عيونك شوكة في القلب توجعني و عبرها للكاتبة ديم الراشد مكتملة

17 - 1 - 2022, 04:47 PM

.....131 ....

ابو عادل :لا حول ولا قوة الا بالله انتي مالك هم الا فيصل اتركيه بحاله انا شفته طلع وراح بعيني ما جاء للمطبخ ولا معاه مفتاح للباب الخلفي
سهام: والله ماني مصفيه النيه اتجاهه محد حاقد غيره وكنت انا المقصوده بس طاحت فيها منى
ابو عادل :اووووف انا ما انتهي منه الا تبدين انتي
راح وتركها وهي راحت تنظف المكان قبل يتكسر احد وهي متأكد انها مقصوده من فيصل
ظيمنعظيمنع
ظيمنع
عند عادل اللي كان مع منى اللي تصرخ بكل صوتها دخلوا الطوارئ واستلموها وعاينها الدكتور وقال عندها كسر برجلها جبروها وطلعوا وعادل يضحك عليها وعلى دعاويها
عادل :عميمه من كب الزيت
منى: شعرفني حسبي الله عليهم
عادل: الحمدلله جات سليمه
منى: اييي سليمه تكسرت وتقول سليمه
عادل : هههههه اجر اجر

بعد ربع ساعه وصلوا البيت وساعدها عادل تنزل وجلسها بالصالون جاء ابو عادل :لا لا سلامات سلامات
منى: الله يسلمك ي اخوي
سهام: سلامات ي منى والله يسامح اللي كب الزيت
منى: الله يسلمك
عادل اللي كان شبه متأكد انه من فيصل بس مابغى يظلمه وطلع بيستاذن من دوامه ورجع
ظيمنعظيمنع
ظيمنع
عند فيصل اللي زهق من المحاضرات وطلع ركب سيارته وهو مار شاف جامعة البنات ابتسم وهو يحط يده على قلبه كمل طريقه وهو يحس انه فيه نوم الدنيا وصل بيتهم واول مادخل شاف الكل بالصالون ومنى جالسه ورجلها مجبسه انصدم وهو يغمض عيونه بورطه وتقدم وهو يحاول يبرى نفسه :عميمه بسم الله عليك وش فيك عساه فيني ولا فيك
منى : بسم لله عليك يمه مايجيك يمه
فيصل : وش فيك وش صار معك
منى قالت له كل اللي صار وفيصل مقهور( حسبي لله عليها هالحيه ما يصير لها شي ) : ماعليه ي عميمه اجر وعافيه وبعدين انتي الله يهديك وشلوه مطشره الزيت زين كذا تعورتي
منى:والله يمه ما طشرته مدري شجابه هناك
الكل ناظر فيصل بشك لكن تجاهل وقال: اعوذ بالله شجابه ع الباب عميمه لا يكون خرفتي
ضربته منى بالعكازه ضحك وهو يبوس يدها :انا ببدل وارجع لا تروحين انا بسوي لك غداء
عادل : لا ي روحي توني مرجعها متكسره باقي تسمم لا لا
فيصل بطرف عين: اقول وخر بس اذا تسممت اوديها انا
عادل: ايه اذا كذا ماعليه
منى:وجع تتعازمون على مرضي
فيصل ركض وهو يضحك دخل غرفته وهو يدعي على سهام : حسبي الله عليها اتكسرت عميمه وانا ميت جوع شسوي الحين
لف لما انفتح الباب وكان عادل اللي وقف وتكتف
فيصل :خير وش صار
عادل: بتقنعني انك مو ورا هالسالفه
فيصل :اووووف رجعنا على طير ياللي
عادل: فيصل لا تعلمني فيك انت خبز يدي
فيصل :والله ياخوي انا قايلك المفروض تشتغل في المباحث الاستخبارات اصرف لك دايم تحليلاتك بمحلها بس مع الاسف هالمره اقولك وبخط عريض لم تزبط معك وصلت توكل على الله ببدل
عادل : واحب اقولك ان عذرك ما بلعته
فيصل بعبط :روح اشرب مويه احسن
عادل :فيصل
فييصل:اووووووووووف بس عاد ذبحتوني بهالحيه كأن مالي شغل الا هي قلت لك مالي شغل يعني مالي شغل ولا تجلس تزعجني لاني من غير شي شياطيني قايمه
عادل :زين زين بعديها هالمره
فيصل: ي رجال انت الظاهر اعداك عمك بالمرض حقه
عادل طلع وهو متاكد باصم انه فيصل بس قال بطوفها واعديها اما فيصل اللي بدل ونزل ووقف قبال المطبخ وهو مايدري وش يسوي بس انقذه دخول ام محمد ومعاها اكل
ام محمد : الحمدلله ع السلامه ي منى ما تشوفين شر
منى: مايجيك ي اختي
ام محمد ؛والله اني تو عرفت وجيت مستعجله ورحت لعمي قال عن ابو عادل نزلت له الغداء وجبت لكم سكبه
فيصل : ي بعد كل السكب انتي تسلمين والله من يد ما نعدمها
الكل ضحك على فيصل اللي باين جوعه
ام محمد :بالعافيه يمه انا استاذن
فيصل:الله معك والقلب داعي لك
منى: ههههههه كل كل بالعافيه
فيصل ضحك وهو جالس بالارض والحافظات قباله ويفتح وهو يستنشق الريحه: والله ي عميمه طلعت ام محمد تطبخ احسن منك نيالك ي عوديل
منى :وشو تعال تعال قريب عشان اوريك كيف احسن
فيصل : ههههه تبيني تجيني
ابو عادل: ههههههه عشان مكسوره ما تقدر تجي لك لا تخليني احلف تجي لها
عادل:وين هو نواف ما نزل
فيصل بمزح : يمه ياضنايه عملتوا فيه ايه
عادل شبك خط : ما تخافيش ي ام حسنين الواد بيشخر فوق
ضحك فيصل :ايوه كذا خليكم مفرفشين
ابو عادل: خلوه ينام يشبع نوم وانتم يلا للغداء
اخذوا منى للغداء وفيصل كان بمكانه بس اللي كان صاير ومحد حاس فيه حرب العيون الطاحنه بين فيصل وسهام اللي كل واحد منهم يدري بحقد الثاني عليه ظيمنع

..... 132 ......

اما اديم اللي رجعت وهي فيها حماس دخلت لكن هالمره ما حصلت اهلها متجمعين شافت بس الخدم استغربت وسألتهم وقالوا لها انهم معزومين عند ابو نوره استانست اديم انها ما راحت معاهم وركضت فوق بحماس وهي تنزل عبايتها رفعت صوت السماعه وصدح صوت نوال في كل المكان ودخلت تتروش بعد عشر دقايق طلعت وهي تحسها منتعشه وكان ناقصها بس فيصل اتجهت للجوال وهي تنزل سنابه وتعلق فيها (‏فرح عمري ، ما اكتمل إلا بـ وجودك
‏جعلني ما افقد وجودك طول عمري. )
كانت بأتم الانسجام مع كلمات نووال اللي ترددها بنغم
ظيمنعظيمنع
ظيمنع
فيصل اللي بعد ما تغدا استأذن بينام دخل غرفته وهو خلاص منتهي بينام ولما انسدح تذكر حنين سحب جواله واول ماحدث شاف سنابتها وضحك وهو يرد لها بطريقة كانت جميله جدا ومن قلب فيصل اللي فعلا من عرف حنين ( اديم ) سحب على كل البنات ولا عاد اهتم لهم نزل سنابه وعلق(‏إنتي البنت الأخيرة في حياتي ‏وإنتي أول بنت أسميها الأخيرة !) انتظر لما شافتها ودخل لها خاص وهو يقول (كيف حالك يالاخيره )
ضحكت اديم بفرحه بس خوفها من انه يعرف من هي مسيطر عليها قالت وهي تبي تعيش اللحظه وماعليها ( انا معاك بخير ي فرح عمري )
فيصل اللي اول ما قرا الرد فز وعجز يرجع ينام سجل صوت وهو فعلا فرحان بردها واعترافها الصريح ( يالله ياللله ويقولون لا تنجن انتي اللي يعرفك يصير عاقل )
اديم فزت وهي تضحك ( هههههه خلاص امزح اجلس فضحت نفسك تراك تصارخ)
فيصل ( ماهمني خليني انفضح والله ماهمني المهم اني فرحان )
اديم(هههههه يممممه تراك تصارخ مره فيصل اركد لا تخوفني و تخليني اندم)
ضحك فيصل بحماسه اللي من دون احساس وهو يصرخ ( اااخ بس اااااخ )
اديم(بسم لله عليك وش فيك )
فيصل ( فيني انتي )
ضحكت اديم بفرح وهو بهالكلمات البسيطه نساها كل الاشياء السيئه اللي صارت معاه وممكن تصير ( والله كنت بنام بس مدري ليش طرا لي انزل بالسناب)
ضحك فيصل ( وانا بعد كنت بنام لكن بطلبك طلب ..)
اديم (امر من عيوني )
فيصل ( لا عاد اسمعك تقولين فيصل )
اديم ( وش اقول !!)
فيصل(قولي لي فرح عمري وانا بناديك الاخيره)
ضحكت اديم وامتلت عيونها دموع من فرحتها كان قلبها يدق ودها لو فيصل معاها فعلا كذا ووقتها محد بيكون بسعادتها ردت وهي تقول ( ابشر ي فرح عمري )
ضحك فيصل ضحكه حلوه وهو يقول ( الله ما اجملك ي الاخيره)
هنا وقفوا كلهم وبنفس الموقف اللي مر تركوا جوالاتهم والابتسامه ما فارقتهم وقلوبهم تدق بفرح غمضوا وكل واحد منهم يشوف حياته مع الثاني جميله بس فالتجربه الثانيه مره
ظيمنعظيمنع
ظيمنع
المغرب في بيت ابو مشاري اللي كان جالس بالصالون واهله حواليه ومنهم اديم اللي جالسه وعقلها عند فيصل وكان الصوت السائد صوت التليفزيون قطع الصمت صوت جوال ابو مشاري وكان ابو عادل الكل كانت انظارهم على الجوال
ابو مشاري: هلا ابو عادل هلا
ابو عادل :هلابك ي اخوي كيفك
ابو مشاري : الحمدلله طمني عليك
ابو عادل: الحمدلله على ما تحب
ابو مشاري:الحمدلله امرني
ابو عادل :مايأمر عليك ظالم ابو مشاري في موضوع ودنا لو نتناقش به
ابو مشاري :خير
ابو عاددل:كل خير لكن هذاني جايك بالطريق وبنتفاهم وجه لوجه
ابو مشاري:الله يحيك انا بأنتظارك
ابو عادل :الله يسلمك مسافة الطريق وانا عندك
ابو مشاري :احتريك
سكر ابو مشاري ووقف وهو يقول :ام مشاري قولي لهم يجهزون القهوه ابو عادل جاي مشاري فز بدل ملابسك
مشاري بعد عياله عنه : وش عنده
ابو مشاري:مدري والله
طلعوا ابو مشاري ومشاري يبدلون واديم اللي حست ان الموضوع فيه ان وهي المقصوده خافت وارتبكت صارت تضيع توترها باللعب مع عيال مشاري
مروى:وش فيك لا يكون فيصل معهم
اديم خافت زياده : مدري والله
رويده:ليش ما يكلمك هو
اديم : لا للحين
رويده: ي حليله عرف يستحي
اديم :هههههه هو ارسل قبل بس ما عطاني خبر
مروى: معه عذره
الكل سكت واديم اللي كانت تحاول تضيع توترها نزل ابو مشاري وهو يضبط شماغه : اديم يبه اجهزي عشان تسلمين على ابو عادل وفيصل
اديم تزلزلت وناظرت ابوها بصدمه ضحك مشاري من ورا ابوه: تنفسي لا تموتين ترا عادي خطيبك وابوه الله يسقي ايام رويده اللي كانت تسلم علينا كلنا
اديم تلعثمت : مقدر انا ..

..... 133 .....

ابو مشاري :مافيها شي يبه سلمي وارجعي حلال فيصل جاي اصلا مخصوص لك
اديم بردت عظامها وهي ماتدري وش بتسوي وتسمع تعليقاتهم وضحكهم عليها طلعت ركض لغرفتها وهي تفرك يدينها بتوتر اول شي تذكرته الكف سكرت اذانها برعب وهي ماتدري كيف بتواجهه فيصل بلعت ريقها ولفت لمروى ورويده اللي جاو عشان يختارون لها لبسها وابتدوا يطلعون ويجهزون واديم طاقتها ام الركب
مروى: يلا قومي البسي يلا مافيه وقت
رويده:ايوه ترا مو بعيدين
اديم: يمه ي بنات خايفه
مروى:لا تخافين امر عادي
اديم : يالله بموت
رويده: اديم ترا عادي بتوترين بس اول ما تدخلين بتهدين
اديم اخذت الملابس وراحت تلبسس وهي تحس انها فقدت كل حواسها
ظيمنعظيمنع
ظيمنع
تحت بالمجلس وصلوا فيصل وابو عادل وكان بأستقبالهم ابو مشاري ومشاري وبعد السلام والسؤال عن الحال
ابو مشاري:مشاري يبه ناد اختك
مشاري :ابشر
ابو عادل ابتسم وهو يقول : والله عاد ي ابو مشاري فيصل ازعجنا ازعجنا كأن ما احد ملك غيره جحدنا كلنا ولا بات ليله ابد الا يقول يبه تكفى بنعجل الزواج هو مهبول من قبل وزاد استخف
فيصل اللي انقلب وجهه احمر من القهر وهم عبالهم مستحي
ابو مشاري:ههههه الله يسعدك ي فيصل مستعجل بالحيل
فيصل بدقه: شسوي قلبي خضر ما اتحمل خلااص ظ¢ظ¥سنه عزوبيه
ابو مشاري : ههههههه صدقت والله العزوبيه شينه
مشاري جاء ومعاه اديم اللي كانت خلاص بيغمى عليها : تعالي تعالي اديم
وقفوا كلهم ودخلت اديم برعب الدنيا لا شعوريا مسكت في مشاري
قرب ابوها وهو يقول :سلمي على ابو عادل وفيصل
اديم كانت للحظه بتركض وتتركهم لكن ما تقدر تقدمت وهي تمد يدها لابو عادل اللي ضحك على توترها وهو يسلم عليها ماعرفت شلون تسلم على فيصل
مشاري حس بأحراجهم كلهم وقال: يبه تعالوا نتكلم بالحديقه برا الجو الحلو
ابو مشاري :صدقت والله يلا ي ابو عادل
ابو عادل :ايه زين خل الشباب يسولفون براحتهم
طلعوا كلهم وتركوا فيصل واديم اللي واقفين يناظرونهم لين طلعوا وسكروا الباب التفت فييصل وكان معاه ورد وشوكلت جايبها غصب عليه وحاقد من قلبه وبقهر الدنيا سحب اديم وهو يشد على شعرها وهو يقول بنفس مليان قهر : انا تضربيني اانا فيصل تضربيني انتي ي .... تضربيني لكن لا والف لا
قوى شدته على شعرها وسحبها لطاوله اللي عليها الشوكلت سحب وحده وهو يشد اديم من فكها كاانت تحاول تتحرر بس مو قادره دخل قطعة الشوكلت بكيسها في فم اديم بالغصب لما بعدته بقوه وهي تكح وكانت بترجع نزلتها من فمها وهي تبكي :انت مريض متخلف
فيصل رجع لها وهو يخنقها بقهر: وباقي ماشفتي من مرضي شي باااقي لكن وعدنا بعد شهر ويا ويلك لو تحاولين تعترضين وقتها موتك على يدي لو خسرت الدنيا كلها سامعتني
دفها عنه لما حس ان صوت مشاري قريب
اديم اللي مسحت وجلست وهي ترتب شكلها دخل مشاري وكان فيصل جالس وبيده منديل ووجهه احمر من العصبيه واديم جالسه شوي بعيد وهو ترجف برعب وجهها هي بعد احمر
مشاري :اديم بسم الله عليك وش فيك كل هذا خوف من فيصل والله ي فيصل ماتوقعناك كذا تخوف
ضحك فيصل بقهر: ههههههه والله مدري صراحه اول مره ادري بهالمعلومه وادري ان وجهي يخوف كذا
مشاري : لا ي رجل لو هي على وجهك كان كل شي سليم بس اديم خوافه درجة اولى
ركز فيصل نظرته على اديم وقال : لا اجل انا ما معي خوف
رفعت راسها اديم وهي ماهي خايفه منه قد ماهي مصدومه من تصرفاته المفجعه وشخصيته الافجع
مشاري :هههههه هيا سمعتي اركدي وتعوذي من ابليس وانت فيصل قوم يلا عشان نتقهوى ابوي وابوك يبونك
فيصل وقف واخذ باقة الورد وقرب وانثنا قبالها وهو يقول :بجي بس قبل نقدم الورد للورد
ضحك مشاري اللي اخذها بدال اديم وقال:مشكور ما تقصر ويلا على الباب
ضحك فيصل بضحكه تهديد لاديم وطلع ونزل مشاري الورد وهو يقول : اديم لا تخلين خوفك يخرب حياتك
اديم اخذت الورد بهدوء وهي بتنفجر وطلعت وراح مشاري لرجال
ظيمنعظيمنع
ظيمنع
عند الرجال جاء فيصل ومشاري ولف ابو مشاري يضحك: ههههه لو ماجاء مشاري ماطلعت
ضحك فيصل وهو يلف يده على كتف ابو مشاري :حاسب نفسك لا تحاسبني
ابو مشاري بأستغراب :ليش!!
ضحك فيصل وهو يهمس له بأذنه :تجيب الزين وحنا نتورط
ضحك ابو مشاري بقوه وهو يخبط على كتف فيصل اللي رجع لورا وهو يضحك
ابو عادل: مثل ما قلت لك ي ابو عادل فيصل يقول يبي الزواج بعد شهر ..

.....134 ......

.ابو مشاري :والله ي ابو عادل وي فيصل بعد انا ما عندي مانع بس بالنسبه لاديم والله مدري
مشاري : احسك مستعجل مره اديم بحفله عاديه ما تجهز بيوم فما بالك لو زواجها
فيصل: انا مابي اديم لجهازها ولا ابيها تكلف ولا تسوي شي ابيها تجي عندي انا قابلها بكل احوالها
ابتسم ابو مشاري :والله والله مدري وش اقولك والله لكنك تستاهل ان طلبك ينفذ كلمت اديم انت
فيصل:لا والله
ابو مشاري : زين انا بقولها وبحاول انها تخلص بسرعه
فيصل : ياليت والله
ابو مشاري : ان شاء الله خير
طلع فيصل شيك من جيبه ومده لابو مشاري : هذا مهرها

ابو مشاري اخذه وهو مبتسم: ان شاء الله خير
جلس فيصل وهو يناظر ابوه بأبتسامه اابو عادل : زيين يلا حنا نترخص
ابو مشاري :العشاء ي رجال
ابو عادل :لا لا مشغولين والله
مشاري:مايصير والله ضروري تتعشون
فيصل: غير مره ان شاء الله
ابو مشاري: براحتكم بس ثاني مره ما فيه اذن
ابو عادل :هههه ان شاء الله يلا بينا اتصال
ابو مشاري :الله معاكم
طلعوا وفيصل اعصابه مشدوده ومقهور قهر الدنيا يحس مابرد قلبه فيها
ظيمنعظيمنع
ظيمنع
عند اديم اللي اول ماطلعت سكرت باب الغرفه وجلست وهي تبكي ناظرت الورد وهي اول مره تحب وتكره الوقت في وقت واحد ما استبشرت خير بلقائهم ابد ارتجفت برعب تذكرت عيونه اللي رغم قسوتها الا انها تجننها
وقفت وهي تبدل ملابسها تنهدت بضيق وهي تاخذ الورد وتحطه بفاژه لفت لما سمعت صوت الباب
مروى: اديم ابوي يبيك تحت
اديم :زين اجي الحين
رتبت وجهها ونزلت لابوها :هلا يبه
ابو مشاري كان يضحك على تعليق مشاري عن اديم وفيصل اول :هلا اديم تعالي اقعدي ي خوافه
اديم ناظرت مشاري بطرف عين:ايه عاد انت ما يجلس شي ببطنك
ضحك مشاري: والله شي ماينسكت عنه ما توقعت تستحين
اديم طنشت وهي تقول :امر يبه
ابو مشاري :اديم ي ابوي فيصل مستعجل شوي يبي الزواج بعد شهر ويقولك بعد مالك هم الا جهازك والباقي عليه من إلى وبيني وبينك يا ابوك خير البر عاجله والرجال ماعليه قصور
اديم ومروى وام مشاري ورويده:بعد شهر
مشاري :اي بعد شهر ويمديها تجهز باسبوعين
مروى:لاا مره ما يمدي حتى فساتين الزواج ما بتطلع قبل
ام مشاري :الله يهديك ي بو مشاري وش ذا السرعه لو شهرين قلنا اشوى اما شهر لااا
ابو مشاري :الدعوه ماهي بهرجه اموركم كلها محلوله اللي يصعب عليكم او يتاخر دبلو سعره ويمشي الموضوع
رويده:والله صعبه ي عمي
مشاري :الحين كلكم تكلمتوا وصاحبة الشأن ساكته اديم قولي رايك
اديم كانت جامده تماما لخبطة شعور فضيعه ماتدري تفرح لانها بتروح لفيصل والا تزعل عشانها بتواجه قسوة فيصل ماهمها الزواج بكره همها فيصل : مدري يبه خلوني افكر شوي
ابو مشاري:براحتك ي ابوي وكل ما استعجلتي كل ماكان احسن وهذا شيك مهرك بيدك
اخذت اديم الشيك بيد ترجف وطلعت فوق
ام مشاري:والله ماهو حل ي ابو مشاري
مشاري:ليه يمه ليه شهر بيكفيها ويزود
مروى:لا ي مشاري اشياء كثيره ما تخلص بشهر
ابو مشاري: دبلو السعر وتمشى او عطو اسمي وينتهي الموضوع كالعاده المهم لا احد يتدخل بقرارها
وقف وطلع فوق وتركهم مصدومين ومستغربين من السرعه الكبيره فالزواج
ظيمنعظيمنع
ظيمنع
عند عادل اللي كان بين الناس في زواج احد اصحابه لكنه مو مع الناس تفكيره كله مع ريمان اللي صارت مسيطره على اقل التفاصيل بحياته وقف وهو مشتاق لها رغم جفاها اتجه للعريس وبارك له وطلع كان متجه لبيت عمه وهو كله شوق لها وصل نزل وتقدم للباب بس رجع خطوه وراء لما تذكر ان عمه بالبيت وهو مايبي يقابله تنهد بضيق ولف على صوت سعيد زوج عمته:عادل وش فيك
عادل :هاه ولا شي
سعيد: اذا تدور على ابوك هنا ترا هو توه وصل
عادل: ايه ايه ادور عليه
اتجه عادل لبيت جده ودخل وهو ضايق:سلام
ابو عادل :اهلين رجعت بسرعه
عادل: مالي خلق عميمه كيف رجولك
منى: الحمدلله
قطع الصمت صوت الرساله سحب جواله لكن كانت الصدمه ان الرساله من ريمان جالس بمكانه وهو متفاجئ فتح الرساله ( عادل .. كيفك .. مشكور على اللي سويته )
ضحك عادل والكل مستغرب من مزاجه اللي تغير ورد بسرعه( الحمدلله .. وش اللي سويته)
ريمان اللي كانت عايشه بمعاناه لين ارسلت وهي دايسه على نفسها فتحت رده بسرعه : انخبل ذا الشرهه مو عليه على اللي يرسل له
وصلها رد ثاني من عادل ( لا اسمعك تشكريني هذا اول شي ثاني شي واهم شي انا اللي سويته واجب علي وانا وعدتك وعاهدت امك انا احميك من كل حتى من نفسي )

..... 135 ......

ابتسمت ريمان لا شعوريا ولا عرفت ترد كثير احيان يحرجها عادل بكلامه على طولة لسانها الا انها تلعثمت ولا عرفت ترد
ضحك عادل ونزل الجوال وهو يدري انها مابترد ناظر اللي حوله وكلهم يناظرونه : وش فيكم
منى :ولا شي سبحانه مغير الاحوال
ضحك عادل :سبحانه
وقف وهو يقول : انا بروح تبون شي
ابو عادل: ايه نواف بالبيت شوف وش يسوي
عادل :زين
ظيمنع
ظيمنع
عند فيصل اللي طلع لعساف ورائد اللي ينتظرونه بمكانهم المعتاد : سلاااام
الكل :عليكم السلااااام
رائد:اهلين بالعريس اهلين
فيصل:هلابك
عساف:هاه وش صار
فيصل : قبل كل شي اطلبوا لي اكل جوعان
رائد ضربه بالشاحن:قولي بس من متى انت ما تجوع من متى
فيصل :هالمره انهد حيلي
ضحك عساف وهو يطلب له :قول
فيصل: كلمتهم وباقي بيفكرون
رائد:وانت وش جد معاك عشان تعجل
فيصل: اللي جد اني معاد اتحمل عمتك
رائد:ليش
فيصل : كذا صارت تستفزني وغير كذا انا خلاص ابي ا ت ز و ج اتزوج طق قلبي والله
ضحك رائد بس قاطعه اتصال نسرين اللي تطلبه يجي يوديها المستشفى ووقف وهو ينزل فلوس الطلب :انا رايح هذا حسابكم
فيصل: وش فيها نسرين
رائد: تعبانه شوي
عساف :ماعليها شر
رائد: مايجيكم
راح رائد ولف فيصل على عساف اللي سرح بفكره :خير ي الاخو وين وصلت
عساف :ولاشي اسمع فيصل بقولك عن موضوع افكر فيه
فيصل وهو ينزل الاكل اللي وصل : قول
عساف : انا افكر اتزوج
ضحك فيصل ولف :لا لا عاد الشغله غيره هي
عساف:لا مو كذا بس هذاك قلتها تعبنا من العزوبيه وامي تحتاج احد يساعدها
فيصل طالعه بطرف عين ورجع لاكله :ايوه كمل
عساف : يعني وبيني وبينك مليت من هالحياه ابي استقر عاد وابطل شغب وابوي بعد نفسه يفرح و ..خير وش فيك تضحك
نزل فيصل الملعقه وهو يضحك بكل صوته :وش فيك كمل
عساف : فيصلوه بدق خشمك خير وش فيه
فيصل :فيه انك ثور وكذاب
عساف :ليه
فيصل: مالقيت تكذب الا علي انا شوف عاد عشان اريحك من ذا كله احب اقولك اني كاشفك من ملكة عادل وبالع كل شي وساكت ومخليك على راحتك لكن اليوم تبي تعترف
عساف انصدم:وش اعترف فيه
فيصل : مدري عنك سر هالزواج والسرحان والخرابيط
عساف تورط لما شاف ان فيصل كاشفه وهو عجز يخبي عن فيصل: دامك كاشفني بصراحه الموضوع مره مضايقني ومأذيني عجزت اتحمله
فيصل :قول قول
عساف:بس قبل ابيك ما تفهمني غلط فيصل انت اكثر واحد تعرفني
فيصل خاف :عساف قول
عساف:ابي الامان اول شي
فيصل ابتداء يعرق: عليك الامان قول
عساف قاله كل سالفته مع نسرين بالتفصيل فيصل انجن وانعقد لسانه ما عرف ينطق اي حرف تفشل من عساف ان وحده من بنات عمه تكون كذا وغير هذا شلون تدمر حياة اختها
عساف:فيصل تأكد اني راعيا الوضع كأنها وحده من خواتي
فيصل: وشلون وشلون تسوي كذا
عساف:انا بعد ما توقعت وانصدمت وترددت كثير قبل اقول
فيصل:ولا تقولي انك تبي تتزوجها
عساف : انا كذا كذا ناوي اتزوج فقلت اتزوجها منها اختصر كل اللي صار ومنها بعد استقر
فيصل ؛ وانت ليش ماقلت لي كيف تخبي هالشي عني وتتصرف من راسك كيف
عساف : انا والله اني نويت الستر لها لكن
فيصل مسح جبينه بعصبييه : اي ستر اي ستر ابي اعرف اي ستر هي خلت في الموضوع ستر
عساف: فيصل تأكد انه ما طلع لاحد غيرك وانت خفت تخرب حياة عادل
فيصل لف بسرعه :لا يكون عادل متهاوش مع عمي عشانها
عساف جمد :وشو
فيصل اخذ جواله وهو يدق على عادل : امس تهاوش مع عمي مدري ليش
رد عادل : هلا فيصل
فيصل :عادل كيفك
عادل :الحمدلله
فيصل:وينك فيه
عادل: بالبيت
فيصل:نواف عندك
عادل: لا والله بغرفته لا تخاف كويس
فيصل : زين انت مو ع اساس بزواج صاحبك
عادل تنهد بضيق :زهقت وطلعت
فيصل: خير وش فيك
عادل: ولا شي
فيصل:الا فيك قول لا يكون مشكلتك مع عمي
عادل:لا لا
فيصل:انت وش مشكلتك معاه
عادل : بسيطه مالها داعي
فيصل: عويدل مالي خلق اسحب كلامك انطق
عادل : ولا شي ريمان الله يهديها طولت لسانها علي وعلى دخلته سمعها وكان بيضربها ومنعته ولما تمادى قلت له اني باخذها واتزوج مجرد عشا
فيصل :صاحي انت لا بالله العايله في الباي باي
عادل :كأنك ناقص انت
فيصل : تعال جد على الطاري المجنونه نسرين وينها غايبه
عادل تكلم عادي: مدري امس قابلتها رايحه مع امها مدري وين بس الاكيد انها فيها صفقه مدري شوضعها صايره غريبه يعني قبل تطلع تسولف تجي احيان بيتنا اختفت مره
فيصل من كلامه عرف انه ما يدري بموضوع نسرين: ياشيخ بالناقص المهم خل بالك على نواف لما ارجع ما بطول
عادل : اول شي مهما كان هي بنت عمك احترمها وبعدين نواف لا توصيني عليه
فيصل: زين زين يلا سلام
سكر فيصل ولف يبعد عساف اللي لازق بالسماعه : شكله ماعنده خبر بموضوعها
عساف : زين وش بتسوي او نسوي
فيصل : مدري هالزفت اكيد بتخرب قبل الزواج
عساف: قلت لك مالها الا اتزوجها
فيصل: عساف جنانك مو وقته هاذي مو شغله سهله تورط كذا هذا زواج عمر عمر ما تقدر تستهين فيه
عساف : وش معنى انت
فيصل : انا بايعها طيب انت لا
عساف : واذا قلت اني ابيها
فيصل لف وهو يشعل الزقاره: بقولك كذاب
عساف: فيصل ناظرني زين انا شهر افكر بالموضوع وتقريبا كلمت امي انا عندي استعداد اتحمل كل شي
فيصل : مستعد تتحمل انك تجلس مع زوجتك وانت تدري ان قلبها مع غيرك !!
عساف قرب من
فيصل بثقه: مستعد اتحمل لاني ادري اني من اول شهر غيري هذا بيصير فص ملح وذاب واكون انا الاول
فيصل ضحك على ثقة عساف : وانا بعد اثق فيك من هالناحيه لكن ما اثق في ردود وحده متهوره زيها
عساف: شكلك ناسي انا كم ادبت
فيصل : ما نسيت بس احذرك انك تتكلم عن بنت عمي بذا الصفه
عساف : من عيوني بس لا تشكك في قدراتي
رجع فيصل على ورا وهو ينفث دخان الزقاره من فمه : زين هذا الميدان ي حميدان لكن هااااه حطني على بالك زين ولا تنسى اني حذرتك وحط في بالك ان اذا خسرت بتخسر اشياء كثير اكثر من زوجه وفكر فيها قبل تتهور
عساف تقدم وهو يسحب الزقاره من يد فيصل ويكملها : ادري اني احط صداقتنا على المحك بس مو انا اللي اخسر
وقف فيصل : زين لك مابغيت تقدر تبدا اذا تحب
عساف : ولو جاهزين
ضحك فيصل وهو يقول : الله يعين
طلع من المقهى وهو مو واثق في عساف ولا في نسرين وخايف من هالعلاقه اللي يعتبرها قنبله اذا تفجرت بتخرب اشياء واولها علاقتهم ببعض اللي مايقدر فيصل يتنازل عنها واللي جمد فيصل شلون نسرين تسوي كذا شلون
سحب جواله وهو الخاص بالبنات وكسر الشريحه والجوال ورماه ركب سيارته وهو خايف جداً من عواقب اللي كان يسويه وقف وهو يبتسم للاشاره مثل المجنون شهق لما تذكر ان رقم حنين بالجوال اللي كسره بس ارتاح لما تذكر انها بجواله الاساسي لكن بهاللحظه انتبه واستغرب كيف عرفت رقمه الاساسي وهو محد يعرفه الا اهله وسنابه الخاص احتار في امرها لكن ما طول يفكر لانها خلاص صارت تعني له اكثر من اهله ضحك لما طالت الاشاره كان مستحيل يوقف عند اشاره الا نادرا لكن الحين مستعد يوقف عندها سنين طلع جواله وصور وهو يعلق ( ‏تذكرتك وجيت أصوّر الذكرى على شانك
‏على نفس المكان اللي جمعنا يا جعله ما يفرقنا )
نزلها وضحك على صوت السيارات اللي بدت تعطيه اشاره ان الاشاره فتحت كان يضحك مثل الخبل وقف سيارته قبال البيت وهو مبسوط في الوقت اللي المفروض يكون قالب الدنيا على راس نسرين شاف سيارة رائد قبال بيتهم تنهد بتعب : يا كثر ماخفت ي رائد علينا من ان ربي يبتلينا بمثل هالبنات وكنت انت المبتلى
سحب جواله ولما نزل حس ببرد ولف شماغه على وجهه وشد جاكيته عليه اتجه لبيت جده عشان عمته دخل وشاف الدنيا ظلام استغرب لف بيطلع لكن كانت الصدمه انه توجه له ضربه عنيفه على وجهه فقد فيها توازنه وطاح مغمى عليه ..

17 - 1 - 2022, 07:16 PM

..... 136 .....

بعد فتره صحى فيصل وهو يحس الدنيا تدور مد يده لوجهه اللي كان يوجعه بس حصل شاش تحرك وهو يقول :ااااااه
سعيد: فيصل انت بخير
فيصل ناظره باستغراب :ايش
سعيد: فيصل عرفتني
فيصل طنشه وهو عارفه لف على صوت عمته اللي كانت تبكي بجنبه :انا اسفه ي حبيبي ماكنت اعرف انه انت والله
سعيد : بالغلط ي فيصل
الجد : فيصل ماعليك شر ان شاء الله
دخل ابو عادل وعادل ونواف : فيصل بسم لله عليك
عادل :عمه شصار
الجد :تعوذوا من ابليس بسيطه ان شاء الله اصبروا
ابو عادل كان مفجوع من الشاشات اللي على راس فيصل وعينه : فيصل يوجعك شي
فيصل ماكان فاهم شي بس فاهم انه بالغلط قرر يستهبل عليهم وقال :من انتم
الكل سكت بصدمه وصرخت منى : ي ويلي عليك ي فيصل الله يكسر يديني اللله يكسر يديني
ابو عادل جلس بصدمه:وشو
فيصل كان بينفجر من الضحك بس قرر يكمل : من انتم وش تبون انا ليه هنا
عادل بعدهم وقرب وهو يناظر فيصل: فيصل لا تستهبل فيصل
فيصل كان ساكت ويناظر باستغراب الجد قرب وهو يحط يده على راسه ويقرا عليه: بسم الله عليك ي ابوي بسم لله عليك استودعتك الله استودعتك الله
فيصل كان متقن دوره وهو يسمع ولولة عمته
سعيد ركض جاب الدكتور اللي قال :اتركونا شوي لو سمحتوا
منى: ماراح اروح لمكان
سعيد :منى تعالي تعالي خلي الدكتور يشوف الولد
الجد:يلا يلا
طلعوا كلهم وعادل وابوه ونواف مو مستوعبين اللي صار قرب الدكتور من فيصل وهو يشخصه لكن تكلم فيصل عشان ما ينكشف وقال : دكتور ابي منك مساعده
الدكتور استغرب :امر
فيصل:ابيك تفهم اهلي اني فاقد الذاكره
الدكتور انصدم:نعم لالا مستحيل
فيصل مسكه بسرعه وبتمثيل عشان يضبط مقلبه: دكتور الله يخليك اسمعني لو عرفوا اني ماني فاقد ذاكرتي بيعذبوني الله يخليك دكتور ساعدني
الدكتور: شلون تفقدها من ضربه بسيطه
فيصل:الله يخليك اسمعني انا حياتي معرضه للخطر الله يخليك تساعدني بتنقذ روح دخيلك
جلس فيصل براس الدكتور لما اقنعه رجع ينسدح وهو نفسه يضحك عليهم وقرر يستهبل ويوسع صدره شوي طلع الدكتور وقالهم هالشي وقال في اي وقت ممكن ترجع له بس لا تتعبونه طبعا الكل انهز من الموضوع وبالذات منى اللي فضحتهم بالمستشفى وهي تدعي على نفسها دخلوا كلهم عنده اما فيصل اللي كان ضابط الدور ولا هوليود تمشي معه
منى اللي كانت تبكي عند راسه اما ابو عادل اللي كان مصعوق من الخبر وواقف يناظر فيصل بصدمه وحزن اما نواف اللي كان ماسك بعادل هو مايدري وش السالفه بس يدري ان فييصل مو بخير
عادل اللي صدمته اقوى من الكل جلس وهو يقول : فيصل فيصل لا تستهبل دخيلك ناظرني انا عادل عرفتني
فيصل كان بيموت من الم راسه والضحك هز راسه ب لا: انا ما اعرفك من انت
منى: يوييييييييييلاه راح راح حبيبي راح حسبي الله علي
الجد مل منها: بسسسس عاد ذبحتينا اسكتي
سعيد: الدكتور قال يكتب له خروج بعد نص ساعه
ابو عادل :كيف خروج وهو تعبان !!
سعيد: قال انه يحتاج راحه لا اكثر ومع الوقت بيتذكر وهذا ادويته ويبدل لجرحه كل يومين
الجد:طلال تعوذ من ابليس
ابو عادل : المفروض مايطلع وهو كذا
سعيد: ي طلال انا قلت له هالكلام وقال ما عليه خوف نسبة فقده لذاكره بسيط شوي يعني خلال اسبوع بيتذكر ان شاء اللله واحتمال قبلها
لف ابو عادل يناظر فيصل بحزن:وشلون صار كذا
ارتفع صوت منى تبكي وتكلم سعيد: بعد ما انت طلعت كلنا صلينا العشاء وقررنا ننام بدري لانا تعابى لكن بعد ساعه عطشت منى ونزلت تشرب مويه لكن فيصل الله يهديه دخل البيت متلثم ولابس جاكيت اسود وهي عبالها حرامي وضربته بالعكازه وطاح وجينا على صوتها وجبناه هنا
الكل لف لمنى بعتب ومنى بكت زياده جلسوا وهم يراقبون فيصل اللي كان متورط بجواله اللي يدق ويدق اخذه عادل وقفله وحطه بجيبته بعد نص ساعه اخذوا فيصل وراحوا البيت وصلوا ودخلوا كانت سهام جالسه ووقفت اول ماشافتهم وشهقت :وش صار
فيصل لف لهم بأستغراب :ليه جاي هنا من انتم ليه تاخذوني
عادل اللي كان فيه غصه : فيصل حبيبي هد هذا بيتنا
سهام حطت يدها على فمها بصدمه ابو عادل : عادل اخذ اخوك لغرفته وخلك عنده لين ادبل واجي
طلع عادل ومعه نواف وفيصل
وابو عادل اللي توجه لغرفته وهو ضايق رغم ان فيصل اكثر واحد معزر فيه ومأذيه الا انه ما يحب يصيبه اي شي
سهام: طلال وش صار ؟

17 - 1 - 2022, 07:17 PM

..... 137 ......

ابو عادل قالها السالفه باختصار وطلع جلست سهام بصدمه صح انها ضاقت بس فرحت ( زين دامه فقد الذاكره اكيد بيتأجل الزواج والا هالمريض ياخذ اديم اوريك اذا ما فركشت عليك طيب ي فيصلوه )
عند فيصل اللي انسدح على السرير بتعب وهو يشوف اخوانه كيف خايفين عليه حزن عليهم كان بيقولهم بس دخل ابوهم وسكتوا
عادل :نواف جيب مويه
نواف ركض وجاب مويه وجاء اعطو فيصل الدواء والمسكن جلس ابو عادل وهو يمسح على يده: ماعليك شر ي حبيبي
عادل: يبه بتنام هنا
ابو عادل : ايه يبه انتم روحوا ناموا بغرفكم
عادل: يبه حنا بعد بننام هنا
ابو عادل كان بيعترض بس شاف مافيه مجال بدلوا العيال وجو وابتدوا يفرشون لهم
فيصل مرت عليه لحظة صمت وكان مستانس انه خرب على سهام وجاء ابوه ينام معه وتركها بدون اي تخطيطات منه لكن انه تورط انه نايم الظهر وما فيه نوم الحين لكنه غمض اول ماحس ابوه يحضنه وهو يحط يده على راسه ويقرا عليه
عادل ونواف اللي ماقدروا ينامون وهم يراقبون فيصل لين نام ونام ابوهم بعد وبعدها نامو هم بعد
بعد تقريبا ساعتين مل فيصل وزهق وهو جالس يراقبهم اتسحب بهدوء وهو مايبي احد يصحى عليه بعد ما تأكد انهم غطوا بنومهم نزل بشويش وهو ماسك راسه راح للمستودع اللي كان مخبي فيه ثعبان صغير بس ( مسحوب سمه مايضر يعني ) ضحك وراح بأتجاه غرفه سهام اللي كانت اصلا بتموت من الخوف وهي توسوس دق الباب بطريقه مرعبه وبعد شافها طلعت تناظر ورجعت بخوف وبعد تكرار هالحركه ثلاث مرات فتح الباب بشويش بدون ما تشوفه ودخله وطلع ركض بكل قوته لدرجه انه حس ان راسه ابتداء ينزف دخل برعب وهدوء وهو يتسحب وانسدح وقلبه يدق دق غمض وهو يترقب لحظة صراخ سهام اللي ماطولت وارتفع صوتها تصرخ فز ابو عادل وعادل وهم يناظرون فيصل اللي بالموت قدر يضبط انفاسه ويسوي نفسه نايم اتجهت انظارهم على الباب اول مازاد الصراخ فز فيصل برعب ونواف ومسك فيصل في ابوه وهو يحول ملامح وجهه بطريقه محترفه
ابو عادل فز وركض ومعاه عادل اما فيصل اللي وقف وهو يناظر بصدمه نواف ركض لفيصل وهو خايف حضنه فيصل وطلع وهو يوقف بنص الصاله وكأنه مايدل البيت
تحت عند سهام اللي كانت على التسريحه وتصرخ برعب وهي تشوف الثعبان يتمشى بالغرفه فتح ابو عادل وهو يصرخ: وش فيك
عادل صرخ:يبه انتبه
لف ابو عادل وانصدم ركض عادل وهو يدور على اي شي يقتله فيه ورجع يركض ابو عادل كان منجلط كيف دخل ومين دخله دخل عادل وهو يقول : يبه خذ سهام
ابو عادل :عاااااادل انتبه ي عادل
عادل : يبه خذ سهام بسرعه واطلعوا
اتجه ابو عادل لسهام وسحبها معاه برا وهي كانت تبكي برعب وترجف كان عادل خايف منه بس ماله حل الا انه يقتله كان في معركه عنيفه معه وكان يدخل في اماكن عادل مضطر انه يخرب عشان يوصله وبعد عناء قدر عادل انه يقتله لكن الغرفه راحت فيها طلع ورمى الفاس اللي بيده وسمع صوت نواف يبكي فوق : نواف تعال وجيب معك فيصل
نزل نواف وهو ماسك بيد فيصل اللي يشوفه يقول هذا اول مره يدخل هالبيت سنده عادل وجلسه وهو يقول :خلاص نواف هدي وش فيك
نواف : عادل انا خايف ي عادل
عادل حضنه:ما فيه شي قول بسم لله
فيصل اللي كانت نظراته على ابوه اللي مقرب سهام منه بطريقه قهرت فيصل عشان يهديها
ابو عادل: وش دخل الثعبان الغرفه
عادل جاب مويه واعطاها سهام اللي كانت ترجف وبعد شوي قالت :مدري مدري ثلاث مرات اندق الباب بطريقه تفجع وبعدهاا دخل هالثعبان
ابو عادل وعادل؛ نعععم
عادل : سهام تكفين مانبي تخريف
سهام: والله كذا صار
ابو عادل وعادل ماصدقوها وهي تحلف لكن مستحيل راح عادل يلف ويدور وشاف باب المستودع مردود وشباكه مفتوح رجع وهو يهز راسه بأسى : سهام انتي رحتي للمستودع اليوم
سهام: لا لكن منى اليوم دخلت فيه بعض الاغراض
عاادل : بس خلاص هنا السالفه
ابو عادل:وش فيك
عادل : شباك المستودع مفتوح والباب شوية مردود شكل عمتي ماقفلته وجاء من هالخرابه اللي بجنبنا
ابو عادل نسى ان فيصل مريض ولف بغضب:فيصل مو قبل امس قلت لك قفله
فيصل ناظر فيه بصدمه:تكلمني ؟! مين فيصل
زفر ابو عادل بضيق وهو يهز راسه بأسى: لا حول ولا قوة الا بالله
عادل : انا سكرتها خلاص بكره اجيب عمال ينظفونه نهائي ولا عاد تنفتح
ابو عادل :لا حول ولا قوة الا بالله سمي بالله وتعوذي من ابليس
سهام: طلال والله احد دخلها ..

17 - 1 - 2022, 07:17 PM

..... 138 .....

ابو عادل انجن:مين يدخلها ي بنت الحلال لا تخوفين نفسك وتخوفين العيال
سهام رجعت تبكي برجفه عادل راح لفيصل اللي يناظرها وكانه مايعرفها: فيصل تعال معي
فيصل:مين انا
عادل :ايه تعال
وقف فيصل ومعاه نواف
عادل :يبه برجع فيصل لسريره انت خلك مع سهام
ابو عادل :زين وانتبه له
عادل :زين
طلعوا فوق ورجع فيصل لسريره وفيه فرحه الدنيا لما شاف دموع سهام وقهرها وابوه ماصدقها والاكثر لما شاف الغرفه خرابه كنسل فكرة انه يقول لعادل ورجع يتلحف وهو يناظر نواف اللي حاضن عادل بقوه وعادل يواسيه غمض براحه ونام وهو مكيف على الاخر اما عادل راوده شك في فيصل بس اختفى اول ماشافه نام بتعب سكر النور ورجع لنواف اللي بالقوه نام
اما ابو عادل اللي اخذ سهام وراحوا ينامون بغرفة الضيوف لكن هيهات تنام سهام اللي طول الوقت تبكي وتحاول تفهم ابو عادل اللي ماهو مصدقها ونام وتركها لما ازعجته وظلت لما الفجر صاحبه وتراقب برعب
ظيمنعظيمنع
ظيمنع
من بكره في بيت ابو مشاري اللي كانوا مجتمعيين على الغداء نزلت اديم اللي ما راحت الجامعه جلست بجنب ابوها بهدوء وقالت : يبه
الكل لف لها ابو مشاري : هلا يبه
اديم :كلم ابو عادل وقولهم اني موافقه يكون الزواج بعد شهر
شهقت مروى وام مشاري ورويده: ي مجنونه انتي صاحيه مايمديك
مشاري: معليك من احد اديم اللي يريحك انتي وفيصل سويه
ابو مشاري : ابشري يبه انتي ما قلتي لفيصل
اديم تورطت:لا ادق عليه مغلق
ابو مشاري : سهالات الحين ادق على ابو عادل واقوله
مشاري ابتسم لها : الله يوفقك ي رب
اديم ابتسمت وهي مليانه ضيق كان امر زواجها مجبوره عليه مو بكيفها وتدري ان فيصل بيحرقها لو رفضت
ابو مشاري سحب جواله واتصل مرتين بس محد رد عليه : غريبه من ابو عادل مايرد
مشاري : يمكن نايم
ابو مشاري :يمكن خلوني ادق على سهام اتطمن عليها
ام مشاري: اي كلمها ترا مقصر معاها انت
ابو مشاري: زين زين
دق على سهام اللي ردت بصوت تعبااااااان من الصراخ والرعب اللي صار : اهلين ي اخوي
ابو مشاري بأستغراب:هلابك وش فيه صوتك
سهام : تعبانه شوي انت كيفك
ابو مشاري: الحمدلله من ايش تعبانه
سهام : لا بس امس نسيت باب المستودع مفتوح وكان شباكه مفتوح وهو وراه خرابه ودخل منها ثعبان من كثر ما صرخت انبح صوتي
ابو مشاري وقف بفجعه:وشوووو ثعبان صار لك شي
سهام:لا لا قتله عادل
ابو مشاري:وابو عادل وينه عنك
سهام: ابو عادل كان مع فيصل
ابو مشاري: وش فيه فيصل بعد
سهام : انضرب على راسه وفقد الذاكره
ابو مشاري: ايييييييييش لا اله الا الله وش صاير عليكم انتم اعوذ بالله من الشيطان
مشاري:يبه وش فيه وش صار
اديم اللي وقفت برعب وخوووووف من ان فيصل صار له شي الكل وقف وتجمعوا على ابو مشاري اللي سكر من سهام وهو متضايق ام مشاري: دخيلك ي ابو مشاري وش صاير
ابو مشاري قالهم اللي قالت له سهام طبعاا نزلت حالة صدمه وخصوصا علىى اديم اللي جلست ودموعها على طول انهلت ما استوعبت ان فيصل فاقد الذاكره ابدا سمعت ابوها يقولهم يجهزون بيرحون يزورونهم ركضت وهي تدعي انه يستهبل وانه مقلب بدلت ملابسها وسريع ولبست عبايتها وهي تاخذ جوالها الاحتياطي معاها نزلت وباقي اهلها ما نزلوا حدثت بسرعه وهي تدعي ان فيصل منزل شي بس الصدمه ان اخر حاجه نزلها كانت امس المغرب وكانت الاشاره حطت يدها على راسها بخوف وقررت تختبره اذا هو فعلا فاقدها او يكذب عليهم صورت اللي قبالها بسرعه وعلقت عليه بشي يطمن فيصل وتذكره بأسمه اللي يحبه (‏أنا لضيقك ، رحابة صدر ..
‏وأنا لسرّك ، ستر وُ غطا .
‏وإن كان بعمرك فرح ؟
‏بعيشه معك ، كإنه لعمري فرح .) لفت لما نزلوا اهلها وبسرعه لسيارات كانت ودها تسبق كل الوقت وتصير عند فيصل
ظيمنعظيمنع
ظيمنع
في بيت ابو عادل اللي كان بجنب فيصل قالت له سهام ان ابو مشاري واهله جايين ابتدوا يرتبون ويترتبون وجاء عادل يصحي فيصل اللي ناظر فيه بضيق وهو ناسي انه يمثل عليه وكان ناوي يلعن خيره بس تذكر اول ماشاف المرايه وشاف الشاش
عادل :فيصل تذكرت
فيصل مارد وهو ينزل راسه ويمسكه
عادل :يوجعك راسك طيب
فيصل:ايوه
ابو عادل :ماعليك شر ان شاء الله خذ دواك الحين وبدل ملابسك عمك ابو مشاري وزوجتك جايين
فيصل انصدم وهو فعلا هالوقت مايبي يشوفهم وقافله معااااه ومايبي يشوفهم :انا متزوج
عادل :تقدر تقول خاطب

17 - 1 - 2022, 07:20 PM

..... 139 .....

فيصل ( وانا ناقصهم عساهم بحادث يطشرهم ) وقف بمساعده عادل اللي جهز له ملابسه ونواف اللي يساعده باللبس نزلوا وشاف منى جايه وجايبه معاها فطور والكل في بيتهم ( يالله انا وش جبت لنفسي انا )
ابتدوا يسلمون عليه ويتحمدون له بالسلامه وهو من قوة مافيه نوم يسمع كلمه ويطوف عشر وهم عبالهم مو متذكر شي
دخل رائد وهو شبه يركض : فيصل
فيصل لف يناظره( يوه موب وقتك ي رائد) رائد قرب وجلس قباله وهو يناظره وجهه وراسه: وش صار مين اللي طقك فيصل رد علي
عادل قرب :رائد تعال اجلس انا اقولك وش صار
رائد :وش صار
عادل حكى له اللي صار ولف رائد لفيصل بصدمه: فقد الذاكره
الكل نزلوا راسهم بضيق عادل: رائد الموضوع بسيط الدكتور قال خلال اسبوع بترجع له
رائد كان يناظر فيصل بصدمه قرب وهو يمسح على راسه :ماتشوف شر يالغالي
فيصل كان يحاول يشتت نظره عشان ماينسكر لرائد سمعوا صوت الجرس ووقفوا الرجال كلهم وبما فيهم فيصل وراحوا المجلس
ظيمنع
ظيمنع
بالمجلس دخل ابو مشاري ومشاري وهم ضايقين على اللي صاب فيصل سلموا عليه بحراره وهم يتحمدون له بالسلامه
ابو مشاري :ماتشوف شر ي ولدي وربي ان ضقت كأنه بأحد عيالي
ابو عادل :الله يطول بعمرك ي ابو مشاري
مشاري:الحين هو مايتذكر ولو شي بسيط
عادل: لا لكن خلال اسبوع ان شاءالله بترجع له
ابو مشاري:وش السبب طيب
ابو عادل: فيصل الله يهديه امس بالليل دخل بيت ابوي متلثم واخيتي الله يهديها تحسبه حرامي وضربته وهاذي النتيجه
ابو مشاري:لا حول ولا قوة الا بالله الله يهديهم
ابو عادل: امين
ابو محمد :هو الله يهديه عليه حركات مالها داعي
الجد :ابو محمد اطوي السالفه غلط وصار
سكت ابو محمد على دخلت عساف اللي بلغه رائد بالسالفه وانفجع وقف بنص المجلس يناظر فيصل
وبعدها تقدم وهو يهرول :فيصل بسم الله عليك ي اخوي بسم لله عليك
ابو محمد :رد السلام اول
لف عساف وهو ناوي يغسل شراعه بس تذكر انه يبي منه شي :انا اسف من خوفي على فيصل ما انتبهت السلام عليكم
الكل :وعليكم السلام
ابتداء عساف يسلم على الكل وبعدها رجع لفيصل وهو يكلمه بهدوبهدوء :فيصل عارفني انا عساف فيصل متذكرني
فيصل كان بينفجر من الضحك على عساف بس مسك نفسه وهو يمد يده لراسه بألم عساف: يوجعك شي
فيصل :عطني منديل لو سمحت
عساف ركض يجيب المنديل ومده لفيصل اللي ابتدا يمسح وجهه والكل يراقبه همس بخفه يسمعها عساف : نسرين
انصدم عساف ورجع لورى وهو يصدق يكذب بس فهم ان فيصل مايبي احد يدري كان مصدوم من دقة تمثيل فيصل
عادل قرب وهو يطبطب على كتف عادل :ان شاء الله بيصير بخير
الكل كان يراقبون فيصل بدون اي موضوع ينفتح تقدم ابو مشاري وقال بهمس في اذن ابو عادل : ابو عادل خلني اخذه لاديم يمكن يتذكر اذا شافها او شي
ابو عادل :والله ماعندي مانع انا ودي باللي يساعده
ابو مشاري : زين خلني اكلم سهام تخلي لهم غرفه
ابو عادل : خلك انا اكلمها
وقف ابو عادل واستاذن وطلع
ظيمنعظيمنع
ظيمنع
عند الحريم كانت اديم جالسه بصمت وهي تنتطر الدقيقه اللي تلتقي بفيصل كانت تهز رجلها بتوتر والكل لاحظ عليها كانت منى تحكي القصه اللي صارت واديم جاء على بالها تقوم تصفقها بالترمس وتفقدها ذاكرتها سمعوا صوت ابو عادل اللي ينادي لسهام وقفت واتجهت لابو عادل : سهام اخذي اديم للمجلس الصغير
سهام بأنفعال:ليييش!!
ابو عادل : نبي فيصل يشوفها احتمال يتذكر شي
سهام: لا لا ما بيقدر يتذكر
ابو عادل بصرامه: سهام لا تطلعيني من طوري وعجلي يلا
سهام كانت بتتكلم بس همس ابو عادل وهو يشد على يدها: خلصيني
تحركت سهام برعب وراحت لاديم بهدوء واول ماحطت يدها عليها فزت اديم
سهام: تعالي معي
وقفت اديم ومشت معاها والكل يراقبها :سهام وين
سهام: تعالي بتقابلين زفت الطين فيصل
اديم لفت عليها بغضب:حرام عليك الادمي تعبان
سهام:ههه هههههه ضحكتيني هذا ابليس يمرض ويتعب ويموت وهذا ماصار له شي
اديم :استغفرلله خلااص عاد
سهام: تصيحين علي عشانه
اديم:وين اروح
سهام: زييين زييين هذاك المجلس
راحت اديم وهي ما تبي احد يتكلم عن فيصل بأي شي خير او شر دخلت المجلس الفاضي وجلست وهي تدق اصابعها بتوتر سمعت خطوات جايه وقفت وهي دموعها مليانه بعيونها
كانت تناظر الباب بترقب دخل فيصل ومعاه مشاري شهقت اديم اول ماشافت راسه الملفوف كله وعينه رفع راسه فيصل اللي كان بيشهق من شوفة اديم كانت طبيعيه جدا بدون ذرة مكياج بس جميله نزل راسه وهو باقي واقف

17 - 1 - 2022, 07:20 PM

..... 140 .....

مشاري :فيصل ادخل هاذي هي اديم خطيبتك
فيصل بنفسه( ومرض ياخذك انت وخطيبتي من زين الهرجه ) مارد وجلس باقرب كرسي واجهه
اديم اللي كانت واقفه بعيد وتحاول تفهم اللي فيه قلبها يقولها انه كذاااااااااااب بس شكله يثبت انه فاقد الذاكره
مشاري :اديم انا برا طيب
اديم هزت راسها بطيب وهي تناظر فيصل لدرجة انه توتر قربت له وهي لو تبي تحلف انه يسمع دقات قلبها نزلت براسها شوي له وهي تقول : فيصل عرفتني
فيصل لف يناظرها وارتجف لما حس بعطرها اللي اقتحم نفسه تنح لا شعوريا اول ماشافها قريبه بلع ريقه ورجع نزل راسه
اديم حطت يدها على كتفه :فيصل انا اديم حاول تتذكرني بتعرفني صدقني
فيصل اللي تكهرب ولف بهدوء وهو يبعد يدها عن كتفه : ماني متذكرك
اديم : حاول
فيصل ضم يدينه لبعض وهو يناظرها ( حسبي لله عليك مجرأك هذا وانا لاعن خيرك ولاصقه فيني اجل لو احبها وش بتسوي فيني )
اديم حاولت تذكره بكل الطرق بس فيصل كان ساكت ويستمتع اديم : طيب تذكر امك وسهام
فيصل شب في قلبه حريقه ( لا ي بنت ××× تحاولين تلوين ذراعي ادري انك تبين تفضحيني عندهم وتلقين عذر تنحاشين فيه لكن اوريك) : لا اصلا من جيت ما عرفت الا منى اللي يقولون عمتي امي ماشفتها مدري وينها تعرفينها انتي
اديم انلجمت وشبه تأكدت انه فاقد الذاكره نزلت راسها وقالت: امك مااتت من فتره ي فيصل الله يرحمها
فيصل حس انه اول مره يسمع هالخبر ضغط على نفسه وهو يتماسك وغمض وهو يسوي نفسه مستغرب :كيف ماتت ومتى ماتت
اديم هنا غمضت بضيق وصدقت انه فاقد لذاكره: موتت ربها ومتى وانت تقريبا بالمتوسط
فيصل:ومن سهام
اديم:عمتي
فيصل:وش لها شغل بأمي
اديم:هي زوجة ابوك
فيصل قطب حواجبه وهو مستغرب انها جالسه تتكلم بأريحيه كذا:متى تزوجها قبل تموت امي
اديم:لا من شهرين تقريبا
فيصل:وليش تتكلمين بحذر عنها
اديم:لانك تكرهها
فيصل رفع حواجبه( وعارفه بعد وبتزيد لكن هين):وليش
اديم: يعني عشانها اخذت مكان امك
فيصل ناظرها بأستغراب : وما دام اكرهها ليش تزوجتك
اديم: ههههه كنت ابي اسالك قبل تتعب بس ما سمحت لي الفرصه
فيصل ناظرها شوي وقال :كيف عرفتك!
اديم لا شعوريا تجمعت دموعها بعينها اول مره تشوفه قبالها ومسالم ماتبيه يضعف مهما كان السبب جاء على بالها تذكره بكل شي يرجع فيصل القاسي بس ما يجلس تحت الشفقه وللحظه كانت بتقوله انها حنين بس تراجعت وقالت: زعمت انك تحبني وميت علي
فيصل:زعمت!!! ليه ماكان حقيقه
اديم :مدري اذا هو حقيقه والا لا بس اللي اعرفه انه جالس تنتقم
فيصل :مافهمت
اديم نزلت دموعها وصدت وهي تمسحها بطرف كمها : انا ما فهمت مره اللي صار بس اللي فهمته انك تبي تطلع حرة سهام فيني
فيصل تجمدت كل اللي فيه من احاسيس اول ماشافها تبكي انبه ضميره شوي ولا شعوريا حط يده على كتفها بحنيته المعروفه وهو مو حاس بنفسه: وانتي وش ذنبك
اديم رفعت راسها بسرعه وهي تناظر يده وصوته ضحكت وهي تقول :ايه هذا انت فيصل اللي اعرفه زين
فيصل رجع شوي بصدمه من حكيها وفرحتها ( وش تقصد ذي ) :كيف يعني ما قلت لي وش دخلك
اديم : انا مالي ذنب وانت بعد الذنب ذنب الزمن
فيصل هنا فعلا فعلا حس بتأنيب الضمير ووقف معها لما وقفت وكان بيعتذر منها ويطلقها ويتركها لكن الصدمه كانت قول اديم اللي قالته وهي تجمع شنطتها : بس مع الاسف انت اسوء من كل الذنوب وانت اكبر ذنب وانت اكبر عذاب
طلعت من المجلس وهي تبكي نادت لمشاري وقالت: مشاري خذه مو متذكر شي ماقدرت اتحمل منظره
مشاري قدر موقفها ودخل لفيصل اللي كان جالس وعينه بمكان اديم اللي تحركت منه ندم مليون مره انه فكر يحن ويعتذر منها شد على اسنانه بغضب وعيونه قرب مشاري منه يبي يكلمه لكن ابتعد فيصل وطلع بسرعه للحظه كان بيلحق اديم ويتوطى في بطنها لكن وقف لما تذكر انها احتمال تدري انه يكذب وتبي تستفزه عشان تكشفه وقف بالنص وجلس والكل اجتمعوا حوله وهو يدور اي طريقه يطلع فيها من موضوع فقد الذاكره هذا
ظيمنعظيمنع
ظيمنع
اديم اللي طلعت من عنده وهي تبكي تبكي بحرقه تمنت لو يجلس طول عمره بهالحنيه اللي شافتها من شوي ماتدري ليش قالت اخر كلامها وكأنها خايفه انه يبي يلعب فيها جلست وقفت عند الحمام وهي تحس الدنيا ضاقت خافت تفقد فيصل الطيب والقاسي بكل الشخصيتين جات لها سهام: وش فيك اكيد طلع مو فاقد الذاكره هالكلب ..

17 - 1 - 2022, 07:21 PM

..... 141 ......

اديم ضحكت بستهزاء: وتقولين وشو له يكرهني ومو متقبلني دامك في مرضه بتتشمتين فيه ما الومه يكرهك لانه متوقع الا متإكد من هالشي
سهام انصدمت: انا ي اديم صار اللوم علي انا هو اللي خلاني اصير ومن كثر ما يحملني اخطاء صرت فيها
اديم : سهام تكفين ابعدي كلكم غلطانين لكن فيصل قولي يعاني من وسواس يعتبر مريض تقومين انتي بدل ما تساعدينه توقفين ضده يالكبيره ي العاقله
سهام :وشوفيني زين اذا بتتكلمين معي كذا عشان سيادة فيصل لا تكلميني
دخلت اديم وسكرت الباب وهي بتموت من القهر اللي صاير فيها ماكانت تدري انها بتشب نار في صدر فيصل هي قالت اللي قالته لانها فعلا تعاني من لذة العذاب في حب فيصل وفعلا فيصل ذنب لكن اطهر ذنب واكبر من الذنب وهو النعمه
ظيمنعظيمنع
ظيمنع
اما فيصل اللي بعد ما جلس وكان ناوي يفركش كل شي ويقول انه مافقد لكن تراجع لاخر لحظه وقرر يضغط يومين على نفسه وهو متحمي لاديم اللي قدرت تلعب فيه بدقيقتين وترخي مشاعره لها وفجاءه تضربه بالحامي كان يسمعهم حواليه ينادونه وابو مشاري قباله كان نفسه يخنقه لكنه وقف وهو يقول : اتركوني اوجعتوا راسي
ابو عادل: فيك شي
فيصل :لا ابي اطلع الغرفه
نواف: تعال انا اوديك
عادل :انتظرني اجي معك
فيصل :لا خلاص هذا معي
الكل سكتوا وهم يراقبونه الكل استوعب الا عساف اللي من لحظتها مصدوم ( يمه منك ي فيصل وش ذا التمثيل اقسم بالله انك مريض اي والله مريض نسأل الله السلامه لكن براع¤و عليه وقف قلوبهم كلهم ما ينخاف عليه ولد فدوى) رائد:عساف وش فيك
عساف ارتبك وقال: ولا شي انا استاذن
طلع بشكل سريع وكأنه زعلان وضايق
الجد : ي حبيبي ي فيصل هو وين والعقل وين وجات هالحادثه تطير الباقي
ابو عادل: رائد روح وراء عساف لا يصير له شي الثاني شايف كيف وجهه تقلب وانخبص
رائد:زين زين
طلع رائد لكنه ما حصل عساف ورجع وهو يدق عليه اما فيصل اللي طلع وهو يطحن بقلبه طحن اول ما راح نواف جلس على السرير وهو الا يحلف ويتحلف في اديم ولا باقي مصيبه ما حلف يسويها فيها تذكر حنين وسحب جواله كان بيرسل بس شاف في الاستوري منزله دخل وشافها منزله الابيات ابتسم وهالمره ابتسامه عريضه نسى اديم واهل اديم دخل لها خاص وقال( وش عرفك اني عندي لك سر ومو اي سر )
اديم اللي رجعت جلست وسط الزحمه وهي مو مع الناس لكن رجعت لها الحياه لما سمعت نغمة السناب الخاصه بجوالها اللي تبع فيصل بهدوء سحبت جوالها وهي تبعد شوي عن مروى وماصدقت لما شافت اسمه (فيصل آل طلال) ابتسمت بحب وفجاءه قطبت لما تذكرت موقفه منها وانه فاقد الذاكره وبرد كل شي فيها وفتحتها بسرعه وهي خايفه ان فيصل يكون يمثل لان وقتها ما تدري تفرح او تحزن وتخاف من دقته في التمثيل العاليه وخصوصا انها ضعفت قباله بالكلام فتحت الرساله بقلب ويد ترجف وانشلت نزلت الجوال بصدمه (وشلون كذا وشلون !!كل اللي صار تمثيل تمثيل كان يسحبني بالكلام )
حمدت ربها انها ما كذبت عليه وحمدت ربها بعد انها صدقته سكتت وهي ان اللي سوته يشفع لها لكن اللي كدر عليها كل شي ان فيصل فعلا ما ينعرف كذبه من جده وسهام صادقه بأنه مكار تماسكت وهي ترد بضيق الدنيا ( وشو وشو!)
فيصل اللي رد بسرعه ( وش تعطيني عشان اقول )
اديم ماكان لها مزاج ( يوه ي فيصل يلا خلص )
فيصل ( بنت وش ذا النفسيه اللي ماسكه معاك ! ما عندك اي حماس لاي شي وش صاير)
اديم انتبهت لنفسها قالت( يوه والله مو نفسيه بس من فتره ماسك معايه صداع مو طبيعي جد مو طبيعي )
فيصل( بسم لله الرحمن الرحيم روحي المستشفى ي أمي كل شي الا صحتك عاد )
اديم بكذب( اي بروح هيا قول وش السر )
فيصل صور لها فيديو وهو يوريها راسه الملفوف ويقولها اللي صار وكيف مثل عليهم ووو ماعادا موضوعه مع اديم
وصل الفيديو لكن ماقدرت تفتحه لما تحركت امهم وبيرجعون البيت لبست وعينها على الدرج ( الله يحفظك ي فيصل ويستر عليك من تهورك هذا)
عند فيصل اللي كان منسدح على سريره استغرب انها ما ردت لكن وصلته منها رساله تقول ( انتظر شوي انا بالسياره )
فيصل( وين رايحه غريبه )
اديم ( كنا عند جدي )
فيصل ( زين اول ما تشوفين الفيديو ردي اوك)
اديم ( اوك ) ظيمنعظيمنع

17 - 1 - 2022, 07:22 PM

...... 142 .....

عند عادل اللي كان جالس عند الباب الخلفي وهو ضايق حس بحركه وراه ولف وشاف ريمان واقفه قطب حواجبه بأستغراب :ريمان
ريمان قربت بهدوء وجلست جنبه : ليش جالس هنا لحالك
عادل مازال مستغرب : وانت وش جابك هنا
ريمان تجاهلت سؤاله وقالت: ضايق لان فيصل تعبان
عادل ضحك بأستياء:ليش تتجاهلين السؤال
ريمان ما كانت تبي ترد لان سبب جيتها واضح انها تبي تشوفه لكن موقادره تفصح وخايفه تفصح : ادري تحب فيصل وماتبي يصيبه شي صح انه مجنون بس ما يستاهل
عادل لف وهو عارف طبعها: دامك جايه بتشوفيني ليه تغثيني بهالحركه جاوبي علي اقل شي
ريمان : يالله ان شاء الله يقوم بالسلامه
عادل ضحك من هالهبله اللي ابتلاء فيها لكن ابتسم لما عرف انها جايه عشانه واستبشر خير تجاهل كل اللي صار وقال : ان شاء الله وان شاء الله بعد يتشافى قلبي
ريمان فهمت عليه وقالت: امييين
قرب عادل بجنبها لما لزق فيها وتنهد تنهيده طويله وكان بيتكلم بس غمض بقوه لما سمع صوت نواف من وراء : ريمان امك تبغاك بتروحون بيتكم
عادل : ووجعه ان شاء الله
ريمان ضحكت بنفسها ووقفت : يلا انا رايحه ماعليه شر ان شاء الله
عادل كان جالس ويناظرها :فيصل والا قلبي
ريمان : اللي تبي
طلعت وراحت وهي تسمع تناهيده كانت فرحانه بهالقاء الغامض طلعت مع امها وهي تحس انها فرحانه
اما عادل اللي وقف وهو يتمغط بوناسه حس انه شوي روق رغم انه ضايق على فيصل دخل وهو يحس انه جوعان صار يفتس بكل القدور ومع الاسف ماكان فيه شي ينأكل طلع واخذ جواله وهو يطلب
ابو عادل:عادل وش تسوي
عادل : جالس اطلب لنا غدا
ابو عادل: ليش سهام ما طبخت
عادل:ماحصلت شي
ابو عادل راح للمطبخ ولا حصل شي طلع وهو اصلا قايمه قيامته وضايق من حال فيصل ومرتفع ضغطه من اتهام سهام له انه هو سبب دخول الثعبان للغرفه
فتح الباب وشافها جالسه على الجوال قرب وهو يقول : سهام وين الغداء
سهام اللي كانت معصبه من اديم ولا تبي اصلا تسوي غدا : ماسويت
ابو عادل :ليش
سهام: مامداني ولا لي حيل
ابو عادل : وش ذا النبره
سهام بعصبيه: وش فيها نبرتي
قرب ابو عادل بعصبيه وهمس هادي يعلن بدايه العاصفه: انا اذا ساكت وتاركك براحتك هذا ما يعني انك تتجاهليني وتتعديني سامعتني وابي افهم ليش ماسويتي غداء وانتي تدرين ما احب اكل المطاعم
سهام بعدت شوي : ما تجاهلتك بس انا تعبانه من اللي صار لي امس
ابو عادل : ليش ماقلتي لي من بدري اقول لمنى تطبخ وانت تعرفين فيه انسان مريض فوق
سهام انفجرت:وش دخلني بالانسان المريض انا وبعدين انت للحين مصدق انه مر.....
سكتت بفجعه لما سكتها ابو عادل وهو يسكر فمها بيده بقوه:لا تخليني اسوي شي مو من طبعي وامد يدي عليك وعيالي احترامهم من احترامي وبالذات فيصل ..صرخ ..سامعتني ولو اشوفك مقلله من احترامهم البيت يتعذرك
سكتت سهام بصدمه الدنيا ولفت تناظر ابو عادل بصدمه لكنه تركها وطلع وهو يقول لعادل اللي واقف بفجعه من صراخه:اطلب الاكل اللي يحبه فيصل
كان متنح وهو ماسك جواله بيده وسمع كل هواشهم كان مصدوم من كلام سهام لكن ماكان بيده انه ينصفها او ينصف فيصل لان فيصل من كثر ماسوى فيها صارت ما تصدق اي شي تحرك لما رجع ابوه يصرخ وقال:ابشر الحين ادق بس انت يبه
ابو عادل:انا اكل اللي ياكله فيصل
كل اللي صار كان من حظ فيصل اللي كان طالع يتمشى وسمع كل شي من إلى بداية الامر ماصدق بس طار من الفرحه ورجع لغرفته وهو يهز كتوفه بحماس لكن تجمد لما حس بأحد يناظره زفر براحه لما شاف نواف المصدوم :فيصل انت بخير
فيصل ركض له وهو يقول :نواف حبيبي انا بخير بس لا تقول لاحد
نواف انعفس وجهه بصدمه: كيف تقول انك فاقد الذاكره
فيصل: شوية وقت واقولهم اني تذكرت بس انت لا تقول
نواف تكلم بصوت عالي:حر...
سحبه فيصل دخله الغرفه وهو يسكته: نواف نواف اسمعني زين والله والله ي نواف لو تقول او تفتن لاخذ اغراضي واطلع من البيت واهاجر برا ولا عاد تشوفني واخليك تحت سيطرة سهام اللي بتعزر فيييك وتاخذ ابوي وترميك بالشارع
نواف بخوف : بس حرام تكذب كذا ابوي خاف عليك وعادل وانا بعد
فيصل: كنت بقولكم بس مابي ابوي يدري والحين مابي عادل يدري عشام مايزعل ويطلع من البيت هو بعد
نواف:ليش سويت كذا
فيصل: ابي اشوف اذا احد يحبني او لا
نواف : بس انت تدري كلنا نحبك
فيصل:ابي اتاكد من بعد ما جات سهام
نواف كان يناظر فيصل بضيق :فيصل ليش أنت صرت بعيد ..

17 - 1 - 2022, 07:23 PM

....... 143 ......

فيصل انلخم من السؤال: كيف يعني بعيد
نواف : معاد تحبني معاد تجلس معي دايم برا ودايم على الجوال ودايم ضايق وزعلان
فيصل اتحسف وضمه:نواف حبيبي انا اسف والله اسف انا من دخلت هالزفت وانا مدري وش صاير لي كارهه البيت واللي بالبيت بس ي نواف انا اكثر واحد احبه واتعب عشانه انت انا والله احبك لكن عطني وقت اطلع زفت الطينه من البيت وبعدين بنرحع زي اول ترا كل اللي يصير بسببها
نواف: طيب ااذا طلعت خذني معك
فيصل ابتسم وهو يأشر على عيونه:من عيوني بس هاه لا تفضح السر
نواف ابتسم:طيب
انتبه فيصل لرساله واخذ الجوال وهو يبتسم لانها من حنين ( اديم ) لكن ما كملت ابتسامته الا اختفت من ردها( من جدك انت !!! بالله عليك من جدك انت مستحيل تكون انسان عاقل كيف تسوي بأهلك كذا واكذب علي كيف قلبك يطاوعك تضيق ابوك واخوانك وهم اللي خايفين عليك هذا وانت تحبهم لو تكرههم وش بتسوي فيهم !! بتسوي زي ماسويت في سهام وبعدين وش ذا اللي سويته بالمسكينه حرام والله حرام ثعبان ثعبان ي فيصل ثعبان كيف تسوي كذا كيف)
فيصل ابعد نواف من حضنه ووقف وهو يقول :نواف جيب لي مويه
نواف: طيب
سجل صوت وهو يقول (اول شي محد بهالدنيا يقدر يشكك في حبي لاخواني وابوي واذا سويت هالشي كنا بطقطق وبمزح ولما نوصل بقولهم اكذب لكن اشياء كثير شفتها خلتني اصمل وتقدرين تقولين هذا اختبار للكل ومع الاسف ناس رسبوا فيه اما سهام هاذي امرها مفروغ منه ومستعد ادخل عليها اسد اذا تطلب الامر المهم تفارق من بيتنا ونهايتها قربت والنقطه الثالثه ليه الدفاع عنها وكأنها تعني لك)
اديم ( تطقطق وتمزح اصلا كل مشاكلك من هالطقطقه ولنفترض انك كشفت حقايق بهالفعل وش تستفيد وش تستفيد وبعدين اذا مره كاره سهام قول لابوك يطلعها بيت لحالها او اطلع انت واخوانك ومسألة الدفاع انا مادافع عنها ادافع عنك انت فيصل والله مابيك تشيل اي ذنب برقبتك لاي احد ولا ابي مظلوم يبات ليله وهو يدعي عليك مابي احد يكرهك ابيهم يعرفونك فيصل الطيب الحنين هالتصرفات تبعدك عن اهلك وانت ما تحس ي فيصل )
فيصل اللي عصب وفرح بنفس الوقت لكلامها ورد عليها ( انا مابيها اصلا تجلس على ذمة ابوي نهائيا وهذا الشي مستحيل يصير الا بعد تعب وعناء وبعدين ي حنين انا مقدر خوفك الكبير علي ويعني لي كثير لكن انت المفروض تكونين واقفه معي لانك اكثر وحده تعرف اللي فيني مابيك تفكيرك يصير مثلهم فيني )
اديم ( انا معك وتفكيري بعد معك وبساعدك باللي اقدر لكن الظلم لا والاشياء الخطيره لا افترض انها ماتت وش بتستفيد انت فيصل ي حبيبي فكر قبل تتهور اقل شي فكر في الناس اللي تحبك ولا تبيك تنضر )
ابتسم فيييصل ابتسامه وسيعه واعجبه ان احد يهتم له ( انا اوعدك اوقف كل هذا لكن بعد ماتطلع من البيت)
اديم رمت الجوال :اوووووووووف اوووف يا العناد والله مو صاحي والله (ادري مافيه فايده تكلمت والا ما تكلمت لكن سلامتك وجرحك عميق والا لا )
فيصل (هههههههه بعد عمري والله جرحي شويه شويه عميق بس ما يوجعني حيل )
اديم( بعد انتم يالعايله مسوين ابطال كل واحد يكفخ بالثاني )
فيصل(ههههههههه المهم ان النيه سليمه )
اديم( هههههههه انا مفجوعه عليك ي ويلي لو انك حرمه وش بيصير فيك انت وانت رجال كل هالكيد فيك اجل لو انك حرمه وش بتسوي )
فيصل(هههههه والله مافيني كيد)
اديم( مين اللي مافيه كيد انت��والله بستسلم اجل)
فيصل (ههههه ياخي انتي وش عليك مادامك مابيجيك شي )
اديم:هههه قال وش علي انا كل هذا مسلط علي (انا راحمه المسكينه اللي بتطيح بيدك)
فيصل حس بصوت احد جاي وسكر الجوال وجلس بهدوء انفتح الباب وكان عادل :فيصل كيفك الحين تمام
فيصل : الحمدلله
عادل: زين يوجعك شي براسك
فيصل:شويه
عادل:بسيطه بسيطه تعال معي للغداء
فيصل بكذب وهو متقطع جوع :مابي شي
عادل: قوم بس غداء انت تحبه يلا حتى ابوي بياكل معنا يلا عاد
فيصل وقف بهدوء ونزل وشاف الاكل اللي هو يموت عليه كان نفسه يركض بس تراكد وكمل طريقه شاف ابوه اللي ابتسم ومع ذلك باين معصب كانوا بس هو وابوه واخوانه وسهام مو موجوده انفتحت نفسه وابتداء ياكل وهو وده يزغرط من الوناسه ظيمنعظيمنع

17 - 1 - 2022, 07:23 PM

..... 144 ......

اما سهام اللي انفجرت تبكي وحلفت الا ما تقعد بالبيت ودقت على سواق ابو مشاري يجي لها وجهزت شنطتها وطلعت وهي تلبس النقاب وشافتهم جالسين يتغدون ولفوا كلهم عليها بصدمه وقف ابو عادل :وين على الله
سهام : مالي جلسه هنا طالما مالي احترام
عادل : سهام وش تقولين تعوذي من ابليس
سهام :عادل مالك شغل
ابو عادل :عاااادل اتركها اتركها تروح
سهام انقهرت من كلامه ولفت بعصبيه وهي توجه كلامها لفيصل :ارتحت الحين ارتحت سويت اللي براسك هيا استانس ببيت ابوك الحين واشبع فيه وان شاء الله ي فيصل ما تتعداك حوبتي
فيصل كان يناظر بصدمة الفرح كان مصدوم انها بتروح واللي خلاه ينصدم ويفرح اكثر انها غلطت عليه والحين بتشب نار حقيقه ولاول مره يتنازل ويسكت وكانت خطوه قويه في اثارة غضب ابو عادل اللي ما رضى ينهان فيصل اللي على حسب علمه انه مريض ولو بخير ما سكت لها :سهاااااااام انقلعي من هنا احسن لك
طلعت سهام وهي تبكي والكل مصدوم ركبت السياره واتجهت لبيت اخوها وهي تبكي ندم انها اصلا وافقت على ابو عادل
اما ابو عادل اللي لف لفيصل اللي واقف ولقمته بااقي في يده : فيصل اجلس اتغداء اجلس
فيصل لف يناظر مكانها بتمثيل: وش صار
عادل: اجلس ماعليك ماصار شي كمل اكلك

جلسوا والكل ساكت ونواف بس يناظر فيصل لدرجة ان فيصل خاف انه يفتن عليه وبالقوه اكل وهو وده يقوم يرقص من الوناسه (واخيرا طلعت من البيت اخيرا ايه الحين الواحد يستكن ببيتهم )
كملوا غداهم وبعد شوي طلع ابو عادل بعصبيه وعادل اللي كان ساكت وبعد ماطلع ابوه زفر براحه ولف لفيصل يناظره: انت فاهم شي من اللي صار متذكر شي
فيصل:كنت بسألك وش اللي صار وليه كلمتني كذا
عادل: فيصل الله يخليك اذا انت متذكر شي قولي وربي نطف قلبي
فيصل كان يدري لو بيقولوه بيلعن خيره :لا ما تذكرت اصلا ما احس اني ناسي شي لازم اتذكره
عادل :مدري لكن والله لو متذكر وشايف هاللحظه مستحيل تنضبط
فيصل:شلون يعني
عادل ضحك: يعني قبل كنت بتموت وتشوف لحظة طلوع سهام من البيت لكن ما فرحت بها
فيصل (الا وربي فرحان واخاف يوقف قلبي من الفرحه بس مو مشكله المهم تتم ) : ليه وش كان بيني وبينها
عادل: حرب البسوس ههههه ماعليك تغداء تغداء لا حقين على الفرح
فيصل استغرب فرحة عادل بس قرر يمشيها ويتغابى لكن جلطه نواف اللي قال: سهام بتطلق يعني
عادل: احتمال كبير
نط نواف يرقص :يا ربي الحمدلله يعني خلاص بتروح
عادل :ههههه وش فيك فرحان اللي يشوفك يقول معزره فيك
نواف :لا بس ما عاد فيصل بيتضايق منها
عادل : ههههههه عاد انت قمة الانتماء لفيصل
فيصل كان بيقوم يخم نواف بس جلس وهو يرقص فرح
عادل: زين تعالوا نجمع هالاكل على جنب ونطلع نريح شوي
نواف : لا لا ما بنريح بنفلها
عادل: شلون يعني
نواف ركض يشوف وين ابوه بس ماشاف سيارته وقفل الباب ورجع يركض لسامعات وشبك الجوال فيها وهو يشغل الاغاني بحماس ورفع الصوت للاخر وعادل وفيصل مصدومين اما نواف اللي كان يبي يفرح فيصل اللي مو قادر يفرح من التمثيل سحب عادل ونواف معاه وصاروا يرقصون معاه وفيصل يحاول يتحكم بنفسه قدر المستطاع وعادل مبسوط من فرحتهم
ظيمنعظيمنع
ظيمنع
في بيت ابو مشاري الكل كانوا جالسين بعد الغداء بالصالون وتفاجأو بدخول سهام اللي معاها شنطتها وتبكي فزوا كلهم :سهام
اديم انجلطت خافت انها كشفت فيصل او صار بينهم شي لان حتى فيصل مارد على رسالتها
ابو مشاري ركض لها: سهام وش فيك ي سهام
مشاري : سهام تكلمي احد صاير له شي
ابو مشاري : تكلمي ي سهااام
جلست سهام وهي تبكي وقالت لهم كل السالفه من البدايه وان فيصل مو مريض وهو اللي دخل عليها الثعبان ويكذب على الكل
ابو مشاري جلس بصدمه: شلون يعني فيصل مو مريض وهو اللي دخل و شفتيه بعينك
سهام :لا لكن مستعده احلف ان هو السبب انت ما تعرفه هذا كذاب كذاب يقتل القتيل ويمشي بجنازته ..
مشاري:لا حول ولا قوة الا بالله سهام انهبلتي من كثر ما تكرهينه صرتي تظلمينه حرام عليك حنا شفنا الرجال والدكتور اقر عليه وانتي ماشفتيه والاقوى تقولين ابوه كان نايم معاه شلون بيسوي كل هذا وهو مو حاس فيه
ابو مشاي بغضب:وغير هذا ابو عادل صادق باللي قاله احترام عياله من احترامه مادامك تعبانه ليه ماقلتي له يقول لاخته تصلح غداء ورفع الصوت عليه هذا ليش دامه محترمك ومقدرك
سهام :انتم ليش كلكم معاه ليش محد احد يصدقني
مروى: لانك تقولين المستحيل

المواضيع المتشابهه لموضوع: عيونك شوكة في القلب توجعني و عبرها للكاتبة ديم الراشد مكتملة لموضوع: عيونك شوكة في القلب توجعني و عبرها للكاتبة ديم الراشد مكتملة
الموضوع	كاتب الموضوع	المنتدى	مشاركات	آخر مشاركة
حروفك سرقتني من بين الحضور اهيم بك دهرا ولا اكتفي للكاتبة ثرثره صامته مكتملة	همسه الشوق	همس للقصص وحكايات وروايات	42	11 - 7 - 2024 07:31 AM
عزاي إنك رجاي العذب لو كل الدروب عثور للكاتبة اديم الراشد	همسه الشوق	همس للقصص وحكايات وروايات	85	19 - 2 - 2022 08:50 PM
وظائف بشركة الراشد عبد الرحمن الراشد إدارية لحملة الدبلوم و فوق بعسير	همسه الشوق	همس للوظائف في جميع القطاعات	2	20 - 10 - 2021 05:06 PM
ياشجون القلب لو تدري بإن قلبي يعشق عيونك	حنين الأشواق	همس الشعر والقوافي	4	30 - 9 - 2021 03:25 AM
روايه خاني وذليته للكاتبة مشاعل الراشد	جروح الم	همس للقصص وحكايات وروايات	65	8 - 6 - 2018 01:24 PM

الذين يشاهدون محتوى الموضوع الآن : 2 ( الأعضاء 0 والزوار 2)

الأعضاء الذين قاموا بتقييم هذا الموضوع : 0
لم يقوم أحد بتقييم هذا الموضوع

عيونك شوكة في القلب توجعني و عبرها للكاتبة ديم الراشد مكتملة

همس للقصص وحكايات وروايات