سجل دخولك المنتدى ب بيت شعر

4 - 1 - 2022, 01:23 AM

‏احـذر من اللي له مع الناس وجهـين
تــراه فـي بعـض الـصفـات يـ تشبه

ما همه الا يجـمع .. الـعيب والـشين
ومن يمدحه حاضــر .. ليا راح سبه

4 - 1 - 2022, 01:24 AM

ياللي فتحت لباب الاعذار خانه..
لاتحسب ان صدري لها شرع الباب..

لاصار مالك بين ربعك مكانه..
وش فايدة مكانتك بين الاجناب

4 - 1 - 2022, 01:26 AM

‏مـع احـترامي لوجــهات النظــر
ما اجمل من العفو عند المقدره

القـوه انك ما تكســر منـكســر
القـوه انك ،،،، بعفــوك تجــبره

4 - 1 - 2022, 01:26 AM

انا على نياتي أعـامل ،،،،،،،> الناس
بوضوح اعاملهم وطيب و تساهل

رغم اني افهم بالطبايع والاجناس
والبعض يحسبني عن الطبع جاهل

اسمع واشوف وكن ماعندي احساس
لكني اعدي ،،،،،،،،،،،،> بصبر وتجـاهل

والبعض يوم انك تجامله ،،،،> لابأس
لكن البلا، جاملت ،،،،،> من لايستاهل

4 - 1 - 2022, 01:26 AM

‏ياللي تحاول ترضي النـاس .. حذراك
مهما اجتـهدت ،، بتسمع اللي يسبك
.
ارفق على نفسك عسى اللاش يفداك
اللي يـحبـك ( لو تـقـصّـر ) .. يـحبـك
.
الزبدة : إقرا بيـت من خاطري جاك
الـبـيـت هـذا هـو عـلاجـك وطـبك
.
لو شفت كيـف النـاس إذا مت تنساك
بتعـيـش منت بمرضيٍ غـيـر ،، ربّـك

7 - 1 - 2022, 07:04 PM

طبع البشر ينكشف فالموقف الشاخل
‏و ناسٍ تحسب ونعم كثرة معارفها ؟

‏يمكن نظيفه شكل، لكنّ من داخل
‏حتّى الكلوركس ما يقدر ينظّفها :)

7 - 1 - 2022, 07:04 PM

على وجهٍ رضاه وتبسّامه يتوّهني وفيه اهيم
‏هيام بدويٍ كل ما ابله درهمت سمّى عليها

‏يجي واشعر ان الارض بقدومه لحقها ديم
‏وبجوفي غصونٍ يداعبها الهوا لين يرضيها

‏عسى ربي كثر ما احب ضحكاته عليّ يديم
‏وجوده معي لين اغيّب عن الدنيا واهاليها .

7 - 1 - 2022, 07:05 PM

‏سبايب غريرٍ بانيٍ فالحنايا سور
‏حرامٍ علي ماحد يعدي على سوره

‏جذبني مثل مايجذب البعد بالناظور
‏ورمانِي مثل مايرمي الوعل من طوره .

7 - 1 - 2022, 07:05 PM

‏أكرر عادك الأول والمبدّا يا وجه النور
‏بدونك من يجمّلها صباحاتي وأيامي ؟

‏ولا يهمني لو الدنيا بما فيها علي تجور
‏أشوف بضحكتك عالم كما ودي فأحلامي .

7 - 1 - 2022, 07:05 PM

‏الا يا أعذب أشياء العمر يا عمري الجاي واللي زلّ
‏معك ماسلى قلبي عن هواك ولانسى بالي عناوينك

‏أعرف الصباح اللي يجيبك قبل شمسه تجي وتطلّ
‏وقبل حتى الندى لايذوب وتطرق النسمه بساتينك .

المواضيع المتشابهه لموضوع: سجل دخولك المنتدى ب بيت شعر لموضوع: سجل دخولك المنتدى ب بيت شعر
الموضوع	كاتب الموضوع	المنتدى	مشاركات	آخر مشاركة
قائمة ال dock في المنتدى رائعة جدا لجمالية المنتدى صورة المثال attachment.php	همس الشوق	همس تطوير المواقع والمنتديات	2	2 - 5 - 2024 01:34 PM
هاك الحلم المطور هاك اعلانات يمكنك من وضع الاعلانات في جميع انحاء المنتدى المنتدى لل	همس الشوق	همس تطوير المواقع والمنتديات	2	27 - 7 - 2023 03:39 AM
هاك الحلم المطور هاك اعلانات يمكنك من وضع الاعلانات في جميع انحاء المنتدى المنتدى للن	الــســاهر	همس تطوير المواقع والمنتديات	3	15 - 6 - 2023 08:00 AM
عندما يرحل او ينسحب عضو من المنتدي من الخاسر العضو,,, او,,, المنتدي	جروح الم	همس للنقاش والحوار الجاد	4	6 - 9 - 2013 08:45 PM

الذين يشاهدون محتوى الموضوع الآن : 33 ( الأعضاء 0 والزوار 33)

الأعضاء الذين قاموا بتقييم هذا الموضوع : 1

سجل دخولك المنتدى ب بيت شعر

همس الشعر والقوافي