غصبن عني حبيتها للكاتبهSandra-kas

15 - 11 - 2011, 09:44 AM

غادة:دووم ان شاءالله..ألي بقوله لك راح يزعلك..
سارة بخوف:يزعلني..وش هو؟؟
غادة:يقول اخوي ان اليوم راح يملك عليك ويأخذك من دون زواج ولا حفلة..
سارة ادعيت بعدم المعرفه:هه..كييف؟؟
غادة:هو قال لامي اليوم؟؟مكنت راح اقول لك بس قلت بقول لك عشان تأخذي احتياطاتك..
سارة:من صدقك..انا مقضيت شيء..
غادة:ادري يابعد قلبي انتي..بس وش اسوي في اخوي..
سارة:يارربي اخوك ذه بيجنني..
غادة:هههه انتي ماشفتي شيء منه..راح تذوقين الويل منه..
سارة(اكثرر من كذا..حشى يكفي انك مدمر حياتي وش بتسوي بعد):الله يعين بس..
غادة:أي على قولتك الله يعين..يلا حبي ماابي اطول عليك..سلام
سارة:سلاام..
وعند الساعة1:44 بعد الغداء..ابوحمد:مدري وش اقولك يابنتي...
سارة:وش فيك يبه؟؟
ام حمد:صار شيء في الشغل؟؟
ابوحمد:لاوالله..بس فيصل قال يبي يكتب كتابه اليوم ويوديك بيته من دون عرس ولا حفلة..
ام حمد مستغربه:كييف؟؟متى قال لك؟؟
ابو حمد:اليوم قال لي..يقول لي انه صار تغير لرحلته وهو مجبور انه يتقيد فيه..
سارة(والله انه كذاب..هو قالي ان هو ألي غير نظام الرحله وهو الي عجلها..يبي يقنع ابوي يعني...مشاء الله عليك يافيصل..إذ بغيت شيء تعمل المستحيل عشان يصيرلك):هو قال لك كذا..
ابوحمد:أي هو الي قال لي..قلت له البنت مو مستعده قال انا مجهز كل شيء..وبجي اليوم نكتب الكتاب وبكره نسافر...
ام حمد:الله يهديه بس..يلا يابنتي قومي تجهزي... ورحت فوق لميت اغراضي كلهم..من ملابس من مكياج من عطور من صندلات..."إلخ ورحت لفيت شعري...
ريم افتحت الباب بدفاشه:صح سارة..انك بتروحي اليوم..
سارة:أي صح..
رغد بصوت باكي:لااا...رفضي سارة خلينا نقعد مع بعض..
سارة(ودي والله بس الامر مو بيدي):مايصلح يارغد...
ريم وهو تمسك يدي:مصدق انك بتروحين..طيب هو مايقدر يغير نظام الرحله..
سارة(هو الي عجلها):لا معتقد..والي فهمته من ابوي انه هو كان بعد مو متوقع انهم يعجلون الرحله...
حنان بهم:لاياسارة لاتروحي توا الناس وانتي لسه ماستعديتي..
سارة:خلاص ياحنان...
وحضنتهم بين وسط الدموع والصراخ... وحسيت بألم شديد في بطني عرفت انها ألام........... وتسطحت في السرير..واكلت حبوب بطن.. الحمدلله انها بتجيني عشان متورط معك...بس قاومت الالم وغيرت لبسي لبست فستان التركواز العاري من عند الاكمام وفصوص عند فتحه الصدر بلون الردماي..هذا الفستان لبسته في يوم التخرج..وعملت تسريحه ويفي وحطيت مكياج ثقيل سموكي باللون الازرق المدموج برمادي من ديور وحطيت بلاشر باللون الزهر الفاتح من مكياجي وغلوس احمر مايل لزهر المغري..وصندال تركواز من قوتشي..وخلصت على اذان العشاء

حنان وهي تفتح الباب:يلا سارة جاء..
سارة مستغربه:جاء..يلا جايه..
ونزلت تحت بخطوات ثقيله...وجاء عمي من وراء الباب..ابو بندر:وقعي هنا..وخذت القلم ويدي ترتجف وانا افكر بعيشتي مع فيصل..ووقعت..ابوبندر:الله يسعدك يابنتي.. سارة بهمس:الله يبارك فيك ياعمي... وجات امي وحضتنتي..ام حمد"الهنوف" وهي تبكي:الله يوفقك يابنتي..
حنان ورغد وريم بدموع الحزن جاوا سلموا علي بحراره..ودخل عبدالله وحمد سلموا علي..حمد:يلا سارة لبسي عباتك..
ورحت لبست عباتي..عبدالله وهو يشيل اغراضي ويحطهم في السيارة:مصارت شنطه...ثقيله مرة....ودخلت في السيارة وعيوني تحت..فيصل وهو يلاحظ توترها وتشابك يهدها مع بعض دليل انها متوترة(اخيرا ياسارة..اخيرا تزوجنا..حسيت ان اليوم ذه مراح يجي..ههههه ان مخليتك تطلبين الشهادة مكون انا فيصل الـ......) ووصلنا ونزلت شفت البيت أي بيت إلا قصر كان كبير مرة والخدم كانوا واقفين يستقبلونا..كان فوق 12 خادم تقريبا..ولفت انتباهي التصميم الراقي للقصر بلون البني الفخم والدرج المصمم بأتقان تصميمه كان فرنسي والدرج كان له جهتين..ولفت انتباهي مابين الدرجين حديقة راقيه مكلفه...ودخلت الغرفه غرفه النوم كانت روعه في الجمال بلون الموف الساحر والرمادي واندماج الاثاث..والحمام"كرمكم الله"التابعه لغرفه النوم بلون الرمادي وبريق الموف..المزخرف بزخرفه ناعمه على الجدار..وفسخت عباتي بتوتر...ونظرات فيصل المليئه بالغرور..اقترب مني ومحسيت بنفسي إلا وهو معطني كف على وجهي ومن قوته طحت على الارض..فيصل والشرار طالع من عيونه:هذا من اجل الكف ألي عطتيني اياه..وقومني وعطاني الكف الثاني..وهذا عشان تعرفين مرة ثانيه متسكرين السماعة في وجهي... وعطاني الكف الثالث..وهذا عشان متكسرين كلمتي..وهو يحط يده على فكي ويشد عليها:ولاتظنين اني ماخذك عشان اني احبك ولا عشان انك سحرتيني..لا انتي غلاطانه انا اصلن مااخذك عشان اكسر راسك..عشان اعيشك بجهنم..
سارة وانا مو مستوعبه الي صار والدموع بعيني:انت واحد حقير ونذل... ومن قال لك اني انا احبك بعد انا اكرهك..ولا اطيقك في عيشه الله..ورماني على الارض..فيصل بغرور:يعني انتي تتوقعين اني انا فيصل الـ... احب وحده زيك انتي مردك راح تطلقين بعد ماعذبك...سامعه ياحقيرة وهو ينزل لمستواي:انا واحد مايشرفني اتزوج وحده زيك.... ورحت في نوبه بكي ابكي على حضي...على حضي النحس ألي خلاني اقابله..واستجمعت قواي وقمت:لاتظن اني بعد هل الكفوف راح اضعف..لا اسمح لي اقول لك انك غلطان..انا اقوى من كذا ياسيد فيصل..
فيصل وهو يقترب منه وبثقه وترت سارة:ههههه...انتي لسه ماشفتي شيء..
سارة بشراسه:لاتظن انك بحراكاتك ذي راح تثبت رجولتك..انت اصلن منت برجال...
فيصل وهو يشد شعرها الحرير:انا اصلن رجال من دون ماتتكلمين...ويبدوا اني عطيتك وجه كثير..انتي اصلن متستاهيلين احد يطالع في وجهك...ياتافهه..
سارة وانا متالمه:وخر عني...آآآه.. وهو يشد علي ونزل لمستواي:أنتي على وش شايفه نفسك..مغرورة على الفاضي والمليان..وهو يتفحصني بنظره:لاتظنيني اني راح ألمسك..أنا اصلن مايشرفني المس وحده مثلك.. كلامه كنه خناجر على قلبي..
سارة بصوت باكي:أنت وش راح تستفيد من تعذيبي..
فيصل:استمتع وانا اشوفك تتعذبين...مدري ليه؟؟
سارة:تعرف ليه لانك واحد حقير ونذل..
فيصل:لا يكثر...انا محب الغلج<<<الغلج يعني الهذره ذي كلمه كويتيه..
وطلع بره الغرفة وانا في نوبه بكى شديده...وشديت ع حالي وقمت ومسحت المكياج ورحت غرفه تغير الملابس التابعه لغرفه النوم...الجدار بلون الموف المزخرف من جدار واحد باللون الرمادي..وباقي الجدار بلون الموف من دون زخرفه هذا غير الاثاث الفرنسي المطل على النافذه..وشفت الثياب كلها شبه عاريه حتى قمصان النوم..وطلعت ابي اخذ ملابسي ألي في الشنطه بس ملقيتها :اكيد محد نزلها من السيارة..وحطيت يدي على مقبض الباب لقيته مقفل:يوه ليه يفقل الباب يبي يحبسني يعني.. ورحت مرة ثانيه لغرفه الملابس ووجهي احمررر:صدق انه وقح كل الملابس هنا خالعه وماتستر وبذات ملابس النووم..وطلعت استر واحد ولبسته كان كاشف من الصدر... وعاري من الظهر لين اخر ظهري...وطوله لين نصف فخذي.. ولونه بلاك كان مره عاري..بس هذا استر واحد...وعطرت بعطر فرنسي الي لقيته في التسريحة...ودخل فيصل وانا محسيت فيه..وانا قاعد ادور في دروج التسريحة وانا منزله راسي...اقترب مني ومسح بأطراف يده برقه على ظهري العاري...ارتجفت من حركته والتفت له..وبحركه ساحر لمني في صدره وبدا يقبل كتفي العاري بقبلاته دافئه... ونزل لمستواي وباسني في عنقي...مقدرت اقاوم قبلاته الدافئه..(وفي نفسي...ليه دايم تخليني اضعف تجاهك..ليه؟؟ ابي اقاومك بس مقدرت...)
سارة:فيصل..فيصل..ممكن توخر عني... بس فيصل مرد علي..وانا ابعده عني قدر الامكان بس هو كان اقوى مني..وبصعوبه تكلمت:فيصل..ابي اروح الحمام"كرمكم الله" فيصل وهو بنظره اسرتني:لازم يعني..
سارة:أي ضروري..وبالموت ترك يدي ورحت الحمام"كرمك الله" سارة توهقت:ليه منزلت علي..شكلها بكرة راح تنزل يووه وش اسوي انا احين..انا مبيه يلمسني ماابي ارتبط فيه باي شيء...وبعد دقايق وانا في الحمام"كرمكم الله" طلعت وماشفته في الغرفه...ورحت انسدحت في الكنبه محبيت انام معه في نفس السرير..
فيصل وهو يشرب عصير التفاح(وفي نفسه...مدري وش صار لك يافيصل..انت تضعف من ناحيتها هي..وانت تعرف انها....انها تكلم شباب ويمكن طلعت معه ويمكن..و...و..و مقدرت اقاومها..مع اني اعرفها انها.....ليه ياسارة سلكتي ذه الطريق...لو ماكنتي كذا كان انتي في حضني احين..ليه سارة؟؟)

.........................

15 - 11 - 2011, 09:46 AM

البارت الثالث عشر..
فيصل وهو يشرب عصير التفاح(وفي نفسه...مدري وش صار لك يافيصل..انت تضعف من ناحيتها هي..وانت تعرف انها....انها تكلم شاب ويمكن طلعت معه ويمكن..و...و..و مقدرت اقاومها..مع اني اعرفها انها.....ليه ياسارة سلكتي ذه الطريق...لو ماكنتي كذا كان انتي في حضني احين..ليه سارة؟؟)
ودخل الغرفة وشافها نايمه على الكنبه،وخذ اللحاف وغطها عدل(ياربي بتذبحني البنت بجمالها ورقتها..شكلها يجنن حتى وهي نايمه)قرب مني وباسني برقه على جبيني...
وصحيت الصبح على صوت فيصل..فيصل:يلاا قومي كل ذه نوم... سارة وانا اتقلب في الكنبه:يوه... بس ساعة..
فيصل وهو يعدل شماغه في المرايه:اقوول اصحي..كم مرة بقول لك اني محب زوجتي تصير كثيرة نوم..يلا قومي بلا كسل.. وصلحي لي فطور..
سارة بكسل:عندك خدم واجد متبي إلا انا اسوي لك...
فيصل:عندي زوجتي...واخلي الخدم يسون لي..يلاا قومي.. سارة وانا اقوم:زين احين بقوم..
فيصل وهو متنح من شكل سارة..وانا قاعده في الكنب ومغمضه عيوني..وفخذي كان باين مرررة..وأنا محسيت ان قميصي ارتفع... ورجعت جسمي للوراء...
فيصل نزل لمستواي وهمس في أذاني وبخبث:ان ماقمتي مراح يحصل لك خيرر...
سارة قمت على طول ووجهي احمرر..
فيصل ضحك ضحكه وترت سارة:هههههه هذا ألي ينفع معك..ويلا نزلي سوي لي فطور..
وقمت لبست شيء يغطيني..ونزلت تحت...نزلت على الدرج الذهبي المدموج بالبني...وشفت الخدم ألي ينظفون...سالتها:مراحب...وين المطبخ؟؟
رشا:اهلين مدام..المطبخ هونيك عند اول ممر"واشرت"... عرفت من لهجتها انها سوريا ولا أردنيه..ورحت توجهت للمطبخ..كان فخم مررة كان في نافذتين طويله يطل على الحديقة... والمطبخ كان ديكوره فرنسي على امريكي...فخم وعريق مرة...وفتحت البراد معرفت شو اعمل... وعملت فطور عادي..وحطيتهم في غرفة الطعام..كان ديكوره خيااال مرة.. لفت انتباهي على الباب الكبير الجزاز المطله على الحديقة والنور يخرج من الباب وصوت العصافير والعشب الاخضر والباب كان محاط باللون الابيض العريض ولها رسمه مميزة..الي عكس لون الغرفة واعطاها منظر كتير فنكي..لون الغرفة كان ابيض والاثاث باللون الاخضر العشبي ودرجاته والطاوله بيضاويه جزاز ومن القاعده باللون الابيض والكراسي باللون الابيض..وجذب ناظري الدولاب الفخم كنه حق الوسكي والشمبانيا وفيه كؤوس ذات القواعد الرفيعه..وكؤوس للحفلات... وناظرت للباب الي كنه نافذه كبيرررة..وانا اتأمل جمال المنظر..فيصل وهو يطالع فيني:عجبك..
سارة التفت:بصراحة أي يهبل مررة..انت الي مصمم هذا البيت؟؟ فيصل وهو يجلس بالكرسي:أي انا..
سارة تفاجئت من ذوقه الراقيه بالصراحة متوقعت انه هو الي صمم هذا القصر..فيصل هو ينظر للطاولة:وش هذا؟؟
سارة"يعني يستغبه ذه هو ووجهه":نعم!!..اي هذا الفطور..
فيصل:هذا فطور..وبعدين انا مفطر كذا..
سارة تخصرت:نعم..كيف اجل تفطر استاز فيصل..
فيصل يبي يغيضني:انا افطر بان كيك وكوفي ولا جوز اورنج..وخبز فرنسي وإيغز أيس وكورسان..
سارة بقق عيوني:كل ذه فطور..
فيصل:اجل مو فطورك..وشرب العصير وطلع وكلم الخادمة باللغة مافهمتا كنها اسبانيا ولا فرنسية..وفرحت كتير مابعرف شوو قال لها.. ورحت فوق ونمت..

بيت ابو مبارك...
سارة بنت مبارك مستغربه:كييف؟؟
عفراء:أي والله.. سمعت امي تتكلم مع عمتي الهنوف..
سارة:يعني كتبوا كتابهم امس وخذها من دون عرس..
عفراء:أي وسارة كانت راضيه واليوم بيرحون لامريكا..
سارة(انا اعلمك ياسارة الكلب...روحه بلا رده..)
عفراء:والله وصارت تروح لامريكا مو احنا مالت علينا ماطلعنا من الرياض...
سارة بخبث:متخافين راح نروح بإذن الله..
عفراء:إن شاء الله...
وفي الشركة..
فهد:معقوله يافيصل تجي اليوم..
فيصل:أنا ميعطلني شيء عن شغلي حتى زواجي...
فهد:حرام عليك يافيصل..طيب عشان ماتكسر خاطرها..
فيصل وهو يقلب بالملفات:والله كيفي..أنا بذوقها الويل..
فهد:طب ليه تعاملها كذا حرام عليك..
فيصل وهو يتحسس خذه:تصدق انها مدت يدها علي..
فهد قام من مكانه:عطتك كف!! متى؟؟
فيصل:من مدة قبل مااكتب كتابي عليها..
فهد:مصدق..
فيصل بحده:بعلمها كيف دروبها..
فهد:حرام عليك..غادة واجد تمدحها..
فيصل:اختي متعرفها عدل..ذي وحده.....وحده....
فهد فهم:استغفر الله العظيم..ليه تظلم البنت..وعلى أي اساس حكمت عليها انها بنت موزينه..
فيصل:سمعتها وهي تكلم صديقها مدري حبيبها..
فهد انصعق من كلامه:انت وش تقول..سارة مستحيل تسوي كذا..
فيصل وهو معصب:اقول لك سمعتها..حتى يوم حست بوجودي وجها انقلب وطاح الجوال في الارض..
فهد يتنهد:وغادة تدري..
فيصل:لا ماتدري..وانتبه لاتقول لها اهم شيء امنع اختي انها اتزورها...إلا اذ كنت تبيها تصير زي سارة ذه شيء ثاني...

يتبع...

15 - 11 - 2011, 09:46 AM

فهد معصب:لا إن شاء الله..ومدامك تعرف انها كذا ليه تزوجتها من البدايه..ليه تربط نفسك بزواج زي كذا...
فيصل:ابي اعذبها يافهد..
فهد:انت ليه حظك كذا..يعني حصة طماعه وخاينه وسارة بعد خاينه..
فيصل وهو يكتب:والله مش كل مجتهد له نصيب..
فهد يتمسخر:احلف عاد..طلقها وافتك منها..
فيصل:ههههه..لسه بدري ياحلاوة..ابي اعذبها بالاول واهينها بعدين اطلقها...
فهد:انت خطيرر مرة..
فيصل:هههههههه..
بيت ابو بندر...
وداد في التلفون وبدلع وغرور:ههههه...أنا اصلن مشترى إلا ماركة...
هيام منقهره من غرورها:أي واضح عليك(وفي نفسها..والله مو مبين عليك.. حتى خدامتنا تلبس احسن منك...مدري أي ماركه تشتري ذي..والله لبسها مافيه زود..بس فالحه تتمذرع علي)..
وداد:الصراحه متوقعت ان اخوك حاط عينه علي..
هيام(مدري على وش ياحظي..على جمالك ولا مركزك امحق..):حتى انا متوقعت كذا..
وداد:بس بلغي اخوك اني موافقه..
هيام متفاجئه:موافقه على اخوي..
وداد:أي وش فيك مستغربه..
هيام:هه...لا ولاشيء بس توقعتك راح ترفضينه(والله حظك شين يامنصور..هو تقدم لك كذا بس متوقع انك راح توافقين عليه لان عارف انك ام التمذرع)<<<<ام التمذرع..يعني ام التفخفخ..يعني تسوي نفسها.....
وداد:انا في البدايه كنت رافضه بس احين وافقت يوم فكرت زين..
هيام(اشينها من ساعة):موفقه ان شاء الله...يلا حبيبتي امي تنادي ابي اروح لها..
وداد:خلااص اكلمك بعدين...
وراحت عند اخوها بندر...
وداد بغرور:بندر...أنا وافقت على منصور..
بندر مو مصدق:كييف؟؟
وداد:اقول لك اني انا وافقت على اني اتزوج منصور وبلغ ابوي بموافقتي..وطلعت ولاعطت فرصه لاخوها...
بيت ام فيصل...
غادة:ماشفتيها ولا...
ام فيصل:لاوالله ماشفتها...هو قال لي اشوفها لرجعوا من امريكا...
غادة:اها...خاطري اكلمها..
ام فيصل:يمكن نايمه احين..
غادة:انا بدق واشوف...غادة وهي تدق على سارة..
سارة بهمس:الو..
غادة:سوري وقضتك من النوم..
سارة ميزت صوتها وقمت من السرير:هلا غادة..اخبارك؟؟
غادة:زينه وانتي فديتك؟؟
سارة:منيحه نشكر الله...اخبار امي؟؟
غادة:شوو صرتي سوريا..ههههه..هي زينه ولله الحمد...
سارة:انا اتكلم كذا...وينها هي يمك ولا؟
غادة:أي لحظه...يمه خذي تبي تكلمك...
ام فيصل وهي تاخذ السماعه من غادة وبصوت كلا شوق:هلاا ببنتي سارة..اخبارك يمه؟؟
سارة:هلابيك يمه..طيبه طاب حالك..انتي اخبارك يمه؟؟
ام فيصل:الحمدلله يابنتي عايشين...اخبار فيصل معك؟؟
سارة(وش اقول لك يايمه معيشني كني في سجن..وكلا ضرب فيني):الحمدلله يمه..معيشني كني اميرة..مايبيني اتحرك كني برنسيسه..."وبصوت باكي"..احس اني مستاهل هذا الدلع...
ام فيصل حست انها تكذب:انتي تتكلمين من جد ياسارة...
سارة:أي يايمه..وهو واجد يحبني حتى اول مدخلت بيته قال لي انه يحبني ويعزني مرة...واني انا في عيونه..
ام فيصل مو مصدقه:طب ليه انتي تبكين؟؟
سارة بصوت حزين مافات على ام فيصل:اخاف مقدر اسعده... اخاف اقصر معاه...
ام فيصل:ليه تقولين كذا يابنتي...انا متأكده انك راح تسعدينه وراح تملين عينه..
سارة(املي عيونه قال):ان شاء الله..يلا يمه اكلمك بعدين عندي انتظار..
سارة بصوت ناعم:الو..
فيصل(ياربي البنت ذي بتشلني غصب مع نعومتها):الو..ابيك تجهزي اغراضك بسرعة بعد ساعتين بنسافر..اوكي..
سارة:تيب...انـ.....وسكر السماعة في وجها..انقهرت من حركته مغرور وشايف نفسه... ورحت لغرفه الملابس وفتحت حقيبه كبيرة..ودخلت الملابس ألي ابيهم كلهم كانوا كاشفين..وخذت الاستر فيهم ودخلته..مع ان الملابس بالنسبه لي ذه خالع مررة بس ذه استر شيء شفته...وحسيت بشيء ورحت الحمام"كرمكم الله" سارة:يووه تواها جايه علي..بس عادي اهم شيء انه مالمسني...ورن جوالي وكان الرقم غريب مارديت عليه وضل يدق وبعدين قلت برد..وبهمس:الو..
:هلا بقلبي وحبي...
سارة:بغيت شيء اخوي؟؟
:ابيك انتي..ياسارة..
سارة:نعم!! انت تعرفني يااخ؟؟
:أي اعرفك زين ياسارة...
سارة بخوف:من انت؟؟
:انا حبيب قلبك...ماعرفتيني..
سارة:لا معرفتك..
:افا متعرفين قلبك..
سارة:شف ان ماتكلمت مثل الناس بسكر السماعة في وجهك..
:قبل كل شيء مبروك على الزواج ياعيوني انتي..
سارة كيف عرف اني توني متزوج:ابي اعرف من انت؟؟
:بس انا زعلان انك تزوجتي واحد غيري..انا ابيك انتي وبس ياسارة...لي انا وبس

يتبع....

15 - 11 - 2011, 09:47 AM

سارة بعصبيه:وانا ماابيك ياجليل الحيا..
:تؤتؤتؤ..ليه كل ذي العصبيه...
ودخل فيصل الغرفة وانا محسيت فيه..سارة بعصبيه:منك...
:لا حبيبتي سارة زعلانه مني..
سارة:جعل يحبك الموت..قول امين..واخذ فيصل الجوال مني..
:بس انا احبك ياسارة..احبك وامووت فيك...
فيصل:......................
:بنتظرك لين ماتطلقين من فيصل ونتزوج ياقبلي انتي...
وسكر فيصل السماعة والشرار طالع من عيونه:مين ذه بعد؟؟
سارة بتوتر:هو...اقصد...
ومسك يدي بقوة حسيت انه بيشلعها:اكييد..ذه مو سلطان واحد ثاني صح؟؟
سارة بالم:وخر عني يافيصل انت تعورني...
فيصل بحده:يعني هو مو سلطان ولاجاسم..
سارة مو مستوعبه:لا والله انا.....
قاطعني بعصبيه:وتحلفين بعد..
سارة بصوت باكي:لا مو قصدي كذا..انا معرف سلطان ولا غيره...وعطاني كف على وجهي..
فيصل:بعد لك العين تقولين اسمه قدامي..صدق انك ماتستحين..بس الوعد مو احين الوعد لسافرنا
سارة بصوت باكي:ماابي اروح..روح انت لحالك...
فيصل:طبعا عشان يخلى لك الوقت مع عشاقك..
سارة وانا منصدمه:عشااقي...احترم نفسك يافيصل..
فيصل:انا محترم نفسي قبل ماأشوفك..كنت ناوي اني مااوديك بس احين انا مصر انك تروحين..ويلاا اشوف قدامي..يلااا..
خفت من صراخه ورحت غيرت لبسي على طول لبست بنطلون جنز بلاك مع بلوزه رماديه شتويه لان الجوء كان بارد شوي، وماحطيت مكياج ابد..كان شكلي طفوولي مرة..

وفتحت شعري..وخدوي وانفي احمروا من البكى ومن الكف..ولبست صندالي الرمادي... ولبست عباتي وركبت السيارة ولاتكلمت بكلمه وحده وركبت الطيارة الخاصه بالمليادرير بتاعت فيصل...ومشت الطيار وانا خايفة ومغمضه عيوني ومن دون مااحس مسكت بيد فيصل وشديت عليها.. فيصل وهو يشيل يده بقرف:وخرري يدك عني لاتلوثيني... ويلا افسخي عباتك...
استغربت من كلمته(لاتلوثيني...لهدرجه تكرهني يافيصل عشان تقول لي كلام مو زين...وش ع بالك انا...) ورحت فسخت عباتي وحطيتها في الشنطة وقعت..فيصل متنح فيني(شكلها طفولي..تجنن والله.. وش فيه انفها وخدها احمر كذا..كل ذه من البكى والكف الي عطيته لها شكله قوي بس تستاهل..) وبعد كم ساعة وصلنا..سارة وانا مستغربه:ذي مو امريكا ذي.....
فيصل:فرنسا...
سارة:بس انت قلت بنروح امريكا...
فيصل:والله بكيفي امريكا فرنسا لندن..انتي مالك شغل...
ونزلت من الطيارة والبودي غارد كانوا يمشون ورانه..سحرني جمال فرنسا..وكان الجو مو بارد زي الرياض كان هنا معتدل...رحنا الفندق جذبني تصميم الفندق كان ديكوره كتير فنكي..انيق يوحي بالسكينه والاستقرار...ودخلنا في الجناح الي مكون من غرفة نوم وحمام المصمم باتقان باللون البني الفاخر والبيج والذهبي..وحطوا البودي غادر الحقائب وطلعوا...وراح فيصل للحمام"كرمكم الله"وخذ دوش سريع..وطلع من الحمام..استحيت من منظره كان لاف المنشفه في خصره وكان عاري الصدر..مكنت ادري ان جسمه رياضي..وعطيته ظهري..فيصل وهو ينشف شعره بالمنشفه:متبين تستحمين...
اكلمه وانا معطته ظهري:بلا بستحم...
فيصل وهو يقرب مني:يلا اجل روحي لاتعطليني..وش فيك منزله عيونك تحت...لاتسوين نفسك عفيفه...يعني انتي ماشفتي سلطان ولاغيره وهو....
قاطعته وانا واقفه وحاطه عيني بعينه:احترم نفسك يا..... مدري وش جاني من شفت عينه مقدرت اكمل...غصت في عيونه العسليه المليئه بالقسوة شفت سحر عيونه...وأفقت من حلمي وتاملي بفيصل ونزلت عيوني لصدره البرونزي...
فيصل:كملي وش فيك سكتي..لان معندك كلام تقولين ولان كلامي صح...
وانا عيوني تحت:لامو صح.."وجيت بوخر عنه بس هو وقف في وجهي" وخر عن طريقي....
فيصل(وفي نفسه تجذبني خدودها الحمراء...يجذبني وجها الناعم وانفها الاحمر لبكت...ودي ابوس خدها والمها في صدري):لا ماني موخر..نطي فوق السرير...
سارة بقهر:اف منك..وركبت فوق السرير ورحت الحمام"كرمك الله".. وخذت دوش...
فيصل وهو يطق باب الحمام:ان تاخرتي بطلع من دونك..سامعه... واسرعت في السباحه وطلعت وانا لافه المنشفه بجسمي..وماشفته موجود يعني نزل وتركني هنا وسرحت شعري وسويته ذيل حصان ولبست تنورة ورديه قصيره مع بدي ابيض وبوت وردي نفس لون تنورتي...وحطيت مكياج ناعم وسنبل... كان شكلي مررة ناعم وفنكي وبعد تفكير قلت بفتح شعري احسن مشان يستر ذراعي...

وطلعت من الغرفة...ولقيت البودي غارد واقف... وقال لي:السيد بأنتظارك تحت<<<<إذا كتبت لكم بالفصحى يعني هو يتكلم بنجليزي..
سارة:حسنا... ونزلت تحت وماشفته:وين يعني بالضبط تحت..انا غبيه لاني ماسالته وين؟؟ احين وينه هو... وطلعت من الفندق وانا اتلفت يمين ويسار بس ماشفته..واغراني جو فرنسا ومشيت بخطوات واثقه والتفت لواحد كان يخاطبني بالفرنسيه: Bonjour à tou..
ورديت عليه بالانجليزيه:عفوا انا لا أتكلم الفرنسيه...
الرجل تكلم الانجليزيه:مرحبا..أنا ادعى ستيفن..ومد يده ليصافحني..
سارة ابتسمت ولا مديت يدي لانه رجل غريب:وانا سارة...تشرفت بك ستيفن...
ستيفن نزل يده:هل انتي من هنا..
سارة:لا انا لست من هنا... اتيت مع زوجي إلى هنا لديه عمل في فرنسا..
ستيفن استغرب:أنتي متزوجة..
سارة ابتسمت له:نعم..لايبدوا علي صحيح...
ستيفن:يالهي انتي 16 ومتزوجه منذ متى وانتي متزوجه...
سارة:ههههه لا انا في 19،هذا يومي الثاني من زواجي...
ستيفن:لايبدوا عليك انك في 19 يبدوا انك اصغر من ذلك بكثير...لازلت لست مصدقا بأنك متزوجه...
سارة بدلع عفوي:ههههه...لا بل صدق..
ستيفن:انه محضوض بكي...
استحيت من كلامه:................
ستيفن كمل:فأنتي فتاة اوه المعذره اقصد امراءه جميله وفاتنه في نفس الوقت...
استحيت من نظارته ومدحه لي:اشكرك...
ستيفن:هل اخذك عن حب أم ماذا؟؟
سارة(لا وانت الصادق اخذني عشان يبي يعذبني):لا...نحن لانعرف بعضنا البعض جيدا...
ستيفن:لم افهمك..إذ لم تعرفن بعضكم البعض لماذا كان عليكم الزواج..يجب ان تتزوجوا وانتم على حب او على الاقل..تعرفون بعضكم البعض جيدا..
سارة:نحن لسنا مثلكم..
ستيفن:مارئيك بوجبة فرنسيه على ذوقي...
سارة ابتسمت:حسنا كما تشاء...
ورحت معه للمطعم الفرنسي وطلب لي ستيفن طبق روستو بالخضار وطلب بعد دجاج محشي بالفيتا..
ستيفن:مارئيك فيه..أليس لذيذا...
سارة وانا اكل:امممم...لذيذ جدا..
سيتفن:بالهناء والشفاء..."وسكتنا شوي وبعدين قال لي" سارة من اين انتي؟؟
سارة:من السعودية...
ستيفن:وهل فتيات السعودية جميلات مثلكي..

يتبع....

15 - 11 - 2011, 09:49 AM

سارة:هههههه..ليس الكل.."ورن جوالي"المعذره..سارة:نعم فيصل...
فيصل وهو معصب:وينك انتي؟؟
سارة:قصر حسك فضحتنا...أنا في المطعم..
فيصل مستغرب:في المطعم..اي مطعم؟؟
سارة وهي تقرا:مطعم..........
فيصل:خلك هنا راح اجيك..
سارة:اوكي..
وكملت اكلي...
ستيفن:هل كان زوجك...
سارة:نعم...يقول بأنه قادم إلى هنا..
ستيفن:اها...سارة..
سارة:ماذا..
ستيفن:هل انتي تحبين زوجك؟؟
سارة"امووت فيه مو احبه وبس":انا احبه كثيرا كثيرا...
ستيفن وهو يمسك يدي:يعني ليس لديك المجال لحبي..
سارة توترت من مكسه ايده:ماذا..
ستيفن:انا امزح معك لاغيرر..
سارة:اوه نعم..ههههه "وجاء فيصل وماحسيت فيه لانه كان وراي"
ستيفن:انتي تزدادين جمالا كلما ضحكتي..
سارة بخجل: كفى...ستيفن انت تبالغ كثيرا...
فيصل(بل ذي معندها وقت على طول تعرفت لها على واحد وصار صديقها)فيصل وهو يسحبني من يدي:وش تسوين مع ذه...
سارة وبهدوء:نزل يدك حنا يم الرجال..لاتفضحنا وتصارخ..
فيصل وهو يصر بأسنانه ويشد على يدي:الوعد مو احين الوعد في الفندق...وهو يسحبني من يدي لكن انا وقفته..ورحت عند ستيفن:شكرا لك سيفن..
ستيفن وهو واقف:هل سوفى نلتقي مرة اخرى...
فيصل والشرار تطلع من عيونه:جعل يشوفك المووت..
ستيفن:لم افهم ماذا يقول..
سارة حبيت اقهر فيصل:نعم بطبع في أي وقت...
فيصل والغيرة واضحه عليه:نعم...نعم..لا ياست سارة ماحزرتي منتي شايفته لانك بكل بساطه مراح تطلعين من الفندق ويلا قدامي... وسحبني من يدي بقوه ودخلني في السيارة...
فيصل وهو معصب:وانتي ابد ماعندك وقت على طول صادقتي واحد..
سارة بهدوء:هو طلب التعرف علي..
فيصل:ياسلاام عليك والله...
سارة حبيت اغيظه زود:استحيت ارفض واقول له اسفه مقدر عشان السيد فيصل رفض اني اكلم حد او اصادق حد...
فيصل والشرار طالع من عيونه:انتي وحده قليله الادب....مقال لك البودي غارد اني انا انتظرك تحت...
سارة:أي هو قال لي بس دورتك ومالقيتك..
فيصل وهو يوقف السيارة:حتى لو ماشفتيني انتظريني لاني انا قلت لك..وان تعبتي من الانتظار رجعي ودخلي الفندق..ونزل ونزلت معاه..
سارة:ابي اعرف انت ليه معصب؟؟
فيصل(انا عن نفسي ماأدري ليه انا معصب...يوم شفتك مع الكلب ستيفن مدري وش صار لي):لاني..لاني..
قاطعته:لانك غرت علي مثلا...
فيصل باندفاع:في احلامك ياسارة انا مستحيل اغار عليك انتي...قال اغار قال...
كلامه طعني بس سويت نفسي كني مو مهتمه له وسكتنا شوي وبعدين تكلمت:البحر حلوو ما...
فيصل وهو يتلفت:أي حلوو مررة...وانا اتأمل في ملامح وجهه..عيونه الحاده..وانفه الطويل كنه سلت سيف..وشفايفه المحدده بسكسوكته..والتفت لي وطاحت عيني بعينه وبسرعة وخرت عيني خفت يشوف الحب ألي فعيني...خفت... وهو يقاطع تفكيري:راح نقعد هنا بس كم يوم على حسب شغلي متى يخلص...
سارة حمدت ربي انه مكشفني:اها...
ومرت نسمه هواء وطيرت شعري وطارت خصلات شعري في وجه فيصل..ألي شد انتباهه ريحه عطري الفرنسي وماقدر يقاومني...وحطيت يدي على كتفي..فيصل:بردتي..
سارة:شووي.. وفسخ جكيته ولبسني اياه..
سارة وانا افسخه:اخذه بعدين تبرد...
فيصل وهو يردني ويلبسني اياه مرة ثانيه:لا عادي..الجو مو بارد مرة..وابتسم بسمه اسرت قلبي..ونزلت عيني بسرعة..وطارت كم خصله من شعري في وجهي..فيصل بلمسه رجفتني واسرتني وخر الخصلات ألي في وجهي بيده البرونزيه ومسح بشعري بنعومه...فيصل بحبور اثلج قلبي:كذا احسن..
سارة وانا ابتسم بخجل من حركته:أي... وطاحت خصله وحده من شعري في وجهي ونفختها بفمي..
وفيصل يطالع فيني(كنها طفلة..اسرت قلبي..ليه ياقلبي تخليني انجذب لها؟؟ ودي ألمها في صدري بقووة ولااتركها..اغار عليها من نسمه الهواء لجات تمر بجسدها..ليه ياهواء تحضنها؟؟ماابي حد يخضنها غيري) فيصل بهدوء:يلا نتدخل لاتبردين علينا...
سارة بضحكه اسرت فيصل:هههههه..ياخوفي انت مو انا...
فيصل (وبشوق يقول في نفسه ووددددي المهااا في صدررري بقووة..ياربي لاتخليني اتهور وألمها...)
سارة وقفت مقابله فيصل:يلا تركض ونشوف من يوصل قبل..
فيصل بتحدي:انا راح افوز عليك اكييد..
سارة:لا انا سريعة في الركض وتشوف..يلا مستعد...انطلاق...وركضت بأسرع سرعة عندي بس هو سبقني حاولت اجاريه بس مقدرت سارة"ياربي ذه سريع مره":آآه رجلي.. فيصل التفت بخوف:وش فيك؟؟
سارة وانا ادعي الالم:أأي ألتواء كاحلي..
فيصل وهو يحرك رجلي:يعورك كذا...
سارة بصارخ:آآآه يعورني.
فيصل بخوف:لحظه بجي بسرعة..وراح وركضت بسرعة يم الفندق وصاررخت:فزززت..ماقلت لك...
فيصل التفت مستغرب:انتي...مو....رجلك.....انا اوريك...وركض لي بسرعة...
سارة وانا اشوفه من بعيد وبخوف:وي وش بيسوي ذه...وحاولت اهج منه بس هو كان اسرع مني..وبحركه سريعة مسكني من يدي ولفني عند وجهه..
فيصل وهو يتنفس بسرعة:انا....اوريك بعد.....تكذبين..
وانا نفسي انقطع: مو قلت لك اني انا ألي راح اجاريك..وقربت من وجهه وانا امد لساني:ههههه انا اسرع..انا اسرع...اسرع منك انت...وابتسمت..
فيصل(ماابي اضعف..مابي اضعف....انا متهور متهور)وبحركه سريعه نزل لمستواي وباسني في شفتي..وانا فاتحه عيوني مو مستوعبه الحركه ألي سوها...وبعدين غمضت عيوني من دون ماأقاومه..وهو يقربني اكثر منه ونزل يدينه عند خصر وقربني اكثر منه وهو يتعمق بشفتي..وانا مقدرت اسوي شيء احس اني ذبت..ذبت من حرارة قبلته...وبعد كم دقايق بعد عني..
فيصل:هذا عقاب لك لانك خدعتيني؟؟
سارة:.................
ومشى يمي وراح دخل الفندق وانا متكلمت بحرف واحد...
سارة(ليه مقدرت اقاومه والله احرراج.. وش بيقول عني احين...بيقول استسلمت لي بسررعة..يووه احرررراج مدري وش اقول احين له..)ودخلت وراه
فيصل بغرور:لهدرجه كنت ساحر وفتان لدرجه انك ماقدرتي تقاوميني ولا شوي...
سارة معرفت وش اقول له بس هذا ألي طلع مني..ووجهي احمر:نعم..كلما هناك اني انا تفاجئت من حركتك...ومكنت مستوعبه من الصدمه...
فيصل وهو يطالع فيني:تمينا نبوس بعض اكثر من 4 دقايق..وكل ذه مستوعبتي..
وجع بعد حافظهم..احرررااج ياربي احس اني بمووت من الاحرراج...وجيت برد عليه إلا رن جوالي وحمدت ربي انه رن وبسرعة رديت من دون مشوف الرقم..سارة باندفاع:الو..
:هلااا بقلبي..

...............................

15 - 11 - 2011, 09:50 AM

البارت الرابع عشر....
فيصل وهو يطالع فيني:تمينا نبوس بعض اكثر من 4 دقايق..وكل ذه مستوعبتي..
وجع بعد حافظهم..احرااج ياربي احس اني بمووت من الاحرراج...وجيت برد عليه إلا رن جوالي وحمدت ربي انه رن وبسرعة رديت من دون مشوف الرقم..سارة باندفاع:الو..
:هلااا بقلبي..

سارة تغيرت ملامح وجهي:لحظه ياعبير..
:هههههه عبير يمك فيصل صح...
فيصل ألي حس ان وجه سارة تغير..
سارة وهي تكلم فيصل:عن اذنك فيصل بطلع بكلم عبير بره مراح اتأخر... وطلعت..
فيصل(ليه تغير وجها..ليكون تكلم.....) وطلع وراي...
سارة بصوت واطي:انت وبعدين معاك..
:ياقلبي مو قصدي اضايقك بس حبيت اسمع صوتك..
سارة بعصبيه:ان دقيت علي والله....
قاطعني:ياقلبي انتي..وش فيك معصبه..
فيصل والشرار طالع من عيونه(من تكلم ذي بعد...)
سارة بهدوء:انت وش اسمك؟؟
:انا اسمي صالح..
سارة:اسمعني يااخ صالح..انا مادري من وازك علي..بس كيف انت تعرف اسمي؟؟
صالح:اعرفه وبس...
فيصل(بعد صالح...ومن الرابع بعد ياسارة ليه انتي كذا ليه؟؟)
سارة بعصبيه:انت واحد فاضي وقليل الادب ودق على الرقم ذه وتشوف شيء عمرك ماشفته...وسكرت الجوال ورحت للغرفة وفيصل بسرعة دخل الغرفة قبل مااجي واكتشفه... ودخلت الغرفة ورحت الحمام"كرمكم الله" ولبست قميصي النوم كان كاشف من الصدر ومفتوح عند الجوانب بخيوط ويوصل طوله لنص الفخذ عاري الاكمام ولونه ابيض...حسيت اني مكني لابسه شيء... وطلعت من الحمام وشفته يخلع قميصه..احمريت خجلا ودخلت الحمام مرة ثانيه..وانتظرته يلبس قميصه...وطلعت من الحمام وفيصل يطالع فيني بقووة..
فيصل وهو ينسدح في السرير:يعني تبين تغريني...
سارة وانا خلااص بموت من الاحراج:والله ذول موحقيني...انا لقيتهم في الدولاب واغراضي ملقيتهم...
فيصل:أنا قلت لهم لايدخلونهم في البيت..
سارة تخصرت:نعم!!! وليه إن شاء الله...
فيصل:بكيفي..متى محبيت ادخلهم بدخلهم...انا مو فاضي لك احين ابي انام..وسكر عيونه...
سارة(هذا ألي فالح فيه بس شاطر يقاطعني ولايسكتني)ورحت انسدحت في الكنبه وتلحفت..

وفي الرياض..بيت ابوعبدالله...
سارة بنت مبارك في التلفون:زين الي سويته...وكلما اجتهدت راح ازيدك..
صالح:اعجبك انا..إلا ماقلتي لي ليه تسوي معها كذا اقصد...
قاطعته:مالك شغل..أنت بس سو ألي عليك...
صالح:اوكي..وسكر
صالح(في نفسه..صوتها خيال مرة وشكلها معندها هالسوالف،ليه تسوين معها كذا ابي افهم وش مصلحتك...ليه تتعسين حياه بنت عمتك..ليه؟؟؟)
سارة بخبث:أنا اوريك ياسارة والله ان ماخليت فيصل يشك فيك ويطلقك ويضربك مكون انا سارة بنت مبارك الـ......
بيت ابو جاسم...
صيته:متى انا راح اتزوج وافتك منك يافطيم...
فاطمه:لاتخافين منتي مفتكه مني..
نوف:ودي اكلم سارة بس..لين ماترجع من شهر عسلها...
فاطمه:كم يوم راح تجلس في امريكا؟؟
نوف:والله مدري..بس شكلها مستانسه مع فيصل..
صيته بضحكه:هههههه تلقين مو مصدق ان ذي زوجته...
فاطمه:ههههه أي والله تلقينه كل يوم ....."وغمزت لهم"..
نوف:ههههههه..اتوقع..
ام جاسم وهي داخله: وش فيكم تضحون...ضحكوني معاكم..
البنات وقفوا من الضحك وقالوا يغيرون الموضوع احسن مشان امهم ماتعصب وتقوم القيامه...

يتبع...

15 - 11 - 2011, 09:51 AM

صيته بتردد:ابد يمه بس قاعدين نتخيل وين راح تقضي نوف شهر عسلها...
ام جاسم:الموضوع مايضحك..صدق انكم مهبل..الحمدلله والشكر..
بيت ابو منصور..
هيام بدون نفس:مبروك يامنصور..
منصور مستغرب:على ايش!!
هيام وهي تجلس يم ابوها:على موافقه بنت عمتي وداد..
ام منصور منصعقه:كييف!! أنا ماأبي زوجه مثل وداد لولدي...
ابو منصور:وي..ليه ياام منصور؟؟وش فيها وداد..
ام منصور:مغرورة حيل..
هيام:أي والله يبه شايفه نفسها حبتين مدري على وش...
ابو منصور:اصلن انا مكنت متوقع انها راح توافق... قلت خلي يتقدم لها كذا عشان ميشلون بخاطرهم علينا ويقولون ليه مجاوا يتقدمون لبنتنا واحنا اهل...
ام منصور:شالوا ولا مشالوا مو شغلي..بس انا ماابي ازوج ولدي لهاذي المغرورة..والله ان تخليه على الحديده وتشوفون..
ابو منصور:بس ياام منصور صعبه اقول لهم احنا تقدمنا لبنتك بس كذا..وتوقعنا انكم متوافقون...
ام منصور تتنهد:عليه العووض على قوله المصريين..
منصور:متخافون انا بروضها لكم..
الكل:ههههههههه
ابو منصور:اخاف العكس..
منصور:بتشوفون..ان مخليتها تمشي سيدا مكون انا منصور..
هيام:انا اشهد..طالم فيه منصور خلاص..
بيت فهد وغادة...
غادة:والله مشتاقه لسارة مررة..
فهد(مدري كيف اقوولك ياغادة..كيف؟؟):حبيبتي انا ماابيك تكلمين سارة..
غادة مافهمت:كيفف؟؟
فهد:يعني ماابيك تكلمينها ولا تكون عندك علاقه بينك وبينها
غادة:وي ليه؟؟
فهد:بس..
غادة:لا والله..طيب قول لي سبب واحد يقنعني اني مكلم سارة..
فهد:...............
غادة:والله سارة بنت طيبه مرة..
فهد:بس كذا انا مبيك تكلمينها ولاتكون علاقة فيها...
غادة شكت:اكييد فيصل هو الي قال لك..صح..
فهد يرقع لها:هه...لا من قال لك..
غادة:اجل ليه سبب اصرارك اني مكلمها ولاتكون علاقه فيها..
فهد:مو شغلك..ويويلك ان دقيتي عليها ولاسمعت انك على علاقه فيها..سامعه..
غادة بأصرار:طب ليه؟؟
فهد معصب:وش قلت لك انا...
غادة خافت:تيب..مراح اكلمها..
فهد:أي..خلك كذا..
غادة(في نفسها..أول مرة يكلمني فهد كذا...وليه يصر علي اني مكلم سارة..مع انه قبل كان يقول لي خلي اخوك يتزوجها غصب حتى لو هي مو موافقه...ليكون يمزح معاي..)
وفي فرنسا...في الفندق..
صحيت من النوم9:10 وماشفت فيصل في السرير..وخذت دش سريع وسيحت شعري وحطيت مكياج ناعم مرة...لبست فستان قصير لنصف الفخذ بلون البني والبيج بدون اكمام ولبست عليه اسواره بلون البيج والبني..وصندل عالي بني..وسيحت شعري وفرته على كتفي وماحطيت مكياج..بس حطيت غلوس وكحل..

كان شكلي مثير مرة..حسيت نفسي عارية لان لبسي كان يوصل لنصف الفخذ او اقل شوي واخذت شنطتي البنيه من ديور وحطيت فيها روج وجوالي ولوشن وكاميرا و اشياء اخر احتاجها...وطلعت من الغرفة وكان البودي غارد وافق كالعادة..سارة:إذا سأل عني السيد فيصل..فقل له اني خرجت لبعض الوقت..
البودي غارد:كما تشائيين سيدتي...
وطلعت من الفندق ورحت امشي... والشباب وراي يصفرون ويقولون كلام مافهمه كلام فرنسي...وشفت مقهى شكله كان حلوو...ودخلته والشباب دخلوا معي بعد...
القرسون: Bonjour à tous..
قاطعته:المعذرة انا لاأتحدث الفرنسية..
القرسون:المعذره..صباح الخير...ماذا تحبي ان تتناولين في الافطار...

يتبع....

15 - 11 - 2011, 09:52 AM

سارة وهي تفكر:اممممم...في الواقع انا لاجيد الكلام ولا القرائه الفرنسيه..لذلك انا لست محتاجه للمنيم...هلا اخضرت لي فطور فرنسي من ذوقك..
القرسون ابتسم:بطبع...المعذره..
ورن جوالي"فيصل".سارة:يالله صباح خيرر... ورديت على السماعه:نعم..
فيصل:ونعامه ترفسك..وينك انتي؟؟
سارة:افطر في احد المقاهي..
فيصل:وليه ماطلبتيه وانتي في الفندق...
سارة:معرفت كيف؟؟
فيصل بحده:ليكون مع الكلب ستيفن..
ساره"هذا ألي ذابحك"وبرود:لا..
فيصل:طيب وين انتي؟؟
سارة بفرحه:بتجي تفطر معاي..
فيصل:أي متبين..
سارة(لا بالعكس والله كان ودي نفطر في المقهى):لا عادي..انا في المقهى.......
فيصل:خلاص..سلام.
سارة وانا انادي القرسون:لوسمحت..
جاء القرسون:هناك شيء اخر..
سارة ابتسمت:نعم..صديقي سوفى يأتي هلا عملت حسابه..
القرسون:حسنا...
سارة(خخخخ حلوة صديقي) وطلعت مرآيتي ورتبت شكلي..والشباب يصارخون وحالتهم حاله..وجاء فيصل وكان شكله رهيب مرة لابس بنطلون جنزل مع جكيت بلاك ونظارة شمسية ومرجع شعره لوراء...ووقفت وبسته على خذه...وفيصل مستغرب من حركتي..سارة وانا اقعد في الكرسي وبدلع خقق فيصل:بنجور ماي لوف... فيصل مستغرب:بنجور...ماي لوف!!!..وش عندك..
سارة وانا امسك يد فيصل وابتسم:بتعرف ليه لما تشوف وراك..
فيصل التفت ووخرت يدي منه...بس هو شد على يدي وسحبني يمه وهو يمسك في ايدي ويقلب فيها وش وي واصير في حضنه من قربه مني..وباسني في خدي وعنقي..وجاء القرسون..واستحيت حيل يوم شافنا القرسون..وحاولت اوخر من فيصل لكن هو يشد علي..سارة وخدودي وردوا من الحيا:فيصل وش قاعد تسوي... فيصل وهو يعض اذاني بنعومه وبهمس:عشان يدرون ان عندك حبيب...
سارة جاتني قشعريرة من حركته:فيصل خلااص..لاتبالغ شكلهم دروا...خلااص...
فيصل(والله ولقيت حجه..من زمان ودي ابوسك..ريحتها العطره تخليني موخر عنها واتهور..)ويده على خصري ابي اوخره بس مو قادره هو اقوى من ويثبتني عدل في الكرسي..فيصل:لقميني...
سارة:ياسلام..عندك يدين تاكل منهم..
فيصل يقرصني من خصري وبحده:قلت لك لقميني بسرعه..
سارة:آآآي.. واخذت جزء من الكورسان وحطيته في فمه..
فيصل وهو ياكل:عشان تتعلمين..يلا الثانيه...
سارة وانا بمووت من الخجل كان نصف ألي في المقهى يطالعون فينا وبهمس:فيصل خلاص بلقمك بس وخر عني شووي...
فيصل وهو يمرر بيده على خصري ارتجفت من لمساته الدافئه:يلا لقميني...
سارة بترجي:تكفى فيصل وخر والله بلقمك بس وخرر فضحتنا..
وفيصل وخر عني بالمووت..فيصل بحده:يلاا لقميني انتي حلفتي... ولقمته عن حلفي..وشرب كوفي وهو يمد لي:خذي الكوفي حقي...
سارة:لا شكرا عندي...
فيصل بحده:خذيه...
سارة:قلت لك عندي..مايحتاج..وبعدين انا محب اشرب من كاسك..
فيصل: مكنت راح اجبرك عشان تأخذينه ...بس احين شربي وراي يلا... وهو يمد الكوفي يبيني اشرب ويلزم علي ولا بعد دور الكاس على الجهه ألي شرب فيها
فيصل:انا شرب هنا...سارة"حتى فذا يتحكم ويتشرط.." بحيا خذت رشفه صغيرة:بس خلاص..
فيصل:عناد لك منتي طالع إلا لما تشربينه...كله..
سارة:نعم!! اكيد تمزح..
فيصل:لا ماامزح..ويلا شربيه...يلاا ...وخذ رشفه
وعطاني الكوفي اشربه.. سارة(مدري ليه يسوي كذا..كل ذه عشان يبين لشباب ألي يلاحقوني ان عندي حبيب...ليه تسوي كذا يافيصل معقوله....معقوله غرت علي...ياريت ظني صحيح يافيصل.. مع اني متوقع انه يغار علي يمكن كما قال عشان يبين لهم ان عندي حبيب ويرحون عني..)سارة:خلصته... فيصل وهو يطالع فنجان الكوفي:حتى الرغوة اشربيها... سارة:يووه ملازم... فيصل بحده:إذ ماشربتيه مافي طلعه من هنا...
وخذت فنجان الكوفي وشربت الرغوة...

يتبع....

15 - 11 - 2011, 09:52 AM

سارة بسخريه:خلااص كذا ولا اكل الفنجان بعد..
فيصل وهو يفكر:اممم...والله فكره حلوة يلا اكلي الفنجان..
سارة بققت عيني:نعم!!!
فيصل:ههههههه...امزح..يلا قومي..
اسر قلبي بضحكته سارة( وفي نفسي والله ضحكته مووووت فديته هو مع ضحكته...احبك...احبك مووت يافيصل..والله احبك)...ووقفت وخذت شنطتي ومسك يدي ومشينا مع بعض...ودخل اصابعه في اصابعي ووجهي حمررر..
فيصل يطالع فيني:وش فيه وجهك احمرر..
سارة توهقت:هه...مدري..
فيصل(ياعمرري عليها تستحي...فديت خدودها الحمر) وهو يتفحصني بنظره:ميلامون ان لحقوك...أنا ألوم الي يلومهم...
سارة استحيت من نظرته:كييف؟؟
فيصل:لابسه قصيرر مرررة حتى انه طلع مفاتنك...واي حد يبرغب فيك..
ساره بصوت قريب للهمس:حتى انت..
فيصل:مسمع..
سارة:اقصد وش اسوي هذا استر لبس شفته وخذته..
فيصل:استر لبس اجل اخلع لبس كييف...
سارة:...............
فيصل:تعالي نروح الشوبينغ..
سارة فرحت وبحمااس:الشوبينغ معك انت...
فيصل وهو يطالع فيني:.................
سارة وانا اسوي نفسي ماابيه يروح معاي:الشوبينغ معك انت..ابي اروح بلحالي..بلحالي احسن يافيصل...
فيصل وبحده:بتروحين معاي غصبن عليك...يلاا اشوف قدامي...
سارة(الله مو مصدقه راح اتسوق معاك يافيصل..يابختي)...ورحنا سوق كبير مررة الديكور بتاعه وتناغم الالوان شكل السوق ماركه ومو أي ماركه...وقعد يختار لي ملابس على كيفه ونصهم خالعين..والبعض ساتر لفت ناظري على بنطلون قمه في الروعه كان مصمم بأتقان... وسحبني من يدي فيصل:انتي وين تروحين؟؟ سارة:انا قاعده اتفرج.. فيصل:عجبك شيء... سارة:أي..مشاء الله كل شيء هنا حلوو..فيصل:يلا خلصنا خلينا نطلع...سارة:بس انا لسه مخذت شيء..فيصل بحده:يلاا بسرعة.. وسحب يدي..فيصل:انا خلاص خذت لك ملابس... سارة:بس انا لسه مخترت... فيصل:مو لازم انتي تختارين اهم شيء انا ألي اختار لك..بصفتي زوجك.. سارة:بالاسم بس.. فيصل:بالاسم ولا غيره المهم ان حنا عند الناس متزوجين...ومسك الكيس وسحبني من يدي...ورحنا السوق الثاني كان مخصص للملابس الداخليه وملابس السباحة وقمصان النوم...وجهي صار احمرر مررة..سارة بحيا:فيصل خلنا من السوق ذه روح ألي جنبه فيه ملابس خيال... فيصل بحده:لا عاجبني السوق ذه يلا خلينا ندخل وهو يسحبني..سارة(ميحس ذه والله احرررراج):فيصل تكفى ماابي ادخل..وهو يسحبني بقووة..فيصل(والله ان احرجها..):سارة وش رايك بذه"وهو يأشر عليه"... انا خلااص مت من الاحراج ووجهي صاار احمرر مرة..كان ملابس داخلي لونه احمر مزمزم من الصدر وألي تحت من على الجوانب ربط...سارة:........... فيصل:هههههه وش فيك ساكته معجبك... سارة بأحراج:لا ماعجبني..فيصل: طيب وش رايك بهذا عاد هذا مسكت..
ذه بيذبحني من الاحراج..ذه الالعن مايوا شفاف باللون الابيض..سارة:خلني انا اختار ألي ابيه.. فيصل:لامحزرتي...إذ معجبني مرااح تاخذينه.. سارة تخصرت:وليه ان شاء الله..
فيصل:لاني انا ألي بشووفك فيه.. "وهو يفكر"اممم وش رايك ذه... "وهو يراقب وجهي المحمر من الحيا"..خلاص خذت قراري ابيك تلبسينه لرجعنا لرياض..
سارة(وش قاعد يقوول ذه..يبيني البس ذه العاري عنده عند النوم..):بس انا ماابي..وإذ كان عينك عليه لبسه انت..."وتخيلته عليه".. وقعدت اضحك بهستريه..فيصل:وش فيك تضحكين؟؟ وانا مقدر اوقف طحت على الارض...ونزل لمستواي:وش فيك تضحكين؟؟ سارة وانا اضحك:ههههه لاني......تخـ..ههههههه فيصل(شكلها يهبل وهي تضحك...ياجعلها دووم هالضحكه مو يوم...)وهو يطالع في فخذي ألي ارتفع من يوم قعدت وانا مدري ويعض شفته...ومن الضحك دمعت ومن دون محس حطيت يدي في زند سارة وهي تكتم الضحك:انا اضحك..."وطاحت عيني بعينه" ووقفت عن الضحك وكان مركز على فخذي وقمت بسرعة ونزلت ملابسي..سارة ووجهي احمر:على وش تطالع...
فيصل بمكر:اطالع حقوقي... سارة وانا ابتعد عنه:لا مو من حقوقك..قاطعني:لاتقولين ان مافي شيء يربطني فيك ومن هل الكلام الفاضي..انتي احين زوجتي ومن حقوقي اني.."وهو يعض على شفته"
سارة وترني من حركته: انت ماخذني عشان تعذبني وتنتقم مني زي ماقلت... واحب اذكرك انت قلت لي انك راح تطلقني مهما طالت المدة ولا قصرت راح تطلقني..خلني بكر طالما راح تطلقني...
فيصل(مزالت مذكره كلامي..توقعتها نسته..لكنها طلعت ذاكره كل كلمه قلت لها..)وبحده:ومن قال لك اني راح ألمسك..انا بس حبيت اخوفك لاأكثر..وبعدين على كيفي لمستك ولا فانا حر..وبعدين من قال لك انك انتي بكر..
قاطعته وانا اصارخ:احتررم نفسك..وانا بكر غصبن عنك... ومحسيت بنفسي إلا وهو معطني كف على وجهي..فيصل وهو يصر بأسنانه ويشد على يدي:لاترفعين صوتك علي...وبلاش تأخذين دور الطيبه والعفيفة ترى انا اعرفك زين...سارة بصوت باكي:لا انت متعرف عني أي شيء... ووخرت يده عني يدي ورحت اركض..وإلا بسيارة ماره في طريقي..ومحسيت إلا بيد شدتني..وانصدمت بصدره العريض.. فيصل:انهبلتي انتي...كنتي وش وي وبتروحين في غمضه عين... سارة بصوت باكي:احسن خلني امووت وتفتك مني...

يتبع....

15 - 11 - 2011, 09:54 AM

فيصل وهو يلمني في صدره بقوه:بسم الله عليك من المووت..انتي انهبلتي..
سارة وانا ابكي بقووة:طلقني يافيصل..طلقني عشان افتك من هذا العذاب...
فيصل وهو يهديني:خلاص نتكلم في هل الموضوع بعدين لين ماتهدين(قال اطلقها..ذي انجنت اكيد)... وراح فيصل يتكلم مع صاحب السيارة ألي كان راح يصدمني...وودني عند البحر وجلسني يمه في الكرسي...فيصل:أنا كل ماعصبت دائم اروح للبحر..لان سبحان الله كل مشوف زرقته وصفائه.. اهد شوي شوي... سارة:.............. ورن جوال فيصل وابتعد عني...فيصل:هلا بقلبي..
حصه:هلا حبي
فيصل:كيفك..
حصه بزعل:يعني كيف يكون حالي وانت بعيد عني..
فيصل:فديت الزعلاني انا..
حصه:أي قص علي بهالكلام الحلو..
فيصل:فديتك انتي ليه زعلانه؟؟
حصه بدلع:انت تدري ليه زعلانه؟؟يعني يجي شهرين وزود وانا مشوفك..
فيصل بخبث:اشتقتي لي..
حصه:حيل ياقلبي انت..
فيصل"بطلقك بس لما اتاكد من شكوكي":وانا كمان..
حصه:متى راح تجيني؟؟
فيصل يبي يصرفها:بعد كم يوم تدرين انا قلت لك اني بسافر لشغل..يلا قلبي اكلمك بعدين احين بيبتدي الاجتماع..سلام
سارة بهمس:شكله راح يطول..امشي على البحر احسن...وفسخت صندالي وتمشيت في البحر..ولفتت انتباهي على صدفه كبيرة..واخذتها وحطيتها يم اذاني...فيصل بهمس:وش تسوين؟؟..
سارة التفت له:فيصل اسمع..."وانا اقربه مني واحط الصدفه بأذنه ويدي على كتفه"مو حلو..
فيصل(بذوب انا من لمساتها...بذوب من نعمومتها..من طفوليتها...حتى ابتسامتها تذوبني):............
سارة وانا ابتسم:هه..حلو صح..."مرد علي وحطيت وجهي يم اذونه ألي فيها الصدفه" ابي اسمع..
فيصل توتر من قربي منه وهو يوخر عني:أي سمعته...يلا خلينا نروح الفندق...
سارة:ليه؟؟ لسه بدري..
فيصل:عشان نصلي ونتغداء..
ونسمه الهواء تمر بأطراف ملابسي لتكشف عن مفاتني...ونظر فيصل علي..
سارة وانا انزل ثيابي وبحيا:لازم تطالع يعني غض البصر طيب... فيصل"بمكر":لا..ماابي اغض البصر..وبعدين انتي مرتي المفروض من زمان وانا شايف جسمك بس...
قاطعته ووجهي احمرر من جرائته:خلينا نعجل..عشان نصلي... فيصل:يعني نروح الفندق بس عشان نصلي مافي شيء ثاني.... سارة بحيا:لامافيه..يلا بسرعة.. ورحت لبست صندالي وفيصل مازال يطالع فيني..وانا احسن اني بمووت من جرائته..
وفي الرياض..بيت ابو حمد...
الهنوف بهم:اشتقت لها كثير ياابو حمد..
سعد:أنا اكثرر والله..مدقيتوا عليها..
ريم:انا ابي ادق عليها بس امي تقول لا...خليها لما ترجع من شهر العسل. سعد:وامك صادقه...
ريم:بغيتك عون طلعت فرعون...
رغد:ههههه تستاهلين...
ريم:انتي شب ولاكلمه...
حنان:وش تسوي احين تتوقعون..
ريم:اكيد تتسوق..
رغد:وليه كل هالثقه...يمكن هي احين تغدي فصولي..
الكل:هههههههه..
الهنوف:هههه الله يقطع بليسكم..انتوا ايش ألي قعدتكم هنا..يلا يلا قووموا..
حنان:ليه يمه...خلينا شوي نقعد...
ريم:يبه مكنا حنان ضعفت شوي..ولا..
سعد وهو يشوف حنان:أي ضعفت مبين عليها اصلن..اي يابنتي احسن لك والله..المتن مافيه خير لاهله..
الهنوف:أي والله..مسويا رجيم..

يتبع....

المواضيع المتشابهه لموضوع: غصبن عني حبيتها للكاتبهSandra-kas لموضوع: غصبن عني حبيتها للكاتبهSandra-kas
الموضوع	كاتب الموضوع	المنتدى	مشاركات	آخر مشاركة
البنت اذا زعلت مع حبيبها	جروح الم	همس للألغاز والنكت والضحك	2	9 - 1 - 2014 07:52 PM
خاطرة بنت تودع حبيبها	سجات التهاويل	همس عذب الكلام والخواطر المنقوله	8	23 - 10 - 2013 04:09 PM
استيقظت فج ة ولم تجد حبيبها بجوارها	الملك	همس للقصص وحكايات وروايات	9	14 - 3 - 2012 06:46 PM
الحريم اذا عصبن	ملاكـ	همس للألغاز والنكت والضحك	8	17 - 1 - 2012 01:24 AM

الذين يشاهدون محتوى الموضوع الآن : 1 ( الأعضاء 0 والزوار 1)

الأعضاء الذين قاموا بتقييم هذا الموضوع : 0
لم يقوم أحد بتقييم هذا الموضوع

غصبن عني حبيتها للكاتبهSandra-kas

همس للقصص وحكايات وروايات