رواية عشقي ال بدي مكتفي فيك عاشقك للفنى

2 - 12 - 2021, 03:35 AM

البارت 253

بعد وقت طويل مر ع جمانه واخيراً وصلو كندا
وطول الطريق جمانه مانطقت بكلمه ولاناصر التفت لها ولااعطوها وجهه
لما كانو بينزلون ناصر كان منشغل بنور وميري ع طول اتجهت لاارجوان تساعدها اما جمانه مالها الا نفسها مشت وراهم لين نزلو وبالمطار لف لهم ناصر وشاف جمانه وصد عنها وجمانه سكتت وصدت
ناصر:ارجوان تعبتي؟!
ارجوان:شوي
ناصر:طيب تحملي ع ماناصل البيت
ارجوان:طيب
ومشى وهم وراه وجمانه ساكته
طلعو وناصر شايل نور
اتجه لسياره كانت واقفه ونزل منها واحد
ناصر باابتسامه:حي عمر
عمر نزل نظارته:يحييك
ناصر سلم عليه وعمر ناظر لنور
عمر:زين البنات
ناصر:اذكر ربك اغلا مااملك ي ادمي
عمر:ههههه ماشاءالله يخليها لك
ابتسم ناصر:امين
ونور ابتسمت:امين
عمر؛ههههههههههههه
ناصر:ي عممممري انتي بس
ارجوان لفت لجمانه؛مو كانهم نسونا؟!
جمانه صدت عنها بضيق
وارجوان تنهدت وناظرت لناصر:ناصر
لف لها ناصر
ارجوان:يلا
ناصر:ههههههه اسف نسيتكم يلا يلا
وعمر ابتسم:انا بجيب شناطكم والحقكم بتكسي وخذ السياره
ناصر:ماتقصر
ابتسم عمر ومشى
(عمر ظ¢ظ¦ كان مبتعث بكندا بس اعجبته ومارجع لسعوديه وطول عمره ساكن فيها صديق ناصر بس من زمان ماشافو بعض)
وركبو السياره وارجوان قدام ونور بحضن ناصر وجمانه وميري ورا
ومشو وجمانه تناظر من النافذه وتنهدت تنهيدة الكل سمعها وناصر رفع حاجب
ارجوان:جمانه قولي لااله الا الله
جمانه ماردت
ناصر:هي تكلمك البنت ردي
جمانه ماردت
ناصر بعصبيه:جمانه
ساكته
ارجوان:خلاص ناصر اترك البنت
نور لفت لها:زعلانه؟!
جمانه شافتها وصدت
ناصر لنور:ماعليك منها
نور ابتسمت:حرام
ناصر:ي عمممري
جمانه بهمس ماحد سمعها:وربي الحرام اللي تسوونه فيني
،
بالسعوديه
يوم جديد
وعبدالملك بسيب المستشفى وعيونه فيها نوم ولا قدر ينام اما ملك كانت عند جنى اللي مانشفت دموعها وكل ماغفت قامت تصرخ وتقول ابوي بيذيحني الكلمه اللي ضايقت ملك كثير وماتدري وش تسوي وبالنهايه نادت الممرضه تعطيها مسكن وتنام
وقامت بتطلع لعبدالملك

2 - 12 - 2021, 03:36 AM

البارت 254

طلعت ملك من الغرفه ولف شافها وعيونه حمرايمنع
عبدالملك بتعب:ليش طلعتي؟
قربت له ملك:بشوفك،، عبدالملك شكلك تعبان
عبدالملك يضيع السالفه:طيب اسمعي الدكتور امس قال بيطلعها اليوم بروح اخلص اوراق الخروج وجهزيها هالحيوانه
ملك ناظرت عيونه؛عبدالملك وش هالكلام
عبدالملك قام:يلا
ومشى وتركها
وملك تنهدت ودخلت لجنى شافتها تتحرك قربت لها
ملك:قمتي؟!
لفت لها جنى بضيق:اي
ملك:طيب يلا بتطلعين
جنى توترت:ايش
ملك:بسم الله شفيك
جنى:لاتكفين ماابي اروح البيت وربي ابوي بيذبحني
ملك قربت وجلست جنبها وبحنان الاخت الكبيره
ملك:لاتخافين انا معك وبحاول قد مااقدر مايعرف
جنى نزلت راسها:ي طيبك
ابتسمت ملك وضغطت ع يدها:ليش نسيتي اننا خوات
جنى دمعت عينها وضمت ملك وملك ابتسمت
،
نروح لكندا
وصلو البيت
ناصر لف لاارجوان:بالله عليك كيف الشكل؟
ارجوان تناظر البيت:جميل
ناصر ناظر لنور؛اعجبك؟!
نور:حلووو
ابتسم وباس خدها وفتح الباب:يلا انزلو
جمانه منقهره حتى ماطلب رايها ونزلت ونزلو كلهم وميري ساعدت ارجوان ومشو للبيت ودخلو كان تصميم البيت ولا اروع جميل بمعنى كلمه جميل والدرج بنص البيت بشكل دائري بسيط وجميل
ارجوان:انا غرفتي اللي تحت وميري غرفتها جنبي ونور تنام معي
نور:اي اي اي
ناصر:وانا
نور:لا انا ابي مع عمه جوج
ناصر:ايا الجاحده
نور:هههههههه
وناصر ابتسم لها
جمانه مشت لدرج ومااهتمت لهم وطلعت لفوق كان في غرفه بس ومخده وكبيره والسرير كبير توقعت ان هالغرفه لها ولناصر وتنهدت بضيقيمنع
حست بالباب يسكر وراها ولفت بسرعه
شافت ناصر وراها ومسكر الباب ويناظر لها
جمانه بتوتر؛نعم وش تبي
ناصر:..
،
نرجع السعوديه
بسياره عبدالملك كان راكب وملك جنبه وجنى ورا ملك
وعبدالملك شماغه ع كتفه وشكله خلاص تعبان
ملك لفت لجنى:تحسين بشي
جنى هزت راسها ب لا وناظرت لعبدالملك بخوف
وعبدالملك يناظر لطريق وواضح واصله معه
وصلو بيت عبدالله
وقبل ينزل عبدالملك مسكت ملك يده ولف لها
ملك:لي عنك طلب قول تم
عبدالملك عقد حواجبه
ملك:تكفى لاتقول لابوي تكفى
عبدالملك ناظر لجنى بنظرات خوفتها ورجع ناظر ملك
عبدالملك:بشوف يلا انزلو
ملك:عبـ..
قاطها ونزل وملك اخذت نفس ولفت لجنى
ملك:لاتخافين طيب
جنى نزلت راسها بااي ونزلو
وعبدالملك مشى بسرعه للباب وملك ماسكه جنى وراه

2 - 12 - 2021, 03:37 AM

البارت 255

فتح عبدالملك الباب
والكل ع طاولة الفطور لفو له
عبدالله من شافه قام ونوال ابتسمت وقامت بتسلم عليه
وعبدالملك وقف يناظر له ودخلت ملك وماسكه جنى
شهقت نوال بسرعه وقامت
نوال:جنى وش فيك
جنى من شافت امها بكت وقربت لها بسرعه وضمتها
نوال بصرخه:ووش سويتي بجنى
ملك صدت عنها
عبدالملك رفع حاجب:اسألي بنتك
ملك مسكت يد عبدالملك وضغطت عليها وعبدالملك ماناظر لها وسكت
نوال:جنى وش فيك؟!
جنى؛تعبانه بنام
قربو كلهم لها
عبدالله:عبدالملك شلون جتك؟!
عبدالملك سكت
ملك:انا اتصلت فيها تجي البيت
دلال عقدت حواجبها:بس انتي بالزواج
ملك سكتت شوي
عبدالملك بهدوء:اتصلت فيني وتشحذتني تعرف بيتنا واعطيتها العنوان
خلود بااستغراب:بس مو فاهمه ليش جنى تعبانه؟!
عبدالملك:كنا بلمستشفى
الكل شهق
عبدالله:وش صار ليش
عبدالملك:الاخت الغبيه ماتعرف تنزل من الدرج
تالا:ههههههههههههههه
جنى لفت لعبدالملك وعبدالملك صد
تالا:جنى من جدك
جنى:يمه بنام
نوال:تعالي ي قلبي
ومشت معها لغرفتها
اما ملك ابتسمت لعبدالملك اللي واضح متضايق
عبدالله:وربي امس خوفتني
عبدالملك:اسف يلا تبون شي
خلود:وووين؟!
عبدالملك:من امس مانمنا بنروح ننام
ملك:اي وربي تعبانين
عبدالله ابتسم:طيب ملك تعالي
وفتح يدينه يضمها وملك لفت لامها
خلود ابتسمت لها وهزت راسها يعني روحي
ملك تنهدت ومشت بشويش لعبدالله وضمها بقوه
عبدالله همس:سامحيني
ملك:الله يسامحك
اما دلال وتالا ضمو عبدالملك وعبدالملك بادلهم
،
كندا
جمانه بخوف:ناصر وش تبي
قرب لها وصار قريب حيل وسحب طرحتها وطاح شعرها الطويل
ناصر:ممكن اعرف شي؟
جمانه بخوف بعدت خطوه عنه وقرب لها
ناصر رفع حاجب:انتي تدرين ليش تزوجتك
جمانه سكتت
ناصر:عشان هالنور
واشر ع السرير:لايغرك كبر هالسرير تراه لي انا بس وانتي هنا
واشر ع الارض
وجمانه تنرفزززت ودفته وصرررخت:...

2 - 12 - 2021, 03:37 AM

البارت 256

جمانه دفته وصرخت:انت وووش تبي مني
ناصر:ابيك ام لنور
جمانه:بالغصب هوو ؟! ماابيها ماابيها
ناصر عصب ومسك يدها بقوه:وش قلتي عيدي؟!
جمانه اوجعها بس مابينت وناظرت بعيونه:انا ماابيها ولا ابيك فاهم ،
ناصر وجلس ينااظر لها ومعصب
جمانه ارمشت بعيونها قبل تنزل دمعتها:ناصر انا اكرهك فاهم اكرهك ورب البيت اكرهك
وسحبت يدها بقوه منه
جمانه:يوم اسود اللي ابتسمت لابوي وقلت موافقه ع بالي اخذه رجال
ناصر عيونه وكل شوي تحمر وكانها تطلع شراريمنع
جمانه:يوم اسود اللي وقفت امي قدام الناس مبتسمه ع بالها اعطت بنتها لواحد شهم يوم اسود اللي لبست فيه ابيض لك وابتسمت لنفسي بالمرايهيمنع
ماقدرت تكمل ودمعت عيونها
ناصر من بين سنونه:انتي مستوعبه وش تقولين
جمانه صرخت وهي مسكره عيونها:مستوعبه مستوعبه اني بنت عمك وتسوي فيني كذا اجل وش تركت للغريب
ناصر جلس يناظر لها وماقدر يقول شي
جمانه نزلت دمعها ونزلت راسها وهمست: الله ياخذك
ناصر صد عنها ومسك راسه وتنهد
ناصر:اسمعي مااخذتك اذلك بس انتي حديتيني
جمانه رفعت راسها له
ناصر لف لها:كل اللي اسويه عشان نور اسمها بس يخليني ابتسم واللي سويته عشانها
جمانه:وانا وش ذنبي تكذب علي
ناصر:مالك ذنب ادري وعارف اني ظلمتك
جمانه ناظرت له وناصر مسك راسه وجلس ع السرير
جمانه:عارف وتلبسني لبس الخدامه ليش وتجلسني بالطياره جنبها وشاطفني ليش
ناصر صرخ:خلااااص نااااامي واسكتي
جمانه انقهرت منه:انت مريض صدقني
ناصر رفع راسه لها:انتي وبعدين معك
جمانه صدت عنه ومشت للحمام وناصر لقاها من الله انها راحت ورمى نفسه ع السرير واول ماسكر عيونه حس بتعب السفر ونام
اما جمانه اخذت دش وهي تفكر كيف انسى هالكابوس وتطلع منه عافت حياتها وطلعت عليها روبها شافته نايم صدت عنه وراحت لدرج اخذت من الملابس اللي فيه لها ولبست اخف شي وربطت شعرها وقدمت له وشافته نايم ع شكله ولابس جزمته ومو متغطي ناظرته بقهر ومشت وتركته اخذت مخده وسحبت شرشف وحطتهم ع الكنبه وانسدحت وهي تناظر له وودها تقوم تطلع حرتها فيه بس اخذت نفس وسكرت عيونها ونامت

2 - 12 - 2021, 03:38 AM

البارت 257

رجعو ملك وعبدالملك بيتهم
اول مادخل عبدالملك كان يفكر ساهي
وملك سكتت عنه طلعو لغرفتهم فوق
واتجه لدولاب واخذ لبس ودخل ياخذ دش وملك ماتكلمت وهي تشوفه منفس
وجلست ع السرير تنزل اكسوراتها اللي من امس لابساها بزواج ناصر وفتحت تسريحتها وطاح شعرها وقامت بتاخذ لبس ع طلعه عبدالملك لف شافها شوي ومشى لتسريحه وملك مستغربه
اخذت بجامتها وبتدخل شافته يمشط شعره واخذ شماغه
ملك:وين؟
عبدالملك مايناظر لها:الشركه من زمان ماجيتها
ملك:تمزح؟
عبدالملك رفع راسه لها:لا
ملك قربت له ونزلت بجامتها ومسكت وجهه ولفته لمرايه
ملك:ناظر لعيونك كيف تعبانه من متى مانمت
عبدالملك صد ونزل راسه يعدل شماغه:بروح لشركه لاحق ع النوم
ملك بعصبيه:عبدالملك وش فيك
عبدالملك رفع راسه وناظر لعيونها وتكلم بملامح جامده:مافيني شي
ومشى وتركها وملك اخذت نفس بقهر من عناده واخذت بجامتها ودخلت تاخذ دش وبعدها تنااااام
،
بيت عبدالله
جنى كانت نايمه بغرفتها ونوال قدامها تناظر لها ودخلت دلال عليهم
لفت لها نوال واشرت لها تسكت عشان ماتزعجها
دلال بهمس:شلونها
نوال:ماسألتها البنت واضح تعبانه حيل
دلال تاففت وجلست تناظر لها
نوال بحقد:اكيد ملك لها دخل بالسالفه
دلال:لاتقولين كذا
نوال:الا بقول شلون البنت طول عمرها تنزل من درجنا ماطاحت ولما جت عندهم من اول مره طاحت فسري لي
دلال تنهدت:يمه اهدي مكتوب
صدت نوال وجلست تناظر لجنى وبنفس الوقت منقهره عليها
،
نروح لكندا
هالوقت جمانه وناصر نايممممين
وارجوان معها نور ع سرير ارجوان الكبير نور ناايمه وارجوان منسدحه تفكر
(اللي يسويه ناصر صح ولا لا، مرات تحسه صح ومرات تحسه ظلم لجمانه ، تنهدت بضيق واخذت جوالها تكلم امها يمكن ترتاح ع صوتها ويالضبط اول ماردت امها ارجوان ابتسمت من صوتها)

2 - 12 - 2021, 03:39 AM

البارت 258

بالشركه دخل عبدالملك وعاقد حواجبه طلع لمكتبه والضيقه بصدره كل مالها تكبر
ع مادخل شاف محمد يرتب ملفات ورفع محمد راسه وجلس يناظر له
عبدالملك:ليش واقف تعال سلم
محمد ابتسم:هههه وربي منصدم
وقرب له وسلم
عبدالملك تنهد وجلس بمكتبه:امس ليش ماكنت بزواج ناصر؟!
محمد:كنت بالشركه اضبط اوراق طال عمرك
عبدالملك مارد ونزل راسه لاوراق:وش صار بغيابي
محمد:ولاشي كل شي مثل ماتبي
عبدالملك:وابومتعب؟!
محمد ضغط ع شفايفه وعبدالملك فهمه واخذ نفس
عبدالملك:اموت واعرف عمي ليش متحمله للحين
محمد:علمي علمك
عبدالملك:طيب جيب لي قهوه وابومتعب اعرف عنه كل شي وحاول تعرف اللي بينه وبين عمي
محمد:ابشر
ولف وطلع وعبدالملك مسح ع وجهه وحاول يخفي تعبه ورجع يقرا الاوراق،
،
نروح لمكان شقه صغيره
ساكنه فيها لحالها
وتفكر شلون ترجع بنتها من ناصر خلاص ملت من السعوديه بترجع قطر بس ماتبي ترجع بدون بنتها
اخذت جوالها واتصلت برقم ناصر اللي لحد الحين حافظته ، وطلع مقفل عفست وجهها وقامت وهي ناويه نيه تاخذ بنتها لو بالغصب قامت اخذت عباتها وطلعت
،
كندا
فتحت عيونها ع نور الشمس بوجهها اخذت نفس وجلست شافته نايم ع وضعه عفست وجهها وضاق صدرها من تذكرت اللي صار لها
قامت ومشت تغسل وسكرت الباب وعلى هالصوت فتح ناصر عيونه وعقد حواجبه وتلفت مايدري وين هالمكان وتذكر واخذ نفس وقام جلس شاف ع الكنب مخده وشرشف وصد وقام واخذ منشفه بيدخل دوره المياء ع طلع جمانه وتعلقت عينه بعينها وصدت عنه
وناصر مااهتم ودخل وجمانه راحت لبست وصلت و وقفت قدام المرايه تناظر نفسها
امس هالوقت وين كانت؟
وكيف شعورها
والحين كيف ووين؟
اخذت نفس وناصر طلع و..

2 - 12 - 2021, 03:40 AM

البارت 259

طلع ولا لف لها ولبس بنطلون وتشيرت وجمانه مشت بتنزل
ناصر اتجه للمرايه:وقفي
لفت له وهو مايطالعها
واخذ مشط يمشط شعره
ناصر:بتنزلين الحين وتعاملين نور بهدوء ومثل بنتك
جمانه بااستغراب ابتسمت:وماتبيني احط اللقمه بفمها
ناصر لف لها واشر بالمشط ع يديها:نظفي يديك قبل وبعدين اعطيها اكلها
جمانه بصدمه ناظرت يديها:احلف بس
لف ناصر ونزل المشط:والله ماابي بنتي تجيها جراثيم
ولف بيمشي
جمانه:انت هي تراك مصدق نفسك جايب لي بنت ماادري من بنته وتبيني اخذم لها
ناصر رفع حاجب:شلون ماتدرين من بنته
جمانه قربت له بكل جرائتها تكلمت بثقه:انا مو خدامه عند ابوك سامعيمنع
ولفت وحست بيده مسكت يدها من فوق وضغط بقوه وجمانه تحملت وناصر وقف وهمس بااذنها
ناصر:مو خدامه بس اذا بتعندين كذا بتكونين خدامه وماطلبت رايكيمنع
جمانه سحبت يدها بقوه ومشت وناصر ابتسم باانتصار ومشى وراها ونزلت لتحت شافت ميري تحط اخر شي من الفطورع الطاوله
وتقدمت بتجلس سمعت صوته الرجولي
ناصر:وين ارجوان ونور؟
ميري؛نايمين
ناصر:طيب
ومشى لطاوله وجمانه جالسه وتاكل بشراهه وعصبيه
وناصر مااهتم وجلس ياكل بهدوء بس جمانه مااعطته مجال يروق
لف لها ناصر:ي هوه اكلي بشويش
جمانه ماتناظر له:مالك دخل
ناصر رفع حاجب:بزر انتي
ماردت
ناصر:هه قسم بضيع ماادري اربيك ولا اربي نور
لفت جمانه له:حاول تربي نفسك اذا تقدر
ناصر انصدم من ردها وجرائتها ولاهي خايفه منه
ناصر:وربي ترا ماسك نفسي اضربك هنا
جمانه ماردت ورجعت تاكل وناصر تقرف منها وصد
ع طلعه ارجوان ونور جنبها من الغرفه وجتهم نور تركض
ناصر:ي عيووووني
نور ابتسمت له وجلست بحضنه وجمانه تناظرهم وعفست وجهها وصدت تكمل اكل اما ارجوان وقفت كرسيها ع الطاوله
ارجوان:صباح الخير
ناصر:ياصباح النور
اورجوان:ليش بادين بدوننا ها
ناصر:ههههههه مالنا ذنب باللي يسهر وماينام بدري صح نور
نور:انا ماسهرت
ناصر:ناظري عيني
نور:هاه
وناظرت لعيونه
ناصر قرب لها وباس خدها:صادقه خلاص
ابتسمت نور وجمانه سهت تناظرهم وارجوان حست عليها

2 - 12 - 2021, 03:40 AM

البارت 260

السعوديه الساعه ظ، ونص الظهر
عبدالملك ماقدر يتحمل اكثر من كذا حس لو ارمش بيطيح من التعب
قام من مكتبه واخذ جواله ونظاراته وطلع
وهو نازل شاف عمه ابوسامر يكلم عقد حواجبه بتعب وقرب له
وانصدم لما سمعه يقول
ابوسامر:وانا مشتاق لك......هههههههه ي عمري لا هالليله مااقدر.....لاتزعلين بكرا اجيك.....وانا احبك .....ههههه باي
وسكر ولف بيرجع وصنم لما شاف عبدالملك وملامحه جامده
عبدالملك:متزوج ولا ....
قاطعه ابوسامر:متزوج
عبدالملك ابتسم بتعب:مبروك ماقلت لنا
ابوسامر تفشل وصد
عبدالملك اخذ نفس:من ناسبت عاد؟
ابوسامر مشى:مو وقت اسئله
عبدالملك بصوت جامد:سامر يدري؟!
وقف ابوسامر وبلع ريقه ولف له:لا مايدري لاتقول له
عبدالملك:اووووه ي عم ماكبرت ع هالحركات؟
ابوسامر سكت
عبدالملك اخذ نفس:من ناسبت
ابوسامر صد:ابومتعب
عبدالملك هنا انصدم وعصب:نعم
ابوسامر:رجال كفو والنعـ..
عبدالملك بقهر قاطعه:لاتكذب ع نفسك وعلي ابومتعب مافي اخس منه
ابوسامر:تزوجت وخلصنا
عبدالملك بعصبيه:هو زوجك صح.. يستخدم بناته لمصلحته يزوجهم للي يبي منه مصلحه
ابوسامر بعصبيه:خلاص
عبدالملك:لا مو خلاص كان بيزوجني بنته بس فهمته .. مافي انذل من هالرجال وش تفسر زواج فايز من بنته
ابوسامر مشى وتركه وهو يقول:كل شي صار وخلاص
عبدالملك عصب واتجه لمكتب ابومتعب
،
المستشفى
بغرفه لمياء
صراخ امها عليها واصل اخر الممرات
ام لمياء (هيا):حممممار انتي حمممار؟! ماتفهمين حطيتي روسنا بالارض
لمياء ميلت فمها وصدت
هيا بعصبيه:اتكلم معك ردي من ياسر هذا
لمياء لفت لها وارمشت بعيونها:قلت لك مااعرفه هذا حبيب جنى هي لعبت علي وقالت لي اطلع معهم وش اسوي انا ع بالي مو من هالنوعيه طلعت واطيه
هيا :وليش تركبين
لمياء:كانت بتتركني لحالي بالشارع واضطريت اركب .. يمه افهميني انا مالي ذنب هي لعبت علي
هيا صدت بقهر:حيوانه وربي حيوانه هالجنى وانتي غبيه مشيتي معها
لمياء صدت وسوت نفسها تبكي
وامها ضاق صدرها وتوعدت بجنى
،
كندا
كانو جالسين ويشربون شاهي ع التلفزيون
ارجوان:متى بتبدا شغل
ناصر لف لها:بكرا
ارجوان:زين
جمانه كانت ساهيه لفت لها نور ببرائه:انتي وش اسمك
جمانه انصدمت واشرت ع نفسها:انا
لفو ناصر وارجوان لها وهي ناظرت لناصر

3 - 12 - 2021, 12:29 AM

البارت 261

نور باابتسامه:وش اقول لك
جمانه تناظر لناصر وناصر رفع حاجب وصدت عنه تناظر نور
جمانه:قولي لي خالتي جمانه
نور:خالتي جمانه
جمانه ابتسمت:صح
ولفت نور لناصر:قول لها خالتي جمانه
ناصر:لا انا اقول لها جمانه بس
نور:ليش؟
ناصر:مممم لانها مو خالتي
نور:طيب وانا مو خالتي
ناصر بسرعه:لا انتي خالتك جمانه وعمتك جوج وانا اقول لهم جمانه وجوج
نور تكتفت:لا اسمها جمانه وهذي اسمها جوج
ناصر:هههههههههههه لحول ع هالعناد
ارجوان:طالعه عليك
ناصر؛ ماني عنيد انا
ارجوان؛اجل ع امي
جمانه باابتسامه استحقار:او ع امها
اختفت ابتسامه ناصر وناظر لجمانه وارجوان انصدمت من ردها
ارجوان:جمانه وش هالكلام
نزلت جمانه كاستها وحطت رجل ع رجل:ماتقولون لي من امها؟!
انصدمو وناصر عصب
ناصر:جمانه
جمانه:هههه شفيك عصبت اسئل انا
ناصر نزل نور وقام وجمانه وقفت بسرعه وقرب لها بعصبيه:انتي تبيلك تربيه من اول
جمانه بثقه:متربيه قبل اشوفك و..
ماكملت الا بكف ناصر بوجهها وارجوان شهقت ونور خافت
وجمانه انصدمت
ناصر من بين سنونه:شكلك بتموتين وماتعدلتي
صرخت جمانه:الله ياااااااخخخخذك
ومسكها بقوه من يدها ومشى وهو يسحبها وراه لفوق وجمانه تحاول تفك نفسها منه وماقدرت ونور ركضت لحضن ارجوان بخوف
،
بالشركه
دخل عبدالملك بقوه ع مكتب ابومتعب وانقهر لما مالقاه وسئل محمد اللي قابله وقال انه طلع وضرب يده بالجدار اللي جنبه ونزل بسرعه ومحمد استغرب منه
اما عبدالملك ركب سيارته ومشى بسرعه
،
بفله عبدالملك كانت ملك نااايمه فزت من النوم ع صوت فتح باب الغرفه بسرعه شافته داخل ويتنفس بسرعه وعيونه حممرا وتحت عيونه صار غامق قامت ملك بسرعه له ووقفت قدامه
ملك:عبدالملك شفيك؟
عبدالملك ناظر لها بتعب:كل شي جاء مع بعضه
ملك بخوف:صار شي جديد
اخد نفس واتجه لسرير وجلس بتعب ونزل شماغه وفتح زرار ثوبه الفوق
وملك وقفت قدامه كان لون بشرته مو طبيعي حطت يدها ع يده وانصدمت بحراره جسمهيمنع

3 - 12 - 2021, 12:30 AM

البارت 262

ملك مسكت يده بخوف وحطت يدها ع جبينه
ملك بخوف:عبدالملك حرارتك
عبدالملك مسك يدها ونزلها وتنهد:هاتي لي ماء بارد وبس
ملك:اااي ماء بارد عبدالملك قوم نزل ملابسك والبس شي خفيف
عبدالملك بقل صبر:ملك مايحتاج قومـ..
ملك قاطعته ومسكت يده وقومته:مو ع كيفك بسرعه البس ع مااجيب كمادات
عبدالملك من التعب ووجع راسه ماقدر يتكلم ويرد دخل ولبس بجامه خفيفه و ملك نزلت تجيب الكمادات بسرعه
وعبدالملك طلع وانسدح ع السرير وسكر عيونه وحسهم حارات وعقد حواجبه
ع دخله ملك معها كمادات وماء بارد
وقربت جنبه وسحبت كرسي التسريحه وجلست وحطت الكماده البارده ع جبينه وارتعش عبدالملك وملك مدت يدها ليده وضغطت عليها وعبدالملك مافتح عيونه ونام وتو عاقد حواجبه ع طول وملك كل شوي تجدد الكماده
،
كندا
دخلها الغرفه ودفها بقوه وسكر الباب ولفت جمانه وصرخت
جمانه؛انا وشش قلت عشان تعصب وتضرب
ناصر بعصبيه:قصري صوتك لااقص لسانك وبعدين قلت لك اسكتي ليش لازم تذكرين نور باامهااا
جمانه:وليش لهدرجه خايف ترجع لامها وتسحب عليك
ناصر من كلامها ماتحممل وشدها بشعرها بقوه وجمانه صرخت:ابعد
ناصر من بين سنونه:وش قلتي
جمانه:ناصر اتركني الله ياخذك انا ويش ذي الطيحة اللي طحتها فيك .
ناصر:عيدي وش قلتي
جمانه ماردت وشده زاد
ناصر:نور بنتي انا وبتبقى معي ، فاهمه
جمانه:مريض وربي مريض وكذاب وكل شي فيك
دفها ناصر بقوه:جمانه لاتعاندين
جمانه ماردت عليه
ناصر اخذ نفس وصد ويده ع راسه
جمانه جلست تناظر له من ورا
ناصر تنهد وسكر عيونه:انا وش قاعد اقول
جمانه ساكته
ناصر مشى للكنب وجلس ومسك راسه بيدينه وساكت وجمانه حست فيه شي وماتحركت له
ناصر اخذ نفس ورفع راسه لها وتكلم بهدوء
ناصر:لاتجيبين طاري امها عندها ممكن لو سمحتي؟
جمانه ماردت
ناصر:طلبتك ي جمانه قولي طيب
جمانه جلست السرير وصدت:ليش
ناصر:بدون ليش
جمانه:بس هذي امها ولازم تـ..
ناصر قاطعها قام:جمانه قلت لاتجيبين طاريها وبس
جمانه لفت له
ناصر بهمس: لو سمحتي ممكن!
جمانه اخذت نفس:طيب
وناصر لف عنها وطلع وجمانه عفست وجهها وقامت سكرت الباب بعده وهي تفكر كيف تهرب منه وتفتك

المواضيع المتشابهه لموضوع: رواية عشقي ال بدي مكتفي فيك عاشقك للفنى لموضوع: رواية عشقي ال بدي مكتفي فيك عاشقك للفنى
الموضوع	كاتب الموضوع	المنتدى	مشاركات	آخر مشاركة
مكتفي بك 2022	حنين الأشواق	همس الشعر و الشيلات الصوتيه	2	22 - 1 - 2022 11:22 AM
تعب عاشقك بدر العزي 2021	حنين الأشواق	همس الشعر و الشيلات الصوتيه	4	18 - 3 - 2021 03:10 AM
لاتبعثرني تراني مكتفي	جروح الم	همس الشعر والقوافي	2	27 - 12 - 2014 11:28 PM
قال نا عاشقك	استثنائيه	همس عذب الكلام والخواطر المنقوله	10	1 - 5 - 2013 01:53 AM
رواية عشقي	مــلآمـح خ ــجل	همس الشعر والقوافي	12	12 - 6 - 2012 12:46 AM

الذين يشاهدون محتوى الموضوع الآن : 3 ( الأعضاء 0 والزوار 3)

الأعضاء الذين قاموا بتقييم هذا الموضوع : 0
لم يقوم أحد بتقييم هذا الموضوع

رواية عشقي ال بدي مكتفي فيك عاشقك للفنى

همس للقصص وحكايات وروايات