| همس للقصص وحكايات وروايات خاص بشتى انواع القصص الواقعيه والخياليه |
باقي الحب فينا باقي لسى باقي روايه كامله همس للقصص وحكايات وروايات
 | |
   
17 - 7 - 2011, 10:40 AM
|
#11 |
 |  عضويتي
» 234 | | جيت فيذا
» 6 - 3 - 2011 | آخر حضور
» 22 - 3 - 2013 (09:06 PM) |
فترةالاقامة »
5041يوم
| مواضيعي » 3 | | الردود » 23 | | عدد المشاركات » 26 | | نقاط التقييم » 50 |
ابحث عن » مواضيعي ❤
ردودي | تلقيت إعجاب » 0 | الاعجابات المرسلة » 0 |
المستوى » $3 [ ]
|
حاليآ في » | دولتي الحبيبه »  | جنسي »  | | العمر »
سنة
| | الحالة الاجتماعية » | مشروبى المفضل »  | الشوكولاته المفضله »  | قناتك المفضلة »  | ناديك المفضل »  | سيارتي المفضله »  | | 
,
,
,
سحر بخوف:ابعد عني انت وهو لأسوي شيء ماتبونه
الشاب الأول:والله فرجينا تنشوف ههههه
الشاب الثاني قرب منها:من شان الله عطينا وش
الشاب الأول قرب منها بوقاحه يبي ياخذ شنطتها:حبيبتي شو راييك فيي..مو بجنن..
سحر تفلت بوجهه:ياحقييير..ابعد
الشاب انقهر وسحب حجابها ورماه فالبحر...
سحر رمت شنطتها وحاولت تلم شعرها اللي انتثر ماتعودت على كذا...
الشباب ضربوها وطاحت عالأرض واخذوا شنطتها..وحاولوا يهربون بس مسكوهم رجال وكأنهم بدي قاردز..
سعد اخذ الشنطه منهم وكلم بصوت فخم البدي قارد حقه:خذوهم ياشباب للشرطه..
راحوا..
سعد راح للبنيه اللي طايحه عالأرض..وهي تحاول تصد وتلم شعرها ويدها على راسها..ومستحيه:اختي
سحر عرفت صوته ماقدرت ترد قعدت تبكي..
سعد:أنا شفتهم شسوو فيك..نزعوا حجابك الله ياخذهم..بس ماعليك..أنا أخوك..وريتك فيهم..
سحر سكتت ماعرفت ترد..
سعد راح وقومها:قومي معاي..بوصلك بسيارتي..لاتخافين والله ما أأذيك..
سحر قامت معه..وهي مدنقه تطالع بالأرض وشعرها نازل على كتوفها..وهي تنهد..
سعد حس أنه عرفها مد يده ورفع وجهها له وشاف الدموع اللي مبلله وجهها..وخشمها الأحمر:أنتي
سحر صدت عنه مستحيه..
سعد انهبل عليها اتجنن بدون حجاب..شعرها الكثيف والطويل زايدها حلا:ماشاء الله تبارك الله..
سحر:أبعد عني
سعد:أكيد ببعد عنك..علشان ما اتهور بس بالأول خذي كوفيتي..وغطيبها راسك
سحر:نعم..
سعد نزل كوفيته من رقبته وحطها على راسها:والله محد يشوفك كذا بدون حجاب غيري..
سحر استحت..وأخذت كوفيته وتحجبت فيها....
سعد ببتسامه ساحره:أثرك مسويه خير يومنك متحجبه..
سحر عصبت:شقصدك؟
سعد:أنتي بدون حجاب تسحرين..
سحر استحت:سععععد
سعد استغرب:مانسيتي أسمي!!
سحر:لا
سعد استانس:لهالدرجه مأثر فيك
سحر:لا..بس انت اكثر واحد ثقيل دم شفته بحياتي
سعد:آفـاااا
سحر:بس مو اللحين..بهذاك الموقف..
سعد:واللحين؟؟
سحر مشت وماعبرته..
سعد لحقها:طيب قوليلي أسمك يابنت..
سحر وهي ماشيها:سحر
سعد يمشي جنبها:بذمتك
سحر:اعرفك علشان امزح معك
سعد مسك يدها ووقفها:لحظه
سحر استغربت مسكت يده لها..بعمرها محد تجرأ يلمسها,فكت يدها من يده بقوه:أنا ما أسمحلك.مهما كان..فزعتلي..أوكيه.بس بتذلني لا..كم تبي على فزعتك هذي؟ وتفكني من شرك ..
سعد عطاها كف ماكانت تحلم فيه...
,
,
,
,
,
فالحديقه وجالسين م بعض...وساكتين!!
ريما تناظر حولها ياما جمعتها مع نايف أحلا ذكريات بهالمكان...ضحكوا وعاشوا أحلا أوقاتهم مع بعض..قالت بخاطرها أكيد جايبها هنا علشان يرجعها...
نايف:تشربين شيء؟
ريما:ماتلاحظ أننا شربنا 3 عصير للحين من جلسنا..
نايف:ههه لا والله مالاحظت..هههه شكلك مركزه
ريما سكتت وصدت..
نايف:أيوه..وش اخبارك واخر مشاريعك..
ريما:بصفتك من علشان أقولك عن أخباري
نايف:بصفتي أبو ولدك..
ريما بتريقه:مرحبا أبو ولدي
نايف:كنك تقولينها بهالطريقه..
ريما:كيف تبيني أقولها حبيبي
نايف:بشوية أحترام
ريما قامت معصبه:آسفه..تماديت معك ياولد السواف..
نايف:شفيك قمتي؟
ريما:مـاشيه..تامرني على شيء
نايف:لا..براحتك
ريما:أوكي باي...
طلعت معصبه..
نايف جلس ببرود..وهو يتبسم بمكر..
,
ريما أخذت ولدها...وطلعت معصبه..(مافكر حضرته يكلف على نفسه ويوصلني للسياره.بجد ماعنده ذوق..أنا وش جابني له هنا..)
,
,
دخل سعد وهو محبط ..جلس بدون مايسلم...!
نايف استغرب:هههه لا شصاير بالدنيا...سعد مبوووز!..وين الأبتسامه والضحكه و
سعد:واللي يرحم والديك تراي متضايق حدي..
نايف:أفااا لييش؟..
سعد سكت..
نايف:وسع صدرك وانا خووك..مافي شيء يستاهل تزعل عليه..
سعد:أحيـانـاً..تحس أنك محتاج لشيء بس ماتدري وشو..حتى بقمة سعادتك..تحس أنه هالهسعاده ناقصه..وأنك أنت ناقصك شيء...
نايف يفكر بكلامه:وأنت شمحتاج له بالضبط..
سعد:محتاج اللي يكملني..
نايف سكت ...
سعد:نايف..انت منت ناوي تتزوج؟
نايف:هههه الا طبعاً
سعد:متى؟
نايف:لمن تخطبلي أمي..جاري البحث عن عروسه هههه
سعد بجديه:وأم عبدالعزيز
نايف:وش فيها؟
سعد:ليش ماترجعها
نايف:الموضوع هذا نسيناه من زمان..
سعد:ماتحس أنك تبيها يعني تشتاق لها..
نايف استغرب كلام سعد عن الشوق والحب: ههههه..وانت شطرى عليك هالطواري..معقوله سعد يتكلم عن هالأشياء الله يقطع شيطانك هههههههه
سعد:أنا أتكلم من جد..
نايف:هههه حتى أنا أتكلم من جد..هههه شالطاري؟
سعد قام وراح لغرفته..وتركه..
نايف أسترخى على كرسيه وأختفت ابتسامته..وعيونه تلمع بسكات...!
مـرني طيفك وطيفك صاحبي مدري عدوي!
جايبن صوتك وصوتك سكة الذكرى الحزينه..
,
,
,
دخلت ريما شقتها وهي مقهوره من تصرفات نايف...
راحت لغرفتها ونزلت عزوز..وطلعت تشرب مويه..
تذكرت..سحر وطلعت تدورها :سحووره..سحوورتي
غرييبه معقوله نامت!
راحت لغرفتها وشافتها جالسه وتبكي..
جلست ريما جنبها:سحورتي انتي تبكين ياقلبي؟
سحر مواصله تبكي..ضمتها وزادت بكاها...
ريما تأثرت منها وجلست تطبطب عليها..
,
,
,
, | | |
 | |
17 - 7 - 2011, 10:44 AM
|
#12 |
| | | عضويتي
» 234 | | جيت فيذا
» 6 - 3 - 2011 | آخر حضور
» 22 - 3 - 2013 (09:06 PM) |
فترةالاقامة »
5041يوم
| مواضيعي » 3 | | الردود » 23 | | عدد المشاركات » 26 | | نقاط التقييم » 50 |
ابحث عن » مواضيعي ❤
ردودي | تلقيت إعجاب » 0 | الاعجابات المرسلة » 0 |
المستوى » $3 []
|
حاليآ في » | | دولتي الحبيبه » | | جنسي » | | العمر »
سنة
| | الحالة الاجتماعية » | | مشروبى المفضل » | الشوكولاته المفضله » | | قناتك المفضلة » | | ناديك المفضل » | سيارتي المفضله » | |
الجزء الـثـامن...والأخـــيـــر..
,
مرت الأيـام..وجاء وقت السفر...
أم ريما:بناااات كل شيء جاااهز؟
سحر طلعت ومعها عزوز:اي خالتي..خلاص
ام ريما:طيب وين ريمي
سحر:ريم راحت مشوار وتقول راجعه..
ام ريما:الله يهديها..هذا وقته
,
,
,
تمشي بتوتر..وهي تطالع ساعتها كل شوي والثانيه..ووصلت للي تبيه..ووقفت عند مقهى كلاسيكي..نسمات الشتاء..ودخلت متجهه لنفس الطاوله اللي جمعتهم اثنينهم سوى أول مرّه بأول موعد بعد ماتزوجوا..جلست وطلبت كافي...
وهي تتذكر سوالفهم مع بعض..نفس التاريخ ونفس الساعه..ونفس..لا مو نفس الأغنيه:ياقرسون..
القرسون:نعم مدام..
ريما:لو سمحت ممكن تشغل أغنية فيروز..شايف البحر شو كبير..
القرسون كمل بإبتسامه:أأد البحر بحبك..من عيوني بتأمري مدام..
ريما عطته اكراميه ..وجلست تستمع لفيروز..
شـآآآيف الـبـحــر شـوو كـبيــر أأد الـبـحر بحـبـك
شـآآيف حبيييبي السمـاء شووو بعيييده أأد السماء بحبك..
غمضت ريما وهي تستحضر..هذيك اللحظات اللي تحبها...
دخل نايف المقهى وشافها بنفس المكان وبنفس الأجواء..أستغرب وجودها..وراحلها وجلس قبالها وجلس يراقبها وهي مغمضه..
ريما فتحت عيونها وشافته قدامها:نآيف!!
نايف:شفيك مغمضه..افرضي جاء أحد وسرقك وش بتسوين؟
ريما:هذا اللي طلع معك...
نايف:حبيت أنبهك مساء الخير..
ريما:مساء النور..
نايف:وش هالشياكه..طالعه حلوه اليوم..لايكون مواعده احد وأنا خربت عليك..
ريما:أنت تتمسخر
نايف:لا أتكلم جد..إذا تنتظرين أحد..قوليلي أمشي
ريما:لا ما أنتظر أحد..أنا جايه اتمشى...
نايف:لحالك!!
ريما:ماني لحالي..
نايف تلفت:من معك...
ريما:حضرتك..أنت شجابك هنا؟
نايف جابه حنينه بس مابين:أبداً كنت مار من هنا...وتذكرت اني ماتقهويت اليوم..قلت اتقهوى هنا
ريما انقهرت من رده...
نايف:وأنتي؟
ريما:أنا أيش؟
نايف:وش جابك هنا؟
ريما:جيت أدور نفسي..وماني لاقيتها
نايف:ليــش؟
ريما:مـادري..أحياناً تحس أنك..تبي شيء..بس ماتقدر تحصل عليه..تتمنى شيء بس ماتدري وشو بالضبط..أو تدرى وتسوي نفسك ماتدري..
نايف:هـذا لغـز؟
ريما:لا مجرد..فضفضه..تشبه الألغاز..وكلام مانفهمه..بس نقول بلحظة ضياع..ندور فيها على أنفسنا..
نايف:ريمي..فيك شيء؟
ريما:لا..بس جوي تـكـدر..يانايف
نايف:ليش؟وش مزعلك ياريمي..حنا اتفقنا مهما انقطعت علاقتنا...يظل الإحترام وبيننا..والحب
ريما لمعت دمعتها بعينها وصدت عند هالكلمه..
نايف:يظل كان بينا حب بيوم من الأيام..وهذي مشاعر مانقدر ننساها أو نمحيها من حياتنا..مهما كان..
ريما قررت تقوله وش بداخلها وتعترفله:نآيف
نايف:سمي..
رن جوال نايف:لحظه بس هذي أمي...هلا يمه...سمي....خلاص اتفقتي مع الناس..أي يوم..أنا جاي بكره ياقلبي مع السلامه هالحين مشغول..
ريما قلبها قارصها:شخبار الوالده؟
نايف:بخير.هههه متصله تبي..تأكد علي.علشان أجي..يوم الخميس علشان النظره الشرعيه..خطبتلي عند ناس..بس قلتلها أشوف العروس بالأول...
ريما انكسر شيء بقلبها وماعاد قدرت تتحمل تقعد زياده:ألف مبروك مقدماً..
نايف:وين ماتكلمنا..
ريما:طيارتي بعد نص ساعه لازم امشي باي
طلعت ريما وهي تبكي بكل جوارحها....
كل يوم أشتاقلك يلعن أبو الشوووق وسنيينه..
كل ماعشمت قلبي..قال ياضلوعي تقوي..
ورحت أنا وياه نرقب رجعت اللي فاقدينه
نوب أقول: بكون بقمة ..هـدوي..
ونوب أقول إلا أبزعل.وأتلا مابيني وبينه..
..
,
,
ام ريما ناظرت الساعه:يالله بقي ساعه عالطياره وريما ماشرفت..
سحر:وين راحت هذي؟
ريما جات وهي تتبسم:هذا أنا هنا...يلا مشينا
ام ريما:وين كنتي فيه؟
ريما:بعدين أقولك..تعالوا وين الأغراض
سحر:يلا السايق طلع كل الأغراض..
ريما:يلا شتنتظرون مشينا...
,
,
,
,
.......
......كانت الأمـور تمشي..عـاديـه..وأحسن من عـاديه..
مرت شهوور..,
ريما:هـاه شخبارك ياعسوله..
سحر:أبداً..مثل ماتعرفين..مافي شيء جديد..اللهم...
ريما ببتسامه وكأنها عارفه الموضوع:اللهم إييييش؟؟
سحر بتردد:في واحد متقدملي..وأمي تلح علي أوافق..وأنا متردده
ريما:مفرح؟
سحر:أول شيء معترضه عليه أسمه" مفرح"
ريما:هههههههه
سحر:ووجع ان شاء الله..لاتضحكين مابعد وافقت..أصلاً ماراح أوافق النظره الشرعيه يوم الخميس..بس خلاص بهون عنها
ريما تحاول تهدى:هههه سوري..بس برأيي لاتتسرعين..عالأقل شوفيه..منتي خسرانه شيء..
سحر:من البدايه أسمه يضحك..ماني موافقه..بعد هالسنين..يتقدملي نواف ومحمد وماجد..وتركي..وأرفضهم وآخرتها..أتزوج واحد أسمه "مفرح"!
ريما بجديه:حبيبتي سحوره لاتكونين سطحيه.علشان أسمه ترفضينه..خليك أعقل..قابليه وتكلمي وياه وشوفي إذا بيناسبك وإلا يادار مادخلك شر..وبعدين بصراحه أمك قالتلي أقنعك.هذا أخو صديقتها.لاتفشليني..شوفيه نظره شرعيه لا أكثر..
سحر بتردد:قولتك..كذا
ريما:إيه
سحر:أمري لله
ريما:ماقلتيلي متى النظره الشرعيه
سحر:الليله
ريما طالعت الساعه:وجالسه للحين هنا..قومي روحي بيتكم..بسرعه..وحضري نفسك..وبشريني بعدها شصار
سحر:أروح اللحين!
ريما:الحمدلله إيه اللحين...هههه يلا ضفي وجهك..
سحر قامت :يلا عن أذنك..أدعيلي..باي
ريما:الله معك..باي
,
,
,
,
,
بالليل/
واقفه سحر قدام المرايه..وهي تحاول ماتضحك وهي تنطق أسم"مفرح":كيفك مفرح؟..ههههه والله أسم يضحك من جد..الله يستر ما اتفشل بس واضحك قدامه..
منصور دخل ببتسامه:ياهوووه عطينا وجه
سحر ببتسامه:منصور شرايك فيني؟
منصور:حلوه بس غطي راسك..
سحر:أجل مفكر أني بطلع قدامه كذا..
منصور:فديت أختي أنا..
سحر:عسى ماجات مرتك معك..ترى بتضحكني وانا ماني ناقصه
منصور:هههه هيفاء كان ودها تجي بس تركتها علشانك..يلا تعاالي
سحر خافت:اللحين؟
منصور:ههه إيه..بس أسمعي تراه..جنتل..وولد ناااس..وأنا شخصياً أعرفه.من اصحابي ايام الكليه..
سحر:أما جنتل وأسمه "مفرح"..أقول أسم ابوه وشهو..لايكون مشبب بس
منصور عصب:سحححررر
سحر:أوكي أوكي هذاني جيت..
,
,
,
فالمجلس..
حاولت سحر قد ماتقدر أنها ماتضحك..وأنها تكون هااديه..مشت شوي شوي..وهي منزله مدنقه وجلست..لمحته بس صدت عنه..
سحر جلست:مساء الخير
مفرح:مـسـاء الـنـور
سحر حاولت ترفع عيونها..لأن الصوت جذبها..فخم وداافي..
مفرح:كـيـفك..سحر؟
سحر(نفس صووته..آآه يـاقـلبي..لـبى رووحك ياسعد..ليتك كنت واحد من هاللي تقدمولي..بوافق لو أنك حاافي منتف)..
مفرح استغرب سرحانها:سحر..أنا أسألك كيفك؟
سحر غمضت وسرحت بخيـالها مع "سعد"(لـبيــك..يـاللي كـل مـن يووم غـبـت.."أنا ضـقـت"!..لـبى خـفـوقـك..يامـجـنـن"خـفـوقـي"..!)
مفرح قام وجلس جنبها وحط يده على كفها,وهمس:سـحـر
سحر أبتسمت من أعماقها..لصوته اللي يذكرها بـ"سعد"..وتذكرت وجود مفرح وحست بيده..ألتفتت عليه وسطرته كف:من سمحلك تلمسني؟!!
مفرح لف وجهه ويده على خده مكان كفها:هذا اللي توقعته منك..
سحر شهقت وهي تشوفه قدام عينها وقرييب منها:سسسسعــدد
سعد ببتسامه:إيــه سعد...
سحر ماتدري شتسوي:آسفه..ماكان قصدي أضربك..أنا..
سعد:هههه وحده بوحده صرنا متعادلين
سحر مو مصدقه نفسها..
سعد:لا تفكرين..أنتي على حق أنا لمستك من غير وجه حق..وإلا وشو!!
سحر:أنت من بالضبط..مفرح وإلا سعد..
سعد ببتسامه ساحره:يعني أشوف مانسيتي أسمي!!..
سحر سكتت ودنقت..
سعد:أنا سعد السواف..من حسسسن حظي من حسسسن حظي..أن أمي طلعت تعرف أمك..بالصدفه عرفت وبعدها ألحيييت على أمي اخطبك
سحر استحت وهي تسمع كلامه..
سعد تلفت وناظر ساعته:شوفي..ماعندنا وقت نتكلم فيه..بس خذي رقمي..أبي أتكلم معاك للصبح..
سحر ناظرته بنص عين:يعني حضرتك ضامني أوافق عليك..
سعد حط يده على قلبه:لا تقولين أنك بترفضين..ترى..
سحر:وش بيصير فيك يعني لو قلتلك أطلع برااا..ومافيه نصيب ويفتح الله..ماابيييك
سعد أغمي عليه وطااح...
سحر خافت بس مابينت:كذاااب حركاات قديييمه..قم أدري انك تمثل علي..
سعد ماقام وماحرك ساكن..!
سحر خافت من جدها جلست على ركبها وتهزه:سعد..قووم سعد..ســعـــدد قوووم
سعد ماقام..
سحر ألتفتت على باب المجلس تتمنى أخوها يجي:منصووور الحقني...سعد قوم أنا امزح عليك أنا موافقه اتزوجك..قووم أنا أبيك سعوود قوووم الله يخلييك
دخل منصور يركض:شفيييك
سحر وهي تبكي:مادري عنه طاح فجأه..
منصور:اكيد نوبة سكر
سحر تفاجأت:سـكــر
,
,
,
,
,
في ليله صـآخــبه/
زواج نايف..على عروس جديده..أصوات الزفه..والمطربه تلعلع..
نايف وهو يتبسم..ويقوم عروسه من الكوشه ويروحون جناحهم..وهو يضحك..
دخلوا الغرفه/
نايف ألتفت عليها ببتسامه ساحره:مبروك ياعروسه
العروسه تبسمت بحياء وصدت..
نايف نزل بشته..وعلقه ورجع وشالها,وصار يدور فيها..ويضحك..
فزت من نومها مرعوبه وهي تتعرق:لاااااااااااا..
ريما تلفتت..عرفت أنها تحلم:الحمدلله..الحمدلله..مو صدق..ياويلي بغيت أنهبل وهو حلم..وش بيصر لي لو صار حقيقه
قامت من سريرها..وراحت تطل من الشباك تتفس..تفكر:أنا لازم أتصرف..أنا ماعاد فيني صبر..بنفجر..
أخذت جوالها وأتصلت عليه بدون تردد..وما رد عليها,ولعت غييره:ليش ماترد ليييش ماترررد ليييييش<<عصبت
,
,
,
,
الصباح الباكر..نزلت من غرفتها وراحت للمطبخ تشرب كافي...
أم ريما شافتها:ريمي شو فيكي
ريما:بمووت قهر يمه بموووت
أم ريما:بسم الله عليك..لييش شو صايرلك
ريما بغت تقولها,بعدين قررت تصرف:عن أذنك ماما..عندي شغل مهم الليله..
أم ريما:طيب لحظه بدي حاكيكي بموضوع
ريما:ضروري يعني
أم ريما:يعني إذا فاضيه
ريما:بلييز ماما ماني رايقه..بعدين بعدين..وراي شغل مهم..باي..
أم ريما:باي..
,
,
,
,
دخلت مكتبها وهي متوتره ..وطلعت جوالها تشوف إذا اتصل والا:شوفوا..شايف مكالماتي ومطنشها..أوكي يا نايف..طيييب..
دخلت سحر بإبتسامه عريضه:صبااح الورووود..
ريما:صباح النور هلا سحر
سحر:هههه شفيك تكلمين نفسك..انهبلتي..
ريما:تقريباً..
سحر:ليييش؟
ريما:ماعلييك مني اللحين..بشرري عن مفرررح هههه
سحر تذكرت سعد واسترخت عالكرسي:آآآهـ ياقـلـبه..يــجنـن
ريما فتحت عيونها عالآخر:وش الطاااري..مسرررع جننك فيه
سحر ببتسامه:بلاك والله ماتدرين..
ريما:ما أدري بوشو؟ انطقي
سحر:تـذكـريـن سعد لبنان
ريما:اللي سطرك كف..ماخلاك تنسينه.شفيه؟
سحر:هو نفسسسه..مفرح..
ريما:وشووو؟؟!!
سحر بحماس:جــايـتــك بالســالفه..أسمعي...
ريما جلست تسمع بإهتمام...
,
,
,
,
,
,
زينه:اللحين انت ليش ماترد عليها؟
نايف وهو عاقد حواجبه:بس
زينه:وش معناتها "بس"؟..يمكن تبيك بشيء ضروري..
نايف:ما اعتقد
زينه:ليش ماتعتقد؟
نايف:ريما تقدر تدبر نفسها ماتحتاج لأحد..
زينه ببتسامه:لو ماتحتاجك مثل ما أنت اتقول ما قعدت تتصل بإستمرار..كان ملت من تطنيشك..
نايف رن جواله..
زينه: هذي هي؟
نايف قام:لا..عن اذنك أنا طالع..ألو..هلا سماح..
طلع نايف وهو يكلم ويضحك مبسووط..
زينه ولعت:لا لا..الدعوه فيها سماااح!!..لازم أتدخل..حراام ام ولده تلمح له وهو مو مهتم..علشان هاللي يكلمها سماحوه..هييين
نزلت ام نايف:اشفيييك تكلمين نفسك؟
زينه:يمه ألحقي..ولدك يكلم وحده..
ام نايف بدون اهتمام جلست:وهو الوحيد بالعالم اللي يكلم...صدق ماعندك سالفه
زينه:مو نايف يمه..بعمري ماشفتهيكلم وحده قدامي..لا وبعد يقول أسمها قدامي..
أم نايف:وش اسمها طيب
زينه:أسمها سماح..بعدين وش علينا بأسمها..حنا علينا نمنعه من انه يتزوج غير ريما
أم نايف:والله يابنتي ماظن بترجعله ريما بعد كل اللي سويته فيها..هالبنيه أخطيت بحقها واجد..
زينه:ههه هو بس هي..أنتي ماخليتي أحد بحاله..ماحد سلم منك
أم نايف:بنت عاااد بسك..تراني أمك..
زينه:ههههههه
ام نايف:قلتيلي أسم اللي يكلمها نايف سمااح
زينه:إيه
أم نايف:يـيـيــع..بعد ريما
زينه:هههه ماتخلين سوالفك يمه ههههه
,
,
,
,
نايف وصل المقهى..وجاءه مسج..وفتحه[مساء الخير..نآيف..حابه أشوفك بلييز..بأسرع وقت..ضروري..ريما]
نايف نزل حاجب ورفع الثاني..وقرر يرد عليها بمسج..وكتبه وأرسله لها..
رن جواله ورد بسرعه:هلا سماح...خلاص وصلت أنا جاي..وقفت سيارتي ونازل..
.
.
,
,
,
ريما وهي مستلقيه على سريرها الجوال بيدها وعزوز نايم جنبها..,وسرحانه..تفكر في نايف..ليش يعاملها بهالطريقه..ليش هالتطنيش..بعدما كان يلاحقها وين ماتروح وهي تتهرب..صارت هي تلاحقه وين مايروح وهو اللي يتهرب!!
سمعت صوت المسج وفتحت الجوال بسرعه,مسج من نآيف[أنا فاضي الليله..راح أمرك الساعه7المساء..جهزي سايقك.راح نروح لمكان..نتكلم فيه.]
ريما نطت من الفرحه:أخــيــراً..واااااااو مــاني مصدقه..
,
.
,
,
,
ع بـالي.حبـيـبي.أخطفلك نظرااتك..ضحكااتك..حركااتك..
علقهوون بغرفتي..أحلموون بغفوتي..حتى يحلى بعيييني النوووم..
ع.عبااالي حبيبي "ليـلة إلبسلك الأبيــض"
وصيير ملكك والدنيـا بتشهد..
وجيب منك أنت طفلك أنت.ع بـآلي حبييييبي
ع باالي حبيبي عيش حدك عمر أو أكتر..وحبي يكبر كل مانكبر
وشيب لما تشيب..عمري يغيب لما تغييب..ع.بآالي حبـيـبـي
الليله غييير/
سحر جالسه تتجهز وتتأنق..راح يجي سعد وتلتقي فيه..هم عازمينه على العشاء وراح يحددون كل شيء..الملكه والزواج..
رن جوالها كذا رنه..وراحت ترد:هلا ريمي..
ريما فالجوال:سحورتي..نايف رد علي..وراح نلتقي الليله
سحر:والله..طيب حلو..جاهزه تقولينله كل شيء
ريما:أيه.حاسه أن أموري راح تتزبط ان شاء الله ادعيلي
سحر:ياارب..وانا كمان الليله جاينا سعد..توني أدري أخوي ماقالي إلا قبل شوي..شوفيني حايسه أتجهز
ريما:الله يوفقك..أجل ما أعطلك باي
سحر:باي حبيبتي..وبشريني شبيصير..أوكي..
ريما:أوكي ..
,
,
,
,
,
,
الليله الساعه7وقفت سيارة نايف..وجلس يعدل نفسه في مراية السياره..
فجأه انفتح باب السياره وركبت:حــلو مايحتاح..معجبني..مساء الخير
نايف تفاجأ فيها:أنا قلت كل واحد بسياره صح
ريما:طيب رد التحيه بالأول..
نايف:مساء النور.بس حنا ما اتفقنا..
ريما:وانا مابي..أبي اركب معك..عندك مانع
نايف سكت ومشى..
ريما طول الطريق جالسه تراقبه..وكأنها تتعرف عليه من جديد...
نايف ساكت وهو يحاول يتهرب من نظراتها..وقلبه يدق بسرعه..
ريما:وين راح توديني الليله؟
نايف:البر
ريما خافت بس تبين العكس:ياحلو مزحك..
نايف بجديه:أنا ما أمـزح..أنا أتكلم جد..
ريما:أوكي البر البر..ليش لا..احسن علشان نكون بعيدين عن كل العيون..بنكون أنا وياك وبس..
نايف:أنتي شتبين مني
ريما:هههههههههه
نايف:ماقلت نكته..خلصيني تراي ماني فاضيلك..
ريما عصبت:قالولك أنا فاضيه..تراني سيدة أعمال مثل ما أنت رجل أعمال..ومشغوله نفس ما انت مشغول..لاترفع صوتك علي
نايف مسك بريك قوي ووقف وألتفت عليها بغى يمد يده يضربها..
ريما خافت وغمضت عينها..
نايف شافها شلون خايفه منه,وماحاولت تدافع عن نفسها,أو حتى تمنعه,
ريما فتحت عيونها وهي غرقانه دموع وتناظره بإستعطاف,
نايف بلهجة أمر:غطي وجهك
ريما استغربت:أيش؟!!
نايف:قلتلك غطي وجهك..
ريما:ماشوف
نايف:موب لازم..أنا اللي أسوق وإلا أنتي..يله تغطي
ريما سوت مثل مايقول وتغطت..
,
,
,
,
في بيت سحر/
منصور:هلا بأبو سعد والله زارتنا البركه..
بو سعد:الله يبارك فيك..
سعد:شخبارك يا منصور؟
منصور:بخيير يالنسيب
بوسعد:ماكان له داعي هالعزيمه وهالتكلفه ياولدي
منصور:ولو ياعمي..حق وواجب..تستاهلون..ماسوينا شيء ترى
,
,
سحر على نار:يمماه متى بيناديني
ام منصور:اثقلي ماراح تقابلينه الليله..
سحر:أجل متى؟
ام منصور:فالملكه ان شاء الله..
سحر جاها إحباط:ياللـــه...
منصور جاء:يمه وين البخور؟
ام منصور:تعال اعطيكياه..والعود تلقاه عندك بالدرج..
سحر قامت وطلعت غرفتها زعلانه..
,
.
,
,
جالسه تناظر حولها وخايفه:نايف حنا وين رايحين؟أنت وين وموديني
نايف:بروح أرميك فالبر وأرتاح منك...
ريما:أنت وش تقول أكييد تمزح
نايف:لا ما أمزح...
رن جواله ورد بسرعه:هلا سماح..لاوالله..ما اقدر الليله..خلاص موعدنا الخميس...أنا لا ماراح أنسى..باي
ريما:من هذي سماح
نايف ناظر فيها بإستغراب,وهو ساكت!!
ريما بإلحااح:مـن هذي سماح الحقيره.
نايف طالعها بنظرات ناريه:لاتقوليــن حقيره..
ريما انقهرت:حقيره ونص
نايف لف بسيارته عن الخط السريع وراح البر..واتجه لبعيد..ووقف بمنطقه مقطوعه ونزع الغطاء من وجهها:أنزلي
ريما:لا
نايف:قلتلك أنزلي
ريما تستقوي:ماني نازله ماني نازله وش بتسوي
نايف:أنا أوريك شبسوي
نزل نايف وراح لبابها وفتحه وسحبها لبرا..
ريما بكت:أنت شناوي عليه بالضبط..
نايف:ولا شيء..أبي أقضي عليك نهائياً..
ريما بكت:أنا وش سويتلك حرام عليك
نايف:طفشتيني بإتصالاتك اللي ماتنتهي..مسجات..تلفونات..بكل مكان بكل مكان..شتبين مني..حاولت أرجعك من قبل بكل الطرق ورفضتي..قلت مو مشكله نضل اصدقاء علشان ولدنا..لكن توصل بك المواصيل تدخلين بحياتي لا..
ريما جلست تبكي:نايف والله مو قصدي..
نايف:وشو اللي مو قصدك
ريما:مو قصدي أني أرفضك..بس أنت الظاهر نسيت اللي سوته فيني أمك..
نايف:أمي وش دخلني فيها
ريما:أنت كنت سلبي..أنت ساعدتها لين دمرت كل شيء..بقلبي..كنت أبيك وبنفس الوقت مقهوره منك..شلون تخليت عني بهالسهوله..حتى بعد ما أنا تزوجت غيرك كنت أخونه لعيونك..كنت بايعه العالم وشاريتك كنت اتمنى يشوفني حسام
معك وأنا اخونه..بس مع سوء حظي ماشافني..وشك فيني..وأنا اللي حسسته بهالشيء..وهو كان يكذب نفسه..لأنه يحبني ضحى بكل شيء.علشاني وتقبلني وأنا حامل من واحد غيره..قد شفت مثل كذا محبه..
نايف ببتسامه:يعني بتثبتين أن فيه أحد حبك أكثر من ما أنا حبيتك..
ريما سكتت وهي تبكي:المهم أنا ما حبيت غــيرك..
نايف:واللحين..تحبيني زي قبل
ريما ترددت:لا
نايف لف مقهور وراح للسياره
ريما لحقته ومسكت يده:عمري ماحبيتك..كثر ما أنا أحبك أللحين..
نايف ما ألتفت عليها..
ريما لفت عليه ووقفت قدامه و حطت عينها بعينه ببتسامه مليانه دموع قالت له هالقصيده:إن تماديت بدلالك أوتغليت بزعل....تبي تعرف مكانك وسط قلبي وش يكون
والله أن العين دارك والمحاني محل...ارحم بقلبي فديتك وأرأف بذيك العييون
شفت ورد الكون كله من زعل شخصك ذبل...والسماء ترعد وتغضب.وأمطرتلك بالمزون..
نايف نزلت دمعاته:سلي سيوف الشوق,كلي نياشين..من وين ما ود الغلا أطعنيني
إن كان دم العشق يامنوت يدين..فدوه ولو حتى بعد تقتـليني
تعبت أدورني مع الناس عامين...تعبت أردد للمخاليــق ويني..
عيني تغورق في غيابك غيابين..غيبت غلاك وغيبتك عن عيني..
ريما واقفه دموعها مواصله تنزف على خدها ومو مصدقه..هاللي تسمع منه..
نايف قرب لها..ومسك يدها..وعينه بعينها ببتسامه..
ريما..قربت هي بدورها وعينها بعينه,وهي متردده وتبي تضمه بس ماتقدر:نآيف
نايف:سمي
ريما قربت منه أكثر:بردانه
نايف عرف قصدها..وضمها...
...........................................النهااا يــه
..((باقي فينا الـحـب..باااقي ..لسى بــاااقي..
بس اللي رااح من عمرنا راااح..وإحـنا قررنـا الرجوووع...))
,
,
يقال..بأن زواج سحر وسعد ونايف وريما كان بليله وحده...لأن سعد ونايف عيال عم..وحبوا الفرح يكون فرحين
وبهذا تنتهي قصة حبي..نهايه حلوه رغم أنها عذبتني..
تحياااتي/بقايا جسد | | |
| |
17 - 7 - 2011, 05:42 PM
|
#13 |
|
28 - 7 - 2011, 06:18 PM
|
#14 |
|
29 - 7 - 2011, 03:34 PM
|
#15 |
|
14 - 4 - 2012, 08:52 AM
|
#16 |
باقي الحب فينا باقي لسى باقي روايه كامله |
الذين يشاهدون محتوى الموضوع الآن : 1 ( الأعضاء 0 والزوار 1) | | | 
الأعضاء الذين قاموا بتقييم هذا الموضوع : 0
| لم يقوم أحد بتقييم هذا الموضوع | 
تعليمات المشاركة
| لا تستطيع إضافة مواضيع جديدة لا تستطيع الرد على المواضيع لا تستطيع إرفاق ملفات لا تستطيع تعديل مشاركاتك
كود HTML معطلة
| | |   الساعة الآن 07:10 PM
| | | | | | | 
العرض العادي
