رواية الحب بعد فوات الاوان

18 - 1 - 2015, 10:23 AM

عبير:يمه ياويلي ياويلي جاء اكيد
حسام:اعصابك اللحين إلي كلمني يسال عن بيتي يعني مو هو
نزلوا كلهم إلا العروس بقى لها لبس الجزم والساعه واغراض بسيطه
جو أهل عمها عيسى ورامي جاء وكان وجه حززززززززززززززين بالمره وعيونه حمر لأنه مانام من القهر قهر زواج بنت عمه وعدم مبالاتها له وتفاؤلها على نفسها

عمها عيسى كان رايح للقصيم بيزور عمها ابراهيم لأنه شوي تعبااان
جت ابتسام ونوره طقت الباب:افتحي ياعروسه
عبير:هلااااااااااااااااااااااا بسومه اخبارك
ابتسام:انا زعلانه بجد من تفاولك على نفسك والله شكل ربي بيبلاك
عبير:انا كلمتك علطــــــــــول صح ولا لاااااا

عبير:اخبارك نوره عقب إلي انتي خابره
ابتسام :وشو مخبين على شئ
نوره:طيبه الحمدلله بخير مبروووووووووووووووووووك

عبير:الله يبارك فيك وعقبالكم

نوره:متى بتشوفين العريس
عبير:ماودي اشوفه بس ماقلت لكم وش حلمي
ابتسام:البنت فاضيه أحلام

عبير:اسمعي وانتي ساكته حلمت وانا بالمستشفى اني انزف وانا اركض بسرعه وبالزفه ثنتين سود يركضون حولي واقرب من العريس يبعد عني وبعدين يقرب مني واختفى انا ويطلعون مكاني توأم ولد وبنت يهبلون تتوقعون وش تفسيره

نوره :اتوقع وانتي تركضين بالزفه ان الزواج يتم بسرعه اتوقع والباقي عاد مادي

ابتسام:اقول لاتفكرين بالاحلام كثير
يدق الباب تجي مايا شغالتهم عبير:وش فيه مايا:جاء عريس مال انتا ماما يقول انزل تحت عبير:يوه انتي بومه ماتبشرين بخير

تطلع مايا
ونوره وابتسام ميتين ضحك على شكل عبير طالع الوان من خليط من الخجل والعصبيه والقهر والى الان مابانت مشاعرها بس هي ضحكت وقالت يالله ننزل

فوزيه وزينب انهبلوا من البيت قصر ولا فله ولا قلعه جنوا على البيت الى حتى ماشافوه بالمسلسلات ووالافلام
وهاذي شغاله جايه وهاذي رايحه والاثاث فخم

فوزيه شالت هم اخوها كيف بيقدر على مصاريف البنت الغنيه الوحيده المدللـــه الدلوعه كانو جالسين بالصاله الوسطى

فوزيه:اخبارك يام حسام

ام حسام:الحمدلله بخير والله الساعه المباركه إلي شفناكم وانتي اخبارك يازينب

زينب كانت تناظر فخامة السقف قالت بارتباك:هاه وش قلتي يام حسام
ام حسام ابتسمت وقالت بقلبها بجد عيال فقر مو شايفين خير الله يعينك ياعبور على مابلاك اخوك وابوك

عبير بالفستان الوردي زي فستان العروس بالضبط بس اللون يختلف والمكياج الناعم إلي مخليها جذابه بشكل ولشعر الاسود المرفوع شانيون

والابتسامه إلي تطير العقل

نزلت وبجنبها نوره بعد تهبل بس عبير طبعا احلى وابتسام طالعه زينه
زينب وفوزيه يشوفون عبير وهي تتمشي برقه ودلع

زينب بقلبها هاذي كيف عرفها اخوي غبيه ليش وافقت له((( ماتدري ان ابوعبير واخوها غاصبينها علشان مايخذها رامي لان عيسى ومحمد ابو عبير مقا

18 - 1 - 2015, 10:24 AM

زينب بقلبها هاذي كيف عرفها اخوي غبيه ليش وافقت له((( ماتدري ان ابوعبير واخوها غاصبينها علشان مايخذها رامي لان عيسى ومحمد ابو عبير مقاطعين بعض الرجال بس///// ولا الحريم يموتون في بعض))

جلسوا وسولفوا الحريم شوي وعبير مو باين عليها انها زعلانه هي تحب دايم تغطي زعلها بذات قدام الناس وعبير تسولف بطلاقه وتضحك ولا كانها عروس وبعد اليوم ملكتها

18 - 1 - 2015, 10:25 AM

وفي الساعه10 مساء و53دقيقه و35 ثانيه دق جوال عبير في نغمة انا مين عندي بعدك ناظرت عبير الجوال وانهبلت خافت وتناظر الكل وهي مرتبكه

18 - 1 - 2015, 10:25 AM

الجزء الثاني
راحت الدكتور لعبير
عبير بحماس:بشري يالدكتوره
الدكتوره بحزن:اتطمني ياستي كل شئ ماشي بالطرق الصحيحه
عبير صارخت بقوه وبفرحه ياهوووووووووه
الدكتوره:ودالواقتي حنعمل ايه لازم تنومي انا قلت لاهلك يجوا بكره وراحو
عبير بصوت عالي:نعم تخسين إلا انتي والله مانام وبعدين ليش خليتيهم يروحون
الدكتور:انتي بتخرفي بتقولي ايه ايه تخسي يعني بعصبيه انا دالوقتي حاقول لاهلك انك اقلتي لي تكذبي عليهم
علشان الجوازه المهببه دي
عبير باستهزئ:مابقى إلا انتي تتهددين روحي علميهم وانا واهلي راح نشتكي عليك ونقول انها خانت وظيفتها انتي قولي ووالله مايردك الا ديرتك
الدكتوره:كل الوجه البرئ ده لكن جواتك مصيبه كارثه اعمل خير بتلقى شر
عبير:اقووووووووووووول لايكثر بس ورخصيني بسرعه وراي دنيا ومشاوير
الدكتور :حرخص لك وامري لله بس بكره مش اليوم راحت الدكتوره وصكت الباب بقوه من القهر
عبير مستانسه يالله انا لعبت على الحبلين
وناسه قامت يااااااااااالله وش فيني انا احس اعضامي مهددوده احس اني مو على بعضي يالله ابشوف شكلي بالمرايه كيف صايره اكيد الكحل حايس وجهي قامت راحت للدورة المياه لكن طلع لها واحد من ورا الباب وسكر على فمها تبي تصارخ تحاول تضرب قال لها بصوت هادئ ومريح لاتخافين انا ولد عمك
وبعد يده من فمها بعد ماشافته باستغراااااب
عبير:انت وش تبي اليوم عالدرج واللحين في المستشفى ماتبت
رامي:سلامتك سلامتك ياعبير قلبي وروحي
عبير:ضربت يدها براسه هاي اصحى ترانا في السعوديه مو باوربا
رامي واثار الحزن عليه:ماتشوفين شر انا السبب صح صح
عبير:بوشو السبب
رامي:في مرضك لو ماشفتيني كان ماغمى عليك ولا جبناك للمستشفى ولا عرفنا وش فيك (نزلت الدموع من عينه
عبير:رامي تكفى اطلع برا لاني مو عارفه كيف اتصرف شكلي مرعب وانت معي

رامي:بالعكس شكلك جنان تاخذين العقل
عبير:خير انت مره تتاسف ومره حزين ومره تتغزل وش فيك انت
رامي:انا احبك من زمان وودي انا
قاطعته عبير :والي يحب كذا يسوي
رامي:خطبتك الف مره لكن ماحد عطاني وجه تكفين ياعبير خلينا نتزوج واعالجك
عبير بارتباك:اتعالج وين
رامي :بالقصيم
عبير:نعم
رامي: اكيد بالخارج اجل وين تبين
عبير:بالشرقيه اجل وين
رامي مات ضحك على استهبالها وقال تعالجي في الرياض
عبير:اطلع براااااااا لاجمع العالم عليك تراك مو محرم لي مدت يدها للشماغ رامي واخذتها وغطت وجهها وبينت بس عيونها قالت شكلك مطول
رامي:تراك إلا الان نتجنني واحلى من أول وبعدين تراك شوهتي سمعت البدو تطرديني
عبير:لاوالله انت إلي شوهت سمعتنا كيف تجي لبنت وما عليها لاغطوه ولا شئ وانت مو محرم لها
رامي:انا اسف طيب اقدر اكلمك بالجوال ترا معي رقمك
عبير مشت تبي تروح لدورة المياه مسك يدها رامي: وين رايح

18 - 1 - 2015, 10:26 AM

عبير مشت تبي تروح لدورة المياه مسك يدها رامي: وين رايحه
عبير مرتبكه تناظر جراتئه :صحيح سخيف اسمع والله لو تموت ماتحصل إلي تبيه ولا حتى تفكر اني راح اتزوجك ياسااااااااذج
زادت مسكته ليدها عبير عطته كف باقوى ماعندها فجئئاه تجي الدكتوره وتشوف الكف
الدكتوره:انتوا بتعملو ايه
عبير:وش دخلك لايكون مستشفى ابوك وانا مادري
رامي استغرب من اهانتها له وعطته الكف إلي عمره ماراح ينساه
الدكتوره طلعت مقهوره
رامي:اشوفك على خير يابنت العم
وراح لكن وصل عند الباب وتذكر شماغه
رامي :عطيني شماغي
مد يده بكل هدؤ واخذها
عبير:بعد مانكشف وجهها وبعد ماوصل عند الباب قالت بكل هدؤ :للاسف يارامي( وقف رامي وناظر وراه) انك وولد عمي انا اليوم قاعده افكر فيك واقول انك فارس احلامي بس ماتوقعتك كذا طحت من عيني يارامي طحت من عيني (وهي تبكي
رامي بتوسل:وش تبيني اسوي علشان نرجع لبعض علشان ارجع لعينك ولا اطيح مره ثانيه
عبير:إلي يطلع جبل ويطيح من اعلاه ممكن يعيش و يرجع له ويطلع مره ثانيه لكن إلي يطيح من عيني مستحيل يرجع ومستحيل ارضى عليه وبذات انت لانك سويت شئ مستحيل ولد عم يسوي لبنت عمه مستحييييييييييييييييييييييييييل
رامي:انا بدعي لك بالشفاء العاجل انشالله
وطلع وهو حزين
عبير راحت للسرير وتبكي بقوه اخ اخ انا وش سويت كيف اضربه واسبه كيف وهو خايف على وظلت تبكي الى نامت
في الغرفه الثانيه وتحديدا في اللممر الثاني للغرفة نوره
كانت فيه ابتسام ونوره جالسات يبكون
نوره:حرام ماتستاهلين يعبير انا بنجن بموت كيف صار لها المرض هاذا
ابتسام:هاذي لعبة الاقدار ماتعرفينها ولا اختي بسمه كيف ماتت وهي توأمئ
الممرضه ساره :طيب شلون ماتت
ابتسام:قصه طويله ومحزنه
ساره: وانا كلي اذاننا صاغيه
ابتسام:هاذا يوم في الايام قلت بطلع لاستراحه علشان نجاحنا اتفقنا انا واختي بسمه هالمره بس نفترق كل وحده بسياره لان عمرنا مافترقنا بالفصل كنا سواء وفي البيت بعد والروحات واللجيات مانفترق حتى ننام سواء ونقوم سواء ناكل مع بعض كنا بعد نتشابه نسخه من بعض حتى المدرسات يغلطون في اسامينا ويستعربون كيف اهلي يفرقون بيناافترقنا بالسيارات هي راحت مع السايق واخوي الصغير إلي عمره15 سنه كانوا يمشون قدامنا بالسياره وكل دقيقه نشوف بعض ونضحك وحركات اخر حركه سوتها هي باست يدها ونفختها في الهواء علشان توصلني وبعده(تبكي)وتسكت

وبعده مشت شاحنه بسرعه وصدمت السياره إلي راكبينها انقلبت السياره تقريبا خمس قلبات وتصير السياره كانها لعبه او قوطي بعده وقفوا السياره اهلي ونزلو كلهم إلا انا بس اتذكر بوستها الطايره في الهواء وضحكاتها إلي ماليه على دنيتي كانت تحب الضحك تنكت كثير ماليه البيت سعاده علينا

18 - 1 - 2015, 10:51 AM

يعطيك ربي العافية

18 - 1 - 2015, 11:29 AM

اخذت شهرين وانا ماضحك ولا اتكلم ولا حتى ابكي الدكاتره استغربوا من حالتي كانت حالة نادره غريبه اغلب الدكاتره فالوا مايعرفون وش العلاج لكن بالتهايه ودوني للطبيب نفسي وقال خلوها تتذكر الماضي علشان تعيش ودوها لاماكن مريحه حتى تخف لكني بيوم من الايام طاح على معلاق الملابس(الشماعه) وراحت النفسيه والهدؤ وقمت في كابوس مرعب في الغرفه سرير واحد بدال السريرين الصور مز موجوده طاولة الكتب حقت بسمه وينها ابتسامتها ضحكتها إلي دوم انزعج منها اليوم ابيها واصارخ باعلى صوت بسمه ابي بسمه تجي نوره تصارخ يماه يماه يمه تعالي ابتسام تكلمت تي الام طايره فرح وتحضن ابتسام ابتسام لا انا ابي بسمه ابي بسمه الام:الله اخذ مني وحده مابي ياخذك بعد
ابتسام:طيب بسمه وينها
الام:بسمه واعبدالمجيد راحو هم السابقون ونحن الالحقون
ابتسام:لاااااااااااااااااااااااا وتبكي
ساره:اسفه حزنت فيك
ابتسام:لا عادي أحسن فضفضت لك وبعدين احس ان كل الايام إلي عشتها معها كان خيااااال لاني الى اليوم مو مصدقه انا بنفترق الى الابد
نوره :الله يرحمها

أهل عبير
ام حسام:قاعده تبكي وهي تقول لبو حسام القصه
ابو حسام:طيب كيف صار لها المرض والاب انا لله وانا اليه راجعون وحاط يده على رأسه ولا عادل إلي بغرفة عبير قاعد يبكي لا انشالله ماتخلينا كيف تموتين لا يارب يارب خلها تعيش وقبل ماتموت هي موتني انا يااااااااااااااااارب
حسام عرف بالسالفه وحزن وطلع برا البيت وراح مكان بعيد عن الناس معقول عبير يصير لها هالمرض لا ياااااااارب عسى اقوم من الحلم او الكابوس المزعج يااااااااااااااارب لا

عبير
شافت نفسها بالحلم تنزف من غير العريس وهي تمشي علشان تروح للكوشه بجنبها ثنتين سود لابسين زي فستانها الابيض ويركضون حولها والكل يمدح بزواجها لكنها تشوف العريس وتحاول تقرب له لكن هو يبعد عنها وجاء لها يبي ياخذها اختفت من المكان والعريس يكي بالم وبنفس المكان لقيت ولد وبنت تؤامقامت من النوم بصراااااااااااخ وضربت جرس إلي لطوارئ جوا الممرضات:نعم فيه شئ
عبير:ابي ماء
الممرضه:خوذي المويا
عبير:بسم الله وش هالحلم يمه شكلها حوبة هالدكتوره وهالرامي ودي اعتذر له حرام مايستاهل ايه إلا ابعتذر اقوله بس اسفه يعني وش بيصير عادي هو جاء وقال إلي ماينقال بس ضربته حرام بجد انا مو بنت انا مسترجله وش سويت باهلي امس وش سويت يولد عمي ايهانا ماخطيت اهلي هم إلي بيزوجوني غصب اماولد عمي هو تطاول على جاني ولمس يدي حراااااام وليش انا اعتذر يخسى إلا هو

18 - 1 - 2015, 11:32 AM

يطقون الباب عليها
عبير:ادخل
عادل:صباح الخير اختي الغاليه ومعه بوكيت ورد جوري احمر على عنابي إلي تحبه
عبير:واو عطنياه
عادل يضحك:اكيد بعطيكياه اجل لمين بجد فشلتينا مو شايفه خير
عبير:يالله تهبل ريحتها تجنن
وحسام وراه وبعد معه بوكيت الجوري وعيونه حمراء من السهر بتفكيره باخته:سلم على اخته ماتشوفين شر يابعد هلي
عبير مستغربه والله المرض جاب نتيجه وخلا إلي مايحسون يحسون:اهلا حسام اخبارك ووش الطارئ على التغزل من صباح الله خير
حسام:اخو ويدلع اخته وش فيها وانتي تستاهلين كل خير
عبير تبي تاثر فيه:ولا علشاني قربت اموت صح
عادل:حرام عليك بصوت مبحوح من الحزن
حسام:لا انشالله يومي قبل يومك
عبير :والملكه وش صار فيها
حسام:ماراح اغصبك على شئ
عبير فرحت :والله
ودخلو ابوها وامها وهم يشوفون الفرحه بوجهها
ابو عبير:انشالله الفرحه دوم مويوم
ام عبير:يسلمون اخبارك ماتشوفين شر وتبكي
عبير:لا يمه لاتبكين ترا اصيح
ابو حسام باين نفسيته متاثر بلحييييييييييييييل
وعادل لبس نظارته السوداء علشان يخفي حزنه
عبير:يبه يمه مابي اتزوج
ابو حسام:براحتك
استانست عبير طارت من الفرح مرضها جاب نتيجه وما اكتملت فرحتها جات الدكتوره
الدكتوره:خلاص خلص السناريو بتاعك ياحاج اسمع دي البنت اجبرتني امس اقول لكم ان فيها مرض خبيث علشان ماتجوزوها الواد المهبب وهي مافيهاش إلا العافيه بس فقر دم عندها وانا متاسفه
عبيرتبي تنحاش ماتدري كيف تبي تطلع ماتدري شلون نزلت من السرير تناظر اهلها كذابه لاتصدقونها
عادل اخوها عطاها كف بقوه من قوه طاحت على الارض الاب ضربها وحسام والام جنت
حسام يضرب ويقول والله ان تتزوجينه الاسبوع الجاي غصبن عليك يالحيوانه والكل عزم انه يزوجونها من الولد إلي انقذها بالانش في البحر إلي اسمه عمران

18 - 1 - 2015, 11:35 AM

الجزء الثالت
طلعوا من المستشفى ووقفت عبير فجئئاه قالت والله ماخلي هالدكتوره بحالها لازم انتقم منها بجد حيوانه(وهي منتهيه من البكاء
رجعت وقالت لابوها:يبه وش بتسوون في الدكتوره
ابو حسام:انتي اسكتي ولا كلمه ياللي تتفاول على نفسها حنا اخذنا الثار منك وبكره يجي دور الدكتوره انشالله وصلو السياره
حسام وهو في السياره
حسام:يبه انا اشتكيت ضد الدكتوره لكن قالوا ان عبير هي السبب لانها استعطفت الدكتوره كثير بدموع التماسيح
عادل سااااااااااااااااااااااااكت(صحيح فرحان لكن ليش تتفاول عبير على نفسها ويفكر بعقلها الصغير متى بيكبر
ام حسام:الحمدلله عبير مافيها شئ مانبي نشتكي على احد
ابو حسام:وش يضمن لنا انه ماراح يجيلها هالمرض من تفاولها البايخ
عادل:لا والكل امس محزن على حالها اهل عمي
ام حسام:واعلي عليه هالمسكين ولد عمها رامي الي طول الوقت دمعته مافارقك عينه
عبير اول ماسمعت طارى رامي فز قلبها
ابو حسام بعصبيه:عبير ماتاخذ الا مروان
عبير:وش معنى مروان ليش هو بذات
حسام:حنا نعرف الرجال ونعرف اصله صحيح انه مو من عايله غنيه ولا بيتهم حلو ولا حتى شكله بعد حلو الا انه رجااااااااااااال
عبير:لا ليش وانت مفتكرني بتزوج حرمه اكيد رجال بس غير هاذا قالو ايش لاشكل ولا مظهر ولا حتى زي حالنا مابيه
ابو حسام:ومين قالك انا بناخذ رايك
عبير بعصبيه:ومين الي بيتزوج انا ولا انت
ابو حسام واصل للأتش(معصب):والله لو اني مو بالسياره كان وريتك الشغل والملكه الاسبوع الجاي غصبن عليك وتقضي من اللحين زين
عبير بحزن:زين
ام حسام:اذكروا الله ياناس وش فيكم انتو
وصلوا البيت

في مكاااااااااااااااان بعيد في قريه بالقصيم///

كانت تسكن عائلة مروان ومروان صديق الطفوله لحسام مواصفته شكل رجال مافيه جمال ولا هو قبيح عائله فقيره بقريه مايوجد فيها الا بيتهم بيتهم طيني متهالك مافيه مساجد ولا مطاعم في هاذي القريه

ابوه وامه متوفين
عنده اختين وحده اسمها زينب عمرها 21 طبعا شين وعصبيه دائم يمكن لانها تقارن نفسها بالبنات الي في مدرستها المدرسه الي في الرس
والاخت الثانيه فوزيه طيبه حبوبه ماتشوف المظاهر ولا تهتم لها وجمالهم عااااااادي وعمرها25 ويتمنون زواج اخوهم لانه كثير متسلط عليهم واخلاقه شينه مع خواته يمكن لانه حاس بضغوط من ناحيه الصرفيه والمسؤليه

دخل عمران الصاله وخواته يتابعون التلفزون:السلام
خواته:هلا والله

فوزيه:خذ القهوه
عمران:تسلمين
زينب: ماردو لك إلي خطبتها
عمران:إلا الملكه يوم الخميس
تفاجؤؤ البنات:يعني بعد بكره
عمران :ليش يعني مانتوا مسافرات معي
زينب :طيب كيف ماتجهزنا لملكتك طيب باستراحه ولا وين
عمران:في بيتهم بتروحون ولا لا
فوزيه:وش دعوه اكيد بنروح
زينب :فشيله ونروح باي لبس
فوزيه:انشا�

18 - 1 - 2015, 11:36 AM

زينب :فشيله ونروح باي لبس
فوزيه:انشالله الله بيحلها لكن ماقلت لي ياخوي كيف المهر بنجهزه والقصر لا والناس الهايهاي ماتبي إلا فندق
عمران:حسام:قال لي انه بيضبط كل شي
زينب:مين حسام
فوزيه: اخو العروسه يالمطفوقه
عمران:خلاص تجهزوا لاني السفره انشالله لرياض بكره
زينب وفوزيه:خلاص اوكي

وبعيد عن الناس هناك واحد مسوي نفسه روميو زمانه معاه صورة وقاعد يتاملها عرفتوه هاذا رامي

معاه صورة بنت شكلها رقيق اسلوبها مو يم سالفه(يعني ماعندها اسلوب)

يشوف صورته هو وياها واخته ابتسام ونوره وواحد من عيال عمهم اسمه خالد متزوج وله بنت
يتامل الصوره :اخخخخخخخخخخ معقوله ياعبير انتي فيك هاذا المرض اخ ياليتني اخذ هالمرض وانتي تعيشين بسلام يارب قبل ماتموتين اموت انا وتدمع دمعه من عينه وعلى طول مسحها لان الباب يطق /ادخلي يانوره بسرعه واتركي عنك الطق إلي ماله داعي
نوره تدخل متفجئه:وش دراك انه انا
رامي:لان ماحد يطق الباب غيرك وبعدين طقيه بشوي شوي يالدفشه
تناظر نوره الصوره: وش ذي الصوره
رامي بارتباك:هاه لا وشو

قاطعته :هاتها بس
رامي:لا وش تبين فيها وبعدين انتي توك راجعه من المستشفى روحي ارتاحي
اخذت الصوره وانهبلت:انت تحب عبير يارامي
رامي:بخجل ايه
نوره:بس مو معناته انك تاخذ صورتها
رامي:اخذ الصوره ويبي يضيع الموضوع بصراحه انتي وش فيه اغمى عليك ذاك اليوم
نوره بحزن ساااااااكته
رامي :بس انا مادري سبب انهيارك العصبي وشو تدرين اني من قبل سنتين كنت في اوربا ولا ادري وش سالفتك واهلي مارضوا يقولون لي
نوره سااااكته تنزل دمعه حاره منها
رامي:انا اخوك الكبير ان ماقلتي لي مين تقولين له ؟؟؟ ااااه انتي تورطتي مع واحد طلعتي معه
نوره بعصبيه:اسكت ولا كلمه لاتناظر الناس بعين طبعك وبجد سفرتك لاوربا غيرتك ولا فيه احد مايثق في اخته

رامي:طيب قولي لي ومهما صارت حجم المصيبه راح اتحملها

نوره:بس انا ماقدر اتحمل ماقدر وتبيكي

رامي:هدي اعصابك ترا الدنيا ماتستاهل وانا بس خايف عليك

نوره هدت:خلاص ابقولك لاني ترا ماقلت إلا لابتسام اختي

نوره تتكلم باسى وتكشر(تعبس)كانها رجعت للماضي وتناظر الدنيا بخوووف ورعب:قبل سنتين كنت رايحه للكوفيرا انا الحالي مامعي احد طبعا عقب ماخذت الاذن من اهلي رحت للتلفون قبل ماروح كلمتهم الكوفيرا قلت بجي اصبغ واضبط حالي قالت الكوفيرا :بيجي معك احد
قلت:لا
والدنيا ذاك اليوم فاضيه مافيه ادمي بشارع ولا بنت كان جو اختبارات والدنيا برد طلعت من البيت ورايحه للكوفيرا مشيت ومن شدت الهواء الغطوه كم مره تجي بتطيح /و الشارع فاضي والله ولا احد شفت كانت الساعه 8 الليل بس المحلات مفتوحه دقيت جرس الكوفيرا مين؟؟
انا نوره
تفضلي
زاد فضلك
دخلت قسم الكوفيرا الكبير المرعب واكثر شي ارعبني الن

المواضيع المتشابهه لموضوع: رواية الحب بعد فوات الاوان لموضوع: رواية الحب بعد فوات الاوان
الموضوع	كاتب الموضوع	المنتدى	مشاركات	آخر مشاركة
سارع بتقبيل حبيبتك قبل فوات الاوان	ناطق العبيدي	همس المواضيع العامة	4	25 - 4 - 2024 12:13 AM
رواية باع الحب وتركني	سجات التهاويل	همس للقصص وحكايات وروايات	22	8 - 6 - 2018 12:58 PM
فورد فيجو 2016 الجديدة بثلاث فئات بثلاث فئات	همسه الشوق	همس للسيارات والدراجات الناريه	6	10 - 12 - 2015 02:43 PM
متى ستعرف حبيبى كم اهواك بعد رحيلى ام بعد فوات الاوان	جوهرة بغداد	همس عذب الكلام والخواطر المنقوله	12	16 - 1 - 2015 01:05 AM
تحذير عاجل لكل من يملك بريد على الياهو و الهوتميل ادخل بسرعة قبل فوات الاوان	الحب ياسمين	همس البرامج المشروحه هنا	14	20 - 2 - 2014 05:53 PM

الذين يشاهدون محتوى الموضوع الآن : 3 ( الأعضاء 0 والزوار 3)

الأعضاء الذين قاموا بتقييم هذا الموضوع : 0
لم يقوم أحد بتقييم هذا الموضوع

رواية الحب بعد فوات الاوان

همس للقصص وحكايات وروايات