غصبن عني حبيتها للكاتبهSandra-kas

15 - 11 - 2011, 08:36 AM

بيت فيصل..
فيصل"بعد تسكرين السماعة في وجهي أنا اوريك..ووتجاهلين اتصالاتي..أن مخليتك تندمين على انك شفتيني مكون فيصل الـ.... ولا بعد يوم رديت على طول عرفت اني مو سلطان حبيبها..دارسه صوته دراسه...
بيت ابوحمد...
صحيت الساعة 9:15 استحميت ونسيت ألي صار امس ولبست تنورة ميدي جنز ازرق مع بدي ابيض وصندل بلاك وحطيت غلوس وكحل..وسيحت شعري..

وفطرت لحالي..قريت جريدة مع كوفي...ولا تجيني رساله من نفس الرقم"استعدي للمفاجئ السارة...راح تجيك عند الظهر..يا..سارة يابنت سعد..
خفت كثير في البداية قلت يمكن غلطان لان في واجد بنات اسمهم سارة بس يوم قال سارة بنت سعد..خفت كثير بس انا معرف من ذه الرجال؟؟وش يبي فيني؟؟تسائولا كثيرة مالها رد...
وجات الساعة1:12 ودخل حمد البيت وهو مرة تعبان..سارة:متبي تتغدا؟؟ "وطالعت وجهه مبين عليه الارهاق والتعب" حمد وش فيك تعبان..
حمد:وش اقول لك ياسارة.."تنهد"المدير طردني مع اني مسويت شيء..
سارة:كييف؟؟
حمد:يقول اني مهمل في عمله؟؟مع اني والله مثابر مرة حتى الموظفين تفاجئوا..
قلت لا ليكون هذه المفاجئه..ورحت عند جوالي وشفت رساله منه تقول"ههههههه عجبتك المفاجئه ياسارة..عشان تعرفين مرة ثانية ماتتجاهلين و عشان تعرفين اني قد كلمتي..وان تجاهلتيني مرة ثانية بيصير مصير ابوك زي اخوك.."
ودقيت عليه وانا صوتي كلا بكى:الو..
:هلا والله بالزين..
سارة"وانا ابكي":انت وش تبي مني..
:ابيك انتي..انتي وبس..
سارة:مفهمت؟؟
:تؤتؤتؤ..توقعت اذكى من كذا..
سارة:ابي اعرف من انت؟؟
:هههههه..انا فيصل الـ.........
حسيت ان بيغمى عليه...مو مستوعبه الي صار كنه انكب علي ماي في وجهي..حسيت اني في حلم وابي احد يصحيني منه..
فيصل:وش فيك سكتي؟؟؟
سارة بتردد:فـ ...فـ .. فيصل..
فيصل:أي فيصل.. ياسارة..
سارة"مو مستوعبه الي يصير":انت وش تبي مني؟؟
فيصل بحده:قلت لك ابيك انتي؟؟
سارة"وانا اشهق من البكي":اهئ..ليه...تسوي فيني كذا؟؟
فيصل:تؤتؤتؤ...لا ياسارة لاتبكين تعورين قليبي كذا..أنا مقدر على دموع الحلوين...
سارة"وانا ازيد بكى":........
فيصل:لا لاتبكين ياحرمه فيصل الـ......
سارة"مو مستوعبه الي يقوله":كييف؟؟
فيصل:الي سمعتيه؟؟وش فيك مستغربه كذا..ههههههه اكيد مو مصدقه ان فيصل الـ..... ياخذك وحده زيك..
سارة فهمت وش كان يقصد:احترم نفسك ياحقير..
فيصل بحده:والله وطلع لك صوت يا....
سارة انقهرت من اسلوبه:احترم نفسك..وطالما انا زي متقول..اجل ليه تبي تاخذني..
فيصل:دخلتي في مزاجي وابيك..
سارة:انت كيف تسمح لنفسك تأخذ وحده متبيك..
فيصل:بس انا ابيك..ومو لازم انتي تبيني..
سارة بقهر:تخسي إلا انت..حتى لوكنت اخر رجال بهدنيا مخذتك..
فيصل:لا يكثر بس...انا بجي بخطبك من ابوك يوم الخميس ذه..ويويلك ان ماوفقتي..وانتي تعرفين زين اني اقدر على كل شي...ياسارة..
سارة:اا...وسكر السماعة في وجهي وقعد ابكي..ريم"وهي تطق الباب":سارة...تقول لك امي يلا متبين تتغدين..
سارة"عدلت صوتي محبيت احسسها اني كنت ابكي":لا ماابي مو مشتهيه..
ريم:اوكي...ونزلت..
رحت الحمام وغسلت وجهي بالمويه ورحت صليت وقريت قران.."ودخلت في نوبه بكى مو مصدقة ألي صارلي..أنا اصير زوجة فيصل لا مستحيل...طب ليه يبيني انا مع انه يقول اني بنت......بنت لها سوابق..اهئ بكيت حيل من ذي الكلمة..لا انا موكذا بس ليه يحسسني اني وحده واطيه وحقيرة؟؟
وجاء اليوم الموعود...يوم الخميس...
استحميت وسرحت شعري وحطيت مكياج اصفر كريمي مدموج بالازرق وخط أي لاينر عريض ولبست عدسات بندقيه..وكثفت الماسكار في عيني..ولون البني تحت عيوني..وعطرت من العطر الفرنسي..ولبست بلوزه صفراء كريمي..مع تنوره طويله جنز ازرق
ولبست صندال عالي لونه اصفر كريمي..
الهنوف"تنادي من عند الدرج":سارة ياسارة...
نزلت لها:نعم يمه..بغيتي شيء..
الهنوف:أي..بغيتك تسوين حلى اليوم...
سارة:حلى وليه؟؟ اقصد غريبه انك تبين حلى..
الهنوف:لا بس صديق ابوك جاي اليوم وقلت نسوي له حلى..
سارة"بعد صار صديق ابوي من متى ان شاء الله":لا يمه خلي ريم ولا حنان تسوي انا ابي اريح شوي..
الهنوف مستغربة:وش فيك...مافيك إلا العيارة..ويلا روحي سوي الحلى من ايدك الطيبة وبعدين خواتك ينظفون المجلس يلا انزلي سوي..
سارة"حشى مصار ضيف كل خواتي في المجلس ينظفون...كنا اول مرة يجينا ضيف" رحت المطبخ وسويت الحلى..

وفي العشاء جاء فيصل عند ابوي... ودخل ابوي ونادني:سارة تعالي..
جيت وقربت منه:نعم يبه..
سعد:يابنتي جاك واحد..و مو أي واحد يابنتي هو ماينرد..وطلب انه يشوفك..انا سالت عنه
استغربت من طلبه هو شافني من قبل مرات مو مرة وحده انقهرت من طلبه:بس يبه...
يقاطعني:يابنتي بلا بس ولا مابس..يلا زوجك ينتظرك"ابتسم في وجهي" سارة"استغربت":هه زوجي..
سعد:ادري انه مصار زوجك إلى الان بس انا متأكد انك راح توافقين لانه بصراح هو ماينرد انا اعرفه زين وسالت عنه.....ساره"سأل عنه ممداه يسال عنه ليكون قال له من ايام" وخذني من يدي ودخلني المجلس وانا مرعوبه مرة صحيح اني شفته من قبل وانا عندي خبر انه بيجي بس احين غيرر والله احس ان رجولي ماتشيليني..:يبه خايفة.. سعد:ههههه لاتخافين ولا شيء انا معك..يلا.. ودخلت"وعيوني تحت":السلام عليكم..
فيصل(والله مزيونه مررة سبحان الي خلقها...بس الزين ماكمل) :وعليك السلام.. ورفعت عيوني وشفت عيونه الذباحة حسيت انه بيأكلني من نظراته.. فيصل(جميلة وانا اشهد..ليه ياسارة تتبعين هذا الطريق ليه):اخبارك ياسارة؟؟
سارة(الصراح توني ادري ان اسمي حلو كذا...اسمي في لسانه غيرر مرة):زينه.... وظل يطالع فيني بقووة وانا بمووت من الحيا من نظراته... ورحت داخل..ريم:هه وش صار عجبتيه ولا...
رغد:غبيه انتي اكيد بتعجبه كل هل الجمال ولاتعجبه..تلقين مو مصدق..
سارة بتوتر:اسكتوا..وأنا وش يعرفني ان كنت عجبته ولا لا..
ريم:من نظراته..
سارة"عيونه..عيونه ذباحه بشكل":اصلنا من الخوف مشفته...
ريم:أي قصي على هندي بس مو علي انا..
الهنوف"وهي تسحبني":اقول اسكتوا ياقليلات الادب..وخلوا اختكم ترتاح..."وهي تساسرني" هه يابنتي عجبك..
رغد وريم:هههههههه...
ريم:كيف تبينها ترتاح وانتي هههههههه..
رغد:يمه والله انتي فله..
الهنوف:انعبوكم اسكتوا والله ان سمعكم بيقول حشى ذول طايرين ع الزواج..والله بيفضحوني..
سارة:عن اذنكم....ورحت بسرعة فوق ووجهي صار الوان من كلام امي وريم..
ريم"وهي تعلي صوتها":ياعيني ع الحيا..ياعيني...
رغد:يعني نقول مبروك"ولووولشت"لووووووويش
الهنوف:انتوا ماتستحون ع وجهكم..
وفي المجلس..سمع فيصل اللوش وضحك..فيصل:ابي اسمع الرد بكره..لاني ياعمي مستعجل..
سعد:وش عندك مستعجل هههههه..اخذ بعد مستعجل..هههههه
فيصل:ههههههه...لاني بروح امريكا وقلت اوديها معاي..
سعد:وش عندك بأمريكا..
فيصل:عندي رحله شغل في نهاية هذا الشهر..وقلت نأخذ شهر عسلنا هناك مرة وحدة..
سعد:موفقين..إن شاء الله..
فيصل:إن شاء الله..
في غرفتي..مدري اضحك ولا ابكي..كني بين نارين..شرذت فيه افكر كيف بتكون عيشتي معاه...ولا اسمع صوت موسيقى رساله..انا حاطه موسيقى خاصة لرنات وموسيقى ثانية لرسائل..وخذت جوالي بسرعة حسيت انها من فيصل وفعلنا هي منه كاتب"مبرووك عليك انا...ادري منتي مصدقة اني انا فيصل الـ...... جاي يتقدم لك..اسمعي ابي رد الموافقة بكرة وراح تكون الملكة والزواج في يوم واحد سامعه ويويلي منك ان موافقتي سامعه والله ان اطين عيشتك..سامعه.." مغرور مررة على وش شايف نفسة ذه(من حقه يغتر جميل مرة)..وكتبت له"على وش تبارك لي مالت عليك..وليش هل الغرور على وش ياحظي مغتر مدري على جمالك ولا مركزك الاجتماعي..خلف الله علي وعلى حظي المقرود" فيصل:بعد وطلع لها صوت..انا اوريك ياسارة..مكون فيصل ان مربيتك عدل..وكتب لي"لايكثر..وزاجنا راح يكون في نهاية الشهر ذه...وبعدين تعالي من زينك انتي..أنتي شفتي وجهك في المرايه تلوعين الكبد وع...(والله مزيونه بنت الذين..وعليها جسم"وهو يعض شفايفة")ولا بعد دبه..
سارة:خبل ذه كيف يكون زواجنا في نهاية ذه الشهر اصلنا مبغى شيء على نهايته.. أنا دبه..حرام عليه..وزني 50 وطولي 164 يعني وزني عدل وش فيه ذه معنده نظر..كتبت له"كييف؟؟نهاية الشهر ذه مبغى شيء على نهايته..ومايكفيني عشان اجهز نفسي"
وكتب لي" عاد كيفك مكفى كفى ذه مو شغلي.. ولاتناقشيني في هذا الموضوع لاني خلاص اتخذت قراري..سامعه" فيصل:والله ان اطلع لك قرون مو قرن واحد..
سارة:لا ذه ناوي يجنني..
ريم"وهي تطق الباب":سارة..ابوي يبيك..يلا نزلي..

....................

15 - 11 - 2011, 08:37 AM

البارت التاسع...
سارة:لا ذه ناوي يجنني..
ريم"وهي تطق الباب":سارة..ابوي يبيك..يلا نزلي..
سارة:جايه..ونزلت ولقيت ابوي مع امي وخواتي..
سعد:هلا..هلا باسارة..
الهنوف:نقدر نقول مبروك..
سعد:ترى الرجال مستعجل ويبي الرد بكرة..هه نقول مبروك ولا..
نزلت راسي من الحيا..
ريم:مقدر انا ع الحيا..
رغد وريم:لووووووووش..
الهنوف:اسكوت فضحتنوا..
سعد:خليهم يستانسون..يبون يفرحون لأختهم..
رغد وهي تبوس راس ابوها:صح لسانك يبه..
سارة وانا مستحيه:عقبالكم..
رغد:آآمين..
الهنوف:انعبوك استحي..
رغد:وليه استحي..
سعد:ههههههه..إن شاء تتزوجون كلكم يارب..
الهنوف:آآمين يارب.."وهي تمسك التلفون"بروح ادق على اختي منيرة وبشرها...
وانتشر الخبر عند العايله كلها..
وفي المطار....
بندر:وداد ويهد يلاا بسرعة..
وداد وهي تشيل اغراضها:انزين..ولاتقول ابي اساعد اختي المسكينه...
بندر:إلا سكينه..لا مراح اقول ولااني قايل..مصارت شناط..
وداد:ليه مقلت لابوي انا حنا وصلنا وجينا الرياض..
بندر:حبيت نفاجئة...
بندروهو يكلم في الجوال:هلا يبه..
ابو بندر:هلا بولدي..اخبارك واخبار وداد؟؟
بندر:الحمدلله زيون..
ابو بندر:هاه ياولدي مقررتوا تردون من ايطاليا..
بندر:لا لسه يمكن بعد كم يوم..اجل انت وينك؟؟اكيد في الشركة..
ابو بندر:لا والله انا في بيت اخوي سعد..
بندر مستغرب:وش عندك؟؟
ابو بندر:ابارك لهم لان وحده من بناته ملكت..
بندر انصعق من الخبر:كييف؟؟أي وحده فيهم..
ابو بندر:وش فيك؟؟ مدري والله اكيد حنان ولا ريم..
بندر:لا مستحيل ريم..ريم لا لا..
ابو بندر:وليه مستحيل كامله والكامل وجه..
بندر محس بنفسه إلا وهو يسكر السماعة وراح يركض.. واخته تلحقه وتشيل في هل الاشناط الثقيلة..
بندر وهو متوتر:يلا ركبي بسررعة..
وداد مستغربه:وش فيك صار لابوي شيء.."وهي تهزه من كتفه"تكلم يابندر وش فيك مسبه..
بندر وهو يكلم السواق:يلا امش بسرعة..
بيت ابوحمد..
سارة:الله يبارك فيك ياعمي..
ابو بندر:والله وكبرتي يابنتي وصرتي مرة..
سعد:هههههه...عقبال بنتك وداد..
ابوبندر:ان شاء الله...
رغد:والله اشتقنا لك ياعمي ...
ابو بندر:تشتاق لك العافية...
حنان:ليه مجينا..ع الاقل في شهر مرة..
ابوبندر:ابشروا..بجيكم وبزهقك..بخليكم تقولون ياليتنا مقالنا له يجي..
الكل:هههههه..
سارة:وش دعووة ياعمي...
وفي الصاله..الهنوف:ريم انزلي يلا..
ريم:جايه يمه..
الهنوف:ترى جاء عمك..
ريم"وهي تنزل من الدرج":عمي بوبندر..
الهنوف:أي وش فيك مستغربه..كثر الله خيره اول مدرى جاء..
ريم:أي والله..بروح له...
الهنوف:انا بروح اقطع الكيك..
راحت ريم إلا تسمع صوت الجرس..ريم:من ألي جانا في هل الوقت..
وراح فتحت الباب ولا يجي في وجها بندر..
ريم مستغربه:بندر!!!!
بندر ونفسه انقطع:ريم..قولي لي انك ماملكتي..
ريم مو فاهمه شيء:بندر ماني فاهمه شيء...
بندر وهو ماسكها من يدها:قولي لي..انك ما متزوجتي..ريحي قلبي ياريم..
ريم:لا مو انا الي تزوجت ذي سارة..

يتبع...

15 - 11 - 2011, 08:37 AM

بندرابتسم:الحمدلله..
ريم خقت من بسمته:بندر ممكن تترك يدي..
بندر وهو يهد يدها:آسف يالغاليه محسيت بنفسي..
ريم راحت داخل بسرعة وقلبها مسوي قرع طبوول..
بندر"يابعد قلبي ياريم...تصورت للحظه انك مو لي...ومدري وش صار فيني..لا انا مجنون بحبك ياريم...مجنون"
وداد الي خلاص انقطع نفسها من المشي وتتكلم بحروف متقطعه:بندر اش.....فيك...؟؟؟
بندر:اختي انا احبك "ولمها في صدره"..
وداد الي ماتدري وش السالفه:وي الحمدلله والشكر...انت شو بلاك اليوم..متقول..
بندر:مدري..بس انتي دخلي سلمي ع البنات وباركي لهم..
وداد:على وش ابارك لهم..
بندر:على بنت عمك سارة..اصلها ملكت..
وداد مستغربه:ملكت من ومتى وليه مقالت لي؟؟
بندر:حشى..كل ذه ترد عليه سارة؟؟
وداد:مصدق ميساء تزوجت..
بندر:من ميساء ذي بعد..
وداد:وانت وش دخلك..
بندر:ادخلي بس ادخلي..وقولي لهم يسون درب لي يلا انتظرك مو تنسيني..
وداد:افا عليك انسى الدنيا ولا انسى حبيب قلبي بندر..
بندر:بشوف انا...يلا دخلي..
دخلت وداد المجلس بعد ماتأكدت من الهنوف ان مافيه حد غير البنات وابوها وعمها"الي هو ابوي" وبعد السلام..
وداد:والله وحشتوني بقوة..
سارة:انتي اكثر..
ابو بندر: وليه ماقالتوا لي انكم جاين..اكيد ذي من راس بندر صح..
وداد:هههههه كنك عارف..قبل كل شيء..مبروك سارة..
سارة"استحيت":الله يبارك فيك..
ابو حمد:وانتي وش دراك ياسوسه..
وداد:بكل بساطة بندر الي قال لي..
ابو بندر:انا مقلت لبندر ان سارة هي الي ملكت..اما غريبه..
ريم (عشان كذا سألني ان كنت انا الي ملكت ولا وحده ثانيه)
وداد:مدري عنا..هو قالي باركي لها.."وهي تصفق خدها ع خفيف"وي نسيت بندر بره..يقول عملوا له طريق يبي يسلم عليك بيه ويسلم ع عمي ومرة وحده يبارك..
ابوبندر بحماس:وذه الامر ينسي قولي له يدخل..
سعد:يلا بنات دخلوا داخل..
ودخلنا داخل...وداد:مو مصدقه انك خلاص راح تتزوجين؟؟ياميساء..
سارة:ههههههه..
ريم:لا صدقي..
وداد:بتصرين حرمه خلاص..
رغد:ههههههه.. بيجيك اليوم ذه..
وداد:لا توني صغيرة..وبعدين ماني مستعده لزواج..يعني معرف اطبخ ولا الغسيل ولا ولا شيء..
سارة"شهقت":من صدقك..
ريم:الطبخ والغسيل مايبي له شيء..
رغد:وي كم عمرك احين وانتي متعرفين شيء..
وداد:عمري 20 والله توني صغيرة...
سارة:وش توك صغيرة..انتي لازم تتعلمين ولا تبين تطلقين..
وداد:لا ان شاء الله..
رغد:وش الي لا إن شاء الله..إذ انتي متعرفين اكيد راح تتطلقين حتى لو انتي ماتبين..
وداد:لا تخوفوني...أنا ابي اتزوج واحد مليونير، واخلي الخدم هم الي يطبخون ويغسلون ويسون كل شيءوانا مدلعه..
رغد:ههههه يعني زي زوج سارة..
وداد:ليه زوجك مليونير..
رغد:اجل حبيبتي..يملك عمارات ضخمه..واراضي وشركات مو شركة وحده..
وداد:الله يعني بتتزوجين واحد ثري..يابختك بالدلع ألي تشوفينه منه ولا العز..الله وناسه..إن شاء نصيبي زي نصيبك..
سارة"أي دلال ألي تتكلمين عنه انا خذته مجبورة مو رضى مني..والله مدري أي معامله راح اتلاقها منك يافيصل..":ان شاء الله..
وداد"وهي تشوه في يدها":هي انتي وش فيك شرذتي
سارة:هه..وش كنتي تبين..
وداد:لا ماهي معنا..مع حبيب القلب.."وهي تميع صوتها"فصوولي..
سارة:ههههه أي فصولي الله يصلحك..
وداد:علينا بس..إلا وين حنان مشفتها من جيت..
ريم وهي تتلفت يمين ويسار:مدري كانت موجوده من شوي..يمكن نامت..
وفي الغرفة...حنان:اهئ..اهئ..اختي سارة وجاها واحد..وريم بعد كم يوم ويجيها واحد ثاني...وانا شكلي بقطن وانا في هل البيت..اهئ..ليه؟؟ليه؟؟ اهئ...ومسحت دموعها..انا لازم اضعف عشان اتزوج..وإلا ان ظليت كذا مافي احد راح يتزوجني...
وفي المجلس...بندر"وهو يبوس راسه":هلا يبه اخبارك؟؟
ابو بندر:الحمدالله زين.انت اخبارك ياولدي؟؟
بندر:الحمدلله..مو قصدي اني اسكر السماعة في وجهك بس انقطع الخط..
ابو بندر:لا عادي ياوليدي..
ام حمد:اخبارك يابندر؟؟
بندر:زين ياعمي انت اخبارك؟؟
ام حمد:الحمدلله زين..إلا يوليدي خلصت كملت الدكتوراه ولا؟؟
بندر:إلا خلصت ولله الحمد..
ام حمد:اجل كيف راح تكمل وداد دراستها من دون محرم...
ابو بندر:تكملها هنا وش فيها جامعة الرياض..
ام حمد:أي والله ماكذبت...
ابو بندر:جاء منصور وتقدم لها..
بندر:صحيح يبه متى..
ابو بندر:والله من اسبوعين فقلت له بسألها لما ترجع من ايطاليا..
ام حمد:الله يسعدها..والله ان منصور شاب زين ماينعاب..
بندر:أي والله...
ابو بندر:بس بنتي مايعجبها العجب..ويمكن ترفض..
ام حمد:وليه وش فيه منصور مو زين..
ابو بندر:لا والله ان هو رجل مصلي ومسلم ويتقي الله في كل شيء..بس انا اعرف بنتي زين..
بندر:مو ع كيفها..
ام حمد:مهما كان ردها لاتجبروها على الزواج..
ابو بندر:من هالناحيه متخاف..انا ماابي اجبرها..وبعدين تقول لي يبه ليه اجبرتني وتعمل لي بلاوي خلها ع ربك...
سعد:الله يكون فالعون يااخوي...
بيت ابو جمعان...
سارة:تلقينه مستانس..
عبدالله: السلام عليك.. منهوا ألي مستانس
الكل:وعليكم السلام..
نورة:فيصل...
عبدالله:من ذه فيصل؟؟
منيرة:تعرف..الي يوم رحنا في المزرعة..
قاطعها عبدالله:أي اعرفه المزيون..وش فيه؟؟؟
منيرة:ذه خطب سارة بنت خالتك..

يتبع..

15 - 11 - 2011, 08:38 AM

عبدالله شهق:من صدقك..يووه راحت علي..
نورة:وش الي راحت عليك..
عبدالله:كنت ابي اتزوجها...
الكل:هههههه
منيرة:مالت عليك...ع بالي عندك سالفه...
نورة:أي والله.وبعدين انت توك صغير ع الزواج..
سارة:انعبوك لسه عمرك 14 سنه وتفكر تتزوج...وبعدين هي اكبر منك بسنين..
عبدالله:أي وش فيها..يمه تكفين ابي اتزوج وحده تشبها تكفين يمه..
منيرة:انت الاول اكبر وشتغل وبعدين ادور لك احلى منها..بعد وش تبي..
عبدالله:لا انا ابي زيها..هي عاجبتني..
نورة:استح ياقليل الادب..شفتي يمه مقلت لك لاتخلينه يشوفها..قلتي لا عادي خليه يدخل ويشوفها توا صغير..هاه شوفي احين..يبي يتزوجها..ولا وحده مثلها بعد..
منيرة:ذي غلطتي..ان خليتك تشوفها...
عبدالله:خلااص اصلن حفظت ملامحها وكل شيء فيها..
منيرة:بعد..انا ارويك...
بيت ابوحمد..
استيقضت عند الساعة8:00 على رنه الجوال..رديت من دون مشوف الرقم وبهمس:الوو..
فيصل:صح النوم..انعبوك الساعة ثمان وانتي لسه مصحيتي..
سارة"وانا اعدل جلستي":فيصل..
فيصل:أي فيصل..
سارة:وش تبي من صبح الله..
فيصل:في بنت تكلم زوجها كذا..
سارة:والله كيفي اكلمك بأي طريقة احب..
فيصل:السانك يبي له قص..اسمعي انا محب زوجتي تكون كثيره نوم..يلا بلا نوم...
سارة:نعم!!!
فيصل:الي سمعتيه.. وحطي في بالك اني كل يوم راح ادق عليك..واياني وياك اشوفك نايمه..
سارة:والله لصرت ع ذمتك..ذيك الساعة تتكلم..
فيصل:لا يكثر..اسمعي اليوم راح نحلل...ولاتنامين بعد ماسكر سامعه...
سارة:ان شاء الله منكون جايزين ع بعض واحين ضف وجهك بعد مخلصت محاظرتك..وسكرت في وجهه... وانسدحت ويرن مرة ثانيه...سارة رديت:يوووه..وش تبي..
فيصل بحده:انتي بأي حق تسكري التلفون في وجهي..انا مقلت لك لاتنامين...
سارة بدلع عفوي:فيصل تكفى خلني انام...بس ساعة..
فيصل"والله بتذبحني هل البنت بدلعها":اا..اقول لك قومي بلا دلع..
سارة بدلع عفوي:بس ساعة..ساعة وحده بس..يلا فيصل..
فيصل خق:هه..اقوول اصحي بلا دلع..انا كلمتي وحده..
سارة:يوووه..انزين بصحى احين...
فيصل:شاطره..ابي اشوفك احين..
سارة:نعم!!وليه ان شاء الله... كم مرة انت شفتني فيها...شبعه..
فيصل:اقصري الهرج..ابي اشوفك وخلاص..
سارة:مقدر..
فيصل:تصرفي..
سارة:بس... وسكر الخط بوجها..يعني وحده بوحده...يووه كيف اشوفه...آآآه يبجنني..
واخذت لي شور..وفتحت الدولاب محتارة وش البس..سارة:ابي لبس حلوو مرة.. ابي شكلي يصير شيك..وي وش قاعده انا اسوي انهبلت كل ذه عشان فيصل بيشوفني..لا موعلى شانه عشان انه يوم الجمعة ومن عادتي اني ابالغ في زينتي..اي مو على شان فيصل.."ابي اقنع نفسي اني ماتزين عشانه بس الواقع هو عشان فيصل عشانه هو بس" لا اصحي يابنت بعدين يقول اكيد تزين عشان انا قلت لها اني انا بجي..لا بلبس ملابس مرة سنبل ونفس الشيء حلو..
حطيت أي لاينر خط رفيع فوق الجفن، وتحت عيني بلون التركواز ألي يطلع لون عيوني الزرقاء"عدسات"
وكثفت الماسكار الزرقاء..وحطيت بلاشر باللون الزهر وغلوس باللون الاحمر الهادئ..وهذا ألي خلاني جذابة اكثر.. لبست بنطلون جنز ازرق ضيق مع بلوزة بيضاء باكمام طويلة ولها فتحه لصدر.. البلوزه خلت جسم يهبللل وطلعت مفاتنه..

وسيحت شعري..ونزلت تحت وسويت لي كوب كوفي وقريت الجريدة..ورن جوالي..سارة بصوت ناعم:الو..
فيصل"راح فيها":اسمعي انا احين عند الباب طلعي لي..
سارة متفاجئة:كييف؟؟
فيصل:الي سمعتيه..يلا فتحي الباب..انا واقف..
سارة:انت تتكلم جد..
فيصل:أي يلا فتحي الباب لرن الجرس احين..
سارة"توهقت":تكفى فيصل روح لاتعمل لي فضايح..
فيصل:شكلك ماسمعتيني وش اقول...شكلك تبيني ارن الجرس؟؟
سارة بندفاع:لااا خلاص بفتح الباب..استن دقيقة..
تلفتت يمين يسار ودخلت المطبخ حبيت اتأكد ان امي ولاحنان مو موجودين.. شفت نفسي في المرايه وبعدها فتحت الباب...
فيصل"صايره خيال بنت اللذين":ساعه ع متفتحين الباب..
سارة:انت تتسبب والله..احين لو امي ولااحد شافني وش بقول لهم..
فيصل"وهو يطالع في صدري"
صار وجهي طماطه وعلى طول حطيت يدي على صدري:و..وش تطالع فيه؟؟
فيصل بكل جراء:على صدرك"وهو يعض على شفته"
وجهي قلب الوان"ياررربي جريئ مررة...مايدري اني استحي":انت ماتستحي...
فيصل يطالعني بتفحص:على وش استحي..
وانا بمووت من الحيا:هه..
فيصل يقرب مني اكثر:على وش استحي هه..ذه"وهو يأشر على صدري"راح اشوفه بعدين..مو من حقي كالزوج..
سارة"يارربي بمووت من جرائته"ورديت بأندفاع وانا ابعده عني:لا مو من حقك ياأستاذ فيصل..وابعد عني لو سمحت.. وانا ابعده عني..بس يقرب اكثر واكثر وانا ابتعد لين موصلت عند الجدار وحاصرني بيده ..فيصل:هذا من حقوقي..ولا انتي شايفة شيء ثاني..
سارة"وانا احس اني بمووت من قربه لي"وبتوتر:لا مو من حق..لان مافي شيء يربطنا ببعض..إلى الان انت مو زوجي ولا لك حق علي ولا انا لي الحق عليك..واحنا لسى ماعملنا التحاليل يمكن منجوز لبعض.. ويقرب اكثر وشوي واصير في حضنه...جيت بروح بس هو اسرع مني وملقيت نفسي إلا وانا بحضنه وشفتي في شفته....باسني لا لا مصدق...انا في حلم ولا بعلم....
حاولت اوخره بس هو يشدني زيادة..ويقربني اكثر واكثر... حسيت اني بموووت من حركته..كيف يسوي كذا..كيف؟؟
احاول ابعده بس هو اقوى مني...ماقدرت اوخره... واخيرر بعد عني..فيصل:شفتك عذااب..
سارة"استحيت من رده...استحيت من حركته..استحيت من نظراته لي جريئ مررررررة يالناس":................"مقدرت ارد لاتلوموني"
فيصل"وهو يمسح الروج من شفته":عذاااااب...
مقدرت رد مرة ثانية..بس ألي سويته اني بكيت بصمت..
فيصل:وليه الحلو يبكي..انا مسويت كذا إلا اني ابيك تتعودين..
سارة"وصوتي كلا بكى":اتعود!! بس مو ذي الطريقة..الي...اهئ
فيصل"والله انها بزره هل البنت..تغريني حتى وهي تبكي":وليه انتي تبكين..
سارة"وانا اشهق":اهئ..اهئ..انت..ليــ لـ....ليه تسـ...تسوي فيني...كـ... كـ..كذا...اهئ؟؟
فيصل"قسم انها بزره...صايرة حلووة وهي تبكي"خذاني في حضنه...
حسيت بأمان وانا في حضنه...حسيت بالامان وانا في صدره...حسيت بأشياء وانا معه...
فيصل:خلاص هديتي ولا بعد...
ومـســح دمـعــتي بـشـمـاغـه...
فيصل"وهو محوطني في خصري":انتي تخليني اتهور..
سارة"وانا ابتعد عنه":نعم!!! "وجهي صار احمرررر"
فيصل:هههههههه...يلا انا بطلع احين...تامرين بشيء..
سارة(مصدقت انه بيطلع..خفت احد يشوفنا):لا..
وانا اوصله للباب..سارة:فيصل..
فيصل التفت:نعم..
سارة بصوت ناعم:وش صار لاخوي حمد..يعني..اقصد..
فيصل:متخافين من بكرة يداوم زي قبل...
سارة:فيصل..
فيصل:نعم فيه شيء ثاني..
سارة"ابتسمت":شكرا..
ابتسم لي وطلع...
ورقيت فوق وإلا حنان في وجهي..
حنان وصوتها كلا نوم:هلا سارة.. وش عندك قايمه احين..
سارة وانا خايفة:هه...اي شبعت نوم..
حنان وهي تطالع وجهي:وش فيه روجك ممسوح وطالع بره.. كنتي تحطينه وانتي ترتجفين...
سارة"توهقت":ههههه دمك خفيف..لا كل ماهو نالك"شوف الصواريخ"اني نسيت اني حاطه روج فمستح فمي..وقلت بروح فوق واعدل روجي..
حنان:انتي خبله اصلن...ريحتك عطر رجالي..
سارة:.....................
حنان:حلو ريحته..انتي شاريه عطر رجالي..
سارة:هه...لا ذه عطر خويتي الوي..خذته منها عشان ابي اشتري زيه..ورحت
حنان باستغراب:تشتري زيه!!!
ورحت لغرفتي وقلبي مسوي قرع طبول..عدلت روجي...شميت بلوزتي(آآه يازين ريحتك ريحت المسك والعود) ورن جوالي"حماتي" سارة:هلاا غادة
غادة:هلابيك..اخبارك يامرت اخوي؟
سارة:هههههه زينه ياحماتي..
غادة:يعني وافقتي..
سارة:..............
غادة:ههههههه السكوت علامة الرضا..مبروووك عليك اخوي..
سارة بحيا:الله يبارك فيك..اخبار امي؟
غادة:طيبه طاب حالك..
سارة:وش رايك بالهديه..
غادة فهمت قصدي:ههههه تجنن..مراح انسى جميلك مدى الحياه..
سارة:انا مسويت شيء..
غادة:قالوا لي انك متواضعه بس انا متوقعت إلى هذا الحد...
سارة:اسلمتي ياحياتي..
غادة:لو يسمعك فيصل انك تقولين لي حياتي..
سارة:ليه وش بيسوي..
غادة:يغارعليك حيل لدرجه انه قال لي لاتكلمينها ولا تكون علاقة علاقها فيها...
سارة"فهمت وش يقصد...أنا يافيصل مو زي ألي تعتقده" ادعيت الضحكه:هههههه لامو لهدرجة عاد...
غادة:إلا واكثرر..تصدقين انه في البدايه مكان موافق انه يتزوجك..بس فجئه قال انه يبيك..
سارة:اها...(معرفت يافيصل ليه انت تبي تتزوجني مع انك تظن اني..... ابيك تجاوب على هالاسئله ألي عجزت عن اجابتها)...

يتبع...

15 - 11 - 2011, 08:39 AM

البارت العاشر...
بيت ابوعبدالله...
اسماء راحت عند خواتها:سويرة..عفيره..عندي لكم خبر بمليووون ريال..
سارة وهي تغطي نفسها باللحاف:مايهمنا..
عفراء وهي تكمل نوم:ولا نبي بعد..
اسماء:ع كيفكم..بس انتوا الي راح تترجوني..يخساره كنت راح اقول لكم ان ولد ام فيصل ملك....
سارة وعفراء وهم نفضوا من السرير:كييف؟؟ ومتى ومن؟؟
اسماء:بس انتوا قلتوا انكم ان الموضوع مايهمكم ولا تبون تعرفون بعد مو صح ياست عفراء..
سارة قاعده ع نار بعصبيه:اوسيم ان مقلتي لي بسرعة والله ان اعمل فيك جريمة..
عفراء بترجي:يلاا قوولي وخلصينا..
اسماء:انزين... فيصل تقدم بشكل رسمي لـ.....
سارة وعفراء على نار:خلصينا مين...
اسماء:حزروا..
سارة:يلاااا تكلمي..
اسماء:سارة بنت عمتي الهنوف...
سارة انصدمت:...............
عفراء:"التفتت لاختها سارة":معليه ياسارة انسيه طالم حبك له مكبر تقدرين توقفين حبك..
سارة:نعم!!انسى..في احلامك..وبعدين انتي كنتي معي..وش معنى احين انتي ضدي..
عفراء:عشان هو مكان مرتبط بس احين هو مرتبط...
سارة:يصير خير(والله ان مخليتك تندمين ياسارة على انك تأخذين شيء مو لك.. مكون انا بنت امي وابوي..هين انتي بس صبري)
عواطف:يلاا قوموا..مصار نوم..اي صح ابيكم اليوم تتجهزون..عشان نروح بيت عمتكم الهنوف...
عفراء وهي تسوي نفسها ماتدري:وليه يمه؟؟
عواطف:عشان نبارك لهم...ع زواج بنتهم سارة..ياحليله...
عفراء تسوي نفسها متفاجئه:صحيح..الله يسعدها..
عواطف:امين يارب...يلا قوموا عشان تساعدوني بالطبخ..
عفراء:اوكي..
وبعد اكثر من اسبوع حللنا انا وفيصل ومن سوى حظي ان صرنا جايزين لبعض..
بيت الاء..
ام عبدالرحمن:الاء تعالي..بسررعة..
الاء مخترعة:خيرر يمه فيك شيء؟؟
ام عبدالرحمن:خويتك سارة ملكت..
الاء مستغربه:ملكت...كيف؟؟وليه ماقالت لي؟؟
ام عبدالرحمن:أي ملكت..مدري والله بس ألي عرفته من خالتها منيرة انها ملكت...
الاء:طيب ليه مقالت لي وهذا وانا صديقتها..
ام عبدالرحمن:الغايب حجته معاه..
عبدالرحمن:خوياتك تزوجوا... وانتي لا اصلنا من الي يبيك...انتي لو تزوجتي راح تطلقي من اول يوم..
الاء مستهزئه:احلف عاد..
عبدالرحمن:من اول مايفتح غطاء وجهك بيقول لك"وهو يمد يده"تفضلي ورقة طلاقك..
ام عبدالرحمن:ههههههه الله يقطع بليسك..
الاء:اقول ادحيم وش رايك تكرمنا بسكوتك..
عبدالرحمن:اقول الاء..
الاء:هلا..
عبدالرحمن:شب..
الكل من دون الاء:هههههههه..
الاء عصبت:والله ان محليت عني بتشوف شيء عمرك ماشفته..
ام عبدالرحمن:عيب عليك تكلم اختك الكبيرة كذا..
عبدالرحمن:بسنتين بس..
ام عبدالرحمن:جعله بدقيقة تظل هي اكبر منك..ولازم تحترمها..وبعدين انت ليه متروح تصلي مع الجماعة...
الاء:خليه عشان يتعاقب..
عبدالرحمن وهو طالع: "وهو يقلدها"خليه عشان يتعاقب....مالت عليك بس..
الاء"وهي تحذف المخده عليه":اقول انقلع بس..
ومسكت الجوال..وعلى طول دقت علي الاء:هلا بالخاينه..
سارة:افا...وش مسويه لك..
الاء:تملكين ولا تقولين لي..هذه وانا صديقتك الروح بالروح..
سارة:هههههه.. ياقلبي والله كل شيء صار بسرعة.. عشان كذا مقلت لك..
الاء:أي معليه قصي ع واحد غيري...بس مو علي انا..
سارة:حاولي تتفهميني..
الاء بزعل:لا خلاص انا زعلانه منك..والله زعلانه..
سارة:كنت ناويه اني مقول لك بس بما انك زعلتي مضطره اني اقول لك..
الاء:يلا اسمعك..وياويلك ان كذبتي علي..
سارة:الموضوع ذه مايصلح في التلفون تعالي عند مزرعة خالتي منيرة..
الاء:وليه في مزرعتها..
سارة:عشان ان امي قالت احسن يباركون لنا في المزرعة لان بيتنا مايكفي لضيوف..وانتي تدرين ضيوف الملكه..كنهم نمل
الاء:أي ادري..بس ان حسيت الموضوع مايستاهل مرااح اكلم مرة ثانية..
سارة:من ناحيه انه يستاهل فهو يستاهل..بخلي اخوي عبيد يمركم اليوم انزين..وخلي امك تجي..
الاء:ان شاء الله..بس خليه يمر بعد اذان صلاة العشاء..
سارة:خلااص ابشري..سلاام
الاء:سلاام..
بيت ابوحمد...
الهنوف:اقول يمه وش رايك تغيرين لبسك..
رغد:وش فيه لبسها يمه حلوو..
الهنوف:ادري انه حلو..بس انا اقصد انه ميناسب على وحده يبجونها ناس يباركون لها..
سارة:أي والله صدق..
ريم:تبيني اساعدك..
سارة:أي مقول لا...
رغد:وانا ..
الهنوف:انتي معي هنا..تساعدينا في المطبخ..
رغد بخيبه امل:اففففف..

يتبع...

15 - 11 - 2011, 08:39 AM

ورحنا فوق..غيرت لبسي ولبست جلابيه فخمه مره باللون البنفسجي وتدريجاته والاسود.. وعملت لي ريم تسريحه ناعمه ورفعت كل شعري لورا،لبست عدسات البنفسجيه على لون جلابيتي..ولبست حلق ثقيل.. وحطيت مكياج اسود مسحوب وتحت عيوني لونه بنفسجي..وصندل لونه اسود..
كان شكلي رهيب بالجلابيه..صايره رزه..
وعند الساعة12:55 نزلنا تحت وشفت خالي سعود وابراهيم..سلمت عليهم..
سعود:وش هل الجمال ابي اعرف..اخ بس لو كنت مو خالك كان تزوجتك ع طوول..
استحيت حيل من كلام خالي..
ريم:متقدر لانها صارت على ذمه رجال ثاني..
سعود مستغرب:صحيح..بالمبارك عليك ياسارة يابخته فيك.."باس جبيني"
ابراهيم:مبرووك ياسارة..
سارة"وجهي صار احمر":الله يبارك فيكم..
سعود:تلقينه مستانس انه ماخذك...
ابراهيم:قصدك متقطع من الوناسه..مو مصدق..
الكل:ههههههه
حنان:حياكم على الغداء..
واكلنا وتسامرنا وكلا تعليقاتهم عني...صايره حدث البيت...ووصل لي مسج..من فيصل كان كاتب"لاتاكلين واجد على الغداء تمتنين..يكفي ان جسمك مليان تبين تزيدين عليهم" انقهرت من كلامه..انا متينه لامصدق انا ضعيفة مرة حراام عليه...وش بيسوي فيني ذه..
بيت ام فيصل..
وهو يقرا رسالتي"دار على عمرك..من ضعفك انت..انت متين اضعف قبل الزواج لاتلوع كبدي"
فيصل:ألوع كبدك هه انا ارويك بعد الزواج.. اصبري بس انتي؟؟ غادة:وش تقول انت..
ام فيصل:وش فيك استجنيت..
فيصل:هههههه..كنت اكلم نفسي..
غاده:أي صح انا كلمت ساره اليوم وقالت لي ان.....
فيصل قاطعها بحده:مو قلت لك لاتكلمينها..
غادة:والله وصرت تغار عليها..هههههه
ام فيصل:هههههه اكييد بيغار عليها..كل هل الجمال ولا يغار عليها يكفي اخلاقها..
فيصل(اخلاقها..والله انكم منخدعين بالمظاهر..ذي حيه):المهم.. ماابي تكلمينها وان شفتي رقمها لاتردين عليها..سامعه..
غادة:كل ذه غيرة مصارت..الحمدلله ان فهد غيرته علي مو جنونيه..زيك..
فيصل بحده:سامعه ولا..
غادة:أي سامعه..
ام فيصل:وليه ان شاء الله..
فيصل:والله وانا حر بزوجتي..
غادة:بعد..
ام فيصل:هذا وانت كنت متبي تتزوجها..عليه العوض..والله لو تشوفها كان تحرم انك تطلعها من البيت..
غادة:أي والله..مسكينه كان تتعقد..
فيصل:والله اطلعها احبسها اقتلها كيفي..
غادة:وصل الموضوع للقتل والحبس...الله يعينك ياسارة عليه..
ام فيصل:والله بدعي علي..بتقول لي ليه حدتيه يتزوجني..
غادة:ههههههه لا من هنالحيه متخافين لان هو ألي قال انه خلاص يبيها..
ام فيصل:الحمدلله ان هو الي قال انه يبيها ولا كان تدعي علي..ههههههه
غادة:هههههههه
فيصل:انتوا وبعدين معاكم خلني اطلع احسن لي..
غادة:وين بتروح؟؟
فيصل:وانتي مالك...يلا سلام..
ام فيصل:بحفظ الله ياوليدي..
بيت ابو جاسم...
محمد:ماابيكم تتأخرون علي انزين..
عائشه:ابشر ياابو جاسم..
محمد:إلا وين جاسم ياعائشه..
عائشه:والله مدري طلع من الصبح ولا رد..
محمد:وش عنده..
عائشه:والله مدري...
ودخلت نوف وصيته:السلام عليكم
الكل:وعليكم السلام..
نوف:يبه انت ألي بتودينا للمزرعة..
محمد:بإذن الله..
صيته:متى؟؟
محمد:بعد اذان العشاء بعون الله..
جاسم وهو باين عليه التعب:السلام عليكم..
الكل:وعليكم السلام..
عائشه:يمه وش فيك..تعبان..
جاسم"حبيبه قلبي خلاص بتروح مني اكيد راح اكون تعبان":لا يمه بس ظهري وبطني يعورني..
عائشه:تبي تروح المستشفى..
جاسم:لالا يمه مايحتاج..الحمدلله هو طاب..
عائشه:الحمدلله..
صيته:يعني مراح تروحون معنا المزرعة..
جاسم:المزرعة...
صيته:أي عشان نبارك لسارة واهلها..
جاسم باندفاع:إلا بروح...(اخيرا راح اشوفك ياسارة...حتى لو من بعيد)...
نوف:حلو اجل تجهز وكل شيء وجهك صاير اصفر..
جاسم:احين اكل..وراح بسررعة..
ابو جاسم:هههههه كل ذه عشان فيصل..
عائشه:انت ماتدري يوم قلت له ان سارة ملكت على فيصل بكى على طول... سألته ليه تبكي؟؟قال من الفرحة يستاهل فيصل..
صيته:أي يبه..
نوف:حسافه ماشفته..
ابو جاسم:هههههه ليه ماشفتي ولا مرة يبكي..
نوف:ولا مرة..معليه مرة ثانيه..
عائشه بضحكه:الله يقطع بليسك..
بيت ابو بندر...
ابو بندر:يعني خلاص تبي تصير دكتور..
بندر:أي يبه إذ معندك مانع..
ابو بندر:وليه امانع بل العكس...
بندر وهو يحب راس ابوه:تسلم يبه..
ابو بندر:الله يسلمك..إلا وين وداد..
بندر:داخل يبه..
ابو بندر:روح نادها..
بندر:ان شاء الله.. وراح بندر عند الصاله..بندر:وداد تعالي ابوي يبيك..
وداد:انزين جايه... هلا يبه..يقول بندر انك طلبتني..
ابو بندر:أي..تعالي اقعدي..يابنتي انتي تدري ان اخوك خلص دراسته..وراح يشتغل..وانتي معندك محرم عشان تروحين فأنا قلت انك بتكملين دراستك هنا بالرياض..
وداد مستغربه:كييف؟؟
بندر:ألي سمعتيه...
وداد بغرور:يعني انا اكمل دراستي هنا زي البنات...
ابو بندر:ايه..ليكون انتي بنت طعزه<<<طعزه واحد ثرري مرة قالوا فيه المثل...
وداد بغرور:مستحيل انا عندي اني مكمل دراستي في الجامعة ولا ادخل جامعة ألي وش اسمها..اي جامعة الرياض..
ابو بندر عصب:انتي ليه مغرورة تشوفين الناس كنهم نمل ولا حشرات عندك...وعلى وش شايفة نفسك من جمالك ولا من مركزك ولا من ادبك...
وداد انقهرت من رد ابوها:كل الي قلتم ذول هم فيني..
بندر معصب:صدق لقالوا شين وقوي عين..
ابو بندر:معليك منها..المهم تقدم لك منصور ولد خالك..
وداد بغرور:نعم!!هذا ألي ناقص بعد اني اتزوج منصوروه..
بندر معصب:اياقليله الادب اسمه منصور..
وداد:مايهمني..المهم قول له اني ماأبي اتزوجه..
بندر:ماحزرتي راح تتزوجينه.."وهو يشد على شعرها"سامعه ياوسيعه الوجه..
وداد:آآآآه وخر عني...
ابو بندر:خلاص بندر وخر عنها..انتي راح تتزوجينه غصبن عنك..في البدايه مكنت راح اجبرك بس طالما ردك كذا تحملي مايجيك...وطلع..
بندر:ياقليله الادب..وطلع هو كمان..
وداد بكت:لالاااااا...اهئ..اهئ..انا ماابي اتزوج ولد خالي منصور..
بيت ابو حمد..
بعد اذان المغرب..ركبنا السيارة ورحنا المزرعة..
منيرة:هلا هلا بالعروس واخواتها..
سارة:ههههه هلابيك ياخاله...
منيرة:هاه صرتي بدويه..
سارة بمزح:انا من زمان بدويه بس محد لاحظ..
منيرة:ههههههه ياحليلك..
غادة:هلااااااا سارونه..
سارة وهي تلمني:هلابيك..اخبارك؟؟
غادة:زينه.."وهي تسحب يدي"تعالي ابيك شوي..
سارة:لوين..طيب خليني افسخ عباتي..
غادة:فسخي عباتك هنا في الغرفه ذي"وهي تأشر"..
سارة:ههههه اوكي...ورحت للغرفة وفسخت عباتي...حسيت بيد تمسكني من يدي التفت مشان اعرف من..
سارة :جاااســم!!!
جاسم:ليه ياسارة؟؟ليه؟؟
سارة:اتركني ياجاسم..
جاسم وهو يشد زياده:ليه؟؟ليه ياسارة ابي اعرف ليه وافقتي انك تصرين زوجه فيصل..ليه ياسارة؟؟
سارة:وش ألي ليه؟؟
جاسم وصوته كلا حزن:ليه توافقين عليه؟؟ انتي تستاهلين ألي احسن منه..
سارة توترت:جاسم وخر..كل شيء صار بسرعة..
وفتح فيصل الباب وشافني انا وجاسم بس محسينه فيه..
جاسم"وهو يحضني":انتي لي انا .... انا وبس ياسارة..
سارة وانا احاول اني ابعده:جاسم وخررر عني..
فيصل والشرار يطلع من عيونه:وخرر عنها ياكـلـب...
سارة التفت بسرعة:فيصل..
جاسم معصب:انت ماتستاهلها يافيصل..اتركها وخلها لي..
فيصل وهو يمسك يدي ويوخره عني:في احلاامك.."ويضغط علي يدي بقووة" ان شفتك مرة ثانيه تكلمها والله متلوم إلا نفسك سامع ياكلب.. وطلع وسحبني معاه وودني بره ولفني قباله..فيصل والشرار يطلع من عيونه:وش يسوي ذا الكلب معك؟؟تكلمي وش يسوي..
سارة وانا ابكي:والله ماادري..ماادري يافيصل؟؟
فيصل وهو يضغط على ذراعي:تحسبيني بصدقك هاه..
سارة "طاحت دمعتي":والله العظيم اني مااكذب عليك..اول مادخلت الغرفة لقيته في وجهي..وانا حاولت ابعده بس مقدرت..
فيصل بحده:وليه متقولين انك مستانسه وهو يلمك في صدره...هاه تكلمي...
سارة:لا والله قلت له يتركني بس هو مايبي يسمعني..والله العظيم اني مكذبت في أي كلمه قلتها لك احين...
فيصل:........................
سارة وانا ارتجف بين يدينه:صدقني يافيصل.. مكنت ادري انه هو في الداخل والله لوكنت ادري كان مدخلت..
فيصل بحده:سو لك شيء غير الحضن..
سارة:.......................
فيصل وهو معصب:تكلمي سو شيء ثاني ولا...
سارة طحت بنوبه بكي:اهئ..اهئ..هو...هو..اهئ..
فيصل يضغط على يدي:تكلمي ياسارة..سوى ذاك الحقير شيء..
سارة محسيت بنفسي إلا وانا طايحه
فيصل وهو ماسكني وبخوف:سارة سارة.."وهو يعطيني كف خفيف"سارة اصحي...دور لي شيء يغطيني فيه وركبني في سيارته وودني المستشفى.. وطبعا سألوه من يكون..فقال انه خطيبي..فيصل ينتظر الدكتور بخوف:هه يادكتور وش فيها؟؟
الدكتور"تنهد"..فيصل بتوتر:سارة ماتت يادكتور..
الدكتور:للاسف مقدرنا ننقذها..الاصابه ألي فيها ادت لها...زوجتك تطلب الحل..
فيصل بصدمه:لا انت كذاب سارة ما ماتت...ما ماتت...

......................

15 - 11 - 2011, 08:40 AM

البارت الحادي عشر
وراح وجاء دكتور ثاني..الدكتور:استاز فيصل تفضل"وهو يأشر للغرفه" وراح فيصل مع الدكتور..
الدكتور:الحمدلله المدام سليمه..
فيصل مو مستوعب:كييف؟؟
الدكتور:بقول لك المدام سليمه..ولله الحمد..
فيصل:بس..بس قالوا لي انها ماتت..
الدكتور:ههههه.. لامتخاف..هي اغمى عليها وبس..
فيصل بضياع:بس جاء دكتور وقال لي...انها ماتت
الدكتور ابتسم: يمكن كان مخطئ بينك وبين شخص ثاني..ع العموم المدام كويسه ومابها حاجه...ولله الحمد.."وهو ياشر"بامكانك تشوفها..
فيصل وهو يقرب مني:خفت عليك واجد ياسارة"التفت"متى راح تصح يادكتور...
الدكتور:بعد كم دقيقة..
فيصل:.............(مدري وش صار لي حسيت للحظه اني بفقدها... حسيت بالضياع..أنا مااحبها ولا شوي..أنا اكرها..بس وش تفسر غضبك عليها يوم شفت جاسم وهو يحضنها ولا يوم اغمى عليها..يمكن خوف بس..اي خوف وبس)ورن جواله..فيصل:هلا غادة..
غادة بخوف:وين سارة يافيصل؟؟
فيصل يسوي نفسه مايدري:وي مو معاكم..
غادة:لا....مشفتها انت بالغرفة ألي قلت انك بتقابلها فيه..
فيصل:إلا وبعدين رحت..يمكن راحت المسبح..
غادة:بدور عنها قبل محد يحس..
فيصل:وطمنيني انزين..
غادة:إن شاء الله..وسكر وبعد خمس دقايق..
سارة بهمس:وين انا..
فيصل(بقلبي) بحنيه:اخيرناً صحيتي...انتي بالمستشفى..
سارة بنفس الهمس:وش صار؟؟
فيصل وهو يمسح ع شعري:يعني تسوين نفسك ماتدرين..يلا قومي بلا دلع..
سارة وهو يقومني:آآه راسي يعورني..
فيصل(سلاامتك من الآآآآه):هذا لان اغمى عليك...وبعد كم دقايق بيطيب..
وهو ينزلني من السرير..فيصل خق من ريحه عطري: حلوة ريحه عطرك..
سارة استحيت وبعدت عنه:هه...وين عباتي..
فيصل:خذي...
سارة وانا البس العبايه مع الشال:وين برقعي..
فيصل:مدري يمكن ماجبته..
سارة:احلف عاد..
فيصل:من العجله..
سارة:كيفك..اجل مراح اغطي وجهي..
فيصل بعصبيه:نعم!!اقول استعدلي..
سارة خوفني من عصبيته: هدي..اصلن مراح اسويها حتى لو طلبت مني اني افتح وجهي...
فيصل:أي ع بالي بعد..
وخذت شيلتي وتلثمت فيها..فيصل(يمه عيوونها ذباحه... والله بتموتني هل البنت من حلاها)..
لاحظت انه يطالع فيني"استحيت":وش فيك تطالع فيني..كل ذه اعجاب...
فيصل(وفي نفسه اطالع حلاتك ياوجه البدر):من زينك انتي..شوفي شكلك في المرايه بس.. قال شو قال اعجاب..أنا اعجب فيك انتي؟؟
سارة تخصرت:ووش فيني انا ناقصه رجل ولا يد..
فيصل بنظره حاده:أي ينقصك اشياء واجد..وانتي ادرى وش هي..
سارة"فهمت وش يقصد..ودي اقول لك يافيصل اني مو البنت ألي حاطها في بالك..بس انت دايم تكذبني...مدري وش اسوي لك مشان تصدقني).. وركبت السيارة..فيصل:اسمعي لاتقولي لحد انك معي او انك كنتي في المستشفى ياويلك ان قلتي حتى لغادة لاتقولين لها..لاني مقلت لها..
سارة:انزين..
فيصل:ترى هي تدور عنك..
سارة:بس هي ولا..
فيصل:لا بس هي...لانهم يحسبونها معك..
سارة:اها...طيب وش اقول لها لقالت لي وين كنتي؟؟
فيصل:بسيطه..قولي لها انك كنتي تتخبين عنها..
سارة بسخريه:احلف عاد..
فيصل:أي والله..وهي بتصدق وتشوفين..
ووصلنا للمزرعة..فيصل:يلا نزلي وخذي حذرك لحد يطالع فيك..
سارة:انزين..يادب..وهجيت منه..
فيصل:نعم!!أنا دب انا اوريك يالفيل..وين بتروحين مني..
فسخت عباتي وشفت غادة متوتره..تسحبت وراها:بووووو..
غادة اخترعت:بسم لله الرحمن الرحيم....وين كنتي؟؟
سارة:كنت استخبي منك؟؟تعبتي؟؟
غادة:انتي سخيفة مرة والله العظيم اني خفت عليك..تصورت ان صار لك شيء...
سارة(أي والله صدقت..مكذب فيصل):اسفة مراح اعيدها مرة ثانيه...

يتبع...

15 - 11 - 2011, 08:41 AM

غادة:يلا..جاوا الحريم ويبون يسلمون عليك...
سارة:أي لحظه خليني اضبط مكياجي...عدلت مكياجي وزدت على الغلوس..ورحت عند الحريم..سلمت عليهم..
ام منصور:مبروك يابنتي..
سارة بخجل:الله يبارك فيك..
ام فيصل:مبروك عليك ولدي ياسارة.."ابتسمت..
سارة"ابتسمت لها":الله يبارك فيك يمه...
ام عبدالرحمن:والله سارة تستاهل...
ام حمد:عقبال عيالك
ام عبدالرحمن:آآمين يارب..
ورحت عند البنات..نوف:شكلك خيال بالجلابيه..
فاطمة:ابي اعرف جلابياتك من وين تشترينهم..
سارة:من الكويت ولا دبي ولا الامارات..بس ذي من الامارات..
فاطمة:اها..
الاء:ابيك شوي سارة من بعد اذنكم..
قمت معاها..سارة:شوو مافيه كلمه مبروك..
الاء:مبرووك..بس يلا قولي لي...
سارة اسوي نفسي كني مدري:عن ايش..
الاء:لا تستعبطين وقولي لي..
سارة:بقول..بس خلينا نطلع لحد يسمعنا وونفضح....
وفي المجلس..
منصور:هلاا بالعريس..
فيصل"ابتسم":هلاا فيك..اخبارك؟؟
منصور:الحمدلله زين..وانت؟؟
فيصل:الحمدلله ماشي الحال...وهو يطالع جاسم بحتقار..
حمد:مبروك عليك اختي يافيصل..
فيصل:ههههه الله يبارك فيك..
حمد:عاد لااوصيك عليها..
منصور:من احين توصيه!!
حمد:أي..ذي الزين كله..حطها في عيونك الثنتين..
منصور بخبث:صدق الزين كله..
فيصل:اقوول اعقل ترى ذي حقتي..
الكل:ههههههه..
ابو منصور:اعنبوكم انتوا... حتى في المجلس قدام الخلق متكفونا عن ازعاجكم..
منصور:هذا ميزتنا..
عبدالله بن سعد:امحق ميزه..
عبدالله بن مبارك:قاعدين تطنزون علي يوم ملكتي ياجليلين الحيا..
منصور:انا مكنت معهم..
عبدالله بن مبارك:احلف عاد....اهم شيء انك شاركتهم بالضحك..
منصور:لا والله يعني جات علي انا..الكل ضحك مو بس انا...
فيصل:ههههههه..وخير ياطير ان ضحكنا..وش بيصير..
عبدالله بن مبارك:بعد...أنا اوريك وش بيصير..
الكل:ههههههههه
ابو عبدالله:اعقلوا ياعيال...
ابو حمد:أي معليه..اتحداك ان عقلوا...انا من اشوفهم في أي مجلس اهج على طول..
ابو جاسم بضحكه:اش دعووه..
ابو عبدالله:مكذب بوحمد..كلا نجار ألي يشوفهم يقول بزران مو رجال...
ابوجاسم:توهم طايشين..
فيصل:أنا مو منهم.. هم في العشرين وانا بـ35..
ابوجاسم:هههههه انت اولهم..
فيصل:ههههههه..افى ليه؟؟
ابو جاسم:اسأل نفسك..
فهد توه داخال:ياامرحباا..
محمد:هذا ألي ناقص..
الكل ضحك إلا فهد:ههههههههه..
فهد مو فاهم شيء:وش السالفة..
فيصل:ههههههه...انت استريح وبس..
فهد"وهو يساسره":شفتها ولا..
فيصل بصوت واطي:من؟؟
فهد:المدام..
فيصل ابتسم:أي..بس صار احداث يمكن مراح تصدقني...
فهد متحمس:وش صار قوول؟؟
وقال له كل ألي صار..
فهد:بذمتك..والله متوقعته كذا..
فيصل:أي انا وش اقول لك..يوم شفته يحضنها مدري وش صار لي واشوي واذبحه بس محبيت الفضايح..
فهد: ليكون تحبها..
فيصل:لااا..انا معترف بالحب..
فهد:لا ياشيخ..بيجيك يوم بتعترف فيه..
فيصل:لا إن شاء الله..
فهد:بشوف... احين جاسم ذه يحبها من زمان..
فيصل:اتوقع..."وهو يصر على اسنانه"والله ان شفته يكلمها مراح ارحمه..
فهد(بنشوف اخرتها وياك يافيصل...ليه ماتبي تعترف انك تحبها..)
وفي قسم النساء...
الاء وهي موصدقة:بذمتك..ليه بغى يرتبط فيك اجل؟؟
سارة:والله مدري...والي قاهرني انه يحسبني من البنات ذول الصايعين..
الاء:وي ليه؟؟
سارة:تذكرين آخر مرة دقيتي علي فيها..كان الصبح..
الاء وهي تفكر:امممم متذكرت..متى؟؟
سارة:يوم انا قلت لك اني في بيت غادة..
الاء:اااي تذكرت..وش صار؟؟
سارة:اسكتي...سمعني وانا اكلمك بصيغه الرجال ياسلطان..
الاء:وي كذاابه..
سارة:أي والله.."اضطريت اني انسع سطور ولا قلت لها يوم جاني في الصبح..وعمل لي هوايل"
الاء:يوم درى انك كذا اجل ليه يبيك تصرين زوجته..
سارة:ايوا انا ابي اعرف ليه؟؟(ودي والله اقول لك وش ألي صار اليوم بعد بس مقدر...اخاف يذبحني لدرى)ورحنا عند البنات..
نوف:سارة..تعالي..متى راح تقضين لك ياسارة..
سارة:مدري يمكن من بكرة..
صيته:هو الله يهديه مستعجل مرة...هذا هو مشافك بعد لو شافك كان حصل ايه..
رغد:لا هو شافها..
البنات بحماس:هه...كييف؟؟
رغد:بسم لله وش فيكم...النظرة الشرعية..
نوف بحماس:وش سو..
رغد:استانس..
سارة ووجهي صار طماطه:وجع انتي وياها..
نوف:معليك منها كملي..
رغد:ولمها في صدره..
سارة شهقت:متى صار ذه..
نوف:بعد..
رغد:وياليتها جات على كذا...ذا ولا شيء بنسبه للي سواه لها...
سارة(أي والله ماكذبتي):عن التشلخ يارغد والله بيصدقون..
فاطمة:ههههههه...عادي خليها تشلخ علينا اهم شيء نزهقك...
سارة بقهر:بعد..
رغد:المهم..يوم خلص من التحضن فيها...باسها في جبينها وخدها وسمعها قصيد هذا غير النظرات ألي بينهم..
الاء:بعد...ليه مقلتي لي؟؟
سارة(ياليت جات على الخد ولا الجبين..ذا باسني في شفتي)استحيت:وجع..ترى ان كملتوا بطلع....
دخلت غادة:وليه تطلعين؟؟
سارة:شووفيهم..بس يبون يحرجوني..
غادة:يحرجونك..الله زين"وهي تقعد معاهم"يلا سمعوني..
الكل:ههههههه..
سارة:مالت عليك..بغيتك عون صرتي فرعون..
اسماء:معليك منها واسمعي..
سارة:يوووه...ولبست شيلتي وطلعت..الجو كان حلو مررة..وتلفت يمين يسار وماشفت حد..نزلت الشيله بين كتفي..وفتحت شعري وانا امرر شعري بأطراف اصابعي..ومر علي خيال فيصل..ابتسمت..
فيصل وهو في التلفون:خلااص محمد حط الملف في المـ...مكتب..وهو يطالع فيني..فيصل:خلاص اكلمك بعدين..(يازينها...بتجنني ذي بجمالها)واقترب مني ومسك شعر باطراف صبعة..سارة التفت:فيصل.."ورفعت الشال وغطيت وجهي" وانا وين مروح ألقاك في وجهي..
فيصل:ليه زهقتي مني..
سارة(لا بالعكس):أي زهقت منك..
فيصل:وليه تغطيتي عني..ماانا بصير زوجك..
سارة:بتصير زوجي..لكن لسه انت مصرت"ورحت لكن هو وقف في طريقي" وخر.."واروحت الجهة الثانيه ويوقف في طريق مرة ثانيه"وبعدين معاك انت..
فيصل وهو يسحب الشال من راسي:لاماني موخر وش بتسوين يعني..
سارة:فيصل جيب الشال...جيبه"وانا ارفع يدي مشان اخذه منه"جيبه والله بتفضحنا..
فيصل:يلا اخذيها مني ان كنتي تقدرين...
سارة:يوووه..يعني تسوي نفسك طويل.."وانا انط مشان اخذ منه بس مقدرت لانه اطول مني بواجد"
فيصل حس بمتعه وهو يزهقني..ساره:اووف فيصل عطني الشال.. فيصل:نو...نو..حس بأحد يبمر..وسحبني من يدي..وحضني من وراء..صار ظهري في صدره..سارةوجهي صار اشاره مرور:وش تسوي انت؟؟
فيصل ويده في فمي:اوووص..في حد بيمر..
سارة توهقت وبصوت قريب للهمس:والله بتفضحنا...
فيصل:لا ذي بسه"قطوه"
سارة وانا حاطه يدي على قلبي:الحمدلله..
ابتعت عنه لكن هو شد علي..سارة ووجهي طماطه:وخرر عني فيصل..(يارربي جرريئ..مدري وش راح اسوي بعد الزواج..هو احين كذا اجل بعد الزواج وش بيصير..الله يستر بس)..
فيصل وهو يشد علي:لا ماني موخر..وش راح تسوين يعني..
سارة:فيصل حراام عليك ألي تسويه فيني...مافي شيء يربطنا ببعض وتسوي كذا...وين حنا بالغرب... وخرر..
فيصل بحده:تبين تقولين لي انك مسويتي كذا سلطان..
سارة انصدمت ومعرفت ارد:.................
فيصل والشرار يطلع من عيونه:يعني مسويه معاه..صح؟
سارة بتوتر:اصلن سلطان...
فيصل وهو يشد على يدي:بعد لك عين تقولين اسمه قدامي..
سارة بخوف:انت اسمعني بالاول..
فيصل معصب:اسكتي ياقليله الحيا..صدق اهلك معرفوا كيف يربونك..
سارة بشراسه:احترم نفسك..اهلي مربيني زين..
فيصل بسخريه:واضح..
سارة ابتعد عنه:اجل ليه ماخذني..طالما تقول ان اهلي مربوني عدل"دمعت عيني"
فيصل:والله مزاج.."وبسخريه"يااحراام تبكين..تؤتؤتؤ تصدقين كسرتي خاطري..
سارة بصوت باكي:الله يسامحك يافيصل..واتاكد انك انت ألي ظلمتني...ومعطيتني فرصة للكلام ورحت اركض...
فيصل(كيف ظلمتك..وانا الي سمعتك بذوني تكلمين الحيوان سلطان..كيف تبيني اصدقك؟؟)

.......................

15 - 11 - 2011, 08:42 AM

البارت الثاني عشر..
ودخلت على طول روحت الحمام "كرمكم الله"محبيت حد يشوفني وأنا ابكي...سارة(ليه تعاملني كذا يافيصل؟؟ليه؟؟ ودي اقول لك أن سلطان هو خويتي الاء بس معطيتني فرصة عشان اتكلم)وبعد ماهديت طلعت من الحمام..ولقيت في وجهي سارة بنت مبارك:هلااا بالعروس..
سارة:هلا بيك..اخبارك؟؟
سارة بنت مبارك:زينه فديتك..حبي قعدي معاي والله زهقت..
سارة:ليه وين البنات؟؟
سارة بنت مبارك:زهقت كلا يتكلمون عن وين بتقضين؟؟لبسي كذا لليلة الدخله؟؟تدلعي يعني زي كذا..وانا بطت كبدي..
سارة:هههههه..ولا يهمك تعالي نقعد..
سارة بنت مبارك وهي تجلس:إلا مقلتي لي ياسارة خلااص وافقتي على فيصل ولا..
سارة:لا خلااص وافقت..
سارة بنت مبارك وهي تدعي الفرحه:الله يوفقك يارب(ان مخليت فيصل يشك فيك ويطلقك مكون انا سارة)
سارة:وياك ياقلبي..
سارة بنت مبارك(جعل قلبك الموت يارب):تبين الصراحه قبل أحس انك مغرورة بس احين احس انك عاديه..
سارة:والله..المهم انها تغيرت نظرتك فيني..
سارة بنت مبارك(لاماتغيرت ياجعلك الموت):مدري احس ان حنا راح نصير مقربتين مرة..
سارة ابتسمت:إن شاء الله..<<<<على نياتها مسكينه
سارة بنت مبارك(ان مخربت بينك وبين فيصل مكون انا سارة بنت ابوي)
ومضى الوقت بسررعة،ورجعنا البيت..وفسخت ثيابي ولبست بجامتي النوم ومسحت مكياجي،وانسدحت في السرير ورن جوالي..بس مرديت وجاتني رساله وفتحتها.."ليه ماتردين علي،ادري انك مانمتي.. بدق مرة ثانيه ويويلك ان مارديتي..وأنتي تدرين وش بمكاني اسوي"
رغد وهي بتنام:سارة طفي النور عندك ابي انام والله تعبانه..
ورن جوالي ورفعته،سارة:هلا الاء..
فيصل:...يمك احد..
سارة:أي..
فيصل:طلعي برا معرف اخذ راحتي كذا..
سارة:لحظه..وطلعت براء ورحت الصاله..وتأكدت ان مافيه حد..
سارة بهمس:وش بغيت...
فيصل:لاتتكلمين معي كذا..سامعه..
سارة تتنهد:إن شاء الله..في اوامر ثانيه..
فيصل:لا ذه يكفي لليوم..
سارة:ليه انت داق علي احين؟؟
فيصل(حبيت اسمع صوتك):كذا مزاج...
سارة بترجي:لوسمحت استاذ فيصل لاتدق علي..إلا بعد مانتزوج..
فيصل:نعم!!!
سارة:انا موفاضيه لك وعلى مزاجك..إذ انت راضي على نفسك انك تكلم وحده بنسبه لك غريبه فأنا ما أرضها على نفسي..
فيصل:إلا انتي عادي عندك تتكلمي مع أي حد..غريب ولا موغريب..هو واحد
سارة احس كلامه خناجر على قلبي:احترم نفسك يافيصل..أنا واجد سمحت لك انك تغلط علي..انت تهين كرامتي بحكيك ذه..
فيصل:ههههههه..ضحكتيني وانا ما ابي اضحك...
سارة:..............................
فيصل:حنا عارفين بعض فمايحتاج انك تلبسي قناع ماهو لك..
سارة بصوت باكي:مع السلامه..وسكرت السماعة وقفلته مرة وحده..لاني بحاجه لاختلي بنفسي..رحت لسرير وبكيت بصمت..سارة(ليه دايم تظلمني؟؟ ليه تطعني بصدري؟؟ليه يافيصل؟؟ساعات احس ان مافي حد مثلك..وساعات احس انك تبي تنتقم مني..ليه تعيشني بالدوامه)وقعدت افكر لين ماستسلمت لنوم..
بيت ام فيصل..
وفي السرير..فيصل:مقفله جوالها بعد..أنا اعلمك ياسارة..منو الذي يسكر التلفون بوجهي...واتجه للبلكونه المطله على الحديقة...وهو يفكر بسارة ألي كان خاطرة ان يشوفها يمه،ويحضنها ويبوسها..(اصحى يافيصل تستسلم لها اصحى ذي زي حصه خاينه ومنافقه..مقدر ابعدها عن افكاري..مقدر ليكون....لا..لااا أنا معترف بالحب اصلن..هي ولا شيء بنسبه لي..وماتهمني)وراح انسدح في السرير وهو يفكر بسارة بس يحاول انه مايفكر فيها ويبعدها عن افكاره بس ماقدر..حاول يشغل نفسه بأي شيء بس المهم..انه مايفكر فيها...

وصحيت الفجر وصليت وفتحت جوالي وكملت نومي... وصحيت الصبح على رنه جوالي...سارة بهمس ناعم اسر فيصل:الو..
فيصل:الو..هلا سارة...صباح الخير..
سارة حست بالصوت:نعم!!
فيصل:ياربي..إلى الان ماصحيتي من النوم..كم مرة وأنا اقول لك ماحب زوجتي تتأخر في النوم..
سارة استوعبت الصوت:يالله صباح خيرر...فيصل ابي أنام والله تعبانه...
فيصل بحده:أنا قلت لك قومي وكلمتي ماتنعاد..يلا بلا دلع..
سارة "محبيت اناقشه":إن شاء الله..
فيصل:أي هذه الحرمة السنعه ألي تطيع زوجها...وياويلك ان دقيت عليك وشفتك نايمه..
سارة بأدب:أنت تامر امر..
فيصل(وش فيها اليوم ترد علي بأدب موزي قبل احين إن شاء الله وتامر امر فيها شيء):يلا سلام..
ورحت خذت دش...ولبست بنطلون جنز اسود ضيق مع حزام وبلوزه لونها رمادي نصف كم من سبلاش،وصندل كعب بلون الرمادي من قوتشي..وحطيت مكياج سنبل...وسويت شعري ذيل حصان..
ونزلت تحت..وفطرت كورسان بالجبن مع عصير فرش برتقال..ومن الهدوء غلب علي النعاس..ورن جوالي ومن دون مأقرا..بصوت ناعم:الو..
:هلا قلبي..
سارة مستغربه:من انت؟؟
:انا قلبك..
سارة:نعم!!!

يتبع...

15 - 11 - 2011, 09:44 AM

سارة بحده:بتقول من انت ولا بسكر..
:خلااص..أنا واحد يحبك ويموت فيك..
سارة:صدق انك واحد ماتستحي..وسكرت... ورن جوالي ورديت بنعومه:نعم..
فيصل:نعامه ترفسك..
سارة:بغيت شيء..
فيصل:فتحي الباب..
سارة مستغربه:نعم!!! ليكون...
فيصل:أي يلا افتحي الباب...
سارة:بس أنا قلت لك لاتجي مرة ثانية...
فيصل:نعم..نعم..من متى انا اسمع كلامك...يلا افتحي الباب..
سارة:اجل لحظه بغير ملابسي وافتح لك..
فيصل:لاا..لاتغيرين لبسك..افتحي الباب..
سارة بترجي:تكفي فيصل بس دقيقة اغير ملابسي وانزل على طول..
فيصل بحده:أن مافتحي الباب برن الجرس واحرقه لين مايصحون اهلك..
ولاترك لي مجال لرد...ورحت طيران فتحت الباب...
فيصل وهو يتفحصني بنظراته(بنت اللذين متبيني اشوف زينتها...صايرة قمرر):بتخليني واقف عند الباب..
سارة بتردد:تفضل..
فيصل:كنتي تفطرين..قاطعتك..
سارة بنعومه وهي تقوم تشيل فطورها:اصلن انا خلصت...مسك يدي:على وين ان شاء الله.. سارة بتوتر من قبضته:بـ...بروح اودي... وسحبني وجلسني يمه..فيصل:لكنت أنا موجود..لاتنشغلين بشيء ثاني اوكي..
سارة ووجهي احمررر:فهمت.."وهي توخر عنه بس فيصل كان يشد عليها"..ممكن توخر عني شووي...
فيصل وهو محوطني بخصري:لا مو ممكن...أنا مرتاح كذا...
سارة بخجل واضح:وخرر
فيصل:وليه تبيني اوخر عنك ان شاء الله..
سارة بجرئه:استحي..ممكن توخر احين...
فيصل"وهذا ألي مدوخني":هههههه..مكنت ادري انك تستحين والله...
ساره"نعم وش شايفني ذه.." وأنا ابعد عنه...
فيصل وهو قايم:اليوم بملك عليك..من دون عرس ولا حفلة...
سارة وانا اطلع عيوني برا:نعم!!!
فيصل:الي سمعتيه..
سارة:بس انا مقضيت شيء..
فيصل:ملازم.. انا مجهز كل شيء متخافين...
سارة:انت مو قلت نهايه الشهر ذه ليه تعجلت..
فيصل:غيرت جدول عملي وصارت بكره الروحه.."وهو يقربني منه وباسني على شفتي"..
سارة بصارخ وانا ابعده عني:وخرر عني..
فيصل بتحدي:ههههه..ان وخرت احين مراح اوخر الليل..
سارة احمر وجهي من جرائته:مراح اسمح لك...
فيصل:شكلك تبين تلعنك الملائكه..صح..ههههه سلام ياقمر..
سارة وانا اسكر الباب وبصوت باكي:الله لايسلمك...(ياربي ذه يبي يجنني...اهئ..انا اوريك يافيصل..مراح تأخذ مني الي تبيه)ورقيت فوق عند غرفه اخواني..فتحت الباب وانا ابكي:حمد اهي..حمد قووم تكفى..
حمد وصوته كلا نوم:نعم وش تبين...
سارة وانا ابكي:قوم حمد تكفى..
حمد فز من السرير وبخوف:وش فيك؟؟
سارة وانا ازيد في البكاء:بطني ياحمد بطني..
حمد بخوف:طيب..اكلي الحبوب..
سارة:كلت بس مافي فايده...
حمد:طيب وش اسوي انا احين..
سارة:روح عند الصيدليه وجيب لي الدواء هذا..
حمد وهو يقووم:حتى في يوم اجازتي ماني مراتاح...انزين بقوم
سارة(في نفسها يازينك ياحمد حنوون مرة..الله يعطيك الحرمة الصالحه يارب....انا اعلمك احين يافيصل)..
بيت غادة وفهد..
غادة وهي في التلفون:من صدقك يمه...
ام فيصل:أي والله هو قال لي انه بيتزوج اليوم من دون عرس ولا شيء..
غادة:لا ذه انجن..مو طبيعي صدقيني..
ام فيصل:مسكينه سارة والله راح تبتلش بفيصل..
غادة:أي والله...الله يعينها على مبتلاها..
غادة تكمل:طيب سارة تدري ولا..
ام فيصل:لا متوقع انها تدري لان هو قرر اليوم الصباح..
غادة:الله يستر بس...
بيت ابوحمد....
حمد وهو يمد يده:خذي..وأن شاء الله تصيرين زينه..
سارة بهدوء:حمد..انت ليه متروح الشغل..
حمد يتنهد:اقول لك طردني المدير..
قاطعته وبثقه:ولي يقول لك انهم ماطردوك...
حمد مستغرب:كييف؟؟
سارة:أي يلا روح ليفصلونك احين مرة ثانيه..ترى انت متاخر نصف ساعة بس..
حمد:من صدقك..
سارة:اي والله روح..وان كنت كذابه سوو الي تبيه فيني..
حمد وهو يشوف الثقه في كلام اخته:اكيييد..والله ان شميت في خدعة في الموضوع صدقيني راح اسوي فيك جريمه..
سارة ابتسمت:خلااص مو مشكله..بس انت يلا روح..ابوي قال لي...وراح حمد طيران..
سارة بعد مراح:والله انك طيب وحنون مرة ياحمد..الله يسعدك ويوفقك يارب...واخذت الدواء..ورن جوالي"حماتي" سارة:هلا بقلبي غادة..
غادة:هلا فيك..مبسوطه اليووم وش عندك..
سارة:بس كذا..

يتبع...

المواضيع المتشابهه لموضوع: غصبن عني حبيتها للكاتبهSandra-kas لموضوع: غصبن عني حبيتها للكاتبهSandra-kas
الموضوع	كاتب الموضوع	المنتدى	مشاركات	آخر مشاركة
البنت اذا زعلت مع حبيبها	جروح الم	همس للألغاز والنكت والضحك	2	9 - 1 - 2014 07:52 PM
خاطرة بنت تودع حبيبها	سجات التهاويل	همس عذب الكلام والخواطر المنقوله	8	23 - 10 - 2013 04:09 PM
استيقظت فج ة ولم تجد حبيبها بجوارها	الملك	همس للقصص وحكايات وروايات	9	14 - 3 - 2012 06:46 PM
الحريم اذا عصبن	ملاكـ	همس للألغاز والنكت والضحك	8	17 - 1 - 2012 01:24 AM

الذين يشاهدون محتوى الموضوع الآن : 1 ( الأعضاء 0 والزوار 1)

الأعضاء الذين قاموا بتقييم هذا الموضوع : 0
لم يقوم أحد بتقييم هذا الموضوع

غصبن عني حبيتها للكاتبهSandra-kas

همس للقصص وحكايات وروايات