عيونك شوكة في القلب توجعني و عبرها للكاتبة ديم الراشد مكتملة

19 - 1 - 2022, 04:43 PM

..... 185 .....

انتبه فيصل لوجود نواف وصد وهو يقول : قد قلت لك لا تكلميني وانا معصب
ما ردت اديم اللي فعلا بكت وهي ما تحب احد يصرخ عليها فما بالك اذا كان اكثر انسان تحبه كان واضح من يدها انها تبكي وتوترها
نواف قرب من اديم وهو يخبط على كتفها :اديم لا تبكين فيصل يحبك وما قصد يزعلك
رفعت راسها اديم وانحبست انفاسها وانفاس فيصل بعد كلامه ضحكت بأستهزاء وقالت : ما ابكي انا اصلا ادري فيصل يحبني ولا قصد يصرخ بس اني مشتاقه لاهلي
تكلم فيصل بكلام وكأنه يرد عليها لكن بالحقيقه يحاول انه يقنع نفسه انه ما يترك اي مجال لحبها :ما معنا وقت ومانقدر ولازم ما نروح
اديم ابتسمت بأسى وهي فاهمه كل شي يقصده وردت بنفس الاسلوب : مو مشكله الايام طويله
لف فيصل يناظرها بهدوء وبعدها لف وهو يحط كل تركيزه على الطريق
اما نواف رجع لوراء وهو فرحان انه بيسافر لكن خايف من زعل ابوه اللي ما تعود يزعله
وصلوا المطار ونزلوا وفيصل باين انه ينتظر احد او في باله شي جلسوا بالانتظار وكان معهم وقت كان الكلام من نصيب اديم ونواف اما فيصل اللي ماهو معاهم ابدا ويدق على عساف بدون فايده انقطع الكلام لما ارتفع صوت جوال فيصل معلن اتصال وقف فيصل وهو مبتسم ورد : هلا يبه
كان عنده امل انه فقد نواف وجاه صوت ابوه المرتاح وواضح انه في ازعاج: سلام فيصل شخبارك والا تزوجت ونسيت ابوك
فيصل : ابد والله ما نسيتك يبه وانت تدري ان قلبي وعقلي عندكم حتى لو اني مو عندكم
ابو عادل :هههههه ادري ادري تعلمني فيك المهم كيف اديمً
فيصل : الحمدلله بأحسن حال
ابو عادل :قالي ابو مشاري انكم بتسافرون
فيصل :اي والله يعني انا ما كنت مخطط لسفر الا بعد اسبوع لكنه فاجأني بهديته واضطريت اقبلها
ابو عادل : الله يوفقكم وانتبه لنفسك ولأديم مابتمر تسلم علينا
فيصل : والله ودي يبه بس متأخر
ابو عادل : زين زين يلا ما اطول عليك
فيصل تكلم بسرعه: يبه كيف نواف
ابو عادل اللي كان مفكر ان نواف نايم زي العاده : نواف بخير وتركته نايم بالبيت مثل عادته
فيصل انصدم انه صار لغياب نواف ظ،ظ¢ ساعه او اكثر ومحد حس عليه وفوق ذا يكذبون قال بضيق وتغير صوته : انتبه لنواف يبه طيب لا تتركه عشان سهام
ابو عادل هز راسه بضيق : وش ذا الكلام نواف ولدي والا بتوصيني عليه وسهام مالها شغل
فيصل ضحك بأستهزاء : ايه مالها شغل وايه احيان لازم يتوصى الانسان حتى على نفسه
ابو عادل حس بتنغيز بكلامه بس ما دقق : يلا يلا الله معك
سكر فيصل بضيق والتفت يشوف نواف اللي مستانس مع اديم وضحك وهو يقول :والله ما تدري ي فيصل لو ان اديم تكون له احسن من اهله
تقدم وقال : يلا نادوا
اديم : ثواني بدخل دورة المياه
فيصل : استعجلي
راحت اديم وهي ناويه تلعب شخصيتين مع فيصل ونزلت بالسناب ( الله يكون بعون كل العاشقين !ظيمنعظيمنعظيمنعظيمنع )
جاها رساله بسرعه من فيصل ( الله يكون بعوني ... اخبارك وحشتيني )
اديم ماردت عليه مباشره نزلت بسناب وهاذي طريقه تعاتبه فيها (‏م…¤ ‏وتسألني ؟ أنا ما عادني أسمع ‏يتيمات السوالف من بعد صُوتك.) وبسرعه جاها رد ( حنين ! كأنك زعلانه ؟ )
وبنفس الحركه ردت عليه ( ‏لأطهر ذنب ‏أحبه .. ذنب ‏و أدعيله .
‏يخاطبني الزعل ‏و أزعل ولا ابي له ‏سوا يرضى ‏عشان أرضى ولا ‏أزعل )
فيصل انجن من استفزازها وهو مو ناقص حول ودق عليها بغضب فتحت السماعه وهي تبي تسمع وش رده وجاها صوته اللي ماكان مثل صوته مع اديم : حنين خير وش ذا الحركات انجنيتي انا قاعد اكلمك كلميني لا تردين علي بهالطريقه لا تصيرين انتي معهم علي ادري اني ما سألت وادري اني سحبت وادري وادري لكن مافي شي بيدي ماني فيصل انا حتى نفسي ماهي بيدي لا تخليني اضيع لنهايه ! طالما اني لجأت لك بأصعب وقت لا تخذليني
سكر وهو مقهور واديم انصدمت شلون كل اللي قاله مو واضح عليه شلون قادر يوقف بكل كبرياء وهو داخله محطم طلعت بخوف واسرعت ووقفت قبل يشوفها ولف وهو مقطب حواجبه وواضح قهره وتقدم وهم خلفه جلسوا بالطياره وكان نواف بالنص واديم بجنب الشباك وفيصل بالطرف كانوا كلهم ساكتين
اديم ما تدري وش تسوي كانت نفسها تلف تشوفه خصوصا انه مر وقت طويل وهو ساكت نواف نعسان مستند على فيصل اللي محوط كتفه بيده ابتسمت وهي تناظر يده حست انه برادن من شكل يده ناظرت له وقربت بهدوء وهي تحط يدها على يده بجراءه وكانت بارده لف فيصل يناظرها بأستغراب وقالت: بردان !
تنح فيصل وبعدها جاوب بهمس : شوي ..

19 - 1 - 2022, 04:43 PM

..... 186 ......

اديم كان معاها جاكيت لها رفعته بهدوء وهي ماتبي تناظره ويرفض الجاكيت وقفت وتقدمت بهدوء ونزلته على يده ورجعت لمقعدها بهدوء
فيصل كان منصدم من كل اللي يصير معاه مو قادر يحدد موقفه ابدا او مع مين بيكون ما رفض الجاكيت وسحبه وهي يغطي فيه نفس غمض عيونه اول ما داهمه عطرها اللي يمثل شخصيتها الحلوه ما حس بنفسه ودخل بنوم هادي
اما اديم ابتسمت ونامت هي بعد لان الوقت طويل
ظيمنعظيمنع
ظيمنع
اما عند عادل اللي كان يحاول يتجاهل اللي صار امس ويهدي ويبدا من جديد استقبل رسالة ريمان ورد عليها بإختصار وطلع من الدوام واتجهه للبيت قابل ابوه في حالة خوف فضيعه : يبه وش فيك
ابو عادل : نواف شفته
عادل :لا
ابو عادل :روح بسرعه شوف اذا هو مع عمتك
عادل: يبه وش يوديه عند عمتي وش السالفه
ابو عادل صرخ فيه: روووح شوف وانت ساكت
طلع عادل وهو مو مستوعب دخل بيت جده وهو ينادي : عميمه عميمه
جاه صوت منى وهي تقول : تعال ي عادل هنا
دخل عادل وهو مختبص :سلام عليكم ي جماعه
الجد :عليكم السلام وش فيك وجهك اصفر
عادل :نواف جاء هنا
منى :لا ماجاء ليش
عادل طلع بسرعه وتركهم وركض لبيت ابوه
منى: وش فيه نواف
الجد وقف بخوف وهو يقول :تعالي تعالي نشوف وش فيه
طلعوا هم بعد وشافوا عادل وابوه يركضون يمين ويسار
منى: طلال وش فيكم وينه نواف
ابو عادل:ما ادري جيت ادور عليه في كل مكان ما حصلته وهو مايروح الا يقول لي
الجد: يمكن عند احد من الجيران
ابو عادل :راح عادل يسال
منى: يمكن مع فيصل
ابو عادل : فيصل مسافر من زمان
منى: كيف يعني سافر
ابو عادل : سافر راح برا المصيبه الحين نواف وين راح
عادل رجع وهو يلهث :يبه ما حصلته
جاء رائد من بعيد: عمي وش فيكم
منى: شفت نواف
رائد:لا ليه
عادل : يبه يمكن مع فيصل
ابو عادل : ي ناس فيصل سااافر وكان يقول انتبه له اكيد ماهو معاه وبعدين لا يدري فيصل والا بيقوم قيامتنا
رائد: وش صار قولوا لي
عادل: نواف مختفي
رائد :لا تقول ..
ابو عادل والكل ما ردوا وانتشروا يدورون عليه واخر شي جلس ابو عادل وهو يحط يده على راسه : وش اسوي وين راح الولد
عادل : يبه احس انه مع فيصل
رائد: يمكن مع فيصل
منى: دق عليه واسأله بطريقه غير مباشره
ابو عادل : فيصل طيارته بتجلس ظ§ ساعات بنتظر لين هالوقت وبعدين لو ما طلع معاه وش بسوي
عادل :بنبلغ الشرطه اذا ما طلع معاه
منى: ي ويل حالي على نواف انتم وين كنتوا عنه وين كنتوا
الكل كان ساكت متوتر ويدورون من جديد ومنى وسهام خايفين
ظيمنعظيمنع
ظيمنع
بعد ظ§ ساعات وصل فيصل واديم ونواف ل جنيف صحى فيصل على صوت اديم تصحيه سحب الجاكيت وهو يمده لها: خذي
اخذته اديم وهي مبتسمه ومعاها نواف نزلوا وخلصوا إجراءاتهم وبعدها للفندق واول ما وصل الفندق ارتمى فيصل بالسرير وكمل نومته اما اديم اللي دخلت تتروش وتبدل وترتاح وبعدها بتنام ونواف نام بجنب فيصل
بعد فتره طلعت اديم ودخلت بالسرير وهي متحمسه للايام الجايه واول ما فتحت جوالها شافت مكالمات كثيره من اهلها ومن اهل فيصل استغربت وتوها بتتصل الا جاها رقم منى ورت :اهلين عميمه
منى: سلام اديم حبيبتي كيفك
اديم : تمام انتي كيفك
منى: الحمدلله كيف فيصل
اديم: كويس تو وصلنا ونام
منى: الحمدلله على السلامه
اديم :الله يسلمك
منى: اقول اديم حبيبتي بغيت اسألك نواف معاكم
اديم بأستغراب :ايوه ليش فيصل ما قال لكم
منى شهقت :حسبي الله على ابليسه وليه مايقول وينه عطيني بغسل شراعه عساه اللي مانيب قايله عطيني
اديم انحرجت من الموقف :بس هو نايم
منى كانت بتتكلم بس سحب ابو عادل الجوال وهو يقول :اديم ي بنتي اعطي فيصل الكلب الجوال
اديم تورطت وقربت تصحي فيصل اللي كان نومه ثقيل وبعد مده تحرك وهو يقول:وش فيك
اديم : ابوك وعميمه بيكلمونك !
فيصل ميل فمه بأستهزاء وسحب جوالها وقفله وهو يسحبها بجنبه بدون مايحس بنفسه وفي نص نومه وقال : انتي نامي واتركيهم حرام تتعب عيونك
قال اخر كلامه وغطس بنومه واديم مصدومه تجمدت وهي تسمع اتصالات جوالها صمتت الجوال وهي ماتدري وش السالفه وقررت تنعم بقرب فيصل وماهي الا ثواني ونامت هي بعد ..

19 - 1 - 2022, 04:44 PM

...... 187 .....

اما في بيت ابو عادل اللي الكل متجمع هناك والقيامه قايمه وقف محمد وهو يضحك بأستهزاء :والله مع احترامي ي عمي بيتك صاير قصة عجيبه وبدايتها زواج الاب ومن هنا تبدا نقطة تفرق الاولاد لكن انا اول مره في حياتي أأيد فيصل على شي سواه براع¤و رغم ثقالة دمه الا انه ما نسى اخوه ومحافظ عليه
ابو عادل وقف واتجه لمحمد وهو يسحبه من ياقته :انت اخر واحد ممكن اسمح لك تبدي رايك لذلك انقلع برا بيتي
ضحك محمد ضحكه مستفزه وقال: حلو كذا حلو مره عساك على القوه ي عمي او بالأصح ي عريس ههههههه
طلع محمد وتركهم وطلع بعده ابوه اما رائد كان واقف بحيره وهو يشوف الارتباك تنهد وهو يقول ( الله يهديك ي فيصل )
منى: انا بفهم وش ذا الحركه اللي سواها اقل شي يقولنا انا مدري ليه يسوي كذا
عادل تكلم بهدوء رغم انه متنرفز : فيصل ماسوا شي غلط الغلط علينا
ابوعادل ناظره بحده: تعال معاه انت بعد
عادل : ايه بجي وبجي بقوه بعد اذا فيه غلط علينا من متى اخذه ولا حسينا وصار على غيابه ظ،ظ¢ ساعه واكثر وحنا مو حاسين وبعدين بنحط اللوم عليه حتى لو ما اخذه شلون تركناه وهو طفل انا من اليوم اقول فيصل معاه حق واللي خايف منه صار وانتهى
طلع عادل بعد ما رمى كلامه على ابوه وهو ضايقه فيه الدنيا وقف ابو عادل وهو يرفع يده دليل انه مايبي احد يكلمه في ذا الموضوع وطلع وترك الكل وابتدوا ينسحبون بعد ما تطمننوا على نواف
ظيمنعظيمنع
ظيمنع
في مكان ثاني مكان مظلم بالتحديد بغرفة ( عساف ) اللي كان ندمان اشد الندم وكاره كل لحظه ارتبط فيها بالطب او فكر فيه تدارك نفسه على فتحة الباب وكانت امه اتخذ وضعية النايم وهو مايبيها تشوف ضيقه وتضيق عليه قربت امه وهي مستغربه رجعته وهدوءه الغريب المشكك طلت بوجهه وهي قلبها يقول انه مو بخير نادت عليه بصوت مليان حنيه :عساف عساف يمه عساف
رد عساف بهدوء :لبيه يمه
ام عساف: وش فيك تعبان !
عساف:لا يمه بس ابي انام
ام عساف :لا ماهو ذا عذرك قولي يمه وش فيك قلبي حاس فيك شي كبير
انقطع صوت عساف اللي يحاول يضبط نفسه لكن ما قدر اول ماحس بأمه تحضنه غمض وهو يشد على نفسه بضيق
ام عساف : فيصل فيه شي
عساف :لا
ام عساف:رائد
عساف: لا
ام عساف: اجل
عساف ما كان يقدر يقولها اللي صار لانها ماتدري عن خرابيطه فما كان له عذر الا يقول : ولا شي يمه بس متهاوش مع فيصل
ام عساف بأستغراب :ليش
عساف:شغله بسيطه وتنحل
ام عساف: المهم ماتضيع صداقتكم وتأكد ان فيصل يعدك اخو واكيد بتتراضون انت لا تضيق
عساف تنهد :ان شاءالله
ام عساف: قوم طيب تعشاء انت على لحم بطنك من الصبح
عساف: مالي نفس ي الغاليه
ام عساف:بتخليني اكل لحالي
عساف:والله يمه مو مشتهي
وبعد اصرار من امه قرر ياكل عشان خاطرها لكن مع ذلك كان ضيقه واضح
ظيمنعظيمنع
ظيمنع
عند نسرين اللي كانت جالسه وبيدها جوالها ومتردده كثير قبل تطلب الرقم لكنها تراجعت وهي خايفه تطيح بمصيبه اكثر نزلت الجوال وهي تشد على شعرها بضيق ( ياربي وش ذا اللي يصير لي من وين طلع لي هالعساف وضيق علي وش اسوي انا اذا اتصلت اكيد بيستغلني واذا رفضت بيفضحني واذا وافقت بموت يااارب ساعدني )
ظيمنعظيمنع
ظيمنع
انتهى يوم كان سئ للكل بدون استثناء والكل مشدوده اعصابه ومشاكله مو ملحق عليها ....ومن بكره عند فيصل اللي صحى وهو لاول مره من فتره ينام براحه شاف اديم ونواف باقي نايمين انسحب بهدوء ودخل يتروش وبعدها رجع وهو يناظر اديم ويفكر كيف بيتصرف ونواف موجود خصوصا انه استسلم الفتره الاخيره ..ضرب جبينه لما تذكر عساف اللي ما يرد اتجه لجواله ودق وارسل ونفس الكلام :هين ي عساف ي كلب هين
حول الاتصال لرائد وجاه صوت رائد المستعجل كعادته:هلا فيصل شلونك
فيصل : انتظر ارد السلام وش فيك دايم نار وشرار
رائد :من فعايلك حسبي الله على عدوك هاذي سوات ي قليل الخاتمه
فيصل: شسويت
رائدد: وش اللي ما سويته بس قلي وش اللي ماسويته انت تدري وش صار لاهلك من سبب هبالك
فيصل :اوووف انت خبل تكلم زي الناس
رائد اللي كان منفعل : وش اللي اتكلم مانك عارف وش سويت تقوم تاخذ نواف بدون علم احد وتختفي به وتتركنا ندور مثل المجانين ناوي تذبح ابوك قاصر عمر ..

19 - 1 - 2022, 04:44 PM

..... 188 .....

فيصل :اوه ازعجتوني ترا ابوك وابوك ابوي المفروض انه يكون مسؤول عن نواف ويدري بكل تحركاته لكن هه وين وهو غارق بأحضان المدام بزر بزر بعمر ظ،ظ، سنه ينترك لحاله وفوق ذا يغيب اكثر من ظ،ظ¢ ساعه محد حس عليه وتحطون اللوم علي لكن اسمعها مني ي رائد اقسم باللي اخذ امي لاسوي شي حتى اليهود ماسووه فيكم ودامها بدأت لا احد يوقفها
سكر الخط وهو يتنفس بسرعه ومعصب حس بأحد وراه ولف وشاف اديم واقفه تناظره وتكلمت اول ماناظرها بخوف : انا اسفه سمعت صراخ وجيت اشوف
فيصل وقف واتجه لها وهو يهزها بغضب : صراخ سمعتي صراخ كل شي يصير منكم وانتم الاول في تفريق العايله لكن .. والله مثل ما احترق قلبي ليصير فيكم ..كان معاه زقارته قربها وهو مثبت يد اديم بقوه واحرق ذراعها بحقد وبدون مايحس وبدون ما يشفق صرخت اديم وهي تبعده وتصارخ بدون فايده وبعد محاولات رماها فيصل بعد ما عمق حرقها ورمى عليها الزقاره وصرخ وهو يقول : وباقي حسابي ما خلص
تركها وراح وهو يشوف نواف باقي نايم بدل وطلع وتركها وهو بيموت من القهر ومن كل شي حوله وضده
اما اديم اللي كانت تصرخ بقهر وتبكي لدرجة صحى نواف على صوتها وركض لها برعب :اديم وش فيك اديم
بعدته اديم وركضت للحمام وهي تغسل يدها وتبكي بحرقه وهي مو قادره حتى تدعي على فيصل
اما نواف اللي كان مايدري وش السالفه ورجع بخوف لسرير وهو مرعوب
ظيمنعظيمنع
ظيمنع
مر اسبوع كامل والاوضاع من اسوئ مايكون رغم ان زواج عادل قرب الا انه معاه قربت المشاكل وكثرت (الحال عند فيصل واديم كان قاسي جدا ومتعب )

من بعد اللي صار وفيصل متجنب اديم ومهمشها ولا يحتك فيها وحلقة الوصل بينهم مجرد نواف وغيره لا ومن ناحية علاقته بأهله قاطعها نهائي ولا يتصل على اي احد ومقفل جواله وعايض مع نفسه
اما اديم اللي من بعد اللي سواه فيصل وهي مغبونه بشكل ولا فكرت تكلمه او تعطيه وجه لانه مجرد مايكلمها احتمال تنفجر وينكشف كل شي ومن ناحية اهلها اللي تواصلها معاهم كويس الا انها تعتذر منهم كثير
اما نواف اللي كان على فرحته الا انه يحس بتوتر بالجو مو بسيط لكن مو قادر يفهم

وفي بيت ابو عادل كان عادل معتزل بيت ابوه تماما وطول الوقت بجناحه ويحاول يثبت نفسه لمواجهته مع ريمان اللي ابتداء يفقد الامل والسيطره منها
وابو عادل اللي كان طول الاسبوع وهو معصب ومو متحمل كلمه لدرجة انه بلحظه كان بيطلق سهام
سهام ابد مو عاجبها الحال واهتماماتها غير اللي هي حفلاتها وترتيب وتنسيق للاستقبال ضيوفها وغير هذا مو هامها وبعد جهد وجهيد اقنعت ابو عادل يجيب خادمه تساعدها واجبرته على الموافقه من كثر الحنه
اما منى اللي كانت مريضه بسبب هالمشاكل اللي كل يوم تزيد وتكبر والسبب الاول فيصل اللي منقطع عنهم وكأنهم مسوين ذنب وكبير

اما عساف اللي كان هو بعد مريض من اللي صار له وترك المستشفى وترك كل شي وقرر يبدا من جديد ويشتغل بأي مكان غير الطب وقراره بالزواج صار اكثر جديه خصوصا بعد المشاكل اللي صايره واختفاء فيصل اللي كان واضح زعله منهم لكنه ينتظره يرجع ويفهمه

اما رائد هو الوحيد المهلوك من اللي يصير ويحاول يهدي الوضع لانه صار قابل للانفجار وبنفس الوقت قلبه مع فيصل اللي من بعد اخر مكالمه وهو حتى صوته ما سمعه
ظيمنعظيمنع
ظيمنع
عند اديم كانت جالسه بالبلكونه وهي تناظر الناس اللي عايشين حياتهم بكل اريحيه وحب وهي عايشه وكأنها في سجن تنهدت وهي تنزل الكوب وتناظر يدها اللي معلمه فيها الحرقه نزلت دمعتها اللي احرقت خدها حست بأحد وراها وقالت بهدوء : نواف حبيبي تعال اجلس فيصل مطول لين يجي
تكلم فيصل بصوته اللي صار شبه ميت : قومي اجهزي طيارتنا بعد ساعه ولا لي خلق اتاخر
اديم على قد ما كانت تموت بجنيف الا انها كرهتها بشكل لا يوصف وقفت وراحت بدون ولا كلمه وابتدت تسوي شنطتها وشنطته بدون كلام سمعت نواف يقول : اديم تساعديني في شنطتي
ابتسمت ااديم : اكيد تعال يلا
ابتدت ترتب معاه ونواف يراقبها ببتسامه:اديم
اديم: عيونها
نواف : انتي ليش زعلانه على فيصل
اديم : مو زعلانه من قال كذا
نواف : انا حسيت
جلست اديم بضيق ودمعتها محجره بعينها : عمري ما زعلت ولا بزعل من فيصل بالذات فيصل روحي ي نواف مستحيل ازعل مهما صار ومهما سوا
نواف : زين طيب راضيه
ضحكت اديم وهي تقول : براضيه اكيد
كان هالكلام تحت مسامع فيصل اللي كان مصدوم من كلامها بس يحاول يقتنع انها تتكلم كذا عشان نواف

19 - 1 - 2022, 04:45 PM

..... 189 ......

طلعوا من الفندق وتوجهوا للمطار وهو يراقبها بصمت وكان الجو فعلا كئيب
ومرت ساعات الرجعه وفيصل يفكر بكلام اديم واديم تفكر كيف تتغاضى عن اللي سواه فيصل وتعديه او بالاصح تحاول انها ما تحبه اكثر
نزلوا وفيصل شايل نواف واديم بجنبه اخذ تاكسي واتجه لبيت ابوه وهو ساكت ويدري ان ينتظره غيمة مصايب ناظر ساعته وكان الوقت شوي متأخر طلع مفتاحه ودخل وهو ماهمه يزعج احد ما يزعج احد ولا عاد يفرق معه اي شي كانت اديم تمشي وراه وبعدها تكلمت بهدوء:شلون على الشنط
فيصل ما رد وغير اتجاهه وهو يتجه للمصعد دخل الشنط و دخل وهو باقي نواف على كتفه ودخلت اديم معاه وصلوا للجناح وفيصل للحين ساكت نزل نواف واتجه للحمام تروش وبعدها طلع وسحب سجادته وهو حاب انه يصلي ركعتين تهديه وتساعده على كل مصاعبه وبعدها سحب المصحف وهو يقرا بهدوء اديم كانت تراقب افعاله بهدوء دخلت هي تروشت وبدلت واتجهت بتنام بس وقفها صوته وهو يقول : تدلين المطبخ سوي لي شي اكله
اديم ما ردت واتجهت تدور للمطبخ دخلت وهي تناظر وكان جميل ابتسمت وهي تتنقل بين ادراجه ومحتاره وش تسوي له سوت له حاجه خفيفه وهي مو مره بالطبخ بس وطلعت بعد ما نظفت حوستها دخلت بهدوء وهي تنزل الاكل قباله وكان وقت صلاة الفجر صلى فيصل وبعدها اكل وطلع واديم ما هي ماطمنه لحالته الاخيره وخايفه عليه اسرعت لجوالها الاحتياط ودخلت سناب وهي تنزل ( ‏ما أخاف البعد أنا خايف عليك )
جلست بعد ما صلت وهي تنتظر رده وماتدري وين راح
اما فيصل اللي طلع وهو يحس انه مكتوم وكان يتمشى دخل بجواله لسناب وشاف اللي نزلته واستغرب او بالاصح صار يدقق لانه يحس اشياء كثير ماهي طبيعيه حوله على طول رد عليها بقول (‏ليه أحسّك صرت عن روحي غريب .. من بعد ماكنت أحس إنك أنا )
ردت اديم عليه بسرعه وهي مفجوعه من انه يكرهها كا حنين ووقتها فعلا بينتهي كل شي ( فيصل وش صار وش ذا الحكي)
فيصل رد ( اللي صار انك بعيد اللي صار اني معاد اعرف وين انا من ذا كله )
اديم ( ليش تقول كذا انت اللي تزوجت وبعدت )
فيصل ( حنين لا تستهبلين وين بعدت توي من اسبوع اتزوجت ولا شفت منك اي كلمه انقطعتي نهائي)
اديم ( بعد العتب عليك انت كنت مقفل جهازك)
فيصل( حتى ولو مو حلوه افتح وما احصل ولا حرف من اول انسانه حبيتها )
اديم ( فيصل لا تتعبني اصلا وجودك معها مضايقني )
فيصل ( لا تخليني لها طيب !! )
اديم ( شلون يعني )
فيصل ( يعني سألي عني دوري علي اقلقيني ازعجيني ولا تخليني )
اديم ( اعرفك ما تحب احد يزعجك واذا عن السؤال انا اعرف كل شي عنك وادري بكل شي يصير معك انت تدري )
فيصل ( اشياء كثيره ما احبها وحبيتها معك ، بعض الاحيان يكون الازعاج انقاذ )
اديم ( افهم من كلامك انك انجرفت معها )
فيصل بكل صراحه ( مدري كل اللي اقدر اقوله اني ماني مع نفسي )
اديم ابتسمت وهي حاسه من كلامه انه ابتداء يتقبل حقايق كثيره من حياته وردت تمثل الصدمه( وين فيصل عن حنين؟ )
فيصل ( حنين وينها عن فيصل !! )
ضحكت اديم وهي تدري انه ابتداء يستسلم او بالاصح بدا يتعب من قلبه ( حنين معك في كل مكان وفيصل لازم يكون معها )
فيصل قال كلامه وهو متاكد وكان صدمه لاديم (معناته تعالي نتزوج )
انصدمت اديم وتعلقت يدها بصدمه في الجوال وهي ترجع تقرا وبعدها كتبت بصدمه ( مو من جدك)
فيصل ( ليش مو من جدي ..حنين انا تعبت تعبت خلاااااص من كل شي استسلمت بترك كل شي خلاص وتعالي اتزوجك ونبعد عن الدنيا نروح نستقر بأي مكان ونبداء واحنا حنين وفيصل )
اديم كان كلامه مثل الرصاص ما توقعت ان فيصل وصل لأقصى مراحل الاستسلام وبيهرب فعلا وكتبت بخوف ( واديم ؟! )
فيصل ( اديم تروح بطريقها وننتهي )
اديم ( بتطلقها)
فيصل ( الاغلب )
اديم ( فيصل مو معقوله تترك كل شي وراك وتدمر نفسك )
فيصل ( معقول ومعقول ونص )
اديم خافت فعلا من بعدها عنه تمنت لو انها ماهي هي اديم وتقدر تروح معاه قالت وهي تبي تهديه( وتتركهم ينتصرون عليك )
فيصل( ماعاد تفرق)
اديم ( فيصل ماعرفتك منهزم اذا بتترك كل شي اتركه وراسك مرفوع لا تهرب )
فيصل ( مو قادر كل شي حولي يتعبني )
اديم ( فيصل تقدر )
فيصل بعد اقناع اديم قال ( طيب بقدر لكن ابي ابدا بضربه وهي اني اتزوج على اديم وهاذي بتكون انتي منها اكسر ومنها ارتاح )
اديم ( بس انا مقدر اتزوجك وانت متزوج)
فيصل( حنين تعرفين موضوع زواجي )

19 - 1 - 2022, 04:45 PM

...... 190 ......

اديم( بس اهلي مايعرفون .. وغير كذا مابي ادخل بمشاكل ابي تنتهي منهم وبعدها نتزوج )
فيصل ( تتخلين عني !)
اديم( والله ما اتخلى بس مابي اعيش اي يوم معك سيء )
فيصل ( كذا صعب )
اديم ( لا مو صعب عندك مليون طريقه تنهي كل ذا بدون زواج )
فيصل ( تتوقعين )
اديم( لو فيصل يفكر كويس بيقدر)
فيصل سجل صوت ( ويالله قد ايش فيصل مشتاق لك يالله لو اقدر اجي لك اقل شي اجمع نفسي عندك جاي على بالي اقابلك بنفس الطاوله وكل شي بينا مشترك ياالله متى يجي هاليوم )
ابتسمت اديم بحب وهي تقول ( جاي هاليوم ي فيصل جاء عشان كذا خلص من مشاكلك بسرعه )
تنهد فيصل وهو يقول ( المهم ترا انا الحين بالرياض وصلت من شوي وبرجع انام شوي وبعدها اكلمك اوك )
اديم ( اوك )
رجع فيصل وهو تعبان لكن الطريق طويل وكان يمشي وهو يفكر وش بيسوي فكرة انه يتزوج على اديم حلوه لكنه ماهو ناقص مصايب قطع تفكيره سياره وقفت بجنبه لف وهو يشوف رائد نازل وهو يقول : فيصل
فيصل لف : نعم
ركض له رائد وهو يحضنه : الحمدلله على السلامه متى جيت
فيصل : جيت من شوي
رائد : زعلان مني صح
فيصل: ليش ازعل من انا عشان ازعل
رائد : انا اسف عصبت من حركتك وانت تدري بي لكن ما كنت اعرف التفاصيل
فيصل : يرحم اهلك ابعد مالي خلق اعذار
رائد : زين زين ادري فيك ضايق لكن متى وصلت
فيصل : من ساعتين
رائد: ولا نمت
فيصل : مابي انام
رائد : زين زين براحتك المهم اسمع كلمت عساف
فيصل :وش فيه
رائد: يعني ماكلمته
فيصل :لا وش فيه
رائد : باليوم اللي سافرت فيه استلم حاله وانت تدري به مايدل شي بالطب ولا قدر ينقذه وتوفى المريض ومن بعدها وهو في حاله يرثى لها ترك وظيفته وطايح ببيتهم وصاير عظمه وعشان ما يحسس امه بالموضوع قايلها انه متهاوش معك وهو فعلا محتاجك جنبه
فيصل انصدم :وليه ماقلت لي
رائد:ما تركت لي فرصه اقول
فيصل : يلا يلا بنروح الحين
رائد ابتسم وهو يحضن فيصل :اول ترضى علي
فيصل دفه وهو مبتسم: انا ما ازعل عليك
ركب واتجهوا لبيت عساف وهو خايف عليه وندمان انه ما سأل عنه
ظيمنعظيمنع
ظيمنع
في بيت عساف اللي كان منفرد مع ندمه مثل ما تعود في الفتره الاخيره
سمع صوت الباب وناظر الساعه كانت ظ¦ الصباح استغرب مين جاي سمع صوت عدنان يرحب وانسحب وهو مايبي يقابل احد سمع صوت باب غرفته اندق ثم انفتح وبعدها سمع صوت فيصل ينادي : عساف صاحي
فز بسرعه وهو يناظر فيصل اللي ابتسم له واسرع وحضنه بادله الحضن وهو فعلا محتاج فيصل يطلعه من ووضعه هذا وبعد شوي ابتعد فيصل وهو يمسح دموع عساف وعدنان اللي ما حب يتدخل وطلع اما رائد اللي جلس وهو يناظرهم فيصل ابتداء ياخذ ويعطي مع عساف لما هدا وبعدها ابتداء يفهمه ان هذا قضاء وقدر وبسبب قرب شخصية فيصل من عساف قدر يشيل عنه هم كبير ويقلص متاعبه : عشان كذا ي عساف انسى وابدا من جديد ريح وتعوذ من ابليس وبعدها قوم ودور لك على وظيفه انت كويس فيها وابتدي من الصفر
عساف : ليتني اقدر ارجع وراء كان ماضيعت ظ§ سنين على الفاضي
فيصل:انتهى كل شي خلاص مابيدك شي وهذا درس لنا من ربي نرجع فيه ونصحح اللي صار معنا
عساف ناظر فيصل بهدوء:فيك شي انت
فيصل ضحك:انا من متى جيت وانا مافيني شي مشاكلي المعتاده المهم روق الحين وصل ركعتين ونام وبعدها نشوف كيف نتصرف
عساف:ناموا هنا
فيصل :هههههه وراي بيت ي ابو مره ثانيه ان شاء الله
رائد؛المهم عساف لا تضغط على نفسك
عساف:ان شاء الله
طلع فيصل ورائد ورائد يقول لفيصل تفاصيل اللي صار بغيابه تنهد فيصل وهو يقول :نشوف وش بيصير معنا
رائد:وش مخطط عليه
فيصل:ولاشي للحين
رائد:ليش رجعت طيب
فيصل : خفت نواف يتعب من الاجواء هناك ورجعت
رائد : زين
وصلو وافترقت طرقهم وفيصل اللي طلع لجناحه وهو حاله احسن من حاله قبل دخل وهو متوقع اديم نايمه لكن توقعه فشل وكانت جالسه وواضح انها تنتظره
رفع راسه بأستغراب : وش صار
اديم اللي انتظرته من بعد ما سكرت منه لكنه طول وخافت انه صاير له شي : ولا شي انتظرك تجي
فيصل : ومن طلبك تنتظرين
اديم لفت بهدوء:محد لكن اخاف انام بدون احد كبير
انفجر فيصل يضحك عليها بشكل هستيري واديم ابتسمت وهي ترفع كتفها بمعنى تعجب : وهاذي مشكله بعد
فيصل ناظرها بعد ما انتهى من ضحكه وبعدها همس : كأن الموضوع ناقص لطافه
اديم دخلت ووقفت بطرف السرير ونواف في طرف وبعد شوي جاء فيصل وراح لطرف الثاني وهو يشوف نواف اللي واضح انه نايم براحه

19 - 1 - 2022, 04:47 PM

...... 191 ......

وقف وهو مايدري كيف بيبعده وحاول لكن نواف صرخ وهو يرفس وقف فيصل وهو متكتف : ي سلام عليك ي باشا ابعد شوي
نواف مارد لكنه كان شوي ويبكي وكل ما حاول فيصل يبعده رجع يصرخ اخر شي استسلم فيصل واتجه للجهه الثانيه ودخل بالفراش وهو ينسدح واديم واقفه لتناحه وبعدها لفت بهدوء ووقفها صوت فيصل :وين
اديم : بدور لي لحاف بنام
فيصل:وهذا ي هانم مو عاجبك
اديم :بس انت نايم
فيصل:لا يكون متقرفه مني ي هانم
اديم :مو كذا انت قلت ما نشترك بشي
فيصل ميل فمه : وع اساس مره ميت على نومتك جنبي لكني بعد قلت طالما نواف فيه تنامين هنا مالي خلق هذره وانخمدي
ميلت اديم فمها بضيق وهي تشوفه يبعد لها وانسدحت بجنبه وهي تحاول ما تلزق فيه لكن لزقت والكل كان حابس انفاسه وبحركه غير متوقعه ابعدت اديم شوي ودبج طاحت من السرير هنا انفجر فيصل يضحك : انتي خبله
اديم اوجعها ظهرها وفيها بكيه : اقل شي قول سلامات
مد يده فيصل وهو يساعدها توقف ونزل من السرير وخلاها تدخل قبله وهو على الطرف وكانت حركته وضربة ظهر اديم موجعتها ومخليتها مستسلمه انسدح فيصل وهو باقي يضحك وبينه وبين نفسه يفكر شلون يبدا بشكل قوي
اديم انزعجت من ضحكه عليها وقالت وهي لافه عليه وتناظره بنظرات تلين الحجر: ممكن ما تضحك ادري يعجبك اني اتأذى لكن اقل شي لا تحرجني
فيصل انقطع نفسه وقال بهدوء وهو يناظرها:وممكن انتي ما تناظريني كذا
اديم زفرت بضيق : ما بناظر استغفرلله
فيصل ابتسم وهو يهمس في اذنها: عشانك يعني مو عشاني
تجمدت اديم ولا عاد قدرت تتحرك وفيصل رجع يضحك وبعدها بفتره سكن ونام اما اديم اللي كانت مو قادره تنام وهي قريبه منه لدرجة كأنها بحضنه وبعد معاناة قدرت تنام
ظيمنعظيمنع
ظيمنع
من بكره في بيت ابو عادل دخلت منى وهي تناظر سهام وابو عادل وعادل اللي على سفرة الفطور:سلام عليكم
الكل :عليكم السلام
منى: فيصل جاء
ابو عادل :لا ليه
منى: سيارته برا
توهم بيتكلمون الا نزل نواف بخوف من فوق وهو يقول :صباح الخير
وقف عادل بفرحه وبنفس الوقت صدمه لانه هالاسبوع فقد اخوانه وحس انه وحيد ركض له وهو يحضنه:نوافوه وحشتنا ي خبل
نواف استانس وحضن عادل : وانت بعد وحشتني من زمان
ابتسم عادل وهو يقول :متى جيتوا
نواف :مدري كنت نايم
عادل ضربه بخفه على راسه : اشوفك تعيد هالحركه تروح وتتركنا
نواف بهدوء :انتم بعد تركتوني
ابو عادل :نواف تعال
نزل نواف وهو خايف : بس لا تضربني
انصدم ابو عادل ان نواف وصل لذا الفكره : تعال مابقولك شي
تقدم نواف وقال ابوه : فيصل وينه
نواف: نايم
وسهام: اديم
طنشها نواف اللي كرهها وتكلم ابو عادل : وينها اديم
نواف: نايمه
عادل : ليش رجعتوا بعد اسبوع
سهام: اكيد فيصل منكد على اديم ومرجعها مع انه ما دفع شي من جيبه
تكلم عادل وهو بعد مو طايقها : محد طلب مشاركتك بالموضوع وياليت تكرمينا بسكوتك وحطي ببالك ان هذا مو صدقه منكم
سهام: طلال شوف كيف يتكلم معي
ابو عادل :لمي نفسك وروحي لغرفتك
لفت سهام بتروح لكن وقفها صوت فيصل اللي هز الدنيا: ولا تفكرين ي هانم انك لك فضل انتي واخوك علي ماكنتي ولا صرتي يا ... والا ما يحتاج اكمل انتي تعرفين
لف ابو عادل وهو يقول :اقصر صوتك وانزل هنا اشياء كثير صار لازم تتأدب فيها
ضحك فيصل بأستهزاء : حلو حلو من برايك لازم يتأدب اول
ابو عادل اتسعت عيونه بغضب واتجه لفيصل وهو يصرخ : لمين هالكلام ي استاذ
فيصل رد بصراخ : للي تبي بأي حق جاي تصارخ وتهاوش وعلى اي اساس
ابوعادل بنفس النبره:من اعطاك الاذن تاخذ نواف معاك ولا تقول
فيصل :انا عطيت نفسي ماني محتاج من احد اذن عشان انتبه لاخوي
ابو عادل : ومن انت عشان تسمح او ماتسمح انت مين انت كلك على بعضك بزر ما عرف الدنيا الا على يدي وجاي تحاسبني
فيصل : ما احاسبك انا ما احاسبك انا ابي اوريك انك طرت من يدينا خلاص وانتهى امرك تقدر تقولي وين صارت هالدنيا اللي انا عرفتها على يدك تقدر تقولي وينك عن نواف من ظ،ظ¢ ساعه واكثر تقدر تقولي وينك لما دخل المطبخ طفل يسخن ويطبخ عشان ياكل تقدر تقول وينك لما بكى بخوف ولا حصل احد فيكم وينك ابي اعرف وينك والدنيا هاذي وين وش ممكن بيكون صاير له لو ما اتصلت واخذته وين ابوي ووين عادل
ضحك وهو يلف بأحباط :انا اقول وينك ... قرب بهمس وهو يأشر على سهام : في احضان المدام اللي اصلا ما جت الا عشان ترتب امور البيت لكن وش حصل ضعت انت وضاع البيت وضعنا حنا

19 - 1 - 2022, 04:47 PM

..... 192 .....

ما قدر ابو عادل يرد بأي رد على فيصل ولا يناقشه لانه فعلا غلطان كمل فيصل اللي منقهر كان مو حاس على نفسه ولا على صوته المرتفع : على اي اساس بتلومون فيصل على اي اساس بتوقفون وتحاسبوني اول مره في حياتي اكون متأكد اني صح واول مره اوقف وانا قادر ابرر عن كل شي سويته واول مره اوقف واكون فيصل لكن مو فيصل الطايش واول مره احس اني فعلا فقدت ابوي اللي من خمس سنين وانا احاول ما افقده الحين بس عرفت ان كل مخاوفي بتصير حقيقه واستسلم .... انقطع كلامه لما جلس وهو مافيه حيل يوقف ويضرب رجله بقهر
في هالاثناء صحت اديم على صراخ فيصل ولبست عبايتها وماتدري كيف لبست ونزلت وهي خايفه وشافت وسمعت كل شي وعرفت من هو فيصل اللي مو بالجوال
تقدم ابو عادل وهو باقي بيثبت انه ماتغير لو انشغل شوي : ومع ذا كله تبقى غلطان ..
انقطع كلامه لما وصلهم صوت اديم اللي تكلمت وهي ماتدري كيف جتها القوه وعمرها ماتخيلت نفسها بذا القوه لكن في هالوقت ما همها اي شي مو فارق معها تكون اديم او حنين المهم تكون مع فيصل : لا مو غلطان ولا عمره بيصير غلطان ورغم كل هذا اللي يصير ورغم الطيش وجنان فيصل الا انه وقف احسن منكم كلكم وتحمل اكثر منكم كلكم وحبكم اكثر منكم كلكم محد فيكم بيسوي او سوى مثله فيصل اللي بعيونكم غلطان وطايش ولا يتحمل مسؤوليه هو اكثر واحد بينكم كلكم معه حق وهو الوحيد اللي من بينكم عارف وحاس ما معكم حق ولا واحد بالميه انكم تحملونه شي وان غلط وان تعدى فهذا عشان ما يخسركم وعشانه يحبكم لكن محد يبي يفهم لذلك لا احد يلومه ولا عليه لوم حتى لو سهام عمتي هي غلطانه وحتى لو انت انسان كبير واب ومسؤل غلطان كل شي كان ممكن ينسكت عنه الا اهمال نواف ولا لكم حق الاعتراض وبطلوا ترمون اغلاطكم على فيصل ..
محد من الموجودين وحتى فيصل توقع هالكلام والكل مصدوم والكل منذهل والكل فعلا مندهش من اللي صار ولا وقفت صدمتهم على هالكلام لا انصدموا اكثر من قوة اديم الغريبه اللي نزلت من بينهم وهي متجهه لفيصل وناسيه كل شي حولها مدت يدها لفيصل الجالس وهو يناظرها بصدمه فضيعه نزلت له وهي تسنده لما وقف وهي مقدره صدمته اتجهت فيه لدرج وفيصل منقاد بشكل مو طبيعي
بعد كل اللي صار طلع عادل وهو مبسوط على اللي سوته اديم ومتأكد انه كذا اطمئن على فيصل واحساسه ان حجم المشكله الكبير بيعدل اشياء كثيره بالبيت واولهم فيصل ..
•
اما ابو عادل اللي نزل وهو يحس انه دايخ من كل اللي صار وطلع هو الثاني من البيت وهو مابين صدمه من فعلا انه تغير على عيااله ومابين شعور ذهول من موقف اديم مع فيصل اكثر من وقفة اهله معه

اما سهام اللي انفجعت بشخصية اديم الجديده اللي ما عمرها خطرت لها على بال ودخلت غرفتها وسكرت الباب وهي تدري ان كل اللي صار بيصير له ردت فعل مو سهله

اما نواف اللي كان جالس وهو يناظر اماكنهم بخوف انسحب وطلع مسرع لغرفته وهو وخايف انهم يتهاوشون بسببه
ظيمنعظيمنع
ظيمنع
في جناح فيصل كان فيصل جالس بصدمه مو مخليته يستوعب اللي صار ولا قادر يجمع حرفين ينطقها صحى على جيت اديم وهي معاها كوب مويه مدته له وهي خايفه يصير له شي من عصبيته القويه جلست وهي تاخذ ذراعه بهدوء وكانت تسوي له مساج خفيف من معصمه بقصد انها تهديه كان فيصل مو مع اي شي ولا اهتم باللي صار مع ابوه ابدا كان كل تفكيره بموقف اديم اللي حتى عادل ما وقفه وليش وقفت معه وهو ماترك شي ما سواه فيها غمض بقوه وهو ينزل الكوب من يده تكلم بصوت مبحوح بشكل يحزن : ليش !!
ارتخت يد اديم :ليش ايش
فيصل:ليش سويتي كذا !
اديم : لاني ادري انك مو غلطان
فيصل: بس مو هذا السبب كان فيك تنسحبين ونحترق انتي كنتي بيدك ما تدخلين هالمهمه وش قصدك من ورا هذا كله وش الخطه
اديم رفعت راسها بصدمه يعني كل هذا بعينه تخطيط بدون ماتحس ضغطت على عرق فيصل واتجمعت دموعها بسرعه في عينها : اي خطه واي بطيخ ليش مو راضي تفهم ي فيصل ليش مو راضي تشيل من بالك هالفكره عني ليش كل هذا ليش تبي تذبحني بقهري مو قادر لمره تستوعب اني مالي شغل بكل شي يصير ضدك مو راضي تستوعب اني عمري ما كنت ضدك ولا ابي اضرك ليش مصر تلبس قناع مو لك وتتنكر بشخصية مو لفيصل ليش
نزلت دموعها بقهر وهي تترك يده وطلعت وهي تبكي بصوت اوجع قلب فيصل اللي مو ناقص كركبه وتعب
ناظر يده شلون حمرا من قبضتها وكان كلامها ينعاد بالحرف وقف وهو مصر يفهم وش الشي اللي مو قادر يفهمه فيها

19 - 1 - 2022, 04:48 PM

...... 193 ......

اتجه للغرفه اللي بجنب فتح الباب وسمع صوتها بالحمام تبكي تنهد وطلع ونزل وهو مايدري لاي مصيبه بيروح
قابلته منى وهي بتتكلم لكن ما اعطاها فرصه وطلع ركب سيارته وبدون تفكير اتجه لملجأه اللي من زمان ما زاره وصل قبر امه ونزل وهو مهلوك طاح بجنب قبرها بحزن الدنيا وهو يشكي لها كل شي صار معاه وكل شي يعاني منه وتعبان : ماني فاهم يمه وش اسوي ماني عارف وين اروح ومع من لازم اكون خايف يمه خايف كل شي حولي يخدعني مدري من اصدق ومع مين لازم اصدق يمه والله تعبت والله
لف لما حس بأحد وراه وشاف عادل واقف وجهه بعد مليان دموع وقف وهو يناظره بهدوء وتعب وكل واحد فيهم مليان هموم تكلم عادل بصوت متقطع : اذا كنت بتسمع مني بقولك خلك مع اديم واذا بتخاف خاف الدنيا بدون اديم واذا بتثق كل الثقه عند اديم الانسانه اللي وقفت ضدنا كلنا قادره انها تكون درع لفيصل من كل شي
كان هذا اختصار بسيط من عادل لكنه بعثر فيصل من جديد وقف عادل وهو يصلي ركعتين وبعدها راح وترك فيصل بمكانه وهو يقول ( محد هد حيلي الا اديم )
صلى هو بعد وبعدها طلع بهدوء يسكن داخله غير عن العاصفه اللي هدته اتجه لبيت عساف وصل وهو يدق على عساف اللي رد ووصل صوت فيصل اللي قال بس :عساف
وطلع عساف بسرعة البرق للباب وشاف فيصل بالسياره اسرع وهو يقول : وش حصل طلع فيصل وهو يقول : بنجن
عساف سحبه وهو يجلس قبال الباب وابتدا فيصل يحكي كل شي عاشه بإسبوع ناظره عساف وقال: قد قلت لك ما انت قدها ماطعت شفت وين وصلت
فيصل :مابي احبها مابي مابي استسلم
عساف : معناته طلقها وفركش كل شي
فيصل : بس هي تحب نواف ومحافظه عليه
عساف :معناته بتحبها وتستسلم لها
فيصل: ليش تكلمني كذا
عساف: لان مافيه الا هالحلين
فيصل سكت وبعدها قال : لا فيه
عساف: وشو
فيصل: اتزوج عليها !!
عساف :انت خبل ناوي تزيد النار حطب انت قايم بوحده عشان تقوم بثنتين وبعدين اذا تبي لها الفضيحه طلقها وارتاح ما تقولي وش بتستفيد من ورا زواجك عليها
فيصل : اتزوج حنين واعيش معها كزوجه وهي تجلس مع نواف
ضحك عساف : بتصير مثل ابوك يعني
فيصل :ليش
عساف : فيصل قلت لك مالك الا حلين ولا ثالث لهم وانت اختار
وقف فيصل وهو يقول : لها ثالث وبتشوف
راح فيصل اللي كان خايف خااايف من انه يحب اديم بشكل فضيع ويبي يدور طريقه يبتعد عن هالحب لكنه تذكر ان حنين رافضه فكرت انه يتزوجها واديم على ذمته وورجع لدوامه جديده رجع للبيت ودخل وشاف الكل متجمع دخل من بينهم واتجه لجناحه بدون اي كلام وصل ودخل وهو حاس بكمية الهدوء المريب لف وهو يدور على اديم وشافها جالسه وتقرا مصحف غير اتجاهه لغرفته بدل وسمع صوت الباب اتجه له وشاف منى قال بيختصر كل شي :اذا بتهاوشين ارجعي احسن
منى: ما بتسلم علي
فيصل باس راسها ورجع لورا هزت راسها منى بأسف :الحين صار مالي قيمه
فيصل : لك كل القيمه بس موضوع نواف وابوي لا تفتحينه
منى لفت وطنشته وهي تنادي :اديم اديم
اديم طلعت وهي تتجه لها وسلمت عليها وبعد السؤال عن الحال قالت لها : تعالي بتقهوى معي تحت
فيصل تكلم بسرعه وقال: انا ابيها
منى: وش قلتي اديم
فيصل : انا اقول ابيها
اديم لفت تناظر فيها وبعدها لفت لمنى بقلة حيله فهمتها منى وقالت لفيصل: وش ناوي عليه ي فيصل
فيصل : بعتزل
منى: تكلمني كذا
فيصل: اديم ما تنزل عند الزفت اللي تحت
منى: ماتقدر تمنعها عن عمتها
فيصل ضحك : اقدر ي عميمه اقدر
اديم ماحبت الاجواء تتعب زياده وقالت: ماعليه ي عميمه شوي كذا وانزل
منى لفت وهي مطنشه فيصل وسكر الباب فيصل بقوه وقال: هنا مافيه كلام الا لي
ابتسمت اديم وقالت:ومن قال غير هالكلام ماتبي انزل مابنزل
فيصل لف وهو يقول : شوفي لي شي اكله
اديم :ابشر
راحت تسوي له اي شي وبعدها نزلته قباله وكانت بتروح بس فيصل قال بحده: هالطبخ مره ثانيه مابيه تطبخين مثل الناس انا مو ارنب
اديم ابتسمت :ابشر
فيصل كان يحاول يدور مشكله بس كل شي ضده وقف وراح وهو يقول: ابي انام مابي ازعاج
اديم : ابشر
فيصل :ماتعرفين غيرها
اديم ضحكت وقالت :الا من عيوني
فيصل صفق باب الغرفه وهو مبتسم لاشعوريا وبعدها هز راسه بقوه وهو يقول :تماسك ي فيصل تماسك
انسدح وهو يفكر بحل ما يتعلق فيه بأديم ..

19 - 1 - 2022, 04:49 PM

..... 194 .....

اما تحت نزلت منى بغضب وهي تناظر ابو عادل : احب اقولك ان بيتك ماعاد ينطاق
ابو عادل مسك راسه بضيق :وش في يدي انا
الجد : نواف روح قول لفيصل ينزل هو وزوجته ابيه وضروري واذا ماجاء بطلع له
منى: شتبي فيه مجنون ما ينحكى معه
الجد : لازم ينحط حد لهالمهزله اللي تصير وانا اللي بحط حد
طلع نواف لفيصل ومنى تتحلطم وابوعادل وسهام وعادل ساكتين وبعد
عند نواف اللي دخل لاديم وقالها اللي قال جده تنهدت اديم :زين انا اصحيه وننزل
دخلت بهدوء واتجهت لفيصل اللي كان بين نايم وصاحي قربت وهي تقول :فيصل
فيصل :همممممممم وش قلت انا والا لازم تتكفخين
اديم : ما كنت بزعجك بس جدك ارسل يقول انزلو تحت ضروري والا بيطلع
فيصل لف :وش يبي
اديم:ما قال لي
فيصل زفر بضيق وهو يقول : خلصيني يلا البسي عبايتك
اديم لفت تلبس عبايتها وفيصل وقف وهو يلبس تيشرته اللي طايح بجنبه نزل وهو مثل ما تعودوا عليه اما اديم اللي كانت بجنبه كان نزولهم هادي بس بنفس الوقت ملفت اتجهوا للجد وسلموا عليه وبعدها جلسوا بنفس الكنبه
الجد : اول شي مرحبا فيك ي اديم في بيتك وبين اهلك
اديم : تسلم ي جدي
الجد :اسفين على الوضع اللي دخلتي عليه
اديم :عادي ي جدي انتم بعد اهلي
الجد : واما فيصل انا عتبان عليك مو معقوله توصل ولا تسلم
فيصل: اسف ي جدي ما انتبهت لك
الجد: مو مشكله لكن الحين وقبل كل شي هالشي اللي صار في ذا البيت ضروري يتعدل
فيصل كان بيتكلم بس رفع يده الجد :لا تقاطعني اتكلم اول انا وبعدين نشوف اول شي كلكم غلطانين كلكم بدون استثناء لكن مع ذلك الانسان يغلط ويسهى وينسى ابوك يمكن نسى او انشغل او حتى ارتاح شوي وهذا مو دليل اهماله كم سنه وهو مربيكم وشاد حيله معكم مافيها شي لو ارتخى شوي وانت يمكن معك حق لكن طريقتك غلط كان من المفترض انك تكلم ابوك لكن اللي صار صار وانتهى وهذا مو موضوعنا الحين
الموضوع ان كل اللي صار اليوم ما بينعاد فيصل تقوم تعتذر من ابوك وتحب راسه وكل منكم عارف غلطه وانت تدري انه من العقوق اللي انت تسويه وطلال من اليوم بينتبه لنفسه اما سهام لها احترامها ولكن هذا مايعني اللي صار يتكرر
ابو عادل وقف واتجه لفيصل اللي وقف بسرعه قبل يوصل ابوه حضنه ابوه وهو يقول : قد قلت لك حرصك على اخوانك يعجبني لكن مهما صار لا تنسى نفسك وتغلط
فيصل سكت وبعدها قال: اتمنى النصيحه شامله
ابو عادل ابتعد: لو ينقص شوي من لسانك الدنيا بخير
ابتسم فيصل وهمس :هذا الشبل من ذاك الاسد
ضحك الجد : تعال ي كثر حكيك تعال
اتجه فيصل لجده وهو يحضنه من جديد وقف الجد وهو يهمس :وسهام
فيصل لف بضيق :لا تكلمني عنها مالي شغل فيها
منى : ياليت يبه بعد تعطي درس لناس للي مو مقدرين صلة الرحم وبيقطعونها
فيصل : وياليت بعد تقول لهم ان فيه اشياء خاصه محد له شغل فيها
منى لفت وهي تناظره بغضب : فيصلوووه تأدب معي احسن لك انا مو سهام
فيصل : عشان اتأدب معك لا تتدخلين بخصوصيتي ي عميمه
ابو عادل: وش السالفه وش صاير
منى: ولدك المحترم مايبي اديم تنزل وسهام تحت
فيصل : محد له شغل
الجد :لا لنا شغل ي استاذ فيصل عيب عليك هالكلام
فيصل لف بضيق واديم ساكته وهنا انفلتت سهام: من انت عشان تمنعها تزورني
رفع فيصل يده : وخروها احسن لها ولكم
ابو عادل : سهام ادخلي جوا
اديم تدخلت بسرعه : عميمه انتي فهمتي غلط فيصل مو قصده كذا بس عشان التتش اللي صار
فيصل ناظر اديم بنظره فهمتها وتكلم جده :مهما كان مو من حقك
فيصل طنش وجلس وهو يحط رجل على رجل ابتسمت اديم وجلست هي بعد وهدوا الكل وجلسوا
لكن منى سحبت عبايتها وبتطلع وقف فيصل بسرعه وهو يلحقها مسكها وهي مبتسم :وين ؟
منى: اقول انقلع عني احسن لك
فيصل ضحك وهو يبوس راسها وكتفها : افا بس هذا لفيصل
منى دفته :وبلعنته فيصل قليل الادب
وبعد محاولات ارضاء من فيصل رضت منى بعد ما ضربته على الخفيف رجع فيصل وهو حاضنها وجلس وهو يجلسها بجنبه
ابو عادل: ههههه لو واحد غيره سنين ما رضيتي
منى: وش اسوي قليل ادب
عادل من بعيد : هو اصلا فيه احد يقدر عليه
اديم ابتسمت وهي تناظره وبخاطرها تقول ( اي والله من يقدر عليه )
وبحمدالله انتهت المشكله اللي بدت وقدروا العايله يتفادونها ورجعت الضحكه تعبي المكان وطبعا برئاسة فيصل ..

المواضيع المتشابهه لموضوع: عيونك شوكة في القلب توجعني و عبرها للكاتبة ديم الراشد مكتملة لموضوع: عيونك شوكة في القلب توجعني و عبرها للكاتبة ديم الراشد مكتملة
الموضوع	كاتب الموضوع	المنتدى	مشاركات	آخر مشاركة
حروفك سرقتني من بين الحضور اهيم بك دهرا ولا اكتفي للكاتبة ثرثره صامته مكتملة	همسه الشوق	همس للقصص وحكايات وروايات	42	11 - 7 - 2024 07:31 AM
عزاي إنك رجاي العذب لو كل الدروب عثور للكاتبة اديم الراشد	همسه الشوق	همس للقصص وحكايات وروايات	85	19 - 2 - 2022 08:50 PM
وظائف بشركة الراشد عبد الرحمن الراشد إدارية لحملة الدبلوم و فوق بعسير	همسه الشوق	همس للوظائف في جميع القطاعات	2	20 - 10 - 2021 05:06 PM
ياشجون القلب لو تدري بإن قلبي يعشق عيونك	حنين الأشواق	همس الشعر والقوافي	4	30 - 9 - 2021 03:25 AM
روايه خاني وذليته للكاتبة مشاعل الراشد	جروح الم	همس للقصص وحكايات وروايات	65	8 - 6 - 2018 01:24 PM

الذين يشاهدون محتوى الموضوع الآن : 3 ( الأعضاء 0 والزوار 3)

الأعضاء الذين قاموا بتقييم هذا الموضوع : 0
لم يقوم أحد بتقييم هذا الموضوع

عيونك شوكة في القلب توجعني و عبرها للكاتبة ديم الراشد مكتملة

همس للقصص وحكايات وروايات