ما غرام يشرح الصدر طاريه و إلا صدود و عمرنا ما عشقنا للكاتبة صدود كاملة - الصفحة 17

5 - 1 - 2022, 04:49 PM

حرك السيارة وطلع من البيت..
من بعد اللي صار بينهم..
كل واحد ألتزم الصمت والصد..
قبل نص ساعة عرفت إنهم راجعين إيطاليا..
ما ناقشته ولا حاولت ترد عليه..
طمنها لما قال لها بيمرون على أهلها..
توادعهم قبل تسافر..

لمت اغراض ذياب وبعض أقل أغراضها..
بدت رحلة الرجوع من المنفى..
يتعالج ذياب وارجع لهلي وهو لحياته..
وبعدها مانعرف بعض..
يمكن هو ادرك مثلي إن الحياة بينا مستحيلة..
ماضينا بنى سد كبيييير أمام مستقبلنا..
مانقدر نتجاوزهـ مهما تصورنا ونافقنا بعض..

وقف قدام باب بيت هلها..
وقبل تتحرك من مكانها حرك السيارة مرة ثانية..
ومشى بسرعة كبيرة..
حتى إن الكفرات طلعت صوت قوي ..
ألتفتت على ورى ناظرت بإتجاه بيتهم بصدمة من تصرفه..
شافت هادي اخوها ومعه مســـفر..
ويناظرون بسيارة غازي بحيرة..

مد ذراعه عليها ومنعها تناظرهم..
ولفها بيده على قدام..
حست بيأس كافر يسيطر عليها..
وتاكدت إنها ما بتشوف أمها ولا ابوها قبل تسافر..
ماحاولت ولا فكرت تتكلم معه او تحاول تقنعه يرجعها..
كلامها لا زال آثر عقابه على شفايفها..
ومسفر موجود قدام باب بيتها..
مستحيل يرجعها..
صدت عنه وركزت عيونها على الشارع..
بتترك المملكة مرة ثانية..
من دون وداع أمها ولا رضى ابوها..

لما حست بافكارها تضايقها..
صارت تستغفر وتقرأ من صغار المفاصل..
خايفة لا يعورها ظهرها أكثر..
انجرح ظهرها امس بحربهم القاسية..
ماقدرت تنام ولاتتحرك من فراشها..
وبعد جهد نامت..
صحت وكان جالس على السرير قريب منها..
أبتعدت عنه بسرعة وتوجهت لدورة المياهـ..
كرهت وجودهـ ونظراته..
وتفاجئت بالعلاج مغطي جروحها..
حتى شفايفها بجزء منها لاصقة جروح..
ولازال يداوي بعد ما يجرح..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

تنهدت بقهر وهي تكلمها وتطلبها لـ المرة الثالثة..
مرام\أنا اخر وحدة جيتك..أنتي أبداً ما تزوريني..
خلود\عيييب وشق جيييب ازورك..
مرام بقهر\عطيني أمك ما ابي أكلمك..
خلود\أخاف تخربين اخلاق امي..
مرام\ههههههههه بالله خلوود تعالي..
خلود\لا تحاولين..تعالي انتي..
مرام\لا ولدي مزعج مرة..ما ابي ازعج امك واخواتك..
خلود\ايه صح لا تجيبينه..
مرام\حتى هو حاقدة عليه..؟؟
خلود\ما اضمن يمكن يكون متجرثم..
مرام\هههههههه انتي مو صاحية ابداً..
نص ساعة واكون عندك..
انا جاهزة لأني اعرفك مابتجين..
أشوف مين يوصلني لك..
خلود\تعالي على رجلك ولا تركبين مع رجال..
ترى مالهم امان يصكونك بالسيارة بأقرب جدار وتموتين..
مرام\ياشينك لا تفلسفتي..
مع السلامة..

قفلت وأخذت عبايتها..
نزلت وكان مسفر جالس مع جده..
سألتهم عن تركي..
مرام\وين تركي..؟؟
مسفر\طلع مع أبوي..
مرام\اممم طيب تقدر توصلني عندي مشوار..
مسفر\إيه اوصلك..وين بتروحين..؟؟
مرام\صديقة..
مسفر\يالله إذا جاهزة مشينا..
مرام\انا جاهزة بس اشوف الشغالة واجيك..

طلع مسفر ينتظرها في السيارة..
تاخرت عليه..ولما ركبت تمسخر عليها..
مسفر\نومتي الشغالة..؟؟
مرام\ههههههههه لا..
بس كنت اوصيها على الولد..
مسفر\ليه ما اخذتيه معك..؟؟
مرام\لا تكفى ابيه..
لو أخذته معي بتذبحه الخبلة..
مسفر\ههههههههه أعوذ بالله من حبها له يعني..؟
مرام\إلا من كرهها له..
مسفر بإستغراب\صديقتك تكره ولدك وعادي عندك..؟؟
وبعدين وش مسوي لها البزر عشان تكرهه..؟؟
مرام\هذا شغلك ماهو شغلي..
مسفر\شغلي..؟؟
مرام\إيه شغلك..
بصراحة يا مسفر البنت حالتها مستعصية..
هي بسم الله عليها عاقلة وطيبة وخلوقة..
مسفر\بـــــــس..؟؟
مرام\بس تكرهـ الدنيا لان فيها رجال..
تحقد على كل رجال..سواء قريب لها..
او واحد يمشي في الشارع..
حتى أخوها من امها وابوها تكرهه..
هههههههه تفكر تطلعه من البيت لما يخلص ثانوي..
مسفر\هي نفسها اللي صدمتها بسيارتي..؟؟
مرام\إيه هي..وترى حتى انت تكرهك..
مسفر بهدؤ\شيء طبيعي تكرهني..
مرام بإستغراب\شيء طبيعي تكرهك لأانك كنت بتصدمها بالغلط؟؟
مسفر يبتسم\لا اقصد شيء طبيعي تكرهني في حالتها..
يمكن أكون الرجل الوحيد اللي أذاها..
اعني تسبب لها بوجع جسدي..
مرام\لا تكون واثق..
مسفر\هي أبوها متوفي صح..؟؟
مرام\إيه مات مقتول..
مسفر\اممم واللي قتله أنقتل..؟؟
مرام تتنهد\لا ما انقتل..
مسفر\مرام أنا ابي اقابل صاحبتك هذي..
مرام بصدمة\نعـــــم..؟؟
مسفر\أبي أقابلها..أقنعيها تجي العيادة عندي وتعالي معها..
مرام بعصبية\هذا اللي طلع معك..؟؟
مسفر\أنتي قلتي إنها صارت شغلي صح..؟؟
مرام\انا قصدت تتزوجها..
أنت دكتور نفسي وبتقدر تتعامل معها..
والله من غلاتها عندي ابيها تطلع من حالتها وتعيش حياتها..
أعرفك طيب ومتفهم..وبعدين يا قلبي أنت صرت كبير..
ثلاثة وثلاثين سنة ليش ماتتزوج..؟
مسفر بحدة\لا زواج ماهو في بالي هذي الفترة..
وانا صرت مهتم بأمر صاحبتك..
لأني احسها فعلاً محتاجة مساعدة..
حالتها صعبة بما إن حقدها وصل لأخوها ولولدك الصغير..
فحاولي فيها وتحايلي عليها..
جيبيها العيادة ابي اتكلم معها وفهميها اني طبيب..
مرام بإحباط\ليش ماتبي تتزوج..؟؟
مسفر\انسي موضوع الزواج وفكري في اللي قلت لك..
مرام\عشان تمزع رقبتي..
بأقول لأمها وهي تقول لها..
مسفر يبتسم\طيب براحتك..هذا بيتهم صح..؟؟
مرام\كيف عرفته..؟؟
مسفر بسخرية\نسيتي إني صدمتها مرة وكنت بأذبحها..
ثم وصلتها بيتهم وكانت بتذبحني..
مرام\ههههههههه فديتك لا مانسيت..
اذا ما لقيت تركي بأتصل عليك لا تبعد..
مسفر\سواقك أنتي وزوجك..؟؟
انزلي قبل ارجعك البيت..

نزلت وهو انتظرها لحتى دخلت البيت..
أنصدم لما تقفل الباب بقوووة وهو واقف..
بعد ثواني ضحك وهو متأكد إن خلود هي اللي قفلت الباب بهذا الشكل..
وكأنها تبين وتوضح مدى كرهها لشوفته ووجوده..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛

مر عليهم وقت طوويل..
مستحيل كل هذا مشوار لـ المطار..
هم طالعين من الرياض..
وتوقعها انهم متوجهين لـ الشرقية..
وقفوا قبل ساعتين وصلى المغرب قريب من السيارة..
وهي صلت معه..
وكانوا مثل الغريبين مايتكلمون ولا يناظرون بعض..

تحركت في مكانها وابعدت ظهرها عن المقعد..
بدأ الألم يزيد عليها..
سمعت صوت ذياب..
ألتفتت عليه جالس بمقعد أطفال..
مدت يدينها له وخذته بحضنها..
أنبسط وصار يشهق ويصفق بيدينه..
تمنت لو يتكلم..
لو تسمع صوته..مشتاقة له..
شهرين كيف بتقضيها مع ابوهـ..
لو تدخلت بينا امس يا ذياب..
ماسمعت صراخي وبكاي..؟؟
ولا قلبك قاسي مثل ابوك..؟؟

وقف بحضنها ومد يدينه لغازي..
مسك ذراع أبوه وصار يشدهـ له..
سحبت يدينه بسرعة من عليه وابعدته عنه..
تضايق وصار يتحرك بملل..
تركته لغازي اللي مد يدهـ ..
سحبه له وجلسه بحضنه..
وذياب بحركة سريعة سحب العقال من على راس ابوهـ..

توترت وخافت لا يلهيه عن السيارة..
مدت يدينها بتأخذهـ ..
بس هو طلع صوت غاضب وتعلق بابوه اللي ضحك على تصرفه..
أنقـــهرت وصدت عنهم..
تبي ابوك ولا تبيني..؟؟
حبه ومووت عليه..
بس مصيرك تفترق عنه..
وحتى لو هددني فيك..أو انت عفتني ورحت له..
بأتركم واعيش لحالي..
ما بتجبرني ارجع له يا ذياب..
بعد علاجك يطلع من حياتي..
وحتى لو هدمني للمرة المليون..
بأتركه..
واتركك حتى إنت لو فضلته علي..

لما قربوا من نقطة تفتيش..
خفف سرعة السيارة وشال ذياب من حضنه ومدهـ لهديل..
تجاهلته ولا مدت يدينها له..
وقف السيارة ولف بجسمه على ورى..
جلس ذياب بكرسيه وقفله عليه..
نسف شماغه وعدله..
وبعدها كملوا مشوارهم..

وقف عند فندق فخم..
نزلت وهي تتنفس براحة..
كانت خايفة ياخذها لبيت شوق وطالب..
خافت لا يمنعها من اهلها ويقابل هله..
أول مرة يخالف ظنونها..ويطلع فيه عدل..

جلست مع ذياب لحتى يحجز غرفة..
رجع لها وهي وقفت ومدت يدها تاخذ المفتاح من يده..
عطاها المفتاح ورد على جواله..
غازي\هلا وعليكم السلام...
الحمدلله طيبين...كيفك وكيف شوق والوالدة..؟؟
اممم ليه تسأل....انا في الرياض....
هههههههه كيف عرفت......لا ياشيخ..

قفل جواله والتفت..
شاف طالب جاي لهم وهو مبتسم..
سلم على غازي وهو يسأل عن الحال..
رفع راسه لها والقى سلامه وسؤاله عن حالها..
ماردت عليه ولارفعت راسها له..
قرب منها غازي وخذا ذياب وعطاهـ لطالب..
سمعته قبل تبتعد يقول ان شوق وامها بالحديقة..

صدت عنهم وتوجهت لـ الأصنصير..
شافت رقم الغرفة على المفتاح وسألت احد العاملين..
دلها على الطابق اللي فيه غرفتها..
حست بوجع بقلبها..
غبيـــة..من متى وهو يعرف العدل..؟؟
إن ماراح لهم الجبيل جابهم لـ الخبر..
متى تكبرين وتفهمين اسلوبه..
وتقولين خالف ظنك الشين فيه..
لا ماخالف ظنك..
واستحملي نفاقهم وضحكهم بوجهك..
تحملي مرارة شوفتهم وحرمانك من هلك..
هانت يا هديل هانت..

كلمآ زآد بي الحنين وأعترتني نوبة بكآء .
همستُ لِ ذآتي :
..أسألك بِـ الله كُوني أقوى ممآ أنتي عليه..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

5 - 1 - 2022, 04:49 PM

جلس معه في اللوبي..
رغم إنه يحس بقهر كبييير ليش تقابل مع طالب..
ترك الرياض لمسفر وهادي..
حتى هلها ما خلاها تشوفهم بسببهم..
غصب عنه يتذكر إن طالب كان معجب كثير في هديل..
وكيف كان يتغزل فيها قدامه وهو ماعنده خبر..
احتار وين يخفيها..
وين يوديها بعيد عنهم كلهم..

طالب\أفا والله تجي الشرقية ولا تقول..؟؟
يعني لو ماشفتك مادريت عنك..
غازي بهدؤ\ماله داعي أقولك..
ناوين ننام الليلة هنا..والفجر طيارتنا لإيطاليا..
أنت وش تسوي في الخبر؟؟
طالب\عندنا دورة لمدة اسبوع..
اخذتهم معي خايف لايصير فيهم شيء ما احد عندهم..
أنت ليه مارحت من الرياض..؟؟
غازي\الطيارة هنا..
طالب\قل والله..يعني ماتقدر تطلب طيارتك تجيك الرياض..؟؟
غازي يبتسم\بلى اقدر..
بس ما ابي اسافر من مطار الرياض..
علي رقابة..
طالب بعصبية\وش صاير؟؟غازي لايكون رجع الموضوع القديم؟؟
غازي\لا مارجع..قوم شوف هلك وانا اطلع لهلي..
طالب\بيجون الحين..كلمتهم وقلت لهم إنك موجود..

بعد دقايق دخلت شوق وأمها معها الفندق..
طلعوا على غرفتهم وراح لهم غازي مع طالب..
سلم على امه وشاف فرحتها بوجودهم وشوق مثلها..
سألوا عن هديل وطلبوا يشوفونها..
غازي\إن شاء الله قبل نطلع المطار نمر عليكم..
ام غازي بتفهم\على خير إن شاء الله..
طلبتك يومه لاتردني..
غازي\آمري فديتك..
ام غازي\ذياب أبيه ينام عندي الليلة..
أنتوا بتسافرون ويمكن تطولون بسفركم..
خلني اودعه واشوفه مثل ماتمنيت..
من ولادته الى اليوم ماتهنيت بشوفته..
غازي يقبل جبينها\وهو لك الليلة..نايم طول الطريق..
وما ابيه يزعجنا ومايخلينا ننام..اسهري معه..
ام غازي\عسى عمرهـ وعمر ابوهـ طويل في الطاعة..
شوق\يمكن هديل ماترضى ينام بعيد عنها..
غازي\دامني معها بترضى..
شوق بفرح\الله يتمم لكم ويسعدكم يا اخوي..
والله كنت خايفة على حياتكم..
غازي\لا تخافين الله بيبارك لنا..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛

إذا أتى الشتاء..

وحركت رياحه ستائري

أحس يا صديقتي

بحاجة إلى البكاء

على ذراعيك..

على دفاتري..

إذا أتى الشتاء

وانقطعت عندلة العنادل

وأصبحت ..

كل العصافير بلا منازل

يبتدئ النزيف في قلبي .. وفي أناملي.

كأنما الأمطار في السماء

تهطل يا صديقتي في داخلي..

عندئذ .. يغمرني

شوق طفولي إلى البكاء ..

على حرير شعرك الطويل كالسنابل..

كمركب أرهقه العياء

كطائر مهاجر..

يبحث عن نافذة تضاء

يبحث عن سقف له ..

في عتمة الجدائل ..

إذا أتى الشتاء..

واغتال ما في الحقل من طيوب..

وخبأ النجوم في ردائه الكئيب

يأتي إلى الحزن من مغارة المساء

يأتي كطفل شاحب غريب

مبلل الخدين والرداء..

وأفتح الباب لهذا الزائر الحبيب

أمنحه السرير .. والغطاء

أمنحه .. جميع ما يشاء

من أين جاء الحزن يا صديقتي ؟

وكيف جاء؟

يحمل لي في يده..

زنابقا رائعة الشحوب

يحمل لي ..

حقائب الدموع والبكاء..

نزار القبــاني ,,,

كتمت صرخة قهر لا تطلع منها...
تدور بالغرفة وتشد البلوزة تبعدها عن ظهرها..
تدري إن أفكارها فيه مع هله تذبحها..
وتزيد إلتهاب جلدها..
حاولت تغير تفكيرها..
بس ماقدرت محاصرينها بكل مكان..
وتخاف..تخاف يجبرها تقابلهم..
ماتبي تشوفهم..
هم مو أغلى من هلها..
نزلت دموعها من وجعها..

تمنت لو تفسخ بلوزتها يمكن يبرد جلدها..
بس بعد اللي سواهـ أمس معها..
مستحيل تأمن له..او تضمنه..
قررت تتغسل بماء بارد يمكن تخف عليها..

وقفت تحت الماء وعضت على يدها لا تبكي..
تالمت اكثر وحست بنار تشتعل في ظهرها..
جلست على ركبها وهي تبكي..

دخل عليها بسرعة وشافها طايحة تحت الماء..
راح لها وسحبها له..
غازي\أنتي مجنونة..؟؟
الماء يزيد الإلتهاب..ويسبب تقشر بجلدك..
ماردت عليه كأن المها اكبر من الكلام..
لفها بروب الحمام وطلعها..
ولما لامس الروب ظهرها شهقت بتعب..

نيمها على بطنها ونزل الروب من على ظهرها..
أبتعد عنها وراح يدور على علاجها..
هديل بوجع\ماجبته..
غازي\أدري لأنك تحبين تعذبين نفسك..
انا جبته معي..
هديل\لا تلمسني..

جلست قبل يرجع لها ورفعت الروب عليها..
غازي\عن جنانك..خليني أشوف ظهرك..
كانت هادية عليك في السيارة..ليه التهبت..؟؟
هديل بتعب\لا..ما ابي..
روح لامك واخوك..ليه جيت هنا..؟؟
روح لهم مو تعنيت على شانهم..
تتركهم وتجي عندي ليه..؟؟
تبي تفتخر فيهم او تسحبني لهم..؟؟
والله ما اقابلهم ولا اشوفهم..
حرمتني ما اشوف هلي فــ والله العظيم ما اشوفهم..
غازي بهدؤ\أنا ما اتفقت معهم..
وماكنت ناوي ازورهم..ألتقينا بالصدفة..
هديل بحقد\ياسبحان الله..
أنتوا بس اللي تصير معكم الصدف..
اما انا وهلي لا مانلتقي صدفة..
غازي\يعني هذا اللي تعبك بزيادة..؟؟
هديل بكرهـ\لا تنسى اللي سويته امس..
أنت اللي أذيت ظهري اكثر..
بهمجيتك يا همجي..
غازي بجمود\لا تتكلمين عن امس..
خليه باللي راح فيه..

وقفت واخذت العلاج من يدهـ..
دخلت دورةالمياهـ وقفلت الباب بالمفتاح..
نزلت الروب وحطت الكريم عليها باللي تقدر عليه..
الالم مسيطر عليها ماتقدر تتكلم ..
حذرت نفسها تستمع لنصيحته وماتتكلم عن امس..
لازم تكون حذرة معه وماتجبرهـ يئذيها..
انتظرت ربع ساعة لحتى ينشف ..
لبست الروب وطلعت..

كان منسدح على السرير..
تمللت من وضعهم..ماتبيه قريب منها..
دورت على ذياب بس ماكان موجود في الغرفة..
كانت بتسأله بس هي تعرف الإجابة..
ولدي مع امي..
تبي تسد طريق الكلام..
تمرد على كيفك يا غازي..
خذهـ اليوم وبكرة وكل سنة..
الدم يحـــن..ياليته ماهو ولدك..
ياليـــــــــــــــت ..

مسحت دموعها وجلست على السرير..
ظهرها له رفعت ارجولها ونامت على جنبها اليمين..
أول ماحطت راسها على المخدة..
حست بشيء قاسي تحت رقبتها..
كانت ذراعه لمها عليها ولصقها فيه..
بعدت ظهرها عنه بخفة..
وهي تردد في قلبها بخوف..
إبــعد عني...
همس في إذنها بحنية..
غازي بهمس\والله العظيم ماكنت متواعد معهم..
ولا كنت ابي اقابلهم..عشانك ماهو عشاني..
ريحي حالك عشان تخف الأكزيما عندك..
هديل\رحلتنا الفجــر..؟؟
غازي\الفجــــر ..
هديل\ماراح اقابلهم..
غازي\ما بأجبرك..

حاولت تبتعد عنه..ولما شد يدهـ عليها..
هدت وهي تصبر نفسها بيوم فراقهم..
غمضت عيونها ترتجي النوم..
ولو كنت صادق..
صار والتقيتوا..

يسمع صوت شهقاتها المكتومة..
يبيها تنام مرتاحة من ظنونها الحايرة..
دفن وجهه في شعرها..
وهو يهمس لها عشان ترد عليه..

هديل بغصة\ظهري يوجعني..أتركني..
غازي\إلتفتي علي ويصير ظهرك لـ الجهة الثانية..
هديل بوجع\ما ابــى اشوفك..
غازي\وأنا ابى اشوفك..
هديل\موجوعة اتركني..

حركها بين يدينه رغم إعتراضها..
صار راسها على صدرهـ..
وظهرها لـ الجهة الثانية..
نزلت راسها بقد ماتقدر..
تخفي وجهها عنه..
ماتبي عيونها تلتقي بعيونه..

الأمس ماهو بعيــــد..
وكلامه الســـم ماهو بسيط..

حاول يرفع وجها له..
وهي دفنته بصدرهـ..
قبلها على جبينها ونام حاضنها...

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

5 - 1 - 2022, 04:50 PM

قفل راجح الجوال وهو يضحك..
رشا\خير إن شاء الله..
راجح\هههههه كل خير..
أخوك كشف اللي مخططين له اهل هديل..
رشا عقدت حواجبها\ليه وش مخططين عليه..؟؟
راجح\مجهزين أمورهم يسافرون معها..
ههههههههه والله كل ما اتذكر شكله وهو مصدوم أنبسط..
رشا\راجح فهمني مين اللي يروح معها وليه..؟؟
راجح\أمها وأخوها الكبير..
ناوين يسافرون معها ويهتمون فيها وفي ذياب..
رشا\لا والله..واخوي وش وضعه مو زوجته وولدهـ..؟؟
أكيد بيهتم فيهم..
راجح بجمود\يهتمون فيها من أخوك بالذات..
رشا لا انا ولا انتي نسينا اللي صار بينهم..
رشا\أنت قلت لي لا اتدخل بحياتهم..
طيب ليه الناس يتدخلون..
يتركونهم بحالهم..إن تفاهموا صلى الله وبارك على نبينا محمد..
وإن ماتفاهموا بعد صلى الله وبارك على نبينا محمد..
راجح\عليه الصلاة والسلام..
وضعهم ماهو وضع عادي..
عشان نلوم هلها في تدخلهم ومحاولتهم لحمايتها..
رشا\طيب هو كيف عرف..؟؟
راجح\أعوذ بالله وأخوك فيه شيء يصعب عليه..؟؟
رشا بشهقة\بسم الله عليه..الله يحفظه..
راجح\هذي اللي بأتوطاها..
خليني أنظله يمكن يخف على المسكينة..
رشا\ههههههههه كمل..
راجح\المهم ابو الشباب اخذ إحتياطه..
وراح الشرقية وبيسافر على ايطاليا من هناك..
مايبي هلها يدرون انهم سافروا ايطاليا..
رشا\شيء طبيعي بيدرون انها مو في الرياض
راجح\أخوك حاسبها صح..
يبي يوهمهم إنه هو وهله عند اخوه وأمه في الشرقية..
رشا\ياقلبي على الذكــــي..قوم نروح لهم الشرقية..
راجح\ليه أنتي ما توقفين مع الحق..؟؟
أخوك ماهو راعي حق..
رشا\لانه أخوي انا معه ظالم أو مظلوم..
راجح\ولاني راعي حق..فأوقف مع المظلوم دائماً..
والحمدلله سويت اللي علي وريحت ضميري..
رشا بصدمة\وش سويـــت..؟؟
راجح\لا انتي بصف غازي ما بأقولك..
رشا\لايكون قلت لهلها عن خطته..؟؟
راجح\شوفي انا مع الحق..بس هذا ما يعني إني نذل..
رشا بحيــرة\قووول وش سويت..؟؟
راجح\هههههههههه لا ما اقووول بكره يوصلك العلم من غازي..
رشا\شفت إنك تدخل في أمور الناس..
لا تنهى عن خُلق وتاتي بمثله..عار عليك إذا فعلت عظيمُ..
راجح يبتسم\أقووول نااامي..
رشا\لا الحمدلله تخلصت من المرض ..
عسى ربي يشفي كل مرضى المسلمين..
راجح\اللهم آآآآآآآآمين..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛

أعـــود إليـــك يا سجني..
أسيرة ذات جاهـ ومال..
أعود إليــك منتحبة..
بصوت لا يكاد يقال..

إشتاقت ثنايا الروح لوسادتي..
وتاهت من عوالم الدنيا رسالتي..

عدت إليـــك يا سجـــني..
هل لي بذاكرة تنسيني..
ليالي بكائي وجنوني..؟؟

عدت إليــك يا سجــــني..
فهل لي بدواء يشــفيني..؟؟!

دخلت السيارة المزرعة..
حطت يدها على قلبها وصارت تشد عليه بقوووة..
أحاسيس كثيــرة ومريرة تتزاحم بروحها..
فتح لها الباب وأنتظرها تطلع من السيارة..
تملكها التردد..
ليه ما ظلوا في العاصة روما..
هناك يعالجون ذياب ويرجعون السعودية..

كانت سفرتها هذي تختلف كل الإختلاف عن سفرتها الأولى...
لما دخلت طائرته الخاصة..
دخلت بهدوء وثقة..بعكس أول مرة لما دخلتها غصب عنها..
وهو شايلها بيدينه ويمنعها لا تصرخ ولا تنادي احد يساعدها..
مشوارهم كان هاادي ومريح..
ماكانت خايفة وتبكي..
ولا كانت تفكر وين بيأخذها وش بيسوي فيها..
ولا تدري إنه زوجهـــا..
هذي المرة كانت تدري وجهتها وين..
ولأي سبب هي مسافرة..
والأهم إنها تدري إنها بصحبة زوجها مو رجل غريب..

نزلت من السيارة وانتبهت على ذياب..
يركض حوالين أبوهـ مبسوط بالمكان ..
جلست على ركبها وضمته لها وهو يضحك..
هديل\انت الجديد بــكل هذا..
رجعتنا لساحة حرب ظالمة..
بين عملاق وقزم..
تدري من اللي أنتصر في الحرب ومن أنهزم..؟؟
غازي\مابيننا مهــزوم..
هديل بحدة\لا بيننا مهزوم..
اليوم لك وبكرة عليك..
غازي\ما اكتفينا من الفراق والوجع..؟؟
هديل بتفكير\ليه وحن متى افترقنا..؟؟
إن شاء الله بعد ما يتعالج ذياب نفترق..
والوعـد دين..

صدت عنه ومشت مع ذياب..
قبل لا تدخل القصر ألتفتت عليه..
هديل\الملحق أحب على قلبي من قصرك..

نزلت الدرجات بخطوات سريعة..
وشالت ذياب عن الارض..
هديل\تعال معي تشوف بيت جارية ابوك..
غازي من بعيد\لـ كل شيء حد يا هديــ.......
هديل تقاطعه بتحدي\يا رســــــــل..

كملت طريقها ودخلت الملحق..
نزلت ذياب ومشت فيه تتأمله..
تذكرت اول ايامها فيه..
أيام باااردة صقيعية...
موحشة وكلها كوابيس..
وتذكرت ايامها مع صوفي لما كانوا يصممون أزياء..
كانت تتمنى تكلم صوفي..
بس لما عرف انها تبي صوفي اخذ جواله منها..
غازي\تبينها تنشب في بلعومي..
إنسي تكلمينها الحين..

دخلت ذياب الغرفة معها..
وقفلت الباب عليهم..
نيمتهم بحضنها وسدحته على سريرها..
هديل\شناطنا عند أبوك..
كيف نجيبها..؟؟
يالله ننام بملابسنا وبكرهـ نبدل..
ولا اقولك نام أنت بملابسك..
ابي اريح ظهري..

بعد لحظات تسطحت جنب ذياب..
حاولت تنام بس ذكريات غريبة وتفاصيل دقيقة بدت ترجع لها..
أبتسمت وهي تحس بغرابة وضعها..
وكأنها في أول ايامها بالمزرعة..
لما كانت عنيدة ومتمردة..
ضحكت وهي تتذكر شكلها لما كانت تصرخ عليه او تضربه..
صح كان يعاقبها..بس حتى هي كانت تنتقم لنفسها..
حمدت الله على إن الكآبة تركتها وصارت تضحك من قلبها على مقالب صارت معها..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛

يـــاهو يـــوجع هــ الحنيـــــــــــن..
وكـــل سالفة نبداهـــا بــ تذكـــرين..؟؟!

فزت جالسة وهي تصرخ برعب..
لما حست فيه ينسدح جنبها..
غازي\ههههههههههههه تذكرين لما كنت ادخل هنا وأنت ما تحسين..
هديل تضربه\تبي تجلطني..
إيه اذكر..والحين ابي اعرف كيف دخلت هنا وأنا مقفلة الباب..
غازي\اممممم يمكن من الشباك..؟؟
هديل\لا ماتقدر الشباك صغير عليك..
كيف دخلت..؟؟
غازي\تذكرين لما كنتي تنامين من دون تدفئة..
ولا ملابسك يالله كيف كنت أتمنى أضمك وانتي بملابس المزرعة..
هديل تبتسم\كنت شرير كثيــر..
يا مفتري حارمني من الدفأ ومعطل الجهاز علي..
غازي\لا والله قلت لهم يصلحون الجهاز بس ما احد صلحه..
وأنا عاقبتهم وصلحوا الجهاز وأنا على راسهم..
هديل بإبتسامة\تذكر يوم أنا ضربتك في الحضيرة وطيحتك..؟؟
غازي\تذكرين يوم خليتك تحلبين الابقار..
هديل بشهقة\لا والله ماحلبتها أصلاً كفختك هذاك اليوم ولا حلبتها..
غازي\كفختيني..؟؟!يالهيـــاط..
هديل\بلى سويت كذا..

مدت يدينها وضربته ودفته بكل قوتها لحتى طيحته من على السرير..
انحنت براسها تناظرهـ..
وصرخت لما سحبها وطيحها عليه..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛

"اسمع صدى صوتك" وادورك وين انت ؟!
واصيح بين الناس " سـامعك .. ويــــــنك" ؟
ردوا علي الناس .. مسكين يا انت
اللي سمعته ..
"بين نفسك وبينك"
الصوت هذا مصدره .. داخلك انت
في وسط قلبك ساكن " نور عينك "

دخلت العيادة مع مرام وهي تحاول تخفي إرتجافها..
تحس برهبة وخوف لان أمها مو معها..

مرام بحنية\وش فيك خايفة..؟؟
دكتوري طيب مايخوف..
خلود\الثقة عندك مشكلة..
مدري ليه اجبرتني امي اروح معك..
مرام\انا طلبتها تقنعك..
خلود\مرام بسرعة خلصي شغلك ابي ارجع البيت..
مرام\ادخلي معي..
خلود\لا باجلس لحالي..أكيد بأدخل معك..
مرام تبتسم\طيب يالله..

دخلوا المكتب وجلست خلود جنب مرام..
خلود\دكتورك شايب..؟؟
مرام\ايه قلت لك إنه شايب..
خلود\بس ترى حتى الشواب مالهم امان..
مرام\إيه ادري يا قلبي عندنا شايب تقولين مراهق..
خلود\من هذا..؟؟
مرام بصدمة\مدري..

دخل عليهم رجال شايب..
لابس ثوب رجالي قديم..
وشماغ ابيض وبني..
في يدهـ سبحة ولابس نظارات طبية كبيرة..

خلود بشهقة\يــوبـــه..؟؟!!

إلى الملتقى فجر السبـــت بإذن الله تعالى ..

كونوا بخيــــــــــــــــر ..

صدووود’’’

5 - 1 - 2022, 04:50 PM

البارت الثمــــانون ...

يا صغيرات!.. يلتقي ذات يوم
في رحاب الردى جبان و باسل

يلتقي السائر المغذ و من سار
وئيدا.. كل الدروب حبائل

يلتقي الطفل في الغضير من العمر
و شيخ مغضن الروح ناحل

ما ارتوى الطفل بالحليب و لا
الشيخ رواه طوافه بالمناهل

تتلاشى الحياء فهي سراب
عند هذا و عند ذاك مخاتل

يا صغيرات!.. ليس عند الليالي
بعد طول العناء إلا المقاتل

المرحوم باذن الله تعالى غازي القصيبي...

غازي\تذكرين يوم خليتك تحلبين الابقار..
هديل بشهقة\لا والله ماحلبتها أصلاً كفختك هذاك اليوم ولا حلبتها..
غازي\كفختيني..؟؟!يالهيـــاط..
هديل\بلى سويت كذا..

مدت يدينها وضربته ودفته بكل قوتها لحتى طيحته من على السرير..
انحنت براسها تناظرهـ..
وصرخت لما سحبها وطيحها عليه..
غازي بهمس\لا تستقوين علي..يا بطة..
هديل بقهر\انت الدوب ماهو انا...
وبعدين ليه ولا مرة تخليني أضربك..؟؟
غازي\بلى بطة..بس تجننيـــــــن..
وتراك دائماً تهزميني..لا تفترين..
هديل\وخر يدينك من علي..
غازي بعناد\أنتي اللي بديتي..
هديل\غازي..
غازي\ياجنونه..
هديل\إبعد يدينك بأقوم..
غازي\مقــابل..؟؟
هديل بإحراج\ولاشيء..إبعد يدينك..
غازي بإبتسامة\مستحية مني يا حبي..؟؟
هديل تبتسم\ياحبك لنفسك..
نزلت راسها وعضته على عضدهـ بقوووة..
حاول يكون اقوى من عضتها..
بس لما شافته معاند يتركها زادت بعضه لحتى ارتخت يدينه من عليها..
بعدت عنه بسرعة وجلست على ركبها أخذت كوب مويا وكبته عليه قبل يوقف..
ضحك بصوت عالي وكان بيقوم بس هي ماسمحت له..
ثبتت يدها على صدره ويدها الثانية دخلتها بشعرهـ..
قربت وجها من وجهه..
هديل\شوف يالشايب العايب..
إن كنت تبي الضرب والطق لغتنا ماعندي مانع..
أنت ماتفهم بالكلام..طقني واطقك..
كذا ممكن نتفاهم..

كانت شادة شعره وتحركه حركات سريعة..
عشان تزيد في ألمه منه..
وهو يزيد قهرها بصوت ضحكته عليها وتهديدهـ..
غازي\ههههههههههه أجل طقني واطقك..
لو اقوم الحين ما اشوف الا غبارك..
بتشردين ما انتي قد كلمتك..

انقهرت لأنه يقول الصدق..
شيء أكيد بتهرب عشان لا يضربها..
بس بتخالف توقعه وتبين له انها تغيرت وماعادت تخاف من ضربه..
رفعت راسه وضربته على الأرض بتشفي..
هديل بتحدي\كنـــت خوافة واهرب بس الحين اكفخك..
ما بأشفق عليك واقول شايب حرام اضربه..
الا باتوطى في مصارينك..

وقفت بسرعة وابتعدت عنه..
وهو جلس وحط يدهـ على راسه من ورى..
غازي يقلدها\متوحشة..مافي قلبك رحمة..
كل هذا حقد علي..كنتي بتبطين راسي..
هذا وانا حاضنك واقولك يا حبي..
أجل لو مكفخك وش تسوين..؟؟
هديل\عادي أكفخك..
غازي\طيب هاتي يدك..ساعدي الشايب..
هديل\والله ماشالتني يدينك يوم اتوجع بمكانك زمان..

غازي بنظرات\تبين الزمن يعيد نفسه فيني..؟؟
هديل\وتأخذ أجري واخذ ذنبك؟؟
لا ما ابـــي..خلنا على حالنا..

وقف وراح لها وهي ثبتت في مكانها..
ماتبي ترجع تنضرب..
بس إن كان الضرب بيبعدهـ عنها..
فهذا اهون من لمسه لها او محاولة إستمالتها له..
غمضت عيونها بسرعة لما رفع كفه على وجها..
وغصب عنها رفعت يدينها وغطت وجها..

أنتظرته يضربها..
يشد شعرها او يبكسها..
طال إنتظارها وهي متخبية ورى يدينها..
حست بيدينه تنزل يدينها..
فتحت عيونها ونظرة الرعب القديم فيها..
قابلتها نظرات حنونة من عيونه..
وإبتسامة حسرة من شفايفه..
قرب وجهه منها وقبلها على جبينها..

ياليت بعض الناس فيني يحسون
وياليت مافي خاطري يعرفونـه..
وياليت بعض الناس للعهد يوفون
والماضي اللي فات ماينكرونـه .,.

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛

خلود\من هذا..؟؟
مرام بصدمة\مدري..

دخل عليهم رجال شايب..
لابس ثوب رجالي قديم..
وشماغ ابيض وبني..
في يدهـ سبحة ولابس نظارات طبية كبيرة..

خلود بشهقة\يــوبـــه..؟؟!!
رفع راسه لها وهو يثبت نظاراته الطبية على عيونه..
الدكتور يبتسم\إعتبريني مثل أبوك..يابنتي..

شدت يدينها حوالين ذراع مرام..
مرام\بسم الله عليك وش يوبه؟؟
خلود بغصة\هذا أبوي..ابوي..
مرام بخوف\لا يا قلبي هذا دكتوري..
مو ابوك..ابوك الله يرحمه..
خلود\دكتورك؟؟
مرام بندم\ايه دكتوري..
مو قلت لك دكتوري شايب..هذا هو..
خلود بهمس\يشبه ابوي..
مرام\لانه شايب..وتعرفين الشواب يتشابهون..
خلود\لا..لبسه..شماغه..حتى سبحته ماسكها مثل ابوي..

الدكتور بصوت عالي\مين المريضة فيكم..؟؟
مرام\اممم كلنا مريضات..
الدكتور\وحدة تطلع والثانية تظل..
مرام\خلاص انا اطلع..وادخل بعدها..
خلود\والله ماتطلعين..
مرام\يا اختي عادي تكلمي معه عن اي شيء..
خلود بقهر\وجع جينا عشانك مو عشاني..
الدكتور\أنتي اللي صوتك عالي اطلعي برا..
مرام بقهر\أنا اطلع برا..؟؟
خلود\لا هي المريضة بتظل وانا انتظرها برا..
الدكتور\إجلسي يا بنتي..
خلود بهدوء\لا تقول بنتي..
الدكتور\انتي قلتي يوبه..!
خلود\مو لك..مرام انتظرك برا..

تمسكت فيها مرام واجبرتها تجلس جنبها...
مرام\مو تقولين الشواب مالهم امان..
خليك جنبي..ونطلع مع بعض..
خلود بصد\ما ابي اظل مع هذا الشايب..
الدكتور\شابت ركبك..
رجال بعمر أبوك تطولين لسانك عليه..
خلود\لا تجيب طاري أبوي..
وأنا ماقلت الا الصدق مو أنت شايب..
ترى يقولون الشيب ولا العيب..
بس ابد شكلك شايب عايب..
الدكتور\أفا..الله يسامحك يابنت ابوك..
رباك على الأخلاق والزين..
لو يشوفك تشتمين الناس وش يقول؟؟
خلود بإرتباك\أأنــ.....ــا مـا أقـــ...ـصد..
السموحة منك..والله ابوي طيب..
ورباني زين..انا لساني طويل..
ابوي ماله شغل بكلامي..
أنا قلت كذا عشـ...ــان انا....
الدكتور\خلاص سامحتك..

فتحت عيونها بقهر..قال سامحتك قال..
لا احسن قوم طقني بعصاتك..
إلا وين عصاته ..شايب مامعه عصى؟؟!
كيف قدر يخليها تعتذر بسرعة وهي مقتنعة بكلامها..
قبصت على فخذ مرام بقهر..
خلود بهمس\جعل رقبت ذا الشايب القص..
مرام\يقص رقبتك..
خلود\عســ........
مرام بسرعة\إنطمي لا تدعين عليه..
وراهـ أهل وناس يبونه..
خلود\خلصي مع شايبك ابي ارجع بيتنا..

تكلمت مرام مع الدكتور..
عن مشكلة ماتخصها أبداً..أخترعتها من بالها ..
دمجت فيها بين قصتها وقصة خلود..
انحرجت وكان لازم تتكلم..
عشان خلود ماتشك بشيء..
الدكتور\على مافهمت من كلامك..
إن حالتك مستقرة من ثلاث سنوات..
مرام\إيه الحمدلله مستقرة ومرتاحة..
الدكتور\الحمدلله..
يابنتي فيه ناس يحملون أنفسهم ذنب ماهو ذنبهم..
ويسمحون لكلمة لــو تحكم حياتهم وتدمرهم..
أنتي قلتي لو ما فعلتي كذا..كان بيتغير وضعك..
وينسيك الشيطان إن هذا قدر ومكتوب من قبل لا تولدين..

مرام فهمت كلامه وانه يقصد فيه مشكلتها القديمة مع زوجها.
وبنفس الوقت يقصد فيه خلود اللي صادة عنهم بجسمها..
بس كل حواسها معهم..

مرام\كثير لمت نفسي على موت جنين كنت حامل فيه من سنين..
الدكتور\وأنا لمت العالم لما خسرت شيء انا ماملكته..
وضيعت اللي ماعمري لقيته..
مرام\وفيه من يلوم كل رجال العالم..
على ذنب رجال واحد..
الدكتور\يعاني من عقدة النقص..
خلود\خييير..؟؟
وش عقدته اللي أعاني منها؟؟
الحمدلله ماعندي نقص ولا شيء..
قال أعاني عقدت نقص قال..
الدكتور\يعني انتي تلومين كل بني آدم..
عشان غلطت رجال واحد..؟؟
خلود\اللي قتل رجال..واللي حكم رجال..
واللي فزع وطلب الصلح رجال..
واللي قبل الدية وتنازل رجال..
واللي ماقص رقبت القاتل رجال..
وانا بنت المقتول ماني رجل لا انا حرمه..
مالي حق اقول ابي قاتل ابوي ينقتل..
ولا لي راي يلتفت له قاضي ومحامي..
الدكتور\انتي حاقدة على الدنيا كلها..
وناسية لو ابوك ما مات مقتول..بيموت بحادث..
بمرض بغرق او بلاء..
وبنفس المكان واللحظة بيموت..
لان هذا قدر وكتوب عليه وعلى غيرهـ..
خلود بجمود\ماجيت اخذ عندك درس في الدين..
الدكتور\تم تشخيص الحالة..
إعترافاتك اليوم تساعدنا كثير..
شكراً لقدومك..
جلستنا الجاية بعد يومين على نفس الوقت..
خلود\الحالة؟؟؟
الدكتور\نعم عندك عقدة نقص..
وبنفس الوقت حقد كبيير يعيش في وجدانك..
وبإرادة قوية منك يظهر هذا الحقد بكل موقف يواجهك بحياتك..
سواء مع اسرتك أو مع المجتمع..وربما مع نفسك..
وللاسف الحقد اقوى بكثير من الكــرهـ..
لأن الحقد مرتبط بالإنتقام..وهذا جداً واضح في حالتك..

أنهى كلامه ونزل راسه يكتب في ملف..
قامت مرام وهي ماسكة يد خلود..
طلعوا من المكتب وخلود ساكته ومصدومة من نفسها..
أول مرة تتكلم عن شيء مدفوون في قلبها..
هي فعلاً حاقدة..ويمكن مثل ماقال الدكتور حاقدة على الدنيا..
أنقهرت ماكان المفروض تتكلم معه او تسمح له يتفلسف عليها..
هو شايب مايعرف عن إحساسها شيء..
مستحيل أحد يشعر بجرح اليتيم إلا اليتيم..
طلعت من العيادة رافضة ترجع مرة ثانية هنا..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛

5 - 1 - 2022, 04:51 PM

حقك علي ان كنت ضايق وزعلان
آعاهدك نبدا بصفحه جديده..
جيت استبيح العذر لو كنت غلطان
والعفو من ضمن االخصال الحميده..
إن الخطا يابنت من طبع الانسان
ولافيه نفس من الغلط مستفيده..
مهما يطيش الظلم للحق ميزان
يرجح ومن ضيّع طريقه يعيده...

فتحت الكبت وأخذت البالطوا القديم تبع غازي..
اللي لبسها إياه بدل عبايتها لما رماها..
لبسته وهي تقوي نفسها ..
ألتفتت على غازي اللي كان نايم وذياب جنبه..
مر عليهم يومين في المزرعة..
مارضت تدخل القصر ولا تعيش فيه..
وهو مارضى يطلع من الملحق الا وهي وذياب معه..
وبكذا ظل معهم بنفس المكان..
طردته أكثر من مرة..ولما تجي بتنام..
يكون نايم على السرير وذياب جنبه..
تتجاهل تصرفاته وتنام على كنبة قريبة منهم..
سريرها صغير وغذا فكرت تنام معهم بتلصق فيه..

قربت من السرير وغطت ذياب..
ولما رفعت الغطاء على غازي ندمت..
ورجعت تسحبه من عليه وتحطه كله على ذياب..
أبتسمت على حركاتها وكأنها بزر..

غازي بإبتسامة\هذي اللي تقول كبرت..
هديل\ههههههههه البرد زين لـ الشواب..
يقوي عظامك ويعطيك كالسيوم..
غازي بنص عين\وين دارسة انتي يامخرفة..؟؟
هديل\عندي شهادة طب في التعذيب البشري..
نفس تخصصك طال عمرك..
إنتبه على ذيبي أنا طالعة..
غازي جلس بسرعة\تعالي تعالي..
وين رايحة..؟؟
وبعدين ذيبك إذا صحى وش اسوي فيه..؟؟
هديل\رايحة أنظف الاسطبلات قبل لا يغضب السيد ويجلدني..
أما الذيب فلما يصحى بدل ملابسه واهتم فيه لحتى ارجع..

طلعت من الملحق وقفلت الباب وراها..
طول اليومين اللي فاتت ما ابتعدت عن الملحق..
ولا تجرأت تزور الخيول او تتمشى في المزرعة..

رجعها لهذا المكان..
وهي لازم تدفن كل ماضيها هنا بحدود المزرعة..
مشت بخطوات واثقة بطريقها..
تلفتت حوالينا بكل مكان لها ذكرى..
على الرصيف هناك كانت لابسة السكت رولز..
وصدمت فيه بإرادته..
وكان له معها تعامل خاص فيه وبس..

مرت بنفس المكان اللي سكرت فيه مع صوفي..
هزت راسها تنفض ذكرى اللي صار معها من بعد ماصحت..
كانت بغرفته وعلى فراشه..
أوهمها بأشياء ماصارت وبعدها عاقبها..

وقفت قريبة من الإسطبلات..
آخر مكان كانت فيه قبل تنعمى وتموت سنين لغازي وغيرهـ..
الحصان الاسود..
إللي رمت نفسها تحت ارجوله..
هذا اقسى عليها من الحضيرة اللي أنضربت فيها بالسوط..
واقوى من إجباره لها على نفسه وهي ماتدري إنها زوجته..

لو ماتت..كانت بتكون منتحرة..
والمنتحر بأمر الله يدخل النار..
غمضت عيونها وهي تردد كلامها لنفسها ..
لاتخسرين آخرتك عشان ذنوبهم..
همست بـ الحمدلله..

وصدت ناوية ترجع وتترك هذا المكان..
مابتستحمل تشوف المكان اللي أنضربت فيه..
ماتبي تتذكر شكله وهو قاسي ومتوحش..
غازي تغير مثل ماهي تغيرت..
هي كبرت ماعادت صغيرة..
وهو ماعاد غازي القاسي..
تغيـــروا..
وتغيرهم يمكن يقدرهم يعيشون بسلام لحتى يفترقون..

رفعت راسها وشافته شايل ذياب..
قرب منها وعيونها تتأمله مع ولدها الغالي..
أرتجفت بخوف من فكرة راودتها..
لو ماكان ذياب موجود في حياتها..
كيف كانت بتكوون..؟؟
رغم قسوة غازي الكبيرة معها وإجبارها عليه..
إلا إن في قلبها إمتنان له..
لأنه أعطاها ذياب بإذن ربه وحكمته..

نزل ذياب على الارض بعيد عنها..
وهي فتحت يدينها له تناديه..
ركض لها بخطوات صغيرة غير متزنة..
طاح وهي ركضت له وهي تضحك..
شالته وهو معقد حواجبه زعلان..
وشوي شوي بدت شفايفهتتقلب والنونة انعقدت..
وبثواني بكى بصوت عالي..
هديل تضمه\ياقلبـــي اللي يبكوون..
فديت رووحهم وعبرتهم..
ذيبي ياروحي لايكون تعورت..؟؟
غازي\هههههههههه لو دريت مانزلته..
هديل\لو ظليت نايم ماهو أحسن..
غازي ياخذ ذياب منها\هاتي الذيب..حاله مثل حالي..
جن وانهبل لأنك فتحتي يدينك تنادينه..
ظنيتك تناديني..بس يالله الجايات اكثر..
هديل\اللي بعمرك تقاعدوا عن قلة الادب..
وعن المراهقة واحلام اليقظة..
غازي\ما اخذهم قدوة لي..
يالبى قلبك يا أم الذيب..
هديل\مالك حل..
هات الذيب..أبي أوريه حلاله واملااااااااااكه..
غازي بنص عين\تبين تورثيني وانا حي..؟؟
هديل\اممممم في خاطري أشتري هذي المزرعة منك..
بكم تسومها علـــي..؟؟
غازي بوله\جاتك عطيـــه..
وعلها ترضيك..
هديل بغرور\مقبولة العطية..
وألحين إطلع برا أملاكي..
غازي عقد حواجبه\تسوينها والله..
بس ما اهون عليك صح؟؟
هديل\صح..أنت ماطردتني من قبل..
ما بأطردك..

مارضى يعيطها ذياب اللي كان معصب منها ولا يناظرها..
كل ما مدت يدينها تاخذه..
يضرب يدها ويضم ابــوهـ ..
هديل بزعل\أنا وش دخلني..
هو نزلك وانت طحت..
ليه زعلان منـــي..؟؟
غازي\يقول لأنك مزعلة ابـــوهـ..
هديل\لو سمحت خلك برا الموضوع..
لا تنشر الفتنة بين الذيبة والذيب..

خذته من حضن غازي غصب عنه..
وهو حط يدينه على حجابها وطيحه من عليها..
مسك شعرها وشدهـ بقوووة..
وهو يصرخ برفض لها..
هديل\آآآآهـ حسبي الله على إبليس..
فك شعري يا دووووب..
غازي يضحك\ههههههههههه قلنا لك مايبيك..
إلا تبينه يا الذيبة..
هديل\صدق من قال العرق دساس..
والمصيبة ماورث منك الا النذالة..
إمسك يدينه..
غازي\قصدك الجلادة مو النذالة..
شوفيه ماسكه بس مارضى يفك شعرك..
هديل\آآآآآي اصبر شيله وانا اتصرف معه..

أخذه من يدينها ..
وهي حركت اصابعها على صدره وبطنه..
ضحك ذياب وارتخت يدينه من على شعرها..
بعدت عنه بسرعة ودفت غازي بقهر..
غازي\فازع لك وتضربين..؟؟
هديل بقهر\نتف شعري..
إنقلع إنت وهو..ونيمه عندك ما ابيه..

أبتعدت عنهم ورجعت الملحق..
وهو أخذ ذياب معه ودخلوا الإسطبلات..
غازي\ماورثت مني النباهة..
صاحين من النوم مبسوطين ونضحك..
ونحضر ليوم رومنسي وحلو..
وحضرتك تخرب كل هذا بلقافتك..
بس ولا يهمك يا أبو غازي نروح وراها ونراضيها..
كم حمامة عندنا..فديت المبـــسم عليها..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

5 - 1 - 2022, 04:52 PM

دخلت الملحق ورمت البالطوا على الكنبة..
فكت شعرها وصارت تدلك فروة راسها..
سمعت صوت في الملحق..
أستغربت من بيكون موجود..
فتحت الباب الرئيسي وقفلته بقوة..

سمعت خطوات طالعة من غرفة النوم..
فتحت الباب مرة ثانية..
لأنها خافت من صاحب هذي الخطوات..
بعد لحظات طلعت ماريا من الغرفة..

أبتسمت لما شافت هديل وتقدمت لها بخطوات مترددة..
هديل ظلت واقفة بمكانها مصدوومة..
هي تدري إن ماريا رجعت المزرعة..
لان غازي قال لها..
بس مارضت تروح القصر..
وقالت له ما تبي تشوفها ولا تدخل القصر..
ماريا بحنية\مرحبا عزيزتي..
إشتقت إليك كثيـــراً..
هديل بغصة\أهــ....ـلاً ماريا..
كيف حالك..

تجرات ماريا اكثر..
قربت منها ومدت يدها تصافحها..
ترددت كثير تمد يدها لها..
ماتنسى إن ماريا هي اللي رجعتها لـ المزرعة..
وبعد مارجعتها..غازي أنهى كل شيء بحياتها..
أجبرها عليه..وبعدها صارت عمياء..وبعدها ماتت..

حست بماريا تضمها بقوووة وتبكي..
ماريا\أنا آسفة..آسفة جداً..
يا إلهي أنتي لا تعلمين كيف عانيت بعد رحيلك..
أرجوك صغيرتي سامحيني..
كنت سبباً في موتك ..
هديل بهدؤ\إهدئي ماريا..
انا بخيــــر..انظري عدت كما كنت..
لا تبكي هكذا..أرجوك كفى..
ماريا\لم اغفر لنفسي مافعلت..
كنت اعلم بانك غير سعيدة معه..
ولكني اعدتك إليـــه..

مسكتها هديل وجلستها قريب منها..
أبتسمت لها تحاول تهديها..
هديل\كفى..أنظري كم انا جميلة ورائعة..
لقد عدت إلى هنا ولا انوي الرحيل قبل أن ينتهي الماضي..
ماريا انتي لاذنب لك..
لربما كان وفائك لسيدك جريمة بنظري..
ولكنه يُعد فضيلة لديك..
ماريا\ولكنه لم يكن طيباً..
كان يقسوا عليك كثيــراً..
هديل بحسرة\لانه يحبــني..
أحببني رغمـــاً عنه..
فكان يجب أن يعاقبني على ذلك..
ماريا\صوفي لامتني كثيــراً بعد رحيلك..
لأني لم اخبرها بما حصل معك..
هديل بمرح\إذاً هي تلك المنمشة..
كانت سبباً بحزنك..سأعاقبها عندما التقي بها..
ماريا تضحك\لا تعلمين ماذا كان شرطها..
كي تسامحني وتعود لمقابلتي..
هديل بقهر\تلك المتنمرة..
إن لم تكف عن تطاولها سوف أقتلها..
ماريا\ربما يعجبك شرطها..
هديل برفض\مهما كان شرطها..
فيجب ان تحترمك ألستي أنتي من ربيتها واهتممتي بها..
يالها من ناكرة لـ الجميل..
ساعاقبها على تمردها..
ماريا\ولكني أحببت شرطها..
واحببتها كثيراً..
هديل تبتسم\وماكان شرط المنمشة..
ماريا\إشترطت علي أن ادخل الإسلام..
وارافقها إلى وطنك ونقوم بالحج معاً..
هديل مصدومة\......................
ماريا\لقد ألحت علي كثيراً..
في الحقيقة لقد كان رجاءً أكثر من أن يكون شرطاً..
كانت تاتي إلي بكتب كثيرة..
وكنا نسمع القرآن..
لم اكن مقتنعة بكلامها ومحاولاتها الدائمة إستمالتي إلى ديانتكم..
ولكن إجبارها لي على سماع القرآن..
أثر بي كثيــــراً..
كنت ابكي وانا لا اعرف ماذا أسمع..
أحببت ماسمعته..وماقراته عن الاسلام..
أحببت محمد كثيـــراً..كم كان طيبـــاً وصبوراً..
واحببت المسيح أيــضاً..
هديل بغصة\الله يهيدك إن شاء الله..
ماريا الدين عند الله هو الإسلام..
لن يُقبل منك ديانة أخــرى..
المسيــح كان رسولاً..ونبينا محمد رسولاً..
لم نعبـــد محمد..بل عبدنا من خلق محمد وخلق المسيح وخلقنا..

قال تعالى(مَا الْمَسِيحُ ابْنُ مَرْيَمَ إِلَّا رَسُولٌ قَدْ خَلَتْ مِنْ قَبْلِهِ الرُّسُلُ
وَأُمُّهُ صِدِّيقَةٌ كَانَا يَأْكُلَانِ الطَّعَامَ انْظُرْ كَيْفَ نُبَيِّنُ لَهُمُ الْآيَاتِ ثُمَّ انْظُرْ أَنَّى يُؤْفَكُونَ ْ)

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛

نزل يركض دخل الصالة بسرعة..
ضم الجدة بقوووووة..
وهي شلت عصاها وضربته على راسه..
عبدالله بمرح\ما ابى اخنقك بس أضمك..
ياليل العجز لما يعنني ..
الجدة\لاتقرب ياولد ابوك..
إن ابط راسك واذبحك..
عبدالله بلقافة\أوهـ ماي قود..
واااي جدة فاذر واي..؟؟
واتس اوب يا مــرهـ ؟؟
الجدة\هذا اللي بيجلطني..
ليه ما يخلوني اروح عنك..
ليه انت تروح وانا ما ارووح؟؟
عبدالله بفخر\العجز مايروحون إيطاليا..
مايروح الا الشباب المودريين اللي مثلي..
حنان مفتحة عيونها\ياويل حالي قلت مودريين..؟؟
عبوود لا تنسى إنك ولد راعي مشاكل وهوشات وطق..
لا تفضحنا هناك وتهاوش خلق الله..
عبدالله\هههههههه الخيزرانة في الشنطة..
يامن مرت من عندي لابسة مفسخ لا اشوطها فلكة 200..
عبدالله عندهم لزووم يتسترون..
جدة وين ولدك أخرنا الله يصلحه..
ام علي بزعل\مدري عنه..

5 - 1 - 2022, 04:52 PM

دخل علي ومعه غادة وسمع امه..
علي\يااااابعدهم انتي..
زعلانة يا ام علي..
والله لو انا رايح معهم إنك قبلي في الطيارة..
ام علي\اروح أنا وهادي..ولا محمد..
البنت بتسوي عملية مع ولدها..
من بيهتم فيها ويراعيها..
علي\الله يرضى عليك يومه..
كيف من يهتم فيها..هي بتسوي عمليتها في مستشفى..
وزوجها عندها..
ولاتنسين إنها ولدة هناك في إيطاليا ولا انتي معاها..
هدوول قوية ماهي على شوفها صغيرونة وغشيمة..
عبدالله بترزز\إيه لا تخافين عليه يا جدتي البيوتفل..
أنا بأكون معها..
مع ان بينا ثار أنا وورعها ولازال سارق مني..
كم هندرد من الريالات..
بس أسامحه لحتى نرجع واخذ هندراداتي منه..
علي يحلف\قسم بالله يا عبيييد..
إن ماتعدلت في كلامك ماتعرف إيطاليا ولا تطب الطيارة..
عبدالله مفجوع\نو نو بلييييز يوبه لاتقولها ..
أتعدل أفا عليك..شفني هه لابس بدلة وشماغ..
والعقال في الشنطة..
علي\هههههههههه والله بأشتاق لك يادووب..

قام عبدالله وقرب من امه..
جلس جنبها وهمس لها بأذونها..
وقبل لا يكمل كلامه..
سحبه علي بقوة ووقفه..
علي\اطلع..برا يالله..
إنقلع المطار وسافر..
إلا تبي تنشر الفتنة وتوقع بيني انا وامك قبل لا تسافر..
عبدالله\هههههههههههه كمان بروذر..
وي أصدقاء..وخر اقووول..

طلع علي مع عبدالله ووصله السيارة..
علي\عبدالله مثل مافهمتك..
عبدالله\ولا يهمك يوبه..
كل اللي قلته يصير إن شاء الله..
علي يقبل جبين ولده\إن شاء الله..
يالله إطلع العيال ينتظرونك في السيارة..
عبدالله\اوكى فمان الله فذر..
علي\هههههههههه فمان الله..

طلع عبدالله من البيت وقابل عيال عمه..
راكان وسلمان في السيارة..
عبدالله\السلام عليكم..
الجميع\وعليكم السلام..
عبدالله\من هذي اللي جنبي..؟؟
راكان\حرمتك..
عبدالله\كأنها سوير ام الدوببة الاساطير..
سارة\قصدك سوير ام مكفخينك ومتوطين في بطنك..
عبدالله\ياليل الشقاء..
هذي وش جايبها معنا..مابيمدينا نقطها في بيتها ونروح المطار..
يمكن نتاخر على الطيارة..
سلمان\هههههههههههه لا ماخذينها معنا المطار..
عبدالله\ماله داعي تودعنا..نزلها في بيتنا ياعم سلمان..
سارة\وقف وقف..أنا ادري إن فرحتي بهذ السفرة بتنغصونها علي..
عاد مالقيتوا غير هذا النتفة تعاقبوني فيه..
إسمع يا ولد ولد عمي..إن طولت لسانك ولا تمنذلت علي..
لا أشوتك من طاقة الكبتن حق الطيارة..
وقد أعذر من انذر..
عبدالله مصدوم\أنتي بتسافرين معنا؟؟
ليييييييييييييييييه وش سوينا يوم أنتي تسافرين معنا..
هل إيطاليا المساكين وش سووا..وش ذنبهم؟؟
راكان\خلاااص أنت وهي..
ترى باقي ماوصلنا المطار..كلمة ثانية وارجعكم..
سارة\خلاص باكبر عقلي..وخل هذا النشبة يسكت..
عبدالله\بالله وقفوا شوي الخيزرانة في الشنطة خلوني اشحطها عليها..
راكان\ههههههههههههه جبت الخيزرانة..
عبدالله بفخر\إيه والشبرية..وباقي اغراض القنص..
سارة\ماسكينك ومرجعينك السعودية مكمم ملغم..
عبدالله\والقايل إن شاء الله ..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛

لو كنت أعلم أنني
سأذوب شوقا.. و ألما
لو كنت أعلم أنني
سأصير شيئا من عدم
لبقيت وحدي
أنشد الأشعار في دنيا.. بعيدة
و جعلت بيتك واحة
أرتاح فيها.. كل عام
و أتيت بيتك زائراً
كالناس يكفيني السلام..

فاروق جويدة...

قامت من على السرير..
وهي متضايقة من اللي على قميصها..
سدحت ذياب على سرير خاص بالأطفال..
جابه لهم غازي امس ..
وتمنذل عليها يقول خلاص..
صار السرير كبير وبيشيلها هي واياه..
طنشته ومارضت تنام جنبه..
ماتثق فيه ولا في وعده لها..
حتى نفسها صارت تخاف منها تميل لهـ ..

كان زلاغ ذياب على ملابسها..
نفخت بتعب..وتوجهت لدورة المياهـ..
تحممت ونشفت شعرها في الحمام..
خرجت وصدمت فيه عند الباب..
غمضت عيونها وهي تصد عنه بسرعة..
أرتبكت بخوووف..
هذي ثاني مرة تشوفه من دون قميص..
وحالتها اردى منه..لافة نفسها بمنشفة..

تعدته وكانت بتطلع من جنبه..
وصار اللي كانت متوقعة يصير..
لم يدينه عليها ومنعها تبتعد عنه..
قرب منها ولصقها فيه..

أرتجفت غصب عنها..
وهي تحس بوجهه على كتفها..
همس لها بحبه..بعشقه..
وهو يدري إنها ماتجهل غلاتها عندهـ..
قبلها على خدها وعيونها وجبينها..
حالتهم تخوفها..ترعبها..
ماتبيه يستمر في اللي يسويه..
لازم تقاومه وتبعده عنها..
رفع يدينها ولفها على رقبته..
قبلها على شفايفها بعمـــق..

إلــــــــــــى الملتــــــــــــقى بعد ســـــــــاعة
في بارت هدية لجميـــــــــع أحبتـــــــي ..
لاتبخلون بردوودكم قبل نزول البارت الهدية ^^

كونوا بخيــــــــــــــــــر ...

صدووود’’’

6 - 1 - 2022, 12:02 AM

البـــــــارت الواحد والثمــــانون ...

اتسئلين القلب عما به
ألستّ تدرين بما قد دهاهْ ؟

أنت التي أججت أشواقه
أنت التي لوعته في صباهْ

رحماك ! هذا الصوت كم غصةٍ
أثارها .. وكم حنين دعاهْ

لا تعجبي .. قلبي فراش الهوى
يقفز للنار وفيها رداهْ

المرحوووم بإذن الله تعالى ..غازي القصيبي...

أرتجفت غصب عنها..
وهي تحس بوجهه على كتفها..
همس لها بحبه..بعشقه..
وهو يدري إنها ماتجهل غلاتها عندهـ..
قبلها على خدها عيونها وجبينها..
حالتهم تخوفها..ترعبها..
ماتبيه يستمر في اللي يسويه..
لازم تقاومه وتبعده عنها..
رفع يدينها ولفها على رقبته..
قبلها على شفايفها بعمـــق..

حس فيها تحاول تبتعد عنه..
زاد من توثيقه لها..
شالها عن الارض وهي بكت بصوت مخنوووق..
خافت من تصرفاته..
ماتبيـــــــه..بعدها مجروحة منه..
مرعوووبة من تجربتها معها..
كانت بغير إرادتها..
غـــصب عنها..
أذاها كثيييير..

نيمها على السرير وهو حاضنها..
غازي بحنية\هششش إهدي يا جنونـــــي..
ما راح اجبرك علي شيء..
هششش خلاااص إهدي ياقلبي..

كانت تبكي وهي تشهق بقوووة..
ترتجف غصب عنها..
مو قادرة تتحكم في خوفها ورعبها منه..
ضمها له أكثر وهي تبعدهـ عنها..
وتترجاهـ يسامحها..
مابتتقبل لمسه لها كزوجة..
ماتقدر نفسها تكرهه..
تكــــــــــرهـ إجبارهـ لها..

هديل تبكي\سامحني..سامحني..
غازي بمحبة\أنتي اللي ابيك تسامحيني..
أنا احبـــك..أعشقك..
إرحمي الشيب اللي في راسي..
لاتزيدينها بخوفك..
والله ما اجبرك..لا تخافين مني..

لا جيت أنا بــ أسامحك..
تبكي الجراح ما ودها..
مشتاق ودي أصافحك..
عيت يدي لا أمدها...
آه. .يـــا الجراح .. راح اللي راح ..
وراحتي .. من يا ترى بيردها ..؟؟
يا حب.. ياذ كرى واســم..
مدري انا ابكي عليك من العذاب أو ابتسم..
صدقني في يأسي .. نفسي تبي نفسي تبيــــــك ..
لا يا دفا شمسي تبيـــــــك..
ليه خنتني ..الله عليك ..
آآآآهـ يا الجراح .. راح اللي راح..
وراحتي .. من يا ترى بيردها ..
لا تحاكي عيوني .. يمطر سحاب الملح ..
ولا تلمس شجوني .. ينبت في قلبي جـــرح ..
ناظرني يا خلي .. جرح انا كلــــي ..
وشلون أبـ أرضى الصلح ..؟؟

الأمير بدر بن عبدالمحــسن..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

لآ شِفت لِك مجروح .. حآوِل تِدآوية
دآوَه مِن بآب الإحسـآن دآوَهـ ..
وإن شِفت لِك مِن يبكِي .. فـ لآ تسألة لية ؟
الدَمْع مآ عُمرة نِزل مِن فَضـآآوة ....

أول مرة تسويها وتطلع من البيت من غير امها..
حتى مرام أعتذرت وقالت ما بتقدر تروح معها..
أرسلت لها السواق مع شغالتها..
ولزيادة الحذر منها طلبت من اخوها يروح معها..
إبراهيم\طيب وين بنروح؟؟
خلود\مشوار قريب..لازم اروح وبعدها نرجع البيت ان شاء الله..
إبراهيم\طيب..بســ
خلود\بس وشهو..؟؟
ابراهيم\ولا شيء..إذا قلت لك بتزعلين وتهاوشيني..
خلود بهدؤ\قول ما راح اهاوشك..
إبراهيم\أنا أخوك..صح صغير..بس لما اكبر باصير ولي امرك..
وأنتي دائماً متضايقة مني ولا يعجبك كلامي..وتحبين تقهريني..
انا مدري ليه تكرهيني..أمي تقول عشانك زعلانة على ابوي لما مات..
ليه أنا ابوي مامات؟؟أنا مثلك..أبوي مات مقتول..
بس ماقسيت عليكم وكرهتك..يمكن لو معي إخوان وكرهتيهم مثلي يكون عادي..
مالي غيركم بعد ربي..وكرهك لي يحسسني إني مالي بيت..
تدرين إني خططت اهرب من البيت كثير مرات..
بس ارجع لأنكم خواتي وأنا اخوكم الوحيد..
أخاف احد يزعلكم او يضايقكم..
خواتي صاروا مثلك ياخلود..يتضايقون مني..
مايسمعون كلامي ولا يحترموني..

وقفت السيارة عند العيادة..
ونزل ابراهيم قبل خلود..
وهي ظلت جالسة مكانها مصدوومة من كلام اخوها..
كل اللي قاله صدق..هو مات ابوه اللي هو ابوها..
يتيم مثلها..بس قسوتها عليه يتمته من امه وخواته..
تمنت لو تحضنه لو تعتذر منه وتبوس يدينه يسامحها..
عمره مابين لها مقدار جرحها له..
كان يتهاوش معها ويعاندها مثل ماتعاندهـ..
يبين لها ان كلامها وتصرفاتها ما تضايقه..
ولأنها اول مرة تطلب منه طلب..
وطلبها كان فيه أمان لها..
تبيه يروح معها عشان يحرسها..
يعني هو سندها وهو عضيدها..

نزلت من السيارة وهي تبكي..
كان واقف عند باب العيادة ينتظرها..
وقفت جنبه ومسكت يده..
رفعتها لفمها من فوق نقابها وقبلتها..
ماتكلمت لان مالها قدرة تتكلم وهي تبكي..

مشت ويدها في يدهـ وطلبت الدخول عند الدكتور الشايب مثل ماسمته..
دخلت اخوها معها وهي مرتاحة لدكتورها اللي كبير في السن وسليط في اللسان..
حست إنها بدت تتقبله..
عرفته على أخوها وهي مبسوطة..

خلود\دكتور هذا أخوي ابراهيم..
الدكتور\الله يحييه..
ابراهيم\مشكور..من انت..؟
الدكتور\أنا دكتور نفسي..
أحاول اساعد أختك في مشكلة..
ابراهيم\تدري إني حسبتك ابوي لما دخلت..
حتى هذي السبحة اللي في يدك..تشبه سبحة ابوي..
شف هذي هي..

طلع سبحة ابوهـ من جيبه وعرضها لـ الدكتور ..
خذتها خلود منه وضمتها بين يديها وهي تبكي..
ابراهيم بغصة\اعذرها يادكتور..
صار لنا سنين وهي مقاطعتني واليوم رضت علي..
سحبت ابراهيم لها وضمته وهي تبكي بصوت عالي..
خلود\والله اسفة يا رووح اختك..
سامحني عساني فدوة لك يا اخوي..
غبييية والله اني غبيية..

طلع الدكتور من المكتب وتركهم لحالهم..
لانه أنتبه على ابراهيم يمسح دموعه..
مايبي الدكتور يشوفه يبكي..

أخذ جواله واتصل على مرام..
مرام\هلا يالشايب..
مسفر بهدؤ\مرام..صاحبتك صار معهم شيء مو زين..؟؟
مرام\هي قالت لك شيء..؟؟
مسفر\لا ماقالت..
مرام\اممممم ولد جيرانهم يبي يتزوجها..
هذي ثالثة مرة يطلب وهي ماوافقت..
بس هو راعي مشاكل وسجون..
مسفر\الله يقطع هذي الأشكال ويفك الناس منهم..
مرام\وش بتسوي يالشايب..
انتبه لا تكشفك ترى بتحكمك اعدام..
مسفر\هي بتكشفني بس ماهو الحين..
اما ولد الجيران يبي له سم فيران..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

6 - 1 - 2022, 12:03 AM

صحت من النوم ..
وهي تحس بصداع قوي براسها..
حتى عيونها تحرقها إذا فتحتهم..
تنهدت بضيق..
لانها تعرف هذي الحالة لما تجيها..
إذا نامت وهي تبكي..
تصحى تعبانة ودايخة طول الوقت..

حست فيه يقبلها على خدها..
فتحت بسرعة..
خجلت منه ومن قربها الكبير منه..
لمت منشفتها عليها اكثر ..
وجلست بسرعة..
لما حست بيدهـ تسحبها له..
وقفت بسرعة أخذت ملابس من الكبت ودخلت دورة المياهـ..
أستندت على الباب..
وهي تتذكر كيف صحت من النوم وهي تصرخ مرعوبة..
كيف ضربته وحاولت تهرب منه..
وهو كان ضامها له..
ويحاول يوعيها على انها كانت نايمة وشافت كابوس..
لما صحت من صدمة الكابوس..
تعلقت عيونها بعيونه..
صدمها حلمها فيه هذي المرة..
صدمـــــها كثييير..

تحممت بسرعة ووقفت قدام المرايه تشوف ظهرها..
خف عليها كثييير وصار احسن من اول..
كان يهاوشها اذا تركت الكريم ماحطته..
ولما يهددها يحطه لها غصب عنها ..
تحطه هي بسرعة وتمنعه ينفذ تهديدهـ..

طلعت من دورة المياهـ..
وهو كان نايم وحاط ذراعه على عيونه..
ولما سمع الباب شال يدهـ وركز عيونه عليها يتاملها..
تجاهلته ووقفت عند التسريحة..
مشطت شعرها وفردته على طوله..
وانتبهت عليه يدخل دورة المياهـ ..
تنفست براحة بعد ماطلع من الغرفة..

راحت لذياب وهي تتذكر إنها ماسمعته يبكي..
طول امس..
يمكن غازي اهتم فيه ونيمه..لانها كانت تعبانة..
قربت منه وشالت الغطاء من عليه..
هديل بمرح\ورعي بعدهـ نايم..
يالله قوووم يا قلبي..
شالته من فراشه وضمته لها تبوسه..
وتسوي حركات تضايقه عشان يصحى..
بس استغربت انه ما تجاوب معها..
نادته وضربت على خدهـ ..
حطت بيدها ماء من الكاس..
مررته على وجهه ورقبته..
بس مارد عليها ولا تحرك..

أرتجفت بخوف وهي تشهق مجزوعة..
هديل بخوف\ذيـــ...ــاب..يــوومــهـ.....
قووم حبيبي..ياروحي انت وش فيــ....ـك؟؟
يووومه تكفى قوووم لا تفجعنـــــي..
تكفى يا ذياب لا تفجعني تكـــفى..
ياربي ياحبيبي لا تاخذهـ مني..
لاتاخذهـ منــــــــــي..
ذياب ما اتفقنا كذا يا فديتك..
قلت لك أول ماشفتك لا تترك الدنيا قبلي..
آآآآآآهـ يا قلب أمك تكفى قوووم..

ضمته لها اكثر وهي تصرخ بخوووف..
هديل تبكي\غااااااااااااااااااازي..

طلع من دورة المياهـ لابس بنطلونه وشعره مبلول..
حتى قميصه مالبسه..
جلس عندها على ركبه مصدووم من شكلها..
كانت جالسة على الأرض..
ضامة ذياب على صدرها وتهتز..
غازي\وش فيـــك..؟؟
هديل\ذذيــ....ـياب..مايصحى..
آآآآآآآآآهـ مايرد علــي..

أخذه من بين يديها..
وهو يحس برجفة قوية تسيطر على كل جسمه..
حس بعجز كبييييير..
نفس العجز اللي حس فيه لما كانت رسل بنته تموت..
ضم ذياب له وهو يسمي عليه..
تمالك اعصابه وسدحه على الارض..
تطمن لما شاف صدرهـ يتحرك..
دليل على انه يتنفس..
رفع جفونه يعاين عيونه..
نيمه على جنبه اليسار..
وضرب بخفيف على مؤخرة راسه..
صحى ذياب وهو يبكي بصوت عالي وحااااد..
بكى لحتى استفرغ من حبسه للهواء وهو يبكي..
ضمته هديل لها وهي تبكي معه بخوووف..
ضمهم غازي وهزهم بحضنه..
يواسيهم ويواسي نفسه..

كان بيفقد ولدهـ..
كان راح يصيبه القنووط من رحمة الله..
أستغفر الله وهو يحاول يهدي هديل اللي كانت تبكي..
أخذ ذياب منها ودخلها دورة المياهـ ..
غازي بحنية\بدلي ملابسك..
وبنمشي بعد ساعة المطار..
إن شاء الله نوصل روما الليلة...
هديل برجاء\لاتخليه ينام..
الحين نروح بس لاتخليه ينام..

بدلت ملابسها بسرعة..
لمت شنطتها وشنطة غازي..
حتى اغراض ذياب كانت تلمها وهي تبوسها..
جلسها غازي وحط ذياب بحضنها..
خلاها تستوعب انه بخير وماصار فيه شيء..
وطعنته لما سمعها تقول..
هديل بآآسى باكي\هو اللي ما اعتبرني ميته..
هو الوحيد اللي يحبني..
ما ابيه يموت واتيتم من بعدهـ..

واللي حس نفسه يتيم وماله عزوة من بعدك وش تقولين فيه..؟؟!

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛

حطت يدها على الجدار وهي تسمي بالله..
جلست ع الدرج بسرعة بعد ما حست بدوخة قوية..
غمضت عيونها وانتظرت لحتى حست بدوختها تخف عليها..
وقفت بتعب ونزلت الدرجات الباقية..
صرخت برعب لما حست بنفسها تفقد التوازن وتطيح على ظهرها لآخر الدرج..

شوق\يووووومـــــــــه..
آآآآآآآآآآآآآآآآآآهـ يووومه بامووووت..

طلعت امها من المطبخ وهي تركض لها..
صرخت بخوف لما شافت شوق طايحة على الارض وتنزف..
جلست عندها وهي تبكي..
ام غازي\شووق..بسم الله عليك..
اذكري ربك يوومه..تشهدي فديتك تشهدي..
شوق تصرخ وهي لامة يدينها على بطنها..
\بأموووت يوووومه...آآآآآآآآهـ..
يوومه لحقي علـــــــــي..
ام غازي برعب\تشهدي أول..
قولي اشهد انه لا اله الا الله..واشهد ان محمدا رسول الله..
تشهدي ياقلب امك...
شوق باستسلام\اشهد انه لا الله الا الله..وان محمدا رسول الله..

قامت ام غازي من عندها بسرعة..
اتصلت على طالب وقالت له يجي البيت بسرعة..
ويتصل على الاسعاف يدلهم على البيت..

رجعت لشووق وبكت لما ادركت ان بنتها بتولد خلال دقايق..
مستحيل تصبر لحتى يجي الاسعاف..
ذاب قلبها على بنتها اللي تصرخ بألم..
وتستجدي بالله يرحمها ويخفف عنها..

أخذت وسادات من على الكنب..
حطتها تحت راس شوق..
وقررت تولد بنتها قبل تموت والجنين في بطنها يموت ورى امه..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛

دخلت الشقة وهي ضامة ذياب على صدرها..
تحاول تخفي وجها عنه لا يشوف مدى إحراجها..
غازي يبتسم\صراحة تمنيتك تكفخينه..
تراه طبيب متدرب ماهو مسئول..
هديل بقهر\شفت البروود..
بس يستاهل فتنت عليه وخليتهم يطردونه من الغرفة..
غازي بغمزة\طبعاً بيطردونه لانه وراك من يسندك..
ووراهم من ينكبهم اذا غلطوا علينا..
هديل بابتسامة\أحياناً تنفع النذالة..
غازي\على الطاري..
نيمي ذياب بفراشه وتجهزي فيه ضيوف جايين يزورونك..
هديل بفرح\صوفي...؟؟
غازي\إيه صوفي وضيوف ثانين..
هديل\مييين لا يكون ماكس..؟؟
غازي\لساتك حاقدة على ماكس..؟؟
هديل\على ماكس وصاحبه ولا راح اسامحهم..

دخلت غرفة النوم ونيمت ذياب بفراشه..
وصلوا روما في وقت متأخر..
أخذوهـ لـ المستشفى..
قبل لا يتوجهون لشقتهم..
والطبيب طمنهم وطلب منهم يزورونه بعد 10 ساعات تكون النتائج وضحت لهم..
ويحددون متى وقت العملية يكون..

راحوا على الموعد وحدد لهم وقت العملية..
بعد ثلاث ايام..

سمعت صوت جرس الباب..
بدلت ملابسها وسرحت شعرها..
طلعت من الغرفة وهي متوقعة تقابل صوفي..
أنصدمت لما شافت سارة وراكان وعبدالله..
رجعت غرفتها بسرعة مفتشلة من راكان شافها بلبسها وشعرها..

أبتسمت بفـــــــرح..
لما ادركت إن هلها معها في ايطاليا..
أنبسطت كثير..
بدلت ملابسها بسرعة ولمت حجابها على راسها..
طلعت لهم وسلمت عليهم..
ماكان في الصالة الا عبدالله وسارة..

هديل مبسوطة\هلا والله فديييييييييييتكم..
ضمها عبدالله بقوووة وسلم على راسها..
عبدالله\والله اشتقت لك..
هديل\فديييييييييته الإيطالي..
عبدالله\كيفك وكيف ورعك؟؟
والله مشتاقين لكم مرة..حتى لهواشه..
هديل\عساني فدوة لك يا ابو علي..
الحمدلله أنا بخير وورعي بخير..
سارة\وهـ يابعد تســـــبدي..
ماتبين ترحبين فيني..؟؟
هديل\هههههههههه السووووري يا بعدهم انتي..

ضمتها وهي تضحك مبسووطة بشوفتها..
سارة\وش رايك فيني..؟؟
هيت زوجي وعيالي وربعي وجيييتك..
هديل\يافديييييييييتك ..
والله والله فرحت فيكم ونسيت كل شيء..
سارة بحنية\طمنيني عنك كيفك؟؟
كيف ولدك؟؟وزوجك كيفه معك..؟؟

جلسوا وهديل متمسكة بيد سارة..
هديل\الحمدلله حالنا يسرك..
ذياب وأنا بنسوي العملية بعد ثلاث أيام..
وإن شاء الله ربي يهونها..ويشافيها..
سارة\آآآآآآآآآمين يارب العالمين...
عبدالله\أبوي وجدتي وكلهم يسلموون عليك..
هديل\أبوي ماجاء معكم..واخواني..؟؟
عبدالله\جدي معتكف في الحرم..
إن شاء الله لما ينهي إعتكافه بيجي هنا..
أما عمامي وجدتي فابوي ماخلاهم يجون..
هديل بإستغراب\ليـــه.؟؟
سارة بحدة\عبيييد رح مع زوج عمتك وراكان..
عيب تجلس مع الحريم..
عبدالله\لا عندي رسالة ابي اوصلها لهدوولة من ابوي..
سارة\خلاااص بعدين..هي بتطير يعني..؟؟
قول لها بعدين..يالله رووح..
عبدالله\اووووف منك..
طيب رايح..هدوولة ترى بانام عندك الليلة..
هديل تبتسم\عيوووني لك..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

6 - 1 - 2022, 12:03 AM

كنت آسولف وقلت آسمه . .
بــ [ آلخطآ ]
عضيت شفآهي وآرتبكت
وآللي سمعني من ربكتي
آبتسم وقآل : ....
كمـــل محد سمع ..

راح عبدالله وسارة هاوشت هديل..
سارة\وش عيوني لك..عيب استحي على وجهك..
خليه يروح معنا الفندق..
هديل\مالك شغل خلييه يونسنا..
سارة\ههههههههه ماظنتي زووجك بيتحمله..
هديل\لا عادي غـــاز........

عضت شفايفها ومانطقت باسمه..
قطعت كلامها ورفعت عينها بعين سارة..
سارة بمحبة\ماسمعت..
هديل تتنهد\اقصد عادي..ماراح يغلبه عبووود..
سارة\بصراحة عليك زووج..
مدري كيف صدتيه..
هديل\ههههههههه لو مو متزوجة أنتي عطيتك إياهـ..
سارة بعتب\خليك عاقلة وإحتفظي بزوجك طول ماهو زوجك..
بكره اذا افترقتوا ارخصيه بكيفك..
هديل\ماعلينا من هـ الحكي..
امي ليه ماجات..؟؟توقعت إنها ممكن تجي..
بعد إتفاقي مع علي وحنان..
سارة\حنان سقطت الله يعوضها خير..
هديل\لاااااا..الله يعوضها..
متى صار هذا الشيء..؟؟
سارة\قبل ثلاث أيام..
ولاكانت هي وعلي بيجون مع عبوود..
هديل\وأمـــــــــي..؟؟
سارة\علي مايبيها تجيك الا وهو معها..
والله العالم عن اسبابه..
هديل\هادي كيفه..؟؟
سارة\الحمدلله بخير..
سالت سلمان عنه وقال انه سافر..
هديل\سافر..؟؟
يعني جاي إيطاليا ولا وين راح..؟؟
سارة\سافر أستراليا..
هديل\الله يرده بالسلامة..
سارة\تعالي ليش ماتردين على جوالك؟؟
ولا تتصلين على هلك..؟؟
مو عيب عليك..ولا رجعتي لزوجك نسيتي هلك؟؟
هديل تضحك\ههههههههههههه انتي غريبة عجيبة..
أتصلت عليهم بس مايردوون..
سارة\مايردون؟؟!
عنبوا ابليسك جيبي عذر يتصدق..
هديل\مالك شغل..حرة شخصية..

اندق جرس الباب ..
طلع غازي من البلكونة اللي كان جالس فيها مع راكان وعبدالله..
فتح الباب ودخلت صوفي ومعها ماكس..
رحب فيها غازي وهي طنشته ودخلت من دون ماتسلم عليه..
ضحكت هديل لما شافت حركة صوفي..
وزاد عليها غازي لما كان بيصكها بالباب قبل تدخل..
تغيضه دائماً بحركاتها..

ضمتها بقووووة وهي تقبلها على خدها..
صوفي بفرح\يارثت الثياب..كم إشتقت لك..
هديل\ههههههههههه أحبـــك..
صوفي\آآآهـ وأخيراً عدتي إلى هنا..
هديل\لم استطع فراقك اكثر..
صوفي\يالك من قزمة كاذبة..
هديل\أعرفك..هذه قريبتي سارة..
صوفي تصافحها\أهلاً تشرفت بمعرفتك..
سارة\هديلووهـ وش ذا الطويلة تقول..؟؟
هديل تبتسم\سارة هذي صديقتي واختي وحبيبتي فاطمة..
سارة\هذي الطويلة المخلعة اسمها فاطمة..
هديل\سارة واللي يرحم امك لاتنكبينا مع صوفي..
سارة\وشش قلت انا..؟؟
صوفي\الن تفهم قريبتك علينا..
سارة\يس افكوورس..
صوفي تبتسم\نااايس..
هديل\سارة ترى فاطمة مصممة ازياء معروفة..
سارة\بجد..؟؟خليني افلس زوجي بعد تسبدي..
اجي ايطاليا والتقي بمصممة ازياء..
عسى امي راضية علي بس..
هديل\هههههههههه فديتك يا السوري..
صوفي\أين وولفي..؟؟
هديل\نائم الآن..
صوفي\امممم سأذهب لاراهـ..
هديل تمسكها\والله ماتروحين..
ادري بتصحينه من نومه بحركاتك..
صوفي\هههههههههه مابك أتركيني..
هديل\لا..لن تري وولفي الآن..
أعرف ماستفعلين..لم انسى كيف كنتي توقظينه..
صوفي\أرجووك ديييل..
أنا مشتاقة له كثيراً..
هديل\صوفي حبيتي..
إن استيقظ الآن لن ينام بسهولة..
وانا اريد أن أسهر معك..
سارة\وش عندكم..هديلووهـ دخليني جو معكم..
هديل\اول خليني اضيف ضيوفي..
عيييب ساعة من جيتوا ماضيفتكم..
سارة\وتحسبين بنشرهـ عليك..؟؟
ما اتصلتي علينا من بعد مارحتي معه..
فكيف نشرهـ اذا ماضيفتينا..
هديل تبتسم\الله لا يطيح مسلم بلسانك..

راحت المطبخ جهزت القهوة الإيطالية..
لأنها المتواجدة عندها..
ومن الحلويات اللي موجودة مع اللي جابتهم سارة وصوفي..
نادت عبدالله..
أخذها منها وضيف الموجودين..

رجعت لصوفي وسارة..
وأنتبهت على كلام سارة..
سارة\وت وت اممم يو تفصلين..؟؟
صوفي\؟؟؟؟؟؟؟؟؟؟
سارة\ردي يامال الطرم..
المفروض تحاولين تفهمين كلامي..
مثل ما احاول اوصل لك السؤال..
هديل\ههههههههه سارة..
شوي وتكفخينها..
سارة\بتنفقع مرارتي..
كل ما قلت لها شيء تبتسم وتقول وت..
هديل\لانها ماتفهم عليك ياقلبي..
سارة\أقول لها أنتي جميلة ورشيقة..
ابي ادهن سيرها بكم كلمة عل وعسى تصمم لي فستان..
أرجع فيه لبعد تسبدي..
صوفي حمقت\وجع..
سارة بشهقة\هئئئئئئئئئئئئئئئ انا وجع..؟؟!
هذا وانا اقول يالطويلة يالنحيفة..يالجميلة..
أجل لو قايلة يالماصلة الناشفة المعجزة وش تقولين..
صوفي\ما اللذي تقولينه ايتها المتنمرة..
آآآهـ بكل تاكيد لن احبك ولن أرضى بالكلام معك..
لانك لا تعرفين كيف تنسيقين الوان ملابسك..
هل يرتدي أحداً ما في هذا العصر ماترتدين..؟؟
أنظري الى حجابك لا يتناسب لونه ابدأ مع لون عينيك..
أو هذا البنطال اللذي ترتدينه..هل تعلمين ان نوعية قماشه..
تجعلك تبدين اكثر سمنة مما أنتي عليه..
أنتي مشروع يجب أن اقوم بإصلاحه..
سارة\عنبوا ابليسها حكت ما سكتت..
جب يالعصلا..الشرهه على بنت عمي اللي مصاحبتك..
هديل\هههههههههههه خلااااص هشششش..
اسكتوا يادوبااات..
ههههههههههههههههههههه

كملت صوفي وسارة سب في بعض ولاهم فاهمين وش يقولون..
وهديل كل ماحاولت توقفهم تضحك ويعصبون على بعض زيادة..
هديل\ستووووب..صوفي أنتي لم تفهمي ماتقوله سارة..
هي تقول بانها من اشد المعجبين بازياءك..
وكم تمنت لو تلتقي بك شخصياً..
صوفي بابتسامة\اوووهـ عزيزتي..
أنا آسفة لم افهم ما قلتي لي أعذريني..
هديل\سوسو فاطمة معجبة بأناقتك..
وبإختيارك لملابسك..حتى ملامحك تشبه لعارضات ازياء معروفات..
بس رسومك أجمل منهم بكثير..
سارة مبسووطة\يافديتها..شكـــراً من ذوقك عزيزتي..
وهـ ياهدووول فشلة سبيتها وهي تمدحني..

هديل\ههههههههههههه ياربي سامحني..
منعت حرب لاتقوم في بيتي..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

سلمت على راكان قبل يطلع مع هله..
طلبت عبدالله يظل عندها بس عبدالله مارضى..
فهمت ان راكان هاوشه وحذرهـ مايبقى عندها..
ودعتهم..
وبعدهم طلع ماكس ومعه صوفي..
سالت صوفي كيف رجعت لماكس..
بس ماقدروا يتكلمون وسارة ماتفهم عليهم..
فتواعدت معها تزورها من بكره وتقول لها كل شيء..

دخلت غرفة النوم..
تحممت ولبست بجامتها..
نامت بس ظلت تفكر في غازي..
نظراته غريبة عليها..
هو بان عليه معصب لما جاو هلها..
بس ماله حق يزعل او يهاوش..
غمضت عيونها وهي تدرك غن سبب غضبه ماهم هلها..
بل لأنها طلعت قدام راكان بلبسها وشعرها مكشوف..
تنهدت بضيق..بيقلب الأمور عليها..
اللي يشوف حالتهم بهذا الوقت..
بيقول مستحيل هذولاء يستمرون..
وهي بتقول بالعكس هذا التفاهم بينا..
أجل لو قابلتونا في وقت الهواش والتملك وش تقولون..؟؟

وقفت وطلعت من الغرفة..
شهقت بقوة لما شافته مشغل التلفزيون..
ويشوف شريط فديو خاص فيها مع ذياب..
قربت منه ووقفت ورى الكنبة..
انتبه عليها ومد يدهـ لها..
حطت يدها بيدهـ من غير وعي..
وهي تشوف لقائها الاول مع ذياب..
لما كانت صوفي تصورهم..
أبتسمت وهي تشوف حجم ذياب صغير بحضنها..
كان باين عليها التعب والحزن..

حتى كلامها لذياب صدمها كثيـــــــــر ..
نست اغلب كلامها له..
تتكلم عن ابوهـ..وإنها بتنسبه له وبـ الاسم اللي لازم يحمله..
حست بيد غازي تضغط على يدها بقووووة..

صرخت بخجل لما شافت إنها تتحضر عشان ترضعه من صدرها..
حطت يدينها على عيون غازي..
هديل\لاااااااا..لا تشوووف..مالك دخل لا تشووف..
غمض عيووونك..
ضحك على تصرفها وبعد يدينها من على عيونه..
مشت بسرعة تبي تطفي التلفزيون..
ماتبيه يشوفها بهذا الشكل بتموت من الإحراج..
مسكها قبل تطفي التلفزيون وهو يضحك على تصرفاتها..
حاولت تخلص نفسها من بين يدينه..
هديل\لااااا ابعد..غازي لا تشوووف..
قليل ادب مالك شغل تشوف شريطي..
غمض عيووونك..
غازي يضحك\ههههههههههه أقووول إجلسي..

جلس وضمها في حضنه..
وعاد اللي فاته من الشريط..
وثقها له بقوووة وهي تتحرك تبي تفلت منه وتاخذ الريموت من يدهـ..

إلى الملتقى فجر الثلاثاء بإذن الله تعالى..

كونوا بخيــــــــــــر ..

صدووود’’’

المواضيع المتشابهه لموضوع: ما غرام يشرح الصدر طاريه و إلا صدود و عمرنا ما عشقنا للكاتبة صدود كاملة لموضوع: ما غرام يشرح الصدر طاريه و إلا صدود و عمرنا ما عشقنا للكاتبة صدود كاملة
الموضوع	كاتب الموضوع	المنتدى	مشاركات	آخر مشاركة
سجود السهو	نجمة المساء	نفحات اسلاميه	15	8 - 6 - 2021 12:49 PM
يشرح القلب طاريه ولا صدود وعمرنا ما عشقنا	شيخة الزين	همس عالم حواء	6	1 - 7 - 2018 10:50 PM
فستق صيني	همسة الشوق	همس لعالم النبات والثروه والزراعه والحيوانيه	8	13 - 9 - 2015 06:35 AM
علمو سدني	سجات التهاويل	همس للرياضه السعوديه والخليجيه	3	6 - 3 - 2015 08:50 PM
صور غنى 6 شيوخ في الخليج	علياء	همس للاخبار الفنية العربية والعالمية وصور المشاهير	7	29 - 10 - 2014 03:59 PM

الذين يشاهدون محتوى الموضوع الآن : 7 ( الأعضاء 0 والزوار 7)

الأعضاء الذين قاموا بتقييم هذا الموضوع : 0
لم يقوم أحد بتقييم هذا الموضوع