رواية العابث ال خير في هذا الزمان

البارت 56


ختام بقهر : وش هاه !
لولا الحياء كان قالت "هويت بحضني "
خالد برفض : لا وش نسافر مع بعض خلينا واقعيين ترى خطأ
ختام تكتفت : وليش حارس شخصي ؟
خالد قرب راسه لها :قلتي اروح معك بدل صاحبتك ماقلتي احرسك
ختام ميلت راسها وكشرت : امانه خالد بليز حرام انا طفشت كرهت المكان والديره والحياه ابي اغير جو وعمو رفض اسافر
الا و احد معي
خالد تنهد : اففففف ختام احد وش قصدك بـ أحد صديقاتك او اي شخص عادي يروح
عبست ملامحه وبرفض : لا ما اقدر انا اعتذر
ختام دمعت عيونها
وعضت شفتها رفع راسه خالد لها وتجمدت
ملامحه
ختام شهقت وبكت : ليش ليش كل شيء تقول لا
خالد حس بالورطه صوتها يرتفع وفي مكان عام
همس لها بترجي وهو يناظر
حوله : اصصص تكفين اسكتي
ختام هزت راسها بـ لا وشهقاتها
تزيد : انت كذا مع الكل او معي بس ليش انا بالذات ماتروح معي اهلك عادي ؟ وعُمر عادي !! اما انا لاا !!! ليش انا لا جاوبني ليش ؟
ارتفع صوت بكاها
وخالد تنهد ووقف وقرب لها : قومي نروح السياره نتكلم هناك افضل انا حمار يوم نزلتك هنا
رفعت راسها له بحده : روح عني خلاص مابروح معك اطلع من هنا اطــلع
خالد بحده قرب منها : قومي وانتي ساكته يلا لا اتصرف تصرف يزعلك
ختام مسحت وجهها بكفوفها : انا هنا اللي يأمر وانت تنفذ يلا
روح
خالد بنص عين : ختام
ختام بغضب وعيونها تفيض بدموع من جديد : انا اقول رووووح
ابتعد عنها وطلع وختام تراقبه بقهر نزلت راسها ع الطاوله ورجعت تبكي
خالد ركب السياره وعيونه عليها فتح جواله وارسل : انتظرك مو متحرك من هنا الا وانتي معي
استلمتها وطلعت بعد ثواني ركبت وقفلت الباب بقوه
وصدت عنه بزعل
حرك السياره بأتجاه بيت ختام وهو يسترق النظر لها من فتره لفتره
سبحان من دخلهم حبايب وخرجهم مو طايقين بعض
ابتسم وهو يتنهد .

..

فالمستشفى ..

وقف عُمر وابتسم بتعب : يلا ليث بطلع اريح وانام شوي عندي محاضره الساعه ظ¥
ليث ابتسم له : ماقصرت جعلني فداك تعبتك معي
عُمر التفت بيخرج ووقف : الا اقول من فاز ؟
ليث عقد حواجبه : واحد اسمه فارس السالم
عُمر تجهمت ملامحه : مممن !!
ليث بأستغراب : تعرفه
عُمر ويكاد ان يجن جنونه : استأذن
ارتاح انت وبكره تطلع بالسلامه إن شاء الله
ليث ناظر رجله المجبره : إن شاء الله
خرج عُمر واتصل على رتيل ردت بهمس : لبيه حي من اتصل
عُمر تنهد : رتيل ي روحي آخبارك ؟
رتيل ؛ الحمدلله تمام
عُمر : امك تتواصلين معها !
رتيل : ايه ليش تسأل ؟ غريبه
عُمر بتأفف : اخوك فارس ابي رقمه
رتيل كشرت : وش تبي فيه ترى الولد راعي مشاكل ونادر
يجيء للديره حتى امي تبي تشوفه لكن عنيد
عُمر : ابي الرقم وماعليك
رتيل بقلة حيله : ابشر
قفل منها وخرج من
المستشفى بالكامل وهو ينتظر
رسالتها . " بعد طلاق ام رتيل من ابوه
تزوجت ورزقت بـ ثلاث اولاد
فارس ظ،ظ¨ سنه وثنين صغار
بالمتوسط والابتدائي تقريباً
تقابل عُمر وفارس اول مره
مع رتيل ومن بعدها تعرف عليه
اكثر من كثر الصدف "

**عائلة_ابو_رتيل
((( موضح هنا عائلة ابو رتيل ))) '
______________

في المانيا

رامز مستلقي على السرير الواسع وشبه نايم
رن جواله ورد : هلا
المتصل ؛ الحمدلله على السلامه .
فز جالس وبلع ريقه بربكه : من انت
المتصل : نسيت اللي مد يده لك لحظه طيحتك !
رامز تجمدت ملامحه
المتصل بضحكة : عمرك طويل سمعت من فارس انك مت
رامز بأنفاس متسارعه يحاول يضبطها : اشاعه
المتصل ابتسم : زين نتكلم بوقت ثاني تكون فيه على قيد الحياه اكثر هههههه
قفل ورامز يرتجف بربكه وخوف
" مافي خلاص منهم !!!! "

اابارت 57


في بيت رائد ..

خرج من جناحه واتجه للجناح القريب منه " جناح ريتان "
دق الباب وثواني ووصله صوتها : خير
رد بجفاف : تعالي
ابتعد للصاله وفتحت الباب ريتان ووقفت عنده متكتفه : نعم !
رائد بدون مايناظرها : نعامه ترفسك تعالي هنا
تأففت ومشت وراه للصاله جلس وجلست وهي تهز رجلها بملل
اشر لها : تبين اكسرها لك راسي مصدع لاتطلعين صوت
ريتان توسعت عيونها وهزت راسها بأستخفاف : عشتوا
رائد ضم كفوفه ببعض : شوفي انا معطيك على جوك البيت ذا لي ولك خذي راحتك واللي تبينه
سويه خلال اسبوعين بالكثير بتوصل العماله الشغالات والسواقين
والحراسه بعد لكن حالياً
حاولي تتأقلمين بدونهم هالفتره
ريتان رفعت حاجب وهي تهمس في نفسها " اصلاً ماعمري شفت شغاله الا حقت خالتي ومن كثر ماكرفتها حلفت ماتطب بيتنا بعدها "
رائد بصوت مرتفع رجعها لوعيها : مفهوووم !!!
ريتان بنص عين : طيب
رائد : والاحترام واللسان الطويل ذا امسكيه والا بقصه لك
ريتان هزت راسها بإيجاب
" وهي تبيه يسكت تخاف يتكلم بحقوقه وحياتهم وهي مالها قدره عليه "
وقف وانحنى يأخذ مفاتيحه من الطاوله : انا بطلع واحتمال اتأخر
ريتان وقفت وصدت عنه
داخله لجناحها غمضت بقوه من حست بشيء شد شعرها التفت
بسرعه ماكان فيه شيء
ورائد نزل الدرج
انكتمت انفاسها برعب وهمست بأسمه عشان يرجع لكن ماوصله
صوتها عضت شفتها وفتحت باب الجناح ودخلت بسرعه
وقفلته بقوه وهي تسمي وتقرأ المعوذات .

..

عند خالد وختام ..

وقف عند بيتها اخيراً ونزلت وهي معصبه ودخلت بسرعه ، تنهد بضيق ونزل وراها بصمت وقف عند الباب الخارجي ورن الجرس ثواني وفتحت الشغاله : نعم !!!
خالد فتح فمه بيتكلم لكن سكت من شاف ختام نازله الدرج
ومتجهه له وقفت مقابله وتكتفت : هلا ؟ ناسي شيء استاذ خالد
ابتسم بخفه وصد عنها لثواني يمسك ضحكته : لا بس ابي نتكلم شوي اذا ممكن .
ختام ثبتت نظراتها عليه بصمت
خالد رفع عيونه لها وتجمدت
ملامححه من شاف نظراتها رجاء ! طلب ! خيبه ؟ زعل !
عجز يفسر اللي بخاطرها دموعها المتجمعه هزته وهو اللي قال بيوقف معاها لاجل ترجع للطريق الصح
نزل عيونه بصمت مماثل لها
لتردف ببحه ونبره مرتجفه : تفضل لو ماوسعك المكان توسعك عيني
خالد رجع يناظرها وقلبه انقبض من كلامها
دخل وراها وجلسوا بصالة الضيافة وختام لابسه عبايتها لكن
مفتوحه كل الازرار والشيله على كتوفها
خالد بقلة حيله : خلاص موافق اسافر معك
ختام انفررجت ملامحها وابتسمت بفرحه وانفاسها تزيد رمشت بضحكة وهي تأشر بكفوفها : قول والله !
خالد ابتسم : والله
ختام صرخت ؛ يااااه وش اسوي فيك ؟
خالد تجهمت ملامحه
وختام تضحك : مو مصدقه مره مره مره مدري وش اقول اففف تعبتني في شعوري وربي
متضارب مره هههههههه ..
خالد ابتسم من ضحكتها مجنونه ! مو بعقلها
بس" تمون ". '


ختام تضحك وهي تتأمل خالد
" مازلت نبض دمي
مازلت مجرتي
مازلت كل مددى فصائي
مازلت رفيف اجنحتي
مازلت اعظم مايحقق لي بقائي "
( دمت لي خالد
دمت لي " حُب على حُب .. "

البارت 58


الثانيه عشر من منتصف الليل ..
مغمض عيونه وراسه على المكتب انفاسه تضيق لتاره وتعود بعد ثواني لتنتظم
عقد حواجبه من سمع صوت معاذ الجالس قريب منه : اذا بتنام قوم
لبيتك احسن
رائد بتمتمه : مالي هوى
معاذ تنهد بضيق : رائد وش ذا ! ترى حالتك مو عاجبتني ، وين رائد
اللي مايحسب لشيء حساب اللي في راسه يسويه اهم ماعنده ضحكته ، وينه !!!
رائد كشرت ملامحه : مات
معاذ ابتسم ببطء : تذكر ايام الثانوي يوم هربنا وشافنا ابوك هههههههه
رائد ابتسم ودمعت عيونه بحنين لابوه : ياليت الوقت وقف عند ذيك اللحظة
معاذ سند راسه على الكرسي : متعب وعبدالله تتذكر مضاربتهم وفزعتك ! انا ماقدرت انسى كيف كسرت السياره حتى التشليح
مايستفيد منها ههههههه ..
رائد ابتسم اكثر ليجاريه بذكريات الثانوي : ومحمد سالم هذاك الطويل استغفر الله كنت كل شوي اصفقه رايح جاي مسوي نفسي قوي اطول واحد بالمدرسه اضربه ولايقول شيء
بالنهايه كسر شباك السياره وتكفخت من ابوي
معاذ ضحك ببحه : ياليت الوقت يرجع
رائد ضغط على الطاوله براسه
معاذ : رائد ارجع لنا
رائد رفع راسه يناظره
معاذ بغموض : ضعت وضيعتنا معك
رائد بأسف : آسف لاني مو رائد اللي تعرفه اسف لاني تغيرت وصرت شخص ثاني مشغول ومكتئب انا تعبت يامعاذ كل ماتهواه نفسي انطفأ قدامي انحرق وضاع نوره ماصرت اعطي ولا اقبل
اخذ لا بالمشاعر ولا الكلام ولا الحياه ، انا بنيت بيني وبين الناس
حاجز عل وعسى ارتاح
لكن كل ماتقدم الوقت انفجع اكثر ،
وجود رامز بقربي شيب براسي اليوم العصابه عرفوا عنه وبكره بيقتلونه قول لي وش اللحل !
معاذ سكت بصدمه من كلام رائد معقوله العصابه عرفت عن رامز !! رائد ابتسم بحسره : وتبيني مااتغير
انفتح الباب وانقطع كلامهم بدخول متعب ومساعد وصوت ضحكاتهم يسبقهم
التفت رائد وناظرهم : خير
متعب نزل اكياس عصير وبوب كورن على المكتب : اصصه عني ترى تعبان
ومصدع وجوعان ابي اكل واسولف بس لا اسمعك تقول شغل
ضحك معاذ ومساعد جلس جنبه وهو يهمس : وجه رائد مو مطمن
فيه شيء ؟
معاذ : لا'
وقف رائد وملامحه تفقد لونها وتشحب اكثر : انا بروح البيت
تجاوزهم وخرج وتبعه معاذ بخطوات سريعه : رررائــددد
التفت له وهو يتنهد : نعم
معاذ : بوصلك
تجاوزه ورائد واقف بصمت
تبعه ودخل معه للمصعد
ليضغط على زر الطابق الاول ويقرأ آخر الرسائل الوارده اكثرها مواعيد بأستثناء رساله مميزه
محتواها كلمه فقط " وحشتنا "
ابتسم ببطء وانفتح المصعد ليخرج هو ومعاذ بأتجاه المواقف
ردد معاذ ببطء : اركب بسرعه وراك حرمه تنتظرك
وقف رائد وهو يناظره بنظرات حاده : اسكت ابرك لك
مشى وركب السياره وحرك معاذ .
رائد بنوم : احس بخمول او تعب مدري
معاذ بجديه : بصدق رائد انت ماتجلس بالبيت يعني عادي عند زوجتك !
رائد بضحكة : ترى انت اكثر شخص فاهم الوضع لا انا ولا هي معبرين
موضوع الزواج هذا
معاذ بسخريه : مدري كيف يقوى قلبك انسانه عايش معها وتشوفها
ونصف حياتكم مناقر وبالنهايه تزفها لاخوك وانت تطلع من الموضوع
بالفلاس وفوق ذا تحرم عليك شوفتها وممكن تزعل وتاخذ بخاطرها
يعني بالمختصر بتطلع من السالفه كلها بدعوه منها وممكن جرح ! او وجع تتركه بقلبها
لا تفكر بأخوك وبنفسك وتنسى بنت الناس الرسول صلى الله عليه وسلم
قال " رفقاً بالقوارير " ارحمها وتذكر ان لها شور ورأي لا انت ولا اخوك لكم دخل فيه
رائد بأنزعاج : اسكت تكفى
معاذ : وش له اسكت !
انا انصحك لا تسكتني
رائد : الشيء اللي انا ابيه
وخاطري فيه بيتنفذ ابيها لـ رامز يعني هي لـ رامز وخلصنا ، لو رجعت يامعاذ تتكلم بهالموضوع
صدقني مابيصير لك علم زين
معاذ انصدم من جلافة رائد ميل شفايفه على جنب وبدون نفس : طيب ابشر طال عمرك اوامر ثانيه !
طنشه رائد وهو يحسب الخمس دقائق المتبقيه عن وصوله للبيت
السياره والارض والكون الفسيح
بأكمله تنطبق على صدره
كلام معاذ بحقيقته او واقعيته قلب مزاجه .

البارت 59


وقف معاذ مقابل بيت رائد وضحك : اول مره اشوف انوار بيتك مشغله
كذا
رائد التفت للبيت وجمدت ملامحه الاضاءه الخارجيه والداخليه واضح انها مشغله
نزل وهو يكلم معاذ : عساه خير ، توكل ي معاذ بحفظ الله
ركض لداخل البيت وبمجرد دخوله كانت صوره مرميه قريب من الباب ومعها قطع شعر
صرخ بأسمها وماردت
وركض للدرج فتح باب جناحها كان الشباك مفتوح وهي واقفه على حافة البلكونه
قرب لها وهو يناديها لاجل ماتخاف شعرها يتحرك ببطء صاير لنصف ظهرها وهو كان لاخر خصرها
التفتت لتظهر له وجهها الاسود والمرعوب
شهقت بقوه من شافته واقف قريب منها ورافع كفوفه يبيها تهدى
صدت عنه للبلكونه وبثواني
رفعت رجلها وقفزت بسرعه هاربه منه توضح له كيف وصل خوفها منه
صرخ بقوه بأسمها
وهو يشوف طرف بجامتها مسك بحديده البلكونه ركض بسرعه
ورفعهـا له وشالها قبل تطيح وهو يتنفس
بسرعه كل اللي صار اشبه بحلم ، البنت شفيها ! ليش كل
ذا
ريتان ببحه هزت راسها بـ لا وهي تهمس : امانه لا امانه اهئ يممممااااااهه
ارتخى جسمها بحضنه
ورائد مصدوم منها شد عليها بحضنه ودخل للغرفه قرب للسرير بينزلها عليه لكن وقف لثواني وخرج لجناحه
وهي معه.
نزلها على سريره ورجع لجناحها
جمع اغراضها اللي على التسريحه وملابسها باقي ماطلعتها من الشنط
شالها بسرعه واتجه لجناحه
ونزلها هناك ورجع مره ثانيه قفل الجناح
واخذ المفتاح منه الظاهر البلا هنا والبنت كرهت البيت وبترمي نفسها وتبلشني تبقى قدام عيني افضل !!
قرب منها وغطاها وابتعد لدوره المياه " اكرم القارئ " يتوضى لاجل يصلي الوتر .

فتحت عيونها ببطء تأملت المكان غريب كل شيء ابيض في ابيض جلست وهي تسمع صوت مويه رفعت ركبها له وضمتها ونزلت راسها
عليها وهي تبكي تحس بتعب عظيم اللي شافته اليوم مو قليل والاكيد ان البيت مسكون لكن الحين هذا اللي في دورة المياه
رائد او المتنكر بشكله ! سمت بالله والاذكار لا تنقطع من لسانها
اشياء اكبر من الاستيعاب تصير لها وجع في جسمها وروحها شعرها انقص ورجلها ضربت
في الباب ومتورمه هذا كله غير خوفها ورعبها النفسي
رفعت راسها على صوت الباب ينفتح ويخرج رائد لابس شورت
بس والفوطه على راسه
يمسح وجهه فيه وقف وعيونه عليها تتأمله بصمت
وكأنها اول مره تشوف
تكلم بشك : خير معجبه الاخت ؟
تجمدت ملامحها وشهقت
و وجهها احمر غطت وجهها وهي تهمس : قليل ادب
ضحك ووقف عند التسريحه يرش عطره على صدره كالعاده ماينام الا وريحته عطر
جفف شعره ورمى الفوطه ع الارض صلى الوتر وقرب للسرير
من حست فيه ريتان رفعت رجولها فوق ووقف رائد مستغرب
فزت واقفه وركضت للباب
بلا شعور بدأ يركض وراها
صرخت بقوه وهي تنزل الدرج وصراخها يزيد
رائد حس بعظمه الموقف انا رائد الثقيل رجل الاعمال اطارد بزر في نص الليل !!!!
اقترب منها وسحبها ووقفت
التفتت له وعيونها بعيونه همست ببطء : انت !
رائد سحبها مع كتفها : يلا قدامي من بيكون هنا غيري
طلع الدرج وهي معه وقف عند مفاتيح الكهرباء وقفل الاضاءه عن الطابق الارضي والعلوي
ومشى مع ريتان بالظلام لجناحه اللي حافظ طريقه
ريتان بخوف مسكت ايده
وقربت منه تخبي وجهها بكتفه من وراء
ومشيتها صارت ابطأ من الخوف لا تطيح
رائد تنهد ولف ايده حول خصرها وشالها بثواني اتجه لجناحه
ودخل من الباب
حست ريتان انهم دخلوا
تكلمت برجاء : قفل الباب امانه
وقف بجمود وهو مستغرب : فيه شيء صاير ؟
ريتان ببحه وتوشك على البكاء : لا بس قفل
نزلها ع الارض وقرب للباب بيقفل ..

البارت 60


قفله ورجع لكن انصدم فيها كانت وراه وما انتبه لوجودها
ريتان انحرجت وهي تحس بعطره طبع بوجهها كامل
ارتجفت من ضم كفها
وابتعد عن الباب : الحين نامي وبلا حركات الاكشن
مو لعبه كل شوي نراكض
ريتان تلمست السرير كان اخره
طلعت فوق وركض للوسائد ورفعت المفرشش واستلقت وهي
تضم نفسها وتردد الاذكار
رائد ابتسم ببطء : مو صاحيه
قرب للطرف الاخر للسرير واستلقى بصمت وهو يغمض عيونه بنوم
ريتان بهمس : رائد
رائد ؛ هممم
ريتان : ممكن في يوم تقتلني ؟
رائد عقد حواجبه : ليه ؟
ريتان بأصرار وهي تلتفت له وتلفح انفاسها وجهه : جاوبني
رائد تنهد بضيق من وضعهم : مدري
ريتان وهمسها يخف اكثر : يعني ممكن اموت على ايدك !
رائد شدها له وضمها وثبت ذقنه على راسها : بسم الله عليك من الموت دامك معي كوني واثقه
مابيوصلك شر إن شاء الله
ريتان تحس بقلبها بينفجر من قوه نبضاته وش ذااا !!!
غمضت عيونها بربكه وكفوف رائد تشد عليها وتسمع همسه يقرأ المعوذات
غمضت عيونها براحه
وغرست وجهها برقبته القريبه منها
رائد والنوم يتسلل لعيونـه يحس بحركتها بحضنه
قيل لي يوما أنتَ قوي
لم أكن أعي معناها
كنت أعتقد أن القوة مرادف القسوة
اللامباï»»ة , وأيقنت أن القوة
تكمن في قلب مهما تهشم ï»» يزال يعطي

فتح عيونه ببطء ووجهها يتلامس مع اخر ذقنه
تنهد ببطء وغمض وطيفها يسكن عيونه "ما لعيني كلما أغمضتُها
‏لاح في الأجفان طيفٌ من سناك
‏ما الذي أصنعه ؟ ما حيلتي !!

..

في مكان اخر بالرياض ..
تحديداً استراحه مفعمه بالحيويه فيها ظ¢ظ£ شاب كالعاده سهر بالليل وسوالف ويصحون متأخر
وتفوت اكثرهم المحاضرات الاولى
هذا حال عُمر واصحابه
رمى احدهم ورق " البلوت " ؛ يلا اليوم بكسر راس عُمر لاجل يعرف يقول انه محترف
عماد : يارجال عُمر مابيلعب
راجح : خلاص العب وهو لو فاق وجا له هوى بيجي يلعب
بدأ اللعب وعُمر جالس وراء ومعه كوب شاي يشرب ويرجع يتصل
بـ فارس ومايرد " جواله مقفل "
تنهد بضيق وهو يتوعده بخاطره
قرب له مقرن خويه : عُمر ماشفت جوالي
عُمر دخل يده بجيبه وطلعه : خذ نسيته في سيارتي
ابتسم مقرن بفرحه : الحمدلله تدري ماكلمت ميعاد من امس
عُمر ابتسم له : الله يخلف عليك متى بتعرس وتفكنا منك
مقرن بقهر : حلف عمي مايتم الزواج الا بعد ما اخلص الجامعه واحصل وظيفه الله يعين على ذا الشايب ..
ارتفعت ضحكة عُمر وهو يعرف صاحبه مقرن يموت في ميعاد بنت
عمه ونشب لهم وتمت خطوبتهم والحين صامل يبي الزواج قبل الوظيفه وقبل ماتنتهي الجامعه حتى لكن الظاهر عمه وقف له بالمرصاد هالمره..
وقف مقرن وهو يتكلم بنص عين : اضحك اضحك إن شاء الله اشوفك
ناشب مع سعاد ولا احد يرضى عليكم
تجمدت ملامح عُمر من جاب طاريها
وخرج مقرن يركض قبل يضربه عُمر
رمش بلا وعي وش عرفه فيها !!!!
وصلت رساله لجواله من مقرن
فتحها بسرعه وتجمدت ملامحه من المكتوب " دائم تحلم فيها "
وصل رساله ثانيه " سعاد "
عُمر تلونت ملامحه بالحمره وهو يسب ويشتم مقرن بخاطره
وقف وطلع والشباب ينادونه رد بكلمه وحده : بروح انام اشوفكم
بالجامعه
طلع لسيارته وركب وقفل الباب وهو مرتبك حسبي عليك يامقرن يالـ .. وش السواه الحين يعني اذا رحت الديره لو دخلت
عندي امي وانا نايم سمعتني اهوجس
فيها
فتح جواله وبلا مبالاه اتصل على رقمها اللي مسجل عنده من كان
يجيبها من الجامعه هي ورتيل وصله ردها : خير ليش مانمت يا ماما !
تجمدت ملامحه من كلمتها وبقهر : مو اصغر عيالك تكلميني كذا
سعاد غرقت بضحكاتها المبحوحه : لكن اصغر مني لا تنكر
عُمر تضايق اكثر : عادي سنتين ماتفرق
سعاد بأستغراب : ليش متصل !
عُمر ارتبك : ءء ابي اسلم عليكم وبس
سعاد برحابه صدر : مرحبا فيك مليون اخوي وسندي وتدق بالوقت
اللي تبيه
عُمر تنهد وبزعل : خلاص بقفل
سعاد عقدت حواجبها : شفيك ! زعلت
عُمر ابتسم : لا من قال اني زعلت
سعاد بضحكة : اعرف صوتك
عُمر قفل بدون رد " ماتحس
مافي قلبها ذرة رحمه ؟ ماترفق بحالي
ادق مشتاق تقول لي اخوي وسندي
جعلك بالعافيه ذا اللي بقول "

البارت 61


بعد مرور يومين اليوم الخميس موعد رحلة بُشرى واهلها لـ مكة رتبت كل اغراض امها وخالد بالمثل رتب اغراض ابوه
الشنط عند الباب وعبدالله زوج بُشرى
واقف مع ولده الصغير يسولفون مع ام خالد
وابو خالد في السياره
اما بُشرى مازالت تلبس عبايتها
وخالد واقف عندها ومعصب من كلامها اللي تتهمه فيه انه
" يحب "
نظرات بُشرى الشيطانيه كافيه ان تفقده عقله
ضرب كفوفه ببعض وهو يردف بسخريه : الحمدلله والشكر
بُشرى بضحكة : ترى عادي علمني
خالد تجمدت ملامحه ونظراته الحاده خوفتها
لفت شيلتها وخرجت تركض : يلا مع السلامه
مسك ضحكته ع هبال اخته ومشى وراها يودعهم
بعد دقائق كان المكان يخلوا منهم ولم يعد فيه الا خالد ... تنهد بضيق وهو يهمس : استودعتكم الله
رجع للبيت قفله وخرج للشارع يلعب بالمفتاح وسرحان بكره رحلته هو وختام كيف وصل فيه الجنون يوافق على الروحه معها !
تجنبها اليومين اللي راحت وهو يتمنى لو تغير رايها لكن الحاصل غير
ذلك ما ارسلت له ولا اتصلت حتى الواضح انها صامله/ ثابته برايها
والله يستر من الجاي .


في بيت ختام

جالسه ع سريرها تصور سناب وقدامها الشغالات يرتبون اخر اغراضها
تنهدت بضيق ومازالت تصور : اففف اكثر شيء اكرهه اجلس اراقب شغل العاملات يعني بجد شيء يسبب لي الضيقه والملل
بكل صدق
قفلت السناب ورمت الجوال جنبها وهي تستلقي بتعب ع السرير
مسكت اطراف شعرها الطويل وهي تلفه ع سبابتها بتفكير
قررت تعترف لخالد بحبها واللي يصير يصير المهم مايبقى الوضع
كذا عائلته متواضعه وطيبين وهو يسوى الكون بعيونها ليش ماتجرب تعترف له !
ابتسمت ببطء :يااافدديـته
جلست وهي تشوف
الشغاله تدخل : لو سمحتي الاستاذ موجود تحت
رمشت بلا وعي " عمي !! وش يبي لايكون موضوع مروان مره ثانيه !
هو وعدني مايجبرني
وقفت بسرعه واشرت للشغالات يطلعون خرجوا بسرعه من جناحها وعدلت شكلها وطلعت تشوف وش يبي عمها !! نزلت الدرج بخطوات رتيبه عكس شتات داخلها
ابتسمت له بتصنع وتقدمت تسلم عليه : تو مانور المكان
ضمها وباس راسها وجلس
وهي جلست مقابلهه :كيف صحتك !
ابو ألماس : الحمدلله بخير
ختام بربكه : وش هالزياره الحلوه ليش ماجات الماس معك ؟
ابو ألماس ابتسم : تعرفين دوامها اليوم خميس وبكره ويكند إن شاء الله تجيك
ختام تجهمت ملامحها : بس انا مابكون موجوده
ابو ألماس عقد حواجبه : ليش !
ختام : السفره اللي قلت لك
ابو الماس : اييييه بس من بيروح معك اذكر ان صديقتك هونت
ختام بثقه : بروح لوحدي اغير جو
وخالد بيروح معاي لو احتجت شيء
ابو الماس هز راسه بالايجاب : زين زين مابه خلاف المهم انتبهي
لنفسك وكلميني
ختام براحه : ابشر
ابو الماس وقف : جيت اشوف احوالك واذا محتاجه شيء والصدق كانت النيه اخذك معي تجين بيتي وتغيرين
جو لكن بما ان سفرتك بكره فالله يحفظك مالي راي بعد رايك
ختام ضحكت : ياعيون ختام الراي رائيك انت اللي تبيه بيصير
ابو الماس : ابيك بخير انتي الغاليه وبنت الغالين يلا اشوفك على خير
إن شاء الله
ختام ابتسمت له وودعته خرج وقفلت الباب وراه
ورجعت للصاله وقفت لثواني وهي تتذكر كلمته " بنت الغالين !!!! "
ليش ماقال بنت الغالي !
وش دخل امي يجيب طاريها مو هي اللي تركتنا وراحت
مو هي اللي اختفت وقت حاجتي لها
ليش يقول انها غاليه !!!! غمضت عيونها بقوه وهي تذكر ان عمها ماعمره تعرض لامها بكلمه او سبه او شتم بعكس زوجته
معقوله فيه شيء ما اعرفه ! الله يعين مو لازم افكر المهم ارتاح
بكره يوم غير وبيغير حياتي كلها .

البارت 62


فـ الجامعه ..

عُمر ومقرن جالسين في قاعه فاضيه ينتظرون محاضرتهم الساعه
تقرب من ظ£ وهي تبداء ظ£ وعشر دقائق
مقرن بملل : عُمر وش السواه ي اخوك عمي شكله صادق مابيزوجني الا اذا خلصت الجامعه
عُمر بخبث : خذ غيرها اجل
مقرن يعكس له خبثه ليغيظه : ليش انت ماتفكر في غير سعادوه اللي تعتبرك ولدها هههههههههههه
عُمر تجهمت ملامحه : انكتم صدق ما احد يسولف لك
مقرن بضحكة : ي اخوك امك مابترضى تدري انها تكره سعاد
عُمر بعناد : ماهمني احد
مقرن بجديه : ولو هي رفضت
عُمر اشر براسه بـ لا : ماراح ترفض
مقرن بصدق : ترى البنت مو كبيره ظ¢ظ¥ سنه بعدها صغيره وانت بعد
صغير ظ¢ظ£ سنه لكن امك مابتفهم صدقني والبنت بيجيها نصيبها
عُمر جمع شفايفه ع جنب : مابتتزوج غيري
مقرن تنهد : الله يعين عليك بس ترى البنت مابتجلس تنتظرك اذا لك خاطر كلم امها
عُمر عقد حواجبه وملامحه تلونت : ماعندي احد اطلبها منه الا امها واخاف امي ماتمشي
مقرن ابتسم : والله انك حيرتني ي صاحبي بس توكل ع الله
ويمكن يلين قلب امك
عُمر بسخريه : تكرهها اقولك تكرهها تقول لي انها قاسيه ماتحن علي
ولا تعرف تطبخ ولا تنظف ولا بتفكر حتى ترتب ملابسي وانا بعيون امي الولد الدلوع
مقرن انطلقت ضحكته وعُمر عدل جلسته من شاف الدكتور دخل
وخلفه عدد من الطلاب لتبدأ المحاضره .

..

في جزء اخر من الرياض
تضيق الاحداث وتضيع مقارنه بـما يحدث هناك
اغرب من ان يتصوره العقل ،
حياة جهاد حقيقيه تعيشها ريتان في بيت رائد قبل يومين قررت تخبره باللي يصير
في البيت وخرجت معه للحديقه الخارجيه
خوف من وقوع مالا يحسب عقباه
لكن رائد بعد ماسمع كلامها نفى وانكر وبكل عناد دخل للبيت ووقف بالصاله وصرخ بصوت عالي
" اذا فيه احد يطلع "
كان من المفترض ان ارقص فرحه بحركات المسمى زوجي لاني اقتنعت ان موتي
قريب بسببه يخرج لعمله وانا اعيش اصعب اللحظات لكن اعتبر وجودي
في جناح رائد افضل نوعاً ما لان الجناح السابق " مسكون "
كثر تكسير الزجاج في البيت وانا اتحمل التهزيئ من رائد اغمز له واشر بعيوني بمعنى " ترى مو انااا !!! "
لكن تلقائياً يعصب وينافخ " خير تكبسين بعيونك !!! انتبهي
لايطق فيك عرق "
ترى ذا مو حلم فعلاً هذا رائد اللي مايهمه الا نفسه !
اليوم مختلف قليلاً لان رائد ترك لي رساله ع التسريحه محتواها
" انتظرك بعد المغرب في غرفة الضيوف تحت "
استغربت سبب رسالته ووش هالحركات اصلاً !!! شكله متخيل وضعه في
مسلسل او فيلم ؟؟
المهم بنزل بعد المغرب واشوف وش عنده
تلقائياً سجيت وراح بالي عند اهلي اشتقت وحيل بعد معقوله امي ما اشتاقت لي !!!
يوم الاثنين كان عندهم جمعه لخالاتي واللي فهمت من روز ان خالتي
ام فيصل ماحضرت اكيد زعلانه وفيصل بعد ماخذ بخاطره علي
لكن الشكوى لله الموضوع مو بيدي...

البارت 63


ريتان رمت نفسها ع السرير وهي تفكر وش ممكن يبي رائد جاهله ان رائد خارج الرياض
واحتمالية رجوعه هذا المساء صفر .


فالشرقيــه '

عند رائد ابتسم لصاحب
الشركه الموقع لعقد جديد معه وصافحه ووجهه ينطق السرور : إن شاء الله تكون بداية خير لبعض والله يعطينا خير هالصفقه ويكفينا شرها
الشخص المقابل له ابتسم بوقار يليق به : امين ... يلا استاذنك .
ودعه رائد وخرج من عنده
جلس رائد وهو يتنهد بتعب اخيراً انتهيت !!!
دخل عنده السكرتير ومعه كوب قهوه نزله ع مكتبه وخرج
ورائد يفكر وين يقضي بقية يومه رحلته للرياض بكره
والشرقية عادةً مايزورها كثير البحر ماصار يحبه
رمى فيه من همومه
الشيء الكثير
والمقاهي والمطاعم ملّ وطاب خاطره منها والفنادق زارها ولاجذب
انتباهه شيء منها
صدق البدر " الرياض اه ما ارق الرياض "
تذكر رامز واتصل عليه بسرعه يبي يعرف وش جديده لكن انصدم ان الرقم مفصول
استغرب ودبّ الخوف في
قلبه وش صار !! العصابه اكيد لها يد في الموضوع معقوله وصلوا له !!!
بهالسرعه ؟ ليش ماوصلوا لي خبر بالعاده يرسلون ويهددون قبل ماينفذون شيء
غمض عيونه بقوه من حس انه فقد رامز صح كان يتمنى قبل كم شهر
انه يموت لكن كانت لحظة تعب حتى الابو مايصبر على ولده زي
ماصبرت على رامز وانا والله لا اقوى فراقه يارب لاتفجعني يارب
فتح اول ازرار بدلته الرسميه والضيق يحيط به .


بعد مرور دقائق كانت متوقعه
رمشت ريتان بنعاس سحبت جوالها وفتحته شهقت من شافت الساعه تدل على السابعه مساءً هزت راسها بلا وهي مذهوله كيف مر الوقت بهالسرعه !!!
اخذت نفس تنشط به عقلها الناعس لتستوعب انها نامت واستيقظت لتتوقع انها مجرد دقائق وليست ساعات !
جلست واتضح وجهها لها بالمرآه
متورم دلاله النوم
تنهدت ووقفت بكسل اتجهت
لدوره المياه " اكرم القارئ "
غسلت وجهها وتوضأت وخرجت تصلي تأخرت صلاتها كالعاده من جات
للبيت ذا وصلواتها متأخره
استغفرت الله خوف من عقابه وكبرت تصلي .. ‏بكل بساطة :
‏الصلاة هي شريان الحياة لا شيء آخر ‏جرب أن تصلي في وقتها... ‏الصلاة تُنظّم الحياة وتضبط الأوقات وتجعلُ الشخص
المُحافظ عليها دائمَ الحُضور وتُبعدهُ عن الكسل والفراغ.
‏قال تعالى:
‏ï´؟وَاستَعينوا بِالصَّبرِ وَالصَّلاةِï´¾.
‏-لماذا تقدمت كلمة الصبر عن الصلاة؟؟
‏* لأن الصلاة تحتاج إلى الصبر!!
‏"اللهم وفقنا للمواظبة
على أوقات الصلاة نحن وذرياتنا يارب العالمين"

___
انتهت من صلاتها ورتبت السجاده ونزلت جلال الصلاه ووقفت ترتب شعرها
ترتدي بجامه ناعمه باللون السكري
وشعرها منسدل لتحت كتوفها ومازال بشكله الكيرلي
وضعت قليل من المسكره والروج الاساسيه " بنظرها " وليس لاجل
رائد .
خرجت من الجناح للطابق السفلي سمعت همسه وراها وعقدت
حواجبها والتفت له : نعم !! وش كنت تبي ؟؟
ابتسامه خاليه من الحياه ترتسم على وجهه يرتدي ملابس مختلفه
بالستايل عن طريقة رائد
عقدت حواجبها والخوف يتسلل لقلبها
كفه الايمن يضم فيه سكين حاده حجمها كبير وضخم
بلعت ريقها بصعوبه وهي تحس الوقت والعمر والحيااه توقف
عند هذي اللحظه ..

البارت 64


ركضت مهروله للاسفل
وقطع زجاج تُرمى عليها
من الاعلى وصرخات ترتفع وتعلو بالمكان بلا شعور بدأت تصرخ ورجلها تنزف من الزجاج لكن بدون ماتنتبه لها او تحس فيها
شعرت فيه يمسك بقبضته رجلها وتسقط على الارض مفجوعه
بما يحدث ويسحبها للاعلى وهي تقاوم الصعود
الحياه تختفي من عينيها ويبهت لونها الحياه المفعمه بالحماس والنشاط
تتشتت وتبهت بلا حول ولا قوه
صرخت بأسمه بقهر وكفوفها تنزف دم من سياج الدرج اللي تمسكه
تنادي عليه وترجيه
انفتح الباب وظهر امامها لتسقط
على الارض وتتحرر قدمها مما يشدها
سكنت حركتها وتجمدت ملامحها
قفل الباب واتجه لمفاتيح الاضاءه وشغلها ليضيء المكان بثواني
ويشهق بصدمه من شافها : ريتاااااان !!!
ريتان وفكها يرجف ببكاء : رائد
اقترب لها بسرعه ورفعها عن الارض
وهو مستغرب امرها والدم المحيط بها
ريتان ببحه وهي تعجز عن الوقوف وتستند على صدره : والله ما ابقى هنا والله والله
رائد وشكوكه تتضح له
وبدأ يصدق كلامها لانه شاف شيء كان على الدرج
والحين فيه سكين وريتان بس !! رفعها عن الارض وطلع فيها الدرج وهي ترجف اكثر وتترجاه يطلعون من المكان
دخل لجناحه ووضعها
مقابل اغراضها : خذي اهم الاشياء بالنسبه لك
وبنطلع
لبست عبايتها بسرعه
وأخذت شنطتها الصغيره
ودخلت جوالها فيها ورجعت له بسرعه
توقف مقابله وبأنفاس متقطعه : يـ ـلاا
تنهد ومسك كفها ونزلوا الدرج بسرعه وخرجوا من البيت ككامل
ورائد منصدم من اللي صار لو تأخر وماحصل
حجز مبكر كان ماتت ! مقتوله والبيت مافيه غيره وغيرها يعني مصيبه جديده عليه
رائد الـ ... يقتل زوجته .
عنوان مناسب للعواذل والكارهين لا اله الا الله .
شغل السياره وريتان تضم كفوفها اللي تنزف لبعض وهي متأثره بما حدث فالداخل كل اللي صار وهم وكذب !!! هو ما ارسل ولا كتب كيف جاء الكلام ؟ يارب سترك
اضيع بدون لطفك يارب والله اضيع
انهارت تبكي ورائد ساكت ماعلق ولا فكر يهديها يحتاج اللي يزرع الهدوء في داخله بهاللحظه
الخوف او القلق يسكنه من فتره واللي صار اليوم صدمه اكثر ..
وقف عند فندق معتاد على زيارته من فتره
لفتره التفت لها وببطء تكلم : بنزل احجز وارجع نروح المستشفى
ريتان بقهر : لا
رائد بنص عين : ورجلك ويدينك اللي تنزف !!!
ريتان بحده : مالك دخل فيني
تنهد وببرود : كويس وفرتي وقت
نزل واشر لها تتبعه
غمضت بقوه لثواني وفتحت ببطء وهي تتنفس بضيق : يارب عونك
فتحت الباب ونزلت بخطوات بطيئه رجولها تحس انها بتنكسر
مجروحه وتنزف وترجف
خوف او ربكه !!
قفلت باب السياره واتجهت للفندق وانفاسها ترتفع لثانيه وتنخفض
لثانيه اخرى .


في تبوك ..

رتيل جالسه ع الـ Tv وكاتمه الصوت والطاوله امامها تحتوي عدد من الشوكلت والشيبسات
جوالها في كفها اليسار وتكلم صديقتها
" سُعاد " : ايه طيب وش فيها !
سعاد بقهر : اقولك اكلمها ماتفهم تخيلي يعني المفروض دامني اختها
الكبيره تحترمني
رتيل ضحكت : ياعمري ي سعاد ترى كذا الصغار لازم تصبرين وش بتسوين لو انها بنتك !
سعاد شهقت : اعوذ بالله
رتيل ضحكت بقوه وارتفع
صوت ضحكتها
سعاد بقهر : تصدقين !
المفروض ما احد يشكي لك
قفلت بوجهها ورتيل مازالت تضحك
رن جوالها وردت وهي تحاول تضبط نفسها : هلا عُمر
عُمر ابتسم : صاحيه وتضحكين لا يكون بدر عندك !
رتيل : لا مداوم بس سعاد كانت تكلمني وضحكت منها ههههههههههه
عُمر ابتسم : ايييه
رتيل رمشت ببطء وبدلع فطري : ايه كلمت فارس !
عُمر : جواله مقفل
رتيل تنهدت : قليل يفتحه ونادر بعد بس ماقلت لي وش تبي فيه !
عُمر بهمس : ولا شيء يلا رتوله اكلمك وقت ثاني
رتيل بأستغراب : طيب
قفلت واخذت الريموت ترفع صوت الـ tv '

البارت 65



يوم جديد ..
احداث جديده وجميله
فالمستشفى ..

خرج خالد من عند ليث بعد ماسلم عليه وتطمن على وضعه وتأكد انه بيخرج يوم الاحد حالته مستقره وممتازه لكن
يوم الجمعة مافيه خروج
ضروري ينتظر للاحد .
ركب السياره وشغل متجه
لبيت ختام ياخذها ويطلعون للمطار


في بيت ختام
لبست عبايتها وعدلت شيلتها ووقفت بالحديقه تنتظر وصول خالد وهي مشتاقه له من يومين ماشافته يتغلى !! او شاف نفسه علي ؟؟
يستاهل شيخ العرب يليق
عليه كل شيء .
انفتحت بوابه القصر ودخلت سياره لكن مو سيارة خالد تجمدت
ملامحها من عرفتها
همست بدهشه : مروان !!!
وقف مقابلها وفتح الشباك : تنتظرين فارس احلامك !
رمشت بصدمه وش يقصد !!
مروان ابتسم : هذا انا جيت على وين رايحه ي انسه !
ختام بلعت ريقها وبقوه : مالك دخل
مروان ابتسم : كيف مالي دخل افا هذا وانا مروان حبيبك ، زوجك مستقبلاً
ختام بضحكة ؛ اصلاً مايجوز
مروان عقد حواجبه : ليش مايجوز
ختام ببراءه : اختك متزوجة عمي فصارت عمتي يعني انت كمان عمي حرام اتزوجك يلا روح عن وجهي
مروان ضحك : ههههههه راجعي الشيخ وشوفي الحكم بأذن الله مالك الا اناا
قفل الشباك وحرك السياره
ختام دمعت عيونها وهي تشوف يلف من حول النافوره ويخرج من القصر
وسيارة خالد تقابله
يدخل للقصر .


خالد بنظرات مستغربه
التفت للسياره الفارهه بداخلها شاب عشريني او ببدايه الثلاثين
جميل الشكل نوعاً ما
يخرج من القصر يعني كان عند ختام وش يبي فيها !! معقوله يقرب
لها ؟؟
دخل للحوش وانتبه لختام واقفه
تضايق وعصب بلا شعور
وقف مقابلها وفتح الباب ونزل : جاهزه ؟
ختام ماردت وهي تفتح الباب خلفه وتركب وهي تتنهد بضيقه
قفل خالد الباب
وركب والشغالات يحطون اغراض ختام انتهوا وحرك خالد وعيونه عليها
تكلم بهمس : محتاجه شيء قبل نروح المطار
ختام مسكت المقعد وغرست وجهها
فيه وبكت
خالد وقف على جنب وهو يحس باطراف اصابعها قريبه من كتفه
التفت لها وشد كتفها بلطف : تبكين ! ماهيب بينا ي اخوك تعوذي من ابليس وخذي نفس
ابتعدت ختام واستندت على المقعد خلفها ومسكت كفه قبل يبعدها
عضت شفتها وهي تشهق
نزلت راسها وقربت كف خالد ومسحت فيها دموعها
وخالد متجمد من حركاتها وش تسوي ! مجنونه لا والله رحت فيها
سحب ايده بقوه : وش تسوين ؟
ختام ببحه : خالد انا
خالد تنهد وقاطعها
: ختام افهميني اللي
يصير خطأ
ختام خافت يغير رايه ولا يسافر معها تكلمت بأحترام وهي تتوعده
تطلع اللي بقلبها هناك : اعتذر انفعلت والمفروض ما اسوي كذا
خالد ابتسم : زين
يلا مستعده !
ختام ابتسمت بخبث : يلا
صد عنها وشغل السياره
واتجه للمطار باقي نصف ساعه عن موعد رحلتهم ...