ما غرام يشرح الصدر طاريه و إلا صدود و عمرنا ما عشقنا للكاتبة صدود كاملة - الصفحة 16

4 - 1 - 2022, 01:06 AM

صحت من النوم غصب عنها لما حست بشيء غريب عليها..
شيء يتحرك على صدرها...أنفاس سريعة على وجهها ..
وفزت لما وصلت الانفاس لمحاولة عض على خدها..
صرخت بفرحة لما شافته يشاهق مبسوط فيها..
ضمته لها بقووووة وهي تبوسه على وجهه ورقبته وصدرهـ..
كان يلم يدينه حوالينها ويضحك..
بكت وهي تضمه وتترجاهـ يسامحها..
هديل بحب\يارووووح أمك يا قلبها..
فديييتك يا حبيبي..واحشنــــــــي..
دوب دوب دوب..

ضحكت مبسوطة لما يفتح فمه ويحاول يقبلها بطريقة غريبة..
ناظرت في أمها اللي تضحك على شكلها..
نزلته على فراشها وقبل تقوم لأمها نط عليها بسرعة..
لم يدينه حواليها وكرر حركته بفتح فمه على خدها..
هديل بحب\يووووومه امووت فيه..
بياكلني أو باكله..ياروووحي والله اشتقت لك..

ماسمح لها تبعد عنه..وهي نادت امها لها..
ضمتها بقوووة وهي تضحك..
هديل\ياقلبـــــــــــي وحشتيني..
ام علي بغصة\الحمدلله على السلامة..
هديل تبتسم\الله يسلمك...متى جيتي.؟؟
ام علي\نمت جنبك ماحسيتي علي..
هديل بخجل\لا والله ماحسيت عليك..يوومه وحشتوني..
ام علي\وأنا ميته عليك..
هديل\بسم الله عليك من الطاري..
ابوي جاء معك ولا مين..؟؟
ام علي\لا ما أحد جاء معي أنا لحالي..
هديل\أجل ذياب هو اللي جابك..
فديت ذيب أمه..البار بجدته..
ام علي\مادخلته عندك وانتي نايمة خفت يصحيك..
هديل تقبله بحب\ياليتك دخلتيه..فديييته امووت فيه..
ام علي\قال علي إنك تعبانة فخليتك ترتاحين..
وولدك ملقووف إذا شافك أو شم ريحتك مابيخليك تنامين..
هديل\ياعساني لعبة بيدين الملقووف الشيخ الأمير..
ام علي تبتسم\عطيني إياهـ وأنتي قومي أفطري معنا..
هديل\طيب خذيه بابدل واجيكم..

مدته لأمها تاخذه..
بس هو تعلق بشعرها وسحبها معه..
هديل\آآآآآي لا هههههههه ذياب فك شعري..
ام علي تمسك يدينه\ألا يالورع..فك شعر أمك..
هديل\آآآآهـ يوومه فكي يدينه عن شعري..
لما حاولت تاخذه من هديل بكاء بصوت عالي وشد على شعرها اكثر..
هديل بوجع\ههههههه لاااا ذيبي فك شعري عورتني..
هههههههه ههههههههههه...
ام علي\لا تضحكين..ترى بيظن إنك مبسوطة عليه ويزيد بحركاته..
هديل\ههههههههههه يومه ولدي مثل ابوهـ هههههههه ..
ام علي\يعني متعلم من ابوهـ يشد شعرك..؟؟
هديل\إيه لما اعاندهـ وابي اشرد منه يسحب شعري ويمسكني..
ام علي بحسرة\الله يعوضك يومه..

جلست على السرير وسدحت ذياب عليه..
حركت اصابعها على بطنه وصدره بخفة..
خلته يضحك ويفك يدينه من عليها..
وقفت بسرعة قبل يتعلق فيها مرة ثانية..
وراحت لدورة المياهـ..
هديل بانتصار\دووب واحد..
روح مع تاج راسك جدتك وأنا اجيكم..
يوومه يا روحي أنتي..ربي عوضني بالذيب..

دخلت دورة المياهـ وهي تسمع ذياب يبكي..
أستغربت القميص اللي لابسته..
والماء اللي تحس فيه باقي في بنطلونها..
مافكرت كثير وهي تسمع ذياب يصارخ..
تحممت بشكل سريع ولمت منشفتها عليها..
طلعت لغرفتها مالقت امها ولا ذياب..
مشطت شعرها ورفعته..

فتحت الكبت وشافت ملابسها معفوسة..
أستغربت لانها مرتبتها ..
وبعدين ملابسها مو كثير بس مع شكلها المعفوس وكأنها كومة ملابس..
لبست وهي مبسووطة بتطلع وتلقى أمها وذياب..
مشتاقة لهم كثير..تمنت لو ابوها وأخوانها موجودين..
وقفت قدام المراية كانت تقفل بلوزتها..
لما لاحظت شيء غريب بأسفل رقبتها..
ماتدري ليه حست بخجل من اللي فيها..
لما حست تفكيرها بياخذها له..صدت عن المراية..
وطلعت من الغرفة..

راحت له وهي تبتسم بشوووق..
وقف لها وهي ضمته وقبلت راسه وكفه..
ماتوقعت تشوفه لان امها قالت مامعها الا ذياب..
هديل تبتسم\نوورت الشرقية..
ابوعلي\منورة بسكانها يا روح أبوك..
كيفك يوبه..؟علي يقول تعبانة..
هديل\الحمدلله بخير..بس كنت مصدعة شوي..

راحت لمحمد سلمت عليه..
وعلى غادة وحنان وعبدالله..
غادة\جعلك من هل الجنة..
كسبتي أجرنا وجبتينا لـ البحر..
هديل بمرح\ليتكم كنتوا معي في العمرة..
حنان\فديتك يا هدووول مشتاقين لك..
هديل\ياغلاهم ياحنونة..والله مشتاقة لكم..
أحس سنين ماشفتكم..
حنان\ترى بغيابك صار ذياب وهدول ربع..
هديل تبتسم\واخيراً نالت بنتك على رضى ذيبي..
حنان\هههههههه والله بالغصب..
يمسكها من شعرها وشوي الايفغصها..
هديل تبرر\هههههههه رجال لازم يربيها على السنع..
هذي بنت خاله..
غادة\خير يا اللي يربيها..
مابقى الا ولد الجالي يربي بنت الجاسم..
هديل\عندك نزعة قبلية غير مرغووبة..
وبعدين يجيلكم ذياب بن هديل يربي بنتكم..
غادة\هههههههههه ياقوووية..ذياب بن هديل..
كيف يجي ذيب ولد حمامة..؟؟
هديل بقهر\أخبار راكانك...بعدهـ وع مايتنظف؟؟
غادة عبست\وجع حتى أخوك محمد مثله نفس ريحته..
أعتقد يستخدمون نفس العطر..
هديل\أقول أرجعي لزوجك ياللي ماتستحين..
غادة\شوفوا من يتكلم..؟؟ليش أنتي ماترجعين..؟؟
هديل بهدوء\انا انصحك لأن هذا لصالحك..
فلا تنصحيني للي يدمرني..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛

دخلت الغرفة بعد ما تأكدت إن راجح طلع من البيت ..
بدت ترتبها مع الخدامة وتفرد الغسيل..
دخلت غرفة التبديل وشهقت بقوووة..
لما شافت فستان الزفاف معروض قدامها..
هي متأكدة إنها خبته عن راجح..
حطته بشنطة وقفلتها..
كيف قدر يطلعه..كيف عرف عنه وشافه..؟؟
نادت الخدامة وسالتها إذا كانت هي اللي طلعته..
وإجابتها أكدت لها إنه راجح هو اللي عرضه قدامها..

بلحظات قدرت تفسر غرابت نظراته لها لما دخلت الغرفة وهو فيها..
هذا كان مقصدهـ ..
بس مافهمت هل هو رضى او شيء ثاني ما اعرفه..
ماكان المفروض يشوفه ولا يدري عنه..
تمنيت يشوفه علي ونكون راضين..
مابينا حلف بالطلاق وزعل كبير..

طول أمس وأنا اراجع تصرفاتي..
كنت خايفة يكون سامع شيء..
أو في باله موال جديد يهاوشني عليه..
والحين فهمت..كله من هذا الفستان..

فستان ابيض ناااعم جداً..
يليق بحفلة صغيرة لزوجة طمووحة لإرضاء زوجها..

حست بزعل وضيقة قووية..
غصب عنها أدمعت عيونها..
وتضايقت اكثر من وجود الخدامة وراها..
رشا بحدة\جيبي كيس كبير..
حطي فستان ونزليه في مستودع..
راجح بحنية\أفـــا وتخلينها في خاطري..

ألتفتت عليه بسرعة..
حست بإحراج كبييير..
وكأنه أول مرة يشوفها..
تمنت لو مادخلت غرفته..
لو شالت الفستان اول ماشافته وخبته..
تحس وكأنه مسكها تسرق وبالجرم..
نزلت راسها وكانت بتعدي من جنبه..
وقف قدامها ومنعها تمشي..
راحت من الجهة الثانية ومنعها..
حطت يدينها على صدرهـ تبعدهـ عن طريقها..
وهو لم يدينه على خصرها وقربها منه..
راجح\ليه الخجل..؟؟
رشا\باطلع..
راجح يبتسم\اول بدلي ملابسك..
رشا بإحراج\ما بألبسه..والحين بعد عني..
راجح\لازم تلبسينه ولا كيف تطلعين..؟؟
رشا تحاول تفك نفسها عنه\اطلع مثل ما انا الفستان ما بألبسه..
راجح بحنية\الفستان إن شاء الله بتلبسينه..
بس أنا ابيك تلبسين عباتك ياروحي..
عندك موعد مع الدكتور..

حست بفشششلة منه..
ألحين بيضحك عليها وعلى تفكيرها..
يبيها تلبس العباية وهي تتغلى وتحسبه يبي الفستان..
انحرجت منه بزيادة..
وبكت بقهر..
ضمها وهو يضحك بصوت عالي..
راجح\ههههههههه فديت الحساسة..
إن مالبستيه لبستك إياهـ غصب..
رشا بزعل\بسسسسس..
راجح\سبحان الله الحسد ماهو زين..
وأنا حاولت قد ما اقدر ما احسد طالب..
وحبيت يكون لي مثله..
يعني أشوف زوجتي عرووس..

هدت نفسها لما سمعت كلامه..
يعني هو كان يتمنى يشوفها بشكل العروس..
وهذا يعني إنه ما يسخر منها او يستسخف حركتها..
حاول يرفع وجها له بس هي مارضت وخبته في صدرهـ..
رشا\لا تضحك علي..كانت فكرة غبية..
راجح\إلا اطلق فكـــرة..أعجبتني مرررة..
ومشتاااق أشوفك لابسته..
وكان لازم اجيب شيء يناسب الفستان ويناسب رضاك..

مافهمت كلامه وهو مسك يدها وطلعها لغرفة النوم..
جلسها على السرير وجلس جنبها..
طلع علبة مخملية كبيرة من كيس ..
فتح العلبة وكانت طقم ذهب أبيض لازوردي..
عقد راااقي وفخم ..بخاتم وإسوارة وحلق ..
ناظرت الطقم مبهورة برووعته..
رفعت عيونها والتقت بعيونه..

راجح\كلامك كان صح..
وانا جرحتك بطاري الطلاق..
مع إن هذي ماكانت رغبتي..
فكرة حبيت اوصلها لك وأخليها على بالك دائماً..
كفرت عن يميني وإن شاء الله ربي يتقبل مني..
رشا تبكي\لاتطري الطلاق مرة ثانية..
إلا إن كنت ناوي فراق فلك اللي تبي..
بس تهديد وكسر خواطر لا..
راجح\بس يارشا لازلت عند رأيي..
ما أبيك تدخلين بحياة غازي وهديل..
إن كانت نصيبه فلو اجتمعوا كل اهل الأرض ضد غازي فهو بياخذها..
وإن كانت ماهي من نصيبه فمستحيل ترجع له ولو جمع ما جمع..

كل كلامه صح..
العاقل والمجنون يتفقون بهذ النقطة..
إن كانت نصيبه فهي له..
وإن كانت ماهي نصيبه فمابتكون له..

لما حست بيده على كتفها..
قربت منه ولمت يدينها على رقبته وضمته بقوووة..
تحبه وتحب حنيته عليها وعلى هديل وشوق..
تبي ترضيه تبيه يكون سعيد معها..
هو يستاهل الراحة..
الراحة اللي ماعرفها من يوم تزوجها او قبل مايتزوجها..
قبلته على رقبته بحب..
رشا\فديتك يا حنون...
ضمها له اكثر وقبلها بعمق..

يحبها..يرحمها..يحب يرعاها..
لما شاف الفستان بشنطته أنصدم منه..
ظل يفكر لوقت طوويل من وين بيجي فستان زفاف لشنطته..
وتذكر تصرفاتها الغريبة قبل حفلة شوق..
ومنعها له مايدخل غرفة تبديل الملابس..
والمفاجئة اللي كانت توعدهـ فيها..
طلع الفستان وعلقه بواجهة غرفة التبديل..
ذوقها الناعم الهادي..
أنبسط وحس بسعادة كبيرة إن رشا فكرة بهذا الشيء..
يمكن حست بغيرة من شوق..أو تفكيرها كله ترضيه هو..
لانه ماشافها بحلة العرووس..
عرف ليه الفستان متخبي بشنطته..
لأن اللي صار بينه وبينها والمشكلة ماسمحت لها تظهرهـ ..

ضمها له اكثر وهو يهمس لها بحبه ..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛

4 - 1 - 2022, 01:07 AM

كلهم كانوا يضحكون عليها..
وهي مخبية وجها ورى يدينها وتضحك..

علي\ايه بس حمى وتهذي..
وتصحيني من النوم تقول غازي ضرب أمي..
هديل تشهق\ههههههه لا ماقلته..
علي\هههههههه والله قلتيها..
وانا قمت مفزوع صدقتها ..
خرجت من الشاليه ادور أمي وين غازي يضربها..
رجعت لها وهي نايمة في غرفتي..
جيت اصحيها طلعت البنت راعية حمى وخرابيط..

عبدالله\ههههههههههههههه عاد مالقيتي الا جدتي ضربها..
لو قلتي ابوي أخواني جدة ابوي يمكن معقولة..
بس امك يضربها زوجك كيف طرت في بالك..
هديل بفشلة\يلعب عليكم لا تصدقووونه..
علي يضحك\ههههههههههه والله إني صادق..
لا وكنت جالس معها على التفزيون..
الا البنت تشرح لي وش معنى خرق في طبقة الاوزون..
وإنه بسبب اكل الخيول لـ السكر..
بالله عليكم وين الرابط العجيب بين المعلومتين..؟
هديل\علـــــــــي حرام عليك والله ما اذكر..
غادة\ههههههههههه آآي بطني..
محمد\ههههههههههههه والله نكته عجيييبة يا هدووول..
عبدالله\أرسلتها لشلتي قطاع الطرق..
وبعد شوي توصلكم بالواتس..
علي بجدية\هديل أنتي ماتذكرين وش صار أمس..؟؟
هديل بتفكير\امممممم بلى مو امس رحنا نتعشى بالمطعم..؟؟
علي يبتسم\لا يا عيوني أول أمس رحنا المطعم..
هديل\هههههههههه شكلي خرفت..
بس صدق وش سوينا امس..؟؟
علي\بعيدن اقولك..فيه قطاع طرق هنا وعواذل..
غادة\بالله قول يا علي خلنا نضحك عليها..
هديل\والله العظيم ماتقول لهم..
خلاص يكفي فضايح..
محمد\لايكون فيها غازي بعد؟؟
علي\بعضها فيها وبعضها لا..
هديل\لااااااا تقول شيء خلاص..
كنت تعبانة المفروض ما تنشر اسراري..
علي بنظرات\سويت معك تحقيق..
وقلتي لي كل شيء..

رفعت راسها عن ذياب وناظرت فيه مصدووومة..
نظراته خوفتها وحست انه صادق بكلامه..
خافت يكون صدق أستجوبها وهي قالت له شيء..
ماتبي مشاكل بينهم وبينه..
تبي كل شيء ينتهي بالطلاق..
ماتبيهم يعرفون..
نزلت ذياب بحضن غادة وطلعت من الشاليه..
جلست مع ابوها اللي كان يشوي اللحم..
وأمها تجهز أغراض العشاء مع حنان..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

أبتعدت عنهم ووقفت قدام البحر..
كلام علي قلب مزاجها وخوفها..
هي ماتذكر كل اللي يقوله لهم..
يعني يمكن يكون صادق وهي أعترفت بكل شيء..
ألتفتت على صوت وشافت علي متوجه لها..
ارتجفت وفكرت كيف تواجهه..

تذكرت غازي كيف يتصرف..
يكون بارد ومتملك بأعصابه..
مايسمح لأحد يستغفله أو يستدرجه..

حين اشتـــاقك ..
أتقمص شخصيتك..
أبتسم لما تحب..أغضب لما تكـــرهـ ..
أتخذ قراراتي بحزمك..
أصد عما يسيئني ببرودك..
أتجاهل عبارات الإستفزاز كما علمتنـــي..
وأتمســــك بثقتي العوجـــاء مهما ضعُفت..

علي بهدوء\وش رايك تسبحين..؟؟
هديل بهدوء\مالي خاطر أسبح..
علي\ليه هربتي بعد كلامي..؟؟
هديل\انا ماعندي شيء يخليني أهرب منك..
علي\وش صار بينك انتي وغازي..؟؟
هديل\متـــى..؟؟
علي\لما كنتي معه..
هديل بهدوء\أيام كثير كنت معه..حدد متى..
علي بحنية\ماني حاب أضغط عليك او أجبرك تتكلمين..
بس هذيانك كان كله عن غازي..وعن خيول ومزرعة..
هديل بحذر\طبيعي أتكلم عنه وعن الخيو ولامزرعة..
عشنا هناك فترة في الريف..وكان فيه خيول..
علي\تحاولين تضيعين الموضوع..
هديل\مافيه موضوع..إذا عندك شيء واجهني فيه..
علي\هديل أنا أخوك ماني عدوك عشان اواجهك بشيء..
يمكن انتي عشتي كفاح طويل مع الدنيا ومع الناس..
بس يالغالية ما أنتي مجبورة تعيشين بحالة دفاع دائمة مع نفسك وهلك.
أبيك تظلين مرتاحة مثل ماكنتي بأيام العمرة..
أنتي خايفة من شيء..
وتطمني انا ماعرفت شيء ماتبيني اعرفه..
هديل بجمود\انا ماعندي شيء أخبيه..
اللي تبونه قلته لكم..
علي\ما ابيك تقولين اللي أنا ابيه..
أبيك تقولين اللي بخاطرك تقولينه..
هديل\اللي في خاطري قلته في مكة ودفنته..
والكلام في الفايت نقصان عقل..
ما ابي من غازي الا يطلقني وأبيك توقف معي في هذا الشيء..
علي\هو قالي إنكم تفاهمتوا..
وإنك وافقتي ترجعين معه لحتى يتعالج ذياب..
بس ألحين ادركت إنه يكذب علي..
هديل\وأنا متى قابلته عشان اقرر معه..؟
علي\غازي كان معنا امس هنا في الشاليه..
وأنتي اللي طلبتي منه يجي..
هديل بصدمة\مستحيل..أنا اطلبه يجي..؟؟
لا انا ماطلبته لا تتهمني..وهو ماجاء..
لو جاء ماكنت بانسى..
علي\صلي على النبي ولا تخافين..
أنتي طلبتيه يجي بس ألحين أدركت انك ماكنتي واعية لطلبك له..
كنتي تعبانة وتهذين..
هديل\اطلبه وانا تعبانة ليه..؟؟ وش ابي فيه..؟؟
ليه وافقتني وخليته يجي..مو انا اقول ابي الطلاق..
علي أنا ما اذكر..
علي\طلعت امس اجيب علاجك من الصيدلية..
رجعت وكنتي أنتي وهو جالسين هنا..
يمكن لقاك تسبحين ووطلعك من البحر..
عشان كذا ماتذكرين..

صدت عنه ومشت مبتعدة ..
غازي جاء..؟؟
طلعني من البحر..؟؟
وأنا ليه دخلت البحر..أنا ما اعرف اسبح..
مستحيل ادخل البحر لحالي..
يمكن هو دخلني البحر..
جلست وغمضت عيونها وحاولت قد ماتقدر تسترجع اللي صار معها..
بعد ربع ساعة فتحت عيونها وهي تشهق بخوف..
وقفت بسرعة ودخلت الشاليه..
ماردت على ابوها ولا اخوانها اللي كانوا ينادونها..
دخلت غرفتها وقفلت الباب..
فسخت بلوزتها بسرعة ورمتها..
وقفت قدام المراية وشافت اللي برقبتها..
حطت يدينها على وجها ودارت على نفسها..
هديل بهمس\وش صار..؟؟
ياربي وش صار..وش سوى فيني..
تذكرت كلامنا هواشنا..هو صدق كان موجود..
بس كنت بوعيي مالمسني..
طيب كيف جات هذي كيييف..؟؟

فتحت الجوال واتصلت عليه من دون تفكير..
غازي\هلا والله..
هديل بحقد\أنت وش سويت..؟؟
غازي\بعدني ماسويت شيء..
هديل برجفة\تكلم قووول أنت وش سويت فيني..؟؟
غازي بمحبة\ولاشيء ياروحي..
بكرهـ إن شاء الله يصير خير..
هديل\مابيصير شيء بكرهـ..
غازي\ليه يا حبي مابيصير..؟
وعادي إذا ماصار المهم تكونين معي..
هديل\أنت مو صاحي..ليه ماتطلقني وتريحني..
غازي\أفا اطلقك واللي صار أمس..؟؟
هديل بشك\قلت ماصار شيء..
غازي\ياحبي أنتي..امس قلتي إني حبيبك..
وإنك تبين ترجعين لي..ونعالج ذياب ونكمل حياتنا..
هديل بقهر\كذااااب مستحيل اقوووله..
أنت كذاااب كذاااااب..
غازي\هشششش لا تزعلين وتتعبين نفسك..
ألحين ابيك تنامي وترتاحين..بكره مع الفجر عندكم مشوار..
لازم ترجعون الرياض بدري..
عيب الناس ينتظرون أبوك واخوانك..
هديل\أي ناس واي بطيخ..؟؟أنت تهذي..؟؟
غازي يتنه\إلا أموووت فيك..ما اهذي وبس..
الناس ياقلبي الجاهه اللي جايين يرجعونك لزوجك حبيبك..
هديل\لا والله ما تجيبهم..
لا تجيبهم ما بارجع معك..ليه ماتفهم ليييه..؟
غازي\وتردين الشيوخ والأمراء والناس كلهم اللي جايين يطلبونك..؟؟
هديل بقهر\ليه أنت مارديتهم لما جاوء يطلبونك تعتق هادي..؟؟
مو قلت الدم بدم ومانقبل صلح..
ليه انا مايحق لي اقول لا ما ابيه ومابارجع معكم..
على الاقل انا في حق..وانت كنت في باطل..
غازي\حالي غير عن حالك..
هديل بحقد\هذا ردك حالك غير عن حالي..
معك حق أنا غير عنك..وما بأرجع لك..
غازي\ياروحي أنتي أمس أتفقنا على كل شيء..
ترجعين وتعيشين معي لحتى يتعالج ذياب..
بعدها إن ماقدرتي تكملين معي ننفصل..
هديل برفض\لا والله ماقلته أمس والله..
غازي\لا تحلفين..
أنتي قلتيه بس يمكن تعبانة الحين وماتذكرين..
هديل\ما ابي ارجع لك..
غازي\ليــــه..؟؟
هديل\...................
غازي\أحبـــــك..
هديل بغصة\لاتجيبهم..
غازي\أطلبي غير بعدك وابشري..
هديل\أنت تطلب عناك..
إذا رجعت لك أعيش معك مثل ماكنا بإيطاليا..
مثل مانسيت إني زوجتك إنسى مرة ثانية..
ومثل ماصديت وجرحت صد مرة عاشرة ..
غازي\أنتي أرجعي ولكل حادث حديث..
هديل\لا..
ألحين إما نتفق أو والله العظيم لأردك واردهم..
ولو فيه فشلة وقهر لهلي ولك ولـ الشيوخ اللي جايبهم..
ولو قالوا عني الناس ناقصة عقل وسنع ماهمني..
نعيش مثل زمان ومايكون لك علي حق ملك اليمين..
لأن مالك دم برقبتي ولا برقبة اخوي..حن بريئين من دمكم..
غازي\لك اللي تبين..
هديل بوعيد\ورب العزة والجلال ياغازي..
إن ضربتني أو أجبرتني عليك أهرب من الديرة كلها.
ومثل ماغبت عنك سنتين اغيب عنك سنين...
سويتها مرة وانا بزر واسويها من ثاني ..

قفلت الجوال ورمته على الارض..
جلست على ركبها وبكت بقهر..
ليه ماتخليني ابني حياتي وارتاح..
ليه تبيني أبنيها على ركام حياة قديمة..؟؟

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

بعد صلاة الفجر خرجت من غرفتها ..
وكانوا هلها كلهم مجتمعين برا الشاليه ويتكلمون في الموضوع..
كانوا خايفين تسمعهم وتتضايق..
علي\حسبي الله ونعم الوكيل فيه..
هو يدري إن حن ماحنا في الرياض..ليه يحرجنا مع العرب..؟
ابوعلي\وش السواة..الناس بيقبلون على بيتنا وقبيلتنا..
وحن هاربينا هنا..قوموا رجعنا..
ودامها ماهي براضية فـ الله يستر عليهم..
بنتنا لنا وماحد له عندنا شيء..
علي\شورك وهداية الله..
هديل\بس أنا بأرجع يوبه..
ابوعلي بصدمة\كيــــف..؟؟
علي بغضب\لييه ترجعين لييييه..؟؟
اتفقنا ماترجعين وتنتهي حياتك معه بالطلاق..
هديل\وبعدني عند كلامي..وباتطلق منه..
بأرجع معه لحتى يتعالج ذياب وبعدها ارجع..
علي\انا اعالج ذياب..أوديك أنتي واياهـ وين ماتحبين..
بأي بلد مستعد أخذك..بس لاترجعين له..
هديل\ماتقصر يا ابو عبدالله..
بس أنا اعرف الأصول واعراف القبايل..
اللي جايينكم الليلة شيوخ وناس لهم حشمة وقدر..
وإن رديتوهم فينقص قدركم بينهم..
ويزيدون الناس في كلامهم علي وعليكم..
انا بارجع له عشانكم ماهو عشانه..
وهي شهرين وارجع لكم..
وبعدها لا هو ولا غيرهـ لهم عندي شيء..
بس طلبتك يوبه لاتقفل الباب بوجهي وتسدها علي..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛

دام السنين الي مضن لي مخاسير
عسى العوض في باقيات السنيني ...

جالسة جنبه في السيارة..
يوم أنتهى مثل ماوعدها ينتهي وهي معه وراجعه له..
شافت الحسرة بعيون أمها وجدتها..
ومرح حزين حاولت تنشره سارة وغادة بينهم..
حضروا لها شنطة صغيرة مستلزمات كم يوم لحتى يشترون لها الباقي..
وماسمحوا لها تروح الا بفستـــان يليق بها..
حرمة راجعة لزوجها..لازم تفتنه وتقهرهـ..
الفكرة اعجبتها وكانت تدري إنها بتقدر تهزمه وتقهرهـ..
بس هي تعرفه مايتحمل تكون جنبه الا ويتحرش فيها..
فكيف لو تقصدت تلبس وتدلع عندهـ...
سارة\يا بختك يا أبو قوطي الطماط ..

أبوها واخوانها لما سلموا عليها..
ودعتهم بإبتسامة وضحكات كذابة..
كان عبدالله يشرح لها كيف المجلس والحديقة أمتلت رجال..
وهو يدور عليهم مع ابوه وعمامه وعيال قبيلتهم بالقهوة ..
كم تمنت لو إنها مافيها خير..
لو كانت حقوودة وحقيرة..
لو تدخل عند الرجال وتقول ما بارجع له والله لا يردكم ولا يردهـ..
جبان قتلني وجايبكم اليوم تدفنوني معه..

عاتبت نفسها...
راحت سنين مالها اي قيمة عند أحد..
ماخسر غيرك ولا ضاع غيرك..
كل من طاح منهم رجع يوقف ويكمل حياته..
وأنت بعدك طايحة مالك نية تقومين..
قومي وكملي حياتك به وبدونه..
هي شهرين وكلها بتكون علاج لذياب..
وبعدها ترجعين لهلك..
عامليه مثل ماكان يعاملك..

غازي بوله\نورتي يا اطهر ذنوبي...
حست بيدهـ على يدها..
رفعت عيونها لعيونه وماتكلمت..
نزل من السيارة ولما نزلت كان جنبها وذياب بحضنه..
مشت جنبه بهدوء ..
ودخلوا البيت اللي صابها من دخولها له هذي المرة إحساس غريب..

توقعت تشوف أمه وخواته..
بس ماقابلت احد منهم وهذا الشيء ريحها..
ماتبي مواجهات ولا تقابلهم وهي راجعة غصب عنها..

طلعت الدرج جنبه وبدت تحس إن الثقة والجمود اللي كانت تدعيه يهرب منها..
حفرت كفها بأظافرها تحاول تسيطر على اعصابها..
فتح باب واشار لها تدخل..
دخلت وهو دخل وقفل الجناح عليهم..
تجاهلت حركته وكأنها ماشافته..

دخل لاحد الغرف نيم ذياب بسريرهـ..
غطاهـ وقرأ عليه الأذكار..
وبعدها رجع لها..

كانت واقفة قدامه من دون عبايتها..

إلى الملتقى بإذن الله تعالى فجر الثلاثاء ..

أعذروني على تقصيـــري معكم وصغر البارت ..
لازالوا ضيوفي موجودين ..ومشغولة معهم...

كونوا بالقــــــرب ..

وكونوا بخيــــــــــــــــــر ,,,

صدووود’’’

4 - 1 - 2022, 01:07 AM

البارت الســـــــابع والسبعـــون ..

أبحرتِ ، سيدةَ الأقمار ،عن رجلٍ
ما زال يبحرُ في أعماقِه الكمدُ
وراعَك الحزنُ في عينيه..مؤتلقاً
وصدّك اليأسُ في دنياه يحتشدُ
أتيتِ تبغين شعراً كُلُّه فرحٌ
أنشودةً عن زمانٍ كلُهُ رغدُ
و جولةٌ عبْرَ أحلام مورَّدةٍ
في هودجٍ بالندى الورديِّ يبتردُ
فما سمعتِ سوى الأشعارِ باكيةً
وما رأيتِ سوى الإنسانِ يرتعدُ
أنا الطموحُ الذي كلّت قوادمهُ
أنتِ الطموحُ الذي يسعى له الامدُ
أنتِ الشبابُ إلى الاعراس مُنطلقٌ
أنا الكهولةُ يومٌ ما لديه غدُ
أنتِ الحياةُ التي تنسابُ ضاحكةً
إلى الحياةِ أنا الموتُ الذي يَئِدُ
لا تعجَبي من صباحٍ فيه فُرقتُنا
بل اعجبي من مساءٍ فيه نتّحدُ ..

المرحووم بإذن الله تعالى ..غازي القصيبي ..

كانت واقفة قدامه من دون عبايتها..
بفستان أصفر طويل..
عاري الصدر والكتف..
مرسوم على جسمها..بفتحة طويلة على قدمها اليسرى..
شعرها محاوط وجهها ونازل على كتفها..
ولازال الهاي لايت معطيه منظر رائع..
مكياج راقي ومناسب للون الفستان..
عيونها قصة بالحالها برسمت كحلها والشادو السموكي..
تعمدت الإهتمام بعيونها لانها تدري بان عيونها عشقه الأول..
رفعت يدها وحركت شعرها على ظهرها..
ورفعت حاجب كتحدي واضح له..

أتحـــدى من ..
إلى عينيك يا سيدتي قد سبقوني
يحملون الشمس في راحاتهم
وعقود الياسمين..
أتحدى كل من أحببتهم..
من مجانين ومفقودين في بحر الحنين
أن يحبوك بأسلوبي وطيشي وجنوني ..
أتحداك أنا أن تجدي
وطنا مثل فمي ..
وسريرا دافئا مثل عيوني ..
إنني أسكن في الحب
فما من قُبلة
أُخذت أو أُعطيت
ليس لي فيها حلول أو حضور ..
أتحدى أشجع الفرسان يا سيدتي
وبواريد القبيله ..
أتحدى من أحبوك ومن أحببتهم
منذ ميلادك حتى صرت كالنخل العراقي طويله
أتحداهم جميعا..
أن يكونوا قطرة صغرى ببحري
أو يكونوا أطفأوا أعمارهم
مثلما أطفأت في عينيك عمري ..
أتحداك أنا أن تجدي
عاشقاً مثلي
وعصراً ذهبياً مثل عصري
فارحلي حيث تريدين ارحلي ..
واضحكي
وابكي
وجوعي
فأنا أعرف أنك لن تجدي
موطنـــاً فيه تنامين كصــدري...

نزار القباني ...

وقف واسند ظهره على جدار غرفة ذياب..
وعقد يدينه على صدرهـ ..
وعيونه تتاملها من شعرها اللي بعيد كل البعد ..
عن جديلتها الغالية على قلبه..
سواء باللون أو الشكل..
وجها الجذاااب بملامحه الناعمة الحادة..
عيونها أحباب قلبه..
عشقه وغرامه ..
طعنته من أول نظرة بينه وبينها..
لما أخذها من ابوها..
خدودها الصافية المتوووردة من خجل تحاول قد ماتقدر تخفيه..
الخجوولة المتحدية..
عجيبة بكل أدوارها..
ركز عيونه على فمها ..شفايفها المغرية..
بوابة نجاته بكلمة من شفايفها..
قسوتها وصدها وإنتقامها..
يكون من فمها الراقي بمنظرهـ..السليط بسمه..
وكملت عيونه رحلت التأمل..
بنحرها وصدرها..
بجسمها الفاتن المتناسق..
ولما وصلت عيونه لفتحة الفستان..
رفع حاجب وغمز لها كقبول لـ التحدي..

صدت بعيونها عنه وتوجهت لغرفة أدركت إنها غرفة النوم..
لانها كانت قريبة من غرفة ذياب..
ولان بابها الكبير المفتوح يدل على هذا الشيء..
كان يناظرها برضى وهي تمشي لجهته..
رفع يدينه لها يدعيها لحضنه..
يدري مثل ماهي تدري إنها مستحيل تلبي طلبه..

لا تقابلني حبيبي بهالبرود..
تو حبك مشتعلني مانطفــا...

تجاهلت وجوده ويدينه..
ودخلت الغرفة تاركته يضم الهواء لصدرهـ..
رمت عبايتها على الكنبة ..
وتذكرت إن شنطتها لازالت في الصالة..
التفتت تبي تطلع تجيبها..
وأنصدمت فيه واقف وشنطتها بيدهـ..
وصدمتها الأكبر..
إنه مقفل الباب ومستند عليه..
نزل شنطتها وراح لها..
حاولت تظل واقفة بمكانها وماتبين له خوفها..
بس بسبب قربه الكبييير منها وملاصقته لها أجبرها تتحرك وتبتعد عنه..
قرب منها اكثر..
وهي حطت يدينها على صدرهـ وابعدته عنها..
صدت عنه ناوية تطلع من الغرفة وتروح عند ذياب..
لم يدينه على خصرها وثبت ظهرها على صدره..
غازي بهمس\مبروووك علي يا جنوني..
هديل ببرود\الله لا يبارك لك فيني..
غازي بمحبة\لمست سهيل..واليوم بأصافحك..
هديل\أحلامك كبيرة..
غازي يبتسم\عندي لك أمانة..
حست بيدينه تتحرك عليها..
أرتجفت وحاولت تبعد عنه ماسمح لها..
فسخ الخاتم من إصبعه..
ومسك يدها بحنية ودخل الخاتم..
ثم رفع يدها وقبلها..واحتضنها مرة ثانية..
تحركت بين يدينه برفض..
حاولت تفسخ الخاتم من إصبعها..
بس يدينه منعتها من هذا الشيء..
غازي بهمس\بأشتاق له..لانه لك..
بس دامه معك ماعليه خوف..
هديل\ما ابييييه..لانه منك ولك..
غازي\لو ماتبينه كنتي رميتيه مع العقد اللي أوهمتيني فيه بموتك..
ماسمح لها ترد عليه..
لبسها عقد الماس مكتوب عليه أطهر ذنوبي..
ودخل خاتم العقد باصبعها..والإسوارة بمعصمها..

حررت نفسها منه وواجهته بقوة..
هديل\أوهمتك..؟؟
لازلت تعتقد إني إنسانة حقوودة وخبيثة مثلك..
وكل شيء أسويه مخططة له ودارسته بالمسطرة..
أنا صح هجــــرتك وهربت منك..
بس موتي المزعووم كان بقدرة رب العالمين..
وسبحان الله ..مايحب الظلم وحرمه على نفسه وعلى الخلق..
غازي\ماخططتي لــ الموت..
بس خططتي لـ الهرب وكلها عندي بنفس الميزان..
هديل بسخرية\انت راعي الأولة..
ومن جنونك تعاقبني قبل ارتكب الجريمة..
عاقبتني سنين لجريمة هربي..
عاقبتني ثم انا اجرمت..
وبكذا تعادلنا..
غازي\تعادلنا..؟؟
هديل بآسى\مستحيل نتعادل..
واليوم كاسيني ألماس..
تفتكر ممكن ألماسك يبهرني..
أو يذوب الجليد اللي حولتني له..؟
غازي\نبدأ صفحة جديدة..ونذوب الجليد..
هديل بصد\أكيد بأبداء صفحة جديدة..
بس ماهو معك..ولا في عالمك أو كوكبك..
بأبداء في مكان بعيييد عنك..
مع إنسان ثاني..عاقل ماهو مجنون..
غازي بغموض\بعد مايتعالج ذياب لك الحرية ترحلين او تبقين..
بس من الحين لحتى هذاك الوقت..
لاتفكرين بالفراق أو الصد..
وغير أبو ذياب لا يخطر على بالك..

قرب منها ولم يده اليسار على خصرها ولصقها فيه..
وحط يده اليمين على راسها..
غازي\اللهم إني أسألك خيرها وخير ماجبلتها عليه
واعوذ بك من شرها وشر ماجبلتها عليه..

غصب عنها ادمعت عيونها بقهر..
غمضت وهي تتحسر على حالها..
توهـ يتذكر الدين..
بعد خمس سنين تذكر يقتدي بسنة الرسول..
تذكر يعتبرني زوجة ولي حق وابسط حق إني أصلي معه..
يارب لك حكمتك وانا ما اعترض..
بس اللي نسى دينه باول حياته معي ما أضمنه..
ماسمحت له يقبلها على جبينها..
أبتعدت عنه وناظرته بحقد..
هديل بغصة\تو الناس..
ماتشوف إنك مبكر مرة بتصرفك..؟؟
خمس سنين مضت بس..
لو انتظرت دبلها مو أحسن..؟؟
غازي بحنين\راح اللي راح..تعالي نصلي..
هديل بقهر\صل بروحك إن كنت تعرف تصلي..
ما ابي أصلي معك..

فرش سجادته يصلي..
وهي حاولت قد ماتقدر ماتدعي الله مايتقبل منه..
ربي عاذرني ما اصلي معك..
اللي يناسبه من أحكام يعمل فيها..
واللي مايناسب حقارته وإجرامه ينساهـ ويصد عنه..
حاله حال الملايين من شاكلته..
إن جات على حقوقهم قالوا ربي يلعنك والملائكة..
وإن جات على اقل حق لنا..
يصدوون وينسون وكأن اللي خلقهم ماخلقنا..
ليه ماقال إني زوجته..؟؟
لييييه حقرني..؟؟وكرهني بعمري وحياتي..؟؟
حست بألم فظيع بظهرها..
وكانه يشتعل نااار..

وقفت تبي تطلع من الغرفة..
بس الباب كان مقفول والمفتاح معه..
حست إنها ممكن تثور عليه وتكسر كل شيء على راسه..
رجع لعادته القديمة..
يسجنها ويبني أسوار حوالينها..
انهى صلاته وهي صرخت عليه بقهر..
هديل\إفتح الباب..بأروح عند ذياب..

مارد عليها توجه لباب كانت تظنه غرفة تبديل..
فتح الباب واشر لها عليه..
دخلت وتفاجئت إنها غرفة ذياب..
فاتح باب بين غرفة النوم الرئيسية وغرفة ذياب..
قربت من السرير..
وشافته نايم وتطمنت عليه..
تضايقت ولا اظهرت ضيقتها من تصميم الغرفة..
في البداية كانت تظن إنها تخص رسل الله يرحمها..
بس من لون الغرفة وصور ذياب منتشرة فيها ..
أدركت إنها مصنوعة لذياب..

تبي تصرخ فيه ليش مافيه سرير خاص لها بغرفة ذياب..
بس تدري إنه متقصد هذا الشيء ويبيها تشاركه غرفته..
ومنتظرها تفتح الموضوع ويتفلسف عليها..
من عصبيتها والمها المكبووت داخلها..
حست بالحرارة تزييد بظهرها..
وكأنها تحترق أو تنضرب..
رفعت شعرها عن ظهرها العاري..
ترتجي هواء بارد يخفف عليها..

بس حركتها كانت مثل البنج لغازي..
اللي قرب منها وقبلها على كتفها..
غازي بحب\أحبــــــك ..
هديل بوجع\حبك مايرضيني بقدر مايقرفني من نفسي..
أحس بكرهـ لذاتي لانك تحبني..
تصووور كيف احتقر نفسي..
غازي\تحتقرينها لدرجة إنك صرتي تحبيني..

يالنادرهـ كل المزايا بك إحسان..
أستثني الا في نقاشك عنيــدهـ ..

ألتفتت عليه وتعلقت عيونها بعيونه..
هديل بهمس\إلا هذا الوهم..
لاتنتظر مني محبة..
غازي\يكفيني حقدك علي..
كرهك لقربي..
يكفيني صدك الدايم عني..
كل شيء منك أعشقه ..
فمابالك بالمحبة لو ملكتها..؟؟
هديل بجمود\إكـــرهني..بقد ماتقدر إكــرهني..
أنا كرهتك عني وعن العالم..
ومن يملك الكرهـ اللي في قلبي..
مايلقى السلام حتى مع نفسه..
غازي\حبيتك اكثر من امك ومن ذياب..
مأساتك دفنت مأساة رسل..
ومادمتي أنتي قلبي فمستحيل تكرهين..
هديل بحدة\شربتني الحقد عليك..
اكلتني صدك وهجرك..
عشمتني في غدرك وطعنك بظهرك..
لا تنصدم لو في يوم تركتك بكل بروود..
ربيتني يا غازي..وأحسنت تربيتي..
غازي\وكم من تلميذ هزم أستاذهـ ..
هديل بتحدي\وكسر خشمه..
غازي\ههههههههه لاتنسين أكبر منك بيوم أعلم منك بسنة..
هديل\أكبر مني بقروون أجهل مني بعقووود..
غازي\لازم ترجعين لمدرستي..
وتسمحين لي أكمل تعليمك..
أهم وارقى درس بحياتك..
العودة من المنفـــى ..
هديل بغرور\درس تافه..
ماله اي مكان بحياتي..
بس شكلك درسته وللأسف مانجحت فيه..
لانك لو نجحت فيه..ماكنت بتكون ما انت عليه..
جلمووود ..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

قفلت باب غرفتها وهي تنتحب بصوت عالي..
غاضبة مقهوورة ..
راحت من حضنها مرة ثانية..
رجعت للي فرقها عنها وعن ابوها وأخوانها..
رجعت للي قهرها وعذبها..
ام علي\حسبي الله ونعم الوكيل فيك ياغازي..
حسبي الله ونعم الوكيل فيك..
ياليتني خرجت عليهم وقلت والله ماترجع لهم..
ليتني قابلتهم وطلبت شيخهم مايطلعون الا وأنت مطلقها..
ياليتني قلبت خبثك عليك وعليهم..
هادي برجاء\يومه تكفين والله ماكان بيدي شيء..
هي وافقت وراحت..لارضت تشوفني ولا تكلمني..
ام علي بغضب\إطلع من البيت..
لاترجع الا بعد ماترجع هديل..
مثل ما قهرتها سنين روح ورجعها لي..
لا انت ولا ابوووك..ذنبها في ذمتكم..
ما ابي أشووفك ولا أسمع صوتك..
إطلع من البيت حالك حالها..
غادة تبكي\يومه صلي على النبي..
ليه ما منعتيها دامك ما انتي راضية ترجع له..؟
ليه سكتي وخليتيها تروح..؟؟
والله لو كانت تدري برغبتك ماراحت..

جلست تبكي وتندب على بنتها..
ليه ما منعتها..؟؟
لأني شفتها ماهي بنتي اللي أعرفها..
لازم ترجع له وتعالج ولدها..
وقبل لاتعالج ولدها تعالج نفسها..
مرت عليها حالة هديل قبل يومين في الشاليه..
لما دخلت عليها تطمن عليها..

كانت نايمة وترتجف..
قربت منها تغطيها وسمعتها تتكلم وتبكي..
هديل بألم\سامحني..لا..مو السوط..
يووومه ضربني..آآآآهـ...يوووومه..
أم علي مصدومة\بسم الله عليك..
لبيه يومه هذاني جنبك..
هديل قومي فديتك وش تحسين فيه..؟؟
هديل بشهقات عالية\لاااا..غازي سامحني..
رسل..انا رسل..أنت أمـــي..سامحني..
ام علي تبكي\هديل وش تقولين يا عذابي؟؟
هديل\آآآآهــ..

شالت الغطاء من على هديل..
نزلت القميص من عليها شافت اللي برقبتها..
وحقدت على ولدها اللي سمح لغازي يقابلها..
حركتها بحنية وظهر لها ظهرها..
نزلت راسها وحطته على ظهر هديل وهي تبكي..
ام علي\ياحسرتي يا هديل..
لمحتها وأنتي تخفينها وتضحكين..
شفتك تغطينها بشعرك ووشاحك..
ياليته كذب إحساسي..
سوط..ضربك بسووط يا بعد أمك..
عسى يمينه ماتشل بنته يارب العالمين..
عساهـ يشقى بذنبك وقهرك..
وتقولين يرعاك ويحبك..؟؟
وش مخبية غير السوط يا شقى امك وابوك..؟؟

قامت تتوضى وصلت ركعتين لله..
دعت فيها لهديل وإن الله يحميها من شر غازي..
ودعت فيها لهادي اللي صارت الدنيا في عيونه سواد وظلال..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

4 - 1 - 2022, 01:08 AM

غصب رايح ولا برجع لأني أبرز عيوبك..
حرام إنَّه يجي واحد يلومك من كثر..حزني..

طلع من البيت مقهوور مكسور..
حلفت على إخوانها مايسمحون له يقابلها..
منعه علي مايكلمها ولا يشوفها..
حتى بالشاليه ماراح عشان راحتها ورغبتها..
ليه رضت على العالم مارضت عليه..
وليييه رجعت له قبل ترجع لتوئمها..
مشتاق لها..
لهديل القديييمة البريئة..
اللي روحها صافية وخالية من الحقد والكرهـ..
حتى قبل لا تروح معه مارضت تقابله..
تحرق كل اللي بينهم بجفاها وصدها..
ليه ماتصد عنه ..؟؟
ليه ترجع له وهي تكرهه..
إيه تكرهه..هو اللي ظلمنا وظلمها..
هو تجبر وفرقنا..
فقد أخوه لازم كل الناس يعانون معه..

نهايته ماتكون إنتصارهـ بهديل..
لازم مثل ما أنهزمنا سنين ينهزم..
مثل ما تجبر وتفرعن يتعاقب..
لازم ينكسر مثل ماكسرنا..
كنا توئم..
دخل بينا وصرنا أغراااب..

عرفت ماضيك الأسووود..
وباحول مستقبلك لماضي ..
مثل ما جنيت علينا بأجني عليك..
وانت قلتها زمان..
الدم بالدم..والاخ بالأخت..
واليوم أقولك:
هديل بــ هديل ..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛

مضت نص ساعة وهي في دورة المياهـ ..
تحممت ولما كانت بتلبس بجامتها..
ناظرت بظهرها في المرايه..
كان احمر ولونه غريب..
أستغربت حالها..
حست بالالم فيه يخف ويزول بعد ما تحممت بماء بارد..

غصب عنها صابها خوف ورعب من وجودها معه بنفس الغرفة..
متاكدة إنه ماراح يعرض هدنتهم الوهمية لـ فراق من اول ليلة وهرب..
ومتأكدة اكثر إنه ماراح يخليها بحالها..
أحتجت إما يطلع من الغرفة او هي تطلع..
هي شرطت يعيشون مثل ماعاشوا في إيطاليا..
لها غرفتها وله غرفته..
وهو تعذر جناحه مافيه إلا غرفة نوم وحدة..
والحقير مقفل الباب ومخبي المفتاح..
ماتبي شعور السجن والمحاصرة يرجع لها..

طلعت من دورة المياهـ ..
مرت على ذياب متجاهلة وجوده في الغرفة..
تمنت لو كان فيها كنبة او شيء تقدر تنام عليه..
بس الخبيث حاسب حساب لكل شيء..
مايترك شيء لـ الظروف..

رجعت لغرفة النوم..
متسطح على السرير..
ساند ظهره على مقدمة السرير..
وباين من شكله إنه ينتظرها وماله نية ينام..
هديل بهدوء\بأطلع أنا في الصالة..أبي المفتاح..
غازي بهدوء\ماله داعي نعيد ونزيد بالكلام..
طول ما انتي معي مكانك جنبي ماهو بعيد..
هديل بحدة\ما اضمنك..إنت نذل وخاين لكل عهد بينا..
حتى مع نفسك خاين..
غازي\معك حق بحرصك..
تقدرين تصديني بس أنا ما اقدر..
بس أنتي السبب..
يعني لبستي الأصفر ليييه..؟؟
ليه اللون الأصفر؟؟
هديل ببرود\مجرد صدفة..لا تعشم روحك..
غازي بهدوء\تقولين صدفة..
لا ياهديل انا وانتي أكبر من مجرد صدفة..
وصلت رسالتك..بس ما زادتني إلا طيش..
هديل برفعة حاجب\حلووو إنك فاهم..
ومفهوم الرسالة مجبور تلتزم فيه..
وإن ما التزمت بالطيب..
أجبرتك تلزم حدودك..
غازي بتسلية\كلي شوق واعرف كيف تجبريني..؟؟
هديل بصد\لاتنسى تلميذتك ولي في الجرووح تجارب..

طفت نور الغرفة وتوجهت لـ السرير..
جلست على الطرف ونزلت الروب من عليها..
أنسدحت وطفت الابجورة..
قرأت أذكارها..وحست براحة لانه ما قرب منها..
غمضت عيونها وهي تسترجع آخر لقاء مع امها..
كانت تبكي بحسرة..
وهي حاولت قد ماتقدر تسلي أمها وتطمنها عن حالها..
ماتملك اي فكرة عن الي امها تعرفه..

تنهدت بآسى لما حست فيه قريب منها..
غازي بهمس\حاولت بس ماقدرت..
هديل\إبتعد عني..
غازي بحنين\مشتاق بس احضنك..
لم يدينه حواليها وقربها منه..
تدري الكلام ماراح يبعده عنها..
مدت يدها ونزلت القميص من على كتفها..
هديل\هذا الآثر جريمة يدينك..
متى ما اختفى وسم الجارية..
راح اتقبل أكون زوجة..
أنت مجرم وأنا بين يدينك..

حست بيدينه تضغط عليها بقوووة..
وكأن اصابعه راح تدخل جواتها..
تالمت بس كتمت الآآآهـ ..
وهي ترجع لها ذكرى حركته في ايامها معه..
لما يحفر خصرها بأصابعه ويفقدها قوتها..
كان ينتظر منها تتكلم او تتوجع..
ولا تركها لحتى سمع الآآآهـ المكبوته تطلع..
شال يدينه من عليها بس ظل قرييب منها..
وانفاسه تضرب بكتفها المجروح..
مدت يدها ترفع كم القميص على كتفها..
بس هو منعها لما نزل يدها..
أكتفت بإنتصارها المهزووم..
ولمت يدينها على خصرها تخفف من الألم اللي فيه..

نامت ولا درت عنه يتأمل الآثر اللي بكتفها..
ولادرى عن باقي الآثار اللي بظهرها..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛

لبست عبايتها وقفازاتها..
طلعت جوالها من شنطتها واتصلت على امها..
خلود\السلام عليكم..
أم خلود\وعليكم السلام..هلا امي..
خلود بمحبة\يومه انتهى دوامي تعالي خذيني..
ام خلود\يالله يومه مسافت الطريق واكون عندك إن شاء الله..
قفلت الجوال وهي تدعي الله يحفظ أمها ويديم عليها صحتها..
وسمعت مرام تتنهد بضيق..
مرام\خلود حرام عليك..
يعني لازم تطلعين امك من البيت بهذا الوقت..
وتجي مشوار إلى الجامعة عشان تأخذك..؟؟
خلود\وأنتي تظنين إن انا راضية بتعذيب أمي معي كل يوم..
مرام\أنا مو فاهمة عليك وين الغلط لو وصلتك أنا وسواقي..؟؟
خلود\دائماً تسألين نفس السؤال..
مرام\ودائماً تتجاهلين الإجابة..
خلود بهدوء\أنا ما اضمن الدنيا..
ولا اقدر اروح مع غرباء..
مرام\بس أنا بأكون معك..
خلود\مرام لاتزعلين..
صح أنتي صاحبتي من سنتين..
بس انا ما اثق في احد..الدنيا علمتنا نحذر من ظلالنا..
مرام بصدمة\خايفة مني..؟؟
خلود\ماهو منك إلا من الزمن..
ولا اركب مع سواقين أو تاكسي من دون امي..
بتقولين كبيرة والمفروض أعتمد على حالي..
بس لا يامرام سواء كنت كبيرة او صغيرة..
محتاجة أمي تحميني وتكون معي..
مرام بزعل\صدمتيني فيك..ماكنت اظن هذا تفكيرك عني..
خلود بجدية\لاتأخذين الموضوع بحساسية وتعتقدين إني أظن فيك الشينة..
انا لو ناقدة عليك بشيء ماكنت باصاحبك أو أجاملك..
يمكن الغرابة مني أنا..بس هذي قناعة عندي..
ما اروح مكان من دون امي..
مرام\مابأقول معقدة ولا جاهلة..
بأقوول إنسانة حريصة وقوية..
خلود تبتسم\ردي على جوالك..وكم مرة اقولك بلاش نغمات اغاني..؟؟
مرام تبتسم بخبث\مارفتي من المتصل..؟؟
خلود\أمي..؟؟
مرام\ههههههههههه وليه تتصل أمك علي..؟؟
خلود\مدري يمكن أختارت 2 لأنه رقمك في الإتصال السريع وانا 1 ..
مرام\لا ياحلوة هذا مو امك..هذا المجرم اللي يذبح الناس ويشرد..
خلود بقهر\لا تردين عليه قفلي في وجهه..

رفعت مرام الجوال ومدته لخلود..
مرام\بالله هذا وجه يتقفل عليه الخط..
شوفي زينه لبى قلبه يهبل..
خلود\إيه شوفي وجهه تقولين مجرم حاكمينه إعدام..
مرام\هههههههه وجع بسم الله على ولد أختي حبيبي..
خلود\قومي أطلعي لـ المراهق لا يصدم بنات الجامعة ويذبحهم..
مرام\ههههههههه اعوذ بالله ماصارت صدمك بالغلط يا حقووودة..
خلود\ياما أنقتلوا ناس بالغلط..

طلعت مرام لمسفر وهي محتارة من وضع خلود.
إللي مستحيل تترك رجل من غير ماتركب عليه كل عيووب العالم..
جلست جنب مسفر وهي تسلم عليه..
حرك السيارة وهي بدت توصيه..
مرام\انتبه وأنا خالتك لا تصدم بنات الناس..
مسفر بنص عين\وشهو..؟؟
مرام\هههههههههه ناس حملوني أمانة أحذرك لا تصدم العرب..
مسفر يبتسم\ومن هذولاء الناس اللي يفترون علي..
مرام\وحدة صدمتها بسيارتك وكنت بتذبحها..
مسفر بصدمة\لا اله الا الله..متى..؟؟والله ماسويتها..
مرام\لاتحلف فديتك بلى سويتها..
هذيك البنت اللي صدمتها وهي مع امها وأخذتهم المستشفى..
مسفر\لاحول ولا قوة الا بالله..
فجعتيني حسبت إني ذبحت نفس ومادريت..
وبعدين كم مرة اعيد لك اللي صار..
طلعت بطريقي وأنا ماشي والحمدلله هي أصلاً طاحت من الخوف..
واسعفتها عشان أمها المسكينة..ولا البنت ودك لو تشخطين عليها بالسيارة..
مرام\ههههههههههه والله نفس الشعور بينك وبينها..
كارهتك كره العمى..وتتمنى لو يحكمون عليك إعدام..
مسفر\أعوووذ بالله حقووودة..
عاد ليتني سويتها مطبة بالشارع وش بتحكم علي..؟؟
مرام\هههههههه آآآآي بطني ..حسبي الله على عدوك..
لو تدري بكلامك مدري وش تسوي..
مسفر\شكل البنت والله اعلم ماخذة موقف قوي..
إما من حادث سيارة مأثر عليها إلى ألحين..
أو مني كـ رجل غريب عنها..وهذا يوصلك لأول الخيط..
إنها حاقدة على جنس الرجال..
ودليلي معاملتها لي ولـ الدكتور في المستشفى..
مرام\بدأ علم النفس والتحليل..
عاد أنا ما بأقولك شيء خاص فيها..
الله يستر عليها ويلطف بحالها..
مسفر\ليه وش فيه حالها..؟؟
مرام\ياليل النفسيين..وش يفكني منك..؟؟
مسفر يبتسم\ماتهمني الشخصية على كثر ماتهمني الحالة..
لازم اشخصها ولو بيني وبين حالي..
مرام\أجل إكتشفها بنفسك ولا تدخلني بشغلك..

مارد عليها وابتسم لها بهدوء..
يحب يعرف أي معلومة عن اي حالة تصادفه..
معلومة بسيط يكتفي فيها ويبدأ يحلل ويدرس نفسية الشخص..
يعشق تحدي نفسه لنفسه..
لما يجيه مريض او مريضة..
يسمع منهم بداية كلامهم..
وبعدها يتمنى لو يقول لهم إسكتوا عرفت من أيش تعانون..
وحس بحالة البنت المجهولة حالة تحدي بينه وبين حاله..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

4 - 1 - 2022, 01:09 AM

يـــ الصبـــاح ما أحتريت إلا صبـــاحه..
وبــــــــاقي العالم عوآآآآآآآآآآآفي ..

نزلت الدرج وهي تضحك لذياب..
اللي متمسك فيها ويطلبها تشيله..
هديل\إمش على ارجولك..عيب اشيلك..
رشا\وهـ فديته انا اشيله..
طلعت الدرجات بخطوات سريعة..
وشالت ذياب وضمته لها وقبلته بحنية..
صدت عن هديل وكان لهديل نفس ردت الفعل..
في البداية تفاجئت من وجود رشا ..
ولما شافت امه وشوق جالسين معه في الصالة تضايقت..
حبت لو تحقرهم وترجع فوق..
ماتبي تجتمع معهم ولا تنافقهم وينافقونها..
لو تجرح رشا وتاخذ ذياب من يدينها..
لو تتجبر وتقسى وتصير كارثة..
نزلت بخطوات هادية ورزينة..
سلمت بهدوء وهي منتبه على نظراته لها..
مدت يدها وصافحت أمه..
وتقبلت إحتضانها لها وتقبلها لخدودها..
أم غازي\نورتي بيتك يا ام ذياب..
هديل بهدوء\منور بأهله..

تجاهلت شوق ولا كأنها موجودة..
ولا ردت على سلامها ولا مدت يدها تصافحها..
جلست مقابلة لغازي..
وعينها بعينه..
ولازالت تشوف التسلية بعيونه بعد اللي سواهـ لما صحت من نومها..
صدت عنه وهي تتوعدهـ تربيه وتخليه يحرم جرئة ووقاحة معها..
صحت وهو مغطيها بورد أحمر..
ناظرت حوالينها مصدومة هي وش تسوي عندهـ..
لحتى تذكرت إنها رجعت له..
كان الورد منثور عليها بروووعة..
كتمت إبتسامة خجولة وهاوشته..
هديل\تدري إنك مراهق في السبعين..؟؟
غازي يبتسم\توني في الأربعين لا تكذبين..الكذب خيبة..
هديل\شيل مزرعتك هذي من علي..
تبي الشوك يخزني..
غازي\طلبته من غير شوك..والورد لـ الورد..
هديل بجمود\من يغرس الشوك ما يجني الورود ..
غازي\ومن يطفي الشووق ما يلقى دفا..

حاولت تبعد الورد عنها وتقوم..
بس هو منعها لما حط يدينه عليها ورجعها تنسدح..
نط ذياب عليها وهي صرخت..
هديل\ذياااب يا دووب لا وقف..
حط وجهه على وجها وفتح فمه يحاول يبوسها على خدها..
غصب عنها ضحكتها حركته مثل ما تضحكها دائماً..
هديل\هههههههه وخر عني بــــــــس..
غازي بصدمة\ألا يالخسيس من علمك..؟؟
رفعه من على هديل وجلسه بحضنه..
غازي\ولد ابووك يالذيب..
هديل تمسح خدها\أبداً ولا يشبه لك في شيء..
نزل ذياب جنبه..
غازي\إصبر وأنا ابوك..أمك نست وش علمتها..

مسكها قبل تشرد منه وهو يضحك على شهقات ذياب وتصفيقه بحماس..
قبلها وهي تقاومه..
وساعدها ذياب لما نط عليهم وشد على شعرها بقوووة..
هديل بقهر\خسيس ولد خسيس..
فك شعري من ولدك يا متوحش..
غازي\ههههههههه حسبي الله على عدوك من اللي طلب فزعتك..
كنت اقدر عليها لحالي..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

أغـــآر كل مآشفتهم يآخذونك..
رح قلهم ترى منكم صدرها ضآق..

كان هو همزة الوصل بين الأضداد..
كلهم ملاحظين صمتها ورفضها الكلام معهم..
وهو يسحب منها كم كلمة بين لحظة ولحظااات..
ام غازي\لا حن ماشين بعد العصر..
غازي\لا يومه خليك..أنا أوصلك لهم قبل السفر بيومين..
ام غازي\ومتى بتسافر..؟؟
غازي\بنسافر بعد إسبوع إن شاء الله..
شوق برجاء\لا تكفى ياغازي ابيها تروح معي..
تعبانة من الحمل وابيها جنبي..
رشا\الله يعينك ياقلبي..باين التعب عليك مرة..
ام غازي\بالعكس حملك عادي بس انتي مستصعبته لانها اول مرة..
شوق\يووومه تكفين تعالي معي اليوم..

شددت يدينها على ذياب..
وهي تسمع شكاوي شوق عن حملها..
وامها كيف تطمنها وتواسيها..
وغازي ينصحها تقرأ قرآن ولا توسوس كثير..
وبتمر شهور حملها براحة وطمئنينة..

كانت غاصة بكلام كثير تبي تقوله..
يهتم فيك ولا أهتم فيني..
ليه أنا ماحملت قبلك..؟؟
وكنت لحالي..
لا أم تطمني وتكون معي..
ولازوج يرعاني ويهتم فيني..
حملك بتولدينه وبتذكرين أيامك بخير ان شاء الله..
بس أنا أذكر أيامي بحسرة وخوف..
كنت أخاف أخوك يلقاني ويعاقبني..
وكنت خايفة من مرام وزوجها ياخذون ولدي..
وكنت خايفة من الشوارع وعيال الحرام..
خوفك ياشوق أغبطك عليه..
لأني ماحسيت فيه ولا عرفته..
قبلت ذياب على جبينه وهمست له..
هديل\أيام ذكراها سر بيني وبينك..

رفعت راسها وجات عينها بعينه..
وأدركت إنه يراقبها..
لما رفع إصبعه ومسح بها على خدهـ..
رفعت يدها بشكل آلي..
ومسحت على خدها..
ماحست بدموعها اللي خانتها بوجودهم..
أنتبه عليها وهي ما أنتبهت على حالها..
خافت لا يشوفونها او يحسون بضعفها..
شالت ذياب وأستئذنت منهم بهدوء..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

دخل لمجلس بيت عمه وهو رامي شماغه على كتفه..
شاف راكان وسلمان جالسين ..
سلم عليهم ودخل..
هادي\ماشفنا زولك بين الرجال أمس..
قلت يمكن تكون خايف من غازي لا يفرشك قدامهم..
سلمان بعصبية\ماجيت لأن رجوعها لهم ماهو عاجبني..
هادي بحقد\ومن أنت عشان ترضى وماترضى..
حسافة تكون ولد عم لها..أجل أنت تهين هديل..
ليه نسيت من اللي خلص رقبتك من السيف..؟؟
سلمان بغضب\ذنب وتحملناهـ ..
قطيعة وذقناها..ضيم وشربناهـ..
انوخذت بذنبك وذنبي..وطالت السنين..
لارجعت ولا عرفنا عنها..
ويوم تواجهني تقول اهون عليها تبقى معهم ولا ترجع لهلها..
وش اقول لها حقانية وراعية واجب..
هادي بصراخ\تنكتم وتاكل تراب..
ولا تقول لها كلمة..لا تمدحها ولا تذمها..
والموت يوم تمد يدك عليها..

رمى شماغه على لاارض بقهر..
وهجم على سلمان..
ضربه على وجهه ومسكه من جيب ثوبه بقوووة..
وقف راكان بينهم وحاول يفكه عن سلمان..
هادي بقهر\نذل وحقير..
تضرب هديل...تضرب اختي..
تهينها وتتكلم عليها بالشينة..
والله يا سلمان والله لو فكرت تتعرض لها..
إن الجريمة اللي راحت فيها سنين بتكون دية رقبتك..
والله أذبحك وأمشي بين الناس مفتخر بجريمتي..

تضارب مع سلمان وبالموت ابعدهم راكان عن بعض..
هادي\المرة الاولى وضربتك بإعتقادي إنها ميتة..
بس اليوم هي حية وبتحطها تاج على راسك..
وبتحترمها غصب عنك وعن اللي خلفوك..

سحب نفسه من راكان وطلع من بيت عمه..
كارهـ البيت وهله..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛

شفت في عينك حزن وانا ودي احتويك
افتح قلبي لهمومك تاخذ الي يدوايك..

الحزن كتمانه عذاب ومناي اني اواسيك
حيرتني بين أمرين نظرتك وصــدك..

وعيشتني شوق قلبين قلبي وقلبك
وأبيك تحس بشخصـ(ن) مغرمـ(ن) فيك ...

دخلت الغرفة وقفلت الباب عليها..
نزلت ذياب على الأرض بالغصب وهي تتآوهـ بألم..
غازي ماهو موجود في البيت وبكذا بتاخذ راحتها..
نزلت بلوزتها ورمتها على الأرض..
ناظرت في المرآيه..
وشافت ظهرها أحمــــر وعلامات جروح ظاهرهـ عليه..
لها ايام تتألم منه وأحيان توصل لـ البكاء..
ماسمحت له يدري بألمها..
أو يكشف عليها..
قررت تروح من بكرهـ مع غادة أو سارة لـ طبيبة خاصة..
تكشف على ظهرها وتعالجه لها..
سفرها لإيطاليا بعد ايام..
ولا تبي تروح وهي تعبانة..
حتى بصلاتها ماتقدر تركع ركوع صحيح..

خافت يدري عن ظهرها لما جلس جنبها عصر اليوم..
وحط يدهـ حوالين كتفها..
شهقت بوجع ووقفت بسرعة..
أستغرب تصرفها وهي تعمدت توهمه إن شهقتها بسبب قربه منها..
وإنها عصبت من لمسه لها..

نامت على السرير على بطنها..
ظهرها ذابحها من شدة الألم..
كانت تكتم الآآآهـ بوسادتها..
وتسمع ذياب يلعب على الارض..
ماتدري كيف تخفف الألم..
هي خايفة من اللي يصير معها..
لا تكون مريضة مرض مميت..
أو مرض معدي يمكن تعدي ذياب..

بكت من الوجع وهي ترجي الله يبرد عليها ويشفيها..
حست بقطرات ماء تلمس ظهرها..
خافت لا يكون ذياب لانه بيرمي حاله عليها وبيعورها..
ألتفتت على جنب بحيث تبعد ظهرها عنه..
وشهقت بصدمة لما شافته واقف لاف منشفه على جسمه..
والماء مبلل شعرهـ..
يعني هو كان في البيت وفي دورة المياهـ يتحمم..
وهي اللي مقفلة عليها تظن إنها بعيدة عنه ومابيشوفها..

جلس على السرير قرييب منها..
ورجعها على وضعيتها الأولى..
وبكت بحدة لما يدهـ لمست ظهرها...

إلى الملتقى بإذن الله تعالى فجـــــــر السبت ..

دعواتكم الطيبة لأميرتي جوجو ان يشفيها الله ويرفع عنها البلاء..
اللهم رب الناس اذهب البأس ..
اشفها انت الشافي لاشفاء الا شفاءك شفاء لايغادر سقما...

كونوا بخيـــــــــــــــــــــر ..

صدووود’’’

4 - 1 - 2022, 01:09 AM

البارت الثـــامن والسبــعون ..

قل لها ..
إنه تأمل في دنياه
حينا فعاد يحضن دمعه

راعه أن عمره يتلاشى

مثل ما تخمد الأعاصير شمعة

وصباه يضيع منه .. كما ضاع

نداء.. تطوي المتاهات رجعه

قل لها .. انه يفيق على جرح

وتغفو سنينه فوق لوعه

سكب الدهر من أساه رحيقا

فإحتساه جرعة إثر جرعه

قل لها .. انه يهيم .. وأخشى

ان تواريه رحلة دون رجعه ..

المرحوم بإذن الله تعالى ..غازي القصيبي ..

بكت من الوجع وهي ترجي الله يبرد عليها ويشفيها..
حست بقطرات ماء تلمس ظهرها..
خافت لا يكون ذياب لانه بيرمي حاله عليها وبيعورها..
ألتفتت على جنب بحيث تبعد ظهرها عنه..
وشهقت بصدمة لما شافته واقف لاف منشفه على جسمه..
والماء مبلل شعرهـ..
يعني هو كان في البيت وفي دورة المياهـ يتحمم..
وهي اللي مقفلة عليها تظن إنها بعيدة عنه ومابيشوفها..

جلس على السرير قرييب منها..
ورجعها على وضعيتها الأولى..
وبكت بحدة لما يدهـ لمست ظهرها...

هديل بوجع\آآآآآآآآآآهـ لاااااااااا ...
غازي\.........................
هديل برجاء\غااازي الله يخليك بسسسس..
شيل يدك تكفى بــــــس..

بكت أكثر لما زادت يدينه في لمسها..
وقطرات الماء اللي كانت تلمس ظهرها من شعرهـ تزيد بألمها..
حاولت ترفع نفسها وتبتعد عنه ..
بس يدينه وثقتها بالفراش أكثر..
هديل بزعل\حرااام عليك خلااااص عذبتني...

ابعد يدينه من على ظهرها وقرب راسه من راسها..
همس لها بصوت جامد غاضب..
غازي\من متى تعانين من ظهرك..؟؟
هديل بألم\آآآآهـ كنت احس بألم ومثل الحريق من فترة..
بس الإلتهاب هذا اول مرة يطلع معي من يومين..
يمكن مرض يعدي ذياب..أو يعديك..
بكرة اروح مع علي أخو......... آآآآآآآآآآهـ
لااااااااا بسسسسسسسسسس آآآآآآآهـ يووومه..

منعها تكمل كلامها عن أخوها..
غاضب من نفسه ماهو منها..
ظهرها بشكله المؤلم..
جدد فيه احقادهـ على نفسه ..
لامس ظهرها بصدرهـ وضغط عليه..
وشعرهـ المبلول لاصق برقبتها...
وهذا اللي قطع كلامها عن أخوها..
وخلاها تصرخ ترتجيه يبتعد عنها..
غازي بقهر\تبين تعرفين وش اللي بظهرك..؟؟
تطمني يا جنوني ماهو مرض معدي..
هذا كبت نفسي وقهــــر حابسته بقلبك..
هذي أكزيما..إلتهاب جلدي..
هديل تبكي\غازي ذبحتنــــي إبــعد..

أبتعد عنها ووقف بسرعة..
حاول يرفعها عن فراشها..
وهي تمسكت بالوسادة ولمتها على صدرها وبطنها..
جلسها وهي تبكي وتبتعد عنه..
هديل بقهر\إبعــــــد عنــــي ...
تموت إنت لو ما أذيتني..
لو ماوجعتني ماتكون غازي..
تتمنى لو كانت اكبر من كذا..
لو كانت نار شاعلة بظهري يمكن ترضيك..

غازي بحدة\ولا كلمة..قومي أوديك المستشفى..
لازم يصرفون لك علاج..
مانبيها تلتهب أكثر من كذا..توها في بدايتها..
هديل\ما بأروح معك..ألحين اكلم علي هو يوديني..
غازي\لا علي ولا غيرهـ ينهون ما انا بديته..
قومي قبل أوجعك اكثر ..
هديل بحسرة\لا تهددنــــــــــــــــــي ..
لا تصارخ ولا تقسى علي..
لاترجع لطبعك الجامد..
لا تعيشني ظلمك بآخر أيامي معك..

جلس قدامها على ركبه..
وحط يدينه على كتفها..
وهي شدت المخدة عليها اكثر..
غازي بحنية\لاتخافين مني أنا حبيـــبك ..
كنت أفحص ظهرك وشيء طبيعي تتألمين..
وجاد في كلامي..علي وغيرهـ مايسوون لك شيء وانا موجود..
قومي نروح المستشفى..

هديل بتعب\ما اقدر أروح..ظهري يوجعني..
ما استحمل تلمسه ملابس او عباية..
غازي بهدوء\طيب إرتاحي هنا..
وانا بأروح الصيدلية وراجع إن شاء الله..

نزلت راسها وشالت عينها من عيونه..
الموقف بقد ماهو يألمها محرجها..
هي بشكل ماتحب يشوفها فيه..
وهو بحال ماتتمنى تشوفه ..

حست فيه لما ابتعد عنها ..
وراح يبدل ملابسه..
شال ذياب معه..
غازي\بانزله عند الخدامة..
وأنتي خليك على وضعك حتى ارجع..

طلع وهي تنفست بضيق وتعب..
كيف اظل على وضعي حتى يرجع..؟؟
مجنونة أنا أظل قدامه كذا..
وقفت وهي لامة المخدة على صدرها..
فتحت الكبت بس ماكان فيه شيء مناسب لها..
تبي شيء يكون مفتوح ظهرهـ ..
وكل ملابسها ماتخدمها في هذا الظرف..

فتحت كبته وأخذت قميص أسود رسمي..
جلست على السرير ولبسته بشكل مقلوب..
بحيث صار ظهر القميص على صدرها..
ومن ورى تركته مفتوح ماقفلته..
رجعت تنسدح على بطنها وكل ماتحركت تتوجع اكثر..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛

لو المقاااابر تسمح بشوف مرحوم..
رحت ولمحت المندفن في ترابه ..

نزلت صورة أبوها تحت مخدتها..
انسدحت وعيونها تقاوم دموع حبستها عليه من سنين..
بعد وفاته حست الدنيا ضايقة فيها رغم كبرها..
كان معها بكل خطوة وبكل قرار..
كانت تظن إن الدنيا بتوقف ومستحيل تستمر الحياة..
بس تفاجئت في نفسها تتنفس وتتحرك..
تكافح مع عائلتها الملكومة..
تتصنع القوة وهي ضعيفة ومنهارة..
كل ليلة تنتظره يرجع البيت وهي تدري بموته..
تمر عليها ساعات جالسة وعيونها على الباب الرئيسي ..
متى يدخل ويكذب سالفة موته..
متى يرجع لهم ويشيل عنها هم تلبسها من بعدهـ..

لازالت حـــــــاقدة وكارهه على اللي قتل ابوها وحرمها منه..
توصل فيها الأماني تشوفه ينقتل قدام عيونها..
يتعزر ويتعذب الف مرة قبل يموت..
بس خلاص هو راح في حال سبيله..
عاش وكمل حياته..
يتمـــها..وأسس عائلته..

ناظرت بإخواتها اللي نايمين معها بغرفتها..
تسوي المستحيل عشانهم..
عشان مايحسون بفقدان ابوهم ويتمهم..
بس لازم قبل تريح أمها..
مرام معها حق..انا اعذب أمي بمشاوير الجامعة..
وبأغراض البيت..
ما اطلع الا وهي معي..
حتى المكتبات والأسواق لازم تكون معي..

طلعت من غرفتها وفتحت باب غرفة أمها وابوها..
ماتدخل الغرفة من سنين..
من بعد وفاة ابوها مادخلت غرفته..
توقف عند الباب تناظر الغرفة وترجع بخطواتها..
كانت امها نايمة وماحست عليها..
قفلت عليها الباب وجلست تفكر باللي صار بينهم..

ام خلود\بس هو رجال طيب وخطبك مرة ثانية..
خلود بكرهـ\طاب الموت بعظامه..
يومه مابه رجال طيب..الطيبين ماتوا..
انا وانتي واخواتي مرتاحين بحياتنا..
حتى ولدك ماله امان بكره يكبر ويصير رجال واطرده من البيت..
ام خلود بعصبية\وقص بلسانك يالقاطعة..
حتى أخوك جعلتيه عدو لك ولنا..
يابنتي خافي ربك في حالك قبل غيرك..
حقدك وخوفك ماينفعك يضرك ويدفنك..
خلود بمحبة\يومه فديتك لا تزعلين..
خلاص ماتبين نطردهـ بنخليه يعيش في الملحق..
ام خلود\عنبو ابليسك من بنت تطردينه يعني..
خلود\هههههههههه إذا تبين روحي معه ..
ام خلود\هههههههههه تسوينها ما هي بعيدة عنك..
خلود تضمها\لا والله ما اقوى على بعدك..
عشانك ممكن اتنازل واسمح لولدك يعيش معنا..
ام خلود\وعيسى..؟؟
خلود بحقد\ياجعل مابه عيسى...
وش اسوي له الشري..الحرامي السارق الناهب..
تبين اتزوج راعي مشاكل وحبووس ويمكن بكره يقتل ويتفاخر بسواته..
ام خلود\الحين عيسى النشمي طلع سارق ناهب..؟؟
خلود\ماله امان..
اللي يضرب الناس ويسدحهم في المستشفى شهور..
يمكن يقتل مرة ومرتين..
ام خلود\قومي..حالتك مستعصية..
خلود تبتسم\لأني اتكلم بمنطق ما يرضيك..
ام خلود\اي منطق..؟؟
أنتي نظرتك ظالمة لـ الدنيا..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

دخل الغرفة وأشر لـ الخدامة تطلع..
بعد مانيمت ذياب وطلعت من الجناح بكبرهـ..
راح لها وكانت نايمة ماحست فيه..
ناداها ماردت عليه..
جلس قريب منها وأنتبه إنها لابسة قميصه..
أبتسم على حالهم الغريب ..
أخذ مرهم صرفه له الصيدلي ..
ونصحه ياخذها المستشفى ولا يعتمد على العلاج..
نزل أطراف القميص عن كتوفها..
وبدأ ينشر المرهم على الإلتهابات ..
حاول قد مايقدر ما يضغط عليها وتصحى متوجعة..
وقبل لا ينتهي من علاجها..
سمعها تتألم وتتحرك متضايقة منه..
كان مجبور يثبتها لا تنقلب على ظهرها وتتوجع اكثر..
غازي\هششش إهدي..ألحين يبرد عليك وتنامين مرتاحة..
هديل بألم\آآآآهـ مو أنت..
لاتزعل مو أنت..
غازي بهدوء\مو أنا..؟؟
هديل\هذا يوجعني من زمان..
مو انت السبب..

صدمته بكلامها..هي كيف تفكر..
بأي حق تهتم في زعله وضيقه..؟؟
مو أنا السبب..من اللي شوه ظهرك وطُهرك..؟؟
من اللي حولك لجليد وأنثى هلامية..
وكفنك باسم جارية بمراسم زواج..
خنقك بماضي مالك فيه ذنب؟؟
ماتبين أزعل على اللي سويته؟؟
ماتبين اضيق على ذنب وذنوب..؟؟
عشان كذا ما سمحتي لي اعرف عن ظهرك..
وامس طول الليل تتوجعين ولا قلتي..
كنتي تخفين الوجع عني مثل ما اخفيتيه عنهم..
بس أنا غير عنهم..
أنا اللي تبين تنتقمين منه وتقهرينه..
ولا احد عرف يقهرني مثلك..
الآثار على جسمك والإنكسار اللي بعيونك..
هي اللي هزمتني وكتفت يديني عنك ..

نام جنبها وراسه على نفس المخدة معها..
وعيونه تتامل ملامحها المتخبية ورى خصلات شعرها..
وضحت له ضيقها منه بس هو ما استجاب لها..
وهي كانت تعبانة وغير قادرة على محاربته...
فنامت محاولة تنسى وجعها..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛

شال شنطته وقبل يطلع اجبره صوتها يوقف ويلتفت عليها..
رشا\تبي تهرب..؟؟
راجح يبتسم\وش اسوي فيك طفشتيني..
رشا برجاء\تكفى راجح تكفى..
راجح\لا اله الا الله..
يا بنت الحلال أنا وغازي مابينا الا كل خير..
رشا\لا تلعب علي..أنتوا من زمان متهاوشين..
وانا بأصلح بينكم..اليوم نروح لغازي وينحل الموضوع..
راجح\أقول روحي داخل قبل اشوتك..
ما باروح له,,هو مستمر بخطاهـ وانا ماني راضي بتصرفاته..
رشا بهدوء\راجح ليش أنت مستبد..؟؟
راجح\انا مستبد..؟؟
رشا\إيه..ليش تدخل نفسك بحايت غازي الخاصة..؟؟
هو رجع زوجته وإن شاء الله يعوضها عن اللي فات..
هلها موجودين حواليها مو مثل أول..
يعني ماعادت بحاجة لك..
وانت لازم تنهي العداوة مع غازي..
راجح بجمود\رشا انا وغازي مابينا عداوة..
وحتى لما كنت ضد الكثير من تصرفاته كنت ما انسى ان بينا دم وحن اهل..
بعد موت هديل..ظل لحاله هناك..
بس واجبي كقريب وعم له يحتم علي اهتم فيه ولو كان اكبر مني..
كنت ازورهـ كان يجبرنيأذكرهـ انه يتحمل الكثير من اللي صار لها..
وصدقيني هو ماكان في حاجتي حتى اذكرهـ بسواياهـ فيها..
رشا\انا زوجتك واخته..
أبي العلاقة بينكم ترجع مثل زمان..
لما كنانسافر وننبسط مع بعض..
راجح\حن كبار وعاقلين..وصدنا عن بعض لان كل واحد متمسك برأيه..
وتدرين في بالي اطفشه شوي..صاير ما ينشاف له مدهـ..
وش رايك نطب عليه اليوم..؟؟
رشا\ههههههههه أكيد ما ينشاف زوجته وولده عنده..
ولا تنسى بيسافرون عشان علاج ذياب قريب..
راجح يبتسم بخبث\ليته يدري وش ينتظره في سفرته..
رشا\وشهو وش ينتظرهـ..؟؟
راجح\لا انتي في صفه ما بأقولك..
أنتي كلميه وعطيه خبر يمكن عندهم خطط ثانية ليومهم..
رشا\علمني اول ما بأقوله..
راجح بنص عين\أعرفك بتقولين له عشان ياخذ احتياطه..
بس مافيه انسي..وين بوستي..؟؟
رشا بعبوس\مافيه قلي اول..
راجح\خلاص اخذها بعدين فمان الله يا بطة..

طلع من البيت وهي عصبت ليه مايقول لها..
هي ما بتدخل بحيات هديل وغازي..
بس كلام راجح خلاها تشك إن غيرها بيتدخل..
ليه غيري مباح له وأنا ممنوع..؟؟

أخذت جوالها واتصلت على غازي..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

4 - 1 - 2022, 01:10 AM

غازي بهمس\هديل انتي ليه طيبة..؟؟
هديل بصد\كنـــت طيبة..
غازي\أنا غازي..
هديل\وانا رسل..
حط يده على خصرها وضغط عليه بخفة..
هديل بوجع\خلااااااص إبعد يدك..
غازي بجمود\لساتني على خبرك..
لاتستفزيني..
هديل\وانا مو طيبة على خبرك..
لا تهددني..
غازي بمحبة\ندمتي على كلمتك..؟؟
هديل بغصة\خلني بحالي تعبانة..

أنسدح جنبها وقرب منها..
نزل راسه لراسها على نفس المخدة..
غازي\إرفعي راسك لي..
دفنت وجها بمخدتها هاربة منه..
غازي يبتسم\يعني إذا ماشفتيني ما اشوفك..؟؟
هديل بصوت مكتوم\اليوم بأروح لهلي..
وقبل لا تقول شيء..
لازم تعرف إني ما استئذنك..
ومهما كان ردك أنا باروح غصب عليك..
غازي بروقان\كنت بنفسي باوديك..
بس لانك متمردة وطويلة لسان مافيه روحة..
هديل بعناد\بأرووح ياغازي ولا تفكر تمنعني..
غازي\مابتروحين يا رووح غازي ولا تفكرين تتحديني..

رفعت راسها من على المخدة والتقت عينها بعينه القريبة منها..
بعدت وجها عنه بسرعة وجلست بتعب..
جلس قريب منها وهي وقفت..
صارت تدور في الغرفة ..
ويدينها تثبت القميص من ورى لا يطيح من عليها وتنفضح قدامه..
كانت تدور على جوالها..
لازم يتعلم إنه مستحيل يمنعها من اهلها..
بتكلم علي قدامه وتقوله يجي ياخذها..
نفخت بقهر لما مالقت الجوال..
غازي بهدوء\انا هنا ياقلبي إذا تدورين علي..
طنشته وراحت لغرفة ذياب..
تدري إنه يبي يستفزها بكلامه..
مالقت الجوال هناك..
ولما رجعت لغرفته..
أخذت جواله من على الكومندينو..
مسك يدها بسرعة واخذ الجوال..
غازي\جوالي لا تستخدمينه مع اعدائي..
هديل بصدمة\اخواني أعدائك..؟؟
غازي\كل من يفكر يأخذك مني عدوي..
هديل بحسرة\أجل تطمن ما احد يفكر بهذا الشيء..
غازي\ماتعرفين قدرك لاعندي ولا عندهم..
وهذا سبب اللي فيك..
هديل بسخرية\أعرف قدري عندك..
ومثل ما انا وانت نعرف هو شيء مايشرف..
غازي\تعالي واعلمك..
هديل بجمود\شفت انه مايشرف ..وين جوالي باكلم أخوي..
غازي\جوالك قطعته وتنازلت عنه..
هديل بغضب\نعم..؟؟
بأي حق تقطع رقمي..ماهو باسمك ولا حلالك..
غازي بهدوء كاذب\قلت اهديك جوال جديد..
ونفس رقمي بس يختلف برقم واحد..
هديل\ما ابي هداياك..خلها لضحية ثانية..
ابي جوالي ورقمي..
ما باسمح لك تحرمني من هلي مرة ثانية..
غازي براحة\انا ابي اعطيك الجوال..
بس في حالتك هذي ما اضمنك..
يمكن تصكينه في الجدار أو تغرقينه في الماء..
عاد لك سوابق في إعدام الأجهزة تحبين اذكرك..
هديل برفعة حاجب وإبتسامة\فدووة لي..ولا غيرت كلامك الأول..؟؟
غازي بوله\يالبيييه انا وكلي فدوة لك..
هديل بغيض\فداك الجمر..
غازي\هاتي قميصي ..
هديل\نعــم..؟؟
غازي\قميصي اللي عليك هاتيه..

صدمها طلبه وخافت لا يقوم ياخذ القميص من عليها..
ولما شافته يوقف ويتوجه لها..
صرخت بخوف وهربت منه..
دخلت غرفة التبديل وقفلت الباب..
سمعته يضحك ويهددها..
وبعدها يكلم بجواله..
رمت قميصه بالسلة..
ودخلت دورة المياهـ..
تحممت وبكت لما حست بالوجع بظهرها..
أستاهل هو قال لا تتحممين..
بس ما اقدر احس العلاج مثل التراب على ظهري..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛

صخرت بوجع وتمسكت بالباب..
جلست على الأرض وهي تنادي على سلمان..
ياسمين\سلمااااان...؟؟غــــادة..؟؟
آآآآآآهـ موجوووعة يا أمــــه..
يا امــة يا حبيبتي رح مووووت...

توهـ راجع من دوامه..
وسمع صوت صراخ بأحد الغرف..
وقف عند الدرج وسمع صوت ياسمين زوجة أخوهـ ..
تلفت حواليه ونادى على أمه..
ماردت عليه فراح لها المطبخ بسرعة..
راكان\يومه تعالي شوفي زوجة سلمان اسمعها تنادي..
ام راكان\بسم الله عليها وش فيها..؟؟
طلعت من المطبخ وراحت لغرفة ياسمين..

فتحت الباب وتفاجئت بياسمين جالسة على الأرض ويدينها على بطنها..
وكانت تبكي مستوجعة مررة..
ام راكان\اللهم صلي على محمد..
وش فيك يا بنتي..؟؟طحتي؟؟ وش تحسين فيه.؟؟
ياسمين تبكي\أريد أميييي..بأمووت اريدها بجنبي..
ام راكان\بسم الله عليك من الموت..
إهدي فديتك الحين أخذك المستشفى إهدي..

لمت يدينها حواليها ورفعتها عن الارض..
سدحتها على سريرها وخرجت من الغرفة..
ام راكان\راكان وينك يومه..؟؟
راكان من بعيد\هنا يومه في الصالة..
خير عسى ماشر..؟؟
ام راكان\خلنا ناخذها المستشفى شكلها مايطمن..
راكان بإرتباك\يومه كلمت سلمان..
الحين يجي ويأخذها معك..
ام راكان بعصبية\وأخوك متى بيجي أخاف يتاخر علينا..
راكان\لا ان شاء الله ما يتأخر..
كيف تبيني اسعفها يومه الله يسعدك؟؟

رفع جواله واتصل مرة ثانية في سلمان..
راكان\انت وينك بسرعة تعال لا تنكبني..
سلمان\راكان وش صاير فيها..؟؟تراك أرعبتني..
راكان\ماصار شيء..
بس لازم تجي توديها المستشفى..ما اقدر اخذها انا ..
سلمان بقهر\مبطي عنكم والزحمة بتاخرني أكثر..
تكفى يا ابو علي خذها المستشفى..

قفل راكان الجوال بوجه سلمان..
راكان\يومه يالله هاتي ياسمين نوديها..
سلمان بيتأخر مكانه بعيد عنا..

دخلت ام راكان لغرفة ياسمين..
لبستها عبايتها واسندتها..
ام راكان\يالله يا بنتي سمي بالله..
ماعليك الا العافية ان شاء الله..
ياسمين بخوف\آآآآآهـ هذا مووت ماهي عافية..
ام راكان\إستغفري ربك..سبحي ومابتحسين بألم..
شكلها والله اعلم ولادة..
ياسمين\توني دخلت الثامن..بدري والله بدري..

طلعتها ام راكان من الغرفة..
وتوجهوا لـ الباب الرئيسي..
راكان بصدمة\يوومه عباتك مالبستيها..!
ام راكان بشهقة\ياسترالله كنت باطلع من دون عباتي..
راكان يبتسم\وخزياااهـ يومه..هذي أخر تربيتك..

طنشته امه وبالها مع ياسمين..
نادت على الخدامة وقالت لها تجيب عبايتها..
طلع راكان وقرب السيارة لهم..
أنحرج كثيـــر وهو يسمع صوت ياسمين..
ويقول الفال لغادة ..

وصلوا المستشفى واضطر راكان يساعد أمه في ياسمين..
لحتى استقبلوهم الممرضات واخذوها لغرفة المعاينة..
ناظر جواله الي توصله اتصالات من سلمان ومن سارة..
راكان\هلا..
سارة\وييين أمي..؟؟الخدامة تقول إنها معك..
راكان\أفا باقي ماوصلك العلم من جاسوستك اللي في بيتنا..؟؟
سارة بترقب\لا ماكلمت كوكو اليوم وش صاير..؟؟
راكان\ياهذي الشغالة باسفرها..مسوية جاسوسة لك..
سارة\رويكن خل جاسوستي في حالها..
وقلي وش صاير معكم..؟؟
راكان\حرمة سلمان شكلها والله اعلم حالة ولادة..
هذا كلام امي واخذناها المستشفى..
سارة بشهقة\ياحبيبت قلبي ياوردة..
راكان\من وردة..؟؟!
سارة\وينكم في أي مستشفى..؟؟
راكان\في مستشفى ............
سارة\طيب قل لها لا تولد قبل اجي..
وقل لها..................

قفل راكان الجوال في وجها لانها بدت توصيه على ياسمين وتحمله رسايل لها..
مهبولة كيف اشوف ياسمين واقول لها لاتولدين قبل تجي سوير..
رد على سلمان ..
سلمان\أنت مع من شاغل جوالك..؟؟
وش صار معكم ؟؟
راكان\إحترم نفسك وانت تكلمني..ترا أنا اللي انقذت زوجتك..
لاتخليني ارجعها البيت..
سلمان\طلبناك طول السنة تروق مارضيت..
يوم جاء وقت الجد مروووق..؟؟
قلي وش صار معكم..؟؟
راكان\تطمن كل شيء طيب..
وهي بخير عندها الطبيبة الحين..
لو ولد اسمه راكان فاهم..؟؟
ولو بنت اسمها غادة..؟؟
سلمان\ولا لك لوى..سميتهم قبلك..
الولد هادي والبنت هديل ..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

4 - 1 - 2022, 01:11 AM

عظيـــمة هيـــبتك يـ الصمـــــت ..
تظــــل أجمــل سواليفـــــي ...

حاولت ماتبين قهرها لعيون رشا..
هي طلبت تزور أهلها ..
ولما قال لها تعدلي باوديك لهم,,
تنصدم في رشا وراجح عندهم..
يلعب عليها او يتحداها..

ركزت عيونها على غازي الصغير..
جالس على الارض وماسك ذياب بحضنه..
وكل ماحاول ذياب يوقف يسحبه بحضنه غصب..
أبتسمت لما سمعت صرخة طلعت من ذياب..
دليل على عصبيته..
بس غازي الصغير كان مُصر يجلسه بحضنه..
ألتفت ذياب على غازي وعضه على خدهـ بقوووة..
صرخ غازي ورمى ذياب من حضنه..
وبوقتها بكوا الثنين من بعض..

راحت رشا لغازي وشالته عن الأرض..
وغازي الكبير شال ذياب وضمه له..
وهو يضحك على اللي صار بينهم..
جلس جنب هديل وهو يداري ذياب بكلمات طفولية..
هديل بإنتقاد\عائلة غريبة..
الحب عندكم غصب يصير..
وإذا ما يناسبكم طعنتوا اللي يحبكم..
غازي بنبرة خاصة\عساني فدوة للي يحبني وانا طعنته..
هديل بسخرية\اللهم آآآآآآآآآمين ..
رشا بعفوية\ولدكم شري..ولدي يحبه يقوم يعضه..
غازي بخبث\والله يا وخيتي ماراح بعيد..

عرفت إنه يقصدها بكلامه..
يحبها وهي تصدهـ..
ياليت العضة اللي بوجه غازي الصغير بوجهك..
بس ولدها النذل يعضها ويشد شعرها..
بس مع ابوووهـ أليييف ورايق..
هديل\وش رايك تروح لعمك وتخلي عنك رمي الكلام..؟
غازي\وش رايك اشوت عمي وحرمته وتضميني..؟؟

لما شافته يقرب منها..
حذرته بصوت واطي..
هديل\ظهري يعورني..لا تنكبني مع اختك..
غازي بهمس\طيب غطي شعرك بأقول لراجح يدخل هنا..
هديل\طيب تنذل براحتك..
وما انام الليلة الا عند هلي..
غازي بوعيد\تبطين عظم..بكره تروحين لهم..
بس نوم ما اسمح لك..

أتصل على راجح وطلب منه لما يوصل البيت يدخل عندهم..
مارضى يدخل وقال يطلع له برا..
طلع لحديقة البيت وقابله..
غازي\هلا والله..حياك تفضل..
راجح\زاد فضلك..كيف أنت..؟؟
غازي\طيب..أقلط حياك داخل..
راجح\لاماعليه نجلس هنا..
غازي\يا ابن الحلال ادخل انت عمها وعمي..
راجح برفعة حاجب\زين إنك تذكرت إني عمك..
غازي بسخرية\وش اسوي فيك أنت وهس..
إن قلت اللي يرضيكم ماعجبكم وإن هاوشتكم ما اعجبكم..
وش اللي يرضيكم..؟؟
راجح\أبد يرضينا الحق..كن حقاني وابشر برضاك..
غازي\ربك يعدلها..والله إن تدخل..
راجح\لو ما انت بشايب ماقبلت ادخل..
غازي\لعنبوا الغيرة وش تسوي بـ البزارين..
راجح\هههههههههههه كثر منها..

دخلوا البيت وهم يضحكون..
وهذا خلا رشا تنصددددم بقوووة..
شيء أبداً ما كانت تتوقعه..
توها تفهم كلام راجح ..
لما قال لها مافيه بينه وبين غازي الا كل خير..
ومهما صار بينهم مابينسون إنهم اهل ودمهم واحد..

حست بفرحة كبييرة وهي تشوفهم..
جلس راجح وسلم على هديل..
راجح\كيفك يا ام ذياب.؟؟
هيل بهدوء\الحمدلله..عساك طيب..؟؟
راجح\الحمدلله الحال طيب ..

لها مكانة كبيرة في قلب راجح..
هي وهو وكلهم يدركون هذا الشيء..
غالية عنده كثير..
ويهمه أمرها وراحتها..
ويدري إن من اسباب رجوعها هو الجاهة اللي راحت لاهلها تطلبها..
وسبب ثاني هو علاج ذياب والعملية اللي بتسويها معه..
تظل كبييرة في عينه من سنين..
أكبر من شوق ورشا وغازي بنفسه..

رشا\مبروك الصلح..
غازي\أي صــلح..؟؟
راجح\تظن إن بيننا حرب طاحنة..
غازي\ياساتر ليـــه..؟؟!
راجح\عشان الشغل..
غازي فهم عليه\لا ابد مابه الا كل خيـــر..
والدم مايصير ماء..

سرحت بكلام غازي وراجح..
هم أهل ودمهم واحد..
وكل اللي صار بينهم بسببي نسوهـ وعاشوا أهل..
وأنا اللي قسيت على توئمي وصديت عنه..
عاقبته من قهري منهم ومن حالي..
وأنا أعرفه ..هو مثلي بكل شيء..
حنون وطيب وقلبه غبي..
مهما قسوا الناس عليه يسامح وينسى..
كيف قدرت أقسى عليه واتجبر..
وانا ادري إن حبه لي أكبر من حبي له..
ليه أحمله ذنبي والجاني جالس قدامي مبسوط بوجودي بحياته..
يظن إنه أنتصر وصرت نصيبه..
يبيني أرضيه وأنا مزعله أمير قلبي..
فديتك يا هادي..سامحني يا روح اختك..
من شدة افكارها وقهرها..
حست بظهرها يحترق والالم يزيد عليها..

أبعدت ظهرها عن الكنب وعضت على شفايفها لما ضمها ذياب بقووة..
حاولت تفك يدينه من على رقبتها..
بس هو كان يسحب طرحتها وكان بيكشفها قدام راجح..
شالته رشا من حضن هديل وابعدته عنها..
وهنا غازي الصغير شافها فرصة ينتقم من ذياب..
صار يسحبه من يدين رشا بغيرة واضحة..
غازي أخذ ولدهـ من رشا..
وراجح هاوش غازي الصغير ..

راجح\عيب أنت صرت كبير..كيف تضرب بزر..؟؟
غازي بغصة\هو عفني أول<<هو عضني أول..
راجح بحدة\إجلس عند أمك..

أستئذنت منهم وخرجت من الصالة..
طلعت الدرج بخطوات تعبانة..
نزلت دموعها من الوجع ومن تفكيرها في هادي..
دخلت غرفتها وقفلت الباب ماتبيه يدخل عندها..
فسخت البلوزة القطنية اللي كانت لابستها..
أخذت علاجها ووقفت عند المراية ..
كانت تحطه على ظهرها بس لما تتوجع تتركه..
ماتقدر تعالج نفسها لأن الألم يتحكم فيها..
فتترك اماكن كثيرة من غير علاج..

أتصلت بالخدامة وطلبت منها ترقى لها فوق..
ماتبيه يقرب منها ولا يلمسها..
الخدامة تحط الكريم لها قبل يجي..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛

وين الطريق اللي يودي لقيـاك
طالت خطاوي البعد بينك وبينـي
والله لأشيل الحمل ضعفين لأرضاك
عسى يمينك مـا تفـارق يمينـي ..

قبلها على جبينها وجلس قريب منها..
ويده تشد على يدها بخفة..
سلمان بمحبة\الحمدلله على سلامتك..
ياسمين تبكي\مات..
سلمان\الحمدلله على كل حال..
العوض بسلامتك وسلامة أخته..
ياسمين بزعل\الحمدلله..بس أنا ابيه..
سلمان بحنية\وربه يبيه..
طير من طيور الجنة إن شاء الله..
وماتدرين وين الخيرة فيه..
ياسمين بألم\البنت كيفها..؟؟
سلمان\تقصدين بنتنا هديل..
الحمدلله هي بخير..في الحضانة..
ياسمين\سميتها هديل..؟؟
سلمان بآسى\إيه سميتها هديل..
عساه أعجبك إسمها..
ياسمين\أحبه..
سلمان\وأنا ما تحبيني..
ياسمين\..................
سلمان\لايكون لساتك زعلانة من انت..
ترى والله هو يحبك ومشتااااق لك..
ياسمين\ايه هو مزعلني كثير..
ويصدمني بتصرفاته وقت غضبه..
سلمان\وبغير غضبه كيفه معك..؟؟
ياسمين\طيب وأموت فيه..
بس لما يعصب يصير ماهو حلو..
سلمان يضحك\ههههه يالبى الحلو..
ياسمين\بجد لما تعصب تخوفني..
سلمان بهدوء\ياسمين أنا ماني معصوم..
ولا فيه انسان كامل ومايغلط..
إرضي فيني بخيري وشري..
ضيعت حياة ناس غالين علي..
واليوم لما اشوفهم أتكدر وأزعل من حالي..
خليك أول من أرضيه وازيل ما بينا من عتب..
والباقين ناوي وبعون الله نتصافى..

قبلت جبينه وهو ضمها بخفيف له..
ولادتها كانت عملية..
الولد كان ميت من ثلاث أيام..

دخلت سارة عندهم ولما شافت شكلهم..
سارة\يا ممرضة الله يسعدك نادي الأمن..
فيه زائر موجود ووقت الزيارة منتهي منذو مبطي..
سلمان بفشلة\هههههههههه سوير يامال الصلاح
وش مدخلك علينا كذا؟؟ماتستحين..؟؟
سارة\ياسمين لا يكون سامحتيه ياالخبلة..؟؟
سلمان بقهر\ليه ماتكونين محضر خير..؟؟
إيه سامحتني وسامحتها وعندنا بنت ولا ازوجها من قرودك..
سارة\سلمانووه اطلع من الغرفة قبل انادي التختور لك..
سلمان\بعدك على كلمة تختور ما تتغيرين..
سارة\ترى غادة بترافق عند ياسمين مو انا..
لذلك تيسر بيتك..
سلمان\صدق غادة بتجي هنا..؟؟
سارة بإستغراب\وليييه مبسوط إنها بتجي..؟؟
سلمان\ابي اقهر راكانوهـ..على اللي سواه فيني اليوم..
سارة مبسوطة\فللللة خلني اقووله يجي يولد غادة قبل وقتها...
ياسمين\لا حرام عليكم..المسكينة بتتعب في الحمل..
سلمان يتنهد\أموووت يالحنونة..

قرب منها وقبلها بحنيه..
سارة بإحراج\هيه انت أستح على وجهك..
وخر عن الحرمة توها والدة بعملية..
وترى بأخذها عندي في بيتي تتنفس..
سلمان\معصـــي..وإن سولت لك نفسك..
تلعبين بعقلها توطيتك..
سارة\ياساتر..
سلمان\يالله يا قلبي..أزورك بكرة الصبح إن شاء الله..
سارة\إنتظر بأروح معك..
ياسمين حبيبتي انا جبت لك اغراض ولـبنتك القموورة..
وغادة بتجيك بعد شوي وبتظل عندك ومعها كم غرض قلت لها تجيبها..
إذا صار شيء معك أو محتاجة شيء كلميني..

نامت ياسمين بعد طلوعهم من عندها وماحست بغادة لما دخلت عندها..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛

4 - 1 - 2022, 01:11 AM

صحيح اللي يقول الذيب لو يرضخ ترى غدار
حسبت إن الثنايا البيض من ثغره ثمر نوة...
حسافه كيف درب الصد والقسوة لها أسرار
تعانق طيفه المرسوم في أروع عزف غنوة...
ولكن بجبر المكسور وأتنازل عن الأدوار
وأمثل طيره المجروح في أرضٍ بها رغوة...
ومادامي عطيت الحب كله بأول المشوار
أبرحل واتركه وأنساه وأتبادل معه قسوة ...

وقفت وهي لابسة قميص لغازي..
ولما سمعت صوت غازي عند الباب..
انقهرت وهي تتوعد في الخدامة اللي ماطلعت لها..
هديل\نعـــم..؟؟
غازي\ينعم عليك ياقلبي..
إفتحي الباب ضيوفك راحوا ماودعتيهم..
هديل بقهر\الأولة هذا ماهو بيتي..
والثانية هلك ماهم ضيوفي..
غازي\طيب إفتحي الباب..
هديل\إنتظر ما اقدر افتح الحين..

أبتعدت عن الباب ودخلت دورة المياهـ ..
حاولت تحط الكريم على ظهرها مرة ثانية..
يدها ماتوصل الا لـ الجهات السفلية من ظهرها..
وماتقدر ترفعها اكثر..

رفعت راسها وشافته وراها في المرايه..
فزت وهي تصرخ بخوووف ..
قرب منها بسرعة وضمها له..
طلعها من الحمام وسمى عليها..
هديل بخوف\أنت مو أنسان..
كيف تدخل وانا مقفلة الباب..؟؟
غازي بهدوء\دخلت من غرفة ذياب..
ناسية الباب بين الغرفتين..؟؟
هديل بقهر\كيف تدخل وانا قلت ما ابيك تدخل..؟؟
ليش ماتحترم رغبتي..؟؟
غازي بحنية\يعني ناوية تخبين علي ظهرك..
بس هو صار احسن من امس..
هديل\مالك شغل بظهري..الخدامة بتجي الحين تساعدني..
غازي بحدة\كم مرة قلت لك ما احد ينهي ما انا بديته..
والخدامة صرفتها قبل نص ساعة..
بكل ثقة طلبتيها وكاني ممكن اسمح بهذا الشيء..
هديل بتمرد\ومن انت عشان تسمح أو لا..
أنـ..................

وقف وراها وناظر بظهرها..
أنصدم لانه رجع يلتهب مرة ثانية..
جلسها على السرير واخذ المرهم من يدها..
جلس وراها ونشره على ظرها بيد خفيفة..

غازي بهمس\وش اللي زعلك..؟؟
ليه ألتهبت عليك بهذا الشكل..؟؟
هديل\....................
غازي\تكلمي..وش اللي قهرك..؟؟
ما اذكر أحد قال شيء يضايقك..
هديل\..........................
غازي\تذكرتي ضربي لك؟؟
أو حملك بذياب؟؟
أو يمكن سنين غربتك معي ومن دوني؟؟
وش كان اقسى شيء تعرضتي له..
ولادة ذياب او لما عرفتي إنك ميته بالنسبة لهلك..؟؟
كنت اتمنى اشوف ردت فعلك بعد ماعرفتي خبر موتك؟؟

شهقت مصدومة من كلامه القاسي..
كيف يحاول يثير جروحها بكلامه واسلوبه..
هو يحبها..؟؟
إيه يحبها..فليه يقسى كذا لييييه؟؟
وش اللي بيستفيدهـ..؟؟
كان يتمنى يشوفني منهارة بعد ما انصدم بهلي..
كان يتمنــــــــــى ..!!
هذا كيف يحب ويكرهـ بهذا الشكل..
كيــــــــــف ..؟؟!

وقفت هاربة منه وكارهه قربه منها..
لم يدينه على خصرها وجلسها بحضنه..
صرخت بقهرررر..
وقاومته بكل قوتها..
كانت تئذي نفسها وتجرح ظهرها بحركتها..
الوجع النفسي اللي أشتعل بقلبها أكبر من وجعها الجسدي..
هديل بكرهـ\اتركنييييييييييييي..
أكرهك..أكرهك قد السماء..
أنت مستحيل تتغير..بتظل حقير..
بديت تعايرني بفعايلك فيني..
والله ما تتهنى يا غازي..
والله أطلع كل شقاي من عيوونك..

وقف وحاول يسيطر عليها بحضنه..
كان يبيها تتكلم ولو تثور وتضربه..
المهم ماتبقى كاتمة الغيض بقلبها..

غازي\هشششششش إهدي..
جرحتي ظهرك..
ما ابي الا راحتك..

هديل بحقد اعمى وإنتقام\تبي تعرف وش صار فيني..
تتمنى تشوفني وانا ادري إني ميته ومدفوونة عند هلي..
طيب وحالي وانا اتلقى خبر إني زوووجتك..
ما تتمنى تشوف كيف تقبلت الخبر..
كيف رقصت بمكاني من فرحتي..
وكيف ضميت مسفر وقبلت جبينه على الخبر..
يالله ليتك شفته كيف يهتم فيني ويرعاني..
رجاااال يخاف ربه..طيب حنوون..
ماهو مثلك يا تافه يا جبااان يا مرييييض...
مافاتك شيء يالطيب لا تتحسر..
بكره تطلقني واتزوج مسفر..
أتزوج إنساااان ماهو جمــــــــــــاد ...

صرخت بكل صوتها لما حست إن ظهرها بينكسر بين يدينه..
سحب القميص من عليها بقوة ورماها على السرير..
نزل قميصه وهو يتوعد فيها بغضب..
غازي بقسوة\بتتزوجين رجال واسمه مسفر..
ومن اللي بيقبل فيك وانتي كنتي جارية عندي..ولا زلتي..
لاتنسين إنك بقايا أنثى..

لمت يدينها على صدرها وهي تشوفه يقرب منها..
أدركت إنها رجعت غازي رجل الكهف..
خرجته من كهفه..
بيرجع لها الذل..ماتبي أيام الإكراهـ ترجع لها..
بينهم وعد وإذا هو نكث الوعد بتذبحه..
سحبت طرحتها من على السرير ولمتها على صدرها..
وقفت بسرعة ناوية تهرب منه..
مسكها قبل تبتعد ووثقها بيدينه..

بكت بإنهيار وهي تصرخ بخوووف..
قاومته باللي تقدر عليه..
وحاولت تبعد وجهه عن وجها ورقبتها..
حفرت اظافرها بكتفه ورقبته..
بس قوته كانت اكبر من قوتها ...

إلى الملتقى بإذن الله تعالى فجر الثلاثاء..

والله ما تهونوون علي..
وعد إن قدرت راح يكون فيه بارت صغيروون قبل الموعد..

كونوا بخيـــــــــــــــــــــر ..

صدووود,,,

5 - 1 - 2022, 04:48 PM

البارت التاسع والسبــــعون ..

بيننا يا صديقة الأمــس بحـــــــرٌ
وفــــلاة ... وبيننـــــــــا الأخريــــاتُ
بيننا الأربعــــــون تلهـــــــث في
شعري ... شيبــاً كأنه جمـــــــراتُ
بيننا الأربعــــــون تطــــــفو على
عينيك ليلاً نجومـــــه مظلمـــــــاتُ
بعد هذه السنيـــن ... مــــــــاذا
تريدين؟...و فيم الرسائل الواعـداتُ
هي عشرون وانقضت... فدعيها
ودعيني ... مكاننــــــــا الذكريـــاتُ
بعد عشرين .. هل يعـــود صبيٌ
لصبـــاه ... وهل تعود فتــــــــــاةُ؟!

المرحوم بإذن الله تعالى..غازي القصيبي...

بكت بإنهيار وهي تصرخ بخوووف..
قاومته باللي تقدر عليه..
وحاولت تبعد وجهه عن وجها ورقبتها..
حفرت اظافرها بكتفه ورقبته..
بس قوته كانت اكبر من قوتها ...

أجبرها ترضخ له..
رغم رجائها المقهووور..
وكانه يوصل رسالة أخيـــرة..
لازلتي جارية..
ولازلت اعتبرك ملك يمين مالها سند
برضاك أو غصب عنك تكونين لي..

أستسلمت لقوته بعد ما حست بألم ظهرها يقتلها..
كانت تدري إنه نذل..
ومستحيل يلتزم بوعدهـ لها..
يعايرها بجنونه فيها..
بسجنه لها وتحقيرها..
ورجع يعاملها نفس معاملته القديمة..
إكراهـ xإكراهـ ..

تركها بسرعة قبل لا يقطع كل الجسور بينه وبينها...
وقف مبتعد عنها..
غطاها بالمفرش وتوجه لدورة المياهـ..
لمت نفسها بقوووة وهي تبكي..
منع نفسه منها..
ماجرحها واجبرها على نفسه..
مرعوبة من تجربتها الأولى معه..
ماتبي الماضي يتكرر..
ولا شعور الخزي والعار يتلبسها..
كانت زوجته ولازالت زوجته..
بس قسوته كانت اكبر من الواقع..
..بقايا أنـــثى..
نسى من اللي حولها لأنثى هلامية..
تتشكل بمزاجه وقسوته..
تفرعن يا غازي..
عمرك مابتلقى إلا بقايا أنثى..
لا ترضيك ولا تسرك بحياتك..

أحتارت هل اللي سواهـ كان تهديد..
أو إثبات قوته وتملكه لها..
حاولت تقوم وتطلع من الغرفة..
تهرب منه..تهرب من بيته..
تبي ترجع لأمها..
بس ألمها النفسي والجسدي منعها تتحرك..

مالهم حياة مع بعض..
يجرحون بعض بكل قسوووة..
أي شيء يقهرهم يسوونه..
أي كلمة تطعنهم يقولونها..
حياتهم مستحيلة..

فتحت عيونها وهي تسمع حركته عندها..
شافته يأخذ جواله ومفاتيحه ويطلع من الغرفة ويقفل الباب عليها بالمفتاح..
حمدت الله إنه طلع وتركها لحالها..
وفهمت تصرفه بإقفال الباب..
مايبيها تكلم هلها او تروح لهم..
إذن هو مصدقها..ومصدق تهديدها..
لو اجبرها بتهرب منه..
وهو ماينلدغ من نفس الجحر مرتين..

عذرك معك لاصرت في البعد مجبور..
وأشرهـ عليك إن كان هذا إختيارك..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛

وقفت وصارت تمشي في الغرفة..
تحس بألم في رجلها..
طول اليوم وهي جالسة..
والدم يتجمع فيها..
ياسمين بهدؤ\ياحبيبتي..شكلك مرة تعبانة..
تسطحي ع السرير..
غادة تتنهد بتعب\ما احس براحة لما اتسطح..
يمكن ارتاح اذا مشيت..
انا أنتظر وقت الزيارة ينتهي واطلع امشي بالممرات..
ياسمين بحنية\غادة اتصلي بزوجك وروحي ع البيت..
أنا بخير والممرضات قريب مني..إذا احتجت شيء هم موجودين..
غادة بزعل\لو أنا مكانك كنتي بتتركيني..؟؟
ما اتركك الا اذا جات سارة او احد البنات عندك..
أنتي تعبانة ما يهون علي اخليك..
ياسمين بغصة\مابتعرفي كم مرة بحمد الله على وجودكم بحياتي..
غادة\الحمدلله على كل شيء..
وبطلي حساسية زايدة ياوردة..

دخل سلمان الغرفة ..
سلم عليهم وبعد دقايق استئذنت منهم غادة..
خجلت تظل معهم..وحست بإحراجهم منها..

مشت في الممرات وألم رجلها يزيد عليها..
جلست على احد المقاعد وهي تلهث وتحس انها بتفقد وعيها..
خافت يصير فيها شيء وهي بعيدة عن غرفة ياسمين..
طلعت جوالها وقبل لا تتصل على ياسمين ..
كان راكان يتصل عليها...
غادة بغصة\راكان...
راكان بإهتمام\غادة وينك..؟؟
غادة\تــ..تعال..تعبانة..
راكان بحدة\وينك فيه..؟؟
أنتي في المستشفى..؟؟
غادة\إيـــ..ـه..باحد الممرات..
بس مدري وين..تعال مو قادرة اتحرك..
راكان\ياقلبي المستشفى كبير..
بأي قسم انتي..؟؟
غادة\ماطعلت من قسم الولادة..
راكان\طيب تطمني باجيك ألحين..
غادة تبكي\لاتقفل..خلك معي..
راكان\معـــك ما بأقفل الخط..
يالله أشوفك..

نزلت الجوال وتلفتت حواليها..
شافته بأول الممر جاي لها..
حمدت الله إن المكان اللي هي فيه مو مزدحم..
مع ان الوقت وقت زيارة..
تعلقت عيونها فيه وادركت قد ايش هي مشتاقة له..
وبنفس الوقت خايفة من قربه..
ما تبي تتعب مع حملها..
وقف قدامها وحب يتأكد..
راكان\غادة..؟؟
غادة تبتسم بتعب\قلبها..
جلس جنبها وبوله\فديت القلب وراعيته..
طمنيني وش فيك؟؟
غادة\رجلي منفوخة وأحس الدم متجمع فيها..
ما اقدر أمشي احسها تتشقق..
راكان\ألف سلامة عليك..
وأنتي الله يصلحك ماشية كل هذا وانتي تعبانة..
تعالي نشوف طبيبة تفصحك..
غادة\ما اقدر أحركها تعورني..
راكان\ألحين أطلب منهم ينقلونك لغرفة معاينة..
إنتظري شوي..

وقف وابتعد عنها..
وهي صارت تتنفس بسرعة..
حاولت قد ماتقدر تكتم نفسها ماتصرخ فيه ابتعد عني..
أنتبهت عليه راجع ومعه ممرضة جايبة كرسي متحرك..
ساعدها توقف وجلسها على الكرسي..
أخذوها لغرفة معاينة وساعدتها الممرضة تتسطح على السرير..
طلعت من الغرفة وقالت لهم غن الطبيبة بتكون عندهم بعد دقايق..

قرب منها وجلس جنبها على السرير..
راكان\مرتاحة كذا..
أنحنت بجسمها على قدام وفسخت جزمتها ورمتها ع الأرض..
غادة\ألحين مرتاحة..
راكان يبتسم\ليش ما اخذتي مقاس أكبر..؟؟
غادة\هي على مقاسي..
بس الإنتفاخ ضيقها..
راكان يبتسم\حي الله غادة..
غادة تبتسم\إبعد شوي..
راكان بعبوس\أفا..
غادة\هههههههه بالله إبعد..
راكان بتذمر\وش تحسين فيه مالقيتي غيري..؟؟
غادة بضيق\ماهو أنا..ولدك..
راكان\فديته من بدايتها عاق وقليل سنع..
غادة\لا بسم الله عليه..عساهـ مرضي وطيب..
راكان\اللهم آآآمين..بس ما اشتقتي لي..؟؟
غادة تصد عنه\راكان ترى تحسنت عن أول...
ماكنت اطيق ينذكر اسمك..
راكان\امي قالت تزوج خلها تتعدل مع وحامها..
غادة\هههههههههه لافديتها ماتقوله..
راكان\واثقة في أمي..؟؟!
غادة\لأنها أمــــي ..
راكان\يالبى الطيوووبة..
احم الا ماقلت لك معوضة في الخسارة..
غادة\الحمدلله على كل حال..
صح انصدمت من خسارتنا بس هذا المكتوب..
راكان\أبشري بالخير..
وترى شغلكم مطلوب كثير..
غادة\راكان ترى بأرجع الشغل..
تعطلت أمور كثيرة بغيابي..
راكان\إن شاء الله لما تتحسن حالتك..
غادة بصدمة\يعني موافق..؟؟
راكان عقد حواجبه\ليه تظنين إني بأخرب عليك كل تعبك..؟؟
كل همي تكون صحتك كويسة..
بس إذا شفت الشغل متعبك..
تاخذين إجازة إلى بعد الولادة..
غادة\لا لا ما بيتعبني..
راكان يبتسم\طيب وش رايك ترجعين البيت معي..؟؟
غادة\إيه وصلني البيت تعبانة..
وسارة تظل عند ياسمين..
راكان\لا لا ابيك ترجعين بيتي..
غادة تغيرت ملامحها\رويكن بالمووت متحملتك وانت جالس جنبي..
قم لا اقلب عليك المستشفى كله..
راكان مصدوم\صدق حرمة مالك امان..
تونا وش حلونا..
غادة بضييق\راكان خلاااص إطلع من الغرفة..
راكان بعناد\ما اطلع..جالس على قلبك..
نفسي أعرف ليه تحسون بهذا الشيء اللي مدري وشهو..
مثلا الوحدة توحمت على نفسها كيف تتصرف..
غادة\يارببببي..غير عطوراتك..
غير شكلك..كلك غلط..
راكان\وصلت لكلي..
كان بس عطري وخشمي..

قرب منها وحاول يقبلها..
لمت يدينها على فمها ووجها..
غادة\اطللللللللللللع..
وقف وابتعد عنها..
وحست براحة جزئية..سمحت لها تناظرهـ..
دخلت الدكتورة ومعها ممرضة..
راكان بنذالة\يارب تعطيك إبرة تعلمك كيف تجرحيني..
غادة تبتسم\فديت المجروح..
راكان\دكتورة أخرجي شوي..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

المواضيع المتشابهه لموضوع: ما غرام يشرح الصدر طاريه و إلا صدود و عمرنا ما عشقنا للكاتبة صدود كاملة لموضوع: ما غرام يشرح الصدر طاريه و إلا صدود و عمرنا ما عشقنا للكاتبة صدود كاملة
الموضوع	كاتب الموضوع	المنتدى	مشاركات	آخر مشاركة
سجود السهو	نجمة المساء	نفحات اسلاميه	15	8 - 6 - 2021 12:49 PM
يشرح القلب طاريه ولا صدود وعمرنا ما عشقنا	شيخة الزين	همس عالم حواء	6	1 - 7 - 2018 10:50 PM
فستق صيني	همسة الشوق	همس لعالم النبات والثروه والزراعه والحيوانيه	8	13 - 9 - 2015 06:35 AM
علمو سدني	سجات التهاويل	همس للرياضه السعوديه والخليجيه	3	6 - 3 - 2015 08:50 PM
صور غنى 6 شيوخ في الخليج	علياء	همس للاخبار الفنية العربية والعالمية وصور المشاهير	7	29 - 10 - 2014 03:59 PM

الذين يشاهدون محتوى الموضوع الآن : 5 ( الأعضاء 0 والزوار 5)

الأعضاء الذين قاموا بتقييم هذا الموضوع : 0
لم يقوم أحد بتقييم هذا الموضوع