رواية عشقي ال بدي مكتفي فيك عاشقك للفنى

29 - 11 - 2021, 10:56 AM

البارت 213

وصلو عبدالملك وملك الفله ونزلو من السياره وظهر عبدالملك شد عليه وسكر عيونه وتحمل وسكت
ملك تناظر للفله:جميله
عبدالملك:تعالي شوفيها من داخل
ملك ابتسمت له:يلا
ومشت وعبدالملك تنهد وسكر عيونه وظهره ضاغط عليه ومشى وراها قبل تحس
دخلت ملك الفله من داخل
كانت جميله مو كبيره مره ولاهي صغيره اثاثها راقي وجوها العام مريحه لفت ملك لعبدالملك
ملك:تهبل
عبدالملك مشى للكنب ورمى حاله عليه
وملك عقدت حواجبها:وش فيك
عبدالملك:ولاشي
ملك ابتسمت:طيب انا بطلع للدور الثاني
عبدالملك هز راسه بااي وملك طلعت وعبدالملك لف بقوه ومسك ظهره وهو مسكر عيونه وكاتم صوت اهاته
(ألم ظهره مايجيه الا من فتره لفتره ويجيه اذا سوى جهد وجلس بكرسي مو مريح له او شال شي ثقيل وماارتاح بعدها)
،
نرجع لناصر
سكر سماعه جواله
وهو بالمكتب
سامر:خلصت؟
ناصر: كل شي جاهز باقي ثلاث ايام ع الملكه ماابيها كبيره ببيتهم بنملك بيننا وبين اهلها وبس
سامر؛بس اذكر قلت لعمك بتسوي حفل كبير
ناصر؛لو يمدي الوقت ماقصرت بس مايمدي والسفر ع طول
سامر بصدمه:دقيقه ي ولد ،،ودراستها اللي قلت تكملها
ناصر؛ماسمعتني وانا اكلم ؟!
سامر:سمعتك بس ماتوقعت اقصدها
ناصر:الا اقصدها كنت اكلم واحد يقدر يوصل جامعتهم بياجل لها هالترم
سامر منصدم
وناصر رجع راسه للاوراق
سامر بهمس:ماتوقعتك كذا
ناصر مارد وبسرعه راح تفكيره لنور وتنهد (عشان نور اسوي اي شي حتى لو مااعجب احد فيكم)
مارفع راسه وكمل يقرا الملفيمنع

29 - 11 - 2021, 10:57 AM

البارت 214

هالوقت ببيت ناصر
رن الجرس وارجوان كانت ع كرسيها وتلعب مع نور بالحديقه والخدامه راحت تفتح الباب
ارجوان:نور شيلي يدك غش كذا
نور:هههههههههه لالا
ارجوان بتهديد:نور
ونور تضحك
ارجوان:اقرصك ترا شيلي يدك
نور:لاااا
ارجوان قربت بتقرصها ونور قامت تركض
ارجوان:نوووووور تعالي مااقدر الحقك
نور راحت تركض ولا ردت
ارجوان:طيب نور انا اوريك
ولفت بكرسيها بتمشي وانصدمت من اللي واقفه تناظرهم وارجوان ناظرتها
ارجوان:هلا من انتي؟
ابتسمت من ورا غطوتها:ماعرفتيني شدعوه
ارجوان عرفتها من الصوت ذا صوت جارتهم اللي كانت زمان معهم صوت شيخه
ارجوان بصدمه:نعم وش تبين
شيخه ناظرت لالعاب نور:مالحقت اشوفها حتى هي كانها تدري اني جيت ع مادخلت شفتها تركض للجهه الثانيه
ارجوان خزتها:مالومها واحمدي ربك ماشافتك يلااا برا
شيخه بصوت باكي:بشوفها بس ناديهااا
ارجوان بعصبيه:قلت برررا ماتسمعين بررا
شيخه بكت:ارجوان تكفين وغلاتك بس بشوفها بس
ارجوان بصراخ:ميييررري هذه شلون تدخل هنا
ميري الخدامه كانت واقفه منصدمه منهم
اجوان: طلعيهاا
شيخه بصراخ باكي:قلت وووين نوووور *تناديها* نووووووووور تعالي بنتي نوووور
نور كانت ورا الجدار الصغير راجعه وانصدمت من صراخ الحرمه وشيخه من شافتها ابتسمت وهي تبكي وقربت لها وارجوان ماقدرت توقفها
شيخه:تعالي حبيبتي
نور بخوف تركتها وركضت لارجوان وشيخه من هالحركه انجرحت
ارجوان ضمت نور وصرخت:بررررا ي تبن خوفتي البنت اطلعي
شيخه بتقرب ع دخله ام ناصر للبيت ومنصدمة من المنظر
ام ناصر:بسم الله وش فيه
ارجوان:يمه اطرديهاااا خليها تطلع طلعوها
ام ناصر بتوتر:طيب طيب لاتعصبين ،،من انتي
شيخه مو يمهم وتناظر نور
ام ناصر:من هذي
ارجوان ناظرتها بقرف:شيخه
ام ناصر شهقت بصدمه:نعم،خير وش جايبك
شيخه ببكى:بااخذ نور بنتي
نور هنا خافت و بكت
ارجوان صرخت صرخه سكتتها وصدمت ام ناصر:اطططططططلعي ي حمممممارة
ام ناصر سحبت شيخه لبرا:خلاص اطلعي
شيخه تبكي وماقدرت تمسك نفسها طلعوها ام ناصر والخدامه بقوه وسكرو الباب وارجوان ضامه نور اللي تبكي ومعصبه

29 - 11 - 2021, 10:58 AM

البارت 215

لندن
فله عبدالملك
ملك نزلت عبااتها بالغرفه وجلست تضبط شعرها وهي تناظر للغرفه وجمالها وطبعاً عطر عبدالملك نفسه ع التسريحه ابتسمت وقربت له بتشمه وفجاءه سمعت صرخته ماليه البيت
انصدمت وخافت وطلعت بسرعه له
ونزلت تركض لقته ماسك ظهره ويصرخ بقوه
ملك بخوف:عبدالملك وشفيك
مارد وصراخه يخوف
ملك بصرخه:عبدالملك تكلم وش فيك
مارد وضغط ع ظهره بقوه وملك وقفت قدامه ولاتقدر تسوي شي وبالاصل خايفه معقوله يده؟ بس ماسك ظهره؟ عبدالملك يصرخ من وجع كيف؟يمنع
وعبدالملك كل شوي يقل صوت اهاته
ملك حست وقفتها غلط وقربت له وجلست ع ركبها
ملك:عبدالملك ظهرك اللي يوجعك
عبدالملك حتى ماقدر يرد هز راسه بااي بقوه
ملك بلعت ريقها وتلفت:طيب في حبوب مسكنات لك هنا
عبدالملك بهمس:لا خلاص الحين بيخف
ملك:شلون بيخف انت شايف وجهك ،، عبدالملك جد قول وش اسوي
عبدالملك اخذ نفس واشر لها تقومه
قامت بسرعه وسندته وقام ومشت معه لدرج وهنا خافت ماتقدر تتحمل ثقله
وطلع اول درجه وسكر عيونه بقوه كان يحس بظهره انشد وسكاكين تنغز فيه بس من شاف الخوف بوجه ملك كتم قد مايقدر
وطلع لفوق وهو يحاول يشيل ثقله عن ملك وملك الخوف واضح من انفاسها وسرعتهم
وصل الغرفه ورمى نفسه ع السرير وملك تناظر له فتح عينه وبلع ريقه
عبدالملك:شنطه الاوراق راعي فيه بنادول هاتيه
ملك بسرعه:طيب
وطلعت وعبدالملك اخذ مخده صغيره وحطها ورا ظهرهيمنع
وملك نزلت مرتبكه اخذت الشنطه وطلعت كل الاوراق والحوسه اللي فيها واخذت البنادول ومرت المطبخ اخذت ماء وطلعت بسرعه ومن دخلت شافته مسكر عيونه قربت له
ملك:جبتهم
فتح عيونه واخذ حبتين وشرب ماء ورجع راسه لورا
وهو يتنفس بسرعه
ملك جلست جنبه:يوجعك؟
عبدالملك هز راسه ب لا
وماحبت تسأله عن شي لانه اول مره تصير معه قدامها شافته يفتح عيونه ويناظرها وواضح تعبان وسكرها ،،حست راسه ارتخى وانفاسه انتظمت عرفت انه نام قامت واخذت باقي الشرشف وغطته وجلست جنبه بالسرير وتربعت تناظر له بخوف وتراقبه
،
السعوديه
بيت ابوراشد
ابوراشد بفرحه؛واخيييراً وافقتي ع الزواج
جمانه باابتسامه:اي خلاص
ابوراشد باس راسها:هذي بنتي اللي اعرفها
استحت جمانه وابتسمت وام راشد تشوفها وهي منقهره من تصرفها لما كلمت ناصر بس الحمدلله جاب نتيجه انها وافقت ع زواج هالاسبوع
وجمانه ماتدري باللي مخبيه ناصر لها

29 - 11 - 2021, 11:00 AM

البارت 216

نروح لبيت عبداللهيمنع
بعد صلاه العشاء
كانو متجمعين بالصاله نوال تناظر لتلفزيون وجنى ودلال وتالا ع جوالاتهم اما عبدالله كان ساهي وخلود تناظر له تفكر بمشاكله
قربت له وهمست؛عبدالله
عبدالله لف لها
خلود:بتكلم معك
عبدالله بصوت سمعوه كلهم:مايحتاج ماابي اتكلم مع احد
خلود انصدمت منه وردت بقوه:عبدالله تعال لو سمحت
عبدالله عقد حواجبه وناظرها ونوال رفعت حاجب
نوال:مايبي مو غصب
خلود:الا غصب انتي وش دخلك
عبدالله هنا انحلت عقده حواجبه وناظر لخلود بصدمه اول مره ترد كذا
خلود قامت:انا بغرفتنا
وركزت ع غرفتنا ومشت وعبدالله حس فيها شي وقام وراها
ومن اختفو لفت نوال للبنات:عمى مشى وراها
جنى:تقهر ذي تعدت حدودها
دلال رجعت ع جوالها وكانها ماسمعت شي اما تالا قامت وطلعت للحديقه حست جوهم كئيب ومن شافت جناح عبدالملك اشتاقت له راحت له
،
بغرفه خلود دخلت وتكتفت وعبدالله دخل وراها وسكر الباب
عبدالله باستغراب:وش فيكي
خلود بنرفزه:انا ولا انت
عبدالله صد بضيق:لاتبدين وربي مو ناقص
خلود قربت له بعصبيه ومسكت فكه ولفت وجهه لها وجلست تناظر له
خلود:عبدالله انت تغيرت كثير
عبدالله بهدوء:تبيني اعيد الكلام كم مره؟
خلود:مابيك تعيد الكلام بس فهمني ، ترا انت متغير بسبب تراكمات من نوال انا وش ذنبي؟
عبدالله جلس يناظر لها
خلود:ترا بعد ماسافرت ملك مالي قريب الا انت لاتزيدها علي
عبدالله نزل يدها من فكه وتنهد ولف وفتح الباب وطلع وخلود ضربت رجلها بالارض بقهر كل الكلام مانفع فيه
اما عبدالله نزل وماكان يناظر الا لطريقه (تبلد الادمي) وطلع من البيت ع السياره
،
بجناح عبدالملك تالا من دخلت انصدمت المكيف مشغل،معقوله فيه احد؟
جلست تناظر وتتلفت وشافت سبحه ع الكومدينا اخذتها وعرفتها (سبحه خالد الله يرحمه اخذها ابوه بعده ،يعني السبحه حقت ابوها) وتالا ماتدري ليش ابوها اخذها ،، بس وش جابهااا للجناح
وشهقت وهي تتخيل ابوها ينام هنا
وركضت من الباب الخلفي لجناح خلود

29 - 11 - 2021, 11:01 AM

البارت 217

طقت تالا الباب ع خلود
وخلود متضايقه رفعت راسها
خلود:من
تالا:انااااا
خلود تنهدت وقامت فتحت الباب وابتسمت:امري حبيبتي
تالا رفعت السبحه بوجه خلود وخلود عقدت حواجبها
تالا:هذي سبحه ابوي صح
خلود:اي ليش؟
تالا:تدرين لقيتها بجناح عبدالملكيمنع
خلود استغربت:وش جابها لجناح عبدالملك
تالا هزت كتوفها بماادري:توقعته ينام بجناح عبدالملك
خلود شهقت وتذكرت انها قالت له (ماابيك تنام عندي ومستغنيه عن ليلتي لنوال طلع ينام بجناح عبدالملك بدال ماينام عند نوال بليلتها)
تالا جلست تناظر لها:صح ابوي ينام هناك
خلود مسكت يدها ودخلتها للغرفه وجلست ع مستواها
خلود:اسمعي حبيبتي هالسالفه مفروض ماحد يعرف فيها زين
تالا:طيب بس ليش ينام هناك
خلود:لانه تعبان هالفتره وبيجلس لحاله
تالا:بس ابوي ينام عند امي مرات
خلود توهقت ماتدري وش تقول
تالا بفطنه:ابوي ماينام عندك انتي صح؟! زعلان منك للحين من ذيك السالفه
خلود انصدمت من كلامها مو ع عمرها ابد
تالا بقهر:صح ابوي زعلان من سالفه جوال ملك
خلود بسرعه:لالا
تالا:الا بس ترا بقولك جنى وامي هم اللي سوو كل هذا انتي مالك ذنب يزعل عليك
خلود انصدمت؛وانتي كيف عرفتي
تالا:دلال عرفت وقالت لهم وامي عصبت وقالت اذا قلتي لاحد ماانتي بنتي ولا اعرفك
خلود شهقت وحطت يدها ع فمها
تالا بقهر:ابوي ظلمك
ومشت وطلعت وخلود بين صدماتها من كلام تالا ومن اللي عرفته عن نوال وجنى
ماعرفت كيف تتصرف
،
لندن
ملك كانت تراقبه وهو نايم بين خوفها واستغرابها من اللي صار له قبل ينام
فتح عبدالملك عيونه بشويش وملك فز قلبها
ورجع سكر عيونه وهمس:كم الساعه
ملك:ظ£ الفجر
عبدالملك عقد حواجبه وقام جلس
ملك بخوف:شوي شوي ع ظهرك
عبدالملك مسح ع وجهه وابتسم؛لا خلاص خف
ملك؛متاكد؟
عبدالملك اخذ نفس:اي
ملك:طيب تبي شي جوعان؟
عبدالملك:بقوم اغسل واجيك
ملك هزت راسها ب طيب وقام عبدالملك يمشي وعادي كانه مافيه شي وهالشي اللي ريح ملك

29 - 11 - 2021, 11:02 AM

البارت 218

طلع عبدالملك لقاها جالسه جالسه بمكانها
وشافته وقامت له وتكتفت
عبدالملك:وش فيك؟
ملك:يلا بسمع وش فيه ظهرك
عبدالملك هز كتوفه بماادري
واتجه لتسريحه يمشط شعره
وملك جلست ع السرير وتربعت:جد عبدالملك؟
عبدالملك:والله ماادري ولا ابي ادري
ملك:لامو ع كيفك هو؟
عبدالملك لف لها رافع حاجب:اي ع كيفي
ملك اخذت نفس وصدت
وعبدالملك رجع يمشط شعره ويناظرها من المرايه:تعشيتي؟
ملك:لا
عبدالملك:طيب يلا قومي البسي بنطلع ناكل
ملك رفعت جوالها له:ي هووووه الساعة بتصير ظ¤
عبدالملك:ههههههههه عادي هنا كل شي يحلا بعد ظ،ظ¢ يلا قومي
ملك ابتسمت:طيب
وقامت بسرعه بتلبس وعبدالملك رجع لجواله يطقطق فيه
شوي وطلعت مخلصه
ملك:يلاا
عبدالملك:دقيقه انتي نمتي؟
ملك بضحكه:لا
عبدالملك:صادقه؟
ملك:ههههههه والله
عبدالملك:اجل مافي طلعه
ملك:لا لاتكفى بس نتمشى ونتعشى ونرجع
عبدالملك:لا اله الاالله ماشاءالله بس
ملك:هههههههههه يلااا
ومسكت يده وقومته وقام معها وطلعو من الغرفه لتحت
عبدالملك شاف الاوراق اللي طالعه من الشنطه وعقد حواجبه:من داخل هنا
ملك ضغطت ع سنونها؛انا كبيتهم
عبدالملك:ليش؟
ملك:بطلع البنادول طيب
عبدالملك ابتسم:وكذا يطلعون البنادول ي بزر؟
ملك:هههههههه مستعجله
ابتسم لها واتجه يجمع الاوراق وبعدها طلعو
،
السعوديه
كان ناصر توه راجع من الشغل تعبان
ودخل البيت
هدوء استغرب عالوقت ارجوان ونور يلعبون
ودخل لداخل البيت شاف نور نايمه ع رجول ارجوان وارجوان تمسح ع شعرها وامه جالسه عندهم وعقد حواجبه
ناصر:وش فيكم
لفت ارجوان له بسرعه:زين جيت
ناصر بخوف:نور فيها شي؟
ام ناصر تاشر لارجوان تسكت وارجوان مااهتمت
ارجوان:ناصر شيخه كانت هنا
ناصر انصدم:ايش
ارجوان:وكانت تبي نور والبنت من الخوف بكت
ناصر عصب:ومن سمح لها تدخل
ارجوان:خلك من هذا اليوم جت البيت بكرا ماتدري وش تسوي
ناصر:ان ماذبحتهااا
وجاء بيطلع وام ناصر قامت وصارت قدامه:ناصر اهدا الحرمه ناقصه لاتبلي حالك بها
ناصر بعصبيه:ناقصه ع نفسها مو علي
ام ناصر بخوف:طيب طيب بس اهدا واجلس واحنا ندور حل
لف ناصر وناظر لنور النايمه وحس بقهر وداخله شي واحد بس (نور)

29 - 11 - 2021, 11:02 AM

البارت 219

بسياره عند عبدالملك وملك
عبدالملك وجع ظهره صح راح بس في نغزات يتحملها ولا يقول
اشر لمكان:حلو هنا؟
ملك ناظرت للانوار فيه والناس:اي خيال
عبدالملك:طيب يلا
ووقف ونزلو
وقربت له ملك ومسكت يده وهي تناظر للبنات
ملك:اشوف عينك تروح هنا ولا هنا
عبدالملك؛ههههههه لا ماعليك اصلاً شوفي كل وحده معها حبيبها
ملك ابتسمت:طيب تعال
ومشو وعبدالملك ياشر يوريها الاماكن اللي يجيها بالاغلب
وملك مستانسه بالتمشيه
عبدالملك:تعالي نتعشى
قدامهم مطعم وطاولات داخل وفي طاولات برا
ملك:بس بنجلس برا
عبدالملك:طيبيمنع
وجلسو تحت نظرات وحده مايدرون عنها شي
طلب عبدالملك العشى وملك تتلفت
حست بوحده ضربت كرسيها بقوه وملك شهقت
(البنت) : sorry
ملك ناظرت لعبدالملك ماتعرف وش قالت عبدالملك ناظر للبنت
عبدالملك : no problem
البنت عقدت حواجبها وتكلمت عربي:انت عبدالملك ال.....
عبدالملك ابتسم:هلا والله اي
ملك رفعت حاجب وناظرت للبنت كانت لابسه جنز ضيق حيل وبلوزه قصيره وفاكه شعرها الطويل
البنت:انا خوله ال... بنت فيصل ال.....
عبدالملك ابتسم:والنعم ابوك الكاتب؟
خوله هزت راسها ب اي وهي مبتسمه:اخذ معك مقابله وكتب عنكم انت وعايلتك صح
عبدالملك:اي اذكر
خوله سحبت كرسي وجلست معهم:وربي مو مصدقه كنت اناظرك من شوي ماتوقعتك انت
ملك انصدمت من جرائتها
عبدالملك ناظر لملك؛هذي زوجتي
خوله شهقت وناظرت لملك:اممما تزوجت
ملك باابتسامه مقهره:اي تزوج وهذا شهر العسل
خوله لفت لعبدالملك:توقعتك ماتتزوج ابد ههههههههههههه
عبدالملك ابتسم وناظر لملك اللي واضح من عيونها ودها تقوم وتذبحهاااا
وجاء الطلب
خوله:يلا اخليكم تاكلون
ملك صدت عنها
عبدالملك:سلميني ع ابوك
خوله طلعت كرت وحطته قدام عبدالملك
خوله:وانا ترا كاتبه وبكتب عنك وعن شركتك انتظر مكالمتك وابتسمت
عبدالملك اخذ الكرت:ماشاءالله ..طيب ع خير
خوله باابتسامه وبصوت هامس:اشوفك
ومشت وملك جلست تناظر لها:هذي سعوديه؟
عبدالملك يناظر لخوله ورجع لملك:ايه
ملك لفت:عممممى وربي عممى
ابتسم عبدالملك:ليش
ملك بقهر:شفت لبسها
عبدالملك:اي شفت
ملك بدت تاكل:قرف
وعبدالملك كاتم ضحكته

29 - 11 - 2021, 11:03 AM

البارت 220

بعد مااكلو وخلصو
وملك تناظر للكرت اللي ع الطاوله كرت خوله
وابتسمت لعبدالملك
ملك:شبعت انا
عبدالملك:بالعافيه
ملك:الله يعافيك وانت؟
عبدالملك ناظر للاكل:الحمدلله (ابتسم لملك') شبعت
ملك:بالعافيه يلا نقوم
عبدالملك مسح فمه واخذ الكرت بجيبه وقام:يلا
وملك ميلت فمها وصدت ودها لو ينساه بس ماصار وقامتيمنع
ملك:بغسل واجيك
عبدالملك:طيب
ودخلت ملك لدوره المياه تغسل وتفكر بخوله وكلامها مع عبدالملك وتنهدت وحاولت تقنع نفسها انها تنساها ولاتفكر فيها ابد
وطلعت لعبدالملك وعبدالملك مد يده لها ومسكتها يتمشون ملك كانت متلثمه
ولفت عبدالملك وهمست:جاني النوم
عبدالملك:هههههههه خلصت البطاريه
ملك ابتسمت:من اكلت حسيت بحب الفراش
سحبها عبدالملك وصارت ع صدره وضامها وهو يمشي
عبدالملك:طيب شوي ونروح للبيت
ملك ابتسمت وهي ساكته
والاجواء كانت خيال
ركبو السياره ومشو وملك لفت له تناظر لعبدالملك وكانها تتامله
وعبدالملك لف لها وهو يسوق وعقد حواجبه باابتسامه:شفيك؟
ملك تنهدت بحب:ولا شي
عبدالملك ابتسم ومد يده ليدها
ملك وهي تلعب بيده:بقولك شي
عبدالملك:قولي
ملك:ممممم
عبدالملك ينتظرها تتكلم
ملك:بعرف خوله ذي وش تبي
عبدالملك لف لها بسرعه:ايش
ملك ترمش:وش تبي فيك
عبدالملك:ههههههههههه توقعتك بتقولين شي رومنسي وكذا
ملك:اااااي مو انا لاني احبك واغار عليك اقول كذا
لف لها عبدالملك وجلس يناظر لها
ملك ابتسمت:وش فيك
عبدالملك باابتسامه تجنن:لا بس بقول حتى انا احبك
استحت ملك ونزلت راسها ليده وهو ضغط ع يدها بحب
،
نروح لبيت ناصر
كانو بالصاله ومتوتر ويناظر لنور اللي بحضن ارجوان ويهز برجله يديه الثنتين ضامهم وحاطهم ع فمه
ام ناصر بضيق:ناصر وش فيك
ناصر:خايف ع هالبنت من شيخه
ام ناصر:ماتقدر تسوي شي اهدا انت
ناصر:بلاك ماتعرفينها حيه من تحت تبن تتسيكن لين تتميكن
ارجوان:انا اقول تزوج جمانه وسافرو
ناصر:هانت مابقى شي بس اللي ابيه منكم نور ماتفارقكم
ام ناصر:وجمانه ماتعرف بنور؟
ناصر تنهد وقام:ماعليكم بهالشغله خلوها علي
وطلع وام ناصر بضيق ناظرت لارجوان وهزت كتوفها بااسف

30 - 11 - 2021, 05:35 AM

الشخصيات اللي ناسيناها طبعاً
سامر (ظ¢ظ¥) ولد عم عبدالملك واقرب واحد له بعد ناصر اكبر اخوانه وخواته ولا يحتك بااحد مثير شخصيته عجيبه انعزالي يعني
محمد (ظ¢ظ¤) وحيد امه اللي مالها غيره ولا له غيرها عرفهم عبدالملك من زمان وساعدهم مالياً وحلف محمد يشتغل عنده لين صار يده اليمينيمنع
خوله بنت فيصل (ظ¢ظ¢) كاتبه ع ابوها كاتب بجرايد ومجلات عن السياسه وهي اخذت مجال كتابه عن مشاهير متفتحه عايشه ب لندن وتجي لسعوديه زياره لقرايبها
نور (ظ£ سنين ونص) بنت ناصر والكل يعرف قصتهايمنع
ونكمل الرواية

30 - 11 - 2021, 05:36 AM

البارت 221

بسياره عبدالله كان يفكر بكلام خلود
(بعد ملك مالي غيرك)
حس انه ظلمها بقساوته هذي اللي مفروض تشمل جنى ونوال وحتى ملك لانه ماتاكد من الرساله وشعوره متشتت ،، بس مع كل هذا خلود مالها ذنب حس انه لازم يتكلم معها ويراضيها واتجه للبيت وهو يفكر بالكلام اللي بيقوله لها
وصل للبيت ووقف السياره واخذ نفس ونزل
واتجه للباب وفتحه
شاف دلال وجنى عند التلفزيون وقف قدامهم ولفت دلال وابتسمت له ونوال طلعت من المطبخ وشافتهم
دلال:هلا يبه
عبدالله:هلابك وين خالتك خلود
ع نزله تالا بسرعه ومعصبه من سمعت صوت الباب عرفته انه جاي
تالا بعصبيه:وش تبي فيها
عبدالله انصدم والكل استغربو
عبدالله:وش فيك حبيبتي
تالا بصراخ:انت ظلمت خالتي خالتي مالهااا دخل ليش مزعلها ليش تنام بجناح عبدالملك بدال ماتنام عندها
هنا الكل انصدم من كلامها وعبدالله فتح عيونه بصدمه
تالا رفعت السبحه؛شفتها بجناح عبدالملك انت مزعل خالتي عشان سالفه جوال ملك صح
عبدالله ماقدر يتكلم ومنصدم منها
دلال:تالاااا
تالا:لا بقوله يبه ملك وخالتي مالهم دخل
عبدالله عقد حواجبه ونوال تذكرت انها سمعت كل شي وشهقت
وجنى لفت لها بتوتر
عبدالله:شلون مالهم دخل
تالا ناظرت لامها ونوال كانت جامده
تالا:امي وجنى اللي ارسلوها لجوال ملك
نوال ارتخت وحست حياتها انتهت وجنى ماقدرت تتحرك اما عبدالله حس بصدمه قويه ودلال شهقت
دلال:تالا اسكتي
تالا لفت لها:امي قالت لك اذا قلتي انتي مو بنتي بس انا ماقالت لي امي ماتحب خالتي ولا تحب ملك ليش تظلمهم حرام
عبدالله ناظر لجنى:صدق هالكلام
جنى بلعت ريقها وناظرت لامها
ونوال سكرت عيونها بقوه
عبدالله لف لنوال؛نوال اسئل صدق هالكلام
ماردت
عبدالله بصرخه :تكلمي
نوال سكرت عيونها بقوه وسكتت
ع نزله خلود بسرعه:وش فيه؟
عبدالله ناظر لها:انتي تدرين ان نوال هي اللي ارسلت الرساله لملك؟
خلود ناظرت لنوال
تالا:اي توي انا قلت لهاااا
خلود رجعت ناظرت لتالا
عبدالله:يعني ملك مالها دخل
خلود بهدوء:قلت لك
عبدالله مسك راسه:انا الغبي انا
ورفع راسه وناظر لنوال بعصبيه و..

المواضيع المتشابهه لموضوع: رواية عشقي ال بدي مكتفي فيك عاشقك للفنى لموضوع: رواية عشقي ال بدي مكتفي فيك عاشقك للفنى
الموضوع	كاتب الموضوع	المنتدى	مشاركات	آخر مشاركة
مكتفي بك 2022	حنين الأشواق	همس الشعر و الشيلات الصوتيه	2	22 - 1 - 2022 11:22 AM
تعب عاشقك بدر العزي 2021	حنين الأشواق	همس الشعر و الشيلات الصوتيه	4	18 - 3 - 2021 03:10 AM
لاتبعثرني تراني مكتفي	جروح الم	همس الشعر والقوافي	2	27 - 12 - 2014 11:28 PM
قال نا عاشقك	استثنائيه	همس عذب الكلام والخواطر المنقوله	10	1 - 5 - 2013 01:53 AM
رواية عشقي	مــلآمـح خ ــجل	همس الشعر والقوافي	12	12 - 6 - 2012 12:46 AM

الذين يشاهدون محتوى الموضوع الآن : 1 ( الأعضاء 0 والزوار 1)

الأعضاء الذين قاموا بتقييم هذا الموضوع : 0
لم يقوم أحد بتقييم هذا الموضوع

رواية عشقي ال بدي مكتفي فيك عاشقك للفنى

همس للقصص وحكايات وروايات