لحظة فراقك انكسر قلب مغليك
وأخفيت دمعي غصب عني وصديت
حتى عيوني ماتبي تلتفت فيك
خايف دموعك تستبيح اللي أخفيت
وأقفيت عنك والأماني تناديك
تركت روحي في يديك وتوفيت
يفداك عمري كل ما فيني يبكيك
يا الله دخيلك مدري أنا حي أو ميت
وشلون أصبر لو طرتلي طواريك
من يمسح دموعي لو ذكرتك وناديت
وشلون أنسى ذكرياتك وماضيك
هو يرجع اللي راح لو صحت ياليت
يا وقت قلي وش بقى من بلاويك
ما عاد تفرق لو ظلمت وتماديت
زيد الجروح ولو تبي زود بعطيك
لا .. لايهمك لو صرخت وتهاويت
لا تنتظر مني على حزني أرجيك
حيل الله أقوى ولا لغيره ترجيت
عضويتي
العرض العادي
