رواية فرسان على جمر الغضى للكاتبة وديمة العطاء

7 - 5 - 2015, 07:55 PM

في ديره ثانيه ديرة الشيخ حمااد كانت البدور نايمه على جنبها والعمه عند النار تسوي قهوتها وتحمس لقهوه على النار

العمه:يا بنيتي قومي افطري واكلي لج شي العيل الي في بطنج يريد له شي يتغذا عليييه

البدور وهيه مهب طايقه حالها:يا عمه اتركيني نفسي منسده عن كل شي ودي انااام وبس

العمه:وش الحااال ذا يا بنيه

اعتدلت البدور بصعوبه وهيه في الشهور الاخيره:اااه يا عمه ماني قااادره ماني قااادره اتحرك كل جسمي يوجعني ورجيلاااتي صارت اكبااار لدي يا عمه ذي مهب ارجولي

ضحكت العمه:يا بنيتي ذا من الحمل وانتي الله يهدااج ماغير نايمه وماتتحركي لزووم ان اللحم يركبج ويزييد وزنج

البدور:انا يا عمه تعبت تعبت حيييل ..ودي اخلص من الحاال ذا

رجعت البدور ونامت على جنبها الثاني وهي تحاول تمسك دمعتها

الشيخ حمااد تقدم من العمه وعينه عند الي نايمه ببيت الشعر ووجهها للجنب الثاني

الشيخ حماد:صبحج الله بالخير يا عمه

البدور من سمعت صوته حست انها خجلانه من حالها وودها تقعد مير استصعب عليها الجلوس مرة ثانيه

العمه:الله يصبحك بالسرور يا ولدي

حماد:وش اخباركم؟

العمه:الحمد لله مانشكي بااس

حماد:وش لون البدور والعيل؟

العمه بابتسامه:بخير يزين حالك ما يشكو من شي

حماد:هي وش فيها نايمه؟

العمه:يا ولدي الحمل مثقل عليها ومعاااد تقدر لحالها

حماد:لزووم تمشي وتطلق رجيلاتها في المرعى لجل تحس بحالها خفيفه

العمه:ماتقدر يا ولدي

حماد بابتسامه:يا عمه العيل باقي عليه كثيير والله اني متشفق اشيله بين ايديه واقوول للعالم كلها شوفو ولدي الي طال بي انتظاره

العمه:اييه يا ولدي قرييب باذن الله عليييك بالصبر

حماد:عمه وش رااح نسميه؟

البدور كانت تسمعهم وهيه مبتسمه

العمه:البدور قالت انك انته الي راح تسميه الاسم الي ودك اياااه

ابتسم اكثر الشيخ:هي قااالت ...يا شوقي له يا عمه

العمه:باذن الله تالد وتقوم بالسلامه وتفرحو بالعيل

حماد:الحمد لله يا عمه الي حقق لي منيتي

.................................................. ...

7 - 5 - 2015, 07:57 PM

قماد كان قاعد وغرته نازله على عيونه وهو مبتسم ابتسامه ذوبت البنت الي جالس معها

نجود:والحييين امتى ودك تجي تخطبني من ابووي؟

قماد:يا ويلي ويلاااااااه ودي اليوم قبل باكر

نجود:ايييه لعاد وش الي ياخرك

قماد وهو يعتدل ويناظر فيها:انتي تدري يا نجوود اني ولد الشيخ وابوي مثقل علي بكثير من امور القبيله

اصبري يا نجودخليني ارتاح من تدريب عيال القبيله ومن بعدها الزم على ابوي بالجيه للخطبه

نجود:انت دوووم تقول لي كذا وماني شايفه شي

قماد:ايييه يا نجوود انتي ماتدري بالشوق الي بقلبي واني اتمنى اليوم الي تكوني فيه حليلة لي انا وانا بس اناظرج تصيرلي علوووم وين لو انتي تقربي وتجلسي جنبي اظنتي اني بترك

امور القبيله وبجلس لابوي متحفز للجيه

ابتسمت نجود وهي تفهم له وقامت وجلست جنبه وذاااب قماد

قماد واصابعه تتخلل شعره من قدام ويسحبه على وجهه اكثر وعيونه

قماد:يا ويلي ويلاااااااه

ضحكت نجود وهي تحط يدها على يده

قماد :ارجااااج يا حبة عيني ماني قااادر على كل ذا

نجووود:ايييه ودي اياااك تنجن بي

قماد وهو يلفها بيديه:مهو انا منجن مبطي

في الوقت ذا نط عليهم رجال وهو ولد عم نجود:وش الي قاعدين اتسونه اهنيا

نجود:نوااااف هذا ولد عمي يا ويلي ويلاااه

قماد:وش قلتي ومن وييين جا ذا

ولد العم:انت وش قاعد تسوي معها

وقف قماد:اذكر الله يا رجال انا نيتي زينه وودي قريب اجي اطلب يدها من ابوها

ولد العم:اتخسى ومن انته حتى تجي وتستحلي الجلوس مع بنات الديره

وقف قماد وهو نافخ صدره:انا نوااف ولد الشيخ مسعد

ولد العم:ايييه ناس معروفيين مير ما خبرنا بعيالهم يسوون هذي السوااه وانتي يا مسودة الوجه اليوووم ودي ادفنج بالحيا

مسكت نجود بيد قماد:نواااف ارجاااك ماتتركني وده يقتلني

قماد:ما عليييج انا موجوود

ولد العم:امش امش قدامي انت وهيه لزووم اليوم افضحكم بالقبيله واعلمك ان حنا مهب لهاذي السوالف

قماد:استر على بنت عمك يا رجال ترا سترها من سترك

ولد العم:اتخسي هي هذي عااار على الديره واليووم لزوم تكون عبره لغيرها

نجود:يا ويلي ويلاااه ارجااك يا نوااف لا تتركني

ولد العم وما زال ماسك سلاحه وموجهنه ناحيتهم:امشو قدامي

مشا قماد كم خطوه وفجئه استغفل ولد العم وركض لفرسه ونط عليها وولى هارب البنيه تمت تصارخ مكانها تناديه وولد عمها اخذ يصوب عليه بسلاحه من غير ما يقدر يصيبه

نادى ولد العم وهو يعتزي بفرسان قبيلته وقال الهم الي صار وانه لزووم يا خذو بثارهم من الي هتك شرفهم ولحقو قماد الي توجه لقبيلة الشيخ ابو نواف

دخل قماد على مجلس الشيخ ابو نواف وهو يصييح:يا شييييخ انا داخل على الله ثم عليييك يا شيييخ

ابو نواف:ابشر يا ولدي بالي يعزك ..من الرجال؟ ومن هم طلابينك؟

قماد وهو يا خذ انفاسه :انا جبر ولد الشيخ عمار والجماعه ذي تطلب دمي

الشيخ ابو نواف:وصلت يا ولدي وانت من عرب معروفيين مير يا ولدي جبر ولد الشيخ عمار انا شفته وماكانني انت شفتك

قماد:انت يا عمي الشيخ الي شفته وكاد جبر ولد عمي والي يشوفه يحسب انه هو ولد الشييخ

الشيخ ابو نواف:وش لهم عندك يا ولدي؟

قماد:يا عمي انا سمعت منهم حجي ما جاااز لي وانا مجيت حدكم الا لان الحجي ذا يعنيكم

الشيخ:وش هو الحجي يا ولدي؟

قماد:انا متوكد يا عمي انه حجي باطل لاجل كذا انا مارضيته وضربت الرجال الي قاله وهم هالحيين ودهم ياخذون بثارهم مني

الشيخ وهو متحفز:وش قالو ؟

قماد:قالو ان اولدك الشيخ نوااف يتحرش ببناتهم

نط نواف من مجلسه:وش اتقووول وش الحجي الباطل ذا؟

قماد:والله اني داري انه كلام باطل وانا ماخلييت الرجال يكمل كلامه الابظربه مني على وجهه

التفت للشيخ:يا عمي الشيخ القوم ذولا مادري وش بلاهم فعايلهم غير عن الي نسمعه عنهم

دخل واحد من الرعيان يصييح:يا عمي الشييخ ...يا عمي الشيييخ الغزو جانا الغزو

وقف الشيخ ومعاه بقية القبيله:هي وصلت عندهم يغزونا يا رجال انتو الها

تحفزو الرجال والكل قام يستعد للغزوه وقام قماد

قماد:يا عمي ارخصلي والله ان ما ودي ارووح هالحيين مير انا مرسول اجيب دوا للجده وهي طريحة فراش الموت ولزومن مني اوصل الدوا بالسرعه وابشر اوصل الدوا وانا وابوي وكل قبيلتنا مساندين الكم في ذي الغزوه الليله حنا كلنا عندكم

الشيخ:توكل يا ولدي وصل الدوا وحنا ان شالله نقدر لهم

7 - 5 - 2015, 07:59 PM

هز قماد راسه ممتن للشيخ وركض لفرسه وطلع من الجهه الجنوبيه متوجه لقبيلة الشيخ ابو جبر وقبل لايوصل القبيله غير وجهته راجع لقبيلة الشيخ ابو طايل وهيه بعييييد عن القبايل الي تركها قماد والحرب قايمه بينها حتى قبيلة الشيخ ابو جبر وصلته لعلوم واشتبك معاهم بالحرب وكلا ما يدري من هو الصواب ومن هو الغلطان

قماد كان يضحك وهو على فرسه راجع وهو متاكد ان الحرب بينهم قايمه ...خلهم جعلهم من ذا وازود

.....................................

وفي قبيله ثانيه قبيلة اهل السدر

كانت قوت جالسه ودها تاكل الها لقمه يوم سمعت صوت حرمه قدام بيت الشعر تولول وتصرخ

قامت مفزوعه وناظرت الها وشافتها جالسه وتطب حالها بالتراب

الحرمه:يا ويلي ويلاااااه كل شقا عمري راااح يا ويلي ويلااااه

قربت حريم الديره منها والتفو حواليها وكل وحده تهز راسها لحال الحرمه قربت منهن قوت

قوت:وش فيييج يا حرمه

الحرمه:ااااه يا ويلي ويلاااه كل شقا عمري راااح انسرقت يا بنيتي ذهباااتي كلها انسرقت ماظل عندي شي

قعدت قوت جنب الحرمه ومسكتها من اكتافها تهديها

قوت:يا عمه استهدي بالله والحمدلله على سلااامتك المهم سلامة الرووح ولا الذهوب ذي تولي ..المهم انج بخير وان الي خذا الذهوب ماضرج بشي

الحرمه:يا بنيتي وش اسوي هالحيين كل ذهبااتي رااحت

قوت:معاوضه يا عمه معاوضه باذن الله وماعلييج الا الصبر المهم سلامة الروح

وحده من حريم الديره:ايييه قوته صادقه يا خيه المهم سلامة الروح والحمدلله ان الي سرق ذهباتج ما ضرج ولا اذاااج

الحرمه بلعت غصتها وسكتت وقوته والحريم الباقيه يهدن فيها

قامت قوت ومشت رايحه لبيت الشيخ

وقف الشيخ اول ما شافها:وش بج يا بنيتي

قوت:الحال ذا ماينسكت علييه يا شيييخ..ويين الرجاال وين الامااان كيف ترضاها يا شيخ وحنا كل يوم حريمنا تنسرق ذهباتهن ومحدن يدري من الفاعل...عاجبتنك الحسره الي بقلوبهن يا شيييخ

الشيخ:يا بنيتي وش الحيله والله اني مهموووم من السالفه ذي وماني عااارف وشلوون الذهوب تنسرق الديره من كل جنب محاوطه بالحراسه ومحدن يقدر يدخلها اتهقين يا بنيتي ان الي يسرق من داخل القبيله

قوت بقهر:وش الهرج ذا يا شيييخ ومن هو الي وده يقهر حريم ديرته..انا اقول يا شييخ بدل حراسك برجال تخلي عيونها فاتحه طول الليل مهب رجال تنام وتنسرق القبيله وهم ما يدرون ....وش ودك باكر تسوي بالرجال ذي يوم تنغزا الديره

التفتت عنه وراحت

الشيخ:والله اني عجزت من السالفه ذي

................

7 - 5 - 2015, 08:00 PM

دخل الشيخ طايل بيته وشاف بنته شوق جالسه وما قامت تسلم عليه

الشيخ طايل:ايييه وش بها عين ابوها

التفتت عنه للجهه الثانيه معلنه زعلها

الشيخ طايل:للا للا انتي زعلانه من ابوووج يا شوووق

التفتت ناحيته:ايييه زعلانه انت وعدتني وماني شايفه من وعودك شي

قعد الشيخ طايل جنبها وهو مشتاااق الها حيييل

طايل:وش الي يزعل عين ابوها من ابوها

شوق:انت نسيت وش قلتلي يوم اننا في ديرة جدي قلت انك يوم نرجع للديره تتركني اركب الفرس واتعلم عليها وهذاني ماشوف شي من لوعوود

طايل:يا بنيتي حنا تونا جايين الديره ما بعد استقرت امورنا وباذن الله يوم يفضى عمج فهاد يعلمج هو على ركوب الفرس

شوق:انا يا بوووي اعرف اركب الفرس مير ودي اتدرب ازيد عليها ولا انت يرضيك باكر يوم ننغزا اني ما اعرف وشلون اهرب من الغازيين

طايل:عوذه يا بنتي لييه طاري الغزو ومن يتجرا يغزو قبيلة الشيخ ابو طايل

شوق:عيال العطاوي يبه انت نسيتهم

طايل:تدري يا بنيتي ان جدتج امي عطاويه وشلوون ودج اياهم يغزون ديرة عمتهم

شوق:وش يدريهم يا يبه ان ذي ديرة عمتهم...

طايل:لا يابنيتي الي يسونه عيال العطاوي انتقام لجل قبيلتهم الي محدن من العربان الي حوليها فزع الهم يوم انتخاهم الشيخ العطاوي وحنا ديرتنا بعيييد من القبايل ذيييج

شوق:اقووول يبه اذا جااك واحد من عيال العطاوي يخطبني لا ترده

حينها انفجر الشيخ طايل ضحك على بنيته:ودج واحد من عيال العطاوي ههههههه

شوق:ايييه يبا وانا ويين القى فارس شجااع مثل عيال العطاوي كل الرجال الي انغزو من القبايل الثانيه محدن قدر يوقف في وجيههم

بابتسامه وهو يمسح دموعه :ولا يهمج يا عين ابوها من يجي ولد العطاوي يخطب اوافق على طووول ههههههه

ابتسمت شوق وقرصها ابوها على خدها مبين غلاها عنده

.....................................
بالظهيره رجع فهاد لبيته وحصل المها جالسه

وقفت اول ما شافته وتوجه هو للمكان الي بيه فراشه

المها:ازهب لك الغدا يا شيييخ

ناظرها فهاد بغيض:انتي ماتفهمي يا حرمه

ظلت واقفه تناظره

فهاد:اتركيني ساعه انام فيها وروحي لشقج

التفتت عنه وراحت حاول فهاد ينام لاكنه ما قدر وقام طالع من البيت كل ما ناظرها يحس ان كل شي تخربط عنده

قبل مغيب الشمس وصل قماد الي بدل ملابسه بملابس الرعيان وترك سلاحه في مغاره قريبه منهم والفرس اطلقها في المرعى

طل من فوق الجبل على الغدير الي متجمعه عنده بنات الديره

قماد:يا ويلي ويلااااااااه الله يسامحك يا عتيبه

نزل قماد لجل يتوجه لخيمة الرعيان الي بالجهه الثانيه وهو مار كان يركض باستهبال وكان طوله معطيه شكل ايخلي الي يشوفه وهو يركض متلثم يفطس من الضحك كان يسمع البنات وهن يضحكن على ركيضه واستهباله

وتزيد الحرقه بقلبه انه ما يقدر يجي جنبهن

دخل لخيمة الرعيان ونط له عتيبه

عتيبه:انت جيييت

قماد وهو ياخذ انفاسه:يا ويلي ويلاااااه رجعت وانا ايد ورا وايد قدام ما صار شي من الي ودي فيه

عتيبه بنظرات غيظ وغضب:انا وش قلتلك يا قماااد ما قلت لك الديره ما تطلع منها ليييه العناااد ذا

قماد:قلتلك يا خوووي مقدر انا رجال لاعب بقلبه الهوا وانا ان مارحت وصبرت حالي خارج الديره مدري وش ودي اسوي ببنيات الديره اهنيا

عتيبه:انت امتى ودك تعقل

قماد:يا خوووي ما صااارشي ...هالحييين اتركني ودي اتريح شوي الطريق كان طويييل

عتيبه وبعده معصب عليه:والحلال الي قلت لك اتشوفه متى ودك ترووح تشوفه ترا غيث عجز وهو يدور على الحلال كله ارحم حاله يا خووي

قماد بابتسامه:هو وده كذا حتى وانا اهنيا يقول لي رح وانا اشوف الحلال

قام عتيبه وسحب قماد وراح به للمرعى وطلب من غيث يرجع للخيمه

غيث وكلعاده الصمت كان جوه دووم ...على الليل قعد قدام النار وبيده فنجال قهوه ويناظر لهب النار وهو يشوف اللهب

يتشكل على شكل عيون كحيله اتناظره غمض عيونه لجل العيون اتغيب عن ناظره لاكنها رجعت تتشكل مع اللهب مرتن ثانيه حينها كب القهوة الي بالمزله كلها على النار

عتيبه الي كان جالس قريب منه:وش بك يا غيييث؟

ناظره غيث وهز راسه وقام:ودي اروووح للغدير

اعتدل عتيبه بجلسته لمن راح غيث وهو يفكر بحال غيث الي انقلب صارله مده طويله

..................................

7 - 5 - 2015, 08:02 PM

كانت المها جالسه جنب النار يوم دخل عليها فهاد وهو يتمنى يحصلها نايمه وقفت اول ما شافته

حس بغيض تملكه يوم شافها قدامه

فهاد:ليه مانمتي؟

المها:النووم مل مني ومليت منه

فهاد وهو ينزع الحزام الي على صدره وخصره وهو صاد عنها للجهه الثانيه:ودي انااام

المها:ازين لك لفراش؟

فهاد:امتى ودج تسمعي الحجي وتتركيني بحالي؟

المها:بعدك غاضب علي يا شيييخ؟

التفت فهاد الها وهو وده مايناظرها ويشوف الحسن والزين الي قتله

فهاد:ودي انااام

نزلت المها راسها تحت:ارخصلي يا شييخ

التفتت عنه وراحت لشقها

تقلبت بفراشها وما جاها النوم قامت وطلت على المجلس وشافته جالس جنب النار ابتسمت ونست حالها وهيه اتروح عنده بدون ماتحط الشال على راسها

هو بحاله متغربل من الي شافه منها تجيه هالحييين بعد وهي بشكل ثاني وتره لاخر حد عنده

المها وهي تجلس قريب منه:مانمت يا شيييخ

ناظرها وارتجفت خلاياه وتسارعت دقات قلبه...قام وهو مثل الي لسعته النار

فهاد:انتي وش اتريدي مني هاااه ما ودج تتركيني بحالي ...وش البليه ذي يا ربي

وقفت المها وهي ترجف من صرخته عليها:ارجاااك تهدا يا شيييخ وماله داعي الصريخ ذا وش ودك العربان تقول

فهاد وهو يحاول يكتم صوته:انقلعي من قدااامي ما ودي اشوووفج

حاولت تمنع دموعها والتفتت بسرعه ورجعت لشقها وهي تستسلم لدموعها الي نزلت اكثر

.............................................

!! !!
!! !!
!! !!
ودمتم وديمه

8 - 5 - 2015, 01:06 AM

فرسان على جمر الغضى

الجزء الثالث

طلب الشيخ من عتيبه انه يشوف له احد من الرعيان لجل ايكون رفيق لبنيته شوق وهي تتدرب على ركوب الفرس بعيد اشوي من الديره

عتيبه:يا عمي رعيانا ما يقدرو يحمو لبنيه لزووم يكون معها احد يقدر يحميها

الشيخ طايل:للا انا ما ودي يروح معها احدا من الرجال كل الي ودي بييه ان الراعي يجلس قريب منها لجل ان شافها احدا من بعيد يحسب انها في حماية احد وما يقربها ومعها رجال وانا يا ولدي مقدر اخلي حد من الرجال يروح مع بنيتي لحالهم الراعي يسد

عتيبه وهو يفكر"وش هالبلشه هذا وش وده

طايل:يا ولدي لقييت حد يروح معها

عتيبه:والله يا عمي الرعيان كلهم مشغولين بحراسة المرعى وانا ودي اليوم اروح اسال للشيخ فهاد عن الرجال الي وده اعلوم عنه

طايل:ما عليه يا ولدي شف الراعي الي يحرس حلالي وخله هو يروح معها

عتيبه:لالا ااا انا خلاااص لقيييت الي ودك فييه غيث هو الي رااح يروح معها

طايل :المهم يا ولدي خله هالحيين يجهز لجل يطلع معها

عتيبه:ان شالله يا عمي هالحييين اقول له

..................................

فهاد صحي من نومه وما شاف اي زوول الها بالمجلس قام وجهز وبعدها طلع لمجلس ابووه

على الظهيره رجع غيث وهو مفول على بنت الشيخ طايل الي طلعت عيونه وهو كل شوي يلحقها من مكان لمكان وهي مستخفه به

عتيبه:وش بك يا غيييث؟

غيث:اسمعني زييين النوبه ذي سمعت حجيك ورحت مع لبنيه لاكن مرة ثانيه والله انه ما اعتب معها مكان

عتيبه مستغرب وقماد جالس قريب منهم:وش صااار

غيث بقهر:البنيه دلوووع دلوووع افقعت مرااارتي والله اني بالقو مسكت حالي عنها كان ودي اعطيها على وجهها مير مسكت حالي

ضحك قمااد:يا ويلي ويلااااااه وش سوت بك؟

غيث:اسكت انت

التفت غيث لعتيبه الي كان مبتسم:انا مرتن ثانيه ما ودي اطلع معها

عتيبه:لو كنت ادري اني اليوم ماهو بطالع كان طلعت عنك انا مير طلعتي اتاجلت لين باكر ومحدن غيرك يا غيييث يصلح يكون معها

قماد:وش الهرج ذا وانا ويين رحت عنك يا خوووي

عتيبه:للا ما بقي عاد الا انت تطلع معها

قماد:وش ايصيير يعني ودي اشوف وشلون هي البنت الدلوووع وعهدا على ما المسها وميجي مني

الها شي وانها تكون امااانه برقبتي

وقف عتيبه:للا لو يصير ما يصير يا قماد انته اخر واحد افكر اخليه يروح معها

قماد:بكيفك يا خوووي...الا متى ودنا نغزو ديره من الديرات

عتيبه:انكتم يا رجااال حنا وش قلنا ما ودنا نتحجى بذي الامور اهنيا

قام قماد:اجل ارخصولي ودي اروح اشوف الحلال

........................

8 - 5 - 2015, 01:46 AM

جلست قوت مع بعض حريم الديره وحثتهن انهن لزووم يحصلن طريقه زينه يحفضن فيها ذهباتهن واعطتهن اماكن ما تخطر على البال لجل يحفضن ذهباتهن فيها

كانت راجعه من عندهن ولقيت بطريقها حرمه شايله على ظهرها حزمة حطب

قوت:هاتي عنج يا عمه

الحرمه:قدني واصله يا بنيتي

قوت:ليتج قلتيلي يا عمه كان انا كفيتج بالحطب

الحرمه:الله يحفضج يا بنيتي وانتي دايمن ما تقصري بحد ما على الحزمه مهب ثقيله

قوت باصرار:اعطيني اياها يا عمه

حملت قوت الحزمه وصلتها لبيت الحرمه شكرتها الحرمه وراحت عنها قوت وهي مبتسمه

وهذي هيه قوت عايشه مع حرمه كبيره بالسن ربتها من يوم هي صغيره اخت الحرمه الي توفت من سنتين وجبتها الحرمه ذي وعيشتها عندها

وقوت كانت من بنات قبيلة العطاوي الي انوخذت يوم الغزو وخذها رجال واعطاها للحرمه الي ربتها ...غيث وعتيبه ما كانو يدرو ان في حد بقي من القبيله غيرهم

الكل بالديره ذي يحب قوت لانها كانت متعاونه مع الكل وتساعد الكبير والصغير وابتسامتها ما تفارق محياها كل ما شافت حد

............................................

رجع فهاد لبيته وما شاف المها بالمجلس قعد قريب النار الي شكلها اليوم محدن اشعلها وارتاب فيها وين راحت

وقف ونادى عليها:المها يالمها

نطت المها اول ما سمعت صوته يناديها وطلعت له:يا عووونك يا شيييخ

ناظرها من بعد ما توكد انها بخير

فهاد:ليه ما اشعلتي النار اليوم

المها:وشلون اشعلها وانا جالسه بالشق انت ماتريد اتشوفني

ظل فهاد يناظرها:اتعرفي تساااوي لقهوه

المها:وشلون ما اعرف ...قهوة المها الكل يطلبها وما يشتهي من بعدها قهوه

رفع فهاد حواجبه:متوكده

المها:ايييه

فهاد:ومن هم ذولا الي مايريدو يشربو غيرها

نزلت المها راسها تحت:ابوووي واخووي سعد رحمة الله عليهم وعمي الشيييخ كانو كثير يطلبو مني اسوي لقهوه الهم

فهاد:شوفة النفس يابنت مهب زييينه وكاد انهم يقولو لك كذا لجل معزتج عندهم

المها:ودك اسوي لك لقهوه يا شيييخ

فهاد:هالحييين ودي انام شوي وبالعصير خلي لقهوه جاهزه

المها:تم يا شيييخ ...ارخص لي

التفتت عنه ورااحت

وقف فهاد يناظرها وهي تروح "زين يالمها اليوم يوم انج تشوفي الفنجال وانا اكب نصفه معاد تعيدي ان قهوتج ازين قهوه

التفت لفراشه وراح ينام وصورتها ما فااارقت خياله

8 - 5 - 2015, 01:47 AM

صرخت البدور :انت وش بك ليييه ما ودك تنام وتتركني بحالي

العمه قربت من شق البدور:يا بنيتي انتي مع من تحجي

تاففت البدوروهيه تناظر لفوق:مع من يا عمه مع العيل وكاااد كل ما ودي اغمض عيني صار يتحرك كثير

ابتسمت العمه:ايييه والله ان حماد مشتاااق له كثير وان سمعج تصرخي عليه يزعل عليييج

تنهدت البدور:حاضر يا عمه ما راح اصرخ عليه خله يسوي الي وده يسويه مير انا يا عمه تعبت وودي ارتاااح من الحال الي انا به ودي الد اليوم قبل باكر

العمه:اصبري يا بنيتي اصبري

غطت البدور عيونها بيدها وهن يدمعن من جديد وسحبت اللحاف عليها وصار جسمها يرجف من تحت اللحاف وهي كاتمه صوت بكاها عن لاتسمعها العمه

...........................

.طلت المها على المجلس وما شافت فهاد

المها:هذا وين راح

طلعت عند النار الي حصلتها مشتعله وقعدت تجهز لقهوه مير انه مارجع الها لين اخر الليل

كانت متزينه كالعاده بثوب جديد وكحل يزين عيونها وبعض الذهبات الي لبستها

ناظرها فهاد

المها:رحت يا شيييخ وما شربت قهوتك

فهاد:شربت قهوتي بمجلس ابوووي

المها :وقهوتي ما ودك تشربها؟

تقدم منها فهاد وراح جالس عند النار

فهاد والي كان ناوي يذم قهوتها:هاتي قهوتج نذوقها

تقدمت منه المها وهي مبتسمه ورفعت المزله من النار

فهاد وهو يمد يده للفنجال:وهذي قهوة العصر ؟

المها:للا هذي قهوه جديده جهزتها قبل اشوي

ارتشف منها فهاد رشفه والحقها برشفه ثانيه وثالثه وهو ناسي حاله والي كان ناوي يسويه

المها بابتسامه:ازيدك يا شيييخ

ناظرها:هاتي فنجان ثاني

خذت المها منه الفنجال وزادته وهي تنتظر يقول شي من بعد ما ذاق القهوه

هز الفنجال بعد ما اخذله اربع فناجيل وكان وده يزيدهن مير انتبه على حاله وقام

المها:اعجبتك لقهوه يا شييخ

التفت الها:وش بيها لقهوه؟

المها:اعجبتك؟؟

فهاد:زوينه

تركها وراح لين فراشه وبدا يخلع حزامه وسلاحه واول ما التفت لجل يقول لها تروح ما لقيها واقفه

..............................

8 - 5 - 2015, 01:49 AM

في المرعى وعلى حافة الجبل كان غيث نايم على ظهره ويناظر بالسما للنجوم الي كانت تارسه السما

ومثل كل مره شاف العيون الكحيله تتشكل بالنجوم وتناظره

حرك ايده قدام عيونه يطردها لاكنه رجع وشافها مرتن ثانيه....الغيض تملك منه وقعد وهو يمسك سلاحه ويصوبه للسما وين ما عيونها تناظره وبدا يطخ بالهوا

ثواني وكان عتيبه واقف جنبه:وش الي قاعد اتسويه يا غيييث ودك العربان تقووم

غيث:ما ودها ما ودها تتركني بحالي وانا يا عتيبه الي لزومن الاقيها واخذ حقي منها

ترك غيث عتيبه على الجبل ونزل عنه

عتيبه:يا جهد البلا

..............................................

كانت قوت نايمه بالشق وسمعت وحده من حريم الديره جالسه مع الحرمه الي هي عندها

الخاله:يا قووووت يا قووووت

تاففت قوت:نعم يا خاله

الخاله:ما ودج تروحي جنب الغدير تجيبي لنا مي

قووت:يا خاله بطني توجعني وشربت لي اعشاب وودي انام شوي

الخاله:نامي نامي يا بنيتي

وقفت قوت وطلت على الحرمه الي مع الخاله بعدها راحت وحطت تحت لحافها لحاف ثاني وطلعت من شق بيت الشعر من الخلف

كانت تمشي وتناظر كل الي حواليها وهي متلثمه زي الحرمه الي ببيت الخاله وصلت لبيت الحرمه ودخلت وكان مابه حد ناظرت للجربه المعلقه فوق وابتسمت مابه حد يعلق الجربه فوق فوق الا اذا كان حاط بيها شي

قدرت قوت تنزل الجربه وتطلع الذهبات منها وتخفيها بجيبها بعدها رجعت الجربه لمكانها وطلعت بسرعه راجعه لبيتها

اخفت الذهوب بمكان وطلعت للخاله والحرمه وهي تمثل دور الموجوعه

الخاله:بعدج يا بنيتي موجوعه

قوت:ايييه يا خاله ماني قادره انام من الوجع

الحرمه:الاعشاب الي شربتيها زينتي طباخها

قوت:اييه يا عمه ودي انام مير الوجع مانع النوم من عيني

قامت الحرمه:يشفيج الله ياحبة عيني وانا اوصل لبيتي واطرشلج من العسل الي جابه جوزي

قوت:يطولي بعمرج يا عمه مير انا ما احب العسل

راحت الحرمه وتمددت قوت مرتاحه ان محدن قدر يشك بامرها

......................................

8 - 5 - 2015, 01:51 AM

طلعت شوق باليوم الثاني وطلع معها عتيبه الي تاجلت طلعته اليوم بعد وراحو خارج الديره

جلس عتيبه على تل وظلت شوق تجري على الفرس رايحه جايه وبعدها صارت تبتعد عن المكان الي هم فييه

وقف عتيبه:يا جهد البلا هذي وييين ودها تروووح

اخذ عتيبه يلوح لها لجل تعاود وهو يلحقها لاكنها ما كانت تعطيه اي بال وهي تبعد بالفرس اكثر واكثر

تخبى عتيبه عنها ورا وحده من الاشجار يمكن تعاود ان ما شافته وبالفعل يوم التفتت وما شافته رجعت تدور عليه واول ما وصلت قريب منه طلع لها

شوق بغيض:انت وييين رحت

عتيبه وهو يلف اللثام اكثر على وجهه:يا عمه بطني يوجعني

شوق:ايييه اجل خلنا نعاود

عتيبه:هذا هو الشور الزيين

شوق:الحقني يا ولد

وركضت شوق بالفرس ناحية الديره وعتيبه يلحقها على رجوله

.................................................
فهاد من صحي بالصباح ما رجع عند المها الا وقت الظهر وتفاجئ بابوه والعمه وشوق جالسين مع المها

سلم عليهم وجلس جنب شوق وعيونه على ابوه والمها الي كانت تنظر له وترجع تنظر لتحت والكل حس ان المها من دخل فهاد تملكها الخجل

شوق :وشلونك يا عمي

فهاد ونظره يروح غصبا عنه عند المها وابوه:هااه الحمدلله انتي وشلووونج؟

شوق:الحمد لله يا عمي ..اليوم ابوي الشيخ طلب مننا انجيبه اهنيا وده يجلس مع حرمة اولده وهذا هم من الصبح وهم بالسوالف

ناظرهم فهاد الي بدا يحس بقلبه تزيد دقاته وهو يشوف المها وهي مبتسمه وابوه الشيخ يسولف عليها لاول مره يشوف ابتسامتها الممزوجه بخجلها

كل ما حاول انه يصد بنظره عنهم لمكان ثاني مقدر اسحرته وهي جالسه تسولف والي ذبحه ازود انه كان وده يسمع وش اتقول وهو يشوف ابوه والعمه متبسمين

التفت الشيخ يكلم العمه ورفعت المها نظرها لفهاد الي ارتبك اول ما طاحت عينها بعينه وصد بنظره لمكان ثاني

المها ما كان حالها احسن من حاله وهي تحس بقليبها بعد تزيد دقاته من اول ما جا فهاد وجلس

قامت المها لجل تجيب الدله من النار وتزيد عمها من قهوتها ...عيون فهاد تبعتها وجلست جنب النار ومدت يدها للدله الا ان جمره صغيره طارت اول ما حركت الدله ولسعتها

انتفضت من اللسعه وهي تصرخ صرخه صغيره ومحس فهاد بنفسه وهو ينط ويجلس جنبها ويمسك ايديها بين ايديه يقلبهن ايدور وين لسعتها الجمره المها ولعت من لمسة ايديه

فهاد:الجمره لسعتج؟

المها بارتباك وخجل وهي تحاول تسحب يدها:ما صار شي الامر بسيط

فهاد وهو يشوف اللسعه اخيرا من بعد ما فتح اصابعها يدور بينهن:انتي انلسعتي

التفت لشوق:هاتي ماي يا شوووق وتكون بارده

ابو طايل والعمه ما قدرو يتحركو خافو ان المها صابها شي كايد وهم يشوفو خوف فهاد الي ما حس بنفسه

قربت شوق طاسه صغيره فيها مي واخذها فهاد وقربها من يد المها واخذ يرش يدها بالمي المها كانت منحرجه حييييل وهي تناظر العمه والشيخ

المها:فهااااد ارجااااك الجمره صغيره

رفع فهاد نظره الها وانتبه لحاله:زين مرتن ثانيه انتبهي للنار

سحبت يدها من بين ايديه وهي تحاول اتوقف رجيفها من قربه ولمسة ايديه

فهاد وقف بسرعه والتفت لابوه والعمه وقرب منهم واخذ سلاحه

فهاد:ارخصولي ودي اروح اشوف عايض

وطلع عنهم وناظرت العمه ابو طايل وكلا كان بعيونه حجي

المها ما كانت اتحس بلسعة الجمره كثر ما كانت اتحس بلمسة ايدين فهاد باقيه حتى من بعد ما راح

الليل شارف وفهاد من طلع عن المها ما عاود الها

ابو طايل الشيخ كل شوي كان يقول لفهاد يروح لحرمته مير فهاد كان يعيي وما يروح

عند الرعيان كان امر غريب حاصل بينهم وهم يلفو بالقبيله كلها يدورو.... غيث وعتيبه وواحد من الرعيان الثانيين كلا لمح ذيب داخل للقبيله مير ماعرفو وين اختفى

كان قماد جاي من جهة الجنوب وتلاقى مع غيث

غيث:شفت شي يا قماد

قماد:للا ما شفت شي يمكن انه رجع من وين ما جا

غيث وهو يناظر للبعيد:ما هقوتي يا قماد لزوم نخبر الشيخ لجل يا خذو الحذر هذا ذيب يا قماد لو انه يدخل على حرمه وعيالها اكلهم ومحدن درا بيه

عتيبه اخبر فهاد بامر الذيب وقام فهاد ومعه مجموعه من الفرسان تجندو لجل ايدورو الذيب وهم مكتمين على الامر لجل ما يدب الخوف باهل الديره

بعدها بساعتين تلاقو كلهم من جهة الجنوب وكلا يلهث من التعب

عتيبه:يا شيخ هقوتي ان الذيب دخل لواحد من البيوت

فهاد:واي بيت تهقون لزوم ان البيت الي يدخله اهله يصيحو بالديره

قماد:بس بيتك يا شيخ ما هقوتي ان دخل بيه حد يدريبه

فهاد قلبه وقع بين رجوله وقام بالسرعه ركيض لبيته وهو ماسك بارودته

!! !!
!! !!
!! !!

وديمه العطا

المواضيع المتشابهه لموضوع: رواية فرسان على جمر الغضى للكاتبة وديمة العطاء لموضوع: رواية فرسان على جمر الغضى للكاتبة وديمة العطاء
الموضوع	كاتب الموضوع	المنتدى	مشاركات	آخر مشاركة
رواية ليل لا ينتهي للكاتبة جاثا كريستي	همس الشوق	همس أجاثا كريستي	2	26 - 1 - 2024 10:12 AM
رواية بين ضلع و بين روح للكاتبة ريم سليمان	همسه الشوق	همس للقصص وحكايات وروايات	71	7 - 2 - 2022 02:27 AM
رواية الجوهرة للكاتبة علياء الكاظمي	همسه الشوق	قسـم البحوث والكتب العلميه او التعليميه	2	10 - 8 - 2021 04:58 AM
رواية-وتمضي الحياة-للكاتبة منار	الحب ياسمين	همس للقصص وحكايات وروايات	5	4 - 4 - 2019 10:12 AM
رواية رجفة قلوب اسود الصحراء للكاتبة وديمة العطا	سجات التهاويل	همس للقصص وحكايات وروايات	38	8 - 6 - 2018 12:57 PM

الذين يشاهدون محتوى الموضوع الآن : 1 ( الأعضاء 0 والزوار 1)

الأعضاء الذين قاموا بتقييم هذا الموضوع : 0
لم يقوم أحد بتقييم هذا الموضوع

رواية فرسان على جمر الغضى للكاتبة وديمة العطاء

همس للقصص وحكايات وروايات