ما غرام يشرح الصدر طاريه و إلا صدود و عمرنا ما عشقنا للكاتبة صدود كاملة - الصفحة 5

25 - 12 - 2021, 02:01 AM

صحت وراجح جالس عندها..
في البداية حاولت تستوعب هي وين لحتى تذكرت اللي صار معها..
راجح\الحمدلله على سلامتك..
رشا\الله يسلمك..لقيتوها؟؟
راجح يبتسم\ايه لقيناها..كانت عند أم غازي..
الله يصلحها ماخلينا مكان الا ودورنا فيه عليها..
رشا\مالقيتها بالملحق..
راجح\ليه طلعتي من القصر..؟؟
رشا\كنت خايفة عليها..تخيلت انها يمكن مدفونة تحت الثلج..
راجح\وخيالك ماصاب الا عظامك..
لما لقيتك كان الثلج مغطيك..
والحين لازم تنامين بالمستشفى لان حرارتك مرتفعة..
رشا\غــازي وينه؟؟
راجح\ســافر..
رشا تبكي\قهرنــ ي..
راجح بعصبية\ليه هو وش قالك..سوا لك شيء..ليه ماقلتي لي؟؟
رشا\قص شعرها..
راجح\قص شعرها؟؟
رشا\شعرها طويـــل ولما رحت الملحق شفت شعرها مرمي هناك..
راجح بغيض\حسبي الله ونعم الوكيل..
هذا ماهو بصاحي..أنا قلت له رووح شوف البنت بتموت..
وهو كمل عليها وقص شعرها..
رشا\راجح ابي اشوفها..
راجح\ان شاء الله اذا رجعنا المزرعة تشوفينها..
وأنا لازم اشوفها وأتفاهم معها قبل يرجع غازي المزرعة..
رشا\طيب ابي اكلمها اتصل فيها..
راجح\مايصير انتي بالملاحظة الحين نامي وبكره يصير خير..
رشا\بس أنا لازم .....
راجح\انتي ماتكرهينها؟؟
رشا\أكرها؟؟
راجح\مو هي توئم هادي اللي قتل زوجك ويتم ولدك..؟؟
رشا غمضت عيونها وماردت على راجح..
نامت وعيون راجح عليها ...

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

بعد غياب 12 يوم رجع لـ المزرعة..
ومن رجوعه للمزرعة مر اسبووع كامل مالها أي أثر..
ماشافها طوول هالمدة..
لانها مازالت تعتكف بغرفة أمه رافضة تنزل او تشوف احد..
حاولت أمه فيها تطلع بايام ماكان غازي غايب عن المكان لكن هي مارضت..
طلبت منها تنام جنبها على السرير وترتاح من الكنبة..لكن مارضت..
صد وبرود وقلة حيلة هذه كانت تصرفاتها..
طلب راجح مقابلتها رفضت مقابلته والاستماع له..
فهي جربت الكلام معه من قبل ولكن لم يفدها بشيء..
لطالما ترقبت دخوله عليها ومعاقبتها كما تستحق..
تعلم بانه عاد..
وتستغرب عدم قدومه الى هنا..
لربما هي فعلاً لم تعد تعني له شيئاً..
وقد قرر الرجوع الى الوطن وتركها هنا سجينة..

فها هو اليوم يوم الرحيل..
العائلة جميعها سترحل..
سيعودون الى الوطن..وهي تظل هنا وحيدة..
سيرحل معهم ويتركها..
هذا هو عقابه لها..

مـالـي حـل غـيـر انـي أقـفـل قـلـبـي وبـابـي
وشـوف اش يـقـدر يـسـوي اذا طـولـت فـي غـيـابـي
مـالـك حـل بتـلـقـى نـاس يـسـلـونك
مـالـك حـل ولـكـن مـا يـحـبـونـك
ويوم تضيق بالدنيا صدقني يملونك مــالـك حــل

مدري ليه في قربه أحس البعد في قلبه
وإذا حبه على كيفه شكرا ما نبي حبه
لا مـالـك حـل بتـلـقـى نـاس يـسـلـونك
مـالـك حـل ولـكـن مـا يـحـبـونـك
ويوم تضيق بالدنيا صدقني يملونك مــالـك حــل
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

وهو بدورهـ لم يقترب من تلك الغرفة الملاصقة لغرفته..
ولم ينظر اليها حتى..
استمر بادارة مزرعته وممتلكاته كما يفعل دوماً..
وكأنها لم توجد بحياته أبداً ..

أضطرت تطلع من الغرفة بعد دخول شوق..
لان شوق مازالت تدق بالحكي وتبين انزعاجها من وجود هديل بغرفة امها..
ولاحظت غيرة شوق على امها..لان ام غازي تهتم بهديل وتداريها..
وهذا الشيء ماتبيه شوق ولاتقبل فيه...

خرجت من القصر وهي تدري الجمييع مشغولين بلم أغراضهم..
وما احد راح يلاحظ غيابها او يدور عليها بالوقت الضايع ..

نست الملحق تماماً ولا بنيتها ترجع له مرة ثانية أبداً..
توجهت للاسطبلات ووقفت عند حضيرة عسولة..

وبعد دقايق كان فيه شخص ثاني معها ..
ماكانت الا شوق..

شوق\أعتقد بينا كلام..
هديل طنشتها وماردت عليها..
شوق\أنا عرفت كل شيء..
وادري انه انتي اللي يتكلم عنها طالب..
ناظرت فيها هديل تنتظرها تتكلم ..
وتكمل كلامها..
شوق\ايــه انتي لاتنكري..
هديل ببرود\وش انكر؟؟
شوق\أنتي اللي شافك طالب بروما..وأنتي اللي اعجب فيك وحبك..

هديل تدري انه طالب اللي شافها..
لانها لما شافته تذكرته وتذكرت وين شافته..

هديل\أتهمتيني بأشياء كثير..أبشع من هذا الاتهام..
فماراح يأثر فيني كلامك..
شوق قربت منها\يمكن متعودة على الحقارة..
وتبين تبدلين حضن غازي بحضن اخوهـ..

الرد كف آخر تتلقاهـ شوق ولكن هذه المرة ليس من طالب..
بل من هديل..
هديل\وعدتك أردلك الدين..وهذاني رديته..
الجحيم اللي عشته مع اخووك ومعكم..
الوحدة اللي تجرعت علقمها لحالي ومحدن درى فيني..
الكلاب اللي تنتظر الفرصة عشان تنهشني..
كل هذا اتحمله بس أنتي و لسانك..
والكفر اللي تنطقين فيه كل ماحلا لك الوضع مالكم عندي احتمال..

شوق بصراخ\كل اللي فيك حصاد افعالك..
حاولتي تغري طالب يهربك ويرجعك السعودية..

هديل ولأن النقاش مع أشخاص سطحيون مصدقين بآرائهم وتوقعاتهم هو مضيعة للوقت والجهد..
فقررت ان تلعب لعبة شوق..
هديل\ان كان أعجب فيني وحبني فلانه أدرك أن الجارية أحسن من الملكة..
وانا عندي امل فيه..
شوق\تعترفين؟؟
هديل\بحقارة تفكيرك نعم اعترف..
قربت شوق من هديل ناوية تضربها لما حسوا بشخص ثالث معهم..
غازي بوعيد\قلتي عندك امل فيـــه؟؟
أختنقت بالهواء لانها ابدا مو ناقصة قسوته او عقابه..
فكرت تهرب لكن مافيه مكان للهرب..
وقفت بمكانها تخبي خوفها منه بجمودها..
شوق تبكي\ايـــه هي في بالها ان طالب بيخلصها منك ويتزوجها..
وهي تخطط معه على هذا الشيء..

لمحت بطرف عينها علبة خشبية خاصة بتنظيف حوافر الخيول..
شالتها وخبت يدها ورى ظهرها..

غازي\أشوووف الخدم مصدقين حالهم بزيادة..
وناسين وش يكونون..يمكن الغلط مني لاني تساهلت في عقابهم..
هديل\الخدم قرروا يعاملونك بنفس طريقة تعاملك..
وكانك غير موجود..يا حـــثالة..
غازي\تدرين كيف كانوا يعاقبون العبيد لما يعصون الأوامر..
كان يتكلم وهو يمد يده وياخذ السوط من على سياج الحضيرة..
حست الدم نشف بعروقها وارجولها مو قادرة تشيلها..

شوق برعب\لا غازي تكفى ..
ماكملت كلامها لان غازي ضربها على وجها بيدهـ..
خلاها تتراجع من مكانها كم خطوة..

الخوف سيطر عليها وتاكدت من العقاب لما ضرب شوق..
رمت اللي بيدها عليه بكل قوتها..
ضربته بجبينه وجرحته..

قرب منها أكثر وهي صرخت برعب..

هديل\لا تكفــــى لا..مو بالسووط تكفى لا..
غازي\تأخرتي كثير..
رفع السوط وضرب فيه الأرض..
وهي لمت نفسها بيدينها وعطته ظهرها..

رفعه مرة ثانية..وهالمرة نزل السوط على ظهرها بقوووة..
ورفعه مرة ثالثة وضرب ظهرها..
كانت تصرخ بصوووت جريح مؤلم..

شوق مسكت يده وهي تترجاه..
شوق\تكفى ياغازي تكفى خلاااص يااخوي تكفى..
غازي رماها بعيد عنه وضربها على جنبها بنفس قوة ضربه لهديل..

خرجت شوق تركض من الاسطبلات..
وهي تصرخ وتنادي على أمها..

كانت أمها وراجح واقفين ينتظرونها عند السيارة ..
لما وصلت لهم وهي تبكي..
شوق بنحيب\يووومه بيذبحها..
قتل هديل يوومه غازي ذبح هديل بالاسطبلات يووومه..

راجح راح يركض وأم غازي تركض وراهـ..

وصل الاسطبلات وغازي كالمجرم رافع سوطه وعيونه على المرمية تزحف على بطنها..

لما شافت أم غازي صرخت بيأس وألم..
صرخت وهي تمد يدينها لها..

هديل بألم\يـــــــــــــــومــــــــــــــــــــــه..

الى الملتقى يوم الاثنين باذن الله تعالى..

كونوا بالقرب من هنا ..

كونوا بخير’’

صدووود’

26 - 12 - 2021, 01:16 AM

البارت الرابع والثلاثون...

أيا رفيقةَ دربي!.. لو لديّ سوى
عمري.. لقلتُ: فدى عينيكِ أعماري

أحببتني.. وشبابي في فتوّتهِ
وما تغيّرتِ.. والأوجاعُ سُمّاري

منحتني من كنوز الحُبّ.. أَنفَسها
وكنتُ لولا نداكِ الجائعَ العاري

ماذا أقولُ؟ وددتُ البحرَ قافيتي
والغيم محبرتي.. والأفقَ أشعاري

إنْ ساءلوكِ فقولي: كان يعشقني
بكلِّ ما فيهِ من عُنفٍ.. وإصرار

وكان يأوي إلى قلبي.. ويسكنه
وكان يحمل في أضلاعهِ داري

وإنْ مضيتُ.. فقولي: لم يكنْ بَطَلاً
لكنه لم يقبّل جبهةَ العارِ

المرحوم باذن الله تعالى..غازي القصيبي’’

هديل\لا تكفــــى لا..مو بالسووط تكفى لا..
غازي\تأخرتي كثير..
رفع السوط وضرب فيه الأرض..
وهي لمت نفسها بيدينها وعطته ظهرها..

رفعه مرة ثانية..وهالمرة نزل السوط على ظهرها بقوووة..
ورفعه مرة ثالثة وضرب ظهرها..
كانت تصرخ بصوووت جريح مؤلم..

شوق مسكت يده وهي تترجاه..
شوق\تكفى ياغازي تكفى خلاااص يااخوي تكفى..
غازي رماها بعيد عنه وضربها على جنبها بنفس قوة ضربه لهديل..

خرجت شوق تركض من الاسطبلات..
وهي تصرخ وتنادي على أمها..

إمرأة من زجاج

عيناك.. كلهما تحدي

ولقد قبلت أنا التحدي!!

يا أجبن الجبناء.. إقتربي

فبرقك دون رعد

هاتي سلاحك.. واضربي سترين كيف يكون ردي..

إن كان حقدك قطرةً ,, فالحقد كالطوفان عندي

أنا لست أغفر كالمسيح

ولن أدير إليك خدي

السوط.. أصبح في يدي ,, فتمزقي بسياط حقدي

نزرا قبانـــــــــي ...

هديل من شدة الألم ماتحملت تظل واقفة طاحت على الأرض وهي تأن وتتألم..
وصارت تزحف تحاول تبعد عنه..
حست بالضربة الأخيرة..ومن بعدها صوته المـــرعب..

غازي بغضب\متأملـــهـ فيــه؟؟تخططين تهربين معه ؟؟
تبين تهربيــن منــــــي؟؟
هديل بصوت مقطوع من البكاء\لا والله لا..
كذب كذب ماصار والله..
والله..
غازي بصوت قوي وهو يضرب بالسوط\وشهو الكذب؟؟أنتي قلتي متأملة فيـــه؟؟
هديل بألم\يومــــــــــــــــــــــــــه..
أم غازي\غـــــــــــــــــــــازي..

في لحظات كانت ام غازي تضم هديل..
وراجح يضرب غازي بكل قوته على وجهه..
وهو يــسبه..
راجح\وش اللي تسويــه يا المجنون؟؟
لم ينطفى غضبه بعد..
فمازال غاضباً..وغاضباً بشدة..
وكان أن تواجد راجح في المكان..
فأهلاً بمن يفرغ غضـــبه فيه..
فتلك المرمية على القش لن تتحمل أكثر من ماأذاقها..
غازي رد الضربة لراجح..
ولكن كان راجح كحاله تماماً..
غاضب لدرجة النسيان بأن هذا الجلموود يمت له بصلة..
تبادلا الضربات القويـــة الغاضبة..

وأم غازي تكاد تحمل هديل وتهرب بها من الاسطبلات..
فهي لاتضمن تصرف أي من هذين العملاقين..
لم تستطع الوقوف..لم تستطع الهرب..
خائفة هي حتى حدوود اليأس..
فليقتلها ان هو أراد..
لكن لايعذبها هكذا..
لايسلخ جلدها بهذهـ الوحشية..
لا يقتلها ألماً..فليقتلها رحمةً بحالها..

رجفــة عظيمة أصابت جسدهــا..
فلاتزال تشعر بسوطه ينهال عليها ضرباً..
تكاد تتمزق أحشائها وكانه يركلها بلا رحمة..
رأسها يثور كما البراكين وكأنه يمزع شعرها بقسوة..

صرخت بـــــــــألم ورمت بنفسها على الأرض وهي تصرخ بخــــوف..
تصـــرخ وتضرب بقدميها الأرض..
هديل بصراخ هستيري\لا لا لاااااااااااااااااااااا..
أتركني لااااااااااااااا يومـــــــــــــه ابعد عني ابعد عني..
لاااااااااااااا..يوبااااااااااااااااااهـ..يوبااااا اااااااااااهـ..
يوبااااه بعدهـ عني بعده عني..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

جالسة على درج القصر..
تبكي وترتجف خوفاً من قدومه اليها..
تعلم بأنه سيعاقبها لأنها كذبت عليه..
ولأنها تبلت هديل بغير حق..
لا تستطيع البقاء هنا فهو لن يرئف بحالها أبداً..
رفعت راسها وكان طالب يقف بالقرب منها..
عائداً من سيارتــه..
طالب بجمود\قررتي..
شوق\باروح معك..طالب تكفى طلعني من المزرعة الله يخليك..
طالب مصدوم من حالها\شوق وش فيك خايفة..وش هذا اللي بوجهك؟؟
شوق\تكفى خرجني من المزرعة..
غازي معصب وبيذبحني..
طالب\وينه فيه؟؟هو اللي ضربك؟؟
شوق تبكي\طالب الله يخليك طلعني من هنا لحتى يهداء الله يخليك تكفى تكفى..
طالب أدرك من طريقة بكائها وخوفها وارتجافها بهذا الشكل
ان الموضوع كبير ومايقدر يحله وغازي معصب..
وبا التأكيد مايقدر يحله وهو مايعرف وش المشكلة..
وليش غازي معصب وشوق خايفة لها الدرجة..
والمصيبة انه ضربهـــــا..وهو ماسواها من قبل..
فقرر يطلعها من المزرعة ويخليها تفهمه الموضوع كامل..
مسك يدها ودخلها السيارة..
وخرج من المزرعة بسرعة..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

أم غازي شهقت بخوف وهي واقفة بجمود..
وترى هديل ترتجف وتصرخ طالبة العون..
وكــــأنها جُنــــــــــــــت..
جلست قريبة منها واحتضنتها بقووة..
أم غازي\هديـــل بسم الله عليك..
هديل أهدي خلاص غازي راح..
مابيضرك أهدي..

وكأن ذكر أسمه قد زادها جنوناً..

هديل ولازالت تصرخ بخوف\والله كذب والله كذب..
ابــــــــــعد عني ابعد..يوبااااااااااااهـ بيذبحني يوبـــــهـ..
ماصار والله ماصار لاتضربني تكفى خلاااص والله خلاااص..
سامحــني سامحني..

أم غازي\خلاص راح مابيلمسك اذكري الله..
لايصير فيك شيء من الخوف اهدي..

افترقا رغم أنهما لم يطفئا غضبهما بعد..
فلقد كان بكائها وصراخها أقـــوى من قوتهما الجسدية..
فصوت نحيبها المجروح أذاب قلبيهما..
فقررا بصمت أن تكون لها الأولوية..

وصل اليها أولاً..
أبعد اليدان التي تحتضنها رغماً عنها..
انحنى وحملها بين ذراعيه..
وماكان منها الا الصراخ وضربه لعله يرميها أرضاً ويبقى بعيداً..
لعله يقتلها بضربة واحدة دون تعذيب..
شدد ذراعيه حولها وتحمل ضرباتها الضعيفة المرتعبة..
فهو يعلم بأنها ستفقد وعيها قريباً..

كانت ام غازي تمشي وراهـ..
وتراقب غازي بعيونها..
تخاف لا يرجع ويكمل على هديل..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛

غازي بصوت غاضب\وينك؟؟
طالب\رايح المدينة..
غازي\رجعهــــــــــــــــا..
طالب\صل على النبي وتمالك أعصابك..
ماني مرجعها لحتى تهداء ونفهم الموضوع..
غازي بغضب\قلتلك رجعها المزرعة ياطالب..
طالب\ماني مرجعها..
غازي\أجل خذها ولا تردها أبد..
وقل لها مابقى لها اخ ولا ام ولا أهل..
أنت زوجها طق بها لآخر الدنيا..
ماعليـــــــها حسوفة..
وأنت ردي مثـــــلها..
مابقى لكم أخ..

قفل الخط بوجه طالب ودار بعيونه على المزرعة..
لازال غاضباً..
يشتعل غضباً..
فهو قبل دقائق فقط أحرق كل الجسووور..
فبات يعلم منذ رويته لأنهيارها..
بأن فتاته قُتلت..
وماقتلها الا بســــوطهـ..
أنهـــــــــار كل شيء..
بهت كل لون فلم يبق الا السواد فقط..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

طلعت أم غازي ورى راجح اللي دخل هديل بغرفة ام غازي..
سدحها على السرير وهي صرخت متألمة..
لان ظهرها مليء بالجروح بسبب السوط..
راجح بحنية\لا تخافي خلاص..
مابيقرب منك ولا بيلمسك مرة ثانية..
خلاص اهدي..

لم تتوقف عن الصراخ أو البكاء..
فــ هي لاترى الا هو..
وكأنه الآن يستعد لضربها من جديد..

هديل بصوت مبحوح باكي\والله كذب والله العظيم..
لاتضربني سامحني والله سامحني..
راجح\خلاص سامحتك اهدي..والله ما أضربك..
هديل\لاااااااااااااااااااااااااااااااا
أم غازي\غازي راح خلاص..
مابيجي والله خلاص اهدي يابنتي اهدي..

هديل لاتحتمل سماع اسمه..
لاتعلم ماذا يقال لها..
لاتفهم بانه لن يلمسها..
تفهم بأنها لم تمت بعد..
لم تــــــمت..
وهذا يعني بأنه سيعود لقتــــــــــلها..
هديل وقفت وهي مايلة بسبب الألم اللي تحس فيه..
مسكها راجح من يدينها..
وأول مارفعت راسها شافتـــه..
واقف على البـــــــــــــاب..
طاحت من طولها وهي تصرخ..
هديل بيأس\ما أبيــــــــــــــــــــــــــــــــــــــك..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛

طالب بغضب\أنتي وش مسوية؟؟
شوق تبكي\.................
طالب\وش اللي صار تكلمي؟؟
لا رد..غير شهقاتها ببكاء قاهر..
تخلى عني..أخوي تخلى عني ماعاد يبيني..
وبيحرمني من أمي..آآآآهـ ياربي سامحني أنا وش سويت..
معقووولة يحرمني منه و من امي..
أنا مالي غيرهم..والله مالي غيرهم..
لا لا هو الحين معصب..بكرهـ يرووق ويسامحني..
بـــــــس متى بيجي بكرهـ..
وأنا وين أرووح لين يجي بكرهـ..وين أروح لحتى يرضى قلبه..؟؟
يومـــــــه وينك..؟؟

طالب بصراخ\شــــوق قسم بالله العظيم اذا ماقلتي وش صار..
لأرجع المزرعة الحين وأعرف بنفسي..
شوق بجرح\غازي عرف ان هديل هي اللي كنت انت توصفها بالمكتب..
عرف ان هديل هي الجرح...مثل ماسميتها..
وقف السيارة بشكل مفاجىء وكانت شوق راح تضرب بالشباك..
تجمدت يدينه على مقود السيارة..
نظراته مركزة على الشارع أمامه..
طالب بهدوء\ما أحد يعرف هالشيء غيري..
شوق تبتسم وهي تمسح دموعها..
وتناظر فيه بقهر..
شوق\لا وأنا صرت أعرف..
طالب\كيـــف عرفتي؟؟
شوق\من عيونك..ومن ردت فعلك لما شفتها..

نسى شوق ونسى غازي.
ونسى أنه واقف بطريق ثلجي..
وخذته الذكرى لـ اللحظة اللي شافها فيها..
وأدرك ان هديل غازي..هي الجرح اللي سلبت عقله..

أضطرت تنزل باحد الأيام وتترك غرفة أم غازي..
بطلب من رشا الي كانت تترجاء أم غازي تنادي هديل لها..
فلو لم تكن قدمها مكسورة لصعدت للبحث عن هديـــل.
أستغربت هديل في بادىء الأمر طلب رشا..
غريبة وش اللي تبيه مني؟؟
الله يعين شكلهم مابيجيبوها لبــــر,,
لكن لم تكن تخافها..
ولم تكن تخاف أي من سكان القصر بذاك اليوم..
لأنها تعلم بأن الجلمووود ليس موجوداً..
فلم يكن هناك داعٍ للخوف..

دخلت الغرفة اللي كانت رشا نايمة فيها..
وأنصدمت بوجود رجل غريب لم ترهـ من قبل..
أو ظنت بأنها لم تراهـ..
ولكن ذاكرتها نبهتها بأنه ليس غريباً..
وليس هذا هو اللقاء الأول..

ماصدمها هي نظراته لها..
فلقد وقف ذاك الغريب مصدووم من وجودها..
ليش يناظرني بها الشكل..
شكت بنفسها وبلبسها..
حتى شكت بحجابها ولثمتها..
مو ظاهر مني شيء..
هذا مايستحي على وجهه مبلط يناظرني..
هذا أكيد طالب أخو رشا..
راجح وأعرفه فهذا ماراح يكون الا طالب..
وجع اول مرة يشوف بنت متلثمة..
وش فيه هذا..؟؟!
نزلت راسها وركزت عيونها على رشا النايمة..
وطفلها نايم بجنبها..
ربما من قلة الاحترام.
ان تدخل دون سلام..
وتخرج دون كلام..
ولكنها خجلة جداً..
فهي تخجل كثيراً من آسرها..
رغم صراخها الدائم به..
ورغم قسوته الدائمة معها..
ورغم ضربها له وضربه لها..
فهي تخجل منه دوماً..
فكيف يكون موقفها من عمه وأخيــه..

هكذا كانت تربيتها..
لاترفع عينها بوجه رجـــل ..
وهي تعلم بأن هنا أشخاصاً..
لايعترفون بمثل هذه القيم..
قيم قد يفتقدها الكثيرون..
لو تعلم فقط كم يتمنى ذاك الجامد امامها تلك القيم...

صدت عنه بشكل هادى..
ومشت بتطلع من الغرفة..
سمعته يتكلم التفتت عليه..
انحرجت فهي كانت تتوهم..
فهو لم يقل لها شيئاً بل مازال يحدق بها..

خرجت وقفلت الباب..
طلعت لغرفة أم غازي غير مبالية بذاك الطالب..
ان كان قليل ذووق وقليل أحترام ..
ماراح بعيد مثل أخوووهـ الجلمود..
بط لعينه وعين أخوووه..

لاتلعم..
لا وربي لا تعلم ما اللذي أصاب ذاك الرجل منها..
انهار على كرسيه حالما أغلقت الباب وهو يهتف بقهر..
طالب ويده على قلبه\من بيــــن بنات حواء ماطلعتي الا انتــــــــي..
ومن بيــــن عيال آدم ماطلع الا أخــــــوي..
عرفتك والله عرفتك..
أنتـــــــــي الجــــــــــرح..
هذا كان ماهتف به طالب بصوت مختنق..
ماكنت أتوقع أبداً اني ممكن ألتقي فيها..
حتى لما أفكر فيها وأتذكرها..
أقنع نفسي بأنها كانت مجرد حلم أو وهم..
بس الليلة أدركت أنها حقيقة..
وأن عيونـــــها الـــجرح الكبيـــر..
عيونها هي اللي عرفته عليها..
واللي اكد له هي نفس النظرات اللي شافها فيها من قبل..

ماكان يدري بوجود شوق معه بالغرفة..
وانها متخبية ورى أحدى الستائر..
كانت ناوية تنام عند رشا..
لكن لما سمعت صوته قريب من غرفة رشا تخبت ورى الستارة بسرعة..
لانها اتخذت قرارها في الانفصال عنه..
وماتبي تقابله أو تتكلم معه..
واللي صار قدام عيونها قبل دقائق يدمي قلبها..
والمصيبة أن الجرح مثل مالقبها طالب..
ماهي الا هديــــــــــل..
وهديل ماهي الا نبع الحقد في قلب شوق..
جرحها كلامه..
من بيــــن بنات حواء ماطلعتي الا انتــــــــي..
ومن بيــــن عيال آدم ماطلع الا أخــــــوي..
عرفتك والله عرفتك..
أنتـــــــــي الجــــــــــرح..

متحسر عليها..
يبيها ويتمناها..
أنت زوجــــــــــــــــــي ..
لاتجــــــــــــرحني بها الشكل..
كتمت أنفاسها كاتمة شهقاتها الحزينة..
تخاف لايسمعها..
لايدري بقهرها..
رغم حبها له..
وطووول عمرها تحس اتجاهه بالتملك لانه طالبها هي..
بس اليوم تحس بقلبها ينزف..
ومن اللي جرحه غير حبيب الطفولة والصبى..
طالبها..ملكها هي ..
مو لغيرها..

كيف سمحت له يشوفها..؟؟
بأي حق تظهر له وتعجبـــه؟؟
ليــــــــــش هي بالذات مو غيــــــرها..؟؟

مو كفـــــاية أمي ..
مو كفاية غـازي..
حتى راجح ورشا متقبلينها..
مالها دخل بطالب..
حتى لو طلقني..
ما أبيـــــــــها..
أكرهــــــــــــــــــــك هديـــل..
ورب السماء أكرهك..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

دخل الغرفة وأبعد راجح عنها بعنف..
شالها وحطها على السرير..
ألتفت على راجح بنظرات حادة..
راجح يعلم بأنه لا يحق له الاقتراب منها..
ولا يحق لها رؤيتها وهي بهذا الشكل..
فهو ليـــس محرماً لها..
ووجوده هنا غلـــط كبير..
ولكنه بذات الوقت حمل نفسه مسئولية تلك الجريحة..
ووكل نفسه محام عنها..
وسيفعل المستحيل لابعادها عن هذا الشخص..
وعن هذا المكان..
خرج من الغرفة رغم أمنياته بأن يسحب ذاك القاسي معه..
ولكن تلك الفتاة تتألم..
وذاك الرجل طبيب..

أم غازي بغضب\أنت وش اللي سويته؟؟
مجنون فيه احد يضرب بها الشكل..؟؟
ياولدي أتق الله في المسكينة..
ماكفاية معيشها حياة اليتيم..
لا أب ولا أم وأنت ماغير تضرب وتشوه فيها..
كلمة توصلك وتعداك ياغازي..
لا أنا ولا هديل بنجلس عندك بهذا المكان..
اليوم بنمشي ونخلي المكان لك..
غازي\الله معك..
كان هذا رده الوحيد على والدته..
غادر الغرفة وأمه واقفة مصدومة من ولدها..
رجع جلس على السرير وقلب هديل على بطنها..
قص قميصها من الأعلى للأسفل بالمقص..
شهقت أم غازي من منظر الجروح النازفة..
تركته يداويها وخرجت تتفق مع راجح..
ماراح تسامح نفسها ان تركت هديل بين يدينه..

مركز نظراته على ظهرها المجروح..
يتأمل آثار جريمته..
آثار سوطهـ وقسوتهـ..
تلمس جروحها بأصابعه..
قبلها بأعلى ظهرهـــــــا ..
غازي بهمس\تبقــــين أطهــر ذنوبـــي..

أخبرتك يا أنتِ أن لقسوتي سقف لم تريه بعد
ولكنكِ لم تبالي بـ كلامي ..!
ألم تعلمي ما الأفكار السوداء التي راودتني أثناء غيابك
وما الجنون الذي وصلت إليه ..!
وبعد هذا أجدك بـ صدر أماني تختبئن عني ..!
لقد طعنتي قلبي بحديثك عن أخر وقلبي بين يديك
حتى تلك السياط التي نزلت بك لاتشفي غليل غيرتي منك

’’قديسة الضوء’’

عقم جروحها وغطاها بلاصق متفرق..
لان جروحها منتشرة بظهرها..
يدري أنها راح تتألم لوقت طويل..
وتتسخن والصدمة كانت هذي بس بدايتها..

وأسوء مايمر في بالهـ..
لما تصحى وتلقاهـ بقربها..
فهو متوقع ردت فعلها بجنـــــــــون..

المهم الآن بأنــــه..
يريد أن يبقى لوحدهـ معها..
يجب أن يرحل الدخلاء..
فليس لأي منهم الحق بالتدخل بينهما..

قفل الباب ونزل مصمم على رحيلهم فوراً ...

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

نزل راجح وكانت رشا واقفة بأسفل الدرج..
مائلة وعكازاتها بيدينها...
رشا بخوف\وش فيكم..وش صاير؟؟
راجح\أنتي جاهزة بنترك المزرعة اليوم..
رشا\وش هذا اللي بوجهك؟؟
راجح\بناخذ هديل معنا..
ساعة ونمشي..
رشا\راجح قلي وش صاير؟؟
راجح\أبد ماصار شيء..
بس أخوك غازي أستخف وسلخ جلد البنت بالسوط..
رشا بصدمة\هديـــل..؟؟
راجح\ايـــه بنت الناس بنت العرب اللي خذاها منهم.
بنت أبوها..أخوك الكلب مستقوي على البنت..
أم غازي\أوراقها مع غازي دورت بس مالقيتها..
راجح بغضب\بيطلعها غصبن عليه..
أم غازي\البنت حالتها ماتسمح تسافر..
راجح\أدري..بنروح المدينة ونظل هناك لحتى تتعافى شوي..
وبعدها نسافر..مانقدر نتاخر..
وراي أشغال لازم أرجع السعودية خلال ثلاث أيام..
غازي بجمود\من رأيي تلحق على طيارتك الليلة..
وبكره المساء وأنت في السعودية..
راجح\مافيه مشكلة شورك وهدايت الله..
بس الله لا يهينك عطني أوراق هديل وجوازها..
مثلك عارف مانقدر نسفرها من دون اوراقها الثبوتيه..
غازي\نزلت أقول لكم فمان الله..
توصلون على خير..
راجح\ماباطلع من المزرعة الا وهي قدامي..
غازي\قلت الله معك..
ومن الآخر خذ زوجتك وامي..والله معكم..
أم غازي\غازي خل البنت ترجع معنا..
يا أمك ان بقى لها عمر خلها تقضيه بحضن امها..
أرحم حالها وحال اللي فقدوها..
راجح\ما أنت بمجبور فيها..
نفذت اللي في راسك خذيتها من هلها..
رجعها لهم..والله لو تفني عمرك عليها مارضت بذا الحال..
رشا\تكفى ياغازي اعتقها تكفى..

مارد عليهم طلع الدرج وتركهم وراهـ..
أمه ابتسمت بتفائل ..ورشا بنفس الحال..
لكن راجح كان يدري بانه لو حكى مع الصخر ممكن يقنعه يتكلم..
لكن غازي مستحيل يقتنع..
غازي وهو في أعلى الدرج ومن دون مايلتفت عليهم..
غازي ببرود\درب السلامــــــــــــة..

أم غازي\تكفـــــــى يايومه قبل لا يفوت الفوت رجعها..

توجه لغرفتها دخل عندها وهي تأن من الألم..
وهذا خلاه يدري انها راح تصحى بلحظات..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

طالب\انزلي..
شوق\رجعني المزرعة..
طالب\شوق أقسم بالله العظيم ما احب على قلبي الحين شيء اكثر من فراقك..
انزلي وابقي بالغرفة لحتى اشوف راجح وش صار معهم..
شوق تبكي\وأنا ابي فراقك أكثر منك..
وأهون علي أرجع المزرعة ويذبحني غازي ولا أظل معك..
طالب نزل من السيارة ونزلها بقوة..
دخلوا الفندق ودخلها الغرفة..
طالب\انتي متى بتكبرين..
متى بتدركين ان الدنيا ماتدور حولك وأنك ما انتي مركز الكون...
كل شيء انتي..كل شيء..
كبري عقلك وعيشي سنك..تراك مو مراهقة ولا انتي بزر..
شوق\أكـــــــــرهك ما أطيقك..ولا ابي اظل معك..
طالب\ان ماظليتي معي مالك مكان تروحين له..
أخوك وتبرى منك..وكنتي سبب في قطاعتي معه..
شوق\لاترميني باغلاطك ماهو أنا اللي عشقت هديل..
ولا هو انا اللي تغزلت فيها قدام غازي..
خله يعرفك على حقيقتك..
طالب\وهو انا كنت ادري انها هديل؟؟
لو دريت ماجيت ولاتكلمت..
سبحان ربي كيف ماطلعت من هاالعالم الا هي..
شوق\ان كان غازي مايبيني وقطع علاقته فيني بكيفه..
أنا بأروح لأمي..لا ابيك ولا ابي اخوك..
طالب\تبين أمك..؟؟
وأمك تدري انتي وش سويتي في البنت وفيني؟؟
أنسانة مثلك حقووودة ومتبلية ظالمة ماتلزمني..
ظلي معي لحتى يقبلون هلك ياخذونك..
عساهم يقبلون اليوم قبل بكرهـ..

طلع وقفل الباب وهي طاحت بمكانها تنتحب على حالها..
وعلى كل اللي صار بسببها..

هناك أشخاص ان حاولوا أن يصلحوا أخطائهم..نقسوو عليهم بشدة..
فيزيدون الغلط رصيداً..
ويبتعدون عن نقطة الاصلاح اميالاً كثيـــــــــرة..

فــ شوق ترى بأنها مخطئة وبقوووة..
تريد أصلاح الخطاء ولكن لا مجال لذلك خصوصاً بهذا الوقت..
وبنفس الوقت هي مجــــــــــروحة وبشدة..
ولاتجد من جرحها يبالي باصلاح أخطائه..
رغم أن المجال مفتوح امامـــــــــــهـ...

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

رشا\كيف تسافر من دون أوراقها وجوازها؟؟
راجح\مسألة الاوراق والجواز بسيطة وأقدر أحلها في السفارة..
بس صاحبت الأوراق وصاحبت الجواز كيف نخرجها..
رشا\وأنت لسى عندك أمل تخرجها ..؟؟
راجح\هذا غازي يارشا وأنتي تعرفينه..
لو توصل لقطع رقبته ماسوى الا اللي في باله..
رشا\وش بتسوي؟؟
راجح يستغفر\استغفر الله العظيم..
خلينا نصلي العشاء ونشوف وش يصير يمكن يرضى..
رشا\شوق راحت مع طالب..
راجح بعصبية\ليــــــــه؟؟
رشا\مدري وش صار بينها هي وغازي..
غازي ضربها وهي راحت مع طالب..
راجح\هذا وش بلاهـ يضرب البنات..
أستخف وجلس..
اتصل راجح على طالب وفهم منه كل اللي صار..
قفل وهو يسب غازي وشوق وطالب..
الضحية مالها ذنب..
لابغــــــــــضب غازي..
ولا بغيـــــــــــرة شوق..
ولا باعجــاب طالب..
ما كلاها غيرهــــــــــــــا..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

كانت جالسة على السرير وأم غازي ساندتها بصعوبة..
تحاول تقنعها تأخذ المسكن عشان يهدي ألمها وتنام..
بس هديل مو راضية تشرب منهم شيء..

هديل تتألم\آآآآآآآآآهـ آآآآآآآآآآآآآهـ....
أم غازي بقلة صبر\يابنتي خذي المسكن بيهدء عليك الألم..
هديل\آآآآآآهـ يومـــه يومــــه..
أم غازي\والله هذا مسكن بيريحك..

كفـــــــــى..
ألا تعلمون بأن هذا الدواء سيعذبني أكثر..
لا دوائكم يشفيني ولا دموعكم تواسيني..
أسلخوا جلدي أمتهنوا انسانيتي..
أذيقونــــــــي ما أستطعتم من عذاب وعقاب..
كفــــــــــــــوا..
عن مداواتي فأنتم سبب جروحي وألمي..
أعيدوني لأمـــــــــــــــــــــــــــي..

هديل تبعد نفسها عن ام غازي فتسقط على الفراش..
وتصرخ من شدة الألم\آآآآآآآآآآآآآآآآآآآآآآآآهــ
أم غازي تقلب هديل على بطنها برفق علها تخفف من الضغط على الجروح..
ولكن هديل تستمر بالبكاء والنحيب..
فاالألم لا يحتمل أبــــــــداً..
أم غازي\خذي المسكن يريحك وتنامين..
دفنت وجهها في الوسادة دليل الرفض القاطع..
لن اتناول دوائكم..
لن تداووني بعد تعذيبي..

كنت أتوقع أن يكون عقابي تركِ وحيدة هنا شريدة
محرومه من كل شيء حتى من قسوتك ...!!
ولكن أن تجلد قلبي وروحي بسياطك لم يخطر ببالي
أضرب لن يوثر بالميت شيء
ولكن عهداً على الروح ستذوق العذاب كوؤس مضاعفه

’’قديسة الضوء’’

26 - 12 - 2021, 01:17 AM

شعرت بوخز أبرة على ذراعها..
ومن بعدها فقدت الاحساس بالألم وبالعالم..
فلقد غابت في غيبوبة المسكن..

أم غازي\أنت وبعدين معك..
البنت بتذبح نفسها وهي تتحمل جروحك..
ماتبي مسكن ولا تبي علاج منا..
ما ألــومها..والله ما ألومها..
تعالجها اليوم وبكرة بتعذبها من جديد..
خل البنت ترجع معي..

غازي\أنتهى الموضوع يومـــه..
أتمنى تلتزمون بموعد سفركم بكره الصباح..

أم غازي\لاتخليني أغضب عليك ياغازي..
غازي\لاتدخلين بحياتي يومـــــــه.

خرجت أم غازي من الغرفة..
وهي تعلم بانها لن تستطيع أخذ تلك الأسيرة معها أبداً..
فلا حاجة لبقائها هنا وهي عاجزة عن المساعدة والعون..

اما هو فبقي هناك بقربها..
غير الضمادات المعقمة..
وكما توقع حرارتها ترتفع وتبداء الهلوسات من هديل..

قضى ليلته نائم بقربها..
يستمع لأنينها ويداوي جروحه الغائرة بجسدها..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

بمطـــــــــــــــــار هيثـــرو بلندن ..
هادي يستقبل أبوهـ وغادة..
وأخذهم معه على شقة أستئجرها بعيد عن السكن اللي كان فيه..
هادي\تو ماتباركت لندن..
غادة\أدري وانا اختك..شف حتى المطر مايعرف ديارهم ولا يمطر عليهم..
هادي\ياكذبك كل يوم ممطرة..
غادة\مستبشرة بقدووومي..
أبو علي\كيف الدراسة معك؟؟
هادي\الحمدلله يوبــه على أحسن حال..
أبو علي\الحمدلله..أختك بتدرس معك بنفس الجامعة؟؟
هادي\لا يوبه انا في الجامعة وهي بتدرس في معهد للـ هندسة..
غادة\أبالي سيارة..
أبو علي وهادي يناظرونها بنظرات قوية..
غادة\يومـــــه امزح وش فيكم..
بس كنت أجرب أصير بنت متحررة على قولهم لما اطلع من السعودية..
هادي\مالت عليك وعلى من قال متحررة..
أبو علي\وش رايك أسحبك من كشتك وعلى السعودية..؟؟
غادة\يالبيـــــــه والله ما أقووول لا..
عاد مشتاقة لأمي وهواش عسوولة..
هادي\شكل هذي ماتبي الدراسة أبد..
ابو علي\لا لازم تدرس وتخلص الثلاث أشهر ونشووف تقدر تكمل او لا..
هادي\آيه وراها عرس..
غادة\وجع وجع باقي ماوافقت..
أبو علي حب يغير الموضوع عشان ماتتضايق غادة من الطاري..

كانت ناوية توافق..
اللي خطبها يصير مالك صديق علي واللي مرة تضارب مع راكان..
لما جاوء يخطبون رسمي كانت متخذة قرارها وناوية توافق..
فهي بكل تأكيد ماكانت راح تهدم حياتها بسبب راكان وسواته..
وماهي بغبية عشان تمنع نفسها من الزواج بكل ضعف وخوف..
هي تثق بنفسها وهذا هو مصدر قوتها ..
قبل لا ياخذ أبوها قرارها وصلتها رسالة على الجوال..
عرفت من أول حرف من هو صاحب الرسالة..

" لا يأخذك غيــــــــــــــري ترى خـــــــاطري فيك "

لم ترد على تلك الرسالة فهذا ليس من أخلاقها..
وبذات الوقت شعرت بشعور آخر يستوطنها..
لاتريد أن تبني حياتها الجديدة قبل أن تهدم الحياة القديمة..

ففظلت عدم اعطاء رأيها بالزواج في هذا الوقت..
بل طلبت منهم امهالها الوقت لـ التفكير..
فأمهلوها ثلاثة أشهر وهذهـ مدة دراستها..

المشكلة الآن بأنها ترفض التفكير بتاتاً..
فأين المفــــــــــــــر ...؟؟
فلابد من ان الثلاثة أشهر ستنتهي..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

سافرت أم غازي وراجح مع رشا وولدها..
ورجعوا السعودية..
شوق بقيت مع طالب..
كانت تتأمل بأمها ..
وأنها بتاخذها معها..
لكن أم غازي فاجئت الجميع لما رفضت تقابل شوق وتشوفها..
عطت طالب جواز شوق وأوراقها وقالت له أنها زوجته ومالها أحد غيرهـ..
لأنها غير راضية عن شوق ولا عن غازي..
شوق أنهارت بجزع وخوف..
أمها تبرت منها وأخوها مستحيــــــــل يرضى عنها..
وطـــــــــالب مايبيها..
وين تروووح ماتبي تظل معه..
القرار ماكان بيدها..طالب هو اللي قرر تظل معه لحتى يقبلوا ياخذوها..
ليـــــش أنا ما اسوى شيء لأي شخص فيهم..
كلهم عادي يفقدوني ومايدرون عني..
أمي وماصدقت ترميني على طالب..
وهذا هو ماهو عارف وين يرميني..
غازي ولسى حسابه معي ماخلص..
وصلوا لبيت طالب..
نزلت من السيارة بذهن شارد..
مشت وراهـ وهي تحس بشعور الاهانة والذل..
كيف انك تكون انسان مفروض على شخص مايبيك..
وهذا الشخص وضح مدى انزعاجه من وجودك بكل صراحة..
طالب\البيت مغبر لاني غايب عنه فترة طويلة..
بكرة بتجي شركة تنظيف خاصة بالشركة وينظفونه..
غرفة النوم فوق..اذا حابة ترتاحين..
قفلي الباب ونامي..أنا رايح الشركة الحين ويمكن اتاخر..
خرج من دون مايسمع ردها..
يمكن لانه مايبي يسمعها..
أو لأنه متاكد بانها ماراح تعلق على اي شيء يقوووله..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

لازالت تحت تأثير الصدمة..
أول ماتشوفه أو تسمع صوته يتملكها الخوف الهستيري..
تصرخ برعب وتدفن نفسها بالوسادات علها تختفي ولا يراها..
ولما تحس بيدينه على ظهرها تشهق ألماً ورعباً..
تصرخ ووجهها مدفون بوسادتها ولا تتوقف عن الصراخ حتى يبتعد عنها..
تصرخ بألم بكلمة واحدة فقط..
هديل بتعب\ما أبيــــــــــك..

كان يغير الضمادات اللي بظهرها باليوم ثلاث مرات..
وبكل مرة لازم يتحمل منظرها القاتل وهي تحاول تخبي نفسها عنه..
يعاني معها على المسكن ماترضى تشربهـ..
وتظل لوقت طويل وهي تتألم وتأن بتعب..
لحتى يضطر يضربها ابرة مسكنة..
خايف عليها من الابر المسكنة..
فالحبوب تسكن وليس لها آثار آخرى..
بينما الأبر قد تسبب الأدمان..

أسيرته لم تترك له أي خيار..
ورغبتها في التألم تحيـــــــرهـ كثيراً..
فتصدمة معرفة أنها تفضل الموت ألماً على أن يلمسها أو يداويها..

بعد عدة أيام...
كانت قادرة تجلس وربما تعدت الصدمة القوية..
لبست قميص خفيف جداً..
لان الجروح الى الآن لم تخف ولم تجبر..
وأي شيء يلمسها تثور عليها..

دخل ووقف يراقبها جالسة لكن مبعدة ظهرها عن ظهر الكنبة..
منزلة راسها ومركزة عيونها على يدينها بحضنها..
شعرها المتموج الطول ينزل بشكل رائع على وجهها الذابل..
عيونها الساحرة رغم السهر والتعب اللي مر عليها مازالت عيونها تملك البريق الموجع..
خشمها الأحمر من البكاء من التعب لازال شامخ رغم أنكسارها..
فمهـــــا وشفايفها الشاحبة من الحمى والصراخ..
ومن دفنها لوجهها بالوسادة عشان تمنعه لايحط العلاج بفمها غصب عنها..

رفعت راسها وناظرت بالشباك وهي تتأمل الثلج الكثيف..
وهنا لاحظ جمال غرتها اللي مازادتها الا طفووولة وجمــــــــــــال ساحق..
يمنع نفسه من الاقتراب منها..
فهي الى الآن لم تشفى من جروحها ولا من خوفها..

حست فيه موجود معها..
ناظرت فيه بآسى..
كان يتوقع الصراخ والنحيب..
ويجهز نفسه لمحاولة التهدئة العقيمة..
ولكن نظرات فــــــــــــارغة..
وكانها لاترى شيئاً..

ناظرت الشباك مرة ثانية وسرحت من جديد..

جلس قريب منها..
حس بارتعاشها ورجفتها..
مالمسها ولا حاول..
فهو يريدها هادئة مستمعة بصمت..

أحتار في أمرهـ..
ماذا يقـــول..
وأي الكلمات قد تتجرء على قطع هذا الصمت المهيب..

لاداعي للـ الكلام..
فهو لن يصلح الامور أبداً..

يريد أرضائها..
ولكنه يجهل السبيل الى ذلك...

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

في بيت راجح بالرياض..

كانت رشا جالسة بالصالة تراقب التلفزيون..
غازي جالس على الأرض بعيد عنها ويلعب بعكازاتها..
رغم أنها تحس بخجل من حياتها معه..وبغرابة الوضع..
الا أنها تحس براحة غريبة تسكن بروحها..
من أول يوم وصلوا وراجح محترمها ومحترم حدودها الي هي راسمتها..
يجتمعون على الأكل وبالصالة..
يسولفون يتناقشون عن كل شيء..ويبتعدون عن شيء واحد..
اللي هو حياتهم الخاصة...

دخل راجح الصالة وسلم..
شال غازي الصغير وبوسه وطيره بالهواء..
غازي صار يصرخ ويضحك بصوت عالي..
حتى أنه يغشى من الضحك..
رشا تبتسم\راجح الله يخليك خلاص..
راجح\أمك تقول خلاص..
غازي\أمي هوبااا
راجح\هههههههههههههههه والله ماني بكاره مير أني خايف امك تبكي علينا..
رشا انحرجت من كلام راجح بس ماحبت تبين..
جلس جنبها وغازي بحضنه..
بس غازي نط من حضنه الى حضن رشا..
راجح\وش تبي بهذي المكسورة يالله تنفع نفسها..
رشا بغروور\يووووهـ وأنت وش عندك ولدي ويبيني..
راجح\ايــــه واضح انه يبيك..
رشا تمسح بيدها على شعر غازي\بس خله ينام..كيف الشغل معك..
راجح يراقب حركتها\الاجازة اللي خذيتها اطامر في اوروبا طلعت عيوني..
لقيت الموظفين حايسين الدنيا..طردت منهم ثنين..
رشا\يالظالم طردت ثنين ماعندك غير هذا العقاب..؟؟
راجح\اللي يقصر في شغله يستاهل العقاب..
رشا\طيب عاقبهم بس ماهو بالطرد..قطعت رزقهم..
راجح يشيل الغترة والعقال من على راسه ويرميها على الكنبة..
ويقوم ياخذ غازي من حضن رشا يبي يوديه بفراشه..
راجح ووجه مقابل رشا وبغمزة\لكل غلطان عقاب..
رشا أرتبكت من حركته ومن كلامه ..
بس ما اهتمت لانها أصلاً مافهمت معنى كلامه..

فيما كانت سرحانة وتفكر شهقت بخوف..
وهي تحس بشيء يضغط على صدرها..
كان رأس راجح..
أنسدح على الكنبة وحط راسه على صدرها مثل ماكان غازي نايم..
غمض عيونه وهو يمسك يدينها ويحطها على راسه وعيونه..
تجمدت بخوف ويدينها على عيونه..
شال يدينها من على عيونه ولفها على راسه ورقبته..
وضم نفسه لها بيدينها..
حس بأنفاسها تتسارع..
مارحم حالها ولا فكر يريحها..
كان يتحدها بصمت لو تتجرء وتقول كلمة..
وبنفس الوقت يتمنــــــــــى لو تنطق بحرف..
بس رشا ماتكلمت لأنها تعرف خبث راجح..
ففضلت تظل ساكتة لحتى تشوووف أخرتها معه..

بعد مدة وقف وهو يتمطى بكسل..
راجح بوقاحة\والله ما ألوم غزوي يوم نط بحضنك ونام بسرعة..
أتاريه في جنــــــة..المهم لما أرجع من الدوام لا ألقاهـ نايم مكاني..
كل واحد وله دورهـ..
نزلت راسها بخجـــــــــــل..
تحس وكأن النار شابة بجسمها..
لو تقدر توقف وتضربه أو تصرخ فيه وقــــــــــــــح..
ماتبي تبين له احراجها ..
رفعت راسها ولاحظت نظراته عليها..
راجح بهدوء\ماتبين تنامين؟؟
رشا بارتباك\ألحين أروح أنام..
راجح\يا الله قومي..
رشا\طيب الله لايهينك ممكن تعطيني العكازات غازي راميها بعيد..؟؟
راجح بشطانة\تبيني أدقها مشوار الى عند التلفزيون وأجيب عكازاتك..
رشا متعجبة من ردهـ\مو بعيدة هذي هي قدامك..
راجح\لا بعيدة عندي حل أسهل..
أنحنى بسرعة وشالها من على الكنبة بشكل سريع..
رشا بخوف\لا راجـــح نزلني أقدر أمشي..
راجح\أدري انك تقدرين حتى أنا أقدر..
ناظرت بعيونه وأكتشفت أنه يتكلم عن شيء ثاني غير اللي تقصدهـ..
نزلها على فراشها وهي متخشبة من الخوف..
راجح بهمس\رشا ..
رشا برعب\لا راجــح لا..
راجح يبتسم\وشهو اللي لا..
رشا\ابعد عني..
راجح\توهتيني يارشا..ليه ما تنطقين؟؟
رشا\تصبح على خير..
راجح\وأنتي بخير..
لم يدينه حواليها وقبلها بحنان..
سدحها وخرج من الغرفة وطفى النور..

نامت بملابسها يد على صدرها مكان مانام ..
ويد على شفايفها..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛

في المكتب كانت جالسة على الكنبة القريبة من المدفئة..
وهو جالس جنبها وعيونه عليها..

يعلم بان مشوارهـ معها طويـــــــــــل طويـــل..
ولن تـــعود كما كانت أبداً..
فهو يدرك تماماً بأنه قتل الفتاة العنيدة..
سلبها قوتها وعصيانها الدائم..
دفنها تحت أطنان من الرماد..
بأهماله المتقصد لها..
بتهديداته وارعابها بالعقاب..
ثم وأخيراً نحرها عندما ضربها بالسوط..

يعلم بأن من هي أمامه ستكون انثى من جليد..
ستكون مرعـــوبة منه حتى اليأس..
مسالمة الى حد الجنون..
ويا للـ الغرابة فهو لايريـــدها كما حولها..
بل يريد تلك المقتولة الدفينة...

يحاول يرضيها لكن هي تـــــــــــصدهـ ..

تعبت ارضيك راضيني ولا تبخل على مغليك
وحن شوي وحاكيني تراي احساس انا وشاريك

طلبتك يانظر عيني تناسى الظن والتشكيك
واذا غيري حكى فيني ترا غيرك حكى لي فيك

خذاني الهم واسيني اعرف الصد مايرضيك
وكون انسان واسقيني من انهار الوفا واسقيك

احبك لا تخليني سوالف ضاعت بماضيك
ولو تسأل شرايني تقول الله كم اغليك

الى الملتقى باذن المولى عز وجل يوم الجمعة..

كونوا بالقرب من هنا ..

كونوا بخيــــــــــــــــــــــــــر ,,

صدووود’

26 - 12 - 2021, 01:18 AM

السلام عليكم ورحمة الله وبركاته ..

يسعد صباحكم\\مساكم
بكل محبة ورضا..

كيفكم الـ ....؟؟
أحبتي في كل مكان..؟؟

اليوم أقف في مكاني خجلة من عجز حروفي عن التعبير..
بوصف شكري..
لـــ انسان راقي كاتب وروائي سعودي..
الدكتور \تركي الحمد .

شكراً بحجم السماء أستاذي تركي..

عفواً..

عندي كلمة وجب قولها..
أنا أنسانة لست معصومة من الغلط..أو الوقوع في الخطاء..
وبذلك حبيت اعتذر عن الجدل وسؤ التفاهم اللي صار بالرواية..
أيقنت بأني أخطئت عندما أقتبست قصيدة لنزار قباني ولم أحذف منها قول لا يناسب ديننا الاسلامي..
فنزار يقول هو لا يغفر كالمسيح..
ونحن نقول لا أحد يغفر الا الله..

ولكننا نظل أخوة مسلمين ويجب على المسلم أن ينبه أخاهـ المسلم إن أخطاء او ظل..
و يتعذر لأخيه ألف عذر على خطئه قبل الحكم عليه بقسوة..

أنا انسانة لي عثراتي ولي سقطات..
قد أقع في الغلط دون إدراك أو قصد..
وبذلك أحتاج النصيحة والتوجيه..
ولكن النصيحة تكون بتوجيه صحيح وليس بتصيد الاخطاء..
..الدين النصيحة..

أردد ماقلته سابقاً قبل بدء الرواية..
أنا منكم وأبنتكم..
يهمني رضاكم ..
تهمني قلوبكم ..

وأستغفر الله العظيم عن كل ذنب أذنبته علمته أو جهلته..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛

أشكر كل من راسلني وأهتم لأمري..
ولكل اللي سجلوا عشاني وشاركوني..
الله يعلي شأنكم..

البارت هذا راح يكون إهداء خاص جداً..
فهو إهداء لقلب راقي ..
لقلب عطوف محب..
البارت إهداء اليك غاليتي..
فنصيحتك شرحت قلبي..
كوني بخير,,

شكراً لكم أحبتي في كل مكان..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

26 - 12 - 2021, 01:19 AM

البارت الخامس والثلاثون..

أرجع في الليل

أحمل في صدري جراح النهار

يثقلني ظلي

و تكتسي روحي ثياب الغبار

حاربت بالشعر

في عالم لا يفهم الشعرا

غنيت للطهر

في عالم يغتصب الطهرا

المرحوم بأذن الله تعالى..غازي القصيبي..

في حرم كلية امبريل للهندسة..

هادي\يازينك ياوغدة بتدرسين في كلية افتتحتها عجوز بريطانيا..
غادة\وش ذا الكلية والله انها تخوف ياهادي..والمصيبة العجوز مفتتحتها..
لو عسوولة هي اللي فاتحتها يالبيه..تكفى ادرس معي..
هادي\هذا ثاني يوم اداوم معك كنك بزر في الروضة..
ترى وراي دراسة..
غادة\وان ضعت؟؟
هادي\مابتضيعين هذا جدولك واخذناهـ والقاعات وعرفتيها..
وش تبين أكثر..؟؟
غادة\طيب ما اعرف احد هنا وش السواة؟؟
هادي\والله مدري أنا اتلفت ادور على عرب بس ماشفت أحد..
سلكي مع الاجنبيات ومشي عمرك..
غادة\ياربي متى بتمر ثلاثة أسابيع اووف..
هادي\وش عندك بعد ثلاثة أسابيع؟؟
غادة\عشان أرجع السعودية..ناسي العيد..
هادي\غادة ورى ماتاكلين تبن..وتروحين قاعتك..
غادة تشهق\لا يكون تبينا نعيد هنا؟؟
هادي\لا بنعيد في سووق الخرفان اللي ورى الكلية هذي..
غادة\مالي شغل فيك اذا ماتبي ترجع تعيد مع هلك كيفك..
بس انا بارجع اعيد مع هلي..
هادي بطفش\ايه طيب أنتي بس تبشرين..
غادة\امم طيب تعال معي القاعة بتبداء المحاضرة..
هادي يماشيها\طيب يالله..
وصلها لباب القاعة دخلت وهي تظن انه بيدخل معها..
لكن هو أشر لها من عند الباب أنه رايح..
ويأشر بالجوال..
أرتبكت غادة ولا بينت هذا الشيء..
القاعة كبيرة ومزدحمة وأغلب الموجودين مسوين قروبات..
فتحت الاب وبدت مع الدكتورة ..
بعد نهاية المحاضرة كان معها وقت فراغ لان محاضرتها الثانية بعد 4ساعات..
طلعت جوالها وكانت راح تتصل بـ هادي..
لكن غيرت رايها لان هادي اكيد بجامعته وعنده محاضرات ماله داعي تزعجه..
تجولت بالكلية وعينها على المبنى الرئيسي..
خائفة ان تتوهـ..
طال الوقت وهي لوحدها..
دخلت بالقاعة المخصصة للمحاضرة وكانت فارغة الا من مجموعة لايتعدى عددهم الخمسة..
فتحت جهازها وأستكملت دراست المحاضرة السابقة..

حست بأنها مراقبة..رفعت راسها وناظرت حوالينها..
بس ماشافت أحد..مافيه الا القروب اللي كانوا موجودين بالقاعة قبلها..
ولا أنتبهت أن الخمسة صاروا ستة..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛؛؛؛

قفل جهازهـ ونظراته عليها..
يعلم بأن حالها سيء..ولا تطيق البقاء في بيته..
فنفس الشعور يشعر به..
ربما يكن لها مشاعر خاصة في قلبه..
ولكن بهذا الوقت لا يريد الا بقائها بعيدة عنه..
هو لا يقصر في ايصال هذا الشعور لها..
فمن اليوم اللي رجعوا فيه السعودية ..
تركها في بيته وراح لشغله ومارجع الا اليوم الثاني..
وهي لم تطالب بوجوده او تحسسه بانها محتاجة له..
عرض عليها النوم بغرفة نومه وهو ينام بغرفة ثانية..
رفضت ونامت بالغرفة الثانية والوحيدة ..

طالب\أنا طالع محتاجة شيء من برا..؟؟
شوق بهدوء\لا شكراً..
طالب\لاتنتظريني بأتاخر..
شوق\ومتى أنتظرتك..؟؟
طالب\كل ليلة ..
خرج وهي قفلت الباب ورجعت تجلس بمكانها..
قال أنتظرهـ..مابقى..
أخذت جوالها وأتصلت على امها..
لكن امها ماردت مثل المرات السابقة..
كتبت رسالة نصية وأرسلتها..

صباحك خير يا يومه..
وحشتيني..

رسالة صباحية ترسلها كل يوم..ولا تتلقى الرد عليها..

وقبل النوم ترسل رسالة مسائية..

أودعك على أمل نلتقي بكرهـ..
تمسي على خير..

رمت جوالها وهي تتذكر غلطها والمصيبة اللي سوتها..
معهم حق يزعلون ولا يكلموني..
اللي سويته مو شوي..
غمضت عينها لما تذكرت الموقف غازي يضرب بالسوط وهديل تبكي..
عضت أصبعها بندم..
ليتني ما أفتريت عليها..ولا ظلمتها..
حسبي الله ونعم الوكيل..
يارب سامحني..
الوحدة اللي انا حاسة فيها ألحين..
هل هي نفس وحدتها ومرارها..؟؟
شوقي لحضن امي..لاهتمام غازي..ولدفى بيتنا..؟؟
هل يشبه شوقها ولو بالحلم..؟؟
الحنين اللي ماعمري عرفته تتجرعه بكل لحظة..

مامر الا شهر على فراقي لأمي..
وأحس روحي تذوب من الشوق..
وهي سنة وزود لا شافت أم ولا أب ولا أهل..
عايشة بغربة ووحدة..
وقسوتنا عليها..
لا قسوتي أنا عليها..
بالكلام بالسب..
ولما جرحتها وانا مبسووطة واقول لها اني جومانة..
وأخر شيء أفتريت عليها ظلم وزور..
عاشت كل هذا ولساتها قوية..
رغم الضرب والاهانات الا انها ما استسلمت..
بس أنكسارها واضح للكل..
وأنا كنت انبسط بقهرها وضيقها..
بس أنا مالي دخل..
قلبي هو اللي يحقد عليها..
أخوها قتل أخوي..
قتل سعود حبيب قلبي..
ما أقدر أتقبلها ولا أقدر اتجاهلها..

بس مالي حق أظلمها والله مالي حق..
خذينها بذنب أخوها..

الخطاء ماهو خطاي لحالي ووالله ماهو خطاي..
كلهم أذوها..
غازي..أمي انا ورشا وراجح..
حتى طالب ماهو بريء من ذنبها..
ليش يعاقبوني أنا لوحدي..

حسيت بخطاي وأدري ماهو صغير..
بس ليش مايحسون بخطاهم وهو أكبر أحقادي..
أكبر من كرهي لها ومن حزني عليها..
ذنبهم أعظم وأكبر ..
خطاهم الحرمان..
حرموها من هلها..

ماحسيت بخطاهم الا يوم عاقبوني..
ليه ماحدن يعاقبهم ويحرمهم من أحبابهم..
ليه مايحسون بالحرمان..

\\لا تستعجلي الأقدار ياشوق\\

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

ياحروفنا الملح.. في شفاهنا الحنضل ...
كان السكوت أفضل .ولا الكلام ؟
كانت حقيقه ..
يوم انقطع حبل الحوار
يا حروفنا الحنضل..في شفاهنا الملح
زعلوا حبايبنا..كان السكوت أفضل..

لا زالت صـــامتة..
رغم محاولاته أستنطاقها ولو بحرف..
لا يقلقه صمتها أكثر من سرحانها..
تمشي وهو يمشي ..
الى أين...؟؟
لا يعلمــان..
لم تقترب من الاسطبلات منذ ذاك اليوم..
لم تخرج من القصر..
معتكفة بغرفة والدته..
ولولا أنه لا يقوم بمضايقتها بتواجده معها بالغرفة لما خرجت منها..

يعرف انها تخاف من تواجدها معه..ما يلومها..
ويدري انها لو تستمر على هالحال يمكن يصيبها اكتئاب نفسي حاد..
وهذا من خلال خبرته في الطب..
من أنطوائها على نفسها حزنها وسرحانها الدائم..
كان يتبع الخطة الطبية في معالجة المصابين بالاكتئاب..
يهتم فيها يتكلم معها وهو يدري انها ماراح ترد عليه لكن يستمر باهتمامه فيها..
يتدخل باي شيء يخصها ويساعدها فيه..
حتى الكتاب اللي أخذته من المكتب يتكلم عن تاريخ لرجل عصامي..
فقد أسرته ثمناً لصدقه وشهادته بالحق..
أستبدله بكتاب ثاني يتكلم عن الطبيعة وأسرارها..
كان يقدر ينهي أكتئابها وصمتها اذا ذكر اهلها..
أو وعدها فيهم..
لكنه يعلم بخطورة هذا الشيء..
فاذا وعد ولم يفي بوعدهـ..
بيوصل اكتئابها الى ذروته وفي هذي الحالة قد تفكر بالأنتحار...

ويرفض أن يستخدم معها العقاقير المضادة للأكتئاب..

تركها للحظات وتوجه للاسطبلات وهي كملت طريقها من دون ماتلاحظ غيابه..
مشت ومشت..
وفجاءة رمت بنفسها على الثلج..
فسخت قفازاتها وجزمتها<<وانتوا بالكرامة
دخلت يدينها وأرجولها في الثلج..
شهقت كم شهقة لكن ماسحبتها..
طلعت وحدة من يدينها ورسمت على الثلج..
ويـــــــنك..
وضربت بيدها على الكلمة ورجعت يدها بوسط الثلج..

سمعت صوت خيل..وبعد لحظات كان واقف عندها..
نزل من على الفرس..
و جلس جنبها..

أتركوني معها أداوي جراحي وجراحها
وحدي من يملك الحق بها هي طفلتي
هي تلك الأنثى التي رمت بي من قمم شموخي
لـ أودية براءتها أعشق تمردها أعشق طهرها..!
صغيرتي لاتقتليني بـ صمتكِ عودي كما كنتِ ِ أرجوكِ
أصرخي بوجهي تمردي ..!
ولكن لاتقتليني بصمتكِ ..!

حورآء إنسية ...

خرج يدينها من الثلج كانت جامدة وترجف..
ضم يديها بين يدينه يدفيها..
خرج أرجولها وكانت بنفس حالت يدها..
جامدة وترجف..
سحبها توقف بقوة..

غازي بعصبية\تبين تتجمدين..لك اللي تبينه؟؟
سحب الايشارب من على رقبتها..
والحجاب من على راسها..
أنتثر شعرها وطاحت غرتها على وجها..
فسخ جاكيتها الطويل ورماهـ على الأرض..
رفعها بسرعة وركبها على الفرس..
وبلحظات كان جالس وراها..
ضرب الفرس بحدة..
وأنطلقت الفرس تعدووو بسرعة..
كانت الريح باردة جداً..
شهقت بقـــوة وهي تتنفس بسرعة..
كان الهواء يضربها على وجها رقبتها..
جسمها بالكامل..
الجزء الوحيد اللي ماوصله البرد هو ظهرها المستند على صدر غازي..
زاد ضغط الهواء عليها..
غمضت عيونها بتعب ومالت عليه..
حس فيها لكن أستمر وزاد من ضرب الفرس..
لعل وعسى تلتفت له أو تنطق بحرف..
أيقن أنها تموت ولا ترضيه..
وقف الفرس ونزل..
نزلها وضمها له بقـــــوة..
غازي بحنين\أرجعــــــــي..

كأني يتيم ان حرمتك شاعرا
وفي صحبتي اياك لااعرف اليتما

كأني غريب في وجود معذب
وعندك القى عالم الحب والنعمى..

فسخ جاكيته ولمها فيه ورجعها القصر..
طلعها للغرفة ولمها بوسط مفرشها..
نادى على ماريا وطلب منها تبدل لها وتهتم فيها..

بعد لحظات من خروج ماريا..
كان في غرفتها..
وهي جالسة على الأرض جنب السرير..
جلس جنبها لاصق فيها..
ماتحركت..
كان يتمنى لو تظهر منها اي ردت فعل..
بس الجمود كان متلبسها..

غازي\أنا قتلتك..وأنتي مو أول ضحية لي..
قبلك كان فيه ضحية عشقتها بجنون..كنت أشوف الدنيا فيها..
كانت شيء كبير بالنسبة لي..لا ماكانت شيء هي كانت كل شيء..
تركتها لان ظروفي معها ماكانت مساعدتنا..
ولأنها صغيرة ومحتاجة رعاية..
أنا ما اقدر أقدم لها هذي الرعاية..
تحتاج أمها ترعاهـا..تركتها بحضانة أمها..
وفي يوم وانا في المستشفى..
أتصل علي خالها يقول كُن جاهز بالطوارى جايبين بنتك تعبانة..
بس اللي جابوها ماكانت رسل..
كانت قطعة لحم محروقة..
مابقى فيها روح عشان تعيش..
بس كان لازم تعيش..
بنتي أحترقت وأنا ماقدرت أعالجها..
مر تحت يدي أطفال رجال بنات..
حتى المجرمين عالجتهم..
بس بنتي عجزت اداويها..
كانت أول وأخر حالة عجزت عنها..
ماتت بين يديني..
تركت الطب لأني عجزت أداويها..

أنتبه لدموعها الطافرة من عيونها..
لم ذراعه حوالين كتفها وضمها له..

غازي\خسرت رسل..
وما أريد أخسر الثانية..
ماراح أسمح لك تموتين أو تذبلين..
أرجعي وأنا أوعدك ما أمد يدي عليك..
ولا أضايقك أو حتى ألمسك..
الحدود اللي طالبتيني فيها راح أحترمها وما أتعدى عليها..
قسيت عليك كثير وأنتي صبرتي أكثر من ما كنت متوقع..

ما ردت عليه..وهو متوقع انها ماراح ترد..
ظلت جامدة مستمعة بصمت..
وهو ظل ضامها لآخر مرة..
قبل أن يحترم حدودها..

لأنه يعلم بأن تلك الأنثى الجليدية..
لن تنسى بسهولة..

26 - 12 - 2021, 01:20 AM

في بيت راجح..

أم غازي ورشا في الصالة العلوية..
لأن رشا ماتقدر تنزل بسبب الجبس..
راجح في مكتبه المنزلي..

رشا\تكفين يومه حني عليها..
أم غازي بهدوء\عجزت أربي فيها وأعلمها..
حذرتها من الظلم ومن انها تتعرض لبنت الناس..
ماتسوي الا اللي في راسها..خليها تتربى يارشا..
رشا\لا تنكري انك مومشتاقة لها..؟؟
أم غازي\هذي بنتي وأكون كذابة أن قلت ما فقدتها..
بس بنتي لوت ذراعي باللي سوته..
وأثبتت لي أني ماعرفت أربي..
رشا\صل على النبي..الأمور كلها بتنحل..
أم غازي\اللهم صل على نبينا محمد..
وش اللي بينحل..وان رجعت شوق ورضيت عنها..
واذا رجع اخوك ورضيت عنه..
بنت الناس عن من بترضى..؟؟
بنتحمل ذنبها عند رب العباد..
لاتقولين غازي المسئول الوحيد عنها..
لا كلنا مابنطلع من ذنبها..
رشا\أنا والله مارضيت باللي يصير فيها..
لا لها ناقة ولا جمل في موت سعود..
صح هي تكون اخت القاتل..وقلبي في البداية صد عنها..
بس صدي عنها كان من قهرنا على الغالي..
راجح بحدة\الغالي الله يرحمه..
ومثل ماقلتي يا ام غازي كلنا ظلمناها..
وحن ندري بان الله مايرضى بالظلم..
قال الله في حديث قدسي
(ياعبادي أني حرمت الظلم على نفسي وجعلته بينكم محرماً فلا تظالموا)
مالنا عذر مهما تعذرنا..
رشا بعصبية\بس حن مارضينا بظلمها..
حاولنا نساعدها..بس غازي مافسح لنا المجال..
أم غازي\حاولنا..؟؟
ومتى حاولنا بعد ماجنت البنت..
بعد ما أنطفى نورها..
أهانات ضرب تحقير..
ما أحد قصر فيها..
راجح\مايفيد العتب بعد مافات الوقت..
وأنا صح تركت غازي براحته هالفترة..
يمكن يقدر يرضيها أو يصلح اللي كسره فيها..
بس اذا ماتعدل الوضع فأنا اللي بعدلها بعون ربي..
رشا\وش ناوي تسوي..؟؟
راجح يناظرها\أحط النقط على الحروف مـــع الكل..
رشا ما أرتاحت من كلامه..
والتفتت على أم غازي تهرب من نظراته..
رشا\طيب وش قلتي مع شوق..؟؟
أم غازي\لا..خليها تتربى..
راجح\أنا رايح الشرقية هاليومين..
اذا تحبين يا أم غازي تعالي معنا..
أم غازي\الله معكم يا ابو حمد..
بس مالي طاري لا على الشرقية ولا غيرها..
راجح\على راحتك..وعلى قولك خليها تتربى..
رشا\ومتى بتروح الشرقية؟؟
راجح\بنروح بعد يومين ع الخميس ان شاء الله..
رشا\نروح...؟؟؟
راجح\ايه ماتبين تشوفين أخوك؟؟
رشا\بلى..
راجح\بنروح لأخوك..

ليش قلبها مو مطمن لها السفرة..
ولا لكلام راجح ونظراته..
وش فيه ماهو طبيعي..؟؟
لازم انتبه لكل تصرفاته..
يمكن هو مايقصد شيء وانا شاكة فيه من عبط..
لا هو يقصد..وعنده موال وبيغنيه ..
اللي كاتم سر مدفون مثلي..
بيعرف اللي كاتم سر مثله..

تقابلت نظراتهم ونسوا من تواجد ام غازي..
كل واحد يقول مصيرك تنطق وتقر بسرك..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛

فزت من نومها وهي تصرخ بصوت مخنوق..
كوابيس كلها قسوة وألم..
ترتجف بمكانها وتتشهد بخفووت..
لاقدرة لها على النوم..
ولا قدرة لها على الصحوة..

أضقت بي ياعالم الظلام..
لم تنبذيني أيتها الأحلام..
ألا تحتضنني مملكتكم..
وتمنحني رؤية أمي..؟؟!

كادت تصرخ بذعر وهي ترىء الظلام يتحرك..
ويقترب منها بهدوء..

كيف دخل..؟؟
هل سمع الصراخ..
هل وصل نحيبها وهي نائمة الى أبواب قلبه..
أم تسللت شهقاتها الخائفة لجدران أذنيه..
أم انه يحنث بوعده من جديد..
فيتعدى حدودها المرسومة بالرصاص..؟؟!

أدركت بعد ثوان..
أنه كان بغرفتها قبل ما تصرخ..
وقبل ماتصحى وهي تبكي..

ما أهتمت لوجودهـ..
لأنه يدري أنها تبكي وهي مايمة..
ويدري بالكوابيس اللي تزورها كل ليلة..
لما تصحى يكون جنبها ورغماً عنها يحضنها..

بس الليلة ما أقترب منها..
ظل واقف بمكانهـ..
يراقبها..

جلس على آخر السرير..
مايقدر يشوف معالم وجهها بوضوح..
مايبين بها الظلام الا بريق عيونها..
وتمرد غرتها على جبينها..
الغرفة غارقة بالسواد ..
الا من نور خفيف يدخل من البلكونة الزجاجية..

غازي\أنا لازم أسافر..
سفرتي ما بتاخذ أكثر من عشر أيام..
هذي راح تكون سفرتي الأخيرة من دونك..
أبيك تكونين بخير..
وتوعديني بهذا الشيء..
لاتفجعيني فيك..

كان يتمنى لو تطلب منه طلبها الدائم..
وأنا بأروح معك..
ما بأجلس هنا لحالي..
ماهو بكيفك ترميني هنا وتروح..

لكن هالمرة غير عن كل مرة..
الجسم موجود..والأرادة مسلوبة..
القلب ينبض..لكن الروح غايبة..
يمكن هي بترتاح بغيابه على عكسه..
ويمكن تتشافى بغيابه..
لكن قلبه يخاف انها تختفي من حياته..

غازي\ما أبيك تطلعين من القصر أبداً..
ولا تفكرين ترجعين الملحق..
القصر لك باللي فيه..
لاتطلعين منه..
أوعديني تظلين بخير..

صدت عنه بألم..
دفنت نفسها بفراشها وتغطت بالكامل..
مايظهر منها غير شهقات مخنوقة بالوسادة..

لو أنه لم يعدها..
لكانت تبكي على صدرهـ إن شائت أو أبت..

فلتتجبر بصمتها وصــدها..
فهي من تملكت مالم يُمتلك من قبل..

هم أهل ودَي وإن صـــدوا وإن هجروا
وغايتي إن رضــوا عنّي وانْ غضبــوا

دَعْهُم يجـوروا فما للصَّبَ من أَحَدٍ
يُنجيه منهم إليه منهمُ الهَربُ

فهم أحبـــــــة قلبي لا عدمتُهُمُ
ما دمتُ حَيّاً وإن بانـوا وإن قربـوا ..

خرج من القصر متوجه للمطار..
محذر الخدم من ازعاجها او مضايقتها..
مهدد الحرس الشخصي..
بالمراقبة والحماية..

إستودعها الله قبل لا يطلع من المزرعة..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛

شوق بخوف\ليش ماقلت لي من قبل؟؟
طالب ببرود\هذاني أقولك..
شوق\عمي راجح جاي بعد ساعة وتوك تقولي..؟؟
طالب\ليش خايفة منه..؟؟
شوق\لا مو خايفة..بس كان لازم أعرف..
طالب\اذا مو خايفة ليه مرتبكة؟؟
شوق بعصبية\لأنك بارد ماتحس عمي بيجي وانت مريح قلبك..
طالب بسخرية\وش أسوي مثلاً أقطع شعري..ولا أنحاش من السعودية..؟؟
شوق\طيب رشا معه؟؟
طالب\ايه رشا وغازي..
شوق شهقت بقوووة وتجمدت بمكانها..
وقف طالب وقرب منها..
طالب\وش فيك يا بنت؟؟
شوق بهمس\لا بــ يجي
طالب\لاتخافين مابيسوي لك شيء..
شوق\غـ غازي بيــذبحني..
طالب بحدة\تستاهلين الذبح..
لكن اللي بيجي غازي الصغير ولد رشا..
ولا أخوي واخوك تبرى منا..لاتنسين..
شوق بيأس\دائماً تقولي فوقي على نفسك..
أصحي من أحلامك وأوهامك..
وأنت ليش ماتصحى من ظلمك..؟؟
لاتنسى أنك أنت السبب في اللي صار..
طالب يهزها بقوة\من اللي تبلى البنت؟؟
من اللي ظلمها بظنونه التعبانة؟؟
شوق تبكي\أنــــــا..أنـا اللي ظلمتها
انا اللي كذبت عليها عند غازي..
أنا اللي تبليت عليها..
وأنا اللي أنجرحت منك ومن حقارتك..
طالب\أنا ماكنت أعرف هي من تكون..
شوق بضيق تصرخ\مايهم أن كنت تدري أو لا..
مايهم أن كانت هديل مايهم...
اللي يهم أنك حبيتها..حبيت غيري..
لا مو بس حبيتها الا عشقتها بجنون..
طالب\أنا ماحبيتها أفهمي هذي تخص اخوي..
كانت مثل الخيال في بالي بس..
شوق تضربه\كـــذاب كـــذاب..
شفت عيونك شفت شوقك لها..
وأنت ماعرفتها الا من عيونها..
ماشفت الا عيونها بس عرفتها..
تحبها لا تنكر لا تنكر..
طول عمرك أناني ماتراعيني..
تدري باللي في خاطري بس تكسرني..
أزعل وأزعل بس مايهمك..
تدري أني في النهاية راضية وساكتة..
وبأخر طعنة تحب وتعشق..
بس أنا ماعدت أبيك من زمان..
أنت ماتعترف بأغلاطك..
ماتعترف انك سبب في قهري..
ولا انك سبب في اللي صار..
كــــــــــــــــــــذاب..
طالب يهديها\أهدي الحين ونتفاهم بعدين..
راجح وهله وصلوا..
شوق خلينا قدامهم طبيعيين..
وأوعدك أفهمك كل شيء..
ولا تخافين من راجح ولا من غازي..

سحبت نفسها منه وطلعت غرفتها..
كانت تتسبح وهي تبكي..
وعتبانة على نفسها ليش ضعفت وبكت قدامه..
وتأكد لنفسها هالوقت ماهو وقت انهيار..
خصوصاً بوجود رشا وراجح..

خلصت لبس وبدت تسرح شعرها..
لما دخل طالب عندها..
هذي أول مرة يدخل غرفتها..
طالب\أنقلي أغراضك ألحين لغرفتي ..
راجح ورشا بينامون بهذي الغرفة..
وانتي نامي عندي..

خرج من غير مايسمع ردها..
والأكيد أنه لا..
وهي أحتارت مثله..
اذا ظليت هنا وش بيقول علي راجح..
ورشا بتذبحني..
يقولون اللي يقولونه..
لو يطق مارحت لغرفته..
وأحسن عشان يعرفون بالوضع وأنا ارتاح وأرجع مع عمي..

تركت أغراضها بالغرفة ونزلت..
سلمت على عمها وهي تحس بجموده معها..
كانت خايفة لا يتوطى في بطنها وزوجها وزوجته موجودين..
جلست جنب طالب عل وعسى تبعد عنه..
طنشها راجح أغلب الوقت وما تكلم معها..
الا لما سالته عن حاله..
ياويلي وأنا اللي ناوية أرووح معه..
والله مير يدفني بين الشرقية والرياض..

حست بروحها بتطلع لما خرج طالب من الصالة وطلع فوق..
تمنت لو تشرد وراهـ..
بس ماسوتها..
أنتظرت الهووشة طول الليل لكن ماصار شيء..
لا هاوشها ولا ضربها..

طلعت لغرفتها ورشا معها..
حست أنها تذوب بملابسها..
لان رشا بتفضحها الليلة وتهاوشها لانها بغرفة وطالب بغرفة..

وماكانت تدري أن رشا نفس حالها مرتبكة ولا تدري كيف تحل الوضع..
لانها تعرف بيت أخوها..
مافيه غرف نوم كثير..
غرفته وغرفتها..
فأكيد هو وزوجته بغرفته..
وانا وراجح بغرفتي..
ياربي وش هاالاحراج..
حتى كنبة مافيه..

طالب وراجح كانوا جالسين بالصالة العلوية..
وأغلب كلامهم عن مشروع غازي اللي أبتدوا فيه..
وراجح جاء الشرقية عشان يوقعون الأوراق الخاصة بالشراكة..

طالب\يالله يا أبو حمد تمسون على خير..
راجح\وأنتوا بخير..
دخل غرفة رشا وعينه على شوق..
طالب\تمسين على خير يأم غازي..
رشا\وأنت بخير فديتك..
طالب\شوق تعالي..
شوق\طيب..عن اذنك..
رشا\تصبحي على خير..
شوق\لا راجعة لاتنامين..
طالب يسحبها\لا مابترجع نامي..
رشا\ههههههههههه ان شاء الله..

26 - 12 - 2021, 01:20 AM

دخلها الغرفة وهي تهاوشه بهمس..
شوق\انت وش تبي ؟؟
طالب\ولا كلمة أنا قلتلك أنقلي أغراضك هنا..
شوق \ومانقلتها وش بتسوي؟؟
طالب\نقلتها وخلصت..
شوق تشهق\وش سويت؟؟
طالب\قلت للخدامة تلم اغراضك وتحطها بغرفتي وهذا اللي صار..
شوق\يا كذاب ياكذاااب من وين لنا خدامة يالكذوووب..
طالب يبتسم\الخدامة اللي مع رشا..
شوق\كذوووب من أول مانزلت وهي مع غازي..
طالب\بكيفك لاتصدقين..
شوق بعصبية\والحين كييف؟؟
طالب\نامي هنا لحتى يروحون..
شوق\ما ابى..
طالب\ولا أنا ابى..
شوق\أكرههههك..

تركته ودخلت دورة المياهـ..
وهو بدل ملابسه ونام..
خرجت من الحمام وشافته نايم على السرير..
عصبت منه المفروض ينام على الكنبة..
بس وش أقووول طوول عمره بارد ومايحس..

أخذت وسادة من على السرير..
وشرشف من الكبت ونامت على الكنبة..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛؛؛؛؛؛؛

دخل الغرفة كانت رشا منسدحة وجنبها غازي نايم..
تأمل الغرفة باابتسامة خفيفة..
راجح\هذي غرفتك..؟؟
رشا بخجل\ايـــــه غرفتي..
راجح\ذوووق..
رشا\شكراً..
راجح يرفع حاجب\الا هذا وش يسوي هنا..؟؟
رشا مصدومة\منهو..؟؟
راجح يشل غازي من على السرير\هذا النتفة النشبة وش يسوي؟؟
رشا تمد يدينها تبي تاخذ غازي منه..
لكن هو سدحه بالسرير الخاص بغازي..
سرير صغير اشترته رشا لغازي لما كانت تجي هنا عند اخوها طالب..
رشا\ليش أبيه ينام جنبي..
راجح\الا ماتبين رجلك الثانية ولا أكسرها لك..
رشا\نـعم؟؟
راجح\ينعم عليك..

دخل دورة المياهـ تسبح وخرج..
كانت جالسة على السرير تنتظرهـ..
راجح بخبث\حي المرة اللي مانامت وخلت رجلها..
رشا تتجاهل كلامه\أنزل نام في المجلس..
راجح ينسدح على السرير\تعقبين..تطرديني من غرفتك..
وأنا فاتح لك بيتي وغرفتي و...وكل شيء
رشا حمدت ربي انه ماكمل كلمته لانها مابتتحمل كلامه وبتنحرج منه..
راجح\قومي نامي وراك جالسة..؟؟
رشا\بأنام على الأرض..
راجح\بكيفك يا أم رجل مكسورة..
رشا\كل شوي تعاير برجلي..خاف الله لا تنكسر رجلك..
راجح بغموض\واللي أنكسر ظهره عشانك وش تقولين فيهـ..؟؟
رشا\مافهمت..
راجح\مصيرك تفهمين..
وقفت وبعدت عنه..
وهو تغطى ونام..
أخذت وسادة من جنبه..
لكن يدهـ سحبت الوسادة وسحبتها بقوة..
رشا بصوت مخنوق\اتركنــــي..
راجح يضمها له ويغطيها\ولا كلمة نامي..
رشا\راجح ابعد..
راجح\يعني أغير رأيي وما ننام..

سكتت عنه وما تجرئت تتكلم عشان لا يسوي شيء ممكن تندم عليه..
احساسها غريب..
غير متقبلة هالشيء وماتبيه..
غمضت عيونها وأوهمت نفسها انها نايمة..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛

من يوم رحل وتركها لوحدها بالقصر ماتركت غرفتها..
أو بالأصح غرفة ام غازي..
تقضي يومها على الكنبة تناظر الثلج..
كل يوم يزيد بكثافته وبرودته..
مصدومة بنفسها..
تحس انها ماتحس..
وكأن الوحدة شيء طبيعي وروتين لها..
تبي تفهم هي وش صار فيها..
لكن ماتقدر تواجه نفسها..

دخلت ماريا ومعها جوال..
مدته لهديل..
هديل ما أخذت منها شيء وظلت على حالها..
ماريا\سيتصل السيد يريد محادثتك..
أخبرته بأنك لازلتي لم تتكلمي ولكنه أصر على مهاتفتك..
ماردت عليها ولا أخذت اللي بيدها..

سمعت ماريا تتكلم معه وتقوله انها مارضت تكلمه,,
بعد ثواني سمعت صوتهـ وكأنه قريب منها..
ماصدمها صوته..
كثر ماصدمها كلامه وخلاها تشهق وتنهار..
وتصرخ بكل قهر..

غازي\عيدك مبارك..اليوم عيد الأضحى..

هي من بدايت غربتها وهي مضيعة التاريخ..
ولا تدري كم الأشهر ولا كيف الزمن يمشي..
لما جاء رمضان هو قال لها..
والعيد..
والعيد..

وهذا العيد بتقضيه مثل العيد اللي قبله..
لا أمها ولا أبوها..
لا أخوانها ولا غادة..

ولا حتى هـــــــــــو ..

فات عيد الفطر ما شفت البعيد
وعيد الأضحـــى فــات مثله مثل إخيه

شفت في عيد الفطر حزن فريد
وشفت في الأضحى الحزن أمه وإبيه

فاتت أعياد السنه ذي عيد عيد
والشقي يــاكــل من الحسـره يـديـه

مابقى للصبر في صدري رصيد
وكـــل بيت قـد كتبتــه حــزن فيــه

دام ما للعمر من يضمن مزيــد
يــا نجــوم الليــل عنــــي عــايـديــه

قولي إن صويحبك عقبك وحيد
قــولــي إن النــوم عيــا لا يجيـــــــه

قولي إنه حــرم اللبـس الجديد
وقولي إنــه مـا نسـى العهد وعليـه

وقولي إن الحال ينقص ما يزيد
والسبــب كثــر انتظــــــاره علميـــه

الانتظار أشد من سجن الحديد
احتريـــه الصبـــح والليـــل احتـريـــه

قولي إن العيــد كلن بـه سعيد
كــــود مــن خلـــــه بعيــد و يرتجيــه

أبعده عني ضحى العيد الجديد
وإن فهـم مـــاهي غريـبه من نبيـــه

عيده مبـــــارك إلى يوم الوعيد
خــــاف ياتي عيد ما اعــايده فيـــه

الى الملتقى متى ما أرد الله تعالى..

أعتذر منكم أحبتي هنا وفي كل مكان..
أستئذنكم في غيابي..
راح أغيب فترة عنكم..
لكم أن تغضبوا..
ولكم أن أرضيكم..
لكـــــــن ألا أستحق منكم السماح لي بالغياب..؟؟
هو أمر أحتاجـــه..
فأسمحوا لي..

غيابي بأذن الله لن يطول..
سأكون بالقرب من هنا..

كونوا بخيــــــــــــــــــــر ..

صدووود’’’

26 - 12 - 2021, 01:21 AM

توضـــــــــــــــــــــيح::

الغاليات اللي يقولوا إختزلي الأحداث..أو إختصري..
لحتى نوصل لبعد الخمس السنوات..
غالياتي يعني يرضيكم في نص البارت أكتب وبعد مرور خمس سنوات صار كذا وكذا..؟؟
أو اكتب بعد مرور ستة أشهر ..صار وصار..
وانتهت الرواية..؟؟؟
هذا مفهوم الاختصار عندي..

أنا أكتب الأحداث وأمشيها على الخطة المرسومة لها..
ما اقدر أتجاهل موقف لأني راح أحتاجه بعدين..

المواقف معتمدة على بعضها و اذا حذفت موقف راح أحذف الثاني والثالث نفس وهكذا.....

26 - 12 - 2021, 01:22 AM

البارت السادس والثلاثون ...

" .. مـن أنـــــا ؟! .."

تقولين : من أنت ؟ ! .. هل تجهلينْ ؟

أنـــا فــــي هــــواك الــوفــي الأمــيــنْ

أنـــا ؟! سـائـلـي الـلـيـل كـــم ضـمـنـي

عـلــى لـوعـتـي .. وأســــاي الـدفـيــنْ

أنــا ؟! سائـلـي الـشـعـر كـــم صـغـتُـه

لـعـيـنـيـك عــذبـــاً شــجـــي الـرنــيــن

أنـــا ؟! سـائـلـي الـــدرب كـــم جـئـتـهُ

أنـــــوْء بـغــصــة قـلــبــي الــحــزيــنْ

أنـــا ؟! شــاعــرٌ لُــحْــت فــــي أفــقــه

فــبـــددّت عــنـــه ظــــــلام الـسـنــيــنْ

المرحوم بأذن الله تعالى..غازي القصيبي..

في بيت أبو علي..
الجدة والعيال مجتمعين في الصالة..
لم يكن هذا العيد كعيد الفطر..
فليست هديل وحدها من يفتقدها المكان..
فالأم والأب ليسا هنا..
لن يكون للـ عيد بهجة وحضور..
إن غاب أحبتنا دون رجووع..
ولكن الأب والأم لم يقضيا العيد الا في أطهر بقاع الأرض..
فلن يتمنى أحد قرب مخلوق أكثر من قربه من رب العباد..

هادي كان جالس معهم بالصالة..
لكن شعور الضيق بالمكان..
وإحساسه بهم غريب..يتردد عليه دوماً..
إجتاحه للحظات..
إستئذن بهدوء وغادر المكان...

غادة\ياشين العيد..بارد وماله طعم..
لو أدري إن أمي وأبوي في الحج مانزلت..
الجدة ترمي فنجال القهوة على غادة وتصيبها على راسها..
الجدة\يالغبراء ماني بمالية عينك تقضين العيد معي..
تبين امك وأبوك..لا بارك الله في وجهك..
غادة ويدها على راسها\آآآآآي وش ذا العنف يومه؟؟
لو مسويته وأنتي في بريطانيا كان يسجنونك ويعاقبونك..
الجدة\جزاك لو معي فنجال ثاني على عينك..
غادة تشهق\ولييييييه وش سويت أنا؟؟
الجدة\ماهو بعاجبك العيد معي..تبين أمك..
غادة\وهـ ياقلبي أتاريك تغارين فديتك..
تقوم من مكانها وتضم الجدة والجدة تدفها عنها..
غادة\صح أني مفتقدة امي وأبوي في العيد..
بس من له عسووولة مثلك ما يحس أنه وحيد..
أنتي تاج رووسنا ونور عيونا..
والله أني مشتااقة لك مرررة طول ما انا في لندن..
وأتخيلك معي لما الدكتور يهاوشني وأنتي تهاوشينه..
الجدة\أمك يا حسين ليه يهاوش لا يكون يضربك..؟؟
غادة\لافديتك مرة كان بيضربني بس قلت اسمع يا أصلع ترى جدتي مرة قوية..
ينشد فيها الظهر وبنت حمايل لو ضربت اخليها تتوطى في مصارينك..
عبدالله\يالكذوووب يالوغدة من اللي يقول في المطبخ..
أن العجووز بتكوش على الخرووف وتنسى العيدية عليك..
غادة بنظرات قوية على عبدالله تبيه يسكت..
الجدة\اي خروف ياعبيد؟؟
عبدالله\خروفك يومه..تقول انك بتلتهين بخروفك ومابتعطينها العيدية..
غادة سحبت الدلة من يد الجدة قبل لا تهفها فيها..
غادة\والله أن تصلين على النبي وتسامحيني..
الجدة\قومي انقلعي أجل ماتبين الا الدراهم..والله ما تعرفينها..
غادة\لااا يومه تكفين لا تحلفين..تراني باتغرب واحتاج فلووس اكثر من اللي يعطيني ولدك..
عبدالله\ولا تعطينها ريال يومه خليها تتربى..
رايحة لآخر الدنيا وراجعة ما اشترت لي الا توكس وأبو ريال بعد..
لو أنا اللي رايح كان اشتريت لها توكس أبو ريالين..
علي\هههههههههههههههههههههه حيلهم بينهم من ذا الحال وأردى..
عبدالله\لو يهمك مستقبلي كان سجلتني مع الوغدة بكليتها..
علي\يا نص نصيص خلص الأبتدائي ثم يصير خير..
محمد\أخوياي بيتعشون عندي..
الجدة\والله ما يذوقونه..
محمد\ياساتر مانبي خروفك بنتعشى من المطعم..
عبدالله\لا لا ذا المرة انا اللي بعزم أخوياي..أتفقنا من العام انه هالسنة دوري..
محمد\أقول أنقلع أنت وقطاع الطرق أخوياك..
إن شافتهم الهيئة في بيتنا قالوا مقر إرهابيين..
عبدالله بدفاع عن أخوياه\أحسن من البراميل اللي مخاويهم..
كل واحد بحجم الفيل دب ومضغوط ما ظنتي يمشون بس يتدحرجون..
غادة\ههههههههههههههههههههه حلوة عبووودي حلوووة
علي\هههههههههههههههههه ياذا الولد عليك لسان عقرب..
عبدالله\وارثه من أبوي..
قام علي يبي يمسك عبدالله اللي نط بخفة ورى جدته..
عبدالله\داخلن على الله ثمن عليك ياجدت أبوي الا فاكتني من ذا الرجال..
الجدة\والله ما تلمسه هذاني حلفت..
علي يطلع من الصالة وهو يهدد..
علي\طيب خلك على طبعك ياعبيد..
ولا أشوف وجهك طالع أنا ومدامتي نتعشاء برا ونحتفل بالعيد..
وأنت خلك مع أخوياك قطاع الطرق..
عبدالله\مايجوز تروح أمي معك من دون محرم..
محمد\رح معهم يالخبل لاتخلي امك مع رجال لحالها عيب..
عبدالله\وأخوياي؟؟
محمد\أفا يالعالم أخوياك أهم من أمك..
ما انت برجال ولا تستاهل الشنب اللي على وجهك...
خرج عبدالله يركض من الصالة وطلع لجناح امه وابوه..
وهو يحلف أن امه ماتطلع من البيت من دونه..
غادة\هههههههههههههههههه ياويلي بطني بامووت..ما انت بصاحي يا محمد
محمد\خليه يطلع مع هله ويفكني..والله لو يجلس أن ما يضيف الا أخوياه الليلة..
أعرفه نشبة بيخليني اطلع اخوياي الاستراحة..
غادة\ههههههههههه فديته والله أنه كفووو له كلمته وله دووره..
محمد\ما اقول الا الله يبلاك بورع مثله..
غادة\بسم الله علي..
عبدالله دخل\وش فيني ماتبين واحد مثلي يالوغدة ؟؟

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

طلع المفتاح من بوكه..وفتح غرفتها..
يعتقد بأنه الوحيد اللذي يزور غرفتها..
ولا يعلم بذاك المعذب الزائر لها كل ليلة..
يتسأل بصمت..
لماذا يشعر بها قريبة..
هل لأنها تسكن روحه وجوارحه..
أم لأن طيفها يترىء له دائماً..
نام على فراشها وأحتضن وسادتها..
وأول ماشــم ريحتها طفرت الدمعة من عينه..
رغم كثرة اللي حواليني بس ما أبيـــــــــــــــهم..
ما أبـــــــــي غيرك..
مر في باله ذكراها معه بهذي الغرفة..
وكانت أخر ذكرى لهم..

دخل عندها وهي تسولف على المسن..
وأول مادخل نست المسن واللي معها فيه..
هديل\هلا وغلا تبارك المكان..
هادي يجلس جنبها\هلا فيك..توقعتك نايمة..
هديل بنص عين\وانا متى نمت من دون إذنك؟؟
هادي\هههههههههههههه بكره تتزوجين وتنامين بإذن زوجك..
هديل\لبى زوجي وطاريه أجل وش تبي أتصل عليك وأطلب إذنك..؟؟
هادي\شفتي أنك خاينة..وأنتي دائما تقولين انه انا اللي بأخوون..
هديل تحلف\لا والله ما اخونك والله هههههههههههه
يخسي أخونك عشانه..إلاوش سوويت مع أمي..؟؟
هادي\تشوفيني مفلع ولا مفقوش؟؟
هديل تناظر بوجهه\لا والحمدلله مافيه آثار ضرب..
هادي يبتسم\يعني وافقت..
هديل بزعل\كنت متأملة انها ماتوافق..
هادي\يانذلة ماتبيني أروح..؟؟؟
هديل\تبي الصدق لا ما أبيك تروح..
ولأني أدري ماراح تسمع لي وبتسمع لأمي..
كنت مطمنة إنها ماهي موافقة وبكذا ما أنت رايح..
هادي\يوووهـ وش فيكم محملين الموضوع فوق حمله..
أول مرة اطلع البر يعني؟؟
هديل\لا ماهي أول مرة..بس ماله داعي تطلع..
مابقى وقت على الامتحانات اجلها لبعدين..
هادي\باقي شهرين.. بعد الإمتحانات طلعة ثانية..
هديل\طيب واذا قلت عشاني لاتروح..
هادي\ما بأروح..بس الطلعة في خاطري..
فزت هديل مرعوبة وتمسكت في هادي وهو يضحك عليها..
لأن صديقتها أرسلت تنبيه ع المسن وهي مو كاتمة الصوت..
ودائما صديقتها تنبها والصوت عالي..
هادي\ههههههههههههه لو طالع من الشاشة صرصور ماخفتي كذا.
هديل بعصبية\وجع وجع وش صرصوره لا تخليني أوسوس..
هذي شوشو النـــــــــــــــذلة دوم تسوي تنبيه عشان تخوفني..
تعرفني اخاف من الأصوات المفاجئة..
هادي\شوشو؟؟
هديل\شهد..
هادي\الا تزوجت سعيدان والا باقي..؟؟
هديل\ههههههههه ايه تزوجته مالك نصيب فيها..دور غيرها..
هادي يغمز\موجودة بس توها صغيرة..
هديل\وخروا عنه الكبير تراك أول سنة جامعة يابطل..
مشوارك طويييل...
هادي\على ما أخلص الجامعة وأتوظف..
تكون هي بعد خلصت مدرسة ودخلت الجامعة..
هديل\حاسبها ياقلب أختك..؟؟
هادي\إيه حاسبها ههههههههههههه
هديل\لا تنسى إتفاقنا نتزوج بنفس الليلة..
هادي\بالله لو أنتي ما تزوجتي وما أحد يبيك..
يعني أجلس عانس قصدي عازب على طول..
لازم نعدل من إتفاقيتنا..
هديل بزعل\يعني اذا تزوجت أنت بتخليني؟؟
هادي\لا بأجلس معك إيه بأخليك وأعيش مع زوجتي..
هديل\نذل قوووم انقلع مابيني وبينك اي أخوة..
مافيه أحد ينسى توئمه..
هادي\وأحد قالك أطلعي بعدي..؟؟
لو جلستي في بطن أمي تسع شهور زيادة وبعدها جيتي..
ماهو شفتيني خرجت خرجتي وراي صدق نشبة..
هديل\أنت اللي سحبتني من كشتي وخرجتني وراك غصب وانا ما ابي..
هادي\الغلط ماهو غلطنا..هذي غلطة أبوي لا لا غلطة أمي..
هديل دفنت وجهها بوسادتها وهي تضحك من كلام هادي..لأنها تدري انه بيجيب العيد في كلامه..
هادي\هههههههههههههههه لازم يعرف بانه غلط علينا يوم انـ .......
هديل مخبية وجها\قوووم ياقليل الأدب اطلع برا قوووم..
لاتتكلم كذا بأعلم أمي..
هادي يسحب الوسادة يبي يحرجها أكثر..
هادي\أتحداك تقولين لأمي عن الكلام اللي قلته بتموتين بثيابك قبل تتكلمين..
هديل مغمضة عيونها\هادي خلاص اسكت حلفتك بالله اسكت..
هادي\ههههههههههههههه مغمضة عيونك يعني اذا ماتشوفيني ما أشووفك..
نعامة أنتي؟؟
هديل\قووووووووووووووووووم
هادي\هههههههههههههه طيب خلاص ما اقول شيء فتحي عيونك..
هديل\لا قليل أدب..من تماشي أخلاقك زفت..؟
هادي\أماشي علي أخوي..هههههههههههههههه
هديل\ههههههههههههههههه أخوك هذا صديق سؤ..لسانه متبري منه..
هادي\طيب فتحي عيونك باسلم عليك قبل أنام..
هديل جلست\تصبح على خير ..
هادي يقبل جبينها\وأنتي بخير ..ترى بنطلع بعد صلاة الفجر..
هديل تشهق\موقلت بعد كم يوم؟؟
هادي\لا أنا أستعجلتهم قبل لا تغير أمي رأيها وتحبسني في البيت..
هديل\ليه أحس إنها أخر مرة أشوفك؟؟
هادي يضمها\بسم الله عليك عمرك طويل تفائلي خير..
هديل\ماني خايفة على نفسي خايفة عليك..
هادي\يادلع هادي مابيصير علي شيء ان شاء الله اسبوع وراجعين..
هديل\أحسه سنين مو اسبوع..
هادي\أبي أعرف ليش وكل هذا التشائم..؟؟
هديل\إنت تدري كوابيس صار لها شهر تزاورني كل ليلة..
هادي\ماعندها سالفة جالسة تزاورك..طيب وش تشوفين فيها.؟؟
هديل\أشوف شخص ما أعرفه حتى ملامحه مو باينة لي..
بس أخاف منه وبنفس الوقت أضربه..
هادي\يضربك؟؟يئذيك؟؟
هديل أنحرجت\لا هـ و يعنــ ــي مايضربني..ب بـس ......
هادي\بس وشهو..؟؟
هديل تنهي الموضوع\مدري مايسوي شيء.
هادي\أضغاث أحلاهم لا تهتمين لها..
هديل\وأنت أهتم بنفسك عشانك ماهو عشاني..
هادي\وكيف يصيرلي شأن من دون شأنك؟؟
هديل تودعه\أحبك..وبأظل انتظرك..لا تتأخرعلي.
هادي\ماراح أتأخر غمضي عين فتحي عين تلاقيني موجود..
المهم أنتي كوني بخير..
هديل بغصة\بأكون بخير..

مسح دموعه وهو يهمس\خاينة مابقيتي بخير..
متي يا الخاينة وتركتيني..
حتى بالحلم مستكثرة تزوريني..

كانت هذيك الليلة آخر ليلة وآخر لقاء يجمعهم..
هادي مارجع البيت لأنه قتل سعود وهرب من المملكة..
وهديل تغربت ولا ألتقت فيه بعد رجوعه..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛؛؛؛؛؛؛

سمعت صوتهـ وكأنه قريب منها..
ماصدمها صوته..
كثر ماصدمها كلامه وخلاها تشهق وتنهار..
وتصرخ بكل قهر..

غازي\عيدك مبارك..اليوم عيد الأضحى..

هي من بدايت غربتها وهي مضيعة التاريخ..
ولا تدري كم الأشهر ولا كيف الزمن يمشي..
لما جاء رمضان هو قال لها..
والعيد..
والعيد..

وهذا العيد بتقضيه مثل العيد اللي قبله..
لا أمها ولا أبوها..
لا أخوانها ولا غادة..

ولا حتى هـــــــــــو ..

هديل بهستريا صارت تصارخ وتضرب الأرض بأرجولها..
رمت كل الأغراض اللي ع التسريحة على الأرض..
فازات الورد..العطورات..
التحف..
كلها رمتها بقهر وغيض..

هديل بنحيب\مجــــــــــــــــــــرم..أناني كذاااااااب
والله كذاب..حلفت يالمجرم حلفت ما تأذيني والله انت حلفت ووعدتني..
الله لا يسامحك الله لا يسامحك..
يومــــــــــــــــــــــه أريد امي يومممممممماهـ..
أريــــــــــــــــــد أمي..

غازي\تبين أمك..قولي يا غازي أريد أمي..

هديل\أكرهك أكرهـــــــــــــــــــــك..

غازي\من تبين؟؟
هديل بجنون\أمــــــــــــــــــــــــــــــــــــــــــ ــــــي..
غازي\من عيونـــــــــــــي.

بعد لحظات سمعت صوته يعايد أمه بالعيد..
غازي\عيدك مبارك يومه..

حقيييير تافه خسيس ونذذذذذل ..
يبيني أعرف أنه مع أمه وهله وأنا لوحدي.

أخذت الجوال من ماريا وبدت تسبه..
هديل تبكي\تبيني أعرف أنك تعايد أمك..
تبي تقهرني تبيني أموووت مقهورة ..
الله لا يسامحك تراك قهرتني والله قهرتني..

مارد عليها ولا بكلمة..
اللي رد عليها انسانة ثانية..
انسانة كان صةتها هو المستحيل بأبعد أحلامها إنها ممكن تسمعها أو تلتقي فيها..
حرمها منها ومن حنانها..
غربها عن أحضانها وقربها.

أم علي\عيدك مبارك يومـــه..
هديل شهقة بجزع\يـ ووو أ أمــ ........ أمـــ ــي..
غازي\حجك مبرور وسعيك مشكور..
أم علي\تقبل الله منا ومنك..

شهقات متتالية هذي كانت ردت فعلها..
هو مع أمي..
إيه هذي أمي والله أمي..

هديل بنحيب\يومــــــــــــــــــــــه..يووومه
يومه أنا هديل يووومه..
أشتقتلك يا رووحي والله العظيم..
أحلم فيك بس ما أشووفك..
يومممه أبي أرجع تعالي يوممه تعالي أنا بمووت ..
بمووت من شوقي لك..
إلحقي علي يومممه قهروني..
كلهم قهروني تعالي يومه تعالي..

تبكي وتنتحب تترجى أمها ترد عليها..
لكن أمها ماكانت تسمعها..
غازي كان يسولف مع أمها والسماعات بأذونه..
هديل تسمعهم..
وهو الوحيد اللي يسمعها..

هديل جلست على ركبها منهارة..
تهتف بصوت مخنوووق وتنادي على أمها..
هديل\يوووومه ردي علي كلميني..
قولي له يرجعني لك يومه..قولي له يرحمني تكفييين..
يومه إساليه عني وش سوا فيني..
خليه يحكي لك عن ضربه وكرهه لي..
يوووووووووووووومه قولي له يرجعني لك تكفين يومه..
أحبببببببك والله العظيم...
مشتاقة لك ولحضنك..أحبك ياروحي والله أحبك..

غازي يسمعها ويسرح بآخر كلامها..
يدري إنها تقصد أمها..
لكن يظل هو المتحكم بالوضع..
وبرأيه هذا الكلام ما أنقال الا بلسانها..
وما أحد سمعه غيره هو..
لذلك يظل هو المقصود...

ركز عيونه على أمها...
آآآآهـ بس لو تسمع نحيب بنتها..
لو تسمع رجاويها وشهقاتها..

طول معها في الكلام يبيها تتكلم وتتكلم عشان هديل تسمعها..
ولما شاف أبو علي يقرب منهم وقف وإنسحب من المكان...
قبل لا يتعرف عليه..

أبوعلي\من هذا؟؟
أم علي\ماعرفته يقول إنه من جماعتنا..جاء يعيد علي..
سال عنك وقلت له ما انت مطول..
أبوعلي\من جماعتنا..؟؟ماعرفتي منهو ولدهـ..
أم علي\ما سألته..
أبوعلي\الله كريم نلقاهـ في خير..
يالله مشينا نعيد على ربعنا اللي معنا..ثم نكلم الاهل في البيت..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

26 - 12 - 2021, 01:23 AM

هديل بخفوت\من أنـــــــــــــــــــت..؟؟
غازي\أنا غازي ماعرفتيني؟؟
..خــــــلاص..أمك راحت بطريقها..
هديل بصوت مبحوح\لا لا ابيها..ابي أميييييي ..
يومممممممممه..
غازي\لاتخليني أندم على اللي سويته..
قلتي تبينها وصار مثل ماطلبتي...
والله أنتي عايدتي أمك قبل لا أعايد أمي..
راضية ألحين.. بالله عليك من أنـــــا؟؟؟
هديل تبكي وماردت عليه..
كانت منسدحة على الأرض وماسكة الجوال وكانها تنتظر أمها تطلع منه..
هديل برجاء\أريد أمي..
غازي بهدوء\عطي الجوال ماريا..
هديل\لا اريد أمي..
ابيها وينها وينها؟؟يوووووومه
غازي\ماراح تسمعك..
هديل\رجعني لأمي رجعنييييييييي..
هذا إنت ماقدرت على فراق أمك يالخاين..
تركتني هنا ورجعت لأمك..
رجعني لأمي..
غازي\تركتك لاني كنت لازم أحج..
هديل\وأنا ابي أحج..ترى لي حجة بذمتك..
غازي يبتسم\السنة الجاية وعد تكون حجتك..
هديل بغصة\عساني الموت قبل لا أحج معك..

قفلت الخط ورمت الجوال بقوة ع الأرض..
هديل تبكي\أكرههههك والله أكرهك..
الله لا يحلك ولا يبيحك يا الظالم يا الحقير..
الله لا يسامحك.
يوووومه فديت ترابك يوومه وحشتيني..
آآآآآآآآآآآآآآآهـ ياصوتك جرحني..
أحرق عروقي وجنني..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

كانت جالسة تدعي وتستغفر وتتقرب من الله بالعبادة..
وجنبها إمراءة مابينهم أي معرفة..
لكن صوت بكائها وبحة صوتها أجبرتها تتكلم معها..وتحاول تهدي من نحيبها..

أم غازي\يا حاجة صلي على النبي..البكاء بيتعبك وأنتي بحاجة قوتك بالحج..
أم علي\قلبي ياأختي محروق على ضناي..
تمنيتها معي هذي الحجة..
أم غازي\الله بيكتب لها الحجة السنة الجاية بطولة العمر ان شاء الله..
أم علي بغصة\مابقى لها عمر بنتي الله خذا أمانته..
أم غازي\الله يرحمها ويسكنها جنته..
بدل ماتدعين لها بالغفران تبكين وتضايقينها..
أم علي\بعدني مصدومة بخبر موتها..أحسها بترجع وهي بخير..
كنت واعدتها تحج معي هذي السنة..
العام ترجتني أخذها معي بس قلت أختها الكبيرة أول بعدين هي..
وهذا جاء وقت حجتها بس ماهي بموجودة عشان تحج..
آآآآهـ ياقلبي عليها محروووق..
أم غازي تمسح دموعها\الله يرحمها ويغفر لها..
هي عند رب البيت ورب الحجيج..والله يبلغكم فيها بجنته..
أم علي بصوت خافت\الله يبلغني فيها ويغفر لنا..
أم غازي\عيالنا ماتوا قبل لا نموت..سبحان رب الأقدار..
أم علي\بنتك؟؟
أم غازي\لا ولدي مات مقتول..ولي بنت مقاطعتها وزعلانة عليها..
أم علي\ولك قلب تزعلين على بنتك؟؟
أم غازي بحزن\بنتي تسببت على إنسانة بريئة..وأذتها
وأنا قطعتها عشان تتربى وتحرم ترمي الناس بالباطل..
أم علي\وإن جاك خبر موتها وإنهم دفنوها من دون ماتشوفينها..
لا ودعتيها ولا طيبتي خاطرها..وش تسوين بنفسك؟؟
أم غازي بخوف\لا بسم الله عليها عساني ما أفقدها..
أم علي تمسح دموعها\تلاحقي بنتك وتراضي معها..
قبل لاتفقدينها بين طرفة عين وإلتفاته..
لازعلك يفيدك ولا خاطرن مجروح..
أم غازي تبكي\بنت كسرت بخاطر بنت محرومة..أذتها من دون حق..
شهدت عليها بزور..و المسكينة تعاقبت على ذنب ماهو بذنبها..
أم علي بحسرة\المحرومة وهذا المكتوب لها عسى ربي ينصفها..
وبنتك إن تابت فسامحيها ترى مابه أقسى من فقد الضنى..
أم غازي\والله إني جربت فقد الضنى في ولدي وفي عيون المحرومة..
وقطيعتي لبنتي كاسرة ظهري..
قطع كلامهم صوت جوال أم غازي..شوق كانت المتصلة..
أم غازي\هذي بنتي ثالث مرة تتصل..
أم علي تبكي\ردي على بنتك هذا عيد لاتكسرين قلبها..
تخيلي عيدها يمر من دون أمها والله مايهنى لها..

أم غازي مسحت دموعها وراحت تكلم شوق..
ومقررة ترجع وتتعرف على هذي الحرمه..
اللي حست أنها تتشابه معها بفقدان الضنى وبشي ثاني..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

عيد...
معقولة هذا عيد..
بأي تاريخ وباي بلد..
العيد اللي أعرفه يكون عيد مو وحدة وملل واكتئاب..
وتكون أمي معي وغازي بعد,,
رشا وعمي راجح..قريباتي وصديقاتي..
الكل كلمني وعايدني بس أمي مارضت تكلمني..وغازي مستحيل يسامحني بهالسهولة..
ولا اللوح اللي عندي الي يقال انه زوجي..
كان يعايدني زمان وبهديا..
بس هذا العيد كانت معايدة باردة مالها طعم..
ناظرت في طالب اللي كان يلاعب غازي ويسولف مع رشا..
شوق بهدوء\رشا؟؟
رشا\هلا..
شوق\أمي ردت عليك..؟؟
رشا بارتباك\ ا إيه ردت علي...
شوق تكتم عبرتها\كيفها؟؟
رشا\الحمدلله بخير..تقول ربي سهل عليهم الحج..
شوق تهز راسها\الحمدلله..
رشا\ياقلبي لاتزعلي بكرة تهداء الأمور وكل شيء يتصلح..
شوق\بس اليوم عيد..
راجح\والمسكينة اللي ظلمتيها مامر عليها يوم عيد من دون اهلها..؟؟
وهذا عيد ثاني لا اهلها ولا غازي وهله معها..
إحمدي ربك على النعمة اللي إنتي فيها..
شوق\ماهو أنا اللي غربتها ولا هو انا اللي حرمتها من أهلها..
بسكم ظلم وإفتراء..
طالب يحدة\شوق قصري حسك..
شوق تبكي\لا ليش ماتبون تسمعون الحق..
إيه ظلمتها وإفتريت عليها..
بس ماكنت انافقها مثلكم..بينت لها إني ما أطيقها ومستحيل احبها..
الشفقة خليتها لكم..إنتوا تشفقون عليها..بس مانسيتوا إنها تصير أخت القاتل..
وإن كنتوا نسيتوا انا مانسيت..
رشا تمسك شوق تبي تطلعها بس شوق مو راضية تتحرك.
راجح\كان احسن لو كفيتيها شرك واللي فيها يكفيها..
شوق\إنت عادل مع الكل الا معي أنا..
غلطت إيه أعترف وهذاني أتعاقب ألحين..
بس غلطتي الأكبر هي لما هربت من أخوي وماخليته يعاقبني..
كان انا الحين مرتاحة منكم ومنه ومن هذا الكائن..
والاهم مرتاحة من قلبي ومن ضميري...
طالب\أي ضمير؟؟لاتتكلمين عن شيء مفقود..
شوق بصراخ\إنت المفقوود بحياتي واللي مالك وجود..
إنت مجرد اسم ولا راح يكون لك تواجد أكثر من اسم..
بكرة بشخطة قلم ينتهي دورك..
بلحظات كان طالب واقف قدامها وضربها على وجها بقوة خلاها تطيح على الأرض..
أمام نظرات راجح ورشا..
طالب يمسك شعرها\قلتي مجرد اسم..؟؟
رشا تترجى\طالب تكفى اتركها الله يخليك تكفى سامحها..
طالب بحدة\راجح خذ حرمتك عني لا يجيها من الطيب نصيب..
راجح\فيك خير مد يدك على حرمتي..
وتراني عم مدامتك اتركها قبل توصل بيني وبينك..
طالب\حرمتي ماعدلتوها يومها عندكم..
وبما إنها صارت عندي فعدالها على يدي..
راجح يسحب شوق ويوقفها وراهـ..
راجح\غلطت عليك ومعك حق في اللي سويته وسلم الله يمينك..
ويشهد الله لو ما إنت اللي سويتها كان انا اللي مسويها..
بس ماني بناسي إنها بنت اخوي وأنا ولي أمرها..
رشا\صل على النبي إنت واياها لاتقلبونها هوشة..
أنا بأخذ شوق فوق وإنتوا هدوا الأمور..
المفروض تعذرونها البنت مقهورة وتبي امها..
فراق الأهل نــــــــــار..

بغرفة شوق وطالب في بيت راجح..

شوق بحضن رشا وكلماتها كانت مثل الطعنة بقلبها..
فراق الاهل نار..
نست كف طالب ونست تجريح راجح ونست عقاب غازي..
في بالها هديل والوحدة اللي عايشتها هديل هالوقت..
سمعت صوت جوالها وكانت هذي النغمة مخصصة لأمها..
ناظرت بالجوال وهي تبكي..
لو اتصلتي يومه قبل لا أتخيل هديل بهذا اليوم كنت رديت وزدت بظلمي..
خليني اتعاقب يومه..إحرميني منك ..حتى بالعيد إحرميني منك..
عسى ربي يسامحني على اللي سويته فيها..
خليني أتعاقب يومه..
خليني أنهان من راجح ..وأنضرب وأنذل من طالب..
خليني أطهر نفسي من الذنوب اللي أذنبتها بهديل..
قفلت جوالها ولا ردت على أمها...

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

كانت جالسة ورى مكتبه..
وتكتب في أحد المذكرات الإنجليزية الصنع الموجودة باحد أدراج المكتب..
رغم مرارة إحساسها بالفقدان,,
الا إن صوت أمها كان مثل البلسم لكل جروحها..
لو يدري إنها بدت تستسلم وترضى بالواقع ماكان سمح لها تسمع أمها..
هو باللي سواهـ زود ثقتها بقدرتها على الرجوع لأحضان نبع الحنان..
وظلت تردد في بالها كل ليلة قبل النوم كلمة ..بأرجع..
ذبحتني الغربة يومه..ذبحني السفر والهم..

أحــــنُّ إليـــكِ يـا أمــّــــي *** حنيـنَ كــلّ مـــنْ هجــــروا

وكنــــتُ بكِ أرى الدنـــيا *** فأنــتِ .. ودونـــــكِ البشــرُ

سئمـــتُ أيُّهـــــا السفــــرُ *** فلا تبقـــــي ولا تـــــــــــذرُ

فكــــلُّ جـــــوانحي وجـدٌ *** ووجــــدي كلّــــــــهُ ضجــرُ

ســـأدعو اللـــــهَ يا أمّــي *** ســـــأدعـوهُ وأنتظــــــــــــرُ

أعـــــودُ إليـــــكِ يا أمّـي *** أعـــــودُ لنبـــــــــعِ أحلامـي

لأغفـــــو بيـــــنَ عينيــكِ *** وأغســـــل دربَ أيــامـــــي

وأغـــرفُ منْ ســنا الدمعِ *** ضيــــاءَ مـــدادِ أقلامــــــي

فأنــــتِ قصيدتـــي الأولى *** وأنـــتِ عبيـــــر إلهامــــي

وأنـــتِ أخـــي وأنــتِ أبي *** وأخــــــــوالــي وأعمــامي

قفلت المذكرة ووقفت بتصميم على اللي في بالها..
لفت حجابها على راسها..
لبست معطفها وخرجت من القصر..
توجهت للإسطبلات...ترددت بلحظة..
وبعدها دفنت كل الخوف بصدرها وكملت طريقها..

هديل بصوت جامد\فكتور فلنعقد إتفاقاً..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

البارت ماهو قدركم عندي ..
بس أتمنى تعذروني على القصووور.
الظروف كانت مش ولابد هالأيام...
السموحة منكم على التقصير...

كونوا بخير ..

صدووود

المواضيع المتشابهه لموضوع: ما غرام يشرح الصدر طاريه و إلا صدود و عمرنا ما عشقنا للكاتبة صدود كاملة لموضوع: ما غرام يشرح الصدر طاريه و إلا صدود و عمرنا ما عشقنا للكاتبة صدود كاملة
الموضوع	كاتب الموضوع	المنتدى	مشاركات	آخر مشاركة
سجود السهو	نجمة المساء	نفحات اسلاميه	15	8 - 6 - 2021 12:49 PM
يشرح القلب طاريه ولا صدود وعمرنا ما عشقنا	شيخة الزين	همس عالم حواء	6	1 - 7 - 2018 10:50 PM
فستق صيني	همسة الشوق	همس لعالم النبات والثروه والزراعه والحيوانيه	8	13 - 9 - 2015 06:35 AM
علمو سدني	سجات التهاويل	همس للرياضه السعوديه والخليجيه	3	6 - 3 - 2015 08:50 PM
صور غنى 6 شيوخ في الخليج	علياء	همس للاخبار الفنية العربية والعالمية وصور المشاهير	7	29 - 10 - 2014 03:59 PM

الذين يشاهدون محتوى الموضوع الآن : 6 ( الأعضاء 0 والزوار 6)

الأعضاء الذين قاموا بتقييم هذا الموضوع : 0
لم يقوم أحد بتقييم هذا الموضوع