رواية رماني وقال مابيها

1 - 12 - 2011, 05:11 PM

البارت الـ 34

شقة عبدالله

تنهدت بضيق ورجعت تفكر من جديد والخوف يتملكها
تبدأ الحين ولا تأجل كل شيء لبعدين وفيه ألف حلال
تذكرت حالتهم اللي لاتُطاق ووشلون عايشين بهالتعب والضيقه
والشوق لأهلهم : عبدالله مردهـ بيفهم وبيشتاق لأهله يعني لازم أبدأ الحين
مو قادرهـ آصبر أكثر من كذآ بس آخاف آخاف أفقده بعد ماتعلقت فيه
ومن لي غيره يعوضني عنه وعن غيآبهـ
تنهدت بضيق ودمعت عينه غصب
رفعت جوآلها وإتصلت : هلا شذى
شذى : هلا حبيبتي
سمر بدموع : شذى الحين !
شذى مافهمت : وشو ؟
سمر مسحت دموعها : يالله الحين بنفذ كل شيء
شذى إستغربت : بس مو مأجلتها آنتي
سمر تبكي : إلا بس تعبت وربي
شذى تنهدت : خلاص حبيبتي هدي مسافة الطريق وآنا عندك
سمر تحاول تكتم بكاءها : لا تتأخرين تكفين
شذى : دقايق ياقلبي وأنا جايه
سكرت الجوآل منها وقآمت تستعد لكل شيء وهي حاطه يدها ع قلبها من الخووف
لفت الطرحه عليها ولبست عباتها ومسكت شنطتهآ بيدها وطلعت من غرفتها
مرت ع الصاله وشافته جالس ع اللاب : ع وين
سمر بتردد : بطلع مع شذى
عبدالله طالع ساعته : الساعه سبع المغرب
سمر : مشوار صغير ونرجع
عبدالله قآم لنآحيتها وباس جبينها : إنتبهي ع نفسك
سمر إرتبكت وفيها الصيحه ع آخر شيء كانت بتترآجع عن الخروج بس سمت بالله وشجعت نفسهآ
رن جرس الباب قآطع حوآرهم : هذي آكيد شذى يالله مع السلامهـ
عبدالله : مع السلامه وإنتبهي لنفسك
سمر فتحت الباب وطلعت من الشقه وشافت شذى وسلمت عليها : تآخرت عليك
سمر ببحة صوت : لا عادي فديتك
شذى : وش فيه صوتك ؟
سمر : آحم ولا شيء
شذى سكتت ماتبي تضغط عليها
ركبوا سيارة السايق اللي ينتظرهم
سمر : قولي له وين بنروح
شذى : محمود روح للمستشفـى بسرعه
محمود : اوكي مدآم

بيت بو فهد / جناح فهد & غلا

إنقهرت وهي تشوفه يعدل نفسه ع التسريحه ويحط من عطورآته
قربت منه وصوتها مليآن غيرهـ : وين بتروح
فهد كشفها وإبتسم : آخطب
غلا جلست ع السرير بقهر وسكتت
فهد :هههههههههههه آمزح ع طول مديتي البوز
غلا تكابر : مازعلت آصلا
فهد : بقوه وآضح
غلا سكتت وهي تلمس يدها المضمدهـ
قرب منها وشال يدها : خليها لا تعبثين فيهآ بعدين تتعب
غلا : بس تآلمني
فهد إبتسم لها وباس خدها : ماعليه كلها كم يوم وتطيب
غلا بهمس : إن شاءالله
فهد : يالله آنا طالع للشركه تبين شيء
غلا تضايقت : بهالوقت
فهد تنهد : شسوي صار لي أكثر من يومين وأنا بالبيت ماصارت
غلا : اوكي الله معك
فهد : بتصل عليك كل شوي عشان إتطمن عليك وعشان موعد مرآهم العلاج طيب يعني خلي لجوآال بيدك
غلا إنبسطت : اوكي
فهد : ولا تجلسين لحالك روحي لرؤى ولا عند آمي تحت
غلا إبتسمت : إن شاءالله
فهد إبتسم لها وطلع من الجنآح متوجه لسيارتهـ

بالمستـشفى

دخلت عند الدكتورهـ وهي متردده وشذى تشجعها
الدكتورهـ إبتسمت لها : تفضلي حبيبتي
سمر بلعت ريقها وجلست والخوف يتملكها
الدكتورهـ تعدل نظارتها : وش اللي متعبك حبيبتي ؟
سمر :.......
شذى : دكتورهـ نبي كشف عنها
الدكتورهـ إستغربت : كشف عااادي
سمر : دكتورهـ آنا عندي ظروف وإحتاج لهالكشف
الدكتوره، : اوكي حبيبتي عااادي تفضلي ع السرير
سمر تنهدت وقآمت متوجهه للسرير
وشذى تركتهم لراحتهم و طلعت من الغرفه تنتظر سمـر
مرت ربع ساعه وكانت كااافيه للكشف وزيادهـ
سمر بخوف : هاه دكتورهـ طمنيني
الدكتوره تطالع الكشف : بكـر
سمر دمعت عينها : مُمكن تعطيني صورة من الكشف وتقرير من كتابتك عن حالتي وإني بكر لسى
الدكتورهـ رحمتها : اوكي دقايق
كتبت لها اللي تبيه ووقعت بإسمها كـ دكتورهـ وعطتها صورة من الكشـف تدل ع براءتها وطهارتها
سمر آخذتها بلهفه : مشكورهـ وربي ماأنسى لك هالمعرووف
الدكتوره إبتسمت : هذا وآجبي وإحس إنك صاادقه الله يسهل لك طريقك حبيبتي
سمر قآمت من مكانها وطلعت من الغرفه لشذى الي تنتظرها برا
شذى أول مالمحتها جت لناحيتها بسرعه : هاه بشري
سمر تنهدت : الحمدالله كانت طيبه معاي وعطتني اللي أبيه
شذى برآحه : الحمدالله طيب الحين وش بتسوين
سمر تنهدت : لازم نكتب الرساله ونرسلها مع الكشف وتقرير الدكتورهـ
شذى : اوكي وأنا معاااك
سمر إبتسمت لها : يالله نرجع للسياره ترى مامعنا وقت
شذى مسكت يدها ومشوآ متوجهين لسيآرة السآيق اللي تنتظرهم

رنــــا ~

غلا عصبت : لا الظاهر إنك منهبله
رنا وهي تبكي : غلا لا تزيديني ترى من آمس مرعوبهـ
غلا تنهدت : وربي من خوفي عليك لو نفترض صار فيك شيء منهم وش بتستفيدين
رنا مسحت دموعها وسكتت :
غلا : الله يجزآ يوسف خير بس
رنا ببحة صوت : وربي اللي صار غصب عني
غلا :طيب كان قلتي لي وش تحتاجين وأنا آقول لفهد مو تطلعين كذآ
رنا : آخاف آضايقكم وكنا بالليل أاتوقع نايمين بذآ الوقت
غلا : عاااادي حبيبتي .. ترى المره ذي بسكت ومو قايله لـ فهد بس مرهـ ثانيه ياويلك
رنا تنهدت : اوكي .. غلاوي نسيت آسألك عن يدك وش آخبارهآ ؟
غلا : الحمدالله آحسن من قبل بس آحيآنا تألمني
رنا : يالله الحمدالله إنها عدت ع خير
غلا : إيه والله الحمدالله
رنا : تأخذين العلاج بموعده
غلا كشرت : إيه بس يألمني
رنا : ماعليه كم يوم ويخف ويطيب إن شاءالله
غلا : إن شاء الله

شركة فهد / مكتب سلطآن

دخل السكرتير بعد ماسمح له سلطآن بدخول
سلطآن : خير مشآري فيه شيء
مشآري يمد له ظرف : هذي رسآله وصلتك قبل شوي
سلطآن إستغرب : من مين ؟
مشآري : من وحدهـ ترجتني أعطيك
سلطآن : طيب ليه ماوصلتني عبر الإيميل
مشآري : والله مدري طال عمرك
سلطان : طيب تقدر تتفضل تشوف شغلك
طلع مشآري من مكتبه وأول ماغاب عن المكتب فتح سلطآن الظرف وهو بقمة الإستغرآب
تحولت ملامح الغرآبه إلى ملامح عدم إستيعآب وهو يشوف تقرير طبي مكتوب عليه إسم سمر
نزل التقرير وقرأ الرساله اللي كانت تتبع التقرير
وكآن محتوآها :

سلطآن ... أتمنى تصدق كل كلمه من الرسآله وإنتبه عليها زيـن
آنا آختك سمـر اللي ظلمتها وأهنتها وأنت ماتدري عن أي شيء حصلهآ
آنا اللي طردتها وتبريت منهآ عشآن سبب تافهه صدقته وبينما الغريب إنكرهـ
وظلمت عبدالله اللي حاول يسآعدني بكل مايقدر عليها لمآ طحت بحفرة المزرعه
قدر يطلعني منهآ وإكتشف إلتوآء برجلي سآعدني ع المشي لحد مانوصل قبل الثعابين ماتقضي علينآ
ولما تعدينا منطقة الخطـر كنت أنت بوجهنا ظآلم لإنك شفت وماعرفت اللي صآر
هذآ الي صار ياسلطآن هذا اللي صآر وشيل من بالك آفكار منحرفه عني وعن عبدالله اللي شككتوا بأخلاقنآ
وضعنا من يدكم خمس شهـور اللي كانت بمثآبة خمس سنيـن بالنسبه لنآ
وربي هذآ اللي صار وإذا ماكنت مصدق إرجع للمزرعهـ وشوف الحفره فيها سلسآل ذهب حقي
طآح مني لما طحت وهالسلسال تتذكره زين لإنه هدية نجآحي منـك
آتمنى تصدق وآتمنى تصحح غلطتك فينآ قبل فوآت الأوآن
هذآ عنوآن شقتنا (؟؟)
آختك / سمــــر

نزل الظرف من يده وهو مو مستوعب مع كل كلمه برساله كان يوجعه قلبه آكثر وآكثر
عرقت يديه ودمعت عينه وكأن وهم وإنزآح عن قلبه سمر اللي ربيتها بيدي طلعت أشرف وآحسن مني
بمليون مـــرهـ وعبدالله اللي ظلمته وتبرى أبوه مني طلع آفضل من آخلاقي وحمى آختي
وخلاها مبسوطه .. تنهد بضيق وقآم من مكانه بسرعه تارك كل اللي ورآه وهو بقرأ عنوآن الشقه بتمعن
ركب سيآرته وشغلها بسرعه وشخط فيها ع المزرعه قبلها والسياره كل مالها تزدآد سرعه ~
وصل للمزرعه بنصف ساعه فقط نزل يركض ويصرخ بالعمال فيها
قرب وآحد من العمال : نعم بابا
سلطان بسرعة : وين حفرة النخله اللي سويتوها وتركتوهآ
أشر وآحد من العمال ع جهة اليسآر
مشى سلطآن بسرعه لها وهو تاركهم بحيرتهم
دخل بين النخل ووهو يبعدها عن طريقه بسرعه
وصل لحفره مو عميقه عاااديه لكن خطره سم بالله وتوكل عليه ونزل فيها بحذر وخفه
دور على الشيء اللي يبيه ولمح شيء ع صخره صغيره يلمع قرب منه ومسكه ونفض عنه الغبار وطالعه زين وتأكدت شكوكه غمض عينه بقوووه مو مصدق وضغط ع السلسال اللي بيدهـ
فتحها ورجع طالعه كان ذهب ومحفور عليه من وراء إسم سمـر وكان هديتها منه يوم نجاحها وتخرجها من الثآنوي تنهد بضيق وأوجعه قلبه عليها سم بالله وطلع من الحفره بحذر ماشي بين ممرات المزرعه يتجه لسيآرته
وهو ماشي أرسل رسآله لـ فهد مُختصرهـ عنهم يطلبه يلحقه هناك وعطاه العنوآن حق شقتهم وهو ركب سيارته وشخط فيها بسرعه لـ شقة عبدالله ~

في بيت أبو فهد / جناح أم فهد وأبو فهد

أبو فهد تنهد : يعني هذا قرآرك الأخير
رؤى مسحت دموعها وهزت رأسها بإيه : يبه لا تجبرني ع شيء الله يخليك
أبو فهد مسح ع شعرها : طيب يابابا هدي
رؤى بشهاق : ولا تسمع كلامهم
أبو فهد : طيب قولي لي مُبرر وآحد وأنا بوقف معآك
رؤى تنهدت : ماينآسبني وأنا بعدي صغيره ولا أفكر بالزوآج حتى رآحه وربي ماأرتحت له
أبو فهد آخذ نفس : خلاص ياقلبي اللي تبينه
رؤى بخوف : وفارس وآمي
أبو فهد إبتسم : مدام آبوك موجود والله محد له كلمه عليك
رؤى إرتاحت قآمت من مكانها وبآست رأسه : الله لا يحرمني منك
أبو فهد جلسها جنبه وإتصل ع سيـف : عشآن تتأكدين هذآني بتصل عليه وأعتذر
رؤى أوجعها قلبها وكآنت بتقووم بس جلسها أبوها من جديد
أبو فهد : ألو هلا سيف ...... إيه أنا أبو فهد ........ تمام الله يعطيك العافيهـ ....... والله مدري شقولك ياولدي آنا أعتذر البنت رآفضه وأنت تعرف الزوآج قسمه ونصيب .... طيب تسلم لاتقاطعنا يابوك .... ماتقصر مع السلآمه
رؤى كانت تبكي بصمت وهي تسمع صوته وهمسه وكأنه مو مصدق رفضها
بعد ماخلصت مكالمة أبوها قآمت من مكانها بهدوء وطلعت وهي متجاهله منآداة أـبوها لها وكأن ماتحس بالكون واللي حولها بعد اللي صــآر

نزل الجوآل بصدمه وهو يطالع للفرآغ ويتردد عليه الكلآم
: آسف بس البنت رآفضه
: آسف بس البنت رآفضه
: آسف بس البنت رآفضه
آخذ نفس ورفع لرأسه فوووق : مو مصدق يارؤى والله مو مصدق
معقوله رآفضه لالالالالا مستحيل.. بس بس أبوها قالي قال إنها رفضت
رؤى رفضتك ياسيف ( صرخ ) : رفضتك يااااااااسيف
حط رأسه بين إيديه وهو يضغط عليه : بعد ماعشقتـك تضيعين بين إيديني ليه يارؤى ليه
يعني عشآني حبيتك تذليني ... بس أنا ماقصرت فيهآ أنا كنت بضيع شرفهآ
بس المفروض ماترفض لا المفروض ماترفض لإنها تعشقني
بس مافيه آحد يعشق إنسآنن يضرهـ !
مستحيييييييل مستحييييييييل
دمعت عينه غصب وهو يضغط ع رأسه من جديد ويردد : ضاعت من يدي من جديد الإنسآنه الوحيدهـ اللي عشقتها ضآعت من يـدي !؟ آخ يالقهــــر حسيت بمعانتك يارؤى حسيت فيها إنبسطي الحين

شقة عبدالله

عبدالله إستغرب : آنتي وش قاعده تقولين ؟
سمر دمعت عينها : إذا صار شيء لنا الله يخليك سآمحني ترى ماسويت هالشيء إلا لمصلحتنا
عبدالله إبتسم : سمر أنا ماراح أسألك وش مسويه لإني أعرفك عاقله وماتسوين إلا اللي يسعدنا
سمر تنهدت برآحه : الله لا يحرمني منك
عبدالله باس جبينها : ولا منك
قطع حديثهم صوت جرس الباب
عبدالله رفع ساعته وكانت 10 بالليل : من بجينا بهالوقت
سمر غمضت عينها بقوووه وهي عارفه من هالشخص وتحس قلبها بيطلع من مكانه من قوة ضربه
قآم عبدالله من مكانه : آدخلي دآخل بفتح
سمر تنهدت وقآمت ودخلت لغرفتها
عبدالله إتجه للباب وفتحه وإنصـــدم من الشخصين اللي كانوآ خلفه
سلطآن بإبتسآمه : عبدالله
قآطعه عبدالله وهو ينزل رأسه : وش تبي ؟
فهد إبتسم : مافي تفضلوآ
عبدالله إبتسم لـ فهد لأن ماله ذنب : تفضلوآ
دخلوا فهد وسلطآن وهم يطالعون الشقه وجلسوآ ع كنبآت الصآله
عبدالله رآح لنآحيتهم وجلس من آمامهم
سلطآن بتردد : آحم عبدالله
قآطعه عبدالله بسخريه : نسيت تقول لي آشياء وجاي تقولها الحين
سلطآن ماإستغرب من عبدالله هالشيء الظلم صعب
فهد تنهد : عبدالله ياليت تسمعنا
عبدالله كـ إحترآم لـ فهد : آسمعك آنت إيه لكن آسمع ناس ظلموني وماسمعوآ لي لا
سلطآن : الناس اللي ظلموك كانوآ مظلومين بالنظر
فهد : عبدالله حنا ماصدقنا نلاقيكم ونعرف ببرآءتكم
عبدالله صد عنهم وهو يتذكر تفاصيل الليله المؤلمه
سلطآن : والله ماألومك ياخوي وآنت حتى ماتطالع بوجهي بس أسألك بالله العلي العظيم لو مر هالموقف آمآم عيونك بتصدقه أو بتسمع للشخصين.. جاوب ؟
عبدالله دمعت عينه غصـب
سلطآن قآم من مكانه وضمه : ياعسآني ماتهنى كآن ظلمتك وبكيتك
عبدالله بعد عنه ومسح دمعته : لا تقول كذآ
فهد قآم من مكانه : عبدالله أنا أدري باللي مريتوآ فيه وإعرفهم إنهم ماسمعوآ لك لإنهم ماكانوآ بوعيهم بس مُمكن آنت ع الأقل تتنازل وتسمع سلطـان
عبدالله جلس بمكانه وتنهد : تفضل سلطآن
سلطان جلس وجلس معاه فهد شبك إيديه ببعض : والله ياخوك مدري من وين أبدا اللي آعرفه ومتأكد منه أول ماظلمتكم كنت حاس من دآخلي العكس لكن الشيطان شاطر لعب بعقلي وأنا مو بوعيي وأنا أشوف آختي معآك
والله مانمت ذيك الليله مو عشآني مقهور منكم لا والله مقهور عليكم وآحلف لك بالله العلي العظيم لا عمي أبو نواف ولا أبوي رآضين باللي صار بس شفنا شيء بعيوننا تبينا نصدقه ولا نصدق أقوآلكم جاوب ؟
أنت تصدق شيء شافته عينك ولا تصدق كلام جآك .
عبدالله فكر بكلامه و تنهد : اللي شافته عيني
فهد : عبدالله
عبدالله رفع رأسه له : نعـم
فهد إبتسم : وش رأيك بالكلام اللي نقال لك
عبدالله تنهد : آنا ماهمني ظلمك لي ولا همني تفكيرك ياسلطان الشيء الوحيد اللي قهرني إنكم شككتوآ بأخلاقي
حتى أبوي وهو أبوي شك فيها وسمر اللي يدك ربتها تشك فيها بعد ؟
سلطان قآم من مكانه وبأس رأسه : معاك حق وأنا والله ماألومك بس والله لأسوي اللي تأمر علي تبيني أعتذر لك قدآم الكل ماعندي مآنع بس تسآمحني
عبدالله :......
فهد : عبدالله المسآمح كريم .. ماإشتقت لإهلك ولنا خلاص ياعبدالله يكفي اللي صار يكفي بعدكم عنا خمس شهور
عبدالله بلع ريقه : الله يسآمحك ويسآمح الجميع
قآم سلطان وباس رأسه من جديد وسلم فهد عليه
سلطآن تنهد : تسلم ياعبدالله والله إنك طلعت آحسن مني
إبتسم له عبدالله ولا قال شيء
سلطان تذكرها وقال بلهفه : وين سمر
عبدالله آشر له : بهالغرفه
سلطان إتجه للغرفه ع طوول وهو متلهف ع شوفتها
فتح الباب بدون مايفكر يطقه شافها جالسه ع الكنبه ومنزله رأسها
سلطآن : سمـر
سمر ميزت الصوت وعرفته رفعت رأسها بشويش ولمحته و تأكدت شكوكها
سلطآن فتح يده لها هي ماصدقت تشوف يديه ركضت لها بسرعه ورمت نفسها بحضنه وهي تبكي بحرقه وآلم وقهـر وفرحه وإجتماع مشآعر إنسسآن مظلوم فرح بظهور برآئته : ياعسآني ماتهنى كأني خليتك تبكين وتركتك كذآ وظلمت وقهرتك
سمر تمسكت فيه آكثر : الله يخليك لا تقول كذآ
سلطآن بعدها عنه وبأس جبينهآ ومسح دموعها وأوجعه قلبه ع حالتها متغيرهـ حيـــل
سمر تنهدت بآلم : وينك من زمآن ؟
سلطآن بحنان : ياقلبي خلاص هذآني جيت أول ماعرفت عنك وأنا آسف وحقك علي والله ماأسآمح نفسي لحتى تغفرين لي زلتـي والشيطآن ماقصر فيني لعب بعقلي وصدقته بدآل ماأصدق عيونك اللي كانت تشع برآءهـ
سمر ببحة صوت : الله يسآمحك
سلطآن إبتسم لها وباس جبينها من جديد

1 - 12 - 2011, 05:12 PM

في الصآله

فهد لاحظ التغيير الكبير ع عبدالله ووشلون هو نحفآن ومتغير عن آخر مره شافه قبل لسفر للندن
قطع تفكيره صوت سلطآن الي طلع من غرفة سمر وهو يقول : عبدالله
إلتفت له عبدالله ينتظر كلامه
سلطآن : ترجع معانا ؟
عبدالله نزل رأسه وتنهد
فهد : عبدالله إرفع رأسك خلاص اللي صار صار وهو من المآضي .. وبعدين آهلك ينتظرونك هناك ماتبي تشوفهم ؟
عبدالله تنهد : والله مدري !
سلطآن : آنا اللي آدري وبتمشون الحين معآي بعد ماعرفت عنكم وماودي نضيعكم من جديد
عبدالله بإستسلام : طيب
فهد إبتسم : إيه هذا عبدالله اللي نعرفه
سلطآن : أنتظرك آنا وفهد تحت ؟
عبدالله آخذ نفس : بنآخذ أغرآضنا ونجي
فهد : اوكي بننزل ننتظركم تحت
عبدالله إبتسم لهم : دقايق وجايين

رؤى ~

غلا تنهدت بضيق : رؤى خلاص اللي صار صار
رؤى تبكي بحرقه : مدري ليه آبكي وأنا راضيه ع اللي سويته
غلا : يمكن عشآنك تحبينه ؟
رؤى مسحت دموعها وسكتت
غلا : صدقيني مايستاهل تبكين عشانه آنتي نسيتي اللي سوآه فيك
رؤى تنهدت : الله يستر علينا وعليه غلاوي بليز قفلي ع الموضوع
غلا بحده : أشوفك تنهارين قدآمي وأقفل ع الموضوع بسهوله
رؤى ببحة صوت : خلاص غلا اللي صار صار وأنا متقبلته وحتى رفضي له كآن مُقنع لكن مو مستوعبه إنه خلاص مو لي أبدآ اللي عشقته بيصير لغيري وأنآ لغيرهـ
غلا : ربك ماينسآك بيجيك الي آحسن منه
رؤى إبتسمت بآلم : مستحيل
غلا تنهدت ماعاد تدري وش تقول رؤى كلامها متناقض وتعيش بحالة صدمه من فقدآن سيف للإبد
قآمت من مكانها مُتجه لباب الجنآح بتطلع وتخلي رؤى تفكر بنفسها ولوحدها يمكن تتحسن
طلعت من جناح رؤى لجناحها هي وفهد وهي تدعي لرؤى من دآخلها

تحت بالصاله ~

أبو فهد بعصبيه : مابي نقآش بالموضوع نهائيآ وخاصة منكم أنتم يالإثنين
فارس نزل رأسه بقهـر
أم فهد : طيب يامحمد كان إنتظرت شوي ثم إتصلت ع رجال ورفضت مو بسرعه
فارس بسخريه : ومن غير هالمدلعه نشبت له حتى يتصل ويرفض
أبو فهد بحده : فارس .. والله لإزعل عليك لو فكرت تأذي رؤى بكلمه
فارس تنهد : لا يالغالي كله ولا زعلك
أبو فهد : طيب إذا كله ولازعلي قوم رآضي آختك تراها زعلانه عليه وترى الزوآج قسمه ونصيب وأنا بوك وضغطك عليها من البدآيه غلط ماتدري لو يجيها أحسن من سيف
فارس تأثر بكلام أبوه لما تكلم عن رؤى وزعلها مهما كان هي آخته وقطعه منه .. قآم من مكانه : ع أمرك
تركهم وحدهم و صعد للدور الثآني متجه لجنآحها .. طق الباب عليها ولا ردت
تنهد بضيق وقرر يفتحه , فتحه ودخل لدآخل كان الجنآح باااارد وآنواره خافته
لمحها جالسه بمصلاها تدعي وسمع صوت بكاءها يخرج من بين كلمات دعآءها
قرب لها وجلس ع الكنبه ينتظرها تخلص
سبع دقايق كانت كافيه لإنتهاءها رفعت سجادتها عن المصلى وإلتفت لفارس
وخافت يكون سمع برفضها بلعت ريقها وتنهدت لكن سرعانما زرع فارس الإبتسامه ع وجهها لما إبتسم لها
و قآم من مكانه وإتجه لها : حبيبتي رؤى
رؤى رفعت رأسها له تنتظر كلامه
فارس باس رأسها : أنا آسف ع اللي صار والله كان كل تفكيري بمصلحتك بس مدآم رغبتك الرفض
برآحتك إن شاءالله يجيك اللي آحسن منه
رؤى آلمها كلآمه عن سيف : ماصار إلا كل الخير وأنا فاهمتك وربي
فارس إبتسم برآحه و قبص خدها : فديت العقل كله
رؤى : هههههه
فارس : وآخيرا بانت صف هالإسنان
رؤى إنحرجت منه
فارس : يالله حبيبتي تبين شيء قبل أطلع
رؤى بهمس : سلامتك
فارس إبتسم لها ورآح لناحية الباب طالع من كل الجنآح أول ماطلع دخلت أم فهد لجنآح رؤى وهي تتجه لناحيتها
رؤى شافتها و خافت تكلمها بالموضوع : يمه الله يخليك لا تتكلمين بالموضوع نفسه خلاص أنا رفضته إفهموآ
أم فهد تنهدت : ما رآح اتكلم معاك أرتاحي أساسا طفح الكيل منك
رؤى إبتسمت : الحمدالله .. طيب وش كنتي تبين مني
أم فهد تذكرت : فهد إخوك إتصل يبنا نلبس ونروح لبيت جدك كلنا
رؤى إستغربت : حنا بس
أم فهد ببرود : لا كل العايله وقولي لزوجة آخوك غلا تمشي بعد ترى مارحت لها
رؤى هزت رأسها بإيه : دقايق ونمشي معآكم

في بيت الجــــد

جدتهم أم محمد رجعت تضم سمر وهي تبكي
سلطآن : ههههههههه خلاص يايمه ترى مافيها شيء
أم محمد تنزل دموعها وترجع تمسحهم بطرف شيلتها : وش آخبارك يايمه ؟ متأكده إنك زينه ؟
سمر تبتسم لها وهي مفتقده حنانها : الحمدالله بخير يايمه
عبدالله إلتفت لسلطآن : حنا وش جابنا هنا ؟
سلطآن تنهد : ماعلمنا الأهل عنكم من الربكه .. إذا جو بنقولهم كل شيء
عبدالله تضايق :.....
سلطان : إصبر دقايق وهم جايين
أبو محمد قآطع كلامهم : شخبارك ياعبدالله وش مسوي ؟
عبدالله إلتفت له : تمام الله يبقيك يبه

شقة رنـــآ

فتحت الباب وإستغربت دخول خآدمه ومعاها آغراضها دخلتها لدآخل وطلعت تشوف مين جابها

شآفت يوسف وآقف ورآء الباب يتكلم مع هندي
لمحها يوسف وأشر للهندي يروح وإلتفت لها
رنا نزلت رأسها أول ماشافته وجت بتدخل للشقه بس وقفها صوته
يوسف : السواق الهندي اللي معاي لكم عشآن ماتطلعين ع كيفك أنصاص الليالي
رنا رفعت رأـسها وإنقهرت : إحترم نفسك
يوسف إبتسم بسخريه : ع فكره لا تفكرين تطلعين لوحدك معاه لازم الشغآله معاكم لإنها زوجته
رنا دمعت عينها من كلامه وسكتت
يوسف لمح دموعها و

رحمها بس تجاهل هالمشآعر ولف عنها طالع من الشقه لنآحية سيارته
وربي إني عارف إنها مسكينه بس لازم أقسوا عليها شوي عشان مايصير اللي صار آخر مره
تنهد وركب سيارته وشخط فيها ع شركة فهـد

عند رنا
مسحت دموعها وإلتفت ولقت الشغاله بوجهها
رنا : آنتي آيش أسم ؟
الشغاله : سولنار
رنا تنهدت : اوكي سولنار أدخلي هذا المطبخ جوآ اوكي
الشغاله : اوكي مدآم
آخذت الشغاله أغراضها ودخلت للمطبخ
رنا جلست بتعب ع الكنبه وهي تتذكر كلامه اللي زي السم بالنسبه لها
تنهدت بضيق وبلعت ريقها وسكتت
جت عندها أمها قاطعه لإفكارها : رنا وأنا أمك فيه وحدتن دخلت للمطبخ مدري وش تبي
رنا :ههههههههههههههه يمه هذي الشغاله
أم سعود إستغربت : شغاله؟؟ ومن جايبها ؟؟
رنا بهمس : مدري الظاهر فهد

1 - 12 - 2011, 05:13 PM

بآك

بيت الجـد

دخل فهد بسرعه للبيت وهو يأشر لـ عبدالله وسمر : يالله فووق
سمر وعبدالله إستغربوآ ومافهموآ
سلطان أنقذ الموقف : الأهل جوا وهم مايعرفون شيء عنكم لازم نعلمهم بكم ثم تنزلون
عبدالله تنهد بضيق وقآم مع إن الوضع مو عاجبه بس كل تفكيره بدآنا وآمه ميت ع مايشوفهم
سمر قآمت معاه لفوق وهي سآكته وماتكلمت الوضع عندها عادي مايهم

سلطان إلتفت لفهد بعد ماراحوآ : كلهم جو
فهد تنهد : إيه الحريم بمجلس مع آمي ( أم محمد ) والرجال بمجلس مع أبوي ( أبو محمد )
سلطآن آخذ نفس : إيه والله آحسن شيء
فهد قآم من مكانه : آنت تروح لمجلس الرجال وأنا الحريم بنفهمهم كل شيء ولعل وعسى نقدر
سلطآن مشى لمجلس الرجال : إن شاءالله نقدر
فهد بعد ماإختفى من عنده قآم ورآح لمجلس الحريم

نـــور

قآمت بسرعه من هول ماشافت من كابوس وهي تبكي وتصرخ بآلم
عرقت يدها ودمعت عينها وإرتفع صوت شهقاتها بآلم من تكرار كابوس مُرعب يطآردها من فترهـ
حسبي الله عليــك يامنال إختفيتي من حيآتي وجيتيني بأحلامي أنتي وهالزفت اللي كان بيقضي علي
تذكرت اليوم المُرعب والمؤلم بشقة عزآم وووشلون إفلتت منه بإعجوبه ووشلون حتى نست شنطتها اللي كانت تحمل معلومات عنها بس كله بسبب شرفها يهووون
تنهدت بضيق وقآمت من سريرها بتعب متجه للحمام ( آكرمكم الله )
غسلت ووجهها بماء بارد ووضت إستعدادآ للصلآة ركعتين
طلعت من الحمام ( أكرمكم الله ) وهي تستغفر
بسطت سجادتها ولبست جلالها وكبرت وصلت ركعتين بخشوع بآلغ بنية الرآحه بعد التعب والآلم
إنهت صلاتها وع طول رفعت يدها والدموع بمحاجرها تمنعها من النزول وهي تدعي : ياارب ياوآسع الرحمه ويامُجيب الدعاء ويافارج الهم يسر لي آمري وأشرع صدري وإغفر لي وإرحمني أنا عبدك الفقير إليك آطلبك حمايتك ورحمتك اللهم يارب العالمين إستجب دعآئي ياأرحم الرآحمين ..

بيـت الجـد

نزلت مع الدرج بتوتر وقلبها شوي ويطلع من مكانه من قوة الضرب من أول ماقالها فهد عنهم وهي مرتبكه وخايفه من لقآئهم إلتفت لهم وشافت كلهم متوآجدين بالصاله ولمحت أمها ورآحت لها تركض وتصرخ بإسمها
أم سلطان وهي تضم سمر وتبوسها : قطعـتي قليبي عليك يايمه وأنتي بعيدهـ عن حضني
سمر وهي تبكي بحضنها : يمممه إشتقت لك إشتقت لك حيييييل
كــــانوآ كلهم متأثرين مع الموقف ويبكــــون كلهم نفس بكآء الليله المؤلمه بالمزرعه لكن هالبكآء غير كان بكاء فررح برجوعها بالسلآمه
أم سلطان باست خدها ورجعت تضمها من جديد : يمه طمنيني عنك
سمر مسحت دموعها : والله بخير بشوفتك والله
أم سلطآن باست رأس سمر : ياربي لاتحرمني منها ياااارب
سمر إحضنت أمها أكثر وأكثر وهي شوي وتدخل بضلوعها اللي كانت محتاجه لها من خمس شهووور
أم سلطآن بعدتها عنها : الله يخليك لي ولا يحرمني منك ياقلبي أنتي
سمر إبتسمت وهي تشوف هنادي آختها اللي ضمتها بقووه وهي تبوس رأسها : الحمدالله ع السلامه ياقلبي
سمر ببحة صوت : الله يسلمك
قربوآ رؤى وخزآمى ودآنا وغـلا وهم يسلمون عليها ويحضنونها بشغف وبكاااء وأصوآت عاااليه وإنهيارآت
بعدت عنهم بصعوبه وبدت تسلم ع الكل بدآية من عمتها أم وسـن لحتى وصلت لـأصغر فرد سارا بنت فارس وهي تبكي بحرقه ومو مصدقه إلى الآن ظهور البرآئه وقرب أهلها منها
آخذتها آم سلطآن بحضنها وهي تمتم : الحمدالله يارب لك الحمد جمعتني ببنتي وماخيبت ظني
أم محمد : خلاص يابنتي الحمدالله بنتك مافيها إلا العافيه
سمر إبتسمت مع دموعها : إشتقت لكم حيل
جنى عطتها مناديل : خلاص حبيبتي إمسحي دموعك اللي صار صار وحنا الحين جنبك
سمر مسحت دموعها بتعب وتنهدت

بمجلس الرجآل

أبو سلطآن وهو يطالع عبدالله وندمآن ع كل شيء بعد ماعرف الحقيقه قرب منه وكان بيبوس رأسه لكن عبدالله رفض وبأس رأسه هو وإبتسم له : مسآمح ياعمي وربي مسآمح
أبو نواف تنهد بضيق ومسح دمعته اللي نزلت غصب
عبدالله أخذ يد أبوه وباسها : والله دمعتك غاليه علي يالغالي
أبو نواف ببحة صوت : ظلمتك يابوك
عبدالله : بكون نذل لو ماسامحتك أنت أبوي لو تذبحني مانطقت
أبو نواف إبتسم له وهو منبسط ع ولده اللي شافه بعد طول إنتظآر
أبو فهد بيضيع الموضوع : اللي رآح رآح وأنا عمك وخلاص حنا نحمد ربي لقيناكم
عبدالله إبتسم له : الحمدالله الله يبقيك ياعمي

الشباب كانوآ مرتاااحين حيل بوجوده وظهور برآئته وآخيرآ

سلطآن : عبدالله
إلتفت له عبدالله : هلا
سلطآن : تبي تدخل تسلم ع آهلك ؟
عبدالله قآم وهو يتذكر آمه : ياليت والله
سلطآن إبتسم آشر له : تفضل من هنا
عبدالله رآح لنآحية المجلس اللي آشر عليه ودخل فيه
لقى أمه ودآنا وعمته أم وسن
رآح بسرعه يمشي لإمه اللي مسك يدها وقآم يبوسها وأم نواف تبكـي
عبدالله ترك يدها وباس رأسها ودمعت عينه لمنظرها : يالغاليه خلاص هذآني قدآمك
أم نواف تبكي : يايمه قطعت قلبي ببعدك عني
عبدالله مسح دموعه وإبتسم وهو يرجع يبوس يدها من جديد ولكن
إلتفت لصوت آخته اللي رمت نفسها بحضنه وبكـت من الفرحه بوجوده
عبدالله ضحك غصب : دندون حبيبتي
دانا بعدت عنه مبتسمه : إشتقت لك حيــــل
عبدالله إبتسم لها من بين دموعه وبآس جبينها : وأنا أكثر ياقلبي
و مسح دموعها بإصابعه وتركها ورآح لعمته أم وسن باس رأسها ويدها
أم وسن تمسح دموعها : الحمدالله ع السلامه ياولدي
عبدالله تنهد بتعب : الله يسلمك
أم نواف قربت من جديد لعبدالله ومسكت وجهه تتحسس ملامحه : يايمه طمني عنك
عبدالله إبتسم لها بيطمنها : والله بخير يالغاليه هذآني قدآمك
أم نواف تتنهد : متأكد مافيك شيء
عبدالله هز رأسه بإيه وهو يضمها لصدره ويبوس رأسها إفتقد حضنها حيل وكأنه طفل يبحث عن ملجأ له
أم نواف مسحت ع رأسه وهي تتمتم : الله لا يحرمني شوفتك ياروح آمك
عبدالله تنهد : مشتااااق لك حيل بس لازم أرجع للمجلس عند الرجال
أم نواف تضايقت
عبدالله تنهد وعرف إنها تضايقت : يايمه والله ماودي أروح ودي أبقى عندك بس تعرفين الرجال محتاجيني هناك
أم نواف وهي تمسح دموعها وهزت رأسها بإيه دليل ع موآفقتها
عبدالله إبتسم : ربي يخليك لي ولا يخليني منك
باس يدها من جديد وتنهد وتركها ومشى لخآرج المجلس لنآحية مجلس الرجآل

بمجلس الحريم

غـلا تنهدت : متغيرهـ
سمر إبتسمت بآلم : الحمدالله ع كل حاال
رؤى وهي تضمها : يابطه من دونك حنا ولا شيء
سمر : ههههههههه فديتك
خزآمى : إيه والله حنا من دون وجودك ولا شيء
سمر طالعت فيها وهي تتذكر عبدالله ووشلون يعشق الإرض اللي تمشي عليها خزآمى
صحاها من أفكارها ونظراتها الغريبه لـ خزآمى صرخت جدتها ع البنات
أم محمد تمد خزرآنتها : بعدوا عن البنات يامال الصلآح خلوها تتنفس
دآنا بطفش : يمه خلينا نجلس معاها شوي
سمر إبتسمت : خلاص يمه أنا مرتآحه كذآ وهم جنبي
أم وسن : سمر ياقلبي أبوك يبيك برآ
سمر إرتبكت وقآمت وهي ساكته
أم وسن إبتسمت لها وهي تأشر لها : تراه بالمجلس هو وعادل ينتظرونك بيسلمون عليك
سمر مشت لنآحية المجلس والسكوت يغلبها ع قد ماهي مشتاقه له ع قد خوفها من لقآءهـ
فتحت باب المجلس بهدوء ولمحته يفتح يدينه لها ويناظرها بنظرة حنان
سمر دمعت عينها وجت له تركض و ماصدقت ترمي نفسها بحضنه وتتعلق فيه
أبو سلطآن يمسح ع شعرها وظهرها : سامحيني ياقلبي سآمحيني عشآن آسآمح نفسي ع اللي سويته
سمر وهي تبكي بحضنه وشهقاتها عاااليه : مسموح يالغالي مسموووح
عادل نادها بحنان : سمر
سمر تركت أبوها ورآحت له وهي تحضنه وبكت بحضنه زيآده
عادل بعدها عنه وباس جبينها : الحمدالله ع السلآآمه ياروحي آنتي
سمر وهي تمسح دموعها : الله يسلمك ويخليك
أبو سلطان يمسح دمعته بطرف شماغه : يايبه طمنيني عنك
سمر ببحة صوت : الحمدالله بخير

1 - 12 - 2011, 05:13 PM

ماقول ان الصدر ضايق أقول الكون فيني ضاق
ماقول أن غيبتك صعبه أقول البعد [ ينهيني ]

أنا يامازعل قلبي عليك وماطريت فراق
أشيل بخاطري [يمكن] وارضى لو تراضيني

ياليتك بس [ .تفقدني .]كثر ماأفقدك واشتاق
قسم بالله مايطري على بالك[. تخليني .]

بعيني انت هالدنيا وومن غيرك لعيني لاق
كثييير وماملوا عيني و[قلبك ] بس يكفيني

فراق! وكنت أبي منّك تعوّض هالصبر بعناق
عشانك بعت هالعالم وجيت اليوم[ تنفيني ]

حبيبي حلت الفرقا وبعثرت بجفاك أوراق
عزاي بغيبتك صوره على بعدك [تواسيني ]

أنا غصب علي أرضى ببعدك وأكتم الأشواق
وأكابر رغم [حرماني] وأداري دمعتي بعيني

حبيبي والجفا سجني وقربك من سماي إعتاق
بكثر عيوبي بعينك [فقدتك] وينك وويني!

حبيبي حس في حزني ترى دنياي [ماتنطاق]
[أهونها ] ولا هانت كبيره صدمتي فيني

وشاللي يصير بالدنيا لوإنك جيتني [مشتاق]
وش اللي [تخسره] يعني إذا فكرت ترضيني

شقة عزآم

جاه إتصال ورد بسرعه لما شاف الرقـم

سيف وهو يكلم : هلا عـزآم
عزآم : هلا طال عمرك آمر
سيف ببرود : وينك أنت الحين .. بالشركه ؟
عزآم : لا والله خلصت شغلي ومشيت
سيف بتعب : طيب أبيك من بكره تمسك كل أشغالي بالشركه لإني إحتمال إسافر
عزآم لمح صوت الزعل فيه : تأمر أمر طال عمرك
سيف : يالله مع السلآآمه
عزآم سكر الجوآل وإلتفت لصآحبه رآكان وإستغرب من نظرآته
عزآم : وش فيك يالدلخ ؟
رآكان : من هذآ اللي يكلمك
عزآم تنهد : مدير الشركه اللي إشتغل فيها
رآكان بلقافه : طيب وش يبي
عزآم : عن أمور الشغل .. المهم عندك سهره اليوم ولا آطس لبيتي
رآكان : لا طس له
عزآم رماه بالخدآديه : وجهك وجه فقر
رآكان بإستهبال : يعنني يالمتوظف
عزآم : ههههههههههههههههه إنكتم لا أفقع لك وجهك

بيت سيف

سيف تنهد بضيق : نور لا تنشبين لي بإسألتك
نور دمعت عينها : طيب ليه بتسافر وتخليني مره ثآنيه
سيف أخذ نفس ومن غيرها بخليني آهرب من الخبر
نور هزت كتفه : وينك أنا قاعده أتكلم معاك
سيف قآم من مكانه وباس رأسها : إلى الآن ماقررت أسافر أولا صدقيني
نور أرتاحت شوي : يارب ماتسافر
سيف ضحك غصب : هههههه يالبى قلبك بس
نور إبتسمت لصوت ضحكته اللي كانت غايبه عنها من شهر
سيف : يالله أنا طالع أنام تبين شيء
نور هزت رأسها بـ لا ولحقته نظراتها لحد ماإختفى من آمام عيونها
وهي مستغربه تغير سيف المُفاجئ هالأيآم .. ماعاد يطلع من البيت ولا يسهر وهالك نفسه بالشغل
تنهدت بضيق وقآمت من مكانها وإتجهت لغرفتها وهي تحاول تطرد هالإفكار من بالها

جنآح سيف

تقلب يمين يسآر لكن النوم محافيه ومعاديه وكأنه وآقف مع رؤى
تنهد بضيق وع طوول طرت بباله اللي حرمت عينه النووم وخلته يكون بمتاهات
الله عليك يارؤى ماتعديتي الـ 19 ولعبتي يقلبي لعب وخلتي لا ليلي ليل ولا نهاري نهار
قلبتي حيآتي فوق تحت وكانت بصرآحه أحلى قلبه منك يكفي كونتي بصمه عميقه فيني
مستحيل تمحيها الإيآم ويكفي إن قلبي مانبض إلا لك ولا رآح ينبض لغيرك
ويكفي إحسآسي بإنك تعشقيني عشق نفس إحسآسي
آآآآآآه ليتني أسمع صوتها و أرتاااح حتى لو من غير رضآها
تذكر مكالمه كانت بينهم قبل الفرآق المؤلم :

رؤى وهي تبكي : وربي ياسيف هذا اللي صار وأنا ماسويت شيء غلط
سيف تنهد وندم ع إنه ظلمها : خلاص حبيبتي آسف وربي مادريت إنه هو الغلطان مو أنتي
رؤى مسحت دموعها : هو اللي رمى الرقم مو آنا
سيف إبتسم لها : خلاص ياروحي مصدقك وثانيه مره لا تطلعين وحدك آخاف عليك
رؤى إرتبكت وقلبها يضرب بقوه : صدق تخاف علي ؟
سيف تنهد : إذا ماخفت عليك من بخاف عليه يعنـي ؟
رؤى خجلت منه : مدري
سيف : ههههههههههههههههه لبى الخدود الحمراء
رؤى إبتسمت ع كلامه

رجع للإمر الوآقع وإنتهت أحلام اليقظه بسبب رنين جواله
رفع الجوال وشاف رقم عزآم يتصل به
تأفأف وخلى الجوآل ع الصآمت و تركه ع الكوميدينه وسحب فراشه بيتغطى فيه كـ محاوله للنوووم

بيت الجد / بمجلس الحريم

سمر همست لـ رؤى : بنت وش فيك ؟
رؤى إلتفت لها بسرعه وصحت من تفكيرها : لا حبيبتي ولاشيء
سمر بشك : متأكدهـ
رؤى هزت رأسها بـ إيه
دآنا تطالعهم بنص عين : هييه سمعنا وش تقولون
سمر : ياحضك
رؤى : ههههههههههه
سمر : غلاوي وش فيها يدك ؟
غلا إبتسمت لها : المويه الحاره إنكبت علي
سمر : سلامتك ياقلبي
غلا : الله يسلمك .. الحمدالله الحين ماتوجعني عااادي
خزآمى : سمور بترجعين معانا للكليه نفس قبل
سمر ببرود : مدري
خزآمى إستغربت برود سمر معاها من أول الجلسه بس تعذرت لها بتعبهآ
دانا : وش فيك
خزآمى صحت من تفكيرها : هاه .. لا ولا شيء
دانا حاسه فيها بس ماودها تضآيقهآ

بمجلس الرجآل

عبدالله إنصدم من طلب عمه : هاه وش قلت ؟
أبو سلطآن همس له : وأناعمك أنا وأبوك تشاورنا بزوآجك من بنتي وقلنا إنه غلط في غلط والطلاق بيكون الحل فيما بينكم وأنت تدور لك ع بنت الحلال اللي تختارها من نفسك وبنتي إن شاءالله يجيها نصيبها
عبدالله إنصدم هذآ مو أبـو يسوي كذآ ببنته صحاه من تفكيره رنة الجوآل رفعه وكانت سمر تتصل فيه
إبتسم لا شعوريا وقآم من مكانه : عن إذنكم برد
رآح بعيد عنهم ورد ع طول : هلا سمـر
سمر : آهلين عبدالله .. وينك ؟
عبدالله إستغرب : بالمجلس .. ليه تسألين ؟
سمر : حاسه بتعب وأبي أرجع للبيت أنآم ودي آجلس بس التعب هالكني
عبدالله تنهد : اوكي بقولهم تجهزي بجي آخذك
سكر منها وإتجه للمجلس بتعب بالغ
جلس جنب نواف بتعب
نواف : وش فيك ؟
عبدالله بتعب : مانمت من آمس وحتى سمر نفسي وحتى الوقت تأخر
نواف رفع ساعته وكانت تشير إلى وحده ونص بالليل : حتى أنا لازم آخذ آمي ودآنا وأرجعهم
أبو سلطان قاطع حديثهم وهو يمهس لعبدالله من جديد : وش قلت ياعبدالله عن الطلاق
عببدالله كشر : عمي أنا طالع للبيت الحين تعبآن شووي
قآم من مكانه وإستأذن للخروج وإذنوا له عارفين بتعبه
أرسل للسمر رساله يبيها تطلع له

بمجلس الحريم

أم سلطآن بعتب : يايمه لا تروحين الحين
سمر وهي تلبس عباتها : يمه وربي تعبانه وعبدالله ينتظرني برا خلاص وعد مني آجيك بكرهـ
هنادي : إيه سمورهـ إجلسي ماشبعنا منك
جنى : خلاص خالتي وهنادي حنا بنمشي أصلا سلطآن دق علي
هنادي تأفأفت بقهر
سمر إبتسمت لها : إن شاءالله بجيكم بكره
أخذت شنطتها ومشت لبرآ
شافت عبدالله وهو يركب السياره وإتجهت لنآحيته وركبت معاه
عبدالله إبتسم لها : إنبسطتي
سمر : الحمدالله بس ميته تعب
عبدالله حرك السياره ومـشى بسرعه
سمر لاحظت تغيير الطريق وإستغربت : لوين بتروح
عبدالله إلتفت لها : نسيتي يعني لبيت أبوي بننآم هناك
سمر : آها... طيب بسرعه تعبآآآآآنه

إنتهـى البـــآرت

1 - 12 - 2011, 05:13 PM

البارت الـ 35

بيت أبو نواف / جنآح عبدالله

دخل عبدالله جناحه وورآه سمر اللي كانت تتبعه بالخطوآت
طالع الجنآح وهو يتذكر آخر ليله قضاها فيه قبل المزرعه وإبتسم نفسها نفسها ماتغيرت
قاطعت تفكيره سمر : حلو جناحك
عبدالله إبتسم لها : عيونك الحلوه
إستحت منه وبتغير الموضوع : وين آنام
عبدالله تنهد : خلاص أنا أنام ع الكنبه وأنتي ع سريري وبكره بطلب أثاث لنا
سمر : لا ننام ع السرير الليله أنت تعبآن وأنا بعد
عبدالله هز برأسه بـ إيه وإنسدح ع السرير من جهه
وسمر إنسدحت ع الجهه الثآنيه بتعب
أول ماحط رأسه بينآم تذكر كلام عمه لما قاله طلق سمر وبيجيها نصيبها
تنهد بضيق وإلتفت لسمر اللي كانت بسآبع نومه .. يزوجوني ع كيفهم ويطلقوني ع كيفهم
أنا ماكسر خاطري إلا هالضعيفه سمر تعذبت حيل وبعذبونها لابعدوها عني
وخصوصا أشوف تعلقها فيني كثير حتى أنا والله مابي أبعد عنها نهائيا يكفي تحملت وصبرت بمافيه الكفآيه

بيت أبو فهد / جناح فهد & غلا

غلا تسولف عليه لها ساعه : وربي إنها مسكينه كسرت خاطري لما سلمت ع أمها
فهد إبتسم لها : خلصتي
غلا تتذكر : امممم لا باقي سوآلف
فهد : هههههههههههههههه غلاوي وراي قومه بكرة من صبآح الله خير يعني خليني أنام أحسن لك
غلا تضايقت وقربت منه : لا الله يخليك ماجلسنا اليوم مع بعض
فهد تنهد : وش تبيني أسوي يعني
غلا إبتسمت : لا تنام
فهد قبص خدها : ع كيفك هو
غلا تنهدت بضيق : خلاص نآم
فهد رحمها وسحبها عنده : خلاص بكره أنتهي من شغلي وآجلس معاك اوكي
غلا إرتاحت شوي : اوكي
فهد وهو ينسدح ع السرير : وش آخبار يدك
غلا : تمام بس إذا لمستها آحس بآلم حتى المرهم يسبب لي آلم
فهد وهو يسدحها جنبه : فتره بسيطه ويخف الآلم صدقيني
غلا تنهدت : إن شاءالله

بيت أبو سلطآن / جناح سلطآن & جنى

جنى وهي تمشط شعرها عند التسريحه : عاد كان خليت سمر تنام هنا
سلطان وهو ينسدح ع السرير : هي فضلت تنام مع زوجها
جنى تركت اللي بيدها ورآحت له : متغيره حيل صح
سلطان تضايق وسكت شووي
جنى جلست جنبه وحطت يدها ع خده : وش فيك حبيبي
سلطان تنهد : آحس بضيقه لما عرفت بظلمي لهم
جنى إبتسمت له : آهم شيء سامحوك والحمدالله ع كل حال
سلطان بضيقه : سامحتني لكن مستحيل تنسى هذي سمر آعرفها زين
جنى : لا تشيل ببالك هالشيء مع الوقت بتنسى صدقني
سلطآن : أوجعني قلبي عليها اليوم وأنا أشوفها تمنيت يوم المزرعه يجي وأمحي كل شيء صااار
جنى وهي تمسح ع شعره : خلاص حبيبي شيء وصار وإنتهى أنت حاول تنسيها عوضها عن كل شيء صار
سلطان إبتسم : إن شاءالله

في الصاله

أبو سلطان تنهد : خلاص إستهدي بالله وإحمدي ربك ع رجعتها
أم سلطان تمسح دموعها : ماني مصدقه إنها رجعت يابعد عمري عليها
هنادي : يمه خلاص الله يخليك عشان سمر
أم سلطان إلتفت لإبو سلطان : ليه ماقلت لـ عبدالله يخليها عندنا
بو سلطان تذكر طلب الطلاق : هي رآحت معاه من نفسها وبعدين بكره بتجي لنا أنا موصي عبدالله عليها
عادل وهو نازل مع الدرج شافهم بالصاله : آنتم إلى الآن هنا
هنادي : آمي متضايقه عشان سمر
عادل إبتسم لإمه : خلاص يالغاليه بكره تشوفينها وتشبعين منها
هنادي قامت وقومت أمها معاها : يالله يمه قومي إرتاحي فوق
تنهدت أم سلطان وقآمت معاها بترتاح بجناحها فوق

صبآح اليوم التالي

بيت أبو نواف / الصاله

أم نواف قربت الصحن من عبدالله : آكل يمه شوف وشلون أنت نحفان
عبدالله إبتسم وبدآ يآكل بشهيه غيـر عن قبل حتى سمر إستغربت
أم نواف قربت منه العصير : إشرب يايمه أنا بنفسي مسويته لك
أبو نواف بطفش : خلاص يامر ه خلي الولد يآكل
عبدالله بمزح : أشوف الوالد إشتغلت الغيره عنده
دانا وسمر : ههههههههههههههه
أم نواف بحنان : يابعد عمري نحفان ماتبيني آهتم فيه
سمر إبتسمت لها : والله خالتي كنت آهتم له بس مايبن إلا معاك
دانا بطنازه : دلوع الماما
عبدالله جاء بيرمى عليها الخداديه
بس سمعوآ صو ت نواف وهو يتنحنح عشان وجود سمر : آحم
سمر تغطت بشيلتها ودخل نوآف : صباح الورد
الجميع : صباح الخير
أبو نواف : وراك مالبست عشان تروح الشركه
نواف وهو ينزل الكوب : مو الحين بعد شووي
عبدالله : ع طاري الشغل يبه بتعفيني اليوم ؟
أم نواف : إيه هو تعبان يابو نواف
عبدالله إبتسم لها
أبو نواف : خلاص بس اليوم ومن بكره بتدوآم
عبدالله تنهد : فيه ألف حلال بكره
قآم عبدالله وأشر لسمر تقوم معاه وقامت معاه
أم نواف : وين بتروح عبدالله ؟
عبدالله بتعب : مانمت آمس زين
أم نواف : طيب روح نام وبقومك شوي
عبدالله هز رأسه بـ إيه ومشى ووراه سمر
أم نواف بعد مامشى إلتفت لإبو نواف : أبي أفرح برجعته
نواف : ههههههههه غير هالفرحه
أم نواف ماعطته وجه وكملت كلامها : خلينا نسوي له عشاء ببيتنا يوم الخميس
أبو نواف : والله يام نواف ماعندي مانع سوي اللي تبينه
نواف : وش رأيكم نخليا بالمزرعه
أبو نواف : فكرهـ حلوه وش رأيك يام نواف
أم نواف تنهدت : بسأل عبدالله بالإول وبنشوف
أبو نواف وهو يقوم من مكانه : توكلنا ع الله
نواف قام من مكانه : يبه رح الشركه وأنا دقايق وبجي معاك
أبو نواف : لا تتأخر طيب
نواف إبتسم : إن شاءالله

بيت بو فهد / جناح فهد & غلا

غلا اللي كانت ترتب الجناح بوقت خروج فهد للشغل إستغربت دخوله
للجناح و هو شايل سارا بحضنه ويداعبها ويضحك معاها
قربت منه وهي بقمة الإستغراب : مارحت الشغل
فهد مد لها سارا : شافتني هالصغيره ونشبت لي تبي البقاله
غلا تلاعبها : ههههههه يازينها ياناس
فهد همس لها : إن شاءالله بنتنا تطلع مثلك آحلى وآحلى
غلا إرتبكت من كلامه وجت بتطيح سارا منها بس تداركتها وغيرت الموضوع : غريبه سارا مو عند خلود
فهد فهم عليها وإبتسم : لا الظاهر تعبآنه
غلا : آهاا .. الله يقومها بالسلامه
فهد : خلي سارا عندك وأنا بروح للشركه الحين
غلا إبتسمت : اوكي .. إنتبه ع نفسك
فهد غمز لها وهو يأشر ع سارا : ليتها مو فيه ونأخذ راحتنا
فهمت عليه غلا وإستحت حيــــل
فهد باس سارا وهي بحضن غلا وتركهم ورآح لناحية الجناح طالع لدوآمه
أول ماطلع دخلت رؤى بسرعه عند غلا وشافتها سرحانه
رؤى أشرت قدآمها : بسم الله عليك وش مسوي فيك آخوي
غلا إنتبهت لها و مافهمت عليها عقدت حواجبها وهي تنزل سارا : أيش ؟
رؤى تطالعها بنص عين : لا ياشيخه يقالي مدري إعترفي يالله وش سويتوا ولا بعد قدآم سارا تعلمونها أشياء وهي توها صغيره ( شهقت ) بروح آعلم خلود عليكم وتذبحكم و.
غلا قاطعتها : بس خلاص ياطول لسانك
رؤى : هههههههههههه
غلا إنقهرت منها : المهم وش جابك عندي ياأم لسان
رؤى تذكرت وطلعت من جيبها جوال غلا : آمس نسيتي جوالك عندي بالليل
غلا آخذت الجوال وهي تفتحه تشيك ع المكالمات
رؤى وهي تنسدح ع السرير : ذبحني الطفش
غلا بلا مُبالاه : إطلعي من البيت وش اللي مانعك صديقاتك وش كثرهم
رؤى فزت بسرعه : من زمان عن نور صديقتي بعد غيابي عن الكليه وحفلتي
غلا تنهدت : إيه والله حرام عليك هذي أعز صديقاتك
رؤى بنفسها المشكله تذكرني بسيف وهالشيء ماأبيه
صحاها من التفكير كلام غلا : أنا لو أبعد عن رنا دقيقه يمكن إنهبل
رؤى إبتسمت : الله يخليكم لبعض
غلا تنهدت وجلست جنبها : حبيبتي روحي لصديقتك قبل لا تفقدينها ترى أهم شيء الصدآقه
رؤى ضاق صدرها : إشتقت لها حييل
غلا إبتسمت لها وهي تمسح ع شعرها
رؤى : تصدقين الإيام اللي رآحت كانت تتصل علي ولا أرد
غلا إستغربت : ليه ماتردين
رؤى بنفسها لإنها ببساطه تذكرني بسيف .. إبتسمت لغلا وبكذب : تعرفين حالتي اللي مريت فيها والمستشى بعد
غلا : طيب هالإيام تتصل عليك ؟
رؤى هزت رأسها بلا : يمكن طفشت
غلا سحبتها من يدها : قومي كلميها ترى نور ماتستاهل اللي تسوينه
رؤى : ههههههه اوكي إتركيني بقوووم
غلا تركتها وتخصرت : يالله أشوف روحي وخليني أكمل شغلي
رؤى تنهدت وهي طالعه من الجنآح متجهه ناحية جناحها وتفكيرها كله بإعز صآحبه عندها

1 - 12 - 2011, 05:14 PM

بيت بو نواف / جناح عبدالله

عبدالله اللي كان يطالع فيها وهي تكشخ عند التسريحه : متى بتجين من عند آهلك
سمر تنهدت وهي تتعطر : يمكن أتأخر تراي من زمان عنهم
عبدالله هز رأسه بإيه : بس مانمتي آمس زين
سمر إلتفت له وتركت اللي بيدها : تسمح لي أنام عندهم
عبدالله إرتبك من منظرها كانت فاتنه حيل وأول مره يشوفها بهالشكل
كانت لابسه تنوره سودآء جينز ضيقه تحت الركبه بشوي وبلوزهـ رماديه كات مرسوم عليها بالإحمر شكل شفايف ..وشعرها القصير مسويه له لف وفاكته والقذله ع اليمين وماكانت حاطه إلا قلاس خفيف وكحل رمادي
سمر إستغربت : عبدالله وين رحت ؟
صحى ع صوتها وإبتسم : سوي اللي يريحك
سمر بادلته الإبتسامه وقربت من جهته بتأخذ عباتها اللي كانت قريبه منه
عبدالله لما قربت منه إستنشق عبير ريحة عطرها الفاتنه حيل وغمض عينه وصد عشانها
سمر بعد مالبست عباتها : تبي شيء وأنا راجعه السواق ترى ينتظرني تحت
عبدالله بلع ريقه : آحم لا سلامتك
سمر سحبت شنطتها وطلعت من الجنـاح وهي تعدل غطاها
لحقتها نظراته لحد ماإختفت من إمامه وهو مستغرب حيل من قمة جمالها
أبد ماكانت كذا بالشقه كان إغلب لبسها سبورتات وبجايم عاديه بحياتها ماقد لبست تنوره أو جينزات أو فساتين حتى لما كانت تجي شذى تلبس لها لبس البيت .. يالله وش صار فيك ياعبدالله إصحى فهيت بالبنت حيل
وبغيت تأكلها من نظرآتك تأفأف من داخله وإنسدح ع السرير بتعب بينآم من الإرهااااق

رؤى ~
ترددت كثير وهي تطالع رقمها : ياربي إتصل ولالا .. حتى لو إتصلت وش أقول إعذريني نور ماقدرت أكلمك أكيد مو مسامحتني بعد ماسحبت عليها سحبه آليمه وتركتها من غير مُبرر لها
تنهدت بضيق من هالإفكار اللي تصارعها وتآلمها من الداخل توكلت ع ربها وضغطت ع الرقم حطت الجوال ع إذنها وهي تنتظر الرد .. رنه ورنتين وبدأ قلبها يضرب بقوه وش فيها ماترد عليها
بعد الرنه الرابعه جاها صوت اللي إشتاقت له حييييل : ألو
رؤى دمعت عينها ع طوول : نــور !
نور تنهدت : آهلين رؤى
رؤى مسحت دمعتها وإبتسمت : إشتقت لـــك حيل
نور بسخريه : عسى ماتكلفتي
رؤى تنهدت بضيق وعرفت بزعلها : حبيبتي آسفه وربي آسفه ع اللي صار لكن أنتي تعرفين الظروف اللي مريت فيها وتعبي بالمستشفى ورجعت أخوي بالسلآمه إشغلتني عنك حيل
نور :.......
رؤى تضايقت : والله لو تدرين عن اللي فيني والله عذرتيني
نور تنهدت : ماراح إسألك وش اللي صار لك يمكن شيء خاص وماتبين تقولينه لكن ع العموم مدامك حلفتي إعذرك ياقلبي
رؤى إنبسطت حيل : يالبى قلبك الإبيض وحشتينــــي حيل
نور إبتسمت : وأنا أكثر والله
رؤى برجاء : أبي أشوفك ضروري
نور : خلاص تعاليني بالبيت
رؤى إرتبكت : هاه .. لالا مو ببيتكم
نور إستغربت : وش فيك حبيبتي ؟
رؤى بلعت ريقها : ولاشيء ..وش رأيك نروح مول أو كوفي
نور بفرحه : اوكي ماعندي مانع
رؤى : وأقولك عن سمر
نور متفاجئه : سمر ؟
رؤى دمعت عينها : رجعت لنا
نور دمعت عينها غصب : من جدك.. يالله من زمااااااااان عنها الحمدالله ع سلامتها
رؤى مسحت دموعها : إيه والله الحمدالله
نور : خلاص حبيبتي نلتقي بأي مكان ونتفق عليه
رؤى : اووكي ياقلبي ،

تغيّب و تشعل بـ جوفي حرآيق من وله وأشوآق
وأنا غايب من غيابك وهمي أول ضــــــــــيوفي

دخيلك لاتعودني على غيابك ترى ما فــــــــــــاق
هذاك الخافق الغافي من غيابك وسط جوفي

تخيل أسولف له عن الذكرى عن الأشواق
يتمتم هيه لآ تصحي جروحي قلتلك : يوفي

دخيلك والسوآلف دون حكيك مآلهآ أطوآق
تعآل وطوّق شتآت السوآلف و إشبك حروفي

بيت بو سلطآن / الصاله

أم سلطان ترفع يدها : ياربي لاتحرمني شوفتها يارب
سمر تضحك : خلاص يمه هذآني قدآمك مافيني إلا العافيه
جنى : خلاص ياخالتي شوفيها تزقح مافيها إلا العافيه
سمر ضربتها بالخداديه : دوووبه
ريم : ههههههههههه إلى الآن على شطانتك ياسمر
جنى وهي تبعد الخداديه : يقولون الزوآج يركد بس عز الله الناس بتركد إلا سمر
سمر : هههههههه بمشيها لك هالمره
جت هنادي وبيدها صينية حلى جلست جنب سمر ومدت لها الصينيه : حلاك اللي تحبينه سويته لك
سمر إنبسطت وأخذت منه ونزلته ع الطاوله : يابعد عمري تسلمين
هنادي بعتب : ليه ماجلستي معانا آمس ليه رحتي مع عبدالله ع طول
ريم : هنادي .. ترى سمر متزوجه لازم تكون مع زوجها
هنادي بطفش : مايعتبر زوجها بهالطريقه
جنى : إستغفري ربك هم بالشرع متزوجين
هنادي عصبت : يالقافتكم
سمر قاطعتها : هنادي عبدالله زوجي وأنا طلبت منه نمشي لبيتهم
هنادي تنهدت : طيب خليك جالسه عندنا اليوم
آم سلطان : صادقه أختك إجلسي عندنا الليله
جنى : إيه والله ياقلبي من زمان عنك
ريم : ماراح نخليها تروح أساسا
سمر : هههههههه يمه أكلتوني وقررتوا بدالي شوي شوي علي طيب
أم سلطان إبتسمت لها : مشتاقين لك يايمه و شيسوون
سمر إبتسمت : اوكي ويمكن أنام بعد
هنادي : إيه نامي بعد عندي
جنى جت بتتكلم بس دق جوالها وردت بسرعه : هلا خزآمى ...... أنا وريم ......... اوكي آنا ماعندي مانع بس بسأل ريوم وأرد عليك .......... إن شاءالله حبيبتي .... يالله باي
أم سلطان : وش تبي منك يايمه
جنى وهي تطالع ريم : تبينا نطلع أنا وريوم معاها هي ودانا للمول عشان أغراضهم الباقيه لزوآجهم
ريم إستغربت : بالعاده يرحون مع بعض
جنى بلا مُبالاه : الظاهر ناقصتهم أغراض ضروريه ويبونها منا
ريم تنهدت : اوكي بروح معك .. بس متى ؟
جنى : بقولها المغرب يعني تقريبا ع الساعه سبعه
ريم هزت رأسها بـ إيه
سمر تحس بقهـر من ذكر إسمها : متى زوآجها
هنادي : تقصدين مين ؟
سمر : خزآمى ؟
أم سلطان : خزآمى ودانا زوآجهم مع بعض بعد شهرين الظاهر
سمر بهمس : آها .. الله يوفقهم

بيت بو فهد / الصاله

رؤى نزلت بسرعه وبيدها عباتها تلبسها ع السريع
أم فهد تأفأفت : شوي شوي
رؤى تنهد : وربي مستعجله
أم فهد : وين بتروحين ؟
رؤى : أنا ونور متفقين نطلع
غلا بفرحه : كلمتيها ؟
رؤى إبتسمت : إيه لبى قلبها وتفهمت موقفي وعذري
غلا إنبسطت : اوكي إن شاءالله تنبسطون برآ
أم فهد : يمه رؤى إنتبهي ع نفسك
رؤى باست رأس أمها : إن شاءالله يالله بااي .. وطلعت تركض لسيارة السآيق مستعجله
أم فهد إلتفت ل غلا : غـلا
غلا إنتبهت لها : نعم
أم فهد وهي تطالع يدها : كيف يدك ؟
غلا بهمس وهي تمسح ع يدها : تمام
أم فهد هزت رأسها بإيه : سلامتك
غلا قآمت من مكانها : عن إذنـك خالتي بروح جناحي
أم فهد آشرت لها بيدها بمعني بكيفك

بيت بو سلطآن / جنآح ريم وعادل

ريم بقهر : ليه حرآم عليك ؟
عادل تنهد : آنتي تعبآنه ماتقدرين تتحملين المشي بهالإسوآق
ريم تكتفت بقهر : بس دانا وخُزآمى محتاجيني آنا وجنى
عادل وهو ينسدح ع السرير : ريم خلاص مافيه روحه تكفي عنك جنى
ريم ضربت رجلها بالإرض : الله يخليك وحتى أنا ناقصني آغراض
عادل :......
ريم : طيب شوف سلطان وآفق ع جنى
عادل قآم وعدل جلسته : أنا غير وسلطآن غير وبعدين لاتنسين حالتك غير عن جنى
ريم تأفأفت بقهر وجلست ع السرير وهي تهز رجلها دليل ع قهرها
رحمها عادل وقرب منها وحاوطها بيده ع أكتافها : والله كل هذا عشآنك
ريم دمعت عينها : بس أنت قاعد تبالغ كثير أنا وربي مافيني شيء
عادل قربها منه كثير : والله من خوفي عليك
ريم تنهدت بضيق :.............
عادل تأفأف مايبها تزعل ولا يبيها تروح : إطلبي أي شيء غير الروحه للسوق
ريم : أنا من الإساس محتاجه السوق من غير مايطلبون مني إني أروح معاهم
عادل : قولي لي وش محتاجه ؟
ريم : ملابسي بدت تضيق علي والحمل صار يبين حيل يبيلي ملابس غير وأوسع
عادل تنهد وآحتار :....
ريم تعلقت بيده : حبيبي خليني أروح والله ماإجهد نفسي
عادل رحمها : وعـد
ريم إبتسمت : وعد
عادل : وكل ماتعبتي تجلسين زين ؟
ريم هزت رأسها بـ إيه
عادل تنهد : الشكوى لله خلاص روحي مشكلتي ماأقدر ع زعلك
ريم ضمته بقووه : الله لا يحرمني منك

في إحدى مولات الخبر

رؤى تضايقت : من متى تجيك هالكوآبيس
نور تنهدت :من مده قصيرهـ
رؤى مسكت يدها : حبيبتي لا تتضايقين يمكن بس عشانك تفكرين
هزت نور كتفها بمعنى مدري
رؤى إبتسمت لها : يالله عاد إتركينا من سوالف منالوه هالزفت وقولي لي عنك
نور : ههههه والله ماتغير شيء
رؤى جت بتتكلم بس رن جوالها رفعته وإنصدمت من الرقم سيف يتصل فيها
آخذت نفس وحطت جوالها ع الصآمت وخبته بالشنطه
نور إستغربت : ردي مين المتصل ؟
رؤى إرتبكت : لا مو أحد مهم
نور : يمكن آمك
رؤى : لالا مو آمي خلاص أصلا قفل الخط
نور إستغربت ربكتها ولا قالت شيء
رؤى بنفسها ياترى ليه متصل ياسيف وش تبي يعني بعد ما دست ع قلبي ورفضتك
صحت ع كلآم نور : هاه وش كنتي تقولين
نور وهي تقوم وتسحب شنطتها : آمشي بنتسوق شووي
رؤى آخذت شنطتها ولحقتها بيتمشون وللإسف طول الوقت سيف ماغاب عن بالها

1 - 12 - 2011, 05:14 PM

بيت بو سلطآن / الصآله

هنادي إستغربت : ليه مو دارسه السنه ذي ؟
سمر تنهدت بضيق : فوت منها خمس شهور بالله عليك رآح يقبلون رجوعي للكليه
هنادي : اممممم مدري يمكن
سمر هزت كتوفها بلآ مُبالاه ورفعت جوآلها تتصل
هنادي : لا يكون تتصلين ع عبدالله
سمر إبتسمت : لا أتصل ع رؤى اليوم متصله ولا رديت كنت نايمه
هنادي تأفأفت : آكره طاري هالمغرورهـ
سمر بحدهـ : هنادي .. موعيب عليك تتكلمين ع الناس
هنادي لوت فمها وسكتت عشآن سمـر
سلطان وهو نازل مع الدرج شاف سمر بالصاله هي وهنادي وقرب لهم : سم سم عندنا
سمر إبتسمت له : إيه ماتشوف البيت منور
سلطآن وهو يجلس جنبها : ههههههههه بقوهـ
سمر صبت له قهوه مدت له الفنجال
سلطان : تسلمين حبيبتي
سمر إكتفت بالإبتسآمه
سلطان طلع من جيبه بطاقه صرآف ومدها لـ سمر
سمر إستغربت : هذا وشو ؟
سلطان إبتسم لها : هذي لك فيها مبلغ عشآنك
سمر تضايقت وبعدتها عنه : لا ياخوي عبدالله مو مقصر معاي بشيء
سلطان مسك يد سمر وحط في يدها البطآقهـ : عشآني إعتبريها هديه مني
سمر تنهدت : بس عبدالله يمـ,,
قآطعها سلطآن : قلت هديه مني ومايصير ترفضين الهديه وبعدين عبدالله متفاهم
سمر إبتسمت : الله لا يحرمني منك
سلطآن إكتفى بإبتسآمه لهآ

آلوٍفْآ وٍآلطُيَبٌ مًآقٌوٍل عًطُنْيَ
وٍغًيَرٍ آلغًلآ مًنْكَ مًآنْيَ بٌطُمًعًآنْ

لآصٍآرٍ مًنْكَ آلوٍفْآ وٍصٍآرٍ مًنْيَ
تّْرٍى نْعًيَشً آلعًمًرٍ آشًكَآل وٍآلوٍآنْ

وٍلآصٍآرٍ كَل آلكَوٍنْ بٌعًيَدً عًنْيَ
يَكَفْيَ وٍجًوٍدًكَ بٌدًآخٌل آلقٌلبٌ آوٍطُآنْ

في إحدى كوفيهات الخبر

نور : وبعدين وش صار
رؤى تنهدت : ماصار إلا كل خير جابها سلطان آخوها لبيت جدي ورحنا لها هناك
نور إبتسمت : يالبى قلبها سمور مشتاقهـ لها حيل
رؤى : قالت لي سلمي لي ع نور حيــــل
نور إبتسمت : بترجع للكليه طيب
رؤى : آمممممممم لا ماإعتقد فوتت كثيررر
نور : طيب وش آخبار نفسيتها
رؤى جت بترد بس رن جولها بـ إسم سيف
تنهدت بضيق وإغلقته وهي متضايقه هذي رآبع مرهـ يتصل
نور وهي تآشر لها : بنت وين رحتي
رؤى إنتبهت لها : هاه معآك
نور : وآآآآضح
رؤى : ههههه

بيت بو فهد / جنـآح فهد & غـلا

فتح باب الجناح بسرعه ودخل لنآحية الغرفه بخطوآت سريعه لمحها ع السرير وقرب منها وهو معقد حوآجبه : وش فيها يـدك
غلا بآلم : طحت عليها بالحمام ( آكرمكم الله )
تنهد بخوف وجلس جنبها وسحب يدها بيطمن عليها : كان قلتي لما إتصلتي علي إنك طحتي ع مكان جرحك
غلا تآلمت من لمساته : آآه لا توجعني
فتح ضمادتها بشويش : لا تخافين دقايق ويروح الآلم
غلا دمعت عينها من قوة الآلم : خـلاص الله يخليك
فهد تنهد وباس يدها السليمه : ساعديني عشان إفك الضمادهـ
غلا تمسح دموعها : لا تفكها خلها آلمتني حيل
فهد : لازم أفكها وأشوف جرحك وش فيه ولا ترى بعدين تتعبين وتدخلين المستشفى
غلا كشرت من طاري المستشفى : فكها بس بشويش علي
فهد إبتسم ع شكلها المبوز والدموع بعينها وبدأ يفكها وهي تتآلم وتحاول تبعد بس بالنهايه قدر يفكها
فهد : خلاص فكيتها
غلا بآلم وهو تشوف يدها : توجعني
فهد تحسس يدها اللي كانت حمرآء من آثر الضربه وتنهد : ماعليه بعدين تخف
غلا سرحت وهي تطالع يدها
فهد لاحظ سرحانه ومد يده ورفع وجهها له : وش فيك
غلا بهمس : ولا شيء
فهد إبتسم لها : علي أنا ؟
غلا من دون مقدمات حضنته
فهد حاوطها بيدهـ وقربها منه حيل وهو يمسح ع شعرها
غلا وهي تتمسك فيه آكثر : لا تروح خلك هنا
فهد إكتفى بإبتسآمه لها

واللـَـَـَـَـَـَـَـَــﮧۦ
احتآأإجڪ انآأإ
..... خلڪ بجنَبْي قرييًب

جنآح رؤى

دخلت للجنآح وهي هلكآنه و توها جايه من السوق
نزلت الإغراض اللي شرتها ع الكنبه وعباتها فوقهم
وإنسدحت ع السرير بتعب .. رن جوآلها وقطع حبل آفكارها
رفعته بتشوف مين ومثل ماتوقعت المكالمه السابعه لـ سيف اليوم
تنهدت بضيق : يعني مامل من كثر ماإتصل اليوم ولا أرد
طيب يمكن يبي منك شيء يارؤى يمكن بيقول لك شيء ضروري
لعبت فيها أ فكارها لحتى خلتها تضغط الزر الأخضر ويوصل صوته لها : رؤى
رؤى آخذت نفس : نعم
سيف بهمس : إشتقت لك
رؤى ماقدرت تمنع دموعها تنزل
سيف بهمس آكثر : إشتقت لك حيــــل
رؤى تحاول تقوي نفسها : تبي شيء ؟
سيف إبتسم بآلم : ليه رفضتي ؟
رؤى بلعت ريقها :......
سيف : ليه رفضتي وأنتي تحبيني ؟
رؤى مسحت دموعها : وأنت تحسب الحب كافي لموآفقتي
سيف تنرفز : آجل وشو اللي كافي ؟
رؤى بآلم : إني آرجع أثق فيك وآتفاهم معاك وترجع لي نفس قبل ماتطيح من عيني بفعايلك وبـ،
سيف قآطعها : آحبــك
رؤى تنهدت بضيق وماإستغربت كان شكها بمحله
سيف : مايكفيني إني آحبك
رؤى دمعت عينها
سيف يضغط عليها : وأنتي بعد تحبيني
رؤى تنهدت بتعب
سيف يزيد عليها : مايكفي هالشيء لنا إنا نحب بعض وبـ..
رؤى بتعب : سيف خلاص مع السلامه
سكرت الجوال ورمته بقووووه وطآح ع السرير
وهي تبكـي بحرقهـ وآلم : معقوووله بعد ماذبتحني تحبـني معقوووله يااااااسيف
وبعد آيش بعد ماإنهيت اللي بيننا !
أنــا والله آحبـــك بس خلاص اللي فآت مات اللي فات مات ياسيـف
سحبت فرآش سريرها بقووه وهي تضرب عليه منهاره من اللي صآر وتبكي وتشاهق بآلم

( يعنيِ آعطيگْ الثقھ وَ تردّهُآ بـ/ لَوي آلذرآع " !!!

يآخي مَآشآءْ آللھ عليگْ آبدعت . . في ردّ الجميل )

في المــول

دانا وهي تطالع ساعتها : ترى تأخر الوقت
جنى تأفأفت : يالله لازم آرجع الحين عشآن سلطـان
خزآمى : اوكي نرجع بس لازم نجي من بكرهـ
ريم بقهر : آي نجي من بكره وأنتوا ماأخذتوا ولاشيء من اللي شريناه
دانا وخزآمى :ههههههههههه
جنى : ماورآهن إلا الضحك وحنا الشقى
دانا : خلاص وعد بكره نأخذ اللي تختارونه لنا
ريم لوت فمها : يصير خير ونفكر نروح أو لا
جنى وهي تطقطق بجوالها : أنا إحتمال لا
ريم بتعب : وأنا بعد
خزآمى بتأفأف : تبون تقفون كذا بنص المول ولا إتصل ع السايق
دانا : خلاص إتصلي وش تنتظرين
خزآمى وهي ترفع جوالها وتتصل ع السايق : أنتظر متى يخلصون جنى وريم
دانا : ريومه كم باقي لك وتولدين ؟
ريم : آمممممم سبع شهور تقريبا
دانا : وناسه صرآحه متحمسه للتوأم
ريم : هههههههههه
قطعت كلامهم خزآمى : يالله السواق رن لي رنه يعني هو برا أمشوا بسرعه
آخذوا أغراضهم البنات ومشـوا متوجهين للبوآبه الخآرجيه

في بيت بو فهد / جناح فهد وغـلا

قربها من حضنه أكثر وأكثر وهو يبوسها ع خدها مسح ع شعرها وجاء بيتكلم
بس قـآطعه رنين جوآله تأفأف ورفعه وشاف الرقم ورد ع طول : هلا يبه
أبو فهد : آنت وينك ؟
فهد تنهد : بالبيت
أبو فهد عقد حوآجبه مستغرب : وليه مارحت
فهد طالع غلا اللي تضايقت من طاري الشغل : إعفيني من هالشغل اليووم
أبو فهد : طيب بس بكره من بدري تنزل له
فهد : طيب إن شاءالله
أبو فهد : مع السـلآمه
سكر فهد منه وإلتفت لها
غلا : وش يبي عمي
فهد سحبها له من جديد : آمور الشغل
غلا وهي تبعد : طيب مثل وشو
فهد إبتسم : ياكثر إسألتك خلاص شغل يعني شغل
غلا تنهدت : طيب
فهد طالع فيها من فوق لـ تحت
غلا خجلت من نظراته وبدلع : وش تبي ؟
فهد إبتسم : أبيك
خجلت أكثر وأكثر وهو يسحبها له

بيت بو نواف / جناح عبدالله & سمـر

سمر وهي تطالع الجنآح : ماشاءالله عليك آمداك تجيب إثاثه
عبدالله إبتسم : إيه هو آصلا مسوينه من قبل يعني من غير تفصيل
سمر بادلته الإبتسآمه : عااادي آهم شيء يكون مُنآسب
عبدالله : يعني عجبك
سمر ألقت نظره مره ثآنيه بالجنآح اللي كان يغلب عليه اللون الزيتـي ودآخل فيه البيج والسكري : جنااااان
عبدالله تنهد برآحه : آهم شيء يعجبك
سمر إبتسمت له : طيب وين آنام ؟
عبدالله آشر لها : بهالغرفه كنت مسكرها من قبل وماإحتاج لها بس الحين فتحتها ورتبت لك الإثاث فيها
سمر : طيب بطلع لها لإني هلكت في بيت آهلي وبنام
عبدالله : نوم العوآفي
سمر وهي تتجه للغرفه : يعافيك
دخلت لغرفتها الجديده ونزلت شنطتها وعباتها وإعجبها حيل آثاث الغرفه المتكامل
إتجهت لنآحية دولابها وسحبت منه بيجآمه بدلت لبسها ع السريع وإنسدحت ع السرير بتعب
غمضت عيونها بتنآم لكن فجأها ذكرى رجوعهم لأهلهم وخطتها المجهوله بالنسبه لـ عبدالله
عبدالله مادرى إني انا الي سويت كل شيء وآحس بتأنيب الضمير وإني لازم آعلمه ولا آخليه
يفكر كثير باللي رجعه لأهله ودي آقوله بس محتاره وخايفه ومترددهـ
محتاره متى أقول آخاف مايتقبل ومتردده بسبب خوفي من كل شيء
يالله ساااعدنـي يارب !
تنهدت بضيق وإنقلبت ع الجهه الثآنيه كـ محاوله للنوم

عبــــدالله

كآن آيضا يحمل سر مجهول لـ سمر
متردد أقولها عن فكرة أبوها وهي تختار الطلاق أو البقاء معاي
مابي آجبرها ع شيء ومابي أبوها يقولها وتجي تسألني وتزعل لإني ماخبرتها
مابي آحد يخبرها غيري ولا أبي آحد يسألها ويعطيها الرأي غيري
ماتوقعتك كذآ ياعمي تزوج ع كيفك وتطلق ع كيفك
تنهد بضيق وغمض عيونه كـ محاوله للنوم

شقـة آهل رنـا

روآن وهي تناقز عند آختها : خلي غلاوي تجينا
رنا : خلاص حبيبتي بقولها بس روحي عني مالي خلق
روآن بوزت : قولي لها الحين
رنا تأفأفت : غلا مشغووله بعدين تجي
روآن طفشت منها ورآحت لغرفتها تلعـب
ضحكت عليها رنـا وكملة طقطقتها بالجوآل
رن تلفون البيت وقآمت بترد لكن رد قبلها سعود آخوها : هلاعمـي يوسف
رنا إلتفت بسرعه له بلا شعور
سمعت مكالمتهم كلها ومافهمت من كلامهم شيء
قربت لـ سعود آخوها : وش قالك ؟ ووش يبي منك ؟
سعود : ليه تسألين ؟
رنا إرتبكت : هاه .. لا ولاشيء بس مُجرد سؤال
سعود : يسأل عنا إذا محتاجين شيء
رنا تكتفت بقهر خلصنا من سلطان وجانا اللي أردى منه
صحاها صوت آمها : وينك أناديك من اليوم
رنا تنهدت : سمي يمه
أم سعود : روحي ساعدي الشغاله بالغسيل تعبت وأنا أساعدها
رنا تنهدت بضيق : يايمه كم مره قلت لك لا تشتغلين هذي الشغاله عندنا وأنا موجودهـ
أم سعود : لا وأنا آمك آحب أسوي شغلي بنفسي
رنا هزت رأسها بعدم رضا وطلعت للمطبخ ترتبه مع الشغاله

سيــف

تنهد بضيق وهو يتذكر تفاصيل مكالمته لها ووشلون صدته وماتكلمت معاه
ضغط ع رأسه بقوه من الصدآع المفروض قلت لها عن سفري وعن هروبي من الخبر منها
أبي أقولها عن حالتي بعدها وعن حياتي اللي مالها طعم من دونها من بعد غيآبها
ومن بعد عشقـي ليه يارؤى ماتحاولين تعطيني فرصه آصحح فيها كل شيء صآر بيننآ
ليـــه مو حرآم عليك حرآم والله حرآآآآآآآم

بيت بو فهد / الصآله

غلا تهمس لـ رؤى : صار لي ساااعه أسولف وماتسمعين
رؤى صحت من سرحانها : هاه وش كنتي تقوولين ؟
غلا ضربتها ع كتفها : طسي بس ماقول شيء
رؤى إبتسمت غصب عنها وحالها مايقل عن سيف وبـ لا شيء
كانت تعبآنه مثله وتتمنى لو فيه فرصه ثااانيه لهم يخلي عيشتهم وحيآتهم أحلى
حتى أنا ياسيف حيآتي بدونك مالها طعم ولا لون حتـى , تنهدت بضيق ونفضت هالإفكار من بالها
وكأنها تستسلم لوآقعها الآليم وهي تحاول تنتبه مع سواليف آهلها
أبو فهد : هاه غلا يايبه مافي شيء باطريق ؟
غلا فهمت و إرتبكت وطالعت فهد
فهد إبتسم وإنقذ الموقف : مأجلين عشآن درآسة غلا
أم فهد : أي دراسه وهي ماتدرس ؟
فهد طالع في غلا : بدرسها بمعهد لتعليم الإنجلش أنا وعدتها بهالشيء
غلا إنبسطت وإكتفت بإبتسآمه لـه
رؤى نغزتها مع خصرها وبهمس : ياعيني ياعيني أذوووب أنا
غلا تهمس لها : هههههه دوبه خلاص وربي أستحي

بيت بو سلطآن / جنآح سلطان & جنـى

سلطآن شافها داخله بالأكياس وحطتها ع الكنبه وبدت تنزل عباتها
طالع ساعته ورجع يطالعها : بـدريّ
جنى إبتسمت : حبيبي والله آسفه آنت تعرف وش كثر طلبات هالبنات
سلطآن هز رأسه بـ إيه و آشر لها ع الأكياس : لمين هذي
جنى : آكيد لي وللبيبي بعد
سلطان : جايبه لبنتنا بعد
جنى بفرحه : إيه جبت لها فسآتين حبيبة آمها
سلطآن : ههههههه قربيهم بشوفها
جنى آخذت الأكياس ورآحت عنده وطلعت فسآتين بنتها وهي مستااانسه
سلطآن إرتاح لما شافها مبسووطه : هاه وش قررتي ع تسميتها
جنى : آممممممم وتين أو وجد نختار مابينهم
سلطآن : خلاص أعجبني وجـد
جنى تخصرت : لا والله لا يكون في وحده تعرفها بعد آسمها وجد
سلطآن تنهد بضيق : ياحبيبتـ
جنى قآطعته : هههههههههه آمزح معاك
رماها سلطان بالخدآديه : يلعن بليسك خفت نرجع لنفس الموضوع
جنى : ههههههههههه
سلطآن سحبها لحضنه : تسلم لي هالضحكه ياناس
خجلت منه جنى وسكتت
سلطآن إبتسم ع شكلها : هاه وش إخترتي إسم ؟
جنى : آمممممم حتى أنا عجبني وجـد
سلطآن : يعني وجد ؟
جنى هزت رأسها بـ إيه

1 - 12 - 2011, 05:15 PM

بيت بو نوآف / الصاله

أم نواف : عبدالله يمه
عبدالله إلتفت لها : سمي يالغاليه
أم نواف إبتسمت له اليوم كنا نتشاور أنا وأبوك بـ عزيمه لك أنت وسمر
عبدالله تنهد : والله يا يمه هالشيء ماأبيه بس إذا بيسعدك خلاص
أم نواف : وأنتي يمه سمر وش رأيك ؟
سمر بعفويه : إلا والله ياخالتي ميته ع هالشيء من عزيمة نوآف
عبدالله وأم نواف : ههههههههههه
أم نواف : خلاص نسويها بالمزرعه
عبدالله وسمر مع بعض بصوت مؤلم : المزرعه ؟
أم نواف تنهدت : إيه والله آحسن لكم ولنا بعد وعشان جدك مايروح إلا لها
عبدالله تنهد بضيق : مدري والله يايمـ,,
قآطعته أم نواف بحنان : يايمه لاتحرمني فرحة وجودك جنبي
عبدالله إبتسم لها : طيب سوي اللي يريحك
أم نواف : الله يخليك لي يايمه ولا يحرمني منك
عبدالله مسك يدها وباسهآ : ولا منـك
أم نواف إلتفت لـ سمر اللي كانت سرحانه : يمه سمر موآفقه ع إنها تكون بالمزرعه
سمر إنتبهت لها وهزت رأسها بـ إيه
عبدالله حس إنها ماتبي المزرعه ورحمها بس تكتم ع الموضوع بيكلمها فيه بعدين
قربها له وبدأ يسولف معاها عشان ينسيها شووي

بيت بو فهد / جناح فهد & غـلا

غلا بفرحه : من جدك ؟
فهد قبص خدها : قد مزحة معاك بهالشيء
غلا خجلت : لا
فهد إبتسم لها : آجل خلاص
غلا : طيب متى تسجلني فيه
فهد : أشوفك متحمسه حيل
غلا تنهدت : طفشت من البيت
فهد إبتسم لها : طيب بسجلك بس مو هالحين لإني مشغول بعزيمة عبدالله
غلا : آهاا
فهد وهو يطالع يدها : من سوآلك الضماده
غلا : أنا
فهد مسح ع يدها : ماشاءالله صرتي تعرفين
غلا هزت رأسها بـ إيه : شفتك كيف تسويها وتعلمتها
فهد إبتسم : ذكـيه
غلا بغرور : إيه آدري
فهد : ههههههههه
غلا ضربته ع كتفه بخفيف : لا تضحك

شركـة سيف

فتح باب مكتبه الكبير ودخل عبر ممره الطويل لنآحية المكتب
لقـى عزآم يحوس ببعض الأورآق في مكتبه
سيف : هاه وش آ’خبار الشغل
عزآم قآم له وإبتسم : الحمدالله عال العال
سيف تنهد وأرتاح شوووي
عزآم إستغرب : طال عمرك مو المفروض تسافر اليوم
سيف : إيه بس صارت عندي شوية أشغااال
عزآم : آهاا .. تروح وتوصل بالسلامه
سيف وهو يفتش بالإورآق : ماشاءالله شغلك مضبووط
عزآم إبتسم : الحمدالله كله من خبرتك طال عمرك
سيف : رآح أرفع من منصبك بالشركه
عزآم إنبسط : تسلم طال عمرك
سيف : من اليوم ورآيح أنت نائب مدير الشركه
عزآم تفاجئ كان موظف عادي بين يوم وليله والحين نائب مدير لشركه معرووفه
سيف إبتسم ع شكله : وش قلت
عزآم إنبسط وبإبتسآمه وهو يصآفح سيف : أنا يدك اليمين طال عمرك .. آكيد موآفق
سيف إبتسم : هذا عشمي فيك ياعزآم

إنتهـى البآرت

1 - 12 - 2011, 05:16 PM

التكمله كالعاده يووم تااني نعني بوووكره ع خييير ان شاااء الله

3 - 12 - 2011, 03:54 PM

البارت الـ 36

بيت بو نواف / جنآح عبدالله وسمر

طالع باب غرفتها وتردد يطق الباب خايف تكون نايمه توكل ع الله و مشى بخطوآت متردده لنآحيته وطقه
وصله صوتها : آدخل عبالله
فتح الباب ودخل لغرفتها وبإستهبال : وش عرفك إنه إنا
سمر تسهبل : مُجرد تخمين
عبدالله وسمر : هههههه
جلس عبدالله ع سريرها جنبها : غريبه مانمتي إلى الآن
سمر تنهدت : ماجاني نوم
عبدالله : عشانا بنروح المزرعه
سمر كشرت : تذكرني فيهم واللي سووه فينا
عبدالله إبتسم : إذا ماتبينا نروح والله لأكنسل لكل شيء عشآنك
سمر إنبسطت لإهتمامه فيها : لا ماله دآعي أول شيء خالتي مبسوطه فينا وثااني شيء إحنا رآيحين لها رآيحين وخليني أروح من الحين عشان أتعود عليها
عبدالله تنهد : ريحتيني ماكان ودي أغصبك ع آي شيء
سمر إبتسمت له : متى يروحون
عبدالله : مدري متى ماجهزوآ لها رآحوآ
سمر : آهاا ع خير إن شاءالله آهم شيء ننبسط
عبدالله قام من مكانه : يالله آخليك تنامين الحين .. تصبحين ع خير
سمر إبتسمت ونظراتها تلاحقه : وأنت من آهله
لاحقت نظراتها عبدالله لحد ماإختفى من عندها تغطت بفرآشها وإنسدحت ع السرير كـ محاوله للنوم

جنآح دآنا

دانا وهي تتكلم بالجوآل : من جدك جات من الكويت
وليد : إيه حبيبي جات من الكويت وودها تسلم عليك
دآنا إستحت : هي ماحضرت ملكتنا صح
وليد إبتسم : لا آختي سعاد عااايشه بالكويت ووقت ملكتنا ماكان عندها وقت تجي هي وزوجها من الكويت صعبه جيتهم
دانا : الحمدالله ع سلامتها
وليد : هي طلبت مني أعزمك عندنا بالبيت عشآن تسلم عليك
دانا إستحت ماتدري وش تقول
وليد : هاه قلبي وش قلتي آجي آخذك بكرهـ
دانا بتردد : اوكي
وليد إبتسم : فديتك

بيت بو فهد / جنآح رؤى

فتحت غلا عليها الباب بدون ماتطقه وهي جايه لها مسرعه شافتها جالسه ع سريرها
وتقرأ قرآن أنتظرتها غلا ع ماتخلص وجلست جنبها ع السرير
دقايق وسكرت رؤى القرآن وباسته وحطته جنبها بالكوميدينه وإلتفت لـ غلا
غلا : وينك ؟ آمس كنت آنتظرك وماشفتك من لما رجعتي من طلعتك مع نور
رؤى تنهدت : شوي شوي علي
غلا لوت فمها : بنت وش فيك
رؤى بلعت ريقها : سيف إتصل
غلا طيرت عيونها : من جدك
رؤى هزت رأسها بإيه وتنهدت بضيق
غلا رحمتها : طيب وش قالك
رؤى قالت لها كل شـيء صار بالمكالمه والعبرهـ خانقتها
غلا تنهدت بضيق : إستهدي بالله ولا تفكرين كثير
رؤى نزلت رأسها :.....
غلا رفعت رأس رؤى : خلاص ماصار شيء وقلت لك إستهدي بالله
رؤى بهمس : والنعم بالله

أنا عايش مع العالم وكل الهم في صدري
وأحاول أخفي دموعي عن اللي يحبوني
أشيل الهم عن غيري حتى لوقسى دهري
وأسعدمن يحبوني لو الحساد لاموني
أناماهمني الا حبايب نزلوا قدري
عطوني الحب في الأول وتالي الأمر بكوني

بيت بو وسن / جنآح وسـن

أبو وسن بإبتسآمه : هاه يبه وسن وش قلتي
وسن تنهدت : يبه أنا رآفضه فكرة الزوآج حاليآ
أم وسن بعصبيه : ترى هذا ثاني وآحد ترفضينه وساكتين لك ولا نعرف السبب
وسن بلعت ريقها كله عشآنك ياعـزآم : عشان درآستـي أبي أخلصها وأفكر بعدين بهالخرآبيط
أم وسن قآمت من مكانها وهي تهز رأسها بعدم رضـآ
أبو وسن تنهد وطالع في بنته وسن : يبه وسن ترى الي تقدم لك مافي منه
وسن بضيق : يبه الله يخليك لا تغصبني ع شيء ماأبيه ولا تنسى إني بنتك الوحيدهـ
أبو وسن ضاق صدره عليها و قآم من مكانه : ع العموم أنا مو رآد عليه الحين بنتظرك تفكرين زيـن بمستقبلك
وسن :........
أبو وسن ماشاف منها آي ردة فعل وتنهد وطلع من الغرفه
أول ماطلع أبوها من الغرفه آخذت الجوال وإتصلت ع طوول عليه
رنه ورنتين وتلحقها الثالثه ولا فيه رد ولا شيء إنقهرت حيل ورمت الجوآل بقهـر
ومسكت رأسها بعصبيه وضغطت عليه يعني لمتى ياعـزآم مطنشني لمـــتى ؟
هذي جزآتي إني تعلقت فيك وحبيتـك

بيت بو فهد / جنـآح فآرس & خلود

خلود بخوف : فارس
فارس ترك اللاب وإلتفت لها : نعم
خلود بلعت ريقها : آحس بآلم فضيييع آخاف ولادهـ
فارس تنهد وقرب لها : خلود وبعدين معاك خلاص لا تخافين ولا نسيتي آمس رحنا المستشفى وكآن آلم عادي لا ولادهـ ولاشيء وأنتي توك دآخله السآبع
خلود تنهدت : آخاف يصير نفس سارا
فارس : لا مو صاير نفسها يعني أرتاااحي
تنهدت خلود بتعب باااالغ وإستلقت ع السرير
فارس طفـى اللاب حقه وتركه ورآح لها وإستلقى جنها وهو يغطيها بالفرآش : هاه كيف صرتي الحين ؟
خلود بهمس : الآلم يروح ويجي
مسح ع شعرها بحنااان : إن شاءالله خير
خلود وهي تتلفت : فارس وين سارا
فارس : ناامت من ساعه تقريبا
خلود تنهدت : يابعد قلبي آنا بالعادهـ تغثني ع ماتنام
فارس : ههههههههههه لا أنا معاي ع طول تنااام
خلود تمسح ع بطنها : يالله بكره إن شاءالله يجي آخوها وتنبسط معااه
فارس تنهد : إن شاءالله وتقومين بالسلامه يارب

صبآح اليوم التآلي

بيت بو فهد / جنآح غلا & فهد

غلا وهي تطالع الساعه : فهد مو رآيح اليووم
فهد هز رأسه بـ إيه : إلا بروح بس بيتأخر دوآمي شووي سلطآن ماسك الشغل عني الحين
غلا بلا مُبآلاه : آهاا
فهد : تجهزي بكرهـ آو بعدهـ لطلعت المزرعه
غلا إلتفت له متفاجئه : من جدك بنروح لها
فهد إبتسم : إيه ليه ماقالت لك رؤى
غلا هزت رأسها بـ لا وهي طايرهـ من الفرحه : لا هالدوبه يمكن عارفه ولا قالت لي
فهد : ههههههه خلاص هذآني قلت لك
غلا : الحمدالله مشتاااقه لها حيييل
فهد قآم من مكانه وآخذ شماغه من الشماعه
غلا تنهدت بضيق : بتطلع
فهد : إيه لازم آمر شركتي الحين
غلا ضااق صدره صايرهـ ماتحب البيت بدونه
فهد عقد حوآجبه من تغير حالها فجأه : وش فيك ؟
غلا تغصبت الإبتسآمه : ولاشيء
فهد ماقال لها شيء لبس شماغه وطلع متجه لسيارته تحت
بعد ماإختفى من إمامها قآمت بضيق ورآحت ترتب الغرفه لحين وصوله

شقة آهل رنـا

بعدت الفرآش عنها وقآمت من السرير بفضل إزعاج آختها الصغيرره
رتبت السرير عقبها وإلتفت لروآن : وين آمي يالمزعجه
روآن إبتسمت : بالمطبخ
رنا قربت منها وقبصت خدها : ثاني مره لاشفتيني نايمه ياويلك تقربين مني
روآن : ههههههههه
رنا إبتسمت ع ضحكتها وطلعت من الغرفه متجه عند أمها بالمطبخ تسآعدها
أول مادخلت للمطبخ تفاجئت بمنظر آمها اللي كانت رآكبه فوق الكرسي تحاول توصل للإغراض الموجوده فوق الدولاب : يمه وش تسوين ؟
أم سعود إلتفت لها وكانت بترد بس إفلتت رجلها وإزلقت من الكرسي وهي طآيحه ع الإرض وكأنها جثه هامده
رنا صرخت بإعلى صوت هز أركان الشقه : يمآآآآآآآآآآآآه
رآحت لها تركض والدموع تنزل ع خدها وورآها الشغاله وهي تصرخ وتبكي تنااادي آمها : يمه يمه قومي وش فيك يمممممه
سعود أخوها سمع الصرآخ وجاء يركض من الصاااله وإنصصدم من المنظر وماكان إمامه إلا الصرآخ مع رنا والبكااء المؤلـم ~

بيت بو نواف / جنآح دآنا

قآمت بكسل ع صوت رنين جوآلها رفعت الجوآل بكسل وشافت المتصل وفزت له وردت : آلو
وليد إبتسم ع صوتها المبحوح والناعس : آحلـى آلو
دانا إبتسمت بخجل : هلا وليد
وليد : لبى الصوت ورآعيته ,, كيفك حيآتي
دانا عدلت جلستها : تماام وأنت
وليد : سمعت صوتك وصرت بخير . حُبي أنا دقيت عشآن آخذك بعد سآعه لإهلي
دانا طالعت ساعتها : الساعه 11 ونص الصبح مبكرين حيل
وليد : غدآك عندنا سعاد مُصرهـ ع هالشيء
دانا إبتسمت : اوكي عشان سعااد
وليد بإستهبال : وآخو سعاد
دانا بضحكه : ماله شيء
وليد مسوي زعلان : آفاا
دانا : هههههههه
وليد : دوم الضحكه .. المهم آجي آلقاك جاهزه بعد ساعه إتفقنا
دانا تنهدت : اوكي إتفقنا

كليـة البنآت

رؤى بتأفأف : ماصااارت صار لي ساعه آنتظر هالسوآق الزفت
نور : هههههههه هدي يابنت الحلال
رؤى تضرب برجلها ع الإرض بقهر
نور بإستهبال : عز الله صارت زلازل من ورآك
رؤى ضربتها ع ظهرها : دوبه
نور ضحكت عليها بس فجأه تبدلت الضحكه لتكشيرهـ ممزوجه بصصدمه
رؤى إستغربت من نور اللي كانت تطالع إمامها : بنت وش فيك
نور آشرت لبنت تقرب منهم وع وجهها آعرض إبتسآمه
رؤى إلتفت للبنت وكاانت الصدمه عندها بس آخف : وش جابها ذي مو تركت الدرآسه من آكثر من شهرين
منال بإبتسآمه : السلآم
نور صدت عنها وبعدت
منال : ههههههه ترى السلام لله ياحلوو
رؤى عصبت : أنتي تعرفين الله آصلا
منال تنرفزت بس ماوضحت : وأنتي وش عليك أنا جايه لـ نور وحامله لها آمانه
نور إلتفت لها وغضب الدنيا فيها : إسمي إشرف من إنك تنظقينه يالحقير يالس,
منال قآطعتها بضحكه : ماااعليه ترى مانسيت الحلوه والمره اللي بينا
نور إنقهرت ودمعت عينها وتنعاد عليها تفاصيل ذكريات الشقه
رؤى سحبت نور لها ورفعت يدها لـ منال بتهديد : إذا ماإنقلعتي من هنا قسسم بالله لإجيب اللي ينفونك الحيين
منال قلبت عيونها لرؤى وإلتفت لـ نور وإبتسمت إبتسآمه إستفزآز لها : عزآم يسلم عليك
نور بلعت غصتها وسكتت لو تبي تتكلم بكت ع طوول
منال ناظرت فيهم من تحت لـ فوق وضحكت وإلتفت عنهم ومشت بطريقها
رؤى بقهر : كان ودي إمسكها وأنتفها تنتيف إعلمها إن الله حق
نور تنهدت بضيق : خلاص رؤى ماصار إلا كل خير
رؤى رحمتها : يابعد عمري لا تتضايقين من هالنوع الحقيرر
نور دمعت عينها :......
رؤى جت بتتكلم بس رن جوآلها وكان الساايق
قربت لنور وبوست خدها : هذا السايق بطلع له وإذا وصلت بتصل عليك اوكي
نور هزت رأسها بـ إيه بدون ماتنطق

المستـشفـى ؛

حضنت آختها الصغيره اللي كان بكاءها يقطـع القلب وهي آكثر وهي تدعي من دآخلها لإمها
اللي دخلت المستشفى وحالتها حرجه وماتدري عنها إلى الآن
سعود يمسح دموعه : رنا خلاص إن شاءالله آمي بخير
رنا بآلم : يااارب ساااعدها وقومها بالسلآآمهـ يااارب
روآن بصوت مبحوح : رنا آبي آمي لاتروح نفس بابا
رنا بكت من كلامها وزآدها هم وهم
سعود قآم من مكانه وإتجه للشخص اللي جاء عندهم آول ماشافهم سلم عليه وجلسْه جنبه
يوسف : هاه حبيبي سعود وش آخبار آمك الحين
سعود هز كتوفه بمعني مادري
يوسف رفع رأسه وشاف رنا اللي كانت بعيده شوي وجالسه ع مقآعد الإنتظار وتبكـي وآختها جنبها
تنهد بضيق وإلتفت لـ سعود وهو يشوف الدموع بعيونه :لا ياسعود آنت رجاال والرجال مايبكون
سعود مسح دموعه : بس آمي تعبانه
يوسف إرحمه : إن شاءالله تقوم بالسلامه
سعود بهمس : إن شاءالله
يوسف : بسألك من جابكم هنا
سعود : السايق اللي جبته
يوسف : آهاا
سعود : عمي يوسف آنت من قالك إنا بالمستشفى
يوسف تنهد : الشغاله لما إتصلت ع البيت ردت وقالت لي وعرفت المستشفى لإنه قريب منكم

رنا اللي كانت تمسح ع ظهر أختها وتهديها شافت الدكتور طلع من الغرفه وفزت له بسرعه
وهي تاركه آختها ورآها وقالت : بشـر
إلتفت لـ يوسف الي كان نفس الكلمه وبنفس الوقت
الدكتور قطع حبل أفكارهم : تبين من طيحتها كسر بالرجل اليمنـى وضربه بالرأس خفيفه لكن تحتاج لعنااايه
فااائقه وخصوصا إنها كبيره بالسن
رنا دمعت عينها : دكتـور عليها خطر
الدكتور : الخطر متوآرد لها إذا إشتغلت وهي بهالسن
رنا جلست ع كرسي بتعب وهي تحمد الله ع سلامتها
يوسف تنهد : الحمدالله مشكور دكتور
الدكتور وهو يصآفحه : ولو هذا وآجبنا
يوسف إلتفت لـ روآن وهي تبكي جنب رنا إبتسم ع شكلها وشالها بحضنه : خلاص يابابا أمك بخير إن شاءالله
روآن مسحت دموعها : بس شوف رنو تبكـي وزعلانه
يوسف إلتفت لـ رنا : رنا
رنا اللي كانت منزله رأسها وتبكي رفعته له تنتظر كلامه
يوسف إبتسم ع عيونها الي كانت وآضحه منظر الدموع الممتلئه فيها وهمس : عشان الصغار تحملي
رنا هزت رأسها بـ إيه وقآمت من مكانها وهي تعدل عباتها
يوسف باس روآن : لا تبكين عشان نروح البقاله
روآن إنبسطت وهي تمسح دموعها بطفوله
رنا بهمس : جزآك الله خير
يوسف إكتفى ببإبتسآمه
سعود قرب لهم قاطع نظراتهم وحوآرهم : رنا ماقالك الدكتور عن آمي متى تطلع
رنا تنهدت : من الخوف نسيت أسأل عن خروجها وحتى عن دخولي عندها
يوسف وهو ينزل روآن من حضنه : آدخلي عندها ع مسؤليتي وأنا بروح الدكتور وأسأل عنها
رنا مسكت روآن ومشتها معاها لغرفة آمهاا
دخلت الغرفه بخطوآت بطيئه وهي تلفحها برودتها وبيدها آختها
مشت ناحية سريرها وهي تغمض عينها من منظر آمها المؤلم المتعب بالنسبه لها
كانت حالة أمها مُتعبه للغايه والجهد وآضح بوجهها الشاحب ويغطي رأسها الشاش الإبيض
ورجلها المجبرهـ ومرميه ع السرير بشكل مؤلم ومحزن قطع قلوب بناتها عليها
رنا قربت لإمها وهي تبوس جبينها وبهمس عشان ماتصحيها : سلامتك يالغاليه
ألقت نظره ع شكل أمها المُتعب وهي تدعي لها من دآخلها من قلب

المواضيع المتشابهه لموضوع: رواية رماني وقال مابيها لموضوع: رواية رماني وقال مابيها
الموضوع	كاتب الموضوع	المنتدى	مشاركات	آخر مشاركة
رواية وانتبه لك ترى روحي معك رواية سعوديه للكاتبه	الحب ياسمين	همس للقصص وحكايات وروايات	9	4 - 4 - 2019 10:13 AM
رواية فهد و نوره رواية رومنسية سعودية كاملة	سجات التهاويل	همس للقصص وحكايات وروايات	23	8 - 6 - 2018 01:07 PM
وكل الناس مابيها مدامني داخل احساسك	همسه الشوق	همس عالم ادم ازياء الرجل عالم الرجل العصري	5	29 - 12 - 2014 08:40 PM
الهوي رماني في بحرعيونك	همسه الشوق	همس عالم ادم ازياء الرجل عالم الرجل العصري	6	23 - 11 - 2014 05:52 AM

الذين يشاهدون محتوى الموضوع الآن : 1 ( الأعضاء 0 والزوار 1)

الأعضاء الذين قاموا بتقييم هذا الموضوع : 0
لم يقوم أحد بتقييم هذا الموضوع

رواية رماني وقال مابيها

همس للقصص وحكايات وروايات