18 - 7 - 2021, 09:40 AM
|
| |
|
ياللي طريت ماضي الغرام
 
ياللي طريت ماضي الغرام
ياللي طريت ماضي الغرام في دليلك
دامك ذكرته لاتقولّي طويته
اســأل مجــرب قبـلـك الله وكيلك
سنين وانا مفارقه مانسيته
هذا الهوى يــاخوك لابـد يـجيلك
منه الجروح الداميه والمميته
لكـن تخيّر بالهـوى اللـي يشيلـك
يخلص لك النيات لامن وفيته
يرخص جميع الخلق وانت يعني لك
لبيه تشرح خاطرك لادعيته
وفي عيونه مايجي حـد مثيلــك
تـشوف قدرك عاليٍ لابديته
يغفر لك الزله ويرضى بقليلـك
مايطمع الا كود فالقلب بيته
يبيع كل اللى وراه فـي سبيلـك
درب الوفى لامنّ لجله مشيته
واسمى هدف له انه يصبح حليلك
يشاركك حسب الشريعه مبيته
ياسعد عينك كان مثله خليلك
ماهي خساره لو بروحك فديته
الموضوع الأصلي :
ياللي طريت ماضي الغرام || الكاتب :
النورسيه || المصدر :
شبكة همس الشوق |
الأعضاء الذين قاموا بتقييم هذا الموضوع : 0
عضويتي
العرض الشجري
