رواية تلاشت قواي بين يديك روايه روعه رومانسيه كامله

#1 27 - 10 - 2011, 09:57 AM

رواية تلاشت قواي بين يديك روايه روعه رومانسيه كامله

هااااااااااااي هذي روايه عجبتني قرأتها واتمنى تعجبكم
منقولــــــــــــــــــــــه
للكاتبه الهودج
مقدمـــــــــــات مقتطفه من موخيــــــــــلتي في رابــــــع روايــــــــاتي

من أكون

انا فتاه رغم صغر سنها ألا انها تمتلك من القوة وقسوة القلب مالا يستطيع تحمله احد

اصبح الكل يتحاشاها ويكره الجلوس معها لما تحمله من الفاظ وبذائة لسان

ولكن هناك شخص واحد هو فقط يتحملها ويسعى لدفاع عنها رغم خطاها

ربما هو السبب في تمردها ايضا

ضي وما ادراك ما ضي عمرها
18 سنه في اخر سنه والدراسه تعتبر اخر اهتماماتها

جمالها طاغي تملك بشره بيضا وعيون وساع برموش
كثيفه
شفايفها صغار والي زايد جمالها غمازاتها كل ماابتسمت

بس للأسف ان خلف كل هالجمال والرقه روح شرسه
متمرده

البارت الاول

الجده هي المسؤوله عن ضي وتموت فيها وماترفض لها طلب لانها بنت بنتها الي ماتت في الولاده

ربتها من ولادتها واعتبرتها ضي ام لها مو جده وضي تموت فيها
وماتطيع ألا هي

خوال ضي

فهد الكبير زوجته حصه

عيالهم
خالد/26انسان هادي جدا وفيه غموض متخرج من الكليه الاساسيه مدرس عربي ويشتغل

ذياب/ 24رزه وشهامه وعصبي مرات درس في الكليه العسكريه ضابط

حنان/18ناعمه بشكل وماتقل عن مستوى ضي بالجمال بس بشرتها برونزي وفيها نعومه عكس ضي

تحب ضي ودها انها تعدل اسلوبها بس ضي مو معبرتها صح تعتبرها صديقه لها واخت

بس كانت اتطنش نصايحها وهي مع ضي بالمدرسه

بس كانت متفوقه وكل المدرسات يحبونها عكس ضي

الي مايمر يوم مايشتكون عليها بالأداره لسو اخلاقها

الخال الثاني
جمال وزوجته بدور انسان محافظ ومدين وزوجته بعد حبوبه
عيالهم

امل/11 سنه
ندى/8
فهد/5

الخاله
هبه وزوجها راشد انسانه ماتحب تشوف الغلط وتسكت وكانت تنقهر من صفات بنت اختها وزاد قهرها دفاع امها
عنها
عيالها
شجون19حلوه بشكل وناعمه وتحب خالد ولدخالها وتمنى ترتبط فيه تدرس بالجامعه علم اجتماع

بدر16

ابو ضي عدنان
وحيد امه وابوه ماعنده اخوان
يشتغل بالاسهم

يحب بنته بس تصرافاتها تقهره ودايم يوقفها عند حدها اذا تطاولت عليه او على زوجته وعياله

زوجته عليا طيبه وتحب زوجها بس دايم تعصب من اخلاق ضي السيئه خصوصا اذا زارتهم

صارت تكره جيتها عندهم وتطلب من عدنان انه لايجيبها وانه هو يزورها عند جدتها

اخوان ضي

جابر /10
جود/7
جاسم/4القعده ودلوع الكل

ضي تحب اخوانها وهم ماخذينها لهم قدوه بتصرفاتها وهذا الي عذب عليا

جزء اول

مثل العاده ماتصحى ألا بطلعة الروح تسمع صوت جدتها تقومها بس هي غاطسه بنومها

انقلبت للجهه الثانيه وحطت المخده فوق راسها قالت بنعاس: زين يمه الحين بقوم

جدتها رفعت المخده قالت: لا قومي الحين مراح اطلع ألا
لما تقومين

ضي اف ياربي متى بفتك من هالمدرسه بس

قامت وقعدت تحوس بشعرها البوي هاذي دايم قصتها قالت بضيق: يمه الله يخليج مابي اروح لهالمدرسه

كم مره اقولج انقليني ماطعتي شفتيهم كل يوم مجرجرينج
لهم

جدتها بغضب:بلاه والله من افعالج الزينه معاهم اجلست وكملت:ياضي ياامي متى بتكبرين وتخلين عنج هالشطانه

ضي تتصنع الزعل:حتى انتي يمه هذا وانا اقول محد يحبني غيرج يمه اهم يحبون يتبلوني

جدتها بحزن كاسره خاطرها هالبنت الكل ضدها ألا هي ماطاوعها قلبها تصير مثلهم

قامت وقالت:يالله خلي عنج هالكلام وقومي تأخرتي وطلعت

اول ماطلعت جدتها ارفعت عنها البطانيه وفزت بنشاط تستعد ليوم دراسي تعيس مثل ماتوصفه
بعد ماتوضت وصلت

ألبست ثوبها المدرسه الضيق طبعا تحب تخالف كل القوانين وجسفت كم قميصها

عدلت حجابها الي نص شعرها طالع لفت تدور شنطتها ماتدري وين حذفتها امس بعد ماجت من المدرسه لقتها طايحه جنب الكبت واخذتها وطلعت

تحت عن الجده
جهزوا الخدم الفطور وجلست تنطر ضي تجي

ضي وهي تنزل درجتين بخفه وتغني

بلاني زماني بواحد اناني
نسى طيب قلبي وعطفي وحناني

قطع عليها صوت جدتها
قالت:يالله صباح خير يامي عجلي افطري تاخرتي عن المدرسه

ضي راحت صوبها باست خدها وراسها وحضنتها وقالت بدلع: صباحوا لاحلى ام بالوجود

جدتها:صبحج الله بالنور

ضي اجلست تفطر

بيت فهد خال ضي

كان الكل مجتمع على الفطور فهد وهو يسأل خالد بهدوء: اش رايك بعد مااشتغلت اتكمل نص دينك وتزوج

خالد وهو يتفطرقال بتوتر:هاه اتزوج كمل بخوف:مادري افكر بهالموضوع وقام راح لشغل

فهد كان يتمنى شوفة اعياله متهنين قال بضيق:الله يسهل لك وألتفت على حنان كانت اغلا من اخوانها عنده خصوصا انه مسميها على اخته ام ضي

قال ببتسامه:اشلونج مع الدراسه ان شالله ترفعين راسي وشوفج دكتوره

حنان بأدب:تطمن يالغالي دراستي تمام
لفت صوب امها الي جت وجلست قالت
حصه بضيق: ياخوفي ان دراستك تضيع بسبب فعايل بنت عمتك المصون

حنان برجا:يمه شهالكلام

حصه: وانا صاجه تدرين يوم رحت أسال عنج في اجتماع اولياء الأمور شقالوا لي

حنان نزلت راسها بأسى خصوصا ان امها قاعده تفضح ضي قدام اخوها ذياب

حصه كملت:قالوا لي ابعدي بنتج عن ضي لاتخلينها تختلط فيها لسوء تصرفاتها في المدرسه

حنان انسدت نفسها وقامت بتروح قالت: من بيوصلني

ذياب قام:انا خلصت وبقطج على دربي

في السياره

حنان كانت تحس بضيق مهما كان ماكان المفروض امي تقول هالكلام قدام ابوي واخوي ضي مسكينه محد حاس فيها هي تعاني من فقدان الام وتخلي الاب عنها فماتبي تبين لناس ضعفها تنهدت

ذياب حاس بزعل حنان عشان ضي وقاهره هالشي لانه مايبي اخته تصير بمستوى ضي قال:زعلانه على كلام امي

حنان بضيق: لا

ذياب بنرفزه: مبين مو زعلانه وهالبوز ليش مادته على انسانه مايجي من وراها ألا المصايب

حنان بقهر:ذياب عيب هذي بنت المرحومه عمتك

ذياب بغضب: بنت عمتك يبيلها واحد يدبغها لين تقول توبه

حنان صدت عنه وقالت:سكر على هالموضوع مابي اتناقش فيه

ذياب احترم قرارها وسكت وهو يغلي من داخله

في المدرسه

ضي جالسه مع رفيقاتها تسولف وتضحك

هدى رفيقتها: بصراحه عجبتيني خليتيها بيزه ماتسوى انا مادري ليش شايفه نفسها علينا

عبالها بتملكنا بكثرة فلوس ابوها
ضي تسندت على شجره وقالت وعيونها على حنان تحس ان فيها شي من قعدت مافتحت فمها بكلمه: تخسي تكبر علينا هالاشكال

وقفت وقالت :حنان تعالي ابيج شوي

حنان :هاه زين وقامت معاها

بيت ابو ضي

دخل للبيت بعدماجا من اشغاله هلكان شاف ولده جاسم يلعب قال بضحكه:جسوم وين بوسة بابا

جاسم راح لابوه ركض وابوه احضنه وباسه وجلسه بحضنه قال:وين ماما حبيبي

جاسم:بالمتبخ(المطبخ)
كمل :بابا وين دي (ضي)ليس ماتدي (تجي)

ابوه اه ياوليدي ماكاسر ظهري غير هالبنت مدري وين بيوصلها استهتارها

كل ماقول بتكبروتعقل تطلع اكود من الي قبله حتى الطق مافاد معاها بالعكس زادها

تذكر يوم طقها لانها مااحترمت وجوده وسبت زوجته قدامه

ومن ذاك اليوم ضي ماقامت تزوره بس هو بين فتره وثانيه يزورها

دخلت عليا وشافته سرحان وجاسم معصب يبي إجابه لسواله:عندنان شفيك عسى ماشر

انتبه ونزل جاسم قال:ابد سلامتك مافيني شي وطالع بجاسم قال ببتسامه: خلاص اليوم العصر بوديك انت وخوانك لها

عليابدهشه: بتوديهم لمنو

قال:لضي بزورها وباخذهم معاي العيال مشتاقين لأختهم حيل

عليا بقهر:لا ماتاخذهم معك

قال :اي ليش تبين احرم عيالي من اختهم

عليا تدري ان زوجها يتضايق كل ماقالت له عن لعانة بنته قالت:لا ماقصدت جذي انا قصدي ان اخوي علي بيزورني العصر

واكيد مشتاق لشوفة عيالي خصوصا انه صارلها فتره ماجانا

يعني من زمان ماشافهم

عدنان بأصرار هو كان ميت على شوفة ضي صارله اسبوع مايدري عنها قال: بيروحون

معاي وبحاول اني ماتأخر كمل وقال:حطي الغدا بتغدا ونام تعبان وراح

عليا بخيبه امل:ان شالله شافت جاسم فرحان لان ابوه بياخذه لضي قالت :صبرا جميل الله المستعان انا متى بفتك من هالبنت

في المدرسه

ضي بتعب: حنان للمره الألف أسألج اشفيج حنان تراني احس

بكل تصرفاتج متى ماتكونين زعلانه او فرحانه

حنان بأصرار:قلت لج مافيني شي ووقفت قالت:الفرصه خلصت بروح لصف امشي

ضي بقهر:يعني منتي معلمتني زين على راحتج او تدرين احسن بعد عشان مالي خلق

تدخلات امج الي تبط الجبد

حنان بغضب:ضي ماسمح لج تقولين عن امي جذي فاهمه

ضي بنفسها سمحتي او ماسمحتي بقول قالت:يالله يالله تاخرنا لا تطردنا ام كشه (مدرستهم)

ومشوا

العصر

بيت الجده

وهي تبوس جاسم :ياحياالله من جانا

ألتفت على عدنان قالت:اشلونك يمه اشلون امك وابوك ان شالله بخير

عدنان ببتسامه:ماعليهم طيبين انتي اشلونك واشلون ضي وينها ماشوفها

الجده:بخير وضي فوق طرشت الخدامه تناديها

فجأه دخل جمال عليهم قالت بشوق:هلا ياوليدي حياك هنيه

دخل وسلم عليهم وراح باس راس امه وسلم على عدنان قال:اشلونك يمه

قالت:بخير اشلونك انت وشلون عيالك ليش ماجو معك

جمال بأسف:والله ماقلت لهم
شفت نفسي قريب يم البيت قلت خل ازورج

التفت لعدنان:ألا شخبارك ياكافي صاير مانشوفك بالمره

عدنان:والله اعذرني ماافضي منيه حوسة الاسهم ومنيه طلبات الاهل حتى ضي صارلي اسبوع ماشفتها

ويادوبك فضيت اليوم جيت طيران اشوفها

جمال وهويلتفت:ألا صج وينها ماشوفها

عدنان:صارلي مده انطرها
مانزلت

في غرفة ضي

كانت تحوس بلبسها وتشوف اخوانها الي يفتشون بأغراضها

قالت بغضب:هي انتو لاتخربون اغراضي

جابر بضيق:ضي ليش ماقمتي تجين عندنا

ضي خلصت لبسها كانت لابسه برموده بيضا وبدي سترج لي نص الفخذ حفر لونه بني ولابسه عليه جاكيت جنزابيض قصير وبكم حاير

قالت بغضب وهي تزين شعرها بشباصات صغار:والله هالسوال اسأله لأمك لان هي الي اطردتني

ورشت عطر وكملت:يالله خل ننزل تاخرنا على ابوي وطلعت

وطلع معها جابر الي حاس بالحزن ولاهو قادر يتصرف بشي

في المجلس

جالسه جنب ابوها وحاضنها بذراعه وتشوف نظرات خالها

وجدتها تحس ان جدتهاسعيده لسعادتها عكس خالها ماكانت تحبه ضي لانه دايم يزفها وكذا مره كان يضربها و جدتها توقفه

عدنان بحب:هاه يبه اشلونك مع الدراسه تراك يابوك اخر سنه شدي حيلك

ضي ياكرهي لهطاري قالت: ماشي حالي

شافت نظرات جمال الي قال بطنازه: ياخي بنتك مو وجهه دراسه والشهاده بالمشمش تحصلها وهي بهالصياعه

فأحسن شي زوجها كود تعقل
الجده بغضب:جمال شهالكلام ا

قاطعتها ضي الي وقفت وقالت بقواة عين:خليج منه يمه

وكملت وعينهاعليه:
اشوف جمول حفظته مرته كم كلمه وجا يقولهن

ابوها بغضب:ضي عيب

ضي بصراخ: قول العيب للي مايعرف العيب ماحست ألا بطراق من جمال لف وجهها
لف

كملت بصراخ:تضربني والله لدفعك ثمن هالطراق وراحت

ركض لغرفتها
تخفي ادموعها الي ماعمراحد
شافها

جمال مسك يده الي حمرت من طقته لها وجلس يتنهد

جدته بزعل: انت كل ماجيت تهاوشت مع هالبنت

جمال بنرفزه: ماتسمعينها شقالت يمه هالبنت مو متربيه
نسى وجود عدنان فجأه التفت

شافه قاعد ويضغط يدينه بقوه وعياله ذابحهم الخوف من الي صار قال بأسف: عدنان سامحني ياخوي ترا ضي مثل ب

قاطعه برود: مسامحك وكثر الله خيرك بعد التفت لعياله قال: جابر خذ اخوانك وانطرني برا

جابر طلع واخذ اخوانه

عدنان وقف وقال: مع السلامه عمه وطلع كان منقهر من تصرف جمال مهما كان مايطق بنته قدامه ويصفها بنات الشوارع

الي مو متربين

الجده بقهر: زين جذي انت ماتستحي تضرب بنته قدامه وتقول عنها مو متربيه ضي انا الي مربيتها من ولادتها

فإذا في سلوكها شي فأنا المسؤوله تركت جمال وراحت تشوف ضي

جمال حاس بالفشيله من عدنان وامه ولاضي يتمنى يكسر راسها بعد
اخذ تلفونه وطلع

في غرفة ضي

كانت واقفه قدام التسريحه تشوف حمرار خدها قالت: يعل يدك الكسر شافت جدتها داخله
عليها

مشت وجلست على السرير

جدتها جت وجلست يمها قالت بحزن:ضي يمه يعورك خدك
كانت تمسح على خدها وهي شوي وتصيح

ضي ببتسامه وهي تمسح فوق يد جدتها: لا يمه مايعورني وياما انطقيت اقوا من جذي بعد بس لاتحاتين كملت بغضب: ولدج هذا قولي له لايجينا خير شر

جدتها بضيق: يامي انتي لاتراددينه وحقري كلامه

ضي بعناد:ماقدر انتي شفتي شقال

جدتها بضيق:شفت يامي وانا خايفه اموت وتضيعيين من بعدي انتي مكرهه كل خوالج فيج حتى مرت ابوج ماسلمت منج

ضي بضيق: اصلا هم الي يكرهوني من وانا صغيره بس انتي الي تحبيني وحضنت جدتها

وهي ترجع بذاكرتها للماضي لما كان عمرها سبع سنين

كان خالها جمال توه متزوج بدور وهي كانت تلعب مع حنان جا عندهم وهو يضحك مع زوجته الي قالت:اي وحده بنت حنان

جمال بضحكه وهو ياشر عليها: قصدج سبب موت حنان هذي انا متوقع ان اختي انتحرت يوم شافتها كان يقوله بقصد الضحك فقط

وجلسوا يضحكون وهي تمت
تطالعهم بكراهيه عبالهم انها ماتفهم انهم يسبونها

ماكان قدامها ألا علبة الالوان حذفتها عليهم ونحاشت لجدتها وهي تسمع تهديد جمال لها

ارفعت نفسها عن حضن جدتها وهي تحبس ادموعها بكل قوه ماتحب احد يشوف ضعفها حتى جدتها قالت ببتسامه: يمه تراني ميته جوع حتى الغدى ماأكلته جيت بسرعه ونمت

جدتها بتنهد:يخسي الجوع قومي يمه الحين بحط لج شي تاكلينه قبل العشا وقامت معها

بيت عدنان

جلس مع زوجته واخوها علي (عمره 27خريج هندسة بترول انسان مزاجي بشكل ومغرور
مزيون وملامحه حاده وجسمه معضل)

علي وهو يشرب فنجاله: ألا اقول عدنان خالتي(عليابنت خالة عدنان) هنيه ولاطالعه للمزرعه مع الشايب (ابوه)

عدنان: لا والله هنيه لو تشوف ابوي دايم يلح عليها تجي عنده بس هي رافضه تقول لي عطلوا عيال عدنان جينا كلنا(مزرعة ابوه بالسعوديه بالحساء وكل عطلة بالصيف يقضونهافيها)

عليا ببتسامه:ياعمري ياخالتي تقول اذا بطلع معاه بروحي بموت من الوحده

عدنان :ان شالله بس يخلصون عيالي بنطلع وترا لازم تطلع معنا ياعلي

عليا بفرح لانه عزم اخوها مالها احد غيره ابوها استشهد بالغزو
وامها توفت قبل سنتين بالخبيث :اي والله ياخوي اخذ لك اجازه وطلع معانا

علي :ان شالله بحاول

عليا بصرار: ان شالله تطلع بس انت راجع بإجازتك من الحين لان عيالي باقي لهم بس اسبوعين ويعطلون

عدنان : بس احنا ماراح نطلع ألا بعد ماتخلص ضي يعني فوق الشهر باقي

عليا ياقردي ضي بتطلع معنا قالت بشك: واذا مارضت تطلع مثل كل مره بنأخرطلعتنا عشانها

طالعت بأخوها ولوت بوزها لان الي انقال ماعجبها علي ابتسم لان دايم اخته تشتكي له من ضي وافعالها من وهي صغيره كان يشوفها مرات بيت اخته وعرف بمدى شراستها رغم طفولتها

بس الحين له فوق الثمن سنين ماشافها ضحك معقوله للحين على شطانتها حتى وهي كبيره

عدنان بإصرار: لابتروح غصب عليها ابوي صارله مده ماشافها وكافي طلعتنا الي طافت زفني لاني ماجبتها

اليوم الثاني
بالمدرسه

حنان بقهر: يعني وحده بوحده ياضي وماتبين تقولين لي سبب هالطراق الي مشوه وجهج

ضي وهي تطالع بالمنظره وتلمس خدها قالت: هذا انتي قلتيها ياأختي مثل منتي تخبين علي سبب حزنج انا بعد بخبي

حنان حزني هو انتي ياضي والكلام الي يقولونه عنج قالت بغصه: يعني خلاص بنتم نخبي عن بعض

قالت وهي تبعد المنظره وتشوف شخص تكرهه كره العمى جاي صوبها:انتي الي بديتي ياحنان

كملت بنرفزه:هذا شتبي جايه صج تقهر ماكفاها الي جاها

ود بعمرهم بنت عز مغتره بشكل على رغم انها موبجمال ضي دوم مناقر مع ضي

كانت تمشى مع رفيقاتها ومرت من عند ضي قالت بصوت عالي :بنات عمركم شفتوا وحده مكفخينها اهلها ومداومه
مانطرت لي تخف الإصاب

ماكملت لن ضي امسكتها من شعرها وسدحتها بالساحه وقامت تقطع في شعرها وهي تصيح

ضي بصراخ: انا الحين بكفخج واشوفج مداومه باجر

حنان بصراخ:ضي خلاص فكيها وراحت تجرها بس ضي ماوقفت

ألا لماصرخت الوكيله:بسسسس

في الإداره

الناظره بصراخ:انتي وبعدين معاج متى بتسنعين كل يوم جايني احد يشتكي منج

كانت واقفه وصاده براسها ولا كأن احد يصرخ عليها

عكس ود الي جالسه تصيح وتعدل بشعرها الي انفش

الناظره بنفاذ صبر:لا انتي لازم يجي ولي امرج يوقع على فصلج
عشان اريح هالمدرسه من شرج

ضي والله يكون احسن من زين مدرستج عاد

الناظره:كل وحده تعطيني رقم ولي امرها

ضي تبي جدتها هي التجي مثل العاده:خذي دقي رقم بيتنا

الناظره:انا مابي جدتج هي الي تجي عطيني رقم ابوج ولا خالج

ضي ياويلي عاد هذولا يدورون علي الزله خصوصا جمالوه عقب سوات امس ولا ابوي بتدري مرته وتصيرسالفتي على كل ألسان

مااكو ألا خالي فهد يمكن عشان خاطر حنان مراح يزفني

بعد نص ساعه

وضي مازالت واقفه وود هدت شوي بس تشاهق

كانت تطالع بود اه يالقهر كان ودي اشوه وجهها بس مالحقت جتنا الزفته

قطع تفكيرها صوت المره الي درعمت بسرعه وحضنت ود الي قامت تصيح من شافتها كانت تقول: ياقلبي شفيج من سوا فيج جذي يعل يدها القص

ودبصياح:هالمجرمه

ضي بقهر:مامجرم غيرج

ام ودبغضب:لا ولج عين بعد سواتج تكلمين

ضي وهي حاسه بمفقدانها لأمهاقالت بعصبيه:ليش قالوا لج طرمه سكتها صوت الناظره الي دخلت ومعها خالها فهد

بيت ابوعدنان

كان عند امه (فضه) يسولفون امه بسخريه:ألا اشلون ام ألسان بنتك عساها اعقلت

عدنان ياربي انا ألاقيها من ضي ولامنكم الكل طايح سب وشتم بالبنت وهي شدعوا تحس ألا تزيد طوالة ألسان قال: طيبه ماعليها وهي مشغوله بدراستها تدرين يمه اخرسنه اضطر يجذب

لان ضي ماتحب تزورها تحس انها تكرهها بس ام عدنان اتحبها لانها اول حفيده لها قالت بسخريه:والله ماضنتي ان بنتك وجهه دراسه

عدنان ياكثر ماسمعت هالجمله شاف تيلفونه يدق وكان فهد رد عليه بسرعه

عند فهد بسيارته كانت معاه ضي الي عطوها فصل ثلاث ايام
وتعهد اذا تكرر هالشي بتنحرم من امتحانات الفاينه

وصل البيت وصرخ فيها:انزلي لابارك الله فيك من بنت

ضي انزلت وسكرت الباب راحت بتدخل البيت بس خالها سحبها بقوه وهو ضاغط عليها

دخل البيت وصرخ :يمه يمه

امه بخوف وزاد خوفها شوفة ضي: اشفيك عسى ماشر

فهدبعصبيه:ألا الشربعينه ودفها بقوه لجدتها:شوفي اخرت دلالك لهالبنت وين وصلها

الجده بخوف قامت تطري عليها وساويس:فهد تكلم ضي شسوت وليش مرجعهامن المدرسه الحين

فهدبقهر: الأخت مسطره لها بنيه واهل البنت اشتكوا عليها وفصلوها

الجده اجلست على اقرب كرسي وهي تهدي نفسها شوي

كلام فهد خرعها خلاها تضن ضن السوء بضي

ضي راحت لها وجلست عند رجولها قالت بقهر:يمه البنت هي الي بدت حتى اسألي حنان كانت معي والله

فهد بغضب: انتي شنو بتبلين بنتي معك قسم بال

قاطعته امه:بس يافهد خلني افهم السالفه قالت بعصبيه ولأول مره تظهرها لضي:وانتي قولي شنو الي خلاج تطقين البنت

ضي قالت لها السالفه
جدتها تعرف ان ضي ماتجذب وانها تقول الصج لو على قص رقبتها امسحت شعرها وتنهدت تستغفر

ضي تبوس يد جدتها قالت: شفتي يمه والله انها هي السبب

فهد بقهر:على طول صدقتيها يمه البنت بتنحرف بسبب دلعك لها وبعدوقفتك معاها

امه كانت تأمل نظرات ضي لها الي تطلب منها المساعده تعذبها نظرة الضعف اذا شافتها فيها تبيها

دوم قويه تنهدت

و اشرت لضي الي مازالت جالسه عند رجولها تطلع غرفتها وراحت بس مو لغرفتها اجلست على الدرج تسمع شبيصير قالت بقهر: شتبيني اسوي اذا انت واخوانك كلهم ضدها حتى ابوها قليل

مايوقف بصفها تبيني انا بعد اكون مثلكم لايافهد لاياوليدي بنت حنان ماتنهان وانا حيه

كملت بحزن: ويكون بعلمك ضي ماتجذب وعشان تصدق اسأل حنان

كانت جالسه ومحوطه رجولها بيدينها انخرطت منها دمعه من الكلام الي قالته جدتها وقفت وصعدت ركض لغرفتها تخفي دموعها

اول مادخلت قفلت الباب وطاحت على السرير تصيح وتدعي ان الله يحفظ لهاهالجده

فهد عارف انه مهما قال مايقدر يغيرمن قرار امه شي قال بضيق: خلاص يالغاليه ارضي علي عاد ماني طالع وانتي مبوزه

قرب وحب راسها قالت وهي تضغط على يدينها: مسامحتك
يالغالي علأقل انت احسن من اخوك الي زارني امس وتهاوش مع هالمقروده وضربهاوطلع حتى بدون لايعتذر

فهد بستعجال:يالله تامرين على شي انا رايح

كانت بترد بس سكتها دخول عدنان الي قاله فهد عن فصل بنته قال بعصبيه: وين هالحقيره ان ماذبحتها وينها

ام فهد: اشفيك انت الثاني بعد اشوف كل واحد فيكم حلى له طق ضي ألتفت لفهد وكملت: انا رايحه اشوفها وياليت تاخذ عدنان وتطلع تفهمه السالفه بعيد عن هالمكان

عدنان بقهر:شنو يفهمني السالفه
اصلا السالفه واضحه اكيد انها مسويه لها عمله سوده ولا ليش فصلوها

ام فهدبقهر:فهد مثل مادخلته بالسالفه اخذه وفهمه وراحت عنهم

عدنان بصراخ: ماخرب هالبنت ألا امك بس خلاص بنتي من الليله باخذها عندي

فهد ياليتني ماقلت لك قال بغضب: عدنان ممكن تهدا شوي عشان اقدر اتكلم معاك

بعد اسبوعين

بيت الجده الكل مجتمع عندها كانت جالسه سوالف مع بنتها هبه وحريم عيالها كانت تحبهم وهم بعد

يحبونها قالت بهمس وهي تحضن حنان الي يمها: هاه اشوفج ماصبرتي وجيتي هذي الي تقول بقعد ادرس

هي تقصدان حنان ماقدرت تصبر على مفارق ضي طول هالاسبوعين تموت في هالبنت لانها الصديقه الوحيده لضي

حنان ببتسامه: صدقتي ماقدرت اصبر عنج وعن ضي وقفت وقالت بعد ماباست جدتها:انا بطلع اشوفها ماهي بالعاده تجلس بروحها

عند ضي

من درت ان خوالها بيجون يزورونهم وهي متضايقه تخاف تجلس معاهم يقومون يقطون عليها كلمه وعاد هي ماتقدر تسكت وبجذي بتزعل جدتها

قررت تعذر بالدروس وماتطلع لهم خير شر

انفتح عليها الباب حنان بصوت عالي: ضي ياقلبي والله لج وحشه

ومشت صوبها بس ضي نطت من السرير بسرعه وضمتها قالت:انتي اكثر ياقلبي

قطع عليهم صوت شجون: وانا مالي شي من هالشوق

ضي تضحك من كلمتها:هلا شجون وسلمت عليها

عندالجده

احلوت لها القعده خصوصا ان فهد وعياله وجمال جوا عندهم

هبه ببتسامه:اقول اخوي ماودك تفرح بولدك وتزوجه

كانت تقول وهي موقاصده شي ألا انها تفرح بعرس ولد اخوها وأول حفيدللعايله

ذياب التفت وهمس لخالد:شكل عمتك حاطه عينهاعليك لبنتها

خالد برود: عاد شوف ابوك جنه بيسمع لها فجأه صدمه كلام ابوه

فهدبفرح: والله ودي بس هو يقرر انا مستعد ازوجه

من جهه ثانيه
جمال قرب من امه قال بهمس: الغاليه بعدها زعلانه علي

امه ببتسامه:وانا شعلي ازعل الي نضرب ضي مو انا

جمال حاس بالذنب خصوصا ان ضي ماقامت تطلع له اذا جا لهم قال بغصه: هي وين ليش مانزلت

امه بضيق: مادري يمكن تبي تحاشا هوشاتكم معها

جمال بتوتر: انا بصعد اشوفها
امسكت امه يده تمنعه: جمال راضي عليك خلها وبعدين هي مو جالسه لحالها عندها حنان وشجون

سمع كلام امه وجلس متحسر على سو علاقته مع ضي

في غرفة ضي

حنان بضيق: افهم من كلامج ان ابوج قرر ياخذج معه في العطله لمزرعة جدج

ضي بقهر: هذا اهون عقاب لانه كان مهددني انه ياخذني اعيش عنده عقب سالفة الفصل

شجون الي تحوس بالمجلات: شكل ابوج يبي يفرح بتخرجج طالعت فيهاوكملت: عفيه تخرجي وتعالي معاي بالكليه مليت بروحي

ضي بسخريه: شنو ماسمعت تبيني بعد الثانوي اكمل ذا بعدك ياحبي انا بس انجح بقعد بالبيت لاني تعبت من كثر المشاكل

حنان تعرف شتقصد وغيرت السالفه:ألا اقول شجون شنو تخصصات عندكم

بعد ماتعشوا الكل راح لبيته ماعدا جمال جلس ينطر ضي تطلع بس حس انها عارفه بوجوده وانها ماتبي تشوفه

انتبه لبدور الي قالت:جمال خل نمشي العيال بينامون

جمال :يالله مشينا وقام

عند ضي

مانزلت حتى وقت العشا تعذرت من حنان وشجون انها بتبدل وتلحقهم ولا بدلت ولا لحقتهم كل الي سوته انا فتحت الستاره تشوف خوالها الي حاطين عشاهم بالحديقه كانت تأملهم واحد واحد حتى خالد وذياب

ركزت في ذياب الي يشوفه يقول نسخه من جمال عمه كشرت وسكرت البرده وجلست

تفكر بطلعة المزرعه ماتبي تروح عن جدتها ماتحس بالراحه والأمان ألا معها

مر عليها والوقت وهي سرحانه ماأنتبهت ألا يوم دخلت جدتها وراها الخدامه بالأكل فزت وراحت حضنتها همست:الله لا يحرمني منج

بيت عدنان

عليا وهو تكلم اخوها علي: صج قهر يوم قررت تطلع معنا طلعت لنا ام لسان وانها بتطلع بعد اه بصيح من الحره

علي بسخريه:شدراج يمكن نعمه من ربي عشان ادافع عنج اذا غلطت عليك

عليا:اي ادافع ياخوي هذي ضبعه تاكلك أكال

بألسانها

علي زاد حماسه لشوفة هالبنت الي الكل يشتمها يحب يشوف القوه خصوصا على البنت

الموضوع الأصلي :‎ رواية تلاشت قواي بين يديك روايه روعه رومانسيه كامله || الكاتب : || المصدر : شبكة همس الشوق

27 - 10 - 2011, 10:03 AM

سامحوني اتأخرت بالتنزيل

البارت الثاني

اخر امتحان لضي

جت من امتحانها تعبانه وصعدت لغرفتها بتنام اول ماادخلت راحت للحمام تاخذ شور اطلعت بعد فتره صلت الظهر ونامت

الساعه ثلاث العصر
بيت الجده
كانت جالسه بروحها تشوف التيلفزيون ماحبت تزعج ضي وتقومها سمعت صوت الباب

نادت الخدامه تفتحه

شافته عدنان الي جاي ابتسمت:حياك عدنان تفضل

عدنان جا وباس راسها وجلس قال:اشلونج عمه عساج بخير

ام فهد اه ياوليدي لوما عصبيتك على هالفقيره مرات: بخير الله يسلمك انت اشلونك اشلون مرتك و عيالك

قال:كلهم طيبين كمل: ضي وين

قالت بخجل:والله ياوليدي بعدها نايمه من جت من أمتحانها يادوبك صلت ونامت

عدنان بضيق: طيب أكلت شي قبل تنام

قالت : لا تقول ماكله بالمدرسه حتى الغدى قالت لاتقوميني

عدنان:خلاص طرشي الخدامه تقومها وخل تجهز اصلاانا جاي بأخذها لسوق وبالمره بغديها بره دامها ماأكلت

ام فهد بفرحه:ان شالله

غرفة ضي

قامت وراحت للحمام توضى بتصلي العصر

بعد ماصلت دعت ربهاينجحها لو بالحفه بس عشان تسكت ابوها

فخصت لبس الصلاه على دخلت جدتها

جدتهاببتسامه: صحيتي يمه

ضي ببتسامه:اي يمه بغيتي شي

جدتها: لا يمي بس انا جايه اقومج عشان ابوج جاي تحت ويبي يطلعج معاه عشان تستانين بعد حكرة هالامتحانات

ضي تحب ابوها وتدري انه يبي مصلحتها بس صراخه عليها قدام مرته مرات ماتحمله قالت:خلاص يمه ببدل واجي

جدتها طلعت
وهي راحت تلبس ألبست بنطلون جنز وبدي وردي وألبست فوق البنطلون تنوره قصيره وردي منقشه بأبيض

عدلت ملفعها مثل العاده مايستر وحطت كحل وقلوز بس ماتحب تكثر المكياج

ألبست صندل ابيض وخذت شنطه بيضا وطلعت

عند عدنان

ألتفت لها اول مادخلت يحب هالبنت لانها اول فرحه له وخصوصا انها بنت حنان الي عشقها عشق

جلس يشوفها كانت نسخه مصوره من امها وقف وفتح يدينه قال بشوق:
هلا بالغاليه تعالي يابوك ياني مشتاق لك

جت وضمته وقالت بدلع:صج ولهت علي

ابوها:بشكل ماتصورينه كمل : يالله يابوج خل نمشي

ضي :وين بتوديني يبه

ابوها:بوديك السوق عشان تجهزين ناسيه ان وراناسفر بعد بكره

ضي بقهر: مابي اروح اصلا بتم جالسه مع امي

ابوها بعصبيه:ضي الي اقوله مارد اعيده روحه وبتروحين غصبن عليك وقدامي يالله تاخرنا

ضي طالعت جدتها الي جالسه ومافتحت فمها بكلمه كانت تبيها تساعدها بس الجده اسكتت لان هو ابوهاضي قالت بنرفزه: خلاص بروح بس انت تحمل ردة فعلي اذا شفت احد يعترض لي ومشت

قررت تستسلم وتروح للمزرعه لان ماتقدر على ابوها

بيت فهد

جالس مع ولده خالد يفاتحه بموضوع زواجه

فهد :هاه شنو قلت اتوكل واخطبها لك

خالد بصدمه معقوله طلع كلام ذياب صج وان عمتي تبيني لبنتها بس معقوله تجرأ وتقول لابوي ابي ولدك لبنتي

بجذي نقلبت الأيه بس شنو بتستفيد مني اذا هي مفكره اني بترك شغلي واشتغل بشركة ابوي وعمي فهي غلطانه انا مابدخل بجيبي فلس حمر ألا بعرق جبيني

قلت برود:الي تشوفه يبه اذا شايف ان البنت تصلح اخطبها لي

فهد بفرح:والله انها تصلح شنو ادب شنو اخلاق ماشالله

خالد والله كل شي بيبين بعد مااخذها

عندضي

فرت السوق فر بعد ماتغدت بمطعم

خذت لها بدل وبناطيل سبورت للطلعه

وقررت تدق على جدها وتقوله ايجيب لها الحصان الي وعدها فيه

هي تدري انه مراح يرفض لها طلب

بعد يوم

قامت على صوت تيلفونها شافت الساعه سبع الصبح تنهدت وردت:الو

ابوها:هلا ضي ترا بنمرك بعد ساعه كوني جاهزه وسكر

ضي بقهر احذفت التيلفون وصرخت :مابي اروح هو غصب

شدت شعرهاشوي وقامت وهي تسب وتلعن

بعد ساعه
عند عدنان كان واقف قدام بيت جدة ضي ينطرها تطلع

دق تيلفونه وكان علي:الو هلا علي

علي:هلا ابو جابر انت وينك انا اخذت خالتي وبسبقك

علي اصر ان خالته تركب معاه

عدنان:خلاص توكل ونلتقي عند الجوازات ان شالله
وسكر من علي

وشاف ضي طالعه وراها الخدامه تسحب شنطتهاالضخمه الي يشوفها يقول بتهاجر

جت ونزل ابوها سلم عليها وراح يحط شنطتها بالدبه

وضي اركبت وقالت بقرف لخالتها:سلام عليكم

عليا عشتو تسلم مع خشمها بعد قالت برود:وعليكم السلام
اشلونج ضي

ضي بغرور:من الله بخير وسكتوا لان عدنان ركب

وضي حطت السماعات بذنها وشغلت الرادو عشان تبعد عن ازعاج اخوانها

وبعد عشان تنام لان الطريق طويل

بيت هبه

كانت الدنيا مو سايعتها امس كلمتها

امها وقالت لها عن خطبة خالد لها

شجون معقوله تحقق حلمي وباخذ خالد اه ياخالد ياكثرحبي لك

انسدحت على السرير وقالت بفرح:والله لسوي المستحيل عشان اسعدك ياقلبي

عندهبه تحت

قالت لراشد زوجها وقال لها القرار لشجون بالاول

هبه بفرح: ان شالله توافق وفرح فيها

راشد:الله يكتب الي فيه الخير
ان شاء الله يعجبكم

27 - 10 - 2011, 10:05 AM

البارت الثالث

ضي

وقفوا في الجوازات وضطروا ينزلون عشان إجرات التفتيش

كانت متسنده على الطوفه والسماعات بأذنها ورافعه رجل كانت لابسه بنطلون بيج وبلوزه بني لي نص الفخذ وفوقه جاكيت بيج مخطط بني والملفع لي اخر شعرها بس

كانت تضغط بالتيلفون تدور بمحطات الإذاعه

علي من شافها وهو منصدم
هذي ضي سبحان الله كبرت وزاد حلاها هي من صغرها حلوه بس الحين جمالها طغى فوق المحدود

كان منقهر من طريقة تبرجها ليش ماغطت وجهها علاقل تحترم عادات هالديره

شافها مندمجه بتيلفونها وانتبه لشلة شباب يخزونها ويضغطون اجهزتهم

علي بغضب فاهم حراكاتكم يالملاعين تراسلوون بالبلوتوث
راح صوبها

ضي ارفعت راسها لشخص الي تكتف قبالها كانت اول مره تشوفه او يمكن شافة بس ناسيته قالت بنرفزه عبالها واحد فاضي:خير في شي كانت تكلم وهي تنزل السماعه

علي بقهر:ايه في شي عدلي حجابك وياليت توقفين عنك هالسخافات عباله انها تكلم هالشباب

ضي انقهرت لاسلوبه هو شكو فيها وباي اساس يرفع صوته عليها قالت بغضب: وانت من سمح لك تكلمني بهالطريقه وحجابي انا حره فيه لو بغيت افصخه انت شكو

قالت بقرف وهي تحرك يدها قباله:توكل اشوف مابقى ألا هالاشكال تدخل

ردت ألبست السماعه وصدت بوجهها عنه ماكانت تدري انه شاك فيها ماحست ألا وهو ساحب جهازها

اخذه انصدم البلوتوث مقفل وهي كانت حاطه على الرادو

ضي بعصبيه:انت وبعدين معاك وصرخت :ياشرطي

بعد ساعه

عدنان مو قادر يحط وجهه بوجه علي من الفشيله قال بضيق وهو يسب ضي بداخله:ياخوي امسحها بوجهي

علي صج ماهي هينه ولولا الله ثم ابوها جان مدخلتني بسين وجيم قال:ماعليه ياخوي حصل خير وراح لسيارته

اول ماركب قالت خالته:انتم اشفيكم واقفين تهاوشون ضي
عسى ماشر

علي اه كان ودي اكسرراسها شهالقوه الي بهالبنت صج انها ضبعه على قولت اختي قال:لا خاله مافي شي

اسكتت وهي مومصدقته

عندعدنان
قال بصراخ: انتي ماتستحين تلمين عليه الناس وتتهمينه انه متحرش فيك

عليابغضب:اصلا هي فاصخه الحيا من زمان

ضي بعصبيه:والله الي فاصخ الحيا اخوج بصفته شنو ياخذ تيلفوني ويتجسس علي اذا كنت اغازل

ابوها بصراخ:ضي وجع اسكتي خلاص هو بعدكان متضايق من تصرف علي

ضي بقهر:سكت مرتك اول
ولفت تطالع الطريق

عدنان تنهد وسكت لان مستحيل تسكت لازم ترادد

بيت فهد

علم اعياله انه خطب شجون لخالد وفرحوا كلهم لان شجون حبوبه وطيبه

حنان من سمعت الخبرراحت ركض بدق على ضي تعلمها

خالد حاس بحيره ويحس انه استعجل بهالقرار

بس قال اهم شي ان امي وابوي راضين فيها وانا ان شالله بتقبلها بعدين

الساعه خمس العصر
بالمزرعه

بعد ماجوا تغدوا لان ابو عدنان كان مجهز الغدى وضي بعد ماجلست شوي مع جدها اصعدت رتبت قشها وبدلت ملابسها

ألبست لها بدله سبورت موف وخذت ملفعها بس حطته على كتفها عشان اذا جا النشبه

على قولتها تلبسه خذت تيلفونها وطلعت

راحت تمشى صوب الحضيره بتشوف الارانب فجأه دقت حنان

ردت بشوق:هلا بعمري هلا بأهلي كلهم

حنان:

قالت وهي ترفع شعرهاماحست بالي يمشي وراها ويتأمل كل حركه تسويها: مفاجئه قولي تكفين

علي الي من شافها تمشى طار عقله وين بتروح هذي ماتخاف من العمال الي يحوسون

هنيه تنهد الحين انا شلي قاردني وخلاني احرص عليها معقوله عشانهابنت عدنان

ولا شي ثاني يدفعني لها

وقف عيب اتبعها بروحي وهي مامعها احد خل انادي واحد من عيال عليا عشان احتج اني بتمشى معاه

خلصت من حنان وسكرت وفتحت باب حضيرة الارانب شافت الارانب الصغار ابتسمت ودخلت

جلست بالارض وحطت واحد بحضنها تمسحه وهي تقول:ياقلبي شحلاته الصغنون
اسمعت صوت جود
قالت بفرح: خالي افتح بدخل وامسك واحد مثل ضي

علي خز ضي وقال ببتسامه:ان شالله ماحب يخليها بروحها لازم يتطمن عليها
فتح الباب ودخلو

ضي عدلت حجابها قالت بقهر وهي تنزل الارنب: اف شهالنشبه ياربي وجت بتمشي

قال وهو يمسح الارنب الي مع جود: والله دامك عارفه بطلعتي لمزرعة جدك جان رفضتي وقعدتي

ضي بغضب:والله انا كنت رافضه الطلعه عشان وجود اختك عاد الحين اشلون بتقبل القعده واخوها معها بعد
وكشت وطلعت منقرفه

علي عشان اختي والله ان اختي مسكينه ماتقدرتسوي فيك شي ياالضبعه وقعد يلعب مع جود

اليوم الثاني

صحت على المنبه كانت موقته على ست عشانها تحب قعدة الصبح خصوصا مع جدها

تروشت وصلت الفجر وألبست لها تنوره زيتي طويله كلوش وبدي اخضر فاتح بنقوش زيتيه

حطت كحل وقلوز وردي وألبست احجابها

اكرهت هالي اسمه علي قالت

بتنهد احسه مقيدني مايخليني اخذ راحتي قطيعه

قررت تكلم جدتها قبل تنزل

عندابو عدنان

جالس بالمشب ومجهز القهوه من خمس الفجرهذي عادته من يصلي يتم جالس ماينام

شاف علي رد نام بعدماقومه وصلى فتركه ولا ازعجه

جلس يتمنى قومة ام عدنان وجيتها تقهوى معه بس الي شافه جاي عنده ضي

ضي ببتسامه وهي تدخل المشب:صباح الخير يبه

جدها بفرح:ياصباح النور والسرور تعالي يابوج اجلسي
معي

راحت وهي تبتسم وجت بتجلس بس وقفها شوفة الشخص الي نايم

كشرت كان نايم على ظهره ومغطي عيونه بذراعه قالت بنرفزه: اف حتى هنيه لاحقني

جدها بستغراب:منهو الي لاحقك

ضي اشرت عليه:هالنشبه الي وراك

وكملت بنفاق:تصدق يبه ان ابوي كان بيطقني بسبة تخيل جاي وبايق تيلفوني

ولماصرخت ألم عليه خلق الله عشان يفكوني من شره

تعير ومثل على ابوي دور الاخو الي ينصح اخته بالستر

واني ماحشمة وسبيته سب
كملت بعياره: معقوله انا بسوي جذي يبه

جدها عارف بفكارها قال بإصرار: ضي تكفين احشمي علي لانه ضيفنا فخلي طوالت ألسان تكفين

قالت بغضب وهي بتقوم: وهو ليش مايحترم الناس الي عازمته قاعد ويتطاول على بنتهم

جدها مسكها وجلسها قال: الحين انتي جايه تجلسين معي ولا جايه تشكين لي من علي

قالت بقهر:لا والله جايه اجلس معك بس من شفت خشة هالنشبه لاعت جبدي

جدها بغضب:ضي عيب وفكيني من هالسيره

ضي بدلع وهي تضحك:خلاص وعشانك بسكت

كان قاعد ماجاه نوم وكان بيقوم يجلس مع ابو عدنان بس انه سمع صوتها هون

وفضل انه يتصنع النوم عشان يسمع كلامها انصدم ان كل محور حديثها سب وشتم له

انقهر وده يقوم يسطرها على سبها وزاد قهره ترجي جدهالها انها تسكت
رد يسمعها

ضي بشوق:يعني متى بيوصل

جدهابفرح:يمكن اليوم او باجر
لهدرجه فرحانه

ضي بفرح:ألا قول طايره من الفرحه

علي حس بغيره من هذا الي تمنى جيته

انتبه لعمه لما راح بيقول للعمال يجهزون فطور

استغل الموقف عشان يرد حقه قال وهو يقعد: يالله صباح خير

شهاليوم هذا ياربي اكيد اسود لاني تصبحت بوجيه كريهه وجلس يعدل فراشه

ضي بقهر:ماكريه غيرك يالشيفه

علي قرب يمهاومسكها وضغط على كتفها وهمس بقهر: ان ما أدبتك ياضي مااكون ولدابوي

دزته بقرف: طز فيك وف

كانت بتقول وفي ابوك بعد

بس هو سد فمها بقوه وقال
بغضب وبهمس: كل حرف من سبك بدفعك حقه

كمل بغرور: ترا انتي ماتعرفيني تراني اقدر اخليك تصيحين تحت رجولي منذله

وتركها حس بقربها بشي مايدري شنهو هو من شافها وهو منقلب حاله عمره مالحق بنات او تحرش فيهن

وهذي من شافها ماقدر يتحكم بعصابه

شاف جدها جاي قال قبل يوصل: فيك خير تكلمي وراح يغسل

ضي حاسه انها مثل البركان الي بينفجر بأي لحضه شقصده هذا والله مااطوفها لك ياحقير

وجت بتروح قال جدها:وين يبه الحين بيجي الفطور

ضي بقهر:مابي فطور وطلعت بسرعه

شاف علي قاعد توقع انها تضايقت لما قام

عند فهد

كان رايح هو وزوجته لبيت هبه اخته عشان يتفقون على التجهيزات

للملكه والعرس

هبه بفرح: والله الي تقرره ياخوي حنا راضين فيه

فهد :انا اقول الملكه بعد اسبوعين والعرس ان شالله بعد عيد الفطر شرايكم

هبه: على راحتك بس ترا البنت عندها شرط

فهدبستغراب:شنو

هبه:البنت بتكمل دراستها

فهدبراحه قال من غير لايسأل عن راي ولده: وحنا موافقين بس هذا

اليوم الثاني

في المزرعه

جاب لها جدها الفرس وكانت طايره من الفرحه وهي تمسح شعره وماسكه سرجه

قالت:مشكور يااحلى ابو بالدنيا

قال:عشان تعرفين بمعزتك عندي واني مستحيل ارفض لك طلب

وتبطلين تغلي وماتجين عندي

ضي بتنهد :خلاص من اليوم ورايح كل طلعه بكون اول من يركب شرايك

جدها:يكون احسن شاف زوجته وعدنان وزوجته والعيال جايين يشوفون الفرس قال: كاهم جو عشان يباركون لك

كلهم راحوا يشوفونها وهي بتركب الفرس ألا هو استحى وتم واقف بعيد عشان ياخذ راحته بتأملها

كانت لابسه بنطلون جيشي وبدي زيتي جت بتركب شافت ماعندها احد غريب ففصخت حجابها وعطته جدتها

وخرت شعرها ورا اذونها وهالحركه اسحرت علي تمسكت بالسرج وصعدت بخفه

كأنها مدربه على الفروسيه

ابتسمت وقامت تمشي فيه على خفيف والكل يضحك لها

فجأه ثارت الفرسه بقوه وقامت ترافس والكل انحاش
وعدنان وابوه يحاولون يوقفونها عشان ينقذون ضي

الي كانت متمسكه بقوه بس قوة الفرسه حذفتها بالارض

علي الي صدم المنظرخصوصا ان ضي طاحت والفرس بتدعسها جا ركض وابعد الفرس

وشال ضي بسرعه يبعدها

بعد فتره
الكل تم واقف عندها ينطرها تصحها بعد ماحطها علي على الكنبه وطلع عشان مايحرجها

فتحت عينها بتعب قالت:انا وين وشنو صارلي

عدنان كان جالس قبالها مسح راسها قال:انتي بخير يبه وحمدالله على سلامتك

ضي بضيق: احس بعوار بيدي يبه

جدهابخوف:قوم خل انوديها الطبيب اخاف فيها كسر

كان حاس بالخوف والذنب لانه ماسمع كلام عدنان لماقاله لاتجيب لها فرس خطر عليها

عند علي
كان واقف عند الفرس وماسك سرجه بقوه

كان وده يذبح هالفرسه لانها أذت حبيبته تنهد معقوله حبيتها وانا ماصارلي خمس ايام من شفتها

استغرب من نفسه شنو الي في ضي زود وخلاه يحبها

عند خالد

قاله ابوه عن كل الاتفاقات بس ماقاله عن شرط شجون

كان منسدح بغرفته يفكر هل شجون بتسعدني بزواجي منها

بس انا ودي بمواصفات خاصه لشريكة حياتي

بعد اسبوع

حنان وشجون منشغلين بطلعات السوق عشان الملكه وضي ميته قهر لانها مراح تحظر اولا عشان جدها رافض رجعتهم الحين وثانيا عشان الرضه الي بيدها من الطيحه

عند ضي

كلمت جدتها وطمنتها انهابخير وخذت منها كم زفه على فعلتها

بدلت وألبست بدله سبورت فوشي

وقررت تروح تشوف فرسها لو بالغصب هم منعوها من انها تشوفها

وهددوها انهم بيبعدوها عنها
بس هي اصرت وراحت تسحب
بشويش

لما وصلت صدمها وجوده وان فرسها هاديه معاه وهويوكلها

لفت حجابها وقالت بغضب: ممكن اعرف شتسوي هنيه

علي انصدم من جيتها خصوصا ان ابوها محذرها قال بقهر:انتي الي شجايبك هنيه يعني لازم تكسرين كلام ابوك

ضي بنرفزه:وانت شكو شي خاص بيني انا وابوي يالله اشوف توكل لاني بجلس مع حصاني بروحي

علي هالبنت تقهرماعمراحد مد لسانه علي كثرها قلت:انتي الي فارقي لاانادي ابوك يكفخك الحين

ضي اخ يهددني بعد مشت ومسكت السرج وفكت الرباط بتطلع عنه

علي بعصبيه:ضي لاتعاندين وخلي الفرس لا اعلم ابوك

قالت بقرف:شوف اعلى مافي خيلك اركبه وطنشته ومشت

علي راح وقف قدامها اخذ منها السرج بقوه ودزها بس ضي تماسكت لاتطيح قالت وهي تحاول تاخذ سرج الفرس
بصراخ:جيب ياكلب

علي دزها مره ثانيه بس بخفيف وطلع بالفرس

ضي بصوت عالي وهي تلحقه: يا تبن ياحقير يازفت

علي ألتفت لها قال: كل الي قلتيه ماخوذ حقه

وراح وضي وقفت تزفر بقوه :اف انا شلي قردني وخلاني اطلع مع هالزفت انا لازم

ارجع ان قعدت بموت وهذا شكله مطول اخو عليوه

ادخلت وشافت جدتها ومرت ابوها يسولفون

جت وجلست بعد ماسلمت وهي تفكر بطريقه تردها لجدتها

اخطرت بالها فكره ابتسمت اذا انجحت بكون نايمه بحضن امي من باجر

تنهدت وراحت تكلم جدتها بعد ماطفشت من سوالف جدتها وعليا

اطلعت اوقفت عند الحديقه ودقت على جدتها عشان تساعدها بالخطه

علي كان طالع بيتوضى لصلاه شافها تكلم التيلفون وترجى الي تكلمه وتودد له استغرب من هالشخص الي تذل ضي نفسها عشانه

فهم من كلامها انها بترجع لبيت جدتها وانها بتسوي المستحيل عشان ترجع

27 - 10 - 2011, 10:07 AM

البارت الثالث

ضي

وقفوا في الجوازات وضطروا ينزلون عشان إجرات التفتيش

كانت متسنده على الطوفه والسماعات بأذنها ورافعه رجل كانت لابسه بنطلون بيج وبلوزه بني لي نص الفخذ وفوقه جاكيت بيج مخطط بني والملفع لي اخر شعرها بس

كانت تضغط بالتيلفون تدور بمحطات الإذاعه

علي من شافها وهو منصدم
هذي ضي سبحان الله كبرت وزاد حلاها هي من صغرها حلوه بس الحين جمالها طغى فوق المحدود

كان منقهر من طريقة تبرجها ليش ماغطت وجهها علاقل تحترم عادات هالديره

شافها مندمجه بتيلفونها وانتبه لشلة شباب يخزونها ويضغطون اجهزتهم

علي بغضب فاهم حراكاتكم يالملاعين تراسلوون بالبلوتوث
راح صوبها

ضي ارفعت راسها لشخص الي تكتف قبالها كانت اول مره تشوفه او يمكن شافة بس ناسيته قالت بنرفزه عبالها واحد فاضي:خير في شي كانت تكلم وهي تنزل السماعه

علي بقهر:ايه في شي عدلي حجابك وياليت توقفين عنك هالسخافات عباله انها تكلم هالشباب

ضي انقهرت لاسلوبه هو شكو فيها وباي اساس يرفع صوته عليها قالت بغضب: وانت من سمح لك تكلمني بهالطريقه وحجابي انا حره فيه لو بغيت افصخه انت شكو

قالت بقرف وهي تحرك يدها قباله:توكل اشوف مابقى ألا هالاشكال تدخل

ردت ألبست السماعه وصدت بوجهها عنه ماكانت تدري انه شاك فيها ماحست ألا وهو ساحب جهازها

اخذه انصدم البلوتوث مقفل وهي كانت حاطه على الرادو

ضي بعصبيه:انت وبعدين معاك وصرخت :ياشرطي

بعد ساعه

عدنان مو قادر يحط وجهه بوجه علي من الفشيله قال بضيق وهو يسب ضي بداخله:ياخوي امسحها بوجهي

علي صج ماهي هينه ولولا الله ثم ابوها جان مدخلتني بسين وجيم قال:ماعليه ياخوي حصل خير وراح لسيارته

اول ماركب قالت خالته:انتم اشفيكم واقفين تهاوشون ضي
عسى ماشر

علي اه كان ودي اكسرراسها شهالقوه الي بهالبنت صج انها ضبعه على قولت اختي قال:لا خاله مافي شي

اسكتت وهي مومصدقته

عندعدنان
قال بصراخ: انتي ماتستحين تلمين عليه الناس وتتهمينه انه متحرش فيك

عليابغضب:اصلا هي فاصخه الحيا من زمان

ضي بعصبيه:والله الي فاصخ الحيا اخوج بصفته شنو ياخذ تيلفوني ويتجسس علي اذا كنت اغازل

ابوها بصراخ:ضي وجع اسكتي خلاص هو بعدكان متضايق من تصرف علي

ضي بقهر:سكت مرتك اول
ولفت تطالع الطريق

عدنان تنهد وسكت لان مستحيل تسكت لازم ترادد

بيت فهد

علم اعياله انه خطب شجون لخالد وفرحوا كلهم لان شجون حبوبه وطيبه

حنان من سمعت الخبرراحت ركض بدق على ضي تعلمها

خالد حاس بحيره ويحس انه استعجل بهالقرار

بس قال اهم شي ان امي وابوي راضين فيها وانا ان شالله بتقبلها بعدين

الساعه خمس العصر
بالمزرعه

بعد ماجوا تغدوا لان ابو عدنان كان مجهز الغدى وضي بعد ماجلست شوي مع جدها اصعدت رتبت قشها وبدلت ملابسها

ألبست لها بدله سبورت موف وخذت ملفعها بس حطته على كتفها عشان اذا جا النشبه

على قولتها تلبسه خذت تيلفونها وطلعت

راحت تمشى صوب الحضيره بتشوف الارانب فجأه دقت حنان

ردت بشوق:هلا بعمري هلا بأهلي كلهم

حنان:

قالت وهي ترفع شعرهاماحست بالي يمشي وراها ويتأمل كل حركه تسويها: مفاجئه قولي تكفين

علي الي من شافها تمشى طار عقله وين بتروح هذي ماتخاف من العمال الي يحوسون

هنيه تنهد الحين انا شلي قاردني وخلاني احرص عليها معقوله عشانهابنت عدنان

ولا شي ثاني يدفعني لها

وقف عيب اتبعها بروحي وهي مامعها احد خل انادي واحد من عيال عليا عشان احتج اني بتمشى معاه

خلصت من حنان وسكرت وفتحت باب حضيرة الارانب شافت الارانب الصغار ابتسمت ودخلت

جلست بالارض وحطت واحد بحضنها تمسحه وهي تقول:ياقلبي شحلاته الصغنون
اسمعت صوت جود
قالت بفرح: خالي افتح بدخل وامسك واحد مثل ضي

علي خز ضي وقال ببتسامه:ان شالله ماحب يخليها بروحها لازم يتطمن عليها
فتح الباب ودخلو

ضي عدلت حجابها قالت بقهر وهي تنزل الارنب: اف شهالنشبه ياربي وجت بتمشي

قال وهو يمسح الارنب الي مع جود: والله دامك عارفه بطلعتي لمزرعة جدك جان رفضتي وقعدتي

ضي بغضب:والله انا كنت رافضه الطلعه عشان وجود اختك عاد الحين اشلون بتقبل القعده واخوها معها بعد
وكشت وطلعت منقرفه

علي عشان اختي والله ان اختي مسكينه ماتقدرتسوي فيك شي ياالضبعه وقعد يلعب مع جود

اليوم الثاني

صحت على المنبه كانت موقته على ست عشانها تحب قعدة الصبح خصوصا مع جدها

تروشت وصلت الفجر وألبست لها تنوره زيتي طويله كلوش وبدي اخضر فاتح بنقوش زيتيه

حطت كحل وقلوز وردي وألبست احجابها

اكرهت هالي اسمه علي قالت

بتنهد احسه مقيدني مايخليني اخذ راحتي قطيعه

قررت تكلم جدتها قبل تنزل

عندابو عدنان

جالس بالمشب ومجهز القهوه من خمس الفجرهذي عادته من يصلي يتم جالس ماينام

شاف علي رد نام بعدماقومه وصلى فتركه ولا ازعجه

جلس يتمنى قومة ام عدنان وجيتها تقهوى معه بس الي شافه جاي عنده ضي

ضي ببتسامه وهي تدخل المشب:صباح الخير يبه

جدها بفرح:ياصباح النور والسرور تعالي يابوج اجلسي
معي

راحت وهي تبتسم وجت بتجلس بس وقفها شوفة الشخص الي نايم

كشرت كان نايم على ظهره ومغطي عيونه بذراعه قالت بنرفزه: اف حتى هنيه لاحقني

جدها بستغراب:منهو الي لاحقك

ضي اشرت عليه:هالنشبه الي وراك

وكملت بنفاق:تصدق يبه ان ابوي كان بيطقني بسبة تخيل جاي وبايق تيلفوني

ولماصرخت ألم عليه خلق الله عشان يفكوني من شره

تعير ومثل على ابوي دور الاخو الي ينصح اخته بالستر

واني ماحشمة وسبيته سب
كملت بعياره: معقوله انا بسوي جذي يبه

جدها عارف بفكارها قال بإصرار: ضي تكفين احشمي علي لانه ضيفنا فخلي طوالت ألسان تكفين

قالت بغضب وهي بتقوم: وهو ليش مايحترم الناس الي عازمته قاعد ويتطاول على بنتهم

جدها مسكها وجلسها قال: الحين انتي جايه تجلسين معي ولا جايه تشكين لي من علي

قالت بقهر:لا والله جايه اجلس معك بس من شفت خشة هالنشبه لاعت جبدي

جدها بغضب:ضي عيب وفكيني من هالسيره

ضي بدلع وهي تضحك:خلاص وعشانك بسكت

كان قاعد ماجاه نوم وكان بيقوم يجلس مع ابو عدنان بس انه سمع صوتها هون

وفضل انه يتصنع النوم عشان يسمع كلامها انصدم ان كل محور حديثها سب وشتم له

انقهر وده يقوم يسطرها على سبها وزاد قهره ترجي جدهالها انها تسكت
رد يسمعها

ضي بشوق:يعني متى بيوصل

جدهابفرح:يمكن اليوم او باجر
لهدرجه فرحانه

ضي بفرح:ألا قول طايره من الفرحه

علي حس بغيره من هذا الي تمنى جيته

انتبه لعمه لما راح بيقول للعمال يجهزون فطور

استغل الموقف عشان يرد حقه قال وهو يقعد: يالله صباح خير

شهاليوم هذا ياربي اكيد اسود لاني تصبحت بوجيه كريهه وجلس يعدل فراشه

ضي بقهر:ماكريه غيرك يالشيفه

علي قرب يمهاومسكها وضغط على كتفها وهمس بقهر: ان ما أدبتك ياضي مااكون ولدابوي

دزته بقرف: طز فيك وف

كانت بتقول وفي ابوك بعد

بس هو سد فمها بقوه وقال
بغضب وبهمس: كل حرف من سبك بدفعك حقه

كمل بغرور: ترا انتي ماتعرفيني تراني اقدر اخليك تصيحين تحت رجولي منذله

وتركها حس بقربها بشي مايدري شنهو هو من شافها وهو منقلب حاله عمره مالحق بنات او تحرش فيهن

وهذي من شافها ماقدر يتحكم بعصابه

شاف جدها جاي قال قبل يوصل: فيك خير تكلمي وراح يغسل

ضي حاسه انها مثل البركان الي بينفجر بأي لحضه شقصده هذا والله مااطوفها لك ياحقير

وجت بتروح قال جدها:وين يبه الحين بيجي الفطور

ضي بقهر:مابي فطور وطلعت بسرعه

شاف علي قاعد توقع انها تضايقت لما قام

عند فهد

كان رايح هو وزوجته لبيت هبه اخته عشان يتفقون على التجهيزات

للملكه والعرس

هبه بفرح: والله الي تقرره ياخوي حنا راضين فيه

فهد :انا اقول الملكه بعد اسبوعين والعرس ان شالله بعد عيد الفطر شرايكم

هبه: على راحتك بس ترا البنت عندها شرط

فهدبستغراب:شنو

هبه:البنت بتكمل دراستها

فهدبراحه قال من غير لايسأل عن راي ولده: وحنا موافقين بس هذا

اليوم الثاني

في المزرعه

جاب لها جدها الفرس وكانت طايره من الفرحه وهي تمسح شعره وماسكه سرجه

قالت:مشكور يااحلى ابو بالدنيا

قال:عشان تعرفين بمعزتك عندي واني مستحيل ارفض لك طلب

وتبطلين تغلي وماتجين عندي

ضي بتنهد :خلاص من اليوم ورايح كل طلعه بكون اول من يركب شرايك

جدها:يكون احسن شاف زوجته وعدنان وزوجته والعيال جايين يشوفون الفرس قال: كاهم جو عشان يباركون لك

كلهم راحوا يشوفونها وهي بتركب الفرس ألا هو استحى وتم واقف بعيد عشان ياخذ راحته بتأملها

كانت لابسه بنطلون جيشي وبدي زيتي جت بتركب شافت ماعندها احد غريب ففصخت حجابها وعطته جدتها

وخرت شعرها ورا اذونها وهالحركه اسحرت علي تمسكت بالسرج وصعدت بخفه

كأنها مدربه على الفروسيه

ابتسمت وقامت تمشي فيه على خفيف والكل يضحك لها

فجأه ثارت الفرسه بقوه وقامت ترافس والكل انحاش
وعدنان وابوه يحاولون يوقفونها عشان ينقذون ضي

الي كانت متمسكه بقوه بس قوة الفرسه حذفتها بالارض

علي الي صدم المنظرخصوصا ان ضي طاحت والفرس بتدعسها جا ركض وابعد الفرس

وشال ضي بسرعه يبعدها

بعد فتره
الكل تم واقف عندها ينطرها تصحها بعد ماحطها علي على الكنبه وطلع عشان مايحرجها

فتحت عينها بتعب قالت:انا وين وشنو صارلي

عدنان كان جالس قبالها مسح راسها قال:انتي بخير يبه وحمدالله على سلامتك

ضي بضيق: احس بعوار بيدي يبه

جدهابخوف:قوم خل انوديها الطبيب اخاف فيها كسر

كان حاس بالخوف والذنب لانه ماسمع كلام عدنان لماقاله لاتجيب لها فرس خطر عليها

عند علي
كان واقف عند الفرس وماسك سرجه بقوه

كان وده يذبح هالفرسه لانها أذت حبيبته تنهد معقوله حبيتها وانا ماصارلي خمس ايام من شفتها

استغرب من نفسه شنو الي في ضي زود وخلاه يحبها

عند خالد

قاله ابوه عن كل الاتفاقات بس ماقاله عن شرط شجون

كان منسدح بغرفته يفكر هل شجون بتسعدني بزواجي منها

بس انا ودي بمواصفات خاصه لشريكة حياتي

بعد اسبوع

حنان وشجون منشغلين بطلعات السوق عشان الملكه وضي ميته قهر لانها مراح تحظر اولا عشان جدها رافض رجعتهم الحين وثانيا عشان الرضه الي بيدها من الطيحه

عند ضي

كلمت جدتها وطمنتها انهابخير وخذت منها كم زفه على فعلتها

بدلت وألبست بدله سبورت فوشي

وقررت تروح تشوف فرسها لو بالغصب هم منعوها من انها تشوفها

وهددوها انهم بيبعدوها عنها
بس هي اصرت وراحت تسحب
بشويش

لما وصلت صدمها وجوده وان فرسها هاديه معاه وهويوكلها

لفت حجابها وقالت بغضب: ممكن اعرف شتسوي هنيه

علي انصدم من جيتها خصوصا ان ابوها محذرها قال بقهر:انتي الي شجايبك هنيه يعني لازم تكسرين كلام ابوك

ضي بنرفزه:وانت شكو شي خاص بيني انا وابوي يالله اشوف توكل لاني بجلس مع حصاني بروحي

علي هالبنت تقهرماعمراحد مد لسانه علي كثرها قلت:انتي الي فارقي لاانادي ابوك يكفخك الحين

ضي اخ يهددني بعد مشت ومسكت السرج وفكت الرباط بتطلع عنه

علي بعصبيه:ضي لاتعاندين وخلي الفرس لا اعلم ابوك

قالت بقرف:شوف اعلى مافي خيلك اركبه وطنشته ومشت

علي راح وقف قدامها اخذ منها السرج بقوه ودزها بس ضي تماسكت لاتطيح قالت وهي تحاول تاخذ سرج الفرس
بصراخ:جيب ياكلب

علي دزها مره ثانيه بس بخفيف وطلع بالفرس

ضي بصوت عالي وهي تلحقه: يا تبن ياحقير يازفت

علي ألتفت لها قال: كل الي قلتيه ماخوذ حقه

وراح وضي وقفت تزفر بقوه :اف انا شلي قردني وخلاني اطلع مع هالزفت انا لازم

ارجع ان قعدت بموت وهذا شكله مطول اخو عليوه

ادخلت وشافت جدتها ومرت ابوها يسولفون

جت وجلست بعد ماسلمت وهي تفكر بطريقه تردها لجدتها

اخطرت بالها فكره ابتسمت اذا انجحت بكون نايمه بحضن امي من باجر

تنهدت وراحت تكلم جدتها بعد ماطفشت من سوالف جدتها وعليا

اطلعت اوقفت عند الحديقه ودقت على جدتها عشان تساعدها بالخطه

علي كان طالع بيتوضى لصلاه شافها تكلم التيلفون وترجى الي تكلمه وتودد له استغرب من هالشخص الي تذل ضي نفسها عشانه

فهم من كلامها انها بترجع لبيت جدتها وانها بتسوي المستحيل عشان ترجع

27 - 10 - 2011, 10:13 AM

البارت الرابع

وطولته لعيونكم حبايبي

ادخلت وشافت جدتها ومرت ابوها يسولفون

جت وجلست بعد ماسلمت وهي تفكر بطريقه تردها لجدتها

اخطرت بالها فكره ابتسمت اذا انجحت بكون نايمه بحضن امي من باجر

تنهدت وراحت تكلم جدتها بعد ماطفشت من سوالف جدتها وعليا

اطلعت اوقفت عند الحديقه ودقت على جدتها عشان تساعدها بالخطه

علي كان طالع بيتوضى لصلاه شافها تكلم التيلفون وترجى الي تكلمه وتودد له استغرب من هالشخص الي تذل ضي نفسها عشانه

فهم من كلامها انها بترجع لبيت جدتها وانها بتسوي المستحيل عشان ترجع

بعد ساعه

قررت اتطبق الخطه بعد مااقنعت جدتها وبالموت رضت

كانت تقولها مثلي المرض وانا بصيح على ابوي يردني عشانج

لان ابوي ماراح يرجعني ألا اذا فيه سبب

راحت لأبوها وهي تصيح

كان جالس بالمشب هو وابوه وعلي

قالت بصراخ: يبه تكفى رجعني
لجدتي بسرعه هي تعبانه ومحتاجه لي ضروري

ابوها بخوف:متى هالكلام

ضي:تو دقيت عليها وصوتها منبح من التعب تكفى ابي ارد لها

عدنان وابوه صدقوا بس علي ضل شاك بالموضوع

حس بالقهر وده يقول انهاتجذب بس عشان ماترجع وتم قباله يشوفها

عدنان بضيق:خلاص يبه جهزي اغراضك وبوديك

ابوعدنان بخوف:خل باجر يابوك الحين الدنيابتظلم

ضي بصرار:لا الحين

علي مستعجله ياضي على فراقي زين دامهم صدقوا جذبتج ورضوا يرجعونك خلي باجر علاقل اتهنى بشوفتك اليوم بس

عدنان:معليه يبه الحين بوديها

علي بإصرار:خلاص بخاويك منت رايح بروحك

ابوه براحه:اي خل علي يروح معك

عدنان رضى وابتسم علي بفرح انه مراح ينحرم منها وبيوصلها لغاية بيتها بعد شاف نظرات ضي

له كأنها تقول له انت شكو ترز وجهك في كل شي تنهد والله مادري ياضي قلبي لوين بيوصلني

عند حنان

كانت بغرفتها وتقرا مسجات ضي الي ترسلهن لها وتقولها عن مخططها الي نجح

وانها بترد اليوم وبتحضرملكة خالد الي بعد يومين

حنان بدهشه:هالبنت صج داهيه ولا في احد يسوي سواتها

في السياره

هدوء تام وعلي كان يسوق وعينه مركزه على المنضره يشوف تحركات ضي

تأكد وبصم بالعشره ان الي تسويه حيله عشان ترجع

لان شكلها مايوحي كانت مندمجه بتلفونها ومشتغله رسايل ومرات تبسم عبالها محد شايفها

ضي الي كانت تراسل حنان وتقولها برجعتها كانت فرحانه بشكل اخيرا بترد لجدتها ولوان اهل ابوها مايقصرون بس كانت ما تحس بالراحه ألا عند جدتها

وقفوا عند الجوازات

وبعد فتره

كان عدنان منشغل بإجراءات التطبيق

وضي جالسه بالسياره تنتظرهم
يخلصون انتهزعلي الوقت وركب السياره

ضي ارعبها طريقة فتحه للباب قالت بصوت عالي تقهره:بسم الله الرحمن الرحيم هيه انت افجعتني

علي ألتفت عليها قال بقهر من اسلوبها :اجل انتي لك قلب ينفجع ا

قاطعته: هيه انت تراك قاثني من اول يوم شفتك فيه ماتقولي شتبي بالضبط

كان بيقول ابيك قال برود: كيفي احب اقهرك كمل بستحقار:بس ماتوقعت انك تكونيين جبانه لهدرجه

وبسرعه تستسلمين و

ضي منصدمه من تصرفاته الي مو طبيعيه كله حاط دوبه من دوبها توقعت انه ينتقم لعليا قاطعته بعصبيه: تخسي استسلم لك

علي ببتسامه:اجل شتسمين رجعتك بسرعه لبيت جدتك بعد

هوشتنا عند الحصان غير انها هروب من المواجهه

كانت بترد بس قاطعها
وكمل:لاتفكرين ان جذبتك مشت علي اصلا انا داري ان جدتك مافيها شي وان كل هذا

حيله عشان تردين اقصد تهربين وبتسم يقهرها

انصدمت من انه كاشفها كانت بترد بس سكتها ركوب ابوها
خافت تنفضح

تمت تطالع بملامح علي بكره وغضب وهو شافها من المنضره وابتسم يقهرها

كشرت وصدت عنه تشوف الطريق

اليوم الثاني

في غرفة ضي
بعد ماوصلوا الساعه عشر سلمت على جدتها وصعدت ترتاح

علي وعدنان لحت عليهم الجده ينامون والصبح يروحون

عدنان بعد العشا حط راسه وراح بسابع نومه

وعلي تم سهران يفكربضي وتعلق قلبه فيها رغم كل تصرفاتها العوجه

معاه تنهد ووقف يمشي وقف عند باب المجلس يطالع بيت ضي الي عاشت فيه

الساعه حدعش

عندضي صحت على صوت رساله

قامت افتحتها استغربت كانت من رقم غريب

ومكتوب فيها (جباااانه ياضي)

ضي بدهشه:معقوله علي اكيد مافي غيره بس منين جاب رقمي هالزفت

ارسلت له رساله قالت(ماجبان غيرك بس مكان انت تكون فيه ينعاف هذا سبب رجوعي يامجنون)

دخلت الحمام تروشت وبعد ماطلعت ألبست تنوره قصيره برتغالي وبدي بني ألبست ربطة شعر برتغاليه صارت كأنهاطفله

حطت كحل وقلوزكالعاده وطلعت وهي تنزل الدرج جاها مسج افتحته( سبك لي زاد وحقي مصيري باخذه يا ام ألسان )

ضي اف هذا وبعدين معاه دقت اتصال تبي تلعن أسلافه

فجأه جاها رفض وبعدها جاها مسج

(ابوك عندي وماقدر ارد عليك اجلي هوشتك لين اوصل المزرعه ودق عليك هههاي)

امسحت الرساله وهي تسب حقير نذل

ادخلت المجلس شافت جدتها سكرت التيلفون راحت لها وهي تبتسم تحضنها وتبوسها

عندجمال

بعد ماكلم امه وقالت له عن رجعة ضي استغرب انها ماطولت خصوصاان عدنان قايله بنجلس شهراو اكثر هذي ماكملت اسبوع حتى

جت بدور بالشاي شافة سرحان قالت:حبيبي اشفيك
ومدت له سكانة شاي

جمال :ابد سلامتك ونزل الشاي قال :انا بروح ازور امي توصين بشي

بدور:سلامتك وسلم عليها

جمال :ان شالله وطلع رايح يشوف ضي صارله فوق الشهر ماشافها من بعد ذيك السالفه

عند حنان

كانت تلح على ذياب يوديها عند جدتها

وهورافض خصوصا انه سمع حنان وهي تكلم ضي وتزفها على سواتها

عصب هاذي ماتخاف ربها تجذب على ابوها كان وده يكفخها على عملتها

قال بغضب:مافي روحه ماتفهمين

حنان بزعل:اي ليش

ذياب:بس كيفي فنقلعي عني لا اروح اعلم ابوي بالي سوته بنت عمك المصون بأبوها

حنان بصدمه:شدراك

ذياب:دريت وطلع

حنان خافت لا يعلم ابوها وسكتت

عند ضي

كانت قاعده وتطالع التيلفزيون
فجأه اسمعت الباب انفتح وانصدمت انه خالها

جمال الي اول ماشافها ابتسم وقال :اشفيك اطالعيني جذي منتي مسلمه علي

ضي هذا الي ماحسبت احسابه اخاف يسأل ابوي عن سبب رجعتي ويقوله ابوي ثم ننكشف ياربي عساه مايسأل راحت له وسلمت وكان سلامها جاف جدا

وبعدها جت بتروح قال :وين رايحه تعالي ابي اسولف معاج من زمان ماجلسنا مع بعض

ضي من زين قعدتك عاد ياتسب ياتزف فيني وان رديت سكتني بطراقاتك قلت برود: ما بينا سوالف ولاتفكر لاني سلمت عليك نسيت طقك

كملت بغرور:عن أذنك
وراحت

جمال من صدمته من كلامها ماقدر يوقف جلس على اول كنبه تنهد

انا مادري من طالعه عليه هالبنت ماتقدر لاصغيرولا كبير

بس الشرهه علي الي جاي اعتذر لها ولا هاذي ماينفع فيها حشيمه

شاف امه جت انرسم بسمه على وجهه نسته ضي والي خلفوها

عندضي

ادخلت غرفتها وسكرت الباب بقوه رمت نفسها على السرير وقالت بقهر:قال جاي بيسولف معاي مالت عليك وعلى سوالفك

اكرهك اكرهك تردد هالكلمه رجعها بذاكرتها قبل ست سنين كان عمرها حدعش سنه

كانت ترسم بكراستها وجالسه بروحها على الارض

وكان جايهم جمال وعياله كان عمر امل اربع سنوات

جت عند ضي وقعدت ترسم معاها لان ضي عطتها

بعد فتره صاحت امل تبي ألوان ضي بس ضي مارضت تعطيها تخاف تخربهم

لكن جمال تأذى من صياحها وأخذ الوان غصب وعطاها

واول ماطلع سمع صراخ امل لقاها طايحه بالارض وشاف ضي ماسكه بألوانها وتطالع فيه

بغضب على طول راح لها ومسكها وطقها وهي تصرخ
بصوت عالي:اكرهك اكرهك

صحاها من تفكيرها صوت التيلفون ردت بغضب لانها اعرفت انه النشبه: نعم شتبي

انت ماتستحي على وجهك تدق علي وبعدين رقمي منين ماخذه ماتقول

علي والله اني كنت استحي بس مادري شصارلي قلت بقهر:شوي شوي وبعدين شكلك نسيتي انك دقيتي علي اليوم وانا صرفتك عشان ابوك كان عندي

ضي لايشيخ يعرف للعيب قلت :وليش مارديت ودامك خايف من ابوي ليش ماخذ رقمي ويكون بعلمك ان ماحليت عني اني لعلم ابوي

فاهم

علي اخص تهددبعدقال بقهر: فاهم بس شنو كنتي تبين لما دقيتي

ضي بعصبيه:كنت ابي فرقاك اف ماتفهم وسدت بوجهه الخط

عند علي

كان جالس عند الفرسه وكان يكلمها بس انقهر لماسدت بوجهه الخط قال بقهر:هين ياضي ان ماعلمتك اشلون تحترميني ماكون علي

مسح على الفرسه الي قرر يشتريها من جد ضي لانه قرر يبيعها بعد حادث ضي

تنهد :اه يالقهر انت ياعلي تهين نفسك عشان بزر بس شاقول غير الشكوى الله وانت ياضي مصيرك راح تكونين تحت رحمتي وذيك الساعه بعلمك منهو علي

عند عدنان

كان جالس مع امه وزوجة يتقهوون

ام عدنان:ألا مادقيت على ضي تنشدها عن جدتها اليوم

عدنان بفرح:ألا دقيت وجدتها الي ردت وابشرك طيبه تقول بس صخونه بس انت تعرف ضي تكبر الامور

عليا قالت بهمس:عزالله انها ماجذبت من جهة مكبره فهي مكبره

عدنان سكتها بنظره وألتفت لأمه الي قالت:الله يبشرك بالخير

بعد فتره دخل ابوعدنان وسلم وجلس قال:وين علي ماشفته عقب جيتوا من البلاد

عدنان بستغراب:اي والله من نزل مادري وين أختفى

عليابخوف:ياحسرتي خل ادق اشوفه وين ودقت

وجاها رد قال بضحكه :هلا بالشقيقه

عليا بخوف:هلا فيك انت ماتقولي وينك فيه

علي بتنهدوهو يطالع الفرسه: عند فرستي اروضها ناسيه انها ماروضت وبغت تذبح بنت عدنان

عليا بقهر: لا مانسيت والظاهر ان هالفرسه نفس راعيتها اذا قدرت تروضها قابلني هذا اذا ماذبحتك بعد

علي بروضها ياعلياوبيجي يوم و بروض راعيتها بعد قلت:تحديني لاتنسين اني داخل نادي فروسيه وعندي خبره بعد

عليابتنهد:الله يوفقك بس تعال الحين الكل يسأل عنك

علي:ان شالله الحين جاي وسكر

بعد اسبوع

اطلعت النتايج وضي نجحت وجابت نسبه ضعيفه مادخلها الجامعه وهي تبيها من الله ماتبي تكمل اصلا

وحنان جابت تسعين وسجلت بالجامعه طب

شجون مستانسه بملكتها على خالد ولو انها تحس ان خالد من النوع البارد

الي بالموت يظهرمشاعره بس قالت مايهم بكره لي تزوجته بخليه يحبني غصب

عند علي

كان مصر انه يرجع يحس بالملل في قعدته قال بإصرار:عليا انا ماقصرت قعدت عندكم اسبوعين خلاص بروح

اشوف اشغالي

عليا بضيق:اي اشغال انت ماخذ اجازه شهر

علي ببتسامه:اشغال خاصه فيني

عليا بدهشه:اشغال شنو الي خاصه فيك ولا اعرفها

تنهد واخذ شنطته باس راسها وقال: اذا رجعتي من المزرعه بقولك وطلع وهو متجاهل صوتها قالت:علي تعال قولي تبيني اصبر شهر من صجك

عند ضي كانت رايحه لحفلة حنان الي سووها لها اهلها بمناسبة نجاحها

كانت لابسه ثوب كات ذهبي قصير ومسويه بشعرهاحركه خفيفه ولابسه كرستاله ذهبيه على جنب

ولابسه كعب مع انها ماتحب تلبسه تخاف تطيح لانهامتعوده على الجوتي والشحاطه بس

جازفت وسوت مكياج كثيف عند صالون لان حنان طلبت منها هالشي

حنان كانت مثل القمر بثوبها السلفر مع درجات الوردي

ومكياجها صارخ وتسريحتها ضخمه لان شعرها طوله لين نص ظهرها كانت مسويه اشات

ومدخله فيه كرستالات فضيه مطلعه شكلها قمه

شجون لان الحفله حفلة اخت الغالي فماخلت شي ماسوته عشان تطلع شي بالحفله

كانت لابسه تنوره قصيره حمرا ومطرزه باسود وبدي اسود ربط ارقبه والاسود مطلع بياضها ونعومتها خصوصا بمكياجها وتسريحة شعرها الاسود

عند ضي

حست بعطش وراحت للمطبخ تشرب اول مادخلت

طلبت من الخدامه ماي بس هي تأخرت وقعدت تسوي قهوه

ضي بصراخ:انتي هي بسرعه عطيني ماي لااعطيج كف يعدلج

ماحست ألا وصوت وراها قال بقرف:عطيها وشوفي شي صير لك

ذياب كان جاي بياخذ قهوته الي طلبها وانصدم من ضي وجمالها ونقهران كل هالجمال يكون لوحده مثل ضي

هو يدري انها حلوه بس كشختها زادت جمالها زود

ضي انصدمت من دخوله وهي بهاللبس مشت ونخشت ورا الثلاجه عنه وقالت بقهر: شكلك انت بعد يبيلك كف انت اشلون تسمح لنفسك تدخل والبيت فيه ضيوف

ذياب اه لولا الحيا جان قطعتها تقطع هالملسونه قلت:جان في احد يبي له طراقات موطراق فهو انتي يام لسان

كمل بخبث:لا والأخت كاشخه وحاطه الاكو والماكو عشان تحصل نصيبها لان دراسه وماهي كفو جامعه بس استريحي وكمل بغرور:محد بيلتفت لك لانهم عارفين بطباعك الزينه

شافها منهده عليه ونست انها من غير غطى حتى جت بتصفقه بس هو مسك يدها ولواها بقوه

وجر شعرها وقال بعصبيه:ماهو ذياب الي تضربه مره حتى لو كانت انوثتك مجرده منك ودزها بقرف وطاحت

ألتفت عليه وهي تفرك يدها الي عورتها وقالت بقهر: حيوان عبالك بسكت لك هين

قامت وهي تحس بعوار خصوصا ان يدها حمرت من اثار مسكة ذياب طالعت بالخدم الي كانوا متفرجين على المعركة وشافت صينية قهوة ذياب حذفتهابقوه وطلعت

ذياب كان واقف وشاف ردة فعلها وشاف نظرات الخدم له بخوف قال بصراخ:في شي وطلع وهو يسب نفسه

ليش تطاول عليها من البدايه ليش تدخل معقوله بس عشانها زفت الخدامه ولا لاني شايل بقلبي كل هالفتره وبطلع حرتي فيها

تذكر شكلها اشلون انهدت عليه مثل اللبوه واشلون هو طقها وأذاها ومع هذا مانزلت منها دمعه

عندضي

مارجعت للحفله تخاف ينتبهون ليدها وتخاف ان الخدم يعلمون

مشت بهدوء ودخلت غرفة حنان
افتحت شنطتها وطلعت هدية حنان نزلتها واخذت عباتها وطلعت بعد مادقت على سايق جدتها يرجعها للبيت

وصل السايق وركبت ومشت السياره بسرعه وكان ذياب يشوفها لما طلعت زاد كرهه لنفسه على سواته

ضرب الطوفه بيده بقوه قال:غبي طول عمري غبي

توقعاااااااااااااااااتكم لا تنسوووووووووووووون

27 - 10 - 2011, 10:20 AM

البــــــــــــــــارت الخــــــــــــامس

في الحفله

الكل فرحان مستانس بهالمناسبه وحنان وشجون مابطلوا رقص

وام خالد وام فهد جالسين سوالف مع رفيقاتهم

الجده حست بختفاء ضي قامت تدورها

عند ضي

ادخلت غرفتها قفلت الباب وحذفت اغراضها وجلست تصيح:كلب حيوان

افصخت عباتها وطالعت بشكلها بالمنظره قالت بشهاق: معقوله كلامه صج وان الناس كلها تكرهني

كملت بصراخ وهي تجر شعرها :حتى انا اكرهم مااحب احد ألا امي ورمت نفسها على السرير تصيح

عند حنان

كانت تحاتي مثل جدتها وماخلت مكان مادورت فيه خافت لايكون صارلها شي

الجده دقت للمره الألف وجاها رد

ضي بعد مامسكت اعصابها وقدرت تهدها ردت :هلا يمه

جدتهابخوف:ضي يمه وينج فيه

ضي بتنهد:بالبيت

جدتهابدهشه:بالبيت ليش عسى ماشر

ضي بضيق:ابد يمه حاسه بصداع قوي وزاد مع صوت الدي جي قلت ارد احسن

كملت برود:يمه سلمي على حنون وباركي لهاعني وقولي لها ترا هديتها على تسريحتها بغرفتها زين

جدتها حاسه ان ضي في شي مضايقها غيرسالفة الصداع بس ماحبت تجادلها قدام حريم عيالها قالت:ان شالله بقولها وانا الحين برد البيت بعد

سكرت وقالت لحنان الي تضايقت من تصرف ضي

الساعه وحده
دخل البيت بعد مالف الشوارع كلها بس عشان ينسى الي سواه صورة ضي ماتفارق خياله وهو يطقهاويجرشعرها
بقوه

مرمن غرفة حنان سمع صوتها العالي
حنان كانت تشوف هدية ضي وكانت عباره عن سلسال ألماس على شكل قلبين يحمل حرفها وحرف حنان

انتبهت لذياب قالت بفرح:ذياب تعال شوف شحلاته جابته لي ضي يهبل

حس برعب من سمع اسمها قال بضيق وهوبيطلع: مبروك ان شالله وطلع

بسرعه عنها

خايف تنكشف جريمته

اليوم الثاني

قامت متاخره لانها امس بالموت اقدرت تنام او تغفي عينها

راحت خذت شاور وبعده ألبست برموده سماوي سبورت

نشفت شعرها ورشت عطر ونزلت لجدتها

ادخلت المجلس لقت جدتها جالسه ومعها خالها فهد اختفت ابتسامتها

وجلست يم جدتها بعد ماسلمت
على خالها

كانت تطالعه بنظره ماعرف معناها تنهد وقال:اشلونك ضي امي تقول انك تعبانه
وان يدك توجعك للحين عقب الرضه يقصد طيحتها من الحصان اول ماجت لهم

ضي بسبب ولدك ياخالي قالت برود:الحين احسن وقامت وطلعت صارت تكره القعده معهم

جدتها قالت بضيق:ماكاسر خاطري غير هالبنت لو تذوق الويل ماشكت لي

فهدحب يخفف عن امه قال:يمه الله يهداك بس اي ويل الي تكلمين عنه وضي عايشه عندك ولا عيشة شيوخ بعد

امه بتنهد: مراح تفهمون قصدي مهما قلت

ضي بعد ماطلعت منهم راحت اجلست بالحديقه تسقي الزرع

قطع عليها تيلفونها ابتسمت لانها اشتاقت لصوته

ردت:الو

عدنان بشوق:هلا ببنيتي اشلونك يبه ان شالله بخير

قالت بتنهد:بخير عساك بخير انت اشلونك اشلون اخواني وجدي وجدتي

انتبه انهاماسألت عن عليا قال:كلهم بخير ويسلمون عليك بعد

بعد شهر

ارجعوا عدنان واهله كلهم من المزرعه

وضي ناويه اليوم تزورهم بنا على طلب ابوها

خالد حدد عرسه بعدشهر وقاعد يجهز شقته وشجون اتجهز جهازها

ذياب من بعد الي صار وهو مايجلس بيت جدته كل مااجتمعوا يادوب يسلم ويمشي وهو للحين حاس بالذنب خصوصا ان ضي ماطبت بيتهم والكل استغرب منهاألاهو كان عارف السبب

علي رجع يداوم بشغله يمكن يقدر يشغل نفسه شوي عن ضي بس لأسف ماقدر

كان مقرريزور اخته بعد رجعتها ويتحمدلهم بالسلامه

وقف سيارته عند بيت اخته وصدمه شكلها وهي نازله من السياره بكل كبر وغرور قال ببتسامه: حلو اخير بشوفك ياضي صارلي فوق الشهر ماشفتك ياظالمه نزل وسكر السياره ودخل

في المجلس

كانت جالسه جنب ابوهاوهو حاضنها بذراعه وتسولف مع

اخوانهاجابروجود

ضي ببتسامه :بس يشتري لي ابوي الاب توب بخليك تستخدمه براحتك

كان ابوها بيشتري لهالاب هدية نجاحها وجابر يحن يبي واحد

علي كان جالس معاهم ومانزل عينه عنها حسدعدنان الي حاضنها تمنى لو هو مكانه كان طول القعده ساكت

عليا لاعت جبدها زوجهاوعيالها ملتهين مع ضي واخوهاالي المفروض يونسها سرحان ومنقلب حاله قالت بخوف:علي اشفيك من جيت وانت ساكت

علي ماابي اقطع علي لحظة استمتاعي بسوالفها وضحكها يووه ياعلي هبلت فيك هالبنت قال ببتسامه:ابد سلامتك وكمل:وبعدين محد سولف معاي وطنشته

عليا توقعت انه يقصدعدنان الي ملتهي بسوالف عياله تفشلت وألتفت لعدنان قالت بنرفزه: عدنان ممكن تخلي عنك هذرة العيال وتعطي اخوي وجه

بدال ماهو قاعد بروحه

عدنان بخجل:اسف ياخوي وقام عن عياله بيجلس قريب من علي

ضي انقهرت من تصرف مرت ابوها وزاد عليها ان ابوها استجاب لها

قامت وخذت شنطتها قالت بقهر: عن أذنكم انا ماشيه

عدنان:وين يابوك تو ماشبعت منك

علي بنفسه والله انه صاج ماشبعنا بس تكفين لاتروحين

كان يطالع فيها واستغرب من خزها له وهي تقول بغضب:عندك الي يسد حاجتك ومشت

عدنان بغضب:ضي ولحقها بسرعه

علي خايف لان عدنان مايمسك نفسه اذا عصب انتبه لصوت عليا قالت بقهر: انا ماصدقت انهابتذلف هذا يقوم يلحقها

علي بغضب:بدال ماتقعدين تهذرين قومي شوفي زوجك لا يعصب ويجرم بحق بنته

عليا برجا:الله يسمع منك لان هالبنت لعنه علينا فموتهاارحم

علي كان وده يكفخهاعلى كلامها قام عنهابسرعه بيشوف عدنان

عند ضي

كانت واقفه بالحوش مع ابوها الي عصب من استفزازها له قال بإصرار:ضي خلي عنك هالاوهام ومشي ندخل

كان يقولها ان عليا ماقصدت تطردها وانها توهم

ضي بصراخ: انا مااتوهم وهالزفت مرتك ماتبيني ماحست ألا بطراق بوجهها

علي دخل على هالمشهد وحس بعروق قلبه بتطلع لانها انضربت وقف منصدم من الي شافه

ضي ارفعت عينها وقالت بقهر: روح بشر مرتك اني انضربت للمره الألف في هالبيت بسبتها

وطلعت بسرعه

عدنان حس بدمه يفور وضغطه ارتفع دايم تقهره بطولة ألسانها

مسك يده وضغط عليها وهو حاس بضيقه بصدره

عند الجده

كانت جالسه وعندها جمال ويتقهوون بعد فتره دخلت ضي

ضي شافت جمال كشرت قالت هذا الناقص مرت سلمت وستأذنت بتطلع بس وقفها صوت جمال الي شاف خدها محمر قال بخوف:ضي اشفيك متهاوشه مع ابوك

ضي بنرفزه لان لو هو ماانتبه جان جدتها مادرت بشي قالت: وانت شعليك تسأل وجت بتروح

صرخ عليها مايحب احد يحقره:ضي وجع اكلمك انا

الجده بتوسل:جمال هد نفسك وألتفت لضي وقالت:وانتي اصعدي لغرفتك بعدين بتفاهم معاك

سمعت كلام جدتها وصعدت وجمال جلس وقعد يزفر بقوه من العصبيه

امه مدت عليه ماي قالت بعطف: يامك كم مره بقولك مالك شغل فيها ولا تكلمها حتى

جمال بحزن:يمه انا شقلت كل الي قلته سألتها من طقها

امه بضيق:واذا عرفت من طقها يعني بتوقف معها ضده طبعا مستحيل هذا أذا ماكملت وطقيتها بعد

جمال سكت لان الي قالته امه صج واكيد ضي ماطقها ابوها ألا لانها غلطانه

عند ضي

من دخلت وهي منسدحه على السرير ملت من كثرالتفكير لي متى بتم جذي الكل يكرهني تنهدت وهي تحسس خدها

هين ياعدنان ان ماعذبتك وحرمتك من شوفتي ماكون ضي

كانت تعرف ان هاذي نقطة ضعف ابوها

ابتسمت ادري فيك كلهايومين وجاي تعتذر

شافت تيلفونها يدق رقم غريب ردت:الو

علي تنهد الحمدلله بخير صوتها مايبين فيه صياح ابتسم لانه تذكر ان ضي ماتصيح ابد وياما سمع هالكلمه من عليا

ضي بقهر:اف بترد ولا اسكر
مانتظرت دقيقه سكرت بسرعه

عند علي

كان منسدح على سريره ابتسم ياحلو صوتها ويازين قوتها

انا ماصارلي شهرين من عرفتها وعشقتها اجل لو سنه شبيصير فيني اتوقع بصير اعبر من مجنون ليلى

تنهد انا ليش ماأكلم عليا وفاتحها بموضوع زواجي عشان تخطبها لي من عدنان

اي انا لازم اكلمها لمتى بضل جذي عزابي وظيفه وتوظفت وبيت وعندي ليش مااستقر

بعد شهر
يوم عرس خالد

الكل فرحان بهالمناسبه وخاصة شجون الي بتلتقي بحب طفولتها خالد

كانت أيه من الجمال في ثوبها الابيض ومكياجها الفوشي

ومسكتها كانت تمشي وهي ترسم بشفاها اعذب ابتسامه

كانت عن يمينها ضي وترش عليها الورد

كل الانظار عليها كانت ماتقل عن العروسه بجمالها

كانت لابسه فوشي رقبه ومشغول من عندالصدر وطويل وفيه فتحه لي الركبه

شعرها البوي منفشته شوي ورابطه عليها ربطه فوشي
ومكياجها قمه

حنان اخت المعرس طالعه اميره بالعرس بثوبها الزيتي ومكياجها الصارخ

عند الرجال

ماعرف يحدد مشاعره هل هو فرح ولا خوف من المستقبل مع هالانسانه الي بتكون مرته من الليله وبيجمعهم سقف واحد

ذياب ماصدق ان اخوه عرسه اليوم فقام يبدع بالعرضه

عند عدنان

مشاركهم بالحفله لانهم خوال ضي

كان متضايق من حقرانها له من اخر هوشه معاها ماشافها وكل ماجا عندها رفضت تطلع له

انتبه لجمال الي جلس يمه قال :عسى ماشراشفيك مكشر

كمل بنرفزه:لاتقولي عشان هالزفته بنتك انا لو منك دبغتها دبغ لين تعدل وتترك عنها هالحركات

عدنان بضيق:ادبغها انا عطيتها طراق وزعلت علي شهر ماشفتها تقول ادبغها بعد

جمال :والله مادري شفيها هالبنت فاهمتنا غلط

بعد الزفه في جناح
المعاريس

دخل هووشجون الي اجلست على الكرسي

قال برود:شفيك قعدتي ماتبين تبدلين

شجون بغصه هي تعبت من ثقل الثوب اصلا قالت:ألا وقامت
وراحت للغرفه

ادخلت اعجبهاذوق خالد بالأثاث كان فخم وراقي

دخلت تبدل

خالد فصخ بشته والشماغ وجهز العشا ينطرها تطلع شافها طولت وراح لها

شجون ألبست قميص ابيض علاق وعليه روب ساتر وكانت تخفف من مكياجها وتفك تسريحتها

انتبهت لدخوله المفاجئ وألتفتت له

خالد بنرفزه:ساعه تبدلين العشا برد

شجون بخوف:ان شالله جايه ومشت معاه

عند ضي

كانت بقمة عصبيتها لان جدتها قررت تنام بيت خالها فهد

وصت عليهاتجي مع حنان لبيت خالها اجلست تنفس بقوه من العصبيه

جت لها حنان قالت:يالله ضي ذياب ينطرنا برا

ضي لا وذياب الي بيوديني بعد انا لايمكن ادخل بيت انهنت فيه قالت بعصبيه:انا بروح لبيتنا

حنان بدهشه:بس جدتي بتنام عندنا

ضي بإصرار:وانا مرتاح ألا بيتي فاذا منتو موصليني بدق على السايق

حنان بقهر:ضي انت شفيك ليش ماتبين تجينا ولا حتى تزورينا

كانت خايفه لايكون سامعه امها

ضي برود:مافيني شي ومشت

في السياره

من قالت له حنان ان ضي بتجي معهم وهو حاس بالضيق وده يعتذر لها عن تصرفه
الهمجي بنظره

قطع عليه
حنان الي قالت:روح بيت جدتي اول

ذياب بدهشه:ليش جدتي بيتنا راحت مع امي وقالت اجيبكم بيتنا

حنان بضيق: بس ضي ماتبي

ذياب بخوف:ماتبي شنو

ضي بقهر من كلامه:مابي انام غير بيتنا

ذياب بقهر:بروحك جدتي عندنا

ضي بغضب:اي بروحي وعتقد مالك شغل فاهم

ماحب يجادلهالانه حاس انها بعدها مجروحه من تصرفه قال:خلاص سوي الي يريحك

وصلوها ودخلت سكرت الباب وصعدت فوق لغرفتها ترتاح

عند ذياب

بعد ماوصلها تضايق لانه ماعتذر ليش ماعتذرت لوقدام حنان شفيها

حنان حاسه ان ضي صايرلها شي في بيتهم قالت:توقع ان امي زافه ضي او مسمعتهاكلام يقث

ذياب بخوف:هاه ليش

حنان:لان البنت صارلهامده ماتطب بيتنا وضي عزيزة نفس كلش ألا اهانتها

ذياب بلاك ماتدرين انها انطقت وتبهذلت بعد بيتنا ياحنان فضل السكوت وسكت

اليوم الثاني

عندالمعاريس

صحت قبله وقامت دخلت تاخذ لها شاور عشان تصلي الظهر

بعد ماطلعت وصلت ألبست ثوب قصير عنابي وتمكيجت وعدلت شعرها

احتارت اتقوم خالد ولا تخليه بس قررت تقومه

قالت بهدوء:خالد خالد

خالدانصدم من كشختهاقال بنعاس :خير تبين شي

شجون بخجل:لا بس اقومك عشان تصلي

خالد قام وراح للحمام وهو حاقرها

شجون ياربي شكله من النوع الحار بس ماعليه بتحمل دامه خلودي
طلعت وجلست بالصاله

بعد ماصلى وخلص طلع لها شافها جالسه راح جلس يمها قال: بتنزلين عشان نتغدا مع اهلي تحت ولا تبين نتغدا هنيه

كان موعارف بمشاعره اتجاها قالت ببتسامه:على راحتك

خالد مادري ياشجون هالطاعه والأدب بيستمر طول العمر ولا بس لين تعلقين قلبي فيك وبعدين تبان حقيقتك

تنهد:بننزل بس ألبسي لبس حشم وامسحي هالاصباغ عن وجهك وألتفت لتيلفزيون الي شغله بالريموت

شجون اصباغ صج غبي قالت بقهر: على امرك وراحت

عند ضي

بالموت قدرت تنام كانت تحس بالخوف والوحشه

ماغفت عيونها ألا الصبح

صحت على صوت جدتها تطق الباب

ضي بنعاس قامت:زين يمه زين

وفتحت لها
جدتهاادخلت قالت بعصبيه:ضي ليش تعانددين وماجيتي بيت خالك

ضي اجلست على سريرها وقالت: يمه اعتقد انج عارفه اني مااروح بيت خالي

جدتها:اي ليش صاير لج شي سوو لج شي

ضي كانت تبي تمحي هالذكرى قالت:مافييني شي بس انا ماحب اروح
لهم

جدتها عارفه انها لايمكن تشكي قالت بضيق:براحتج ياضي تمي على طول جذي تخبين عني وراحت

ضي ردت انسدحت على سريرهاقالت بقهر:شتبيني اقول لج يمه اقول ان ولد ولدج طقني واهاني بيتهم وقدام الخدم حتى

تنهدت ذياب الكلب طول عمره يكرهني مثل عمه جمال
اي اصلا هو نسخه منه

عند علي العاشق الولهان

حاس بضيق من تعقد الامور بين ضي وابوها لانه ناوي يتقدم لها رسمي بس اول بيقنع اخته

الي شانه عليه حرب لانه ما أختار ألاضي

بس علي عاندواصر ألا هي ولا بيتم عازب طول عمره

عليا بغضب:انت من صجك بتاخذ هالملسونه والله لتكرهك عيشتك وقول ماقلت

علي وانا شاسوي اذا قلبي مانبض ألا لماشافها قال بتنهد:اي من صجي وتاكدي اني اذا ماأخذت ضي بتم اعزوبي طول عمري

عليا بثقه:ابقى قابلني اذا وافقت عليك خصوصا انك بنظرها اخو عدوتها

علي بإصرار:باخذها لوبالغصب حتى بس انتي كلمي عدنان بالموضوع

عليابضيق:عدنان ياحسرتي عليه من طقها ذاك اليوم وهي حارمته من شوفتها وهو قاعد يتعذب

علي بثقه:شوفي انا بس اخذها بربيها وعلمها اشلون تحترم ابوها وتحترمك حتى

عند شجون

بعد ماتغدت اصعدت فوق لجناحهم

تحس بجفا خالد معها وبروده في تصرفاته

راحت تجهز تبي تروح لأمها تسلم عليها عشان بكره بيسافرون

بعد ساعه

ألبست كانت لابسه ثوب ابيض علاق وعليه شغل بني على الصدر كان ضيق ويتوسع من تحت ولابسه فوقه شال بني

دخل خالد وانصدم من كشختها هي صج حلوه بس الي لابسة زايدمن حلاها حيل وهي
كانت تحط مكياج شافته ابتسمت له

خالد جلس على السرير قال برود: ليش كل هالكشخه بيزورك احد

شجون اول مره اشوف رجال يعارض عند زينة زوجته بصباحيتها كل ماألبس او احط شي احسه ينقهرقلت بتنهد: ابد بس موبنزور أهلي تدري بكره بنسافر

خالد شكل الأخت ماتدري اني رفضت السفر لان ميزانيتي ماتسمح وانا لايمكن اخذ من ابوي قلت:ومن قال انا بنسافر اصلا

شجون انصدمت وتفشلت ان محد جاب لها طاري انه رافض السفر قالت بهمس:مادري توقعت انا بنسافر شهرعسل حالنا حال المتزوجين
كانت تكلم وهي منزله عيونها بالأرض وتفرك يدينها بعض من الخجل

خالد حس بضيقتها قام وقف قبالها حوط خصرها بدينه وقرب راسه من راسها قال بهمس:وحنا بنعيش حالنا حال المتزوجين بس بدون سفر

شجون حاسه بتوترلقربه وكلامه ذوبها قالت بتوتر: زين اقدر ازور أهلي

خالد ذايب بعيونها وتوترها من قربه قال بمهس وهو يبوس خدها:لا

شجون انقهرت منه ولاجادلته بس دزته كردة فعل منها ولفت تنزل أكسسواراتها بغضب

خالد نرفزه تصرفها ولا بين لها سبب رفضه لروحتها بس قال احسن عشان مره ثانيه تستاذن قبل تجهز مو تجهز وبعدين تستأذن عبالها لي شفتهاجاهزه بسكت ووديها

شجون انقهرت كانت شوي وتصيح ليش يتصرف معي جذي كأنه مغصوب علي خذت لها بجامه ودخلت تلبس بالحمام

خالد بقهر :اخص عليها عطر يدوخ بس هين خل تطلع ماراح اخليها فالحه بس تكشخ لطلعات وانا بالطقاق

بعد اسبوع

عند عدنان

كان جاي عند ضي بيشوفها وضي كالعاده ماطلعت له

جدة ضي بحزن:سامحني ياوليدي ماقدرت لها معانده ألا ماتشوفك

عدنان بقهر: خلاص لي هنا وبس انا سكت عنها واجد بس بعرف اتصرف معها وراح لغرفتها مسرع

جدة ضي الحقته قالت بخوف:عدنان يمه تعوذ من ابليس لا تذبح البنت

عدنان طنشها فتح الباب بقوه ودخل الغرفه شاف ضي اوقفت من الخرعه قال بغضب:ماتبين تشوفيني هاه

ضي بصراخ:اي مابيك ومابي اشوف

ماكملت لانه جرها بشعرها وقال: طوالت لسانك تحدني على هالاسلوب معاك

الجده تحاول تفكه عن ضي:عدنان تكفى هدها عورتها

عدنان بصراخ وهو يهزضي:بتلمين قشك وتجين تعيشين عندي من اليوم الظاهر عيشتك مع جدتك خلتك متمرده

ضي بصراخ:مابي اعيش عندك غصب

وطالعت
بجدتها تستنجدها قالت:يمه ماابي اعيش عنده

عدنان دزهاعلى السرير قال بإصرار: شوفي ياضي كلمه وحده ماأثنيها عيشه وبتعيشين عندي وفي بيتي لين مايجي نصيبك وتفارقيني فاهمه

هي الي حدته على الاسلوب معاها

جدتهابضيق:عدنان تعوذ من أبليس وضي بتم معاي

عدنان:انا قلت بتعيش عندي واذا اشتقتوا لبعض زوريها او هي تزورك بس ترجع تعيش بعيد عن عيني مستحيل وقال قبل يطلع:الساعه تسع بجي اخذك ياليت تكوني جاهزه وطلع

ضي رمت نفسها تصيح وجت جدتها عندها وحضنتها قالت بحزن:اهدي يمه وان شالله بتنحل الامور

ضي بصياح:اشلون تنحل ماسمعتي وش قال

جدتها:سمعت انتي تعرفين ابوج اذا عصب يقول كل شي وبس يهدا بيرجع يعتذر منج

عند شجون

كانت جالسه بصالة جناحها تحس بملل فضيع

من تزوجت ماطلعت وحاولت في خالد كذا مره تزور أهلها بس مارضى على انه مشغول

شجون بضيق:اوف حتى التيلفزيون ممل خل انزل اقعد مع خالتي وحنان ابرك

وقفت بتروح لغرفتها تبدل ولا بدخلة خالد

دخل كان جاي من الدوانيه عند ربعه سلم برودوجلس

شجون ردت عليه بنفس الاسلوب وكملت:تبي اسوي لك شي قبل انزل عندخالتي

خالد انقهرمنها صج تقهر زوجها عندهاوبتروح وتتركه قال :لا مابي شي بس شعندك بتنزلين تحت بيجي ضيوف

شجون بستغراب:لا محد جاي بس انا طفشانه وبنزل اتونس مع خالتي وحنان

خالد وانا شحضرتي ماتقعدين عندي تونسيني قال ببتسامه:بس المفروض دامي جيت تجلسين معي انازوجك واولى اني اونسك

شجون ابتسمت ياعمري ياخالد ياليتك دايم جذي حنون ماتدري وش تقول اسكتت

خالد حس بخجلهاراح وقف قبالها وقعديمسح خدها قال بهمس: تدرين انك حلوه

شجون بأستعباط:صج محد قالي وضحكوا اثنينهم

عندضي

جهزت جدتها اغراضها ولحت عليها تسمع كلام ابوها ولا تعانده عشان يرضى ترد عندها بس ضي ماحسبت لنصايحها واعلنت بإقامة حرب عليهم وانها بطفرهم لين ماهم بنفسهم يطردونها

الساعه تسع

عند عدنان

جا عشان ياخذ ضي تعيش عنده

شافها نازله ومعها جدتها
كانت نظراتها له نظرات كره
تنهدوقال بهدوء : مشينا مع السلامه عمه

وطلع وطلعت وراه بعد ماحضنت جدتهاواستنشقت ريحتها بقوه كأنها حاسه بعدم رجعتها لهالبيت

عند عليا

كانت منقهره من قرار عدنان جهزت غرفة ضي ونظفتها

وصت الخدامه تبخرها وانزلت تحت

تفأجأة بوجود علي كان جالس يلاعب جسوم قالت بدهشه:علي متى جيت

علي ببتسامه:صارلي ربع ساعه العب مع جسوم بس انتي وين

عليا ارتب غرفة الوليفه قالت بقهر:فوق احوس بغرفة ضي

علي بفرح:ليش ضي قررت تبات عندكم اليوم

عليابغضب:قول كل يوم ياقرادتي

علي حاس بسعاده انهابيشوفها كل يوم وعند اخته قال بتنهد:اجل استعجلي واخطبيها لي وانا بفكك منها

عليابصراخ:علي انت من صجك البنت ماتصلح لك وبعدين ماهي كفو زواج
ولا تعرف دبر شي

علي جلس وقال برود:محد ولد من بطن امه عالم وهالامور بتعلمها اذا تزوجتها

عليا بعصبيه: يعني بتاخذها عشان تربيها مو عشان تكون لك زوجه

علي قام وقال بإصرار:شوفي ياعليا انا اذا مااخذت ضي مراح اخذ غيرها وانا بنفسي بخطبها من ابوها وطلع

عليا بخيبة امل:كيفك ياعلي بكره بتندم وتقول ياليت سمعت كلام اختي

علي طلع وكان مسرع ومعصب من رفض عليا لضي فجأه شاف عدنان
نازل ومعاه ضي

تنهد ووقف يطالع في شكلها كانت لابسه بنطلون جنزاسود وفوقه تنوره نفس لونه

ولابسه بدي احمر ضيق والملفع نص الشعرطالع

نسى عدنان مانتبه ألا لما قال
عدنان:هلا علي وين ليش مستعجل

علي وعينه على ضي:هلا فيك والله عندي شغل بروح انتبه لضي الي زفرت بقرف ومشت من عنده رايحه داخل

عدنان :ماتشوف شر وهالزياره لازم تنعاد زين

علي منغير لاتقول دايم برتز عندكم عشان قلبي بيسكن عندكم قال:ان شالله ومشى

بعد اسبوع

ضي مطفره عليا بلسانها بس عليا تجاهلتها عشان خاطر عدنان واخوها الي يبيها

كانت جالسه بالصاله تطالع التيلفزيون على فلم مدبلج
واخوانها معاها

دخلت عليا وشافتهم انصدمت الفلم مايجوز لصغاريتابعونه راحت وطفت التيلفزيون

ضي بنرفزه:هي انتي ليش طفيتيه

عليا بغضب:ماتشوفين ان عندج صغار ليش حاطه على هالافلام الخايسه

ضي بعناد:كيفي ماتبين اعيالج يشوفون اخذيهم لكن انج تطفينه مو على كيفج وشغليه اشوف

عليابصراخ :جابر اخذ اخوانك وروحوا غرفتكم بسرعه

جابر طلع مع اخوانه
عليا بنرفزه وهي تمشي بتطلع: ياليت تنتبهين لعيالي مابيهم يشوفون هالاشيا

وطلعت وضي كشت عليها من ورا

عند شجون

كانت عند اهلها ماصدقت خالد وداها لهم

كانت حيل مشتاقه لأبوها وامها حتى بدر اخوها

كانوا جالسين يسولفون بعد العشا

ام بدربرجا:شجون يمه نامي عندنا كلمي خالد ونامي عفيه

شجون اي والله يمه مشتاقه لكم وودي انام بس اخاف يرفض خالد هو بالموت جابني يقث

قالت بتنهد:بدق اقوله واشوف
وجت بتروح قالت أمها:صج نسيت اقولج دقت رفيقتج تسأل تقول اذا سجلتي مواد لهترم او لا

شجون اوو التسجيل بدا لازم اسجل قالت:تصدقين نسيت انا بقول لخالد يشوف تسجيلي بالنت

وطلعت للحديقه
دقت عليه ورد على طول

خالد فرح بتصالها رد:الو

شجون ببتسامه:هلا حبيبي

خالدبغصه:هلا فيك

شجون بخجل:خالد ابي اطلب منك طلب ياليت توافق

خالدبتنهد:امري شنو طلبك

شجون:بنام اليوم عند اهلي

خالد بطنازه:شنو ماسمعت اقول انا كلها نص ساعه وكون عندك تجهزي مع السلامه
وسكر

شجون بقهر:صج قثيث والله ماتوقعت خالد الي حبيته جذي انسان متسلط وبارد بمشاعره تنهدت:الحين شقول لأمي رفض والله فشله

عند ضي

كانت تكلم حنان وتبارك لها على القبول بالطب

حنان بإهتمام:ضي ليش مادشين معاهد وتكملين دراستج احسن من قعدة البيت

ضي بغضب:والله قعدتي بالبيت وهواشي مع عليوه ابرك عندي من دراسه تلوع الجبد

حنان :زين الحين ابوج ماهدا متى بتردين تعيشين عند جدتي
حدي مشتاقه لج

ضي بقهر:هدا ولاماهدا يقول عيشتج هناك انسيها بتمين عندي لين مايجي نصيبج اخ يالقهر

حنان بحزن:طيب جدتي ماحاولت فيه معقوله رضت
وسكتت

ضي حست بالضيق لان جدتها تسوي المستحيل عشان خاطرها تذكرت كلام جدتها يوم قالت مافي ألا اني اقول لذياب يخطبج

ويتزوجج وتجين تعيشين عندي بس هي عصب من هالفكره ورفضتها لانها ترضى تم طول عمرها بعيد عن جدتها ولا انها ترجع لها على ذمة ذياب
قالت لحنان بتنهد:شتبينها تسوي ابوي راسه يابس

عند شجون

ادخلو الجناح وهي حاسه بالقهر من رفض خالد وتسلطه عليها

راحت لغرفه على طول وتركته

خالد انتبه لزعلها طنش وشغل التيلفزيون وجلس يشوفه

شجون ياربي ليش يعاملني برود وقليل مايقول لي كلمه حلوه

خذت شاور وطلعت كانت لابسه بجامه فوشي شافت خالد مبدل ومنسدح على السرير

كان يحرقها بنظراته طنشته واخذت لها لحاف وطلعت

خالد بقهر:عشتوا بتهجرني بنت ابوها هذا الناقص وصرخ :شجووون

شجون جت ركض قالت بخوف:خير اشفيك

خالد قام ووقف قبالها قال بغضب:شقصدك من اخذتك لفراشك ونومتك بره هاه قولي

شجون بخوف:ماقصدت شي

خالدبصراخ:ماقصدتي شي ولا لاني رفضت نومتك عنداهلك بتعاقبيني

شجون بصراخ:لا مو عشان جذي تركت الفراش وكملت بصياح: عشان انا عندي عذر يمنعك عني فهمت ولا اوضح اكثر وطلعت تشاهق

خالد اطرمته الصدمه هو مافكر بهالموضوع مع ان بيكملون شهر متزوجين

تنهد واستغفر ربه وراح يراضيها
شافها نايمه على الكنبه وانتبه لشهقاتها الي تطلع

جاوجلس تحت ومسح راسها قال بضيق:شجون انا اسف ماكان قصدي احرجك

شجون ماردت وتمت تصيح
خالد بضيق:شجون تكفين سامحيني انا ماقدر على بعدك عني وعشان جذي رفضت نومك عند اهلك ولماشفتك ماخذه لحاف ورايحه لصاله انهبلت قلت انك تعاندين

شجون بصياح:انا ماعمري عاندتك بشي بس انت كل ماطلبت شي رفضته اي ليش

خالد حس بالقهرانها مارضت عقب كل الي قاله قال بقهر:شنو الي طلبتيه ورفضته اذا على النومه عند اهلك باجر اوديك لهم ونامي عندهم ومتى ماشبعتي جيت اخذك وقف وكمل:تصبحين على خير وراح وشجون ادفنت راسها تكمل صياحها

بعد اسبوع

عند ضي

كانت لابسه وكاشخه بتزور جدتها هي كل يومين تروح لها وتجلس عندها لي الليل

طلعت وهي تغني بدلع انتبهت لدخول علي الي ابتسم وسلم

ضي بنرفزه ردت السلام وجت بتطلع قال :اعتقد سلمت فردي السلام علي بأدب مومن طرف خشمك

لفت يمه وحطت عينهابعينه قالت بنرفزه:والله سلامي على المشتهى فأنت احمد ربك رديت عليك بعد

قال ببتسامه وهو غايص بعيونهاألي مكحلتهم بأخضر ومبرز بياض بشرتها:بيجي يوم وبتردين علي بأحسن من هالاسلوب وكمل يبي يقهرها:مع السلامه ومشى عنها

وهي انقهرت شقصده لايكون يهدد مابقى ألاهالاشكال تهددني وطلعت وهي ماتدري ان جيت علي اليوم فيهاأن وانه ناوي يخطبهارسمي

27 - 10 - 2011, 10:30 AM

البارت السادس لعيون الحلوين

اليوم الثاني
عند خالد

كان بيوصل حنان لجامعتها لان الدوامات بدت وبيروح بعده لدوامه كان حاس بالقهر من شجون

من ذاك اليوم الي وداهافيه لأهلها وهي حاقرته ماتدق عليه دايم هو يدق ويسأل والي زاد قهره ان شجون مااطرت له رجعه وهو ماحب ينزل كلمته لما قال متى ماشبعتي

نزل حنان وقال بقهر:شكل الأخت مطوله ومراح تشبع انا بروح لها اليوم ورجعها غصب

عند حنان

بعد مانزلها خالد جت بطلع تيلفونها عشان تدق على رفيقتها مالقته بالشنطه

حنان بضيق:لا مستحيل نسيت تيلفوني بالبيت

تنهدت ياربي شسوي وشلون بدق على ابوي ولااخواني اذا خلصت اوف

خل اروح بطوف محاضرتي وراحت مسرعه

ماأنتبهت للي قدامها من السرعه فجأه صدمته

وكان معاه كوفي انكب على بنطلونها
حنان بصراخ:اأه لا

الرجل بفشيله :اسف اختي ماأنتبهت

حنان طالعت فيه شافته اشلون مستحي مع انها هي الغلطانه قالت بخجل:انا الي اسفه لان انا السبب وطلعت منديل تمسح

وهي تلفت وتدعي ربها تشوف من رفيقاتها احد عشان تستخدم تيلفونها

انتبهه لتلفتها وعرف انهامستجده حب يساعدها:اسف اختي بس اذا تبين ادلك على مكان تبينه انا بالخدمه

كان متوقع انها تبي الحمام بس مفتشله تسأل
شده برأئتها وجمالها الطبيعي

حنان بوضع ماتحسد عليه هي قررت ترد البيت تبدل لان الكوفي واضح وتبي تدق بس ماعندها تيلفون

قالت بخجل وبتردد:انا فعلا ابي خدمه بس مو مكان انا ابي تيلفون ادق على ابوي لان تيلفوني نسيته من العجله

كان وده يضحك هالبنت برآئتها تسحر بس خاف يفشلها طلع جهازه قال ببتسامه:تفضلي كلمي ابوك

حنان بغصه:شكرا وخذت دقت على ابوها وقالت له يجي

خلصت ومدت تيلفونه له انتبهت ان طول ماهي تكلم يطالعها تفشلت

انتبه على نفسه انه يخزها وما نزل عينه بس كانت طريقتها بالكلام مع ابوهاتجذب كانت قمه بألادب والرقه انتبه لما قالت:شكرا اخوي ومشت عنه

حس بضيق ماوده تغيب عن عينه لحضه انتبه ان وقت ألقاء محاضرته جا وراح

نبذه عن شخصية عمر مدرس احياء في الجامعه عمره 32سنه مطلق وعنده ولد عمره 7سنوات اسمه عبدالعزيز

عند شجون

دق عليها خالد وقال لها تجهز لانه بيمر ياخذها بعدمايطلع من الدوام على طول

حست بسعاده لانه هو الي دق وقالها تمشي لان هي ماتبي تقوله تعال انا شبعت من اهلي برجع معاك مثل ماقال لها

سمعت دق التيلفون وكان خالد
ردت بهمس:هلا

خالدبرود لانه منقهرمنها:اناعند الباب بسرعه اطلعي وسكر

شجون بقهر منه :انا عندالباب مالت عليك يالبارد وطلعت له

كانت كاشخه ولابسه ثوب قصير علاق وردي بنقوش رماديه وعليه جوليه رمادي ومضبطه مكياجها وشعرها

ألبست عباتهاوطلعت

اول ماركبت وقبل لاتسلم حرك خالد مسرع

سلمت ورد عليها انقهرت من اسلوبه جاف خالدانتبه على كشختها وخق

قال بنفسه:اخ ناويه علي بس مراح انسى تطنيشك لي وقعدتك اسبوع عند اهلك ياشجون

شجون ياربي من قالب الثلج الي جنبي ليش ساكت ليش مايسولف يقول شي صج غامض هالأدمي

حبت تكسر حاجزالصمت قالت بهدوء:خالد

خالد يانبض خالد قال :نعم وهو يسوق

شجون بإهتمام: بخصوص جامعتي تقدر توديني لها

هي لماقعدت عند اهلها اسبوع داومت وكان ابوها يوديها

خالد نسى دراستها او شنو تدرس اصلا قال :انتي بالجامعه اجل

شجون بصدمه:شنو

خالد حب يرقع قال:اقصد ماكنت ادري انك بتكملين دراستك لان انا ودي بزوجتي تكون ربة بيت وبس

شجون بصدامه افجع من الي قبلها:ربة بيت يعني شنو ياخالد

كملت بغضب:افهم من كلامك انك رافض يكون لي شهاده مثل مالك

خالد بنرفزه: اي ماله داعي تدرسين وتتعبين وانتي عارفه انك لايمكن تشتغلين

شجون بقهر:بس هذا كان شرطي قبل الزواج وانتم وافقتوا عليه ليش تغيرت

خالد مادرى عن الشرط اصلا قال بغضب:اي شروط الله يخليك اجل انتم شرطوا شي انتم ماصدقتم خطبنا على طول وافقتوا

حست بطعون من هالكلمه وحست انها رخيصه بعد قالت بصياح: شقصدك قصدك اني رخيصه عند اهلي وماصدقوا يفتكون مني هاه

خالد اوف انا ليش قعدت لامور قال بهدوء:لا ياشجون ماقصدت جذي
بس

قاطعته بشهاق:ألا هذا قصدك بس اسمع ياخالد دراستي مراح اتنازل عنها رضيت او مارضيت

خالدبغضب:تهددين ياشجون
وقف السياره لانه وصل البيت

شجون ماردت عليه واسفهته وانزلت بسرعه ودخلت وهي بقمة غضبها وقفت ومسحت دموعها الي نزلت ضبطت نفسها ودخلت الصاله عند خالتها وحنان

بعد ماسلمت عليهم اجلست معهم
ام خالدببتسامه:مابغيتي تجين ياشجون اسبوع يالظالمه مخليه اوليدي بروحه

شجون والله هوالظالم ابتسمت ومارديت انتبهت لدخوله سلم وجلس يمها

حنان بضحكه:عاد لو تشوفينه ياشجون بس سرحان ومايتكلم جننه حبج وكملت وهي تغمز لخالد:ومن الحب ماقتل

شجون مايتكلم هومتى نطق اصلا قلت ببتسامه واناقايمه بطلع لاعت جبدي من قربه عقب كلامه:عن أذنكم بروح ارتاح شوي

ام خالد:والغدا يمه منتي متغديه

شجون منين لي نفس اكل عقب كلام ولدك جيت برد

قطع علي خالد وهو قايم: خلي الخدم يصعدون غدانا فوق يمه وطلع

شجون طلعت وانامنقهره من كل تصرف يسويه خالد

اول مادخلت رحت الغرفه فصخت عباتي بقوه من شدة الغضب وجلست على الكرسي افصخ الكعب

حسيت بدخوله كان طالع من الحمام بالروب

خالد تنح من جمالها خصوصا بالثوب قرب قعد جنبها يطالع لها بشوق

شجون طالعت فيه بعد ماخلصت تنزيل الصندل حست بقربه حيل لها فجأه قامت بسرعه قالت بغضب:وخر عني

انا ماني رخيصه لهدرجه عشان ارضى فيك وترك دراستي عشانك

اذا ماتقدر تعيش مع وحده بشهاده طلقني وروح دور لك على وحده تناسبك

خالد انصقع من كلامها ماتوقع منها هالشي قام وجرها لحضنه لان كلامها زاد من رغبة قال بقهر:انتي الي تناسبيني وبتسوين الي ابيه

شجون انشلت قوتها بين يدينه وضاعت انفاسها بنفاس خالد الملتهبه

عند ضي

كانت بغرفتها تكلم حنان وتسألها عن اخبارها بالجامعه

ضي بإهتمام:ألا شخبار شجون عندج خذت حبيبها ونستنا
هالبنت

حنان بضحكه:شفتي اشلون الوحده لي تزوجت تنسى كل شي

ضي بضحكه:مادري شي سوون هالرياجيل بالحريم اتوقع يسوون لهن غسيل مخ

حنان ضحكت:ههههه
وكملت:ضي اتوقع انج انتي الي بالتسوين لزوجك غسيل مخ مو هو يسوي لج

ضي بغرور:انا الي بياخذني امه داعيتله بلليلة القدر

حنان بضحكه:قصدك داعيه عليه ههههه

ضي بقهر:حنانووه وجع

اليوم الثاني

عند عدنان بغرفة

كان جالس يفكر بموضوع خطبة علي لضي وشلون يوصل لها الخبر وياخذ رايها

شاف عليا دخلت
كانت عارفه بالموضوع ودها ان ضي ترفض هي مهما
كان ماتمناها لأخوها قالت بتنهد:شفيك للحينك محتار

عدنان:اي والله محتار وفي نفس الوقت ماني مصدق ضي بنتي هالجاهل يجيها خطيب

عليايقرد من ياخذها بقهر:لا صدق والخطيب بعد كامل والكامل وجهه

عدنان حس انها تقلل من قدر بنته :حتى بنتي كامله اسم الله عليها جمال ودلال

عليابنرفزه:بس بدون اخلاق

عدنان بغضب:والله محد ضرب اخوك على يده وقال اخطبها
فاهمه هو الي ختارها

عليا بخوف:ادري

عند شجون

طلعت من الحمام بعد ماخذت شاور
شافت خالد لابس وجاهز

شجون لايكون بيمشي كلامه علي ويغصبني اترك الجامعه
قالت بإهتمام:من بيوديني لجامعتي

خالد ألتفت لها اسحره شكلها وهي توها طالعه من الحمام وشعرها رطب قال بهدوء: يعني مصره انك تكملين

شجون قربت يمه وقالت بضيق:خالد ليش مصرتحطم مستقبلي انا ماقدر اترك حلم حياتي وهو ان يكون لي شهاده

خالد بنرفزه:مستقبلك معي وماله داعي شغل

شجون بنرفزه: لا والله وبعدين انت معاك شهاده ليش ماتبي اكمل حالي حالك

خالد بقهر:انا رجال وانتي مره مكانها بيتها بس

شجون ياربي صج عقله متحجر قالت برود: اجل روح دور لك زوجه تليق لعقلك المتحجر وانا ماعاد لي قعده عندك وجت بتمشي وقفها

خالد بذبحها عنيده قال وهو ماسك ذراعها: انثبري احسن لك ولا تتحديني فاهمه

شجون بصراخ: انا مااتحداك بس هذا كان شرطي قبل الزواج وخالي عارف بهالشي

خالد:وابوي شكو انا زوجك مو هو

شجون:هذا انت قلتها زوجتك مو عبدتك وسحبت يدها منه
سبت نفسها لانها حبته ماكانت توقع انه بهالشخصيه المتسلطه

خالدبإصرار كان بيشوف مدى حبها له هل بيخليها تنازل عن الغالي عشانه:شوفي ياشجون ياانا يادراستي

شجون انصدمت من كلامه بس قالت بتأكيد: اكيد دراستي
وكملت بفخر:وشكرا على كل ماجا منك ياولد خالي

خالد انقهر لهدرجه ارخيص هذا وانا متوقع انها بطيع قال بقهر:العفو وطلع

شجون جلست وقامت تصيح حبها الي حبته من طفولتهاخالد
بعد فتره ألبست وجهزت ودقت على سواق اهلها يجيها

عند حنان

دخلت قاعة محاضرتها

وانصدمت بالي شافته وجمدت مكانها

عمر منصدم اكثرمنها وبنفس الوقت فرحان انها بتكون تلميذه عنده قال ببتسامه تفضلي

حنان يووه طلع استاذي الي امس كب علي الكوفي يافشلي دخلت وجلست

عمر ياحلو خجلها احسه نادر لان بنات هالايام لاحياولا مستحا قال :عفوا اخر وحده دخلت ممكن تعطيني اسمك بسجل حضورك

حنان بغصه:حنان فهد

عند شجون

داومت وكانت حاسه بضيق وقهر ماتوقعت خالد جذي ليش اسلوبه جاف معقوله كان مغصوب بس اذا مغصوب جان ماحسيت بلهفته وشتياقه لقربي

معقوله كل هالتصرف بس عشان يشبع رغبة وانه مالي مكان بقلبه اخ ياخالد جرحتني

شافت الساعه حدعش باقي لها محاضره بس ماتبي تحضر تبي احد تفضفض له عن قلبها

استحت تفضفض لحنان لانها اخت خالد مافي الا ضي ودقت عليها

عندحنان

حست بخجل ماينزل عينه عنها وهي ماترفع عينها حتى وهي تسأل منزلتها

ماصدقت تخلص محاضرتها عشان تطلع

وقفت وسكرت نوتتها ومشت وكان هو يمشي وراها بعد وهي بقمة احراجها منه

عمر ماشالله على هالبنت أدب واخلاق انتبه لنفسه

قال بغضب
انا شفيني بسرعه حكمت عليها
بسرعه يمكن تطلع مثلها
خاينه

عند ضي

اتفقت مع شجون يلتقون عند جدتها

ألبست تنوره سودا واسعه وبدي فوشي وألبست ملفعها بطريقتها

المعتاده وطلعت ماحطت ألا كحل وقلوز هي قليل ماتحط مكياج اصلا

انزلت مع الدرج وهي تغني مرت على ابوها

كانت للحين شايله عليه عشان قراره بعيشتها عنده

عدنان ابتسم لها مهما سوت بتضل اول فرحه له قال:اشوفك لابسه وين بتطلعين

ضي وقفت بقهر:اي بروح لأمي

عدنان بضيق:ماتقدرين تأجلين روحتك اليوم لان في موضوع بكلمك فيه

ضي بأصرار:لا اعذرني ماقدر

عدنان:خلاص براحتك بس ترا السالفه سالفة خطبه في واحد تقدم لك

ضي بخوف خافت ان جدتها اتفقت مع ذياب من وراها قالت:لا يكون ذياب

عدنان بستغراب: لا بس ليش

ضي براحه:اشوى انتبهت لابوها المنصدم قالت :خلاص انا موافقه على الي تقدم لي

ابوها زادت صدمته:موافقه بدون ماتعرفين هو منو

ضي بنرفزه:اي موافقه وماعلي من يكون اهم شي مو ذياب

وطلعت وتركت ابوها بدهشته

عند خالد

دخل جناحه وألتفت يدورها ماشافها

راح لغرفة النوم هم مو فيه

انقهر :اخ سوتها وعصت كلامي وراحت للجامعه هين ياشجون

ان ماعلمتك أشلون تعانديني ماكون خالد

اخذ تيلفونه ودق عليها

عند شجون

كانت جالسه مع ضي بغرفتها وقالت لها السالفه

ضي بقهر:نذل وحقير مثل اخوه

شجون بشك:ضي انتي ليش كل كلمه وثانيه قلتي نذل مثل اخوه ذياب سوا لج شي

ضي بتوتر:يخسي الكلب يمسني بشي

شجون كانت بتسألها ليش اجل كارهته بس وقفها التيلفون

شافت انه خالد ردت:الو

بدون اي مقدمات قال
خالد بنرفزه:ماتقولين لي وينك فيه هايته من الصبح

شجون بقهر من اسلوبه قالت بعصبيه: اهيت وين ماابي انت شكو وبعدين مو انت خيرتني بدراستي او فيك فأنا اخترت ادراستي

فكل الي ابيه ورقتي فاهم ولا عاد اشوفك داق علي وسدته بوجهه

وحذفت الجهاز وضمت نفسها تهدي من روعها بعمرها ماجتها هالجراءه

استغربت من نفسها بس في نفسها فرحانه لانها هي صاحبه حق وخالد بيظلمها

قطع سرحانها ضي الي تنقز على السرير وفرحانه وتغني

شجون:بس فضحتينا لاتسمع امي تذبحنا

ضي :خل تسمع وتفتخر بنتها بعد الي جازفت من اجل طلب العلم

شجون بقهر:ضي انتي من صجج امي لي درت ان سبب طلاقي من خالد هو جامعتي

بتغسل اشراعي هذا اذا ماراحت وفصلتني بعد هي اصلا كانت معترضه على شرطي هذا

بس خالي فهد منعها

ضي ببتسامه:شجون حبيبتي لا تخلين خالد يستقوي عليج وضلي متمسكه برايج

شجون بحزن:وهذا الي بيصير انا ماني متنازله عن شهادتي عشان زوجي

وخالد الله يستر عليه ويرزقه بالزوجه الي يتمناها بس انا لازم اقوله لايجيب لأمي طاري الجامعه وانه سبب انفصالنا

عند خالد

للحين منصدم من كلامها ماعطته مجال بسرعه قررت وتنازلت لهدرجه انا رخيص عندها

هاذي الي حبتني وفرحت لما خطبتها معقوله كل الي قالته حنان كذب بس حنان رفيقتها وتدري عنها

مسح راسه وهو يفكر الحين انا بقدر استغنى عنها مثل ماهي استغنت

انتبه لرساله وصلته فتحها(سلام خالد ارجوك ارجوك لاتقول لأمي ان الجامعه هي سبب انفصالنا وقولها اني ماعجبتك او اي شي
شجون)

خالد بقهر:اف تبيني اكذب على عمتي بعد واقول بنتك ماعجبتني اخ بس اخ ياشجون وتوقعينهم بيصدقوني

وانتي عارفه بجمالك واخلاقك تنهد بغضب:بس مثل ماارخصتي ياشجون انا برخص بعد وألف وحده تمناني

كتب لها رساله وارسل لها

( خلاص مراح اقول واعتبري نفسك من اليوم طالق وورقتك بتوصلك )

تنهد وحذف جهازه قال بقهر:خلي شهادتك تنفعك ياشجون

ان مارحت ادور لي على مره من باجر ماكون خالد

بعد اسبوعين

عند حنان

كانت تسولف مع ضي بالتيلفون وقالت لضي عن نظرات استاذها لها وطريقه كلامه معاها بالاول كانت خايفه منه بس الحين تعودت عليه

حنان بضيق:ضي عفيه تعالي عندي والله ولهانه على شوفتج
حتى شجون مادري شسالفتها صارلها

اسبوعين عند اهلها

ضي تدري ان محد يعرف بالسالفه وان شجون ماقالت لاحد لين توصلها ورقتها

قالت بتغير السالفه:حنون ماقلت لج جاني خطاطيب وافقت بعد

حنان بصدمه:خطاب منو ومتى وافقتي

ضي بضحكه:تصدقين للحين ماعرفت من او شنو اسمه بعد بس وافقت على طول عشان اطلع من هالجحيم الي انا عايشه فيه

حنان بصراخ:مجنونه انتي شهالمنطق

عند عدنان
كان واقف عند باب غرفة ضي
كان جاي وبيعلم ضي بالخطيب منو وياخذ رايها للمره الثانيه ويحدد معها وقت الملكه

بس اصدمه كلامها ودعائها بعيشة الجحيم عنده مع انه موفر لها كل شي

تنهد هين ياضي كارهه العيشه معي هين اجل جهزي نفسك الاسبوع الجاي ملكه وعرس بعد وراح

عند علي

دق عليه عدنان وقاله وللحين مو مصدق نفسه معقوله ضي بتكون عندي الاسبوع الجاي

راح بسرعه يجهز ويدق يحجز للحفله

اليوم الثاني

عند حنان

للحين بصدمتها من ضي وزاد صدمتها

ان ضي دقت تعزمها بعد للعرس والملكه

تنهدت بصوت عالي:متهوره طول عمرج متهوره

قاطعه ذياب:منو المتهوره هو داري انا تقصد ضي بس يبي يعرف اشفيها

حنان بضيق:ضي بعد منو جايها خطيب وافقت عليه واتفقوا على كل شي بسرعه

ذياب بقهر: منو الي متفق وابوها وين ماله راي ولا يكون عايشه قصة حب بنت عمتك
تسويها

حنان بخوف ولانها شافت خالد جاي على صراخ ذياب: لا ياذياب لاتظلم البنت اصلا المتفق معاه ابوها واصلا ضي ماعرفت اسمه حتى

ذياب عصب وطلع مايدري ليش عصب هو عشان شكه بضي ولا عشان انها بتزوج وتتركه

خالد جلس وقال برود:شالسالفه

حنان بغضب:مادري عن اخوك بسرعه يحمق ياخي مافيكم المعتدل واحد ثلج والثاني حار

وكملت:ألا ماتقولي شجون متى بتجيبها من عند اهلها صارلها مده

خالد وقف بيروح قال:شجون خلاص طلقتها

حنان بصراخ:طلقتها

عند شجون

حاولت تنسى خالد وأشغلت نفسها بالدراسه قالت لأمها ان خالد طلقها ومايبيها عصبت

وتنرفزت وكانت بقول لأخوها بس شجون صاحت ومنعتها

وقالت الي مايبيني مابيه

يتبع ....>>~>

27 - 10 - 2011, 07:30 PM

البارت السابع

كانت منسدحه بغرفتها فجأه دخلت امها

هبه كاسره خاطرها بنتها

اكرهت خالد وتمنت لو انها سمعت كلام زوجها لما قال احس انه مغرور ومايصلح لشجون

بس هي وشجون ماصدقوا خطب على طول وافقو

جلست ومسحت راس بنتها:شجون يمه فيج شي

شجون اجلست وقالت بتعب:سلامتك يالغاليه مافيني ألا العافيه

كانت تحس بدوخه ولوعه بس ماقالت لأمها لانها خافت يطلع احساسها صح
وتطلع حامل

عند ضي

استأذنت من ابوها وراحت السوق بتشتري لها الاشيا الضروريه بس

دقت على حنان عشان تروح معاها ماحبت تقول لشجون لان هي حاسه فيها

انا مازالت متضايقه من فراق خالد

بعد ماخلصت تجهيز البدل والعطور قالت بتعب:خل نرتاح شوي ونشرب لنا شي

افتر راسي من كثر الدواره

حنان بضيق: على راحتج حنان اصلا ماكان ودها تروح معاها بس

حست بضي وان ماعندهااحد غيرها هي وشجون الي مانعتها ظروفها من مساعدة ضي

حنان منقهره من خالد وتهوره بطلاق شجون وكان ودها تفهم السبب

الريسي للمشكله لان السبب الي قاله خالد لأمه وابوه مااقتنعت فيه

قطع عليها صوت ضي:هي انتي اشفيج من طلعتي معاي وانتي سرحانه

فيج شي

حنان بضيق:لا مافيني شي

ضي حاسه ان السالفه تخص شجون وان حنان اعرفت بطلاقها هي وخالد

قالت برود: زعلانه عشان شجون

حنان بصدمه:شدراج وبعدين خالد ماقالنا ألا امس انتي من قالج

ضي بهدوءوهي تحرك العود بعصيرها:شجون نفسها وانا الي اقترحت عليها تنفصل عن خالد

حنان بصوت عالي:شنو تقولين انتي اي وليش

هدمتي حياتها

ضي تفشلت لان الناس طالعوا فيهم عقب صوت حنان خصوصا شخص واحد ومعاه ولد مانزل عينه عنهم من اول ماأنتبه

لهم ضي بقهر: لان اخوج مو قفو ياخذ وحده مثل شجون

حنان بغضب:ضي لاتجننيني وقولي لي شنو الي صار بين شجون وخالد وخلاهم ينفصلون

ضي بتنهد وعينها على الشخص الي مازال مركز بحنان: بقولج بس توعديني تحفظين سر شجون عشان هي تبي جذي

حنان بتنهد:اوعدج

وقالت لها ضي السالفه

عند عمر

كان ماخذ ولده ويتمشى فيه ويشتري له العاب

جلسوا وطلب له قهوه ولولده بوضه فجأه شده صوت ارسخ بقلبه من فتره

عرف الصوت وعرف راعية بس ماعجبه شكل رفيقتها باين عليها قليلة ادب لانها تمت تخز فيه

عشان تكسرعينه بس هو مافهمها وقهره طريقة لبسها بعد

ابتسم شفت ياعمر كل الحريم من طينه وحده هذي رفيقتها اكيد هي مثلها بس كانت تمثل علي لان استاذها

او لاني عاجبها تنهد اشفيني خرفت شنو عاجبها بعد ألا انت الي عاجبتك بس تنكر هالشي
سمع ولده:بابا تكلمك

طالع وانصدم من الي شافه

ضي بقهر:ممكن اعرف ليش باق اعيونك في اختي

عمر تفشل وماقدر يرد

كملت :هذا وانت متزوج وعندك طفل بس صج انكم يالرجال مالكم ا

قاطعتها حنان هي اسمعتها تقول لحظه بأدب واحد ماتأدب توقعت ان احد متحرش فيها لان ضي ماتسكت وتكبر السالفه

قالت بخجل:اسفه استاذ عمر امسحها بوجهي اختي ماتعرفك و الي مايعرفك مايثمنك

في بيت بوعدنان

الكل مجتمع هناك على الغدا ماعدا ضي تجهز وهي ماسألت عن زوجها حتى

بوعدنان بحنان:اقول عدنان مو جنك استعجلت على زواج بنتك توها صغيره

علي انقهر من كلام عمه وده لو يكفخه

صغيره شنو صغيره ألا مره بس تبي من يسنعها

عدنان بضيق:لا يبه لاصغيره ولاشي وبعدين البنت ماتبي تكمل دراسه خل ازوجهااحسن

كمل ببتسامه بارده:لو تشوف فرحتها بهالزواج هاذي هي تحوس بالسوقه تجهز

علي بهالحظه تمنى يبوس راس عدنان تنهد بسعاده معقوله فرحانه بزواجها مني

فديتها اجل هواشها معاي وطوالت ألسانها علي ليش

يوم ملكة ضي

عند شجون

قامت على صوت التيلفون تنهدت وقعدت وشافتها ضي ردت بنعاس:خير شعندج مصبحتني

ضي بقهر:صج مافيج خير لا انتي ولابنت خالج الشرهه مو عليجن على الي يلزم على حضورجن وسدت الخط بوجهها

شجون:عمى سدت بوجهي قاضيه هالبنت مدري اشلون بتزوج الليله

قامت بتغسل اوقفت وحست بدوخه ودوران قوي براسها جت بطيح بس امها اسرعت وامسكتها

امهابخوف:يمه اشفيج يعورج شي

شجون بتعب :احس بدوخه وردت اجلست على السرير وقعدت تضغط على راسها عشان يخف العوار

امها بخوف:شجون قومي يمه خل اوديج لطبيب

شجون بضيق:يمه ماله داعي الحين باكل بندول وصير احسن

وكملت بتعب:وبعدين انتي ناسيه ان اليوم عرس ضي وتو دقت تسأل ويني تبيني اتأخر عليها

امها بأصرار:مايهمني لا ضي ولا عرسها اهم ماعلي سلامتج قومي قدامي اشوف

شجون استسلمت لها

عند ضي

كانت لابسه عبايتها بتمرعلى حنان وعقب بتروح لصالون

دخلت عليها جود ابتسمت لها وقالت: جود حبيبتي تجين معاي الصالون

جود :لا امي بتاخذني معاها لصالون

ضي بغرور:والله فيها الخير امج بتكشخ لعرسي بس انا عارفه ليش كاشخه عشان فرحتها بفراقي

جود براءة اطفال:لا هي كاشخه عشان المعرس خالي علي

ضي بصدمه:شنو المعرس منو

جود بخوف: خالي علي ونحاشت لأمها خايفه

ضي من القهر حذفت اغراض تسريحتها تحس انهم غشوها هي صح ماسألت عنه ومن يكون بس ماتوقعت يكون علي الي ماتواطنه بعيشة الله

راحت بسرعه ادور ابوها انزلت شافته جالس بالصاله وقفت قالت بعصبيه: صج الي سمعته

ابوها برود:شنو الي سمعتيه

ضي بغضب:انك بتزوجني شين الحلايا واخو مرتك عليوه

عدنان بعصبيه:ضي احترمي نفسك وعدلي ملافظك لا تشوفين شي مايعجبك

وكمل بنرفزه:وبعدين انا جيت وشاورتك عليه مرتين وكان ردك موافقه شلي تغير

ضي بصراخ:ماكنت ادري انه هو لو داريه جان رفضت انا مستحيل اخذه لو شيصير

عدنان بصراخ: لا حبيبتي انتي بتاخذينه غصب عليك ليش ناويه تفشليني عقب عطيت الرجال كلمه وجهز لملكة اقول بنتي هونت ماتبيك

شاف عليا جايه قال بنرفزه: روحي شوفي شغلك ترا تاخرتي على الصالون

ضي بقهر:ماني رايحه لصالون وكملت وهي تخزعليا بنظرات حارقه:لان الي باخذه مو كفو اتكشخ له وطلعت

عليا انقهرت منها: سمعت شتقول بنتك اخوي مو كفو هين ان مادقيت وقلت له انك غاش عليه وان ضي رافضته

عدنان بصوت عالي: عليا ترا مو فاضي لك كافي علي هالبلوه

تنهد:حسبي الله ونعم الوكيل

عليا رحمته وسكتت كان ودها تقول لأخوها بس تدري انه مراح يسوي شي بالعكس بيزيد تمسكه بضي

عند شجون

صار الي كانت خايفه منه وطلعت حامل اكرهت هالطفل لانه بيربطها بخالد

هبه بفرحه:مبروك يمه ماتدرين شكثر فرحتي بجية ضناج

شجون اخ يايمه ياليت ماحملت لاني مابي شي يربطني بخالد قالت بضيق:الله يبارك فيج

كانت بتقول لأمها بانها ماتقول لاحد بس اتصال ضي قطعها
ردت:هلا ضي

ضي بصراخ:شجون لحقي علي ابوي بيزوجني اخومرته

شجون مااستوعبت:ضي اهدي ماني فاهمه شي من صراخج

هبه خافت:اشفيها خل اكلمها

ضي بصراخ :تكفين شجون جيبي امي لي بسرعه الله يخليج

شجون :خلاص الحين بمرها ونجي لج بس انتي اهدي وسكرت

هبه بخوف:اشفيها شصاير قولي

شجون :مادري مافهت شي بس باخذ جدتي ونروح لها

عند علي

كان سرحان الله ياعلي اخير بتزوج البنت الي سحرتك بتمردها بس انا ليش مااخذت ألا هي مع ان بنات جماعتنا يتفوقون عنها بالادب والجمال

تنهد:بس هي جمالها ذباح مره ومعاه قوه وهالقوه هي الي تميزها عن باقي البنات وانا احب اخذ كل شي مميز

قام يشوف العمال خلصوا من تركيب غرفته

بيت عدنان

الساعه ست المغرب

الكل مجتمع ام عدنان وابوه وجدة ضي وهبه وشجون
وعدنان وزوجته

عدنان بإصرار:كلمتي مااتراجع فيها وبتاخذ علي يعني بتاخذه مفهوم وترا الرجال على الساعه عشر بياخذها ياليت تكون جاهزه

وطلع

ابوعدنان:لا حول ولاقوة ألا بالله

هبه بقهر:يمه خل نرد بيتنا مامن جيتنا فايده يالله شجون

شجون :لا يمه انا بجلس مع ضي ماراح اتركها

هبه بغضب:شنو تجلسين انتي ناسيه انك حامل ويبي لك راحه

جدة ضي افرحت لهالخبر بس الي نقص عليها فرحتها ضي قالت:هبه يمه روحي انتي وانا وشجون بنجي بعد مانتطمن على ضي

هبه رضت وطلعت

عند ضي

كانت بغرفتها جالسه وتهدد وتوعد لعلي لو غصبها ابوها عليه

بطين عيشته بتخليه يلعن الساعه الي فكر يخذها فيها

انتبهت لدخول جدتها وشجون اوقفت وقالت :هاه شقال

جدتهابتنهد:للأسف مصر على رايه

ضي بنفسها انت الي اخترت ياعلي فتحمل ماراح يجيك مني

ألتفتت وقالت برود:خلاص خل اسكر شناطي قبل يجي وعشان يمدي اتجهز

صدمه
صدمه

حلت على شجون وجدتها توقعوا صياح ونواح بس الي جاهم عكس

عندحنان

تجهزت عشان ملكة ضي مع ان مالها خلق بسبب سالفة خالد وشجون

انزلت بتخلي احد يوديها شافت عمتها هبه وامها بالصاله راحت سلمت عليها

حنان:اشلونج عمه واشلون شجون قالتها بحزن

هبه الي ماقدرت تنام وهي مابشرت اخوها بحمل بنتها وعشان اخوها يضغط على ولده ويرجع مرته

قالت بفرح:بخير عساج بخير وشجون بخير وكملت ببتسامه :ولو ان الحمل تاعبها بس هي الحين عند ضي

حنان بفرح:صج عمه يعني انا بصير عمه

هبه:واحلى عمه بس شوفي مو تسبقيني وتبشرين ابوج ترا انا جايه عشان ابشره

حنان بضحكه:خلاص بخلي بشاره فهد لج وطلعت تدور خالد تبشره

الساعه حدعش

ضي اجهزت وخلصت ونزلوا كل اغراضها بعد

جدتهاشوي وتصيح:كنت احلم باليوم هذا وانا ازفج على زوجج وحضنتها بقوه

كانت تشم فيها ريحة حنان بنتها قالت وهي تمسح دموعها:ضي يمه تعرفين يعني شنو انج تكونين زوجه

ضي حمروجهها وقالت بنفسها يخسي أنه يلمسني
قالت بغصه:يمه ترا استحي

حنان اضحكت وقالت:عادي ياضي خلي امي تقول نبي نستفيد

ماحست ألا شجون قارصتها حنان:اخ عورتيني

شجون ببتسامه:احسن عشان تعقلين

حنان بقهر:اخ بس ودي اقرصج بس اخاف فهود يتاذى

شجون نست حملها قالت:من فهود

حنان وهي تمسح بطن شجون:هذا فهود ولا عندج اعتراض على اسم ابوي

شجون بضيق دزت يد حنان قالت:من قالكم اني حامل

ماحست ألا ضي حاضنتها قالت بفرح:صج حامل مبروك

جدتها:بس ياضي ذبحتيها

حنان استغربت من كلام شجون ودزت ضي عنها وقالت:هي عورتي البنت وكملت:وانتي ليش ماتبينا نعرف ابشرج حتى خالد درا لاني قلت له

عند فهد

من سمع هالخبر وهو طاير من الفرحه بيصير جد

ام خالد :بوخالد شبنسوي بموضوع خالد اخاف خالد يطلقها وننحرم من شوفة حفيدنا

فهد بعزم:مو على كيفه يطلقها وان شالله بيرجعها غصب عنه بعد

دخل عليهم ذياب وخالد سلموا وجلسوا

فهد اشر لذياب وامه يتركونهم وطلعوا

عندشجون

حست بالقهر ليش امها سوت جذي شبيقول عنها خالد بيقول ان اهلها مستغنين عنها

سلمت على ضي ودعتها ورجعت لبيت تحس بخنقه ودها تقعد بروحها

وهي بالسياره رايحه لبيتهم دق تيلفونها

شافت الرقم وعصبت شيبي داق

ردت منغير نفس:الو

خالد دق عليها بنا على طلب ابوه الي هدده لو مارجعها قال:هلا شجون اشلونك

شجون بقهر:من سمعت صوتك ماني بخير شتبي داق مو طلقتي ليش داق

خالد انقهر منها قال: اي طلقتك وكانت ورقتك بتوصلك تو بس عقب الورطه الي صارت لازم ارجعك عشان ابوي

شجون ورطه حملي صار ورطه دامك كارهني هالكثر ليش تقربني صج انك حيوان وحقير بعد

قالت بغضب:هالورطه انت السبب فيها وانا الغبيه لو ماخذه حبوب كان احسن مااتورط بولد منك وسدت بوجهه

خالد انقهر هاذي ثاني مره تسد الخط بوجهي هين ياشجون طلاق مراح اطلق وبحط فوق راسك مره ثانيه

وبخليك منثبره عندي لا مطلقه ولا معلقه بس عشان تكونين مربية ولدي الجاي

عند ضي

ودعت اهلها وطلعت مع علي الي تشوف السعاده بعيونه بس خافت لايكون ينافق قدام اهلها

اركبوا السياره

علي ببتسامه ألتفتت لها:مبروك

ضي بقهر:الله لا كانت بتكمل بس علي سد فمها قبل تكمل

عضت يده وخر قال بقهر:وجع قالوا لي متوحشه بس ماتوقعت بهالوحشيه

ضي بغضب:لا ابشرك اقوى مما تخيل بس لا تجازف وطلق من الحين افضل لك

علي شغل السياره ومشوا قال ببتسامه: اطلق ماصارلنا ساعه متملكين عيب وبعدين انا احب ماعندي قوة البنت

طالع فيها وكمل بخبث: تخلي لقربها طعم خاص

وضحك وضي تدعي عليه بقهر وتوعد فيه

عند شجون

ادخلت غرفتها وجلست تصيح قهر بعد ماسمعتها امها كلام يسد النفس وانها غصب ترجع لخالد

لامت نفسها ليش سمحت لخالد يسيطر علي ليش مامنعته بعد ماصار بينا الخلاف

صاحت وهي تسب نفسها وضعفها انا ماقدر امنعه هو اقوى من اني امنعه

بعد اسبوع

عند جمال

كان متضايق ومنقهر ان ضي تزوجت ومحد قاله لانه كان مسافر

امه:يايمه كل شي صار بسرعه وبعدين هم ماسوو عرس يادوبك حفله بيت عدنان

جمال:حتى لو المهم ابي رقمها ابارك لها

وخذ رقمها

عند ضي

كانت عايشه بخوف فضيع مسببه لها علي

عمرها ماخافت مثل خوفها منه مع انه ماطقها ولاهو من النوع الي يطق

بس خوفها من انه يلمسها غصب سوت المستحيل بهالاسبوع وماقدر لها وقرر انه يتركها تحس براحتها

دق تيلفونها وردت

عند علي

طلع بعد ماخذ شاور لبس بجامته ومشط شعره وهو يبتسم كل ماتذكر شكل ضي

ضحك مسكينه عبالها صج انها تغلبني في كل مره ماتدري اني انا الي اتركها بعد ماهد حيلها

نزل المشط ورش عطر وطلع

شافها بالصاله جالسه سمعها تقول بغضب وهي طالع تيلفونها:عشتو داق يبارك

ألا قول اتشمت

علي بغيره:من الي داق يبارك او يتشمت بنظرك

ضي وقفت وتخصرت وقالت بقهر:وانت شكو

ومرت من قدامه بتروح بس مسكها بقوه وسحبهالحضنه قال وهو يمسح شعرها البوي

ببتسامه: انا شكو ياضي افا هذا وانا عليوي حبيبك

ضي بقهروتوتر من قربه خصوصا ان انفاسه تلسع خدودها لسع: تخسي تكون حبيبي وخر اقرفتني بقربك

علي زاد بقربه وباس خدها بقوه بعد ماطبع اثر بوسته تركها قال بضحكه وهو يغني عشان يقهرضي زياده:

صبري عليك طال طال وحتار فيك امري*

جفاولا دلال

قاطعته ضي بصراخ:جاااب ياحقير

علي بخبث:شكلك تبين بوسه اقوى

ضي :تخسي

علي بتنهد عشان يوقف الحرب بينهم:شوفي حبي خلينا نروح نسوي لنا شي ناكله وبعدين نكمل حربنا وراح للمطبخ

علي فهم ان اسلوب العنف لا يمكن يجيب فايده مع ضي واختار اسلوب ثاني لتأديبها بانه

يصبر عليها لين تقبله في حياتها وانه مايرفع يده عليها مهما كان لان كل ماتذكر وصات جدتها عليها عوره قلبه

دخل المطبخ ورفع كمومه بيطبخ هو متعود يطبخ ويدري ان ضي ماتعرف تسوي الشاي حتى

ضي ألحقته ودخلت المطبخ قالت بنرفزه:ممكن توديني عند امي

علي برود: لا موممكن

ضي بقهر: ليش لا لايكون بتمنعني عن اهلي بعد

علي بتنهد وهو يقطع خضره: لا مراح امنعك بس ماقدر اوديك علاقل لين تخف الاثار الي بخدك ورقبتك

ضي حست بقشعريره لكلامه قالت بغضب: كل منك انت الي شوهتني

علي بضحكه:حرام عليك تشويه مرة وحده كلها عضات خفيفه وبتروح بس انتي لاتعانديني عشان ماتجيك اقوى منها

ضي اخ يالقهر بس على اني اقدر اصطرك لانك تسبب لي توتر فظيع بقربك يخلي كل عضامي مخدره وموقادر تقاومك

علي شافها سرحت تطالعه قال ببتسامه: بدال ماتوقفين اطالعين تعالي ساعديني

ضي قالت بغرور وهي تقعد على طاولة المطبخ :اعتقد انك تعرف قبل تاخذني اني مادش المطبخ ولاعرف اسوي شي

علي بإصرار:ادري وعشان جذي بعلمك ومن اليوم بعد كان منبهر بجمالها وجلستها وطريقتها بالكلام كانها طفله خصوصا انها لابسه بجامه رمادي على صورة دببه

ضي :ومن قال اني ابي اتعلم لاتعب عمرك المطبخ مو من تخصصاتي

علي حب يقهرها:اجل انتي عندك تخصص خابرك فاشله بكل شي

ضي بنرفزه:اي فاشله شتبي في وحده فاشله طلق وافتك ونطت بتروح مسكها

وقال برود:بس الفاشل مصيره يتعلم وانا مستعد اعلمك

ضي وخرت يده بقوه قالت:وانا ماابيك تعلمني وراحت

علي بتعلمين ياضي غصب عنك بعد بس صبرك علي

وراح يكمل شغله ويفكر يجيب خدامه عشان تطبخ لهم اذا داوم لان ضي تدريبها مطول وهو بيداوم من باجر

بعد شهر

عند شجون

حاسه بقهر اشلون برجع له عقب الي سمعته منه وشفته

خالد مايبيني وانا بعد كرهته مابيه ليش يغصبوني ارد لجحيمه

بس هين ياخالد انا ان رجعت عشان خاطر خالي بس وعشان ولدي

تحسست بطنها كانت بدش الثالث قالت بتنهد:الله يكون بعونك يمه قدرك اتعيش مع ام واب مختلفين في كل شي

دخلت تاخذ شاور وتجهز قبل يجي خالد

عند ضي

كانت عند جدتها ودرت ان شجون بيغصبونها ترجع لخالد عصبت نقهرت

جدتها بحنان:يمه هي من الاول لازم ترجع المره مالها ألابيت رجلها

ضي ياكثر كرهي لرجال قالت بقهر: يمه خالد هالحقير مايستاهل شجون هالدانه

جدتها بعصبيه:ضي مااسمحك لك تسبين ولدولدي فاهمه وترا خالد له معزه خاصه لانه اول حفيد لي

ضي ياحسرتي على شجون انا لازم اكلمها انتبهت لعلي يدق عليها قامت وباست امها

وقالت :مع السلامه يمه علي جا

اركبت وهي معصبه سلمت بدون نفس

علي بعدمارد السلام قال بضحكه:سكنهم مساكنهم

ضي بقهر:علي ترا مو فاضيه لسخافتك انت الثاني

علي بنرفزه:لاوالله وانتي متى فضيتي لي اصلا صار لنا شهر متزوجين على ورق بس وانا منطم وساكت

بس انتي ماينفع معك الطيب وانا باخذ حقي غصب

ضي بصراخ:مالك حق عندي فاهم وياويلك اذا فكرت تلمسني

علي بقهر:ياويلي ياضي هين خل نوصل بس

ضي طنشت تهديده ولفت وجهها عنه

عند شجون

دخلت الجناح وهي كارهه كل ذكرى لها مع خالد في هالمكان

حتى بليلة زواجها كان تعامله معاها جاف اجلست على الكنبه وقالت بنرفزه: شوف لك مكان تنام فيه بعيد عني فاهم

خالد اقهره كلامها حب يقهرها قال: يكون احسن زين الي جت منك حتى انا ماابي قربك وخايف اظلمك خصوصا اني ناوي اتزوج واخاف مااعدل

شجون حقير نذل قالت بغضب: لا تزوج وانت مرتاح لان انا لايمكن اسعدك بشي وعيشتي هنيه عشان ولدي وبس

وانت دور سعادتك مع الي تليق بقدرك ماحست ألا بطراق بخدها

خالد:عشان تأدبين وماتطولين ألسانك علي وراح لغرفه

شجون تصيح وهي ماسكه خدها وصلت فيك ياخالد انك تطقني

عند عدنان

كان عند ابوه وامه جالس يسولف معاهم وازعجوه بأسألتهم عن ضي وزوجها

طمنهم عليها وهو حاس ان ضي مطينه عيشة علي بس علي عمره ماشكى حتى لأخته وهذا قاهر عليا

استأذن من اهله وطلع بيزور ضي

عند ضي

سبت نفسها ألف مره على تهورها بالكلام معاه شافته قفل الباب ومشى صوبها وهو يفتح ازاريره قال بخبث: تهدديني لا ألمسك ياضي كمل ببتسامه: ليش ياحبي هذا شرع الله ولابد منه

ضي بغصه من نظراته المتفحصه لجسمها خصوصا انها توها جايه من جدتها وكاشخه بثوب قصير قالت: بعد احسن لك

علي قرب وكانت بنحاش بس مسكها بسرعه وحضنها غصب

وهي تحاول تفلت سحبها معاه لسرير وضي تشمخ في صدره

بس هو موناوي يتركها ابد لكن
سمع صوت الباب هدها وضي بعدت بسرعه البرق عنه

علي بقهر: منو

جولي (الخدامه):بابا عدنان تحت يبي مدام

علي بنرفزه:زين الحين بننزل جهزي القهوه

جولي:اوكي وراحت

ألتفتت يدورها شاف الحمام تقفل عرف انها فيه وقف عند الباب قال: مابعد خلصنا ياضي بس بضطر اوقف عشان ابوك تحت يبي يشوفك

ضي كانت متسنده على الباب تحس بكهربا تسري بكل اوصالها كان على وشك انه يغلبها بس الله رحمها بطق الباب

قالت بعصبيه: هين ياعلي الزفت بعلم ابوي يذبحك

علي بضحك:ههاي يالله ياضي فيك خير تكلمي عند ابوك وعلميه عشان يذبحني هذا اذا ماذبحك انتي

ضي بقهر:ياحقير اطلع برا ببدل ملابسي الي اعدمتها بهمجيتك

علي ابتسم قال وهو يلبس ثوبه:طالع بس عجلي لاتأخرين وطلع

عند حنان

كانت محتاره وخايفه انها تروح له عشان تسلم له التقرير

نظراته لها تربكها مراقبة لكل تصرفاتهاتخوفهاتشجعت وسمت ودخلت

عمر ماصدق عيونه كان ينتظر هالحظه بفارغ الصبر ابتسم لها

حنان بخجل بعدماسلمت:تفضل استاذ هذا تقريري

عمر ببتسامه:تقرير حنان بنت فهد بن خالد ال

حنان بصدمه لانه حافظ اسمها الكامل قالت:اي وجت بتطلع

وقفها:على فكره ترا ابوك عزيز وغالي عند الوالد فالوالد موصي عليك

حنان بخجل:مشكور وطلعت بسرعه

اف ليش كل مااشوفه اتوتر ويقوم قلبي يضرب اطبول

اي ليش ياحنان تحبين واحد متزوج بعد

بعد اسبوعين

بيت الجده

الكل كان مجتمع عندها

الجده ببتسامه وهي تهمس لضي: هاه يابنتي مافيه شي بالطريق

ضي بغصه :لا مافي شي ذكرتها جدتها بأخر محاولات علي يوم زارها ابوها

من ذاك اليوم وهي تحس بالرعب الفضيع من علي وتحاول قدر الامكان ماترفع صوتها عليه

كرهت نفسها عمرها ماكانت بهالضعف قطع سرحانها حنان

ببتسامه:ضي اشفيج اكلمج

ضي بتوتر:هاه اعذريني ماانتبهت

حنان:الي ماخذ عقلك لا يكون علي ترا بخنقه لان اليوم محجوزه لي

شجون بتأييد:اي اليوم كلنا بنام عند جدتي عشان نتذكر ايام العزوبه

وكملت بتنهد وهي تمسح بطنها الي برز:ياحلوها من ايام والله

ضي حبت تغير الموضوع لان حنان تضايقت لان شجون تقصد قبل معرفتهالخالد: شوفوا عاد نبي سهرتنا صباحيه

بيت عدنان

علي كان جاي عند اخته
كان جالس يلعب مع جابر بلاستيشن

وجسوم جالس بحظنه

عليا دخلت ومعاها صينية القهوه جلست وقالت :ألا مرتك ليش ماجت معك

علي نزل جسوم وعطاه اليده عشان يلعب وراح جلس عندها قال بهدوء: وديتها عند جدتها اليوم جمعتهم عندها

هو عارف ان عليا تنبش عن شي بس هو مايبي يدخلها بحياته لان هو الي اختار فلازم يتحمل

عليا بنرفزه: مادري شلي قردك فيها لان هي مومال زواج بالمره تخيل فشلتني قدام جماعتنا لما سويت عزيمه عشان اعرفهم بمرة اخوي

ماتركت طوالت ألسانها حتى وهي عروس

علي لاعت جبده من سماع هالاسطوانه كل يوم نزل فنجاله واستأذن وطلع

ركب سيارته وهو واصل حده من كلام عليا دق على ضي عشان تجهز بياخذها

عند ضي

كانت منفرده بشجون تسألها عن اخبارها مع خالد

شجون برود:مثل ماقلت لج عايشين كانا اغراب مااكلمه ولا يكلمني حتى ثيابه استغنا عني وقام يودي المغسله

ضي بضيق: حالنا مايسر ياشجون كل وحده متزوجه ولا كأنها متزوجه

شجون بخوف:ليش انتي بينج وبين علي شي

ضي بضيق: بينا اختلاف كبير

شجون:اختلاف ليش علي ضايقج بشي

ضي برود: مادري بس انا الي مو متقبلته خير شر

شجون بهدوء: فكري زين ياضي ولا تخطين خطوه ألا وانتي دارستها عدل لا تصيرين مثلي

ضي بقهر : صح اني اكره علي ومااحبه بس هو عندي افضل مية مره من الزفت خالد

شجون بضيق:كلهم نفس الشي واتمنى انج ماتحملين ألا لي تأكدتي من تمسك علي فيج عشان ماينظلم هالطفل

ضي بغصه : وهذا الي انا خايفه منه ومسويه المستحيل عشان مايصير هالشي

شجون بشك:تاخذين موانع
كملت بنرفزه:لايكون تاخذينهن من ورى علي ترا هالشي فيه هدام بيت

ضي بخجل :لا مااخذ موانع كملت بغصه: بس ماخليت علي يلمسني من تزوجنا

شجون بصدمه بقت عيونها في ضي:شنوا

قطع عليهم تيلفون ضي وقامت ترد بره

اتركت شجون بحيره ليش ياضي تغضبين وجه الله بسواتج وعلي شلون صابر طول هالفتره بيصيرلهم شهرين وهوماتكلم اكيد انه يحبها ومتمسك فيها رغم نفورها منه

تنهدت بضيق: مو مثل خالد حتى وهو كارهني ومغصوب علي ماتركني

عند علي
الساعه ثنعش باليل
كان واقف عند بيت جدتها
علي بنرفزه: ضي امشي للبيت احسن لك وخلي عنك النوم عند جدتك

ضي بقهر:بس انا اتفقت مع البنات بنام اليوم عند امي

علي بإصرار:مالي دخل بتفاقاتك اطلعي لادخل اسحبك قدامهم تعرفيني ترا

ضي بصراخ: مالت عليك متى بطلقني ترا مليت من وجهك النحس

علي سده بوجهها ماله خلك صراخها يدري مراح تسكت

عند ضي

انقهرت منه انا يسده بوجهي هالخايس راحت بتاخذ عباتها وتطلع له خافت لا يطبق تهديده

دخلت لقت شجون مازالت جالسه واول ماحست فيها امسحت دمعتها ووقفت

شجون ببتسامه تخفي حزنها: حبيبتي ضي لا تضيعين علي من يدج ترا علي يحبج لان مافي رجل يصبر مثله

ضي بقهر:اي مبين يموت فيني والدليل انه مايرفض لي طلب وألبست عباتها وتشت عطر

شجون بستغراب:بتروحين

ضي بسخريه:اي مو اقولج مايرفض لي طلب وخذت شنطتها وطلعت

1 - 11 - 2011, 02:44 PM

اعتـزلت الغــرام...
الــرووايــه مــــرهـ روووعــــــــــــه
غــــلآتـي كمليها بـليـــزز
بأنتظـار البارات الثامن والتاسع و....
ودي وتحياتي لكـ

8 - 11 - 2011, 03:20 PM

الروايـه لم تكتمل بعد
جـاري الأنتظـــار....

المواضيع المتشابهه لموضوع: رواية تلاشت قواي بين يديك روايه روعه رومانسيه كامله لموضوع: رواية تلاشت قواي بين يديك روايه روعه رومانسيه كامله
الموضوع	كاتب الموضوع	المنتدى	مشاركات	آخر مشاركة
يابنت العناد انا مو ولد ابوي اذا ما جبتك روايه كامله	سجات التهاويل	همس للقصص وحكايات وروايات	97	8 - 6 - 2018 01:26 PM
روايه ثلاث بنات بثانوية عيال كامله	سجات التهاويل	همس للقصص وحكايات وروايات	130	8 - 6 - 2018 01:15 PM
روايه س لك بالله وش سويت فيني وش سر هالشوق اللي يجيني كامله	نَبض♡~	همس للقصص وحكايات وروايات	66	7 - 9 - 2014 02:41 AM
روايه والله لا اجيب راسك كامله	عج‘ـٍزت آنہسہہآكـ	همس للقصص وحكايات وروايات	42	16 - 2 - 2014 05:48 PM
رواية ارادة رجل كامله	ادمنت تعذيبك	همس للقصص وحكايات وروايات	35	22 - 4 - 2012 01:48 AM

الذين يشاهدون محتوى الموضوع الآن : 1 ( الأعضاء 0 والزوار 1)

الأعضاء الذين قاموا بتقييم هذا الموضوع : 0
لم يقوم أحد بتقييم هذا الموضوع

رواية تلاشت قواي بين يديك روايه روعه رومانسيه كامله

همس للقصص وحكايات وروايات