عيونك شوكة في القلب توجعني و عبرها للكاتبة ديم الراشد مكتملة

17 - 1 - 2022, 07:27 PM

..... 145 .....

ابو مشاري : سهااام الظاهر انك ما تبتي من تجربتك الاولى وبتعيدينها مع ابو عادل
سهام: افااا ي اخوي افا الحين الغلط علي الحين كل اللي قلته ومازلت تشوفوني الغلطانه
ابو مشاري : ي بنت الحلال انتي شايفه حالة الرجال فيصل مريض وفاقد ذاكرته وغير هذا كله شايفه كيف راسه ملفوف الجني وهو الجني مايقدر يتحرك وهو هذا حاله سهام تعوذي من ابليس ولا تضيعين ابو عادل تراه رجال وبيصونك بتزعلين لانه قال ليش ماسويتي غداء وتبين تزاعقين على عياله ويسكت والله والله والله لو سكت لك ماهو رجال
سهام: يعني استغنيت عني ي اخوي
مشاري:حنا ماستغنينا عنك لكن نبين لك غلطك ابو عادل وانتي تعرفين زين انه رجال ولا عليه قصور لو هو زوجك الاول رجعك لنا مكسره
ام مشاري : سهام تعوذي من ابليس ولا تجلسين للولد حرام عليك
اديم كانت ملتزمه الصمت لانها ماتقدر تدافع عن اي واحد فيهم
ابو مشاري : اجلسي هنا يومين يضيع فيها الزعل والعتب وانا متاكد ان ابو عادل بيجي ويحل الموضوع مروى اديم خذوها لغرفتها
سهام كانت مقهوره من ردة فعل اهلها ولفت وقالت :ما يحتاج احد يجي معي انا اروح لحالي
زفرت اديم براحه ( الحمدلله والله مالي خلق ادافع عن الاثنين )
ابو مشاري جلس بعد ما راحت سهام :لا حول ولا قوة الا بالله مدري وش اسوي فيها كل واحد تتزوجه تطلع من عنده بعذر ماهو مقبول وين اوديها انا
مشاري:اتركها يبه خلها تهداء واكيد بتدري انها غلطانه وترجع
رويده:الله يهديها بس
مشاري:يلا يلا ي عيال انا بروح بيتي مالي خلق مشاكل جديده مصعب يوسف يلا
مصعب : لا ي بابا بنجلس هنا
مشاري :يلا بس
اخذ مشاري عياله وراح بيته واديم اللي طلعت لغرفتها وراحت لجوالها لكن ماشافت فيصل رد رجعت شعرها لورى وهي تقول (الله يسامحك ي فيصل شوف كيف حطيتني بين نارين ) ... نزلت سنابه وعلقت عليها ( لـذة الحب دايم في العذاب ‏والفعل تتبعه ، ردة فعـل ! ‏يا حلات اللقا عقب الغياب ‏ويا حلات الرضّا ، عقب الزعل .) تركت الجوال وهي تفكر في الايام الجايه والمصير الجاي لسهام مع ابو عادل ما اخفيكم انها كان ودها سهام تتطلق لانها مستحييل تتعايش وترتاح مع فيصل
ظيمنعظيمنع
ظيمنع
اما في بيت ابو عادل اللي وقفوا السماعه على صوت الباب وراح عادل يفتح طبعا فيصل اللي جلس بحجة التعب وهو كذاب فتح عادل الباب لكنه ما استانس على اللي شافه وكانت خالتهم :سلام عليكم
فيصل لف بسرعه بحماس الدنيا لكنه تراجع وانسدح عشان يضبط الشغل
عادل:اهلين وعليكم السلام ي خاله تفضلي تفضلي
ام رامي : كيفك كيف اخوانك
نواف بهمس :يووووه جات هاذي بتنكد علينا
فيصل :اص وجع
توهم سكتوا الا صرخت ام رامي وركضت لفيصل اللي جحدها وابتعد
ام رامي: فيصل ي حبيبي وش صاير لك بسم لله عليك اكيد انها السعلوه اللي جوا وينها وينها
عادل مسكها:ي خاله تعوذي من ابليس مافيه احد جوا اجلسي
ام رامي : وشلوووون وشلوووون يصير فيه كذا وانتم ساكتين ولا قلتوا لي
عادل ابتلش فيها وحكى لها كل السالفه وزاد الطين بله وقامت ام رامي تتحلف الا تروح تاخذ حق فيصل من منى فيصل كان يراقب ويضحك بنفسه وعادل ونواف ابتلشو في خالتهم
عادل : ي خاله بالغلط بالغلط
ام رامي:غلط ايش ي روح امك لا ماهو غلط انا مستعده احلف انها متعمده
عادل : ي خاله والله غلطانه والله
كان عادل في مشاده قويه مع خالته ويحاول يمنعها تروح وفيصل مبسوط ويناظر لكن اللي ماجاء على بالهم جية منى اللي فتحت الباب ومعاها الشغاله
وغداء لفت ام رامي وهي تنزل عبايتها وترميها:جيتي عساك للكسر من راسك لرجولك ياللي ما تخافين الله جيتي
فيصل وقف برعب من اللي بيصير ونواف وعادل
منى:انتي وش جابك ي الحيه وش جابك ويلا اهو اطلعي من بيت اخوي الحين
ام رامي راحت مسرعه لها وركضوا العيال وراها وابتدت هوشه عريضه طويله واللي يعيق منى رجلها المكسوره وسط المعمعه والعيال يحاولون يبعدون خالتهم الا انها منى وفعت عكازتها عشان تضرب ام رامي لكن من سوء الحظ ان فيصل بالنص وصرخ من قوة الضربه وطاااااااح وابتداء جرحه ينزف من جديد
وقفوا الكل شويه من الصدمه ولكن رجعوا يصرخون من جديد ويحاولون يصحون فيصل اللي اغمى عليه ومافيه فايده وبسرعه نقلوه للمستشفى ظيمنعظيمنع

17 - 1 - 2022, 07:29 PM

.... 146 .....

اما ابو عادل اللي كان في مجلس ابو مشاري وهو جالس بهدوء وابو مشاري تكلم وهو يقول : ي ابو مشاري وانت ادرى بالحال انا مالي بهالدنيا الا عيالي ولا ودي انهم يضيقون ويزعلون وكنت حريص اني ما اخلي بين فيصل وسهام احتكاك سلبي طالما ما نهم متفقين وصار فيصل طول الوقت برا ولا يرجع الا بوقت نادر وكان اي شي يصير اوقف مع سهام لاني ادري فيصل ممكن يغلط اذا كره احد لكن اتهامها له اليوم وانت شايف حالته ابدا ابدا ما تقبلته اذا اخوانه وهم اخوانه ماعرفهم وشلون بيعرف سهام ويدخل لها الثعبان صح انه ممكن يسوي اشياء كثير الا انه يسوي مثل هالشي انا مابي يابو مشاري اخسرك لمثل هالاسباب ولا ابي اخسر عيالي وسهام
ابو مشاري نزل راسه بضيق:والله ي ابو عادل مدري وش اقولك سهام حساسه وإذا اخذت موقف خلاص تتشبث فيه وتنسى كل شي عشان كذا هي اتهمت فيصل وانا والله ماسكت ومشاري بعد لكن انا اقولك اتركها يومين تروق وتهدا وترجع ان شاء الله
ابو عادل :انا بعد قلت كذا منها يصتصح فيصل شوي ومنها تهداء الاوضاع و...
انقطع كلامه بأتصال عادل رد :هلا عادل فيكم شي
عادل بصوت مختبص : يبه وينك
ابو عادل وقف ووقف معاه ابو مشاري: وش فيكم فيصل فيه شي
عادل : يبه خالتي جات وعرفت السالفه وجات عمتي بعد وتهاوشوا كالعاده ولما حاولنا تفرقهم بالغلط انخبط فيصل على راسه وانفتح جرحه واغمى عليه هذا حنا بالمستشفى
ابو عادل:ايييييش متى هالكلام
عادل:توه من شوي يبه تعال بسرعه اخاف يصير له شي
ابو عادل :يلا يلا انا جاي خلك مع اخوك
عادل: طيب
طلع ابو عادل وابو مشاري معاه وكان يحكي له اللي صار وصلو المستشفى وشافوا عادل واقف بالطوارىء ومعاه نواف وحرمه
ابو عادل :عادل وش صار
عادل : باقي عساف عنده
ابو عادل:عساف وش جابه
عادل :دوامه
ابو عادل لف يناظر ام رامي اللي متكتفه وتهز رجولها :انتم مالكم نيه تعقلون لين تذبحون الولد
ام رامي :هيه اسمعني عاد احنا بمكان عام لا تخليني اغلط عليك خلني محترمتك وفيصل ماله قعده عندكم انتم بتذبحونه
ابو عادل :بس عاد بس ذبحتينا اسمعيني عاد كلام يوصلك ويتعداك ان عاد تكررت هالحركات في بيتي والله لشرشحك والله
عادل مسك خالته اللي كانت بتفضحهم بالمستشفى وطلعها تهدي شوي ورجع لابوه:خلاص تكفى خلاص قسم صرت استغرب اذا ما تهاوشتوا
ابو مشاري:لا حول ولا قوة الا بالله
ظيمنعظيمنع
ظيمنع
عند فيصل اللي كان يوجعه راسه حيل حيل فتح عيونه وهو يتلفت وشاف عساف واقف نادى بتعب :عساف
عساف:فيصل بسم لله عليك انت بخير
فيصل مسك راسه :عساف وش صار
عساف: ليه انتم وش شغلكم ي ذا العايله بس تكفخون ببعض
فيصل: مو وقتك
عساف:يوم كنتوا تفرقون بين عمتك وخالتك انصبت بالغلط وطحت عليهم وجابوك
فيصل ابتسم:عسافوه سهام طست لبيت اهلها
عساف تنح :هاه وش قلت
ضحك فيصل:ايه راحت عساها ما ترجع وصارت سوالف سوالف
عساف: فيصل شكلك زدت انهبلت اسكت اسكت لما تتشافى
فيصل:اسمع قولهم اني رجعت لي الذاكره هالضربه جت بوقتها
عساف: ههههه والله انك كلب يلا يلا خلك من سهام وريح شوي
فيصل لف وهو مبتسم بهدوء ويحس انه مرتاح طالما ان سهام مو موجوده
ظيمنعظيمنع
ظيمنع
برا فالانتظار طلع لهم عساف اللي مستغرب من فيصل وحركاته رغم انه اقرب واحد بس احيان يحس ان فيصل في راسه مصيبه مو طبيعيه : ي جماعه سلام عليكم
الكل:وعليكم السلام
عساف :قبل اي شي احب اطمنكم على فيصل هو بخير الحمدلله ورجعت له بعد الذاكره لكن قدام اي شي الراحه مسألة انه في ظرف يومين يطيح على راسه وينفتح مرتين هاذي مره خطير
عادل : زين ي عساف هو صحى
عساف : ايه صحى تقدرون تدخلون له
تقدموا كلهم واولهم بدون منازع ام رامي اللي اسرعت تضم فيصل اللي كان مستعد انه يضم اي احد المهم انه فرحان
ام رامي : سلامتك ي حبيبي سلامتك حسبي الله عليها كله منها كله منها عساها الشلل ي رب
عادل : الحمد لله ع سلامه فيصل
ابو عادل قرب وهو يبوس جبينه: ماتشوف شر يبه
فيصل : مايجيكم
عادل حب يتاكد وقال: فيصل عرفتنا
فيصل ابتسم بهدوء : وش دعوه ي عوديل كلها ضربه خفيفه
الكل ارتاح وابتسموا ام رامي: شوف ي فيصل بتطلع معاي لبيتي لما تتشافى
عادل: ليه ان شاء الله
ام رامي ؛ انتم ما ينترك عندكم القطو وهو القطو تبون اترك لكم فيصل تذبحونه حشى والله يروح معي ويجلس عندي ..

17 - 1 - 2022, 07:29 PM

..... 147 .....

ابو عادل: ام رامي اتركي لك عندنا قدر واطلعي من الموضوع ولا تخلين العداوه بينا
ام رامي : مالي شغل فيكم انتم اللي بديتوا العداوه
فيصل تكلم بهدوء : ي خاله ماله داعي اروح معاك انا بخير
ام رامي : لا ي حبيبي بتروح انت تعبان وتحتاج رعايه
فيصل : دخيلك ي خاله مالي خلق ومايحتاج كل هذا انت بخير وانتي تعالي كل فتره
كانت ام رامي بتصر عليه بس انهى فيصل النقاش بقول: تكفون لا تضغطون علي
ابو عادل :خلاص ارتاح انت ارتاح
فيصل : بطلع البيت
عادل : طيب بس يخلص السيروم
فيصل لف وشاف نواف اللي واقف والرعب بعيونه سحبه لحضنه وهو يمسح دموعه : نواف خلااص عاد مو قلنا ما تبكي
نواف : اي بس خفت عليك
ابتسم فيصل وهو يرجع يحضنه لكن ترك نواف اول ماسمع صوت ابو مشاري
لف بسرعه ابو مشاري :بسم الله عليك سلامات ي فيصل
فيصل ( وهم و وجع ان شاءالله انا ما اخلص من اختك الا تجي انت) :الله يسلمك
ابو مشاري : اجر وعافيه ان شاء لله
فيصل:يعطيك العافيه
وقف الكلام على هالنقطه وطلع ابو مشاري بعد ما تطمن على فيصل واتجه لبيته
اما البقيه انتظروا فيصل ينتهي من السيروم واخذوه وطلعوا و ام رامي معاهم وبس تتهاوش هي وابو عادل وفيصل اللي بس يضحك عليهم
ظيمنعظيمنع
ظيمنع
في بيت ابو مشاري رجع ابو مشاري وهو مستانس ان فيصل رجعت له الذاكره لكن متضايق من سهام ولا وده علاقته بأبو عادل تخرب قابلته اديم وهي بيدها عصير :اهلين يبه
ابو مشاري : هلا فيك ي روح ابوك تعالي تعالي عندي لك بشاره
اديم:وشو يبه
ابو مشاري :توني جيت من المستشفى من عند فيصل والحمدلله رجعت له الذاكره
اديم شهقت :جد يبه
ابو مشاري ضحك: ايه يبه طاح على راسه ورجعت
اديم فرحت عشان محد يحس ان فيصل يكذب وعرفت ان كل هالاشياء عشان يطلع سهام وقدر يطلعها تركت ابوها وركضت فوق قابلتها امها :اديم وش فيه
ضحكت اديم : فيصل رجعت له الذاكره
ام مشاري : الحمدلله حمدلله
لفت اديم وشافت سهام واقفه ومتكتفه سكتت ولفت وهي ما تبي تناقشها دخلت غرفتها وركضت لجوالها الاحتياطي وارسلت لفيصل (فيصل وينك وش صار عليك )
اما سهام اللي نزلت بعصبيه ومسكها ابو مشاري :سهام تعالي اجلسي واسمعيني
سهام: وش اسمع ي اخوي وش اسمع
ابو مشاري سحبها تجلس وقال: ابو عادل كان عندي وقالي كل شي صاار وقال بعد انه مايبي يخسرك لكن في كل حياته خطوط حمرا محد يقدر يتعداها والرجال يقول البيت بيتك ومتى ما تحبين ترجعين لكن بأحترام عياله وهو وعدني بعد انه يبعد فيصل قد مايقدر وانا قلت اتركها عندي يومين لين تهدا وابيك تفكرين وتعرفين ان ابو عادل رجال ماعليه عيب ولو هو واحد غيره كان رجعك مكسره
سهام : اللي يسمعك يقول انا الغلطانه
ابو مشاري:غلطانه ي سهام غلطانه فيصل تعبان واتهامك له باطل من اساسه ي سهام فكري بعقلك زين عشان نصدقك تجنبي فيصل وكلها شهر وينشغل مع زوجته وحياته ويتركك انتي بس تجنبيه مابيك تردين ابيك تفكرين وتذكري انك لو تطلقتي هالمره ما بتكون سهله وخصوصا عند ابو نوره اللي بيوريك الويل ويدور الزله وانا ماني دايم لك
طلع ابو مشاري وتركها بمكانها خافت سهام فعلا ومن الجاي وخصوصا ابو نوره اللي يبيها بس تطيح بيده هو وزوجته مر عليها هاجس لو صار في ابو مشاري شي وش بيصير هي فيها غمضت عيونها وهي تقول ( اتحمل فيصل اللي كلها فتره ويهجد ولا اتحمل الزفت ابو نوره) وقفت بضيق واتجهت لغرفتها
ظيمنع
ظيمنع
عند فيصل اللي كان منسدح بالنص والكل حوله تذكر حنين ( يوه نسيت ما ارد عليها ) وقف بيطلع
ابو عادل: وين رايح
فيصل : بروح لغرفتي انام شوي
الجد:نام هنا
فيصل: لا ما احب الازعاج بطلع فوق
عادل: انتظر اجي معك
فيصل:لا لا انا اروح لحالي
طلع فيصل لغرفته ومن بعده الكل راح لبيته دخل وبسرعه لجواله شاف اكثر من رساله لحنين دخل وهو يقول ( اوووه اوووه اوووه ماتدرين وش صار معي انا اليوم بالذات اسعد انسان )
اديم دخلت بسرعه( وشو وش صار )
فيصل ابتداء يسجل وهو فرحان فرح الدنيا وحماسه واضح بصوته اديم فرحت وضحكت من صوته وهو يكلمها كيف طلعت سهام وكيف جات الضربه من صالحه ( ههههه ي ويلي عليك ي فيصل كل هاذي فرحه وبعدين وش عرفك لو ترجع)
فيصل ( انا ادري انها بترجع لكنها اذا طلعت من بيتها مره بتطلع مره ثانيه وغير كذا سهام انسانه تستفز بسرعه يعني لو ازيد شوي ممكن تنهبل )

17 - 1 - 2022, 07:30 PM

....148 .....

اديم : ااخ ي ربي مع مين اوقف انا مع مين ( عاد انت خف لا تحط كل حيلك على المسكينه حرام والله ي فيصل)
فيصل( ي حبي لك ي الحنونه بس هالحنيه خليها محصوره علي يعني سهام وغيرها برا الموضوع)
ضحكت اديم ( يالله تحب تقلب الامور لصالحك المهم ما تخسر)
فيصل(ههههه والله انا انسان نوعا ما اناني اذا حبيت الشغله احصرها لي)
اديم ( حلوه انانيتك لو تكون بدون ذنوب )
فيصل (ماعندي تعليق)
اديم ( هههههه لا تعلق بس ابي اطلبك شغله )
فيصل ( تم من قبل تقولين)
ضحكت اديم( ما تخاف يكون صعب )
فيصل ( مافيه شي صعب ولا مستحيل كل شي لعيونك مقدور عليه)
تنهدت اديم بفرح : ياليتك بالحقيقه ي فيصل كذا كان بنكون بخير (بعد عمري والله زين ابقولك دايما سولف بصوتك لا تكتب مهما كانت السالفه لو هي بس كلمه )
فيصل اللي اصلا كان يسجل من البدايه ( من عيوني في شي غيره)
اديم( هههههه واذا كان فيديوا بعد احسن )
فيصل( بيجي يوم بيصير هالطلب بين يديك ومباشر )
اديم دق قلبها بقوه من قصده ولا ردت تركت الجوال وهي تناظر الدبله:قريب ي فيصل قريب كثير وانت مو داري ان هاليوم بعد شهر
نزلت راسها بضيق على هالكذب اللي تكذبه وتدري ان عاقبته وخيمه جدا
نزلت سنابه علقت عليها ( اخاف يجي اليوم اللي اقول فيه "كنا حبايب " )
استغرب فيصل سنابتها وارسل لها ( ليش تقولين كذا )
اديم ( لاني خايفه ي فيصل من هالشي)
فيصل ( حنين صاحيه انتي بأذن الله ما يفرقنا شي وبتشوفين)
تنهدت اديم ( ان شاء الله ان شاء لله)
حس فيصل فيه شي بالموضوع بس خاف انه ينبش ويخسرها وهي الوحيده اللي فعلا سكنت قلبه ترك الجوال بهدوء وانسدح وتلحف وقلبه يدق بغرابة
هو بعد خاف عمره ما فكر باليوم اللي يفقد فيه حنين شد على نفسه لما تخيل انه ممكن يكمل بدونها ما تقبل الفكره خصوصا انه تعود عليها ودخلت قلبه بشكل كبير غمض عيونه وهو يبعد هالفكره من راسه لانه لو بيفكر بيتعب كان يتقلب كأنه على جمر وكأنه خايف يرجع يفقد ويتعب وهو اللي ماطاب جرحه من فقد امه
ظيمنعظيمنع
ظيمنع
مرت الايام و الكل فيها كان شبه هادي والاوضاع هاديه رجعت سهام البيت واعتذرت لابو عادل وقرروا يبدأون من جديد والكل كمل في حياته وهم يجهزون لزواج فيصل اللي مسوي ضجه والكل متحمس الا فيصل فيصل كان راكد ومخلي الامور تمشي بهدوء لانه ماله خلق يدخل في نزاعات معاهم وكان مشغول يجهز لزواجه اللي تحدد وكان فاقد الحماس تماما
عادل اللي كان طاير من الفرحه على التقدم اللي صاير لريمان واللي صارت هاديه تماما معاه
اما ريمان اللي ارتاحت لوجود عادل معاها وخايفه انها بأسلوبها تفقد عادل وتحاول تراضيه بكل الحلول
اما اديم اللي كانت متعايشه مع وضعها سوا كانت حنين او اديم نفسها وابتدت تجهز لزواجها اللي تنتظره بفارغ الصبر
عساف اللي كان يحاول يكلم رائد في موضوع نسرين لكنه متردد شوي وخايف يتورط وبنفس الوقت مشغول مع فيصل اللي يحسه متوتر طول الفتره اللي مرت
اما نسرين اللي كانت هاديه هدوء غريب والكل ملاحظ هالشي لكن محد علق نهائيا
رائد اللي كان يحس ان فيصل فيه شي غريب بزواجه لكن ما حب انه يضايقه ويسأله طالما هو ما تكلم معاه ومن جهه ثانيه كان فرحان بتغير ريمان الواضح ومتطمن لها مع عادل
ام رامي اللي من عرفت ان فيصل حدد زواجه وهي كل يوم هي ووسن في بيت ابو عادل لدرجة ان الكل صار يتضايق حتى فيصل
اما منى اللي مقهوره من ام رامي ولا هي طايقتها وكل ما تتقابل معها يتهاوشون
ظيمنعظيمنع
ظيمنع
قبل الزواج بثلاثة ايام عند فيصل اللي كان بجناحه اللي قبال جناح عادل ومعاه العمال يشتغلون على اخر التجهيزات تنهد وهو يناظر البيت وكل مكان فيه جلس وهو يحط يده على وجهه ( يالله ي فيصل وين تصير هاذي زواجك بعد اسبوع وانت مهموم وضايق ولا في صدرك اي ذرة فرح ااااخ ي ربي متى بس ينتهي هالهم وتطس سهام وهالضيقه معها ) رفع راسه على دخلت عساف :فيصل هاه خلصت
فيصل وقف : خلاص باقي شوية تصليحات وينتهي الموضوع
عساف: زين يلا يلا اترك اللي بيدك وتعال عازمك على الغداء
فيصل : مالي خلق والله
عساف: قوم بس ترا بالقوه مريت من بين الناس عشان اوصلك قوم فز خلنا نروق ونفسيتك هاذي فكنا منها بنستانس قبل تودع العزوبيه
فيصل : عسافوه تتوقع اني تورطت

17 - 1 - 2022, 07:31 PM

.... 149 ....

عساف كان متوقع مثل هالشي : فيصل وش هالكلام مو انت اللي تتراجع وتخاف ي فيصل خلاص انتهى الموضوع وزواجك قريب انسى كل هالافكار وكمل اللي بديته هانت خلاص كلها فتره وتخلص من هذا كله
فيصل :اوووووف يا ربي اووف
عساف : يلا يلا تعال
فيصل: زين انتظر باخذ اغراضي
اخذ فيصل اغراضه ونزل مع عساف وهو مابين التردد والاصرار
ظيمنعظيمنع
ظيمنع
اما اديم اللي كانت جالسه بغرفتها وهي خاضعه لجلسة تنظيف بشره لفت تناظر بأغراضها المرتبه بالغرفه تنهدت وابتسمت لما تذكرت انها بعد ايام بتجتمع في فيصل اللي ملك كل احاسيسها تذكرت انها ماكلمته اليوم اصلا طول هالفتره وهم منشغلين عن بعض فكرت انها تقوله انها حنين بس خافت وقررت تبدا شوي شوي وطالما انه مابلغها عن زواجه بتبدا عن موضوع زواجه يإنها تقوله انها حنين او انها تتركه
دخلت السناب وارسلت له ( سلام كيفك ..اتوقع انك مره مبسوط ..تدري عاد حبيت ابارك لك ..مبروك والله يتمم زواجك على خير ويستر عليك )
نزلت جوالها ولفت تناظر امها ومروى اللي دخلوا ومعاهم بعض الاغراض اللي وصلت من شوي
ام مشاري : اديم يمه هاذي باقي اغراضك
مروى:وهاذي الملابس اللي بالمغسله
اديم : يعطيك العافيه حبيبي
مروى: يعافيك تبين اي شي قبل اروح
اديم :لا خلاص كذا خلصت بس بعد المغرب ارجعي لي عشان نرتب الاغراض
ام مشاري : زين انا بطلع انا وسهام محتاجه اي شي ثاني
اديم : لا خلاص يعطيكم العافيه
لفت اديم بتكلم العامله بس وقفها صراخ تحت فزت وركضت بخوف وصلت لنص الصاله وهي مصدومه لكن بعد صمت عشر دقايق صرخت هي الثانيه لما شافت اختها امل ركضت وهي تحضنها وتبكي بفرح لانهم من زمان ما شافوها الكل كان مبسوط بجيتها وخصوصا اديم
امل :وحشتيني ليش ما تكلميني
اديم : وانتي بعد وحشتيني مره وانا اسفه والله مره انشغلت وكل شي جاء على بعض
امل :مبروك حبيبتي الله يتمم لك
اديم رجعت تحضنها بفرح :يبارك فيك ي ربي يالله قد ايش وحشتيني
مروى ضمتهم مع بعض: والله حتى انا
ام مشاري : واناا بعد فضى علي البيت بعدك ي امل
ابتسمت امل وراحت تضم امها وبعد شوي جاء مشاري ورويده وابو مشاري طبعا الكل كان فرحان فيها ومبسوطين بجيتها
ظيمنعظيمنع
ظيمنع
عند فيصل اللي كان جالس مع عساف اللي يسولف ويتكلم عن تخطيطه ومايدري كيف يكلم رائد كل فيصل من ذا الموضوع وسحب جواله شاف رسالة حنين وتجمد ما كان يبيها تعرف ابدا ابدا وقف بذهول من كلامها
عساف:فيصل وش فيك
فيصل طنشه وهو يكتب ( حنين وش الله يتمم عليك وش الله يستر عليك اسمعي قبل تاخذين موقف )
عساف : فيصل اتكلم انا وش بك انقلب وجهك
فيصل ما رد وهو يكتب ويرسل اي حكي عشان ترد عليه بسرعه لكن ما وصلت طلع من السناب وراح للواتس وارسل وطول وهو يرسل وماترد عليه في الاخير اتصل وهو يدور بمكانه وعساف مفجوع مايدري وش صاير معاه ما ردت اديم ومر على فيصل خيال انه ممكن يكون اخر شي بينهم وحنين تنتهي اول مره يخاف من انه يفارق بنت واول مره يدق قلبه بخوف وتتغير ملامحه الحين بس عرف وش معنى كلمة الله يستر عليك اللي كان يقولها للبنات بدم بارد ولا يعرف وش مفعولها ما تحمل هالخيال وجلس وهو يمسح جبينه بخوف
عساف :فيصل ي رجل تكلم فيصل :حنين
عساف :وش فيها
فيصل : عرفت بزواجي
عساف انصدم :لا لا مستحيل تكون عاقل فيصل اصحى لنفسك واذا يعني عرفت بلعنتها لا تقولي بس انك ضايق كل هالضيق عشانها
فيصل كان جالس ويناظر عساف بطرف عيينه : ايه عشانها ولو اقلب الدنيا بعد عشانها
عساف : فيصل لا تنجن واعقل اي دفاع هذا هالزفت واضح انها تلعب عليك وانت مثل هالبهايم منقاد وراها فيصل فكر بعقلك شوي مو انت اللي ينضحك عليك وين ايام ما كنت تصدق حلوف وايمان وهاذي بشهرين لعبت بعقلك
فيصل ضرب بيده على الطاوله وهو يهمس : ايه تلعب علي وايه بشهرين ضبطتي وايه انا منقاد وراها وايه انا اللي ينضحك علي وايه لكل شي قلته وتدري ليش ايه لاني حبيت حبيت ي عساف حبيت وهذا شي كبير على انك تفهمه
عساف بنفس النبره: حب ايش قولي حب ايش بشهرين فيصل لا تستهبل محد يحب احد في شهرين او ثلاث وانت ما كأن انخلق غيرها وش يعني اذا عرفت بزواجك خلها تعرف وتنقلع واحنا ي دوب في مشكله بنصير في اثنين

17 - 1 - 2022, 07:31 PM

...... 150.......

فيصل : هالحب اللي بشهرين او ثلاث لقيت فيه روحي تعرف وش يعني روحي اشياء كثير فقدتها من زمان زمان كثير ي عساف من اليوم اللي حطيت فيه امي بالقبر وانا فاقدها وبهالشهور رجعت لي وحده وحده حتى لو تلعب علي انا ما العب انا مستعد اسامحها مره ومرتين وثلاث وعشر المهم اعيش مرتاح
المهم احصل احد يفهمني وقادر انه بكلمه يضيع كل همومي انا مابي اخسرها مابيها تروح مهما كان السبب والعائق وزواجي اكبر سبب لبعدها
عساف هجد بعد هالكلام وبعدها قال: لا تقول لي ناوي تتزوجها
فيصل :ان شاء الله
عساف وقف بغضب : والله والله والله ليجي اليوم اللي تعض اصابعك ندم على ذا الشي وقول عساف ما قال
طلع عساف وترك فيصل وراه وهو معصب من فيصل ومن تهور فيصل وضروري يوقفه قبل لا يسوي شي يندم عليه
اما فيصل اللي رجع يدق ويدق وتوتر من عدم ردها عليه
ظيمنعظيمنع
ظيمنع
عند عادل اللي كان بقمة وناسته وهو متجه لبيت عمه اللي اول مره يروح له مبسوط ناظر الهديه اللي بيده وابتسم بهدوء دق الجرس وكانت الصدمه الحلوه له ان ريمان هي اللي استقبلته وبشكل جدا فاتن وجميل طاحت الهديه من يده لا شعوريا وغمض بقوه اول ماسمع صوت التكسير فتح عيونه بشويش وهو عاض على شفته بقهر ريمان ضحكت على شكله اللي باين انه متنح لاخر درجه ومستغرب
نزلت واخذت الهديه وهي تقول : انكسر الشر تفضل
عادل اللي وقتها كان نفسه يطير من الفرح اخذ الهديه من يدها وهو منحرج انها انكسرت :اسف ماحسيت فيها لما طاحت لكن ابشري بالعوض
ريمان اللي تبادله نفس شعور الفرحه : ما يحتاج انت ما تقصر
دخل عادل وهو متشقق فرح اتجه للمجلس بكل وناسه لكن شاف قباله رائد ومحمد ( يوه انا ما تكمل فرحتي يعني )
رائد اللي وقف واتجه لعادل وهو يسلم عليه بحراره غريبه وحضنه وهو يقول :هذا هو العشم فيك ي عادل الله يسعدك على اللي سويته ويفتح لك ابواب السعاده
فهم عادل انه يقصد بكلامه تغير ريمان الواضح شد عليه وهو يقول : ماسوينا شي لا تقول كذا
محمد قرب وهو يقول ببجاحه: تفضل ي بطل الزمان اخيرا لقينا احد يصلح الباب المنعوج ( وكان قصده ريمان) عساك لا تعبت
عادل رفع حواجبه بضيق من كلام محمد : اذا فيه باب منعوج وماتصلح فهو معروف
محمد :وش قصدك
عادل : قصدي انت فاهمه زين وعيب عليك اللي تقوله
محمد : عيب ايش ي حبيبي وهالحكي واضح وصريح مشكور صراحه اللي عدلت هالطوفه وقدرت تطلعها انسانه مع اني اشك انك قدرت وهذا شي مؤقت لمصلحه
عادل : ابلع لسانك وانقلع برا مثلك مستحيل يكون اخو
رائد خاف انهم يتهاوشون وسحب محمد وهو معصب من كلام محمد عن ريمان قبال عادل طلعوا ولف عادل لريمان لكن اللي خايف منه صار شافها واقفه مثل الجماد ودمعتها بعيونها متحجره وعروقها طلعت من القهر قرب يبي يفهمها انه ماهمه كلام محمد بس دفته ومسحت كل شي على وجهها من مكياج بطرف كمها وهي دموعها تنزل بدون اي صوت حاول عادل يوقفها بس انها رجعت تدفه وهي تقول بقهر: انا ماني طوفه ماني طوفه ماني طوفه
ركضت وهي تبكي بقهر وعادل واقف بصدمه ومايدري وش يسوي اسرع وراها بيطلع بس تذكر البيت فيه حريم طلع يدور لمحمد وهو ناوي يذبحه شاف رائد واقف وصراخه معبي المكان ويتهاوش مع محمد ركض وهو يسحب محمد من يده و وجه له ضربه عنيفه على وجهه بقهر طلع فيها كل شي بقلبه على محمد وبنفس التوقيت طلع الجد ومنى وسعيد يركضون على صوتهم وبالقوه بعدوهم عن بعض
الجد : انهبلتوا انتم انهبلتوووو عيال عم ومشاكلكم واصله اخر الدنيا وانت س استاذ رائد تضرب اخوك صاحي انت
رائد:اخوي ما اكرم نفسه ويستاهل اللي يصير فيه
محمد :اقول انكتم مشيت مع هالناقصين وصرت مثلهم ..

#يـــــتـــــــبــــــــــع...

17 - 1 - 2022, 07:32 PM

.... 151 .....

عادل : انت الناقص ي ابن ال استغفر الله العظيم اسمعني زين ي محمد كلام يوصلك ويوصل اكبر راس في ذا العايله ريمان مالك شغل فيها طالما هي على ذمتي فاهمني ولا تتعرض لها حتى بالسلام
محمد : ههههههه ضحكتني تراك مصدق نفسك حيل حيل هاذي اختي واسوي اللي ابي وانت مالك شغل
منى: بس انت وياه بس رجال كل واحد يوقف على زنده التيس ويتهاوشون
الجد : عادل وش الموضوع
عادل انحرج انه يقول محمد يقول عن ريمان هالكلام وانسحب وهو معصب وكان نفسه يروح لريمان رجع لبيت عمه وهو يدق الباب فتحت ام محمد بخوف : عادل يمه وش صار لكم وش فيها ريمان
عادل وهو يمسح جبينه: خاله خذي لي طريق ابي اشوف ريمان
ام محمد : طيب قولي وش صار
عادل : ممكن تاخذين لي طريق اذا جاء رائد كلميه
ام محمد ما كان بيدها الا انها تبعد وتاخذ له طريق طلع عادل بخطوات مسرعه وصل لغرفة ريمان دق الباب وسمعها تقول بصوت باقي : اتركوني بحالي
تنهد عادل وفتح الباب وشافها جالسه ودموعها مغطيه وجهها رفعت راسها بقوه اول ما حست فيه كانت مصدومه من كلام اخوها عنها قباله وهي اللي كشخت وتسنعت في النهايه تحصل مثل هالرد دخل وسكر الباب وتقدم بهدوء وهو مايدري وش يقول بس اللي يعرفه انه مايبيها تتضايق ابدا كره محمد بشكل مو طبيعي وتمنى لو يذبحه :ريمان اسمعيني لا تهتمين ابد لكلام الزفت محمد انتي مو مثل ما قال ابدا وتأكدي انك في عيني اكبر من كذا بكثير وان كنتي تبين تتغيرين هذا عشان نفسك قبل اي شي لا يهمك محمد واهل محمد
ماكانت ريمان ترد سوى انها تبكي ما اهتمت لضعفها قبال عادل ابدا لانها تدري انه الوحيد اللي مستحيل يتشمت فيها او يكسرها
بتردد قرب عادل وهو ضايق على دموعها وخايف من ردة فعلها سحبها بهدوء وهو يحضنها ما كان لريمان اي ردة فعل الا انها زاد بكاها وهي تشد على عادل اللي تقطع قلبه عليها بعد فتره حسها عادل تعبت ابتعد شوي : ريمان حبيبي خلاص هدي وخلي ثقتك فوق الكل وسوي اللي تبين ولا تهتمين لاحد لا انا ولا اي احد سامعتني قومي غسلي وتعوذي من ابليس وريحي شوي واذا صحيتي كلميني طيب
ريمان ابتعدت وهي صاده ومحروجه بنفس الوقت من عادل وهزت راسها بطيب
وقف عادل بيطلع لكن وقف عند الباب وهو يقول : ولا تنسين عادل معك بكل حالات ومهما كنتي
طلع ونزل وهو منزل راسه ولا كان يدري ان فيه عيون ثانيه تراقبه بكل شي وبأبسط حالاته
نسيرين اللي كانت واقفه وسامعه كل شي صار وكل شي انقال تمنت انها تكون بمكان ريمان وهاذي امنيتها الدائمه تنهدت بقوه وهي تمسح دمعتها ولفت ورجعت لمكانها اللي اعتادت عليه وهي ما تدري كيف ربي بيقويها وتتحمل فكرة زواج اختها من حبيبها
اما ريمان اللي تخبت بسريرها وهي تحس بحب وشكر لعادل وتمنت انها تروح معاه اليوم قبل بكره لكن خايفه وخوفها مسيطر عليها
ظيمنعظيمنع
ظيمنع
في بيت ابو مشاري اللي كان فرحان مبسوط واللمه وجمعه احسن منها مافيه واديم اللي بشوفة امل نست فيصل بعد الغداء طلعت اديم تجيب هدية امل وقفت تفتش بالغرفه بحماس لكن وقفت اول ما انتبهت لجوالها اللي كان يهتز راحت وهي تشوف مكالمات ورسايل من فيصل سحبت الجوال وقفلته ورمته بالدرج ( خلك تتربا شوي) رجعت اخذت الهديه ونزلت وقفت عند امل :تفضلي هاذي لك من اغراض زواجي
امل : لا ي اديم انا المفروض اهديك مو انتي
اديم ابتسمت : كلنا واحد ما يحتاج
ابو مشاري : والله ي اديم بنفقد هالقلب الحنون
مشاري : اي والله حظ فيصل فيك
ام مشاري : اي والله اي والله انا مدري كيف بعيش بدونها
نزلت راسها بضيق ووقفت اديم وراحت لها وهي تحضنها وتحاول تمسك نفسها لا تبكي
الكل كان يحب اديم بشكل وعلى رغم من فرحهم لها الا انهم مايبونها تروح
صد ابو مشاري وهو يمسح وجهه : ههههه ماهي بعيد ان شاء الله قريبه قريبه وماهي بعيد متى ما اشتقنا لها زرناها
اديم ضحكت وهي تمسح دموعها:خلاص تكفون مالي خلق ابكي
مشاري ركض بخفه وهو يحضنها: لا خلاص كل الناس تبكي الا انتي ما نبي نغرق دخيلك
ضربته اديم وهي تضحك واستاذنوا الكل بيريحون وطلعت اديم اللي ماتدري شلون تفارق اهلها واللي امر عليها من فراق اهلها مواجه فيصل والتعايش معاه اخذت الجوال وفتحته وهي تشوف كمية هايله من الرسائل والمكالمات من فيصل فتحت رسايله وهي تقرا ومنذهله من لهفته في انها ترد عليه

17 - 1 - 2022, 07:32 PM

..... 152......

ودخلت بهدوء وكأنها ماشافت شي من اللي قاله (وش اللي ماني فاهمته كل شي واضح انت انسان فكرت تستقر وتتخذ مجرى بحياتك جديد وانا مستحيل اكدر على احد صفوه او اخرب حياة احد )
فيصل اللي كان للحين بمكانه واول ما وصل له الرد فتحه بلهفه لكنه رجع تنهد بضيق ( حنين لا تنجنين وتجننيني انا لي اسبابي وانتي لازم تسمعينها مايصير ترمين كل حاجه وراك )
اديم ( هههههه اسبابك او تقصد اكذابك)
فيصل فار دمه من ضحكها واستهزاءها فيه واتهامها له ( حنين ردي)
اديم اللي كانت مستقصده تستفزه عشان يتركها لكن فاجأها بكلامه واتصاله بعد كلامه خافت ترد لكن تجرأت وردت وهي كالعاده ساكته وابتداء فيصل بصوت غاضب يتكلم وبحده ( فيصل ياما كذب وياما سوى مصايب وياما ترك ولا اهتم ولا هو فيصل اللي يتخبى ولو ما يبيك او انك ما تهمينه تركك مثل مليون وحده قبلك تركها ولا فكر فيك وبتكون سهله عليه وكأنها شربت المويه لكن لانه فيصل اللي انتي تعرفينه ما تهونين عنده ولانه فيصل اللي حبك ولانه فيصل اللي مايبي بعدك ولانه فيصل احترم حبه لك انا ادري مانك واثقه فيني وادري بعد انك متورطه فيني وادري بعد انك متضايقه من هالوضع وادري بعد انك اكثر وحده تعرف فيصل لكن بوضح لك ومن حقك تعرفين انا ليش ما قلت سالفة زواجي وبما انك عرفتي اني تزوجت اكيد تعرفين من تزوجت انا تزوجت وقبلت في بنت اخو سهام انتقام من سهام وادري انها اقرب وحده لسهام وللعائله ككل واي سهم يتوجه لها يهد ابو مشاري وعيال ابو مشاري واهله وطوايفه وطالما ان سهام ما بتتنازل ومصره تخرب بيتنا تتحمل اللي بيصير لبنت اخوها ..انا ما اخذتها حب وطرب انا اخذتها أسر ..زواجي منها ورقه رابحه فقط لاغير سامعتني ..واذا انك تعرفيني بتفهمين)
سكر فيصل وهو متإكد انها بترجع نزل الجوال واستند للكرسي بتعب وهو يفكر كيف يتخلص منها بطريقه تفرق العائلتين نهائيا عن بعض
اما اديم اللي كانت باقي ع السماعه وهي ما تدري تبكي على حقد فيصل لها اللي تعتبرها قنبله وبيفجرها بأي وقت والا تضحك على فيصل اللي مايدري ان اكثر انسانه يكرهها هي اكثر انسانه يحبها ماقدرت تنسحب وتترك حب فيصل وتكسره ما قواها قلبها وبعد ماقدرت تقوله انها اديم وهو كاشف لها كرهها العظيم سحبت وجوالها وهي تدعي ربي يفرج لها وكتبت لفيصل الرد ( ولانك فيصل انا مصدقتك لكن ي فيصل مو حرام اللي تسويه وش ذنب المسكينه )
فيصل ( مالها ذنب الذنب ذنب الزمن اللي جمع ابوي بعمتها حنين لا تفكرين فيها خليك معي انا وانسيها )
اديم ( وشلون انساها وهي زوجتك)
فيصل ( هي أداة ماهي زوجة او خادمه اذا تحبين تقولين)
اديم ( خادمه !!! فيصل كيف تعيش بهالاضطهاديه كيف تقدر انك تبدل في شعورك واخلاقك )
فيصل ( حنين اذا الموضوع فيه امي مو بس ابدل اخلاقي ابدل نفسي والدنيا )
اديم ( وش دخل امك الحين )
فيصل ( دخلها ان البيت بيتها والمكان لها وسهام اقتحمته)
اديم ( فيصل ركز دخيلك سهام مالها شغل)
فيصل ( حنين انتهى النقاش هذا من زمان الله يخليك لا تتدخلين )
اديم ( مدري وش اعلق والله مدري وش اعلق )
فيصل ( لا تعلقين بس لا تعيدين اللي صار وقف قلبي بنص ساعه يالاخيره)
اديم ابتسمت : يالله قد ايش حلو هالانسان ( ما بعيدها وانت بعد لا تعيدها وتخبي )
فيصل( والله والله والله اني مستعد احلف انك دعوه وصابتني )
اديم( شلون يعني!!)
فيصل (يعني انتي اخذتي حق كل هالبنات مني علمتيني الخوف اللي ما كنت اعرفه يالله وش سويتي فيني )
اديم ابتسمت لكلامه اللي حبته حيييل ( عادي الخسارات حلوه احيانا )
فيصل ( اي وربي )
اديم ( زين قولي سالفة ذا الزواج من بدايته )
فيصل ابتداء يحكي لها كل شي وشلون سمع سهام وكلامها وكيف قربت منه هالخطوه اديم ارتاحت لما عرفت القصه وحست انها بتقدر تغير فكرة فيصل بعد الزواج
اما فيصل اللي ارتاح كثير بعد ما تصافو وقام من مكانه واتجه لسيارته وبعدها للبيت وصل البيت وطلع سيده لجناحه فتح الباب وهو يناظر اخر تجهيزاته اللي تناسبه هو قبل يرجع لاديم او يفكر يرجع لها رمى نفسه على السرير وهو يناظر حوله : ايه خساره في هالزفت بس ما عليه بتطلع من عيونها بتطلع
تذكر نواف وعادل اللي انشغل عنهم هالفتره نزل وهو يدور عليهم شاف نواف نايم وعادل كعادته مستكن بغرفته دخل ووقف فوق راسه : خير وش اللي مضايقك
عادل لف له : جيت بوقتك كنت بطق اجلس

17 - 1 - 2022, 07:33 PM

.....153......

فيصل جلس : قول وش الجديد
عادل : ومن غير محمد وسنين محمد
فيصل : ياه ياذا المحمد ياخي اتركني اطلع بروحه واريح الناس منه
عادل: وانا ما قصرت فيه اليوم ياخي هالانسان لا ذمه ولا ضمير ولا حتى احساس
فيصل :هات هات
عادل : تخيل اني من شهور احاول اعدل في ريمان واغيرها وبطلعة الروح تقبلتني ولما نجحت وقدرت اني اخليها تهتم لوجودي اقل شي وصار تغير جدا كبير فيها جاء بكل بساطته وهدم كل ذا ما احترم اخته يغلط عليها قدامي ويكلمها كأنها حجر هدم اخر نقطة امل فيها مدري وشلون يقدر يسوي كذا
فيصل : وهذا انت تعتبره انسان الحيوان كثير عليه عادل لا تقول انك سكت له
عادل : لا وين سكت تهاوشت انا وياه وبالقوه فرقونا كان نفسي اطلع بروحه
فيصل :زين سويت فيه ولو تعجل بزواجك اكثر يكون احسن
عادل : لا لا كذا اوك انا اصلا احس اني مكركب شوي واصلا ماباقي الا شهر ونص تعدي بسرعه انا مابي خوفها منهم يكبر ويصير عقده ابيها تواجهم
فيصل : ايه يمكن كلامك صح بس من جهه ثانيه فكر بنفسيتها وشلون بتصير خلال هالفتره
عادل تنهد بضيق :لا لا تخاف ريمان قويه
قطع صمتهم رساله بجوال عادل كانت من ريمان قالت فيها ( مساء الخير ..كيفك .. انا بخير لا تخاف )
عادل رغم ان الرساله مافيها شي الا انها اثلجت صدره وفرحته انها ما طاحت للمشكله وانها قويه ابتسم وهو يرد ( ما ينخاف عليك ي قوة الدنيا )
ريمان اللي كانت بالغرفه وهدت كثير وارتاحت لوجود عادل في حياتها ولا تبي تظلمه وهو اللي واقف معاها رغم كل اللي تسويه معاه رفعت راسها تحاول توقف دموعها وبالقوه تمسك نفسها وردت عليه (مشكور عادل للمره المليون على كل شي تسويه لي ماني عارفه كيف ارد )
عادل ( لا تردين ولا شي هذا واجبي )
كان فيصل يراقب عادل اللي من بعد الرساله اتسعت ابتسامته على وجهه وقف وهو يضحك ومبسوط لاخوه طلع وعادل اصلا ما حس فيه اتجه لغرفته بحسره على حاله ( ايه ناس مبسوطين والله يهنيهم وناس بيتزوجون عشان يحاربون بهالزواج يلا ايام ايام ي فيصل )
كان يلف ويدور ويمشي بالبيت وهو مايبي يجلس لحاله لكن البيت هادي تماما كان يتمنى يطلع له اي شي ينشغل فيه وكان يدور على سهام بيحاشرها كل ذا عشان ما يجلس لحاله وتهاجمه افكاره وتأنيب ضميره وفعلا حصل سهام بالمطبخ تصلح شاهي ابتسم ودخل بهدوء وصار يفتح ويسكر ويخبط بكل شي يقابله بمقصد انه يستفز سهام وقدر انزعجت سهام ولفت وهي تقول : معليش اطلع لما اخلص
لف فيصل وهو يتكتف ببتسامه استفزازيه : نعم وش وش قلتي
سهام زفرت بضيق : انا استخدم المطبخ اطلع لما اخلص وجودك يضايقني
فيصل سحب كرسي الطاوله وجلس وهو يضحك : ههههه والله حاله البيت بيت ابونا والغرب ناشبونا
سهام: غرب !
فيصل :ايه غرب ليش فيه غير هالكلام شوفي عاد انتي هنا زيك زي اي خدامه ولا تفكرين تنسبين نفسك لنا لانك بأختصار ما تشرفينا هذا واحد اثنين بعمرك بعمرك لا تفكرين تحطين نقرك من نقري والمكان اذا انا حضرت فيه تطلعين منه غصب عليك مو رضا وتكرم
سهام نزلت اللي بيدها بقوه :من انت عشان تكلمني بهالطريقه
فيصل وقف وهو يضرب يدينه ببعض وضحك لما وصل قبالها وهو يناظر فيها بأستحقار : من انا ههههه انا عزرائيلك
سهام بعدت وهي تمثل القوه : اسمعني زين انا فاهمه نواياك مضبوط لكن ي انا ي فيصل ي انت وادري بعد انك متزوج اديم عشان تعذبها لكن انا بنفسي بخرب عليك كل مخططاتك
ابتعد فيصل وهو يضحك ولف لها :ادري تدرين بكل شي واللي مونسني انك تدرين لكن ما تقدرين تسوين اي شي وان جربتي محد بيعطيك وجه ويصدقك وخذيها مني وعد لعيشها بجحيم وعيشه ما عاشوها اللي بالحروب
سهام انفلتت : انت ي متخلف ما تقدر تسوي شي لها انا بروح لابوك وبقوله كل شي
فيصل ضحك وهو يبعد عن الباب :رافقتك السلامه
طلعت سهام بعصبيه وهي تدور لابو عادل

اما فيصل اللي انسحب وكأنه ما دخل المطبخ ولا له اي اثر طلع لغرفته واتجه لسجادته وانسدح وهو ناوي يمثل دور رهيب ومتأكد انه بيضبط معاه تنهد ببتسامه على اللي صار وبيصير وماهي الا دقايق ودخل بنوم عميق واللي يشوفه يقول نايم من ساعات
ظيمنعظيمنع
ظيمنع
اما سهام اللي كانت مقهوره من فيصل وخايفه على اديم لدرجه انها بكت جلست تنتظر ابو عادل اللي دخل هو ومنى ويضحكون لكن جمدوا اول ماشافوا سهام
منى :سهام وش فيك
ابو عادل :سهام احد صاير له شي

17 - 1 - 2022, 07:33 PM

.... 154 .....

سهام وهي تبكي بحرقه : طلال الله يخليك صدقني فيصل هذا مجنون مجنون وبيعذب اديم والله والله هو قالي بلسانه وحلف انه ليعيشها عيشه ماعاشوها اللي بالحروب تكفى ي طلال خله يطلقها انقذها انا مستعده اتحمله بس اديم لا
كان ابو عادل ومنى يناظرون فيها بصدمه وذهول ابو عادل :انتي وش تقولين صاحيه فيصل مستحيل يسوي كذا
منى: سهام انا اسفه فيصل يمكن مايحبك وهو قال بس انه يسوي كذا معليش حرام تظلمينه سكتنا كثير
سهام:شلون يعني مو مصدقيني احلف لكم بالله انه هو قاله بعظمة لسانه وبجلال الله
ابو عادل جلس وهو معصب :لا لا حشى ما انتي بصاحيه فيصل بنفسه قال لي انه يحبها وشفت بعيونه هالشي تقولين يعذب معليش
منى : سهام اذا ما تبين فيصل يتزوج ببنت اخوك شي راجع لك بس لازم تفهمين إني معاد بسمح لك تظلمينه انتي شايفه حاله من ايام مرتبك ومايجلس بالبيت ومشغول ولا يرجع الا وقت النوم وفوق ذا ضايق عشان امه وانتي تزيدين
سهام: خافو الله وصدقوني والله والله ما اكذب
ابو عادل وقف :زين زين الحين نشوف من الصادق وينه فيصل
سهام:بغرفته
طلع ابو عادل وهو يبي يقطع الشك باليقين ومعاه سهام ومنى وصلوا غرفة فيصل وفتح الباب ابو عادل وهو يتمنى ان سهام تكذب مايبي يخسر ثقته بفيصل وكلهم وقفوا بصمت اول ما شافوا المنظر منهم المنذهل ومنهم المصدوم قرب ابو عادل لفيصل وشافه نايم ودقق فيه والكل يدري اذا فيصل نام على السجاده معناته انه محتاج امه وانه تعبان لدرجة انه مو متحمل نفسه ودايما يكون صامت وهادي واذا كان بهذا الوضع استحاله انه يفكر ينزل من الغرفه فكيف بيروح لسهام في مثل هالظرف ويقول لها هالشي ( وهذا شي يعرفه فيصل زين عشان كذا استغله ويدري ابوه بيصدقه مليون بالميه)
حركه ابو عادل وحاول يصحيه بس واضح نايم من قلبه لفت لسهام :وش تشوفين
سهام كانت مصعوقه من دقة تمثيل فيصل :والله والله من شوي كان تحت والله يكذب حتى شوف المطبخ مكركب منه والله
ابو عادل:سهام لوين بتوصلين ي سهام
سهام انجلطت وهي تحاول تقنعهم بس محد رد عليها ولا صدقوها طلع عادل من غرفته وانفجع اول ماشافهم متجمعين واتجهه لهم:يبه وش فيكم فيصل فيه
منى:لا ي حبيبي لا تخاف لكن الله يهدي سهام
عادل :وش صار
ابو عادل: فيصل مر عليك من شوي
عادل اللي كان يحس انه طول وهو يسولف مع ريمان ولا انتبه للوقت اللي جاء فيه واللي خرج : ايه من ساعتين تقريبا وراح
ابو عادل لف لسهام: مدري وش اقول لكن احذرك ي سهام
تو سهام بتتكلم لكن اللي حصل ماكان في بال اي احد حتى فيصل اللي فعلا كان نايم وفي نومه شاف كابوس فضيع هد حيله فز وهو يصرخ برعب ووجهه معرق واحمر الكل لف برعب وهم يناظرونه كان يتنفس بقوه وشبه يرجف ويناظر حوله كأنه يدور على شي وقف وهو يركض من بينهم مثل المجنون ركضوا وراه وهم ينادون عليه كان يناظر بكل مكان ويدور ركض لغرفة امه وفتح الباب بقوه والكل وراه لكنه وقف اول ماشاف ظلام الغرفه البارد ركض للنور وهو يشغله وعينه لسرير وعادل وراه اما البقيه مرعوبين كانت لحظة صمت ارعبتهم كلهم بعد دقيقه من الصمت ارتفع صوت فيصل اللي طاح بمكانه وهو يبكي بنوح وكأن موقف وفاة امه ينعاد باللحظه والدقيقه كان عادل حاضنه وهو يحاول يهديه لكن فيصل اللي ما توقع هالشي ولا يبي يتذكره يصير معاه وكان ناسي كل شي ولا في باله الا هاليوم ركض له ابو عادل اللي خاف عليه من طريقة بكاه ومنى بعد اما سهام اللي ابتعدت وهي مصدومه وهي عبالها يمثل نزلت وهي تدري ان فيصل فعلا بيعيش اديم بجحيم طالما هذا تمثيله

عند فيصل اللي كان مسكر اذانه وهو يصرخ ب ( يمه لااااا لا ي يمه لااا)
الكل كان يبكي مع فيصل اللي فقد نفسه تماما واختل اتزانه عادل اللي اصلا كان فاقد وجود امه في ايام فرحتهم وجاء هالموقف على الجرح الكل كانوا حول فيصل ويحاولون يهدونه وبعد ساعه كامله وقف فيصل وهو يترنح ومعاه عادل اللي سانده له :فيصل وين رايح
فيصل :بطلع من هنا طلعني من هنا خلاص
عادل اخذه وطلع وكان بياخذه لغرفته بس فيصل كان مخنوق وبعد عادل وهو مايبي احد يكلمه اتجه للباب وطلع وهو يمسح وجهه بحسره جلس على الدرج وهو ماسك راسه تركه عادل على راحته وهو يبي من يواسيه بعد جلس على اقرب كرسي بتعب وهو تعباااااااان نفسيا من كل شي حوله واكثر شي تعبان منه حالة فيصل وعقدته حول امه اللي ماقدرت السنين تمحيها ..

المواضيع المتشابهه لموضوع: عيونك شوكة في القلب توجعني و عبرها للكاتبة ديم الراشد مكتملة لموضوع: عيونك شوكة في القلب توجعني و عبرها للكاتبة ديم الراشد مكتملة
الموضوع	كاتب الموضوع	المنتدى	مشاركات	آخر مشاركة
حروفك سرقتني من بين الحضور اهيم بك دهرا ولا اكتفي للكاتبة ثرثره صامته مكتملة	همسه الشوق	همس للقصص وحكايات وروايات	42	11 - 7 - 2024 07:31 AM
عزاي إنك رجاي العذب لو كل الدروب عثور للكاتبة اديم الراشد	همسه الشوق	همس للقصص وحكايات وروايات	85	19 - 2 - 2022 08:50 PM
وظائف بشركة الراشد عبد الرحمن الراشد إدارية لحملة الدبلوم و فوق بعسير	همسه الشوق	همس للوظائف في جميع القطاعات	2	20 - 10 - 2021 05:06 PM
ياشجون القلب لو تدري بإن قلبي يعشق عيونك	حنين الأشواق	همس الشعر والقوافي	4	30 - 9 - 2021 03:25 AM
روايه خاني وذليته للكاتبة مشاعل الراشد	جروح الم	همس للقصص وحكايات وروايات	65	8 - 6 - 2018 01:24 PM

الذين يشاهدون محتوى الموضوع الآن : 2 ( الأعضاء 0 والزوار 2)

الأعضاء الذين قاموا بتقييم هذا الموضوع : 0
لم يقوم أحد بتقييم هذا الموضوع

عيونك شوكة في القلب توجعني و عبرها للكاتبة ديم الراشد مكتملة

همس للقصص وحكايات وروايات