رواية عشقي ال بدي مكتفي فيك عاشقك للفنى

28 - 11 - 2021, 05:19 PM

البارت 203

ارجوان عقدت حواجبها وهمست
ارجوان:ليش بتسافرون؟
ناصر مسك راسه واسنده لوراء
ناصر:شيخه ي ارجوان رجعت وتبي نور
ارجوان شقهت؛نعم؟
ناصر:مثل ماقلت لك
ارجوان:ع كيفها ذي ترميها وهي صغيره عشان تتزوج وبعدها تجي تاخذها
ناصر رفع راسه وناظر لنور اللي تناظرهم مستغربه
ناصر:شيخه عقرب ي ارجوان بس ماتبين
ارجوان:طيب زين تسوي ابعد نور هالفتره ع الاقل وخلها تفقد الامل تلقاها
ناصر هز راسه بااي:هذا اللي بيصير وابتسم لنور وفتح ايده وابتسمت نور وجته تركض وشالها وجلسها بحضنه
ناصر:نور
نور:اااء
ناصر:بابا يحبك
نور:ونور تحب بابا
ناصر باسها:ي عمر بابا انتي
ارجوان كانت تناظر لهم مبتسمه،
،
نرجع فله عبدالله
ملك كانت متوتره وعبدالملك ملاحظ عليها
اما خلود والبنات مستغربات من هدوءها
خلود:مـ...
قطع عليهم صوت جنى
جنى:وجو حبيباتي
لفو وشافهم داخلات ملك من شافتهم عقدت حواجبها وتنرفزت من اشكالهم حيل وعبدالملك وخلود والبنات انصدمو
لمياء بدلع:سلام
سلمى وغاده:سلام
نوال بفرحه قامت:هلا والله وغلا تو مانور بيتي حياكم ي هلا
حصه كانت تناظر لنوال:من هذولي
نوال لفت لحصه:هذولي صحبات جنى
حصه بااستخفاف:من اللي صاحت بالزواج
تالا بضحكه:هذي لميااااء
لمياء تفشلت وسكتت وجنى مسكت يدها ومشو وجلسو
جنى:شرفتونا
عبدالملك نزل راسه وضحك بااستخفاف:هه ماقلتو لنا ان العزيمه لصديقات جنى كان جلست مع ملك بالبيت لحالنا احلا
ملك ابتسمت له حست انه برد حرتها شوي
خلود ابتسمت:حبيبي عبدالملك اعذرني عزمتكم ع انكم لحالكم بس
عبدالملك:معذوره الخطاء من جنى دايم وهي كذا تحسب كل عزيمه لها
جنى تفشلت:عبدالملك ماصار شي
عبدالملك قام:الا صار
لمياء بسرعه:اسفه عبدالملك اذا ازعجتكم نروح
عبدالملك رفع حاجب:لا لاتروحون انا وملك نروح
واشر لملك بيده وقامت ومسكت يده وشبكت يدهم وابتسامتها بوجهها
ملك:يمه اسفه مااقدراكمل العشاء وبكرا ورانا سفر يعني جت من الله
عبدالملك لف لها وهمس:انتي شكلك خلصتي عطري تروشتي فيه صح؟
ملك ماقدرت تمسك نفسها وضحكت ولمياء انقهرت وقامت
لمياء:انا بروح
نوال بفشله:لمياء اجلسي
لمياء بقهر سحبتها جنى وجلست
ملك ابتسمت لها ولفت لهم:يمه خالتي نوال خالتي موضي ودلال وتالا ونوره وابرار وجنى جبت اشياء بسيطه لكم قلت للخدامه تحطها بغرفه امي وفرقيها عليهم ،،وعمتي حصه اسفه ماعرفتك الا تو وابشري بهديه من السفره
حصه باابتسامه:ماتقصرون وربي يخليكم لبعض
عبدالملك:الا اقول
لفت له نوال وهي تبتسم بتصنع
عبدالملك اشر للبنات وهو يناظر نوال
عبدالملك:اذا العزيمه فيها ناس مالها داعي لاتعزموني
نوال:اش فشلتنا
عبدالملك:..

28 - 11 - 2021, 05:19 PM

البارت 204

نوال:ااش فشلتنا
عبدالملك مااهتم:ماعلينا تعالو ودعوني عند الباب لاننا بنمشي الصبح
دلال كاتمه ضحكتها:تتهنون
ومشى وملك ماسكه يده وتحس ودها ترقص من الفرحه فشل لمياء قدامها ولا تبي تتكلم عشان تزيد لمياء قهر اكثرر
لمياء كانت تحترق ومن اختفى سحبت طرحتها ونزلتها بقهر والكل يناظرها دلال وخلود فيهم الضحكه وجنى ونوال متفشلات اما حصه وموضي كانو يناظرون وفاهمين بس مايبون يعلقون
حصه:يالله ي بنات ودعو اخوكم
ابرار:وربي كان ودي اجلس مع ملك وقت اطول
نوال زفرت وصدت
خلود قامت:دلال تالا الحقوني
ومشت والبنات وراها
نوال بقهر همست لموضي:شفتي كيف تمشي بناتي وراها
موضي:اش خلاص اهدي
نوال صدت وقامت بقهر ولحقتهم
جنى بلعت ريقها:لمياء غاده سلمى امشو معي لفوق
لمياء بتوتر:ماابغى
سلمى غمزت لجنى تسكت عنها
لمياء من بين سنونها:الله ياخذها
ابرار سمعتها والسالفه وضحت لمياء تحب عبدالملك
وحبت تقهرها
ابرار:يااااه يمه شفتي كيف لايقين لبعض وربي مثل الحكايات ذيك الكرتون
نوره: حيل ي قلبي هنا
لمياء زاد توترها ونزلت دمعتها وقامت للحمام وصديقاتها حسو عليها وماقدرو يسوون شي
،
اما عند الباب وقف عبدالملك قبل يجونهم وهمس بملك باابتسامته اللي تذوبها
عبدالملك:طبعاً فرحتي
ملك تلعب بطرف شماغه:حيل زين فشلتها رفعت ضغطي
عبدالملك:تخسى ذي عاد
استحت وناظرت لعيونه وسمعو صوت جايهم
دلال:اححم
بعدت ملك عنه بسرعه وماسك يدها
دلال:ياربي خذوني معكم اصير لكم شنطه بس بروح معكم
ملك:ههههههه حبيبتي والله
عبدالملك:جب انتي وياها والله ماتمشين لو تصيرين خدامتنا بالطلعه
دلال:افاااا
عبدالملك:اي والله
خلود:هههههه حرام عليكم الا دلال عاد
ملك:ماقلت شي انا هو قال
عبدالملك:وين تبي تروح معنا انا ماصدقت تقتنع الاخت
ملك ابتسمت:انا بنت الوطن مااطلع
عبدالملك:شف شف
خلود:ههههههههه وهي صادقه ماقد طلعت
عبدالملك:انا اطلعها افا عليك
تالا كانت تشوفهم وعيونها تمتلي دموع لف لها عبدالملك وانصدم:شفيك تالا
تالا:لاتروحون
ملك:ي حياتي
عبدالملك قرب لها وجلس ع مستواها:مااحنا مطولين اسبوع ونص وجايين
تالا حطت يدها ع وجهها وبكت:طويل
لف عبدالملك لهم وكلهم ضاقت صدورهم من صوت بكاها وشالها:تالا الدلوعه قولي بروح معكم
تالا مسحت دموعها؛لا
ع جيه نوال:شفيها تالا
ملك بعفويه:ماتبينا نروح
صدت عنها نوال وقربت لعبدالملك وتالا وملك رفعت حاجب

28 - 11 - 2021, 05:20 PM

البارت 205

قربت نوال لتالا
نوال:حبيبتي وش فيك
تالا:بيروحون برا السعوديه
نوال:طيب عادي بيرجعون!
تالا:بس بيطولون
دلال اخذت نفس:بس عاد تالاوه بلا دلع
تالا:مااتدلع ي دب
دلال شهقت:انا دب ي نقطه
تالا:اي وبعدين تراني كبرت مو نقطه
دلال:اي اي واضح *وجلست تقلدها وهي تبكي وتالا تنرفزت ونزلت نفسها من عبدالملك وتلحق دلال ودلال تضحك
والكل يناظرهم وفيه الضحكه الا نوال كانت تناظر ملك بحقد
وخلود لاحظتها وتنهدت
خلود:اقول عبدالملك انتبه لها زين
عبدالملك ابتسم:بعيوني
ملك تخصرت:ليه بزر انا
ناظرها عبدالملك وهمس:ع هاللبس بزر
ملك لفت له:احلف بس
عبدالملك:هههه لا بس جميله
ملك:اي ادري
نوال ميلت فمها:المهم عبدالملك اسمع كل يوم اتصل فيني وطمني عنك زين حبيبي
عبدالملك ابتسم:ان شاءالله يلا تبون شي
خلود ضمت ملك ونوال صدت عنهم بحقد وناظرت عبدالملك
نوال:لا ي قلبي
خلود وهي ضامه ملك:حبيبتي انتي انتبهي لنفسك
ملك:ان شاءالله
وبعدت عنها وابتسمت
عبدالملك:يلا استاذنكم
والخدامه اعطت ملك عباتها ولبستها
وشبكو يديهم ببعض وطلعو وملك اول مره بتسافر بحياتها بس مو مع امها اللي متقطع قلبها عليها
،
ورجعت خلود لعند الحريم ونوال من القهر ماتدري و تسوي وطلعت لغرفتها ماتبي تكمل العزيمه (كل شي تسويه بتقهر ملك ويرجع عبدالملك القهر لها)
،
نروح لبيت ابوراشد
جمانه كانت خلاص فاقده الامل انهم يأجلون الزواج حاولت تتقبل الموضوع بس ماقدرت فكرت بطرق كثيره تنهي هالزواج بس اي واحد مالها جرئه تسويه
فكرت تكلم ناصر وتترجاه ياجل الزواج بس ماتبي تذل نفسها له قامت وراسها دايخ من كثر بكاها ودخلت تغسل وتتوضى وتصلي عشان ترتاح شوي
،
اما ناصرر كان كل تفكيره بنته نور بس ولا فكر بدراسه جمانه
،
بعد ساعه
عبدالملك منسدح ع السرير ويده ورا راسه
عبدالملك:ي بنت بنام
ملك طلعت معها بالطو وتشيرت:الحين وين بنروح عشان احدد اخذ صيفي ولا شتوي
عبدالملك:ههههههههههههه
ملك تنرفزت:ماقلت نكته جد بعرف
عبدالملك:لاتاخذين شي انا بكلم محمد يجهز لك ملابس هناك
ملك شهقت ونزلت اللي بيدها وقربت وتربعت ع السرير جنبه
ملك:تقول لمحمد يجهز ملابس لي؟؟
عبدالملك:لا ي قلبي انا اقوله وهو يكلم ناس يجهزون
ملك:اي اشوا ع بالي
عبدالملك رفع حاجب:وش ع بالك
ملك ابتسمت وعبدالملك فهمها وسحبها وصارت ع صدره
ملك:هههه وش فيك
عبدالملك يناظر لعيونها:انتي صادقه اخلي محمد يشوف ملابسك هاه
ملك:ماادري يعنـ،،
عبدالملك:والله اكسر راسه وراسك
ملك:شدخلني
عبدالملك ابتسم:كذا كيفي اغار
ملك:مشكلتك
عبدالملك:احلفي بس
ملك:هههه والله
عبدالملك ابتسم:اي والله مشكلتي عشقتك وجلس يناظر لملامحها وملك استحت

28 - 11 - 2021, 05:21 PM

البارت 206

صباح يوم جديد
ببيت عبدالله
طلع من جناح عبدالملك كان نايم فيه
(خلوني اوضح لكم ،، عبدالله اذا جاء دور نوال ينام عندها واذا جت ليله خلود ينزل لجناح عبدالملك وينام فيه لانه شايل بخاطره من كلمتها لما قالت مستغنيه عن ليلتي لنوال وهالكلمه حزت بخاطره وهم من الهموم اللي بصدره)
ودخل للبيت قبل يشوفه احد وطلع لفوق عند غرفه خلود وفتح الباب عليها
شافها نايمه تنهد وقرب لها
وجلس ع السرير يناظر لها
وده يلمس شعرها بس في شي داخله مانعه كان يتامل ملامحها ملك طالعه لها فيها منها كثيرررريمنع
ابتسم وهو يتذكر ايامهم مع بعض وتنهد وصد وخلود تحركت وفتحت عيونها وعقدت حواجبها
وتكلمت ببحه:عبدالله
لف لها بتوتر:هلا صحيتك؟
خلود جلست؛لا بس استغربت ليش جالس هنا
عبدالله قام:اسف ادري انك ماتبيني اجلس عندك بالغرفه بس قلت عشان ماحد يحس
خلود اخذت نفس؛لا مو كذا لاتفسر ع كيفك
عبدالله مارد واتجه للباب:يلا انتظرك البسي وخلينا ننزل
خلود بضيق:طيب
وقامت ونفسها تقدر ترجع عبدالله القديم بس في اشياء لازم تحلها اول فيه عقده كبيره اذا انحلت بيرجع كل شي زي ماكان وهالعقده هي المشكله اللي خلت عبدالله كذا مشكله الرساله،
،
نروح لفله عبدالملك
الخدم طعو شناطهم الصغيره لسياره وملك جالسه تنتظر عبدالملك يجمع اوراق الشغل بمكتبه
ملك بملل:يلااا عبدالملك حتى بالسفر شغل
عبدالملك رفع راسه وابتسم:لا وازيدك من الشعر بيت
ملك رفعت حاجب باابتسامه؛وشو
عبدالملك:بعلمك الشغل عشان اخلص وافتك
ملك تخصرت:احلف بس
عبدالملك:هههههههههه تشوفين
ملك بثقه:نشوف
اخذ الملفات وقرب لها ومسك يدها
عبدالملك:يلا ي قمر الطياره تنتظرك
ملك ابتسمت:طيب فكني بمشي
عبدالملك:اي صح
وتركها وشبك يدها بيده ومشو لسياره وركبو وعلى المطار

28 - 11 - 2021, 05:22 PM

البارت 207

وصلو المطار
ودخلو عبدالملك كان معه شنطه للاوراق شايلها ع كتفه وملك تمشي جنبه وعلي وراهم شايل الشناط
ومن دخلو نزل عبدالملك نظاراته ولف لملك ومد يده وابتسمت له ومسكت يدهيمنع
وشوي قابلهم محمد ومشو له
ملك همست لعبدالملك:بروح اجلس ع ماتخلصون كلام
لف عبدالملك لها:وين تجلسين
لفت ملك واشرت ع كراسي وفي ع جنب شباب جالسين ينتظرون
عبدالملك عقد حواجبه:بتجلسين عند هالشباب لحالك
ملك:والله المطار مو حق ابوهم
عبدالملك ناظرها وشد ع يدها:مافي خلك
وصد عنها
ملك:بس استحي من محمد
محمد كان بعيد عنهم شوي ماحب يجيهم ويقطع سالفتهم
عبدالملك:تعالي وماعليك
ومشى وملك تحاول قد ماتقدر تتخبى وراه عن محمد
وقفو قدامه وابتسم عبدالملك
عبدالملك:هاه الطياره جاهزه
محمد:كل شي جاهز الطياره والكابتن
عبدالملك:كفو
ابتسم محمد:تاصلون بالسلامه
عبدالملك:ربي يسلمك
ومشو لطياره عمام عبدالملك الخاصه
وبعد ماخلص عبدالملك باقي الاوراق اتجهو لطياره
وملك من شافت الطياره ماكانت متوقعه كبرها كذا وابتسمت بفرحه
وركبو وملك تتلفت حبت تكتشف كل شي فيها واشر عبدالملك ع كرسي ملك
عبدالملك:اجلسي هنا
ملك:وانت؟
عبدالملك:جنبك انا بس اجلسي
ملك؛طيب
وجلست وعبدالملك دخل الشنطه بدرجها وجلس بمكانه ولف ملك اللي تتلفت وابتسم
عبدالملك:اعجبتك؟
ملك؛حييييييل
ابتسم؛ويارب تعجبك لندن
ملك بفرحه:اخيراً عرفت وين رايحين
عبدالملك:وبعد لندن بنرجع للمكان اللي تختارينه
ملك بفرحه:جد
عبدالملك:اطلبي بس
ملك تفكر:دقيقه
عبدالملك:ههههههه يلا
ملك:ابي اروح دبي
عبدالملك:ابشري
ملك بفرحه:عساني ماانحرم منك قول امين
عبدالملك باابتسامه:امين ولا منك
ولفت ملك وتناظر من النافذه للمطار والطيارات واخذت نفس وعبدالملك يناظرها وهي فرحانه وحس ان قلبه فرح بفرحها
،
نرجع لبيت ناصر
ام ناصر بشهقه:نعم نعم نعم
ناصر:بملك اخر هالاسبوع وبسافر
ام ناصر:وليش ان شاء الله والتجهيزات اللي جهزتها بعد شهر وش بيصير عليها
ناصر يناظر ارجوان:مضطر اسافر عشان الشغل
ارجوان:اي يمه خليهم ع راحتهم
ام ناصر بعصبيه:وانتي وش فيكك صايره معه
ارجوان:ابي مصلحتهم والشغل عنك زين
ناصر:خلاص يمه انا قررت وانتهى كل شي
ام ناصر بقهر:اوووف منك اوووف
وتركت الطاوله وقامت عنهم
وناصر تنهد وناظر لنور وابتسم لها وهي تاكل وارجوان تناظرهم وضايق صدرها ع حالهم

28 - 11 - 2021, 05:23 PM

البارت 208

بعد ماخلصو اهل عبدالله من الفطور قام عبدالله
نوال بحنيه غريبه:وين رايح
لف لها عبدالله:بروح لشركه الشغل متراكم
نوال:زين لاتتعب نفسك
خلود كانت تناظر لنوال مستغربه
عبدالله رفع حواجبه بااستغراب:اي ان شاءالله ومشى وطلع
جنى قامت وهي تناظر خلود ورافعه حاجب
جنى:ماني بروح للمحاضره قبل تروح عبي
نوال تناظر لخلود:روحي ماما
خلود كانت مستغربه منهم ومشت جنى اخذت عباتها وطلعت وبقى ع الطاوله خلود ونوال
خلود قامت
نوال:وين ماشبعتي
هنا انصدمت اكثر خلود
خلود:الحمدلله
نوال باابتسامه:ولا خايفه تجلسين معي
خلود ابتسمت غصب؛وليش اخاف
نوال صدت وفيها الضحكه:ماادري
خلود ابتسمت:الله يشفيك
لفت نوال بعصبيه؛نعم
خلود صدت ومشت ونوال كانت مروقه بس غصب عصبت من كلامها
،
نروح لطياره كانت ملك تاكل وهي تناظر لنافذه وعبدالملك يقلب بالاوراق
جتهم المضيفه:استاذ عبدالملك تامر ع شي
لفت ملك وناظرت لملك والمضيفه كانت جميله
عبدالملك ابتسم لها:مشكوره سعاد ماابي شي
ملك رفعت حاجب والمضيفه ابتسمت ومشت
ملك:وش تبي ذي
لف عبدالملك:من سعاد؟؟
ملك:سعاد ولا غيرها ليش تضحك معها
عبدالملك كاتم ضحكته:بسم الله عليك متى ضحكت
ملك:الا ابتسمت لها
عبدالملك بيقهرها:وجه منور كيف ماابتسم له
ملك عصبت:هههيييي
عبدالملك:ههههههههههههه
ملك صدت لنافذه وعبدالملك ابتسم ورجع للاوراق وبباله يردد(يزين غيرتك ويازينك)
وملك منقهره منه ماتكلم معها ولا حاول يراضيها

28 - 11 - 2021, 05:23 PM

البارت 209

نروح لمكان جديد
بيت ام ضاري *مربيه نور اول*
وبالتحديد عند الباب وام ضاري متغطيه بجلالها
ام ضاري بقل صبر:شيخه قلت لك لا يعني لا روحي
شيخه تبكي:اروح لوين انا جايه ابغى بنتي وبرجع لديرتي بس ابغى نور
ام ضاري بعتاب:وليش تتركينها من البدايه ليش ترمينها وعمرها سنه
شيخه:غلطه حامد كذب علي ومشيت وراه مثل الخبله
ام ضاري:لانك بجد خبله ناصر رجال مايتعوض تتركينه عشان حامد
شيخه بصراخ؛خلااااااص اللي فات مات والحين بنتي مستحيل تعيش بدون ام
ام ضاري باابتسامه:لاتخافين ناصر بيجيب لها ام غيرك
شيخه بصدمه:كيف؟
ام ضاري:ناصر بيتزوج قريب
شيخه صرخت؛لااااااااا ناصر مايسويها ناصر يحبني انا
ام ضاري:حبك مات خلاص
شيخه بصراخ مجنونه:لالالالالالالالا نور بنتي انا وناصر وبيتم لنا لحالنا
ام ضاري بقل صبر:روحي زين،، تاركه البنت والحين تذكرتيها وينك لما كانت تبكي تبيك وينك لما نطقت اسم ماما بس مو لك نطقتها لناصر نطقت ماما وبابا لناصر بس فاهمه
شيخه ببكى صدت وام ضاري ضربت الباب بقوه وشيخه مشت ودموعها ع وجهها ووتتوعد بناصر اللي ببالها(انه خانها) وكان مفروض يصبر وينتظرها
،
نروح للجامعه
بالكفتيريا
لمياء كانت تناظر الرايح والجاي والبنات عندها ومايبون يتكلمون وتنفجر بوجيههم
سلمى بهمس لجنى:سافر؟
جنى هزت راسها بااي
غاده:زين يبعدون شوي وذي تهدا
سمعتهم لمياء ولفت وهي رافعه حاجب وتناظر غاده
لمياء:نعم؟؟
غاده بلعت ريقها:اقول جيعانه من تبي اشتري لها
جنى بتضيع السالفه:انااا جيبي لي
سلمى:وانااا
غاده:وانتي لمياء
لمياء صدت بعصبيه:ماابي شي
ضغطت غاده ع سنونها ومشت لانها تعرف جنون لمياء واذا عصبت كيف تنقلب وتنسى كل اللي حولها ووين هي
غاده كانت تمشي بسرعه وصدمت بوحده وطاحت كتبها
غاده:اسفه اسفه
ونزلت البنت تجمع كتبها ورفعت راسها لغاده وابتسمت
جمانه؛عادي انا اللي كنت ساهيه
غاده ابتسمت لها وجمعت الكتب واعطتها ومشت اما جمانه جلست بطاوله وتفكر بمصيبتها وناصر كيف تفتك منه طلعت جوالها وجزمت انها اخر فرصه لها انه يوافق يتركها واتصلت وهي مسكره عيونها

28 - 11 - 2021, 05:24 PM

البارت 210

اتصلت وهي ترجف واصوات البنات حولها
عند ناصر كان ع مكتبه من شاف رقمها تنهد ورجع بالكرسي ورا واسند راسه لورا ورد
ناصر ببحه:سمي
جمانه توترت من صوته وبلعت ريقها:شوف انا مااتصلت اترجاك بس لي عندك طلب
ناصر سكر عيونه ببرود:امري
جمانه:بكمل دراستي *وبسرعه* درست خمس سنين عشان اصل هالاخر ترم وانت تقطعه امانه مووو حرام
ناصر تنهد:طيب؟
جمانه بهمس:بكمل ناصر امانه
ناصر ببرود:ابشري
جمانه بفرحه:جد
ناصر:جد
جمانه زفرت بفرحه:مشكور
ناصر:طيب وانا عندي شرط
جمانه باابتسامه:ايش؟
ناصر:بتعرفينه بعدين بعد الزواج
جمانه استغربت
ناصر:يلا سلام،، ع فكره
جمانه؛هلا
ناصر:الزواج ع وقته بس اللي فرق انك تكملين
جمانه اخذت نفس وببالها تقول اهم شي اني اكمل
جمانه:طيب
ناصر:سلام
وسكر
وجمانه من سكرت وابتسامتها ع وجهها ومافارقتها بس تفكر بشرطه ايش ،
،
نروح لمعاريسنا
ملك لفت لعبدالملك لقته مندمج بين الاوراق انقهرت منه مااعطاها وجه ابد
ملك بضيق:وبعدين يعني
عبدالملك رفع راسه لها:ايش؟
ملك اشرت ع الاوراق:مسافر شهر عسل ولا شغل
عبدالملك ابتسم ونزل راسه للاوراق وبعدها غمز لملك
عبدالملك:نضرب عصفورين بحجر
ملك بقهر:احلف بس
عبدالملك ابتسم لها:والله
ملك صدقت وتاففت
وعبدالملك جمع الاوراق:خلاص مانبي نشتغل نجلس نقابلك
ملك:لالا اشتغل وجيب سعاد تساعدك بعد
عبدالملك:ههههههههههههههه والله فكره
ملك:اووووووووف
عبدالملك انفجر ضحك
وسعاد المضيفه دخلت عليهم مستغربه:تبون شي
قبل يتكلم عبدالملك تكلمت ملك
ملك؛لا حبيبتي مشكوره زوج وزوجته يضحكون وش جايبك
استحت سعاد:اسفه
وطلعت وعبدالملك ماقدر يوقف ضحك
ملك:بس بس لاتموت علي
عبدالملك:ههههه وربي انك تنقلبين اذا غرتي
ملك:ماغرت
عبدالملك:اشوف عيني بعينك
صدت ملك وفيها الضحكه
وعبدالملك مد يده ولف وجهها له وناظر بعيونها شوي مبتسم
عبدالملك:انتي من كل عقلك تفكرين ان عيوني ممكن تناظر غيرك
ملك كانت تناظر عيونه
عبدالملك:ماحلا لي غيرك ولا بيحلا لي غيرك
ابتسمت ملك
عبدالملك:عساها ماتفارق شفتك قولي امين
ملك همست:امين ولاتفارقني
ابتسم عبدالملك ...

29 - 11 - 2021, 10:55 AM

البارت 211

بعد ساعات طويله بس مرت قصيره ع ملك وعبدالملك وصلو مطار لندن
واخذ عبدالملك شنطته وملك تلثمتيمنع
عبدالملك ابتسم:يلا
ملك:يلامشى وملك وراه ونزلو وسياره عبدالملك مع سواقها قدام الطياره من نزلو ركبوها ومشو
ملك لفت لعبدالملك:وين بنروح
عبدالملك:للبيت
ملك بصدمه:لك بيت هنا
عبدالملك:مو لي لعمامي كلهميمنع
ملك ابتسمت:حلو
عبدالملك ابتسم لها:تعبتي من الطياره
ملك بسرعه:لااا
عبدالملك:ههههه طيب ليش متحمسه
ملك:اي تكفى بنتمشى قبل نوصل تكفى تكفى تكفى
عبدالملك بضحكه؛طيب طيب
ملك بفرحه ضمت يديها:تعيش
عبدالملك:بس اهدي كانك بزر متحمس
ملك:وش اسوي فرحانه احس مو مصدقه
عبدالملك:ههههه ي قلبي انتي بس
استحت ملك وجلست زين وعبدالملك ضحك عليها
،
بالسعوديه
باليل
كانت جمانه بالصاله فرحانه
وامها جنبها وتشوف ابتساماتها
ام راشد:بسم الله عليك جمانه من جيتي من الجامعه توزعين ابتسامات
جمانه باابتسامه:لاني وصلت للي ابيه
عقدت ام راشد حواجبها:ايش؟
جمانه بهمس:ناصر وافق اكمل دراستي
ام راشد جلست تشوفها ولما استوعبت شهقت
ام راشد:طيب تكلمتي معه؟
جمانه نزلت راسها:كلمته
ام راشد حطت يدها ع فمها:وش سويتي ي هبله
جمانه:شووي يمه ابي مستقبلي انا
ام راشد بعصبيه:اااسكتي لايعرف ابوك يذبحك والله
جمانه:ماراح يدري اذا ماقلتي له
ام راشد ماردت وجلست تشوفها بعتب للي سوته وجمانه تتصدد بنظراتها

29 - 11 - 2021, 10:56 AM

البارت 212

بعد مافر عبدالملك بملك بااغلب الاماكن
عبدالملك:ماتعبتي؟
ملك:هههههههههههه لا
عبدالملك:اوووه للحين البطاريه فل
ملك رفعت حواجبها:قل اعوذ برب الفلق من عيونك
عبدالملك تنهد:قمنا ناخف من العيون
ملك:طبعااًً
عبدالملك:طيب طيب وين تبينا نروح
ملك:ممممم
وعبدالملك يناظرها
ملك:شكلك تعبان؟
عبدالملك:لا بس متعود لازم بعد الطياره ارتاح تعرفين ظهري
ملك بخوف:يوجعك؟
عبدالملك:يبيله راحه
ملك:زين يلا نرجع للفله ،،الله يهديك ليتك قايل لي ع بالي مااتعبك
عبدالملك مد يده ليدها وضغط عليها؛ماتعبت دامي معك
ملك ابتسمت:ولو يلا
عبدالملك اشر لسواق يوصلهم البيت وظهره اوجعه بس كابر ولا قال لملك
،
بيت عبدالله
خلود كانت بغرفتها ومتضايقه بعد ماراحت ملك حست خلاص مالها احد بهالدنيا حتى عبدالله تغير فكرت تروح لحصه تسولف معها بس حصه راعيه عزايم ماتجلس ببيتها
تنهدت وطلعت من غرفتها لدرج ونزلت
وهي نازله سمعت نوال تكلم ع طاوله الاكل تحت الدرج
نوال:لا ي موضي انا ضامنه ان دلال بتسكت......... ياربي ماادري خايفه يعرف عبدالله وربي عاد يمكن يرميني لكلاب الشوارع ماعنده مانع............طيب طيب بهجد هالفتره ماراح اتحرش بااحد....... خلاص قلت بحاول باي.... باي
وسكرت وخلود عقدت حواجبها وش الشي اللي سوته نوال وممكن عبدالله يرميها بسببه؟؟
هزت كتوفها بلا مبالاه ونزلت ونوال من شافتها توترت وخافت انها سمعت
نوال:من متى انتي بالدرج
خلود:تو
نوال عصبت:طلعي صوت مره ثانيه
وقامت ومشت وخلود حست ان فيه شي او تاكدت ان في شي قاعد يصير وكبير بعد وذبحها الفضول بتعرفه

المواضيع المتشابهه لموضوع: رواية عشقي ال بدي مكتفي فيك عاشقك للفنى لموضوع: رواية عشقي ال بدي مكتفي فيك عاشقك للفنى
الموضوع	كاتب الموضوع	المنتدى	مشاركات	آخر مشاركة
مكتفي بك 2022	حنين الأشواق	همس الشعر و الشيلات الصوتيه	2	22 - 1 - 2022 11:22 AM
تعب عاشقك بدر العزي 2021	حنين الأشواق	همس الشعر و الشيلات الصوتيه	4	18 - 3 - 2021 03:10 AM
لاتبعثرني تراني مكتفي	جروح الم	همس الشعر والقوافي	2	27 - 12 - 2014 11:28 PM
قال نا عاشقك	استثنائيه	همس عذب الكلام والخواطر المنقوله	10	1 - 5 - 2013 01:53 AM
رواية عشقي	مــلآمـح خ ــجل	همس الشعر والقوافي	12	12 - 6 - 2012 12:46 AM

الذين يشاهدون محتوى الموضوع الآن : 1 ( الأعضاء 0 والزوار 1)

الأعضاء الذين قاموا بتقييم هذا الموضوع : 0
لم يقوم أحد بتقييم هذا الموضوع

رواية عشقي ال بدي مكتفي فيك عاشقك للفنى

همس للقصص وحكايات وروايات