محطات الساهر

31 - 1 - 2018, 05:55 PM

خذني بقايا ما بقى من بقايا
وان مابقى بي شي خذني ولاشي

واكشف عن الجرح بوسط الحنايا
تلقاني الميت لو ان البدن حي

28 - 2 - 2018, 11:00 PM

الحب لو يشرب وضعناه فـي كـاس
من شان نسقي حبنـا اللـي نريـده

والحب لو يكتـب ويرسـم بقرطـاس
رسمت حبـي فـوق لوحـه فريـده

الحب مايوصـف ويحكـى وينقـاس
الحـب معنـى للحـيـاه السعـيـده

الحـب قايـد للمشاعـر والاحسـاس
ماهـو خرابيط(ن)بصفحـة جـريـده

الحب لاثبّـت علـى جيـد السـاس
وحكـم بشـرع الله عـاش بوريـده

وفي وقتنـا جانـا مراهـق وهـلاس
يقطف زهور الحـب تحـت المكيـده

يقـول احبـك حـب يابنيّـة النـاس
وهي تضحـك هايمـه فـي نشيـده

حتـى يغطـي حبهـا هامـة الـراس
ويبـدا ينفـذ خطـة(ن) لـه سديـده

ويقود بنت الناس لـدروب الادنـاس
وليّـا قضـى منهـا تركهـا وحيـده

قالت تعال الحـب وشلـون ينـداس
وشلون تتركنـي وانـا لـك مريـده

وييييييييين الزواج اللي تردد بالانفاس
ويـن الوعـود الحالمـه والعـديـده

قال ابعدي ماودي اجرح لك إحسـاس
مارضـى بزوجـه خاينـه يالبعيـده

وعاشت بهم وغم ووجـاع وونـاس
وهـو راح يصيـد وحـده جـديـده

17 - 4 - 2018, 10:37 PM

يا طارد اللي راح خله وملوه
ما يستقيم الظل لا عوج عوده

ولا ينفع الندمان قولة حولاه
جحر لدغ يمناك لا لا تعوده

مد النظر في خلق ربي تمعناه
إلى انتقص من حال حال يزوده

الله جعل للمبتلي داه ودواه
وكل على عزمات قلبه حدوده

3 - 5 - 2018, 07:23 PM

كل السوالف تجيب اسمك ولو صدفـــــــة
كل الشوارع توقــــّـف بي علــــــــى بابك

وأهرب عن الناس لآخـر ركن في الغرفـة
وألقاك بالروح.. وأهدابي علـــــى أهدابك

هناك أعيش الغرام اللي لقى حتفـــــــــــه
هناك أذوق العذاب اللي من أسبـــــــــابك

26 - 5 - 2018, 09:51 AM

خيانه وانتهت آخر سوالف عشقي المجنون
سوالف عشق ياما الناس قالتها وعادتها

حكوا عني وحكو وا عنها وعن حب ملا هالكون
صاروا يحلفون بحبنا وصدقي وطيبتها

وكم واحد تمنى لو خذا من لون حبي لون
وكــم وحــده تمنت لــو تشابهنا حكايتها

انا وياها كنا حلم بالمعنى وبالمضمون
لكل اثنين قصة حبهم تعلن بدايتها

وفي ليله صرخ فيها الوفا من ظهره المطعون
بدايتها جروحي والوفا مات بنهايتها

27 - 5 - 2018, 12:54 PM

بعض البشر نآدر تعين له اشبآه
. . . . . . . . مثل الاصابع تختلف فـ الايآدي
أحد ( ن ) الا منه توارى فقدناه
. . . . . . . . واحدن الا غآب او حضر شي عادي !

4 - 8 - 2018, 09:53 PM

يا بنـت .. خلّـي قصيـدي لا تغنّينـه
ماهوب مقبول .. بأصـوات البنيّاتـي

صحيح صوتك على ما قيل .. يا زينـه
وله ميزةٍ فارقه عـن كـل الأصواتـي

البحّه الناعمـه مـن صلـب تكوينـه
لا قبلها راحت .. ولا بعدهـا جاتـي !

وأن كان يـا بنـت مجبـوره تجرّينـه
جرّي من أبيات غيري .. خليّ أبياتـي

يصعب على مثلك وشـرواك تلحينـه
صوتك رومانسي .. وأنا صلفه عباراتي

وش لازمـك يـوم بلسانـك تعدّينـه
يا قرب غاياتاك .. ويا بعـد غاياتـي

لو عاقل النـتّ مـا يربـط مجانينـه
زادوا عليـه المهـبّـل والهبيـلاتـي

روحي في حالك .. وحالي بينك وبينـه
خطوط .. وحدود .. وسدود ٍ منيعاتـي

خليّني أكتب عـن اللـي مـا تحبّينـه
وأمارس أغلى هوايه مـن هواياتـي !

29 - 10 - 2019, 06:01 PM

اللي مثلي من يلومه لا نوي شد الرحال
واللي مثلك من يلومه لا جبرني علي الرحيل
فرصه حلوه وانسي حبي وانسني يبن الحلال
شايف وعارف وجودي في حياتك مستحيل

خلني ببدا رحيلي دام حيلي لا يزال
الله يذل الصعاب ويطوي الدرب الطويل
خوفي ماهو من طريقي في متاهات الرمال
خوفي الذكري تجيني كنها قاطع سبيل

في امان الله ياجمل من طموحي والخيال
في امان اللي وهبني منك الشي القليل
بس دقيقه ودي اسال جاء علي بالي سؤال
هل يجوز اقتل شعوري وادفنه مثل القتيل

18 - 2 - 2023, 09:46 PM

متلحفك من ليلة البارح إحساس
وهذا أنا .. صاحي من النوم دافي

فـ الحب لاتعطي مشاعرك للياس
أحياناً إحساسك بـ الأحباب كافي

18 - 2 - 2023, 09:54 PM

الله يديك العافيه يارب
الساهر الغامض عساك ع القوه

المواضيع المتشابهه لموضوع: محطات الساهر لموضوع: محطات الساهر
الموضوع	كاتب الموضوع	المنتدى	مشاركات	آخر مشاركة
الف مبروك الالفيه الساهر	همسة الشوق	همس للتهاني و اهداءات	3	6 - 5 - 2023 05:05 PM
لغة الساهر	همسه الشوق	همس للقصص وحكايات وروايات	3	6 - 4 - 2023 08:17 PM
تم الانتهاء من طلب اخونا الساهر	مذهلة	همس طلبات تصميم الرمزيات والتواقيع وملحقاتها	4	14 - 1 - 2019 10:14 AM
الساهر	العصفور العاشق الحزي	همس التصاميم الحصرية	8	8 - 12 - 2012 07:53 PM

الذين يشاهدون محتوى الموضوع الآن : 1 ( الأعضاء 0 والزوار 1)

الأعضاء الذين قاموا بتقييم هذا الموضوع : 0
لم يقوم أحد بتقييم هذا الموضوع

محطات الساهر

همس لمدونات الاعضاء