رواية عشقي ال بدي مكتفي فيك عاشقك للفنى

7 - 1 - 2022, 06:28 PM

البارت 331

جده
وصلو اهل عبدالله لشاليه
بالسيارات الثلاث
استقبلهم سالم
ونزلو
دلال وتالا اول مانزلو راحو ركض لداخل يتسابقون سامر ومحمد كانو يناظرون لهم منصدمين (دلال متلثمه وتركض )
محمد لف لسامر:الحمدلله اللي اخذتها عاقله
سامر ضحك وصد
ونزلو خلود ونوال وجنى
وعبدالله اتجه لسامر ومحمد
عبدالله:حياكم ادخلو
محمد كان يناظر لجنى ومارد
سامر:الله يحييك يارب
عبدالله يناظر لمحمد ولف ناظر لجنى ومن شافت ابوها مشت ورا امها وابتسم عبدالله ولف لمحمد اللي حس عليه وصد كانه مايشوفها
عبدالله:انت وش فيك كانك اول واحد يتزوج
سامر:ههههههههههههههههه
محمد ابتسم:مو اول واحد بس اول مره اتزوج
عبدالله:اييييه يلا نمشيها لك هالمره لانه اول مره تتزوج
محمد بسرعه:واخر مره والله مااخذ عليها
ضحك عبدالله وضربه سامر
سامر:اثقل ي رجال
محمد:وش قلت
سامر:انا اقول تدخل لداخل احسن لك
عبدالله:اي والله ادخل
محمد:طيب طيب
ومسك سامر يده:انا ادخله روح ي عم لاهلك وانا اتكلم معه اعقله
ومشى وعبدالله يضحك عليه واتجه دخل بقسم الحريم لاهله
،
بغرفه عبدالملك كان ساهي يناظر لملك بيفسر تعبها وتغيرهاا المفاجئ
سمع صوت تحت وعقد حواجبه وقام
وطلع
شاف امه واهله جالسين ابتسم وهو نازل
دلال:هلا هلا باللي مداعين نفسهم وجايين بطياره
عبدالملك:الحمدلله كلن وقدره
دلال:وجع
رفع عبدالملك حاجب
دلال:امزح امزح
نوال:تعال ماعليك منها
باس عبدالملك راسها:هاه تعبتو!
نوال:مو كثير
خلود:وين ملك!
لف لها عبدالملك:نايمه
خلود:غريبه ليش!
عبدالملك:ماادري تعبت شوي ونامت
خلود:اها طيب
جنى:شكلكم مااكلتو
واشرت ع الاكل بالطاوله
عبدالملك:هههههههه لا والله انتظركم
نوال:طيب يلا حتى انا جيعانه
وقامت معه تاكل وكلهم رفضو وطلعو لغرفهم

7 - 1 - 2022, 06:29 PM

البارت 332

دخل عبدالله عليهم
عبدالله:الله الله اكل
عبدالملك:حياك
عبدالله قرب لهم وجلس ع الطاوله
عبدالله:ترا محمد وسامر بالمجلس
عبدالملك:زين الحين اروح لهم
وبدا عبدالله ياكل وقام عبدالملك
نوال:مااكلت
عبدالملك:اصلاً اكلت مع ملك قبل شوي بس عشانك جلست
ابتسمت نوال:زين بالعافيه
عبدالملك:يعافيك
وغسل وطلع وبقى ع الطاوله نوال وعبدالله
ياكلون بهدوء
رفعت نوال راسها تناظر له وعبدالله مندمج ياكل
اخذت نفس وودها تتكلم معه بس حالتها الحين انا ع ذمته بس محرمه عليه فتره احسن من انها مطلقه طول العمر ورجعت تاكل حس عليها عبدالله بس مارفع راسه وكمل ياكل
،
فوق
ترتيبهم
جنى بجناحها لحالها ودلال وتالا مع بعض ونوال لحالها بجناحها الكبير وخلود مع عبدالله وملك مع عبدالملك
بغرفه خلود نزلت اغراضها ودخلت اخذت دش وطلعت لبست جلابيه فخمه ورفعت شعرها وطلعت من غرفتها لتحت
اما جنى ع ماجت اخذت دش ولبست بجامتها وانسدحت ع سريرها تطقطق بجوالها قبل تنااام وترتاح
عند دلال وتالا ع مادخلوو بدلوو ملابسهم ونزلو بسرعه للبحر
اما ملك ناااايمه
بالصاله
جالسه خلود وجنبها نوال يناظرون لنافذه الكبيره المفتوحه ع البحر ودلال وتالا يلعبون
نوال:اموت واعرف هالدلال متى تكبر
خلود:ههههههه خليها توها صغيره
نوال:وين صغيره اليوم فشلتنا لما نزلت مع الرجال لسوبرماركت
خلود:عادي كثير يسوونها
نوال:بس احنا لا
خلود:مافيها شي ي نوال وش فيك حاطه دوبك دوب هالبنت
نوال:بلاك ماتدرين انهم حمل علي ودي لو تالا تكبر اليوم وازوجهم كلهم وافتك
خلود:ههههههههه افا
نوال:اي والله
ابتسمت خلود:خليك منهم وتعالي نطلع نجلس ع البحر
ناظرت لها نوال وابتسمت خلود
نوال:يلا
وقامو ونوال حست نفسها خلاص اندمجت مع خلود وصارت قريبه لها حيل

7 - 1 - 2022, 06:30 PM

البارت 333

عند الرجال
كان عبدالله جالس وجنبه سامر وقدامه عبدالملك ومحمد
وسالم يقهويهم
عبدالملك:والله مو ناقص الا ناصر
سامر:عاد وينه ناصر ليته يذكرنا
عبدالملك:اتصلت فيه قبل فتره اموره تمام
عبدالله:ناصر مو عمليه اخته امس!
محمد:لا اليوم الصبح عاد ماادري وش صار عليهم
عبدالملك:اتصل فيه واسئله
محمد:سم
وقام واخذ جواله
سامر:دريتو باللي صار
لف له عبدالملك وعقد حواجبه:خير!
سامر:ابوي وابومتعب من سحبت كل شي من يد ابوي اخذه ابومتعب وسافرو لشرق اسيا
عبدالملك رفع حاجب وناظر لعبدالله
وعبدالله مد يده وحطها ع كتف سامر
عبدالله:بيرجع لاتشيل هم وابومتعب مو دايم له
سامر تنهد:هذا اللي قاهرني انه كاذب عليه وابوي منجر وراه
عبدالملك:همه الفلوس خلهم يروحون عساهم يتورطون
سامر:اي والله
عبدالله ناظر لعبدالملك يعني اسكت وعبدالملك صد
،
عند ملك قامت ع اصوات صراخ وضحك عقدت حواجبها وقامت ناظرت لنافذه وابتسمت وهي تشوف دلال وتالا يلعبون وامها ونوال وراهم
قامت بسرعه و اوجعها بطنها ومسكته وجتها الصيحه ما تدري وش فيها ومن خف>غسلت ولبست بنطلون وتيشيرت واسع ورفعت شعرها ونزلت وطلعت لهم وصرخت
ملك:ججججيت
لفو لها وابتسمت خلود
خلود:هلا صح النوم
جتها تالا ركض وضمتها بقوه ومن هالضمه اوجعها بطنها من جديد ومسكته بقوه وخافت خلود وبعدت تالا عنها
خلود بخوف:ووش فيك!!
ملك:ماادري يمه بطني
نوال جتها:ليش وش تحسين ليه
ملك:ماادري يوجعني شوي ويروح
دلال:اكلتي شي!
ملك؛لا
خلود:طيب تعالي اجلسي
ومشت معها وجلست من جلست فجاءه حست نفسها قلبت وركضت لداخل والكل منصدم لفت خلود لنوال وابتسمت نوال
نوال:حامل؟
خلود ابتسمت بفرحه:يااارب
ومشت وراها
تالا بفرحه صرخت:بصير عمه بصير خاله
ضربت دلال راسها:يقولون يمكن يمكن
تالا:الا الا صح
،
عند خلود طلعت ملك بعد ماغسلت
خلود باابتسامه:ملك
رفعت ملك راسها
خلود:تاكدي اذا انتي حامل ولا لا
ملك بصدمه ناظرت لها
خلود ابتسمت:والله الاعراض ماجتك الا الحين يعني ايش
ملك بصدمه:معقوله!
خلود:تبيني اعلمك انا؟ روحي للمستشفى
ملك:لالا خلاص انا حامل بدون مااروح
خلود:مو بكيفك يلا البسي عباتك وبنادي عبدالملك
ملك:لا يممـ..
خلود صدت ومشت:يلااا
وملك اخذت نفس وطلعت تجيب عباتهاا

7 - 1 - 2022, 06:30 PM

البارت 334

طلعت خلود لهم قدام البحر
نوال:هاه بشري؟
خلود ادور بجوالها اسم عبدالملك:يمكن بس نبي نتاكد بنروح المستشفى
نوال:اي احسن
واتصلت بعبدالملك
عبدالملك كان بين الرجال ورن جواله ورد من شاف الرقم عقد حواجبه ورد
عبدالملك:هلا
خلود:مشغول!
عبدالملك:لا ليش
خلود:زين تعال لداخل
عبدالملك:طيب
وسكرت
وقام عبدالملك من بينهم والكل ساهي عنه ودخل لداخل وشاف خلود ونوال بالصاله ينتظرونه
واستغرب:شفيكم
خلود:انت ليش ماوديت ملك المستشفى
عبدالملك خااف:فيها شي!!
خلود:لا بس البنت شكلها تعبااانه
عبدالملك لف لدرج وبيطلع
نوال:هههههههه تعااااال اعوذ بالله
لف عبدالملك بااستغراب:وش فيكم انتم!
خلود باابتسامه:ملك يمكن حامل وبنوديها المستشفى
عبدالملك ابتسم بفرحه:جد!
نوال:هاه اخيرا ابتسم
عبدالملك:طيب وينها هي
ع نزلتها من الدرج لفو لها
ومعها عباتها وخافت من نظراتهم لها
ملك:وش فيكم
خلود:مافينا شي تبيني اروح معكم ولا لا
عبدالملك ابتسم:لا مايحتاج
خلود:زين
ولفت خلود وطلعت من الصاله ونوال معها وعبدالملك يناظر لملك مبتسم
ملك:وش فيك!!
عبدالملك:ولا شي يلا تعالي
ملك:طيب
ونزلت ولبست عباتها ومشت مع عبدالملك وفتح لها الباب وركبت وركب عبدالملك مكانه مبتسم وملك مستغربه ماتوقعت امها تقول له
ومشو
،
نروح لقسم الرجال سكر محمد من ناصر ولف شاف سامر وراه
سامر:هاه شلونهم
محمد:يقول انها طيبه واليوم سووها ونجحت
سامر:الحمدلله زين
محمد:وين راح عبدالملك
سامر:الله اكبر قمنا نقول عبدالملك حاف
محمد:هههههه تناسبنا
سامر ابتسم وصد شاف في وحده محجبه وحجاب خفيف دخلت لشاليه وعقد حواجبه
سامر؛من ذي؟
لف محمد وشافها؛ماادري
سامر:مو قالو الشاليه عائلي وماادري كيف
محمد:مالك يمكن صديقه البنات المهم تعال ندخل
سامر:لا ببقى هنا
محمد:براحتك
ودخل محمد وسامر يناظر البنت بااستغراب شكلها غررريب

7 - 1 - 2022, 06:31 PM

البارت 335

نروح لسياره عبدالملك
وصلو المستشفى
ونزلو ودخلو
ملك كانت تمشي جنبه فيها الابتسامه بس كاتمتها وداخلها تلف له وتقول خلاص انا حامل بس خلنا نطلع بس ماقدرت تقول وعبدالملك نفس حالتها بس ابتسامته مافارقته وده يلف لها ويقول ملك بيصير عندنا ولد بفرحه ,, واخيراً قرر يلف لها قاطعته ملك
ملك:هذا القسم
عبدالملك:اي قسم!
ملك:قسم النساء بروح له وانت انتظرني هنا
عبدالملك:اوك طيب
ومشت له وعبدالملك جلس ع الكرسي واخذ نفس ويدعي ان اللي يفكرون فيه صح
،
نروح لكندا
قدام غرفه ارجوان عمر جالس ومايشوفها
وجمانه واقفه تناظر لها اما ناصر اخذ نور يلعبها وتغير جو
جمع عمر جرائته كلها واخذ نفس وتكلم
عمر:جمانه
لفت له جمانه
عمر؛بسئلك عن ارجوان
جمانه:اسئل
عمر:كيف صارت كذا يعني من ايش
صدت جمانه تناظر لارجوان ع سريرها نايمه
جمانه:بحادث لما كانت صغيره
عمر:الله !
جمانه:اي وكانت مع ابوها بنفس الحادث توفى عمي اللي هو ابوها
عمر:الله يرحمه حزنتيني
جمانه:كلنا انصدمنا وحتى ناصر ذيك الفتره انقلب حاله
عمر:حركتي فضولي كملي
جمانه:وبس بعدها رجع عشان عبدالملك صديقه تكلم معه ورجع لامه وارجوان وجلسو سنين يترجونها تتعالج ورافضه كانت منعزله عن الناس الكل نساها
عمر:ي حياتي
ابتسمت جمانه له:بس انت رجعتها لنا ، مشكور عمر
ابتسم عمر:ماسويت شي ارجوان من جد تنحب
جمانه:حيييل
ابتسم عمر:طيب خليني اكحل عيني واشوفها
جمانه:هههههه مافيه
عمر؛تكفيييين
ع جيه ناصر
ناصر:خير خير
عمر:بشوفها
ناصر:اقول كل تبن من عقلك انت
عمر:ههههههههههه اوريكم كلها يومين تطلع واتزوجها تشوفون
ناصر ابتسم:اي هين
مارد عمر وجمانه مبتسمه:وين نور
ناصر:مع ميري تلاعبها
جمانه:زين
قرب لها ناصر وحط يده ورا ظهرها وتنهد وهو يناظر لارجوان

7 - 1 - 2022, 06:32 PM

البارت 336

جده
بالشاليه ، بالجلسه اللي قدام البحر
نوال وخلود جالسات يتقهوون
وصرخات دلال وتالا تخلي اللي يسمعهم يبتسم بالغصب
قطع عليهم صوت الخدامه
الخدامه:مدام
لفت لها نوال:هلا
الخدامه:في حرمه يبغى عبدالملك
رفعت نوال حاجبها:حرمه تبي عبدالملك!
هزت الخدامه راسها بااي
خلود:غريبه من
نوال:خليني اروح اشوف
خلود:تبيني اجي معك
نوال:تعالي
قامو ودخلو للفله
شافوها جالسه ومن شافتهم قامت وابتسمت
عقدت نوال حواجبها ولفت لخلود ماعرفوها
نوال:هلا!
الحرمه:هلابك
نوال:اسفه ماعرفتك؟
الحرمه:هههه اكيد لاني ماقد جيتكم ، انا خوله فيصل ال....
نوال ابتسمت:هلا والله هلا
خوله:هلابك
وقربت سلمت عليها ولفت لخلود
نوال:تعالي خلود اعرفك خوله بنت فيصل الكاتب المعروف
خلود ابتسمت وصافحتها:ي هلا والله تشرفنا
خوله:الشرف لي
نوال:قالو لي تبين عبدالملك
خوله:اي والله ابيه ضروري موجود!
نوال:لا والله
خلود استغربت منها
خوله:خساره عندي موضوع مهم معه يتاخر!
نوال:مااتوقع استريحي انتظريه
ابتسمت خوله:شرف لي
وجلست ونوال جلست جنبها
خلود:اجل اجيب القهوه واجيكم
نوال:اجلسي الخدم يجبونه
خلود:لا مايصير
ومشت ونوال لفت لخوله
نوال:ايوه واخبارك واخبار ابوك وامك
خوله:امي عطتك عمرها
نوال شهقت:ي حياتي الله يرحمها ماعرفت
خوله:عادي ، الله يرحمها
ومسكت نوال يدها وضغطت عليها وخوله ابتسمت لها
،
بالمستشفى
طلعت ملك بعد ساعه معها ورقه
ومن شافها عبدالملك قام بسرعه وصار قدامها
وبياخذ الورقه وخبتها ملك ورا ظهرها
عبدالملك:وش فيك اعطيني اياها
ملك:لا ، مافيها شي اللي فيني اعراض تعب وبرد
عبدالملك:اي برد والصيف حار
ملك:تقلبات الجو لها دور . الحمدلله ع كل حال
تنهد عبدالملك:طيب الحمدلله ان مافيك شي
ومسك يدها:تعالي
ملك:وين
عبدالملك:مو نفسك تقلب عليك تعالي شمي هوا وترتاحين
ملك:طيب
ومشت معه حس عبدالملك انها بدت تلين معه وترجع مثل ماكانت وهالشي ريحه حتى لو هي مو حامل
اما ملك كانت لمسه يده لها راحه بحد ذاتها وعافيه

7 - 1 - 2022, 06:32 PM

البارت 337

كندا
قدام غرفه ارجوان
جمانه:انا تعبت
لف لها ناصر:وش فيك!
جمانه:مانمت زين شكلي برجع البيت انام
ناصر:طيب بوصلك ونور معك
جمانه:طيب
لف ناصر لعمر
ناصر:بنروح
عمر:طيب
ناصر مسك يد جمانه ولف لعمر وابتسم
ناصر:اسمع تقوم من مكانك مو احسن لك لاتخليني اقول للممرضات يغطونها
عمر:لالا ، خلاص ماراح اقوم
ناصر:زين ، يلا
ومشى وجمانه ماسكه يده ، وتحت نور مع ميري اخذوهم واتجهو للبيت
اما عند عمر من راحو ماتحرك من مكانه ومايقدر يشوفها ، حس نفسه غبي ، فرصه قدامه ومايستغلها؟ قام وهو يتلفت يشوف لو ناصر جاء فجاءه وقف قدام النافذه وناظرها ولاووول مره يشوفها ويركز فيها ابتسم وسمع صوت وراه ولف بخوف
ابتسم الدكتور:ليش خفت!
عمر:لا ولاشي
الدكتور ناظر لارجوان:زين انا بدخل لها ، الحين نقدر ندخل ونقرب لها
ابتسم عمر:جد
الدكتور هز راسه بااي
عمر لف وناظرها:يلا
وفتح الدكتور الباب ودخل وعمر وراه يمشي وكانه مو مصدق ، وصل الدكتور عندها واخذ الاوراق واما عمر سهى يناظر فيها رفع الدكتور راسه وابتسم ورجع للاوراق
وعمر قرب لها وتجرء ومد يده وحطها ع يدها واخذ نفس وابتسم وهو يتاملها
،
نرجع السعوديه
عبدالملك بالطريق عكس تماماً لما كانو رايحين ملامحه جامده ناظرت له ملك وصدت تناظر لطريق وهي تفكر شلون ترجع علاقتهم نفس اول بس ماتبدا اهي ، حست فكرتها غبيه وتنهدت لف لها عبدالملك
عبدالملك:متضايقه!
ملك ناظرت له:لا
عبدالملك ابتسم بخفيف ورجع لطريق وملك سهت تناظر له
ووصلو الشاليه
وقبل ينزلون
ملك:عبدالملك
لف بها:سمي
ملك:وين بتروح
ابتسم عبدالملك:وين بروح يعني، لرجال وانتي ادخلي
ملك:لا تعال معي بقولك شي
عبدالملك عقد حواجبه:وشو!
ملك ابتسمت:تعال
ابتسم لها:طيب
ونزلو ومشت ملك جنبه
ودخلو بهدوء للحديقه قبل المبنى
ملك بهمس:وين ازعاج البنات
عبدالملك:ماادري
ومشى بسرعه وملك وراه ودخل لصاله وانصدم وملك استغربت انه وقف وناظرت لصاله وانصدمت
وخوله باابتسامه من شافتهم قامت وطبعاً ماتغطت

7 - 1 - 2022, 06:33 PM

البارت 338

ملك عقدت حواجبها؛خوله!
نوال بفرحه:طلعو متعرفات ماشاء الله تعالو تعالو خوله كانت تنتظر عبدالملك
لفت ملك وناظرت عبدالملك وعبدالملك ناظرها وتنهد
اما خلود حست فيه شي بس سكتت
خوله:شلونك عبدالملك
عبدالملك:بخير
خوله:طيب تعال بتكلم معك عن موضوع مهم
ملك رفعت حاجب
عبدالملك:وشو الموضوع
خوله ناظرت لملك ونوال وخلود وفهمو انها بتبقى معه لحالها
نوال:اجل انا وخلود نستاذن
خلود:تعالي ملك
ملك ابتسمت؛لا ولاحد يستاذن وابقو كلكم
انصدمت خوله:بس انا بتكلم بموضوع مهم
ملك:مابيننا اسرار صح؟
ولفت لعبدالملك وابتسم:صح
خوله صدت بقهر
نوال:ليش ملك تعالي بنعرف وش صار معك
ملك باابتسامه ناظرت لعيون عبدالملك:بقولكم اللي صار بس دقيقه لاحد يتحرك
ابتسم عبدالملك ع كلامها
وملك مشت بسرعه للبحر شافت تالا ودلال منسدحات
ملك:هييييييه
لفو لها
ملك:تعالووو بسرعه بسرعه
جوها يركضون ودخلو الصاله وخوله مستغربه و الكل مستغرب
ركضت ملك لفوق وطقت باب جنى
جنى كانت ع صحيتها
ودخلت ملك:قومي ي خيشه النوم بسرعه
جنى:بسم الله وش فيك
ملك:الحقيييني بسرعه
جنى:طيب طيب
ونزلت ملك ركض وجنى غسلت وجهها بسرعه ولحقتها
وقفت ملك بالصاله وهي تتنفس بسرعه من الركض
ابتسمت خلود:ملك وش فيك؟
ابتسمت ملك
وفهمتهااا خلود بسرعه وشهقت
خلود:ححححامممممل؟
ملك ابتسمت وناظرت عبدالملك وهزت راسها بااي بفرحه
عبدالملك انصدم
وخوله جمدت ملامحها
تالا صرخت:قلللللتتتت لكممم بصير عمه بصير خاله
ابتسمت نوال:مبروووووووك
ملك باابتسامه:الله يبارك فيك
جتها جنى بسرعه وضمتها
جنى:مبروووك مبرووووك مبروووك
ملك:هههههه الله يبارك فيك
وتجمعو عليها خلود دلال ونوال وتالا وعبدالملك ابتسم وهو يناظرهم
عبدالملك:خلااااص ابعدووو تعالي دوورري
وضمها
وخوله كان وضعها مثل الجدار ماحد يمها ومنقهره
عبدالملك همس:تلعبين علي اجل
ملك:ههههههه
بعد عنها وباس راسها وملك ابتسمت
خوله بصوت عالي:عفواً بس موضوعي
لفت لها نوال:وربي نسيناكم اسفين فرحتنا كبيره
خوله:المهم عبدالملك بتجي؟
لف لها عبدالملك:لا و اقولك شي؟
لاتجين ولااشوفك مره ثانيه
شهقت نوال والكل انصدم وخوله تفشلت
نوال:عبدالملك وش تقول
عبدالملك حاط يده ورا كتف ملك:اقول انتي ي خوله لااشوفك مره ثانيه ، توقعت عندك كرامه قلتها لك كم مره بااسلوب غير ومافهمتيها وهالمره صريح ، لا اشوفك ويلا برا
ملك ابتسمت وهذا اللي نرفز خوله اكثر

7 - 1 - 2022, 06:34 PM

البارت 339

خوله بصراخ:تحسسسسبني ميته عليك؟!
عبدالملك ابتسم:مااحسبك انا متاكد
خوله:ههييييييه من مفكر نفسك انت
عبدالملك:عبدالملك
خوله:والكوبه
رفع عبدالملك حاجب وهو مبتسم
ونوال عصبت : ووووجع قله ادب ، جايه هنا تخربين طلعتنا بررررا
خوله بعصبيه:اصرف من مقابل وجيههم ، وذي اللي ماتنسمى ملك واللي فرحانين فيها تراها ماتاصل ربع خوله
ملك ابتسمت:ومن خوله
جنى:هييييييييه انتي ترا ماعرفتك الا عندي هنا لاتخليني انسى انك ضيفه
خوله بقهر حستهم كلهم ضدها مالها الا تطلع
خوله:الله ياااخذكمممم
ومشت بسرعه لبرا
ومن طلعت لفت نوال لعبدالملك:هذي وش فيهااا
عبدالملك:متخلفه
نوال:وليش ماقلتو من اول
ملك:مو مهمه ، المهم بنام
عبدالملك:يلا
دلال لفت لتالا وهمست:شرايك نلحقها ونشوف شكلها بعد الفشيله
تالا:يلا يلا
اخذت دلال لفتها ومشو بدون ماحد يحس عليهم طلعوو ولحقوها
خوله من طلعت كانت تدعي عليهم من قلبها
بهاللحظه كان سامر برا وشافها واستغرب طالعه بسرعه وفجاءه وقفت وجلست كانها تبكي استغرب وقرب لها ووقف جنبها
سامر:فيك شي!
خوله مسحت الدمعه واستغربت الصوت ورفعت راسها وانصدمت جميل
خوله بهمس:اي تعبت شوي
سامر:تبيني اساعدك
خوله:ياليت
ومدت يدها ومسكها سامر وقومهاا بهاللحظه وقفت دلال وتالا يناظرون لهم دلال كان شي داخلها تحرك (انقهرت)
ومن قامت خوله صارت واقفه قدام سامر ابتسمت
خوله:مشكور
سامر بااستغراب:العفو بس وش فيك!
خوله كانت ماسكه يده:ماادري اتوقع دخت،
سامر:طيب وين سيارتكم اوصلك
خوله بسرعه:جيت بالتاكسي
سامر:اوه اجل اطلب تاكسي لك
خوله ابتسمت:مافي بهالمكان ، مم يصير توصلني
سامر تورط وصد واخذ نفس:اي اي حياك
بيسحب يده بس ماقدر
سمعو صرخه وراهم ووقفو
دلال:وووين وييين

7 - 1 - 2022, 06:35 PM

البارت 340

دلال بصرخه:وييين وين
لف سامر لها وكانها لقاها من الله فك يد خوله بسرعه
سامر:جابك الله تعالي ساعديها بوصلها
دلال تكتفت:ووين سواقك؟
خوله ماردت وناظرت سامر ورجعت ناظرت دلال وتالا واقفه ورا دلال
دلال:الله مو كافي فوق سواد وجهك وطاردينك تكذبين بعد
خوله صدت:مالك دخل
سامر فهم انها كذابه وبعد شوي عنهم
دلال:شف شف ، هيي ترا انا مو مثل ملك ولا جنى اقط الكلام ومااتحرك شفتي وجهك هذا قسم اقلبه خريطه
ابتسم سامر وصد
خوله:وورينا اتحداك
لفت دلال لتالا:اذا قلت افزعي افزعي
تالا:طيب قدام
لفت دلال ومسكتها وسامر انصدم
وبدت تضرب دلال وكانها حاقده عليها من سنين وخوله حاولت تبعد وماقدرت
تالا وراها:اي اي اقووووى دلال وش فيك صايره نعومه اقوووى
وكملت دلال وسامر ماقدر يمسك نفسه اكثر ضحك وقرب لهم ومسك دلال
سامر بضحكه:خلاااص ذبحتي البنت
وهو ماسكه تتنفس بسرعه وتناظر خوله شكل خوله صار مبهدل
دلال:قالك عبدالملك مايبي يشوفك انقلعي ي حيوانه
خوله:والله لااقول لابوي راح تندمووون
دلال:يمه يمه خفت
ومشت خوله بسرعه ودلال ناظرتها لين اختفت لفت سامر اللي يضحك وماسكها من يدها من فوق سحبت يدها بسرعه
دلال:وانت تضحك ، مو اي وحده تتكلم معها هالمره ساعدتك المره الثانيه ماني عندك
هنا سامر ماقدر يسكت وضحكه مالي المكان
تالا:لاتهايطين يلا عاد
دلال ناظرت لسامر:يلا
ومشت وسامر من مشت وهو يناظرها هدى ضحكه وابتسم وهو يشوفها هالبنت غييييييييير غير
،
كندا
بغرفه ارجوان النايمه
وعمر جنبها ماسك يدها ويناظر لها
حس بعيونها تحركت وبدت تفتحها ابتسم وفز قلبه
فتحت ارجوان عيونها وعقدت حواجبها وهي تناظر لسقف سكرت وفتحت وبدأت لف راسها بهدوء وعمر مبتسم لها ومن ناظرت له سكرت عيونها
عمر همس:حمدلله ع السلامه
ارجوان بلعت ريقها وهمست:وين ناصر
عمر:الحين يجي
ارجوان:والعمليه!
عمر بفرحه:نجحت
ارجوان ابتسمت بخفيف وهمست:الحمدلله
عمر ضغط ع يدها:بنادي الدكتور واجيك
هزت ارجوان راسها وسكرت عيونها وعمر قام بسرعه لدكتور يبشره واتصل بناصر وهو بالطريق

المواضيع المتشابهه لموضوع: رواية عشقي ال بدي مكتفي فيك عاشقك للفنى لموضوع: رواية عشقي ال بدي مكتفي فيك عاشقك للفنى
الموضوع	كاتب الموضوع	المنتدى	مشاركات	آخر مشاركة
مكتفي بك 2022	حنين الأشواق	همس الشعر و الشيلات الصوتيه	2	22 - 1 - 2022 11:22 AM
تعب عاشقك بدر العزي 2021	حنين الأشواق	همس الشعر و الشيلات الصوتيه	4	18 - 3 - 2021 03:10 AM
لاتبعثرني تراني مكتفي	جروح الم	همس الشعر والقوافي	2	27 - 12 - 2014 11:28 PM
قال نا عاشقك	استثنائيه	همس عذب الكلام والخواطر المنقوله	10	1 - 5 - 2013 01:53 AM
رواية عشقي	مــلآمـح خ ــجل	همس الشعر والقوافي	12	12 - 6 - 2012 12:46 AM

الذين يشاهدون محتوى الموضوع الآن : 5 ( الأعضاء 0 والزوار 5)

الأعضاء الذين قاموا بتقييم هذا الموضوع : 0
لم يقوم أحد بتقييم هذا الموضوع

رواية عشقي ال بدي مكتفي فيك عاشقك للفنى

همس للقصص وحكايات وروايات