غصبن عني حبيتها للكاتبهSandra-kas

15 - 11 - 2011, 06:12 AM

البـــارت الخـــامس:
بيت غادة وفهد..
غادة"وهي في التلفون":صدق يمه..خلاص بخلي فهد يودين...ان شاء الله يوصل..
فهد"وهو طالع من الحمام"وانتوا بكرمه""
غادة"وهي تقرب منه":فهد"وهي تحط يدها على اكتافه"عادي اروح بيت نوف..
فهد:من نوف هذه؟؟
غادة"وهي مازالت قريبة منه":هذه وحده من الي تعرفت عليهم في المزرعة..
فهد:........................
غادة:فهودي..
فهد"وهو يبلع ريقه":هه..
غادة بدلع عفوي:فهودي..اش فيك؟؟
فهد:بشرط..
غادة:وش هو الشرط"وهي ترمش بعيونها"؟؟
فهد خق:ابي بوسه..
غادةبحيا وتوتر: نعم..تـ..تـ..تـ..تبي بوسه..وهي توخر منه بس فهد شدها من خصرها..فهد:أي بوسه..ولا مافيه روحة..
غادة باسته على خده..فهد:لا ماابي في خدي..ابي"وهو يمد شفايفه لها"يلاا انتظر..
غادة وجه صار طماطم:هه
فهد:شنوا هه يلاا ولا مافيه روحه"وهو يمد شفايفه مرة ثانية".
غادة باسته بسرعة وراحت..
فهد:ههههههه صار لنا اكثر من سنتين من تزوجنا وانتي تستحين..
غادة"ووجه احمر":...................
فهد"اقترب منها وهم لها":احبك..احبك ياغادة..
غادة"وهي مستحية":يلا وش قلت بروحـ....
فهد قاطعة:بعدين............ وشالها وودها في الغرفة..
غادة:وش تسوي؟؟
فهد وهو يشيلها:بعدين..
.................................................. ..........
بيت ابوحمد...
وفي الصباح الساعة9:35 صحيت وصحيت خواتي لأن ذه اليوم يوم الجمعة ولا زم نساعد امي..استحميت ولبست بجامة دباج خضراء وسيحت شعري وخليته مفتوح..وحطيت غلوس وكحل بس....
أما اختي ريم ورغد لبسوا تنورة وبلوزة وحنان قميص عادي<<الله يهديها...
ام حمد"وهي تنادي من عند الدرج":حنان..رغد..سارة وينكم..
حنان"وهي نازلة":نعم يمه..
الهنوف:صحيتي حمد وعبدالله للجمعة ولا..
حنان:لا ماصحيتهم..
الهنوف: والله ان يعصب ابوكم وتشوفون..
راحت حنان تصحي عبيد وحمد.. حنان"وهي تطفي المكيف وتولع اللمبا":يلا قووموا يلاا..بسرررعة..
عبدالله"وهو يغطي راسه باللحف":يوووه..انتوا لازم تخربون نومي..
حنان:يلا قوم ترى اليوم يوم الجمعة..
عبدالله وحمد"وهم يفزون":يووم الجمعة...
حنان:اجل يلاا قوموا قبل مايجي ابوي ويعصب..
عبدالله"وهو بيدخل الحمام وانتوا بكرامه":كويتوا ثوبي ولا..
حنان:سارة احين هي تكويهم..هو مع الشماغ بس انت يلا..ترى هو مايعوق..
عبدالله:بشوف..
حمد:قولي لها خليها تعجل تكفين..
حنان:انزين بس انتوا يلا عجلوا استحموا وتلقون كل شيء جاهز...
ونزلت حنان وراحت المطبخ تساعد امي..
اما أنا اكوي ملابس اخواني ومتى مخلصت رحت الصالة ونظفتها انا مع رغد وبعد منخلص نروح المطبخ ونساعدهم...
كلم خال امي وقال انه راح يجي..وبعد نصف ساعة راحوا اخواني ونظفت الصالة ورحت انا ورغد نساعد امي وريم وحنان في المطبخ<<طبعا بتقولون كلكم في المطبخ تساعدون لان الخال راح يجي واخوها برضاعة واحنا كل من يجون نسوي مأدوبة رمضان خخخخخ
وراحت ريم وحنان يرتبون الطاولة قبل ميجون ابوي واخواني وخالي وخالي الثاني.. ودق ابوي وقال ان خالي ابراهيم وسعود جاوا معاه..
ورحت فتحت الباب لخال امي ابراهيم وسلمت عليه..وع ابوي وعلى اخو امي من الرضاعة سعود..
سعود:هلااا بالجمال..
سارة"استحيت":هلا بيك ياخالي حياكم..
وجات ريم وحنان ورغد سلموا عليهم..
سعود:هلا بحبايبي..
ابراهيم:ماشاء الله كل ذه اكل..ذي عزبة رمضان..
ريم:ههههه هذه مو قد المقام"وهي تأشر لهم لكي يجلسون"..
الهنوف"وهي تسلم ع خالها واخوها":هلااا.تواء منور البيت..
عبدالله:يلااا اكلوا..
ابوي:هههههه هذا الي همك بطنك وبس...
الكل:هههههه
وأكلنا وبعد الاكل.. تسامرنا كل العادة بعد الاكل.. سعود:إلا ياعبدالله كم سنه باقي لك في الكليه"كليه التقنية"..
عبدالله"وهو يأكل الليقمات":سنة وحده بس غير ذي..
سعود:الله يوفقك..إلا ياسارة كل هالزين ولا جاء عريس..وين الرجال عنك..
سارة"استحيت":هههههه
ريم بدلع:وأنا ياخالوا مو حلوة يعني ولا سارة تارسة عينك بس..
سعود:هههههه بدت الغيرة تشتغل..
الكل:هههههههه..

يتبع...

15 - 11 - 2011, 06:13 AM

وطلع خالي وخال امي..وأنا غيرت ملابسي مشان خطبة نوف اليوم.. لبست بنطلون جنز بلاك وتوب بلاك فيها رسمات بسيطه وجكيت قصير قطني وحطيت ظل سموكي...
وسيحت شعري ورفعته بطريقة مبهدلة وكان شكله خيال..وحطيت مناكير بلاك زي لبسي..ولبست عدسات حليمة"محددة باسود"..خلا شكلي غير..
اما ريم وغادة غيرت غيروا مكياجهم بس..وأختي حنان غيرت ملابسها ومكياجها ان لبسها مكن لواحد جاء يبارك لملكة فغيرته..
وطبعا راح اخوي عبدالله وحمد معنا مشان يبركون لولد خالي عبدالله.. خليت كريمة تشيل الاغراض"الحلى"وعشان تساعدهم لانهم معندهم خدامة وراح يتعبون في التنظيف...
المهم دخلنا بيتهم بعد مكتبوا كتابهم..سلمت ع مرت خالي نورة وبناتها..
فاطمة"وهي تشيل الحلى":ليه تعذبون حالكم..
الهنوف:لاتعب ولاشيء..
حنان:وين نوف عشان نسلم عليها ولا مستحية..
صيته:هههههه هي في الحمام"الله لايهينكم"..
نورة:حياكم.. يا فاطمة قهويهم..
سارة:الله يصلحك محنا غرب..
ودخلت نوف وسلمنا عليها كان شكلها روعة يابخت عبدالله فيها لابسه فستان ع شكل تنورة وبلوزة لونهم احمر دمي وخصوصا انها بيضة فزاد بياضها..وحاطة مكياج ناعم مرة ويهبل عليها..
رغد وحنان:وااااااو...صايرة خيال اسم الله عليك..
سارة:بينجن عبدالله عليك.. مبروك ياعروسة..
نوف"استحت":عقبالكم يارب..
الهنوف:آآآآمين يارب..
رغد:تبين تفتكين منا..
الهنوف:ههههه وش دراك..
الكل:هههههه
مجلس الرجال..عبدالله ولد سعد:مبرووك يابن الخال..
حمد"وهو يبوس خشمه":مبروك مبروك ياعريس...
عبدالله ولد مبارك وهو ميت من الوناسة:الله يبارك فيكم..
سعد:مبروك يأبو عبدالله وعبدالله..
مبارك:ههههه الله يبارك فيك..يجعلني اشوف عرس عيالك يارب..
سعد:آآمين..
ودخل عليهم فيصل..فيصل:السلام عليكم..
الكل:وعليكم السلام...
فيصل وهو يسلم عليهم وويسلم ع العريس..
فيصل:مبرووك ياعريس..
عبدالله ولد مبارك:هههههه الله يبارك فيك..
فيصل:علامك مستانس..اركد يارجال..
حمد:أي والله لاتطير من الفرح..
عبدالله ولد سعد":شوفه كل وقت متبسم صاير من الفرحه..شووف صار له جناح..
الكل:ههههههههههه
عبدالله ولد مبارك:حتى في ليلة ملكتي لازم تغثوني..
فيصل:ايه اجل ولا وش رايك ياشيخ حمد..
حمد حط يده على ذقنه:أي رايي من رايك..
الكل"فطسوا من الضحك من لعوزه فيصل وحمد وعبيد":هههههههههههه..
وفي الصاله... دخلت ام فيصل وغادة..وفزت سارة بنت مبارك تحيي فيهم وترحب..
ام فيصل:هلا بيك يابنتي..
سارة بنت مبارك"بدلع: هلا خالتي..أخبارك؟؟
ام فيصل:زينه...
ام فيصل:...هلا بـأم عبدالله..مبرووك
عواطف:الله يبارك فيك..
غادة:مبروك يانوف..
نوف بحيا:الله يبارك فيك..
غادة:إلا وينها سارة..
صيته:هي في المطبخ...
غادة:وأنا كل مسئل عنها القاها في المطبخ..
صيته:ههههههه..
عواطف:واللله مقصرت..
نورة:أي والله كلا تغرقنا بجمايلها..
ام فيصل استانست حيل من سارة بنت سعد لانها فعلنا بنت ربه بيت وفوق كذا جميلة ومؤدبة غير عن حصة طليقة ولدها فيصل..
غادة:وين المطبخ ياصيته..
صيته"تاشر لها":امشي سيدا وتلقينه قدامك..
غادة:اسلمتي..
وراحت غادة للمطبخ.. غادة"وهي وراي":بووووه
سارة:يمه..بسم الله الرحمن الرحيم.."استدرت" ولميت غادة بقووة..هلا قلبي وحشتيني..
غادة:وانا اكثر...ولا تدقين بعد..
سارة"وانا اقطع الكيك":والله معندي رقمك..
غادة:أي والله نسيت معطيتك اياه..سجلي..
سارة"اشرت لها":انتي سجليه لان يدي شبة وسخه.."طولت صوتي"كريمة..كريمة..
كريمة:نعم ساره..
سارة:شيلي الكيك والحلى وحطيه عند الرجال..
كريمة:إن شاء الله..
غادة"وهي تسجل الرقم في جوالي":....خلصت..الله الكيكة حلووة مرةكيف سويتيه وهذه وش عنب..
سارة:هههههه انتي ذوقي الحلى الي ع قولتك انه عنب..
غادة"وهي تذوق":واااااو حلووو مرة..أنتي اطباقك من وين تجيبيهم..
سارة:هههههه بالعافية..
غادة:اخوي راح يستانس حيل في الحلى وتشوفين..
سارة:.................
غادة:هو يحب الحلى كثير بس مايمتن مدري ليه..
سرحت بفيصل في هذه الوقت وجاء ع بالي اني اشوفه مرةثالثة بس طردت هذه الافكار من راسي..سارة:إلا تعالي ياغادة اخوك متزوج ولا..
غادة:هو مطلق..
سارة:اها من متى..
غادة:امممم..يمكن من شهرين ولا زيادة مدري...ليش تسالين عجبك اخوي..
سارة احمر وجهي:هه..لا من قال انتي لا زم تفسرين الامور ع كيفك..
غادة بحده:اعترفي..
سارة"وانا ماسكه صحن الحلى والعصيرات":وش اعترف لك فيه اقوول ان قعد معاك دقيقة وحده اكييد راح يصير لي شيء..
ورحت للصاله وشافتني ام فيصل وقامت سلمت علي
سارة بنت سعد:والله متقومين"بست راسها ويدها"أخبارك يمه..عساك زينه..
ام فيصل: انا زينه طالما انتي زينه...
سارة بنت سعد:والله ولك وحشه يايمه..
ام فيصل:ماتشوفين وحشه يارب..
ريم"تساسر امها":يمه ملحظتي شيء في ام فيصل..
ام حمد:مثل شنهوا..
ريم"تساسرها":يعني تصرفاتها مع سارة كلامها..ليكون"اضحكت بصوت واطي"..
ام حمد:ضحكك من سرك بلا..وبعدين اسكتي ياوسيعه الوجه لاتسمعنا.. وتفضحينا..
ريم بهمس:وانا عند ربي صادقة...انتي متشوفين.."معطتها وجه امها"يمه متلاحظين..
ام حمد:ووجع أي لاحظت بس سكتي..
فاطمة:وش فيكم كنا الموضوع صار مساسر..
ام عبدالله بفضول:وش تقولون؟؟
ام حمد ابتسمت:كل خير ياوجه الخير..
صيته"وهي تنادي":سارة..سارة..
سارة بنت مبارك:هلااا
صيته:هلا بيك..أنا اقصد سارة بنت سعد..
الكل:ههههههه
سارة بنت سعد:جايه..
غادة:يوووه كلا تروحين"علت صوتها" اقول ياصيته غيري..
صيته بصوت عالي:لا انا ابي سارة بنت سعد يعني سارة..يلااا
سارة بنت سعد:ماني متأخره..دقايق..
ورحت اساعد صيته..صيته:لحظة بجيب ممسحة من المطبخ واجيك..
سارة:اوكي..يووه تراب مرة...وانا مدريت ان في واحد يطالع فيني..
يازينك والله بعد كم يوم راح اخطبك من ابوك):احم..احم<<وش بعده بعد مشبع ناظره لي..
سارة"التفت" ورحت ادور لي شيء اغطي وجهي له
جاسم:مو قصدي بس ع بالي انك انتي صيته..
سارة" شلاخ والله يدري اصلنا فرق بينها وبين سارة بواجد وفي كل شيء."..
:لا عادي..اصلن صيته كانت هنا بس راحت وبتجي بعد شوي"سكت معرفت وش اقول" مبروك ياجاسم..
جاسم:الله يبارك فيك..
سارة:عقبالك.. إن شاء الله اشوف عيالك..
جاسم:إن شاء الله.(انتي اصلنا راح تكونين ام عيالي بأذن الله وغيرك ماابي..يابعد قلبي)يلاا سلام..
سارة:.....(ليشت تاخرت صيته كذا..) وراح وبعد دقيقة جات صيته..صيته:تاخرت عليك..
سارة:أي وكثيرا بعد..
صيته:وش أسوي في أمي تبيني أجيب تمر ثاني للحريم..
سارة:اها..
ونادى احمد اخته نوف عشان تدخل لعبدالله وهي مرعوبه مره..حاولنا التخفيف عنها..
وأذن العشاء وطلعنا..وسارة بنت خالي مبارك مغير تتلصق بأم فيصل وبنتها..
وفي سيارة فيصل...
فيصل:اقول غادة من الي سوت الحلى اليوم.. شكل الي سوت الحلى يوم هي نفسها الي سوت الحلى يوم كنا في المزرعة اول يوم..
غادة:وش دراك؟؟
فيصل:لا بس حسيت..
ونزلوا من السيارة ودخلوا البيت وسحبت غادة اخوها فيصل..
فيصل:وطير وشفيك يابنت؟؟
غادة:يطرك..ترى لقيت لك عروسة..
فيصل"بقق عينه لاخر حد":وش..كييف؟؟
غادة"وهي تساسره":من مدة والله..
فيصل بحده:من قال لك اني ابي اتزوج..الله يصلحكم بس..
غادة:متخاف البنت مزيونه مررة...
فيصل:بس انا ماابي اتزوج.. ودخلت ام فيصل وسمعت كلامهم:لا راح تتزوج..
فيصل"التفت":يمه..
ام فيصل:أي امك..راح تتزوج غصبن عليك..سامع..
فيصل:بس...
قاطعته:إن ماتزوجتها لانت اولدي ولا انا اعرفك وراح ازعل عليك ليوم الدين..
فيصل بتنهديه:يمه انا حاليا مفكر بالزواج ومتى مستعديت لزواج ثاني راح ابلغك الله يصلحك بس..
ام فيصل:ياسلام..ومتى إن شاء الله راح تقرر انك تتزوج..لين البنت تروح من يدنا..
غادة:أي والله بعد"وهي تقلده"انا حاليا مفكربالزواج... كثر منها وبعدين البنت طق اعصي عليها...
فيصل"تنهد":يايمه أنا والله مو مستعد ارتبط بزواج فاشل مرة ثانية...
ام فيصل:والله ياحبيبي مو كل الاصابع زي بعض..وإذ ع قولتك ان زواجك فاشل فباذن الله مرااح يكون هذا الزواج زي ذه ولا وش رايك ياغادة..
غادة:أي صح.. وبعدين يااخوي ترى البنت قمرر..جمالها مو طبيعي..
فيصل باندفاع:ليكون الي تشبه ميساء مغربي..
غادة:أي...وش دراك انت انها هي؟؟
فيصل"لاني شفتها"وبمكر: لا بس حسيت لان وصفكم يدل ع كذا..وبعدين لاتنسي انك انتي كلاتكلميني عنها..
غادة بشك:أي معليه..
فيصل بجديه:يمه ان زوجتيني منها غصب والله ان اطين عيشتها..واخليها تطلب الشهادة..
ام فيصل:يسلاام...مراح تقدر..لانك راح تحبها زي محبيتها انا واكثر..
فيصل بتحدي:بنشوف..وابيك تخطبيها لي باسرع وقت ممكن.. والله ان اوريها نجوم الظهر..

.................

15 - 11 - 2011, 06:13 AM

البارت السادس..
فيصل بجديه:يمه ان زوجتيني منها غصب والله ان اطين عيشتها..واخلي تطلب الشهادة..
ام فيصل:يسلاام...مراح تقدر..لانك راح تحبها زي محبيتها واكثر..
فيصل:بنشوف..وابيك تخطبيها لي باسرع وقت ممكن.. والله ا ناوريها نجوم الظهر..
وطلع..غادة"وهي خايفة":يمه شكله يتكلم من جد يمه..
ام فيصل:معليك منا..
غادة:كيف معلينا منا..ترى هو قد كلمته يمه..
ام فيصل"وهي تجلس":انا قلت ابي البنت ذي ابيه وماني مغير رايي..
غادة:بس...
قاطعته:يحسبني بعد هل الكلام راح اغير رايي..لا ياحبيبتي ماحزرتي انتي وياه..
غادة:طب..مفكرتي يمكن يضرها..
ام فيصل:وش بي سوي يعني..بيذبحها يعني..لا راح يزعل يوم يومين بعدين راح يرضخ للامر..ما
غادة:صح..
ام فيصل:اجل خلاص..."وهي تأشر"عطيني التلفون..ابي اكلم ام منصور...
وفي بيت ابو جمعان..
منيرة:هههههه..الله يقطع بليسك..
ماجد:سمعي ثانية.. محشش يسأل محشش لو صحيت ولقيت نفسك ميت وش تسوي؟قال والله لأنهبل..
الكل:هههههههه
ماجد"وهو يعدل جلسته":وفيه وحده حلمت أن محشش يلحقها قالت له وش تبي؟ قال مدري عنك أنتي اللي تحلمين وفي أغبياء يبون يفجرون مبنى حطو القنابل في الدور الأول وطلعوا السطوح..
سارة"ماتت من الضحك":ههههههه صدق اغبياء هههههه
متعب:ههههههه الله يقطع بليسك مع نكتك ذي..
منيرة:ههههه احنا لازم نزوجة عشان زوجتة تعقله..
ماجد:لا انا ماابي اتزوج احين.."وهو يرفع يده اليمنه"انا لم اجد حب حياتي بعد..
نورة:هههههههه والله انت يبي لك حلم..
عبدالله:يمثل بعد..
منيرة:وانت متى"وهي تقلده"تجد حب حياتك...مالت عليك..
ماجد:وش علامكم انتوا..هههههه مستعجلين"ورن جواله"اسمحوا لي وطلع.. ماجد:هلا جاسم...ههههه أي جاي..اي اكيد...انا كل يوم احظرر..لا ماني مطول بإذن الله..ياابن الحلال دقايق وجاي..
نورة"وهي وراه":ع وووين؟؟
ماجد"التفت":بسم الله..من وين انتي جايه..شبح.
نورة:خلص.. وين بتروح؟؟
ماجد:رايح عند الشباب..تدرين كل يوم اروح هناك..
نورة:لازم يعني تروح..
ماجد:أي لازم انا رئيس النكت عندهم...
نورة:ههههههه امحق رئيس...يلا روح..
ماجد:يلاا سلام بلغي الوالد والوالده..
نورة:انزين..
بيت ابو منصور...
ام منصور:هه وش قلت؟؟
ابو منصور:أي اكيد..لازم تروحين..طالم راح تروح ام فيصل روحي..
ام منصور:يابعد قلبي"ام منصور صديقة ام فيصل من ايام المدرسة وهم ربع الروح بروح والكل يدري..
منصور:احم..احم نحن هنا..
ابو منصور:اقول منصور متبي تطلع..
منصور:ذي تصريفة هه...
ام منصور"استحت":............
منصور:عشان يخلى لكم الجو..
ابو منصور:منصوروه ويهد..قوم
منصور:ههههههه.."وهو يصفق" اخذ بعد ام منصور مستحية ههههه..
ام منصور:منصوروه ووجع..
منصور"وهو قايم":ههههه قايم متخافوون..بل كلوني بقشوري..
وطلع وشاف اخته هيام..منصور:لووين؟؟
هيام:ابي اقوول لامي شيء...وخرر
منصور: اصل امي وابوي يتغزلون في بعض..
هيام:هه..
منصور:أي والله وهم الي طردوني من المجلس..هههههه خليهم..
هيام:ههههههه الله يقطع بليسك..
بيت بو حمد..
وفي الصباح الساعة10:11 ورحت استحميت جسمي بس.. ولبست بجامة باللون السمواي وفيها رسمه حمار الوحشي وسروال مخطط باللون الابيض والاسود زي الحمار الوحشي وحطيت غلوس وكحل بس وماحطيت كريم اساس لاني بيضة فعادي إذ محطت...ورفعت كم خصله من وجهي وحطيت عضاض صغير..
ورحت الصاله ولقيت حنان مع امي قاعدين يشوفون تلفزيون..وقعدت معاهم"رن جوالي":هلاااا قلبي"وطلعت لتهويه:مصارت سفره كل ذه..
الاء:وش اسوي بعد والله توني راده ..
سارة: المهم اخبارك واخبار امك؟
الاء:زينه..تسلم عليك..
سارة:الله يسلمك ويسلمها..هاه استانستي..
الاء:حيييل..والله قلت في نفسي لو كنتي معاي بس..
سارة:اهم شيء اني طريت في بالك..
الاء:مشتاقة لك حيل بجيك اليوم..
سارة:امممم اليوم والله مقدر..
الاء:ليه؟؟
سارة:بروح السوق مع اخواني..عشان ملكة بنت خالي..
الاء"بحماس":أي وحدة..
سارة:نوف..
الاء:من صدقك..يحليها..

يتبع...

15 - 11 - 2011, 06:14 AM

سارة:انتي معزومة تعالي في صاله الـ.......
الاء:طيب..اي يوم ومن ماخذه..
سارة:يوم الاثنين ذه..ع ولد خالي مبارك..عبدالله..
الاء:يحليل الله يوفقهم يارب..طمنيني عنك..
سارة:الحمدلله عايشين..
الاء:احكي...
سارة:معندي شيء..
الاء:يعني معندك..مواقف حلوة.محرجة..طحتي مثلا..
سارة:هههه وجع تبيني اطيح يعني"وطراء ع بالي فيصل مدري ليه"أي عندي مواقف مو موقف واحد..دقي علي التلفون الثابت مشان مصرف عليك..اصلي معندي رصيد
الاء"بحماس":اوك يلاا روحي بسررعة احين بدق..
سكرت منها ورحت الصاله..ملقيت امي ولا حنان شكلهم في المطبخ ودق التلفون الثابت ورديت:هلا
الاء:اهلين..يلااقوولي لي بسررعة حدي متشوقة..
سارة:هههه اسمعي وانا رايحة في مزرعة خالتي منيرة.....إلخ
وقلت لها الاحداث كلها..
الاء"بفاعليه كبيرة":كذاابة..
سارة:أي والله مكذبت..
الاء"تنعم صوتها":حلووو ولا..
سارة:..............
الاء:سويره...يلا قولي..
سارة:أي حلوو
الاء"وهي تصارخ":آآآآه..كيف شكله..
سارة"وانا ابعد السماعة عن اذوني":وجع صميتي اذاني...مدري مركزت عليه..
الاء:يلااا قولي مراح اقول شيء...
سارة:لا والله..
الاء:طيب هو طويل ولا..
سارة:أي طويل..وحيل بعد
الاء:عنده سكسوكة ولا عوارض ولا شنب خخخخ
سارة:يالخبلة هههه لاعنده سكسوكة..
الاء بحماس:الله..طيب وش لون عيونه..عسليه ولا سوده..
سارة:اممممم والله مدققت على عيونه..وبعدين انا فاضيه ادقق في عيونه اقول لك مرعوبة..
الاء:كل ذه وتقولين ماتدري ومادققتي هذه انتي تعرفين..
سارة"احمر وجهي":الوي اسكتي احسن لك..ويلا ضفي وجهك..
الاء:اخذ بعد تستحي..
سارة:ترى والله بسكر..
الاء:هههه..ودي اطول معك واغثك بس تدرين الوقفت ذه مو مناسب مره ثانيه
سارة:ههههه..سلام
وسكرت السماعة ورحت المطبخ..
حنان"وهي تقطع الطماطم":يمه يعني متى نروح السوق؟؟
الهنوف:بعد مترجع ريم من الكليه وتروحون..يعني العصر..عشان الوقت..
سارة:وش بطبخون اليوم؟؟
الهنوف:دجاج مشوي مع رز ابيض وشوربة ملوخية وتبولة..
سارة"وانا رايحة للبراد":اجل بسوي التبولة بسرعة لان حلاته وهي بارة..
حنان:اول متخلصينها حطيها في البراد..
سارة:أي وش اقوول انا من الصبح..
حنان"وهي تمسح الرخام":اجل يمه وش صار على الحريم الي جاو لريم..عدلين ولا..
الهنوف:ابوك يقول انهم زيون...إن شاء الله ريم توافق عليهم بس..
سارة"وانا اقطع": وليه متوافق طالمه هم زيون..
الهنوف:انا اقصد..يمكن هي مترتاح ..
سارة:اها..لا إن شاء الله ترتاح..
الهنوف:إن شاء الله..
بيت ابو عبدالله...
عند الساعة12:15..عواطف في المطبخ"وهي تعلي صوتها":عفراء تعالي ساعديني..
سارة"وهي في المطبخ":يمه وانا مو تارسه عينك..
عواطف"مستغربة":سارة وش تسوين هنا..
سارة:ابي اساعدك في الطبخ..
عواطف:غريبة..
سارة:اخاف اتزوج وانا معرف اطبخ..
عواطف:زين فكرتي..طول عمري وانا اقول لك كذا زين فهمتي..
سارة:الحمدلله اني فهمت"كل ذه عشانك يافيصل..فديتك"...الا يمه كلمتك ام فيصل ولا..
عواطف بشك:لا والله..ليش كلا تسالين عنها..
سارة"ارتبكت":هه..لا بس اسال..
عواطف:قصي ع واحد غيري..بس مو انا..
سارة:تبين الصراحة احسن اني ارتحت لها تجنن والله..
عواطف:أي والله هل الحرمة طيبة حيل وعادية ماتتصنع رغم انها صاحبه عز..

بيت ابو حمد..
الساعة1:15 استوا الغداء وجات اختي رغد من المدرسة وجات ريم من الكليه..
جهزت المائدة وكبينا الغداء وجاء عبيد من كليته وحمد مع ابوي جاوا من الشغل..

اكلنا وشبعنا.. الهنوف:حمد..انت بتودي اخوانك اليوم السوق..
حمد:وش عندهم؟؟
الهنوف:عشان يشترون فساتين لملكة بنت خالهم..
حمد:أي..في أي وقت اوديهم..
الهنوف:بعد صلاة العصر مباشرة..عشان الوقت..
حمد:حصل خيرر..بس لاتأخروني..
رغد:إن شاء الله مانتأخر ونخلص في يوم واحد.. ساره(احنا كلا مستعجلين..كلا مستعجلين وبس)
وتسامرنا زي كل بعد غداء واذن العصر..غيرت لبسي لبست بنطلون جنز ازرق مع بلوزه نيلي روعة.. واكسسوارات نيلي ولبست صندال بلاك ومحطيت غير روج"لاني محب اتبرج لطلعت السوق اقصد يعني احط كحل ولا ظل"

واخواتي غيروا لبسهم.. وطلعنا ورحنا للمجمعات.. رغد شافت فستان عجبها وخذته أما ريم معجبها شيء هي وانا... وحنان بعد عجبها فستان وخذته..ورحنا سوق ثاني ..وانا ماشية شفت الاء في السوق هي مع امها عرفتها من اخوها عادل سلمت عليها..سارة:هلا خالتي اخبارك؟؟
ام الاء:زينه الله يرضي عليك..أخبار امك؟؟
سارة:الحمدلله زينه..تسلم عليك..
ام الاء:الله يسلمك ويسلمها..
الاء بفرحه:اخر شيء توقعته اني التقي معاك في السوق..
سارة:هههههه حتى انا..حمد"وهو جاي عندي":هه عجبك شيء في السوق ولا..
سارة:أي هذا انا ادور..
حمد:بس بسررعة..ترى مليت..
الاء"تساسرها يوم راح عني اخوي":من هذا الصروخ..
سارة:ههههه هذا اخوي حمد..
الاء:يجنن مرررة..
سارة:مو اخته سارة..
الاء:مالت..هه عجبك شيء ولا..
سارة: عجبني ذه وش رايك فيه؟؟
الاء:حلووو مرة خذي لون غامق..لانك بيضة وشعرك اسود فايناسبك الوان الغوامق..
سارة:والله يعني اخذه..
الاء:أي والله حلوو..وانتي بتحلين الملابس..
سارة:اسلمتي.. يلا عن اذنكم بروح عشان ادور له اكسسوارات وصندال..
ام الاء والاء:اذنك معك.. ورحت
ام الاء:هل البنت تجنن مرة حطيها ع الجرح تبرا..
الاء:أي والله..حيل يمه..رغم جمالها إلا انها متواضعة مررة وبسيطة..
ام الاء:أي ادري عنها هي زي امها الهنوف مشاء الله عليهم..
واخيرا لقت ريم ملابس عجبها مرة وخذته كان مرة خيال..تصميمه روعة..
وكلمت الوي..سارة:هه خلصتي من السوق ولا..
الوي"في السيارة":خلصت من زمان وانا برجع البيت احين..
سارة:مشاء الله..تقدرين اليوم تجيني ولا بكرة..
الوي:والله عادي..
سارة:أي تعالي..انتظرك..
الوي:متى تبيني اجيك؟؟
سارة:امممم الساعة 7:30 يناسبك ولا..
الوي:إلا يناسب..يمدي لي احرق شعر بسشوار..
سارة:هههههه يلا تامري بشيء..
الوي:أي تكفين سوي لي حلى الي سوتيه لي ذيك المرة..
سارة:اممممم..اي وحده مذكر..
الوي:يوم وكلتي اخوك يجيبها لنا..
سارة:أي حلى المــــارس..
الوي:ايوا حلى المارس..مو تنسين..
سارة:ابشري..سلام..
الوي:سلام.. ورحنا البيت تعبت من كثر الحواسه في السوق.. تكسر رجلي.. وقلت لامي ان خويتي بتجي.ووصلت سلامها لامي
ودخلت المطبخ وسويت الحلى.. وحطيت مكياج ناعم مرة مغيرت لبسي لان حلو وخلاص...ومشطت شعر..وعند الساعة7 ونصف رتبت شكلي وجات الاء عندنا..
سارة"وانا اسلم عليها":هلا حبيبة قلبي
الاء:هلا بيك..
سارة"وانا ااشر"حياك..
الاء"وهي تطالع فيني":جسمك خيال ياكلبه ضعفتي حيل..
سارة:ههههه والله نفسة..وش فيك
الاء:لا والله احنا من تخرجنا خمس شهور بس وانتي مكنتي كذا في المدرسة والله ضعفتي وحيل بعد وحلويتي جسمك خيال يالشينة..
سارة:قولي مشاء الله..
الوي:مشاء الله..بس كيف ضعفتي كذا..صرتي اضعف مني..وشكلك بالبنطلون خيال..

يتبع...

15 - 11 - 2011, 06:15 AM

سارة:لهدرجة انا كنت متينه في المدرسة..
الوي:لا..بس كنتي متعافية.. بس احين غيرر صار جسمك روعة اسم الله عليك..
سارة:من الشغل والله..
الوي:اجل بشتغل كثير في البيت..عشان اصير زيك..
سارة:ههههههه يالخبلة.."ورحت المطبخ وجبت الحلى"
الوي:الله شكله حلو مرة..
سارة:هذه لك كلا سويتها لك انتي بس..
الوي:واهلك مايبون..
سارة: لا عادي اسوي لهم مرة ثانية ميعوق تراه..وسويت لك زيادة لامك زين..
الوي:لا بس ذه يكفي..
سارة:لا مايكفي..ولجيتي تطلعين ذكريني..
الوي:والله مخذه والله..
سارة:الوي ليه تحلفين..انا اجل وش اسوي بالباقي..
الوي:تصرفي..
ورن جوالي"مكتوب حماتي"تفاجئت سارة:الوي شووفي"وريتها الاسم"
الاء:يعني متدرين..هذا جوالك..
سارة"مستغربة مرة":والله مدري وانا معطي جوالي لأي احد."وهو مزال يرن"
الاء:طيب ردي وشوفي مين..
سارة"رديت بتردد:الوو
:هلااا..اخبارك ياشينة..
سارة بتوتر:مين معي؟؟.
:هههههه معرفتيني ياميساء؟؟
سارة:غادة..هلااا اخبارك؟؟وش هل المغلب هذه..
غادة:ههههه زينه..وانتي؟ هه عجبك؟؟
سارة:الحمدلله..فزعتي قلبي وانا قاعده اقول من هي حماتي؟؟
غادة:هههههه مشغولة؟؟
سارة:انا.."الاء تاشر علي مين"همست لها:ذي اخت فيصل..الاء تهمس:بذمتك.. هزيت راسي لها بنعم..
غادة:انا اتكلم مشغوولة ولا..
سارة:عندي خويتي احين..
الاء "بهمس":خليها تجي..
غادة:يعني مشغوولة..
سارة:لا مو مشغولة حياك عندنا في البيت..
غادة:لا اخاف تتضايق خويتك..
سارة:لا هي الي قالت خليها تجي ونستانس جمعه احلى..
غادة:خلاص بقول لفهد..انتوا وين بيتكم..
سارة:في..........يم.......
غادة:أي عرفته..استنوني اوكي..
وسكرت منها..
الاء:ذي اخت فيصل حبيب قلبك..
سارة"وانا احط يدي في فمها":اسكتي لحد يسمعنا..وبعدين من قال لك ان هو حبيب قلبي ولا ع كيفك ترقعين..
الاء:أي ع كيفي...تصدقين خاطري اشوفها كيف شكلها..
سارة:امممم ناعمة وحلوة وهي متزوجة..
الوي:من صدقك..
سارة:أي والله..تصدقين مكنها متزوجة.. مو مبين عليها..
الوي:كم عمرها؟؟
سارة:والله مسألتها؟؟ بس مبين عليها كن عمرها 23 او 24 كذا يعني..
الوي"وهي تاكل":اها..وطالم هي راح تجي عطيها الحلى لها ولزوجها...
سارة:أي والله صدقتي..
وفي بيت فهد وغادة..
راحت غادة تحط لها مكياج ناعم وغيرت لبسها لبست تنوره ميدي جنز اسود وبلوزه موف ناعمه..وسيحت شعرها..ودخل عليها فهد"وهو متنح على شكلها"..
غادة"التفت":هلا فهودي..حبيبي"وهي تلبس حلقها"عادي اروح بيت خويتي؟؟
فهد"وهو خلاص ذاب من شكلها"
غادة"بدلع":فهودي وش قلت يلاا عادي اروح ولا..
فهد"وهو يبلع ريقه":هه..
غادة:فهودي وش فيك؟؟
فهد:بتروحين كذا"وهو يطالعها بتفحص"
غادة"استحت":ليه وش فيه لبسي ماهو خالع لابسه تنورة وبلوزة ولا بعد اكمامها موقصيرة حيل..
فهد"اقترب منها"وبهمس:لا مراح تروحين كذا..اغار عليك...
غادة بزعل:ليه؟؟
فهد"وهو يبوسها في خدها":اخاف ينظلونك..ومبي احد يشوفك غيري..
غادة"استحت من نظراته:فهد..يعني مروح..حرام هي تنتظرني؟؟
فهد:عيون فهد انتي..روحي بس ماتتأخرين حدك ساعة عندها..
غادة"فرحانه":صدق فهودي..
فهد"انسدح الرجال من قالت فهودي":هه..
غادة"وهي تهزه":فهد وش فيك..
فهد:شكلي ببطل..
غادة"فهمته واحمر وجهه"وبدلع":فهد وبعدين..
فهد"وهو يبوسها في جبينها":ولا ابلين..يلا بسرعة لغير رايي..
غادة:ثواني وانا جاهزه
فهد:يلاا بسرعة."احبها والله احبها وامووت فيها احمد ربي انها من نصيبي" وودها بيت سارة..
فهد:غادة..
غادة"التفتت":قلبها..
فهد"يغمز لها":احبك..
غادة"استحت حيل"ونزلت من السيارة بسرعة... بس كان اسرع منها ولمها في صدره بقوة في الشارع..

يتبع...

15 - 11 - 2011, 06:16 AM

غادة"وجها صار طماطم من حركة فهد":فهد..الناس بيطلعون فينا..
فهد"وهو مزال يحضنها":عادي زوجتي وانا حر فيها..
غادة:والله بتفضحنا احين لو شافنا واحد من اهل البيت...
فهد واخير بعد عن غادة.. ودخلت ودقت الجرس..
سارة:جت..جت.."عليت صوتي":كريمة كريمة فتحي الباب.. راحت كريمة وفتحت الباب..
سلمت ع غادة والوي سلمت عليها..
غادة:وش هل الجمال تبارك الرحمن...
سارة"انكسفت شوي ع قوله المصريين":اسلمتي انتي الي صايرة حلووة بالمرة أنتي كل يوم تحلوين..
غادة:اسلمتي..
سارة"اشرت لها"حياك..تفضلي البيت بيتك..
غادة:اسلمتي..
الاء:وش فيه وجهك احمرر..كل ذه خجل..
غادة تذكر حركة فهد في الشارع وزادد احمرار..
سارة:وي وش فيك انقلب وجهك طماطه..صار شيء..
غادة:هه لا مصار شيء..وخلكم من موضوعي اخباركم انتوا؟؟
سارة:الحمدلله زيون.. ومر الوقت بسرعة علينا..
غادة:يلا بروح احين..
سارة والاء:تو الناس حرام عليك..
غادة:لازم اعشي فهد..
الاء:اخذ يافهد..
غادة"استحت":يلا اشوفكم ع خيرر..
سارة"عليت صوتي":كريمة جيبي الحلى الي في الثلاجة..
غادة:أي حلى انتي ووجهك ماابي شيء..
سارة:والله تاخذينه ولا ازعل..
غادة:اخذه بس بشرط..
سارة:وش؟؟
غادة:تتزوجين اخوي؟؟
سارة:هه..
غادة:هههههه.. وش فيك..امزح وياك..
سارة:يووه انتي متجوزين عن حركاتك..ابد..
غادة"وهي تاخذ الحلى مني":يلا اشوفك ع خيرر..
الاء وسارة:سلاام..
وركبت غادة السيارة..غادة:وانت دقيق في مواعيدك..
فهد:إذ كنا الموضوع يخصك اكيد ا حاكون دقيق..
غادة:فديتك وفديت مواعيدك..وش تبي تاكل اليوم؟؟
فهد:امممم أي شيء..
غادة:تبي تاكل حلى..
فهد:أي حلى؟؟
غادة:الي سوته مرت اخوي..
فهد:ههههه خلاص خطتتي انتي وامك انها مرت خوك..انتي خليها توافق بالاول ويصير خير..
غادة:وليه متوافق إن شاء الله..اخوي مافيه شيء ينقص..
ووصلوا في البيت وذاقوا الحلى وماتوا عليه..
فهد:اقوول غادة..خلي البنت ذي تقبل بإخوك باي وسيله..
غادة:ههههه انت مايهمك إلا بطنك..
وفي بيت ابو حمد..
راحت الاء بيتها..ورحت الغرفة ولبست بجامتي النوم ومسحت مكياجي..ورن جوالي..سارة"وانا منسدحة في السرير" وبصوت كله تعب ونوم":الو..
:وقضتك من النوم صح؟
سارة"وانا اقوم واعدل جلستي":مين يتكلم؟؟
:افى معرفتي صوتي؟؟هذه انا؟؟
سارة:مين انتي؟؟
:هههههه هه احين عرفتيني..
سارة"من ضحكت عرفتها":هلااا ببنت عمي وداد..اخبارك؟؟
وداد:ههههه زينه والله ولك وحشه..والله وطلعتي تردين ع ارقام غريبة..
سارة:هههه لا والله رديت من غير مشوف الرقم..
وداد:حزري وين انا احين
سارة:وين؟؟
وداد:انا في بريطانيا..
سارةاستغربت:وين ؟؟
وداد:هههه وش فيك..انا قررت اني اكمل دراستي برا...
سارة:لحالك..
وداد:لاا مع اخوي..
سارة:اها..مع بندر؟؟
وداد:أي وفي غيره..
سارة:اخباره زين؟؟
وداد:أي الحمدلله..وش رايك تكملي دراستك في بريطانيا زيي..
سارة:والله معتقد اهلي بيرضون..
وداد:انتي ساليهم وشوفي..
سارة"هم بالموت يطالعونا":بشوف يلا قلبي اكلمك بعدين..اهتمي بحالك..
وداد:اوك..بس عطيني رد اوكي..
سارة:إن شاء الله..سلام.
وسكرت منها..ورحت كملت نوم لاني تعبانه حيل ولاحتى فكرت في كلامها لاني ماابي ادخل لا كليه ولا جامعة انا مو حول دراسه ابي افتك من المدرسه وخلاص

اليوم الموعود...يوم ملكة نوف...
صحيت بدري وعملت ماسك لوجهي وعنقي.. وغابت اختي رغد اما ريم مغابت من الكليه لانها امس غابت.. وجبنا الكوفيرا وسوت شعرنا وحطت لنا مكياج إلا انا محبيت يحطون لي مكياج حطيت لنفسي مكياج سموكي..روعة..يناسب عيوني..وعملت لي الكوفيرا تسريحة الشنيون.. صارت خيال علي..

فستاني كان مرة ناعم.. وطلع الفستان البنفسجي احلى لان شعري لونه اسود..توب بدون حمالات ضيق من الصدر ويوسع من تحت

رحنا الملكة ونوف شكلها مووت.. والحريم كانوا يطالعون فيني بقووة"زين اني محصنه نفسي ولا كان رحت فيها.."
ولتفت ع وحده
:صايره مووت..
سارة"بنظرات كلها تعجب":من انتي؟؟
:طالعي فيني زين..
تاملت في عيونها"كانت مبرقعة":هلااا"وأنا احضنها"الوي كيفك؟؟
الاء:زينه.. بصراحة معرفتك إلا يوم قالوا لي انك انتي سارة بنت سعد..
سارة:ههههههه لا تبالغيني..الفستان مرة سنبل..
الاء:مو قلت لك في السوق انك انتي راح تحلين الفستان..وع فكرة انتي احلى وحده في الملكة هذه..
سارة:لا تبالغين كثير الاء بالعكس انا اشوف ان نوف حلووة مرة واختي ريم ورغد..والله فيه واجد..
الاء:لا انتي احلى وشكلك كذا كنك فعلا ميساء مغربي..التوام حقها..
سارة:ههههههه أي قولي كذا..احين عرفت ليه يطلعوني..مشان اني اشبه ميساء..
جات حرمه ولمتني في صدرها بقووة وأنا معرفت مين بس باين عليها انها حرمة كبيرة في السن..
سارة"ابتسمت في وجه":هلا يمه "وانا ابوس راسها"..
الحرمة:صايرة قمرر مرة ياسارة..
سارة"يوم سمعت صوتها عرفت انها ام فيصل":اخبارك يمه؟؟
ام فيصل:زينه يابنتي..وين امك؟؟ ابي اسلم عليها..
سارة"اشرت لها":هي هناك قاعدة مع خالتي منيرة وحريم خوالي..
ام فيصل:الله يعطيك العافية..
سارة:إلا يمه وين غادة جات ولا..
ام فيصل:إلا جات بس مدري وين راحت..بروح اسلم ع امك..
سارة:بحفظ الله يمه...
إلا نسمع غنية ادواك عندي لعباس إبراهيم كان تسحبني الاء وتخليني ارقص معاها..
ورقصت وانا وبنات خالي.. انهبلوا الحريم ع رقصنا أنا وريم وفاطمة.. وسالوا من حنا ومن عياله...وبذات انا ظنوا اني ميساء...
ودخل عبدالله ولبس نوف الشبكة...نوف كانت بتموت من الخجل<<مسكينة..
وأنا مدري ان في حد في هذه الغرفة ودخلت وفي وجهي على طول............

.................

15 - 11 - 2011, 07:47 AM

البارت السابع...
وأنا مدري ان في حد في هذه الغرفة ودخلت وفي وجهي على طول لا مستحيل..فـ..فيصل لا لا وقدام وجهي..وفقت مكاني معرفت اتحرك..مدري ليه مع ان كان بأمكاني اني اروح بعد ماشفته بس مدري حسيت ان رجلي مقدرت تتحرك..تعمقت في عيونه..ضليت اطالع فيه وتأمل ملامح وجهه لين سمعت صوت الاء تناديني..وادركت نفسي وفليت بسرعة..
فيصل"من هي الصروخ..قمرر والله"<<معرفها..خخخخ
الاء: ادور عنك وين كنتي؟؟"وهي تشهوه بيدها"هيه سارة "صارخت"سااارة..
سارة بضياع:هه..
الاء:لا منتي معي..وش فيك؟؟
سارة:مراح تصدقيني؟؟
الاء:جربيني..
سارة:تعرفين من شفت في هل الغرفة؟؟
الاء:من؟؟
سارة"بهمس":فيصل..
الاء"شهقت":فيصل..فيصل..
سارة:أي فيصل فيصل..
الاء:وش صار..قولي
سارة:اول مدخلت شفته في وجهي"وهي تاشر بيدها"تخيلي الوي قدامه...مقدرت اتحرك..
الاء:وي ليه؟؟ سحرك..
سارة:تقدرين تقولين كذا..عيونه اسرتني..اسرني بلمعه عيونه..
الاء:لا...شكلك حبتيه..
سارة:لااا..تقدرين تقولين اعجاب بوسامته..
الاء:يعني تعترفين انه وسيم..
سارة: مقدر اكذب..هو من ناحيه وسيم وسيم..ويمكن زود..كلمه وسيم شوي عليه..
الاء:كل ذه واعجاب اجل كيف الحب..
سارة"وانا اضربها في كتفها":الاء اسكتي..احسن لك..حسيت ان وش وي وبوقع من طولي يوم شفت عيونه...
الاء:اقول انتي الي اسكتي ذه حب مو اعجاب..وبعدين ذكري علي..
سارة:سكتي جات حنان..
حنان"وهي تقترب منا":سارة وينك تدور عنك غادة..
سارة:جاات..وينها؟؟
حنان"وهي تمسك يدي":هناك تعالي اوديك لها.... وانا مسكت يد الاء في يدي الثانية...
غادة يوم شافتني صنبرت غادة"بشك":سارة..
سارة"وأنا اسلم عليها":عيونها..
غادة:مصدق..انتي سارة؟؟
سارة"ابتسمت":أي والله..ليه؟؟ شكلي شين..
غادة:شكلك خياال..تصدقين معرفتك..صايره تحفه..
سارة:صدق..احسن انكم تبالغون مرة..
غادة:انكم..ليه في حد قال لك انك صايرة تحفة غيري..
سارة:الكل مو بس انتي؟؟
غادة:الله يعين اخوي عليك..شكله بيخق لو شافك..
الاء:اصلنا هو شا......
دست رجولها:هههههه..
الاء:آآآآآه..
غادة:وش فيك؟؟
الاء"وهي تدعي الضحك":ههههههه لا مافي شيء..ههههه"شكلها يضحك وهي تسوي كذا..مسبها"..
الاء"همست لي":وجع عورتيني بالكعب حقك..
سارة"بهمس":تستاهلين..كان فضحتينا عندها..
رن تلفون غادة وطلعت عشان تسمع:هلا فهد..كييف؟؟..بس توني داخله..فهد حرام عليك..بس..سكر السماعة في وجها..
ريم:ههههه أي والله..
حنان:حتى أنا شفتها..
سارة بنت مبارك:ههههه بذمتكم لابسه كذا..<<تعرفون البنات لازم يعلقون على لبس غيرهم...
غادة"وهي تلبس عبايتها":يلاا انا لازم اروح..
سارة بنت سعد:توك جايه..
غادة"وشوي وتبكي بس اكتمت دمعتها":احس نفسي تعبانه ولازم اريح..
سارة بنت سعد:.....
غادة:قولي لامي اني خلاص طلعت وقولي لها ان فهد هو الي خذاني..اوك..
سارة بنت سعد:إن شاء الله..
غادة:مو تنسي..
سارة بنت سعد:متخافي..
وراحت غادة..وركبت السيارة ولا تكلمت بحرف واحد..
فهد:كيف كانت الملكة..حلوة ولا شينة..
غادة:................
فهد:ياهوا انا اتكلم...
غادة"مردت عليه":.............
فهد:يعني بظلين ساكته..
غادة:............
وظلت ساكته لين موصل بيتها نزلت بسرعة من دون كلام..خذت مفتاحها وفتحت الباب ودخلت الصاله ورمت عباتها وشالها في الكنب...
فهد:غادة..تكلمي انا اكلمك..
غادة معطته وجه ومشت قدامه بس هو مسكها من يدها..
فهد"بحده":غادة..أنا اكلمك وانتي متردين علي؟؟
فهد شاف دمعه غادة..فهد"بخوف":وش فيك ياغادة شيء يعورك..
غادة:اهئ..اهئ
فهد:وش فيك تبين اوديك المستشفى؟؟
غادة"رفعت نظرة عليه":الي فيني ميقدر الدكتور عليه...مايقدر"ودمعت عينها"
فهد"بخوف وصوته شبة عالي":غادة..يعورك شيء؟؟
غادة"وصوتها كلا بكي وهي تصارخ":أي انت..انت الي تعورني والي تتعبني بغيرتك الي مالها داعي..
فهد:.............
غادة"وهي تصارخ":أي انت...انت..يافهد..تعبت ارحمني معرف اخذ راحتي ابد..

يتبع...

15 - 11 - 2011, 08:34 AM

فهد:................
غادة"وهي تضرب ع صدره وتصارخ":أي..انت..انت..انت...انت يافهد.."وتزيد في الضرب"انت التي طينت عيشتي..انت.."وهدت شوي..وهي تضرب" حراام عليك..
فهد:.............
غادة"كملت":انا اكرهك..اكرهك..اكرهك بقوووة...
كلمة"اكــــرهـك" تردد بعقل فهد.. فهد"تكرهيني ياغادة تكرهيني.." وخذ شماغه وطلع...
غادة ظلت تبكي كنها بزره...وبصوت طويل..
وراح فهد وبعد عن البيت وقف سيارته ..ومانزل من السيارة وتذكر غادة..انتي الي تعورني...اكرهك..طينت عيشتي..اكرهك بقوة.."هذه الي تذكره فهد..ونزلت دمعته ع خده...وهو يتذكر كلام حبيبته وروحه غادة... وكل مايتذكر انها قالت"اكرهك"وهي طالعه من قلبها..تنزل دمعته الحارة ع خده...
بيت ابو جمعان...
ماجد:اسمع ذي والله بتضحك حيل.. في وحده بنت تكهربت قامت جدتها تصفق ليش؟ تحسب أنها ترقص..واسمع ذي غبي مشتهي لبن راح للثلاجه لقى تاريخه منتهي قام زور التاريخ وشربه..
ابو جمعان:هههههه الله يقطع بليسك..بسك..
وجات منيرة وبناتها..منيرة:ضحكوني معاكم..ابي اضحك..
ماجد:من عيوني..
متعب:ليه قلتي...
قاطعه ماجد:فيه محشش اتصل على ناس قال: بيت فلان؟ قالو لا قال: اجل ليش تردون وفيه فيه محشش يقول للثاني تصدق انك تشبه الحمار قال الثاني قول ما شاء الله..
الكل:هههههههه...
ساره فسخت عبايتها:وانت كل ماتجلس عندنا لازم تطربنا بنكتك..
ماجد:شفت والد زهقان قلت اسليه..
متعب"ابو جمعان":شف الكذب..والله انت تبي تسلي حالك..
الكل:ههههههههه

في بيت ابو عبدالله..
عفراء"وهي تمسح مكياجها":وانتي كلا تتلزقين في ام فيصل والله ام راح تشك فيك..
سارة"وهي تمشط شعرها":انتي وش دراك انها حست ولا محست..
عفراء:انا بس حبيت انبهك..خفي عليها..والله وتصرفاتك كذا معها شكلها بتبطل..
سارة:تبطل شنوا انتي ووجهك..
عفراء:انها تزوجك لولدها..
سارة"بحده":لا ان شاء الله..إلا بالعكس بتقول ذي البنت السنعه ألي تدور ع راحتي..
عفراء:ياخوفي العكس والله.."وهي تأشر بعيونها"جات اسماء اسكتي..
اسماء"وهي تسكر الباب":شفتي فستان سارة بنت عمتي الهنوف..
عفراء:يهبل..
اسماء:يهببببل مرة ناعم وحلو..وشكلها كان خطير مرة..
عفراء:أي ماشاء الله عليها صايرة اجمل وحد في الملكة..
سارة"انقهرت":لا من قال في والله واجد احلى منها في الملكة.. وإذ صايرة حلوة حيل ع قولتكم فهذا من المكياج بس انتو شفتوا وجها بدون مكياج يلوع الكبد..
عفراء"شهقت":حراااام عليك والله انها تصير احلى بدون مكياج انتي شفتيها يوم رحنا للمزرعة مكانت تحط..
اسماء:أي والله جميلة تبارك الرحمن..ورغم جمالها إلا انها متواضعة مررة..واجتماعية..احين الوضع تغير السود والشيون هم المغرورين وشايفين نفسهم..والحلوين هم المتواضعين..
سارة:انقلعوا بس والله من المساحيق الي تحطها..في وجها والكريمات مكانت صارت بيضة كذا..
اسماء:ابي اعرف ليه متحبينها..
سارة:مرتحت لها مدري ليه؟؟
عفراء وهي تقول في ذاتها"والله انتي منقهرة لانها احلى منك واطول واضعف وكل شيء هي احسن منك..والاهم ان ام فيصل تحبها وهذه الي مخوفك"

وفي المقهى..
فيصل:قول لي وش الي خلاك بهال الحال؟؟ولا بعد تبكي وش صار..
فهد"بتعب واضح في بحه صوته":آآآآه"طلعت من قلب"مدري وش اقول لك..
فيصل:وصل الموضوع للآآآآه..قول وانا كلي اذان صاغيه..
فهد قال له الموضوع..
فيصل"وش وي وبيفع من الضحك بس مسكها":هذه الي صار..
فهد"تنهد":أي تصور قالت لي كلام اول مرة اسمعه منها..قالت انها تكرهني..
فيصل ماسك نفسه لايضحك:هي قالتها وهي معصبة..وبعدين متوقع انها متقصده..صح ولا؟
فهد:والله كل شيء جايز..
فيصل اكتفى انه يبتسم بس:احين هذه ألى شاغل تفكيرك..وحالتك حاله وتبكي ومدري وش..والله انك منسم..
فهد:من حبي لها بكيت..من حبي لها اخاف..اغار عليها... ساعات ودي متطلع من البيت عشان ماابي حد يشوفها..
فيصل:بل كل ذه حب..الحمد الله اني محب حد..يلعن ابو الحب بس ألي يجليك كذا...
فهد:أي والله...انا ماابي انام في بيتي..
فيصل:اجل وين بتروح..
فهد"وهي يفكر"..............
فيصل:تعال نام في بيتي..
فهد:وحصه....اي هي متسكن في بيتك بعد الطلاق...

بيت فهد وغادة..
غادة وهي تشوف الساعة1:30...مسكت الجوال وصارت تدق عليه بس تلفونه مشغول.. غادة"وهي متوترة":اكييد صار له شيء...اكيد لان مو من عوايده يتأخر كذا وليه مسكر جواله..يمكن يمكن صار له حادث لا لا متوقع.."بكت"ودقت على المستشفيات ألي تعرفهم وسالت ان كان وقع حادث..وردوا عليها ان مافيه أي حوادث.. غادة"وهي تسكر التلفون":يووه وينك يافهد احين وينك..بس..ليه تخلين احاتيك ليه بس..

بيت ابو حمد
في الصباح الساعة10:10 من يوم الثلاثاء..
حسيت نفسي تعبانه حيل بسبب الملكة، خذت لي دوش دافئ مشان يعطيني نشاط، ولبست جلابية مرة حلوة بلون الازرق والاسود الملكي...مره فخمه وسيحت شعري..
ونزلت تحت وفطرت لحالي مشفت امي لانها تعبت من الملكة واختي حنان بعد مشفتها
ومسكت جوالي..سارة:ابي اكلم الوي حبيبة قلبي..ام النوم..
وشفت 10 مكلمات من غادة..
سارة"استغربت":وش فيها..داقه علي الساعة 3 الفجر بدق عليها وشوف..
سارة:هلااا غادة..
غادة وصوتها تعبان مرة:سارة لحقيني.."وبكت"..
سارة بخوف:غادة وش فيك صار لك شيء؟؟
غادة"وهي تبكي":تعباانه ياسارة..تعبانه مررة..
سارة"مت من الخوف يوم قالت تعبانه":تبين اوديك المستشفى..
غادة:لاا..اهئ اهئ فـ..فهد..اهئ مد..اهئ مدري وينه..
سارة:هدي مفهمت منك شيء..فهد وش فيه..
غادة"تبكي":............
سارة:غادة.تكلمي وش فيك صار له شيء..غاادة..
غادة:فهد مدرري ووينه؟؟ اهئ
سارة:مكلمك هو..
غادة:لاا لا ياسارة..
سارة:انتي في البيت ولا..
غادة:أي..
سارة:بجيك انتظريني..وين بيتك..
غادة:يم.........
سارة:اوك..دقايق وانا جايه..
وسكرت منها ودقيت ع اخوي حمد وهو في الشغل وقال انه بيجين بعد دقايق

ورحت قلت لامي ان غادة تعبانه ورضت لي ولبست عباتي..وطلعت مع حمد ووصلت بيت غادة..فتحت لي الباب..
رمت نفسها في صدري وتبكي حيل:اهئ..اهئ..
قعدتها في الكنب وعطيتها كوب ماء..فسخت عباتي..:اكلتي ولا..
غادة بتعب:لا مااكلت ولا نمت.. وكيف يجي لي النوم وفهد مدري وينه..هو حي ولا ميت..اهئ
سارة:قولي لا إله إلا الله..ان شاء الله مصار له شيء..ومهمه كانت مدته راح يجي بس صبري..الصبر مفتاح الفرج..
غادة:لا إله إلا الله..صدقتي..
سارة:يلا اكلي"مديت لها التمر"..
غادة"وهي تهز راسها بنفي":ماابي اكل..
سارة تنهدت:غادة إذ مكلتي هذه التمرة والله راح ازعل ولا راح اكلمك لو شو يصير..وبالموووت خذته وشربتها مويه ..ونامت بصعوبة..ورن جوالي ودخلت داخل عشان متقوم..ودخل فيصل بيت غادة وشافها نايمه وسمع صووت في المطبخ..
سارة"بضحكه خققت فيصل":ههههههه الله يقطع بليسك.. متى راح تجيني..صحيح.. وهو يطالع فيني بنظرات كلها استغراب..
سارة:ههههه خلاص تعال لي يوم ثاني لأني مقدر امي وخواتي في البيت..ابيك انت بلحالنا...احبك..احبك..ههههه من قال؟؟..حتى لو تزوجت واحد غيرك بظل احبك لأخر يوم في حياتي..يووه ياسلطان..وبعدين معاك..
مصدق فيصل يوم سمع سارة تقول هل الكلام فيصل"معقوله تكلم واحد ولا بعد تبيه يجي في بيتها..معقوله انتي ياسارة كذا...لا مصدق الي سمعته..اكيد انا مسمعت عدل"

...................

15 - 11 - 2011, 08:35 AM

البارت الثامن..
سارة:ههههه خلاص تعال لي يوم ثاني لأني مقدر امي وخواتي في البيت..ابيك انت بلحالنا...احبك..احبك..ههههه من قال؟؟..حتى لو تزوجت واحد غيرك بظل احبك لأخر يوم في حياتي..يووه ياسلطان..وبعدين معاك..
مصدق فيصل يوم سمع سارة تقول هل الكلام فيصل(معقوله تكلم واحد ولا بعد تبيه يجي في بيتها..معقوله انتي ياسارة كذا...لا مصدق الي سمعته..اكيد انا مسمعت عدل)
سارة:يلاا بسكر اخاف غادة تصح من النوم ومتلقاني...هههههه يلا سلام..والتفت وشفت شفت فيصل وطاح الجوال مني..يوم شفته.. ونظراته كلها استغراب...وظل يطالع فيني..وماوخر عينه عني..
سارة"يووه ليكون سمع كلامي..وي وش بيقول عني احين" وبتردد:ا..انـا..."تمنيت الارض تنشق وتبلعني بس ميطالع فيني بحتقار.. وكنه يقول ساقطه..."
غادة:سارة..سارة.. وراح هو يمها وانا تخبيت في المطبخ.. فيصل بحنيه:سلامتك يالغالية؟؟ وش اخبارك احين؟؟
غادة:فيصل.."وهي تضمه"اهئ فيصل معرفت شيء عن فهد..
فيصل"ودي اقول لك بس هو محلفني اني مقول لك":لا ..دقيت عليه بس مقفول..وش الي صار امس؟؟
غادة اكتفت بالبكاء
فيصل"يقولها بقرف واستحقار":وش تسوي هنا...
غادة:مين سارة؟؟ مسكينه يوم سمعت صوتي في التلفون جات عندي ع طول..
فيصل"مسكينه إلا سكينه..تمثل عليكم دور البريئة واللطيفة ولكن هي غير عن هذه القناع الي كانت تلبسه"
دقيت على حمد ع طول مشاني جيني استحيت اقعد لان فيه فيصل وشكله بيجلس وياها.. ولبست عباتي وجيت بطلع بس هو كان واقف يم الباب عطاني نظرة ووخر"مدري كيف اوصف لكم النظرة معرفت افسرها.." ويوم طلعت طلع معاي وقال لي:انتي..ماابي تكون اختي عندها علاقة بوحده مثلك"وهو ياشر علي"..
حسيت في هالوقت اني ساقطة يووم تكلم معي كذا.. فيصل"يكمل":سمعتي ولا..لان بصراحة ميشرفي ولا يشرف اختي انها تتعرف على هل الاشكال..
انقهرت يوم قال كذا،وبلا شعور عطته كف على وجهه..سارة:انا مسمح لك.. فيصل قرب مني ومسكني من يدي بقووة وهو يضغط عليها:من انتي؟؟"ويقربني منه"(اول مرة اكون قربيه من رجال كذا)..من انتي؟؟ عشان تعطيني كف.. وسمعت هرن اخوي حمد..وقدرت اني احرر نفسي منه..وطلعت على طوول وركبت السيارة وانا خايفة..انه يسوي شيء..حسيت ان الطريق طوويل مرة.. ومحسيت بنفسي إلا وانا ابكي بصوت واطي مشان مايسمعني حمد ويعمل لي سالفة..ويووم وصلنا طلعت من السيارة بسرعة وطلعت فوق في غرفتي ورميت عباتي..وانا خايفه مره ومتورتره
الهنوف"وهي تدق الباب":سارة..سارة وش فيك؟؟ يمه سارة..
حنان:وش فيك يمه..صوتك طويل الله يهديك.. الهنوف:اختك سارة مدري وش فيها ركضت على طول في الدرج اكلهما ولا ترد علي..حنان"صوتها كلا خوف":ليكون غادة فيها شيء..الهنوف"وهي تطق الباب:سارة يمه... سارة:اهئ...اهئ سمعت صوت امي محبيت تشوفني كذا..رحت الحمام"الله لايهينكم"وغسلت وجهي..وفتحت الباب:شو فيكم كسرتوا الباب..الهنوف:يمه وش فيك؟؟ شفتك تركضين ولا عطتيني وجه.. سارة"تصنعت الابتسامه":انا مافيني شيء..انتي فيك شيء..
الهنوف"وهي مو مقتنعة":لا انا مافيني شيء..بس..
قاطعتها حنان:يمه الله يهديك انتي لازم تضخمي الامور..شوفيها زي البخت..
سارة:أي يمه صح كلام حنان انا مافيني شئ..
الهنوف:متاكدة..
سارة:أي..
الهنوف:وش فيها غادة؟؟
سارة:لا بس تعبانه..وتدق على فهد بس هو مايرد..
الهنوف:اها..سلامتها..
سارة:الله يسلمك..
حنان:يلا..ترى مبقى شيء..على اذان الظهر واحنا لسه مطبخنا..
الهنوف:أي والله..ننتظرك في المطبخ يمه..
سارة:إن شاء الله..
وفي بريطانيا...
الجو كان حلو لابارد ولا حار كان الجو يلعلع..وداد:بندر..يلا قووم..يلاا..يووه شلي بيقومه ذه نوومه ثقيل مررة.."وهي تفكر"أي لقيتها..بندر..بندر"وهي تهزه"ملكت ريم..
بندر"هو نط من السرير":كييف؟؟
وداد:ههههههه..اي هذا الي ينفع معاك..
بندر"وهو يطقها":والله ان اقتلك؟؟
وداد:كل ذه عشان حبيبه القلب ريموا..
بندر:احترمي نفسك عاد كل شيء ولا هي..وبعدين هي اصغر عيالك عشان تقولين لها ريموا..اسمها ريم..آآآآه صدق من سمها ريم..
وداد:ياعيني ع الحب..يلا اخلص قووم عشان اروح السوق..
بندر"وهو يتثائب":ليه؟؟ إن شاء الله..
وداد:يعني تبيني ارجع الرياض وانا معندي شيء اقدمه لهم..يلاا اخلص..
بندر:يووه يالبنات والله انكم تجبون المرض لحنيتوا..

وفي الشركة...
نور(السكرتيرة):استاز فيصل فيك توئع على هالملف..إزا بتريد..
فيصل:خلااص خليه هناء وانا راح اقرأ..
نور:كما تريد استاز..بدك شيء؟؟
فيصل:لا شكرا..بس لواحد طلبني قولي له اني مشغول..
نور:كما بتريد استاز..

يتبع...

15 - 11 - 2011, 08:36 AM

فيصل قعد يفكر بسارة مقدر يشيلها من راسه"وهو يتحسس خده"انا تعطيني طراق..منخلق الي يمد يده علي...امي الي ولا مرة عطتني طراق تعطيني انتي..هين ياسارة والله لخليك تندمين على اليوم ألي جيتي فيه..أنا اوريك..وخذت جواله ودق على ابو حمد:هلا ابوحمد..
ابوحمد:هلا بفيصل..أخبارك؟؟
فيصل:هلا بيك..انا زين طالما انت زين..بغيت امرك يوم الخميس ذه؟؟
ابوحمد"استغرب":حياك الله في أي وقت..
فيصل"أنا اوريك ياسارة...والله ان مخليتك تتعذبين مكون انا فيصل الـ...... ان مخليتك تبكين دم مكون ولد ابوي...
بيت فيصل
قام بثقل من النوم وراح يتوضا ويصلي..وجلس على الكنب ومسك جواله وشاف
30 اتصال من غادة و7 من فيصل..و5 رسايل من غادة وواحد من رقم غريب..
الاولى: يامن بحبك جريت بحور من عيني
دموع قهر من مرالعذاب
عذابي اللي شفته
إثر غلطتي وياك
أقولها والحق ينقال
أنا لاا لاالاا والله
ما أسوى من دونك !!!
والثانية: أحبك لو تنقلب دنياي همعلى هم أحبك لو تنزف عيوني بدال دمعها دم
والثالثة: عيوني مشتاقة تشوفك و أنفي ولهانلعطرك و يدي نفسها تحضنك
والرابعة: احبك موت يا لغالي احبك بكل مافيني احبك دون كل الناس وغيرك ما تهيالي<<<للأمانه منقولين
والخامسة:فهد,,أحبك موووت رد علي تكفى والله اني احاتيك..تكفى رد...إذ كان لي خاطر رد علي وطمني عنك..لاتحرمني من صوتك ياغناتي..
والسادسة:السلام عليكم..ماابي اطول عليك ترى غادة مريضة مرة ودينها المستشفى وهي بطريقها ع البيت..انتظرها هناك ماهي مطوله..
فهد قرا الرسايل وعلى طول خذ شماغه وطلع..
بيت ابو حمد...
جات غاده ببيتنا وجلست اهديها..
سارة:انتي هدي شووي وإن شاء الله يدق عليك..
غادة:وين اهدي ياسارة..وين..بس..
سارة:أنا اعرف وينه؟؟
غادة"بندفاع":صدق ياسارة..وليه ماقلتي لي؟؟
سارة:لبسي عباتك..وأنا اوديك له..لبست غادة عبايتها وانا بعد لبست عبايتي طلعت وانا ماسكه كيس..
غادة ركبت السيارة معي..ويوم وصلنا..سارة"وانا اكلم اخوي من الدريشه":لخلصنا راح ادق عليك..
عبدالله:خلااص بس مو تتأخرون..
غادة"مستغربة":وين حنا..
سارة:متشوفين..يلاا دخلي.. دخلت غادة معي..
سارة تتكلم مع موظفة الاستقبال:نبي قص شعر وصبغ..
موظفة الاستقبال:انتي حجزتي ولا..
سارة:لا والله..
موظفة الاستقبال:اجل منقدر لازم يكون عندك حجز من قبل..
دقيت على صديقتي اريج(هي مديرة المشغل)وخليتها تكلم موظفة الاستقبال وتشوف معها صرفه..
موظفة الاستقبال:تفضلوا هناك "وهي تاشر"..
سارة:بسرعة لو سمحتي..
غادة"نظراتها كله استغراب":سارة انتي وش تسوي اقول لك وين فهد..توديني المشغل عشان تصبغين شعرك..
سارة:هههههه.. اولا القص والصبغ مو لي لك انتي؟؟
غادة:كييف؟؟ ومن قال لك اني ابي اصبغ ولا اقص..
سارة:يعني تبين تروحين عند فهد وشكلك تعبان مرة..وهلالات سوده تحت عينك..والله ان يخترع..
غادة بهدوء:يعني راح اشوف فهد..
سارة:اكيد ياعيون سارة انتي بس..سكتي وخلي الكوفيرا تسنعك..
اخترت صبغة لشعرها..بلون العسلي وقصت شعرها كوكتيل ع طوله وحطت لها مكياج ناعم مرة يناسب عيونها اللوزيه"وفتحت الكيس ألي جبته وطلعت منه فستاني الاحمر المخملي الي ضيق عند الصدر وعنده فتحه توصل لنص الفخذ وصندالها احمر..شكلها كان خيال مرة..
سارة:وااو شكل فهد راح ينجن فيك..
غادة"احمر وجه":سلمتي...سارة الله يعطيك العافية..مقدر اوفي لك جميلك..
سارة:لا تقدرين..إذ وقفتي عن البكي..
غادة:مو مصدق اني راح اشوف فهد..
سارة:لا صدقي..وخذت جوالي ودقيت على خوي عبيد..ورحنا لبيتها..سارة:وقف دقيقة..راح اجي بسرعة..
عبدالله"زهق":يلاا بسرعة والله ان تاخرتي راح اروح.. ودخلت بيتها..غادة:يعني هو موجود هنا..
سارة:أي لا وصيك هلا هلا بالكلام الزين..مو تعفسينا..
غادة:هههههه لا متخافين...بس كيف انتي عرفتي انه هو هينا..
سارة: بعدين اقول لك..وركبت السيارة..مدري ليه تذكرت فيصل يوم يناظرني بحتقار ويوم عطيته كف..احسن اني ندمت يوم عطيته كف مع انه يستاهل..
غادة فتحت الباب وتلفتت يمين يسار وملقت نفسها إلا وهي في حضن فهد..
فهد"لمها بقووة في صدره":غادة..وش فيك؟؟وش قال لك الطبيب..
غادة:فهد من متى انت هنا؟؟ واي طبيب الي تتكلم عنه..
فهد"بعد عنها"وطلع جواله من جيبه:بس في واحده قالت لي انك تعبانه وودتك عند الدكتور..
غادة وهي تشوف الرساله:انا مرحت عند الدكتور انا رحت عند..(قالت في نفسها والله انك خطيرة ياسارة)
فتحت عباتها ونزلت الشيله عن وجها..وفهد خف على شكلها وصاير شكلها مغري مرة لان الفستان فيه فتحه توصل لين الفخذ وكاشف من الصدر..
غادة"وهي تطالع شكلها في المرايه وبدلع":عجبتك؟؟
فهد"وهو يحوطها من خصرها"وبنبره ذوبت قلبها:حيللل..صايره قمررر..
غادة"استحت من صوت فهد وقربه منها":صدق..
فهد"وهو يبوسها في خدها وفي وجها"وبنظره خلت غادة تحمر من الخجل":أي ياقلب فهد انتي..
غادة استسلم لفهد......................................
.................................................. ......................
بيت ام فيصل..
فيصل:يمه انا خلاص ابيها..بتزوجها
ام فيصل"وهي مستغربه":تتزوج..."وهي فرحانه"اخيرا ياولدي اقتنعت بكلامي..
فيصل بخبث:انا من زمان مقتنع...بس مكان لي نيه بزواج مرة ثانية.. بس احين لي نيه..
ام فيصل:خلاص اجل بكلم ام حمد عشان اخطبها لك..

ام فيصل:من زمان كان ودي انك تتزوجها بس انت ماتنفل..ياهو عندها جمال متصدق سبحان الي خلقها..
فيصل(ادري انها ملكه جمال..وجها مثل البدر..وعيونها ذابااحه)يسوي نفسه مشافها:لهل الدرجه هي جميلة
ام فيصل:أي ياولدي كلمه جميلة شوي عليها..
فيصل:اجل ع بركه الله..قام وباس راسها..يمه انا اخذت موعد مع ابوحمد..
ام فيصل:يعني تبي تتقدم لها بشكل رسمي..
فيصل:ايوا مو احسن..
ام فيصل:أي اكييد..احسن..
فيصل"والله ان اعلمك دروبك زين ياسارة يابنت سعد..والايام جايه"
بيت ابو حمد...
ريم:لا ماني موافقة..
الهنوف:وليه لا..
ريم(غير بندر ماابي):انا ماابي اتزوج..وبعدين استخرت ومارتحت..
الهنوف:ممداك تستخرين انا توني قلت لك..
ريم:رغد الي قالت لي..
الهنوف وهي تطالع برغد بغيظ:طب استخرتي مرة مرتين..
ريم:والله..استخرت مرة مرتين ثلاث بس مرتح ابد
رغد:يمه خلاص لاتغصبينها..ويمكن ذي خيره..
ريم:أي يمه خيره صدقيني..
الهنوف"تتنهد":آآه وش اقول للحرمة احين..
ريم:تصرفي يمه..
الهنوف:انتوا راح تموتوني بدري..
سارة:هههههه الله يهديك يمه بس..ورن جوالي..وشفت الرقم غريب مرديت وكلا يتصل وانا مرد عليه وحطيته على سايلنت لاني زهقت..وترك رسالة كاتب فيها"ردي سارة انا سلطان" قريتها وتركت رساله "غيرت رقمك..فديتك..بدق عليك احين"وارسلته له..ودقيت عليه..
سارة:هلاا حبيب قلبي سلطان...
:.......................
سارة بدلع رباني:شوو مابدك تتكلم؟؟
:هلا بزين كله..
سارة"بخوف":من انت؟؟
:هههههه معرفتيني ياسارة..
سارة:لا من انت؟؟وكيف تعرف اسمي..
:والله هذا مو مشغلك...
سارة سكرت السماعة في وجهه..ودق علي بس انا مرديت..ورسل لي رساله"ردي ياسارة والله ان مرديتي..راح تشوفين شيء ماشفتيه في حياتك"خفت من تهديده بس طنشته ورحت نمت...

يتبع...

المواضيع المتشابهه لموضوع: غصبن عني حبيتها للكاتبهSandra-kas لموضوع: غصبن عني حبيتها للكاتبهSandra-kas
الموضوع	كاتب الموضوع	المنتدى	مشاركات	آخر مشاركة
البنت اذا زعلت مع حبيبها	جروح الم	همس للألغاز والنكت والضحك	2	9 - 1 - 2014 07:52 PM
خاطرة بنت تودع حبيبها	سجات التهاويل	همس عذب الكلام والخواطر المنقوله	8	23 - 10 - 2013 04:09 PM
استيقظت فج ة ولم تجد حبيبها بجوارها	الملك	همس للقصص وحكايات وروايات	9	14 - 3 - 2012 06:46 PM
الحريم اذا عصبن	ملاكـ	همس للألغاز والنكت والضحك	8	17 - 1 - 2012 01:24 AM

الذين يشاهدون محتوى الموضوع الآن : 1 ( الأعضاء 0 والزوار 1)

الأعضاء الذين قاموا بتقييم هذا الموضوع : 0
لم يقوم أحد بتقييم هذا الموضوع

غصبن عني حبيتها للكاتبهSandra-kas

همس للقصص وحكايات وروايات