بعض إتصالات خلق الله تدوشني
.... وش بعضها ! .. لا قسم بالله أكثرها
من بعد ما جا إتصال بجد عـيــّـشني
..... حاله غريبة ولا كيف أفسرها !
فديتها صوتها من جد ينعشني
..... فخامته من تمر إذني تعطرها
إللي إلا من حكت كنها توشوشني
..... رقة .. نعومة .. ذررابة .. صعب أصورها
إسمي بفمها ورب البيت يخرشني
.... (لبية) تطلع غصب لو ما أحضـّرها
الموت لو قالت إسمي بعد (واحشني)
.... ياخوفي أفقد شعوري ثم أسطرها
أحيان أسوّي مطنشها وتكفشني
... ترسل رساله : (وحشتك ؟) ما أعبّرها
أربع ثواني وأحس بشي رابشني
.... وأدق .. وترد .. وأتنهّـد .. وأبادرها :
(لو ما وحشتيني إنتي من بيوحشني !
.... لعيونك إنتي جميع الناس حاظرها
تدرين حتى الرسايل منك تربشني
.... لا يابعد ماضي أحلامي وحاضرها
كل إتصالات خلق الله تدوشني
... بس إتصالاتك إنتي .. جد أقدرها )
او 
لمشاركة اصدقائك!
عضويتي
بعض اتصالات خلق الله تدوشني 
العرض العادي
