رواية عشقي ال بدي مكتفي فيك عاشقك للفنى

30 - 11 - 2021, 06:07 PM

البارت 233

يوم جديد بالسعوديه
فتح عبدالله عيونه كان نايم بجناح خلود ونام وهو مو حاس ع نفسه بعد مانام بالصاله من التعب خلود وصلته للغرفه
فتح عيونه وشافها نايمه جنبه
ابتسم وقرب لها وباس راسها
وخلود فتحت عيونها وابتسمت
عبدالله:صحيتك؟
خلود:لا عادي كم الساعه؟
عبدالله:ظ،ظ،
خلود بشهقه خفيفه؛الله تاخرنا
عبدالله مسك يدها:لا ماتاخرنا ع ايش نتاخر اصلاً
خلود:ع الفطور
عبدالله:اليوم السبت مافي دوام لاتشيلين هم تلقينهم نايمين
خلود ضغطت ع يده:اذا هم بينامون هالبيت لازم تصير له قواعد ع الاقل ظ،ظيمنع ماحد نايم
عبدالله انصدم من كلامها بس فرح
عبدالله:خلود
خلود ناظرت له
عبدالله:هالبيت بكبره لك وانتي تحكمي فيه
خلود استغربت
عبدالله:بشوف بينعدل عن حكم نوال ولا لا
خلود ابتسمت:طيب
فرحه خلود كانت لانها تبي هالبيت يتاسس من جديد والحقد اللي فيه يروح وخلود قدها وتقدر
وقام عبدالله يغسل وخلود اخذت نفس وقامت
،
نروح لبيت ابوراشد
جمانه:بطني
ام راشد:لحووول وش فيك بعد
جمانه بخوف:بكرا الزواج يمممممه
ابتسمت ام راشد:طيب عادي
جمانه:لاا وربي خايفه احس مااقدر اتنفس زين
ام راشد:ههههههههه عياره قومي بس بنفطر
جمانه ماسكه بطنها:مالي نفس
ام راشد تاشر ع الفستان الابيض المعلق
ام راشد:بكرا بتلبسينه قدام ناصر
جمانه بخوف:يممممه
ام راشد:ههههههههههههه
وطلعت وهي تضحك ع شكل جمانه وجمانه فيها الدمعه
،
نروح لبيت ناصر ع الفطور
ام ناصر:جهزتي شنطتك ارجوان؟
ارجوان تاكل:اي
ناصر:ميررري
جت الخدامه:هلا بابا
ناصر:شوفي ملابس نور كلهم رتبيهم بشنطه
ميري:طيب
وطلعت
نور:بنروح بكرا؟
ناصر:اي بابا
ابتسمت نور بفرحه
ارجوان:وانتي يمه؟
ام ناصر:انا ببقى هنا
ارجوان؛ماعندك احد؟!
ام ناصر:احسن افتك منكم هههههه
ناصر:لا يمه تعالي معنا
ام ناصر:لاااا خلوني هنا احسن
ارجوان ناظرت لناصر وناصر هز راسه يعني خليها براحتها وسكتت

30 - 11 - 2021, 06:08 PM

البارت 234

لندن
بالبيت كانت ملك واقفه قدام النافذه وتناظر لناس الرايحه والراجعهيمنع
وعبدالملك جالس ع اللاب واوراقه جنبه
ملك:عبدالملك يلااا بطلع
عبدالملك عينه ع اللاب:شوي باقي كم شغله ونطلع
ملك لفت له وناظرت للاوراق:طيب
وعبدالملك مندمج مع الشغل قدمت ملك واخذت جوالها وطلعت للغرفه فوق
واتصلت برقم امها
وردت ع طول
خلود:هلااااا والله
ملك باابتسامه:هلا بك شلونك يمه
خلود:حياتي بخير انتم وشلونكم
ملك:تمام ،، ياربي اشتقتلك وش مسويه
خلود:وانا اكثر،، وين عبدالملك
ملك:ع اوراقه وشغله
خلود بصدمه:رايحين شهر عسل ولا شغل
ملك:ههههههههههههه لا والله توه فتح اوراقه لنا يومين كل شوي طالعين
خلود:ربي يسعدكم
ملك:ويسعدك ، ايوه وكيف معاملتهم معك
خلود باابتسامه:لاتشيلين هم اتحملهم وهم يتحملوني
ملك:زين ريحتيني ،، يلا تبين شي
خلود:سلامتك
وجت بتسكر ملك ونادتها خلود
خلود:ملك
ملك:هلا
خلود:ماتبين اسلملك ع ابوك
ملك سكتت شوي
وخلود تنتظر ردها
ملك:طيب ،، يلا باي
خلود ابتسمت:باي ي قلبي
وسكرت وملك اخذت نفس ونزلت لعبدالملك لقته يكلم ويضحك عقدت حواجبها وجلست جنبه
وعبدالملك ناظر لها
عبدالملك يكلم:ههههههه طيب وش دخلني انا ....... ناصر انت الغلطان شوف الحين ماقدر احظر زواجك......ههههههههههههه والله مااجي عشانك شايف النعيم هنا......ههههههه باي باي
وسكر
وابتسامته ع وجهه
ملك:وش يبي
عبدالملك:زواجه بكرا يبيني اجي له
ملك:طيب يلا
عبدالملك عقد حواجبه:ايش؟
ملك ابتسمت:بنرجع نحظر الزواج
عبدالملك:مسرع مليتي
ملك باابتسامه؛مامليت وبعدين لاتنسى انت واعدني بعد لندن دبي
عبدالملك:ههههههه مانسيتي
ملك هزت راسها بـ لا
عبدالملك جلس يناظر لها:تبينا نرجع لزواج
ملك باابتسامه:اي
عبدالملك رد ابتسامتها:طيب قومي جهزي نفسك ع الليل نرجع
ملك قامت ومسكت يده وقومته معها
ملك:لايكون تبيني ارتب اغراضك بعد
عبدالملك:ولا
ملك:اقول تعال بس
وسحبته معها لفوق وعبدالملك كاتم ضحكته واستسلم لها

30 - 11 - 2021, 06:09 PM

البارت 235

السعوديه
رجعت خلود من الحديقه بعد ماكلمت ملك
شافتهم كلهم ع الطاوله الا نوال ماكانت بتشوف عبدالله
عبدالله:وين كنتي
خلود باابتسامه:كلمت ملك
عبدالله ابتسم:شلونها
خلود جلست:بخير وتراها تسلم عليك
عبدالله بفرحه:جد
هزت خلود راسها بااي
عبدالله تنهد براحه؛الله يسلمها
تالا باابتسامه:متى يرجعون
خلود:ممم ماسئلتهم
دلال:ياربي اشتقت لهم
خلود ابتسمت لها
وجنى كانت تاكل ومارفعت راسها لهم
عبدالله:اذا رجعو لكم مني طلعه
تالا بفرحه: وين
عبدالله:وين تبين بس
تالا باابتسامه:شاليهنا بجده
عبدالله:تم
دلال:ووووواي وناسه وطبعاًخوالي معنا
عبدالله:اعزمو اللي تبون
دلال ناظرت لتالا بابتسامة وتالا ضحكت بفرحه وعبدالله يناظرهم مبتسم وخلود تنهدت براحه
جنى قامت:الحمدلله
خلود:مااكلتي
جنى رفعت لها حاجب وماردت ومشت وخلود صدت باابتسامه > حالفه تربيها من جديد و تغير كل صفاتها الشينه
،
نروح لجمانه
متربعه ع سريرها وامها قدامها معها صينيه اكل
ام راشد:شلون يعني بتاكلين ولا كيف
جمانه:طيب بسئلك
ام راشد بقل صبر:اسئلييي
جمانه:ناصر قال بكمل دراسه يعني تتوقعين يخليني عندكم ويسافر
ام راشد:ما ادري
جمانه تفكر:بس هو لازم يسافر هو قالي بس قالي بتكملين شلون بعرف كيف يفكر
ام راشد:يمكن يلغي سفرته
جمانه ابتسمت:ان ششششاءالله
ام راشد ابتسمت:يالله اكلي
جمانه:لا ماابي
ام راشد بعصبيه:طيب موقفتني قدامك ليش
جمانه؛ههههههههه انتي جيتي
ام راشد ماردت عليها وطلعت وجمانه تنهدت تفكر بناصر وتتوقع وش ناوي عليه
ومر الوقت عليهم سريع وهادي
اما ناصر راح وقته بالشركه ولا كانه بيتزوج بكرا ابد
شغل وسوالف مع سامر ومحمد وطبعاً شاطفين ابو متعب اللي بس بمكتبهيمنع

30 - 11 - 2021, 06:10 PM

البارت 236

الساعه ظ© بمطار لندن
عبدالملك شنطه الاوراق ع كتفه وماسك يد ملك ويدور علي اللي مواعده يشوفه بالمطار
ملك بتعب:اتصل عليه تعبت
عبدالملك لف لها:اسف قمت اركض نسيت انك معي
ملك:احلف
عبدالملك:ههههههههههه
وقفت ملك:خلاص مااقدر اكمل تعبت من جد
عبدالملك:طيب اجلسي وانا بدوره واجيك
ملك:طيب بجلس هناك
عبدالملك:زين واخذي شنطتي معك
ومدها لها وملك اخذتها:طيب
ومشت للكراسي وجلست ونزلت الشنطه جنبها واخذت نفس ترتاااح وتناظر لعبدالملك وهو يمشي ويتلفت وابتسمت غصب >>حست بفخر فيه مو طبيعي حست نفسها محسوده ع هالادمي والاهم من كل هذا حست نفسها صارت ماتشوف غيره وكل دنيتها (عبدالملك)
ابتسمت وسمعت صوت جوال واستغربت وطلعت جوالها وماكان هو غريب حيل لها شافت الناس منزعجه ولفوا لها وملك تورطت قامت تناظر لشنطه وفتحتها شافت جوال عبدالملك فيها وطلعته وردت بسرعه عشان تطفي الصوت وماشافت الناس وردت
ملك؛هلا
.....:مين
ملك انصدمت صوت بنت:نعم من انتي؟
.....:خوله انا انتي اكيد ملك صح
ملك انصدمت وشافت لرقم ماكان مسجل ورجعته ع اذنها:اي ملك وش بغيتي
خوله بدلع:بغيت عبدالملك بشغله بس استغربت كيف رديتي ع الجوال وهو مو جوالك
ملك بثقه:جوال زوجي حبيبتي
خوله:ولو ،. اعرف عبدالملك مايترك احد يمسك جواله ابد
ملك انقهرت من كلمه اعرف عبدالملك .. من خوله عشان تعرف عبدالملك
خوله بتنرفزها؛ع العموم انا بسكر وانتي سلميني عليه وقولي خوله اتصلت وهو بيفهم
ملك بثقه اكبر:ممممم طيب يلا باي
وسكرت وهي تغلي من داخل بسبب خوله اللي بمعنى كلمه (تتلزق)
رجع عبدالملك ورمى نفسه ع الكرسي جنبها
عبدالملك:تعبببببب
ملك مدت جواله:رن ورديت
عبدالملك عقد حواجبه:من؟
ملك ملامحها جامده:خوله
عبدالملك رفع حاجب:هذي وش تبي
ملك هزت كتوفها بماادري:قالت كلام مافهمته
عبدالملك اخذ نفس:المهم لاتضايقين نفسك
ملك:ممم صح تنرفزت بس واثقه انهم يركضون ع فاضي
عبدالملك:هههههه من هم
ملك:خوله ولمياء
عبدالملك ابتسم وقرب لها
ملك:هههههههه وين الطياره
عبدالملك:ههههههه اي نسيت يلا امشي الطياره تنتظر
ابتسمت ملك وقامت ومسكت يده وقومته:طيب يلا بنفاجئهم
وعبدالملك شبك اصابعهم ببعض وضغط ع يدها

30 - 11 - 2021, 06:10 PM

البارت 237

السعوديه
كانت الساعه ظ¢ الفجر جمانه طبعاًماقدرت تنام وكل ماحاولت تنام تذكرت ناصر وتوترت وصحصحت تشغل نفسها بااي شي فستانها زواجها او اكسسوراتها والذهب والالماس اللي ارسله لها ناصريمنع
كان مالي غرفتها فرحت فيه ودلعه لها بس ماحست انه مايل لها ابد حسته يسكتها بهالذهب وبسرعه ابعدت الافكار من راسها وجلست ع التسريحه تفكرر بااي شي يشغلها عن ناصر
،
اما ناصر كان ضام نور وناااايم وشناط السفر جاهزه وصافهم شناطه وشناط نور وارجوان
،
نروح لبيت عبدالله
كان عبدالله نايم ولا حاس بشي وخلود جنبه نايمه
فجاءه سمعت صوت عند الباب وع طول فتحت عيونها وجلست تناظر للباب وخافت
وهمست
خلود:عبدالله
عبدالله نايم:ممممم
خلود:عبدالله في صوت عند الباب
عبدالله:خلود نامي يعني من بيكون ناامي
خلود بخوف وقربت له وانسدحت وعبدالله حط يده ورا ظهرها وهي تناظر للباب
(من الجهه الثانيه)
قدام بابا غرفه خلود
كان هدوء وصوت ثواني الساعه تدق
وعيون تراقب اللي حولها والغيره لاعبه فيها
(وش يسوون؟ عبدالله يضحك لها ولا لا؟ عبدالله نساني وصار لخلود؟ واسكت؟)
قامت وقفت قام الباب ووبالها تفتحه بس خافت يصير لها اكثر من انها تكون محرمه ع زوجها خافت تنطرد وتخسر هالفلوس وبناتها بقهر ضربت رجلها بالارض ومشتيمنع
وخلود من سمعت الضربه فزت من جديد وعبدالله فتح عيونه
عبدالله:وش فيك
خلود:سمعت؟
عبدالله ناظر للباب؛لا
خلود:الا صوت ضربه ماادري كيف
عبدالله:يمكن وحده من البنات نزلت تبي ماء نامي خلود
خلود بخوف ناظرت لعبدالله وعبدالله ابتسم لها وضغط ع يدها وخلود رجعت نامت وعبدالله نام

30 - 11 - 2021, 06:11 PM

البارت 238

الساعهيمنع
ظ©:ظ£ظيمنع الصبح
بيت عبدالله بالصاله
خلود عقدت حواجبها:ناصر؟!
عبدالله:اي ارسل لي دعوه لزواجه اليوم
خلود:ناصر ماغيره ذاك
عبدالله هز راسه ب ايه
خلود باابتسامه:ماشاءالله قرر يتزوج
عبدالله:ايه اخذ بنت عمه
خلود:الله يوفقه
دلال:ودي اروح
عبدالله:اي جاي اقول لكم عشان تروحون
دلال ابتسمت:وناسه بشوف ارجوان يالله من زمان عنها
تالا وجنى كانو ساكتين وجنى ع التلفزيون وتالا تناظرهم
خلود:من ارجوان؟
دلال:هذي اخت ناصر كانت دايم معنا انا وجنى بس بعد فتره اكتئبت من حالتها وماصارت تطلع من بيتهم
خلود:ي حياتي وش فيها
دلال:مقعده
خلود تنهدت:الله يعافيها يارب
دلال:امين
عبدالله اخذ نفس وتذكر كلام نوال لما قالت ليت خالد اكبر من ارجوان وناخذها له وتضايق وتنهد وحست عليه خلود
خلود بهمس:فيك شي؟
عبدالله:لا بس بطلع لشركه بشيك ع اوراق
خلود:الله معك
وقام واخذ شماغه وطلع وخلود لفت له مستغربه
تالا:خاله اتصلي بملك بنكلمهم
خلود:هههههههه لا مايصير يمكن نايمين
تالا عفست وجهها:طيب
وابتسمت خلود وجنى قامت
دلال:بتروحين معنا الزواج
جنى:لا
دلال شهقت:ليش
جنى ناظرت لخلود بحده:ماابي اروح
خلود:احد غاصبك!
جنى ماردت ومشت وخلود ابتسمت وصدت عنها ودلال وتالا سكتو
خلود:يلا قومو عشان نطلع لسوق اللي ماعندها فستان نشتري
قامت تالا بفرح؛انا ماعندي
خلود؛هههههه طيب ماشفتي
تالا:ماعندي ادري يلا بنروح
دلال:يالرجه
تالا:هههههه كيفي قووومووو
وقامت خلود:طيب يلا
،
بفلتهم
وصلو
ع طول لغرفتهم ورمت ملك نفسها ع السرير
ملك:تعب
عبدالملك نزل شنطته:طيب نامي قبل الزواج
ملك:يالله بتخيل شكل امي والبنات اذا شافونا
عبدالملك نزل تيشيرته:ههههه قولي يارب يجون لزواج
ملك تربعت:يارب
عبدالملك قرب لها وباس خدها:نامي بااخذ شور وبنام
ملك ابتسمت:طيب
ودخل عبدالملك وملك قامت تطلع لها ملابس اريح تنام فيها ...

30 - 11 - 2021, 06:12 PM

البارت 239

العصر الساعه ٤:٣٠
بغرفه جمانه كانت عندها بنت خالتها (سلمى)
** سلمى اللي مع لمياء صديقتها **
سلمى:وبعدين يعني قومي الكوافيره ملت وهي تناظرك
جمانه:خايفه خايفه خايفه
سلمى تكتفت:من ايشش خايفه طيب؟!
جمانه بصوت باكي:صعبه اتزوج مو مصدقه
سلمى:ع اساس بتاخذين امير .. ترا اقصاه ناصر ولد عمك الدبش ذاك
جمانه ناظرت لها بطرف عين
سلمى:هههههههه وش فيك مو كنتي تكرهينه
جمانه:كنت الحين الرجال بيصير زوجي
سلمى:تنااقض
جمانه:انطمييمنع
واخذت نفس ترتاح شوي
سلمى:يلا عاد الكوافيره تنتظرك
جمانه هزت راسها ب ااي وقامت لتسريحه وسلمى طلعت تنادي الكوافيره
،
نروح لناصر
بالشركه ومعه اوراق وعاقد حواجبه يقراهم
سامر واقف فوق راسه ومتكتف
رفع ناصر راسه له:نعم مطول ع هاللحال
سامر:والله لو انا العريس مااتوقع تخليني اشتغل بيوم زواجي
ناصر رجع للاوراق:الشغل اهم ، وخلنا نسكر ع الاوراق عشان ابو متعب ماياصل لهم وينحرنا عبدالملك
سامر تنرفز وسحب الاوراق:ي ادمي افهم زواجك بعد ساعات شوف شكلك لاحلقت ولاشي
ناصر ابتسم:البنات يحبون اللي مايحلق
سامر:ما شاء الله سمعه جديده هذي .. قم اقول لااسحبك سحب
ناصر:ههههههههه
سامر نزل الاوراق وقومه غصب وصار يمشي للباب
ناصر:لحووول
سامر:امش وانت ساكت
وناصر فيه الضحكه وقبل يطلعون امنو محمد ع المكتب اللي فيه الاوراق وطلعوو
وسامر ماقصر ع طول للحلاق وناصر استسلم له ولاوامره
،
الساعه ٧:٠٠ باليل
بنات عبدالله تالا ودلال كانو جاهزين مع خلود وتوهم راجعين من المشغل والاكياس حوسه
ومن دخلو البيت رمت تالا نفسها ع الكنب
خلود:قومي قومي يلا البسو وبنلحق نروح نساعد ام ناصر
تالا:تعبانه
خلود باابتسامه:قومي اقول
تالا:ياربي طيب
ابتسمت دلال وجت بتطلع لدرج وانصدمت باامها الواقفه وشكلها تعبان وبنفس الوقت معصبه ...يمنع

30 - 11 - 2021, 06:14 PM

البارت 240

نوال بعصبيه:وووين ع الله
خلود صدت وهي تهمس (اللهم طولك ي روح)
نوال:هييي انتي ماكلمتك ،، دلالوووه ع وين ان شاءالله
دلال:يمه بنروح زواج ناصر ال...
نوال تكتفت:ومن سمح لك
دلال:ابوي قال ر...
نوال بصراخ:انتم بناتي انا مو بس بناته تشاوروني قبل تروحون زين انتي وهيا
تالا خافت تمنعهم
دلال:زين يمه اسفين
نوال:حلو اطلعو وبدلو بنطلع نتعشى انا وانتم وجنى بس
خلود رفعت حاجب
ونوال ناظرتها بتحدي
تالا:يمه اي عشاء بنروح لزواج
دلال:يمه الله يهديك وش قاعده تقولين
نوال:قلت اطلعو بسرعه
خلود:نوال اقصري الشر البنات متجهزين ومتحمسين
نوال:ماااالك دخل
خلود همست وسمعتها دلال:ذي جتها حالتها لازم مهدئات يعني؟!
دلال تنهدت وناظرت لخلود:انا بتصرف
خلود:طيب
نوال:ههههي دلال لاتتكلمين معها
دلال:طيب طيب تعالي معي
نوال:وين
دلال:بغرفتك
نوال:ليش
دلال:تعااالي بوريك اللي شريت
نوال ناظرتها ودلال ابتسمت ومسكت يدها ومشت معها وتالا تنهدت بضيق قربت لها خلود
خلود:حبيبتي اطلعي بدلي
تالا؛وامي
خلود:دلال بتعطيها حبتها وبترتاح
تالا بضيق:طيب
وطلعت وخلود اخذت نفس كل ماارتاحو بهالبيت طلعت مشكله وطلعت تلبس
اما بغرفه جنى كانت منسدحه وسمعاتها بااذانها وتكلم
جنى:ايش؟
لمياء:سلمى عازمتنا ع زواج بنت خالتها اسمها جمانه ع مااعتقد
جنى:مااعرفها
لمياء:ولا انا بس قلت بشوفك اذا بتروحين اروح
جنى:لا ماراح اروح
لمياء:زين ولا انا
جنى:بس طفشانه
لمياء باابتسامه:نطلع؟!
جنى:ممم وين؟!
لمياء؛تعالي وتشوفين
جنى:طيب
لمياء بفرحه:طيب يلا باي
جنى:باي
وسكرت وقامت تتجهز
اما دلال اعطت امها حبوبها بعد جهد ونامت وضاقت ع حالتها
،
ببيت ابوراشد الكبير كان مليان من قرايب جمانه وناصر
والاستقبال فيه ام راشد وام ناصر (وارجوان مع نور ماجو)
وريحه البخور منتشره واصوات التبريكات والفرح وصوت اغنيه هديه مشتغله والانوار جميله وام راشد فرحتها ماليه المكان وماتقل عنها ام ناصر
شافو سلمى معها كوب ماء بتطلع فوق
ام راشد:سلمى
لفت لها
ام راشد:كيف جمانه
غمزت سلمى:عال العال ونشف حلقها من كثر ماتكلمت مع الكوافيره
ام راشد:ههههههه
ام ناصر:ربي يخليها
ام راشد:امين ويفرحك باارجوان
ابتسمت ام ناصر:امين يارب
شوي ودخلو خلود ودلال وتالا وام ناصر عرفتهم
ام ناصر:هلا والله
خلود:هلابك
وسلمت عليهم وناظرت لدلال
ام ناصر:اجل وين امك
دلال ناظرت لخلود

1 - 12 - 2021, 02:09 PM

البارت 241

خلود باابتسامه:نوال تعبت شوي
ام ناصر:ي قلبي هي ربي يعافيها
خلود:امين
ام ناصر:هذي ام راشد ام جمانه
خلود ابتسمت لها:هلا والله مبروك زواج جمانه
ام راشد:تسلمين الله يبارك فيك
ام ناصر:حياكم
خلود:الله يحييك
ودخلوا دلال بهمس:وين ارجوان
تالا هزت كتوفها بماادري
خلود:بنات تعالو بنجلس هنا
ومشو ومعها للكنب وجلسو
،
عند جمانه كانت طالعة جميله بمعنى الكلمه وكل شي فيها ضابط
سلمى؛ماشاءالله جمانه تهبلين
جمانه ابتسمت:ادري
سلمى:ي صبر الارض .. المهم بتنزلين؟!
جمانه اخذت نفس:لاتذكريني
سلمى:عادي اصلاً بتنزلين وبيدخل ناصر وبيلبسك الشبكه ويبوسك والامور تمام
جمانه سكرت عيونها:سلمممممممممى برا
سلمى:ههههههههههههههههه
وطلعت قبل تضربها بشي اما جمانه اخذت تتنفس بسرعه وفتحت عيونها وهي تناظر المرايه بتوتر وحاولت تهدي نفسها
،
عند الرجال
ناصر واقف بيهبته وبشته الاسود زايد وسامته
وجنبه ابوواشد وسامر وابوسامر
ومبتسم وماكان ابد متوتر ولاكانه زواجه
همس له سامر:اكيد ترجف من داخل
لف له ناصر:انا؟!
سامر؛لا اكلم الكرسي
ناصر؛اها اسف
سامر:لاتجلطني ي هوه
ناصر؛ههههههههه وش فيك قلت الكراسي تفهم ع بعض
سامر:ي سمجك
ابتسم ناصر وانصدم باللي دخل
ناصر:هذا وش جابه؟!
سامر:ابومتعب؟؟!
ناصر:لحول جاي بمشاكل اكيد
وانصدمو اكثر لما شافو ابوسامر رايح له باابتسامه ويستقبله وناصر عقد حواجبه وهمس له ابوراشد:من ذا
ناصر:لا لا تهتم مو مهم
سكت ابوراشد وهو ملاحظ توتر ناصر من شاف هالادمي

1 - 12 - 2021, 02:10 PM

البارت 242

بقسم الحريم
طفت الانوار وهدت الاصوات وبدت تشتغل اغاني هاديه
خلود:تنظيم
دلال:اي دايم زواجاتهم كذا تنظيم وجميله
خلود:بتنزل جمانه ولا لا
تالا:اكيد بتنزل شوفي الكوشه
خلود ابتسمت:لا اشوا طلعتي ذكيه
تالا:ههههههه لاتفشليني
خلود:ههههههه
ام راشد كانت متحمسه وتسلم ع ذي وترحب بهذي وجتها خادمه
الخادمه:سكرنا الباب
ام راشد:زين
ومشت
(يسكرون الباب عشان خلاص ماحد يدخل ويخرب التنظيم)
ام ناصر قربت بخلود:تعالي اجلسي معنا قدام
خلود:لالا البنات ماابيهم يبقون لحالهم
ام ناصر:مو ضايعين ي بنت تعالي
دلال:روحي خاله
خلود:زين بس انتبهو
ابتسمت دلال وحبت خوفها عليهم ومشت مع ام ناصر لصديقاتها وجلست عندهم بعد ماسلمت
اما ام راشد واقفه عند الكوشه جتها الخدامه وهمست بااذنها وهزت ام راشد راسها بااي
ومشت الخدامه للباب وفتحته
وسط هدو القاعه وفتحه الباب الكل كان يضن ان جمانه بتدخل ولفو لها
ودخلت باابتسامتها وبنفس الوقت استغرابها من نظرات الكل وابتساماتهم لها
ملك كانت لابسه فستان اسود انيق ماسك ورافعه شعرها ومكياجها جميل ومطلعها ملكه
(هنا صدمه لدلال وتالا اللي شافوها وخلود ماشافتها)
تالا:هذي ملك؟
دلال:ماادري مو ملك بلندن
تالا:الا
مشت ملك باابتسامه من بينهم وعلى مشى العروسه وطلعت للكوشه وسلمت ع ام راشد
خلود من شافتها عقدت حواجبها
ام ناصر؛ماشاءالله من ذي
حرمه معهم:ماادري ي حلاتها
خلود:تشبه ملك بنتي
ام ناصر:لاحظت
ابتسمت خلود اما ملك لفت ونزلت وجلست تتلفت تدور احد تعرفه ومن شافت دلال ابتسمت ومشت لها ودلال منصدمه
ملك:وجع قومي سلمي ع اختك
تالا لفت لدلال:تتكلم معنا؟!
ملك:ههههههه لا مع الجدار قومو
دلال بفرحه قامت وضمتها:وووورببببي ماعرفتك ي بنت وين اللي بلندن
ملك:هههههه جينا اليوم
تالا بعدت دلال وضمتها:ليش ماقلتي لي
ملك:مفاجئه شعرفكم
خلود لفت للبنات وشافتها تسلم عليهم وانصدمت لاتكون ملك ومادققت
وقامت خلود لهم ووقفت وراها
خلود:ملك؟!
لفت ملك باابتسامه: ي هلا
خلود شهقت وضمتها:متى جيتو
ملك:اليوم
خلود:ي قلبي
ابتسمت ملك وجتهم ام ناصر تسلم عليها
،
عند الرجال
كانو جالسين وناصر يتكلم مع سامر عن ابومتعب
سامر تنهد ورفع راسه وشاف اللي اقبل عليهم
سامر بصدمه:عبدالملك
عبدالملك ابتسم :مبرووك ناصر
ناصر لف له وابتسم:لا هذا اللي يحلف ماهو جاي
عبدالملك:ههههه شسوي اغليك
ناصر:هههههه
وقام يسلم عليه
وعبدالملك مالاحظ وجود ابومتعب

المواضيع المتشابهه لموضوع: رواية عشقي ال بدي مكتفي فيك عاشقك للفنى لموضوع: رواية عشقي ال بدي مكتفي فيك عاشقك للفنى
الموضوع	كاتب الموضوع	المنتدى	مشاركات	آخر مشاركة
مكتفي بك 2022	حنين الأشواق	همس الشعر و الشيلات الصوتيه	2	22 - 1 - 2022 11:22 AM
تعب عاشقك بدر العزي 2021	حنين الأشواق	همس الشعر و الشيلات الصوتيه	4	18 - 3 - 2021 03:10 AM
لاتبعثرني تراني مكتفي	جروح الم	همس الشعر والقوافي	2	27 - 12 - 2014 11:28 PM
قال نا عاشقك	استثنائيه	همس عذب الكلام والخواطر المنقوله	10	1 - 5 - 2013 01:53 AM
رواية عشقي	مــلآمـح خ ــجل	همس الشعر والقوافي	12	12 - 6 - 2012 12:46 AM

الذين يشاهدون محتوى الموضوع الآن : 5 ( الأعضاء 0 والزوار 5)

الأعضاء الذين قاموا بتقييم هذا الموضوع : 0
لم يقوم أحد بتقييم هذا الموضوع

رواية عشقي ال بدي مكتفي فيك عاشقك للفنى

همس للقصص وحكايات وروايات