رواية انجبرت فيك وماتوقعت حبك و موت فيك

21 - 1 - 2015, 05:21 PM

.. عند الصالون ..

سعود: أول ما تخلصون عطوني ألوو أوكي بطرش لكم السايق لأني بروح للرياييل وما راح يمديني

رنيم ودلال وهم يهزون راسهم : أوكــي

سعود وهو يبتسم: يلاا قلبوا ويهكم

دلال: هههههههههه أوكـي باي

سعود : باي

.. طلعت دلاال وسكرت الباب .. يات رنيم بتطلع بس وقفتها يد سعود ..

سعود وهو متردد من إلي راح يسويــه: اليوم راح يكون يومنه يا رنيم

رنيم بتوتر وخجل: إن شاء الله .. عن إذنك

طلعت وسكرت الباب وهي تبتسم بـ سعاده وهي تتذكر بعد ما طلعوا أهلها ونجوى ودلاال من عندهم ..

..........

سعود وهو يوقف يمها: رنيــم

رنيم بخوف: هـ. هلااا

سعود وهو يبتسم : شفيج خايفة؟!

هزت راسها بنفي .. رنيم: من قال ؟!

سعود وهو يحاوطها من خصرها: شكلج

أرتبكت من حركته و صار قلبها يدق بـ قوى ..

رنيم: .........

سعود وهو يناظرها من فوقها لين تحتها: لين متى ؟؟

رنيم بـ غباء: شنوو ؟؟

سعود وهو يهمس في أذونها: حالنا ..

حست إنه قلبها من قوة دقاته راح يوقف .. رنيم:.............

سعود وهو يتركها: أنا بخليـج تفكريــن ما أبي أجبرج على شي .. بس معاج لي يوم عرس نجوى وبدر .. إذا ما رديـتي علي معناته إنتي في طريـج وأنا في طريــج

.. لف عنها بيمشي .. بس صوتها وقفه..

رنيم بـ تردد: سعووود

ابتسم بخبث ولف عليها .. سعود: عيونه

رنيم وهي تنزل عيونها بخجل: أنا .. مو. موافقة .. بس مو الحيــن

سعود وهو يبتسم بمكر ويهز راسه: أوكي ما عندي مانع .. يوم زواج نجوى وبدر .. راح نبتدي حياة مثل أي زوجيــن ^^

.........

صحت من هالذكرى صوت الفلبينيــة إلي تسوي شعرها

~ بعد 10 ساعات ~

جهز الكل أخيـراً والعروس طبعاً آخر من جهز ^^ .. طلعوا من الفلــة متوجهيــن لـ صالة الأفراح

.. في صالـة الأفراح ..

بدر حاس إنه راح يطيــر من السعااده والونـاســة إلي يحس فيها

سعود كان يبتسم على خاله : طالع الشق ويــن واااصل كل هذا فرح

بدر وهو يتبسم ومو قادر يوقف تبسم: مو منــي والله .. ولاا نسيــت نفسك في عررسك

سعود بصدمة: ليش أنا كنت أتبسم في عرسي مثلك؟!

بدر وهو يحك راسه ويعدل الشماغ: لااا بس أكيـد في نفسك كنت طايـر من الفرح

سعود وهو يرقع: إي إي كيــد .. بس ما أقول غير الله يعين نجوى عليك

بدر بإستنكار: إلاا الله يعين قلبي عليها .. فديتها والله عروستــي

.. صاروا المعازيــم يقبلون عليهم ويباركون لهم وبدر بس شاق الحلــــج وده لو الوقت يمشي مثل البرق

.. وصلت السيارة عند باب صالة الأفراح .. نزلت دلال مع رنيم و نجوى ^^ ودخلوا من الباب إلي يدخل لغرفة العروس ..

21 - 1 - 2015, 05:22 PM

.. ((تكملـــــــــــة البارت الحـــــــــــــادي عشــــــــــــــــــــر)) ..

.. وصلت السيارة عند باب صالة الأفراح .. نزلت دلال مع رنيم و نجوى ^^ ودخلوا من الباب إلي يدخل لغرفة العروس ..

.. نجوى بربكــه: أحس بتوتر مو طبيعي .. حتى بطني يألمني

رنيم وهي تحاول تهديها: لاا تحاتيــن يا قلبي تعوذي من أبليس

دلاال وهي تبتسم تطمن نجوى: لااا تخافيـن ولاا تتوتريــن .. خذي بس نفس عميق و زفريـه .. مثل إلي يولدون

نجوى وهي تضرب دلال: سخيــفة يقال الحيــن إنج راح تهديــن من روعتي

دلال بخبث: وليش مرتاعه خالي ما ياكل ترى

نجوى وهي تناظر بـ رنيم: طلعيها لاا أحط حرتــي كلها فيهااا

رنيم: هههههههه .. دلاال كفي شرررج عنها ترى إلي فيها مكفيــها

دلاال وهي تمد البوز: أنـزيــن

سمعوا طق على الباب .. راحت رنيم فتحته إلاا بـ خوله و حنان

نجوى اتسعت ابتسامتها أخيــراً بتفتك من دلال ..

دلاال وهي تسلم عليـهم : هلاا والله .. شالحلاااه

خوله وهي تدور حول نفسها: أحم أحم طول عمري

دلاال وهي تخمس في ويها: مالــت بس صدقتي روحج والله مشكلة

حنان وهي تعدي دلاال وتسلم على رنيم: هاااي رنووم .. من زمان عنج .. شالجماال لااا شكلج ناوية على ولد خالتــي ههههههههه

رنيم بخجل: ههههههه تسلميــن عيونج الحلوة .. حتى انتي طالعه تهبليــن

نجوى وهي رافعه حاجب: حلفوا كل وحده استلمت لها وحده وأنا مطقعيــن لي (يعني مو ماعطيني ويه)

خوله وهي تسلم على نجوى: فديت مرت خالي .. طالعه تهبليـن

حنان وهي تبتسم بخبث: لااا خالــي يرووح فيهاا مع الجمال وخصوصاً بالفستان رووعه

21 - 1 - 2015, 05:22 PM

نجوى بخجل بس تحاول ما تبينه: أقوول يوم إنكم ابعاد عني أنا كنت بخيــر .. يلااا طلعواا

دلاال وهي تطلع مع خوله وحنان ويسحبون رنيم معاهم ..

نجوى وهي تقعد وتفرك يدينها بتوتر مو طبيعي : يا ربي شفيــني من الصبح وأنا على هالحال .. خايفة خايفة إلاا بموووت من الخوووووووووف

21 - 1 - 2015, 05:23 PM

.. في القاعــــة ..

صوت الدي جي مالي صداه كل أرجاء الصالــــة .. و البنات طاقيــنها رقص و وناســة

أم سعود و هي تبتسم: ما شاء الله .. رنيــم طالعه قمر اليوم

رنيم بخجل: تسلميــن خالتي .. نجوى متوترة وحالتها حاله .. ياريت تروحين تخففين عنها

أم سعود وهي تبتسم: إي الحين بروح لها

.. راحت أم سعود لـ نجوى علشان تهديها ..

وفي نفس الوقت دخلت أم رنيم القاعة وجافت دلاال مع خوله قاعدين سوالف ..

سلمت عليهم وراحت لـ رنيم إلي كانت قاعده على الطالة إلي قريبة من المسرح

.. أم رنيم ببتسامه: هلااا يما شخبارج يا قلبي .. شالزيــن .. (وهي تغمز لها)

رنيم ببتسامه خجوله: تسلميـن ماما .. إنتي بعد طالعة تهبليـــن

.. أم رنيم وهي تضحك: هههههههه إنتي لو تجوفين أبوج أول ما جافني ما عرفني

رنيم: هههههههههه

21 - 1 - 2015, 05:24 PM

.. في غرفة العروس ..

كانت أم سعود تحاول تهدي نجوى إلي كلما و توتر يزيـد .. تحس نفسها شوي وتصيح ..

أم سعود بهدوء: ذكري المعوذات .. لاا تخافيــن إنتي بس توكلي على الله

نجوى في نفسها "آآخ أنا مو موترني غير بدر شلون راح تكون حياتي معاه" ..

تعوذت من أبليــس وهدت شوي وحاولت تخلي نفسها عادي ومن بين نفسها قررت إنه لاا يمـكن تسمح له إنه يلمسها أو حتى يفرض رايه عليهاا ..

من هالكلاام إلي قالته حق نفسها حست إنها هدت وخف توترها وخوفها إلي كانوا مقيديـنها

.. في المجلـــس ..

سعود وهو يبتسم: يلاا يا المعرس .. صار وقت زفتك .. قوم أنقز ههههههه

قام وهو شاق الحلـج .. بدر: آآه أخيـــــراً

أبو سعود: ههههههههههه شكلك مستعيل

نواف: ههههه ما أقول إلاا الله يعيــن بنت أختي

الكل: هههههههههههه

..طلع بدر متوجه للقاعه وعلى طول دخل غرفه العرووس..

جاف ملاك قاعده على هيأت بشر ..بلع ريجه كذا مره وعيونه تناظر كل شي فيها حتى انه ماحس بوجود ام سعود..

لاحظته ام سعود وابتسمت :مبروووك عليك نجوى يا اخوي

إلتفت وتوه يلاحظها ..ابتسم ورجع يناظر بـ نجوى إلي منزله راسها وتلعب في أناملها الناعمه ..

بدر :الله يباارج فيج

طلعت أم سعود تنادي المصوره ..تاركه وراها قلب متلوع بشوق وحب وقلب خايف ومتوتر

قعد يمها والبسمه مازالت مرسومه على شفاته حتى إنه حس بألم في خدوده وفكه

..رفع يده وحطها على راسها ..بلعت ريجها وهي تحس دقات قلبها شوي وتوقف

نجوى في نفسها "لا مو انا الي اخاف من بدر لازم ما ابيين له ضعفي"

رفعت راسها وتلاقت عيونهم في بعض ..في ذي الحظه دخلت المصوره مع ام سعود ...

21 - 1 - 2015, 05:24 PM

...في القاعه...

كان الرقص والوناسه ..

رنيم وهي ترقص مع دلال:دلول

دلال وهي تبتسم :هلاااا

رنيم وهي تغمز لها :جوفي المرة (الحرمة) الي وراج من مساعه تناظر فيج شكلها ناويه تخطبج حق ولدها..

دلال وهي تقعد حواجبها :منووو ..أي وحده؟؟؟

رنيم وهي تأشر لها بس بطريقه ماتبيين حق الناس:ذيك اليي لابسه جلاابية حمرة

لفت دلال وهي تدور بعيونها عن الي قالت عنها رنيم...

وأول وما جافتها انصعقت ..حست بصدمه ماوبعدها صدمه ..

رنيم استغربت من شكل دلال المتوتر:خير اشفيج؟؟

دلال وهي تحاول ماتبيين صدمتها ..ابتسمت :هاا لا لا ولا شي

رنيم بشك:متأكده ؟؟

دلال:اي متأكده.

حست بضربه على ظهرها ..لفت وابتسمت

..دلال:خولووه خرعتيني

خوله :هههه مو منج من(وهي تناظر المرة وتغمز لها )من ام احمد

رنيم بمكر :منواام احمد؟؟

خوله وهي تأشر على نفس المرة الي اشرت عليها رنيم :هذيك

هزت رنيم راسها وهي تبتسم وتجوف دلال الي ويها تغير..

..في غرفه العرووس..

قعدت ام سعود تراقبهم وهي تبتسم وتحس نفسها طايره من الفرح خصوصا انه نجوى صايره مطيعه وما طولت إلسانها على بدر ..وهـ شي ريحها مبدئياً..

..بس إلي ماكانت تعرفه انه نجوى ماخلت سبه ودعوه ماقالتها لـ بدر بس بصوت غير مسموع

..وبدر ولا على باله وفرحان ويتبسم في ويها بكل حب كأنه يبين لها انه وله كأنه يسمعها ..

.. والمصورة ماخلت حركة ما طلبت يسونها .. ونجوى شوي وتقوم تتطوى في جبد المصورة ..

أما بدر مكيف ومستانس ويتمنى ما يخلصون الصور

.. في المجلــس ..

كان يفكر بالليـلة .. وهو يحس نفسه محتار و في نفس الوقت يحس بـ سعادة ليــش ما يدري ؟!!

سعود بحيـرة في نفسه "هل إلي راح أسويه هو الصح .. صحيح إني راح أنتقم .. بــس أحس إنه في شي مو صح في السالفة فيــه إن .. لاا لاا ما راح أتراجـع .. لااازم أدمرها قبل لاا تدمرنــي"

رفع تلفونه وهو يبتسم بخبث بإلي راح يسويـه فيها ..

.. ثواني و وصل له الرد ..

رنيم بنعومة: ألووو

حس بـ مشاعر تجتاحه كل ما سمع صوتها .. سعود بخبث: هلااا قلبي

حست إنه قلبها يرقع بقوة من كلمتـه .. أول مرة يقول لها كلمة حلوة ..

ابتسمت وبخجل .. رنيم: .... هلاا فيك

سعود: ...................

21 - 1 - 2015, 05:27 PM

.. ((البارت الثانــي عشـــر)) ..

.. في المجلــس ..

كان يفكر بالليـلة .. وهو يحس نفسه محتار و في نفس الوقت يحس بـ سعادة ليــش ما يدري ؟!!

سعود بحيـرة في نفسه "هل إلي راح أسويه هو الصح .. صحيح إني راح أنتقم .. بــس أحس إنه في شي مو صح في السالفة فيــه إن .. لاا لاا ما راح أتراجـع .. لااازم أدمرها قبل لاا تدمرنــي"

رفع تلفونه وهو يبتسم بخبث بإلي راح يسويـه فيها ..

.. ثواني و وصل له الرد ..

رنيم بنعومة: ألووو

حس بـ مشاعر تجتاحه كل ما سمع صوتها .. سعود بخبث: هلااا قلبي

حست إنه قلبها يرقع بقوة من كلمتـه .. أول مرة يقول لها كلمة حلوة ..

ابتسمت وبخجل .. رنيم: .... هلاا فيك

سعود: بسألج انزفت نجوى ؟؟ وله للحيـن

رنيم : لاا للحين هم يصورون الحيـن

سعود: أول ما ينزفون سوي لي ألوو طيب

رنيم بستغراب: أوكي بس ليـش؟!

سعود ببتسامه خبيـثة: علشان آخذج .. ترانـــي مشتااق مو قادر استحمل أكثرررررر الشوق بيذبحنــي

خدودها أحمروا وبقوة بعد .. غاصت في فستانها من الاحراج .. رنيم بخجل: .... أو. أوكي ... باي

.. على طول سكرت منه حتى قبل لاا تسمع رده .. ما قدر يمسك ضحكتـه من خجلها الوااااااااضح

سعود: ههههههههههههههه

21 - 1 - 2015, 05:28 PM

.. في غرفة العروس ..

كان محاوطها من خصرها وراسه عند أرقبتها يبوسها .. والمصورة مستانسه على رومنسية بدر ..

أما نجوى تحس قلبها بيوقف من جراءته ..

نجوى من بين أسنانها: يعلك الماحــي بعد عني قرفتني الله يقرفك

بدر وهو يهمس في أذنها: جوفي أنا ساكت لج من إمساعه على طوالت السانج .. بس هيــن تفاهمي معاج في بيتنا يا الحلوة .. إن ما خليت هالإلسان إلي ينقط سم ينقط عسل ما أكون بدر

ما تدري ليش حست بخوف من كلاامه لدرجه توترت وما عرفت شتسوي ..

ابتسم على ربكتها إلي وضحت بسبب عيونها إلي صارت ترمش كذا مرة

.. أم سعود ببتسامه: يلااا الحيــن بنزفكم

هز بدر راسه وهو يشبك أصابعة بأصابع نجوى البارده الناعمة

21 - 1 - 2015, 05:28 PM

.. في القاعــة ..

انطفــت أنوار القاعــة كلهاا .. بس تسلط ضوء أبــــــيض ناحية الممر إلي راح يطلعون منه العرســـــان ..

.. خرج دخان وانتشر بشكل رائـع و نزلت أوراق صغيــرة ناعمة لاامعـه .. صار الوضع ولاا أروع

.. اشتغلت الموسيــقى بشكل كلااسيكــي .. و ابتدت الزغاريــط تملي المكان .. وبعدها ابتدى صوت راشــد الماجد يغني

.. طلعت العروس وهي ماسكة يد المعرس كان شكلهم بقمـة الرووووووعه والرومانسيــــة ..

.. كانت كل عيون الموجوده تطالعهم .. وتذكر الله وتدعي لهم ..

.. كانت تناظر الحظور إلي تناظرهم .. حست بيده تضغط أكثــر على يدها ..

نجوى وهي تناظرة: وجع عورت يدي يا حمار

بدر وهو يناظر جدامه: نجوى .. لاا تخليني اسوي شي ما يعجبج

نجوى بتمرد لأنها ملت من تهديداته: حمــار

تنهد بدر و تقرب منها و حملها بين يديـنه .. وسط صرخات البنات وتصفيـرهم ..

مشى فيها للكوشـــــة إلي كانت روووووووووعه شويــة عليــها .. حتى إنه الواحد يعجز عن الوصف .. كانت خيـــــال

.. وصل الكوشة وكان بنزلها ..

نجوى بقهر و احراج من حركته: صج إنك حمار

بدر وهو يبتسم: شكلج للحين ما عرفتي هالحمار شنو ممكن يسوي ^^

نزلها وحاوط خصرها وشد عليها وهي منحرجـه والبنات عاجبهـــــم الوضع وصاروا يصفقون ويصارخوون .. شوي ويقولون له بوسها ^^

.. بعد عنها وهو يجوف ويها شلون قالب أحمر .. مسكها وقعدها وقعد يمها وهي منزله راسها من الفشــلة والاحراج وفي قلبها تسب وتدعــي عليــه

.. أما عند رنيم ..

كانت ضاغطـة على التلفون إلي في يدها وهي مرتبكة مو عارفة شلون تتصل له وتخبره ..

غمضت عيونها وخذت نفس عميــق وبعدها زفرت بقوة .. كتبت مسج بيد مرتجفــة

.. بعد ما خلصت كتابته ترددت في ارساله .. بس في الأخيــر قررت ترسلها وهي متوكله على الله ..

وكلها ثواني وصل لها إنه استلم الرساله .. بلعت ريجها وقلبها صار يدق بـقوة

.. وكلها لحظات وصل لها مسج منه يطلب منها تطلع له علشان يمشون ..

.. قامت وسلمت على الكل وستأذنت منهم إنها بتمشي ..

وطبعاً أم سعود عارضت بس بالأخير مافي يدها شي ورضخت للأمر الواقع ..

.. طلعت رنيم من القاعة وهي تدعي في قلبها إنه الله يسخر لها هاالليله و يحنن قلب سعود لها ..

21 - 1 - 2015, 05:29 PM

.. في المجلس ..

قام بيطلع بس وقفه صوت حسسه بالاشمئزاز ..

أبو رنيم وهو يبتسم: سعود

لف سعود له وهو يحاول يحفي احساسه: هلاا

أبو رنيم مستغرب من برود سعود الدايم معاه: بغيت أقول لك شي ويا ريت ما تفهمني غلط

سعود وهو يتكتف بملل: خيـر

أبو رنيم بمكر وخبث ما خفى عن سعود: والله الموضوع طويل شرايك نروح مكان نتكلم فيـه

سعود وهو يرفع يده يناظر الساعة: أي .. بس أنا مشغول .. أجلها لوقت ثانـــي ..

أبو رنيم توه بيتكلم إلاا بتلفون سعود يرن .. تركاه ومشى عنه وهو يحس بالقهر

.. أما عند سعود ..

رد على المتصل إلي كان شخص موكله يعرف سالفة الإختلااس إلي صارت في شركة أبوه ..

سعود بحده: هاا بشر يا سالم عرفت من ورى التلااعب والاختلااس ؟!

سالم: إي نعم طال عمرك .. عرفناه وهو وشريـكه .. هذا الله يسلمك واحد إسمه عادل الـ... و معاه واحد ثاني اسمه خليل الـ...

سعود بصدمه: متأكد اسمه خليل الـ...

سالم: إي نعم طال عمرك .. وإحنى من بكرة راح نراقب تحركاتهم .. وبعدها راح نقبض عليهم

سعود وهو يحـس بالقهر: لااا لااتمسكونهم بس راقبوهم لين أنا أعطيـكم أمـــر

سالم: حاظر طال عمرك

سعود: باي

سكر سعود من سالم وهو يحس بدمـه بيفور غمض عيونه بـ قهر ..

وفي نفسـه سعود "هيـــن يا خليــل هيــن والله راح أنتقم منك ومن بنتك وأخليــكم تموتون مذلوليـــن هيـــن"

.. طلع وهو قلبه مليان حقد على رنيم وأبوها أكثـــر من قبل

.. ركب السيارة و حرك لي باب القاعة وكانت رنيم واقفه تنتظره ..

وأول ما جافته على طول ركبت و مشــى متوجه لفلته و طول الوقـــت الصمت هو مالي المكـــان ..

وكل واحد فكره مشغول في شي ..

قلب رقيـق ينبض بخوف و توتر من الحياة الزوجيــة ..

وقلب قاسي ينبض بحقد وكره ويفكـر بالإنتقام ..

المواضيع المتشابهه لموضوع: رواية انجبرت فيك وماتوقعت حبك و موت فيك لموضوع: رواية انجبرت فيك وماتوقعت حبك و موت فيك
الموضوع	كاتب الموضوع	المنتدى	مشاركات	آخر مشاركة
رواية نبض	شَمسُ البلاد	قسـم البحوث والكتب العلميه او التعليميه	2	9 - 11 - 2023 03:58 PM
رواية جين إير	همسه الشوق	قسـم البحوث والكتب العلميه او التعليميه	4	13 - 8 - 2023 08:38 AM
رواية وانتبه لك ترى روحي معك رواية سعوديه للكاتبه	الحب ياسمين	همس للقصص وحكايات وروايات	9	4 - 4 - 2019 10:13 AM
رواية فهد و نوره رواية رومنسية سعودية كاملة	سجات التهاويل	همس للقصص وحكايات وروايات	23	8 - 6 - 2018 01:07 PM
رواية حب	الحب ياسمين	همس للقصص وحكايات وروايات	6	12 - 6 - 2013 01:27 PM

الذين يشاهدون محتوى الموضوع الآن : 4 ( الأعضاء 0 والزوار 4)

الأعضاء الذين قاموا بتقييم هذا الموضوع : 0
لم يقوم أحد بتقييم هذا الموضوع

رواية انجبرت فيك وماتوقعت حبك و موت فيك

همس للقصص وحكايات وروايات