روايه حبيتك و ماشفت بعدك شخص اقدر احبه

#1 23 - 7 - 2021, 11:47 PM

روايه حبيتك و ماشفت بعدك شخص اقدر احبه

نبــدأ

رواية حـبـيـتـك ومـٱشـفـت بــعـدك شـخـص آقـدر آحـبـہ ♡

الكاتــبة : خيّالهـ أو fancy1202
عدت بعد أن رأيت التقدم الكبير بروايتي الأولى
رواية أصـلاً حياتگ بس مجرد وجوديـ !!

في هذه الرواية سأجمع بين الكثير من المشاعر..الكثير من الأحاسيس..الكثير من الأفعال...الكثير من الأمور..الكثير من الكوارث...و الأهـم الكثير من الحــب!!

سوف أروي لكم أحداث قد تكون أغلبها حقيقية...و أغلبها لم تحمل ذرة مصداقيه...وسمعت بروايتي الاخرى ضعي هذا و لما هذا...؟؟؟ لكن روايتي الاولى كتبت نفسها من قبل...فليس ليدي جدوى سوى الكتابة!!

مشاكل مجتمعنا لا تنتهي...حروب...خوف..ذعر..غضب...عدوم المشاعر...العدل..الإعجاب..الحزن...الثقة..الفرحة..ا لشجاعة..القوة..الضعف...الصلابة...كلها معاني و المختصر (((المشاعـر)))!!

روايتي هذه أتمنى أن تنال أعجابكم..و تتلقى الدعم أكثر من الاولى...

ندخل أرجاء رواية
حـبـيـتـك ومـٱشـفـت بــعـدك شـخـص آقـدر آحـبـہ

خيرتني على فراقك - و خابرني / أكره
مدّ يد الوصل - و كفّ عني شر الغياب

لا تهايط عَ رأسي - ترى الفرقاا / مره
شف سحاب دمعك - كيف بللّ الثيابَ

نبدء الـــرواية...& البارت الأول

الموضوع الأصلي :‎ روايه حبيتك و ماشفت بعدك شخص اقدر احبه || الكاتب : || المصدر : شبكة همس الشوق

23 - 7 - 2021, 11:51 PM

رواية حـبـيـتـك ومـظ±شـفـت بــعـدك شـخـص آقـدر آحـبـہ â™،

البــارت الـأول..
1- بـــداية أحـزآن..

@ @ @

ترررررررررررن

قعدت بسرعه مخترعه و خايفة لفت..شافت انه جرس المنبه..تثاوبت و قفلت المنبه..تمغطت و نزلت من السرير متوجه للحمام...غسلت وجهها و نشفته و توضت ..طلعت من الحمام تصلي العشاء...لان من طبايعها تنام بالصبح و بالليل تقوم...
خلصت صلاة و قرت وردها...وقفت و كفست السجادة...نفسها منسده لانها توها قايمه...سوت لها كوفي من المطبخ التحضيري الصغير اللي جنب غرفتها و قعدت في البلكونه...و بدء عقلها يسرد لحظات و مخاوف حزينه و مرعبة لها...هذي حالتها اذا قعدت بروحها...

تذكرت الجنس الخشن (( الرجال ))...تكرهم ..تكرهم موت ...تذكرت كل مخاوفها ..كل لحظاتها المرعبة...كل لحظاتها الحزينه..كل الأسهم تشير أن الفاعلون هم # الرجال #..

ابتسمت بحزن وهي تناظر الجو الهادي ..السماء سودا و القمر منور بالحيل و الشجر الاخضر و الهواء البارد...و الرياح الهادية....ابتسمت بحماس...و وقفت نزلت تحت و خذت لها صندوق فيه كاكاويات و حلويات و شيبس...مسكته و في يدها الثانية الكوفي...قعدت عالكرسي و الطاولة حطت عليها الصندوق و الكوفي...طلعت تليفونها ابو كشاف (( بتتسالون بس خلوها بعدين ))..ودقت على رفيقة عمرها..

بعد خمس دقايق من المحاولة ردت بسرعه : سوري بسومه والله كان صامت ماشفته

بسمه ببتسامه : شفيك عجلة عادي ماصار شي...شلونك نونو..

نورة ببتسامة : الحمدلله تمام...هاه اشوف المخ مروق وش فيه...؟؟

ضحكت ..بسمه : حاسدتني على الروقان..اجل تعالي اقعدي معي..

نورة بصدمة : الحين من جدك

بسمة وهي تشوف الساعه : شفيها توه الساعه ...الحين ثمان تعالي تعشي و روحي

نورة بيأس : طرده يعني

بسمه بسرعه : وش هالكلام نورة الله يهداك..انتي الداخله وانا الطالعه ...ماله داعي ذا الكلام...

نورة بضحكة ؛ ادري ادري المهم اسمعي..بجيك و بجيب معي العشاء اوكي..شاورما يحبها قلبك من مطعم الساري

بسمه برجاء : بليز جيبي كثير حدي جوعانة..

نورة بعصبية : ما جاب لك الاكل جعله المرض

بسمه بسرعه : استغفري يابنت هو يجيبها اخر الاسبوع..وتونا على اخر الاسبوع

نورة بصدمة : بس المطبخ فاضي

بسمة بضحكه : عادي..وبعدين مو من كثر اكلي اللي اكله..المهم لا تطولين انتظرك بالحديقة..

نورة : اوكي اجيك بعد نص ساعه باي

بسمة : باي

ناظرت حواليها كل هالعز و الجاه و الفلوس و الاسهم اللي برصيدها ..ماونستها...مافرحتها...بالعكس غير ماجابت لها الا التعاسه...

تذكرت موقف يومها صغيره بنت الثمان سنوات...خطفتها عصابة عشان فلوس...وكان يتحرشون فيها...وبعذ مادفع ابوها الفلوس احذفوها عند الباب وراحوا تاركينها....

نزلت دمعة حارة علئ خدها بسبب الذكرى الأليمة هذي ولا شي من الذكريات الباقية... رجعت راسها وراء و ناظرت السماء ...
بسمه بهمس و صوت متحشرج : يارب عونك و معونتك..يارب هونها على قلبي
وقفت و صارت تتمشى بالحديقة...ناظرت الباب الكبير اللي ماقد تخطته...مو مسموح لها حتى تمر من جنبه....ابتسمت بحزن ماقد اكتشفت العالم...ودها تستكشف الاماكن اللي تسمع عنها من نورة...ودها تشوف الكعبه وجه لوجه مو بس صورة و فيديو على التلفزيون...ودها تتعرف على بنات شي زي كذا...الله ما حط في طريقها غير بنت وحدة وهي نورة...تعرفت عليها من ايام المتوسط...و لا كانت تعرف عنها شي..وكبرت و كبرت...وبدت علاقتها مع نورة تشتد اكثر إلين صاروا روحين بجسد..كل وحدة تحس بالثانيه...مافيه يوم جاء في بالها شي و لا علمته نورة او نورة عرفته من نفسها...ماكانت تخبي عليها شي..وخاصه الاشيااء الكبيرة....عشان لاصار الله يكفينا شره يكون نورة عندها خبر....

وقفت و مسحت دموعها اللي صارت تهل اكثر من اول...ابتسمت بحماس لما تذكرت ان نورة بالطريق...غسلت وجهها و جهزت كاسيين كوفي..لها و لنورة...
سمعت صوت مشي اقدام...لفت بفرحه و الكاسين بيدينها...

طاااحت الكاسات من يدينها...وهي تناظر اللي قدامها...ارجيلها ماشالتها ....ناظرته بهيبته و طوله الفارع...فتحت عيونها على الاخر هي مو بكابوس من كوابيسها...

سمعت صوته الجهووري البارد : شلونك بسمة

بسمة عرفت ان وراه شي...ابوها مايجي الا وراه كارثه.. ماقدرت ترد..تحس صوتها راح...تكلمت بعد مابلعت ريقها اكثر من خمس مرات : بـ ـخيـ ـر

ناظرها بشفقه من فوق لتحت...وقال بسخرية : كبرتي يا بسومة..يا حبيبة ابوك..
تجمدت نبرته ماتدل على خير..
كمل بنفس النبرة : اسمعيني زين..ولا ابي منك ولا كلمة لان رايك مو مهم عندي..فيه واحد خطبك مني..و بوسي بدك من وراء و قدام عنده خير يغطي على خيرك..ابيك توقعين فيه...ابيه يطيح بالسوق..ابيك تعطيني كل اوراقه...واذا خسر بالسوق..لك مني اللي تبين..

وقف شعر جسمها من الكلام اللي يقوله...هي تكره اصناف الرجال كلها...شلون تعيش مع رجال...لا وفوق هذا كله تخونه...خلني اتقبل الاولئ عشان اتتقبل الثانيه....وبين زحمة افكارها شافت حريتها...يمكن اذا صارت عند الرجال تقدر تهرب بدون مايدري و بدبر شقه من عند نورة...او انها تطلب حريتها الحين

بسمة بصوت خفيف : موافقه ..بس ابي حريتي لا تطلقت منه ولا عاد ارجع لك مرة ثانيه..

ابتسم بستخفاف : موافق ..بس لازم يطيح بالسوق فاهمه..يعني تطيح شركته الكبيرة.

هزت راسها موافقه...طلع وخلاها ...جاء مثل الرياح العاصفه..وراح مخلف فوضى وراه...فوضى في بسمة..

ماحست الا وهي تقعد عالارض منهاره..تبكي بقوة...كيف صبرت وما بكت او نهارت وهو موجود...ماحست غير نفسها بحضن نورة..اللي بدت تواسيها و تشيل بقايا الكاسات عشان ما تأذي بسمة...

عرفت منها كل شي...

نورة بصدمة : وانتي موافقه..موافقة على كل شي عادي عندك

بسمة بهدووء : وش تبيني اسوي..ابي اتحرر من الحبسة هنا...و بعدين زي ماقلت لك...ماني مسويه اللي يقوله ابوي...بس لا صرت عند الرجال بهرب...وهو ماراح يحس فيني..

نورة فتحت فمها و ضربت بسمة على راسها : انتي شكل الافلام مأثرة عليك...من جدك تهربين..طيب عند من بتقعدين..

بسمة تناظرها : اكيد بستأجر لي شقه بأسمك انتي..عشان لادور علي مايلاقيني..ابتسمت بفخروكملت : ذكية صح

نورة صفقته على راسها بقوة من القهر اللي فيها : الا غبية و بقوة بعد...

بسمة بغضب و دموعها بعيونها : يعني وش تبيني اسوي اظل ساكته مليت من حياتي..خلاص والله حياتي مالها معنى..بس ذكريات حزن...خلاص ابي اجرب طعم السعاده...ماذكر مريت بشي سعيد..اصلا ما اذكر اني قد ضحكت..خلاص تكفين خلاص
حطت يدينها على وجهها و بدت تبكي بقوة و قطعت قلب نورة اللي بدت تبكي معها

ضمتها نورة : خلاص لا تبكين ..بما انه قرارك بكيفك..و تحملي اللي يجيك من وراه..

#####################

بعد مرور أســـبوعـين

نورة وهي تناظر بسمة : مسرع تمكلتوا..

بسمة بضحكه : شفتي كيف..بس احسن اني تزوجت وعمري ظ،ظ© سنه..مو صغيرة ولا كبيرة..

نورة تناظرها من فوق لتحت : انتي كبيره

بسمه بعصبيه مصطنعه : شقصدك

نورة تقلب عيونها : اللبيب بالاشاره يفهمون..قصدي واضح

بسمة وقفت تبي تضربها بس انحاشت نورة و بدوا يتجارون بالبيت..لين اتعبوا طاحوا على بعض وهم يضحكون و يتنفسون بسرعه

نورة بضحكه : هذا واحنا مقبلين على زواج

بسمة ببتسامه : خليها على ربك..

وقفت بسمه وهي تقول : امشي معي بكرة بروح لبيت عريس الغفله بدون عرس ولا شي...تملكت عليه اليوم وبكرة بيجي ياخذني..تعالي نكمل باقي الشنطة ..

صعدوا و بدوا يحطون الملابس ولما جاو بيسكرون الشنطة..دست نورة كيس كبير بدون ماتنتبه بسمة..وكملت تسكر الشنطة..وهي تقول يعني ماسوت شي : نسيتي شي

بسمة تتذكر : لا كله موجود ..بس مو كأنه كثير شنطتين كبار

نورة تناظرها من فوق لتحت : تبين تروحين بملابسك الي عليك يعني...

ناظرت بسمه بنطلونها الجينز اللي واصل لخصرها..و بلوزتها الحمراء و مخططه باسود توصل للخصر بعد : ليه وش فيهم..يهبلون..

نورة بستخفاف : لا والله ايه يهبلون..ماشاء الله ذوق انتي

بسمة برفعة حاجب : اجل شنو قالولك نورة على غفله..

حذفتها بالفاين : انتي صيري ربعي و تصيرين بخير..

بسمة ببتسامه وهي تنسدح عالسرير: ماني مصدقه اني بتزوج لا وبكرة بعد..اليوم تمت الملكه وماشفته ولا شافني...الله يستر من بكرة...

نورة بتردد: بسومه..بسألك شنو بتسوين مع عقدتك مع الرجال...

ارتجفت بسومه وقالت بتقطيع : يحلها الف حلال ذاك اليوم

@ @ @

دمتم بود.

الكآتـبة : خيـّاآله آو fancy

أنــتهئ البـارت الأول..
رواية حـبـيـتـك ومـظ±شـفـت بــعـدك شـخـص آقـدر آحـبـہ

23 - 7 - 2021, 11:54 PM

رواية حـبـيـتـك ومـظ±شـفـت بــعـدك شـخـص آقـدر آحـبـہ â™،

الــبارت الثـــاني..

2- مخـــاوف جـديدة...

@ @ @

ناظرت نفسها في المرأة ..تذكرت ان ابوها مارضئ تفشله في الرجال...و ارسل مجموعة من صالون مختلف..كل وحده تسوي شي مختلف...اللي شعر..واللي بدكير و منكير..واللي مكياج..واللي تشوف وش يحتاجها...

ناظرت شكلها النهائي و الدموع شوي و تنزل من عيونها..نورة ماجات اليوم لان زوجها مريض...و الحين هذي هي بسمة توقف قدام المرأة تنتظر موتها...

تذكرت ابوها لما دخل قبل دقايق..

قبل عشر دقايق...

ابو بسمة بوجه بارد : فهمتيني صح....ابيك تتغافلينه ..لين تاخذين الاوراق المهمه...ابيه يطيح بالسوق..ولو فكرت بس فكرة انك بتخلفين باللي بسويه..راح تسمعين خبر وفاة صديقتك..ايش كان اسمها ...نورة صالح ال.....فهمتي ولا اعيد.

وطلع بعد مانثر الملح و الليمون
على جرحها المفتوح
سمعت وحدة من الخدم تقول : انزل بابا يبي..

طلعت بفستانها الكحلي..اللي اشترته نورة قبل بيوم...وشعرها الطويل الاسود اللي يوصل لاخر خصرها..مسويه فيه بف و اطراف الشعر فير...و المكياج كان دامج الذهبي و الكحلي...بس كان ناعم و ناسب وجهها..و الروج احمر...و الفستان الكحلي كان مخصر على جسمها و طويل و من عند الصدر مطرز بذهبي .

طلعت و وصلها ابوها لباب السياره..كانت تسمع اصوات بس كل شي حولها تسكر..كانت ترتجف و منزله راسها...

بعد ماوصلوا البيت..او زي ماوصفته بسمة..كان قصر..كبببير و اربع طوابق....و الفخامة و العز باينه من باب القصر..

نزلت وراه لما نزل..وهو طول الطريق ماتكلم..وشكرت ربي على ذا الشي

نزلت وراه دخل و فتح الباب..دخلت وراه وراسها للحينه تحت..سمعت صوته الجهوري..

هـو : لــيزا
جت رئيسة الخدم :يس سير
هو بخشونه : جمعتي اغراضك و اغراضي بالشنطة
ليزا : يس سير
ناظر جهت بسمة وقال وهو يشوفها منزلة راسها : انا مسافر بشغله مهمه يمكن بعد كم شهر اكون موجود ..و الخادمه هذي بوديها المكتب..أهتمي بشؤونك بنفسك..واذا بغيتي شي الحارس عند الباب...

لف علئ ليزا : يالله

طلع هو و الخادمة...ناظرت بالباب اللي تسكر..من جده ذا.. معقولة تركني بليلة زواجنا...لاوبيخليني بروحي اكثر من شهر...بس الحلو في الموضوع اني ماراح اشوف وجهه..بس هو وش اسمه...؟؟حتا اسمه ماعرفه..الله يخلف

صعدت فوق بفستانها..ودخلت غرفة كان جنا كبير..يربط بين الاحمر و الذهبي...عجبتها الغرفة كثير..كانت كبيرة و واسعة كثييييير...
دخلت الحمام و فصخت ملابسها و مسحت المكياج و تسبحت..طلعت وتاكدت اذا مقفله الباب حق غرفتها...كانت لابسة فوطة ولافتها على جسمها توصل لنص فخذها وشعرها متموج خلفها...فتحت شنطة ملابسها و بدت تحط الملابس بالكبت..مع ان الكبت كلن مترووس ملابس. ..زحفتهم وحطت ملابسها اللي ترتاح فيها. اخذت لها ملابس. بجامة بنطلون رصاصي واسع و يتضيق بخيط عند الخصر...وبلوزة سودا علاق ضيقة...
طلعت تتمشئ تستكشف...كل الغرف مسكرة الا المكتب فتحت وبغئ يغمئ عليها من الدهشة.. مكتبة كتب كبيييييرة..بسرعه راحت تتفحص الكتب بحماس..وتقول بتقرآ هذا ولا هذا...و كان فيه كتب نادرة...و روايات عالمية...و كانت هي من عشاق الروايات ..و رومانسية بالحيل..

صعدت فوق وهي تشوف ساعة يدها..9: 00 ضبط بالليل...الحين بتروح تنام واذا جاء بكرة يحلها الف حلال...فتحت شنطة يدها و طلعت مصباح كبير...

انسدحت عالسرير و شغلت المصباح و ضمته...و نامت..

@ @ @

الساعه 10 صباحا

ناظرت الجو..رووعه نسمات هواء مع شوية براد...اخذت كوب الكاتبشينو ..وناظرت من بلكونة غرفتها..تفحصت الحديقة الواسعه..اتسعت عيونها بصدمة وهي تناظر الرجال اللي لابس بذلة سودا و ماسك علئ وجهه باللون الابيض..وملامح الماسك..ملامح احباط...استغربت و بقوة. مستحيل يكون عريس الغفله.. نزلت كوبها...

نزلت بشويش لين وصلت للحديقة...ناظرت المكان اللي واقف فيه...واقف يسقي الزهور...وملامحه ابد مو مبينه بسبب القناع
اللي حاطه على وجهه..بس القناع غريب...لونه ابيض و ملامح الاحباط مرسومه على القناع...راحت المطبخ..واخذت سكين..رجعت للحديقة..جمدت لما ماشافته...وين راح ..معقولة يكون هرب..امداه...

تشنجت حواسها و مفاصلها لما سمعت
.......: صباح الخير..

بلعت ريقها اكثر من خمس مرات و لفت عليه...شافته واقف بستقامة وملامح وجهه و تعابيره خافيها القناع..وحاط يدينه وراء ظهره...تراجعت على وراء و السكين مصوبه راسها جهت هالشخص اللي ماتدري شيسوي هنا...

رفع صوته بمعنى ردي : صبااااح الخير
ظلت تناظره خايفة ..قالت بتقطيع : مـ ـنو أنــ ـت ؟؟؟؟؟؟
ابتسم من خلف القناع على شكلها و انحنى بحركة نبيلة : معاك رفيقك للأبد...هانز
ناظرته برفعة حاجب مستغربة اللكنه و الاسم..يستعبط علي...
كمل بصوت عالي بالنسبة لبسمة : وانتي على حسب ظني..بسمة..او مثل ما يدلعونك بسومة صح؟؟؟

فتحت عيونها من الصدمة ...لا يكون جني..غمضت عيونها وبدت تقرأ كل السور اللي حافظتها.. بعد دقيقة ضبط..فتحت عيونها....سمت بالرحمن يوم ماشافته شكله طلع جني..لفت تبي ترجع...شهقت يوم شافته قدامها...وبحركة رشيقة منه سحب السكين و حذفها...مخلف السكين وراه صوت مزعج بسبب ارتطامه بالسيراميك....شهقت و عيونها ترامش بخوف و ذعر....قرب منها و مسك يدينها الثنتين و حطهم على كتوفه العراض...و بحركة سريعة كانت بين يدينه ...شايلها...حست نفسها تحلم...مستحيل يكون هذا الشي صدق....قرأت المعوذات...حست بالدفئ بالرغم انه لابس بدلة...حست بجسمه...حست انه بيغمى عليها من الصدمة...شدت على رقبتها....وماحست بعيونها غـير ظـــلام...

ناظرها وهي بحضنه..ابتسم طفلة ماتتغير...سدحها عالسرير...و غطاها....خلع القناع..قرب من راسها و باسها على جبهتها...رجع لبس القناع ...وطلع مسكر الباب..ومطفي الليت...

@ @ @

دمتم بود

خــيآآله = fancy

أنتــهى البـارت الثانـي

23 - 7 - 2021, 11:55 PM

رواية
حـبـيـتـك ومـظ±شـفـت بــعـدك شـخـص آقـدر آحـبـہ â™،

البـــارت الثــالث..
ظ£ - حيــاة مــن جــديد..

@ @ @

الساعة ظ© صباحاً

فتحت عيونها بسرعه و قعدت..شافت نفسها عالسرير...ضحكت : ايه كنت حاسة انه حلم

بعد ماغيرت ملابسها و لبست بلوزة صفراء ضيقة و كم فيه وكم لا....و بنطلون بني...سكيني...و شعرها رفعته كله بس منزلة كم خصلة...و مرطب علئ شفايفها الورديه...و مرطب و واقي على وجهها..ونزلت..

دخلت اول شي المكتبة و دورت الكتاب اللي كانت تبي تقرأه...ابتسمت وهي تشوف سلسلة روايات احلام...اخذت رواية بائع الامل...و سوت لها كوفي و توست و بيض و جبن و لبنة و زيت زيتون و زعتر و معلبات الباقية...راحت للحديقة وقعدت عالطاولة و حطت الاغراض عالطاولة...مسكت الصينية و شافت كل شي مرتب..اخذت الصينية و ودتها...رجعت و وقف شعر جسمها من المنظر. .معقولة تكون للحينها تحلم...

ناظرت نفس الشخص اللي حلمت فيه...قاعد و يتصفح كتاب و حاط رجل على رجل..وقناع ثاني اليوم..يدل عالسعادة...مفتوح من عند الفم.. وشي بسيط من عند العيون...جمدت لما رفع راسه يناظرها...وقف ونزل الكتاب و قرب منها شافت شفايفه.. مبتسم على جنب...قرب منها و مسك يدها اليمين بيده اليسار...قعدها عالكرسي وهي تناظر فيه ...قرب منها الكوفي...و مسك توست و حشاها بلبنة..ومدها لها ببتسامه..

غمضت عيونها بقوة : اكيد انا أحلم اكيد انا أحلم..الحين بقوم من النوم...قومي يا بسمة قومي..
ناظرها و كتم ضحكته.. مسك يدينها الثنتين وضغط عليهم...فتحت عيونها و ناظرته بخوف و سمعته يقول : معاك صديقك للأبد هانز
بسمة بخوف : مافهمت شتقصد
اشر على نفسه : هانز
و اشر عليها : بسمة
بسمة وهي تعقد حواجبها : اسمك هانز..بس يعني شنو صديقك للأبد؟؟؟
هانز ببستامة : يعني متئ ماتبيني راح اكون موجود...وكل يوم راح أكون معك...
وتغيرت نبرة صوته : بس افتحي اذنك يا بسومة..اذا فيه احد معك ما اطلع ولا تشوفيني..بس اذا انتي بروحك بتشوفيني داقم معك.....فهمتي؟؟
هزت راسها بالايجاب..سحب الكرسي وقعد قريب منها..مسك التوسته باللبنه و مدها لها...اخذتها و كلت منها شوي..وهي طول الوقت تناظر فيه...

وخرتها من فمها وقالت بريبه : أنت أنسان و لا جني و لا ملاك ولا ايش ؟؟؟
قرب من اذنها وهمس : كلهم مع بعض..
وخر عنها و قرب الكوفي منها...تعوذت من الشيطان بنفسها...يارب احفظني..يارب مابي اموت الحين توني صغيرة..

قالت بتقطيع : أنت امس كنت موجود ؟؟؟
هز راسه بالايجاب
بسمة بلعت ريقها : أنت تعرف عني كثير؟؟
هز راسه بالايجاب
بسمة بتوتر : أنت تعرفني؟؟
ابتسم وهز راسه بالايجاب
بسمة صارت تحس اطرافها بيض فكرت تسالها سؤال.. : شنو هواياتي؟؟؟
هانز ببتسامة : القراء و الركض و السباحة
بسمة بذعر : منو صديقاتي؟؟
هانز بنفس البسمة : وحدة لا غير نورة
بسمة وهي عارفة ما راح يعرف هالشي : شنو اكبر مخاوفي؟؟
هانز بتغير بنبرته : الــرجآل
وقفت بسرعه و وقف هو معها..
رجعت على وراء : انت منو ...وشلون تعرفني...؟؟؟
صارت ترتجف بقوة و تحس جسمها بيتشنج ولا قادرة تتحرك..ناظر هانز ساعته..وناظرها

قرب منها و مسك يدينها و حطها على كتوفه و شلها..كان يحس بجسمها يرتجف...و يرتعش بقوة ...ناظرها وهو عاقد حواجبه..سدحها عالسرير..ولاحظها مغمضة عيونها بقوة..واول مانزلها عالسرير..لفت معطيته ظهرها و تكورت....كان يناظرها و بعد دقيقتين..حس بجسمها يرتخي بس تنفسها ما انتظم...لفها بسرعه له...وشاف وجهها المعرق وخدودها الحمرة و شفايفها...قرب يده بسرعه من رقبتها و صدرها يتحسس حرارتها..شابة نار...اكيد من الخوف و القلق...بسرعه فصخ قناعة...وحطه على جنب..دخل الحمام و عبئ البانيو ماء باررد شوي...و نزل تحت للمطبخ يجيب فوط...و صحن فيه ماء بارد...فصخ بلوزتها وكانت لابسة بلوزة علاق....والسكيني حقها فصخه وكانت لابسه سروال نص..شلها بسرعه بعد مافصخ جاكيت بذلته..و اتجه للحمام.. ..غطسها بشويش بالبانيو...وهي اول ماحطها شهقت..ورجعت هدأت بس صارت ترتجف اكثر من اول..مسك وحدة من الفوط...وغرقها بالماء و بدء يمسح جسمها...ناظر خدودها و شفايفها...بعد دقايق ...حس بحرارتها هددت...شالها و غير ملابسها ببجامة ثقيلة..و سدحها عالسرير..غطاها زين...قرب من جبهتها و باسها حس بحرارتها بشفايفه.. لبس قناعه..و حط الفوطة على جبهتها. وطلع بعد ما طفئ التكيف و الليت..

@ @ @

دمتم بود

خــيـآله _ fancy

أنتـــهئ البــارت الثـالثـ

23 - 7 - 2021, 11:56 PM

رواية حـبـيـتـك ومـظ±شـفـت بــعـدك شـخـص آقـدر آحـبـہ â™،

البـــارت الـرابـع
2- حقيــقة أم خــيال..

@ @ @

فتحت عيونها و شافت نفسها.. وفزت بقوة من السرير.. ملابسها مغيره.. بلعت ريقها بخوف...لمست نفسها...لا ماتحس بشي غير..وشعرها مبلل..و الفوطة كانت علئ جبهتها...وتحس بجسمها مكسر...

طلعت برا الغرفة وشعرها اللي مبلل يتحرك معاها...راحت الحديقة و ماشافته عند الزهور..راحت الصالة ولا شافته..

نادته بصوت عالي : هاااااانز......هااااااانز
ولما جت بتصعد الدرج بتروح لغرفتها شافته واقف على راس الدرج..
هانز بقناع مغطي عيونه بس : صباح الخير
جت بسرعه ركض لعنده : صباح النور...وين كنت..؟؟
اشر عالغرفة اللي جنبها : هناااك
ناظرته بقلق و قالت بأحراج و وجهها صار اشارة مرور : مـ ـلابسي من غَـ ـيـ رها؟؟
ابتسم ..انحنئ عشان يصير وجهه مقابل وجهها وبهمس : ليش هالسؤال؟؟
ناظرت عيونه و نزلت راسها بسرعه من اللمعه الماكرة بعيونه...مشت من جنبه و هي تقول بصوت واطي : لا ولاشي انسئ اللي قلته..
ضحك عليها و لحقها للغرفة : وجهك صاير احمر..
دخلت الحممام بعد ما اخذت لها قميص حلو يوصل لنص الساق باللون الوردي ..قالت بعصبيه :انشاء الله فسفوري مالك دخل.
وسكرت الباب بقوة...

انتظرها لين تطلع..انتبه لصورة عالكمودينه..قرب من الصورة ومسكها...عرفها مع ان شكلها هنا غير...كان شعرها مصبوغ خصل بنية...و طالع شكلها روعه....ولابسه فستان احمر يوصل للركب..وباين انه توها صغيره ماتجاوزت السبع تعش..وحاضنه مرة فيها ملامح من بسمة...بس المره باين من شكلها اجنبية..دقق شوي...لف لما سمع صوتها واقفه جنبه : أمي

عرف انها تقصد لما ماعرف المرة..مد لها الصورة : اسف ماقصدي اتعبث بأغراضك
هزت راسها بالنفي : لالا عادي..
اخذت الصورة تتاملها ببتسامه..وهو يناظرها بس لاحظ لما اختفت ابتسامتها..و رجعت الصورة مكانها...وراحت للتسريحه تزين شعرها..وهي تحاول تخفي الدموع المتعلقة برموشها..

ناظرها وعرف من حركة جسمها وش تحس فيه...ترتجف..بتبكي..ناظرها من المرأة...وشافها تحاول تخفي وجهها ..قرب منها لين صار وراها بالضبط...حط يدينه علئ كتوفها...ولفها له...انتبه لها منزلة راسها..رفع راسها باصبعه..وشاف دموعها...اول مرة يشوفها كذا...مسلوبة القوة...و دموعها تنزل بغزاره ولا راضيه توقف..لف يدينه حواليها وضمها لصدره بقوة..اول ماحست بأنه حضنها..ارتجفت رجفة قويه حس فيها هو..ماتبي تبكي ماتحب تبكي قدام احد..بس سمعت صوته الهامس مليان حنان : أبكي لو تبين لا تكتمين...
ما استحملت...لفت يدينها حوالين خصره..ودفنت وجهها بصدره تبكي...بكت بقوة و صارت تشهق..من زمان مابكت هالبكي..لسبب واحد انه يضعفها...
مسح علئ شعرها يهديها...ويمسح على ظهرها..ماتحمل صوتها وهي تشهق..زاد من احتضانها...

بعد حوالي عشر دقايق...
بعدها عنه بعد ماحس انها هدت...ناظرها مغمضه عيونها وسانده راسها علئ صدره..لف يده حول رقبتها من وراء ورجع راسها بلطف..فتحت عيونها بثقل وناظرته..غمضت عيونها ورجعت سندت راسها علئ صدره ..
سمعها تقول بصوت مكتوم..: للحيني ماعرفك..بس......... ارتحت لــك ..
استغرب من كلامها بس ابتسم..
كملت وهي ترفع راسها عشان تناظره : ليش ماتفصخ القناع..؟؟
نزل راسه يناظرها : كل شي بوقته حلو..
استكانت و بعد دقايق..بعدت عنه ورفعت عيونها له...ناظر عيونها الذهبيه...
قالت بهمس وعيونها شبه مفتوحة : تعباانه
مافيني حيل لأي شي...
قال بنفس الهمس : لا مايصير كذا..الحين تغسلين وجهك و تنشطين و تفطرين معي...
هزت راسها بالنفي....: مالي خلق..
اتجه للحمام وهي بحضنه : لا لك خلق..
دخلها بالحمام وغسل وجهها ..طلعها ونشف وجهها..وهي تضحك : احس اني بزر
ضحك : وهذا الصدق..
نزلوا تحت يفطرون وشافوا الفطور جاهز بالمطبخ...وكان من احسن مايكون..كانه فطور ملكي...فتحت فمها من الصدمة..
بسمة بدهشه : من اللي جهز الفطور ؟؟؟
هانز بتفاخر : احم احم
لفت عليه وبصدمة : انــت
هز راسه بالايجاب : نعم أنه انا
لفت عليه : خف علي يا فصحئ..هههههههه
ضحك عليها وقال : يالله نفطر...

قعدوا يفطرون..استندت عالكرسي وهي تبتسم بشبعه : الحمدلله يارب علئ النعمه..احس بطني بتنفجر
ناظرها بتأمل وهو حاط يده على ذقنه : بالعافية...
قربت من الطاولة وقالت ببتسامة : انت تعرفني بس انا ما اعرف عنك شي صغير..
سند ظهره عالكرسي وكتف يدينه على صدره: تفضلي اسئلي
بسمة ببتسامة وهي ترفع حاجب : ليش ماتفصخ القناع...؟؟؟
نزل راسه وثم رفعه : نأجل هالسؤال لين بعدين...غيره؟؟؟
ضحكت : لا عشان تلهيني بس لا تحاول متذكرة متذكرة..المهم..السؤال الثاني..من متئ وانت تعرفني...؟؟؟
هانز يتذكر : حوالي خمسة عشر سنة حولها تقريبا
فتحت عيونها عالاخير : تستعبط صح؟؟
هز راسه بالنفي
بسمة بصدمه : كيف يعني من خمسة عشر سنه....وانا ماعرفتك الا من يومين
تقدم من الطاولة وصار قريب منها : انتي تعرفيني من يومين ..وانا اعرفك من خمسة عشر سنه...سهلة
عقدت حواجبها وقالت : انت توأمي؟؟
فتح عيونه عالاخر وضحك بقوة
بسمة بعصبيه : لا تضحك..انت تعرف اشياء ماعرفها..يعني وش تتوقع تكون ردت فعلي..اوووف

كتفت يدينها على صدرها وهي عاضه شفتها ..بس فجاة طرأة في بالها فكرة..
وقفت وقربت منه وهي تقول بغموض : انت كنت معي حتى بالبيت اللي كنت ساكنه فيه بروحي ....صح؟؟

ناظرها و انصدم كيف عرفت..بس قال بصراحه : ايه كنت موجود..ليش..؟؟

بسمة بصدمه : كنت تلاحقني من يومني ببيتي...بس مو معقوله اني مالحظتك ولا مره في بيتي شدت على كلمة بييتي.و بسخرية :.ولاحظ اني قلت بيتي يعني شاللي مدخلك بيتـــي..

هانز ببتسامه : وش اول جمله قلتها لك من قابلك. ؟؟؟

بسمة بأستغراب : قلت لي على ما اظن..انك بترافقني للأبد..و انك زي خيالي...بس وش علاقة ذي بذي ؟؟؟

بس فجأة استوعبت كملت بضحكه : لا مو من جدك هههههه...المهم انت شسمك الحقيقي.؟؟؟ لا تقول هانز لهجتك سعودية وافلقني كانك امريكي...

هانز : ههههه اسمي ما اقدر اقوله معليش..اعفيني من هالسؤال..

وقفت وصارت تمشي متجهه للحديقة وهي تقول بسؤال : الحين ممكن اسألك..

هانز ببتسامه : انتي تسألين من غير طلب

بسمة ببتسامه بينت اسنانها البيض : مشكور...اممم ايه بسألك ..لو طلب منك احد تسوي شغله ....بس انت ماتبي تسويها..لانها يمكن تضرك...وش بتسوي؟؟

كانوا يتمشون بالحديقة بس وقفت وصارت تمشي مقابله يعني وجه لوجه...

هانز يرفع كتفه : سهله....الشي اللي يضرني لو ايش ما اسويه..حتى لو كان من غالي..

تنهدت و الأفكار تراودها. سرحت...ناظرها هانز..وقدر سرحانه...وظل ساكت.....

@ @ @

دمتم بود

خــيآآله = fancy

أنتــهى البـارت الرابـــع

23 - 7 - 2021, 11:58 PM

رواية
حـبـيـتـك ومـظ±شـفـت بــعـدك شـخـص آقـدر آحـبـہ â™،

البـــارت الخــامس
5-حقيـقة شعـور ...

معَ السّلامه ،
و الطّريق غْياب !!
و اللّي بقى :
لي بـ العُمر جرحين ..
جرحٍ يخيطه ،
سيّدي بـ عتاب ؟
و ثاني /
بخشّه لـ النّدم بعدين .

@ @ @

الحين الوقت مغرب..وهانز مابين...من قامت الظهر.. وهي مو لاقيته.. كانت دايم تشوفه قدامها......وقفت اول ماسمعت باب القصر ينفتح...رفعت عيونها وشافت شخص..داخل بشنطة سفر صغيرة..و لابس ثوب ابيض و غترة حمراء.. وشكله كان رزه...جمدت اطرافها ..وهي تناظره..لا يكون هــذا زوجـــي....

سمعت صوته الجهوري يناديها : بسـمة

جت بخطوات ثقيلة لين وصلت عنده بس بينهم مسافة كبيرة....ناظرها من فوق لتحت..كانت لابسه بنجابي لونه وردي غامق..و شعرها الكثيف الاسود..رافعته بخصل نازله منه...

سمعت صوته : شلونش بسمة...؟؟ انشااء الله بخير

ردت وهي تحس لسانها مشلول : بخير

قال وهو يصعد فوق : بصعد انام قوميني الساعه تسع ...

قالت بلعثمة : حاضر

صعد فوق..وهي واقفه مكانها...شكله انزرع بقوة بعقلها..جسمه متناسق و بنيته عضلية...اسمر بس بحلاوة...ملامح وجهه منسقه...حاجب كأنه مرسوم...و عيون سوود حادة..و شفايفه بنفسجيه..باين يدخن.....

ارتجفت و سرت قشعريره بكامل جسمها...الحين شبتسوي معه...فجاأة تذكرت ابوها...جمدت بمكانها....ناظرت المكتب اللي قال لها اللي مسمى زوجها ماتدخله...قربت من الباب و حطت يدها عالمقبض فتحته...بس ما انفتح مقفل...سمعت صوته الفخم يناديها : بسممممه

راحت بسرعه والخوف منزرع فيها...جته شافته لابس بجامه سودا ساده...بس مخليته جنتل مان..شافته مبتسم..سكتت ماتكلمت..

قال بنفس الابتسامه اللي تسحر : اذا ماعليك امر ابيك تجيبين لي سطل ماء حار بس مو كثير...و ملح...

هزت راسها ...وخلال خمس دقايق بالكثير كان السطل قدامه...قعد عالكرسي ودخل رجوله بالسطل..وخلال ثواني كان مسترخي..

طرأ في بالها سؤال بس سكتت..ناظرته كان مغمض عيونه ومسند راسه وراء ..

قالت بتردد : احم احم...

فتح عيونه وناظرها ...قالت بتعلثم وهي تف عيونه مركزة عليها...: انت زوجــي صح ؟؟

ابتسم بخفيف : يقولون..

بسمة ونظرها تحت و بصراحه : انا ماعرفت اسمك للحين..

ناظرها وهو فاتح عيونه عالاخر : ماتعرفين اسمي...معقوله..

نزلت راسها .وسمعته يضحك بستهزاء : لا تدعين البراءة يا استاذه بسمه...غيرك كان اشطر...وبعدين وافقتي علي بدون ماتعرفين من اكون...جديدة علي ذي....!!!!

انصدمت منه. .ناظرت فيه وعضت شفتها وهي تضوق عيونها وهو يناظرها رافع حاجب ..قالت بحده غريبه عليها : والله العظيم ..واللي رفع سبع سماوات بدون عمد...اني لا اعرفك ولا اعرف اسمك..ولا ادري حتى شلون صرت بذا المكان

ابتسمت نصف ابتسامه...و نزلت قاعده على رجيلها وهي كافستها....قدام سطل الماي...دخلت يدها بشويش...وبدت تدلك رجله...انصدم منها ماتوقع ذا الحركه ....يعني زوجته الاوليه اللي طلقها ماكانت تسوي كذا لو ايش...ولا كانت تطبخ...ولا كانت تنظف و فوق ذا كله مشرشحه....ماتعرف ترتب نفسها....

اما بسمه ماكانت تحس بالاهانه...لانها كانت تذكر ان زوجات الرسول كانوا يقدمون كل شي لراحته...فكانت حاطه قدوة لها زوجات الرسول صلى الله عليه و سلم...

بدت تدلكه.. بشويش...وتضغط الرجل من تحت من عند القدم...مكان العوار و المشي...تقريبا قعدت على ذا الحال نص ساعه...لما خلصت رفعت راسها تناظره طول النص ساعه ماتكلم...ناظرته انصدمت...كان نايم..عضت شفتها...بعدت السطل بشويش من تحت رجوله...و نزلت بنطلون بجامته اللي كان كافسه...افتشلت تقعده من النوم..

قربت منه وهزته بخفيف...فتح عيونه وناظر فيها اجل ماكان نايم...استحت منه و قالت ببتسامه : قوم نام شكلك تعبان...وقف وقرب منها بحركه سريعه...و مسك وجهها بيدينه الثنتين وباسها على راسها..ولما بعد ناظر وجهها الللي صار احمر..وابتسم همس بتعب : مشكوورة تسلمين والله ارتحت بعد تدليكك....تصبحين على خير وبالمناسبه اسمي تركي

بسمة بخجل وهي تسكر الباب وراها : وانت من اهله..

نزلت تحت ..

وقعدت بالصاله تشوف لها مسلسل....فكرت طول الوقت ماشافت هانز...بعد نص ساعه...سمعت صوت خطوات لفت...شافت هانز يبي يقعد عالكنبه الطويله جنبها..انصدمت وناظرته...

قال ببتسامه : شلونك بسمه

بسمه بريبه : بخير..ليش ماجيت من ساعتين

هانز بهمس : انا ما اجي الا اذا انتي بروحك..فهمتي يا روحي

ارتبكت وهي تسمع كلامه...بس وقفت وهي تقول : هانز شفيك كذا بديت تخربها...احنا اصدقاء نسيت

هانز ببتسامه ساحرة : و كيف تبين انسى وانا اشوفك بصحوتي و في منامي

وبحركة صدمة بسمه ..قرب منها ولف يدينه حواليها يضمها له...احنى راسه و ضمها له...ارتجفت و انصدمت من الشعور اللي تملكها...ماقدرت تقاومه...لأول مرة تحس بهالأحساس...حست انها طفله صغيرة بين احضانه...بس عقلها كان يامرها تبتعد...وقلبها بأنها تبقى...وكل واحد يختلف عن الثاني برأيه...يدينها لا شعوريا منها انحطت على كتوفه..تحاول تبعده...بس تلاشت قواها...من احساسها بقربه...لفت يدينها حوالين رقبته تعبث بشعره من الخلف...تنهد وضمها لجسمه اكثر...همس بأذنها وهو يلاحظ ان انفاسهم تتسارع...: لك في الدنيا..ولي في المنام...

تأوهت وهي تحس بشي حاد ينغرس بكتفها..ابعدت وجهها عنه شوي..وناظرت كتفها..كانت ابرة...ناظرته و الدنيا بدت تظلم قدامها..تقدمت منه وهي تحس بالدوخه و بأي ثانيه بتخر عالارض..اسندت راسها على كتفه..وقبل ماتطيح مسكها بقوة...

@
@
@

في منطقة ثانيه لكن بالسعوديــة...

بعناد قالت ؛ لا بروح لرفيقتي مالي دخل..رايحه رايحه...يبه تكفى..ترا تكفى تهز الرجاجيل...

ابتسم لبنته..: طيب بتروحين بس لك نص ساعه بس..

قامت باست راس ابوها بفرح وجري لفوق تبدل ملابسها...

بعد عشر دقايق كانت بالسيارة والسواق يسوق..كانت تراسل رفيقتها وتقول الحين بتجي...وماحست ان السواق وقف...رفعت راسها وهي تشوف الباب اللي جنبها ينفتح.. انصدمت وهي تشوف اللي قعد جنبها..لفت تبي تهرب من الجهه الثانيه..بس كان نصيبها بخاخ مخدر بوجهها..غابت عن الوعي...ومصيرها متعلق...بس حست قبل تفقد الوعي..بيدين قوية تشيلها...

@
@
@

دمتم بود

خــيآآله = fancy

أنتــهى البـارت الخامس

24 - 7 - 2021, 12:01 AM

رواية حـبـيـتـك ومـظ±شـفـت بــعـدك شـخـص آقـدر آحـبـہ â™،

البــارت الـسادسـ
6- قــوة إرادهـ..

@
@
@

قامت وهي تحس راسها ثقيل..فتحت عيونها بشويش.....بس لحظة..وفتحت عيونها بقوة وهي تشوف الغرفه...كانت اسود بأحمر..الجدران سودا..والاثاث اسود..بس الكماليات و الفرش اللي نايمه عليه احمر.. و اضاءه خفيفة باللون الاحمر..مخليه الغرفة...كانها مجهزه لطقوس خاصة...

ناظرت نفسها وكانت صدمتها..وهي تشوف نفسها من غير ملابس...تحركت من مكانها تدور ملابسها...والذعر و الخوف و الرعب مستحلينها...مالقت ولا شي..لا ملابس ولا قطعة وحدة..راحت جهت الباب تحاول تفتحه بس مقفل...راحت عند النافذة...وقربت منها وكانت طول الوقت لانها عارية...لافها الشرشف حق السرير على جسمها...وشعرها الطويل الاشقر...جاي نصه على وجهها و النص الثاني وراها مغطي ظهرها...كانت معطيه الباب ظهرها...وتحاول تفك النافذة..و تتحرك بسرعه خوف ان احد يجي..و.كانت النافذة مقفله وبأحكام...جمدت يدها فوق وهي تحس بالباب ينفتح..حست بوجود احد بالغرفة..الشرشف اللي كانت لافته حول نفسها كان ابيض..وخفيف..بس مابين شي..لان النور خافت وقدر يلاحظها..لانها كانت مخالفه للغرفه..اسود واحمر..وهي ابيض....كانت يدها فوق تحاول تفتح النافذة..ويد ماسكة فيها الشرشف عشان مايطيح...لفت وجهها بشويش....ناظرت ناحيته بطرف عينها...وحست بحجرة عالقه بحنجرتها...نزلت يدها من النافذة...ومسكت فيها الشرشف اللي عليها بأحكام..

كانت شفايفها ترجف..عضت طرفها عشان مايبان رجيفها له...كان متكي عالباب بعد ما قفله...ويناظرها من فوق لتحت...رغم انها ساترة جسمها...بس حست انها عاريه..كان تنفسها يتسارع من الخوف...كان لابس بس بنطلون طويل اسود لبجامه...و صدره عاري..ومكتف يدينه على صدره...وشعره الاسود الكثيف مرجعه وراء...ناظرت بنيته الجسدية مستحيل تقدر عليه....الحقير هذا مفتول العضلات...

تحركت عيونها بخط دفاع وهي تشوفه يتحرك ناحيتها...تموت ولا تخليه يلمسها...فكرت بسرعه يارب وش الحال..لاحطته راح جهت المراأه يعدل شكله...ناظرت بسرعه حوالينها اي شي ممكن يخليها تهرب...مستحيل مافيه مكان او مهرب..بس لفت نظرها شي قريب منها..كانت مراأة صغيرة معلقه جنبها عالجدار..طرت في بالها فكرة..بس جنونيه..بس ايش ما ايش..مستحيل تخليه يسوي فعلته فيها...لمحته يقرب منها.. وهو مبتسم بخبث..وبحركه سريعه..كسرت المرأة بقبضة يدها..وانكسرت..ناظرت فيه...وهي تحس بعوار بخدها....لمسته وشافته ينزل دم..يمكن وحدة من شظايا المراأة طارت ناحيتها...قرب منها بحركة..بس انحنت وخذت قطعه من الشظايا...بيدها دفاعن عن نفسها...بس ماقدرت تدافع عن نفسها لانها صارت فوق السرير وهو مثبت يدينها جنبها...صارخت بوجهه وهي تحس بضعفها : ابعد عني يا حقير...ااااااابببببببعد..

قرب منها وباس الدم اللي ينزل من خدها...حركته خلتها ترجف رجفه قوية...ناظرت فيه...ودموعها بدت تنزل وهي تشوفه يمرر لسانه على شفايفه لاحس الدم...ايدينها اوجعتها من قوة ضغطه...بس مستحيل تضعف وتستسلم..هذي مو من عوايد بدور...

قالت و دموعها تنزل : تكفى وخر عني...اذبحني بس لاتقرب مني...
احنى راسه لرقبتها وقال بهمس وأنفاسه عرقبتها : غيرك كان اشطر..

بعد وجهه من رقبتها بس استغرب وهو يشوف جفونها تثقل وهي تحاول تفتحهم..شافها تناظر جهت يدها اليمين اللي مثبتها...وانصدم...الا بهت و وقف الدم بعروقه...وهو يشوف انها قطعة عرق يدها...كان الدم ملحوظ مع ان الفراش احمر...ماتوقع ذا الحركة منها...نزل منهع دم كثييير...ناظر وجهها..شافها تبتسم بشحوب وهي تهمس : موتي ولا تلمسني...وغمضت عيونها...

ارتجف بقوة وهو المعروف ببرودة القلب..ارتجف و المعروف بعديم الاحساس...كان دمها للحين ينزل...وقف و شق بنطلونه من تحت...ولف يدها...وشالها مسرع...طلع برا الغرفه وهو يقول لخادمته تتصل عالطبيب الخاص بالعيله...

حطها في غرفته...وهو يلاحظ ان لونها صار مثل لون الشرشف اللي ملتف وحاضن جسدها...جمد بمكانه معقوله ماتت...قرب راسه من قلبها...كان نبضها بطيئ...ارتجف من شعور انها ممكن تموت بيدينه...صرخ عالخادمه تستعجل الدكتور...وهو مو عارف ايش يسوي ...اول مرة بتاريخ حياته يصير له موقف زي كذا...

دايم كان بعد مايخلص من البنت الي خطفها يطردها ويهددها بانه بينشر صورها...بس كان اغلبية البنات اللي عاشرهم موافقات...بس هذي اسثنائيه..فضلت الموت على انه يلمسها....فضلت تموت على انه يمس شرفها...قطع تفكيره دخول الدكتور..

ناظر الدكتور وهو يخط جرحها ...و حط لها مغذي على علاقة طويله...

قال الدكتوة بسرعه : لازم نجيب اكياس دم..بس مافيه وقت البنت ممكن تروح فيها...

ارتجف وهو يحس احد صب عليها ماء بارد ...قال بسرعه وخوف : تقدر تاخذ من دمي...

الدكتور بسرعه وهو يطلع ابرة : وش فصيلة دمك استاذ ريان

ريان بسرعه : o + ...تنفع

هز الدكتور راسه بعجله..اخذ الابرة وضبطها..قرب من ريان اللي انسدح على نفس السرير بس مسافة بسيطة بينهم...وبدء الدكتور ياخذ من دمه حول كيسين...لانها فقدت دم كثير...

بعد الدكتور عنه وبدء يحط الدم بكيس..شل المغذي وحط الدم بداله...الدكتور ناظر ريان : استاذ انت بخير

هز راسه بالايجاب وهو مو قادر يفتح عيونه..يحس جسمه القوي صار ضعيف..بعد دقايق طلع الدكتور..وقال بتكون بخير اذا خلصت كيسين الدم ...وقف علئ حيله وسكر الباب وراء الدكتور وعلق المفتاح برقبته

انسدح عالسرير وهو مو قادر يحس بجسمه.....
كان المغذي من نصيبه...ودمه من نصيبها...لف راسه يناظر ناحيته...شاف ان لونها بدء يرجع بس خفيف...ابتسم بتعب وارهاق...ناظر شكلها...كانت للحينها بالشرشف..الدكتور غطاها قبل تطلع..وصار باين بس كفوفها ويدينها اللي كانت فوق بطنها...وشعرها الاشقر مسترسل جنبها من ناحيته...ناظر ملامحها..جميله بكل ما للكلمة من معنئ شفايف متناسقه و ممتلئه...بياض ساطع ...شعر اشقر...انف صغير مسلول..عيون ساحرة تحت رموش كثيفة...خدود مليانه...وجسم ينحسد عليه...كان جسمها متناسق ...لأول مرة يشوف بنت كاملة المواصفات.....رغم ارهاقه وتعبه قرب من شعرها و نثره على وجهه...ريحة شعرها تجنن..ريحته هاديه وكانها فراوله...غمض عيونه...وتذكر نظرة عيونها و الخوف ودموعها...هذا غير كلامها بعد ماقطعت عرقها...

تنهد بقوة وغمض عينه وهو متاكد وداري ماراح يقدر ينام الا بعد مايشرب كاس من مشروبه المفضل...(( خمر ))

غمض عيونه وخلال ثواني غط بنوم بدون مشروبه ...بس لان دواء جديد هادئ برائحة الفراولة المنعشه كانت بجانبه....

@
@
@

ناظرت المكان الي هي فيه..نص ساعه صاحية بس مو مستوعبة هي وين..وقفت عالارض وصرخت راجعه للسرير..وهي تشوف ان الارض زجاج بس قوي..وش السالفه.....الغرفة واسعه ومليانه اغراض

وقفت عالزجاج بعد ما اعتادت عليه..وراحت جهت الباب تفتحه...بس ما انفتح...حاولت مافيه امل...صارت تطق الباب : هاااااي فيه احد...

سمعت خشرجه ثم انفتح الباب بالقفل من برا..بعدت وهي تشوف الباب انفتح.. كان هانز...ارتجفت و اللحظات اللي جمعته معه قبل يغمى عليها رجعت لذاكرتها..
زحف اللون الاحمر لخدودها...ابتسم وهو يناظرها وداري شتفكر فيه..

مسك يدها : امشي يالله نفطر...
وكمل يسحبها سحبت يدها بقوة منه...وهي تناظره بغضب : رجعني البيت..
هانز رفع حاجب : هذا بيتك...واشر حواليه
بسمة عقدت حواجبها وبصوت حاد : ابي ارجع البيت ...هانز
هانز ببتسامه : واذا مارجعتك
بسمة بصرخة : هاااانز...لا تجنني...رجعني البيت ويمكن زوجي يفقدني..
قرب منها ومسك يدها بحنان و رقة وباسها......حست بالكهرباء بجسمها...يارب مايقرب زيادة ماهي قادرة تقاومه له جاذبية خاصه فيه...رجفت من بوسته...حاولت تبعد عنه..بس جذبها لجسمه وهو محاوط خصرها لين لزقت فيه...راسها صار عند رقبته..وانفاسها متسارعه...يدها االلي باسها شبك اصابعه بأصابعها..ويدها الثانيه كانت على كتفه...كأنهم يرقصون سلو...

غمضت عيونها وهي تحس بشفايفه على جبهتها...نزل وباسها بين عيونها...وهو متخدر وهي بقربه..باسها على خشمها...حط يده تحت ذقنها ورفع راسها ...التقت عيونهم...عيونها التركوازيه المايله للأزرق...وعيونه السود الحاددة... ارتجفت بقوة وهي تشوفه يميل راسه..ويقرب من شفايفها..
حاولت تبعد ...اخر مقاومه لها بدت تنهار..قالت بضعف : هـ ـانـ....
قاطعها مطبق شفايفه على شفايفها...حطت يدينها الثنتين على صدره...وهو لف يدينه على خصرها بتملك..بعد شفايفه عن شفايفها وهو يسمع صوت الخادمه تناديهم..

فتحت عيونها وهي ترمش ...بعد عنها وهو يمرر لسانه فوق شفايفه.ً

بلمح البصر كانت بالحمام مقفله على نفسها...وهي تتنفس بسرعه..سمعت صوته يقول : الفطور ينتظرك..

تسبحت و شافت ملابس مسفطه على جنب..اخذتها ولبستها..كان فستان ناعم لونه احمر نص كم..ويوصل لنص الساق....خلت شعرها مفتوح عشان ينشف..

طلعت وهي تراقب مافيه احد..نزلت بسرعه تحت يوم شافت الطريق خالي..سمعت صوت جهت المطبخ...بسرعه انخشت تحت الدرج...وهي كاتمه انفاسها..لما حست فيه يصعد فوق..بسرعه فتحت الباب ..بس رجعت خذت جاكيت اسود طويل كان فوق الكرسي..خذته وجري برا...اشرت لتكسي..واول ماجاها قالت له العنوان ...

وصلت لبيتها وقالت له ينتظر..وخذت كل اغراضها ولبست عباه...ونزلت لتكسي..وراحت معه للمطار..حجزت تذكرة على لندن..وكانت بعد نص ساعه...

انتظرت بغرفة الانتظار..وقفت تعدل عباتها..وانصدمت وهي تشوف اللي جاي ركض يدورها بعيونه بين جموع الناس..كان زوجها المسمى تركـــي......

وقفت جامدة بس مستحيل ترجع للمنطقة ذي..مع واحد مخبول (( هانز ))..وواحد ماتع ف عنه شي (( تركي )))

بعد عشر دقايق كانت بالطيارة ارتحت نفسيتها لانها تدري محد يقدر يجيها خلاص قد هي بالطيارة...

تنفست بأرتياح...الحمدلله كل شي عدا على خير..شوي جتها المظيفة ...

المظيفة ببتسامه : استاذة بسمة صح ...؟
بسمة ببستامه : اي اختي تفضلي
المظيفة :ممكن تجي معي شوي..؟؟
بسمة بستغراب : اوك

قامت بسمه معها..وراحت ودتها قريب بوابة الطيارة وكانت للحينها مفتوحه..وكانوا بعيدين عن الركاب

قالت المظيفة : انتظري هون دقايق

راحت واستغربت بسمه..بس كانها شكت..اول ما التفتت ماحست غير باللي كتمها بالمنديل...

حاولت تقاوم تصارخ..بس مابه نفعه..خلاص غطت فالظلام...

@
@
@

دمتم بود

خــيآآله = fancy

أنتــهى البـارت السادس

24 - 7 - 2021, 12:04 AM

البـارت الSaabع
7- يكفي اللي فيني من جروح

رواية حـبـيـتـك ومـ?شـفـت بــعـدك شـخـص آقـدر آحـبـہ ?

@
@
@

فتح عيونه وهو يحس كل قطعة بجسمه توجعه...ناظر الجهه الثانيه من السرير ..وقف بسرعه...عورته يده..ناظرها..كان الدم ينزل منه بقوة لان ابرة المغذي انسحبت بقوة..سحب سكارفه اللي كان معلق عالعلاقة..وربطه مكان النزيف..وراح يدورها..بالجناح...مالقى لها أثر..معناها مو طالعه من الجناح لان الباب مقفل...قرب من باب الحمام اللي لاحظ انه مقفل..ولمح على جانبه شي ماكان ملاحظه من اول...الشرشف اللي ضم جسمها...قرب منه ومسكه..ناظر الحمام وهو متاكد انها فيه...بس معقوله تكون داخل بدون..........
ارتجف معقولة تكون دعوة مفتوحه...قرب من الباب..فتحه بس طلع مقفل...

راح يبي يجيب المفتاح بس سمع صراخها : والله لو تفتحه بأي شي..مو احسن لك..

ضحك وهو يقرب من الباب ويسند راسه عليه من الدوخه : وش بتسوين يعني ..؟؟

سمع صراخها : تراك ماتعرفني...

كان وده يكمل المحادثه اللي اعجبته وهو يحس باحساس لاول مره يحسه ...بس سكت وهو يحس الدنيا تدور فيه..طاح عالارض...وكان صوت ارتطامه بالارض قوي..

في الحمام

سمعت صوت الارتطام رجفت بقوة...بس مرت حول النص ساعه وهي داخل ولا سمعت صوت عقب الارتطام...حب الفضول غمرها..وحتى لو كان ينتظرها يمديه يأس...

مسكت واحد من بخاخات اللي لقتها موجودة وهي تضحك بدون نفس : صرت مقاتله وانا مدري...
كانت لابسه بجامته السوداء وكانت وسيعه ماقدرت تقعد بالشرشف لانها ظنت بتصير حرب اقوى..وتبي تكون حره بالحركه

فتحت الباب بس شهقت وسكرته بسرعه...بس استوعبت ان الشخص طايح قدام ارضية الحمام..فتحت الباب بشويش..وهي تناظره...قزته قز اليوم يوم قامت من النوم...كان ودها تقتله بس ماقدرت توسخ يدها بدم واحد خسيس...حاولت تهرب..بس الباب مقفل..و دورت المفتاح بكل مكان...اخر شي طرت فكرة انها تقفز من النافذة...دورت مافيه الا وحدة وصغيررة حيل ماتكفي ارنب كيف بها هي...؟؟؟

فتحت الباب على وسعه...وهي تشوف الشخص اللي طايح عالارض..قالت بنفسها احسن....راحت بسرعه تدور المفتاح مره ثانيه..رجعت مرة ثانيه له تناظره من فوق لتحت..لمحت زي السلسله على رقبته...بس مو باين الشي اللي معلق فيها...قربت وقعدت قريب منه وهي متاكدة موقايم ...لانها شافت الدم اللي مغرق السكارف...قربت من رقبته وعيونها تتجه لرقبته ولوجهه خوف انه يقوم...حطت يدها عالسلسله تفتحه ...وبلمح البصر سحبتها بقوة ..كانت بيدها ابتسمت بنتصار..شهقت وهي تحس باليد اللي مسكت معصمها...ناظرته بخوف وهي تشوفه يحاول يفتح عيونه...شوي ورجع غمض عيونه ويده ارتخت من يدها..وطاحت بجنبه ..وقفت وفتحت الباب بسرعه ..بس وقفت ...هي حنونه وبقوة حتى على عدوها...بس هذا شيطان كيف تساعده...بس من متى وانتي يا بدور حقيرة...؟؟من متتى ماتساعدين الناس...؟؟هذا وانتي مشتركة بجمعية مساعدة الناس.....

رجعت وهي مكرهه...شالته عقب الشين...كان ثقيل..سدحته عالسرير بالعرض بس ماهتمت...دخلت الحمام ولقت مناشف و شاش...قربت منه وقعدت جنبه...فتحت السكارف وهي منقرفة من ريحة الدم..نظفته بالماء البارد..ثم طهرته بالمطهر..وربطته بشاش..ناظرت الشاش وابتسمت بخبث...وقفت واخذت قلم كان فوق التسريحه...كتبت عالشاش كلمة..ثم وقفت ولبست لها ملابس فوق ملابسها وغطت شعرها..بشال كبير حق البرد...

طلعت برا وشافت نفسها بحديقة واسعه..وقبل اي شي..شافت حراس يجرون لها......واستخدمت الشي اللي اتقنته طول سنينها..سرعت بسررعه صااروخ ثم نطت من السور رايحه ومسرعه تضيعهم...

بع نص ساعه كانت بالسياره مع السايق لقته و الحمدلله وصلها بالسلامه .. كانت واقفه قدام بيتهم..دخلت وشافت ابوها ضمته وبكت على حضنه...وعلمته كل الليي صار..حاول يعرف اسمه او عنوان بيته...بس ماكانت متذكرة شي من الخوف...

صعدت لغرفتها وتسبحت ثم نامت...وهي توها تحس بشعور الامان...

@
@
@

فتحت عيونها وكانت صدمة لها..وهي تشوف نفسها في غرفتها و سريرها...بيتها اللي كانت عايشه فيه قبل تتزوج..انصدمت قعدت بسرعه وهي تناظر حواليها ماتدري ليه حست بشعور مفرح..يمكن احساس بالأماان...

وقفت وخذت لها شور ولبست بجامة من بجايمها...
نزلت تحت و كملت تتمشى في بيتها ومعها كوفي...اشتاقت لبيتها كثييير.....

طلعت للحديقة ..وقعدت فيها..بس لفت نظرها تليفون...مسكته وكانت علبته جنبه يعني جديد..استغربت..شغلت التليفون.وكان فيه رقم واحد مخزن ما اهتمت..بس جاها فضول تعرف من هو رقمه...

بس غزا تفكيرها اسئله منها....

وين زوجها...وزوجها يدري انها هنا...؟؟
وهانز ..و وش سالفة الاغماء في الطيارة...؟؟
و هل بتكمل حياتها على هذا النحو ...؟؟
ولا بيكون تغيير كبير بحياتها...؟؟

كل هالاسئله كانت تدور براسها..

بس طرت في بالها فكرة...كلمت رفيقتها الروح بالروح نورة..وطلبت منها طلب و وافقت نورة بسرعه بعد ماعلمتها بسمة بدوافعها...

صعدت فوق وبدت بشغلها...

@
@
@

دمتم بود

خــيآآله = fancy

أنتــهى البـارت السابع

24 - 7 - 2021, 12:05 AM

البـارت الثاآمن. .
8- وهل تخفئ الهواجيس. .

@
@
@

بعد مرووور شهرين. .

قاعده بمكتبها تشتغل. .توظفت ولله الحمد ..قدرت تعتمد على نفسها...((يوووه الشقه بععيدة من له خلق ينتظر.)) ...هذي الجمله اللي قالتها بنفسها. .بعد ماطلعت من الدوام. .وهي تافله العافيه. .ناظرت الشارع وشافت سايقها ينتظرها. ..راحت له و ركبت و سلمت.عليه .سندت ظهرها. .عالكرسي. ..وهي تحس انها متكسرة. .

.اليوم خذت شغل وحدة من البنات لانها حامل. .وهي استلمت الشغل لانها قد غابت وصار نفس الشي. .استلمتها عنها المرأة الحامل...تنهدت بتعب وهي تناظر الطريق. ..ماباقي شي وتوصل...

..ابتسمت بحزن وهي تذكر شخص ماقدرت تنساه. .وشخص دخل حياتها. .وطلع منها بلمح البصر. ..
هااانز اشتاقت له و لحكيه...و لضحكته و بسمته. .اما المسمى زوجها. .تركي ان ماخاب ظنها. .هذا هو اسمه. .بس ما اهتمت معقولة مافكر يدورني. .ااااه موب مهم. ..

وقفت قدام باب الشقه تدور المفتاح في الشنطه. ...طلعته وفرته بالقفل. .دخلت وحطت شنطتها على. جنب. .كان بيتها مكون من غرفتين صاله و حمام وغرفة نوم. ...و اكثر من مرة زارتها نورة. ..

فصخت عباتها وهي ودها تغير لبسها اللي.كان برمودا بيج و بلوزة حمرااء علاق. ..فتحت باب غرفتها. ..ودخلت الحمام اللي بالغرفة. ..ولا انتبهت للشي الكبيراللي جالس عالسرير . ..

طلعت من الحمام وهي لافه فوطه عليها من صدرها لين نص فخذها مغطى. .و الباقي مكشوف. .كانت تنشف شعرها الطويل. ...رفعت راسها عشان تحذف الفوطه حقت شعرها عالسرير. ..صرخخخت بقوووة وهي تشوف الللي عالسرير. .

كان اسد قاعد و متوسطط سريرها و يناظرها. ..انتبهت للي عند الباب يناظرها او بالاحرئ يتأملها. ...ناظرته و جمدت وهي تناظر طوله و هيبته. ..معقوله يكوون جاء. مخصوص لها. ..شافته يبتسم ابتسامه ذكرتها بشخص. ..ذكرتها بهانز. .

ناظرت تركي اللي يناظرها ببتسامه. ..قرب خطواته منها. ..وبس صار قريب منها. ..سحبها من يدها لحضنه. ..حضنها بقوة. ..وهي كانت مبلله. ..تنهد تنهيدة تدل عالارتياح. ...

حاولت توخره بس شد عليها وهو يهمس بأذنها. ..: اشتقت لك كثيير طول هالشهرين اشهر وانا احاول القئ خيط بس يدلني لك. ...

قالت بهمس : وخر ممكن. .ملابسك تغرقت

بعد عنها وحط يده على شعرها يمسح عليه وهو يناظرها بنظرة اهتمام و حب : كلي لك فدوه. .لو تبين عيوني الثنتين ماتغلئ عليك. .

انصدمت من كلامه وش السالفه. ..اصلا انا ما اتذكر اني شفته غير مرة او مرتين. ...قالت بهمس وهي تبلع ريقها : انت صاحي. .??

ابتسم ومسك يدها باسها في باطنها. ..وقرب منها وباسها على جبهتها. ..: صاحي وطاير بالدنيا من شفتك. ...شلونك الحين شفتك دخلتي تعبانه. .??

بعدت شوي بدون ينتبه : لا الحمدلله تمام. .بس انت كيف عرفت اني هنا. .

قال تركي ببتسامه : نورة

بسمة بستغراب : نورة. .??

قال تركي : صديقتك نورة كنت اراقبها وشفتها اكثر من مرة. تجي هنا. .ولما سالت عن الشقه وصاحبها. .قالوا بنت ماتعدت 22 سنه. .ساكنه بروحها. .هنا تأكدت انها. انتي. ..واليوم راقبتك وشفتك دخلتي للشقه ....

بسمة بلعت ريقها و هي تشوف الاسد اللي مركز نظرث عليهم. ..: وهذا وش قصته. .

ضحك وهو يقول : هذا لواحد من. الربع...اسف اذا ارعبك...بس من دخلت الشقه توسط السرير. من نفسه. .

عقدت حواجبها ..بسمة: كيف عطاك الحارس المفتاح

ابتسم ابتسامه تسحر : وريته عقد الزواج. ..

ابتسم اكثر وهو يكمل. .تركي : الحين جمعي اغراضك بتروحين معي. .ماراح اخليك هنا

ابتعدت عنه وهي تهز راسها بالنفي ...بسمة : ماراح اروح معك. .!!

اختفت ابتسامته ...و تمتم ..تركي : ليه. .??

بسمة بآرتباك و لعثمه : انت ماتدري عن شي. .اقصد. .يع. ...

قاطعها وهو يقول : قصدك عقدتك مع الرجال. .??

رفعت راسها منصدمه وعيونها متوسعه. .: شلون عرفت. ..??

تركي ببتسامه : عرفت وبس. ..وانا بقولك يا بسمة ماراح اتركك لو اخر نفس فيني. ..انتي مليتي علي دنيتي. ..ومستحييل اتخلئ عنك الحين. ..

هزت راسها بالايجاب. .وهي ماهي مقتنعه ...معقوله بشهرين تغير

بعد نص ساعه

كانت معه بالسيارة ...سانده راسها و تفكر في حياتها كيف بتصير معه. ....فجاة طرا في بالها هانز. .ابتسمت. ...لاحظ ابتسامتها تركي. ..ابتسم بالمثل. ...ناظرت في الاشخاص في الشارع ماظن عندهم هموم كبر همومي .......

مادري ليه حسيت ان هانز معي ويراقبني..تعوذت من الشيطان واحس النفس علي ضااق...تنهدت بقوة اطلع النفس. .بس محال. .في شي كابت على صدري ضيق قوي. ..ناظرت تركي كان نازل يجيب له شي من البقاله. ..نزلت الكرسي و فتحت غشوتي اخذ نفس. ..ماكنت مبينه لان الكرسي نازل حييل. ..شوي وحسيت نفسي احسن. ..بعد نص ساعه استغربت ان تركي طول. ..وهو قال بشتري شي و ارجع ..وش هالشي اللي يطول لنص ساعه. .استغربت بس ماتكلمت. ..سرحت وانا اناظر في النافذة واشوف الناس ....حسيت بأحد يلمسني من كتفي. .ارتجفت و لفيت بسرعه. ...

انصدمت صدمة. ..كانت الطامه الكبرئ. .من اللي شفته قدامي. ..معقووله. .ماحطيت ولو واحد بالميه اني اشوفه. ..

من يكون اللي قابلته بسمه. .??

@
@
@

ناظرت غرفتها اللي غيرها لها ابوها وكل الاشياء تمنتها موجودة. ..سرير الكبير. ..كرسي مدور معلق بالسقف. .زخارف عالجدار. .كنبه و طاوله و كرسيين. ..و الشي اللي دايم حلمت غرفة تبديلل واسعه لها بروحها. ..ماتوقعت ابوها يسوي لها غرفة احلامها. .لانه بالفترة الاخيرة كلن مشغول بالشغل ومعطيها طااف. ..بس تشوفه عالغداء و العشاء. .اما الفطور يكون بالشركه. ..

فجاة طرا في بالها الموقف اللي صار لها قبل شهرين. ..مع الرجل اللي خرب لها حياتها. ..تنهدت بقوة ان كل حصل على خير. ..ولا قدر يقرب منها. ..لو قرب منها كان اقل شي ممكن تسويه تذبح نفسها. ..ولما حست مقاومتها خارت قطعت عرقها ...ولقت نفسها في غرفة بجنبه. .كانت بتقتله. .بس ماتبي. توسخ يدها بسافل. ...

تنهدت الساعه الحين 2 الليل. .والعطله بدت ...اوووف شسوي الحين. ...ايه صح البلكونه ما شفتها من قريب. ..طلعت وهي تشوف البلكوونه كيف واسعه وحلوة وفيها ورود حمراء. .....ناظرتها واسعه بس في مساحه فاضيه. .ناظرت الطاوله و الكرسييين. .سحبتها وشالتها بعد معاناه ناظرت شكلها النهائي ...صفقت لنفسها بفخر وهي تقول. ..جمميل

شالت مراية كانت تتعلق ..وحطتها. .دقت كم مسمار. .وابتسمت وهي تشلها. .وتركبها. ..طاحت من يدها المرايه ولفت بسرعه بشهقه وعيونها زاايغه من الخوف. ...ناظرت فيه من فوق لتحت. .

ناظرها ببتسامه خبيثه. ..قرب منها. ..من شافته يقرب جت بتصرخ. .بس حست بفاين على خشمها. .حاولت تقاومه وتدفعه بجسمها ويدينها. ..حست بيدينه القوية تسندها عالجدار. .لانها بدت تفقد وعيها. ..شال الفاين من خشمها. ..وهو يشوفها تحاول تفتح عيونها. ...حست بالظلام يغشي عيونها و استسلمت للمخدر. .

اول ماتخدرت وبدء ياخذ مفعوله. .طاحت عليه بس مسكها بسرعه قبل تطيح. .كان وجهها لازق برقبته و شعرها الحرير الطويل مغطيه. .ارتجف و ارتعش. .وهو يحس بنفس الاحساس اللي تملكه يوم شافها ملطخه بالدم. ..وقت ماقطعت عرقها. ..غمض عيونه وهو يحس بانفاسها الهادية على رقبته. .رجعها وراء شوي.وسندها عالجدار .وصارت مقابلته ..بعد شعرها عن وجهها. .وهو يناظر ملامحها اللي جذبته من اول مرة شافها. ..حملها بشويش. ..وسدحها عالسرير الكبير. ..راح جهت الباب وقفله.....

قرب منها وانسدح جنبها عالسرير. ..يقدر يسوي اللي في باله بس ليش مايتحرك.ليش يحس جسمه يمنعه ..ناظرها من فوق لتحت. .من بجامتها اللي بنطلونها برموده و فانيلتها علاق. .كان لونها احمر. ..هذا هو يشوفه باللون اللي يحبه. ....حط يده تحتها وسحبها لجهته...لف يده على خصرها وقربها منه كثيير. ...بعد شعرها. .بس جذبته ريحته. .قرب شعرها منه وحطه قريب منه. ....حط راسها على صدره. ..وهو يداعب شعرها وعيونه على ملامحها. .نثر شعرها على وجهه و حضنها لصدره بقوة وغمض عيونه مستسلم لنومه ماقد نامها بحياته. .نام وهو مستريح. .نام بدون. ماتشغله الافكار. ..تنفس من ريحة شعرها اللي تعجبه. .وناااآم

@
@
@

دمتم بود

خــيآآله = fancy

أنتــهى البـارت الثامن

24 - 7 - 2021, 12:06 AM

ملخص البارتات اللي طافت

بسمه الى الان ماشافت وجه هانز
هانز مايطلع لبسمه الا لما تكون لوحدها
تركي زوج بسمه ..بس الا الان ما بان منه شيء
بدور كل شيء بحياتها يبدا و ينتهي بأبوها
ماعندها احد بالدنيا غير ابوها
ريان دخل و طلع من حياتها قبل شهرين
بس رجع لها مرة ثانيه
وهذا كل شي

اما بالنسبه لأعمار الابطال

تركي 29 سنه
بسمه 20 سنه
بدور 19 سنه
ريان 28 سنه

وشخصيات جديده راح تطلع بالبارتات الجايه

وشكرا و اسفه عالاطالهـ

المواضيع المتشابهه لموضوع: روايه حبيتك و ماشفت بعدك شخص اقدر احبه لموضوع: روايه حبيتك و ماشفت بعدك شخص اقدر احبه
الموضوع	كاتب الموضوع	المنتدى	مشاركات	آخر مشاركة
مقدر على بعدك ولا اقدر انساك	همسه الشوق	همس عالم حواء	3	12 - 1 - 2022 06:03 AM
روايه روحي لك وحدك للكاتبه ريم الحجر روايه رائعه لا تفوتكم	جروح الم	همس للقصص وحكايات وروايات	81	8 - 6 - 2018 01:02 PM
مقدر على بعدك ولا اقدر انساك	شيخة الزين	همس عالم حواء	8	19 - 5 - 2018 12:25 PM
احبه والله احبه	للعشق حلاوته	همس الشعر والقوافي	6	24 - 2 - 2017 12:49 PM
دخيلك ما تزيد فى بعدك انا مثلك ضايع من بعدك	نظرة عين	همس عالم حواء	2	27 - 1 - 2015 08:47 PM

الذين يشاهدون محتوى الموضوع الآن : 1 ( الأعضاء 0 والزوار 1)

الأعضاء الذين قاموا بتقييم هذا الموضوع : 0
لم يقوم أحد بتقييم هذا الموضوع

روايه حبيتك و ماشفت بعدك شخص اقدر احبه

همس للقصص وحكايات وروايات