد بتوديني وبعدين يكفيني انك مقدر

..ان شالله بس انا عندي فكره ببالي اذا ظبطت يكون حظي من السما

هزت راسها باستفهام .وش هالفكره

..لا لا ماراح اقولك لين يتم كل شي

قامت من عنده ..براحتك

مسك يدها ..وين ؟؟

..بروح ابدل بنام تعبانه

..اوكي وانا انتظرك

ضحكت عليه ومشت من عنده وهو بسرعه خبط جسمه على السرير وحط يده تحت راسه

من كثر ما احسك بصدري وابيك

خايف اتنفس ويبعدك الزفير

ومن كثر ما احبك وخايف عليك

حتى من روحي على روحك اغير

لقى نفسه نايم بالصاله كانت امه مطفيه الانوار ومغطيته قعد وابتسم وهو يشوف القهوه قدامه زي ماهي امه ماصدقت تشوفه تخاف عليه من النسمه ومع ذلك ربته تربيه قليل من ينجح فيها رغم الدلال والعز والغنى ومع انه وحيدها كانت تتبع معه سياسة الوسطيه

تذكر نوف والسياره والسفر اشيا كثيره تزاحمت براسه قرر ينفضها ويونس امه بعد الضيق الي عاشته بغيابه قام وشغل النور كانت بالمطبخ على طول حست به وطلعت له وانبسطت وهي تشوفه مرتاح شوي ..صح النوم

..صح بدنك وين كنتي >>وهو يمشي يمها

..كنت بالمطبخ باشرف على عشاكم

قام ورفع يدها وحبها ..مشكوره يمه تعبناك معنا >>وحط يده علىظهرها ومشى لمكانه

..تعبك راحه اذا ماتعبت لكم من اتعب له

..تسلمين يمه بس انا متى نمت؟؟

.. والله خبري بك شربت اول فنجان بعدها مدري متى نمت

..ههههههههه من التعب يمه يومين ما نمت

بعد ماكانت تضحك تغيرت ملامح وجهها للجديه ..وش فيكم يايمه مانتم عاجبيني

صد عنها للجهه الثانيه مايحب يضايقه يكفي الي شافته ..مافينا شي بس تعبانين وكنا رح نسوي حادث لولا ستر الله

ضربت على صدرها ..حادث وشلون وليش ماقلت لي

..يمه الله يهداك شوفينا مافينا شي الحمدلله جت على خير

..الحمدلك ياربي الي مافجعتني

..الحمدلله >>تلفت بالمكان ..نوف مانزلت ؟؟

..لا والله من طلعت مانزلت حتى الغدا مارضت تتغدى

سكت وكملت امه ..نوف ماهي مرتاحه للرجعه انا حاسه فيها

هز راسه..اي جت مجبوره

..مجبوره !!ومن الي جبرها

..ابوها

..لاحول ولاقوة الا بالله

..هي الي حدتني ولا انا كنت بستنى قلبها يلين

..والله مسكينه هالبنيه تكسر الخاطر

..يمه انتي معي ولا معها

..انا مع الحق الي شافته كثير عليها حاولت تصبر لكن خيبها حتى الصبر والحين ترجع غصبا عنها

جمع يديه وحطها بين عيونه واتكى عليها..ماقدامي الاهالطريقه بعد ماني راضي بهالاسلوب بس شاسوي

مسحت على رجله ..ماعليه ياوليدي ان شالله الايام بتلينها وتطيب جروحكم بس تحمل ياناصر

هز راسه وحط يدينه على ركبته وقام ..انا بطلع اصلي وارجع اتعشى ذابحني الجوع

..يخسى الجوع انت صل وارجع وابشر بعزك وانا امك وجيب نوف

كان راح يطلع فوق لكن تذكر شي ..تدرين ان واصلها خبر اني بتزوج هدى

..الله عليها هالبنت مشقيه نفسها ومشقيه الناس

..انا الي بتفاهم معها

..خلها على انا حذرتها ومانفع معها بس انا بربيها

مشى من عندها وطلع بوهن لغرفته ومايدري هالمره كيف بستقبله ولا وش راح تسمعه

أحلامهمـ واجد / وحلمي أنا بس

صدرا عليه ابكي ولاأحس بالخوف

مااشوف / ماأسمع / ولاودي احس

دام الزمان اعمى وبيدينه سيوف

..هلايمه

..الحمد لله على سلامتك

..الله يسلمك

..افا يا نوف يهون عليك توصلين وماتتصلين على لازام انا اتصل

..اسفه يمه

..انا كنت اظن الناس كلها تزعل على الانتي كنت اظن الي بقلبك لي اكثر من الزعل والعتب

تحشرج الكلام بحلقها صار مثل السكاكين الحاده وماقدرت الاعلى جمله وحده ..ماني زعلانه بس مالي ثلاث ساعات واصله

..لا انتي زعلانه علينا يابنتي ماحنا اعداء لك انتي صغيره وبكره تعرفين انك عندنا اهم من كل شي

بصوت مجروح ..والله ماهو باين

..هذا ماهو كلامك يانوف انتي تغيرتي

..لانكم كلكم صرتوا ضدي رجعتوني له مثل الخروف ماكني انسانه يحق لي اعارض

..ابوك خيرك

مسحت دموعها بظهر يدها ..ابو خيرني خيارين احلاهم مر

حبت تخفف عنها الضيق وتبعثر الشعور القاسي ..انتي الحين ببيتك وعند زوجك حاولي تعيشين وتنسين ترى النسيان رحمه

..ماقدر يمه ماقدر ظلمني وجرحني اعتذاره للحين مابرى جروحي >>وقفت عند هالكلمه وناصر واقف عند الباب يسمعها تاكد انها صعب تلين بهالسهوله

..زين يمه الحين اهدي واذا شفتي نفسك تقدرين تتكلمين كلميني وروحي لاختك ولاخليها تجيك حاولي تنسين الحياه كذا وانا امك انا بسكر الحين

..انا اسفه يمه

..لاتعتذرين يايمه انا حاسه فيك وعارفه وشلون تفكرين يالله سلمي على خالتك

..الله يسلمك

سكرت الجوال ورفعت راسها طاحت عيونها الدامعه بعيونه وهو يرقبها قامت تبي تتعداه للشنطه الي وراه نزلت جسمها ومدت يدها تبي ترفعها مسك يدها وبصوتها المخنوق ..ناصر اتركني اطلع المكان الي انت فيه يخنقني

..خلاص يانوف ذبحتني دموعك ماقدر اتحمل

ماردت عليه بس تشاهق ..انتي شفتيني اتكلم مع وحده غيرك صمدتي ومانزلت دموعك ذيك اللحظه كثر دموعك يوم رجعنا لبعض

رفعت راسها ومازالت يدها بيده ..لاني تحملت بكيفي ماحد غصبني اجلس عندك

احرجته وماقدر يرد عليها ..والحين لو اشوفك متزوجها ماراح ابكي الا على كرامتي وعلى قلبي الي ضعف وحبك بيوم من الايام اما انت ولاشي ولاشي >>>مشت من عنده وحروفها الاخيره ترن باذنه

كانت تظن ان الي جاه كفاه لكن بس تشوفه تفنن بجرحه وهو لانه عاهد نفسه مثل ماضيعها بيلقاها ماهو ضعف او خوف ولكن حــــــــــــــــــب

تركها على راحتها قرر يدور مكان ثاني ينام فيه المهم انها عنده

مر هاليوم بدون مستجدات لاشي يذكر في حياة ابطالنا

ساره كانت تترقب رد نواف بعد مايعلمه نايف الي ماعطى الامر أي اهميه

هدى تحاول الا تصال بنوال او لطيفه وعرفت برجعة نوف

نوف وناصر على قد ما تعبهم الشوق لبعضهم الا ان موقف نوف جمد كل المشاعر داخله ماكان بينهم أي احتكاك يتحاشاها وتتحاشاه

قررت نوف ترجع للجامعه مع بداية الترم الجديد

والعجله تدور وتدور والحياه كما هي تعاندهم والايام لهم بالمرصاد
......................................

1 - 1 - 2015, 02:11 PM

كان حظ هدى من اخوانها الحبس والضرب لان ام ناصر كلمتهم هذا اخر حل عندها لانها تعتقد انها هي الي وصلت اشاعة زواج ناصر منها

حقدت عليهن مالها ذنب تعاقب عليهن وقررت تذوقهن السم

مسكت جوالها بعد مايئست ان نوال ترد عليها جربت الاتصال على لطيفه وبالفعل ردت عليها

..اهلين هدى

..يعني فرحانه باتصالي

..اكيد انتي صديقتي ويسعدني انك تكلميني

. .صدقتك" اصلا انتي وحده ماعندها قلب انسانه فاضيه من كل شي الا الشر

..وانتي متصله تسبيني

..لا انتي تدرين ليش متصله انا اتصلت بالحقيره الثانيه ماترد قلت اطرب اذني بصوتك

..لاتغلطين ماسمح لك

..والله انا مانتظر منك السماح بس بقولك ان تخطيطك انقلب على راسك وراس بنت خالتك

..اي تخطيط حنا ماخططنا لشي

..لاتلعبين على انا متاكده من الي سويتيه بس سبحان الله رب ضارة نافعه انتي خليتي ناصر يرجع نوف وخليتي ضميري يرتاح من التفكير بنوف

..وشو نوف رجعت

ابتسمت .. ابشرك رجعت ماعاد يصدق الكلام فيها

زاد الغل على نوف كل ماتذكرت انها هي السبب برجعتها كيف كانت تبي تكحلها عمتها كانت صدمه حقدها الي بدون مبرر اضيف له ضربه بالصميم

................................................

طفلـة ٍ آشوفهـا.... بينـي وبيـنـي !

ويـن مالدّيـت .. بالأنظـار .... بانـت

طفلـة ٍ ترحـل معـي وتحـل .. فينـي

في سبيل الحب مـا لحظـه .. توانـت

المغرب جلست نوره بطرف غرفتها على كرسي هزاز ومرجعه راسها ورى لامه نفسها وتهزه ببطئ البيت هادي بنتها نايمه وام سلمان بغرفتها وابو سلمان طالع من البيت وسلمان بشغله حست بظله مقابلها على الجدار بسرعه قامت واستدارت له ..مساء الخير

..مساء النور

رمى شماغه على السرير ومسك كتفها وجلسها ..وش كنتي تفكرين فيه

..مافكر بس فاضيه

..اها طيب الحين بدخل اتسبح القاك لابسه

..ليش ؟؟؟؟؟؟؟؟

..عازمك على العشا

...مشكور حبيبي بس البنت نايمه

..خليها عند امي والشغاله

..بتعبها وبعدين خالتي الظاهر نايمه

..لا ماتعبها ولاهي نايمه الحين انا كنت عندها

ميلت راسها وهزت كتفها ..اوكي

ضحك على حركتها ..بسرعه قبل اغير رايي

يحاول قدر المستطاع يعطيها جزء من وقته لانها صارت شبه وحيده وخصوصا انها ماتشكي ولا تتذمر وهذي صفه يحبها فيها

.................................................. ....

يراقب تنزل مع الدرج وتتمايل بمشيتها ساره جسمها اساسا مائل شوي للسمنه اضافه للتغيرات الي بدت على جسمها بسبب الحمل يضحك عليها شكلها كان مضحك وهي خايفه لاتطيح بعد عنا وصلت عنده

..اقول سارونه لازام بعد الولاده تسوين رياضه

..وليش ان شالله

اخفى ضحكته ..ابد بس العقل السليم في الجسم السليم

..ليه قايلين لك مجنونه

..هههههههههه حاشاك حبيبتي بس والله صايره بطه

انقهرت منه وتكلمت بتذمر ..نواف لاتعقدني ترى والله متحطمه بدونك

..ولايهمك حبيبتي بس تولدين بترجعين زي اول واحسن

..تتوقع والله طفشت احس ان شكلي مقرف

حب ينرفزها ..هو مقرف مقرف بس عاجبتني

..يوه والله شي يضايق مسكينات الحريم كل شي عليهم

..هذي سنة الله فيهم

..اللهم لاعتراض "انت شكلك طالع

..اي فهد عازمنا " بغيتي شي

..اي بروح لنوف

ماكان عنده علم برجعتها ..نوف !!ليش هي هنا ؟؟

ابتسمت ..اي جت امس

..زين الحمد لله انهم تصالحوا

..اي مابغت نوف عنيده عذبت الرجال لين رضت عليه

..لهالدرجه زعلانه منه

..خلنا الحين منها بتوديني ولا لا

حس انها بتغير الموضوع .. خلاص تجهزي

.................................................. ....................

كان يكلم مها وخاش جو معها ولاداري عن الدنياحوله

..احتمال ابوي يجي للرياض

..صدق متى ؟؟

..يمكن الاسبوع الجاي

..طيب تعالي معه

..ليش ؟؟؟

..عشان اشوفك اشتقتلك

..لاوالله المفروض انت تزوريني

..يالله عاد مها لاتصيرين ثقيلة دم

مثلت الزعل ..هين يافهد انا ثقيلة دم مع السلامه

..لالا ماقصدت آسف بس مشتاق لك

..هههههههه تشتاق لك العافيه بس جد ماقدر دراستي ابوي يمكن يقعد عشر ايام وبعدين حتى لو جيت ماراح يسمح لنا نشوف بعض ولاتنسى نواف

..ياناس والله شي يقهر زوجتي وممنوع اشوفها

..مابقى الاسنه ونص هانت

.. وتقولينها بثقه وانتي تشوفينها مده بسيطه يعني >>سمع نغمة رساله ..لحظه مها خليك معي >>فتح الرساله وضحك من قلبه رجع لمكالمته

..ايوه

..وين رحت

..هههههههه وصلتني صورة بنت بس والله يامها ياهي بنت تدوخ

صرخت ..فهــــــــــــد ولك عين بعد تعلمني ومنهي هالي دوختك

..ههههههه هذي ميلاف

عاشت الدور وكانها ماتعرفها ..يخرب بيتها حتى اسمها حلو >>علت صوتها مره ثانيه ..منهي ميلاف؟؟

..صدق ماتعرفينها ماعندك سالفه

..فهد لاتطلعني من طوري قلي منهي

..هذا الغبي سلمان مرسل صورة بنته كن ماحد جاه بنت الاهو لا بعد ملبسها نظاره

.. عارفه بس امزح معك الله يخليها لكم صدق حلوه؟؟

..اكيد مو انا خالها على العموم بس اخلص المكالمه ارسل لك صورتها وتحكمين

..اذا طلعت على امها بتطلع حلوه

..اوكي حبيبتي بسكر بس احتمال اليوم تتصلين على جوال مقفل

..ليش ؟؟

..امي بس تشوف صورة بنت نوره بالجوال يمكن بتاكله بس عليها بالعافيه فدا ام فهد

انفجرت عليه من الضحك ...ههههههههههههه اوكي سلم على خالتي

..يوصل سلام

..سلام

كانوا يعيشون اجمل لحظات عمرهم لحظات يمكن ماتككر بيوم من الايام جو خاص وتفاصيل دقيقه وشعور حلو

نزل لامه وفعلا كانت فرحتها بصورة بنت بنتها لاتوصف تتصبر بصورتها لين الله يجمعهم ببعض

.................................................. ..................

وصلت للبيت وقلبها يرقص مشتاقه لاختها مشتاقه لريحتها اهلها الي تحملها معها فتحت لها الشغاله باب البيت ودخلت بحذر

كانت ام ناصر بستقبالها ..حياك الله يابنيتي

..الله يحييك ياخاله وشلونك

..بخير جعلك بخير يايمه يعني ماتزورينا الايوم جت نوف

ابتسمت بخجل ..ماعليه ياخاله مشغوله

..مسموحه يايمه ارتاحي

جلست معها ..يزيد فضلك وين نوف

..نوف فوق قلت للشغاله تناديها الا اذا بتطلعين لها

..لا ياخاله عادي مانتي غريبه

..تسلمين يايمه

..الله يسلمك >>حست عندها شي بتقوله

..اسمعي ياساره انا ابيك تكلمين اختك انتي قريبه منها وتقدرين توصلين لداخلها انا بصراحه ماعاد اعرف اتفاهم معها

..حتى انا ياخاله ماعاد تسمع مني نوف تغيرت كانها وحده ثانيه

..انا عاذرتها صحيح ناصر ولدي بس غلط وطريقة رجعتها يمكن اثرت عليها ماظن أي وحده غيرها بتتصرف غير تصرفها

ناظرت لها باحراج ..ممكن اسئلك سؤال

..اسئلي يابنيتي

..صحيح ناصر فكر يتزوج

..ناصر من راحت نوف اهمل حتى شغله ويتزوج لا يايمه ماهو صحيح انا يئست انها ترجع وقلت له يتركها تشوف نصيبها مادامها مصممه

ثار ماهو متقبل فكرة انه يتقبل وحده ثانيه بحياته

..وش نقول الله يهديها ويصلح حالهم

نزلت بهاللحظه نوف تجر نفسها جر شافت ساره وضحكت لها ..سويره يالدبه اشتقت لك

وقفت وهي تشوفها مقبله عليها ..انا دبه وانتي صايره عصلا

وصلت عندها وحضنتها ..شاخبارك

..الحمدلله بخير انتي شاخبارك واخبار امي وابوي وسلمان ونوره وميلاف

..الحمد لله كلهم زينين ميلاف صايره بطه زيك

..اسم الله علينا الله يكفينا شر عيونك

ابتسمت ام ناصر ..نوف اسم الله عليها عيونها بارده

..اي وش عليك عندك محامي

لفت لخالتها ومسكت يدها ..الله يخليها لي خالتي ام ناصر غلاها مثل غلا امي

..تسلمين الله يسعدك واشوف عيالك يملون البيت

..اشوف بديتوا تتغزلون ببعض الظاهر ارجع لبيتي احسن لي

..هههههههه لاوش دعوة يابنيتي منورتنا يالله انا بروح ازين قهوتكم

..لاياخاله انا بقوم لاتعبين نفسك

حركت يدها .. تعبك راحه خليك مع اختك انتم من زمان عن بعض

..مشكوره ياخاله ماتقصرين

..العفو >>>مشت من عندهم ولفت ساره لنوف وابتدات السوالف

.................................................. ....

دق جوالها وفتحته بسرعه وين كنتي اتصل عليك ماتردين

..وين كنتي لي ساعه ادق عليك ماتردين

تكلمت لطيفه بفرح وصوتها يرتجف ..باركي لي يانوال باركي لي

استغربت منها اول مره لطيفه عن فرحه ..الف مبروك بس على ايش

..انا كنت بالمستشفى قالت لي الدكتوره اني حامل

مايعني لها الموضوع مثلت الفرح ..صدق الف مبروك

..الله يبارك فيك ماتتصورين وش كثر فرحانه اخيرا برد على عجوز ابليس ام عبدالله وبناتها دايما ينقون على عبد الله يتزوج

قالت كلام كثير عن احقادها وانتقامها ماسمعتها قالت الحمدلله

حبت تدخل معها بالجو ..طيب وعبد الله وش شعوره

..عبدالله كان مبسوط بس بعدين زعل مني وطلع

..والله مانتي صاحيه تزعلينه في مثل هاليوم صدق ماعندك سالفه

..وشاسوي فيه مصر الايعلم امه

..وانتي ماتبينها تدري

..هههههههه انا ابيها تعرف من الناس زيها زي واحد غريب بس اصر الايقولها يقول من حقها تفرح ماعلى منه الحين مايقدر يزعلني الحين مسكت مع اليد الي توجعه

كلامها غريب وتفكيرها اغرب نست حتى نوال الي كانت تبي تقوله او حست انها ماراح تهتم الحين مشغوله بفرحتها

كانت فرحتها محصوره بعالمها لانها حاوطت نفسها بسم الحقد ماخلت احد يقترب منها ويشاركها احساسها حتى نوال كانت تداهنها لانها لها عند غرض والا ما كانت سمعت كلمة مبروك منها

.................................................. ..........

تركتهم ام ناصر ياخذون راحتهم بدت نوف تفضفض الي داخلها لاختها وهي تسمعها باصغاء

..طيب الحين وش بتسوين رجعتي له

..الحين مافكر بشي الا اني ارجع للجامعه مع بداية الترم والباقي بخليه للظروف

..وشسويتي مع ناصر

لفت رجل على رجل ..ابد مااحتك فيه وهو بعد تراكني على راحتي

..يعني تشوفين انه هذا هو الحل

..انا مادور حلول انا ادور شي يبرد النار الي بقلبي لاو بعد يحرض ابوي مدري وشلون اقنعه ابوي الي بعمره مافرض رايه على يرجعني غصبا عني

..والله انتي يانوف مكبره السالفه

..السالفه هي كبيره من الاساس لابعد يخطب وبيتزوج

..خالتي تقول انه مافكر الظاهر لطيفه تلعب علينا

..مايهمني هو حر

..انا بعمري ماشفت احد يفكر زي تفكيرك

..ساره الله يخليك غيري الموضوع وقلي لي وش اخبارك مع الحمل

حطت يدها على بطنها ..الحمدلله بديت اتعود على الثقل والغثا

..الله يعينك "احساس حلو صح ؟؟

ابتسمت ..سبحان الله ماكنت متقبله هالحمل بس لما بدا يتحرك احس بشي غريب شعور حلو >>ركزت عليها ..ان شالله تجربينه

هزت راسها ..ان شالله

مضى الوقت سريع وهم مع بعض قضوا وقت حلوا شوي تحسنت نفسية نوف بوجود ساره

حوالي الساعه 11ليلا جاها نواف ورجعت لبيتها

بعد ماطلعت من عندها ساره رجعت لغرفتها بدلت ملابسها وبدت ترتب غرفتها صار عندها شوية طاقه لمت الملابس الي كان يرميها ناصر بكل مكان وودتها للغسيل ورجعت كل شي لمكانه دارت نظرها لها وابتسمت برضا رمت نفسها على الاريكه وشغلت التلفزيون مكان فيها نوم حست الباب ينفتح شوي شوي ويخل ناصر استعدلت بجلستها ..مساء الخير

ردت بصوت واطي بدون ماتناظر له ..مساء النور

جلس قريب منها ..ان شالله استانستي مع اختك

هزت راسها.. الحمدلله

حاول يقرب لها ..ان شالله اليوم احسن

..ناصر لوسمحت اتركني بنام

..لاتنسين انها غرفتي بعد

..خلاص انا بروح ادور لي مكان انام فيه >>ومشت تبي تطلع

لكن وقفه صوته الي يحمل خيبة الامل ..خلاص خلاص انا بطلع بس كنت باخذ لي ملابس ولاهذا بعد ممنوع

..لاماهو ممنوع بس بكره انا بطلع ملابسك كلها ولا اطلع انا من الغرفه

غمض عيونها ..سوي الي تبينه >> ودخل اخذ ملابسه وطلع

.................................................. .......................................

..انت ليش تقولها ؟؟

..وليش ماقولها هذي امي امـ ـي فاهمه

..حتى لوكانت امك هي ماراح تفرح لك

..لاحول ولاقوة الا بالله يالطيفه حرام عليك الي تسوينه فيني وفي اهلى في نفسك انتي ماخليتي لك احباب

حركت يدها ..مستغنيه عن محبتهم والحين مالهم كلام على انا حامل ماحد بيعايرني

..اتقي ربك يالطيفه ترى ربك يقدر على كل شي

..انت وش تبي مني خلاص علمت عجوز ابليس ارتاح الحين وخلني بحالي

زمر بصوت عالي ..لطيفه مولانك حامل بسكت اذا سبيتي امي

..الله عاد من زينها

..يعني هذا شكرك لربك انه رزقك

..مالك شغل فيني

..انتي حاله مستعصيه صدقيني بديت اكره الحياه معك

إن طبت من جرحي..وإلاّ..جِـعلني ما يوم طبت
ياصدمتي في أكثر احبابي..وياخيبة ظنوني

ياضيق صدري..لاذكرت انّي عليهم ما كذبت
ياطعنةٍ خلّتني انسى من سبايبها..طعوني

قررت ترمي كل شي ورا ظهرها وتواجه مصيرها بشجاعه وتعتبر ناصر ظل اوخيال وليس روح تسكنها وتسكنه يمكن تكذب على نفسها وتخدع احساسيها لكن راح تصدق كذبتها تفرقوا بالغرف وقوفا عند رغبتها من وجة نظره ان الظغط الي جاها يكفي قدر لها رجوعها له

قامت من نومها مريحه بعد ماحست ان الغرفه لها من غير مايشاركها فيها تسبحت ولبست لبس هادي نزلت للصاله مافيها احد تعدتها للمطبخ كان فاضي واصوات الشغالات بالحديقه طلعت تشوفهم كانو يرتبون اغراض ويحطون ويشيلون ظلت واقفه تتامل الحديقه سندت جسمها على الجدار و يديها ورا ظهرها وسرحت بحياتها بمستقبلها بنهايتها مع ناصر "ناصر الانسان الي دخل بوقت غلط الشخص الي ماتخليت بيوم من الايام تكن له الحب صار اقرب لها من روحها جزمت انها لايمكن تبدل حبه كانت دائما تفكر تزوجها من غير حتى مايعرفها وكان قلبه مشغول بغيرها مع هذا ماظلمها ماعاقبها لانها اخذت مكان حبيبته ويوم حست انها صارت كل شي بحياته قدر يسوي الي سواه ابتسمت لسخرية القدر كيف ينقلب كل شي بلحظه واحنا الي نقلبه ضد انفسنا

اول مادخل كانت بوضعها وشعاع الشمس يلمع على جهه من شعرها كانت على شفتها شبه ابتسامه لكن يملاها الحزن استوقفته هاللوحه ظل ماسك الباب وواقف وهي ماحست سكر الباب بشويش ومشى وهو يحط المفتاح بجيبه لين وصلها وصار يشوف تفاصيلها الي يعشقها ..ليش واقفه هنا ؟؟
غمضت عيونها ونفضت راسها وناظرت له نظره غريبه ولاردت سئلها ..تسمعيني!!
ارخت يديها وهزت راسها بايه ..اسمعك ابد اشم هوا >>ماوقفت وهي تشوف نظراته لها
واستدارت ودخلت لداخل البيت وهو يتبعها جلست ومسكت الريموت وشغلت التلفزيون كان يحاول يسيطر على نفسه ويقاوم ضعفه قدامها
..وين امي ؟؟
التفت له ..مدري نزلت من غرفتي ماشفتها يمكن بغرفتها
خطرت على باله فكره حاول يجرب مع انه عارف الرد مسبقا ..ااا نوف !!
ناظرت بملل ..نعم
..وش رايك نطلع نغير جو
قشعريره دبت بجسمها من نظراته واسلوبه ..اطلع لحالك>>
..بس انا ودي نطلع مع بعض من زمنا ماتمشينا
..قلت لك ماني طالعه كفايه مختنقه من شوفتك هنا << قامت بسرعه وطلعت تركض على الدرج
كلمتها خلت شيطاين الارض تصف قدامه لحقها على الدرج ومسك يدها..انتي عارفه وش قلتي ؟؟
بثقه وعناد ..وواعيه له
..انتي شكلك ناويه على الشر
..انت عارف نيتي زين انا ماخبيتها عنك بس انت مسوي نفسك بطل ومانت لاقي احد تطلع مراجلك عليه غيري
مهما كان حبها بقلبه كلامها صدمه وماقدر يسكت ..نــــــــــــــوف احترمي نفسك
..انا محترمه قبل اشوفك واعرفك
..لاتحسبين اني رجعتك واعتذرت لك انك تمشين رايك على بتقعدين هنا غصبا عنك
مطت شفتها ..عادي اقعد ماعندي مشكله >كانت تستهتر فيه
تعوذ من الشيطان بعد ماحس انها تبي تطلعه من طوره صارت كل ماتقرب منها ابتعدت عنه تغيرت تغيير جذري
..زين يانوف زين >>وتركها تكمل طريقها
.................................................. .............

نوال الي كانت تخطط عشان ترضي لطيفه حست ان السالفه طولت وانها هي الخسرانه بالسالفه كلها اخذت قرار انها تتحرك تسوي أي شي كرهت موقفها خصوصا بعد مابدت امها تضغط عليها حتى تتزوج
في بيت لطيفه الي حست انها بهالحمل سكتت الشامتين واغاضت الي يكرهونها
..مومعقول يالطيفه السالفه طولت وامي ماراح تسكت
..اصبري يانوال اصبري لين تزين الاوضاع بيني وبينه
..لمتى ماعاد عندي صبر
..طيب تزوجي اذا جاك احد مناسب
عصبت منها ..هذي اخرتها بعد كل الي سويته ببساطه تقولين تزوجي
..طيب وش تبيني اسوي
..سوي أي شي اعزميه كلميه لاتستلمين
..تتوقعين يجي
..انتي حاولي وبعدين انتي تعرفين تقنعينه بعيد عن نواف بصراحه لطيفه اخوك هذا مدري كيف يفكر
..يعني انتي تحسبين نواف هو الي موقف نايف عنك لا نايف من البدايه ماهو مقتنع
..يعني نوف وش احسن مني فيه انا بنت خالته والحب يجي بعد الزواج بس انتي تحركي
..معك حق انا لازام اسوي شي انا الحين بدق عليه واعزمه
..ايوه احسن شي نضرب الحديد وهو حامي
...........................................

رجع من شغله قبل العصر وساره تستناه على الغدا
..ليش تاخرت
..مريت العمال شفت الشغل
..بدوا بالبنا ؟؟
..يعني تقدرين تقولين
..طيب تعال نتغدى
..ابدل وارجع اتغدى مع ان مالي نفس
..نواف اش فيك شكلك متضايق
جلس على الكنب ..مدري مخنوق
..تعوذ من الشيطان قوم تغدى
..............................................

..وشو الي خلاك تتذكرين ان لك اخو
..افا يانايف انا مانسيتك عشان اتذكرك
..طيب وش تبين مني
..انتم ليش تغيرتوا على ماكني اختكم
..احنا ماتغيرنا بس انتي ابعدتي وماعاد يهمك احد
..طيب عشان اثبت لك ابيك تجي تزورني
..الحين ؟؟؟
..اي الحين عادي انا فاضيه
..بس انا مشغول خليها مره ثانيه انا طالع للشركه
..زين توعدني بزياره بس تفضى
جاه فضول يسئلها ..خلينا من هالكلام بسئلك انتي ليش قايله ان زوج نوف بيتزوج
تلعثمت وخافت من طريقته في السؤال ..لا نه صحيح ناوي يتزوج
..لطيفه لاتكذبين على وش مصلحتك من الي تسوينه
..صدق مرة اخوك قليلة ادب يعني انا انصحها وهي توصل الكلام لكم
..خلينا من زوجة اخوي لاتقلبين الكلام وجاوبيني بصراحه
انقهرت من ساره كيف قدرت توصلها لنايف ..الصراحه اني بغيت اوعيها الرجال مسك عليها بلاوي ونوى يتزوج بعد سواتها الي تسود الوجه صحيح خيرا تعمل شرا تلقى
..الكلام هذا كبير
..هذا ولاشي من الي سوته هي واختها اول شي سوته لعبت على نواف لانه صغير وزوجته اختها وعلى فكره تراهم زي بعض
انخنق من داناة الكلام الي تقوله حتى لوكان صحيح مايبيها تقوله ..لطيفه حرام و عيب عليك الي تقولينه استغفري ربك
..انا قلت الحقيقه وانا مصره اخوك بكره يعرف ان زوجته الي مستانس عليها ومقاطعني عشان يرضيها مثل اختها تكلم غيره وترسل رسايل
صرخ فيها كيف طلع هالكلام من فمها ..صدق ما تتغيرين ونواف هو الي عرف لك >>وسكر التلفون بوجهها
وصلت لقمة الغضب وتعدت حدود الحقد وهذا نايف خسرته بسبتهم نوال كانت شاهده على كل شي كانت حاضره على جريمتها

..صدق شي يقهر بتصير بيني وبين اخواني تحسب نفسها تحبهم اكثر مني
..وان شالله بتسكتين لها !!
..لا ماني ساكته الحين ادق عليها اعرفها قيمتها
..لا انتي مالك كلام معها انتي كلامك مع اخوك الي ماهو قادر يوقفها عند حدها
..والله نوااف ينخاف منه اليوم نايف الي ماعمره رفع صوته على و هزئني بسبتها اجل نواف وش بيقول
..اذا بتخافين منه على طول بيتمادى وتطمع فيك ساره نصيحه خلي كلامك معه
..الظاهر ماقدامي الا هالطريقه

1 - 1 - 2015, 02:17 PM

في جده مها رافضه فكرة الزواج قبل الجامعه لكن فهد كلم ابو نايف طلب منه يقنعها من غير ظغط وابو نايف ترك التمهيد لام بدر ماحب يتدخل الااذا ماقدرت تقنعها
..بس يمه انا بكمل دراستي
..الزواج مايمنعك من الدراسه بصراحه يامها الرجال معاه حق المده طويله عليه
..انا متفقه معه على كل شي وهو وافق
..وهو للحين مايبينا نجبرك هو يبينا نقنعك
..صعب على ادرس هناك وانتم هنا
..ماعليك منا وانتي بكل الاحوال بتروحين وتخلينا الا اذا ترجعتي عن الزواج كله
..ليه يمه فهد قايل شي
..لاوالله الولد ماشالله عليه وانا مابي ابوك يتدخل
..والله مدري بس خلوني افكر
..مايحتاج التفكير اظن انك عرفتيه زين ودرستي اخلاقك واذا شايفه انه يستاهل التضحيه ليش لا
..انا اعرفه بس وشلون ؟؟
..خلاص يامها حتى انا بصراحه مابي تطول الملكه وبعدين اخوانك هناك ماراح تحسين بالغربه
..مدري متردده تكفين يمه خليني افكر
..زين فكري زين >>طلعت وتركتها تفكر

قولوا له : أني أمنالوله ضايق البال
عله يحس .. بحالتي في غيابه ..!

لازلت هاقي و الرجا فيهلا زال
و مابيه يكسر خاطر اللي هقابه ..!

بعد الي داربينهم تركته وراحت لغرفتها تركض دخلتها وفقلت الباب بالمفتاح قلبها صار مثل الطبل يضرب بعنق خافت من نظراته توقعته بعد كلامها ممكن يمد يده عليها لانها عارفه حجم الكلام الي قالته وهي فعلا تبي تطلعه من طوره او بالاحرى تبي تجربه
دخلت سريرها وغطت نفسها باالكامل ومابان منها الااهتزازها تحته تبكي على حالها وحاله استمرت لين غفت عينها ارتخى جسمها من البكاء اذا كان البكاء تنحدر معه دموع حاره دليل انا القلب يحترق وقت مضى وهي تغط بين الكوابيس ونومه ماهي مريحه وعت بنفسها وعرقها يتصبب لان الغرفه حاره زياده على الحراره الي تحس فيها رفعت جسمها وناظرت للشباك كانت الشمس على وشك المغيب قامت وهي تسمع صوت الاذان وتردده دخلت للحمام <<وانتم بكرامه >> وتوضت وتجهزت للصلاه لبست جلالها وفرشت سجادتها وكبرت اتمت صلاتها وجلست فتره تستغفر لعل غيوم الضيق الي تلبدت بسما صدرها تتجلى كانت دموعها تسلل بهدوء وتتابع بحضنها رفعت يدها للسما تطلب المعونه وتطلب الهدايه لمت سجادتها وجلالها قبل تجلس سمعات طرقات بسيطه على الباب فتحته لقته واقف عند الباب ومدخل يده بجيوبه
..مساء الخير
..مساء النور خير ؟؟
..ابد جاي اخذ اغراضي اذا ممكن
بدون ماتتكلم ابعدت عن الباب واشرت بيدها له عشان يدخل تعداها لداخل الغرفه ومنها لدولاب ملابسه طلع شنطه من اعلى الدولاب وفتحها على السرير فتش فيها وهي تنتظره يخلص توقعت انه يكلمها يعاتبها يراضيها لكن ماتوقعت انه يسكر الشنطه ويرجعها وياخذ الاوراق ويطلع بدون مايناظر لها اول مره يواجهها ولايكلمها سكرت الباب ورجعت لغرفتها
................................

ونيت من حرن بقلبـي ونستـه
صاح الخفوق يون من حر ماجاه

ضافي لباسالهم وانـا لبستـه
يالله دخيلك قاسي الهـم اشقـاه

تغدى وطلع ينام شوي تمدد على السرير لكن قبل يتمكن النوم منه فز على صوت جواله رفعه وشاف الاسم استغرب وش الي خلاها تتذكرني الحين فكر يطنشها ولا يرد لكن تراجع يمكن محتاجه شي ..الو
..هلا لطيفه
..زين متذكرني للحين انا قلت نسى ان له اخت
..لا انا مانسيت الظاهر انتي الي نسيتي سوياك
علت صوتها عليه ..ليه انا وش سويت!! عشان وقفت لاخوك لايطيح طيحتك
..الحين وش تبين ؟؟
..ابي اقولك انت وزوجتك لاتتدخلون بيني وبين نايف
..وزوجتي وش دخلها بينكم
..موهي لاقيتك وسيله توصلها الاخبار كلها الظاهر للحين عندها امل نوف تتطلق ونايف يتزوجها
بقلة صبر وبنبرة تهديد ..لطـ يفه عن الغلط واقصري الشر مادام النفس عليك طيبه
..وش بتسوي يعني بتخوفني عشان تعججب قليلة الادب
عصب منها ومن كلامها الي يجرح ..انتي الظاهر مانتي ناويه على خير احترمي نفسك احسن لك هذي زوجتي ومايريضيني تتكلمين عنها بهالاسلوب
..وانا يعني بستنا رضاك انت اصلا لوانك رجال ماتسحبك معها مثل الخروف
..الظاهر اسكر احسن انتي اليوم ناويه على الشر
..براحتك بس لاتتستانس عليها ترى وحده حقيره وماتستحي وماعندها دم
..خلصتي باقي مسبه ماقلتيها ساره زوجتي وبتصير ام ولدي وكلامك مايغير هالحقيقه
..وانت مستانس ان بيصير عندك ولد هذي امه هه الله اعلم منين جايبته الظاهر حامل من قبل لاتتزوجها
قالت هالكلامه بلحظه صفرت اذنه من صوتها ماقدر يكمل الكلام انخنق معقوله اختي توصل معها لهالدرجه ..حقيره حقيره>> وسكر التلفون بوجهها
فز على حيله وبسرعه لبس ثوبه كان العرق يتصبب من جبينه ويغلي من داخله فتح باب الغرفه بسرعه ونزل يركض على الدرج طلعت ساره من المطبخ كانت حالته غريبه قبضها قلبها من شكله

.. نواف وين رايح>> مر جنبها ..طالع
تعداها وهي تمشي وراه ..نواف شفيك وش صاير
دفعها عن طريقه ..بعدي عني انتي الثانيه <<وفتح باب البيت وطلع ادهشتها حالته على طول ركضت لجوالها واتصلت عليه لكن مارد عليها ..يارب وش الحال وين راح هذا وش فيه ؟؟
..................................................

..آسف حبيبتي بس انا بغيت اهلك يقنعونك
..بس المفروض قايل لي هذا شي يخصنا انا وانت
..مهاوي حبيبتي انا كلمتك اكثر من مره بس انتي معنده قلت اطلب من ابوك يقنعك وصدقيني اذا مانتي راضيه انا بعد مابي زعلك
ابتسمت لكلامه ..ماعليه فهد بس خذت على خاطري لاني تفاجئت يوم قالت لي امي
..اهم شي انك مبسوطه
..انا مبسوطه لان الله رزقني بزوج مثلك
..هههههه ترى اصدق هاه قولي وش رايك بصراحه وانا راضي
استحت منه اخجلها بكلامه ..الي تبيه سوه
..اكيييييد
تنهدت ..اكيد الوقت الي يعجبك حدده
..مشكوره حبيبتي ان شالله اشوف الوقت الي يصلح واكلمك
..صار وانا استناك
..اوكي حبيبتي بينا اتصال سلام
..سلام

نزلت جوالها ونوت تطلع من غرفتها وهي تفكر بقرارها الجديده ماكانت ناوويه تتم الزواج لين تتخرج لكن فهد قدر يقنعها
استوقفها صوت جوالها توقعته فهد هذي حركاته لكن شافت رقم ساره وعلى طول ردت ..هلا سارونه
..هلا مها مها ابي منك خدمه
..ابشري بالي اقدر عليه من عيوني
...تسلم عيونك بس نواف طلع من البيت زعلان واكلمه ولايرد ابيك تكلمين نايف عشان يقوله يرجع للبيت او يجي عنده للبيته
..انتم متزاعلين ؟؟
..ابد مابينا شي دخل ينام والظاهر جته مكالمه وقام وشكله يخوف تكفين مها بسرعه
..ساره خوفتيني
..والله حتى انا خايفه طلع يركض ماقدرت اوقفه
..طيب طيب سكري الحين وانا بكلم نايف
..زين اتصلي طمنيني
..اوكي

..............................................

يلملم اوراقه خلص شغل ويبي يرجع للبيت وخالد قاعد يستناه عشان يطلعون يشربون شي
اتصلت مها وهو مندمج رفعه وكلمها ..هلا مها
..هلابك نايف تكفى
قام واقف من مكانه حس بصوتها يرتجف خاف ان ابوه فيه شي ..خير يامها وش عندك صاير لكم شي
..لا حناا مافينا شي بس اتصلت ساره تقول نواف طلع من البيت زعلان وحالته ماتسر وتبيك تتصل فيه انا بعد اتصلت ولارد تكفى نايف كلمه وخله يجي عندك
..طيب طيب هدي وفهميني وش صار هو متزاعل مع زوجته
..نايف الله يهداك هذا ماهو وقته اكيد اذا اتصلت عليه بيرد
..خلاص انا بكلمه تطمني
..امانه معك يانايف لاتخليه الالين يجي عندك اويرجع لبيته نواف اذا زعل ينسى نفسه
..ولايهمك
سكر منه واتصل عليه ونسى خالد الي كان يستناه
..خير يانايف وش صاير
..ماعليه خالد تقدر تروح صايره مشكله بالبيت ماقدر اطلع معك
..خلاص بس كلمني
..ان شالله

......................................

وآهنـي آلطيـر لآضاقت يطير

في تضاريس الفضا يلقىالحلول

ساق السياره بسرعه كانت تسابق الريح نار ولعت بجوفه من كلام اخته احرقته بدون ماتدري سيل من الاتصالات من ساره ومها لكن هالمره كان المتصل نايف قرر يرد هوالوحيد الي يقدر يكلمه
..انت وينك يارجال
..مدري مدري
..نواف وش فيك؟؟
..بختق يانايف
..طيب قل وش فيك ؟؟
..الحقيره طلعت على حقيقتها
..منهي الحقيره
..قالت لي كلام ماينقال
..اسمع لاتتكلم تعال عندي للبيت انا رايح هناك
..زين زين
وسكر بدون لايسمع رده فتح ازارير ثوبه ولاانتبه للشاحنه الي طلعت بوجهه وضربت بسيارته

.................................................. ........

يستناه يجي مرت ربع ساعه نص راحت ساعه وهو ماجاء اتصل عليه لكن مايرد انغزه قلبه >>الظاهر صاير بينه وبين زوجته شي وشكلها سالفه كبيره يمكن لطيفه صادقه استغفر الله العظيم قال هالكلمه ونفض راسه اتصل مره ثانيه لكن مارد طلع عند باب البيت ماعاد قادر يجلس بمكان واحد توالت اتصالات مها من قالها ان نواف جايه وهي تتصل تتطمن اذا وصل ولا لا ولارد عليها سمع جواله هذا نواف
..وينك يانواف
..انت الاخ نايف
بلع ريقه ..اي نعم
..صاحب الجوال هذا صار له حادث وانا لقيت اتصالك وقلت اكلمك
دااااااارت الارض فيه ..حااااادث
..طيب هو زين
..والله ياخوي الحادث كبير انقلوه لمستشفى الـ..... تقدر تجي تشوفه
سكر بدون لايشكر الرجال على ايش يشكره على الخبر الحلو ركب سيارته يركض وحركها وترك وراه غبارها يملا المكان

.......................................

..الله يستر مدري وش الي قلب حاله كان هادي
..اهدي ياساره شوي تلاقينه داخل عليك
..يارب والله قلبي خايف
..ان شالله مايصير الاالخير
..ان شالله المشكله حتى نايف تقول مها انها تتصل ولايرد عليها
هالمره حتى نوف خافت ..مها تدري
..اي اضطريت اقولها عشان تبلغ نايف
..اكيد بتقلق عليه
..مسكينه قاعده على اعصابها
..الله يستر

...............................

طلع من عنده يسحب حزنه على اخوانه ودموعه تملا وجهه سمع اخر كلمات قالها له وصاه بولده امنه يهتم فيه ويربيه مايخليه لزمان يقسى عليه حقد على ساره هي السبب بموته اكيد كشفها
جلس على الكراسي بالممر فضى ماكان يتزاحم بصدره قام يسحب نفسه سحب الحمل اثقله مصيبه نزلت على راسه وشلون يواجه ابوه وشلون يقول لمها وكيف يجي ولده ولايلقاه <<<آآآآآآآآآآآآآآه يانواف

وآه قلبي اللي فيه مثلال منــاشير
...وصارت عـروقه من همـــومي ظمـــايـا

أردد الـونـــّه من عصير إلى عصير.....
....وآخـــذ على روحي لـ روحي وصــــايـا

بعد يومين البيت مزدحم وصل ابو نايف زلزله الخبر واظناه لكن اللهم لااعتراض ووصل ابو سلمان وام سلمان ونوره وسلمان جو يحضرون هاليوم المرير ويواسون ساره في مصيبتها

..على سريرها لاكلام لااكل ولانوم ولاحتى بكا حتى الدموع جمدها الخبر شي كانت تحس فيه من زمان
وقفت عند راسها ..ساره حبيبتي لازام تاكلين مايصير الي تسوينه
رفعت راسها بهدوء وهزته ..ساره علشاني ولانوف مالها خاطر >>ماردت حتى بنظره <<طيب عشان الي ببطنك حرام بيموت من الجوع >>صدت عنها ولا تكلمت يئست نوف منها نوف الي ماتركتها من اتصل سلمان وبلغها مشت بدون حتى ماتقول لناصر

غـلاك عندي / لو شرب منــــــــهـمخلوق
يبطي ولا ذاق العطش/ في حياتــــــهـ ..!!

مها صارت لها غرفه تعتكف فيها من وصلت ماطلعت منها ابد صورته قدامها وتحاكيها بشويش سمعت الباب يدق ماتحركت لكن نوره ماستنت كثير فتحت الباب وددخلت
..مها
رفعت راسها ومسحت دموعها ..نعم
..فهد يبيك تحت
..ماقدر اشوف احد يانوره
..بس فهد ماهو أي احد هذا زوجك وحقه يشوفك ويتطمن عليك
..ماقدر ماقدر>> واجهشت تبكي
رتبت على كتفها ..خلاص براحتك >>وطلعت من عندها

ابو نايف ام بدر بدر نجود مشعل جود الكل احزانهم متقاربه واوجاعهم متشابهم شخص واحد غاب في هاليوم ؟؟؟؟.

.................................................. ...................

طويت فيصـوت التنـاهيد مأسـاهـ
جـرح يبـكـيـنـي .. وجـرح بكـيـتـه

يجتـاحنيصوتـه وزولـه وذكـراهـ
ودرب على بعـد المشـارف مشيـتـه

وصلها الخبر مثل الصاعقه ماتخيلت بيوم من الايام تكون السبب بموت نواف جالسه بغرفتها المظلمه لحالها تناجي الجدران الجامده ودمعها ماتوقف على وجهها وتاكل نفسها بنار اللوم ماحد يدري عنها ماحد حولها مااحد شايل همها طلعت من المستشفى بعد مهدئات صرخت وصرخت لكن الي يروح مايرجع انفتح باب غرفتها حست نور تسلل عليها رفعت نظرتها وشهقت قبل تتكلم ..عظم الله اجرك >>نقمه تملى قلبها عليها وعلى نفسها الي طاوعتها وركضت وراها ..لطيفه حبيبتي ادعليله الميت ماتجوز عليه الاالرحمه
وقفت على ركبه بنص السرير ..انتي جايه وش تبين
ردت باستهزاء ..وش جايه اسوي جايه اعزيك
..الله لايكثر خيرك اطلعي مابي اشوفك
..الشرهه على جايه اواسيك جالسه هنا مااحد داري عنك
بصراخ ..اطلعي بررررررى انتي السبب انتي السبب
اشرت على نفسها ..سبب باايش ؟؟؟؟؟
ونت وبكت وصرخت ..انتي الي ذبحتي نواف انتي الي حرمتيني منه انتي كنتي تدعين عليه
..انا ماذبحته حقدك هو الي ذبحه انتي الي حرقتي دمه بكلامك المسموم
..انتي الي شجعتيني و كنتي تحركيني
قربت لها ..انا ماقلت لك اكرهي زوجته انتي طاوعتيني لانك تكرهينها وتبينه يتركها
..اطلعي برى حسبي الله عليك
..لاتحسبين على بس تدرين تستاهلين الي صار لك جزاك من ربك تذكرين لما كنتي تتشمتين بنوف يوم سقطت الحين جا اليوم الي تتشمت فيك
سدت اذانها ..مابي اسمع صوتك اكرهك اكرهك
صكت اسنانها وبعنف ابعدت يديها عن اذونها ..لابتسمعيني نواف مات وحملك طاح واهلك تخلو عنك ولو يدرون وش سويتي بنواف بينحروك ويشبعوبن بلحمك كلاب الشوارع
..اطلعي برى اطلعي
مسكت يد الباب والتفت لها ..طالعه بس بقولك شي ساره ماماتت ولدها حي انتي الي خسرتي انتي >> وطلعت وسكرت الباب بقوه
انسل جسمها على السرير مثل قطعة القماش وقعدت تون وصوت وناتها يرتد عليها ولافيه من يواسيها ويشيل عنها همها
بيوم وليله انقلب كل شي على راسها

<<لن اقف هنا كثيرا فالحزن موجع وايامه طويله حاره كنهار الصيف ولياليه مظلمه قارصه كبرد الشتاء
الموت هو احق الحقائق وان طالت اعمارنا فهو نهايتنا التي لاجدال فيها ومازلنا نجزع ونستاء>>
عزأ اخذه ابو نايف وعياله عاشوا ايام قاسيه ومؤلمه مضت كئيبه مظلمه ولكن هي كغيرها تمضي

نواف مات وترك زوجه ارمله ماكملت العشرين وطفل بيواجه الدنيا يتيم
قرر ابوها وامها يجلسون عندها ببيتها لانها بفترة حداد ومايجوز تطلع من بيتها سلمان رجع مظطر لشغله وترك نوره ببيت اهلها
ابو نايف ضاق صدره من المكان وماعاد يتحمل يجلس ورجع لجده
مها المصيبه كانت اكبرمن صبرها رجعت مع اهلها
نوف نساها حزنها على اختها ناصر ووجوده بحياتها ماشفته من اكثر من اسبوع حضر العزا والتهى بشغله
نايف بشقته مايطلع منها حتى لشغله رغم محاولات فهد وخالد....

...............................................
خل فتره بين جرح وجرح ثاني ..
وبعدها أستأنف جروحكيازمن!!

مايصير أموت وجروحي تعااني
ولو أموتمنين تلقى لك وطن!!

15يوم مضت على موت نواف
جسم سله الحزن مسلتقي على سرير ابيض بالمستشفى والا جهزه عليها كانت راح تموت لكن لها عمر تعبت ونقلوها اخوانها للمستشفى على طول قرر الدكتور توليدها بعمليه حفاظا على حياتها وحياة الطفل ماعاد فيه شي له طعم كل شي مظلم بدون الوان
وعت من البنج بدت تتضح الرؤيا قدامها لقت نوف جالسه قدامها على الكرسي من شافتها فتحت عيونها وصوت انين يخرج منها
قامت بسرعه لها ..الحمدلله على سلامتك حبيبتي
لفت للجهه الثانيه بدون ماترد رتبت على كتفها ..مبروك جبتي ولد يجنن >>لارد سوى دمعه تسللت على خدها بهدوء
..ساره حبيبتي قولي الحمد لله الذي لايحمد على مكروه سواه الله عوضك عنه بولد ماشاءلله تبارك الله وانتي لازام ترضين بقسمة رب العالمين
هزت راسها واخيرا نطقت ..الحمدلله >>حطت يدها بيد اختها ..وين امي ؟؟
..امي تعبانه خايفه عليك كانت بتجي بس سلمان مارضى
لفت مره ثانيه وهي تناظر للجدار ..شفتيه
..منهو ؟؟؟؟؟
..الولد
..شفته يجنن ماشاءالله حتى صحته ممتازه
سكتت شوي ..متعـــــب بسميه متعب
احبست نوف دموعها ..الله يخليه لك والحين شدي حيلك ابوي بيجي بعد شوي لاتعبينه زياده خليك قويه خليني اشوف ساره الي اعرفها

لمتْ الزمان ولايم الوقت غلطان
حوادث الأيام منفع لأهلها
كل يغني مع زمانه على شأن
هذا يميلها .. وهذا عدلها

دق جرس شقته وهو جالس لحاله والنار تستعر داخله ولاحد داري عنه قام ببطئ وقتح الباب كان فهد
..ياخي ساعه ماتفتح الباب
عطاه ظهره ودخل وفهد يتبعه ..طيب قل تفضل
بعد ماجلس ..وانت استنيت لين اقولك انت دخلت وخلصت
..زين وش رايك نطلع نتمشى
نظره باستخفاف ..ويــن ؟؟؟
..اي مكان حتى لوتبينا نسافر
..ماني رايح ولا جاي
..طيب عندي لك خبر يمكن يخفف عنك شوي ويفرحك
..خير
..زوجة نواف الله يرحمه
استفزه ذكرها وارتباطها باسمه ..وش فيها
..ولدت
لانت ملامحه ..ولدت ؟؟ بس كنه باقي على ولادتها
.. امي تقول انها ولدت في السابع
..وش جابت
..جابت ولد
نزل راسه وتخيل وشلون بيكون ولد نواف ناظر فهد وحس فيه ..نايف ياخوي اذكر الله مايصير تسوون كذا الموت حق
انتبه انه جمع بالكلام وعرف انه يقصد مها ..مها وش اخبارها
..مها من ذاك اليوم اتصل عليها ولاترد واذا الحيت بالاتصالات تقفل جوالها
تنهد بعمق ..اعذرها يافهد
..انا والله عاذره بس حرام الي تسويه بنفسها
..الله يعين صعب يا فهد نتقبل الوضع الجديد
..استغفر الله مايجوز ياخوي نجزع
..استغفر الله العظيم
.................................................. .......
السكوت إن طال يغري بالكلام
.........والكلام إن ضج .. مايسترشعور !!

طلعت نوف من عند ساره مهدوه لانها طول الليل عندها ولاتركتها لين جاها سلمان وابوه
كان ناصر جالس مع امه وابوه بالمجلس من وفاة نواف تطلع من البيت بدون حتى ماتقوله تركها هالفتره لانها مقدر ظروفها
دخلت وعيونه عليها ..السلام عليكم
ردوا عليها ..وعليكم السلام
تكلمت ام ناصر ..هاه وشلون ساره
..الحمد لله بس اظطرو يسوون لها عمليه بالسابع لانها تعبت
..وان شالله هي والولد زيننين
..الحمدلله
..الحمد لله على سلامتها يايمه
..الله يسلمك ياخاله
..اجلسي يايمه معنا من زمان ماشفناك
..اسمحي لي ياخاله تعبانه بروح اريح قبل ارجع لساره بالمستشفى
..براحتك
طلعت وهو مازال يتبعها بعيونه ماعبرته ولاكلمته ولاحتى ناظرت له

الجماجم خاوية والموت راكب دربي
تشرق العين من دمعة , وتذرف دمعه

أحتضن طعم حلمي واكتبه من كربي
قلب دامي , تناوب فيه صرعه وصرعهقابلها على سريرها وحب راسها حست بوجوده بالمكان وناظرت له نظره ماتحمل أي تعبير عيونها الي كانت تنطق كره لكل الناس
..لطيفه !!نفس النظره كمل لانه عرفها ماعاد تقاطعه .. الي راح راح وهذي قسمة رب العالمين وما بيدينا الا ندعي له
ارتسمت على وجهها علامة الالم وردت..نواف مات ياعبدالله
..الله يرحمه
انفعلت فجئه وثارت ..لا نواف مامات نواف ما مات انا الي مت خلاص بموت بموت >>قام وحاول يهديها
..اذكري ربك وادعي له
.. آآآآآآآآآآه نواف اخوي لالا نواف ولدي راح وخلاني
مسك كتوفها ..خلاص يالطيفه خلاص البكا والحزن مايرجع الي راح بتذبحين نفسك ولدك محتاجك
..بس انا ابيه يرجع
..لاحول ولاقوة الابالله وش رايك اقولك شي يفرحك
..مافيه شي يفرحني بعده
..حتى اذا قلت لك ان زوجته جابت ولد
ارمشت بسرعه كانها ماهي مصدقه ..من قالك؟؟
..انتي الله يهداك مسكره جوالك ولاتردين على تلفون البيت نايف ارسل لي رساله
بكت بصوت عالي ماتدري ليش عجزت تهدي نفسها لين اجبرها عبدالله على المهدي صارت ماتنام بدونه

........................................
قولوا له :اني من الوله ضايق البال
عله يحس .. بحالتي في غيابه ..!

لازلت هاقي و الرجا فيهلا زالو مابيه يكسر خاطر اللي هقابه ..!

بعد ماطلعت نوف من عندهم رقى وراها مشتاق لها ومتلهف للسوالف معها مع انها ماراح تنوله الي في باله بس يبي منها أي شي حتى لو تتكلم عليه
كان الباب مردود توقع انه مقفول لكن استغرب يوم حركه وانفتح طل براسه ماكانت باينه لين دخل وشافها نايمه على السرير بدون ماتحس بنفسها ومتكمن منها التعب من طريقة نومتها قرب لها كان الغطا تحت جزء من جسمها سحبه بهدوء ورفعه وغطاها وعت فيه وناظرت
..وش مدخلك علي ؟؟
ابتسم ..الظاهر انك مصدقه اننا بنصير كذا على طول
استقعدت بجسمها وقابلته ..صدقني هذا الي بيصير
ظغط يدها وركز بعيونها التعبانه وقرب لها وحضنها عجزت لاتخلص نفسها منه ..ناصر اتركني ترى مايصير لك خير
..وريني وش بتسوين ؟؟
سكتت ونزلت راسها وهو اخيرا تركها يبي يوصل لها شي لازم تعرفه ..تاكدي يانوف اني مطاوعك بكيفي ومافيه شي يمنعني من غرفتي ومن زوجتي هذا حقي
نزلت راسها تتامل يدها الي انغرست بيده ..مافي شي يجبرك تتحملني ؟؟
رد بعذوبه ..فيه !!رفعت نظرها له ونزلته بسرعه وكمل ..انا مجبور لاني احبك ولاني مابي اخسرك ولاني قاعد ادفع ثمن غلطتي
كلامه خلى جسمها ينتفض مالقت شي تهرب به عنه الاانها تبعد يده وترفع جسمها ..وين !!
..بروح اتجهز عشان اروح لساره
.. المفروض تستئذنين مني !!
كلمته بخوف من ردت فعله صاير يعصب او بالاحرى هي تستفزه ..يعني انت بتمنعني اتطمن على اختي
هز راسه كيف تحاول تقلب الامور ..روحي ماني بمانعك
فزت بسرعه ودخلت تتجهز وهو قام ورجع لمكان ماكان يتحسر على خسارته لها وكيف بغبائه فقدها ويفكر بحالها وش الي غيرها نوف الحنونه الهاديه نوف الي كانت ارق من النسمه نوف الي تحملت واصبرت صارت اليوم تدور أي غلط عليه

.............................................
مسكت الصوره وجلست تتاملها وتمسح عليها كانها تلامس ملامحه الي تعشقها تسللت دموعها حتى استقرت في زاوية البرواز الي يحتضن صورته شهقت ..ليه يانواف ليه تخلينا نعيش بدونك>> ضمت الصوره كانها تضمه ..تدري اليوم جاك ولد يقولون انه يشبهك يقولون انه نفسك عيونك >>ابعدت عنه الصوره وركزت فيها ..لا انت مافي احد مثلك
دخلت عليها امها وشافت حالتها وقعدت جنبها من شافتها جلست مقابلتها ومن شافت امها حضنتها ومسحت على راسها
..يمه يامها حرام عليك الي تسوينه بنفسك انتي مؤمنه والمؤمن لازام يصبر على المصايب ولو البكا يرجع الي يروح ماحد راح
..يمه الحياه بعد نواف مالها معني
..لا يايمه الحياه ماتوقف بموت احد الحياه بتسمتر وبتمشي انا اردي انه غالي عليك هذا اخوك وانا مالومك بس كل شي له حد
تذكرت ابوها الي من بعد وفاة نواف ماطلع من البيت تحس انه انهد من المصيبه .. ابوي وشلونه
..ابوك تعبان ومهدود حيله وخوفه عليك زادهمه واخوانك كلهم متضايقين نواف غالي علينا كلنا بس لازام نصبر ونحتسب
..انا لله وانا اليه راجعون
..اي يامها هذا الي المفروض نسويه ونقوله تصبري يايمه بتنعمين من كثر مابكيتي
رمت راسها على صدر امها لعلها ترتاح صارت تحس بطعم المراره انحفر خدها من كثر مابكت لكن مارجعت الي راح

.............................
ياضعف حالي حزّةالشوق ضعفـاااه
و أنا الذي فَـ الماقف الصعب لي طنب
.......

ساره كانت تعبانه نفسيا وجسديا تهرب من الواقع بالنوم الم يعصر قلبها بدون مايرحم صغر عمرها
جاها ابوها وسلمان يتطمنون عليها جلسو مقابلينها ويتاملونها
..هاه وشلونك يابنيتي
..الحمدلله يبه صرت زينه
..ماعليك منها يبه تتدلع علينا بتشوف غلاتها عندنا
ناظر لها برحمه ..هي عارفه غلاها هذي ساره الغاليه
بللت ريقها وتكلمت بصوت متقطع ..الله يخليك لي يايبه
..ويخليك لي الا ماقالك الدكتور متى تطلعين
..يقول يمكن بعد اسبوع
..على خير واحنا قاعدين لين تطيبين وتروحين معنا للشرقيه
..ليه يبه تروحون خلكم هنا
..يابنتي اخوك شغله هناك وانتي تعرفين سلمان مايرتاح وهو مايشوفنا قدامه
..خلاص يبه الي تشوفه بس مايهون علي ابعد عن الرياض >>ونفرت دمعه من عينها تعبر عن مقدار ماتحمل من اوجاع
انتبه ابوها انها تجاهد دموعها عشان ما تضايقه ..ساره يابنيتي تعوذي من الشيطان
..وشلون بربي ولدي يبه
تكلم سلمان ..افا وانا اخوك واحنا وين رحنا ولدك ولدي وان شالله ماينقصه شي وانا حي الي خلقه مايضيعه
..تسلم ياخوي
ابتسم يبي يخفف عنها ..بس مافي شي بلاش انا بزوجه ميلاف
ضحك ابوه .. والله تلاقي ساره ونوره ماسكات شعور بعض
..عاد ساره مانخلص من لسانها تبي تمشيهم على كيفها
..يالله حنا بنمشي واختك بتجي بعد شوي تبين شي
..سلامتك يبه
..ساره اذا احتجتي شي على طول اتصلي علي باي وقت
.ان شالله بس لاتشغل نفسك فيني

.................................................. ..

1 - 1 - 2015, 02:23 PM

ليت الألم في دنيتي غلطة إملاء..
ويصبح أمل لاغيروا بس حرفين

نايف يعاقب نفسه بالوحده كره كل شي قاسي الوادع والاقسى ان تحس لك حق عند احد وماتدري كيف تاخذه
رمى نفسه على الكرسي بمكتبه وحط يديه ورا راسه وسرح نسى الملفات والشغل الي قدامه ولاحس بدخول خالد عليه

..وين يابوالشباب
..هلا هلا خالد سرحت شوي
..وهو يجلس ..شوي بس الاقل مانت بالدنيا
..سارح بذا الشغل
..الله يقويك زين طلعت واشغلت نفسك
..الحمدلله على كل حال
..زين الشباب ودهم يسافرون تروح معنا
..لا والله انا بروح لجده اتطمن على الوالد
..ليه عسى ماشر
..نفسيته تعبت بعد موت نواف حتى شغله اهمله
..الله يكون بعونه
..آآآآآآآآمين عاد انا بروح اشوفهم
..زين براحتك
.........................

هدى كانت تحاول ترجع علاقتها بخالتها وتنسى وتنسيهم الي صار لكن بحاجه للي يساعدها ..وش رايك يمه نروح نزور خالتي ام ناصر
رافضه الفكر وتخاف شوف ناصر يجدد حبه في قلبها ..صاحيه انتي تزورينها بعد الي سويتيه
..مايصير يمه خلاص انسوا يعني بقاطعها العمر كله
..لاتقاطعينها بس ماتزورينها لين تتزوجين اما الحين اذا مشتاقه لها هي تجيك
..يعني ماهي زعلانه علي
..خالتك تحبك بس االي سويتيه بولدها ماينسي
..انا ندمت ولو الزمن يرجع ماسويت الي سويته
..الحين انتي فكري بنفسك ومستقبلك وناصر انسيه الرجال متزوج ويحب زوجته
كان درس قاسي عليها الي شافته من اخوانها بس سمعت الي حصل للطيفه حمدت ربها انها صحت قبل يطيح الفاس بالراس
..........................................

طلعت من غرفتها مع طلعة ناصر من مكتبه الي اصبح غرفة نومه مانتبهت له لابسه وناويه تطلع من البيت نزلت لام ناصر الي كانت بالمطبخ ..يالله ياخاله انا رايحه
..مع السلامه سلمي لي على امك
..الله يسلمك وش رايك تروحين معي
..لايمه روحي انتي وانا بمرهم اذا طلعت ساره ان شالله
..ان شالله يالله مع السلامه
وطلعت من المطبخ شافته منسدح على كنب الصاله ويقلب بالقنوات شافها وشافته لكن ماكلمها ولاكلمته
بعد مده طلعت ام ناصر ..انت هنا ياوليدي يعني ماوديت نوف
اعتدل وجلس ..لا ماوديتها الظاهر راحت مع السواق
..ليش ياوليدي ماوديتها
..خليها هي ترتاح اكثر
..الله يهديكم مدري لمتى ماكنكم متزوجين
..والله انا مثلك يمه تعبت وانا استناها ترجع زي اول
..ان شالله بترجع
..والله ماهو باين انا صرت احس انها خلاص كرهتني صدق
..تتدلع عليك ياوليدي بتشوف غلاتها عندك
ابتسم ..يعني للحين ماعرفت غلاها !!
..اكيد عارفه بس انت اصبرت كل هالمده اصبر لين الله يهديها
.................................................. ..........................

ياللـي غـيـابـك .. تـرجـم الـشـوقبالـ / هـمـس !
قـلي دخـيـل اللـه ..

~ آخـر عـلـومـك

مها بعد مابدت تتحسن طلعت بعد ماضغطت عليها امها تجلس مع اخوانها وابوها
..وشلونك يبه
..الحمدلله يابنيتي صرت زين يوم شفتك جالسه مع اخوانك
جود الي كانت تعد الايام لجية نايف ..صدق يبه نايف بيجي عندنا
..صدق يابنيتي
ببراه وبكلمات عفويه وحروف صادقه ..يبه انا احب نايف
ام بدر صارت تتقرب من عيالها اكثر تحاول تواسيهم وتنسيهم حزنهم على اخواهم ..هو بعد يحبك ومشتاق لشوفك
ارتجف صوت ابوهم وهو يتكلم ..الله يخليكم لبعض >>التفت لمها ..مها ماحد ارسلك صوره لولد اخوك
ارتعشت من الي سمعته واوجعها الحزن الي بصوت ابوها ..اي يبه ارسلتها لي نوف
..عطيني جوالك بشوفها
اخذ الجوال من يدها وتامل ملامحه الصغيره كان يحمل من اشباه ابوه وامه ..الله يصلحه ويعوضني فيه
هدا المكان كلهم سكتوا ماكان فيه كلام يقولونه او وصف لمشاعرهم بهذي اللحظه

.

................................

بعد حوالي يومين وقبل سفر نايف بيوم اصر سلمان وفهد يطلعونه من جوه شوي لزمو عليه يطلع معهم عشان يكسر الضيق جلسوا بجلسه ارضيه بواحدمن مقاهي الشباب كان يسرح بالعالم الرايحه الجايه ويبتعد بفكره عنهم
..نايف ياخوي حنا جاييبنك تغير جو وانت معنا بس بجسمك !!
التفت وتكلم بصوت جامد ..ماعليه اعذروني
رد فهد بكلمات صلبه شوي ..انتم لمتى شايلين الدنيا هذا قضا رب العالمين لايشغلكم الحزن عن انفسكم نواف لوكان حي مابيرضى بالي تسوونه ولاتنسى يانايف ابوك محتاج الي يوقف معه بهالمحنه وانتم كل واحد متلبس الحزن وناسي الثاني المفروض تواسون بعضكم وبعدين تذكروا ولده الي محتاج عطفكم واهتمامكم اكثر من حزنكم>> فعلا كان كلام فهد واقعي وسليم ويمكن لقى مدخل لقلب نايف وعقله عقب عليه سلمان ..كلام فهد صحيح ترى الحزن مثل الفرح مايدوم كل شي يروح انا فقدت اخوي وانا ماعندي غيره زعلت وضقت بس ماغيرت شي اخوانك وابوك محتاجينك يانايف انت الحين الجدار الي المفروض يستندون عليه كلنا نمر بمصايب ربك بيختبر ايمانكم ياخوي احتسب واصبر وقل الحمدلله
غمض عيونه واخذ نفس.. الحمدلله سلمان ابي اشوف ولد نواف
..للحين بالحضانه تقدر تشوفه بالمستشفى او بتنظر لين يطلع وتجي للبيت الله يحييك
..الحين الوقت تاخر وبكره وراي سفر ان شالله بعد مارجع بشوفه
..بتطول ؟؟
..والله على حسب بجلس مع ابوي لين يتعدا هالفتره وودي اتطمن على مها خالتي ام بدر تشتكي لي منها
..تروح ترجع بالسلامه
..الله يسلمكم يالله انا استئذن
..وين تو الوقت
..عندي مشوار قبل اروح للبيت تصبحون على خير
..وانت بخير

...........................................
في كل يوم اشوف موتي يجيني
وحزن الزمن غطى عيوني بيدهـ

ببيتها لحالها الكل ناسيه وهي ناسيه نفسها وغارقه بزحمة همومها الي تكالبت عليها دخل عبدالله وهي على هالوضع تقطع قلبه عليها
لقاها بغرفتها على الاراض كانها تدور مكان واسع يحتوي الحزن الي تفجر منه صدرها ..لطيفه قومي معي
بصوت بارد وهادي وبعبره .. وين ؟؟
..نايف برى يبي يشوفك
ارتجفت من اسمه تحس انه راح يشوف كل شي بعيونها راح يعاقبها ويدفعها ثمن الي صار بنواف ..نايف!! ليش جاي؟؟
نزل عبد الله لمستواها وقابلها ..وشلون ليش جاي اخوك يبي يتطمن عليك
زاد خوفها من مواجهته ليش جاي بعد هالمده يمكن نوال قالت له ..قله نايمه
..بس انتي صاحيه قومي شوفيه الرجال بكره بيسافر
قامت لانها ماقدامها حل ثاني دخلت عليه بالمجلس ومن شافها تامل شكلها ماتوقع هالانسانه الي عيونها تنطق قوه وجبروت توصل لهالحال
ماتوقع شي يهزها او ياثر فيها وقفت بطرف المجلس شافها ماتحركت تهتز مثل البناء الموشك على الانهيار قرب لها وحب راسها وبدون مايكلمها او يستئذن منها مسك يدها ومشى معها للمجلس وجلس وهي بجنبه ..وش اخبارك يام ريان
هزت راسها وعيونها تتراوغ ..الحمدلله زينه
سكتوا ماتعود منها السكوت والهدؤ المخيف تكلم متامل انه يخفف عنها ..ليش وانا اخوك مسويه بنفسك كذا
زلقت دمعه سريعه واحفرت وجهها بدون ولاحرف دموعها احرقته اكثر شي يكرهه يشوف دموع خواته ..انا كنت شايل هم مها صرتي انتي اكثر منها
بنفسها ياليت حزني مثل حزن مها مها ماتحس بنار اللوم تشب بضلوعها سمعته يكمل ..لاتسكتين ردي على انتي مانتي اختي الي اعرفها وين لطيفه القويه
ضلوعها تخلخلت من كثر ماكتمت شهقتها وغصبت نفسها على الرد ..لطيفه ماتت مع نواف
عض شفته وحاول يبتسم ماكان احسن من حالها ..ماحد يموت مع حد والحياه بتسمتر بكيفنا ولاغصبا عنا
ركت كوعها على طرف الكنب وحطت راسها بكفها ونفست النار الي تستعر بتنهيده طويله وعاليه ..آآآآآآآآآآآآآآآه يانواف
قام لها وهو يشوف دموعها تتدحرج على خدها بسرعه ومسكها مع عضودها ووقفها قدامه ..لاتسوين كذا لطيفه ترى انا محتاج الي يواسيني جيت ادوور عندك القوه صرتي اضعف من ماتوقعت لطيفه ابوي محتاجنا لازام نوقف معه انا بكره بسافر له تروحين معي
افلتت نفسها منه ومسحت دموعها ..ماني رايحه
..ليش؟؟
.. مابي اشوف احد خلني يانايف خلني ورح مابي احد مابي >>وركضت داخل وسكرت بابها عليها ورجعت لعزلتها
ناظر لاثرها بستياء وطلع من بيتها وهو xxxxx بمن يبدا ولمتى هالحال ؟؟؟

.................................................. ..
مهما يطول الحب مابين خلآن..!
بكرى يموت ويصبح الحب [ذكرى]

عرفت ليه اضحك إذا قلت:ولهان
في داخلي ابكي على شأن ~بكرى}

مشت شوي شوي لامها الي فتحت يديها وقلبها لها وحضنتها بشوق
..نورتي بيتك يانظر عيني
>>رفعتها عنها تشوف الرد الي ماطلعه لسانها يمكن تقراه بعيونها وكملت >>اشتقت لك يابنيتي
رجعت ضمتها من جديد وردت عليها ..وانا اكثر وحشتيني يمه
..وشلون ولدك ان شالله صحته زينه
..الحمدلله >>لاحظت ان حروفها وهي تتكلم عنه بارده مافيها دفئ الامومه الي تعرفه زين
..اهتمي فيه ياساره هذا عوضك من رب العالمين لاتحرمينه من حنانك تراه اكثر شي بيقفده ويحس فيه
..ان شالله الله يقدرني ويخفف حملي
..يارب روحي يمه ارتاحي بسريرك
تحركت بجسمها التعبان من غرفة امها لغرفتها الي اشتاقت لها الغرفه الي احتضنت احلى ايامها
كانت جدرانها تصرخ باجمل ذكرياتها مع اختها وتنطق باجمل الايام بهموم الطفوله والمراهقه صارت ذكرى تتمنى انها ترجع جلست على السرير وعبايتها عليها وشدت على الغطا الي على السرير بيدها وبكت بصمت

..........................................

متركيه على جنبها ويدها تحت راسها ومعطيه باب غرفتها ظهرها جالسه لحالها لان ماعاد لها نفس لاي شي طلبت منها امها تبدا الاستعداد للدراسه لكن رفضت تسوي أي شي نور المكان النور خافت يعبر عن الظلام الي بداخلها سمعت طرقات هاديه ..ادخل
انفتح الباب وحست به وهو يتسكر وبحركه وراها على السرير ويد انحطت على كتفها ..يمه تكفين مابي اروح ولاجي اتركيني لحالي
..ماراح اتركك >>اسعمت صوت رجال وراها بحركه سريعه وخفيفه جلست ولفت جسمها ومسنتده على يديها لحظات تتامل بوجهه وابتسمت ...نايـــــــــــف !!
ضحك على حركتها الى الان ماهي مستوعبه ..وش رايك ؟؟
..متى جيت ؟؟
..طيب سلمي اول
ضحكت على نفسها وسلمت عليه ..هلا بك ياخوي وشلونك
..الحمد لله مثل مانتي شايفه بخير انتي شاخبارك
..وانا بعد مثل ماتشوف عايشه
حرك اصبعه على خدها ..طيب ليش جالسه لحالك الشعب كله تحت بس انتي معتكفه بذا الغرفه
اخذت نفس وتكلمت ..احب اجلس لحالي مالي خلق اشوف احد
تكلم يمزح معها ..وشلون اطلع يعني
انتبهت لنفسها ..لالا ياخوي انت مانت أي احد
..زين قومي نجلس معهم انا قلت لهم بجرها لكم هنا
ابتسمت مجامله له وخطرت على بالها اختها وخصوصا انها ماشفتها بالعزا ..نايف ماشفت لطيفه
نزل راسه وهزه ..شفتها
..احنا قصرنا معها اشغلنا العزا عنها وان شالله نفسيتها زينه
..والله يامها لطيفه منهاره لو تشوفينها ماتعرفينها ماتوقعت في شي يهزها
..موت نواف كان زلزال هزنا كلنا الله يصبرنا بس
حس بها تجاهد دموعها لانها ماتبي تضايقه رفع راسها بيده ..مهاوي ترى انا مثلكم محتاج الي يواسيني كلنا محتاجين بعضنا بهالمحنه
..الله يرحمه نواف رقيب مني وصعب تطيب جروحي
..ماراح ننساه عايش بقلوبنا العمر كله
..الله يعوضنا بولده
..يالله قومي معي ترى مشيعل متحديني انزلك معي
وقفت على حيلها وهي تعدل بجامتها ..انزل انت وانا بغسل وجهي وانزل وراك
نزل وهو قلبه يملاه الحزن لكن مظطر يمثل القوه عشان ابوه واخوانه
..................................

في بيت فهد كانت نوره موجوده وفهد
تكلمت نوره وهي تراقب فهد الي يطير بنتها بالهوا وينزلها وحاطه يدها على راسها ..فههههد بتطيح بنتي
وهو ماكانه يسمعها ومستمر بلعبته العنيفه قامت وهي تحاول تاخذها وهو يلف فيها يمين ويسار ..فهد تكفى لعبك يخوف
وقف وشالها زين ..هي عاجبتها اللعبه انتي شعليك
ارتاحت يوم شافته وقف ..هي وش عرفها >>وهي تمد يدها لها والبنت ماسكه ملابسه
..هههههه شفتي هي تبيني ماتبيك صح لوفي
..صدق خاينه انا خايفه عليها وهي تبيك انت
..بدينا الغيره ترى انا اخوك
..زين زين بس اجلس ارتاح
تكلم وهو يجلس ..جلسنا انتي بس روحي وخلينا نلعب
..انت ماتمل خلك من اللعب وقلي وش سويت مع مها
هزكتفه ..وش بسوي يعني جوالها ماترد عليها بخليها لين تهدى واكلمها
..الله يكون بعونها ويصبرها ما تنلام هذا اخوها
..نواف ما كان اخوها هي بس كان اخونا كلنا موت اثر فينا
..ساره المسكينه بعد تعبانه متغيره ماهي ساره الاوليه الي تضحك وتمزح
..موته كسر اشياء جميله فينا كلنا ومافي واحد منا مافتقده بس مانقول الا الله يرحمه ويرحم اموات المسلمين
..آآآآمين يارب ويصبر اهله وزوجته
.................................................. .............

حول ابوهم جمعتهم حوله تسحب شوي من كم الحزن بصدره وتخفف من الالم الي يعانيه
ام بدر ..ليت لطيفه موجوده ليه ماجبتها معك يانايف
..قلت لها ياخاله بس مارضت تجي
ابو نايف ..الله يهديها لطيفه طول عمرها ماتحب تختلط مع احد تحب تكون دايما لحالها
انتبهوا لمها نازله على الدرج ..مساء الخير
..مساء النور >>وهو ياشر للمكان الفاضي ..تعالي جنبي
جلست جنبه "مشعل ..احلى نايف قدرت تنزلها وحنا لنا كم يوم نروح نرجع عليها وهي ولا تحركت من غرفتها
..اعجبك >>وهو مبتسم له
اخذ بدر الكتاب الي جنبه وقعد يقرا ..الحين كلنا مجتمعين وانت ماسك هالكتاب وتقرا
..مشعيل حل عني مالك شغل فيني
..وهو صادق ياوليدي اجلها لبعدين
رجع الكتاب جنبه ..تامر يبه >>وهو يتوعد مشعل بحركات يهدده فيها
وسط اصواتهم اهتز جوال مها على الطاوله الي بينها وبين نايف التفتو مع بعض كان صامت بس ماردت قرب لها يوم شاف الاسم وهمس ..ليش ماتردين ؟؟
استحت من اخوها ماتحسبه انتبه له ..هـ هــاه مالي خلق
قرب جسمه زياده ..بس هذا زوجك
..خلاص طيب وش يبي مني مابي اكلمه ولا اكلم غيره
..لا يامها وانا اخوك فهد ماله ذنب وهو يبي بس يتطمن عليك
..نايف تكفى
..خلاص خلاص بس تذكري فهد له حق يكلمك ويعرف اخبارك وانتي حاقرته
..عارفه بس اذا شفت نفسي احسن انا بنفسي بكلمه
تركها تقلب الجوال بين يديها حست الجوال اهتز لكن هالمره كانت نغمة رساله فتحتها
طمني
وخبرني وش هي
آخر علومك
اوصف لي اوضاعك
وعلمني
اشلون تقضي باقي
يومك
ولابرسالة شوق
راسلني
واكتبلي افراحك مع
همومك
واذا نويت ترد
خبرني
ابحتفل ياخليبقدومك

<ماكنت اظن اني رخيص لدرجة انك مستكثره علي اتطمن عليك >

قامت من بينهم وهي عتبانه على نفسها قبل لايعتب هو عليها طلعت لبرى البيت وجلست على الكرسي بنص الحديقه
ترددت قبل تضغط لكن بالاخير اتكلت على الله واتصلت وقلبها يحمل خليط من الحزن والحرج والخوف ومشاعر ماتقدر توصفها

اتصل ولاردت وارسل رساله وطلع من غرفته وجلس مع امه واخته وهو متضايق ماعاد يتحمل جفاها لي ماله مسبب كانت امه ونوره يتكلمون ..ومتى بترجعون ؟؟
..مدري يمه بس عمي يقول لين تطيب ساره ويطلع ولدها من المستشفى بنروح
هزت راسها باسى ..سبحان الله كنت اتمنى انك تجين واشوفك انتي وبنتك قدامي ماكنت ادري ان الي بيجيبكم موت نواف
..اي والله يمه ماحد يدري وش تخبي له الايام الله يكفينا شرها
..آآمين يارب >>وهي تناظر لفهد ..فهد وش عندك ياوليدي ضايق
..ولاشي يمه بس مصدع شوي
..سلامتك ياوليدي تبي اسوي لك شي انت حتى غدا ماتغديت
وهو ياشر بيده ..لا يمه تسلمين لاتعبين عمرك الحين بـــ >>قطع كلامه صوت جواله ماصدق انه يشوف اسمها ينور الشاشه ماتوقع ان فيه شي ينفع مع عنادها قام بسرعه
..اسم الله عليك وشفيك ؟؟
..ههههههههههه لاتخافين يمه الظاهر جته مكالمه طيرت الصداع عنه
..هههه دمك خفيف >>وطلع لغرفته وهو يستقبل المكالمه

..هلا والله
تتكلم بصوت خجل ومخنوق ..هلا فهد
..كذا يامها تسوين فيني اسبوعين ماسمع صوتك
قدرت تتحكم بصوتها لكن دموعها كانت اقوى منها ..ماعليه فهد انا كنت متضايقه ومابغيت اضايقك معي
..افا حبيبتي لاتقولين كذا هذا واجبي وحقك علي
………….؟؟
..مها وينك !!
..معك معك
..مها لاتزعليني منك حاولي تنسين
شهقت ..انسى نواف صعب يافهد صعب
ضايقه الالم بصوتها ..النسيان رحمه يامها
رفعت نظرها فوق ودموعها تسلل ..يارب ارحمني يارب صبرني
كان يستمع كلامها يوم عرف حالتها عذرها انها ماكنت تردعليه بس لازام يقول شي ..مها حبيبتي الموت حق وكلنا بنموت انتي مؤمنه والمؤمن مبتلى نواف الله يرحمه وبدال ماتبكين وتغضبين ربك ادعي له >>سكت فتره يستناها تهدى وهو يستمع لنحيبها لين هدت شوي وضبطت نفسها
..انا متصل بسئل عن اخبارك واتطمن عليك وانتي تخوفيني عليك
مازال كلامها تقطعه بعض الشهقات ..آسفه سامحني
..ماراح اسامحك لين اشوف مهاتي الفرفوشه المزوح انتي وحده ثانيه مااعرفها
..فهد
..عيونه سمي
..بغيت اسئلك عن الزواج انت حددته؟؟
ابتسم يبي يضيع البكا ويغير جوها شوي ..اذا تبيني احدده اليوم ماعندي مانع
استحت منه ..لا بس تكفى فهد اصبر علي شوي
تكلم بجديه وبصوته العذب الهادي ..من عيوني بدون ماتقولين انا مقدر ولاتنسين ان الحزن علينا كلنا انا مابي منك الا تهتمين بنفسك والزواج ماراح يتم الا بالوقت الي تشوفينه يناسبك
ردت عليه بامتنان ..مشكور ماراح انسى لك هالموقف طول عمري
..الحين حبيبتي اترك ترتاحين ومابي اتصل مره ثانيه ولاتردين ترى ازعل وانا اذا زعلت اخوف
ضحكت عليه وحست نفسها ظلمته معها ..ان شالله فهد سامحني على الي سويته معك
.. خلاص انا نسيت انتي انسي بعد
..الله لايحرمني منك

يعيش الصمت ..في جو الغريب ..وتنولد ضيقه
ويبقى الحب ..مشوار السنين ..وسالفة جرحين
تعبنا ..والهوى واقف هناك ..وناشف ٍ ريقه
يسافر به ..صدى صوت الغرام ..ودمعة ٍ بالعين
فراقك ..يااعز الناس ..ورب البيت ..مااطيقه
تباعدنا ..ولكنا .. بـ صدر الحب .. لسا ..إثنين
توالت الايام ومر على موت نواف حوالي شهرين نايف رجع للرياض تمم بعض اشغاله ورجع لجده مره ثانيه
نوف وناصر على وضعهم ماتغيروا
فهد ومها رجع الاتصال بينهم لكن اقل من اول
سلمان يروح ويرجع لشغله بالشرقيه
ساره تحسنت حالتها واليوم طلع ولدها من المستشفى بعد ماكمل التسع شهور

اجتمعوا فرحانين بالضيف الي انضم لعائلتهم الصغيره جابه سلمان ونوره من المستشفى مبسوطين بوجوده بينهم

من شافته قلبها يضرب طبول ماشافته الا مره وحده كان بحضن ام سلمان ..بسم الله تبارك الله الله يحفظه

تكلم ابوسلمان وهو يناظر لساره الي ماهي عارفه تفرح ولا تحزن ما اصدرت أي ردة فعل
..آآآمين الحمدلله صارت صحته زينه
ام سلمان وهي منزله راسها وتتامل فيه ..بيملا علينا البيت
سلمان كان متربع على الاراض وماد يديه لبنته الي تحبي ناحيته ..الله يمه راحت على بنتي ولد ساره اخذ الغلا وخلاها شفتي يا ميلاف متعب اخذ مكانك
ابو سلمان..هذا غلاه من غلا اسمه
..لاياوليدي كلهم عيوني الثنتين واذا كان ولد ساره ماخذ اسم الغالي بنتك ماخذه ملامحه
قرب لها ورفع يدها .. ادري يالغاليه ادري الله لايحرمنا من حنانك
التفت لساره الي كانها متوتره ..ساره يمه تعالي شيلي ولدك واحضنيه
قام سلمان وشاله وحطه بحضنها وهو ياشر على امه ..خوذي ولدك هذا مكاني انا وبنتي
ماحركت يديها وهي تشوفه يحرك راسه يمين وشمال ويتحسس الاشياء تذكرت حركته في بطنها لمت يديها عليه وجتها رغبه تقربه لقلبها تحس نفسها صغيره على تربيته والاهتمام فيه
نوره ..الظاهر جوعان ياساره
..وشلون يعني اصلح له حليب
تكلم سلمان ...ههههههه لا صلحي له كبسه ترى يحبها
..الله يهداك ياوليدي لاتحرج اختك هي بتتعلم قومي يمه جيبي الحليب ورضعيه
ناولته مها وقامت تجهز له الحليب كاول خدمه تقدمها له بحياتها وبحياته

.....................................

صباح الحب يا حب يعيش ودنيته طرياك احس انك هنا ايامي ولو ما كنت تطريني يفوح من الزهر عطره ويبقي القلب مع ذكراك وهج ذكراك في قلبي بعد صدك يدفيني
مع بداية يوم جديد وفي بيت ناصر لبست وتجهزت ونزلت لخالتها وهي تركض عشان تلحق الوقت
..صباح الخير ياخاله
..صباح النور زين لقيت احد يقابلني على الفطور تعالي يايمه افطري معي
كانت واقفه وتشرب الشاي ..آسفه ياخاله مستعجله عندي محاضره بعد شوي
حست بحركه جنبها تظن انها وحده من الشغالات لكن قرب لها يايبي يتناول الشاي الي قدامها ..صباح الخير
ارتاعت من صوته وشرقت بالشاي وصارت تكح وتكح قامت ام ناصر ..اسم الله عليك يمه
وهي مازلت تكح من الشاي الي طار بحلقها حطت يدها على فمها وهو يناظر لها رفع كاس المويه الي على الطاوله وناولها اياه وهمس لها ..ماكنت احسب اني اخوف >>تكلم وريحتها عالقه به وتتلبس جسمه واحساسه
شربت من الما وعيونها تتحركت بسرعه نزلته مكانه وهي تنوي الهروب وقبل تكتمل خطواتها السريعه بالابتعاد عنهم ..انا بروح ياخاله تامرين شي
رفعت صوتها ورفعت يدها لانه ابعدت شوي عنها ..كنت باقولك اني معزومه الليله على زواج وبغيتك تروحين معي توسعين صدرك
بلا شعور وهي حاطه يدها على فمها بسبب حال السعال الي جتها التفت لناصرنص التفاته كأنها تشاوره فهم حركتها لكن مارد عليها لين فهمت خالتها قصدها ..ناصر ماهو مخالف ولا ياناصر؟؟
لانه حس ان عندها رغبه بالطلعه وبغى يشوف كيف بتتصرف ..شكلها ماتبي تروح لاتحرجينها يمه
انغاضت منه صاير اسلوبه بارد .. بتروحين يانوف!!
التفت لامه كانها ماتشوفه ..اذا سمح لي باروح
قهرته بطريقتها انقلب السحر على الساحر لانها عارفه انه ماراح يرفض لامه طلب ناظر لها نظره ناريه تحمل الف معنى ومعنى ..بكيفها بتروح ماعندي مانع
وطلع وقلبه يشيط غيض عليها كانت رقيقه حساسه وش الي غيرها رد على نفسها وهو ماشي وبصوت مسموع ..انت الي غيرتها ياناصر انت >وركب سيارته وراح لشغله وهو يشوفها تركب مع السواق والشغاله وتنطلق للجامعه
.................................................. ........

..نعم يبه آمرني
..انا بكلمك بموضوع وابيك تسمعني للاخر
..اسمعك يبه تفضل
..ولدك اخوك يانايف !!
..وش فيه ولد اخوي
من هنا بداية الكلام صعبه عليه مثل ماهي صعبه على نايف ..وش مصيره وش راح يصير عليه
متاكد انه يرمي لشي ماخطر بباله ابدا الي خطر على ابوه ..ولد نواف بعيونا ماراح نخليه ولاراح نقصر عليه
صعب الكلام ويبي منه جهد وجلاده وصبر ماتمنى انه بيوم من الايام يكون بهالموقف ..افهمني يانايف الولد محتاج ابو يريبه ومحتاج ام تحن عليه
ارتتعشت يديه يوم بدا يعرف مقصد ابوه بس مايبي يستعجل لين يتاكد من مقصده ..وش تقصد يبه ؟؟
..اقصد الي فهمته انت فاهم يانايف
بدا الكلام يتقطع بحلقه ويثلعثم فيه ..لايبه ماني فاهم فهمني قل وش تبي توصل له
الرجفه الي ابتدت بنايف وصلت لابوه وصارت سكاكين تنغز صدره بدون رحمه ..نايف ياوليدي لاتصعب علي الامور انا شايل هم هالولد
استغرب من ابوه اول مره يقسى عليه وهذي قمة القسوه ..انت تصاعبت الكلام يبه وشلون تبيني اتحمل الفعل
مااستغرب ابوه ابدا من ردة فعله شي متوقعه الا متاكد منه ..ريحني يانايف خلني اتطمن على هالولد قبل تغمض عيني
قرب له وجلس عند رجليه ..لك طولة العمر يابو نايف بس الولد ولدنا وحنا الي بنربيه وان شالله ماينقصه شي وانا حي
حط يده على كتفه كانه يشحذه العزيمه ..ياوليدي مابيه يعيش بين مرت عم ولازوج ام ابيه يحس بحنان الام وعطف الابو ولافيه احد يعوضه عن ابوه غيرك والبنت ضغيره مصيرها بتتزوج
..خلها يبه تتزوج الولد حنا اهله واحنا اولى فيه
..ياوليدي افهمني
..انت افهمني يبه صعب صعب الي تطلبه مني
نزل راسه بياس ..انا ماجبرتك وانت صغير ولاراح اغصبك الحين بس انا بزوجها بدر

..................................................
طاااح الكلام .. وباقي الهرج قدام وماتت حروفه .. بين جافي ومشتاق ونام الغرام.. بحضن مدثور الأوهام عيّا .. يصدق يالغلا .. بعد .. وفراق

باليل رجعت من العرس ماتشوف الطريق لان اليوم اربعاء وجت العصر يالله لحقت تلبس وتجهز فتحت الباب تسحب رجولها راسها ينقض من الازعاج الي بالزواج نزلت عبايتها وجلست تنزل صندلها مانتبهت للي يتابعه وهي تمشي رايحه جايه تطلع لها ملابس اخذت ملابسها وكانت تنوي تدخل تبدل ملابسها لكن انتبهت انه جالس بمكان منزوي بالغرفه افتحت عيونها وحطت يدها على كتفها العاري الا من جزء غطاه شعرها الاشقر ..انت من متى انت هنا ؟؟
وقف ومشى لها وهو يتاملها من زمان ماشافها باهالوضع ..وش فيك مرتاعه من زمان انا هنا
تاففت منه ..ناصر حنا اتفقنا ومااعتقد انك بتخلف وعدك
وصل لها ونزل يدها عن كتفها ورجع شعرها ورى وريحة عطرها تخترق صدره برفق ..لاتخافين قلت لك لوابيك ماحد يمنعني منك بس بكلمك بموضوع
ارتعشت اوصلها من دفى يده على كتفها تراجعت ورى بخطوات حذره ..موضوع ايش
استدرا وجلس على الكرسي الي وراه ..اجلسي بكلمك
حست شكلها غلط ولازام تغير لبس ..طيب استنا لين اغير ملابسي
رفع يده وهو يرفض طلبها ..اجلسي يانوف الي اشوفه ماهي اول مره اشوفه
احمرت خدودها من منظرها ولانه فهم قصدها وجلست شوي ..اتكلم متشوقه اسمع الموضوع الي ماقدرت تاجله لبكره
ناظر لها ببرورد ممزوج بشي من الالم ..لانه قرار اتخذته بعد تفكير بقولك قراري قبل اغيره
ماتدري ليش حست بصوته لحن غريب وجديد متشوقه تسمع الباقي وخايفه منه مانتظرها تتكلم وكمل ..نوف انا قررت اعطيك الي تبين واريح نفسي واريحك من العذاب الي حنا عايشينه
دبت قشعريره بجسمها من الي سمعته ..وش قصدك
..انابعطيك حريتك وتقدرين تروحين مع اهلك وانا احل نفسي من العهد الي قطعته عليها اني ارجع نوف الاوليه
جاهدت دموعها ماتبيه يشوفها ويحس بقدر تاثرها حس ان ماعندها رد مهما كانت كلمة طلاق صعبه عليها كمل وهو منزل راسه ويناظر ليده..انا بسافر سفره طويله شوي ومابي اربطك معي عشان ماتكرهيني زياده على الي الكره بقلبك علي
تكلمت بصوت متقطع تحاول تضبطه ..انت بتسافر ؟؟
هز راسه ..بسافر ومابي اتحمل ذنبك خلاص انا حاولت معك بس ماعرفت اوصلك
تراقبه بكل جوارحها وهو يتكلم جاها شعور انها بتفقده وللابد ..متى
هزكتفه ..مدري بالضبط بس بغيت اقولك تجهزين نفسك
سكتت مده حست بالمراره الي يبتلعها وهو يقول الكلام مع ان هذي رغبتها لكن سمها الكلام وسئلته ..كم بتقعد ؟؟
قام وقف .. الله اعلم انا بعطيك ورقتك اذا رجعت الا اذا كنتي مستعجله
نزلت راسها بالنفي ودموعها تنزل بهدوء وسمعته ..تصبحين على خير
كان ودها تمسك يده وتقوله اجلس تو الوقت او تقوله لاتطلع الغرفه غرفتك والقلب بيتك لكن اخذتها العزه بالاثم وانشل الكلام على شفايفها المرتجفه فزت من صوت الباب الي تسكر وراه حست مكانه فضى تحس بحضوره داخلها ضربت على الكنب بيدها >>غبيه يانوف غبيه
تحبينه وتقسين عليه >>رد عليها صوت ثاني >>بس مابين بعينه الحب الي عطيته >>بدون ماتتحرك مالت على الكنب وارتخت جنبها عليه ولمت رجولها لبطنها وقعدت تهتز من مجرد الفكره والكلام

نزل راسه بياس ..انا ماجبرتك وانت صغير ولاراح اغصبك الحين بس انا بزوجها بدر

جفل من الي سمعه وانطوى قلبه من الي قاله ابوه خصوصا انه يعرف بدر بار لدرجة انه يمشي للنار في مقابل رضا ابوه لكن حاول يثنيه

..بدر!!

بصوت واثق شققته الحسره ..اي نعم بدر ماقدامي الا هالطريقه تقرب ولد نواف لي وتخليه يصير تحت عيني

..بس بدر صغير يبه حرام تحمله المسؤليه وتضيع مستقبله وانت تدري ان دراسته اهم شي عنده المستقبل فاتح له يديه

على صوته ورفع كفه بوجهه ..ماهو صغير لاتنسى انه كبر نواف الله يرحمه ومستقبله ماراح يضيع من تربية ولد اخوه انا مابي منه الا يتزوجها ويترك تربية الولد علي

طخى راسه ..بس يبه انت تظلمه بقرارك

صرخ بصوت يرتجف ..لا انا ماظلمته انت ماتحس بالنار الي بجوفي يانايف موت نواف هدني لاتصيرون انتم والزمن على

سمع رجفة صوته ووصله معها احساسه بس قبل لايتكلم كمل ابوه .. اذا تبي رضاي ياولدي لاتتدخل بهالموضوع عيش حياتك واتركنا انا عرضت عليك ورفضت بس بدر ماراح يرفض

رفع راسه وحط يده بجيبه ..لاتستغل بر بدرلك يبه خلاص انا اولى بهالمسؤليه

انفرجت اسريره من الي سمعه لانه متاكد ان نايف قد مسؤلية تربية ولدنواف ..متاكد يانايف ؟؟

طلع يده من جيبه وحطها على يد ابوه ..متاكد يبه

..الحين بقى علي ساره

استهزا فيها بينه وبين نفسه وحده بهالاخلاق وشلون يحق لها توافق او ترفض ان تزوجتها حميت بدر من شرهاا واخذت حق نواف منها والله لادفعها الثمن غالي تنهد بعد صمت ..هذي عليك يبه

.................................................. ...................

. عزاه صرنا نلتقي مثل الأغراب..

عقب الغلا كلن بوجه يصدي..

من عقب ماحنا عزيزين وأصحاب..

اليوم كلن صد قصده تحدي..

لكن يطول الوقت وتعرف الأسباب..

تندم على وقتن مضى كنت ضدي..!!

بعد يومين من الافصاح عن قراره ماشافتها من وقته كانوا يتصادفون لكن من وقتها حتى الصدفه بخلت عليهم بلقا دقت برفق على باب المكتب الي صار له شهور مادخلته وجسمها ينتفض من الرهبه ماتدري ليه حست انه ماراح يستجيب قررت تتراجع وتروح لغرفتها لكن انفتح الباب قبل تكمتل ميلتها بسرعه رجعت بنظرها عليه ..آسفه اذا ازعجتك

سخر منها وضحك بنفسه عليها بس لوهله توقع انها تقوله انا عدلت عن قراري وانت اعدل عن قرارك ..ابد مافيه ازعاج بس كنت لاهي بالشغل

ارتجفت قبل تكمل كلامها وهي تشوفه واقف يستناها تكمل ..زين مابي اعطلك بس بغيت استئذنك بروح ازور اهلي

ابتسم لطلبها كانه اول مره من رجعت له تسئذن بطريقه مباشره ..وليش تسئذنين كان رحتي ماله داعي الاستئذان

سكتت وحست بالحرج منه كان ودها يفتح معها موضوع تبي تستفسر منه عن سفرته عن قراره هل هو قرارقلبه ولاعقله ولا وقوفا عند رغبتها ولا ولا اسئلها كثيره تدور ببالها لكن ماقدرت

..طيب عن اذنك انا رايحه

وهو يسكر الباب ..اذنك معك

ماتدري ليه جرتها رجلها لمكانه مع ان هذي رغبتها وهذا الي اجبرته عليه وهو الي كان رافض الفكره

............................................

2 - 1 - 2015, 11:01 AM

الجسد موجود والروح ارحلت

والزمن جبااار لكني صبور

عيني اللي من عناا الوقت ادمعت
حزنهاا يااخوي شيد لهـ جسور

وحدي بدنياا بهاا روحي اطلعت

فااقد ه الاحسااس مااعندي شعوور
الهووى ماا بيه اناا روحي اشبعت
وش يفيد الجرح لوو ككلي كسوور

قلق ومتوتر ومع ذلك ماقال شي يناظر قدامه وماصدر منه الاالصمت ونظره بعيونه لها الف معنى ومعنى وخالد مقابله ومحترم سكوته لكن طالت عليه السالفه ..انت الحين جايبني من بيتي عشان اتفرج عليك وانت ساكت
تنحنح ورفع نظره له ..جالسين وش وراك ؟؟
..نايف تكلم قول وش الي بخاطرك انت فيك شي كبير قل لي يمكن اريحك
..مافيني شي مصر انا وراي شي
..سكوتك وراه شي بس ماني عارف وشهو
حذف المنديل الي بيده على الطاوله ..خلاص اذا مانت حاب تجلس ارجع لبيتك
..اناحاب الجلسه بس ماني حاب هالسكوت الي يخوف والهم الي اشوفه بعيونك
حط كوعه على الطاوله وونزل راسه .. الصمت يخوف بس اهون من الكلام خل الي بالقلب بالقلب واتركها على الله
..طيب اذا ماتبي تفضفض ليش جايبني
..اااااوه بتستذلني بطلعتك معي ارجع تدل الطريق
..لا ماادله لانك انت الي جبتني
تذكر انه جاي معه وسيارته عند بيته .. نسيت قم اوصلك انت الجلسه معك تملل
فتح عيونه ..الحين انا الجلسه معي تملل اروح اقابل زوجتي احسن لي من مقابلك
..ماعليه ازعجتك بس اعذرني
بجديه وشعور انه بحاجته .. ياليتني اقدر اريحك بس انت مانت راضي تفتح قلبك بس انت ماتغير طبعك تفضل تكتم الي في قلبك
.. آآآه الله يعين قم بس ارجعك للبيتك لا تسكر عنك المدام الباب
..ياالله لانام الليله بالشارع
قاموا وهو مافضفض لصديقه الي في قلبه فضل يبتلع الالم لين يعرف وش صار مع ابوه

.........................................

..يابنتي الرجال كبير
فتحت يديها على وسعها ..بس عنده ثروه تسد عين الشمس
..وش تنفعك فلوسه و فيه قبيله بتقاسمك فيها
..ههههههه والله انك طيبه يمه انا بفر راسه واخليه يسجل كل الي يملك باسمي
..لاحول ولاقوة الابالله هذي اخرتها ترفضين شباب بعمرك و تاخذين هالشايب
...الشباب الي تكلمين عنهم مايملكون واحد على ميه من الي يملكه
..بس اعمارهم وافكارهم قريبه لعمرك لاتد فنين شبابك مع شايب يقاسمونك اياه ثلاث حريم غيرك
..سكري الموضوع يمه انا موافقه ومقتنعه بعد ما يئست من نايف أي احد غيره عادي بس مادام هالرجال غني ويلبي لي كل طلباتي بواقف عليه وادفن القفر
..انتي بتدفنين عمرك وراح تندمين يانوال وبتشوفين
..ليش اندم رجال شاريني ودخل البيت من بابه !!
..الله يهديك يابنتي ويكفيك شر نفسك >>
وافقت نوال بعد ماكان حلمها نايف لكن يوم خسرت لطيفه قررت تتزوج رجال من عمر ابوها عشان ثروته وغناه الغير طبيعي لعلها تعوض شي من خسارتها لنايف الي كان يجمع الغني والشباب والجمال ورغم توسلات امها مشت رايها ورضت فيه

..............................................

على الله يازمن بشكي جروحي والليالي طوال
عسى راعي العنا ينسى عناه وينشرح صدره

على الله يازمن بشكي همومي والهموم جبال
تعدت عاصمة حزني حدود العالم بأسره

خساره يالسنين اللي كتبتي قصة الترحال
فرحت أمس وحزنت اليوم بس الخوف من بكره

زي ماهي مصدومه والشريط بخيالها ينتهي ويرجع يجدد كل شي وخيال نوف مافارق عيونها ايقنوا انها ماراح ترد
ابو نايف ..صعوبتة الموقف عليك انا حاس فيها بس ولدك ماحد بيحافظ عليه الاعمه ونايف مافيه عيب يخليك ترفضينه
ردت على نفسها بداخلها >>عيبها انه كان بيوم من الايام حلم نوف نوف اختي الي كانت فاتحه قلبها لي وتسولف لي عن حبه بقلبها عيبه انه اخو نواف وكان يبيني اعتبره اخوي آآآآآآآآآآآآه صعب الي قلتوه صعب حتى التفكير فيه
..ردي على عمك يابنتي وقولي الي بقلبك
نزلت يدها عن فمها وحاولت تتحكم بنفسها ..نايف !! بس انا اعتبره اخوي
..بس هو ماهو اخوك وطلبي منك شرع الله وزواج على سنة الله ورسوله
..بس انا ماني موافقه ولدي انا بتحمل مسؤليته بس بعدو عني وعنه
..ماراح نبعد هذا ريحة نواف وانا فكرت فيك قبله هو صغير وبينساك لو باخذه منك واقدر اضمن الي يحن عليه بس انا حطيتك بالحسبه ومابيك تغربلين ببعده
اوجعها الي سمعته صفير براسها من قسوة اللحظه الي تعيش فيها ..صرخت ارحموني خلوني اعيش بسلام اتركوني اعيش حياتي على كيفي
ماتقدرون تفرضون رايكم على

..زين ياساره هذا قرارك بس الولد مرده لنا انتي راح تتزوجين وراح اخذه هذا اذا ماخذته قبل

ماكان متوقع انها عنيده اظطرته يسوي شي ماهو راضي عنه بس مثل ماقال لها هو فكر حتى فيها

ناظرت لابوها تستنجد فيها لبى نداها ..خلاص يابو نايف انت اتعبتها ماراح اسمح لاحد يجبرها على شي ماتبيه

..انت ماتبيني اضغط عليها الحين بس انت بيوم من الايام راح تجبرها تبعد عن ولدها اذا تزوجت

سكت ماعنده رد للي قاله ابو نايف فعلا كلامه صحيح ..صدق يبه انك بتبعدني عن متعب

مسك كتفها ..يابنتي هذي حياتك انتي عيشي براحتك بس اسمحيلي انا ماراح اخليك تضيعين شبابك

تكلمت بهدوء لكن العاصفه داخلها تعصف بصدرها بقوه ..انت وش رايك يبه

..الراي رايك >>وطى صوته ..صدقيني يابنتي انا حاس فيك بس كلام ابو نايف صحيح وانا عن نفسي مقتنع فيه بس فكري وقرري وانا معك

..انا مابي ردك الحين بس فكري ياساره اذا تبين مصلحة متعب صدقيني يابنتي هذي مصلحته وحتى لو ماتزوجتي الولد بكره بيكبر ومحتاج رجال يحاسبه وبنت اخوك بتكبر وانتي ماترضين لها تعيش معه ببيت واحد فكري زين بالموضوع وان لقيتي احسن من هالحل لك ولولدك انا اول من راح يبارك لك

سلمان فضل يكون داخل مع امه ونوف قال لهم عن نية ابو نايف زلزال هز نزف من داخلها مولانها للحين متعلقه بنا يف لكن لانها عارفه ساره وشلون تفكر حست فيها وبشعورها لحظة مايقولون لها

ام سلمان ..ونايف وش قال
..نايف موافق بس مدري احس انه متضايف من الفكره
..اكيد ياوليدي صعبه كانت زوجة اخوه وبلحظه تصير زوجته بس تدري ان هذا انسب الحلول
تاثرت نوف بكلامهم ونقاشهم بس تفكر بحال ساره وهي بينهم

وعت من افكارها وامها تنادي ساره الي دخلت تركض ولا التفتت لهم متوجهه لغرفتها ركضت نوف وراها وقبل تسكر الباب سبقتها نوف ودفعته ودخلت رغم اعتراض ساره لانها ماتبي تشوف احد ونوف بالذات

بمجلس ابو سلمان طلع لهم سلمان واتصل ابو نايف على نايف عشان يمر ياخذه اجتمعوا بالمجلس ليله طويله ماهي راضيه تعدي وتبين نهايتها

..انا ماقدر اغصبها هذا ماهو اسلوبي
..لاتغصبها بس كلمها قل لامها تكلمها اختها اقنعوها يابو سلمان
نايف كان يسمع كل شي وقلبه ييغلي احتقاره لها زاد تتغلى بنفسها والله لاذوقها المر الي اشببعتنا كلنا منه
تكلم هالمره ..بكيفها ياعمي بس الولد نبيه يتربى بينا
..حنا بكره مسافرين للشرقيه مافيه وقت نعطيكم ردنا واحنا هنا
..ماعليه ياعمي بعد اذنك انا ابي موافقتها وبكره انا بنهي كل شي وتقدرون انتم وتسافرون >>كان يكوي قلبه بالي يقوله لكن فيه اشياء تهون عليه انه قدر يوصل لها و يتولى تربية ولدها
..لا ياولدي خلها تفكر كم يوم ماعندي مانع اجلس انا وامها كم يوم لين نعرف رايها

المسأله لوهي علـى ضيقـة الخلـق
هوّنتها وآقـول : ضيقـة دقايـق !!
المسألـه عبـره سجينـه بهالحلـق
ترقى دموع وترجع .. لصدر ضايق

مكتفه يديها وواقفه تراقبها وهي دافنه نفسها بالفراش وتهتز بقوه ملت من وقفتها وجلست على طرف السرير ..ساره ساره
صكت اسنانها بغضب يوم ماردت وسحبتها من كتفها بقوه ..ناظري لي لاتهربين
شهقات كسرت ضلوعها بدون ولاحرف ..كلميني قولي وش تفكرين فيه
رمت نفسها على صدرها وحضنتها بكت نوف في هالموقف بكت على الحظ الي عاكسها هي واختها الظاهر قل الحظ وراثه ..ساره حبيبتي اهدي وكلميني >>لكن ماردت والتفت لولدها الي وراها على السرير واخذته ورصته لصدرها ونحبت لين تضايق منها وبكى قامت نوف وخلصته من ايديها ..اتركي الولد ذبحتيه حضنك له ماراح ينفع فكري بشي اهم >> اخذته وحطته بسريره بعيد عنها
تكلمت كلام متقطع مثل قلبها ..يبوني اتزوج نايف
كلمتها بطريقه تحسسها انها ماهي مهتمه ..طيب فكري بالموضوع ليش لا
توقفت فجئه عن كل شي وركزت فيها ..انتي الي تقولين هالكلام
..وليش ماقول الزواج لاهو عيب ولاحرام وهذا حقك وخليه هو الي يتولى ولدك احسن من غيره
مسكت راسها ..نوف لاتجننيني بكلامك وشلون اتزوجه !!
..وش المشكله مانتي اول ولااخر وحده يصير الي صار لك وتتزوج وتعيش
..وانــــــــــــــــــــتي ؟؟
ارمشت بعيونها ..انا وش فيني؟؟
..نسيتي الي بينك وبينه !!
هزت راسها وابتسمت .. قصدك الي بيني وبين نفسي الرجال ماوعدني وخان فكري بهالولد ياساره
.. لاتلعبين على هو للحين ببالك
عصبت من الي قالته ..ساره انا الحين متزوجه واحب زوجي وماعندي اهم منه بالدنيا
..لو تحبينه ما تبعدين عنه
صرخت بصوت عالي ..لو ماحبه مانصدمت بالي سواه ولاعتبت عليه ناصر غلاه مثل غلا روحي
..انتي تقولين هالكلام عشان اقتنع بنايف
مسكت كتوفها ووقفتها وغمضت عيونها ورفعت راسها ..وربي ياساره نايف صار ذكرى وناصر هوالحاضر انا ممكن اكذب على كل الناس واغشهم الاانتي لانك داخلي وتعرفين وش افكر فيه
..بس انا اكرهه كره الموت الي فرق بيني وبين نواف
..لازام تحبينه حبك للحياه الي جمعتك بمتعب
..نوف لاتعذبيني بكلامك لاتكذبين على وعلى نفسك
زعلت من الي قالته ..يعني هذا ردك على بس عشان تنسيني وتفكرين بنفسك انا برجع الليله لبيتي يمكن تشيلين هالتخريف من راسك
ومشت وقفتها بنداها ..نوف >>وهي تمشي لها ..ماراح تودعيني انا بكره بسافر
نزلت دموعها بصمت وارتعش صوتها..ماراح تخسرين شي اذا ماودعتك انا ما خسرت يوم ناصر راح وماودعني
وطلعت من عندها مخنوقه تحس انه طاري على بالها ووارد على لسانها و انها بهاللحظه محتاجته ومشتاقه له تبي منه الصبر الي اخذه معاه كان يتسلح فيه ويحتمي فيه من اهانتها خلاها بدون صبر حتى على اقرب الناس لها بهاللحظه تمنت ان الرقم الي معها هو رقمه لكن للاسف غيره يوم سافر
استئذنت من امها اتصلت على خالتها وقالت لها تجيها مع السواق لانها تبي تروح من بيتها للجامعه وان عندها اوراق لازام تاخذها ام ناصر ماصدقت على طول جت لانها تبي أي شي يحسسها بوجود ناصر

علمتني وشلـون اعاملـك بعنـاد
وخليتنـي للحـب اعلـن جهـاده
قتلت فرحة عمري في يـوم ميـلاد
عز الهوى في قلب مـات بشهـاده

وهم بالسياره تسمع خالتها تتكلم وهي ماتدري وش تقول
ام ناصر ..ما انتي معي من ركبتي وانا اكلمك وانتي بس ساكته
التفت لها ..ممكن ياخاله تعطيني رقم ناصر
..ليه ماكنتي تكلمينه ويكلمك
تلخبطت من سؤال خالتها نست هالشي ..الا بس انمسح الرقم من الجهاز
عطتها ام ناصر رقمه ووصلوا البيت وكل وحده دخلت غرفتها على طول دقت الرقم من تلفون البيت

.................................................. ........................
شوف الحروف تموت في لحظة البوح
وشوف الغرام يذوب من لهفة الشوق
والترجمان الصوت بالحيل مبحوح
ونصف الكلام يبات بالحلق مخنوق

طبعا ناصر كان غارق باشعاله وعارف ان الوقت مختلف عندهم حس بجواله يعطيه نغمة اتصال
ماكان الرقم باين بس عرف انه رقم من برى على طول فتح الجوال
وبحماس وشوق متوقع انها امه ..الــــــــــو
ضعفت يوم سمعت صوته اشتاقت له بس جف الكلام بحلقها ولاردت عليه
رد الكلام وهو يسمع انفاس تبعد وتقرب ..الو الو
لكن ماهو باين الا صوت يشبه الشهقات بس ماقدر يميزه" وهي تفكر معقوله نايف للحين في بالي معقوله من خوفي انفضح لجئت له ومع هالافكار وكلام ساره الي يتردد براسها وحيرتها وش تقول سكرت السماعه بوجهه
توقع شي مخيف من ورا هالمكالمه امه ماتتصل بهالوقت قرر يتصل على جوالها يبي يتطمن وبعد دقتين ردت
تطمن من سمع صوتها
..متى بترجع ياوليدي؟؟
..ان شالله لين خلصت الي وراي بتشوفيني عندك
..ومتى يخلص الشغل ؟؟
..يمكن اربع شهور وزياده هذي دراسه يمه
..وش دراسته الي تبعدك عن عيوني ناصر يمه اترك العناد عنك وتعال
..تكفين يمه لاتضيقين صدري لانه ضايق خلقه
..سلامتك من الضيقه ياعين امك وشفيك ياوليدي
فرك راسه بقوه وجلس وغطي الي بقلبه بكلام ثاني ..الغربه يمه الغربه >> كان يقصد غربة الروح والمشاعر والحياه البارده الي انسحب من عليها غطا دافي من الحب
..وش حادك عليها ياوليدي
عارف انه لو صرح الي بقلبه بتشيل همه قرر يخليها بقلبه .. طلبتك يمه لاعاد تفتحين هالموضوع بس ابي دعواتك لي
..الله يوفقك ياوليدي ويسعدك ويرزقك الذريه الصالحه الي تقر عينك
ابتسم بشوق لدعواتها وحنانها والهزه الي بصوتها كل ماكلمها ..اكثر شي يريحني لاسمعتك تدعين لي او شفت الرضا بعيونك
..جعلك تسلم ياوليدي >>تذكر الي اتصل عليه وقرر يسئلها بدافع الفضول
..يمه احد اتصل على من تلفون البيت قبل شوي
..لا ياوليدي انا ماتصلت وابوك نايم من زمان >> تذكرت ان نوف اخذت الرقم منها ..يمكن نوف هي من شوي ماخذه رقمك مني
..نـــــــــــــــوف !!ماقدر يسئلها الاسئله الي تدور براسه ليش ماراحت وهي ناويه تروح ولا لا
..زين يمه انا بتصل عليها الحين
وسكر من امه واتصل على طول على جوالها

قاعده تراقب جوالها وتنتفض وتبكي حالتها غريبه كانه راح يشوفها دق لين سكت صوته ماردت قامت على طول فقلته
دق مره ثانيه الجوال مقفول >>غريب اتصالها تركها براحتها وحاول يرجع للي كان فيه

.................................................. ...................
من كثر حبيـ لك تمنيتـ ك هوى

وديـ اتنفسك في صدري واموتـ

..يعني بتسافر لحالك !!
..لازام حبيبتي لازام تاخرت على شغلي
..طيب من بيخدمك من بيهتم فيك
وقف قريب منها وحط عينها بعينها الي انكسرت حيا من نظراته ..انا بخدم نفسي
.. ودي اروحك معك ا
..ليش ماودك تقعدين قريب من اهلك ؟؟>>كانه يستدرج بسؤاله كلام تمنى كثير يسمعه منها مثل مابيوم من الايام كانت هالنظره حلم يتمنى يتحقق
رجعت شعرها الي من عادته يعاندها بقوه ..انت اهلي ياسلمان ارجوك خذني معك
مسك كتفها وجلسها على حفت السرير ..حبيبتي نوره تعرفين ظروف شغلي صعبه اخليك بالبيت لحالك كل هـ الوقت
..ماحب اقعد بمكان وانت بعيد عني انا اكثر زمان يسعدني اني اكون قريبه منك واكثر مكان يريحني الي انت تكون فيه
..الله يانوره صايره تقولين شعر
ضحكت بخجلها الي يعرفه بالحمره الي تلون خدها ..سلمان انت ماتعرف تخدم نفسك
حب يدها بحنان .. لاتخافين على متعود على خدمة نفسي ولاناسيه اني لي مده طويله هناك
نزلت راسها تخفي ابتسامه خجوله على ثغرها ..خاطري اكون معك وين ماتروح ودي اصير لك مثل ظلك
مسك ذقنها باصبعه ورفع راسها .. تظنين اني ماتمنى هـ الشي بس احيانا الظروف تحدنا
..باشتاق لك
..موكثر شوقي لك
ظغطت على يده ..تروح وترجع بالسلامه

.................................................. ........................

ليله بطيئه

نايف واصرار بعد احساسه برفض ساره يتقلب وهذا الي يدور براسه

ساره هالخطبه اخر شي خطر ببالها تنخطب ومن يكون نايف !! ونوف وطلعتها من البيت وولدها الي لازام تفكر فيه كانت هذي افكارها

ناصر والمكالمه الي جته مايدري وش سرها وهل هي فعلا نوف وليش ماراحت ؟؟

ابونايف الي ينتظر الشمس تطلع عشان يحسم الموضوع ويرتاح بعد ما ارتاح من حمل فتح الموضوع بقى عليه الاقناع

ابو سلمان الي صار عاجز عن التصرف يخاف يغصبها ويندم ويخاف يتركها وتخسر رجال يصونها وابو يحافظ على ولدها

سافر سلمان من ثاني يوم لحاله وساره مازالت معتكفه بغرفتها يومين ماتطلع الا للضروره القصوى

مر ثلاث ايام على هالحال بدون تطور الاملكة نوال من الرجال الي خطبها بعد ماقدم لها مهر غالي وهدايا ماتحلم بها وحدد زواجه باقرب وقت

ابو نايف ينتظر من ابو سلمان رد لكن كان خايف عليها حتى من مشاورتها لان حالتها كانت صعبه وما تسمح لاي نقاش
قرر يعيد الزياره لهم ويشوف رايهم بس هالمره جاء لحاله بدون نايف طلب للمره الثانيه يشوفها ويعرف وش نتيجة الكلام الي قاله لها

..انا ودي تتركها بعد كم يابو نايف انا خايف عليها البنت تعبت نفسيا تدري انها من ذاك اليوم ماطلعت من الغرفه
.. الي صار كله انا عارفه ومتوقعه بس الرفض ماهو بمصلحتها
..لا يابو نايف انت همك تقرب ولد ولدك لك بس انا بعد تهمني سعادة بنتي
..انت شايف بنايف عيب ترفضه او تعتبر زواجهم ضد مصلحتها وصدقني هي عليه او على غيره ماراح توافق عشان ولدها الا اذا كنت تبيها طول العمر ارمله
حشره بالكلام ولاترك له رد بعد الي قاله ..كانك تقول اجبرها اعذرني انا ماقدر
..طيب ناداها يمكن توافق بعد الي سمعته
..يابو نايف حرام الي تسويه اعتبرها بنتك وحط نفسك بمكاني
..اناعارف احساسك بهاللحظه بس فكر فيني وفيها البنت للحين صغيره وماتعرف مصلحتها وممكن تضيع حياتها بقرار غلط
..يعني الصح انا نجبرها على شي ماتبيه
..ماراح نجبرها راح نقنعها
..انا بناديها لك هالمره وارجوك يابونايف ان رفضت هالمره اتركها بكيفها

...............................................

جلس على جنب السرير وحط ريان بينهم ابتسم وهو يشوفها احسن شوي ..اليوم احسن

ابتسمت له كانها اول مره تشوفه ومسحت شعر ولدها ..الحمدلله

..وش رايك اقول للشغاله تجيب لك شي تاكلينه

تغيرت تعابير وجهها ..لالا ماقدر اكل الحين

..طيب عصير

طنشت سؤاله وردت عليه بسؤال ..ماجا نايف ؟؟

..نايف سافر لجده وماظن انه رجع ليش تسئلين

..ودي اشوفه" عبد الله ودي اروح لجده اشوف ابوي واخواني

اول مره يحس انها مشتاقه لاحد كانت انسانه بدون احساس حتى الامومه كنت تبخل فيها على ولدها ..من عيوني بس اقدر اخذ أجازه واوديك

نزلت راسها ..مشكور

دخل ابوه عندها بعد ماالح يدخل واستحت ترفض له طلبه وهي الي تعرفه زين وتدري انه يعرف بضيقتها واجهها وتكلم ..عمك ابو نايف يستناك
رفعت نظرها لابوها وهي تحس بخوف صار شبح بالنسبه لها ..وش يبي مني ؟؟
..يبي يعرف رايك بالموضوع الي كلمك فيه
..يبه انا مابي اتزوج لانايف ولاغيره
..اطلعي وقولي له الي تبين وانهي هالموضوع
..انت قله مابي اشوف ااحد
.. ماراح يقتنع لين يسمعها منك
تنفست بقوه وهي تقوم ..امري لله
ومشت مع ابوها لين دخلت عليه سلمت عليه وظلت واقفه ..اجلسي وانا عمك بكلمك
جلست وناظرت له نظره تعطيه الاذن انه يتكلم ..وش قلتي بالي قلت لك
..عمي انا رافضه الزواج لاتحدني على شي مابيه
قرب لها وبينت نظره حزينه بعيونه وحط يدها على يدها ..ساره تكفين يابنتي لاتحرميني من متعب يكفيي انحرمت من ابوه
احترمت رجااه ووقفت احتراما له ..ماراح احرمك منه باي وقت تبي تشوفه البيت بيتك
..افهميني يابنتي انا ابيه يكبر قدام عيوني واتطمن عليه وانا حي >>بعد هالكلمه حست بدمعته تبرق بعينه
انكسر قلبها وهي تشوف فكه يرتجف يكافح عبرته لاتبين وكمل .. ابي اضمن انه يتربى بعز اهله من غير ماينحرم من حنان امه مثل مانحرم من ابوه >>وتسربت دمعته على وجهه وبسرعه مسحها ..عمــ ي <<اخذت ترتجف وجسمها يهتز وفكها يطق وسرى برد بجسمها حست انها راح يغمى عليها وجلست انتبه لها ابوها وجهها صار اصفر ..خلـ لاص انا مــ وافقـ هـ
قرب لها ..ساره قولي اذا كنتي ماتبين اهم شي راحتك
عادتها كنها تمرن لسانها عليها وتاكد لنفسها انها قدرت تقولها ..انا موافقه يبه موافقه >>وانطلقت من بينهم

واخترق دخولها حديث نوره وام سلمان عنها سكرت باب المجلس وجلست وراه او بالاحرى انهد حيلها ماعاد تقدر توقف على رجليها اسرعو لها وصلت لها نوره ..ساره اسم الله عليك قومي
ام سلمان .. وش فيك يمه ليش ترتجفين
بدون بكا تنتفض بين يدين نوره الي تساعدها على الوقوف قبل تعتدل بوقفتها طاحت على رجول امها من شافت حالتها قعدت تمسح شعرها وتقرا عليها مده لين حست انها ارتاحت رفعتها عن رجولها ..انتي وافقتي على نايف ؟؟
ركزت بعيونها وبدون رد عرفت ردها حضنتها امه وقعدت تبطبب عليها مسحت وجهها وخشمها الي صار احمر من البكا وقامت بهدؤ لغرفتها

.................................................. .....

راح للشركته يشوف شغله الي صار له مده مايدري عنه مشى من البيت وابوه موجود ماعلمه عن نيته والي راح يسويه

حط راسه على المكتب مرهق له كم يوم نومه متقطع وهو على هالوضع يسترخي شوي دق جواله الي على المكتب

.. هلا
..نايف انت وينك ؟؟
..انا بالشركه ليه
..اترك الي بيدك وتعال لي الحين
..ليش يبه وش صاير انت وينك ؟؟
..انا ببيت عمك ابوسلمان اذا جيت اقول لك
تلخبطت يوم عرف ابوه وينه اكيد صار شي بخصوص موضوع ساره .. لازام الحين يبه انا مشغول
..نايف قلت لك اترك الي بيدك وتعال
تافف بنفسه ..حاضر يبه جاي جاي >>وسكر منه وقام بثقل حس انها حانت ساعة الصفر رغبه بالانتقام وخوف من المواجهه واحساسيس متضاربه
وتفكير بايام راح يعيشها مايدري كيف بتنتهي

.................................................. ..،

.ودي اجر عبرة بي عميقه....فترة غيابك اشبعتني مراره

نوف من بعد مارجعت لبيتها ماكان بينها وبين ساره أي اتصال صحت من غفوه صغيره قبل العصر وناصر ببالها ماتدري كيف ترسم لها خط رجعه خايفه يكون احاسها فيه لان نايف صار مستحيل بالنسبه لها حتى لو ماوافقت عليه ساره جالسه على الكنب ومقابلها كاس الشاي الي اختف الدخان الي يتصاعد منه لانه برد وهي سارح بافكار توديها وتجيبها ارتاعت من صوت جوالها ومدت يدها تشوف المتصل مثل ماتوقعت رقم ناصر مسكت الجوال ورصته بيدها لين انقطع ورجعته مكانه ورجعت لافكارها سمعت نغمه ثانيه كانت رساله رفعته بس هالمره توقعها غلط كانت رساله من ساره قراتها << نوف تعالي بسرعه انا محتاجتك>> تاكدت انها محتاجتها وبوضع مايسمح لها بالكلام عشان كذا اختصرت برساله بدون تردد قامت وبدلت ملابسها بسرعه ونزلت واسئذنت من خالتها طبعا بعد مادورت لها حجه لتآجيل سفرتهم
طلعت من البيت وحالتها ابدا ماكانت احسن من ساره كل واحده منهم الي بقلبها مكفيها

.................................................. ..................

في بيت فهد رفع جواله الي ازعجه بالاتصال مد يده على الكومدينا الي جنبه واستعدل بسرعه وهو يشوف رقمها
..وش هـ المفاجئه الحلوه
..مساء الخير
..مساء النور هلا والله بهالصوت منين طالعه الشمس ؟؟
..قل وين رايحه ؟؟ الدنيا المغرب وانت نايم
.. هههههههه حلوه صدق مها كل يوم اتصلي انا اذا سمعت صوتك تجيني طاقه ونشاط مو طبيعي
ضحكت عليه يعرف يغير الموضوع .. ليه قايلين لك منبه
..لا اليوم في شي غريب مهاتي بنفسها متصله وتنكت بعد بالعاده تتغلين ادق لين امل وانتي تتثيقلين
..فهد انت سوالفك ماتخلص اسمعني بغيتك بخدمه
..اها وانا اقول ماتحن على هـ المسكين الا اذا كانت تبي شي
.. انا اكلمك جد
..وانا اكلمك جد بس ماعليه تمونين قولي آمري تدللي وانا بالخدمه
..مشكور بس ابيك تروح تجلس مع نايف لا تخليه لحاله هو محتاج احد يجلس معه
..مها الله يهداك نايف اكبر مني تبيني اروح اجلس عنده
تاففت من برود اعصابه .. افهمني نايف يمر بظروف صعبه ودي مايجلس لحاله
..لاحول ولاقوة الابالله امرنا لله بروح بس وش الي مخليك منشغله عليه
..ماقدر اقول لك حاول معه يمكن يقولك
..يعني انتي ماتعرفين اخوك مستحيل يتكلم
..ماعليه انت روح له وكلمه
..وبقوله مها قالت لي
..فهــــــــــــــــد
..ههههههههههههه تصدقين حلو صوتك وانتي معصبه
.. واذا رجعت منه كلمني
..لا انتي اتصلي والا ماتذكريني الا اذا بغيتي مني شي
تكلمت بجديه .. انا كذا يافهد يعني تشوف اني انانيه
كلامها كان مثل البلسم الشافي على مسامعه بس حب يواصل معها شوي وخصوصا هذا طبعه .. لا السالفه قلبت جد اقول مها امي تبي تكلمك
صدقته وخافت يسويها صدق ماتركت له مجال يكمل ..ها لا لا مع السلامه سلم على خالتي
عرف انها فضلت الانسحاب من احراجه لها ..هههههههه احبها ياناس
وقام ينفذ الي طلبته منه مو لانها طلبت منه بس لان نايف انسان يستاهل الي يوقف معه

................................................

وصل للبيت وطفى السياره ونزل منها ومشى يجر خطوته جر قبل يدخل شاف سياره ثانيه وقفت والي يسوقها وافد ومعه شغاله توقع انها نوف
عرف عيونها من ورا النقاب ماقدر يتحرك وهو يشوفها تنزل وتدخل مع مدخل الحريم بدون ماتناظر له >>سبحان الله كيف الايام تسيرنا وتمشينا بهواها بيوم من الايام فكر يرتبط فيها وتزوجت ورجع اليوم يجدد العلاقه لكن بصوره ثانيه دخل من باب الرجال وتوجه للمجلس الي كان بابه مشرع لقاهم جالسين يستناونه ..السلام عليكم
التفتوا له وردوا عليه السلام ..وعليكم السلام تعال ياولدي اجلس
جلس قريب منهم ..نعم يبه
استعجل بالكلام وبدون مقدمات ..ساره وافقت وابي منك بكره تخلص كل شي لان ابو سلمان بيسافر وانا برجع لجده
ماكان كلام يسمعه كان خنجر انغرس بصدره هز راسه براسه قبل يحرك لسانها بلع ريقه وحاول يخفي ربكته تغير لون وجهه ..خير ان شالله
..الحين ابيك تخلص كل شي وبكره تملكون وتاخذها لبيتك بعد اذن ابو سلمان
..ماعندي مانع بس لو تاجلونها ودي اخوها يحضر
..امرك ياعمي
طلع ابو نايف ظرف من جيبه ومده لبو سلمان ..هذا لساره وابيها تجهز نفسها للتحليل والعشا انا بتكفل فيه
..خلاص يابونايف موعدنا يوم الخميس
..على خير
هالمره الشخصيه القويه والرياده وسيادة الموقف تبخرت وتبدلت لصمت الكلمه الي قدر يقولها ..يالله يبه مشينا
..يالله نستئذن يابوسلمان
..مع السلامه <<وطلعوا من عنده بعد ماتفقو على كل شي

..يمه ممكن تتركيني معها شوي
..حاضر يمه بس تكفين لاتخلين اختك هي بحاجتك
..من عيوني يمه بس انتي لاتحاتين
..الله يريحك بالك يابنيني ويفرح قلبك
كانت قطرات بارده اروت عطش روحها ابتسم وهي تشوف امها تدفع عربتها وتطلع التفت لساره الي لامه جسمها على السرير وساكته وتاركه الحريه لدموعها تنزل ..ساره انا رجعت ونسيت او تناسيت زعلى عليك لاني ماقدر اشوفك محتاجتني ولا البيك
دارت راسها لها .. مدري وشلون وافقت عليه ضعفت يانوف ضعفت قدام رجا عمي ماقدرت اشوفه يبكي ومااريحه
..مسحت رجلها بحنان ..الله يعطيك على قد نيتك
حطت يدها على وجهها ..ماني متخيله اني بصير زوجه للـــ ....
.. ليـــــــــــه؟؟
..اكرهه يانوف اكرهه
..ليش تكرهيننه وش سوا لك
هدت شوي ووحاولت توصل لها الي بقلبها ..اقولك وماتزعلين
عرفت وش راح تقول ..لاتقولين وان قلتي راح ازعل هذا نصيبنا من قبل ننولد حتى لو ماعجبنا وماتدرين عسى ان تكرهو شياء وهو خيرا لكم
وبعدين انتهى كل شي انتي قلتي لعمي انك موافقه واكيد هو قاله واتفقوا على كل شي
رفعت راسها ..ياليتني اقدر اتراجع واغير كلامي بس ابوي سلئني وان اكدت له اني موافقه
..خلاص انتهى كل شي
..للاسف ماعاد اقدر على الرجعه

.................................................. ......

حزني .... يقابل ... أنتفاضةحنيني
يرد ليلي .... عن خفايا ... نهاري

يرسم أسى ..... تستأثره بي سنيني
إحساس غصب .. وما يجي بإختياري

في بيت نايف

..قول طيب وش الي مضايقك
..لاحول ولاقوه الابالله انت قول وش الي مسلطك على ذبحتوني كل ماجلست مع واحد قال انت متضايق ياخي غصب تبون تضيقون صدري
..على يانايف هالكلام انا اعرفك
..والله ناسبتك وابتلشت فيك مدري وش طيح حظي وزجتك اختي
ابتسم فهدوبما انه انفتح الحوار بينهم قرر يعرض عليه الفكره ..اقول نايف وش رايك تتزوج ترى العزوبيه مرتبطه ارتباط وثيق بالكآبه
ابتسم لانه لمس الجرح .. جبتها عـالجرح يافهد
عقد حواجبه و تفحص ملامحه الي انقلبت من هالكلمه توقع ان رافض عشان حزنه .. تكلم يا نايف افتح قلبك واعتبر انك تكلم نفسك
..ابويي بيزوجني
..طيب وش المانع ولا انت حاط وحده براسك وعمي رافض
..ماراح تفهمني يافهد
..يانايف انت ساكت على الي بقلبك وشلون تبيني افهمك
..المشكله بالبنت الي اختارها ابوي
..يعني انت مانت رافض الفكره
..هالاختيار ماكرهني بالزواج كرهني بنفسي وبالدنيا كلها
..ليش كل هذا لهالدرجه اختياره غلط
..ابوي يافهد خطب ليـــ ساره زوجة نواف الله يرحمه
فتح عيونه ماهو مصدق الي يسمعه ..ساره !!
هز راسه ..للاسف
انتبه لكلامه من اول ..وانت معترض عليها شخصيا ولا لانها كانت زوجة اخوك
..بصراحه الاثنين
غمض عيونه ..تقدر ترفض ماراح يذبحك اذا قلت ماابيها
عرف من طريقة كلامه انه زعل .. اعذرني يافهد عارف انها بنت عمك وماترضى عليها بسـ ...
قاطعه فهد ..اولا احب اصحح معلوماتك ساره ماهي بنت عمي وبس ساره اختى ثانيا انا مازعلت هذا رايك وبنت عمي عارف ماعليها كلام
..مانبي نطلع عن موضوعنا انا رضيت عشان ولد نواف وعشان رضا ابوي يمكن لو كان بغير هالظروف كان اصريت على اعتراضي بس ابوي صحته تدهورت بعد موت نواف وودي اريحه
..اي بس انت تظلمها
..لاتخاف عليها من الظلم بتقعد تربي ولدها وش تبي بعد
..نايف كلامك ماعجبني هي لها حق بالحياه ساره صغيره وبدال الرجال عشر
..والله عاد هي رضت عشان ولدها ماحد اجبرها
.. اول مره تتكلم بهالاسلوب يانايف احس اني اتكلم مع واحد ماعرفه عن اذنك اناآسف لاني اخذت من وقتك
قام وخلى نايف يشوفه وهو يمشي بعيد عنه.. شكلي بخسر كل علاقاتي بسبتها

نهاية البارت

2 - 1 - 2015, 11:06 AM

جيت أبحث عن حطام الضلوع المهدفات العوج
لمحت الدرب قدامي ضلام طافيٍ سراجه
لمحت الغصن متكسر وحمام فاقدله بروج
يلف الكون مايدري طريقه وين مخراج

انتهى الكلام بهالموضوع مسالةوقت وتكون زوجه للانسان الي كرهته بسبب حبها لاختها تمر الايام عليهم طويله كئيبه مافي احد منهم فرحان بزواجهم ...
نوف ماعاد تقدر تبعد عن بيتها صارت تلقى فيه الهدؤ النفسي والاستقرار ورغم اتصالات ناصر المتكرره ماعندها الجراءه عشان ترد عليه

ناصر انشغل فيها فكر انه يرجع لكن بما انه وصل وبدا دراسه قرر يترك كل شي لرجوعه

ساره ايامها متشابهه ليلها مثل النهار بس حياه وايام تتوالى عليها بدون طعم الاالمراره

نايف صاركل شي عادي عنده يحس انه تبلد وصار بدون احساس انطوى على نفسه واعتزل الحياه

...............................................

..طيب ليش ماتروحين تجهزين لنفسك

ملت فمها هوا وتاففت منهم ..نوف ترى ذبحتوني ماسكيني بالدور ان راحت امي جت نوره وان راحت نوره جيتي انتي مـ ا بـ ي اروح ماتفهمون يكفي سويت التحليل لان ابو هو الي وداني
..طيب ليش ؟؟
..خزتها بنظره معناها انتي فاهمه..انتي الي تسئليني
..ياساره ياحبيبتي مانتي خسرانه اذا رحتي واشتريتي لنفسك انتي حتى لبس زي الناس ماعندك
..انا ماشكيت ولا ابي وفلوسه رجعوها له مابي منه شي
ردت بملل من عنادها..اذا انتي وافقتي خلاص جهزي نفسك
..نوف خليني انسى شوي احس جسمي يتكهرب من هالسيره
..خلاص براحتك << سمعت صوت جوالها الي على طاوله بنص الغرفه مشت له تغيرت تعابيرها وفضلت يكون صامت
قامت لها ساره الي كانت جالسه بالاراض وولدها قدامها بعد مالمعت براسها فكره وجرفتها رغبتها بتفيذها انها توافق على شي كانت رافضته تماما ..من الي متصل ؟؟
نزلت راسها وبصوت هادي ..ناصر
..ردي عليه
..ماني راده
..ليش
مطت شفتها وهزت كتفها ماعندها رد واحساس يتعدى حدود الكلام ..مدري خلينا كذا احسن
ضيقت عيونها تستعد تسمع ردها وتكلمت ..نوف بروح معك بس بشرط
ناظرت لها بابتسامه .. تتشرطين بعد !!
..وش قلتي بتوافقين ولا لا ؟؟
..اعرف الشرط اول !!
..اممممم تتصلين بناصر الحين
فتحت عيونها وقلبت شفتها ..وانتي وش بتستفيدين ارد ولا مارد
وقفت قدامها وحطت يدها على كتفها .. يمكن ارتاح شوي >>مسكت كتوفها الاثنين ..انا احترق يانوف كل شي قلب على راسي
..وكل هذا لاني مارد على ناصر
..نوف لاتستغبين انتي تدرين بكل شي
كتفت يديها وميلت رقبتها ..واذا كلمته بترتاحين
نزلت يدها وراسها ..يمكن
رفعت راسها وعلى شفتها ابتسامه وهي تسمع ردها ..اتفقنا
رفعت كفوفها بيديها ..كلميه الحين وانا بروح اتجهز
ابتسمت علامة القبول طلعت من عندها ساره وقبل تسكر الباب ..لاتلعبين على كلميه الحين
..خلاص بس اجهزي
من فرحتها ان ساره شوي ارتاحت رفعت جهازها و؟؟؟؟؟؟؟؟؟؟؟؟؟؟؟؟؟

.................................................. ........

دخلت باكياسها مع اختها سلمت على امها الي تشوفها وقلبها يتفطر عليها وعلى شبابها الي كفنته ودفنته وتتحسر انها ماجبرتها على واحد من الي خطبوها .. شفتي وش شريت لك يمه
التفت لها .. كثر الله خيرك
قامت توريها قطعة اللذهب والجلابيه الي شرتها لها ..شوفي يمه ابيك تكشخين يوم عرسي ابي كل الناس تأشر عليك ويقولون هذي ام العروس
ابعدت الاغراض بيدها ولفت براسها للجه الثانيه .. مابي شي منك
..ليش يمه ليش تبين تكسرين فرحتي
..لانك كسرتي قلبي ولوعتيه عليك
ضحكت لامها بعدم مبالاه ..انتي الي تغيرتي غريب يعني تزوجي تزوجي ويوم تزوجت قلبيتيها عزا
.. تدرين جبتيها" عزا
..بكره بتشوفين وشلون بصير مليونيره
اومت بيدها ..صدق مخك صغير
..افا يمه انا مخي صغير مقبوله منك معذوره ماتعرفين بنتك >>وهو تأشر على راسها ..وهالراس وش يفكر فيه
..ياخوفي انك تشبين النار تحتك
..هههههههههههههه اقول يمه ماشفتي زوجي العزيز وش جاب لي
سكتت وماسئلتها .. جاب لي طقم الماس بمبلغ خيالي
.. نوال يابنيتي الالماس مايعوضك عن عمرك وعن شبابك ولاهو هذا ثمنهم لان مالهم ثمن >>والتفت للتلفزيون
نفضت يدها باستهزاء وقامت وهي ناقمه من قلبها على كل الناس ولاواحد من الي حولها حسسها انها كسبانه لكن هي ناويه انها تخيب ظنهم واثقه من قدراتها

.................................................. ............

حط اصابعه بعيونه السبابه والابهام وطخي راسه ويسمع كلام ابوه ..وش اجهز يبه البيت مافيه شي يمشي الحال
..انا ماتكلم اذا كان يمشي الحال ولا لا انا اقول غير الاثاث حرام خل البنت تنسى ولا ناوي تقعدها بشقة العزوبيه الي انت عايش فيها
ثار هالمره وتكلم بعصبيه .. عمرها مانست ماهي اكبر همي حس فيني انا يبه انت شايل همها وناسيني ترى انا ولدك
فتح عيونه على وسعها اول مره نايف يتكلم معه بهالطريقه ورد بطريقه بارده ..انت متاكد انه هالكلام تقوله لي انا
هدا شوي بعد فتره من السكوت .. يبه انت تبيني افرح وانبسط وكل شي صار على يدك
..انا قلت لك يانايف بزوجها بدر وانت رفضت
..يعني اذا بغيت احافظ على مستقبل اخوي اكون مبسوط لاني اخذتها
اوما باصبعه ..لا السالفه اكبر من كذا انت وراك شي
تلخبط من معرفة ابوه له .. لا سالفه ولاشي بس المفروض تحس فيني مثل مانت حاس فيها
... ترى زودتها يانايف بتمسكها علي زله انك وافقت خلاص انتهى كل شي
..طيب وش المطلوب مني
..لا الي جا منك كفايه الي ابيه انا بسويه انا للحين بقوتي >>قال كلامه بغضب وهو يحاول يقرص عليه شوي
.. الله يعطيك القوه والعافيه بس قدرني يبه
لانت ملامحه وهو يشوف الشتات بعيونه وسر بنظراته ماهو قادر يفهمه .. ياوليدي البنت ضعيفه ومكسوره بعد هي مثلك تنازلت وتزوجت وهي ما التم جرحها من موت زوجها تحسب انه سهل عليها ترمل وهي بعز شبابها وتصير ام لطفل انولد من غير ابو هذا لحاله يقصر العمر>>
ماعرف وش يقول ولا ايش يرد عليه نايف كان السهل الممتنع الموافق على المبدء المرفوض مامانع على قربها لانه يبي بعدها وقبلها بحياته لانه رافض وجودها بحياة اخوه

.............................................
عجزت احكي لك احساسي
واترجم لهفتي بالبوح
عجزت اني اعيش بصمت الى من طال يذبحني
حبيبي شفت هالدنيا بها ناس تجي وتروح
اقسم بالي ليا من مت وصرت عظام يجمعني
احبك والغلا صادق وماهو لعب وسلا مزوح
نزل دمعي نزف جرحي وذاك الشوق عذبني
احس الكون في عيني فنى وماعاد له مصلوح
مادام اللي احبه حيل مااجيه ولايجي عندي
انا لامن كتبت وهمت حكي حب غدى مذبوح
صرخ دمه بدون شعوريكفى بالله افهمني

الغرفه مظلمه وبارده مكركبه اوراق مبعثره ملابس بكل مكان مو متعود على خدمة نفسه انها شغله اتصل على نوف لكن مثل ماتوقع لارد دخل فراشه وتلحف وهو يحس ببرد ماتعود عليه ماكان باين منه الاراسه نورت الغرفه بنور الجوال قبل يسمع صوته مد يده وهو متغطي فز بدون وعي وحذف الغطا بعيد ومايدري كيف وصل عند طاولته الي بنص الغرفه استعدل كأن المتصل يشوفه ..الو
عادتها الشوق له يلجم لسانها ويصعب عليها الكلام .. الو الو
انحلت عقدة لسانها وردت ..السلام عليكم
ابتسامه على شفايفه وفرحه بعيونه وضحكه عاليه بقلبه ..وعليكم السلام
ماعرفت منين تبدا ظلت ساكته بس تكلم قبل ينقطع الخط وناداها ندا دافي بأسمها الي يستعذب ترديده ..نــــوف
رفعت راسها فوق تظن دمعتها تخاف من النزول من مكان عالي ماتدري ان الدموع ماتخاف من السقوط مهما علت المسافه وبهمس يمكن ماتبيه يسمع ..ســـ م
تنهد وطلع من صدره هوا بارد ..سم الله عدوك وش اخبارك
باصبعها خطفت عيونها ومسحتها .. الحمدلله بخير انـ تـ وشـ اخبـ اركـ
كم من الشوق لها اكتسحه وغلبه والعبارات بهاللحظه خانته ..انا عايش الدراسه ماخذه وقتي كله >>كان يطق بالقلم على الطاوله
..اللـه يوفقك انت اتصلت فيني قبل شوي ؟؟
يستمتع و فرحه عارمه وهي تكلمه كان يتمناها ترد ماحلم انها تتصل بنفسها .. أي من كم يوم وانا اتصل وماتردين انتي وينك الحين
..انا ببيت ابوي
..ليش مارحوا!!
..لا صار عندهم شغل واجلو سفرتهم
وصل للسؤال الي تعدى كل هالحواجز عشان يسمع جوابه منها ..وانتي
هي عارفه زين وش يرمي بسؤاله ..وش فيني ؟؟
..للحين مصره تروحين معهم
.. ماقدر اروح الابعد نهايةالدراسه مابي اضيع ترم يكفي الي ضاع مني
ضربته بالصميم تمنى انه ماسئلها ولاحاول يستفسر .. يعني بعد ماتنهي الدراسه بتروحين
سكتت ماتقدر تقول شي ..تسمعيني ؟؟
ابتسم وهو يتذكر سكوتها اذا شردت بشي "ردت ..اسمعك" اظن
قعد يرسم دوائر على الورقه الي قدامه تشبه الدوامه الي هو عايش فيها .. يعني بجي ولا اشوفك
ونة ونه بسيطه طلعت غصبا عنها .. عادي انت رحت وماشفتني
حذف القلم من يده الغرفه ظلمه زياده عن الظلام الي داخله .. مابي اضايقك بشوفتي وماحب اودعك
..نــــــــــــاصر
كانت حروف اسمه تطلع من فمها مثل الشهد بصوت هادي .. هــلا
تكلمت بهمس وبنبره خافته عساه مايلاحظ التفاصيل الباقيه .. لا تعذبني
عقد حواجبه وهزه لحن الالم الي تسرب لمسامعه وبصوت هــــــــــادي جدا ..انا اعذبك يانوف انا اتعذب لانك انتي تبيني اتعذب
كأن البرد الي يعيشه وصلها مع الجوال ارتعشت اوصالها .. ودي ارتاح واريحك بس ماني قادره سامحني
فهم مقصدها وانها تظن انها تنساه اذا ماصار بينهم اتصال ..انتي تبين تنسيني يانوف ؟؟
.. اتمنى" اتمنى انسى الجرح الي بقلبي يمكن لو انسى تلاقيني استناك
حس ببذرة امل انغرست بقلبه او شي يثبت حبها له .. استنيني يانوف وانا بعد الايام لين اشوفك انا شاريك وبايع الدنيا كلها
الى هنا وصلت اقصاها ماتحب تتكلم او ماتعرف توصف احساسها .. ارجوك خلاص ماعاد اقدر اتكلم اكثر
ابتسمت لخيبته فيها تعذبه بلطف وتعذب نفسها اكثر خلوقه حتى بتعذيبك يانوف .. على قد مايضايقك الكلام على قد مايريحني خصوصا وانا بعيد عن الناس الي افتح قلبي لهم على العموم ماحب اشوفك ضايقك بسكر الحين
.. تصبح على خير
وانتي بخير

خلصت المكالمه الي دارت بينهم والي طيرت النوم من عينه نتيجه مبهمه ماهي رافضته وواضح بكلامها حبها له وهالحب ماغفر له ذنب الي سواه
معادله معقده صعب حلها

............................................

خلص فهد شغله وهو بسيارته راجع لبيته يفكر بكلام نايف والصوره الجديده الي ظهر فيها مايحق له يعترض او يتكلم ويقول لعمه ومثل ماهو صعبه عليه الفكره اكيد صعب عل ساره هي بنت وضعيفه وامكانية رفضها اقل منه بكثير فتح تلفونه الي دق وهو بافكاره .. السلا عليكم
..وعليكم السلام هلا والله ياعمي
..فهد ياولدي بدون مقدمات انت حسبة ولدي وبغيتك بخدمه
انتخى ورد عليه بثقه ..ابشر طال عمرك امرني انا بخدمتك
..تسلم ياولدي هذا العشم فيك ابيك اليوم العصر تكون عندي ببيت نواف الله يرحمه
..خير طال عمرك عسى ماشر
..ماشر ياولدي بس يمكن نايف قالك عن زواجه وودي اغير اثاث البيت وابيك تتكفل بالموضوع
انلجم من الي سمعه هذا دليل واضح على رفض نايف للزواج ماحب يسئله عن نايف "اولا" لانه عارف الاجابه "ثانيا "لانه مايبي ابو نايف يفهم انه مايبي يخدمه .. ابشر متى تبي نبدا
..مافي وقت من اليوم ودي اغير الي اقدر عليه
..ان شالله اليوم العصر اجيك ونتفاهم
..على خير

........................................

رجعن من السوق بمده قصيره لان ساره ترفض حتى تدخل المحل مجرد تنفيذ لوعدها لنوف خصوصا هذي اول مره تطلع من البيت من ولاتها ونوف بعد مكالمتها لناصر تغير مزاجها ولانها ماتبي تتاخر على البيت دخلوا باشياء بسيطه مافي شي يساعد على التسوق والاختيار
كان ابو سلمان وام سلمان ونوره جالسين
.. ليش مارحتي معهم يانوره
.. ماقدر اخليكم بالبيت لحالكم انتي وعمي وميلاف ومتعب
..لورايحه معهم الشغاله بتهتم فينا انتي ماتطلعين من البيت يابنيتي
.. عادي ياخاله ان شالله اذا جا سلمان بروح
.. الله يرضى عليك يابنتي ويوفقك
..تسلمين ياخاله
ناظر لهم ابو سلمان الي كان سارح بوادي ثاني
.. ماقالك سلمان متى يجي
..قال اذا قدر باقرب وقت يجي
.. يجي بالسلامه ان شالله
.. انت قلت له عن زواج اخته
..اي شوارته هذي اخته ومن حقه يكون عنده علم وله كلمه
وخلال سوالفهم دخلن الاثنين وعلى وجه كل وحده منهم لوحه ارنسمت من الحزن وتلونت بالالم
..السلام عليكم
..وعليكم السلام مامداكم بسرعه رجعتوا
ساره وهي تنزل الشيله وتتوجه للغرفه .. وشلون يعني ننام هناك >> وقفت لغرفتها
جلست نوف .. ابد يمه بالغصب اخذت لها كم غرض وبعدين اصرت نرجع >>مدت يدها بشنطتها وطلعت باقي الفلوس.. وهذي فلوسها خليها معك
..وليش ماعطيتيها اياها بيدها
..لا يمه خليهم معك ساره متهوره ممكن تسوي أي شي والمبلغ ماهو بسيط
..نوف معها حق يام سلمان خليهم معك بتحتاجهم اكيد
..الله يهديها
قامت نوف تعدل عباتها الي مازالت لابستها سئلتها نوره ..وين يانوف تعشي معنا
..لا مالي نفس السواق برى بكره وراي جامعه
..ورى ماتقعدين عندنا دامنا هنا وزوجك مسافر
ابتسمت لامها .. ارتاح هناك اكثر
.. براحتك يمه
.. يالله تصبحون على خير
..وانتي بخير
.................................................. ...........

مرت هالكم يوم بدون أي تغيير ماعاد التعديل الي اتمه ابو نايف بالبيت طبعا بمساعة فهد الي ماكان راضي ابدا عن تصرفات نايف الي كان معتكف بشقته مايفارقها وقطع علاقته بكل الي حوله ماعدى ابوه لانه مجبر لان ماحد راح يهتم فيه غيره <<ماكان احد يدري بتعديل البيت الا ابو نايف وفهد >>

..انت وين تغط كل ماكلمك تقول لي مشغول
..صحيح انا مشغول
..بايش ؟؟
..سؤال وجيه بصراحه" اكيد بشغلي
فهد ضايق وصاير بين نارين xxxxx ولاهو عارف كيف يتصرف ومها كانت ملاحظه تغييره عليها بس ماتبي تستبق الامور ..طيب كلمت نايف ؟؟
بملل .. كلمتـــــه
.. وش قالك وش قلت له
.. مها ماتلاحظين ان اسئلتك سخيفه ومالها معنى وش بقوله يعني رجال ماهو عارف ياخذ قراره صح وبعدين انتي ماتتصلين الاعشان تتطمنين عليه عن طريقي
يمكن كلام فيه شي من المنطق لكن ماهو هذا الاسلوب الي يكلمها فيه ..............
..وش فيك ساكته ؟؟
دمعت عينها وتفشلت من نفسها ومن رده عليها .. وش اقول ؟؟
..مدري عنك ردي
..ماعندي شي اقوله
عصب وثاير وضايق من نفسه لانه كان سلبي وماصار عنده جراءه يوجه عمه ويقول له .. عندك بس اسئله تستجوبيني فيها
بكت ولاردت عليه .. مـــها
...........

توه لاحظ جفافه معها يوم حس انها تبكي .. مـــــــــها
اخيرا قدرت تردعليه ..نـــ عــــ ــــم
..وش فيــــــــــك انا ماقصدت ازعلك بســ ..
..خلاص فهد مع السلامه
..اسمعيني طيب
..مابي اسمع شي مع السلامه >> سكرت الجوال بوجهه
حك راسه بخيبه .. يالله انا وش سويت المفروض اذا عندي كلام اكلم الي يخصهم الموضوع مها مالها دخل

..................................................

قلت المطر . . قالت من اليـوم ديمـه
ما به رعد . . لا برق . . ما غير هتان
عشقٍ جمع مـا بيـن قـاعٍ وغيمـه
ينثر على صدر الثرى دمـع الأمـزان

يــــــــــــــــــــوم الاربــــــــعـــــــــــاء قبل العــــــــــــــصر

قبل موعدهم بيوم

دخل البيت فاضي ضحك .. الظاهر ماخذين قيلوله
تعدى الصاله لغرفته وفعلا مثل ماتوقع نايمه مثل الملاك ببراءه
.. صدقت اني مارجع للمغرب ولا ماكان نامت
قرب لسرير بنته وشافها ماده يدينها ونايمه بامان حبها وتركها ماحب ينكد عليها نومتها رجع لنوره وجلس بشويش على طرف السرير وطلع من جيبه ورد حمرا لعب فيها على شعرها لكن ماحست قرب ونزل راسه لها وحط فمه عند اذنها وهمس ..نوره
بسرعه بدت علامات على وجهها يوم حست بانفاسه قريبه منها حركت راسها شوي للجهه الثانيه وفتحت عيونها ولفت لجهته وشافته قدامها وعلى وجهه ابتسامة شوق .. مساء الخير >> ردت له الابتسامه باحلى منها وهي على وضعها
.. مساء النور الحمدلله على سلامتك >> كانت تبي ترفع جسمها لكن مسك كتفها ومد لها الورده
..الله يسلمك اشتقت لك
اخذتها من يده وشمتها .. وانا اكثـــر
مد جسمه جنبها وركي يده على الوساده الي تبعثر عليها شعرها .. اشــــوف الحلو مكسل<< وهو يداعب شعرها
.. البارح ميلاف تعبت شوي وخفت عليها ماقدرت انام
التفت بسرعه وراه ..ليش وش فيها ؟؟
مسكت كتفه بحنان .. لاتخاف صارت زينه بس الظاهر اشتاقت لابوها بس انت ماقلت بتجي المغرب!!
غمز بعينه لها ..بس هي الي اشتاقت لي
حمر وجهها وهي تشوف نظراته.. ماقلت لي ليش جاي من بدري
..عارف لو قلت لكم باجي بهالوقت ماراح تقرون قلت خلهم يرتاحون لين اطب عليهم
عظت طرف شفتها يوم حب خدها .. اقوم اجهز لك ملابس عشان تتسبح
.. لا اجلسي نظيف الا اذا انتي قرفانه مني
ولع وجهها ولاردت عليه قرب لها اكثر ,,,,,,,,,,,,,,,,,,,,,,

.................................................. .

في بيت نــــــاصر

.مقابلها ابو زوجها وامه على الطاوله ومنزله راسها وماسكه قطعة الخبز بيدها حس فيها ابو ناصر
..ليش ماتاكلين يابوك ؟؟
رفعت راسها له .. قاعده اكل ياعمي
.. والله يابو ناصر عجزتني وانا اقول لها بس الله يصلحها ماترد مضيعه عمرها بين الدراسه وبين زواج اختها وناسيه نفسها
.. لايابوك لازام تاكلين وتهتمين بصحتك وكل شي يجي بعدين
..المفروض تشوفين نفسك عشان اذا جا زوجك يشوف زوجته احلى من هالشقر الي يشوفهن كل يوم
ضحكت ...هههههههههه بس عشان كذا
..لا والله يابنتي انتي تهميني مثله واشوفك ناحفه ووجهك متغير " اقول نوف << قربت لها وكلمتها بصوت واطي .. ما في شي بالطريق
طاح الي بيدها وتكركبت .. هـاه لا ياخاله وشلون
حركت يدها باستفهام ..وش الي وشلون ؟؟
تلخبطت زياده كانت راح تنفظح ..اايعني ناصر مسافر
ضحكت عليها وهزت راسها وطت صوتها زياده .. الحمل مايبان من البدايه يبي له شهر وزياه عشان يبين
.. لا لا ياخاله انا متاكده
رفعت يديها فوق ..يارب تبلغني بعيال وليدي واشيلهم مثل ماشلته
كسرت قلبها اللهفه والرجا الصادق الي بصوتها ونظراتها مسكت يدها ..الله كريم
..تدرين يانوف ناصر يحب الاطفال حيل وكان يتمنى الله يرزقه باخو او اخت لكن يوم كبرت كان دايم يقول اتمنى يصير عندي عيال مليت من حياة الهدوءو كان دايم ينبسط وهو يلعب مع عيال عمامه الصغار ويستمتع بالوقت وهو يشيلهم ويلاعبهم
جازت لها السوالف عنه اشياء اول مره تكتشفها عنه .. مع اني عمري ماحسيت انه يهتم بهالاشياء
استرسلت بحماس .. أي يايمه ناصر كتوم صعب تعرفين وش يحب او يكره يعني اذا انتي ماحاولتي تستكشفينه ماراح تفهمينه

.. لكم ساعه تتساسرون وناسين اني موجود
.. اسفين ياعمي بس نسيت نفسي سوالف خالتي ماتنمل
..وه يابو ناصر سوالف حريم
.. وسوالف الحريم ماتخلص مليت وانا استناكم تخلصون
.. اقول عمي وش رايك بكاس عصير انا مسويته
.. ماقدر اعارض مادامه من هاليدين الحلوه
..يحلي ايامك انا رايحه اجيبه
قامت تجيب العصير ناظر ابوناصر لزوجته ..بصراحه عرفتي تختارين
..عشان تعرف قيمتي وان نظرتي بالناس ماتخيب
.. اقول كنك صدقتي عمرك مو انتي الي كنتي تبين بنت اختك
بجديه ..لا يابو ناصر هو الي كان يبيها ومابغيت ازعله وصدقني فرحت يوم تزوجت " بس ياخوفي تضيع نوف من يده
..ليش انتي شايفه على حياتهم خطر
..حياتهم بتدمرها المكابره هو عنيد وهي اعند منه
..بس لو الله يرزقهم وتحمل
..الله يسمع منك يمكن يقرون وتطيح هالشياطين الي بروسهم
..ههههههه اسكتي البنت جت لاتسمعك

2 - 1 - 2015, 03:23 PM

..هاه ان شالله حصلتي شي
..والله يمه حصلت ولاحصلت
..وهذا لغز تبيني احله
..لا مو لغز بس ثلاث ارباع الوظايف مطلوب شهادة انجليزي او كمبيوتر وانا ماعندي
..طيب ادرسي انتي تدورين وظيفه مو لانك محتاجه الراتب بس لانك محتاجه تملين وقت فراغك
..اي يمه بصراحه مليت من الفراغ
.. اقول هدى ابوك يقول ان ولد عمك طلب يردك
.. لا الله يخليك يمه مابي ارجع لجهنم برجليني
.. انا ما ابيك ترجعين له بس خايفه انك للحين تفكرين بناصر
نزلت الملف الي بيدها جنبها ..صدقيني يمه ناصر ماعدت اعتبره الا ولد خالتي وبس
..ودي اصدقك
..صدقي يمه الي بينا انتهى على يد نوف
.. لاتحقدين عليها والله البنت طيبه وتنحب بعدين مالها ذنب بالي صار بينكم
.. بالعكس اتمنى انها تسامحني او اسوي شي يريح ضميري من ناحيتها
..الله يهديك ويكملك بعقلك

.................................................. ...........

استلقت على ظهرها وخذفت دمعه على خدها تشعر ان خدها احترق من لهب حرارتها مسحت بيدها على راسها وعلقت عيونها فوق و شريط من الذكريات يدور بخيالها وايام حلوه ومره تسترجعها بذهنها وشلون بيوم كانت خاليه مايعرف الحزن لها طريق وفجئه غدرتها الايام وخذلها الحظ
وشلون الانسان الي كرهته بدون ذنب بس لانه كان سبب بالم نوف باقي ليله ويصير زوجها وشلون بيوم من الايام وافقت على اخوه لعله تقدر بطريقه اواخرى تدمره لكن نواف قطع عليها الطريق وشلون العام مثل هالايام كانت طفله همها لعبها ووناستها وهالسنه صارت ارمله وام لطفل علشانه بتتزوج انسان تكرهه وافكار وافكار تدور برسها وكل فكره تغرس بقلبها حسره قعدت ومدت وحده من رجولها والثانيه ثانيتها وراصه ذقنها عليها انتبهت للدق على الباب .. ادخل
دربكه عند الباب انفتح بصعوبه عرفت انها امها وقامت بسرعه فتحته .. مسا الخير يمه
مساء النور يمه ليه متعبه نفسك وجايه كان ناديتيني واجيك >>
صارت وراها ودفعتها لكن قبل تدخل .. مخنوقه >>تكلمت وهي تتنهد وتتنفس بسرعه
وقفت وسئلتها ..ليش يمه يوجعك شي
..يوجعني قلبي
جلست قريب من رجليها ..سلامتك يالغاليه الحين البس عباتي ونوديك للمستشفى >>وهي تقوم مسكت يدها
..تعالي ياساره قلبي مايوجعني من الالم
استغربت تقول كلام غريب ..اجل من ايش ؟؟
..يوجعني من الخوف
زاد استغرابها مسكت يديها .. علميني يمه قولي لي
انبح صوتها .. يايمه اناطول النهار بالبيت نوره مشغوله ببنتها وانتي حابسه نفسك بالغرفه وانا خايفه عليك
ابتسمت لها ..لاتخافين بنتك قويه << كانت تبي تطمنها عليها لكن حست انها ماتاثرت
..يمه انتي تعبانه
دمعت عيونها.. زياده على الضيقه الي فيني ......
..اي يمه كملي انا اسمعك
.. سلمان تأخر
ابتسمت لها وهزت راسها .. اها السالفه فيها سلمان وانا احسبك تحاتيني
..يابنيتي انتي عندي وتحت نظري وخايفه عليك بس هو ماسك هالطريق رايح جاي واخاف عليه لا تلوميني ياساره قلبي ماعاد يتحمل
عذرت خوفها وقلقها الخوف يهددهم ..ان شالله بعد شوي تشوفينه داخل عليك
..ان شالله بس حتى جواله مسكر ماقدرت اكلمه

..من الي جواله مسكر؟؟
التفتو له وهو طالع من غرفته ونوره شايله بنتها وتتبعه
فرحت بشوفته واعلان واجهها ابتسامه صادقه على شفايفها ونظره حانيه بعيونها .. هلا ياوليدي هلا يانظر عيني ليش تاخرت يمه
وهو يقرب لها ويبوس راسها .. شوي شوي يام سلمان ااكلتيني
حطت يدها على شعره .. خفت عليك يمه <<وبكت
جلس نص جلسه قدام كرسيها .. ليش الدموع يمه هذا انا شوفيني قدامك
حقدت ساره عليه ..الحين ضيقت الصدر لي والاحضان لسلوم
رفع راسه لها .. ياشين الي يغارون >> التفت لامه ..اشتقتي لي يمه
.. اكيد اشتقت لك واذا قلبي غلبني اشيل بنتك اشم ريحتك فيها
.. وووووع من زين ريحته ولا من زين بنته" صحيح انت متى جيت ؟؟
..العصر
عتبت عليه امه ..من العصر ياسلمان وانا قاعده على اعصابي
..السموحه يمه بس جيت لقيتكم نايمين ودخلت غرفتي ومن التعب نمت وماحسيت بنفسي
.. حتى انتي يانوره بعد ماحسيتي بنفسك ؟؟
ناظرت لها وولع وجهها من الحيا .. ســــــــــااااااره وجع
..ليش زعلانه ماقلت شي
نهرتها امها .. خلاص ياساره ماعليه ياوليدي نوم العوافي اهم شي انك بخير
..الحين الاخ نايم بالعسل ومقعدك على اعصابك وانتي عادي عندك
..اقول انتي ماتعقلين ابدا
رفعت حواجبها واصدرت صوت بفمها .. لا
.. اقول سلمان يمه احنا لازام نروح معك المره الجايه انا مافيني شده احاتيك
.. ان شالله يمه انشالله بس نفتك من الاخت بنرجع
هالدقايق الي تناست فيها الحزن واسترقت لحظه ابتسامه من عمر الحزن لكن سرعان مانحلت في كاس اوجاعها وذابت داخله ورجع لها بطعنه قويه طلعت من غرفتها تركض ماتدري وين تروح بس لقت نفسها واقفه على عتبت الباب الداخلي
امضت مامضت تقلب دفاترها وتخاف من امتحان الايام الجايه

"""""""""""""""""""""""""""""""""""""""""""""" """"
اذا هيمن الضياع على المشاعر واستأسد الالم وطغى القهر فكيف ستكون الحياه وكيف هي الايام ومن اين سنبدا وكيف سننـــــــــــــــتهي

واذ لم نجد قلبا يحتمل ما نعاني لانه ملئ بهمومه واكتفى بجروحه وارتوى بآهآته فماهو السبيل واين هو الطريق والى اين المـــــــــــــــــــفر

يــــــ ــــــــــ ـــــ وم الــــــ خ مـــــــــيس

على كف الشقا نامت جروحي والألم سهران

يحطمني ...يبعثرني..وفي صحراك يرميني

الصاله الصغيره والتي تعتبر مفترق البيت انفتح بابها الظهر" دارت عيونها بابواب الغرف المغلقه وكل منها بداخله قلب لايشبه الاخر

بدون تفكير مشت للغرفه الي مواجهتها على طول" بردانه في عز حر الرياض متئلمه من المنظر الي راح تشوفه نزلت عبايتها على الكنب ودقت الباب وهي تعرف عز المعرفه وش راح تشوف بعيونها عندها استعداد تتحمل الي تشوفه لكن ماتترك اختها بهااليوم رسمت الف وضع ووضع تلاقيها عليه الا انها تكون مرتاحه تفكر كيف قضت ليلة البارح طرقت باصبعها طرقات صغيره ما كان لها صدى فتحت الباب وطلت براسها

لقتها جالسه على السرير وثانيه رجولها نص ثنيه ومنزله راسها على ركبها ناظرت لها بحسره ووقفت فترها تشوف وتتامل جسمها الي نحل بالشهور الاخيره قربت لها وهي تفكر وش راح تقولها وكيف تواسيها الكلام بهالمواقف يضيع والتعازي تتبخر والتهاني مالها مكان
جلست بجنبها على طرف السرير مدت يدها على خصلات من غرتها تناثرت على ظهر يدها ومررت يدها على باقي شعرها بحنان

حست بلمستها ورفعت راسها ببطئ عن ملامح جامده ماتحمل أي تعبير الالشحوب الي اكتستاهاغمضت عيونها كأنها تفكر تكلمت نوف ..ليش جالسه لحالك ؟؟
..مابي اشوف احد >>ورجعت لوضعها الاول
رصت على جبهتها تحاول ترفع راسها ..ارفعي راسك ياساره انا نوف ماني أي احد
وبدون ماترفع راسها .. خليني انسى شوي
زمت شفايفها تخدع شفايفها لعلهن يرسمن الابتسامه .. يعني انا الي بذكرك
ماسمعت ردها حطت يديها بحضنها تدور كلام تقوله لكن للاسف الكلام خذلها وتخلى عنها في عز حاجتها له
رفعت الثانيه راسها ويظهر انها تفكر هي بعد كلام .. مدري وشلون بتصير حياتي الجايه وش شايله لي الايام
انتبهت من شرودها ومسحت يدها نوف..كل خير ان شالله>> واستوطن الصمت بالغرفه الصغيره
.. احــ ـــم ساره اااا اليوم زاوجك مفروض تستعدين
التفت لها بسرعه كأنها اول مره تسمع هالخبر ..اسم الله عليك وش فيك !!
من حنجرتها اليابسه ارسلت لها نبرة اسى بسؤالها ..تتخيلين يانوف اقدراعيش باقي حياتي مثل الناس
مافهمت سؤالها .. وليش وش ناقصك ماتعيشين مثل الناس؟؟
فكت يديها الي طوقت رجولها وتربعت .. خايفه من الجاي ومنــ ... نايف
رفعت كل جسمها عندها وقابلتها وجلست مثلها .. وش الي يخوفك منه
..مدري احسه بعد يكرهني
.. ليش تفكرين كذا وليش يكرهك
حركت يدها تحاول تشرح تفاصيل الي تشعر فيه وعلى أي اساس جاها هالشعور ..اكيد هو مثلي مجبور ولا مافي رجال يتمنى يتزوج وحده كانت زوجة اخوه اكيد ابوه ضغط عليه عشان متعب
..مايقدر يغصبه الرجال ماينغصب
.. انتي يانوف ماتعرفين نواف الله يرحمه وش كثر كان يحبه واذا كان هو بعد يحبه نفس القدر صدقيني بيسوي أي شي عشان يتولى تربية ولده
.. والله مدري وش اقولك خلينا من هالكلام الحين طالبتك ياساره طلبه واذا لي خاطر عندك توافقين
وجهة نظرها لها تستفسر بنظرها عن طلبها ..خير
تمتم بكلام غير واضح قبل تفصح عن الي داخلها .. ااااا ابيك تقومين تتجهزين وانا بتصل على الكوافيره تجي تزينك
اظطربت وحست بمغص وهزت راسها وتراجعت ورى .لالالا كوافيره لا
.. عشاني هالمره تكفين ولا انا مالي خاطر عندك
ارتجفت من داجلها وبرقت عيونها .. لولا خاطرك ماكان هذا حالي ولولا خاطرك ماكان همي همين
وقفت وسحبتها معها .. متى تقتنعين اني نسيت وان الي ببالك صار ماضي
حطت يديها على وجهها .. بس انا مانسيت ولاراح انسى
.. بسألك سؤال انتي تتمنين اني اتطلق
بسرعه فكت يديها عن وجهه وبثقه .. لا طبعا
.. وتتوقعين اختك تفكر برجال ثاني وهي على ذمة رجال
.. انا عارفه بس احاسيسنا ماهي بكيفنا
.. الانسان القوي هو الي يسير قلبه مايسيره
.. يعني انتي قويتي على قلبك عشان تنسينه او تتناسيه او لانك تزوجتي ومحترمه زوجك
بدت تفقد صبرها من عناداختها بس حاولت تتماسك ..موانا الي سيرت قلبي هو الي انقاد بكيفه انتي تدرين اني قلب مال له بس الي ماتدرين عنه اني ماراح ابدل ناصر برجال العالم كلهم حتى بتفكيري
.. ماقدر اصير زوجه لانسان كرهته لانك انجرحتي بسبته ماقدر مااحتقر نفسي لاني رضيت فيه
..انتي ليش ماتبين تقتنعين اني نسيت
ملت من ترديد السالفه ولاوحده منهم قدرت تقنع الثانيه بوجهة نظرها كل وحده مصره على رايها .. طيب المطلوب مني الحين
.. قلت لك وش ابي منك ابيك تشيلين هالوساوس وتحاولين تنسين ولاتفكرين ببكره وتكلي على ربك وتقومين تصلين لك ركعتين وتجهزين نفسك
هزت راسها ونزلت دموعها ..ياليت يانوف ياليت اقدر ارتاح تعبت من التفكير تعبت من لوم نفسي مليت من الحياه لولا خوفي من الله وخوفي على هالولد ذبحت نفسي وارتحت وريحت
تالمت من الحاله الي وصلت لها .. استغفري ربك وبعدين انتي مانتي عاله على احد تبين تريحينه منك
اجهشت بشده وصارت ترفرف مثل اوراق الخريف الناشفه .. عاله عليه وعلى نفسي اكرهه وهو اكيد يكرهني
.. لاحول ولاقوة الابالله العلي العظيم قطعتي قلبي عليك ياساره وش بتسوي امي وهي تشوفك كذا
مسحت دموعها بسرعه مره بظهر يدها ومره بطرف اصابعها .. بسوي الي الي تبين " بس سامحيني مابي قلبك يشيل علي
حضنتها لقلبها وعانقت احزانها الكبيره ماقدرت توصل لها بالجمل يمكن نبض قلبها يوصل شعورها .. ماحد يحقد على نفسه
كانت راح تتكلم وتقول انا حاقده على نفسي لكن حطت نوف يدها على فمها تعفيها من هالجمله

صار النفس دخان والنار في زود
تسعر بجوفا مجمر الهم يكويه

الطرف الثاني

نــــــــــــايــــــــــف

وضعه كفيل بوصف حاله منسدح على الكنب ومرخي عيونه في رجاء منها انها ترحم حاله وتغفي لكن كانت محاولات فاشله جالس بصالة شقته
ومطفي انوارها وابوه بعد مارجع من صلاة الظهر دخل ينام لانه كان يتعب مع فهد بتغيير اثاث البيت

رجع لورى لكم شهر تذكر كلمه قالها نواف كان <<بخليه لعمه يربيه >> ظلت هالكلمه تدور براسه يحس ملابسه ضاقت فيه من هالذكرى الموجعه قعد بسرعه .. كنت حاس يانواف والله لاحرمها الراحه مثل ما حرمتك من تربية ولدك >>تنهد وهو يتذكر انه اذنب لان الموت والحياه بيد رب العالمين رغم انها كانت السبب ..استغفر الله العظيم >>ووسط هالافكار حس بأبوه يفتح النور .. ليش جالس بهالظلمه
.. سلامتك كنت احاول انام
يدري انه بمثل هاليوم ماراح ينام سبحان الله ناس يئرقها الفرح وناس يئرقها الضيق ونايف كان من النوع الثاني

صار ورى ظهره وظغط كتفه .. قم ياولدي نتوضا ونصلي ورانا شغل ودور لنا شهود

ارخى جفونه بقوه وحرك راسه .. سم طال عمرك >> وقــــام

..........................................

كانت بنفس البلاد ولاتبعد عنهم الا امتار ماحد قال لها عن مسافة كيلو مترات قليله ابوها ما يبيها تدري بوجوده ونايف يبعد عن كلامها الي راح يكون مثل السهم المسموم وهو مايبي احد يثنيي عزيمته

.. انا اخذت اجازه بعد اسبوع بتبدا وان شالله بنروح لجده
فرحانه لكن فرحه ناقصه .. مشكور ياعبدالله
.. العفو يالطيفه هذا حقك
سكتت ماتعودت تعتذر او تعترف بغلطها دائما تبرر لنفسها كانت ماتحبه يوصل اهله وامه خصوصا لانها كانت تلح عليه يتزوج عمرها ما حاولت تكسب وده ومحبته والى الان ماوصلت لمرحلة الاقرار بالذنب .. كلمت نايف
.. انتي لك مده تسئلين عنه تبين منه شي
.. لا مابي منه شي بس اشتقت له من ذاك اليوم ماشفته او كلمته رجع من جده ولاجا
.. طيب اتصلي عليه
هي تبي تعرف اخباره من بعيد بس هايبه لقأه .. هاه لا كلمته ولارد
.. طيب انا اليوم المغرب بشوف اذا كان فاضي يجي ويتعشى معنا
.. لالا خله اكيد مشغول بس يفضى بيجي
..غريبه تسئلين عنه ومانتي حريصه على شوفته بس ماعلي منك انا بعزمه
ماترك لها فرصه ترد احتارت بنفسها مشتاقه له وخايفه منه
قبل المغرب وفي غرفة فهد

مشغول عليها عندت ماتبي ترد عليه وهو ندمان من تصرفه ومستقل نفسه لان الغضب صار بوجهها ولاقدر يسوي شي الا انه يطلع حنقه عليها

وده يروح لملكة نايف لان ابوها طلب منه يكون شاهد بسس مو قبل لا يزول الزعل بينهم

حذف الجوال على السرير وقام يلبس ضايق لان اتصاله فيها صار ادمان النسبه له

شاف امه داخله عليه وبيدها البخور وتبتسم له لكن تغير وجهها وهي تشوفه مالبس .. ليه مالبست عمك اكيد ينتظرك
.. الحين بالبس ثوبي واطلع اصلي بالمسجد الي قريب من بيتهم وروح لهم على طول
.. بسرعه عشان ابخرك
.. مشكور يالغاليه
.. ان شالله ابخرك يوم عرسك
ابتسم ابتسامه صفرا .. ان شالله يمه
.. اقول فهد بكره لاتزوجت بتنساني؟؟
ترك ازارير ثوبه الي كان يسكرها وقرب لها .. ليش يمه تقولين كذا وشلون انساك ولا بدا شغل الحموات
..يعني من الحين خايف عليها مني و اني اضايقها بالبيت
.. حس امه ماهي طبيعيه ومتكدره من شي .. لا يمه امزح بس وش طرى عليك هالاسئله
.. ياخوفي انه ماهو مزح وبس
.. يمه وش فيك اليوم تعبانه تحسين بشي
.. لا تطمن عقلي معي للحين
قرب لها زياده يوم حسها تحور الكلام على كيفها .. حشاك يمه بس والله اقلقني كلامك وش طاري لك ها السالفه
.. مافيني شي بس خايفه تتغير على اذا تزوجت غيرك سواها
تاكد ان صاير شي امه ويعرفها تتاثر بقصص الي حولها وتصيطر على تفكيرها .. علميني يالغاليه وقولي وش لي خلاك تشكين ان فهد يخليك تحت أي ضغط
..انت الحين تقول كذا بس بعدين يتغير كل شي سالم كان يقول كذا
ابتسم يوم بدت تطلع الي بقلبها .. سالم من ؟؟
.. سالم جارنا
كتف يديه ووقف يستناها تكمل .. وش سوى سالم
.. من تزوج رمى امه بدار العجزه وامس سئلت جارتنا عنها قالت انها توفت بالدار ولا درى الابعد اسبوع لانهم يكلمونه ولا يرد
.. الله يرحمها بس يمكن امه ماهي بجمالك وشبابك واناقتك
تضايقت من مزحه .. يعني اذا الواحد امه شينه يرميها هذي امه جنته وناره
.. اكيد عشان ما تحرج زوجته لا زارنها صديقاتها
.. والله انا ضايقه فيني الدنيا وانت تنكت
..ههههههههههه سامحيني يالغاليه بس والله شي يضحك لان ولدها رماها تظنين اني برميك
.. والله جيل يخوف الحرمه تنسيه امه والحليب الي رضعه
قرب ورفع يدها وحب .. مو انا الي ارميك انت الاصل ياام فهد
حط عينه بعينها وقال ...

>> ماعاشت الي تنسيني حليب اميـ ابيع كلـ العذارى لاجلـ خاطرها<<

.. ايه اضحك على بهالكلام اصلا انت شاطر بس يالسوالف
...ههههههههه وش تبيني اسوي ماعرف الا اسولف
..ابيك تمم زواجك خلني افرح فيك
انفجر ضحك عليها امه احيانا تصير مثل الطفل ..هههههههههههههههههههههه والله ابتلشنا فيك خايفه اتغير عليك وتبيني اتزوج
نقدت على نفسها.. ايه ابي افرح فيك واشوف عيالك
..خلاص بس ماضمن نفسي يمكن تعجبني فكرة سالم واسوي مثله
.. فهيدان رح لعمك قبل مااكب هالبخور على راسك
.. والله تسوينها عجايز اخر زمن >
خطفت علبة العطر من التسريحه تبي ترميها عليه بسرعه اخذشماغه وراح يركض وهي تتبعه وتضحك على هباله
.................................................. ..............................

بعـــد صلاة المغرب

كان كل شي جاهز انتهت المزينه من مكياجها الناعم وبعده قدرت نوف تكمل معها لين لبست جلابيها بالوان فاتحه مع انها كانت معطيتها هيئه اكبر من عمرها لكن كان انعكاس الوانها على بشرتها زاد زهوتها

دق باب الغرفه ودق قلبها بسرعه وبعنف وقبل تبعد نوف متوجهه للباب .. نوف هو بياخذني اليوم
.. مدري بس خليني اشوف من عند الباب

..كان سلمان والدفتر بيده .. وين ساره ؟؟
.. داخل
.. طيب بعدي عني بعطيها الدفتر توقع
غصه وحزن ملى كيانها على اختها .. ماعليه سلمان عطني الدفتر واستنا هنا شوي
هز راسه بتفهم اخذت الدفتر ودخلت عليها " كانت واقفه بالغرفه وتفرك بيديها ومن شافت الدفتر تراجعت وراى تحاول تهرب وبصيغة رجاء وامنيه ان الارض تنشق وتبلعها ... نـــــــوف
مازالت تمشي لها تشوفها تلخبطت وكانها اوشكت على الوقوع نزلت الدفتر على السرير واسرعت لها ومن قربت لها نوف مسكت يدها حتى تستعيد توازنها كلمتها بنبره قريبه للزجر ماحبت هالضعف فيها ..ساره وش فيك خليك قويه
جلست على الكرسي تلهث .. منين اجيب القوه يانوف لاخر لحظه كنت اتمنى أي شي يوقف هالزواج
شدتها توقفها .. قومي وخليك قويه عشان نفسك وعشان ولدك
.. قلبي بيوقف بموت بموت
ماتدري منين جابت قوه وقفتها ومشتها لين وصلت للسرير ورفعت الدفتر لها .. وقعي خلاص ماعاد يمديك للهروب
ناظرت لها مده واخذت القلم ويديها ترتجف عجزت توقف القلم بين ايديها وهي تشوف اسمه وتوقيعه حضنت نوف الدفتر بشكل افقي بيدها اليسار ومسكت يد ساره باليمين وشدة يدها على القلم .. بسم الله
<<وقعت ساره تحت توقيع نايف وصارت زوجته شرعا >>
سكرت الدفتر وعطته سلمان ورجعت لها ولقتها على الاراض وظهرها على اطار السرير جلست عندها وقالت حروف طالما كررتها لكن ساره هي ساره صعب اقناعها بقناعتنا

.............................

.. مبروك وانا ابوك >> كان هذا ابو نايف الي انهى مهمته وارتاح
مايحس بهاللحظه باي شي الا احساس الانتقام .. الله يبارك فيك يبه
قام فهد لعيون الحاضرين ومد يده لنايف .. مبروك
وقف بوجهه وهو محرج منه لانه كشف عن شي من الي بقلبه وظغط كفه .. الله يبارك فيك
تكلم ابو نايف وهو الي معزم مايرجع للشرقيه لين يحط ساره وولدها ببيت نايف .. بعد اذنك يابوسلمان نايف بياخذ زوجته
.. براحتكم بس لو تخلون متعب الليله هنا
.. ماعندي مانع بس من يهتم فيه
.. خالته موجوده وهي بتنام هنا عشان تهتم فيه
نطق بكلمته الي استغرب الكل منها .. لا ياعمي لو سمحت خلها تجيبه معها
.. خلاص قلهم ياسلمان يجهزونه > قام سلمان ودخل البيت
.. انا ترخصون لي
.. وين يا بو نايف
.. بعد ساعه ونص طيارتي اانا راجع لجده
استغرب نايف منه متى حجز وليش ما قال له .. ليش ماقلت لي
.. هذا انا قلت لك > وقام قام نايف معه
.. وين رايح ؟؟
..بوصلك المطار
.. لا اقعد لين تاخذ زوجتك وتروح فهد بيوصلني
.. بس انت ماجهزت اغراضك
.. كل شي جاهز و شنطتي بدبة السياره مشينا يافهد >> وأشر بيده .. نشوفكم على خير
قام ابو سلمان وسلمان وودعوه وطلع نايف معه وهو يمشي .. طيب ليش ماتجلس هنا يومين بعد
.. ماقدر ياولدي انت بس لاتشيل همي فكر بنفسك وبالعيله الي صارت برقبتك >> وهو يمد يده لجيبه ..على فكره امسك مفتاح البيت
تنهد ومد يده واخذ المفتاح .. ان شالله
ودع ابوه ودخل داخل البيت وفهد طلع تعاقبت خطواتهم لكن ماحد منهم كلم الثاني

.......................................

المواضيع المتشابهه لموضوع: ليه عمري مالقى لبرده دفى الا دفاكي للكاتبه ذكرى نجديه لموضوع: ليه عمري مالقى لبرده دفى الا دفاكي للكاتبه ذكرى نجديه
الموضوع	كاتب الموضوع	المنتدى	مشاركات	آخر مشاركة
حسك تسرق التفكير من فكري و حسك كل عمري الجاي من عمري	همسه الشوق	همس عالم حواء	6	15 - 8 - 2021 04:59 AM
خاطره اما للجنة ثمن للكاتبه	همسة الشوق	همس الصوتيات و المرئيات الإسلامية	6	19 - 8 - 2015 01:16 PM
وحيده بها الدنيا	انيقه	همس عذب الكلام والخواطر المنقوله	4	25 - 1 - 2014 12:06 AM
اشتهي ان اسافر وحيده	رزمهہّ آوجآع	همس موبايلات الاندرويد	10	10 - 2 - 2013 11:51 AM
وحيده بدنيتي	صمت الجراح	همس عذب الكلام والخواطر المنقوله	6	11 - 11 - 2012 04:26 PM

الذين يشاهدون محتوى الموضوع الآن : 1 ( الأعضاء 0 والزوار 1)

الأعضاء الذين قاموا بتقييم هذا الموضوع : 0
لم يقوم أحد بتقييم هذا الموضوع

ليه عمري مالقى لبرده دفى الا دفاكي للكاتبه ذكرى نجديه

همس للقصص وحكايات وروايات