بصمات خيال الطير

23 - 2 - 2024, 07:13 AM

:
سلام عليكم ...وعذب السلام ...
والف ســلام قبل كل الكلام
هلا باللي لها الخافق يهلي ...
صباح الخير ...لك أنتي ...أيه النتي
من يقرأ كلامي غيرك هالحين ...
لا يهمونك اللي قرأوا قبلك ..
أهم شي أنتي ... وش إحساسك
وش الشعور اللي شعرتيه من كتاباتي
خلينا منهم ...وأتركيهم ..مثل أنا
تعالي ..يا بنت الناس تعالي ...عانقيــني
أدري أني أحلم ... وش عليه ...أحلم
قبليــني ...وأجعليني أشعر بكل جوارحك
إشعريني بأنني بجوارك ...قريب
انا لست بعيد ...أنتظر انا جنبك ولك
أدري بتقولين خلك في أحلامك وخيالاتك
بس تدرين ... لا يغرك البعد
فالبعد تقربه الأشواق ولهفة المشتاق
هذا ليس غياب ...ولا في دهاليز الظلام
أنا أمارس طقوسي عندما لا أجد من يحبني
عندما لا أجد من يرغب فيني ...ويعشقني
أرسم أحلامي ...وأتخيل عشــاقي ..
تستغربين ...لا غرابة ..ففاقد الشي يحلم به
الحب ..على المدار في كواكب العشاق
الحب يبهج ويسعد ويجعل للحياة مذاق
ليس بيني وبينه خصام ...بس أنتظر الفال
وقـــد أجده ...هنا ...أو في أي مكان ..
فالزمان هو الزمان ...لا يتغير ..
لكن لازلت أنتظر ... الحب ...؟
متى يأتي ...ومن اين ...وفي أي
صباح الخير ...يا أحبة الطير

24 - 2 - 2024, 06:11 AM

خذني ع قد الغلا والإهتمام
نظراتناا وقلوبناا .. متوالفه

لا تلومني لا شفتك وضاع الكلام
نظرة عيونك سالفتها ساااالفها

24 - 2 - 2024, 06:43 AM

بعض البشر يكفيك منه كلامه
فيه الأدب والطيب زايد والأخلاق
يفرض على كل العباد احترامه
قدره يزيد وينغمس بين.. الأعماق
يرفع بحفظه للأخوه مقامه
عز الصداق يصون مليون ميثاق
وبعض البشر لا قابلك بابتسامه
يستوطن الوجدان بإسلوب ذواق

24 - 2 - 2024, 07:05 AM

أهلي وارحب فيك
بأجمل عباراتي ..
وأغني لك بألحاني
أناشيـــدي بآهاتي
تعال يا أجمل هالعالم بكبرة
تعال أكرر معك حكاياتي
أنت الآتي وغيرك عايش بماضي
تجي نكتب قصايدنا ..
تجي ننشد أغانينا
تجي نرسم ليالي الحب
وما فيها من العشـــرة
تعال أقرب وخلك بجنبي
تعالي أسندي راسك على كتفي
وعيشي كنك بذاتي ...
وأسكن بوسط أشواقي
واحضنـــيني بآهاتي وويلاتي
وجنون الحب في صــدري
تعال ..نعيد تاريخنا الماضي
ونحدد مستقبلنا الآتي ..
ونعيش الحب لو مرة
ونأخذ حلوه ونترك مرة
ونأخذ منّه العبــــــرة
ونعيش الأمس بألحانك ونبراتي
ونعيش بصــبرنا لبكرة
ونبحــر ونقطع مسافاتي
يا بسمة عمري وغلاتي
لهفة روح ...تعشق زولك بالفطرة
وتصير ذاتك بذاتي
وذاب فيني والحنيـــن وزاد
عن مقـــداره وحــــدة
وقرب وامسح همومي بنظرة
وبسمة من شفاتك وأطفي بداخلي جمــرة
من اشواقي أعبر لك ..
عسااك ياعمري ما تذوقها حـــرة
أحبك يا بعد هالكون ...
شفت وش قد أحبك ...الكون
أحبك مثله وكبرة

24 - 2 - 2024, 07:23 AM

تعبت أسولف لك ...وتعبت أسولف لي عنك
وابي أتكلم فيك وانا متـــولع فيك من أمس وقبل أمس
أبيك تفهمها ...وانا ما قصــرت صرت أكتبك ...
صرت أنشدك وأغنيك ...وأنا دايم اسمعك
مع كل صبــــــــح انا دايم ارقبك ...
القااك وأسولف لك ونا ما تكلمت
وأنت بخاطرك لي شي ولا عن تكلمت
تضحك معي دايــــــــم ...ولا لي فضفضت
ابيك انته لي ...ولا بي معي فيك أحد غيري
كم قلت لك ..محد يشبهك ولا ...صدقت
كتبت لك ...كل الكلام اللي في خاطري
ولا ..أنت عبـــرت ...
هذا الكلام بخاطري ...وبخيالي تمتعت

24 - 2 - 2024, 07:54 AM

:
إيهام أنفسنا بما يكون في أفكارنا فنتخيلها كما نريدها
ونجمعها أفكارا في عقولنا لكي نبنيها في خواطرنا
بيوتا أو صروحا كي تبقى شامخة في نفوسنا
وتستقر في قلوبنا التي هي مقرها ...
فكم أنتي جميــلة أيتها الخيالات ..وما أجملك
عندما تبقين ساكنة في فكري وتـريحين نفسيتي
بكل مكان أجدك نغمات بل عبارات وجمل
تراكيبها من الذهب ...فأنتي غيــر ...غير
في تفاكير الطيــر سكنت عباراتي بأفكاري
ومن تعلقت في فؤادي بإحساسي ...
كلمات وعبارات وجمل على تلك السطور
التي تحكي بمعاني تلك الحروف ..
تحكي بما في نفسي ولا أستطيع أن ابوح
هي حروف تكررت مرارا بهم ..
ودونتها فيهم ولهم....
كم أنتي شقيـة يا حروفي ...تبهرين عيوني
وتشغلين ظنوني بهم ..فيك ما لي ولهم
أحتاااجك للسند وأحتاج لي بلد كما هو الوطن
بداخل روح تجذبني كلما حلت هنا أو هناك
فالروح فيها جاذبية ولي منها قابلية

24 - 2 - 2024, 08:30 AM

صباح الخير لبقعةٍ أنتي فيها ومنها
لشوارع تعجّ صباحاً بملامح وجهكَ
ولــ أماكن تتوشح بقربك ..
صباحي أنتي ..وأنتي وبعد أنتي
ونشوة الحنين منك وإليك ...
صباحي أنتي واشواقي وإحساسي
المتعب ولهفتي وطوق الياسمين
يا رعشة الفؤاد حين تنطق
شفاهي باسمك كل حين
صباحي أنتي وبس ...
وفنجان قهوتي وعينيك
صباحي نسائم حبك
التي تفقدني اتزاني فأميل إليك
وأكون بك أكثر جمالاً وتكوني بي أكثر حبا
صباحك حبي ولهفتي ..وإشتياقي
وصباحي أنتي بكل حالاتك ...

24 - 2 - 2024, 01:34 PM

لــقبل عليك الحـــــــب رَحّب وحَيــــّه ..
ثُــمْ قلّطــــــه في بـيت قلبــك وعَشّيــــه ..

عطْ له ثـــــلاث أيــــــــام و اكْرم مِـجِيــّـه ..
ضيفن عـــزيــزُ ومــــــــــن لِفانـا نــوفّيـــــه ..

واسمــــــــع علومـــــــه زين لو هِي عِصيـّه ..
واستر عليـــــه وحــــــاول انّــك تداويـــه ..

منهـــو يِعــَـــرْف الحـبّ يــَعْرِف خــويّــه ..
ذاك الفــــــراق المُـــرّ .. يــالله تجازيـه ..

اصــــدق معاني الشّـــوق دمعـة بنيــّـه ..
وأصعب على الرجّال عشق ن يوطّيه ..

ودّي أقـــــــــارن بـين هـــــــــذي وذَيــّـه ..
واشرح شعـــور النــّـــاس يا علّ تكفيه ..

البنت .. محتاجه حنـــانُ وهـَـــــديـــّه ..
وإحساس صـــــادق بالمواصـــــل يـغذّيه ..

ترضـــى عليه شويّ .. وتزعل شويّـه ..
وتـغـــــار .. لكــــــن مـــــــا تفكّر تخلّيه ..

كـنْـــها سحـــــابة صيـــف تِــقْبِــل بـفـيّه ..
تخشى لهيب الحــــــــــزن يحرق مواطيه ..

منهـــــو يــلاقي مثلهــــــــا .. وا هَـنيّه ..
واجـــــــــب عليه يحبّها لجــل تعطيــــه ..

وبعـــــض البنات تعيـش جــوّ الغنيــّـــه ..
تسمــــــع كــــلام ابـليس ثـمّ ن تسوّيـــه ..

تبغى تدوس النــّـــــاس .. يعني قويــّة ..
تبحث عســــاها تلتقي شخص تكويه ..

تمزح مع فيصــــــل .. وتدعي سِمِيّة ..
وتمــــــوت في ناصــــــر وغِيره تحاكيــــه ..

مـــــا تدري إنـــْـها و الرذايـــل ســــويّه ..
خــــــوفي عليها يــــــــــوم تَفْــقِدْه تبكيه ..

يمكن فـقيرة حـــظّ .. يمكن غبيّة ..
ويمكن تشوف الحبّ في قلب تـشريه ..

وبعض الرجـــــال رخوم .. كلّه أذيّــه ..
يمــــزع ثيــــــــاب الصّــــدق يومن تحبّيه ..

يكــــــذب على هاذيك ويلعب بتيــّـه ..
جعله يــذوق الكـــــــاس نفسه بأياديه ..

وبعض الرجال .. رجـال عِزّ وحـميّة ..
يعـــــرف يصـــــون البنت بأسمى مباديه ..

وافي علــى الميثــاق دامـــك وفيــّــــــه ..
ما يرْخِصِك .. مهما هوى الغِير يغريه ..

حِلمــــه يضمّــه بـيـت صبـــــح وعَشيّــة ..
ويطمـــــح يشوف ثمـــــــار عمره حواليه ..

رابي علــــــى شِيمــــــه .. وسنّة نبيّه ..
ويخاف ربّه فيك .. ويخاف يعصيـه ..

خلك صريح إحســـــاس وابشر بــ زَيــّه ..
منهو يبيع الصـّــــــــــدق .. كلّن بـ يشريه ..

واحذر جروح الناس .. يا هي رِديـــّه ..
بكــــره يجيك الوقت ظـــــــــــالم وتـَرجيه ..

و ياللي تحســـــب الحبّ رحله شِقيــــّــه ..
بِـيدك تحلّي العمــــــــر ..و بِـيدك تشقّيه ..

الحــــــــبّ شمعــــــــه في قــــلوب البِرِيــّه ..
والشّــــــــوق ضَوّه .. و التجافي يطـفّيه ..

الحـــــــــب ورده في النـّــفـــوس النـــديــّه ..
يبقى يفـــــــوح الوصـــــــــل كانك تِسَـقّيه ..

هــــذي ثــلاث أيام .. كيف البقيــّــه ..
والله يعيــــن قلــــــــوب غيـــــري تلاقيه ..

الحــــبّ سافــــــر والنوايـــــــا رِضيّـــه ..
ومنهو بِـ يقْبــِل..ذا خفوقي هلا فيـــه ..

24 - 2 - 2024, 11:43 PM

تعال اضمك فوق صدري دقايق
وا عد كم قلبك تحرك بدقات
واعطيك ناتج دقته وانت رايق
وامنعك لا تأخذ سجاره ولا قات
انا طبيبك ان بغيت الحقايق
وآنا الذي سهل عليك المشقات
ارجوك لا تشعل بجوفي حرايق
اتبع كلامي قبل تدخل بزنقات
تدري غلاتك فوق كل الخلايق
اغرقتني بالحب غرقه وغرقات

25 - 2 - 2024, 06:25 AM

كلَّما كُنتَ راقِيــاً يَطيبُ الحَديثُ مَعكَ وتَحتويكَ القلوبُ وتَحتَرمُكَ العُقولُ
الرُّقيُّ لا يَحتاجُ لـِ تَعليم
هو حِكاية روح .

المواضيع المتشابهه لموضوع: بصمات خيال الطير لموضوع: بصمات خيال الطير
الموضوع	كاتب الموضوع	المنتدى	مشاركات	آخر مشاركة
على اجنحة الطير رست عر	شيخة الزين	همس المواضيع العامة	4	10 - 5 - 2019 08:57 PM
ياريت الطير سلم منا	الشاعرد.عبدالحميدالباجوري	همس الشعر والقوافي	7	24 - 2 - 2017 12:54 PM
وتضل الحيا مثل ذلك الطير	سجات التهاويل	همس المواضيع العامة	10	24 - 7 - 2015 10:52 AM
مجالس خيام جلسات خيام روعه وجديده	جروح الم	همس للأثاث والديكور	6	13 - 1 - 2015 11:51 PM
س لت الطير	سجات التهاويل	همس للألغاز والنكت والضحك	5	4 - 11 - 2013 02:26 PM

الذين يشاهدون محتوى الموضوع الآن : 1 ( الأعضاء 0 والزوار 1)

الأعضاء الذين قاموا بتقييم هذا الموضوع : 0
لم يقوم أحد بتقييم هذا الموضوع

بصمات خيال الطير

همس لمدونات الاعضاء