رواية عشقي ال بدي مكتفي فيك عاشقك للفنى

3 - 12 - 2021, 12:31 AM

البارت 263

بيت عبدالله
صحت جنى ومن فتحت عينها ونوال استلمتها
نوال:هاه كيف الحين احسن؟!
جنى هزت راسها ب ااي
نوال:طيب قولي لي وش سوت فيك ملك قولي
جنى جلست تناظر امها وتذكرت كل اللي صار وسكرت عيونها بقوه وبكت
نوال بخوف:حسبي الله عليك ي ملك .. قولي وش سوت فيك
جنى حطت يدها ع وجهها:ملك مالها دخل
نوال استغربت:شلون؟!
جنى بصوت باكي:اناااا الغبيه مو هي انااا
نوال انصدمت جنى اول مره تتكلم عن نفسها كذا
نوال:جنى!!
جنى مسحت وجهها ونزلت راسها:يمه ملك مالهادخل بشي لاتقولين لها كلام ماله داعي
نوال هنا انصدمت اكثر:جنى انتي وش تقولين؟!
جنى ناظرت لامها ودمعتها بعينها:طلبتك؟! ممكن؟!
نوال تناظر عيونها وجنى ميلت راسها تنتظر اجابتها
نوال هزت راسها ب ااي وجنى تنهدت وبتقوم
نوال:وين
جنى:بغسل وبنزل تحت معهم
نوال انصدمت هذي موو جنى الاوليه ابد وجنى دخلت تاخذ شور تريح
،
نروح لفله عبدالملك وملك
عبدالملك نايم وملك تناظر لهه شكله تعبان حيل( قله نوم وراحه ومشاكل ورا بعض وهموم) ماينلام
مسكت راسه تتحسس حرارته وخفت تنهدت وهمست:الحمدلله
اخذت الكمادات وبتطلع ورن جوال عبدالملك رساله ناظرت لعبدالملك عاقد حواجبه من الصوت اخذت الجوال والكمادات وطلعت اعطت الكمادات الخدامه مرت من قدامها وجلست بالصاله ونزلت جوال عبدالملك ورفعت جوالها واتصلت باامها
خلود كانت بغرفتها ترتب اغراضها ورن جوالها وابتسمت من شافته ورفعته
خلود:ي هلاا
ملك:هلابك يمه شلونك
خلود:بخير وانتي شلونك؟!
ملك:زينه بس عبدالملك مو زين
خلود استغربت:ليش وش فيه
ملك:حرارته
خلود:كمدتيه؟!
ملك:اي الحين ازين
خلود:خلاص اجل لاتخافين بيقوم مثل الحصان
ملك:يارب طيـ..
قطع عليها صوت جوال عبدالملك يرن
ملك:دقيقه يمه
ورفعت جواله وانصدمت من المتصل

3 - 12 - 2021, 12:31 AM

البارت 264

ملك جمدت ملامحها
ملك:يمه شوي واكلمك
خلود استغربت:فيك شي؟
ملك:لا يلا باي
وسكرت وخلود استغربت
اما ملك اخذت نفس وجلست تشوف لرقم (خوله)
مسجل اسمها من كانو بلندن
وردت وسكتت
خوله؛الو!
ملك بثقه:ي هلا
خوله بااستغراب:ملك؟!
ملك:اي ملك امري بغيتي شي؟
خوله:هههههههههه وانتي كل مااتصلت بعبدالملك رديتي
ملك:جوال زوجي ،، نعم وش بغيتي
خوله:مممم بغيت اقول شي لعبدالملك بس دامك رديتي خلاص اسكر واتصل مره ثانيه تشاو
ملك:دقيقه وين رايحه
خوله:هلا!
ملك وكانها تذكرت شي:لا خلاص باي
وسكرت ورمت الجوال بقهر
اما خوله ابتسمت ودخلت جوالها بشنطتها ع صوت ينادي ع رحلتها بالمطار ومشت بثقه
،
كندا
بالبيت كان فيه ارجوان تقرا كتاب وجمانه ع التلفزيون طفشانه ونور تلعب قدام التلفزيون وناصر طالع مع عمر
(للمعلوميه: جمانه بيوم زواجها طلعت من القاعه مامعها شي يعني حتى جوالها ماجابته ماتوقعت ابد تسافر ويغدر ناصر فيها)
لفت نور لارجوان:عمه جوج شوفي
ورفعت لعبتها منكسره
ارجوان:ي حياتي هاتيه اشوف
قربت نور لها وورتها
ارجوان:هذي منكسره مااقدر اركبها
نور بضيق؛لااااا
ارجوان ناظرت لها:نشتري لك واحده احلا
نور صدت بضيق ورجعت لمكانها تحاول تركبها
جمانه كانت تشوفها:هاتيها بشوف
نور قامت واعطتها
وجمانه جلست تناظر لها:لا تتركب بس بشمع
نور:مافيه هنا
جمانه:روحي اسألي ميري حتى لو فيه هاتيه
نور بفرحه:راحت تركض وجمانه تقلب باللعبه ونزلت جلست بالارض وارجوان تناظر لها وجت نور معها تاب
جمانه:ايوه هاتي
اعطتها نور وجمانه بدت تصلحها وارجوان تناظرها مبتسمه
وحست ارجوان بالباب ينفتح لفت شافته داخل واشرت له يسكت وسكت وهو يناظر نور جالسه جنب جمانه وجمانه تصلح اللعبه وانصدم وقرب لهم وهم ماحسو فيه و..

3 - 12 - 2021, 12:32 AM

البارت 265

جلس ناصر وراهم وهم مندمجين لف لارجوان وابتسم وردت له الابتسامه
جمانه بهمس:دقيقه دقيقه ثانيه هاه (ورفعت اللعبه) زينتتتتتتتهااااا
نور بفرحه:اااااااييييييه
جمانه خبتها ورا ظهرها:طيب هاتي فلوسي واعطيك لعبتك مو انا زينتها لك
نور:مامعي شي
جمانه هزت كتوفها:مالي دخل
نور بضيق لفت بسرعه:عمه جوو.... (شافت ابوها وابتسمت)
نور:بااااابااا هات فلوس
جمانه انصدمت ولفت وشافته مبتسم لهم
ناصر طلع من جيبه البوك وطلع فلوس ومدها لنور
ناصر:يلا اعطيها المحترف اللي زين لعبتك
جمانه جمدت ملامحها واخذت نفس
اما نور اخذت الفلوس وقدمت لجمانه:خذي هذي فلوسك شكراً
جمانه ابتسمت بتصنع واخذت الفلوس وحطتها بجيب اللعبه ومدتها لنور وغمزت لها
جمانه:اشتري لك العاب ثانيه فيهم
ابتسمت نور واخذت اللعبه وباست خد جمانه ومشت وجمانه ابتسمت اما ناصر حس بفرحه انهم بدو يتقبلون بعض وشال نور لحضنه وابتسم لجمانه وجمانه صدت و قامت ومشت عنهم وناصر اختفت ابتسامته وتنهد ولف لنور يلعب معها ، كل هذا تحت نظرات ارجوان
،
نروح لبيت عبدالله كانت خلود جالسه وتالا جنبها توريها صورهم القديمه بالايباد
خلود:هههههههههه هذي انتي؟
تالا:اي لاتشوفين افشل ههههههههه
خلود:لا ي قلبي بس متغيره
تالا ابتسمت:اي ادري
حسو بااحد جاهم ولفو شافو جنى ووراها نوال ابتسمت جنى لهم وخلود ردت ابتسامتها
جنى:وين ابوي!
تالا:شوي وبيجي
نوال مشت وجلست
جنى:شلونك خاله
خلود مستغربه:بخير شلونك انتي
جنى جلست:بخير
وخلود صدت مستغربه وكملت تناظر لصور ونوال ماقدرت تتكلم
،
فله عبدالملك
فتح عيونه بتعب وحط يده ع راسه ولف شافها جالسه ع الكرسي جنبه وابتسم وقربت له
ملك:صح النوم
عبدالملك ببحه:صح بدنك
ملك:شلونك الحين!
عبدالملك بلع ريقه وجلس:احسن
ملك ابتسمت:زين
عبدالملك لف لجواله ومالقاه:وين الجوال
ملك لفت لطاوله وراها واخذته ومدته له:هذا هو
عبدالملك عقد حواجبه واخذه وشاف الساعه ونزله
وملك ضغطت ع شفتها ودها تقول له وماودها تنهدت ولف لها عبدالملك و..

3 - 12 - 2021, 12:33 AM

البارت 266

عبدالملك لف لها وبيتكلم بس سكت لما شافها سهيانه وشكلها تفكر
عبدالملك:ملوك شفيك؟
ملك لفت له وابتسمت ببرائه:مافيني شي يلا انت قوم اخذ شور وبسوي لك اكل
عبدالملك مسك راسه وتنهد:اي والله جوووعاااان
قامت ملك:اجل انتظرك
واتجهت لدولاب وطلعت لبس له واخذت منشفه ومدتها له وهو قام واخذها وسحب يد ملك وقربت حيل له ونزل عيونه وناظرها وملك استغربت
عبدالملك:تحسبيني مااعرفك ، وربي فيك شي تكلمي
ملك ناظرت لعيونه وساكته
عبدالملك بهمس:اسمعك وش فيك؟
ملك زفرت وابتسمت بخفه:ممم اتصلت خوله عليك
عبدالملك يناظر لها:ايوه!
ملك:وبس رديت وتقول انها بتتصل عليك مره ثانيه ماادري ليش مارضت تقول لي
عبدالملك يناظرها بحب وابتسم؛هذا اللي مزعلك؟
ملك ببرائه:مو زعلانه
عبدالملك:هههههه طيب مو زعلانه بس متضايقه صح
ملك:شوي منها غثيثه وش تبي اووف
عبدالملك؛ههههههههههههه ماعاشت والله اللي تغثك ان مابردت حرتك
ملك بفرحه:كيف
عبدالملك مسك يدها ومشى لسرير وجلس وجلست جنبه اخذ الجوال واتصل فيها وهو مبتسم لملك حطه سبيكر وكان مقفل
ملك:اوووف خساره
عبدالملك:لا مو خساره ،
غمز لها:بعلمها شلون تغثك!
ملك بغرور:ي حظي والله فيك
عبدالملك مسك خصله من شعرها يلعب فيها:ويحظي فيك ، تدرين وش احسن شي صار لي بهالدنيا كله
ملك:انا!يمنع
عبدالملك:هههههههههههه لا احلا شي لما مريت من ذاك الشارع وشفتك
ملك تذكرت وضحكت
عبدالملك:وطبعاً القاعده تتخانق مع ولد ومسويه نفسها ماتتكلم الا اشاره
ملك:هههههههههههههههههههه
عبدالملك باابتسامه وهمس:ذاك الشي احلا شي لما عرفتك
ملك ابتسمت واستحت وقرب لها وباس خدها ولحظه هدوء
ملك:قوم يلا مااكلت
بعد عبدالملك:طيب
وقامو وعبدالملك دخل ياخذ شور وملك تنهدت براحه وحمدت ربها عليه ونزلت تسوي له اكل
،
ببيت عبدالله
الساعه ظ¨ بالليل
الكل مجتمع ع العشاء
تالا:يلا يبيه جو عبدالملك وملك خلنا نطلع لجده
عبدالله باابتسامه:خلاص تم بس خليهم يوافقون
دلال:موافقين اكيد
وجنى مبتسمه اما خلود تناظر لنوال اللي متحجبه وجالسه تلعب بالاكل وشكلها متضايقه
جنى:يمه كلي
نوال قامت:شبعت
جنى:مااكلتي
ماردت نوال ومشت
وعبدالله مااهتم ابد وكمل ياكل وجنى قامت وراها

3 - 12 - 2021, 12:33 AM

البارت 267

جنى لقتها لصاله ونوال جلست
جنى:يمه وش فيك؟
نوال تناظر لتلفزيون:بعرف وش غيرك
جنى جلست جنبها وتنهدت:عرفت اننا غلطانين يمه ملك وامها مالهم ذنب بشي
لفت نوال بعصبيه:شلون مالهم ذنب ، طيب مين السبب بموت خالد
جنى:يومه واحنا نتوهم خالد اصلاً مو السواق عشان نقول ان ملك عصبت فيه وصدم وهو معصب صح ولا لا؟
نوال بعصبيه؛جنى
جنى:يمممه اسمعيني ملك اختي وخلود خالتي وهم مالهم دخل بااي شي صار فينا كل شي من غبائي انا وتوهماتي اكتشفت ان ملك كل طيبه القلب فيهااا
نوال بقهر بترد بس قطعهم صوت جرس الباب
طلعت ساندي تفتح الباب
ساندي:اهلين مدام؟
.....:انا مو مدام ،، وين بابا عبدالملك
ساندي بااستغراب:مو موجود
،...... بعصبيه:ناددي اي احد بسرعه
ساندي:طيب
ودخلت لنوال وجنى وقالت لهم
جنى:انا بشوف
وقامت ونوال صدت لتلفزيون
واتجهت جنى للباب وشافت الحرمه ماعرفتها
جنى:هلا!
الحرمه:انتي وش تصيرين لعبدالملك
جنى بااستغراب:اخته امري وش بغيي
الحرمه:اسمي شيخه انا زوجه صديقه ناصر بعرف وين عبدالملك لي من الصبح ادور ناصر ماحصلته وبيته مقفل بعرف وينه
جنى منصدمه:طيب انا وش دخلني وبعدين شلون زوجته وناصر قبل يوم متزوج
هنا شيخه انصدمت:نعم! تزوج
جنى ساكته ومنصدمه
شيخه صرخت:مووووووت ان شاء الله ياخذك
عبدالله واللي ع الطاوله سمعو الصرخه وقامو بسرعه للباب
عبدالله:خييير خييير
شيخه:اااي خييير وناصر تزوج
عبدالله اشر لجنى:من ذي
جنى:تقول زوجه ناصر
عبدالله انصدم
شيخه:وبببنتي معه اخذ بنتي وتزوج
عبدالله بصدمه:عندكم بنت؟
شيخه:اي حسبي الله عليه اخذها وحرمني منها الله ياخذه
خلود بصدمه؛انتي منين طلعتي اللي نعرفه ناصر تزوج بنت عمه وسافرو
شيخه:سااافرو؟؟
عبدالله:لاحول ولا قوه الا بالله
شيخه مسكت راسها وتبكي
خلود:استهدي بالله وادخلي ارتاحي
شيخه قربت ودخلت وهي تبكي وخلود مسكتها ومشت معها لصاله،
،
كندا
بغرفه جمانه اخذت شور وطلعت تمشط شعرها الطويل
سمعت الباب سكر ولفت بسرعه شافته مبتسم لها
جمانه:ليش تسكر الباب
ناصر:ليش فيها شي!
جمانه صدت للمرايه وتمشط:اي افتحه
حست باانفاسه تحرك شعرها خافت ولفت بسرعه شافته قريب لها حيل وبلعت ريقها وناصر رفع يده ومسك خصله شعرها وابتسم و..

3 - 12 - 2021, 12:34 AM

البارت 268

قرب لها حيل
وجمانه بعدته بسرعه وبقوه:هههي انت خير وش تبي
ناصر رفع حاجب مبتسم:وش فيك زوجك قرب لك تبعدينه ليش؟
جمانه تكتفت:وانت ع كيفك وقت ماتبي تصير زوجي ووقت ماتبي تبعد وتضرب وكاني خدامتكم و..
قطع عليها ناصر مد يده ومسك يدها وسحبها لصدره وضمها وهمس بااذنها وهو يمسح ع شعرها:اسكتي خلاص
وجمانه منصدمه
ناصر بعد عنها وناظر لعيونها وهو قريب لها
ناصر بهمس:لاتقولين هالكلام
جمانه منصدمه من تناقضه
ناصر ابتسم:زين؟!
جمانه بعدت عنه:بزر عندك تلعب علي انت؟
ناصر:ههههههههههههههه العب؟؟!
جمانه:اي تلعب ،، قبل فتره تقول لي جبتك امم لنور وإذا مارضيتي خدامة والحين تقول لي ماازعل من كلامك
ناصر:مممم صح اكتشفت شي
جمانه استغربت
ناصر رمى نفسه ع السرير ويده اليمين تحت راسه واليسار رفعها لجمانه
ناصر:اكتشفت انك ام زينه لنور
جمانه تكتفت:احلف بس
ناصر سكر عيونه ويديه تحت راسه:والله ام جميله مزيونه وكيوت
جمانه جلست تناظر له بااستغراب
وناصر فتح عيونه اليسار:شفيك تناظرين
جمانه صدت:من زينك
ناصر:هههههههههههه تعالي حاطه عينك ع السرير صح
جمانه لفت له:لااا
ناصر ابتسم:طيب تعالي
جمانه جلست تناظر له بصدمه وناصر مد يده لها
صدت عنه للمرايه واخذت ربطه لشعرها وربطت شعرها شافته من المرايه قام ومشى لها ولفت بسرعه
جمانه:ياااربي انت وشش تبي
ناصر حط يده ع شعرها:طيب شفيك خايفه
جمانه:ناصر تكفى ابعد خلاص
ناصر جمدت ملامحه:ليش ؟
جمانه:لاني ماابيك ولا ابي قربك افهم اكرهك اكره كل شي فيك ..
ناصر جلس يناظرها بصدمه من كلامها كثير سمعه منها بس هالمره غير حس انه ضربه بصدره
جمانه من شافته يناظرها مشت من جنبه وطلعت وناصر جلس يستوعب اللي سمعه
،
نروح لفله عبدالملك
بعد مااخذ دش لبس ونزل شافها ترتب الاكل ع الطاوله وشكل الطاوله جميله
ابتسم وقرب لها
ملك ابتسمت:طالع من الشر
عبدالملك:هههههه لهدرجه حرارتي ارتفعت
ملك:كثير
قرب لها ومسك يدها:وتسلم هاليد اللي اهتمت بي
وباسها وملك استحت:طيب اجلس اكل
عبدالملك ابتسم لها وجلس وملك جلست جنبه

3 - 12 - 2021, 12:35 AM

البارت 269

ببيت عبدالله
عبدالله جالس والبنات واقفين وراه ونوال تناظر لخلود اللي حاطه يدها ع ظهر شيخه وشيخه تبكي
خلود بحنيه:خلاص ي شيخه استهدي بالله
شيخه ببكى:ياااربي بموت ابعد بنتي عني ابعدها
عبدالله:بفهم شي متى تزوجتو وكيف صار كل هذا
شيخه رفعت راسها وناظرت له:ناصر ظلمني كثير طردني لقطر بعد ماولدت نور وتطلقنا مايبني اخذها واختفى واخفى نور عني دورتها كثير ومالقيتهم
عبدالله عقد حواجبه:بس ناصر لما جاء خطب ملك ماقالي ان عنده بنت
خلود لفت له:معقوله عبدالملك يدري؟!
عبدالله هز كتوفه بماادري
شيخه:اناا جيت لعبدالملك كنت بااسئله وينه لاني اعرف ناصر كان بس يتكلم عنه ويقول انه اقرب الناس له
خلود:طيب والحل الحين؟!
عبدالله:بكلم ناصر وبشوف
شيخه فرحت بس اخفت فرحتها وسوت نفسها تبكي
وقام يكلمه ونوال ناظرت لشيخه
نوال رفعت حاجب:كاني شايفتك؟
شيخه لفت لها:انا!
نوال:لا الجدار من في غيركم
خلود عضت شفتها يعني اسكتي ونوال مااعطتها وجه
نوال:انتي مو جاره ام ناصر!!
شيخه بخوف انها تعرف ام ناصر:لا
نوال:الا انتي جارتهم القطريه صح
شيخه قامت وصرخت؛قلت لا
لف لهم عبدالله بسرعه
عبدالله:وش فيكم
شيخه صدت بعصبيه:مافينا شي
نوال باابتسامه:وش فيك عصبتي
شيخه ما ردت وخلود مسكتها وجلستها
خلود:خلاص اهدو
اما عبدالله اخيراً مسك معه الخط واتصل بناصر
ورد
ناصر منسدح ع سريره:هلا عمي
عبدالله:هلابك شلونك
ناصر:بخير شلونكم انتم
عبدالله:من احنا
ناصر استغرب:انتم اهل السعوديه كلكم
عبدالله:بخيريمنع
ناصر بصدمه:عمي شفيك ترد ببرود
عبدالله:انتظرك تسئل عن اهل قطر خوال بنتك
ناصر انصصصصصصصصدم وسكت
عبدالله:شيخه عندنا وقالت لنا كل شي
ناصر عصب وانقهر وماقدر يتكلم
عبدالله:وينك؟
ناصر بعصبيه:لاتستقبلها اطردها
عبدالله:ناصر اهدا وقول لي و..
ناصر: ماعندي شي اقوله اطرد هالادميه وبعدين اتصل علي
وسكر الجوال وعبدالله انصدم اول مره ناصر يطول صوته عليه ولف شاف شيخه وحس افكاره تلخبطت ،

3 - 12 - 2021, 12:35 AM

البارت 270

بيت ابوراشد
ام راشد بتوتر:ابي افهم شلون يسافرون بدون مايخلوني اشوف بنتي صباحيه زواجها
ابوراشد ببرود:سافرو بعد الزواج ع طول
ام راشد:اااادري ام ناصر قالت لي قبل شوي بعرف ليش البنت ماجهزت نفسها
ابوراشد رفع حاجب:لاترفعين صوتك ،، وخلاص جمانه صارت زوجه ناصر وكلمته تمشي عليها
ام راشد بقهر:بس قلتو لها بتكمل دراستها ليش تكذبون
ابوراشد قام وصد عنها:انتي شكلك نسيتي نفسك ي ام راشد قصري صوتك وجمانه راحت مع ناصر برضاها مو غصب عنها
ام راشد:طيب ليش للحين مااتصلت فينا
ابوراشد:اوووووه خلصنا
وطلع وتركها بقهرها تدري انهم غدرو ببنتها ومابيدها حيله تسوي شي
،
بفله عبدالملك خلصو اكل وماقامو من الطاوله لف عبدالملك لملك
عبدالملك:الساعه كم
ملك:ظ© ليش؟
عبدالملك:قومي بنروح للبيت الكبيره
ملك بفرحه:يلاااا
عبدالملك قام وقامت معه ولبسو وبعد ماخلصو طلعو لسياره وركبو ووجههم لبيت عبدالله
ببيت عبدالله
شيخه مكمله تبكي وتدعي
والكل بدا ينزعج من صوتهاا
عبدالله قام:استاذن
خلود:وين!
عبدالله غمز لها يعني بيطلع انزعج
خلود هزت راسها ب ااي ونوال تناظرهم بقهر ومشى بيطلع ع فتحه الباب ووقف شاف عبدالملك وابتسم له
عبدالملك:سلام
عبدالله براحه:هلا والله وعليكم السلام
ملك تناظر لصاله وسمعت صوت شيخه:في احد؟
عبدالله هز كتوفه:زوجه ناصر
عبدالملك انصدم:من زوجته؟
عبدالله:اسمها شيخه قطريه
عبدالملك انصدم وملك ماتقل عنه
ملك لفت عبدالملك:ناصر متزوج قبل؟
عبدالملك مارد
عبدالله:وعنده بنت منها وحارمهم من بعض
ملك شهقت وحطت يدها ع فمها
عبدالملك عقد حواجبه:من قال؟
عبدالله:هي تقول
عبدالملك:كذااابه ماحرمهم من بعض
ملك لفت له:تعرف؟
عبدالملك:اي
ومشى بسرعه وعبدالله وملك لحقوه
ووقف قدامهم والكل لف له مستغربين وهو عاقد حواجبه يناظر لشيخه
شيخه طبعاً كاشفه لانها ماتتغطى بس تتحجب وحجاب خفيف رفعت راسها له
عبدالملك:........

3 - 12 - 2021, 05:54 PM

البارت 271

عبدالملك رافع حاجب:انتي وش جايبك هنا؟
شيخه:انت عبدالملك صح
عبدالملك:حلو تعرفيني اي انا
شيخه لفت وشافت خلود:الحمدلله جاء
وقامت
شيخه:تكفى قولي ناصر وين اخذ بنتي
عبدالملك باابتسامه:توك تتذكرينها بنتك
شيخه بتوتر:مانسيتها
عبدالملك بقهر:مو انتي تركتيها من عمرها سنه ع ناصرر وطلبتي الطلاق عشان تتزوجين حبيبك قولي
شيخه بصدمه ماتوقعت يعرف ابد
والكل انصدم
شيخه:لاااا ناصر اللي اخذ بنتي
عبدالملك:ومستمره تكذبين ،، انسيها بنتك خلاص
شيخه بكت:ماني ناسيتها نور بنتي انا ومستحيل يجيب لها ام غيري
عبدالملك بهدوء:جاب وانتهى. ويلا برا هالبيت ولااشوفك مقربه له
شيخه بصراخ:كذاب ناصر هو اخذ بنتي
عبدالملك بعصبيه:بررررررا
خافت شيخه وبعدت ومشت للباب وهي تدعي بطول صوتها على ناصر والكل يناظرها منصدمين
وعبدالملك صد عنها لهم:وش قالت لكم
خلود:قالت ان ناصر حرمها من بنتها
عبدالملك اخذ نفس:حقيره
عبدالله:عبدالملك اجلس وفهمنا
عبدالملك جلس جنب امه وملك جنب خلود وعبدالله واقف وبدا عبدالملك يقول سالفه ناصر وبنته
،
المطار
فيصل بفرحه:حي بنتي تو مانورت السعوديه
ابتسمت خوله:منوره بوجودك
فيصل ضمها:عساني ماافقد هالحس
خوله:يخليك لي
وبعد عنها ومسك يدها
فيصل:اكيد جوعانه
خوله:لاا توي اكله
فيصل:اجل تعالي البيت محتاج نورك
ابتسمت خوله ومشت معه
،
كندا
نزل ناصر وشافهم جالسين
جمانه ع التلفزيون وارجوان تتكلم مع نور
ومشى ورمى نفسه جنب جمانه ولفت له بسرعه بااستغراب وابتسم لها وهي صدت عنه
ارجوان:ابعد عن البنت شفيك لزقت فيها
ناصر:مالك دخل زوجتي انتي اطلعي منها
جمانه كانت منصدمه من كلامه بس مالفت له
ارجوان بضحكه:طيب اسفه
ناصر جلس يناظر لجمانه وهي مو معطيته وجه
وقطع عليه صوت جواله وطلعه من جيبه وشاف المتصل وعقد حواجبه

3 - 12 - 2021, 05:55 PM

البارت 272

شاف المتصل وعقد حواجبه ورد
ناصر:حي عمر
عمر:يحييك شلونك
ناصر:بخير وش عندك متصل هالوقت
عمر:ابد بس اليوم رحت للمستشفى وشرحت لهم حاله اختك ويقولون يبونها تجي
ناصر ابتسم واخذ خصله من شعر جمانه اللي جنبه يلعب فيها
ناصر:حلو يعجبني النشيط
لفت له جمانه ورفعت حاجب وهو ابتسم
عمر:طيب متى تجيبها
ناصر يناظر جمانه ومبتسم:وقت ماتبي
عمر:هي وش فيك انت اقولك المستشفى يقولون وش دخلني انا
ناصر:هههههههههههه ماعليش اعذرني
عمر:والله ماادري وش فيك بس يلا سلام بنام
ناصر وكانه سرح بملامح جمانه ومارد وعمر سكر المكالمه
وجمانه مسكت يد ناصر ونزلتها عن شعرها وقامت
ناصر:وين
جمانه تمشي:مالك دخل
وطلعت وناصر تنهد واسند راسه لورا
ارجوان تناظر لجمانه وتناظر لناصر
ارجوان:وش فيكم بعد
ناصر:ولا شي ،، المهم (عدل جلسته) عمر اتصل تو
ارجوان بااستغراب:وش اسوي فيه
ناصر ابتسم:لقينا مستشفى يسوي عمليه وترجعين تمشين و..
ارجوان قاطعته؛من طلب منكم ،، انا قلت ابي امشي؟؟
ناصر بحنيه:حبيبتي انتي مو لازم تقولين انـ..
ارجوان:ناااصر وش فيك كمم مره اقولك ماابي ماابي
ومشت بكرسيها وناصر تنهد ونور تناظرهم مستغربه،
،
نرجع السعوديه
ببيت (لمياء)
هيا :شلونك الحين؟
لمياء تطقطق بجوالها بيد واليد الثانيه ملفوفه بشاش:احسن
هياء:كلمتي جنى
لمياء:لا
هياء:اي احسن وبروح لهم اعلمهم ان الله حق
لمياء لفت لها:اي احسن
هيا :انتي لاتفكرين فيهم بس
لمياء ماردت وكملت تطقطق ببرود ولاهمها شي
،
ببيت عبدالله
بعد ماقال عبدالملك السالفه سكتو كلهم
عبدالملك:ناصر اغلط بس ندم وشيخه كذابه
نوال:يالله كل هذا وماقالو لنا شي
عبدالله:انا اقول نسكت عنهم وهذي اسرار بيتهم وهم كيفهم
عبدالملك تنهد وسكت
جنب يغير الجو:طيب خلاص المهم متى بنروح جده
تالا:اااي ايي متى
رفع عبدالملك راسه وناظر لجنى بنظرات تخوف وجنى سكتت واختفت ابتسامتها
وملك لاحظت
ملك:جنى تعالي جنبي
جنى ابتسمت وجلست جنبها والكل استغرب
عبدالله:خلاص نمشي بكرا!
نوال:لاا بكرا موضي وبناتها ماجهزو
عبدالله ناظرها ورفع حاجب:يجهزون
(ع فكره عبدالملك وملك مايدرون باللي صار بين عبدالله ونوال)
نوال صدت عنه وسكتت
خلود:خلاص عبدالله نمشي بعد بكرا
عبدالله:براحتك
ملك لفت لجنى و..

المواضيع المتشابهه لموضوع: رواية عشقي ال بدي مكتفي فيك عاشقك للفنى لموضوع: رواية عشقي ال بدي مكتفي فيك عاشقك للفنى
الموضوع	كاتب الموضوع	المنتدى	مشاركات	آخر مشاركة
مكتفي بك 2022	حنين الأشواق	همس الشعر و الشيلات الصوتيه	2	22 - 1 - 2022 11:22 AM
تعب عاشقك بدر العزي 2021	حنين الأشواق	همس الشعر و الشيلات الصوتيه	4	18 - 3 - 2021 03:10 AM
لاتبعثرني تراني مكتفي	جروح الم	همس الشعر والقوافي	2	27 - 12 - 2014 11:28 PM
قال نا عاشقك	استثنائيه	همس عذب الكلام والخواطر المنقوله	10	1 - 5 - 2013 01:53 AM
رواية عشقي	مــلآمـح خ ــجل	همس الشعر والقوافي	12	12 - 6 - 2012 12:46 AM

الذين يشاهدون محتوى الموضوع الآن : 4 ( الأعضاء 0 والزوار 4)

الأعضاء الذين قاموا بتقييم هذا الموضوع : 0
لم يقوم أحد بتقييم هذا الموضوع

رواية عشقي ال بدي مكتفي فيك عاشقك للفنى

همس للقصص وحكايات وروايات