شاعر وجني

#1 25 - 7 - 2021, 04:19 AM

شاعر وجني

يوم كنـت( صغيّّّـر) يقولـون جنّـي
ماخبر واحـد علـى امـي مااشتكانـي
كنـت مـوذي والـوذا مخلـوق منـي
كنـت اشقـا طفـل مولـود بزمانـي
اتشـخّـص ب(الطقـيّـه) ياعنّـنّـي ‍‍
صرت اغازل واعرف اسلوب الغوانـي
كـل بنـات الحـارة كانـن يعشقنـي
ابتسام..وهنـد... واحلام....وتهـانـي
من قبل لااقـول .. طيـري.! يلحقنـي
ويحبشنّي مـن قبـل لااصـل مكانـي
كنت ب (الحاره) من الطيـش احسبنـي
سندبـاد اللـي عـرف سّـر الموانـي
كنت أوسوس بالشعر من صغـر سنـي
والمس جروحي علـى شانـه واعانـي
لين في مّره .. ‍ وانـا ماشـي واغنـي
رايح لدكّـان .. (عدنـان اليمانـي ) ..
مّّرني خنجـر غـلا عشـق وطعنـي
جايني من وين ؟ مدري بس .. جانـي
وش تبون بقصتي .. ؟؟ يخرب مطني ..
ما ضحـك غيـري علـيّ ولا بكانـي
اسمعـوا بـوح الحنيـن اللـي سكنـي
واعذرونـي لا خـذل حرفـي لسانـي
لا تعّـدون السهـام الـلـي رمـنـي
وتسئلوني ويش كثـر عـوج المحانـي
احسبونـي طفـل محـتـاج لتبـنـي
عن حسدهـم حافـظ السبـع المثانـي
وازرعونـي بالعيـون اللـي جفـنـي
واقطفوني من علـى خضـر المعانـي
اطعنوا صـدر اليقيـن بسيـف ضنـي
واشربونـي دمّ لـو جرحـه نسـانـي
و اسمحوا لي بين( قوسيـن ) التجنـي
آخـذ المجنـي عليـه بذنـب جانـي. ‍‍
أه منـه . واه منكـم. واآ آ آ ه مـنـي
من نبش فيكم ورى الصمت وحكانـي.؟
ايـه امـوت بدونـه .. وأحيـا كأنـي
عايش بدوني . ! غياب انسـان ثانـي .
والله انّـه بالوهـم يــوم يحضـنـي
طيفه يصّدق . !! ‍ وانا اذوووب بحناني
أكذب الصدفـه واصدقهـا !.. واهنـي
واجرح الساعه . لاجل خاطر ثواني ..!!
اسألـوا بنهـايـة المـشـوار فـنـي
من وشم جرحي على صدور الاغاني.؟؟
وعلموني ويـش يقـول الشعـر عنـي
هو أخذ مـن حسرتـي.؟ والا عطانـي
بلّغـوه انـي تعبـت مــن التمـنـي
ولا لقيت اريح مـن احـلام الا مانـي
وصدقونـي موغـرور ان قلـت انـي
ماخلـق ربـي قصيـد الاعشـانـي.
وسامحونـي بـس هالـمّـره لانــي
طحت من عقلـي علـى قمـة جنانـي

الموضوع الأصلي : شاعر وجني || الكاتب : النورسيه || المصدر : شبكة همس الشوق

25 - 7 - 2021, 06:10 AM

مدائن من الشكر لروحك الطيبه
ع النقـــــل الرائع والمميز
ارقى التحايا لروحك العذبه

11 - 1 - 2022, 05:41 AM

لكل من مر من هنآ
لكل من نبض قلبه مع حروفي
لكل من شرف صفحتي المتواضعه بمرورهـ
لكل من يعرفني...ومن لم يعرفني..
لكل من له في قلبي مكآن
ولكل من لي في قلبه مكآن
أهديكم أجمل بآقآت وردي ولن تفيكم

المواضيع المتشابهه لموضوع: شاعر وجني لموضوع: شاعر وجني
الموضوع	كاتب الموضوع	المنتدى	مشاركات	آخر مشاركة
كل شاعر ترى لو هو تشاطر غبي	همس الشوق	همس الشعر والقوافي	2	24 - 6 - 2020 06:11 AM
شاعر بخيل	نظرة عين	همس للألغاز والنكت والضحك	2	13 - 4 - 2015 11:24 PM
شاعر وقصيدة	صعبة المنال	همس الشعر والقوافي	8	11 - 7 - 2014 04:55 PM
شاعر ذكي وملك ذكى	رجيتك لآتخليني	همس للقصص وحكايات وروايات	18	17 - 1 - 2013 09:48 AM
احساس شاعر	الحب ياسمين	همس الشعر والقوافي	5	30 - 4 - 2012 09:38 PM

الذين يشاهدون محتوى الموضوع الآن : 1 ( الأعضاء 0 والزوار 1)

الأعضاء الذين قاموا بتقييم هذا الموضوع : 0
لم يقوم أحد بتقييم هذا الموضوع