رواية عشقي ال بدي مكتفي فيك عاشقك للفنى

23 - 11 - 2021, 12:26 PM

البارت 163

بالليل
خبر زواج عبدالملك من ملك انتشر والكل انصدم انه جاء فجاءه وبعد عمليه عبدالملك بس كانو متحمسين له
الا طبعا اهل المعرس وامه بالذات
نوال بضيق جالسه بالصاله والبنات حولها
جنى:يمه سوي شي لا ياخذها عبدالملك
دلال عصبت:وش دخلك فيه هو يبيها وش تبين
تالا ببرائه:اي انتي جنى ترا ملك هي بعد تبيه وش دخلك
جنى:ع تبن ملك بنت شوارع كيف ياخذها عبدالملك وانتم تذكرون كيف عبدالملك يكره البنات كيف يتزوج ويتزوج من ملك وووواااع
تالا:وع انتي
جنى بصراخ؛انطمي
نوال صرت:عمى انتي وياها اسكتو خلوني افكر خلوني اقتنع ان عبدالملك بيعصيني
وياخذها
جنى:يمه شرايك تكلمينه تقولين لاانت ولدي ولا اعرفك اذا اخذتها
نوال:هو فتح جواله عشان اكلمه؟
جنى:طيب وش الحل اللحين وش بنسوي
نوال جلست تفكر ودلال تكتفت وتناظر لجنى بقهر
نوال تنهدت:تعرفون عبدالملك اللي براسه بيركبه
جنى والبنات ساكتات
نوال:بكرا بنكشخ وبنروح لزواج ومانبي نضحك العالم علينا والوعد مع ملك وامها بعد الزواج
جنى بصراخ:كيف بترضين؟
نوال وقف؛مو راضيه بس انا اعلمها الشغل
ومشت وجنى ودها تصرخ من القهر ودلال فرحت لان عبدالملك بيتزوجها وتالا مبتسمه
،
الساعه ظ،ظ¢ باليل
ببيت ملك
كانت نايمه مع امها بالغرفه وخلود نايمه بس ملك تتقلب ولا هي قادره تنام وبالاخير قامت وطلعت من غرفه امها ومشت للغرفه اللي مجهزها عبدالملك وفتحتها وشغلت النور وجلست تناظر لها وتناظر لصندوق اللي فيه الفستان كان ع جنب والاغراض جنبه ابتسمت وقربت لها وجلست ع ركبها وفتحته ورفعت الفستان تناظر فيه وتنهدت وهي تتامله وتتخيل شكلها فيه وعبدالملك جنبها ومساك يدها سكرت عيونها وضمته وشوي بعدته وضحكت ع نفسها ونزلته وقامت وجلست ع السرير وعيونها ع كل شي بالغرفه وانسدحت ع جنبها وتتذكر كلمته (اللي ابيها ملك وبس)
ابتسمت غصب وهمست (واللي ابيه عبدالملك وبس)
وجلست تفكر لين اخذها النوم بدون ماتحس
.
الوضع نفسه عند عبدالملك بشقته كان نايم ع نفس السرير اللي كانت تنام فيه لما كانو بالشقه
ويفكر باللي بيصير بكرا
(ملك بتصير حلاله) هالشي بحد ذاته يخليه يبتسم
،
اما عبدالله بغرفه مع نوال ونايمه بس هو يفكر بشي متناقض داخله فرحان بس مايبي شي يتم بسرعه لين يرتاح قلبه ويصدق ان اللي صار مو صدق

23 - 11 - 2021, 12:26 PM

البارت 164

الصبح
الساعه ظ©
قامت خلود من سريرها وماشافتها جنبها واستغربت قامت وغسلت ولبست جلابيه ناعمه وطلعت تدورها مو بالصاله مو بالمطبخ ولا تفطر شافت بالحديقه مو فيه خاافت ورجعت لفوق ودخلت الغرفه الكبيره ومن شافتها فيه ونايمه تنهدت براحه وابتسمت وميلت راسها شكلها كان جميل وهي نايمه
وطلعت وسكرت الباب ونزلت تفطر شافت الخدامه اتجهت للباب وفتحته ودخلو ثنتين فلبينيات ومعهم اغراض عقدت خلود حواجبها
خلود للخدامه:من ذولي
الخدامه:كوافيرات للانسه ملك
خلود بااستغراب:هالوقت عاد
الفلبينيه:وين الغرفه؟
خلود للخدامه؛اخذيهم للمجلس يرتاحون ع ماتقوم ملك
الخدامه:طيب
ومشت وهم وراها وخلود جلست تفطر
عند ملك
فتحت عيونها مو مستوعبه وين هي
ورجعت سمرتها وفتحتهم وكل شي حولها ابيض
وابتسمت لما شافت الحروف ع المرايه وقامت وطلعت لغرفه امها وماشافتها فيه اخذت دش ولبست بجامه ناعمه للبيت من دولابها وفردت شعرها ونزلت
وشافت امها تفطر وابتسمت لها
ملك:صباح الخير
خلود باابتسامه:ي هلا صح النوم صباح النور
جلست ملك ع الطاوله:جيعاااانه
خلود:اكلي بالعافيه
وبدت ملك تاكل وجتهم الخدامه
الخدامه:دخلتهم وينتظرون الانسه ملك
ملك رفعت راسها بااستغراب:من؟
خلود:كوافيرات
ملك بصدمه؛من طلبهم
الخدامه:كان في طلب عندهم مسجل بااسمك
خلود ابتسمت:من غيره
ملك اوجعها بطنها من تذكرت وعفست وجهها
ملك:عبدالملك
خلود هزت راسها بااي
وملك توترت وقامت
خلود:وين؟
ملك:بروووح فوووق ماادري بس هناك شوي
خلود:هههههههه شقاعده تقولين انتي
ملك مشت من الدرج؛ماادري ماادري
وخلود انفجرت ضحك عليها
،
بمكان ثاني بشقه عبدالملك
طلع من الحمام بعد واخذ دش وسمع صوت يناديه بالصاله
ناصر: ي ابن الحلال اخلص علينا ورانا شغل عليك
عبدالملك ابتسم:وش قالو لك ترا بس احلق وانتهينا والحلاق بيجي لهنا شتبي بعد
ناصر:شكلنا مطولين
وسكت عبدالملك شوي سمع صوت التلفزيون ع مباراه وضحك وهو يلبس

23 - 11 - 2021, 12:27 PM

البارت 165

ببيت عبدالله
كانت جنى مع نوال ع الطاوله يفطرون
نزلت دلال ركض ومعها عباتها وشنطتها وتالا وراها
نوال:خير وين؟
دلال:بروح اشتري فستان مع تالا ماراح نطول
نوال رفعت حاجب:وفساتينك اللي مليانه وينهم
دلال:يووه يمه تبيني البس اي شي بزواج عبدالملك
تالا:يلاااا مايمدي
دلال:يلا يلا
جنى لفت لهم:شاقين عمركم وهم ماهم حاسين فيكم اصلا
تالا لدلال:تكلمت النفسيه
دلال كتمت ضحكتها
جنى:ايش قلتي
تالا؛اقول باااي
وطلعو
وجنى لفت لامها:قاهرتني
نوال:خليهم ،، ماعلينا عزمتي صديقاتك
جنى بنفسها تقول(ماتدرين ان عبدالملك هو اللي عزم لمياء وصدمها)
نوال؛هيي تكلمي
جنى:اي اي بعزمهم اليوم
نوال:اي مانبي نتفشل وتنقص وجيهنا ويعرفون انه مو برضانا
هزت جنى راسها بااي وكملت تاكل ونوال تحس بنار كاتمتها
،
العصر
ببيت ناصر
ارجوان بعناد:ماراح اروح
ام ناصر:طيب ليش
ارجوان:انا قلت لكم اي حفله ماراح اطبها وانا بهالشكل
ام ناصر:وش فيه شكلك عشانك ع كرسي طيب هذا حكم ربك
ارجوان صدت:خلاص يمه ماابي اروح لزواجهم ماابي ماابي
تنهدت ام ناصر وقامت عنها تدري بعنادها وطبعا ماراح ياخذون نور لان ماحد يعرف فيها
،
بشقه عبدالملك بعد ماخلص حلاقه
لبس ثوبه وشماغه وشخص وناصر عنده بالشقه
ناصر:امييير
ابتسم عبدالملك:ادري
ناصر؛اسحب كلمتي
عبدالملك وهو يناظر لبشته:لو سحبتها مانقص مني شي
ناصر:ي شيخ ع هالثقه
مارد عبدالملك ورن الجرس وقام له ناصر وفتح الباب وابتسم
ناصر:حي الله عمي عبدالله وش دراك اننا هنا
عبدالله دخل؛محمد قالي ، وين عبدالملك
وطلع عبدالملك من الغرفه وناظر له وعبدالله يناظر له بجمود

23 - 11 - 2021, 12:27 PM

البارت 166

عبدالله يناظر لعبدالملك بجمود
ابتسم عبدالملك بهدوء:ي هلا
عبدالله بهدوء:انت انجنيت؟
عبدالملك:ليش
عبدالله عقد حواجبه؛شلون تتزوج بدون ماتاخذ رايي
عبدالملك باابتسامته:ليش ناسي انا اخذت رايك وانت وافقت وخطبتها منك وملك وافقت وحددنا الملكه والزواج ولا ناسي
عبدالله عصب:بس بعد اللي صار نسينا
عبدالملك؛وانا مانسيت ماني لعبه عندك تحدد وتخلف
عبدالله:عببببدالملك
عبدالملك اخذ بشته :انتظرك بالقاعه بنملك هالوقت قبل زحمه الزواج
ومشى من جنبه وعبدالله اخذ نفس:طيب وقف
وقف عبدالملك ومالف له
عبدالله:ملك راضيه؟
عبدالملك:ملك وخالتي بعد
عبدالله تنهد؛وينهم
عبدالملك:بتعرف بعد الزواج
ومشى وناصر لحقه لبرا الشقه وعبدالله ضاق صدره وبنفس الوقت تجيه افكار كثيييرررر وطلع جوال ملك من جيبه وفتحه وناظر لرساله والرقم والاسم اللي بجوالها وتنهد وسكر ومشى طلع وراهم
،
عند ملك بعد ساعه
بهالوقت كااانت متوووتره والكوافيره شغاله ع شعرها وخلود جالسه وراها
خلود:ارفعي شعرك كله
ملك تناظرها من المرايه:طيب
الكوافيره:بس يبيله شغل طويل
ملك:اشتغلي الحين يلا
الكوافيره:طيب
وبدت تشتغل وملك مو قادره تخفي توترها
وخلود مبتسمه وحاسه فيها
طق الباب ولفت خلود
خلود:ادخلي
دخلت الخدامه؛مدام
خلود:قولي
الخدامه؛هذا محمد عند الباب
ملك بخوف:وش يبي بعد
خلود ابتسمت:بروح اشوف اهدي انتي
ملك:طيب وقولي لي
ونزلت خلود له
ولبست غطوتها وطلعت له
خلود:هلا امر
محمد:مايامر عليك عدو ، هذا الدفتر خليها توقع
ابتسمت خلود:طيب
واخذته ودخلت وهي تشوف توقيع عبدالله وارتاحت شوي انه ماصارت مشاكل
وطلعت لغرفه ملك والدفتر معها وملك من شافتها بالمرايه توترت اكثر
خلود:يلا حبيبتي وقعي
ابعدت الكوافيره وملك لفت وتشوف توقيع عبدالملك وابوها واخذت نفس تبعد توترها ووقعت برجفه وخلود فرحت:الحمدلله مبروووووك
ملك:الله يبارك فيك
باست خلود راسها وطلعت رجعت لها الكوافيره
وملك اخذت نفس وابتسمت غصب لنفسها

23 - 11 - 2021, 12:28 PM

البارت 167

الساعه ظ§ باليل
بالقاعه كانت نوال وبناتها توهم يوصلون القاعه وكاشخين ونوال مبينه ام العريس الفرحانه له وداخلها شي ثاني تماماً ومن دخلو وانصدمو لما شافوها مليانه
نوال كانت لابسه فستان طهبي ومسويه تسريحه ناعمه وطقم ذهب فخم
ودلال فستان ابيض قصير وتوب وفارده شعرها وطالعه ناعمه
وتالا فستان ناعم تركواز مبين برائتها
جنى بفستان اسود ناعم وفخم
لفت لامها
جنى:ياربي كيف كذا بدري حيل ع الحفل
نوال:ماادري المهم بينو انكم فرحانات ابتسمو
جنى عفست وجهها:مو قادره
دلال باابتسامه:خالتي موضي والبنات فيه
تالا:يلا تعالي نروح لهم
ومششو
جنى: وجع وين راحو طول مو مفروض نوقف بالاستقبال
نوال كانت تلف عيونها ع الحاضرين ولا ردت عليها وبعدها ابتسمت ودخلت تسلم وترحب
،
بالفله عند ملك
سكرت خلود ازرار فستانها الابيض من ظهرها ولفت لها ملك وناظرت لها باابتسامه
كانت جججججججججميله ناعمممه ومكياجها مبين جمالها والفستان فخم والطرحة طوويله من شافتها خلود اخذت نفس وارمشت ماتبي تبين دمعتها
ملك:اوووه يمه بتبكيني يعني
خلود:لالالا بس من جد احس حلم ملك تزوجت
ملك ابتسمت:لا مو حلم ، وببقى الصغيره ذيك العنيده اللي تنجنين بعنادها
خلود؛هههههههه
ملك:اي اضحكي
خلود:ي قلبي ربي يحميك ويخليك
باست ملك راسها وخلود لفت بسرعه تجيب عبايه ملك وماتبي تبين دمعتها بعد
كانت خلود لابسه فستان عنابي جميل عليها ورافعه شعرها تسريحه وعليها طقم ذهب من عبدالملك محطوط بغرفتها وكانه يطلب تلبسه بزواجه
بعد نص ساعه
قدام القاعه
نزلت خلود من السياره ومشت للباب الثاني وتساعد ملكيمنع
تنزل بفستانها
ومن نزلت ابتسمت للي استقبلهايمنع
دلال ابرار نوره وتالا والفرحه بعيونهم والخدم وراهميمنع
حست بفرحه اكثر من شافتهم

23 - 11 - 2021, 12:29 PM

البارت 168

دخلت ملك والبنات سلمو عليها وباركوا لها
تالا: ملك غرفتك فوق
ملك:يلا وصليني لها
تالا ابتسمت بفرحه ومسكت يدها
خلود:بنات روحو معها انا بسلم ع الضيوف
دلال:ابشري خاله
ومشو مع ملك لجناحها تستعد فيه لزفه وطبعاً توترها وخوفها كل ماله يزيد وتخفيه باابتسامه
،
دخلت خلود للقاعه باابتسامه وهيبتها كانت من جد كانها صغيره كان شكلها بنت ومن شافوها قرايب عبدالله انصدمو من زمان ماشافوها خلود حيل حليانه
قربت لها حصه بنت عم عبدالله
حصه:خلود
لفت لها خلود وابتسمت بفرحه:هلااا والله
حصه ضمتها؛هلااابك ي الغاليه شلونك
خلود:بخير الله يسلمك
ابعدت عنها حصه ومسكت يدها ومشت فيها لطاوله اهلها وعرفتهم عليها وانصدمو وقامو يضمونها ويضحكون معها
كل هذا تحت نظرات نوال الحاقده كانت متصنعه ضحكتها بس خلود واضح الضحكه من قلب
جنى همست لامها:يمه صديقاتي جوو
نوال؛قووومي استقبليهم ي خبله بفرحه
جنى قامت وملامحها جامده بس من شافت (لمياء معهم)انصدمت
قربت لهم وسلمت عليهم وسلمت ع لمياء الكاشخه
كانت لابسه فستان لركبه وتوب ورافعه شعرها
جنى:ماتوقعتك تجين
ابتسمت لمياء:لا حبيتي جيت
جنى بصدمه:عادي تشوفينهم مع بعض؟
لمياء:ممممم بنات
جنى انصمت اكثر من شطفتها
سلمى:هلا
لمياء:اليوم بنرقص رقص سنه بيوم
غاده؛ههههههه تم
لمياء:ايوه جنون وين طاولتنا
جنى ابتسمت بتصنع؛حياكم تعالو
ومشت لطاوله
،
هالوقت بقسم الرجال عبدالملك واقف بالبشت الاسود والابتسامه وتشخيصته وجنبه عبدالله باابتسامه متصنعه وبشته ويساره عمه ابو سامر وناصر ومحمد وسامر كان يسلم وابتسامته مافارقته
وبهاللحظه همس ابوسامر له
ابوسامر:دورك تنزف
لف له عبدالملك:طيب
واشر لمحمد وفهمه وراح يخبر القسم الثاني

23 - 11 - 2021, 12:29 PM

البارت 169

بغرفه ملك كانت تالا جالسه ع الكنب ويدها ع خدها وتناظر لملك مبتسمه
نوره:بس ي بنت اكلتيها
ملك:هههههههه خليها بشوف اخرتها
تالا:تجننين
ملك ابتسمت:وانتي بعد
ابرار:لا من جد ملك شكلك مامليت منه وانا اناظر لك
دلال:تالوه ابراروه اذكرو الله البنت بتنزل الحين من درج لاتطيح بسببكم
نوره:ههههههه ماشاءالله ماشاءالله
ملك مغصها بطنها من حست ان الوقت يمشي وبلعت ريقها وطق الباب وقامت دلال وفتحته
وملك اخذت نفس وتهدي نفسها وتسمع صوت الازعاج تحت ودخلت دلال
دلال:يلا ملك عبدالملك بيدخل
ملك انصمت وتوترت:يمه
دلال:ههههه وش فيك عادي يلا
تالا:تبيني امسك يدك
دلال:بلا سماجه
ملك؛الا الا ابيها تنسيني ع الاقل شوي من توتري
تالا قامت بفرحه ووقفت قدام المرايه وضبطت شعرها وغصب ملك ضحكت عليها وعلى تفكيرها
تالا:يلا
ومدت يدها وملك مسكتها
دلال:طيب انتظرو لين يعلنون
وماردت ملك ونزلت راسهاا تدعي انه مايصير شي
اما عبدالملك كان واقف قدام الباب قبل ينفتح ووراه عبدالله بس ومالف له ولا تكلم معه
،
(تغطو المعرس بيدخل)
رفعت راسها لمياء وناظرت للباب والحريم تغطو وصديقات لمياء تغطو
سلمى:لمياء وجع تغطي ماتسمعين
لفت لمياء لها وابتسمت:سمعت
اخذت طرحه صغيره وحطتها ع راسها ومسكت طرفها ع خشمها ونص الوجه طالع الظهر طالع والشعر طالع والفستان طبعاً والبنات ماتكلمو معها يدرون بخبالها وجنى ماكانت عندهم عند امها
(انفتح الباب)
وطفت الانوار واشتغلت انوار ع الباب وانوار ع الدرج من فوق
ودخل عبدالملك بهيبته ع نغمات هاديه وطلعت ملك لدرج وتالا معها ماسكه يدها ونزلت ع صوت اغنيه لهم هاديه وعبدالملك يتقدم وعيونه ع الدرج ومبتسم وهيبته كانت موقفه قلب لمياء
وبنفس الوقت ملك اللي مارفعت راسها له
نزلت ملك وصارو يمشون متقابلين ووقف قدامها وهي منزله راسها وتالا ابتسمت له ومدت يدها وهي ماسكة ملك لعبدالملك وضحك عبدالملك ومسك يد ملك ورجفت ملك وتالا نزلت وعبدالله واقف عند الباب يناظرهم ولا تحرك وخلود تناظر له بين فرحتها ببنتها وضيقتها منه
عبدالملك كان يناظر لها وكانه يتاملها رفع راسها بطرف صبعه
وصارت عيونهم ببعض
وابتسم:مبروك
ملك بحياء:الله يبارك فيك
كان ينقل عيونه بين ملامح وجهها وملك استحت وباس جبينها وسكر عيونه مبتسم وملك سكرت عيونها وهنا لمياء اشتغلت بصدرها حريقه وقامت بين صرخات البنات وتصفيقهم وراحت للحمامات ، وبعدها بعد ومسك يدها ومشو للكوشه ووجلست وجلس جنبها وهو ماسك يدها وعبدالله مشى لهم

23 - 11 - 2021, 12:30 PM

البارت 170

ملك ماكانت عارفه ان ابوها فيه ويناظر لها من التوتر لين وقف قدامها ورفعت راسها وناظرت فيه وانصدمت
عبدالله ابتسم؛مبروك
ملك عقدت حواجبها ولفت لعبدالملك وعبدالملك ابتسم وقام وماسك يدها وقفها معه
عبدالملك:الله يبارك فيك
عبدالله ناظر لملك:ماراح تردين
صدت ملك عنه والكل بالقاعه انصدم منها وعبدالله تفشل قرب منها وباس راسها وملك سكرت عيونها وحست ودها تصرخ تقول ابعد ولاتنسى وش قلت لي ، بس ماقدرت وبعد عبدالله عنها
عبدالملك:بتقولي انتبه لها وهالكلام بس بيجيك الجواب*وناظر لملك*دام ملك معي قد مااقدر ماراح اخليها تزعل ولا شوي
ملك ابتسمت له
عبدالله:الله يخليكم لبعض وابتسم
ولف بيطلع شافها جايه ومتغطيه (عرفها هذي خلود بس ليش متغطيه)
مرت من جنبه ولا كانه موجود حس قلبه اوجعه حس بحسافه مو طبيعيه وطلع بسرعه
وقفت خلود قدامهم ونزلت طرحتها
وعبدالملك انصدم ماتوقعها كذا وكانها صغيره
خلود ابتسمت لعبدالملك:شوف عاد يعني انت غالي واكبر دليل اني اعطيتك هالادميه
ابتسمت ملك ونزلت راسها وعبدالملك ناظر لملك
خلود:بس خلني اشوفها مره تبكي منك او مضايقها
عبدالملك:قلت لعمي ،ملك بعيوني
ابتسمت خلود وضمت ملك وملك تركت يد عبدالملك وضمت امهااا حيل
وعبدالملك يناظر لهم
وتركتها خلود:يلا موفقين
ومشت بسرعه ماكان ودها تبعد عن ملك ابد
لف عبدالملك لملك شافها تناظر امها وهمس لها
عبدالملك:اشوفك زعلتي
لفت له وابتسمت وهزت راسها ب لا
ابتسم وقطع عليهم صوت اغنيه اشتغلت
واشر لملك تجلس وجلست وجلس جنبها جتهم تالا ودلال وسلمو عليهم
تالا:ارقص؟
عبدالملك:لالا مانبي
تالا تكتفت:وليش ان شاءالله
دلال:وجع مانبي نرقص الحين خليهم يطلعون
لف عبدالملك لملك:نطلع
ملك بتوتر:لا
ضحك عبدالملك وفهمها وصد
وطلعت لهم جنى ومعها نوال من شافتها ملك جلست تدعي ان الله يستر
ووقف عبدالملك ووقفت ملك وسلم ع راس نوال
نوال بضيق:شلونك من متى ماشفتك
عبدالملك:ههههه يمه وين مبروك
نوال صدت عنه واتجهت لملك وناظرت بعيونها اما جنى قربت لعبدالملك وتتكلم معه تلهيه عن ملك ونوال
نوال:سويتي اللي براسك
ملك ابتسمت؛الله يبارك فيك
نوال:ووجع
ابتسمت ملك:عقبال بناتك
انقهرررت منها وصدت ونزلت بسرعه وملك ابتسمت
اما جنى صرخت:مبروووووك ملوووك
وضمته
عبدالملك ابتسم وبعدها:الله يبارك فيك
جنى لفت لملك:ملك ليش الميك اب كذا يفشل
ملك صنمت تناظر لها
جنى:ههههههههه استغفرالله بس
ونزلت وملك كانت منصدمه وعبدالملك تنرفز من جنى ودلال انقهرت
دلال:مجنونه ماعليك
ملك:عادي
عبدالملك:دلال
دلال:هلا
عبدالملك:قولي لهم يخففون الانوار
دلال:ليش
عبدالملك:يلا
دلال:طيب
وملك مستغربه ونزلت دلال

24 - 11 - 2021, 12:23 PM

البارت 171

لف عبدالملك لملك
ملك بهمس:وش بتسوي
قرب لها:تحسين الحفله صارت ممله
ملك ابتسمت:ومتى بدت عشان تمل
عبدالملك:ي ليل ع التدقيق المهم تعالي
وسحبها وصارت قريبه حيل له والمعازيم يناظرون لهم وهدوء وخفت الانوار
ملك استحت:وش تسوي ابعد
عبدالملك رفع طرف شماغه وحطه بينهم وبين المعازيم وباسها على راسها
واشغلت القاعه صراخ وتصفيق
وملك بعدت بسرعه وتشهقت:شتسوي
ضحك ونسف شماغه
بهاللحظه نوال وجنى ولمياء ع طلعتها من الحمام بتعرف ليش طفت الانوار وشافتهم كلهم كانو منصدمين منه ودلال والبنات صفقوا بفرحه اما خلود ابتسمت وصدت
صرخت بنت:عييييدهاااااا
ملك همست:عمى
عبدالملك:هههههههههه وش فيك عليها تعالي بعيدها
ملك:وجع والله ماتسويها اذبحك
عبدالملك:هههههههههه
ومسك يدها:طيب خلاص بس طولناها يلا نطلع
ملك:طيب
ومشى وسمعو صرخه
جنى:لمممممياء
لفو لها كان طايحه اغمى عليها >او بالاصح تمثيله عشان يناظر لها لان طيحتها وضحت كل جسمها ووجهها
ملك بصدمه:لمياء؟
وتجمعو صديقاتها عليها وشالوها للغرفه والقاعه صارت مشوشه وعبدالملك كان صاد عنها ولا ناظرها
وازعجته الاصوات بالقاعه وواشر يشغل النور وشغل
وسكتو هدوء شوي
ملك كانت تناظر شال لمياء الطايح:وش تبي ذي؟
عبدالملك باابتسامه:من؟
ملك ماردت وعبدالملك سحبها وشالها وشهقت والقاعه كلها رجعت تصفق وتصفر
ملك:ههههههههه عبدالملك نزلني
مارد عليها ومشى فيها لين طلعو
وخلود جالسه بين بنات عم عبدالله وهي مبتسمه
حصه:ماشاءالله ملك طالعه لك
خلود:الحمدلله
اما نوال صدت وتهز بقهر ، حتى طيحه لمياء ماكانها صارت وملك ماانقهرت وعبدالملك قدر يغطي عليها
،
طلعو للغرفه فوق وهو شايلها ونزلها بالغرفه
ملك تعدل طرحتها والضحكه فيها
وعبدالملك يناظر لها وابتسم
ملك ناظر لعيونه ورفعت صبعها ونست كل توترها
ملك:صدقني انت مجنون
عبدالملك:ليش ليش
ملك:احلف بس نسيت تو وش سويت
عبدالملك ابتسم:وش سويت
ملك رفعت حاجب
قرب لها:ماسويت شي بس سويت كذا
وباسها
وهي منصدمه

24 - 11 - 2021, 12:24 PM

البارت 172

بعدت ملك عنه وجلست تناظر عيونه وقريبه حيل له ويديها ماسكه بشته
ملك:اقول
عبدالملك:لا انا اللي بقول شكلنا ماتزوجنا للحين
ملك ضحكت:اي يمكن
عبدالملك:لاتقهريني خلاص وقعت ووقعتي وتزوجنا انتي الحين حلالي واسوي اللي ابي
ملك بعناد:متاكد
عبدالملك تنرفز:ملكوووه
ملك:ههههههههههههه
ابتسم لها وانفتح الباب بسرعه ولفو له منصدمين وعبدالملك صد ع طول
كانت لمياء ومو لابسه طرحه ودموعها ع وجهها والكحل سايل وشكلها يخوف وجنى وراها وكانها بتمنعها تدخل بس ماقدرت وسلمى وغاده وراهم ومنصدمين
لمياء ببكى:اننننت ماااتفهم انت غبي قلت لك احبك افهم افهم
وملك منصصصدمه
عبدالملك بهمس سمعته ملك:الله يلعن ذي
جنى:لمياء تعالي ي قلبي
لمياء:اتركيني
ودخلت وملك تناظر لها
لمياء:انتي هههي من حاسبه نفسك تراكي تررراب كـ..
قبل تكمل عصب عبدالملك
عبدالملك:جنى طلعيها لا اذبحها
جنى:لمييياء
لمياء تناظر لعبدالملك الصاد عنها:تطلعني ليش خايف اقول لزوجتك عن علاقتنا اللي علقتني فيك
عبدالملك انصدم والبنات بعكس ملك ابتسمت وولفت يديها ع رقبه عبدالملك ولف لها
ملك:قلبي ذي وين صار عنها
عبدالملك ارتسمت ابتسامه بصدمه
لمياء:ههههههييييييي عبدالملك لي
عبدالملك: وجعه
قربت لمياء بسرعه وسحبت يديها منه وملك دفتهاا بقوووه وطاحت
ملك:هي انتم تعالو خذوها لا تصير جريمه هنا
لمياء ببكى:الله ياخذكمممم
ملك:برررا
سلمى وغاده وجنى قربو ومسكو لمياء وقومها وهي تبكي ولفت جنى قبل تطلع
جنى:قلنا لمياء غلطت بس ماتبكينها انتي سامعه
عبدالملك:جججنى تكلمي زين وبالعقل ذي الذبح فيها حلال
ملك صدت بثقه عنها وجنى ضربت الباب
وعبدالملك اخذ نفس وعقد حواجبه وضاق صدره
تركته ملك وجلست ع السرير
عبدالملك:خربت الجو
رفعت ملك راسها وابتسمت؛تخسى
عبدالملك عقد حواجبه باابتسامه خفيفه:عادي؟
ملك بثقه:شسوي ي عم انا محسوده عليك
عبدالملك انصدم:يامغيررر الاحوال
ضحكت ملك وعبدالملك جلس جنبها
عبدالملك:يعني جد ماضاق صدرك
ملك بهدوء؛اعرف اللي ان مابينكم شي واعرف كيف كنت جامد زمان واعرف عبدالملك قبل الابتسامه عنده حرام والحين تمشي وتوزع ابتسامات ليش
ابتسم لها؛من شفتك
ملك:ادري
عبدالملك قرص خدها:مغروووره
ملك:هههههه قليلاً مما لديكم
ابتسم لها وجلس يتاملها وهي استحت
ملك:مممم يلا
عبدالملك قام ومسك يدها:يلا
وفتحو الباب ونزلو وتحت لبستها الخدامه عباتها وطلعو والسياره قدامهم فتح عبدالملك الباب لها وابتسمت وركبت
ولف وركب من الجهه الثانيه

المواضيع المتشابهه لموضوع: رواية عشقي ال بدي مكتفي فيك عاشقك للفنى لموضوع: رواية عشقي ال بدي مكتفي فيك عاشقك للفنى
الموضوع	كاتب الموضوع	المنتدى	مشاركات	آخر مشاركة
مكتفي بك 2022	حنين الأشواق	همس الشعر و الشيلات الصوتيه	2	22 - 1 - 2022 11:22 AM
تعب عاشقك بدر العزي 2021	حنين الأشواق	همس الشعر و الشيلات الصوتيه	4	18 - 3 - 2021 03:10 AM
لاتبعثرني تراني مكتفي	جروح الم	همس الشعر والقوافي	2	27 - 12 - 2014 11:28 PM
قال نا عاشقك	استثنائيه	همس عذب الكلام والخواطر المنقوله	10	1 - 5 - 2013 01:53 AM
رواية عشقي	مــلآمـح خ ــجل	همس الشعر والقوافي	12	12 - 6 - 2012 12:46 AM

الذين يشاهدون محتوى الموضوع الآن : 2 ( الأعضاء 0 والزوار 2)

الأعضاء الذين قاموا بتقييم هذا الموضوع : 0
لم يقوم أحد بتقييم هذا الموضوع

رواية عشقي ال بدي مكتفي فيك عاشقك للفنى

همس للقصص وحكايات وروايات