ما غرام يشرح الصدر طاريه و إلا صدود و عمرنا ما عشقنا للكاتبة صدود كاملة - الصفحة 6

26 - 12 - 2021, 01:26 AM

البارت السابع والثلاثون...

من الإعصــار جئتِ...أم النسيم..؟؟

وناري أنتِ....أم بـــرد النعيـــم..؟؟

مزاجُك لا يقــر له قــــــرار ..

كـــا البرق..لا يقر على الغيــوم ..

يجرعني..السعادة حين يهوي ..

وحين يشـــاء..يسقيني همـــومي ..

ويمنحني السلام..وحين يطغى ..

يقلبنــــي على جرحِ أليـــــمِ ...

المرحوم بأذن الله تعالى..غازي القصيبي...

قفلت المذكرة ووقفت بتصميم على اللي في بالها..
لفت حجابها على راسها..
لبست معطفها وخرجت من القصر..
توجهت للإسطبلات...ترددت بلحظة..
وبعدها دفنت كل الخوف بصدرها وكملت طريقها..

هديل بصوت جامد\فكتور فلنعقد إتفاقاً..

ألتفت عليها فكتور باستغراب..
وقف لحظات يناظرها من دون مايرد عليها..
قرب منها خطوتين وهي ظلت ثابتة بمكانها..

فكتور\أستميحك عذراً..؟؟
هديل\فلنعقد إتفاقاً..
فكتور\هل هذا يعني باننا أصبحنا أصدقاء..؟؟
هديل\لا..فأنت عدوي ولن اهبك إسم صديق لأنك لا تستحقه...
فكتور\إن كنا لن نصبح اصدقاء فلا اعتقد بأننا سنعقد إتفاقاً..
هديل\تريدني ان أثق بك..؟؟
فكتور\اجل..
هديل\لن أفعل أبداً..
فكتور يبتسم\كيف لك ان تعقدي إتفاقاً مع شخص لاتثقين به..
هديل\هذا ماعلمتنا إياهـ الدول والرؤساء..
هم لايثقون ببعضهم ولكن يعقدون الإتفاقيات ..
فكتور\ألا تخافين مني..؟؟
هديل\لِم هذا السؤال هل ستوذيني..؟؟
فكتور\ههههههههههههه إن اعجبني الإتفاق لن أفعل..
هديل\قد يعجبك..
فكتور\حسناً ايتها الصغيرة لنرى إن كان ماتعرضينه يناسبني..؟؟
هديل\ليس قبل أن تعدني بأنك لن تؤذيني..
فكتور\سأكون صادقاً معك..أنا لا أكرهك ويوسفني الأذى اللذي تسببت به لك..
هديل\كـــاذب..كنت فخوراً بإيذائي..
فكتور\بعدما علمت من العمال بما فعله السيد بك هنا..أعني عندما ضربك بالسياط..
ندمت على إيذائك كثيراً..
هديل\لا أصدقك..
فكتور\كرهتك لأنك تخصين السيد وتنتمين إليه..فأردت إيذاك كي يعلم بذلك..
هديل بقهر\أنا لا انتمي إليه..ولا إلى احد..
فكتور\لماذا لم تخبريه بانني اتسبب لك بالأذى..؟؟
هديل\هذا امر لا يعنيك..
فكتور\بالتاكيد ليس لحمايتي..أخبريني لماذا لم تخبريه؟؟
هديل\اتيت نعقد إتفاقاً وليس لتستجوبني..
فكتور\ماللذي تريدينه..؟؟
هديل\مساعدتك لي..
فكتور\في ماذا..؟؟
هديل بتردد\أولا أخبرني إن لم توافق على طلبي ماذا سيحدث..؟؟
فكتور\لا أعلم..أنتي لا تثقين بي..وانا أجهل ماتريدين...
هديل\انت لن تخبر السيد بإتفاقنا حتى وان لم نتفق؟؟
فكتور\ بالتاكيد لن أفعل..
هديل\حسناً أنـ....................
فكتور بعصبية يقاطعها\قبل ان تخبريني يجب أن تعلمي شيئاً..
ناظرت فيه بتسئول وخوف..
فكتور\لا تثقي بي...أعرف نفسي جيداً..ربما أقوم بإلحاق الضرر بك ..
هديل\ماذا تعني..ولماذا تفعل ذلك..قلت لتوك بانك نادم على إيذائي سابقاً؟؟
فكتور بصوت هادى\أنتي تعلمين بانك جميلة أليس كذلك؟؟وعيناك ساحرتان جداً..
أنتي سببتي لي الأرق..والتفكير الدائم بك..
أرتبكت وتراجعت كم خطوة على ورى ويدها على لثمتها..
والخوف منه تضاعف لدرجة كبيرة..
فكتور بغضب\إرحلي من هنا...فانا أكرهـ أن أوذيك أكثر مما فعلت..
فأنتي تتعرضين للكثير من الأذى..وأخشى عليك من نفسي..

أنسحبت من المكان من دون ما تنطق بحرف..
خائفة مرتجفة..مو مصدقة اللي سمعته منه..
ركضت راجعة القصر وهي تبكي..
الله ياخذك مو على أساس تكرهني وتكرهـه..
أنت عدوي مثله..
وأنا ابي اكسب عدو عدوي لصالحي..
ماصبرت عليك الا عشان تهربني منه..
وألحين أنت وإياهـ..

جلست على الدرج تحت الثلج..
ياويلك ياهديل كنتي بتخلينه يهربك وهو يبي ........
حسبي الله ونعم الوكيل على ابليس..
لو انحبس طول عمري هنا ولا ارجع لهلي..
كله ولا يرقب مني..
لاهو ولا الحقير الثاني..

مسحت دموعها وهي تتنهد..
آآآآآهـ يومه صوتك أشقاني وعذبني..
وش يصبرني على فراقك أكثر من الفراق اللي عشته..
وينـــه أبوي..؟
ليش ماتقولين له يجيبني لك..
ليه ما تقولين لأخواني يدوروني ويرجعوني من بعثتي الوهمية..؟؟!
معقولة نسيتوني..؟؟
ولا تبريتوا مني..؟؟

ماهو ذنبي يومه والله ماهو ذنبي..
حرمني منكم وحرمني من نفسي..

فديتك يومه وحشتيني..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

راجح بابتسامة\الحمدلله على السلامة..
رشا\الله يسلمك..
راجح\آخر الكسرات..
رشا\ههههههههه ان شاء الله...
راجح\يعني ماتبين تغيرين رأيك وتجين معي أنتي وذا النشبة؟؟
رشا باحراج\رحلتك بعد ساعتين..وأرجولي توها ماتعودت بعد الجبس..
مرة ثانية إن شاء الله..
راجح\رشا أسالك سؤال..وتجاوبين بصدق..
رشا بحذر\على حسب السؤال..
راجح\يعني ممكن تكذبين علي؟؟
رشا\لا ماراح أكذب..بس اذا ماناسبني سؤالك ماراح اجاوب عليه..
راجح\وإذا ناسبك..؟؟؟
رشا بارتباك\يمكن اجاوب..
راجح جلس قريب منها ولم يدينه حوالينها..
قرب فمه من اذونها وهمس..
راجح بهمس\أنتي تحبيني من سنين وأنا أعرف هذا الشيء...
من قبل لا تتزوجين سعود..لما خطبتك من طالب..عرفت إن سعود خطبك ووافقتي.
أنسحبت بهدؤ رغم إني أنصدمت منك..ومن سرعة موافقتك..ومن سرعة الزواج ككل..
كيف توافقين عليه وإنتي تحبيني..؟؟
رشا نفضت نفسها تبعد عنه ووقفت بعرج..
رشا بضيق\أنت مو مستوعب اللي جالس تقوله..هذي اوهام مالها اي صحة..
وش أحبك؟؟من وين جايب هذا الكلام..؟؟
راجح يوقف\ماهو انا اللي اتوهم...وأعرف زين وش أقول..
صار لنا ثلاث سنين متزوجين..وإنتي تحاولي بكل طاقتك تنهي الزواج..
تمنيت أعرف أسبابك وانتي مو راضية تقولين..
رشا بخوف\من البداية شروط زواجنا واضحة لك..ليش ألحين تتذمر منها..
إذا مو عاجبتك طلق..
راجح بحدة\مو عاجبني..وماراح اطلق..
رشا سكتت وماردت عليه..
راجح\ماجاوبتي على سؤالي..
رشا تسترجع في بالها كلامه تحاول تتذكر وش سؤاله..بس ما عرفت السؤال..
راجح\ليه وافقتي تتزوجين سعود؟؟
رشا بهدؤ\سؤال سهل لأنه خطبني وهو ماينرد..
راجح\واثقة بسهولة السؤال..
رشا\الاجابة مثل ماوصلتك..
راجح\واللي يقول إنك كذابة..
رشا بعصبية\انت مدري وش تفكر فيه..جاوبتك على سؤالك..
وقلت لك اوهامك مو صدق..
راجح\كـــــــــــــذابة..رشا إعترفي بسرك..
رشا خنقتها العبرة من الخوف\مافيه سر مافيه شيء ..
مافيه شيء ماصار شيء..ماصار شيء..
راجح يضمها بقوة\طيب إهدي..ليه خايفة كذا..
أنتي تحبيني وانا اعرف هذا الشيء وبلسانك قلتيها..
كنت ناوي أعاقبك على السنتين اللي قضيتيها في بيت أخوك وأنتي تحبيني..
بس ليه خجلانة من هذا الشيء ليه..؟؟
رشا\مــ أحبك لاتكذب ماقلته..
راجح يقبل جبينها\نتفاهم لما أرجع..
أنتي ريحي نفسك ورتبي أفكارك..الخوف ماله مبرر ولا له داعي..
انا مستحيل أضرك..

سافر بعد ماوصلها لبيت أم غازي..
وحلفت ماتطلع من بيت أخوها لو يسحبها راجح سحب من البيت...
حمدت ربي ان السر اللي يتكلم عنه هو اعترافها بحبه..
لما كانت تتكلم مع شوق ..
وتاكدت إن شوق قالت عمها عن هذا الشيء..
أو إنه صادق وسمعها تقول هذا الكلام..

:::::::::::::::::::::::::::::::::::::::::::::

كانت بغرفتها تبدل ملابسها عشان تنام..
طلعت بجامة..لما أنتبهت على الملابس اللي أرسلتها لها صوفي..
شالت قميص النوم اللي من صوفي..ورمته بآخر الدرج..
وهي تهمس\قليلة أدب..
طلعت الفستان الذهبي وقررت تلبسه وتشوف شكلها فيه..
الى متى وأنا بناطيل وهم أشتقت للفساتين والدلع..
بدلت ملابسها ولبست الفستان سكرت سحابه ..
ووقفت قدام المرايه تناظر نفسها..
قصير يمكن يوصل لنص الفخذ...
من دون اكمام وماسك على الصدر..
حست بإحراج من نفسها على الشكل اللي هي واقفة فيه..
والله لو تشوفني امي لابستة تقطعة وتتوطى في بطني..
حركت شعرها وقدمت بعض الخصلات على قدام..
غرتها طايحة بشكل جذاب على جبينها..
قربت من المراية ووقفت على جنب ..
لو شعري لسى طويل كان راح يغطي ظهري اللي نصه عاري..
مدري كيف يتجرئون يلبسون مثل هذا اللبس...
خصوصاً ام سيقان الحمارة المنمشة..
الله يهديك ياصوفي لك وحشة..
أنتبهت على شيء غريب بجسمها..
قربت من المرايه أكثر..
وانصدمت باللي شافته..
بأعلى كتفها اليمين من ورى..
كان فيه علامة غريبة أول مرة تلاحظها..
حطت يدها على كتفها وشهقت ..
لما تاكدت إن هذي العلامة باقية كأثر من ضربها بالسوط..
همست بقهر\والله الآثار اللي بقلبي مابتموت..
فكيف بآثار على جسمي..
ياربي رحمتك يارب..
بكت بزعل على حالها وخبت وجها بفراشها..
كانت تتكلم وتبكي بنفس الوقت...
هديل بنحيب\كرهت حالي والله العظيم..
بأموت بحسرتي على هلي..
آآآهـ يارب لايشوهني أكثر..
ياربي لايضربني ماعاد اتحمل ضرب..
والله ياربي والله...

غفت بفستانها وهي تبكي....
جاهلة تمامــــــــــاً تواجد ذاك الجلمود بالقرب منها...
وجاهلة موعد قدومه الى المزرعة...

26 - 12 - 2021, 01:27 AM

واقف كالتمثال المنحوت من الشمع..
خلف الباب الزجاجي ..
متواجد في بلكونة غرفتها تحت الثلج..
يشعر بخفقان عنيف بقلبه..
هل من رآها بذاك الجمال هي أسيرته لاغيرها..
آسيرته الغالية..
وكأن الحزن يزيدها جمالاً..
والبكاء يكحل عينيها دوماً..
ما أجمل أثيرتي..
لم يرها من قبل بهذا الشكل المغري..
يالدلعها العفوي...تستعرض نفسها امام مرآتها..
تجهل وجودي ومراقبتي لروعتها..
تعبث بشعرها المجنون..
لم أخسر جديلتها فهي تسافر معي وتغفو على وسادتي..
أما منظرها بشعرها القصير يزيد جراح جمالها..
يكاد قلبي يذوب لمرى إبتسامتها الحزينة...
ليتها تفقد ذاكرتها فلا يبقى للماضي أثر لديها...
أقسم ان ألون حياتها بألوان الخيال...
أسيـــرتي ما أعذبك...
يا لــنعومتها..نحرها يتصل بصدرها النافر بروعة التكوين..
خصرها الملتف يكاد يمزق ذاك الرداء...
أطال النظر لساقيها..
وأبحرت عيناه من جديد لتاملها...

إقترب من الزجاج متناسي لوعدهـ اللذي قطعه عليها..
بأن يحترم حدودها وخصوصيتها..
ولكنها تبكي...
وهو إعتاد أن يحتضنها رغماً عنها..
وأن يجبرها على البكاء بأحضانه..

تراجع وأبعد يده عن الباب الزجاجي..
وبقي هناك يتأملها حتى أدرك بأنها إنتمت لعالم الأحلام..
وأنها نائمة بكل تأكيد..

حاول أن يغادر المكان عائداً الى بلكونة غرفته..
لكن عقله..قلبه..
جوارحه..قدميه..
لم تمتثل لأمرهـ..
وأبت الا البقاء ومراقبت أسيرته النائمة..

يخاف عليها من نفسه..
فمنظرها قبل دقائق يسكن خياله..
فتح الباب الزجاجي..
ودخل الغرفة الدافئة..

إقترب وإقترب..
حتى إحتضنت يداهـ وججها الأليم..
قبلها على أعلى كتفها المجروح وإحتضنها وهو يهمس..
.....\سامحيــــني...

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

قفلت التلفون وهي تتنهد..
هذي ثالث مرة تتصل ولا يعطونها خبر مؤكد..
أدركت إن وقتها يضيع في ملل وفضاوة مو راضية عنها..
فقررت تدور على وظيفة وتشتغل بدل العطالة..
أتصلت بصديقة لأمها وهي عضو بارز في مجال التدريس..
وطلبت منها تساعدها بهذا الموضوع...
وعدتها تساعدها بس لازم ترسل اوراقها لهم عشان تباشر بمعاملتها..
أتصلت برشا وطلبت منها تروح لبيت امها وتأخذ ملفها وشهاداتها وترسلها لها..
طالب\السلام عليكم..
شوق تبعد السماعة عن إذنها\وعليكم السلام..
رشا\هذا طلووبي عطيني اياه باكلمه..
شوق\ماهو بلايق الدلع..المهم أبي اوراقي متى ترسلينها..
رشا\اليوم أو بكره اذا قدرت..
شوق\توقعتك تقولي بعد اسبوع..
رشا\ليه انا عند امي هالفترة..والحين اروح غرفتك وادور على ملفك..
شوق\وش مجلسك عند امي وين زوجك..؟؟
رشا\سافر..
شوق\ليه ماسافرتي معه..لايكون طلقك هههههههه
رشا بخوف\لو يسويها يريحني ويريح عمرهـ..
شوق\امممم ليه؟؟
رشا\شوق بالله قولي لي الصدق..أنتي قايلة لعمك شيء عني زمان؟؟
شوق\مثل أيش؟؟
رشا\إني أحبه ومن هالكلام...
شوق\مو وقته هالكلام..
رشا\لا وقته يا نصابة قولي الصدق..
شوق\أخوك يسلم عليك..
رشا\يوووه نسيت إنه عندك..طيب متى اكلمك..
شوق بكذب\لا تكلميني مشغوولة طول اليوم..
رشا\كذوووب ياعاطلة من زوود المسئوليات..
شوق\عندي تقديم وشغل ماتعرفينه يا جاهلة..
رشا\شوق اذا عرفت إنك قايلة لعمك شيء ذبحتك..
شوق\أتحداك توصليني شوفي كم كيلو بيني وبينك..مابتصيديني..
رشا\لاتنسين إنك عند اخوي..وأسرارك عندي..وأقدر أقوله كل شيء..
شوق أرتبكت\رشا قلبي أنتي تعوذي من إبليس...مايصير كذا..أنتي تعرفين الوضع..
رشا بمركز القوة\لا يصير ويصير..وش قايلة لعمك إنطقي..؟؟
شوق\خلاص ولا يهمك أكلمك بعدين..
رشا\لا ياحمارة الحين تتكلمين..
شوق\ان شاء الله يالله مع السلامة..
رشا\شوقوه لاتتنذلين ترى والله اتنذل فيك..
شوق\كثري منها مع السلامة
قفلت الخط قبل لا تكمل رشا كلامها وتهديدها..

طالب\أسمع تقديم وأوراق..وش السالفة؟؟
شوق بهدوء\أبي أقدم اوراقي ع الديوان..وأتوظف..
طالب\ماشاء الله..وبأذن من تتوظفين؟؟
شوق\بإذن الوزارة..
طالب بسخرية\ذكية تصدقين..
شوق بسخرية مماثلة\بعض ماعندكم..
طالب\أعتقد أني ماسمحت لك تتوظفين..
شوق\واعتقد إني ماطلبت رأيك..
طالب\مافيه وظيفة..؟؟
شوق\ما أقدر اجبرك توافق..
طالب\يعني تدرين إنك ماراح تتوظفين الا بإذني وموافقتي..
شوق\إيه أدري..لكن الوضع هذا مؤقت..
طالب\مؤقت..؟؟
شوق\إيه طال عمرك مؤقت..انا الحين أشتغل بأوراقي..
ومعاملات التوظيف يبيلها وقت مو بسيط..
على ما تقرر الوزارة توظيفي أكون رجعت لعهدت أمي واخوي..
طالب\واثــــــــــــقة انك راجعة لهم...؟؟
شوق\راجعة لبيت أبوي الله يرحمه..وحتى لو كانت امي واخوي مايبوني..
لي حق أظل في بيت أبوي وما احد له حق يمنعني..
طالب\وبيت زوجك..؟؟
شوق\مـــاهو بيتي...أنا ضيفة غير مرغوب فيها هنا..
وأنت تستنى اليوم اللي تفارقني فيه..
ولا يهمك هذاك اليوم ماهو بعيد..
طالب\تقولينها بمرارة...
شوق\إيه أقولها بمرارة..ماهو لأني متحسفة عليك....
قسوتك وجرحك لي شافاني من ارتباطي فيك من سنين...
طالب\والصــــــــــورة والمكتوب عليها..؟؟
شوق\كلام مراهقة...ماله أي وجود عند اللي جالسة قدامك...
وإنت رديت على الكلام بطيبة قلبك..
طالب بابتسامة\جرحك ردي على كلامك في الصورة..؟؟
شوق\أبــــداً...الجرح شيء متوقع منك..وهذا اللي تعودت عليه..
طالب بصدمة\تعودتي اجرحك..؟؟
شوق\لاتمثل دور المظلوم..ولا تتفاجاء...
راجع حساباتك وأوراقنا القديمة وأحكم بنفسك...

طلعت لغرفتها وهو ظل بالصالة يسترجع كلامها...
متعودة اجرحها...؟؟؟
صح إني قسيت بكلامي في الصورة..
بس هي متعودة على إسلوبي و على هالشيء..
ومثل اللي أنضرب على راسه أدرك إنه اعترف لنفسه..
إن شوق فعلا متعودة على قسوته وكلامه الجارح او المستهتر فيها..
وصار يسترجع ويغوص بذكرياته اكثر وأكثر..
وتذكر لما سوت عملية الزايدة لما زارها بالمستشفى كيف قال لها..
طالب\حتى الزايدة ما تحملتك أنفجرت ببطنك..الله يعيني عليك..
عصبت منه وقالت لغازي يخرجه من عندها وهم يضحكون عليها..
ولما تخرجت من الجامعة بارك لها بإسلوبه الجاف..
أرسل لها رسالة ع الجوال تهنئة بسيطة..
وفي النهاية كتب..
..الله يعين كنت متعذر بدراستك..
ألحين من وين اجيب عذر عشان أأخر الزواج..
وش رايك تقدمين على الماجستير والدكتوراة..
بكذا يتاخر زواجنا سبع سنين..

أنهالت عليه الذكريات مثل المطر..
كان كلامه لها يقصد فيه يثير عصبيتها..
لأن عصبيتها تعجبه من طفولتها..
بس ماحسب حساب انها ممكن تكون تجمع بقلبها كل جروحه..

ولما تمت ترقيته بشغله..
والهدية اللي أرسلتها له مع بطاقة تهنئة..
كلمها بس ماردت عليه..
فارسل لها رسالة..
هديتك وصلت..لو كنتي هنا رديتها لك..
باحتفظ فيها لحتى القاك واعطيك اياها..
مايناسبني نفاقك لي..
مافيه زواج قبل مئة عام....

الحين عرف ليه ماردت عليه ..
لانها كانت واثقة بانه مابيضيع الفرصة من دون مايبين لها انه مايبيها..

وزاد بجرحه لها لما هربت من المزرعة معه..
كيف كان قاسي معها بشكل كبير..
ويصرح لها بانه ينتظر اليوم اللي يقبلون هلها فيه ترجع لهم..
ولانه ما اعترف بغلطة وانه سبب في اللي صار بهديل..
حط كل المسئولية عليها..
ماكانت شوق راح تتبلى على هديل لو هو ماجرحها باعجابه بغيرها..
في اللحظة اللي اعترفت شوق وقالت انها شافته مع هديل بالغرفة..
ماهمته شوق واحساسها بهذيك اللحظة..
اللي همه نفسه..وكيف إنه إنكشف إنه اعجب بغير حلاله..
والمصيبة اللي كان يتغزل فيها هي هديل...
حط كل اللوم على شوق لانها أذت هديل...
بس مالام نفسه لانه أذى شوق..
وجرحها...
جرحها وهو يدري إنها تحبه من سنين...
وعت على الدنيا وهو قدامها...
نصيبها ومرتبطة فيه..
مايدري ان كان لها رفض او عدم رضا بفرضه عليها...
هو أختارهـا وتمسك فيها وقال لأخوها إنها له ومايعطيها لغيرهـ...

بس ماراعاها...
كانت تصرخ فيه بغيض..تقول طلقني..أو اخلعك..
ودائما تقول إني ما ابيها ولا مرة قالت إنها ماتبيني....

وصله مسج ع الجوال صحاه من عالم الذكريات..
قرء المسج وتنهد بضيق..
كان من رشا ..

مساء الخير يا حلو أخبارك؟؟
وينك يالقاطع ماتكلم أختك حبيبتك..
ولا شوقوهـ تمكنت من قلبك البارد..
وخلتك تحبها أخيراً وتنساني..
كلمني لما تقدر..

وصفت البرود ياما نعتته فيها شوق..
بالبرود والاهمال وعدم المبالاة لها..

قرر يتكلم معها ويتفاهم معها على كل شيء...
وبنفس الوقت ما أدرك..
إن شوق أبحرت من شؤاطى الإنتظار من زمان..
ومالها نية ترجع تتعشم بحياتها معه...

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

ناظرت بالمراية مفجوعة من منظرها..
حطت يدها على رقبتها مستغربة اللي تشوفه..
معقولة ناموس يسوي كل هذا..
بس ما أذكر الناموس يجي بالشتاء..
يمكن ناموس هذولاء غير ناموس شتوي...
يقطع عمـــرهـ كل هذا منه..
باقوول لماريا تشوف حل لهاالناموس قليل الأدب..
أستاهل لو لابسة بجامة بدل الفستان كان ماقدر يأكلني كذا..
فيه احد ينام بفستان مالت علي..
عفست فستاني المخلع العاري القليل السنع..
راح اخبيه لغادة ولا سارة قليلات الادب..
هذي علوومهم ملابس مخلعة يامال الصلاح..

لبست كنزتها وخرجت من الغرفة..
نزلت دورت على ماريا بس مالقتها في المطبخ..
جلست بالصالة الحجرية...قريبة من النار..
وفزت لما سمعت صوته..
غازي\صبــــاح الخير..
أنصدمت من وجودهـ في القصر..
وتسالت متى رجع..
وقفت مكانها بجمود وماردت عليه..قرب منها..
غازي\كيفك..؟؟
هديل ماعرفت وش ترد وتقول..هو يعرف حالها من دون مايسال..
تقول بخير..ووين الخير منها..
نست معناه و ولونه..
همست\الحمد لله..
أنتبهت على نظراته على شعرها..
هي مالبست حجابها لانها واثقة مافيه غيرها هي وماريا والخادمات..
لو عرفت انه رجع كان لبست حجابها وعلى حسب وعده بانه راح يحترم حدودها..
وما يمنعها من الحجاب قدامه..
هديل\تقبل الله حجك وغفـــ.... وغفر ذنبك
غازي\منا ومنك..
طاهرة القلب...رغم جراحها وألامها منه الا أنها قالت غفر الله ذنبك...
أي فتاة صابـــرة انتي..؟؟

غازي\وش هذا اللي برقبتك؟؟
هديل حطت يدها على رقبتها\نــ ـاموس..
غازي\ناموس؟؟
هديل\ناموسهم مدري وش يحس فيه جاي في الشتاء..
غازي\هههههههههههه ماعنده سالفة..
هديل\تتمسخر علي؟؟
غازي عذبته برائتها\لا أبداً..
هديل\بلى تضحك علي..عساهـ ياكل رقبتك مثلي..
غازي بخبث\فديته إن كان ناموسي مثل ماكان ناموسك فلبى قلبه..
هديل مصدومة\أنت مريض؟؟
غازي\إيـــــــــــه..
هديل ببرود\أحســــن..

خرجت من الصالة وهو واقف مكانه يضحك على ردها عليه..
ماكان متوقع أبدا تقوله سلامتك..

بما أن عدوي مو قادر يساعدني..
فمالي الا ربي اتوكل عليه ثم نفسي..
راح ألعب لعبتك..وأنتظر غفلتك..
وبعدها وعــــد مني لأخليك تندم على دفني وانا حية معك..

وأرجع لأمي وهلي..
وإنت تهنى بهلك..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛ ؛؛؛؛

26 - 12 - 2021, 01:28 AM

كانت جالسة تناظر الشوارع الممطرة بغزارة..
مو قادرة تحضر لمحاضراتها..
ولا قادرة تركز بموادها...
مو مصدقة اللي هي سوته..كيف قلبت حياتها بارادتها..
كيف سمحت لغباء الانتقام يسيطر عليها..
لو وافقت على مالك وتجاهلت كل شيء..
هي بتأخرها في الرد..
تركت مجال لعمها وولدهـ يدخلوا بالموضوع..
سرحت تتذكر الحرب اللي صارت في مجلس أبوها..

في مجلس ابو علي...بعد رجوعهم من الحج بيوم..
كان صوت العيال عالي بالصراخ ..
علي وراكان كل واحد منهم يحاول يضرب الثاني..
بس الشيبان فكوا بينهم قبل لا يبدون الهواش..
ابوعلي\انطم يالرخمة أنت واياهـ..مابقى الا تسدحوني وتدوسون علي..
علي بعصبية\والله ما يعرفها لو يلمس السماء..
راكان\بنت عمي واولى فيها من خويك ومن غيرهـ..
علي\لاتنسى كلامك يالنذل يا الخسيس..
ابوعلي بغضب\حسبي الله عليك وعليه..لابركة فيكم ولا في مجلسكم..
إنقلعوا برا بيتي يا ثنين غضبي عليكـــــ ......
ابوراكان\لا ياحسين اذكر الله وادحر ابليس عنك..
استغفر ربك وصل على النبي..
وهذولاء الكلاب انا اوريك فيهم..
سحب ولدهـ وخرجه من مجلس ابو علي..
وطرد علي وراهـ..
خرجوا محمد وهادي وسلمان يحاولون يهدون بين الاثنين..
علي\تخسي ماتعرفها يا الكلب..
جاي بعد سواتك ولك عين تطالب فيها ماتعرفهــــــــــــــا..
راكان\والله ما اخليها هي بنت عمي وحيرت عليها..
ولو تبقى سنين معلقة في بيت أبوها ما تركتها..
هادي بغضب\مايحق لك تخطب على خطبة مسل مايحق لك..
راكان\يحق لي لأنها لي من قبل لا يتكلم فيها غيري..
طلبتها ووافقت وانتشر الخبر..
علي بصراخ\واللي أنت سويته وش تسميه..؟؟
راكان\خسة نذالة حقارة مثل ماتحب سمه..
عرفت خطاي وتراني معذور باللي سويته لو انت مكاني سويت اكثر..
علي يرمي عقاله بقوة على راكان ويهجم عليه يضربه..
وراكان كان ردهـ بنفس قوة علي..
علي بغضب\معذور يالخسيس تقول معذور..
الشرهه على اللي مافضى الرشاش في صدرك من أولتها..
راكان\لو سويتها أبرك من أنك تعطي نصيبي لغيري..

سلمان ومحمد وهادي يحاولون يفكون بين الثنين بس ماقدروا..
كل ماسحبوا واحد هجم الثاني عليه...

أبو علي خرج من المجلس واخوهـ معه..
أبو راكان يسحب علي بالغصب ويوقف بوجهه..
أبو راكان\مابقى لعمك حشيمة ولا قدر في بيتك يا ولد حسين..؟؟
علي بغضب\الحشيمة لك ولسلمان بس ذا الخاين ماله حشيمة..
راكان\خاين واللي تبي بأخذها غصبن عليك..
علي يبعد عمه ويحاول يرجع يتضارب مع راكان...
الجدة بجزع تبكي\أمك يا حسين..تبون تذابحون يالحريم..
تبون تسيلون الدم بينكم..مابقى لدمكم كرامة عندكم...
نسيتوا أنكم أخوان ودمكم واحد..نسيتوا من أنتوا عياله..
حسبي الله عليكم وتقولون رجاجيل وعيال حمايل..
تخسون ماحولكم مرجلة يالحريم..

أبو علي يمسك امه يحاول يهديها..
دخلها المجلس والباقين دخلوا وراهم...
أبو راكان\أذكري الله يومه الزعل ماهو بزين لك..
الجدة\وهم خلوا لـ الزين محل...لو يحترمون ويقدرون ماسووا سواتهم..
أبوعلي\هذا أنتي يومه أحكم باللي تريدينه..
واللي تامرين فيه يمشي على الجميع..
الجدة\مايمشي حكم المره على شيبان بلحاهم..
أنت أبو البنت وأنت ملفاها..
كنك راضي برويكن لها الله يسدد لهم..
بس قلبي ماهو براضين عليه ولا على قربه..
راكان\يومـــه اسمعـــ......
الجدة\ولا كلمة ولا تكلمني..حلفت ماتعرفها ولا تقربها..
وانا على حلفي الا اذا خالفني ولدي..
ابوعلي\وراكان ماله عندنا مرهـ...والله ييسرهـ طريقه ..

راكان\وبنت عمي ماني مرخصها وان طالت ولا قصرت..
لا انا ولا غيري نعرفها..
ابو راكان\خلاص ياولد الزواج ماهو غصب...
كانت لك وأنت اللي رفست النعمة..ويشهد الله ماني بعارف وش اللي جاك..
ولا وش اللي غير راي عمك وهله..
هي بنته وأنت ولدهـ..وماهي بنصيبك..
علي\خله يهايط على كيفه يا عم..
عــــــرف قدرهـ ومنزاله...
راكان وقف بعصبية\والله ياعم والله والله..
إن خرجت من بيتك الليلة وغادة ماهي بزوجتي..
لأذبح خوي علي وأعيد سالفة هادي وسلمان..
وأسلم نفسي لـ القصاص وأكون ميت ومرتاح..
إن مالك ما خذاها..

أبو علي وأبو راكان تجمدوا من كلام راكان..
مصدومين ملكومين من جرئته على فتح جراح قديمه..
مايعرفها غيرهم ولا يقدرها مثلهم..

الجدة بعصبية\انثبر ياولد لا أذبحك قبل تطلع من المجلس..
راكان بصوت ناري\واللي خلقني ان ماملكت على غادة الليلة..
ليكون ممسى مالك الليلة في المقابر..
علي هجم على راكان وضربه ..
علي\هذي مرجلتك يالخسيس..تبى تجبرنا نوافق عليك..
راكان يضربه ويرميه بعيد عنه..
راكان بقهر\حلفت وتراني بايع حياتي برخيص التراب..

هادي\تبي تذبح الرجال من دون حق..؟؟
راكان\مثل ماذبحت ولد الناس من دون حق...
هادي يصرخ بقهر\لا تحكم على شين ماتعرفه يالخسيس..
سلمان\راكان أذكر الله..وش تذبح مالك أنت صاحي..
تقتل نفس من غير حق..؟؟
راكان\وانتوا يالمجرمين..قتلتوا وشردتوا من الديرة..
ولولا الجمايل والمناصد لغازي وهله مارجعتوا..

أبو علي بصوت مقهور ومخنوق\تخسي وتهبي لولا ربي ثم اللي تجهلونه..
مارجعوا ولا عرفناهم..
وش ذنبنا يوم تذبحون العرب وتبلونا بمصايبكم..
ليه ماكلن يتحمل وزر أفعاله وأغلاطه..
وش ذنب اللي بعناهم علشان نلقاكم..
وين نلقى اللي ذبحناهم لعيونكم..؟؟
خلفناكم نبي نقابل الله فيكم بالعبادة والخير..
عاقبتونا ليه ان حن انجبناكم يالهابين...
تبي تذبح ولد الناس رح إذبحه..
واشرب دمه..بس بنت ماتعرفها ولا تكون لك..
قهرتوني في بناتي وأحرقتوا قلبي..
لابركة فيكم ولا في اللي خلفوكم..

أبو راكان\من انت؟؟وش انت من البشر ياولد..
ماتذكر معاناتنا مع العرب والقبايل عشان نرجع أخوك وولد عمك..
ماتخبر ضيقنا وكربنا ..
أمك وحزنها على أخوك..خواتك وشوقهم له..
وانت ماتذكر وش سويت عشان يرجع عضيدك ولا تنقص رقبته...؟؟

راكان\مانسيت ولاني بناسي..
بس اللي لي ما اتخلى عنه ولا أخليه..
وعهدن علي ان ماكانت الليلة بذمتي ليكون مالك بذمة رب العباد..

أبوعلي بصراخ\حــــرام ماتقول عليك قبوووول ...

........\أنا موافــــــــــقة يوبـــــــــــه ...

كل اللي بالمجلس ألتفتوا على اللي واقفة عند باب المجلس..
ماعدا راكان والجدة..
كانت لابسة عبايتها ومتغشية بطرحتها ..
وامها واقفة جنبها..

علي بعصبية\غادة الشور ماهو بشورك...
غادة بصوت مخنوق\يا أبو عبدالله تكفى..
أنفضحنا بين العرب وكفانا ما جانا..
لاني بشرانية ولا خسيسة..
يوم أخلي هلي يتذابحون وأنا أقدر أحل الأمور بينهم..

أبو راكان\وأنتي راضية يابنتي براكان؟؟
المهم رضاك ماهو برضانا؟؟

غادة تحاول تقنع الجميع بكلامها..
وتقصر السالفة اللي وصلت لـ لذبح والقتل..
غادة\إيه ياعمي راضية..
راكان ولد عمي..وإن كنت انجرحت منه بكلمة قالها..
بس ربي يسامح وأنا سامحته..

أم علي\أقصروا الشر وأذكروا ربكم..
ترى شيبانكم ماعاد يتحملون الضيم منكم..
مارجعوا أخوانكم الا بعد ماذقنا العناء والويل..
أرحمونا تكفون أرحموا شيبانكم..

أبو راكان\وش تقول يا أبو علي..؟؟
أبو علي مارد عليهم وظلت عيونه متعلقة في بنته..
يعني أختك راحت عشان ننبسط بهادي..
ويرجع ولد عمك..راحت مضحية بكل شيء..
غافلة عن اللي ينتظرها من غربة من هلها..
جاهلة قسوة أبوها انه بيشيعها جنازة..
وأنتـــــــــي تبين تسوين سواتها..
تبين تضحين عشان هلك وعمك ..
لا يــا أبوك مايعرفك وراسي يشم الهواء..
يا حسرتي في أكبر ذنوبي..
ماتعادلها حسرة يا غادة..

أبو علي\والله واللي خلق السما وبسط الأرض ماتعــــ ........
غادة تحب يد أبوها\تكفى يوبـــه..بسنا قهر وضيق..
بسنا عنا من القتل والثار..
ماهو بعلشانه علشانك عشان عمي وعمتي..عشان خواته ..
عشان مالك وأمه وهله..
يوبه حسرة الموت اللي ذاقوها هل القتيل..
ذقناها بموت هديل..
ليه ترجعون علينا حسرة الموت بلحظة شيطان..
سامحه يوبه أنا سامحته سامحه..

أبو علي يضم بنته ويتحسر على هديل..
اللي تمسكت فيه بيوم مترجيته يضحي فيها ..
مترجيته يدفنها بالحياة..
ويرجع أخوها..
نزلت دموعه من القهر والضيق..

خلا المجلس من العيال ومن غادة وأمها..
ومابقى غير أبو علي وأبو راكان والجدة..

أبوعلي\يومــــه..مستوجعة من شيء..؟؟
الجدة بحسرة\ياويلي منك ياحسين..
ياويل أمك وش اللي أنت سويته..؟؟
أبوعلي برعب\وش تقصدين ..؟؟
الجدة\وش مخبي ياولد أمك..
من اللي بعتهم من اللي ذبحتهم عشان ولدك؟؟
وش اللي نجهلــــه؟؟
أبوراكان\الله يهداك يومه..وش اللي تقولينه..
حسين مايقصد شيء..

رفعت نظرها وناظرت بوجه أبوعلي..
كان منكس راسه..ودمعته طفرت من عينه..
وقفت ومشت تبي تطلع من المجلس..

الجدة\بأنتظر معك ياأمك..
بأنتظر وأذوقك حزنك وفرقاك..

أنتهى ذاك اليوم بليله..
وغادة صارت مرة راكان وبذمته..

صحت من سرحانها على صوت هادي يناديها...
هادي\غادة أمي تبيك تعالي كلميها..
غادة\هلا يومه..
ام علي\هلا ياقلب أمك..كيفك؟؟
غادة\الحمدلله بخير..طمنيني عنك وعن أبوي وأخواني..
ام علي بعصبية\طيب أصبر يا النشبة..ياولد فك السماعة..
غادة\يومه وش فيك..؟؟
ام علي\عبيد يضاربني على السماعة يبي يكلمك..
غادة\الــــــــــــــوغد ما ابى اكلمه..
عبدالله\ماوغد غيرك يا اليزابيث الجاسم..
غادة\ههههههههههههه وش عندهـ وليم الجاسم..
عبدالله\ابى اكلم عمتي وأصل رحمي حرام ولا كفرنا..؟؟
غادة\لا لا لا حرام ولا كفرتوا..
مير ماهي بعوايدكم يا الأوغاد تصلون أرحامكم وتقولن عمتي الا وفي بالكم موال..
عبدالله\دائـــماً أقول مايفهمني الا الوغدة غادة...
غادة\يعني ماتبى تتربى يا الوغد..؟؟
عبدالله\عمتي يا نظر عيني...يرضيك حالي..
مطفر مافي جيبي ريال..ولا قرش..يرضيك حالي..؟؟
غادة مفجوعة\ياويلي منك يالسرروووق تبي تنهبني حتى وانا في بريطانيا..؟؟
عبدالله\بس ابى سلف وارجعه لك لما نزلت الرواتب..تعرفين حن الحين نص الشهر ومافيه راتب..
غادة\كيف اعطيك فلووس وبيني وبينك قارات ومحيطات..؟؟
عبدالله\ظرف المهر اللي مع جدتي ابى منه بلاك بيري..
غادة\اي مهر واي ظرف..أنت وش تقول؟؟
عبدالله\مهرك يا الدوبة ابى منه جوال بلاك بيري..
قولي لجدتي انك موافقة عشان تعطيني الفلوووس..
غادة بعصبية\عطني أمي..
عبدالله\اول عطيني الفلوس..
غادة بصراخ\عبييييد قلت عطني أمي..
عبدالله\طيب بس ماخذها ماخذها..
ام علي\هلا يومه..
غادة\اي مهر اللي عبدالله يتكلم عنه..؟؟
ام علي\ملقوف ذا الولد..مهرك جابه عمك وولده اليوم وعطوه ابوك..
غادة بقهر\وليش أخذتوا المهر منه...؟؟رجعوه له يومه ما ابيه..
ام علي\ابوك رده بس عمك حلف مايرجع..
غادة\والمهر الاول والجهاز اللي جهزته مايكفي..؟؟
ام علي\أي جهاز..؟؟ناسية أنك عطيتي جهازك لريم بنت خالك..
وان علي رجع المهر كامل لراكان..
غادة مخنوقة بعبرتها\أكلمك بعدين يومه مع السلامة..

دخلت غرفتها وهي تبكي بقهر..
هين ياراكان هين..
والله لا أطعنك مثل ما طعنتني...
والله لا أشربك الظيم واللي ذقته منك لا أذوقك إياهـ..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

دخل جناحه تعبان من آخر إجتماع له اليوم..
تسبح وصلى فرضه..
وفتح شنطة أوراقه يراجع آخر القرارات..
بعد نص ساعة دخل الأوراق بالشنطة وأستغرب وجود اوراق ثانية..
خرج الملف وأول مافتحه تذكر هذا وش يكون..
هذا الملف الخاص بغازي الصغير..
واللي أخذه راجح من بين أغراض رشا لما كان معها في بيت طالب..
فتحه وتصفح اوراقه..
شهادة ميلادهـ..ولد في الكويت..كويتي الولد لبى قلبه..
تطعيماته ..أوراق المستشفى..
ركزت عيونه على اسم الأم رشـــــا..
على تاريخ الولادة..
متى ولد ومتى طلع من المستشفى...

قفل الملف ورجعه بالشنطة..أنسدح على فراشه وغمض عيونه..
وتردد في باله لما حضر زواج سعود ورشا...
كانت في باله وناوي يخطبها..
تفاجاء بخطبت سعود لها وهو ماكان يفكر فيها أبداً..

مثل الملسوع قام من مكانه بسرعة..
وقف دقايق متصنم بمكانه..
مايتحرك فيه غير عيونه..
يسترجع ويسترجع..

فتح الشنطة بسرعة ونثر كل الأوراق..
فتح الملف الخاص بغازي..
وراجع موعد الولادة..
الولد مولود بشهره التاسع...كامل..
بس ولد بعد زواج امه وأبوهـ بست شهور...
كيـــــــــــف يعيش وهو مولود بالشهر السادس..
وكيف يكون مكتمل..؟؟
ويطلع بعد الولادة بيومين...؟؟
الولد مولود وهو مكتمل ومتمم أشهره التسعة...
يعني هو متكون في بطن أمه قبل لا تتــ ...............
ماقدر ينطق الكلمة...
حتى بينهوبين نفسه ماقدر ينطقها...

حملت بولدها قبل الزواج بسعود...
معقــــــــــــــولة رشـــــــــــــــا..
وسعود تزوجها لانها اخت اخوهـ وعرض أخوهـ ..
ونسب الولد له ...

تلبســـه الغضب والأفكار تأخذه لأبعد من الحقيقة..
لأبعد من الصواب..
في دقائق كان لابس ملابسه وشنطته في يدهـ ويخرج من الفندق متوجه للمطار...

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛؛؛؛؛؛

كانت واقفة جنبه تنتظر تشوف الحصان الجديد..
اللي أشتراهـ غازي ...
ماتدري ليش قررت تطلع معه..
مع أنه حاول يمنعها وقال تشوف الحصان بعدين بس هي أصرت تخرج معه..
هديل تلبس قفازاتها\لا بأروح معك..
غازي يكتم ابتسامته\رايح الألعاب أنا..؟؟
شوفيه بعدين..لان الحصان ماهو مروض يعني عصبي..
هديل\غريبة منهو يشبه..؟؟
غازي فاهم عليها\الله أعلم..
المهم أجلسي هنا لحتى ندخله الحضيرة..وبعدها يصير خير..
هديل\طيب..
خرج وهي أنتظرت دقايق وبعدها طلعت وراهـ..
ولما شافها عقد حواجبه..
غازي\ما تتوبيـــن..
هديل\عـــــــــادي إضرب يمكن أعقل..
غازي يركز عيونه في عيونها\أنا وعدتك...
هديل\ماراح توفي بوعدك وأنا متأكدة مثل ما انت متأكد...
غازي\نشوف...خليك بعيدة وقفي هنا..
الحصان هايج ويمكن يثور ويهرب..
ما أبيه يشوفك قدامه بيتوطاك..
سوت مثل ماقال لها ووقفت بعيدة عنه..

خرجوا العمال الحصان وهو يصهل ويضرب الأرض بعنف..
ويبي يفلت من الحبال اللي مربطته وتسحبه..

خافت من صوته ومن ثورته..
وقارنت بينه وبين الفرس اللي كانت تخاف منها..
والله كانت هادية ومسالمة مو مثل هذا الأسود الخبل..
مجرم شكله خريج سجون..
ابتسمت على خيالها وهي تراقب محاولاتهم لتهدئت الحصان..

غازي كان يصرخ على العمال بلغتهم..
ويطلب منهم يخففوا الشد من على رقبته..
لأنهم راح يخنقونه وكل واحد يشدهـ بجهه..
واحد من العمال ترك الحبل اللي بيدهـ..
وهو فاهم قصد غازي بالغلط..
وبهذي اللحظةرفس الحصان العامل الثاني وطاح تارك الحبل..
مابقى الا فكتور وهو يشد من جهة جانبية لكن ماقدر يتحكم بالحصان..
اللي صار يركض ويسحب فكتور على الأرض معه..
غازي وباقي العمال كانوا يركضون وراهـ ويحاولون يحصرونه بالمضمار الخاص بالخيل..
ترك فكتور الحبل لما شاف الحصان دخل المضمار وقفلوا الباب عليه..
بس كلهم تفاجئوا لما ظل يضرب الأرض ويضرب..
وصار يركض بالمضمار وبعدها قفز من على الحواجز..
وصار يركض بحرية..
هديل جمدت بمكانها خايفة ومرعوبة وهي تشوفه جاي يركض لها...
رمت نفسها على الأرض وضمت حالها بقوة..
وهي تصرخ بخوووف..
بعد لحظات حست بيدين ترفعها وتقلبها على ظهرها..
غازي برعب\فيك شيء..؟؟
هديل تناظر فيه بخوف وماترد..
غازي بعصبية\ردي ضربك الحصان...صارلك شيء..؟؟
هديل تهز راسها بلا مو مستوعبة انه ما داسها..
لو مارمت نفسها على الأرض كان الحين هي ميتة تحت أرجوله..
أستاهل جزات اللي مايسمع الكلام..
غازي يوقفها وهو مركز عينه عليها..
غازي\أكيد ما سوت لك شيء..؟؟
هديل\....... لا مــ ماشيء..
غازي\والحين بتسمعين الكلام وترجعين القصر ولا كيف..؟؟
هديل\لا بأسمع الكلام وأرجع القصر..وما اجي مرة ثانية هنا ...توبة..
وصلها القصر ورجع لـ العمال اللي مسكوا الحصان ويحاولون يدخلونه الحضيرة المغلقة في الإسطبلات...

الى الملتقى باذن الله تعالى ...
يوم الأثنين اذا أراد الله..
كونوا بالقرب من هنا ..

وكونـــــــــوا بخيـــــــــــــــــــــــــــــــــر ..

صدووود’’’

26 - 12 - 2021, 01:30 AM

البارت الثامن والثلاثون...

إذن ، تسلقت بوابة القلب.
إذن ، تمكنتِ أن ترتقي الجدران المرصعة بقطع الزجاج ، المطوّقة بالأشواك الوحشية..
وإذن ، استرقت السمع ..
فاجأتِ قلبي يتحدث مع نفسه :
" أيها الرفيق القديم ، بدأنا نشيب . بدأنا نشيخ . الثلج في كل شبر .
العنكبوت في كل زاوية . الغبار يمتص الخلايا "
وعندها بدأت مؤامرتك الصغيرة .
تواطأت مع الزهور فقالت لي إنك مررتِ بها هذا الصباح .
مكرتِ مكرك مع العصافير فكانت زقزقتها حروف اسمك.
وانضم الغيم إلى المؤامرة فتلّون بضفائرك.
ونجحت المؤامرة.
خفق القلب العجوز وصفق. وطرب ورقص .
ذاب الثلج . رحل العنكبوت. وتطاير الغبار.
وانهمرت من كل مكان سمفونية العشق المجنونة.
وأضبئت الشمعة . وأقبل الأصدقاء.
وكانت المفاجأة ...
يحتفل القلب بعامه الأول.. القلب يتحول إلى طفل صغير شقيّ يحبو.
ويموء كالقطط الضئيلة . ويعبث بالأثاث ويطارد ذيله.
ووقفت أتأمل قلبي الجديد القديم..
أتأمله ينبض على انطباقة جفنتين من النرجس.
ويصحو على تمرد شفتين من الشفق. ويستسلم سعيداً ليدين من حرير.
مرحباً بك في قلبي!

المرحوم بأذن الله تعالى..غازي القصيبي...

كانت جالسة بغرفتها...
تقرء حروف الكتاب فلا ترى الا الإنتقام يرتسم بين الحروف..
تنظر لحرف u فتتمنى لو كانت مشنقة لذاك الكريـــهـ..
وحرف g كمقصلة لقطع رقبتهـ..
تريد التركيز فدراستها والشهادة المحدوودة قد تساعدها كثيراً..

ورسالته اللتي ارسلها على جوالها..
تضيق بها وتتمنى لو تستطيع رميه بالرصاص..

العفو دام العفو للمقتدر
قدرك ربي على قلب يبيك
اما يذبحني جميلك وتغفر !
ولا انا ذابحني ذنبي قبل اجيك
انت ياللي اوسع الدنيا "صدر " !
احلم الاحباب لا جيت ارتجيك
ما عرفتك .. لين فقدانك قهر
لين صارت كل اسألتي عليك !
العناد اللي ملكني .. والكبر !
" كذبتني " عنك وقلبي مشتهيك !
جيتك آسف كلي يمك { منكسر
لمني .. بحضنك وقلي ما عليك !
صاحبي ما عن دروبي لك مفر
سقت لك عمري وتركته في يديك
قلبي مل من الجفا وجيت اعتذر
لا تعاتب من فقدك وحس فيك !

وإن إنتقمت منه كما يستحق..
هل ستنطفى النار بقلبها...

رغم مرارة الفكرة اللي تدور في بالها..
وقســـــوت اللي راح تسويه..
وصعوبة الموقف اللي راح تتعرض له مع راكان..
إلا إنها مصممة تنتقم وتذوقه نفس اللي ذاقته..

مو فضحني..
مو تكلم علي وجرحني..
سبني شتمني وتقول علي بالباطل..

والله ياراكان انك تستاهل اللي بأسويه فيك..

مرت ببالها شـــهد ...
وهي تسترجع حوارهم عن الإنتقام..
وكيف قدرت تنتقم لنفسها من زوجها..

فتحت جوالها وقررت تتصل بشهد..
لكن جوال شهد كان مغلق..
أحتارت كيف توصل لها او تتكلم معها..

فتحت المسن..
بس إيميل شهد مو عندها..
راقبت المتواجدين معها في المسن..
خانة المفضلة لم تحتوي الا على اسم واحد..
هـــديل فقط...

قفلت ايميلها وفتحت إيميل هديل..
ماكانت هذي أول مرة تدخله..
بين فترة وفترة تدخله تراسل نفسها على ايميلها..
تخاف لا يجي يوم وماتلقى الايميل..

لاحظت وجود شهد متصلة..
نسخت ايميل شهد ولما كانت بتطلع ..
انفتحت صفحة محادثة من شهد لهديل..

أفنيت عمري بانتظاري وعدها و أبليت فيها العمر وهو جديدي**

من أنتي ...؟؟

حست بصدمة شهد لما شافت إيميل هديل اون لاين..
وأكيد تبي تعرف من يكون العابث بايميل صديقتها..
الله عليك ياشهد لساتك تنتظرين وعدها..

أفنيت عمري بانتظاري وعدها و أبليت فيها العمر وهو جديدي**

مـــــــــــــــــــــــــــن أنتي..؟؟

من عقب الاحباب مكسورة مجاديفــي غرقان والموج يلعب بي على كيفــــه**

أنا غادة...

ياقلب أختك يا هديل..
كنت أشوفك تذبلين بفراق هادي...وتموتين من القلق والشوق..
حسبي الله ونعم الوكيل..صدق كانت مكسورة مجاديفك..

شهد\أنتي غادة؟؟
غادة\إيه انا غادة..
شهد\ليه..؟؟كيف طاوعك قلبك ؟؟
غادة تمسح دموعها\تصدقين لو أقولك لما ادخل احسها موجودة..
تنسيقها لايميلها..ولا التوبيك..أشتقت لها ياشهد..
شهد\وش أقول أنا..وأنا كل مافتحت ايميلي ارسل لها رسالة..
سولفت لها عني ووش صار فيني بعد موتها..
كتبت لها اني نجحت بالرياضيات بالقسم اللي اخترته عشانها..
مع اني مو فالحة فيه ولا في التخصص كامل..
قلت لها عن سعد وش سوى فيني..وقلت لها كيف انتقمت منه..
حكيت لها عن زواجي..وعن خوفي من زوجي..
غادة\تدرين أن هديــــل ماتت..؟؟
شهد تبكي\إيـــــــــه يا غادة ماتت..
غادة\يعني مابترجع..
شهد\لا حبيبتنا مابترجع..

إنقطع الإتصال وكل وحدة منهم..
غرقت بذكرياتها مع هديل..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛

كان في سيارته من صلاة الفجر وهو فيها وينتظر..
يراقب متى تطلع ام غازي من البيت لتحفيظ القرآن..
لما شافها طلعت ومشت سيارتها..
نزل وهو متلطم بشماغه..
دخل الفلة ورقى الدرج بسرعة..
فتح باب غرفتها ودخل من دون إستئذان..

صدت عنه مفجوووعة بوجود رجل غريب معها ...
مدت يدها لروب القميص تبي تلبسه..
وهي تركض هاربة منه لغرفة تبديل الملابس..
لكن يدينه كانت أسرع ومسكتها بقوة..
رشا بصراخ وخوف\لااااااااااا ابعد عني ابعد..
يومــــــــــــــــاااااااهـ..اتركني يا كلب يا حقير اتركني..
ياحيوان اتركني..
زوجي بيجي الحين وبيذبحك اتركنيييييييييييييييييييييييي..

ضربته على وجهه بقوة وسحبت نفسها منه ..
لكن يدينه كانت تضغط على عضودها بقوووة لحتى حست انها راح تتحطم بين يديه..
رشا تبكي برجاء\تكفى اتركني الله يخليك وش تبي مني وش تبي..
الحين خذ الفلووس وخذ الذهب اللي تبيه خذه بس اتركني..

للحظة طرى في باله لو يغتصبها من دون ماتعرف من يكون..
وتعيش بالقهر والخزي اللي عيشته فيه..
بس هو ماهو بمثلها..وقلبه عايفها وكارها..
طول ماهو برحلت الرجوع..
والأفكار والظنون تتوالد براسه..
بس ماكان يقتنع باي فكرة مهما كانت راجحة..
هي تزوجت وهي حامل..
والأكيد من بعد ما تاكد ماهو بولد سعود..

راجح بصوت حاد\الولد منهو أبوهـ..؟؟
رشا بصوت مقطوع من الصراخ\رر ر اجـ.. ــح
راجح يمسك فكها بقوة\منــهو ولــدهـ ..؟؟
إنطقي قولي الولد وش اسم أبووووه تكلميييييييييييييييييييييييييييييي؟؟
رشا تبكي\أنت وش تسوي ابعد عني يامجنون..
اتركني راجح اتركني..
راجح يثبتها على الجدار\قولي وش اسم ابوووه..
من ابوه تكلمي..
رشا برعب\أبو من..؟؟ابعد عني
راجح\ولدك يا كلبة من يكون ابوووه؟؟
رشا بصراخ\ولد أبوووه ولد سعووود..
انت استخفيت اتركني..
راجح\كــــــــــــــــــذابة مو ولد سعووود مو ولده..
رشا تبكي\والله ولد سعود والله العظيم ..
راجح\كذابة خاينة..
سعود لما تزوجك ماكان يقدر يجيب عيال..
سعود مايجيب عيال يا كذابة..
رشا منهارة\ولد سعود ولدهـ..
راجح\أنتي ولدتي بعد زواجك بست شهور بولد كامل..
كيف تولدي بولد ما تمم شهوره التسعة ويكون كامل كيف..؟؟
رشا برعب\ممم ..مـ ن ربي..أنت مو أكرم من الله..
الله عطاني اياه كامل..
راجح يهزها بقوووة\سعود مايجيب عياااال من أبو الولد من؟؟
رشا تشهق\مـــــــــــــــــــــــــــ أدري..ما أدري من يكون أبوه ما ادري..

راجح من بعد كلامها حس الدم يطفر من عيونه..
والأعصاب راح تنفجر براسه..
مو مصدق رشا تكون كذا..
والمصيبة انها ماتعرف من ابو ولدها..

راجح باحتقار ضربها كف\مـــن كثــرتهم ماعاد عرفتي من أبوووهـ..
ماعدتي تعرفين من يكون أبو ولدك يا يا ..... ولا كلمة ممكن توصفك..

رشا تبكي من الخوف ورهبة الموقف..
مو قادرة ترد عليه..
ولا تشرح له اللي صار..
هو مو مساعدها ابدا..
يصارخ ويسب ويشتم..
رشا\لا والله لا مو كذا اسمــعنــ ......
راجح يحط يده على فمها بقوة\ولا كلمة..ولا تحلفين بالله..
تسدين حلقك وتنكتمين..
كيف خدعتيه وخليتيه ينسب الولد له..
سعود تعرض لحادث قبل زواجكم ومن بعدها مايقدر يجيب عيال..
ولما تزوجك وعرف انك حامل كلمني وقال زوجتي حامل..
وقلنا ان الفحوصات كانت غلط وصدقته..
صدقت سعود وهو كان يغطي عليك..
وأنتي كذابة يا حقيــــــــرة..
والمصيبة ماتعرفين من ابوووه ماتعرفين..
رشا طاحت ع الارض تبكي..
رشا بصوت مخنوق\أنــا مدري هو سعود ايه سعود..
راجح\ماهو بسعود يا الكذابة..
رشا\بلى بلى اكيد هو ولد سعود ايه هو ولدي ولدي..
راجح\ولدك ماهو بولدنا..

راجح طلع من الغرفة ووقف عند الباب قبل يطلع.
راجح بقــــــــــسوة\أنتــــــــــي طــــالق..

أنا اللي كنت مع سعود بعد الحادث اللي صار عليه..
وأنا كنت معه في علاجه..
الفحوصات اثبتت ان سعود مايقدر يجيب عيال..
بس ليه كذب علي وقال ان زوجته حامل وبيجيه ولد او بنت..
ليه غطى عليها..
لايكون غازي اجبرهـ..لانها اخته..
بس غازي ماهو بنذل..
يدفنها ولا يسال فيها بس ما يداريها بهالشكل..
نصبت على سعود وخلته يتزوجها..
وانا اقوول كل شيء صار بسرعة..
اتاريها كانت تبي تستر على نفسها قبل لا يظهر حملها..
ياصدمتي فيك يارشا..
كيف مثلت دور البريئة المسكينة..
رحمت رعبها مني وماقدرت افسرهـ الا لانها وفية لسعود..

خرج وتركها طايحة على الأرض محطمة من تصرفه معها..

كانت تصرخ تنادي عليه..
بس صوتها ماطلع من داخلها..ظلت صرخاتها مكتومة بجوات صدرها..
ضمت نفسها وهي تبكي بصوت عالي..
دخلت الخدامة وهي شايلة غازي الصغير..
اللي نزل من يدين الخادمة وراح يركض لها ..
ضمته بقووووة وهي تتنفس ريحته..
رشا بحزن\رجـــع من يظلم أمك يا يومـــه..
رجع من يقهرها فيك يارووووحي...

:::::::::::::::::::::::::::::::::::::::::::::::

26 - 12 - 2021, 01:31 AM

كان جالس في مكتبه ومركز بالأوراق اللي قدامه..
وهي جالسة معه بنفس المكان..
ماسكة المفكرة الالكترونية الخاصة فيه..
وتقراء اشياء تعرفها واشياء ماتعرفها..
واذا توهقت بشيء تقفل الجهاز وتشغله من جديد..
ماتبي تساله او تطلب منه يعلمها على شيء..
ومع انها تدري ان حركتها هذي ممكن تعدم المفكرة..
بس حطت نفسها بالمرتبة الاولى على غازي وعلى مفكرته..

صوت الجوال خلا اثنينهم يرفعون راسهم ويناظرون في بعض..
شاف الرقم ومارد على الاتصال..
بعد دقايق اتصل نفس الرقم مرة ثانية..
في البداية هديل ما اهتمت للمتصل ومن يكون..
بس سمعته لما كان يتكلم بالعربي..
مابين لها من ردووده من اللي على الخط معه..
وهي طنشت وماسمحت له يدري بفضولها ..
لحتى ناداها..

غازي\رسل..تعالي كلمي..
حست برجفة قوية بقلبها..
وحست ان كيانها ممكن ينهار بلحظة..
معقولة سامحني..وبيعتقني..
أمـــــي..
هذي أكيد أمي..
قامت تركض وتعثرت بطريقها ..
وصلت عندهـ بسرعة وهي طايرة من الفرح..
أخذت الجوال منه بخفة..
هديل بشووق\يومـــــــه ياروووحي..
وحشتيــــــــــــــني..
.....\هلا هديل كيفك يابنتي..؟؟
حست باختناق..
وكانها انضربت على بطنها بقوة..
ماقدرت ترد..لان الصوت مو صوتها..
الوله مو وله أمي..
بنتي..هذي ماهي بكلمة أمي..
هذي ماهي بامي..
هذي أمــــــــــه..
أمــه هـــو..مو امــــــي..
أم غازي\هديل وينك أنتي معي...؟؟

نزلت الجوال..
وعيونها مركزة بعيونه..
نظرات ألم..
تقابلها نظرات خاصة فقط بذاك الجلمود..
ولا تعلم بأنها الوحيدة اللتي تحظى بتلك النظرة منه..

يــــاربي أصبحت حالي كحال اليتامى..
مستحيل عليهم سماع حروف الراحلة..
ومستحيل علي سماع صوت الغالية..

يا آســــــــــــري..
كم من طعنة تخبى لــــــي..؟
وكم من صفعة ستضربـــني..

كم هو قاسٍ ذنبي..
عندمـــــــــا أذنبت بحقك..
نعم اذنبت يا ساجنـــــــــي..
فعاقبني كما تشتـــــهي..
ذنبي لا يــــــغتفر..
قد أكون أحرقتك حيـــــــــــاً..
أو شوهتـــك ب بالإيسيــد عمداً..
نعــــــم ذنبي أنا لا يغتفر..

لكـــــــــــــن أجبني أرجوك...

مـــــــــــاهو ..
مانـــــــوعه..
ما أصلـــــه وعمرهـ..
ذاك الذنب اللذي أنا أقترفته بحقك...ماذا يكون..؟؟

مـــــــــــــــــــــاهو ذنبــــــــــــــــــــي ...؟!

مد يدهـ لها ينتظر منها تحط الجوال..
ناظرت يدهـ ورجعت تناظر عيونه..
وبتحدي وكردت فعل اللي صار..
غمست الجوال بكأس الماء اللي على الطاولة..
وخرجته ورجعت تغمسه..
هديل بصدمة مصطنعة\آآآآآهـ طاح بالمويــــا..
ياحــــــرام مسكين مات غرقان..

وهي واثقة تمام الثقة إنه راح يعاقبها على هالشيء..
بس اللي صار كان بعكس توقعها..
حط يدينه ورى رقبته وتراجع بالكرسي..
وكانه يتابع مشهد مسرحي..

ردت فعله ما أرضتها..
فقررت تثير أعصابه أكثر..

ضربت كاس الماء بأصابعها..
طاح الكاس على المكتب..
والماء غرق الأوراق..
ووصل بعض الماء لجهازه المحمول..
أخذت بعض الاوراق البعيدة عن الماء..
وحطتها على الماء على اساس انها تحاول تجفف المكتب..
هديل\شكل كأس المويا هذا مو راضي عليك..

بقى على نفس جلسته مايتحرك فيه غير عيونه..
اللي تراقبها بنظرات قهرت هديل..
وكانها نظرات معجبة باللي تسويه..

ضربت المفكرة الإلكترونة بالأرض بقوة..
وشهقت بغرور\يـــوهـ طاحت..الله يعوضك عنها..

كانت عيونها تشع تحدي..
وهي تشوفه يوقف ويقرب منها..
تراجعت خطوتين عنه..
وهي مقهورة من خوفها ال لا إرادي..
فصار ابتعادها عنه كل ماشافته شيء ماتقدر تتحكم فيه..
رغم عنها جسمها يتراجع بخووف..
بينما نفسها تحاول تكون اقوى..

غازي يهمس قريب منها بصوت هادى ورايق..
.....\فـــــــــدوة لك...

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

هذا ثالث يوم يمر عليها وهي على حالها..
حابسة نفسها بغرفتها وتبكي..
كل ماتذكرت كلماته لها..صراخه فيها..
تخاف وتضم نفسها اكثر..
ماقالت لأم غازي ان راجح طلقها..
ولا قالت لطالب..
ماتبي تطلع من بيت غازي..
تحس انها بخير وبتظل بخير..
هنا عاشت مع سعود قبل وفاته..
وهنا تبي ولدها يتربى في بيت أبوهـ..
مع عمه وأمه وهله..
والغيــــر مالها غاية فيه ...

ناظرت بغازي النايم بحضنها..
مسحت على وجهه وهي تبتسم..
رشا ببحة\عادي ولو قال فيني وقال..
المهم انك لي ولدي حبيبي..
اللي ما يبيك ما أبيه..
أصلا انا من زمان أكرهه..
من لما كنت صغيرة واجي عند اخوي غازي..
كان يهاوشني على شعري القصير ويقول خليه يصير طويل..
كان يخليني البس عباية غصب عني..
ولما يدرسني رياضيات كان يضرب أصابعي بالقلم اذا جاوبت غلط..
وهو يوقع على أوراقي ويتابع درجاتي..
مايخليني اطلع مع غازي دائما يقول هو المسئول عني..
أنا ما أحبه..من زمان ما أحبه..
ما أحبــــــــه..
أنا أحبك انت..
أنت حبيبي وقلبي..انت اللي ابيك بدنيتي..
مو مهم اتزوج وأعيش مثل الناس..
ولا يهم يمر عمري وانا بريئة مظلومة..
أنا ربحتك بذنب ماهو بذنبي..
ربحتك لأنك ولدي..انت ولدي..
وراجح ذاك ما ابيه..
مهما ملكني ما ابيه..

الله يسامحك ياسعود على سواتك فيني الله يسامحك..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛

في الخبــــــــــــــر مول ...

تحس أنها مبسوطة لأنها رجعت للحضارة...
كانت تحس بكبت وضيق في البيت لوحدها..
وهي ماتعرف احد في الشرقية الا طالب..
وهو طول اليوم برا البيت..
ولما يرجع على اخر اليوم تحضر العشاء له وبعدها تختفي لغرفتها..
حاول يتكلم معها..
لكن ماكان عنده اي فكرة كيف يبداء بالموضوع..
كيف يحاول يصلح بعض ظنون شوق..

دخلت فنيسيا وبدت تتشرى احسن الجزم ..وأنتوا بكرامة..
فلات..كعب عالي..
أعجبها بوت لحمي وكانت بتاخذهـ..بس لما سمعت راي طالب غيرت رايها بسرعة..
طالب\زين أخذتي بوت..ماهي بعوايدك..
رمت البوت بمكانه عناد..
وأخذت كعب ثاني..
شافت فستان أورانج رايق..
قصير لتحت الركبة..
نسقت معه شنطة وجزمة..
وأنسحبت عند المكياج والعطورات..

طالب\وش هذا كله..لايكون عروس؟؟
شوق\أي عروووس..لاتنسى أني ماجهزت شيء للعرس..
وهذا أحسن لك طبعاً..لان فلوسك بتظل برصيدك..
طالب\لاتستفزيني بمكان عام..لما رجعنا البيت يصير خير..
شوق\لا عام ولا في البيت..
عادي اذا ضايقتك الأغراض هذي..
خلاص ولا يهمك ماابيها..
عن إذنك..

طلعت شوق من المحل من دون ماتأخذ اغراضها..
طالب خرج معصب من تصرفها..
لما يحاول يتكلم معها في البيت ماتعطيه فرصة وتهرب منه..
بس لما يصيروا بمكان عام...
تلسعه بالكلام..
طالب يمسك يدها بقوة\وعزة الله وجلاله لو تسوينها مرة ثانية..
وتعطيني ظهرك لأكون كاسر ظهرك ولا اهتم فاهمة..
شوق\اترك يدي..وجعتني..
طالب يشد عليها اكثر ويسحبها معه للمحل..
شوق\ما ابي شيء..
ولا راح أخذ من فلوسك ولا خيرك أتركني..
طالب يكلم القائمين بالمحل..
يلموا الأغراض وحاسب عليها..

كان بيطلعها من المول لكن كانت خايفة تظل معه بالسيارة لحالهم..
مو خايفة من صراخه أو معاتبته لانها تركته بالمحل..
خايفة لا يستخف فيها وفي كلامها لما قالت عروس..
تخاف يجرحها اكثر وهو مايحس فيها..
سحبت يدهـ ووقفته..
شوق برجاء\طالب ابي اتعشى اول..
طالب يناظرها\مو تونا تعشينا قبل ساعتين بالمطعم..
شوق\أنا دائما أتعشى مرتين..لازم عشى ثاني..
طالب يضحك\ههههههههههههههههه لا والله اللي فلسنا..
طيب يالله نتعشى عشاء ثاني..بس مايبين عليك التخمة..
شوق\بسم الله علي..لا انا صح أتعشى مرتين ..
بس ما اكثر بالأكل..كل شيء اوزن لنفسي منه..
طالب\كم وزنك..؟؟
شوق تشهق\عيب تسال المره عن وزنها..
طالب\هههههههههههه ليه ..
شوق\طيب انت كم راتبك؟؟
طالب\لاتسالين الرجال عن راتبه..
شوق\ههههههههه شفت..
طالب\بس المره ماتحب تقول عمرها على كلام رشا..
شوق\العمر والوزن ادهى من بعض..
طالب\ياساتر عندكم أسرار مدري وش تبي..
تحس الوحدة فيكم أن عمرها مصيبة مالازم احد يدري فيه..
بالعكس الوحدة لما تقول عمرها ان كانت كبيرة..
بيقولون عنها عاقلة ورزينة..يعتمد عليها..
شوق\مخرفة عجوز راحت عليها يالله حسن الخاتمة..
طالب\هههههههههههه ماكنت ادري انك تفكرين كذا..
شوق\بس انا كنت ادري كيف انت تفكر..
طالب\شو..........
شوق تقاطعه\بعكس الرجال..
لما يكون عمره كبير الكل يمدح فيه عاقل..
قد المسئولية..يعرف العلوم والمراجل..
بس اذا كان بعمر البنت اللي بنظركم كبيرة قلتوا بزر..
ماعليه عمدة ولا ينعطى راي..
خلوه يكبر..
طالب\وأنا من أي فئة..؟؟
شوق\من فئة غازي أخوي..
طالب\ونعم الفال..
شوق بحسرة\إيـــــه على قولك..
طالب\وش اللي كدرك..؟؟
شوق تشرب ماء وماردت عليه..
طالب\سالتك وش اللي كدرك..؟؟
شوق\أتخيـ....ل لو أنت مثل غازي..
تعاملني مثل ماغازي يعامل هــــ....

ستظلين جرحاً غائراً في روحي..
فرغم جهلك عن طالبي..
فانا اعلم بان لك مكانً عظيماً في قلبه..

طالب\تقصدين أضربك؟؟
شوق بكذب\لا مو هذا قصدي..
طالب\بس انا ضربتك لاتنسين..
شوق\اشوفك مفتخر باللي سويته..
طالب\أذكرك..إني أشبه غازي..
شوق\بس غازي قاسي..
وانا مانسيت عشان تذكرني..
طالب\غازي قاسي؟؟؟
شوق\ليه بتنكر قسوته على رسل..
طالب\وأنتــــ ................
كان راح يقول وأنتي كنتي قاسية عليها..
لكن تدارك نفسه وبتر كلامه..
شوق تبتسم\وانا كنت قاسية عليها ايه صح..
ابي ارجع البيت..ممكن..

طلعوا من المطعم وحركوا على بيتهم..
كان راح يتكلم في السيارة لكن شهقة شوق منعته من الكلام..
فأجل الكلام لحتى يوصلوا البيت..

دخلت شوق البيت قبله..
وهو كان ينزل اغراض من السيارة..
طلعت غرفتها بسرعة وقفلت الباب عليها..
ماتبي تتكلم معه..
ماتبي تنجرح أكثر..

:::::::::::::::::::::::::::::::::::::::::::

كانت واقفة على بلكونتها..
وفي بالها تمر تفاصيل هالغربة القاتلة..
دائما تنسى انها في بيت مو بيتها..
تنسى الاشخاص اللي معها..
تتخيل احبابها معها هنا..
لان تخيلها لهم بهالمكان..
صار اسهل من انها تتخيلهم في بيت هلها..

تذبحها الذكرى..
اليوم كملت سنة وهي بغربة عن أهلها..
بمثل هاليوم أخذها وغربها..
قهرها ..
يتـــــــمها..

لما سحبوها الحريم غصب عنها..
وابوها راح من دون مايودعها ويطمنها..
وذاك الجلمـــــود..
أول موقف معه..
نظراته عصبيته..
حبسه لي..
ولما حاول يخنقني بالسيارة..
ولما ركبني الطيارة بالغصب..

غربــــــــــــــــــني ..

تناظر على مدى المزرعة..
الثلج مع القمر يسبب هذيان للخواطر..

وبالقرب من بلكونتها..
كان واقف مثل وقفتها..
يميز وقفته عنها..القوة..والثقة..
بينما هي واقفة بتعب وبحنين..

هي تناظر للبعيد..
وهو يناظر للقريب..

ضامة نفسها بوشاح ابيض..
وهو مكتفي بكنزته السوداء..

يتسال اذا كانت تدري وش يكون اليوم..
وسهرها هذي الليلة هل هو لانها تعرف التاريخ..
وتتذكر تفاصيل هاليوم..

مشى بهدوء باتجاها..
مايبيها تحس فيه..
لانه واثق انها ما انتبهت لوجوده على نفس البلكونة الكبيرة..
وواثق انها ماتدري ان هو واياه مشتركين بنفس البلكونة..

حست بـأحد يوقف وراها..
من دون ماتلتفت عرفت من يكون..
مافيه غيره يقدر يدخل غرفتها..
ومافيه غيره يتعدى الحدود معها..

غازي بغموض \سنــــــــــــة ..
هديل بحسرة\سنــــــــين..

غازي\أروع سنة مرت علي بعمري..
هديل\أقسى سنــــة..
غازي\متى تتقبليـن الواقع..؟؟
هديل بغصة\بكــرهـ يجون..
غازي\باقي عنــدك أمل..؟؟
هديل\بكـــــره يجون..

الين اليــوم ... و أنا عندي أمل فيهم
و لا مر يوم ... الا في تحـــــــــــريهم
و لو طال انتظاري ... سنين و سنين
اكيــــــد في يوم القاهيم

غازي بهمس\نســــــــوك ...
هديل\مـــــا نسيت..

قرب منها أكث وهي ألتفت باتجاهه..
مسحت دموعها ومدت يدها بوجهه..

هديل بشهقات\وعدتني تحترم حدودي..
وعدتني ماتضايقني..
خلك بعيد عني خلك بعيد..

غازي يمد يدهـ لها
يحاول يفهمها وش تكون بالنسبة له..
غازي بولهـ \تعالي..
هديل بضيق\ما أبيــــــــك ..
غازي\أنتي تدرين وش صرتي تعنين لــــي..
هديل تبكي\ما أبيـــــــــــك..
غازي\وأنا أبيـــــ......

حطت يدها على فمه بسرعة..
منعته من الكلام..
ماتبي تسمعه ماتبي تعرف..
هي مو جاهلة بنظراته..
مو جاهلة بتصرفاته..
محاولاته يبقى قريب منها..
وهذا أكثر شيء مخوفها ومرعبها..
ماتبي تعرف..
تبيه يظل يضربها أهون من رقته وحنانه..
أهون يطعنها بالخناجر ولا يحاول ياخذ أكثر من اللي خذاه منها..

باس يدها وضمها على صدرهـ..
غازي\صرتي هنـــــــــــــــــا...

سحبت نفسها منه وضربته على صدرهـ..
ضربته بقهر وضيق وزعل..
بخوف ورعب..

كانت تهمس بصوت مخنوق وهي تبعده عنها..
...\ما أبيـــــــــــــــك ...

الى الملتقى باذن الله تعالى يوم الجمعة ..

كونوا بالقرب من هنا ..

كونوا بخير...

26 - 12 - 2021, 01:58 AM

ربــــــــــــاهـ ..
أكتب بأم الكتاب لديك وصلهم..
وقدر لي بعد الغياب لقائهم..

رأيت بأنه تم نقاش وتسئول عن هذي العبارة اللي حددتها باالأحمر ...

وربما كما وصلني من تنبيه ان هذا يعتبر مساس بالدين...

وربما ادعو الى التوسل بسورة الفاتحة وطلب شفاعتها..

عذراً لدي الحق في الدفاع عن نفسي ,,,,

التوضيح ...

قصدت بأم الكتاب هو كتاب العبد عند ربه وماكتبه له الله من الحظ ومن الحياة..

قال تعالى:"يمحو الله ما يشاء ويثبت وعنده أم الكتاب"

قال رسول الله صلى الله عليه وسلم " يفتح الذكر في ثلاث ساعات يبقين من الليل في الساعة الأولى منها ينظر في الذكر الذي لا ينظر فيه أحد غيره فيمحو ما يشاء ويثبت "

قال الشيخ ابن عثيمين رحمه الله في تفسير سورة ق :" {عن اليمين وعن الشمال قعيد }، قاعد مستقر، أحدهما يكتب الحسنات، والثاني يكتب السيئات، هذا المكتوب عرضة للمحو والإثبات،لأن المكتوب الذي بأيدي الملائكة عرضة للمحو والإثبات لقول الله تعالى: {يمحو الله ما يشاء ويثبت وعنده أم الكتاب }. يعني أصل أم الكتاب هو لوح محفوظ مكتوب فيه ما يستقر عليه العبد، فما يستقر عليه العبد مكتوب، لكن ما كان قابلاً للمحو والإثبات في أيدي الملائكة، قال الله - عز وجل -: {وأقم الصلاة طرفي النهار وزلفاً من الليل إن الحسنات يذهبن السيئات }. حسنة تذهب السيئة وتمحوها بعد أن كتبت، وهذا باعتبار ما في أيدي الملائكة، أما أم الكتاب الأصل مكتوب فيها ما يستقر عليه العبد "

اختلف المفسرون في ذلك فقال الثوري ووكيع وهشيم عن ابن أبي ليلى عن المنهال بن عمرو عن سعيد بن جبير عن ابن عباس : يدبر أمر السنة فيمحو الله ما يشاء إلا الشقاء والسعادة والحياة والموت وفي رواية "يمحو الله ما يشاء ويثبت ’’]" قال كل شيء إلا الموت والحياة والشقاء والسعادة فإنهما قد فرغ منهما وقال مجاهد " يمحو الله ما يشاء ويثبت " إلا الحياة والموت والشقاء والسعادة فإنهما لا يتغيران وقال منصور سألت مجاهدا فقلت أرأيت دعاء أحدنا يقول : اللهم إن كان اسمي في السعداء فأثبته فيهم وإن كان في الأشقياء فامحه عنهم واجعله في السعداء فقال حسن : ثم لقيته بعد ذلك بحول أو أكثر فسألته عن ذلك فقال " إنا أنزلناه في ليلة مباركة " الآيتين قال يقضي في ليلة القدر ما يكون في السنة من رزق أو مصيبة ثم يقدم ما يشاء ويؤخر ما يشاء فأما كتاب السعادة والشقاء فهو ثابت لا يغير

هذا كان توضيحي للمقصود بأم الكتاب ...

**************************************

#على لسان البطل غازي طلب دعوة للمغفرة من احد

الانبياء وهو عسيى عليه السلام نشر معتقد ان غير الله
سبحانه وتعالى بيدة المغفرة حكمه لديك فانت اعلم
مادمتي نقلتيه ودونتيه
هل تم توضيحي لانك هادمه لفكر امه

لازلتي مخطئة مرة أخرى..

ليس غازي هو من تلفظ بهذا القول..
بل نزار قباني..

وأنا أقررت بغلطي عندما أقتبست لنزار قباني..
فكان يجب أن أحذف قوله عن المسيح..
وعممت الاعتذار وتم نشره بكل المنتديات..
ألم تقرئي الإعتذار...؟؟
لا بأس سأقتبسه لأجلك ..

عفواً..

عندي كلمة وجب قولها..
أنا أنسانة لست معصومة من الغلط..أو الوقوع في الخطاء..
وبذلك حبيت اعتذر عن الجدل وسؤ التفاهم اللي صار بالرواية..
أيقنت بأني أخطئت عندما أقتبست قصيدة لنزار قباني ولم أحذف منها قول لا يناسب ديننا الاسلامي..
فنزار يقول هو لا يغفر كالمسيح..
ونحن نقول لا أحد يغفر الا الله..

ولكننا نظل أخوة مسلمين ويجب على المسلم أن ينبه أخاهـ المسلم إن أخطاء او ظل..
و يتعذر لأخيه ألف عذر على خطئه قبل الحكم عليه بقسوة..

أنا انسانة لي عثراتي ولي سقطات..
قد أقع في الغلط دون إدراك أو قصد..
وبذلك أحتاج النصيحة والتوجيه..
ولكن النصيحة تكون بتوجيه صحيح وليس بتصيد الاخطاء..
..الدين النصيحة..

أردد ماقلته سابقاً قبل بدء الرواية..
أنا منكم وأبنتكم..
يهمني رضاكم ..
تهمني قلوبكم ..

وأسغفر الله العظيم عن كل ذنب أذنبته علمته أو جهلته..

هذا كان أعتذاري عن خطئي...

انتظري الكاتب تركي الحمد اللذي اشهرتي انك احد

تلاميذة كان ومازال من اعداء الامه
وشبابها الأبي وخاصه الشعب السعودي

لا أعلم هل تقرئين الصحف ولكن بالتأكيد تشاهدين
الفضائيات
لقد ظهر منذو وقت قريب على قناة العربيه في سب صريح
للرسول صلى الله عليه وسلم
بأبي انت وامي يارسول الله
هل تريدين توضيح أكبر
تشويه صورة الرجل وخاصه السعودي وجعله وحش يضرب
بالسياط
قد يكون هذا خيالا مباحا لو لم تدرجين ماسبق في حق
الدين

سابقا

سأسالك سؤالاً وحسب إجابتك لـ السؤال تجدين جوابا لانتقادك..
إن تكلم معك إنسان بشكل لبق ومحترم..
بحروف طيبة وليست هادمة..
قائلاً يافتاة بارك الله لك بذكائك..
وأسبغ عليك وأستزادك..
بحفظ الله أكملي ما بدأتي..

هل تنفرين بوجهه وتصرخين ..
هل تشتمينه وتقذفينه بأنواع الألفاظ والمساوىء..
هل تقولين يا ......
ويا........

أم تقولين شكراً وتحتفظي بآرائك الخاصة عن هذا الشخص لنفسك..

لا إله الا الله محمداً رسول الله...
لن يؤاخذني ربي بذنب غيري..
ولا تزر وازرة وزر أخرى...

فكيف لي أن أسي إلى شخص لم يقل لي إلا كل خير..

ملاحظة..
ماوصلني مجرد رسالة صغيرة فقط.
من أحد ما..يوصل لي راي هذا الأستاذ..

إنتهى الجدل بهذا الشأن..

*************************

عزيزتي ساهمي ببناء امة

تكون مدعاتنا للخير بالدين

الاسلامي الحنيف

بين فتياتنا المراهقات

لا أقول إلا فلتتقي الله ....
هل من بين ال38 جزاءً اللتي مضت لم تقرئي بروايتي ذكراً لله..
هل أجحفت بذكر ربي ورسوله..
ألم يكونوا شخصيات اللرواية مسلمين..
عند لحظات الغضب ألم يقولوا فلنذكر الله..
الم يقولوا فلنصلي على النبي عليه الصلاة والسلام..
ألم يطلب راجح من شوق ورشا التحلي بطباع النبي الكريم..
ألم تستنجد هديل من بداية الرواية الى ماوصلنا برب العالمين..
ألم يقم غازي بتهدئتها الا بسماع القران الكريم..
عندما إنهارت ففتح جواله على صوت السديس بإحدى سور القران الكريم..
ألم يطمئن قلبها بعد ذلك..
ألم أذكر شوق هديل لقراءة القران وإفتقادها لكتاب الله تعالى..

ألا أذكر في بداية كل بارت السلام عليكم ورحمة الله وبركاته ...

لستي وحدك من أدعيتي هذا...
بل كثيرون جداً..

أخواتي ليس غريبا أن نحتار بشيء لم نفهمه..
وليــــس غلطاً ان نسئل ونستوضح..
ولكن الغريب أن نسمح لأفكارنا أن تدين بلا أدلة..

كونــــــــــــــــــــــــــوا بخير

صدووود ’’’

26 - 12 - 2021, 01:59 AM

البارت التاسع والثلاثون...

في الفجر كنت أتمشى في الحديقة الحسناء..
اجمع الورود..
عندما سمعت فجأة غناء البلبل..
وا أسفاه ! لقد أحب وردة .. مثلي..
وهو يتعذب بحبه .. مثلي..
ويمضي يرسل في الآفاق ..
تشييح ألمه..
مضيت أتنقل بين الأزاهير ..
بخطوة حزينة بطيئة..
أفكر في القصة الفاجعة.. الحب .. والوردة .. والبلبل..
كم كانت تلك الوردة جميلة !
أحبها البلبل بعمق..
لك يكن بوسعة البقاء بدونها..
ولكنه لم يحظ منها بكلمة حنان واحدة..

المرحوم باذن الله تعالى..غازي القصيبي ..

حطت يدها على فمه بسرعة..
منعته من الكلام..
ماتبي تسمعه ماتبي تعرف..
هي مو جاهلة بنظراته..
مو جاهلة بتصرفاته..
محاولاته يبقى قريب منها..
وهذا أكثر شيء مخوفها ومرعبها..
ماتبي تعرف..
تبيه يظل يضربها أهون من رقته وحنانه..
أهون يطعنها بالخناجر ولا يحاول ياخذ أكثر من اللي خذاه منها..

باس يدها وضمها على صدرهـ..
غازي\صرتي هنـــــــــــــــــا...

سحبت نفسها منه وضربته على صدرهـ..
ضربته بقهر وضيق وزعل..
بخوف ورعب..

كانت تهمس بصوت مخنوق وهي تبعده عنها..
...\ما أبيـــــــــــــــك ...

غازي\مرت سنة لازم تنسين....
هديل تبكي\اتركني ياكريـــهـ ..وعدتني والله وعدتني...
غازي يمسك وجها بين يدينه\وعدتك بس أنتي تجبريني أنكث وعدي..
هديل\والله ماسويت شي والله...اتركني.
غازي بهمس\وهو بقى شيء ماسويتيه...؟؟
عضت على خده بقوووة وغرزت أظافرها برقبته...
تركها وركضت على البلكونة هاربة منه..
دخلت غرفته وقفلت باب البلكونة الزجاجي...
توجهت لباب الغرفة الرئيسي وقفلت الباب..
طفت كل الانوار وطاحت على ركبها تصرخ بخوووف..
ضمت نفسها وهي ترجف بقوووة..
هديل بنحيب وصوت عالي\الله ياخذك ويريحني منك..
الله ياخذك وياخذني..ضاقت الدنيا بوجودك ضاقت علي..
ما ابيييييييييييييييييييييييييييك تسمعني ما ابييييك ياكلب ياحيوان..
ابقى بعيد عني رجعني لأمــــــــــي أريد امي...
يوممممه آآآآهـ يومه وينك تعالي..الله ينتقم منك..
الله يجازيك بقهري...
مسحت فمها وخدهابشدة وهي تردد..
هديل بقرف\مقرررف مقررررف ..
أكرهك الله ياخذك..

وقفت بسرعة دخلت دورة المياهـ..
أجبرت نفسها تستفرغ...
غسلت وجها ورقبتها وفركتها بالشامبو وصابون اليد والمطهر...

طلعت وانسدحت على السرير وهي تبكي..
تناجي نفسها او طيف يتهيىء لها...
اهربي..اهربي يامجنونة قبل يسوي لك شيء..
هذا مجنون مايخاف الله..حقييير..
اهربي منه قبل تندمين..

هديل بهمس\طيب يوبه انا أوريك..
سنة ومالقيتني..
ولا كنت تبي تتخلص مني..
وش وسيت عشان تنساني وتنسى وعدك..
وعدتني مايهنى فيني الحقير..
طيب وين وعدك...؟؟
يمكن ماعرفت وين الاهبل هذا موديني..
أو تعبان ومو قادر الحين تسافر..
بس لا تتأخر أكثر..
ترى ماعدت اقدر أصبر..
اذا ماجيت هربت منه..
والله اهرب منه ولا اذبحه..
ما ابيه يلمسني..
يوببببببببه تعال تكفى تكفى...

رفعت راسها وناظرت على اللي مضايقها..
كان شيء غريب ماعرفت وش يكون في الظلام..
شغلت الأبجورة وشهقت بصدمة مخنوقة لما شافت اللي على الوسادة..
هديل بصوت مبحوح\شــ ... ـــعري ...
كانت جديلتها ..شعرها..
كائبتها وحزنها ..
خوفها ورغبة هربها..
رمت الجديلة على الأرض بعيد عنها...
دامه يحبها ما ابيها...

ياربي ألهمني القوة والصبر يارب...

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

انسدح على سريرها ويده على خدهـ..
يتضايق لما يخوفها ويرعبها بهالشكل..
بس وجودها صار يجبرهـ ينسى كل شيء..
ينسى وعده لها..
ينسى خوفها وبرائتها..
مايشوف غير أنثى تسلقت أسورا قلبه..
تملكت مالم يمتلكه قبلها انسان...
شعور غريب يداعب قلبه..
لما يفكر هي نايمة بغرفته وهو نايم بغرفتها..
ناظر بجهة باب غرفتها وابتسم لما شاف كرسي ورى الباب..
إلى هالدرجة تخاف...
حط يده تحت راسه..
حس بوجود شيء تحت الوسادة..
رفعها وشال المفكرة اللي كانت تكتب فيها...

فتحها بلهفة لقرائت مافيها...

عندما أعود من غربتي..
سأبصق الماضي خلفي..

لن أسجن نفسي بذاكرتي..
ولن أذكرك بمنامي..

ستبقى سراباً لا يصلني..
ومهاجراً تبغضك بلادي..

يا آسري:
سجنك لا يحويني..
حقدك لايكويني..
كرهك لي يحييني..
انتقامك مني يسليني..

يا آسري:
سأرحل عنك يوماً...
إما هديلاً أو جثتاً ..
فإلى ذاك اليوم وداعاً..

بصفحة أخرى...

أيها الجنون لاتسكن عقلي..
فلتبق لي بعض الفنون..

كوابيسي لا تحكي وجعي..
بل تشوقني للقلب الحنون..

وبأخرى...

اين عكازك أبي..؟؟
لم اسمع صوته منذ زمن..
لايضرب الأرض كالماضي..
لايطرق باب غرفتي..
أرهف سمعي..
لكن السمع يخذلني...
أرهق عيني..
والنظر اصبح يبكيني..

عكازك أبي..
يتردد صداهـ بذاكرتي..
تتخثر بقدومه جروحي..

هــــل فقدت عكازك يا أبــــــــي ؟؟!
أم نسيـــــــــــــتني ..؟؟

وأخرى...

سنيني الماضية..
طفولتي الدفينة..
دراستي نجاحي وطموحي..
لا تنتظريــــــني..
فأنا راحــــلة إلى الغياب...

أخذ القلم وسطر حروفه القاسية الحنونة..

أسيرتي الغالية..

ان خسرتك وين ابلقى لك شبيهه

وانت من كل شي نادر تحتوي

انت حتى الجرج منك اشتهيه

من غلاك اضم عذابك وارتوي

ليه اسولف لك من غير ليه؟؟

تعرف انك تطوي احزاني طوي

انت حبك شي مااقدر عليه

انت حبك ضيف والقلب بدوي

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛

هادي بترقب\وش رايك..؟؟
غادة\موافقة..
هادي مصدوم\موافقة؟؟
غادة\ايه موافقة..مابعد الملكة الا الزواج..
هادي\اذا تبين تاخرين الزواج الشور لك..هذا اللي قاله علي..
غادة بخبث\وليه ناخر..مافيه سبب باقي اسبوعين واخلص الدورة اللي اخذها..
وبعدها خلاص ارجع السعودية..
هادي\يعني يوافقون الزواج بعد شهر...؟؟
غادة\ايه ماعندي مشكلة..
هادي يضحك\ههههههههههه طيب استحي وانتي تقولينها شوي..
غادة تبتسم\ماخليتوا فيها حيا..نسيت اني دخلت اهاوش في المجلس..؟؟
هادي\هههههههههههههههه لامانسيت..بس مااحد يلومك..
اتصل هادي على ابوه وقاله ان غادة موافقة على موعد الزواج..
وانصدموا نفس ردت فعل هادي..وعلي يحاول فيها تاجل الموضوع..
دخلت غرفتها واختلت بنفسها..
خلوني اخلص من هذا الموضوع واكمل حياتي..
ولو انه بعد أيام مايهمني...
المهم أنفذ اللي في بالي..
والله ياراكان لا أخليك تندم..وأطعنك بنفس السكين..
وبعدها أطويك مثل صفحة انتهى زمنها...
اتصلت بشهد وقالت لها عن موعد زواجها..
شهد\مبروووك الف مبروك..عقبال الطلاق ههههههههههه
غادة\الله يبارك فيك في الثانية اما الاولة ماهي بشارة..
شهد\وش ناوية تسوين..؟؟
غادة\خليها في وقتها..
شهد\مو محتاجة مساعدة..اكشن أي شيء انا معك..
غادة\فديتك شهودتي..أكيد راح احتاجك وانتي وضميرك..
شهد\في السالفة ضمير...اممممممممم نايم الضمير منذو مبطي هههههههههههههه
غادة\وهذا اللي أبيه..وويلك ياشهد اذا ماسويتي اللي راح اقوله لك..
شهد\افا قولي وانا بنت ابوي اكرفس رويكن مثل ماسويت بسعيدان..
غادة\شهد أحذرك...اللي راح اسويه ماراح يرضيك..
شهد\ماهو جرحك؟؟طعنك بأنوثتك وبرائتك؟؟ماهو كان نذل وحقير ويستاهل اللي بيصير فيه؟؟
غادة بحقد\ايــــــــــــــه يستاااهل الف مرة...
شهد\أجل معك يا قلبي وعليهم عليهم ...
غادة\هههههههههههههههههههه عليهم....

قفلت من شهد وأتصلت ببنات خالتها..
وطلبت منهم ياخذون المهر من امها ويجهزونها أحسن واروع جهاز..
من لبس ومكياج جزم ومجوهرات..
فتحت جهازها وتصفحت المواقع تختار فستان زفاف..
لقت الفستان اللي راح يرضي غرورها..
ويبهر عيون الحاضرين..
والأهم يحطم راكان...

أرسلت رسالة وطلبت الفستان واستعجلتهم فيه..

ابتسمت بخبث\ياحليلك يارويكن أجل تبي تعرس..
أبشر ماطلبت غالي..أعرس يا راكان..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

كان يمشي في الشارع متوجه للمكتبة العامة..
ويفكر بغادة وتسرعها في موضوع الزواج..
ممكن مثل ماقال محمد غادة تبي تنهي موضوع الزواج وتعيش باستقرار..
لان هذا الموضوع طال ومشاكله كثرت..
فالأفضل يسرعون بالزواج عشان ترتاح من التفكير والمشاكل..

هادي يمشي من دون مايدرك وجود عيون تلاحقه بتصميم..
عيون مصدووومة بشوفته..
ومصممة تعرف هذا الشخص من يكون..
حس بفلاذ يشده من يدينه ويجبره يوقف..
التفت بعصبية على المتهجم عليه بهذا الشكل..
هادي بحدة\ماذا تريد...؟؟
....\من انت؟؟
هادي عرف المتحدث عربي وشك أنه سعودي..
....\من أنت؟؟وش اسمك؟؟
هادي يبعد اليد اللي على ذراعه ويرد بعصبية
هادي\وأنت وش تبي فيني تسال؟؟
ترى التعارف بين الناس ماهو بكذا..الأولة ابداء بالسلام وبعدين صارخ..
.....بحدة\من انت؟؟
هادي\ماهو بشغلك..وش تبي انت؟؟
....\أنــ ــت هادي بن جاسم ...
كان تاكيد وليس سؤال ...
هادي احتار\ايه انا هادي بن جاسم..آآمر..
راجح\سبحان الله صدقت عيني..
هادي\يا ابن الحلال وش سالفتك؟؟ترى ماعرفتك..أنت تعرفني..؟؟
راجح مركز بعيون هادي\سبحان الله..
هادي\سبحان الله والحمدلله..طيب وأخرتها معك...
راجح\أنا مشبه عليك..
هادي\مشبه علي وتعرف اسمي؟؟
راجح\تشبه أخوك كثير..
هادي\علي؟؟
راجح\ايه علي أخوك بينكم شبه كبييير..خصوصا عيونك..
هادي\اول واحد تقول اني اشبه احد من اخواني..
مالي الا شبيه واحد بس والله يرحمه..
راجح فهم قصد هادي\الله يرحمه..ترحم على شبيهك كثير تراه محتاج..
هادي مافهم\الله يرحمه..الا ماقلت من انت؟؟
راجح\انا راجح خوي علي اخوك فمان الله..

يا الله نفس العيون..
سبحان من صورهم...يختلفون كثير..
هي اجمل منه باشواط...واضعف منه..
بس لهم نفس العيون...وحدة ملامح..
ويقول الله يرحمه ..عسى الله يرحمها ويصبرها..
كيف تنسى اخوها وهو منسوخ بعيونها..
لاحول ولاقوة الا بالله..الله يسامحك ياغازي بذنب البنت..

وانت ياراجح يعني مالك ذنب في حال البنت..
ولا بحال رشا..
لا رشا الذنب الاول والتالي عليها وعلى سعود اللي ضفها..
مصدوم فيها وفي برائتها..كيف لفقت وسوت سواتها..
انا رجعتها...بس لازم اربيها..
والولد لازم تعترف من يكون ابوهـ..
بس الولد يشبه لسعود..وسعود مايجيب عيال..
تزوجت سعود وهي حامل...
بس اعرف من يكون ابوهـ وارميها هي وولدها عليه.

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛

جالسة بفستان العروس...شادة على مسكتها بقوة..
خايفة من وضعها الجديد ومن شريك حياتها..
وافقت عليه لانه خطبها..
كانت تظن غازي جاي يخطبها لعمه..بس هو خطبها لاخوهـ..
تسالت وزعلت وقالت كيف اتزوج اخوي..
بس قالوا لها سعود ماهو اخوك من الرضاعة مثل غازي ويجوز يتزوجك..
احتجت عليهم وقالت اسالوا الشيخ..
والشيخ كلما وقال لها سعود ماهو اخوها..
تعذرت اعذار كثير تحاول تبطل موضوع زواجها منه..
بس اعذارها ماكانت الا غضب لخذلان راجح لها..
ماعمره وعدها بالزواج..ولا صرح لها بشيء..
عادي عنده اتزوج ولد أخوهـ..
وانا عادي اتزوج اخو اخوي...

صار لهم اكثر من ساعتين جالسين هي بمكانها..وهو جالس بعيد عنها وسرحان..
استغرب حاله وسكوته..بس ماعندها الجرئة تتكلم..
بعد وقت طويل تكرم عليها بكم كلمة..
سعود\بدلي ملابسك بنسافر بعد صلاة الفجر..
خرج من الجناح..وهي على حالها مصدومة وساكته..
بدلت وهو رجع أخذها وتوجهوا للمطار..
حتى ماقدرت تكلم طالب او ام غازي وشوق توودعهم..
وعلى نفس حالته كان في الطيارة ساكت واللي جنبه كانها ماتعني له شيء..
وصلوا مطار الكويت...
اول اسبوع قضوه بفندق..او بالاصح قضته هي بفندق..
بينما هو كان يمر عليها نص ساعة ويغيب باقي اليوم..
ثارت عليه بقهر وطالبته يرجعها السعودية..
طلعها من الفندق لفلة صغيرة خاصة فيه..
وقال لها بكل جمود\هذا البيت ملك لك وتحت امرك..
حوالينك جيران من اطيب الناس..تعرفي عليهم وكوني لك صداقات جديدة بمجتمع جديد..
رشا بنفور\مو بحاجة لصداقات جديدة ولا اصحاب..ابي ارجع السعودية..
سعود\بنرجع السعودية بس ماهو الحين..اصبري لحتى تنتهي مشاكل شغلي هنا..
رشا\وانا مالي دخل بمشاكل شغلك...
أنا ماني هامش ياسعود من ليلة زواجنا وانت مهمشني..
عرفت وايقنت انك ماتبيني وكثر الله خيرك..رجعني لهلي...
سعود\رشا ادري اني جرحتك كثير..
بس ابيك تفهمين وضعي..
رشا\اي وضع..مافيه شيء يسمح لك تعاملني هذي المعاملة..انا ما استاهل منك كل هالاسى ياسعود..
سعود\رشا صاحبي خوي دنياي يموت..
مصاب بالمرض الشين وانا اقضي طول وقتي معه..
هو يحتضر يارشا يودع...قلبي مخنوق عليه ومقبوض على حاله..
احاول افرح فيك واهنيك..بس تفكيري فيه يعذبني..
رشا بحزن\الله يشفيه ويقومه بالسلامة...
سعود\اصبري علي يا الغالية وربك يصلح الامور...

لم يكن السبب مقنع ابداً بنظر رشا..
لكن لما حطت نفسها بمكان سعود وتخيلت اخوها طالب او غازي مصابين بهالمرض..
عذرته وتاكدت انها مستحيل تفرح واحبابها يودعون الدنيا...

مرت عليها شهور...وبيوم من الأيام دخل سعود الفلة متلطم بشماغه..
وبيدينه طفل ماتجاوز عمره الأيام...
كانت جالسة بغرفتها وتبكي من وحدتها الغريبة..
لما دخل عليها وانصدمت بحاله وباللي بين يدينه..
جلس على ركبه عندها وحط الطفل على أرجولها..
وبشكل آلي مدت يدينها وثبتت الطفل بحضنها..
سعود بصوت مكسور\هذا ولدي من المرحومة..ولدت من يومين وماتت..
وهي صاحبي اللي قضيت معه طول الفترة اللي فاتت..

تجاهل شهقات رشا وارتجافها..
تجاهل انه يطعنها والطفل بحضنها..
سعود\هذا الولد صار لك حلالك..ان رضيتي كوني أمه كوني هله قبيلته وربعه..
وان مابغيتيه والله مايلقى من يراعيه..ولا من يحضنه ويحبه ويعترف فيه..

رشا بدموع\تبي تتخلى عن ولدك؟؟
سعود\هو ولدي ويحمل اسمي ودمي...بس قلبي مايبيه..قلبي يبي أمه..

كان المفروض تنطعن وتصرخ وتبكي وتهينه..
أو ترمي الطفل بحضنه وتقول ما ابيه..
دامك تبي امه خذه معاك وروحوا لها..
انا ماني مسئولة عن ولد ماهو ولدي..
ولاني مجبورة اعيش مع انسان كذاب وحقير يهيني ويغربني بكيفه..

وبدل ماتسوي كل هذا..
ضمت الطفل بقوووة وشمت ريحته وشم ريحتها..
ومن يومها صار ولد قلبها وروحها..

سجله سعود باسمها وصار الولد رسمياً ولدها...
وعلاقتها بسعود كانت ماتعتبر علاقة..
وهذا الشيء ماكان يضايقها مثل أول..

لأنها بغازي الصغير نست سعود وراجح ونست رشا وحقوقها..
نست انه ممكن يجي يوم وتنهان لانها ضمت ولد مو ولدها..
جهلت ان الزمن يحفر لها طول السنين ومادفنها الا راجح..

باست غازي وضمته بقوة لحتى بكاء من الزعل..
رشا بحب\يخسووون كلهم ...ما ازعل على خسيس منهم..
خلهم يولون المهم انت لي صح قلبوو..
غازي بعصبية\اقعي كبة >>اقلعي كلبة
رشا تمسح دموعها\هههههههههههههههههه فديت المنطوق...

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛

26 - 12 - 2021, 02:00 AM

صحت من نومها مرعوبة مثل أغلب لياليها...
ناظرت حوالينها بفزع...
وكان كل شيء طبيعي ومافيه أثر لغازي...
من بعد هذك الليلة ماتكلمت معه ولا سمحت له يشوفها...
ان كان موجود في المزرعة تحبس نفسها بغرفتها وتقفل بلكونتها..
واجهته صبيحة هذاك اليوم بكل قسوة..
طردته من غرفتها ..
وهددته إن حاول يعيد اللي سواهـ ..
راح تجن ولايلومها على اللي ممكن تسويه..
تركها من دون مايتكلم معها..
وحست انها قدرت تخوفه على حالها..
ومستحيل يحدها على شيء هو متوقع منها تسويه اذا صار وهاجمها مثل اخر ليلة..
بس هذا مامنعها من التفكير بالهرب..
أحكمت خطتها وتاكدت من قدرتها على تنفيذ كل خطوة من مخططها..
بس الحين لازم تسترضيه وتبين له انها ممكن بيوم ترضى بواقعها معه..
قامت من فراشها ووقفت عند زجاج البلكونة..
حيرانة لانها تعرف مدى شفافيتها..
وهو دائما يكشفها ويعرف ضعفها وقوتها..
قررت تفتح باب بلكونتها وتكون هذي الخطوة الأولى لبداية مخططها..

طلعت ع البلكونة والثلج غطى الأرضية الحجرية للبلكونة..
مشت بهدوء ووقفت على حاجز البلكونة..
عيونها ماناظرت للقريب..
كانت كعادتها تناظر للبعيد..
وهالمرة ناظرت في الأفق..
توها الشمس ما أشرقت..
لازالت تحارب حدود الظلام..
ومثل كل يوم وكل مرة راح تنتصر الشمس رغماً عن الليل والظلام العاتم...
نزلت نظرها لداخل حدود المزرعة..
وحست برجفة بعظامها لما شافت الجلمود واقف بالحديقة عند الورد ويناظرها..

ركزت عيونها بعيونه مع صعوبة الروية بهالوقت..
بس عيونها تعلقت بعيونه...
تذكرت قصص الأميرات بالقصص المصورة..
الأمير يكون بأسفل البرج..
والأميرة محبوسة بأعلى البرج..
لكن حالها يختلف عنهم..
هي مسجونة واللي ساجنها الجلموود...
أنتبهت عليه يتحرك ألتهى عنها للحظات..
ورجع يناظرها...رفع يده لفوووق..
ورمى عليها بوردة لونها بلون البنفسج...
مسكت الوردة بشكل آلي وناظرت فيه...
أشر على قلبه ثم أشر عليها..
مسكت ع الوردة بقوة واستغربت ان الشوك ماانغرز بيدها..
ولما دققت النظر فيها كانت الوردة خالية من الشوك..
لأنه شال الشوك قبل لا يرمي الوردة...
وبقلب حزين مصمم على الرحيل..
رفعت الوردة لخدها ومسحت عليه..
لاحظت استغرابه أو الأصح صدمته...
زادت عليه بابتسامتها الباهتة المحرومة...
وأشرت براسها إنها راح تنزل لـ الحديقة ...

بدلت ملابسها وهي تقنع نفسها إنها مو حقيرة..
ماتبي تلعب بمشاعره وتكذب عليه..
بس هو الجارح وهو الجاني وهو الظالم..
وهو اللي حدها على هالأفكار المجنونة..
بتلعب بالنار وتدري النار بتحرقها...

هو يبيها ويبي يفرح فيها..
بس قبل هو جرحها وعذبها..
كيف يبي يفرح وانا حزينة..

تدري..
ان الجرح للمجروح دين ..
وانت جارحني وحقك اجرحك..
وين تبعد وانت في نفسك سجين..
وين تنسى وانت ناسيني معك..
كيف تفرح وانت تاركني حزين..
جرحك مثل ظلك يتبعك..

مشت بتردد مع انها كانت تتمنى لو تمشي بثقة ومن غير خوف..
هي الى الان مانست انها ماوفى بوعده لها وممكن يتمادى معها..
لاحظت ابتسامته وفرحته بنزولها له..
خافت يكون حاس باللي يدور في بالها..
حطت يدينها بجيب جاكيتها عشان مايفكر يمسكها..
ماقدرت تكمل طريقها..
أنا جبانة ما اقدر..
والله ما اقدر..وش اللي كنت افكر فيه..
رجعت خطوة على ورى وهي تشوفه يتوجه لها..
ولما حس بترددها وانها غيرت رايها وقف بمكانه مايبي يخوفها وتهرب..
ظلت عيونها متعلقة بعيونه..
ولما تمالكت اعصابها قررت تكمل اللي هي بداته وماتخرب على نفسها..
قربت منه وظلت ساكته لحتى هو بادر بالكلام..

غازي\صباح البسمة الحلوة...
حست انها تذوب من الخجل..
هي تستحي منه رغم عصبيته وضربه..
ورغم صراخها وهواشها..
لازالت تستحي منه وتخجل بتواجده..
هديل بهدوء\صباح الخير..
غازي\كيـــفك؟؟
هديل\الحمدلله..
غازي\تحبين نتمشى ولا ندخل..
هديل خافت\لا ابى اشوف عسولة زمان ماشفتها..
غازي\طيب نروح نشوفها يالله..هذي عسولة مو اي احد..
هديل\لايكون مو عاجبك اسمها؟؟
غازي\هههههههههههه تبين الصدق عاجبني وبنفس الوقت محيرني..
هديل\ليه محيرك؟؟
غازي\مدري كيف جاء في بالك الاسم..
هديل تبتسم\هذا الاسم خاص جداً..
غازي بنظرة\خاص الى اي درجة؟؟
هديل لازم احسسه باني بديت اتقبل لازم..
هديل\هذا الاسم كنت انادي فيه انسانة في زمان فات مـــ....ــــالــــه ررجـــ..وع..
صدت عنه وكملت طريقها للاسطبلات وهو مشى جنبها..
ماتبيه يشوف وجها ويدرك كيف عذبتها الكلمة..

دخلوا الاسطبلات وتوجهت لحضيرة عسولة..
بس تراجعت بسرعة لما أنضرب باب الحضيرة بقوة..
لصقت في غازي وهو سحبها وبعدها عن الحضيرة..
هديل بعصبية\هذا الاسود من اللي دخله حضيرة عسولة؟؟
غازي يبتسم على كلمتها\أنا قلت لهم يحطونه هنا لان هذي الحضيرة كبيرة..
هديل\وعسولة وينها؟؟
غازي\هذي هي هنا قريبة منك..
هديل\علم حمارك قصدي حصانك حركات المراهقين ما احبها..
لا يفتن علي ويشوت الباب يعننه قوي..وجع..
غازي\هههههههههههههههه خوفك..
هديل\بس ابي اعرف وش اللي خلاك تشتري حمار اسود وعصبي..
غازي\هذا حصان اصيل وانا لي خيول هنا وفي السعودية..
تدخل سباقات عالمية..وهذا اللي ماهو بعاجبك ابي اروضه وبيدخل في السباق العام الجاي..
هديل\وانا بعد ابي عسولة تشارك في السباقات..الاسود ماهو احسن منها..
غازي\لاحظي انك تسبين حصاني..
هديل\تدري انه يشبهك..
غازي\مثل ماعسولة تشبهك..وترى حصاني معجب بعسولتك..
هديل\ماعندي بنات ل الزواج علم حمارك ..
غازي\هههههههههههههههههههههههههه

تركته وهي تبتسم على صوت ضحكته..
تفاجئت بوجود فكتور بحضيرة عسولة وانه كان يراقبهم..
خرجت من الحضيرة بسرعة ورجعت عند غازي..
استغرب تصرفها ولما شاف فكتور خارج من الحضيرة عرف ليش هي خايفة ومرتبكة..
طلع فكتور من الاسطبلات ولما كانت بترجع لحضيرة عسولة مسكها غازي من يدها ولفها له..

غازي بهدوء\هو سؤال واريد جوابه..ليه ماتقولين ان فكتور هو اللي أذاك طول هذا الوقت..
ليه تخبين علي..خايفة منه..أو خايفة مني..ليه ساكته وماكشفتيه لي..
هو اللي ضرك هذاك اليوم في مزرعة النخيل..
وهو اللي اذاك بهذيك الليلة وكان سبب انك تطيحين من على الفرس..
ليه تتسترين عليه ليـــه..
هديل بخوف\اترك يدي..وبعدين لاتظلم الرجال..هو ماسوى لي شيء..
غازي بصرخة\كذااابة ليه تبين تحمينه قولي..
هديل بعناد\ما ابي احمي احد يا متخلف اتركنيييييييييي المفروض اعرف انك ماراح تتغير وراح تظل توجعني وتضربني..
غازي يهزها\لا تغيرين الموضوع..أنتي تدرين كيف أنا احاول اغير نفسيتك واخليك تقبلين الحياة هنا..
بس الحين جاوبيني لاني عجزت اعرف الاجابة..
ليه ما اشتكيتي على فكتور وعلمتيني انه ياذيك..ليـــــــــــــــــه..؟؟!
هديل تبكي\لأنه الوحيــــــد..
غازي\كيف الوحيد؟؟
هديل\ لأنــ ..ـه الوحيد اللــي يكرهك بهذا المكان..
وهو الوحيــ...يد اللي كان ممكن يساعدني..هو عدوك وأنت عدوي..
ماكنت ابيه يروح او ينطرد لانه الوحيد اللي يكرهك..
غازي بهمس\تدرين وش اللي أنقذك من العقاب..؟؟
هديل بسخرية\وعدك الكذاب..
غازي يهز راسه ويبتسم\لا كلمتك لما قلتي إن فكتور هو الوحيد اللي يكرهني بهذا المكان..
كلمتك هذي تمحى كل غلطاتك..
هديل دفته عنها\أنت اللي تجبرني أكرهك..أنت السبب ماهو أنا..
حاول يمسكها بس هي هربت ورجعت القصر..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

كسرت بخاطري
يومي أجيك بلهفتي محتاج..
عن العالم تمنيتك بأحزاني
معي توقف!!
تحريتك و ناديتك و حس القلب
بالإحراج..
رجعت و خاطري مكسور وحزني
فوق مايوصف!!
خلاص أقول من قلبي" أنا آســــــف "
على الإزعاج
حرام القلب كذا يحزن وحرام أمثالكم يعرف ..!!

طالب بعصبية\شوق أنا قلت نتفاهم مانصارخ وتبكين..
شوق بقهر\وأنا ما ابكي..بس ما ابي اتفاهم..
مو مقتنعة بالنقاش معك موغصب اتكلم معك مو غصب..
طالب\أبي افهم وش اللي مخوفك اذا جلستي وتفاهمت معك..يرضيك حالنا كذا..؟؟
شوق حطت يدينها على اذونها\جيتك وانا خايفة ومجروحة..
جيتك ابيك تساعدني وتحسسني اني راح اكون بخير..
بس أنت كسرتني أهنتني ضيقت الدنيا فيني..
ما ابي كلام ولا اسمع كذب منك..
حقيقتك أعرفها اعرفها ..ماتبيني ماتبيني..
طالب\لا تتقولي على لساني..
قولي ما ابيك بس لا تقولين عني..
اهدي ليه ترجفين كذا..؟؟
شوق\خلاص ماعدت اتحمل ولا انت تتحمل..أدري وش راح تقول والله ادري..
بس انت مرتبك ومو عارف تقولها..
خلاص انا اقولها عنك واريحك تبي تطلقني طلقني ماعاد يهم..
بارجع بيت ابوي..ولا اهتم فيك ولا في غازي ولا في الدنيا كلها..
عطيتك أكثر من اللي اقدر عليه..واصلتك بس انت كنت تقطعني..
كنت تكسرني وتبهذلني..تحملتك وقلت هذي اطباعه..
بس لهذاك اليوم وبس...
الى انك تعشق وتحب ويطلع عندك قلب وانا ما ادري عنه خلاص هنا نوقف..
أنت حبيت بغض النظر من تكون حبيت اللي ماهي بحلالك..بينما حلالك واللي كانت تتمنى رضاك..
كنت راكزها بأخر رف..مالها وجود حتى منظر لا ماتبي منظر ..
لاتقول نتفاهم أنت اناني ماتبيني..
بلحظة كانت شوق بحضن طالب وقبلها بقوة يمنعها ماتكمل كلامها..
ضربته حاولت تبعده عنها بس ماقدرت..
بعد لحظات..
شوق تبكي\حقييييير أكرهك يا حقييير..
لا تعاملني بهذا الاسلوب اللي مايليق الا فيك..
ما ابيك وما ابي قربك..خلاص اعلنتها لكأنا ماعدت ابيييك ماعدت ابيييك..
وغصب عنك تطلقني وترجعني لهلي غصب عنننننك..
طالب\ماراح أطلقك ياشوق...واللي تقدرين تسوينه سويه..
ومن هالبيت ماراح تطلعين....
شوق بتحدي\غصب عنك تطلق...
طالب \بالله وريني كيف غصب عني وش راح تسوين؟؟
شوق\لاتنسى انا من بنته واخوي من يكون..وعمي راجح ..
طالب بحدة\طيب يابنت ابوك واخت اخوك..حقوقي الزوجية أبيها بالكامل..
قدامك اسبوعين بس...لحتى تجهزين نفسك لهذي الفكرة...وأشوف وش تقدرين تسوين..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

دخلت المطبخ وهي مرتبكة ووجها شاحب من الخوف..
حطت ورقة صغيرة على الطاولة وتكلمت مع ماريا..
هديل\ماريا أنا بحاجة الى هذه الأغراض...لاتنسي احضارها..
ماريا بلطف\لن أفعل عزيزتي...سأحضرها بكل تاكيد..
والآن ساذهب لأغير ملابسي اعذريني..
راقبتها هديل وهي تدخل غرفتها..
خرجت من المطبخ بسرعة ودخلت السيارة اللي بتروح فيها ماريا مع احد العمال..
تخبت في المرتبة الثالثة وتغطت بوشاح أسود اخذته معها..
تاكدت من بوك غازي بجيبها ...
حست بدخول ماريا السيارة وبعدها العامل..
تجمدت من الخوف وظلت تقراء المعوذات وكل اللي حافظته من القران الكريم..
هي قفلت غرفتها وقفلت البلكونة من برا..
دخلت غرفة غازي وهو يتحمم كانت بتطلع بس شافت البوك وأدركت انها راح تحتاج فلوس..
أخذته وطلعت من غرفته بسرعة..
شافت أسوار المزرعة وهي بعيدة عنها..ماتدري ليش أنقبض قلبها فجئة..
الأكيد ماهو شوق للمزرعة...يمكن خوف من اللي برا المزرعة...
ظلت نازلة ولامة نفسها بقوة..
تمللت متى يوصلون وتقدر تخرج وتهرب...
سمعت جوال ماريا وهي ترد وتتكلم بلهجتها السريعة الغير مفهومة لهديل...
قفلت جوالها وبلحظات كانت السيارة توقف بقوة تتفادى التصادم بسيارة ثانية..
شهقت هديل من الرعب وحطت يدها على فمها...
حمدت ربي لما رجع السائق وحرك السيارة وكملوا طريقهم...
غمضت عيونها وهي مبسوطة بخيالها...
هربت منه...ماراح يكتشف غيابي عنه الا بعد يومين او ثلاثة..
عودته احبس نفسي بالايام..عشان مايحس على غيابي..
ولو كانت هديل تعرفه حق المعرفة كان المفروض تعرف انه مستحيل يمر يوم مايشوفها فيه...
تتخيل لما ترجع لبتيتهم..
كيف راح تحضن أمها بقوووة..تقبل يدينها جبينها قلبها وعيونها...
أبوها مع انها ماخذة بخاطرها عليه بس بتسامحه لانها خلاص رجعت..
اخوانها وغادة...كيف بيكون لقاهم ...يمكن زعلانين علي..
معهم حق وش هالغيبة كلها..بس اراضيهم المهم ارجع لهم..
عسولتي الغالية يافديت عصاتها وريحتها وحناها...
هادي الوحيد اللي مو قادرة تتخيل لقاهم كيف بيكون...
وقفت السيارة وهي لسى غارقة باحلامها...
سمعت ماريا تتكلم من بين أحلامها بس ماقدرت تفسر كلامها..
ماريا\أنا آسفة ياصغيرتي لكن هو سيدي سامحيني...
ماخطر في بالها ان ماريا توجه الكلام لها..
لان ماريا ماتدري بوجودها...
أنفتح الباب بقوة وشهقت لما شافت وجهه قدامها...
غازي بغضب\رايحة مشوار من دوني ...؟؟
لم يعطيها عدة ثوان حتى تستوعب انها رجعت الى المزرعة..
في لحظات غير مرئية كانت هديل بين يدينه شالها ودخلها القصر..
كانت مثل المصعوق بالكهرب..مو مستوعبة..
كيف رجعت المزرعة..؟؟ليه رجعت..؟؟
وين الأحلام اللي كانت تعيشها؟؟
باي حق يحرقها بهالشكل..
ليه رجعوها لييييه..؟؟
هديل برعب\نزلني ... ما ابيك تلمسني نزلني..
ضربته بقوة على رقبته وصدره حاولت ترمي نفسها على الدرج..
بس هو كان موثقها بقوووة لصدره..
بدت تبكي وتصرخ من الخوف مرعووووبة لحد كبير مرعوووبة..
هديل\نزلني نزلنييييييييييي ما ابيك ابي ارجع بيتنا ما ابي اظل معك يا حقييير ..
أكرهك ما اطيقك ابي ارجع بيتنا اتركني...
دخلها غرفته وهي تضربه وتصرخ..
نزلها على الأرض وقرب منها..
هديل تبكي بخوف\حلفت والله انت حلفت ماتضربني..
وعدتني حلفت ماتضربني لا تضربني لا لا لا يوماااااهـ..
لا تضربني لا تضربني..انت وعدتني ماتضربني مرة ثانية..وعتني بعد السوط ماتضربني..
قرب منها ولمها بين يدينه\الضرب ماعاد ينفع معاك...
انا لازم أحرق كل الجسور اللي تربطك بالماضي..
لازم تدرين انك صرتي تنتمين لي...
دفتها عنها بخوف ورعب\ابعد انت وش تقول؟؟وش تبي مني اتركني..
ابعد عنيييي ابعـــــــد...
غازي\لازم تنسين الماضي..انتي مو راضية تفهمين...
حل عقلها المعادلة اللي تحاول تنفيها ..
أول مارماها على فراشه..
هديل بنحيب\لا لا تكفى اضربني اضربني شوهني احرقني..
اذبحني اقتلني بس لا لاتسوي فيني كذا لاااااااااااااااااااا
تكفى اضربنييييييييي شوهني تكفى لا لااااااااااااااا
غازي بهمس\عذبتيني...
هديل برجاء وبصوت مبحوح\سامحنييييييييي غــ...غغـازي
غــــــازي لا لا لا اتركنيييييييييييييييييييييييييي
لاااااااااااااااااااااااااااااااااااااااااااااا

الى الملتقى باذن الله تعالى يوم الاثنين...
كونوا بالقرب من هنا ..
كونوا بخير...

26 - 12 - 2021, 02:01 AM

البارت الأربــــعون ...

المكـــــــــــــــــــــان""

لست أدري ما الذي جاء بك إلى هذا المكان حيث تقطف الورود وتمضغ،
وتدوس الأصابع الغجرية على براءة الفل، وتسحق الأقدام الثقيلة ذكريات الربيع..
ولكنني أعرف أنك الآن وردة مقطوفة .
زهرة فلٍ فقدت براءتها..ذكرى ربيع سحقته الأقدام الثقيلة .
ألمح في عينيك قرونا من الحزن الأسود العميق تشبه الكحل الأسود العميق الذي يحاصر عينيك ليخفي شماتة الغضون.
وألمح في شفتيكِ لوعة لا تستطيع أن تعبر عن نفسها لأنها نسيت منذ سنين كيف بدأت.
وعلى يديك آثار من الأظفار التي تتغذى بقطرات الدم الصغيرة.
ومع ذلك فأنت تنظرين إليّ وكأنني أحمل معي بشرى الخلاص.
لا! أيتها الفلة التي فقدت براءتها.
إن بضاعتي كلمات اجترها و تجترني حتى شاحنت من التكرار وأصيبت بالحزن.
وكيف لكلمات كهذه أن تبشر بالخلاص ؟
أما أنتِ فقد أصبحت دون أن تدركي أسيرة هذا المكان وجاريته و قهرمانته.
أدمنتِ الأيدي التي تقطف . والأصابع التي تدوس. والأقدام التي تسحق.
أدمنتِ حتى لم يعد بإمكانك أن تتعاملي مع إنسان لا يقطف ولا يدوس ولا يسحق.

ستنتقلين من قبضته إلى قبضة الكهولة الجليدية بلا كلمة وداع.

فما الذي جاء بك إلى هذا المكان؟!.

المرحوم بإذن الله تعالى..غازي القصيبي..

دخلها غرفته وهي تضربه وتصرخ..
نزلها على الأرض وقرب منها..
هديل تبكي بخوف\حلفت والله انت حلفت ماتضربني..
وعدتني حلفت ماتضربني لا تضربني لا لا لا يوماااااهـ..
لا تضربني لا تضربني..انت وعدتني ماتضربني مرة ثانية..وعتني بعد السوط ماتضربني..
قرب منها ولمها بين يدينه\الضرب ماعاد ينفع معاك...
انا لازم أحرق كل الجسور اللي تربطك بالماضي..
لازم تدرين انك صرتي تنتمين لي...
دفتها عنها بخوف ورعب\ابعد انت وش تقول؟؟وش تبي مني اتركني..
ابعد عنيييي ابعـــــــد...
غازي\لازم تنسين الماضي..انتي مو راضية تفهمين...
حل عقلها المعادلة اللي تحاول تنفيها ..
أول مارماها على فراشه..
هديل بنحيب\لا لا تكفى اضربني اضربني شوهني احرقني..
اذبحني اقتلني بس لا لاتسوي فيني كذا لاااااااااااااااااااا
تكفى اضربنييييييييي شوهني تكفى لا لااااااااااااااا
غازي بهمس\عذبتيني...
هديل برجاء وبصوت مبحوح\سامحنييييييييي غــ...غغـازي
غــــــازي لا لا لا اتركنيييييييييييييييييييييييييي
لاااااااااااااااااااااااااااااااااااااااااااااا
غازي بهمس\ليــه قلتي اسمي..
مازودتيني الا عذاب..
هديل تبكي بألم\أنا رر...رسســ..ل
أنا رسسسسسسسل..خلاص انا مو هديل سامحني..
انا رسل انت امي انت ابوي انت كل شيء..
سامحني غازي سامحني انا صرت رسل خلااااااص انا رســـــــــــــــــــــل..

كتم باقي كلامها وماسمح لها تتكلم اكثر..
كانت تحاول تجمع شيء من قوتها تبعده او تمنعه عنها...
وتحاول تغطي شيء من اللي كشفه ..
لكن قوته كـــــــــانت اكبر....

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

كانت جالسة مع أم غازي..سرحانة بآخر رسالة وصلت لجوالها..
وخايفة كيف توصل الخبر لطالب او غازي..
المهم واحد منهم يوقف بوجه راجح..
مايهمها لو يقول لهم اللي هو اكتشفه..
ماراح يعرف احد ان الولد ماهو ولدها..
فتحت جوالها وقرت الرسالة مرة ثانية..
من ""جـــارح""
رجعـــــــــــــــــتك.
أول ماشافت الرسالة ماتدري وش الاحساس اللي تملكها..
بس الاكيد مو ضعف ومو توسل..
أنا ماغلطت وهو ماله حق عندي..
ردت عليه برسالة مثل رسالته كلمة وحدة بس..
طلقــــــــــــــــــني.

لو انها تعرف كيف ثار وعصب..
وتمنى لو كان مو في المطار..
كان رجع لها وسحبها من شعرها..
تفكيره كان خارج عن سيطرته..
كان راح ينتقم من برائتها الكذابة..
من احتقارها لهم ..ونسب ولد مو ولدهم لهم..

لكن شغله كان اهم من الرجوع لضربها او تاديبها..
وهو واثق لما يرجع راح تكون موجودة..
وبياخذها غصب عنها..

أم غازي\رشا متى يرجع راجح..؟؟
رشا\مدري باقي مطول...
أم غازي\ليش مارحتوا معه يومه..؟؟تنبسطون وهو مايضيق بسفرته..
رشا بدفاع\لا يكون مليتي منا يومه..
ام غازي\يمكن امل منك بس غزوي مستحيل أمل منه فديته..
وش رايك تسافرين لزوجك وتتركين غازي عندي..
وقفت بسرعة واخذت غازي من يدين ام غازي..
رشا وهي تضم ولدها\اذا ضاق بيتك فيني عادي باروح بيت اخوي طالب ماهو عاجزن عني..
بس ولدي ولد قلبي مابيظل الا في حضني..
أم غازي تمسك يدين رشا\بسم الله عليك وش فيك ترجفين..؟؟
وبعدين وش هذا الكلام؟؟تبين ازعل منك ناسية اني بمقام امك..
رشا تبكي\ولدي يومه لا تاخذونه..
ام غازي تضمها\يابنتي من سنين ترددين هذا الكلام..
وقلنا لك ما احد بياخذ ولدك منك...ما احد يقدر..ليه ماتفهمين..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

وقف يناظرها غايبة عن الوعي...
جلس قريب منها وحضنها..
يعرف إنه دمرها وقضى عليها..
وصار الوقت لحتى تعرف كل شيء...
لازم تعرف إنها حلاله واللي صار ماهو حرام مثل ماتظن..
وهو يدري ان معرفتها لهالشيء مستحيل تخفف من ضرر اللي صار..
يتذكر همسها وهي تبكي وتتألم..
هديل تبكي\مـ.... مابقى ششيء..أخــ...ذت كــ ـل شيء
مابقيت شي...ضــ...ـاع
ناداها يبيها تصحى..بس ماسمعته او مو قادرة تصحى..
غطاها ودخل دورة المياه يتحمم ويصلي الفجر...
لما خرج ماكانت موجودة بغرفته...
بدل ملابسه وخرج يدور عليها..
غرفتها مقفولة وهو نسى ان الغرفة مقفول من زمان وماتقدر تدخلها..
رجع يصلي الفجر وبعدها يروح لها ويفهمها كل شيء..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛

لامة نفسها بملابسه قميصه وبنطلونه وجالسة على درج القصر الخارجية...
مو حاسة بالبرد..مو حاسة بالألم..
ومو حاسة إنها من دون حجاب او دفاء..
تناظر بالفراغ وباقرب نقطة منها..تناظر بيدينها اللي بحضنها..
بأظافرها المجروحة...
مابقى شيء في البعيد عشان تناظر فيه..
رغم بياض الارض حواليها بالثلج..
بس حقيقتها كانت سوداء..
رفعت راسها لما حست فيه واقف قدامها...
تعلقت عيونها بعيونه..
نظرات مكسووورة ماهي نفس نظراتها الاولى..
وجه ذابل مقهور..
كان بيتكلم...بس لسانه معقود..
من فترة شاف اخوها بلندن..
وكان الشبه بينهم غير معقوول..
بس اللي قدامه ماتشبه الأحياء أبداً..
نظراتها ماهي اللي عهدها..
وقفت بتعب ومشت حافية على الأرض...
كان يتمنى لو يشيلها ويدخلها غصب عنها..
بس هو ماله حق يلمسها أبداً..
تسأل بغضب وين اللي له كل الحق..
وينه عنها تاركها بهذا الحال..
معقولة يكون ضربها وأذها مثل أول..
دخل القصر ونادى بكل صوته على غازي..
طلع فوق ووقف بالممرات ونادى غازي بصوت عالي..

غازي بصدمة\راجح..؟؟
راجح\وش مسوي فيها هالمرة...كيق اذيتها..بأيش ضربتها...؟؟
غازي بغضب\انت وش تقول عن من تتكلم؟؟
راجح بعصبية\عن يتيمتك صارت عديمة احساس...
جالسة على الثلج بدون وشاح..بدون جزمة ولا حجاب..
أنت وش مسوي فيها..هي جنت؟؟
غازي أستوعب وفهم إن اللي يتكلم عنها هي هديل..
ركض ع الدرج وخرج من القصر يدور عليها...
غازي يتلفت\وينها وين شفتها؟؟؟
راجح وقف وراهـ\راحت للاسطبلات...
ركض للاسطبلات وهو يسمع صراخ وهواش..
كان راجح يركض معه ومو فاهم وش صاير..
بس الأكيد الموضوع يخص هديل..
أنتبهوا عليها بوسط المضمار...

طاحت كم مرة من صعوبة المشي على ارض باردة..
بس كانت توقف وتكمل طريقها...
وقفت بتعب وتمسكت بخشب المضمار...
تناظره واقف قدامها...
هو ماغيره واقف قدامها...
دخلت من بين الخشبات بسهولة..لصغر جسمها ورشاقتها..
سمعت صراخ وصوت عالي يناديها..
ماردت مشت تناظر قاتلها اللي واقف امامها...
فكتور كان يصرخ فيها وصوته بعيد عنها...
فكتور يركض للمضمار\رسيييييل اخرجي من هناك اخرجي...

قربت اكثر معمية عن كل شيء...
وبكل صدمتها بأبوها..
ونسيان هلها لها..
بظلم شوق..تعنت رشا..
استعطاف راجح..
أذى طالب..
حنية ام غازي..
طعــــــــــــــنة غازي...
موتــــــــــــــها..

صرخت بالآآآآآآآآآآآآآآآآهــ ...

فز بعصبية من سماعه لصراخ حاد قريب منه..
تلفت بزهو أصالته..
حدد موقع الإزعاج والمتحدي له...
رفع حوافرهـ الأمامية وضرب الأرض...
شجعه أكثر إن الضحية طاحت امامه على ركبها..
فصار أسهل التخلص منها..

ركض بكل سرعته للي مدت يدينها له تبي عونه...
رفع أرجوله الأمامية وضربها بكل قوة على مقدمة راسها..
طاحت بين أرجوله..
وهو كمل رفسه لها...

الى ذاك الوحل أنتمي..
جاريـــــة..
هذا هو مكــــــــــاني..

فكتور كان اول الواصلين لها..
سحب الحصان وحاول يبعده عن هديل..
لكن الحصان كان ثائر ورافض الاصغاء لفكتور..
كان يضربه بقوة ويسحبه لبعيد...
وبلمح البصر طاح الحصان على الأرض مقتوول..
من البندقية اللي كانت بيد غازي واخذها من احد العمال...
رمى السلاح على الأرض ..
وجلس على ركبه قريب منها...

رفعها عن الأرض سدحها بحضنه..
مرر يدهـ على وجها كمحاولة لمسح الوحل عنها..
بس الوحل أختلط بدمائها الحارة..
أحتضنها بقوووة وصمت...
قبل جبينها عيونها..
همس بكلمات برجـــاء..
همس لها بالسر اللي أخفاه عنها سنة وشهور..
قال لها حقيقتها ومن تكون..
قال لها اللي ممكن لو عرفتها من زمان تخف جروحها..
ترضي غرورها..تطمن على نفسها وشرفها..
الكلمة اللي بخل عليها فيها..
خلاها تتخبط بين خجلها وخوفها..
وهو يراقبها يتمتع بمعاناتها...

ماكان المفروض يغفل عنها بعد اللي سواهـ..
مايخليها لحالها بعد اجرامه فيها..
كان متوقع تسوي شي بنفسها..
بس ماترمي حالها تحت حصانه الحقير..

سمع طلقة نارية ثانية كانت من راجح على الحصان..
اللي كان يتعذب وباقي مامات..
فقرر يقتله وينهي عذابه..

راجح حاول ياخذها منه بس هو ماتركها...
اخذ الايشارب من يد راجح وحطه على الجرح اللي براسها..
وصلت الاسعاف واخذوها المسعفين من بين يدينه بالغصب عنه..

في الاسعاف يراقبهم ويعرف هم وش يسوون..
يحاولون ينعشونها بالاكسجين..
يوقفون نزيفها.. معادلة الحرارة بجسمها البارد..
يعتصر يدها بيدهـ بشدة..
ناظر بأظافرها الصغيرة..
وتذكر كيف كانت تصرخ فيه وتدافع عن نفسها بغير وعي...

وصلوا المستشفى ونقلوها لغرفة العمليات..
بعد اكتشاف كسر بالجمجمة..

وقف على باب العمليات محتج ورافض يترك المكان..
ويطالب ان له الحق بالتواجد معها داخل جدارن الغرفة..
راجح حاول يعرف ويستفسر منه وش اللي صار لها..
بس ماكان يلقى جواب لسؤاله..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

بمطار هيثرو..
كان يودع غادة ويطمنها انه راح يراجع ادراة الكلة وياخذ تقريرهم عن شهادتها..
كانت تتمنى لو الطائرة تاخذها لغير السعودية...
لو تضيع بأحد الجزر وماترجع..
استغفرت وهي تلوم نفسها ليه مكتئبة علشانه..
هو مايستاهل..مايسوى..
زواجنا بعد اسبوعين...
لكن مالها اي رغبة بالرجوع ..

واثقة بنفسها وباللي راح تسويه..
شهد وعدتها تكون معها..وتكتم كل شيء...
هي تثق بشهد ثقة كبيييرة..
وتثق بقدرتها على تنفيذ المؤامرة اللي متفقين عليها...

بس لازم تضمن تعاون راكان معها عشان تقدر تنجح باللي في بالها..
وعلى هالحال..لابد تقلل من تجاهلها له..
هو الحين زوجها رسميا وشرعياً..
فماراح تكون تتعدى الحدود لو ردت على رسايله..
لازم يعرف انها الى الحين زعلانة عليه..
وهو لازم يراضيها وياخذ اللي بخاطرها..

قرئت رسالته

ياللي مفارق يشهد الله فقدناك
تعال باسم الحب جرحي خطيري
أنا غريق بالهوى هات يمناك
في زحمة أمواجك تعذر مسيري
مشتاق بالحيل يا كود فرقاك
عن ذكريات الحب وين العشيري
أرفق بقلب تالي الليل ناداك
وقتي حدني في هواك استخيري

كانت تتمنى من كل قلبها لو ترسل هالرد عليه وتريح قلبها شوي..

لازم تذوق الذل وتعيش مكسور,,
هذا وعد مني مادمت انا حي
ولو بعت لي عمرك ماقلت مشكور،،،
لانك بعيني كلك ولا شي!!

لكن حكمت عقلها وهي لازم تنفذ خطتها صح..
كتبت الرد بحركة سريعة أرسلت الرد على اسم ""................""
مجرد نقط هذا كان اسمه عندها..

يا قوّها صدمه..وانا لون الغدر ماهوب لوني
مصدوم خِـلقه..لين مات الحب فيني وانعطبت
الله يجازيهم على استنزافيَ..وحرقة جفوني
ما كنت حاسب يبيعون الغلا..يومي حسبت

وصلها الرد قبل تقفل جهازها..

تفداك نفـــس ..شالها الشوق جدواك
ويــفداك قلــب ..مالقــى مثلك أبد
و تفداك عين.. ما تبي غير شوفك
و يفداك عمر .. ما فدى قبلك أحد

لك حق تزعليـــن ومن روحي أرضيك...

أبتسمت بفخر وثقة على انها قادرة تحقق اللي في بالها ..
قفلت الجهاز وماردت عليه ..

حطت السماعات بأذونها وألتهت بصوت السديس في قرأت سورة النور..

ولا كانت تدري إن زوجها معها على نفس الطيارة..
وهو نفسه اللي كان يراقبها في الكلية...
وإبتسامتها الأخيرة بنت صرووح من الأمل في قلبه..
وصار واثق بقدرته على دفن الماضي..
ومواصلة حياته مع اللي تمناها...
رغــــــــــــــم وجود شك ذليل مقهور في قلبه لسرعة مسامحتها له..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

طلعت الدرج وبيدها كوب كاكاو بارد..
طفت الأنورا اللي تحت كلها..
طالب من بعد العشاء طلع ينام..
الكلام بينهم من بعد آخر مرة..كان عند الضرورة بس..
او سلام ورد ل السلام..
كل واحد مقتنع بانه هو اللي صح..
أرسلت رسالة من جوالها قبل فترة على جوال غازي..
تطلب منه ينسى زعله عليها شوي..
ولاينسى انها اخته وهي بحاجته وحاجة تواجده معها..
اعترفت بغلطها وترجته يسامحها..
بينت له مدى شوقها له..
ووعدته اللي يامر فيه يصير..
وحتى لو طلب منها تعتذر لهديل..
لان هذا الشيء يدور في بالها وهي مترددة خايفة من ردت فعل هديل او غازي..
بينما طالب ماكان له اي مكان في حسابها وتفكيرها...

فتحت باب غرفتها بس مافتح الباب معها..
استغربت هي ماتقفلها الا لما تكون زعلانة او هاربة ماتتكلم مع طالب..
بس من اللي بيقفلها غيرها..
الجواب واضح امامها..
مافيه غيرهـ..بس باي حق يقفل غرفتها..
الى متى يتصرف تصرفات يحاول يقهرها فيها..
جلست بالصالة الفوقية..
مافي بالها ابداً تدخل غرفته او تطلب مفتاحها..
واضحة ياغبية كل تصرفاته واضحة..
مايبيك في بيته..
إستعجلي وانقلعي لبيت ابوك..
يسوي اي شيء عشان يقهرك ويزعلك...
والحين قفل الغرفة..
فهمت قصده لما قال هو بحاجة مكتب بس مافيه غرف تكفي..
ولاني مافهمت التلميح قفل الغرفة عشان يفهمني..

وغازي التافه مايرد علي..
المفروض يفهم من رسالتي اني بحاجته..
ويجي ياخذني ويرجعني بيت ابوي..
مايخليني لهذا الكرييه..

وصحى في بالها اللي يصحى بكل مرة..
وهديل من كان يدافع عنها عند أخوك..
من كانت تراسل او من كانت تنتخي..
ماكان لها احد..
وأنتي عاجبك اللي كان يصير فيها..

همست وهي تبكي\لا لا والله ماكنت راضية باللي يصير فيها والله العظيم..
كنت ازعل عليها كثير..كنت ادعي لها..
وبعد ماقدرت انسى اخوي مو قادرة انسى سعود والله مو قادرة..

من المــــــــاضي""

بعد صلاة الفجر..
كانت سهرانة على فلم أجنبي..
دخل وتوه راجع من المسجد بعد صلاة الفجر..
سعود\السلام عليكم..
شوق\وعليكم السلام تقبل الله..
سعود\منا ومنكم..الا اشوفك بمكانك رحت ورجعت وانتي مسنترة قدام التلفزيون..
ماصليتي..؟؟
شوق\استغفر الله والله العظيم صليت ورجعت اكمل الفلم والله العظيم..
سعود\ههههههههههههه طيب خلاص صدقتك ياساتر..
شوق\أشوف قشك عند الباب وين رايح؟؟
سعود\ماهو بشغلك..استعجلي رشا وانا اكمل الفلم لحتى ترجعين..
شوق بلقافة\ليه وين بتروحون علمني..يمكن اروح معكم..
سعود\لاني ما ابيك تروحين معنا ماراح اعلمك..
شوق\يعني تبون تسافرون؟؟
سعود\بنروح العمرة..تكفين لا ترزين وجهك معنا ..
عيب استحي رجال وزوجته يبون يعتمرون لا تلصقين..
شوق\ ما ابى اروح معكم..بارووح مع امي وغازي..
خل الاجر يكون لغازي ماهو بلك...
رشا وهي شايلة غازي\أي أجر..؟؟؟
سعود يغمز لرشا\قلت ما ابيها تجي معنا العمرة..
وتقول الاجر بيكون لغازي ماهو لي..
رشا بهدوء\يستاهل أبو ذياب الأجر كله..
سعود يقرب منها\عطيني غازي ويالله مشينا..
رشا ضمت غازي اكثر\لا....أمــــه أولى فيه..
شوق\رشوو لاتنسين تراه ابوهـ..
رشا بعصبية\وأنا أمــــــــــه..
شوق باستغراب\طيب وانتي امه..
بس ولامرة شفت سعود ماسك غزوي..كله معك..
رشا\مع السلامة أنا في السيارة..

بأي حق يشيله أو يلمسه..
ماله حق أبداً..هذا الولد لي...
هو رماني شهور..وبعدها رمى الولد علي..
كثر الله خيرهـ..مانبي منه شيء..
ناظرت بغازي الصغير بحضنها وسرحت فيه..
بتظل شمعة حياتي...
أنا ماغلطت يوم قبلت بكلامه...
هو اللي غلط عليك وعلي..
ماحنا مجبورين نتحمل خطاهـ..
أنت سكنت روحي قبل لا يحطك بحضني..
شميتك وضميتك وصرت بقلبي العروق..
مستحيل اخليه يفكر انك له...
او يتراجع عن قراره وياخذك مني..
أنا مو لعبة بيدينه مو دومية يتلاعب فيني..
أنــــــــــــت لي وأنا لـــك ومانبي من الدنيا شيء...

حست بيد تهزها بهدوء وصوت طالب يصحيها..
طالب\شوق..شوق استهدي بالله..
ليه كل هالبكاء..عشان قفلت الغرفة..
خلاص ولا يهمك الحين افتحها..

شوق تناظر فيه وتبكي بحسرة..
مو قادرة ترد عليه...
طالب\يابنت الحلال هدي حالك..والله ما اجبرك على شيء..
أنا آسف على كلامي وعصبيتي عليك..
بس مالقيت حل للوضع اللي احنا فيه..
كل ماحاولت نتفاهم نزيد بالمشكلة..

شوق\تعـ...ببت..ابي ارجع لامي..
طالب يتنهد\مايصير الا اللي يرضيك..
بس أنتي سمي بالله وقومي نامي..
شوق\أحس معك بالاهانة..
طالب بصدمة\إهانة..؟؟
شوق\ايه اهانة واحتقار..
مو قادرة اتنفس او انسى اي شيء..
انا ماعدت انا ..وانت بعدك انت..
انت ماتغيرت..بس عرفتك اكثر من قبل..
طالب أنا ممـ.... ماأبيــــ....ـــك..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

أعلن الكابتن طيار..هبوط اضطراري في مطار اسطنبول الدولي..
بسبب الأحوال الجوية السيئة..
خافت غادة وماكانت حاسبة حساب هالشيء..
هادي راقبها وكان معها ع الجوال لحتى جلست بمقعدها..
ومتفقة مع محمد يكون بانتظارها عند بوابة الاستقبال في الرياض...
نزلت الطيارة ع المدرج بصعوبة..
وكان فريق الدفاع المدني بانتظار الركاب وقت نزولهم من الطائرة..
رافقوهم الى قاعة خاصة في المطار..
اجتمعوا الركاب مع طاقم الطيران..
وصلهم الخبر من ادارة الأرصاد الجوية بتركيا عن صعوبة مواصلة الرحلة..
أعتذر الكابتن بالنيابة عنه وعن الخطوط البريطانية..لان الرحلة كانت دولية..
عمموا على كل الركاب يتوجهون لفندق المطار ويقضون ليلتهم هناك..
لحتى يوصلهم الأذن بالإقلاع..
كانت واقفة مفجوعة ماهي مصدقة الخرابيط اللي يقولونها..
كانت حريصة تكون بجنب الخليجين اللي انتبهت على تواجدهم..
ع الأقل احد يفهمها وش صاير...
فتحت عيونها على وسعها من الخوف لما حست بيد تلتف على كتوفها..
فزت بسرعة وبعدت اليد عنها وهي تصرخ..
كل اللي بالقاعة التفتوا عليها...
.....\سلامات اختي وش فيك؟؟
غادة ماردت لانها مركزة عيونها بخوف على اللي واقف قدامها..
كيف وصل لهنا...هل هذا راكان أو تتخيل..
وش يسوي بتركيا...
بس الموجودين بالقاعة هم اللي كانوا على متن الطائرة..
يعني راكان من ركاب الطائرة ..مثلها بالضبط..
راكان بهدوء\تعالي نطلع من هنا..
مشت معه من غير وعي..
لأن أفكارها خذتها لبعيـــد..
راكان كان بلندن...وهذا شيء صار واضح جداً..
بس وش كان يسوي بلندن..؟؟!
معقولةرجع يشك فيني ويراقبني...
ليـــــــه هو أصلاً توقف عن الشك عشان يرجع يشك...
لمعت عيونها من القهر والعصبية...
والله يا راكــــــــان لأذوقك المر والإهانة..
والله لأخليك تموت من الغيــــض ..وماتعرف كيف تخلص نفسك من الهم..
كثر من تصرفاتك...بذمتي لأخليك تندم وتندم...

وصلوا الفندق القريب والخاص بالمطار...
طلب غرفتين وتكون قريبة من بعض..
بس ماكان فيه الا غرفة وحدة بس..
ومن سياسة الفندق بوقت الازدحام محاولة الدمج بين الغرف..
<<خاصية سيئة مرة بالدستور التركي..
حجز الغرفة وأخذ أغراضه وأغراض غادة..
وتوجهوا للأصنصير..
والى الآن ما احد منهم تكلم او قال كلمة وحدة..

حقدها المتعاظم بقلبها منعها من التفكير بالوضع اللي هم فيه..
لما شافته دخل وراها الغرفة وقفل الباب..
ماسيطرت على أعصابها...
غادة بهدو\لو سمحت أطلع برا ودورلك على غرفة ثانية او فندق ثاني...
راكان\باطلع بس لازم أتكلم معك...
غادة\أنا اللي راح أتكلم...
عندي سؤال وابي الاجابة عليه الحين..
راكان\تفضلي...
غادة\ليـــه كنت بلندن..؟؟
راكان\عشانك..
غادة\اطلـــع برا...
راكان\وانا عندي سؤال...
غادة بضيق\مايهمني أعرفه..
راكان بمحبة\يهمني تعرفينه...
كانت تتمنى لو تصرخ فيه تضربه تهينه..
تمسح الابتسامة الكذابة المنافقة اللي على وجهه..
بس لازم تتحكم باعصابها وتنفذ خطتها من الآن..
غادة\قـــول..
راكان\فديت الحنون...
ليـــه سامحتيني..؟؟
غادة أختنقت كانت تبي تصرخ فيه وتقول مستحيل اسامحك..
لكن ردت كما يجب أن ترد..
غادة بهدوء\لأنك تستاهل فرصة ثانية..

شهقت بخوف لما ضمها له بقوة وقبلها على جبينها..
راكان بهمس\على راسي يابنت حسين..

خرج من الغرفة ونبها تقفل الباب وتخلي المفتاح على القفل..
جلست على الكنبة ومسحت دمعة حارة متمردة..
نهرت نفسها بعصبية..
ويلك تبكين...أو تفكرين تضعفين..
بديتي مشوارك ولازم تنهينه..
تذكرت كلام هديل مثل الحلم بأحد جلساتهم الاخوية الصريحة..
لما قالت بقلب مقهور..
إن هادي وسلمان لازم يرجعون ويواجهون نتيجة أفعالهم..
كانت مقهورة على حال ابوها وعمها..
ومن قهرها قالت اللي قالته..
اللي بـداء المــأساة هــو اللي ينهيها...
راكان بداء المأساة بس انا اللي راح انهيها..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

مر يومين وهو بنفس مكانه وعلى حاله..
من بعد خروجها من غرفة العمليات وهي بغيبوبة..
الأطباء طمنوه بانها راح تصحى عما قريب..
لان غيوبتها مو طويلة...
تعاني من رضوض بكامل الجسم..
كسر باليد اليمنى..
كسر بالجمجمة تم معاملته اثناء العملية..

ماقدر يشوفها الا من ورى الزجاج..
بس هو ما كان يشوفها..
لانها ماكانت أسيـــرته..
ماكانت الا ضحيـــــته..

26 - 12 - 2021, 02:02 AM

أنتبه على النيرس تتكلم معه..
وتفاجاء باللي قالته..
النيرس\سيدي لقد إستيقظت منذ ساعة وهي تطلب رؤيتك...

مو مصدق..
تطلب تشوفه بعد اللي صار..
كان متوقع تطلب الشرطة..
تقول لهم يتصلون بالسفارة..
متوقع منها تستغل الفرصة ..

دخل الغرفة وجات عيونه عليها ...
صغيـــرة مثل ماتعود عليها..
لامة الغطاء على صدرها بقوة..
ويدينها متحجرة بحضنها..
بس فيه شيء مختلف..
ماقدر يحدد الإختلاف وين يكون..

ماهو بالشحووب..ولا بالأمل المفقوود..
لا فيه شيء يخوفه..
عنده احساس غريب ينبض براسه..
اخرج من الغرفة..
اخـــــرج..
لا تقرب منها ..
اخــــــــرج..

لكن من متى كان يشوفها بطريق ومايتبعه..
من متى كان يغير الطريق اللي يوصل لها..

وقف قدامها بنظراته الغامضة..
بكلماته المعدومة..

بس هي ماناظرت فيه وهذا شيء متوقع..
كانت تناظر بيدينها ..
أو بالفراغ...
وهذا الفراغ هو صار عالمها..

مد يدهـ ومسك يدها بلطف..
حس برعشة يدها بيدهـ..
ضغط عليها ..
غازي بحنية\الحمدلله على سلامتك...
مارد عليه غير الصمت...

بعدها ماتكلم ولا تكلمت..
جلس على السرير قريب منها مررة..
مقابل لها يناظرها ويتمنى لو ترفع راسها وتناظره..
طلع ورقة من الظرف اللي معه..
ومدها لها...
بس هي ماتحركت..
ولا مدت يدها ولا سألته وش اللي بالورقة..

غازي بهدوء\خذي الورقة..
أنتي صار لازم تعرفين كل شيء...

رفعت راسها ببطء..
بس ماناظرت فيه..
الى الآن تناظر في الفراغ..

مدت يدها اليسرى بتعب..
ومررتها بالهواء تدور على الورقة المقصودة..

شهق بقوووة وقام واقف من على السرير...
وهي تلفتت براسها بهدوء..
غازي بغير تصديق\خـــــذي الورقة من يدي..
مدت يدها مرة ثانية وحركتها بالهواء..

رمى الأوراق والظرف اللي بيدهــ..
قرب منها مسك وجها بين يدينه ورفعه له..
ركز عيونه بعيونها...
يحاول يثبت كذبها...

يازمن ارجع مكانِي …

بين امسِي والقدرْ …

ارجع وشُوف الامَاني ..

خانها الحظْ ..وغدَر ..

خلنِي احيا ثوانِي ..

قصة الشمعَه وقمَر ..

شمعه ذابَت .. وهي تعانِي..

قسْوة الظلما .. وبشرْ ..

والقمَر رافَق اغانِي ..

تنعزفْ لحظَة .. سحَر ..

"
قصة الشمعه حزينه ..

(تنتنشي - تطفي - وتموت )

نورها .. اصبح سراب .. يتبع الظلما ويزول ..!

وين كانت ..؟

وكيف صارت ..؟؟

وليه ماعدنا نشوف .. للعطا غير الذبول …!؟

"
ليه مانذكر ضياها ..!؟

وكيف دمرها عطاها ..!؟

(شمعه )..

واحرقها سناها ..!!
قطرة ..
قطرة ..
ترسم الموت بجسدها ..!

والدفا ضاع بلحدها ..!!

"

غازي بهمس\شوفيني تكفين...
هديل تبتسم\أشوفك صدقني..
لأول مرة أشوفك...
كنت كل ماغمضت عيني أشوفك..
ألحين حتى وأنا مفتحتها أشوفك..
لا تخاف أشوفك..
غازي ضم راسها له بقووة..

غازي بألم\قولي انك بخير...
تكفيــــــــــــــــــــن..

أول مرة يترجاها...
ياما قالت تكفى...
ياما بكت وترجت..
تذكرت بلحظات ألمها..
كيف كانت تبوس راسه عشان يعتقها..
كيف تعلقت برقبته وترجته يسامحها..
بس كان مايسمعها..
وكل اللي سوته خلاهـ يصمم على إذلالها..

هديل بألم\للأسف جاريتك صارت عمياء...

غازي بصراخ\انتي مو عمياء...
أنتي بخير...بكرة بس تطيبي أطلعك من هنا..
وأخذك احسن مركز علاج بالعالم..
بتقدرين تشوفين أوعدك..

هديل\ما ابي أشوف...
مرتاحة على حالي..
عساني أظل طـــول العمـــــر وأنـــــ...............

منعها ماتتكلم..
حط يده على شفايفها..
وهمس لها\كل شيء بيتصلح والله...

تبكي وبحسرة\وش اللي بيتصلح يامجرم..
أنت وش بقيت فيني..
مابقى شيء..
والله مابقـــى شيء...

ياآسري:
ماذا بقي لأعلق الآمال وأحلم..
أبني السفن وأبحر...؟؟

هل أنا دومــــــــية..
انعقطعت عيناي الاصطناعيتان..
فتأتي بأخرى جديدة..؟؟

أم أكـــــــــون كقطع الغيار...
تستبدل التالف بالصالح...؟؟!

يا آسري:
مرحــــــــــــى لـــ الظلام...

دخل راجح وسحب غازي من هديل..
اللي كان حاضنها وهي تبكي تبيه يتركها..

راجح بصوت خافت\ماهي ناقصة...
غازي\لازم أخذها من هنا...
وين الدكتور..راح أنقلها اليوم من هذا المستشفى..
بأوديها روما..هي لازم تتعالج..
راجح\هذي هي مافيها شيء...
لا تفاول عليها..
لما طلعت من المستشفى خذها وين ماتبي..
بس الحين خلها ترتاح..
غازي\وش مافيها شيء...؟؟
أنت ماتدري وش اللي فيها؟؟
راجح أستغرب كلام غازي..
مو من عادته أبداً المبالغة..
بس البنت قدامه بخير...
ترك غازي وقرب من هديل...
راجح\الحمدلله على سلامتك...طهور ان شاء الله..
ماردت عليه نزلت راسها وتجاهلت وجودهـ..
راجح\وش اللي تحسين فيه ألحين..؟؟؟
هديل بآسى\أحس إني حقيرة..
غازي بصراخ\لا تطلقيني على نفسك هذا اللقب..
هديل\أنا رسل الحقيرة هذي حقيقتي..

قرب منها بسرعة ولما كان بيمسكها...
راجح تدخل وسحبه بينما هو كان ثائر بشكل متوحش..
وخرجه قبل لا يسوي شيء بهديل..

كانوا يسمعون صراخها وهي تبكي..
دخل الدكتور وثبتها..
كانت تصرخ برعب وخوف..
ماتشوف اللي حوالينها..
أيدي كثير تلمسها تثبتها..
هديل بصراخ\بعدوووووا عنيييييييييييييييييييييييييييي...
اتركوووني...ما ابيييكم ما ابييييكم...
لا تلمسوني لاااااا لاتلمسوني أكرهكم اكرهـــــــــــــــــــكم..

ضربها الدكتور بمهدء..وطلب نقلها لغرفة ثانية..
تكون الأنوار فيها قليلة..
لأن قوة الانوار والأشعة اللي تدخل من الشباك تسبب صداع حاد وألم في العين..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛

جلست قدام مرايتها...
تناظر الانسانة اللي صارتها..
واثقة بنفسها بجمالها..
بقدرتها على هزم خصمها...
بقت ثواني بس وتنزف لراكان...
ناظرت بفستاهنها المشكوك على الصدر...
طرحتها الممتدة وراها بالطوول..
ناظرت بيدها...وهي تتأمل إسوارة هديل الخاصة...
معلقة أحرف من ذهب..
بأحرف هديل...
تمنيتك معي يانور الدنيا..
تمنيتك جنبي يا الغالية...
الله اعلم لو كنتي حية الى اليوم..
كنت ممكن أزفك لراكان...
بس هو مايستاهلك ياغلاي...
ومايستاهل طرف ثوبك..
ولا يستاهل اختك...
من متى كان العفن يطغى على ألماس...
قلبي كرهته يا هديل...كرهت حتى وعودهـ وحبه الكذاب..
ليتك معي الليلة..نضحك عليه ونرجع لبيت شايبنا وننام..
ناظرت بنحرها..
كان عقد من الألماس يلتف على رقبتها بروعة..
هو من إختيار راكان..لما كانوا بتركيا...

فتحت الباب ودخل يستعجلها عشان يطلعون...
غادة بقهر\راكان لو سمحت مابينا شيء رسمي عشان اطلع معك...
راكان\يعني الحفلة والرقص هي الشيء الرسمي.
يالله لازم تجين معي..عندي لك مفاجئة...
غادة\مو ضروري..بعدين...
راكان بخبث\متى بعدين بعد الظهر ولا متى..
غادة\وش معنى بعد الظهر؟؟
راكان\طوول الليل سهران اذا ماطلعتي معي فاسمحي لي انام هنا..
تعبااان ومافيني حيل..
غادة\بس فيك حيل تتمشى ...؟؟
راكان\ايــــه مادام معك فأكيد..
غادة\ما ابى اطلع..ولو سمحت احترمني واطلع...
راكان يفسخ جاكيته ويفسخ جزمته ..
غادة\خلااااص خلاص نطلع قووم نطلع والله..
راكان يكمل فسخ جزماته ..
غادة بعصبية\قلتلك خلااص والله..
راكان يبتسم\طيب وش فيك مستعجلة أبي اوضي ...
حست أنها تتبخر من القهر...
بعدها طلعوا يتمشون وهي تحذر نفسها لا تبين مدى كرهها له ولصحبته..
لاحظت نظراته عليها طول الوقت..
وفسرتها إنها نظرات الشك...
تمنت لو تسوي شيء يثبت شكوكه ويقهرهـ..
بس هي كانت اكبر من التصرفات اللي ممكن تدينها وهي بريئة ...
دخلها محل مجوهرات..
وطلب منها تختار اللي يعجبها ...
في البداية ترددت كثير وماحبت تاخذ منه شيء..
بس لها حق تدلل وهي عروووس..
ضحكت بخاطرها على أفكارها..
وأختارت الطقم اللي أعجبها وناسب ذوقها ..
وطبعا كانت مراعية السعر مرررررة...
المهم يكون غالي ويفلس راكان شوي..

شهد تبتسم\جاهــزة يا عرووووس...
غادة ترد الابتسامة\جاهزة ياقلبي...

أعلنوا عن نزول العروس للقاعة...
وغادة كانت طالبة من عبدالله ولد علي يرزف قدامها وهي تمشي ع المسيرة..
في البداية عصب وقال رجال وش كبري أرزف عند الحريم..ماتستحون..
بس غادة وحنان قدروا يقنعونهـ..
وكان بين لحظة ولحظة يلتفت لها ويقول عاشت الوغدة...

حـــابة تشاركوني بتوقعاتكم قبل البارت القادم..
غــــــــــادة وش راح يكون إنتقامها..؟؟

الى الملتقى باذن الله تعالى يوم الجمعة...
يمكن البارت قصير المعذرة منكم هذا اللي قدرت عليه هاليومين..

كونوا بخيــــــــــــــــر ..

صدووود’’’

المواضيع المتشابهه لموضوع: ما غرام يشرح الصدر طاريه و إلا صدود و عمرنا ما عشقنا للكاتبة صدود كاملة لموضوع: ما غرام يشرح الصدر طاريه و إلا صدود و عمرنا ما عشقنا للكاتبة صدود كاملة
الموضوع	كاتب الموضوع	المنتدى	مشاركات	آخر مشاركة
سجود السهو	نجمة المساء	نفحات اسلاميه	15	8 - 6 - 2021 12:49 PM
يشرح القلب طاريه ولا صدود وعمرنا ما عشقنا	شيخة الزين	همس عالم حواء	6	1 - 7 - 2018 10:50 PM
فستق صيني	همسة الشوق	همس لعالم النبات والثروه والزراعه والحيوانيه	8	13 - 9 - 2015 06:35 AM
علمو سدني	سجات التهاويل	همس للرياضه السعوديه والخليجيه	3	6 - 3 - 2015 08:50 PM
صور غنى 6 شيوخ في الخليج	علياء	همس للاخبار الفنية العربية والعالمية وصور المشاهير	7	29 - 10 - 2014 03:59 PM

الذين يشاهدون محتوى الموضوع الآن : 5 ( الأعضاء 0 والزوار 5)

الأعضاء الذين قاموا بتقييم هذا الموضوع : 0
لم يقوم أحد بتقييم هذا الموضوع