رواية عشقي ال بدي مكتفي فيك عاشقك للفنى

30 - 11 - 2021, 05:37 AM

البارت 222

عبدالله بعصبيه قرب لنوال ووقف قدامها
عبدالله:انتي سويتيها
نوال صدت
عبدالله:كم مره محذرك انتي وبنتك كم
نوال:عبـ...
عبدالله قاطعها بصرخه:جنى مفصوله من الجامعه هالسنه وانتي طـ...
خلود بسرعه:عبدالله لا تكفى لا
عبدالله ناظر لنوال بقهر
خلود بهدوء:اغلطت علي انا وبنتي وانتهينا بس وش ذنب هالبنات فكر فيهم
عبدالله بقهر مالف لها:تستاهل الطلاق
خلود:طلبتك
عبدالله حزت بخاطره نبرت خلود وصد عن نوال واعطاها ظهره اما نوال منصدمه من خلود
عبدالله منزل راسه:نوال
نوال وقف قلبها شوي
عبدالله:خلك عند بناتك بس محرمه علي
نوال انصدمت:كيف
عبدالله:وجنى انسى الجامعه
جنى كانت تبكي من قالها اول مره
وطلع لفوق وتركهم وخلود تنهدت بضيق ولحقته اما نوال انهارت وجتها دلال مسكتها وهي تبكي
جنى ببكى:كله منهم كله منهم
شوي وناظرت لتالا وجلست تناظر وتالا خافت وجنى صرخت
جنى:تتتتتتتتتتتتتتعالي ي حمممممارة
تالا بخوف ركضت لفوق لغرفتها وسكرت ع نفسها وجنى لحقتها وتضرب الباب بقوه ولا فتحت وصرخت عليها:والله ماخليكي بسببك بنحبس بالبيت والله مااخليكي
وتالا كانت خايفه بغرفتها ع سريرها
،
اما نوال تبكي ودلال تحاول تهديها وماقدرت
نوال:خلاص انا بحسبه المطلقه خلاص
دلال:يمه استهدي بالله
نوال تبكي ولا ردت
.
نروح لندن
دخلو عبدالملك وملك الفله
ملك تناظر الدرج :مااابي حيل اطلعه
عبدالملك نزل مفاتيح السياره وشالها وهي انصدمت
ملك:هههههههههههههيمنع
عبدالملك:الاكل سمنك صايره ثقيله
ملك:ههههههههههه
عبدالملك من ضحكها ابتسم:تسلكين واضح الدايخه
ملك باابتسامه:حيل
ومشى فيها لفوق ودخلها الغرفه وسدحها ع السرير وغطاها وملك نامت ع طول وهي مبتسمه نزل لمستواها وجلس يناظر لملامحها ومسح ع شعرها وباس خدها
وابتسم وقام يبدل عشان ينام معها

30 - 11 - 2021, 05:37 AM

البارت 223

بغرفه خلود
دخلت شافته جالس ويهز رجله بتوتر ويفكر
واخذت نفس وقربت له
خلود:عبدالله
عبدالله رفع راسه لها بضيق:ظلمت ملك بسبب هالحقيره
خلود جلست جنبه وحطت يدها ع فخذه:ملك قلبها طيب وبتسامحك
عبدالله رجع يفكر:ليتني طلقتهاااااا
خلود:طيب والبنات؟ لو طلقتها وين بيرحون
عبدالله بعصبيه:بيبقون عندي اكيد
خلود:صعبه كل بنت محتاجه امها اكثر من ابوها
عبدالله صد عنها بقهر:وجنى اشهد اني اغلطت بتربيتها
خلود:مع الوقت بتدري انها اغلطت
عبدالله بضيق؛ااااخخخ بس للحين مابردت حرتي فيهم
خلود ضغطت ع كتفه:طيب خلاص لاتضايق نفسك اكثر ،، وعرفت انو ملك مالها دخل وعرفت ان جنى وامها اغلطو وعاقبتهم ليش للحين ضايق
عبدالله تنهد ولف لها:صعب اني ادري اني حكمت ع احد ظلم!
خلود ابتسمت له:او اي احد مكانك بيسوي كذا
عبدالله:بس انتي زعلتي
خلود باابتسامتها:واي احد مكاني بيسوي كذا
ابتسم عبدالله من ردها
خلود:عاااد خلاص ابي عبدالله القديم
عبدالله مسح ع شعرها:ابشري فيه
فرحت خلود من رده وهمس
عبدالله:والله تالا طلعت مو بسيطه
خلود:ههههههههه شفت كيف
عبدالله وكانه تذكر شي وقام بسرعه:الحين يتوحدون فيها
ومشى بسرعه للباب وخلود لحقته
ومن طلعو ومشو شوي شافو جنى تضرب باب تالا بقوه
جنى:افتححححححي بسسسرعه
تالا من ورا الباب:لالالالا
جنى:ي حمارة افتـ..
عبدالله بصرخه:جنى
جنى جمدت ولفت بخوف
عبدالله قرب لها وسحبها من يدها بقوه وهي تصرخ
خلود:عبدالله خلهااا
مارد وسحبها لغرفتها ودخلها ودفعها وطاحت وهي تشهق بخوف
ونزل عقاله وصار يضربها بقوه وبكل مكان يطيح عليه عقاله وهي تصرخ وخلود ماقدرت توقفه اما عبدالله حس ان بضربه يرجع يربيها من جديد

30 - 11 - 2021, 05:38 AM

البارت 224

بالشركه
ابومتعب بثقه:مكاني ادري ماراح يتغير بهالشركه صح ي النسيب
ابوسامر باابتسامه:صح
ابومتعب عدل ثوبه من فوق واخذ نفس:كنت واثق مااعطيتك بنتي جوري الا وانت قدها
ابوسامر:بس يبقى بالسر بيني وبينك ولا احد يدري بهالزواج عشان ام العيال والعيال يعني
ابومتعب بضحكه:ههههه اي اكيد بس بشرط
ابوسامر تنهد يعرف شرطه
ابومتعب:عبدالملك مايقرب علي
ابوسامر:ان شاءالله
ابتسم ابو متعب وتعدل ع مكتبه وهو يحس ان اللي يبيه صار بعد مازوج ابوسامر بنته الصغيره وعمرها ظ¢ظيمنع بالسر وابوسامر قام استاذن لمكتبه
.
لندن
الساعه ظ£ بعد الظهر
قام عبدالملك من النوم مروق وشبعان نوم
شافها مو بمكانها ابتسم وقام اخذ دش ولبس بنطلون وتيشيرت وصلى ونزل شافها بالمطبخ بشورت ووتيشيرت ناعم وشعرها الطويل فاردته
قرب لها وصار وراها وشافها تسوي قهوه
عبدالملك:ريحتها تعدل الراس
ابتسمت بدون ماتلف له:قمت مشتهيتها
عبدالملك مسك خصرها وبعدها :طيب انا بكمل شكلك مطوله
ملك:هههههههههه احسن اصلاً بطلع بشوف الجو
ناظرها عبدالملك من فوق لتحت:بهالشكل؟
ملك ابتسمت:مافي احد
عبدالملك ناظر للقهوه:لا علي وصل لندن امس بعدنا واكيد بيجي كل فتره يشوف اللي يشتغلون بهالفله
ملك تكتفت:وشلون يعني
عبدالملك:يعني افتحي الشباك واجلسي بالصاله
ملك انقهرت:طييييب
وطلعت وعبدالملك ابتسم وخلص القهوه واخذها بااكواب لصاله

30 - 11 - 2021, 05:38 AM

البارت 225

اخذ القهوه وشافها بالصاله وتفتح النافذه الكبيره
عبدالملك نزل القهوه:تعالي
ملك لفت له:ياااه ي عيني كانك انت اللي سويتها صح
عبدالملك:اي انا هههههههه لايكون عندك غير هالكلام بعد انكري
ملك رفعت يديها:لاااا انت انت اللي سويتها
ابتسم عبدالملك ورن جواله وملك جلست واخذت كوبها وعبدالملك طلع جواله وشاف الاسم وابتسم
ورد
عبدالملك:هلا والله حي هالرقم
فيصل:هلابك ي ولدي شلونك
عبدالملك:عال العال شلونك انت
فيصل:بخير دامك بخير يقولون انك ب لندن
عبدالملك بضحكه:ههههه قالو لك
فيصل:خوله كلمتني امس وقالت انها شافتك
عبدالملك:اي شفتها تقول بتاخذ مقابله
فيصل:حلو يلا بدايه خير معك
ابتسم عبدالملك:ان شاء الله
فيصل:وبشرني عن مقابلتكم بعد ماتخلص
عبدالملك:ههههههه موله بتقول لك قبلي الظاهر
ملك رفعت راسها وناظرت له
فيصل:اي ان شاءالله يلا تبي شي
عبدالملك:سلامتك
وسكر وجلس وملك بقهر بس اخفته وهمست وهي تناظر لقهوتها
ملك؛من هذا؟
عبدالملك:فيصل ال،،،، كاتب تعرفينه صح؟
ملك ابتسمت له بتصنع:لا ماحصل لي الشرف
عبدالملك اخذ قهوته:ابو خوله اللي شفناها امس
ملك صدت:هلا هلا
عبدالملك ناظر لها:وش فيك؟
ملك:اقول وش رايك نطلع نتمشى
عبدالملك باابتسامه:كم ملك عندي
ملك رفعت صبعها:وحده
عبدالملك:وعساني ماانحرم منها
ابتسمت ملك له وجلست تناظر عيونه وعبدالملك تذكر شي
عبدالملك:اي صح كرت البنت لايضيع لازم اكلمها
ملك ميلت فمها وصدت ووبالها تقول(شكلها ماراح تخلينا ناخذ راحتنا هالخوله)
وعبدالملك نزل كوبه وطلع وطلع الكرت ونزل يكتب رقمها بجواله وملك من شافته قامت وهو وقف قدامها وبس كتب الرقم رمى الكرت وابتسم لملك ..
عبدالملك:يلا البسي وانا انتظرك
ملك:طيب
وطلعت تلبس
وعبدالملك اتصل بخوله
وعلى طول ردت بصوت ناايم وببحه
خوله:هلا
عبدالملك:الو السلام عليكم
خوله بااستغراب:مين؟
عبدالملك:معك عبدالملك
فزت خوله من سريرها وجلست:هلا عبدالملك هلا
عبدالملك:هلابك
خوله:اسفه ماتوقعته انت
عبدالملك:عادي،،تقولين متى نتقابل؟
خوله بفرحه؛متى تبي بس
عبدالملك:ممم بعد ثلاث ساعات زين!
خوله بهمس:زين اشوفك
عبدالملك رفع حاجب:طيب
وسكر قبل ترد
ع نزله ملك:من كنت تكلم
عبدالملك يطقطق بجواله:خوله
ملك اخذت نفس:ومتى بتقابلها ان شاءالله
عبدالملك لف لها:بعد ثلاث ساعات
ملك:اها
عبدالملك مد يده لها:تعالي وانتي معي اكيد
ملك ابتسمت:طيب
وفرحت ان عبدالملك بياخذها معه وطلعو ومن الفله لسيارهيمنع

30 - 11 - 2021, 05:39 AM

البارت 226

ببيت عبدالله طلع من غرفه جنى وهو يتنفس بسرعه وعقاله بيده وشماغه ع كتفه وخلود واقفه تناظر لجنى اللي ملتويه ع نفسها وتبكي
مشى من جنبها عبدالله وناظر لتالا كانت فاتحه باب غرفتها وتناظر له بخوف ولف لدرج وشاف نوال ودلال يناظرونه ولا احد قدر يتكلم
عبدالله:تجمعتو زين اسمعو .. هالبيت من اليوم وبعد مااسمح فيه بغلطه فاهمين
الكل خاف وهمسو:فاهمين
عبدالله رفع عقاله لنوال:وانتي بالذات مع بنتك
نوال بخوف هزت راسها بااي
صد عنها عبدالله ونزل من جنبهم وخلود تنهدت ونوال ركضت لغرفه جنى تهديها
،يمنع
ودلال ناظرت لتالا وراحت لها وضمتها عشان تهدى شوي وخلود نزلت ورا عبدالله
،
بالصاله رمى عبدالله نفسه ع الكنب وخلود ارتكت ع الدرج وماقدرت تقرب له وخلته يهدى
اما عبدالله سهى يفكر باللي يصير معهم .. اللي سواه معقوله بعده بيهجدون جنى ونوال؟!
تنهد وسكر عيونه
،
نروح لبيت ناصر
هالوقت كانت ام ناصر تجهز نفسها وتجهز غرفه ناصر اللي بيكون زواجه بعد بكرا صح كانت معارضه بس بعد اللي شافته من شيخه وافقت ع اللي بيسويه
ونزلت شافت ارجوان تلعب مع نور وضحكهم مالي البيت ابتسمت ووقفت قدام ارجوان
ام ناصر:هاه ارجوان خلصتي تجهيزاتك؟
رفعت ارجوان راسها لامها:اي تجهيزات؟
ام ناصر؛لزواج ناصر
ابتسمت ارجوان:لا انا ماراح احضر الزواج
ام ناصر بصدمه؛نعم
ارجوان ناظرت لنور:صح نور
نور باابتسامه:صح
ام ناصر بعصبيه:انتي صاحيه وش تقولين
ارجوان:اي صاحيه ماابي احضر وبس
ام ناصر:موو ع كيفك زواج اخوك هذا
ارجوان:ولو ببارك لهم من هنا وبس
ام ناصر بعصبيه:ارجوان
ارجوان صدت:نور العبي مع جده انا بروح غرفتي
ومشت بكرسيها لغرفتها وام ناصر انقهرت وتاففت ونور مستغربه
اما ام ناصر فكرت ببنتها خلاص جاء دور يغصبونها تتعالج بدال العقده اللي عايشه فيها وانها حابسه نفسها بالبيت ماقامت تضحك الا لما جتهم نور وفكرت كيف تقنعها وكيف تتعالج
،
عند ناصر طلع من الشركه بعد مااخذ الاوراق اللازمه لشغل بكندا وابتسم حس للحين كل شي ماشي مثل مايبي وتمنى ولو يكمل هاللحال للاخريمنع

30 - 11 - 2021, 05:40 AM

البارت 228

خوله وصلت لمكتب كانت مسويته لها خاص بالاصل هالمكان مستودع بس حرفت فيه وطلع شكله جميل فيه زاويه لتصوير (لانها تصور بعد) وزاويه مكتب للمقابلات والكتابه وفيه جلسه ع جنب جميله وتفتح النفس
دخلت ورمت شنطتها ع الكنب وعدلت شكلها قدام المرايه واخذت عطر وعطرت المكان باابتسامه واتجهت لشنطتها طلعت جوالها وتنهدت واتصلت برقم عبدالملك
عبدالملك بالمطعم كانوا ياكلون وعقد حواجبه من رن جواله
وترك الشوكه ومسك جواله وملك كانت مندمجه تاكل
عبدالملك رد:هلا
خوله اخذت نفس:مممم اعتقد الساعه صارت ظ§يمنع
عبدالملك:اسف اخلص شغلي واجيكيمنع
وغمز لملك وابتسمت ملك
خوله بهمس:طيب انتظرك وكلمني اوصف لك المكان
عبدالملك:مايحتاج ارسليه برساله
خوله:ههههههههههه لازم اقول اني مااعرف اوصف الا بمكالمه يعني
عبدالملك بااستغراب؛بس انا ماقلت وصفي
خوله قمطت
عبدالملك:ارسلي الموقع
خوله تفشلت منه:طيب اوكي نسيت صدقني
عبدالملك:يلا باي
وسكر قبل ترد
وملك ابتسمت:عشت
عبدالملك كاتم ضحكته ورجع ياكل وملك تنهدت براحه
،
السعوديه
رجع ناصر البيت
وشاف نور ع التلفزيون وام ناصر تقرا قران وراها
ناصر:حبيبي نور تعالي
نور لفت له وابتسمت وجته تركض وضمته
ناصر: ي قلبي وين عمتك جوج ماتلعب معك
نور هزت كتوفها ب ماادري:دخلت غرفتها
ناصر جلس وهي بحضنه
ناصر:شلونك يمه
ام ناصر باابتسامه:ازين
ناصر غمز لها:شلون اقول لها عن السفر
وام ناصر ناظرت لنور:حبيبتي روحي نادي جوج
نور نزلت:طيب
وركضت
ام ناصر تنهدت:قبل تقول لها بقولك شي
ناصر؛امري ي الغاليه
ام ناصر:ارجوان
ناصر بخوف:وش فيها
ام ناصر:ماتبي تحضر الزواج متفشله
ناصر بااستغراب:من ايش
ام ناصر سكتت وناصر فهم وتنهد
ناصر:ذي وبعدين معها
ام ناصر:ماادري شف لك حل
ناصر صد يناظر لغرفتها ونور تطق الباب وماترد وتضايق اكثر ويفكر بطريقه تنسيها همها وتبدا تتعالج
وعلى طول لقاها وابتسم
ناصر:لقيتها
ام ناصر بفرحه:قول
ناصر ابتسم:ارجوان تسافر معنا تتعالج
ام ناصر باابتسامه:وتلقى توافق
ناصر:ااي اي بتوافق ماعليك
ام ناصر بفرحه:الله يفتحها بوجهك يااارب
ناصر ابتسم وقام لغرفتها

30 - 11 - 2021, 05:41 AM

البارت 229

ناصر وقف ورا نور
وشالها ونور تضحك
ناصر:عممممتي جوج افتحي الباب اشتقنا
نور تطق الباب:عممممه جوووج افتحي الباب
ناصر ابتسم؛هاه شوفي حتى نور مشتاقه
نور:نايمه!
ناصر:لالا بابا صاحيه ذيبه النوم لرخوم صح عمتنااا
ارجوان كانت تسمعهم وابتسمت غصب:اااي صح
ابتسم ناصر لنور:شفتي صاحيه
نور تطق الباب:طيب افتحي
ارجوان فتحت الباب:خير وش تبون مزعجين
ناصر ناظر لنور:شرايك نشد شعرها ولا نعضها
نور:لا مانضربها
ارجوان باابتسامه:ي حياااتي نووور
نور نزلت من ناصر ووقفت جنب ارجوان:ليش زعلانه
ارجوان قرصت خدها؛مو زعلانه بس كنت امشط شعري الحين امشط شعرك
نور بفرحه:اااي
ناصر:وين وين مو الحين في موضوع مهم لازم نتكلم فيها
ارجوان تنهدت:اذا الزواج اغسل يدك ماابي احضر
ناصر:اصل بينور فيني وبنور لاجينا
ارجوان تكتفت:ي سلاام
ناصر بضحكه:اي
ارجوان:اجل وش تبي جاي
ناصر:بطلبك وقولي تم
ارجوان:ايش
ناصر:بتسافرين معنا
ارجوان انصدمت
ناصر:نور حبيبتي بنسافر تبين عمه جوج تجي معنا
نور:اي اي اي
ابتسم ناصر وناظر ارجوان المنصدمه
ارجوان:وش يوديني
ناصر:جمانه ماراح تتقبل الفكره ع طول ابيك تجين تضبطين كل شي تكفين نخيتك
ارجوان:بس..
ناصر باابتسامه:تكفين ارجوان
ارجوان ناظرت لنور المبتسمه:طيب
ناصر بفرحه:هييييه
ونور ضمت ارجوان وارجوان فرحت بفرحتهم اما ام ناصر كانت تسمعهم وتنهدت براحه
،
لندن
طلعو ملك وعبدالملك من المطعم بعد ماخلصو اكل
ملك لفت له:ارسلت الموقع
عبدالملك:اي بعيد المكان
ملك:يووه
عبدالملك:لو داري ماوافقت ع المقابله من اساسها
ملك:يلا جت من الله خلنا نشوف وش وراها
ابتسم عبدالملك وركبو السياره ومشو للموقع اللي ارسلته خوله وملك بعد كلام عبدالملك ارتاحت انه ماراح يغلط مع غيرها او حتى يناظر لها بنظرات اللي يناظر فيها لملك اما عبدالملك كان يشوف خوله اقل من عاديه ولا مهتم اصلاً فيها وقلبه امتلى بشخصيه وحده (ملك)

30 - 11 - 2021, 05:41 AM

البارت 230

وصلو المكانيمنع
ملك:هذا؟!
عبدالملك رفع جواله:اي
ملك:ذا صندقه كبيره شلون تسوي مقابله هنا
عبدالملك:هههههههههههههههههههههه
ملك:لاتضحك صادقه انا
عبدالملك:ادري بس ذا اسمه مستودع واكيد مغيره ومعدله فيه البنت
ملك ميلت فمها:فاضيه
عبدالملك:ماوراها شي ..يلا انزلي
ملك:طيب
ونزلو ومشو
ملك من شافته يطقطق بجواله وهو يمشي قربت له وضمت يده ولف لها وابتسم
ملك:كذا بمسكك
ابتسم عبدالملك:احمدي ربك اننا مو بالبيت
ملك:هههههههههههه
وابتسم عبدالملك وطقو الباب
وخوله كانت تنتظره قامت بسرعه وفز قلبها ووقفت قدام المرايه وحاولت تبتسم بثقل وعدلت شكلها ومشت للباب
وفتحته واختفت ابتسامتها من شافت ملك ضامه يده
عبدالملك:تاخرت؟
خوله تناظر لملك وملك تناظر للبسها الفاضح وكان ودها تذبحها بس مسكت نفسها
خوله بلعت ريقها وناظرت لعبدالملك:لالا تفضل
ودخلو وعبدالملك صاد عنها قد مايقدر
وملك انصدمت من الطاوله اللي قدام الكنب كان عليها صحنين وكوبين واكل وشموع
ولفت عبدالملك اللي رافع حاجبه
خوله:اسفه كنت انتظر صديقتي الهنوف عازمتها ع العشاء من شفتك تاخرت توقعتك مو جاي
عبدالملك:لا عادي اسف تاخرت كنت مشـ..
ملك بسرعه:كنا نتعشى
عبدالملك لف لها
ملك نزلت لثمتها:كنا نتعشاء الحمدلله وشبعنا .. واسفين اذا بنقطع جوكم
خوله:لا عادي تفضلو اجلسو
عبدالملك باابتسامه:ي ليت تبدين المقابله لاننا بنمشي
خوله:طيب تفضل ع المكتب وانتي تقدرين ترتاحين هنا
ملك صدت وجلست
وخوله مشت مع عبدالملك للمكتب وطبعاً ملك تناظر لهم
جلست خوله وواضح متوتره:تفضل
وجلس عبدالملك:تفضلي
وخوله اخذت نفس وبدت تتكلم بعد ماشغلت تسجيل بالجوال عشان تحفظ المقابله
وملك تناظر لهم ناظرت للاكل واضح مو لوحده وصديقتهاا ابد تضايقت من هالموضوع وقامت تناظر للاثاث واعجبها البساطه
واعجبتها لعبه من لمستها بدت تطلع موسيقى وانصدمت ماتدري كيف تسكرها
وخوله وعبدالملك لفو لها
وملك تحاول تسكتها ماقدرت قامت خوله بسرعه لها وسكرتها وناظرت لملك ورفعت حاجب
خوله:ممكن تجلسين وتخلينا نكمل
ملك كاتمه ضحكتها:طيب
وعبدالملك صد مايبي يضحك عليها ورجعت ملك مكانها وخوله للمكتب اخذت نفس وشغلت التسجيل وبدت تسئل وعبدالملك يجاوب
وملك طفشت ومدت يدها تلعب بالشمعه وهي مبتسمه وفجاءه احرقتها وكرده فعل ضربتها بقوه وطاحت الشمعه ع الارض وصرخت ملك
ولفو لها
وجت خوله تركض وشالتها عن الارض وملك تمسح يدها بقوه
خوله بصرخه:غبببيييه انتي
ملك ماردت وتمسح ع يدها
قام عبدالملك وقرب لملك وجلس ع ركبه ومسك يدها
عبدالملك:حياتي اوجعتك
ملك:ااااحح شوف صارت حمرا
عبدالملك ابتسم وهو يمسح ع يدها:لقافه
ملك:...

30 - 11 - 2021, 06:06 PM

البارت 231

عبدالملك ابتسم وهو يمسح ع يدها:لقافه
ملك كاتمه ضحكتها وخوله تنرفزت ولفت عنهم
وهم مو يمها عبدالملك يمسح يد ملك وملك تناظر ليدها
عبدالملك قرب وباس يدها وطول وخوله شافتهم
عبدالملك:مره ثانيه انتبهي ماني متحمل يجيك شي
ملك ابتسمت وهمست:طيب
عبدالملك سرح بعيونها ومبتسم
خوله قطعت عليهم:طيب يصير نكمل
عبدالملك قام:ملك تحسين بشي
ملك مسحت ع يدها:لا اصلاً شوي بيخف
عبدالملك:زين.. يلا نكمل وياليت تستعجلين تخبرين معاريس ماجينا عشان مقابلات
خوله انصدمت من كلامه وهو مشى للمكتب وملك ابتسمت لخوله
ملك:يلااا
خوله صدت عنها ومشت للمكتب وملك جلست تناظرهم وخوله شغلت التسجيل وسئلت اخر سؤالين وعبدالملك جاوب عليها وهو يناظر لقدام ولا حتى ناظرها
خوله سكرت التسجيل:خلصنا
عبدالملك قام:زين
خوله صدت وهي جالسه وعبدالملك اتجه لملك
ملك:خلصتو؟!
عبدالملك:طولت عليك؟
ملك؛لا
عبدالملك:يدك ازين؟؟
ملك:احسها بدت تكبر
عبدالملك:طيب قومي لازم نحط عليها شي
ملك قامت:طيب
خوله قامت وتكتفت وهي تناظرهم لفت لها ملك
ملك باابتسامه؛اسفه ع الحوسه اللي سببتها
خوله ابتسمت بتصنع:عاااادي
عبدالملك:مع السلامه
خوله:سلام
وطلعو
وخوله ضربت برجلها بالارض بقهر كل اللي متوقعته تبدل وماجاء شي مثل ماتبي
وكل تفكيرها وش تقول لصديقتها الهنوف الحين
،
عند عبدالملك فتح باب السياره لملك
وركبت وركب
وشغل السياره ومشى
ملك:مممم عبدالملك
عبدالملك يناظر الطريق:سمي
ملك:صدقت ان العشاء لصديقتها
لف لها عبدالملك وابتسم:لا
ملك ابتسمت:يعني تفكر باللي افكر فيه
عبدالملك هز راسه ب ااي
ملك:حلوو يعني ذي حاطه عينها عليك
عبدالملك بثقه:مو شي غريب
ملك ناظرت له وهو ابتسم
عبدالملك:امزح طيب لاتعصبين
ملك:طيب خلها تبعد عنك
عبدالملك:تخسى تقرب عشان تبعد
ملك ابتسمت:ي عيني ع الثقل
عبدالملك:ههههههههههههههه
وملك ابتسمت له وعبدالملك مسك يدها اللي فيها الحرق ويمسح عليها وهو يسوق وملك تناظر له مبتسمه

30 - 11 - 2021, 06:07 PM

البارت 232

بيت عبدالله
بغرفه جنى اللي منسدحه وراسها ع فخذ امها ونوال تمسح ع شعرها
جنى ببكى:ابوي مو مخليني اكمل جامعه
نوال بضيق:قال هالسنه بس
جنى تبكي:شقول للبنات وش ابرر لهم اقول ابوي اللي منعني
نوال:اوووششش ،، اكيد لا قولي لهم انك تعبتي وبتجلسين بالبيت
جنى تشهق:كله منهم كله من خلود وملك من شفناهم ماشفنا الخير خالد مات وابوي تغير وانفصلت من الجامعه وعبدالملك تزوج اللي ماتتسمى اخخخ بس
نوال ساكته وتفكر كيف تاخذ حقها
نوال:انا اللي بحسبه المطلقه الحين
جنى:يمه الى متى بنبقى كذا
نوال تنهدت:ماادري ماادري
جنى صدت وتفكر بشي يبرد كبدها بدون مايدري ابوها
،
نرجع للندن
ملك متربعه ع السرير وعبدالملك يلف يدها بشاش
عبدالملك:زين كذا؟
ملك:اي
عبدالملك ابتسم وقام وباس راسها
عبدالملك:ببدل وانتي نامي
ملك ابتسمت بدون ماترد وعبدالملك دخل بدل ولما طلع شافها بمكانها
عبدالملك:ليش ماتنامين
ملك:تعال غطني
عبدالملك:هههههههه احلفي بس نامي يلا
ملك ماتحركت وعبدالملك لف لجهته ورفع الغطا وانسدح وملك متربعه
عبدالملك:وبعدين
ملك بضحكه:يدي توجعني مااقدر اتحرك
عبدالملك:ي ربناااا
ملك:هههههههه
عبدالملك اخذ نفس وتربع جنبها:قولي وش تبين
ملك باابسامه برائه:بكلم امي
عبدالملك:ايوه وصلنا للعلم
ملك مدت يدها وعبدالملك طلع جواله وحطه بيدها (لان جوالها بشنطتها وشنطتها تحت)
واتصلت باامها وماردت وملك عفست وجهها
ملك؛ماردت
عبدالملك اخذ الجوال:لان هالوقت اعتقد الظهر عندهم يايتغدون او نايمين
ملك صدت:صادق ع بالي نفس توقيتنا
عبدالملك ابتسم وين احنا وهم وين نامي بس
ملك وكانها تبيها من الله ع ماسكرت عيونها نامت
وعبدالملك غطاها ونامووو
,
عند خوله رجعت لبيتهم
وركت نفسها ع السرير
الهنوف باابتسامه:وش صار
خوله ماردت
الهنوف:خوله تكلمي
خوله: وجع ماصار شي اخذت المقابله وانتهينا
الهنوف:ماضبطتيه
خوله بضيق صدت واعطت الهنوف ظهرها والهنوف عفست وجهها وماتكلمتيمنع

المواضيع المتشابهه لموضوع: رواية عشقي ال بدي مكتفي فيك عاشقك للفنى لموضوع: رواية عشقي ال بدي مكتفي فيك عاشقك للفنى
الموضوع	كاتب الموضوع	المنتدى	مشاركات	آخر مشاركة
مكتفي بك 2022	حنين الأشواق	همس الشعر و الشيلات الصوتيه	2	22 - 1 - 2022 11:22 AM
تعب عاشقك بدر العزي 2021	حنين الأشواق	همس الشعر و الشيلات الصوتيه	4	18 - 3 - 2021 03:10 AM
لاتبعثرني تراني مكتفي	جروح الم	همس الشعر والقوافي	2	27 - 12 - 2014 11:28 PM
قال نا عاشقك	استثنائيه	همس عذب الكلام والخواطر المنقوله	10	1 - 5 - 2013 01:53 AM
رواية عشقي	مــلآمـح خ ــجل	همس الشعر والقوافي	12	12 - 6 - 2012 12:46 AM

الذين يشاهدون محتوى الموضوع الآن : 1 ( الأعضاء 0 والزوار 1)

الأعضاء الذين قاموا بتقييم هذا الموضوع : 0
لم يقوم أحد بتقييم هذا الموضوع

رواية عشقي ال بدي مكتفي فيك عاشقك للفنى

همس للقصص وحكايات وروايات